1950
@telegram.me/amarr_hasnn
((أعايدمن))
اعايدمن وأنـــه كل اهلي غياب
شحلاته العيد لو ملتمه الاحباب
ولو گعدو سويه ... ابوي ويه الزچیه
"""""""""""""""""""""""""""""""""""''''''''''''
شحلاتّ العيد كون احبابك وياك
حتــــــى العيد كون بفرحه يلگاك
يا عيد النــــــــوايب حيدر انطاك
عمره ولا يجي و لا يوگف حـذاك
اعــــايدمن و ابوي اتوسد تراب
شحلات العيد لو ملتمه الاحباب
مشو اهل الحميه ... ابوي ويه الزچیه
"""""""""""""""""""""""""""""""""""''''''''''''
المن جاي و انه بدمعةّ العـين
المن جاي اسود لابس حسين
الديوان انترس مـــن المعزين
لو موجود ابوي العيد عـيدين
ها يا عيد گلبي جـرحه ما طاب
شحلاته العيد لو ملتمه الاحباب
وما ردو اليه ... ابوي ويه الزچيه
"""""""""""""""""""""""""""""""""""''''''''''''
بـيام الطفـــــوله ودمعي تعويد
لا خليت حنــه ولانــــي بجـديد
المن جاي انشدك گول يـــا عـيد
يتانيني السبي و بمجلس ايزيد
يــــــا عيد النوايب باچر مصاب
شحلاته العيد لو ملتمه الاحباب
أگطعو كلش عليه ... ابوي ويه الزچيه
"""""""""""""""""""""""""""""""""""''''''''''''
گبل يا عـــــيد موش اليوم نبراس
گبل ضـــــلع الزچيه و طبرةّ الراس
يتيمه و لاتجي خل عندك احساس
اليتيم ابــــــلا ابــــــو دلاله ينجاس
اذا تحمل عتب هاك اخذ العتاب
شحلاته العيد لو ملتمه الاحباب
كل واحد نويه ... ابوي ويه الزچيه
"""""""""""""""""""""""""""""""""""'''''''''''
يويلي اعــــــله اليــتامه من يحنون
الماعـــــدهم (ابو) لا مــــــا يعيدون
الما يضحك تشوفه ويه اليضحكون
گول العيد جــــــوه الگــــاع مدفون
يهاب اعله النجف سلملي يا هاب
شحلاة العيد لــــو ملتمه الاحباب
مشو و اصفگ بديه ... ابوي ويه الزچيه
عبد زينب
محمد الابراهيمي
حاجيهم - خل ولدك يعـيشون
لا تسكت - يابويه ويـــمــوتون
لا تــمشي وتـيـتـمهم ** ماطايــب جرح أمهـم
-------------------------------------------------------------
1= خلـيلي جفــنك منفتح - لا تـسد عــين وتمشي
هيه الحـــياة بلا علي - ماتــسوه كلشي وكلشي
يــتغــير ويصبح عدم - والدمـــعه تاكل رمشي
من ياخــــذونك بالنعش - هم أنه أروح بنعـــشي
** وعيونك – كلبي ينترس شيب
وبدونك - تصير الدنيا تعذيب
ضل ياحيدره يمهم -- مـــاطايب جرح أمهم
2= ياعلي الخاطر زيـنبك - أرجع مثــــل يوميه
من تكـعد بنص عيلتك - وتســـــــولف أبحنيه
التكـول بالطبره السبب - والـــمشكله مو بيه
أنته بطبرتك تـنقـبل - لا ترحـــل بلا جيه
** من ترحل - ضحكة زينب تــروح
ماتــــنحل - عشرة كلبي والنوح
غيرك ياعلي شعدهم ** ماطايــــب جرح أمهم
************
3= أبحلوك يــبويه أدللت - ما أريد أضوكـن مرك
مايــبقه شي ماينخسر - عـد زينب من تخسرك
أبنضراتك أشعر للحسن - تـكله البقـــيه بعمرك
ماأريد أشـــتم الهوه - وأنته تـــــنام بكبرك
** مو أنته - تعـوف الحـبك يحير
سالفــته - وي أغـصانك الطير
بفكــدك ينسمع ونهم ** مــــــاطايب جرح أمهم
4= ياشــد حــيل الــمبتـلي - يابا الحسن شد حيلك
بالبيــت كلــشي ياعلي - يناديك ضـل أدخيلك
مابــيك تكعــــد لا تهم - بس أكعـد أنتجيلك
وجفوف يم ضهرك نذب - وبكلوبـــــنه أنهفيلك
** ضل ألنه - من تهاجر نضيع
والـــدنه - بينه غـيابك يبيع
عيالك ماكبر سنهم ** مـــاطايب جرح أمهم
***********
5= ماتكدر أتجر النفس - ياعمت عيني شبيدي
وجهك أتغـير ياعلي - وبـردت جـــفوفك بيدي
مابيك طاقه عالحجي - جا صيح بس أوليدي
ياعيد روحي بغــيبتك - باجر شسوي بعــيدي
** تعـطشني - أنه بــــعازتــــك ماي
تـضيعني - وتدري بالسبي جاي
وحبابــــك تـــشيبهم ** ماطايب جرح أمهم
*************
الخادم عبد الجليل المالكي
عَجَزتْ السُيوفَ أن تَنالكَ قائِماً
فَـ تَطاوَلت كي تَنالكَ ساجِداً...
فـــزت ورب الكعـــبه من صاح
راح وضــمير الــوالي مـــرتاح
ماغاب بينه حاضر ** مــوجــود بالضــماير
--------------------------------------------------------------
1= عـلي يالــــشابك أســـوالف عــشكــنه
نــرد جــــدد بـــشــوكه لـو حركــنه
ولـــي الله علـــي مــن نحبه حكنه
يمد أيـــده عـليـــنه لــو غـــــركنه
****
ما نـــنجوي بشـــمسه خــفـــيــفه ** حجاية علي الغالي لطــيفه
مضمون وياه باجــر ** موجــــود بالضماير
2= عــلي والـــضاع يمه يلــكه روحــه
مو ياهـــو الحجه بحجيه ملـــوحه
يحس بل عــاشكه ويـــشد جروحه
بعـــــيد ولكــــن الــــــعاشك يلوحه
***
نعرف طريقه عـدنه عــنوان ** أيخضر بروح الهايم أنسان
ويفــتح البصائر ** موجــــود بالضماير
***
3= أمـــير وجانــــت الــفـــقــره ثـــــروته
ولا مــــره علــي داس أعـــــله بخته
أشــــــرف دوله بالــــــــعالم دولـــــته
الحـــــــــمام مأمن وياكــــــــل خبزته
****
كـــل الشعــب عــــنده تـساوي ** دستوره مـــو وضعي سماوي
أنخاه وأنــته حاير ** موجود بالضـــماير
4= علي يــنزعـــج لــو جاعـــت حمامه
أتعـــيش الـــناس بوجوده بسلامه
يــكــسر جيــــــش لو حل أنتقامه
وضعـــيف يصــــــــير كدام اليتامه
****
يـتـفـكـد الجــوعان نص ليل ** يمشي مشي مايصعد الخـــيل
وحـده بلا عساكر ** موجـــــود بالضماير
***
5= سبح بالدم عـلي وصاحي ضميره
أيــريد يــــموت ويوصي بأسيره
لزم زينب بالحــــــــضاته الأخيره
يدري تروح عالــــــناكه أســــــيره
****
سلمها بــيد أولـيده عــباس ** الله وكبر صـــــيحو ياناس
وتـــذكر الحوافر ** موجود بالضماير
***
الخادم عبد الجليل المالكي
/channel/amarr_hasnn
عَظم الله الأجر لصاحب الروحِ والزمان مولاي محمد ساعد الله قلبك بهذا المصاب 💔"
عظم الله أجورنا وأجوركم بأستشهاد أميرنا وأبينا علي
"واللهِ تيتمنا معَ زينب💔"
الردود الحسيني أمير الفتلاوي
/channel/amarr_hasnn
قال الإمام علي بن أبي طالب(ع):
لَا يَكُونُ الصَّدِيقُ صَدِيقاً حَتَّى يَحْفَظَ أَخَاهُ فِي غَيْبَتِهِ وَنَكْبَتِهِ وَوَفَاتِهِ
المصدر : غرر الحكم ودرر الكلم
((شوط كربلائي )) لامير المؤمنين ع
حوار بين السيده زينب ع والعباس ع
______
زينب تنشد العباس....
...........ابونه خويه شخباره
طمني يماي العين..
..........روحي الليله محتاره
*******
يزينب حضري ادموعج.....هاي الليله بالحسره
گلبج ينفطر مرتين....... خويه ابلوعة الطبره
حيدر يختم اصيامه.....يحن بشواگه للزهره
يزينب بالخبر تدرين
حضرتي دموع العين
يسيل بدمه ابوالحسنين
اشوف الدنيا بس اكدار ..
.................علينه تخفي بسراره
*******
تگله خويه حاچيني......ابونه مارجع للدار
اشوفه اتاخر علينه....مذهول العگل بخطار
اشوف الحيره بعيونك.....عليه بالحزن تندار
يخويه ماهدئ وني
يتجدد علي حزني
گلي اشعوگك عني
...صعوبه فرگة الوالد ...
............. وعيش الحيره بكتاره
*********
يگلهه خويه بالمحراب....ابو الحمله وكع مغدور
من راسه يفيض ايتام ..وشوف ابهامته مطبور
بالركعه هوه الكرار ......الربه ساجد ومشكور
يزينب طاح ابو الايتام
بالسيف انطبر عالهام
والعّشره اصبحت احلام
يخيتي ينكسر ظهري
..............بالفرگه اشبعد چاره
*******
بعد ما ظل صبر بيه......يبوفاضل نفذ صبري
اريد الشوفة الوالي.....يخويه مختنك صدري
اعرفه يناشد اعليه.....ابداله انطي كل عمري
يخويه الشوفته اتمنه
ابويه وحيل اشبگنه
عله اديه خل اوسدنه
..اشبع منه شوف اهواي
............ وسأله واعرف افكاره
*******
طبيبه بالخبر معلوم.....ابونه منطبر رأسه
اظنه الليله راح يروح....يزينب يخمد انفاسه
يوصيني ابدموع العين.....زينب ناده بحساسه
ايخلي اديه بيديها
زينب خايف عليها
الدهر ياوسفه ياذيها
اشباح القدر والموت
........شوف الدنيا غداره
*******
يبوفاضل امانه عليك......ابوسنه وأشم عطره
ريض بالجنازه ارجوك.....اشبگه ابلهفه وبحسره
ماتت هسه كلشي وياه..المحنه وضاعت
العشره
راح الي بچاله الليل
يبويه ما بگالي الحيل
زماني بيه صار يعيل
ياوسفه الدهر خوان
..... راح اليحمي كل جاره
*******
تمت بعون الله تعالى
#خادمكم...يوسف الفتلاوي
لا تنسونا من صالح الدعاء
والأهم لا تنسون الدعاء للفرج
الهي بصاحب الزمان 🙏
مقدمة عزاء
.
.
.
دعــوات اليــتامه .. تــرجـع بالـسـلامه
اللهـــم اميــن
ياروح الامامه
_
ياعـلـي يالـبــيك عـطر الدنـيه كـلـها
الثـانـيه ابفـرگاك يالـغـالي اشــثگلها
ياهـو عگبك يمــسح الدمعه النهـلها
ها يحـلال الــشـدد هــاي اشــيحلها
واحدنه كلامه .. ترجـع بالـسلامه
اللهـــم اميــن
ياروح الامامه
_
ندعي الــك وگــلوبنه مشــتعله بالنار
ازغــار اديـنـه ياعلي وجروحك اكبار
بالله ياهــو ايجــيرنه ياحامــي الجار
گــوم امــسـح روســنه ويـنك يكــرار
حسينه ابندامه .. ترجـع بالـسلامه
اللهـــم اميــن
ياروح الامامه
_
اعليك نسأل كلشي بس مانسمع اجواب
مـــو سهــل يا بالحـسن تدريــبه الـغياب
اَزغــر الايـتام راسـه امــن الـهظــم شاب
بالـتراب انـشم لان غــايــب يبــو اتـراب
امعيشنه ابكرامه .. ترجـع بالـسلامه
اللهـــم اميــن
ياروح الامامه
_
انــدور امـن الـبارحـه شـو مالگـيناك
مـا امـتانــيـن الخبــز احـنـه تنــيـناك
اشعـجب ماگلـتنه حتـى انروح وياك
مانـريــد الــعيـشــه ياحــيدر بلــــياك
احتاجينه ابتسامه .. ترجـع بالـسلامه
اللهـــم اميــن
ياروح الامامه
_
الــوادم اعلـيكم يطبــون ويـطــلعون
اشصار يابو حسين وشبيهم ينوحون
نــسأل اعــليك وحــسافه مايگــولون
وعلــى عتـبـة بابكـم فــرغنــه العيون
أذتــنـه المــلامه .. ترجـع بالـسلامه
اللهـــم اميــن
ياروح الامامه
_
صارلك يومين شـو مامـاسـح الـروس
گـوم مـو عالـگـاع فـوگ اگلوبنه دوس
فدوه رحنه الگـلبك البالرحمه متروس
صدگ سـيف ابهامتك ياعلي مغروس
الشهر الله وصيامه .. ترجـع بالـسلامه
اللهـــم اميــن
ياروح الامامه
_
حيدر تركي الكربلائي
#لمولانا أمير المؤمنين عليه السلام
#ثگيل
سـال دَم الهامه بيـن اجفوفه
ياصباح الضيم بأرض الكوفه
_____
بدت بالطير الصوايح والنحيب
ومـاتبشر حالته إينادي الطبيب
وگفـت ايـتامـه اتـبرع بالحليب
گالـوا انـرد لـو ربـع مـعـروفه
ياصباح الضيم بأرض الكوفه
_____
صعبه حيدر للحياة انطه گفاه
حتى بـاب الـدار جَـلب بالعـباه
هـذا يـامـوت التـدناله وخـذاه
وهوا ملج الموت كعبه يطوفه
ياصباح الضيم بأرض الكوفه
_____
حسين ناده اخوانه وادنوا عليه
شافو الطبرة وصفگ عباس اديه
حيل حَد السيف ماخذ حيفا بيه
وهامة الغيره أبـ دمع ملفوفه
ياصباح الضيم بأرض الكوفه
_____
ابـومحمد بـيـده اليوذر بالرگاب
ثـار حيدر مـايضل فـوگ التراب
راس جـتاله انشطر مثل الكتاب
الثار بلـ ألثار وجروح أسيوفه
ياصباح الضيم بأرض الكوفه
_____
ياصباح الفزت أبـ جرحه الديار
ألصوفر الگاع وعربهه والخظار
ونايحه الشياب فزعت والزغار
بحين سمعت بالخبر وأحتوفه
ياصباح الضيم بأرض الكوفه
_____
اليوم علـ ألامة وقع اكبر بلاء
العروة مفصومة وحزينه الانبياء
اليوم صاحب طه مَطبور وبُكاء
ابـ دمَه دمعات الخَلق مديوفه
ياصباح الضيم بأرض الكوفه
_____
سيد عباس الفاضلي
السلام عليك يا امير المؤمنين
بويه بويه ما ريد اودعك يا علي بويه
٠٠٠٠٠٠٠
لتوصّي بويه ارجوك عوف الوصيه
معناها راح تروح من بين اديه
ريت بسلامه تكوم هاي المسيه
طمّني فك عيناك باوع عليه
بويه بويه ما ريد اودعك يا علي بويه
٠٠٠٠٠٠٠٠٠٠٠
مفجوعه وبچي عليك ما ينفع ابچاي
ما ريد اودعك ليش تتوادع وياي
من شفتك تأذّيت متغيّر هواي
يابويه راح تموت من طبرتك هاي
بويه بويه ما ريد اودعك يا علي بويه
٠٠٠٠٠٠٠٠٠٠٠
جرحك جرح چتال ما بي سلامه
وجهك شفت للموت بانت علامه
يابويه تبچي وياي هاي اليتامه
شحال اليصد بالعين طبرت امامه
بويه بويه ما ريد اودعك يا علي بويه
٠٠٠٠٠٠٠٠٠٠٠
مجبل علينه العيد ياحيدر شلون
شنجاوب الخطار عنك يسئلون
والفقره والأيتام بابك يگعدون
معوّدهم انت عليك يمك يفطرون
بويه بويه ما ريد اودعك يا علي بويه
٠٠٠٠٠٠٠٠٠٠٠
بعدك يتامه انصير والدمعه بالعين
هذا الحسن مفجوع يتّچّه بحسين
زينب أنه وعباس ننطي الوجه وين
خلّانه نبچي دموم ما يرحم البين
بويه بويه ما ريد اودعك يا علي بويه
لحن تراثي / دهري. ذبني
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الليلة كل احنه يتامه صفينه
نصيح واويلاه يا والينه
*
وداع اخير وياك هاي الليلة
ياعلي وكَلب السمه نهد حيله
الليلة لمصابك دمعنه نسيله
مو دمع نبجي دمه خلينه
*
تصيح ياحيدر الليلة احبابك
كلنه ايتام ووكَفنه ابابك
حته شهر الله انفجع بغيابك
الليلة كل عاشك دمعته بعينه
***
مثلما جبريل طر صوته السمه
انطر كَلب كل شيعي ياحامي الحمه
ينحب المحراب ودموعه دمه
فاكدك ويصيح حيدر وينه
***
علي يالفكدك عله احبابك صعب
السيف انته بسيف عجبه تنضرب
الما كدر يوصل الراسك بالحرب
صوبك وكت الصلا بيمينه
****
يالحملت الدين واسرار الكتاب
ياوسف حملوك هالليلة الاحباب
انته ابو تراب وعفه يضمك تراب
ريته ينظر حالتك هادينه
****
ريته ينظر حالتك طه الرسول
شيحجي يالكرار هالليلة شيكول
ثبتت بيديك للدين الاصول
بالنعش وسفه علي مخلينه
**
حسن بشير السوداني
واااعلياأاا واااأماماه تهدمت والله اركااان الهدى صباح الحزن 😔😔💔 عظم الله اجورنا و أجوركم واحسن الله لكم العزاء بهذاا المصاب الجلل مصاب امير المؤمنين ع 💔💔💔💔😔😔😔
Читать полностью…
فاصطفقت أبواب الجامع، وضجت الملائكة في السماء بالدعاء، وهبت ريح عاصف سوداء مظلمة، ونادى جبرئيل عليه السلام بين السماء والأرض بصوت يسمعه كل مستيقظ: " تهدمت والله أركان الهدى، وانطمست والله نجوم السماء و أعلام التقى، وانفصمت والله العروة الوثقى، قتل ابن عم محمد المصطفى، قتل الوصي المجتبى، قتل علي المرتضى، قتل والله سيد الأوصياء، قتله أشقى الأشقياء "
رحم الله من نادى واماما واعليا
دنيه بلا ابو ما تسوه وظلام
ومن ترحل علي عالدنيه السلام
زينب شفتها من تون زينب شفتها
عدمن عفتها ياعلي عدمن عفتها
*
طالت بفگدك صفنتي وشوفتك بويه راحتي خيمتي وطاحت خيمتي شوف
ماينحمل فگدةالابو من يرحل ايعوضه منو افگد حنانه والدفو شوف
يابويه احس ظهري انحنه وياهو اليعايدني السنه ظليت بويه مدوهنه شوف
يوميه انجرح وتعبني الزمان
بفراگك علي فارگت الحنان
من فارگتها اتعذبت من فارگتها
عدمن عفتها ياعلي عدمن عفتها
***
مافارگتني صورتك وليليه اروح الحجرتك جم مره مت ابفرگتك وين
ابجي عله عشرتنه الصدك وماجنت اضنن نفترك عايفني كل ساع احترك وين
ارجعلي مو حالي صعب بفرگاك حسيت بغرب غيابك علي شلعت گلب وين
وحشه دنيتي وصارت كلها ليل
تعبني الهجر وماظل بيه حيل
روحي خذتها من رحت روحي خذتها
عدمن عفتها ياعلي عدمن عفتها
*
تودعني وبعينك حزن وكلما صحت بويه تحن تباوع عله امتوني وتون
ليش
وجفوفي تلزمها شكثر وتصيح ابعد ياشمر زينب تظل ام الخدر
ليش
وصوطك ابعده والحبل ابنيتي مو مالت هزل ومحد تره شاف الها ضل ليش
مو مالت سبي زينب بت دلال
بالك ياشمر تجتفها بحبال
لو جتفتها تنجرح لو جتفتها
عدمن عفتها ياعلي عدمن عفتها
****
كربله هيه اكبر جرح حرك وسبي تله وذبح سلب وهزل سهم ورمح ضيم
خيمتج زينب تحترك ومتونج ايصيرن زرك وحسين صدره ينسحك ضيم
وهناك يم المشرعه عباس اخيج مصرعه وجفينه يمه مگطعه ضيم
مرمي عله النهر ويمه الرايه هاي
وصابو جربته ومنها اتبده ماي
عينه اعرفتها من السهم عينه اعرفتها
عدمن عفتها ياعلي عدمن عفتها
*
بحلامي اشوفن كربله خيل وزلم كرب وبله حاجيني ياهو حرمله ذاك
ذاك الطفل جنه عرف مو للسهم نحره ترف عبدالله طير ويختلف ذاك
ياهيه ذيج التبجي هم توجعها اذنها وكلها دم تركض رقيه من الألم ذاك
مجروحه الاذن وتگوم وتطيح
وتسحك عالجمر بويه الحك تصيح
شگد عذبتها كربله شگد عذبتها
عدمن عفتها ياعلي عدمن عفتها
**
ذاك الحسين اعله الثره بسيفه الشمر حز منحره اثنعش طبره يطبره راح
من الشمس جسمه يحترگ ومن الحوافر والسحگ صدره عله ظهره ينطبگ
راح
عطشان اخيج ينذبح والف وتسعمية جرح وينرفع راسه عله الرمح راح
سلمي بكل وكت عالخد التريب
وشعندج دمع ابجيه عالغريب
شگد حيرتها مصيبته شگد حيرتها
عدمن عفتها ياعلي عدمن عفتها
****
تمت
ميثم العمري
وداعاً.... ياعلي حامي الحمه
شلون أودعنك يحيدر أرحم انته بحالي
انــه بعدك هايحيدر دمعــتي الـتـبرالي
وأنه زينـب يابـو زينـب. خيــبـيت آمالي
راح أعيــش بـدونك أنه وما تفـارك بالي
يبويه الدنيا بعدك مضلمه
وداعاً. ياعلي حامي الحمه
الكون متغـير يـبويه واختـلف كـل الـونه
جـم يتـيم اباب بيـتي ماطــبكها عيــونه
كلها تصـرخ كلـها تبـجي لمـن يشــيعــونه
وكـلب زينب ها يحـيدر كلهـم يواســـونه
يحيدر بعدك الشوف أنعمه
وداعاً. ياعلي حامي الحمه
عمري مارايده بغيـابك علي كرت عـيني
شـلي بيـها الدنيا بعدك مااريد أسنــيـني
بويه والقــرآن بعدك ماأعــوفـه أونيــنـي
اكضي عمري ع المنـاحه غيـبتك تاذينـي
يكرار. الغيبه صعبه ومولمه
وداعاً. ياعلـي حامي الحـمه
بالغدر بــويه تراهـم وصلو إلها حدوردك
مااجـو وجـها لوجـهـن عالي أنتـه بزودك
مادنـو حدك يحيدر من تـــدكها احـدودك
من حقدهم من كفرهم تشكي يم معبودك
والحقاد.. بالـــغدر ومـــحزمــه
وداعــاً ياعلي حامي الـحمه
ربي ألــعـن أبــن مـلـجم بل يــتم خـلانه
ويلي حيدر هــل مسيــه خالي هذا مجانه
والله فكـدك ها يبـويه بكــل وكـت بجــانه
ويا حــلات العــيد جـــنه علي جـان ويانه
بلاياك. العيد لا من سالمه
وداعــاً ياعلي حامي الحمه
العــيد يابــويه بغيـــابك ماأريــد اعــياده
العــيد مـتريده اليتـامه وكلبي هم ماراده
بحيره بعدك والله ضلت بويه عمت الساده
هذا أبوي الماكو مــنه حلوه حـلوه أمجاده
والعيون. دم ودمع شو هامله
وداعاً. ياعـلي حامـي الحمه
كلمات الخادم
مرتضى مكطوف
صاحب مطعم في الكوت يروي قصة لعامل دلفري يعمل في مطعمه /
اني صاحب مطعم بالكوت عندي عامل كل يوم ياخذ طلبية لنفس العنوان وقت الفطور صارلة تقريبا 19 يوم. ويطلع عندي نقص بالحساب يوميا 10الف ويكلي حسابهم بعدين مو هسه *
امس وديت العامل الثاني وياه يتبعه اريد اعرف شنو موضوع هذا العامل ، ما اطول عليكم طلع يودي فطور يومياً لعائلة فقيره ابوهم ميت قبل فتره *
من رجع العامل هم رجع نقص 10 الف
كتله اريد افتهم ذني الفلوس الناقصات شوكت يسددوهن كلي راس الشهر ان شاء الله ومن ضغطت عليه بالكلام طلع يريد يسددهن من راتبه الشهري وحجالي قصة العائله حقيقة ما عرفت شنو اجاوبه لكن موقفه صدك يرفع الراس فحبيت انقل الكم هاي القصة يعني يوميته 20 الف ويضحي بنصها شكد شريف لعد المهم اني كافئته على غيرته واتكفلت بسحورهم وفطورهم ومصرفهم للعائلة .
الحمد لله الدنيا بعدها بخير
علي هـوه الحياة وفكــده غـربه
وصلاتي الواجــــبه والمستحبه
بـولايـــته مقـبوله ** ما أنساه معــقوله
--------------------------------------------------------------
1= عله كل حال راح أبــدي وأكـلكم
بلا حيدر يضل حــنضل عسلكم
علي هوه الولي اليقــبل عـملكم
رسول الله علي بعـــــدي يكلكم
**** سد كــل الأبواب وفــــتح بابه
هذه الحجي مو من جيـبه جابه
جلمة علي معسوله ** ما أنساه معــــــقوله
2= قــبول العمل من غــير الــولايه
مثل شط ونـــشف ياناس مايه
جانت بالغــــدير أصل الحكايه
بلغ يانـــــــــــبي نزلت الأيه
**** بلغ يانبي هاي الرسالات
الباري بهاي مـاخله مجالات
عن الباري منقوله ** ما أنساه معــــــقوله
***********
3= عرفت الله بديع بخلق أبو حسين
الراس يضيع لو ماتـنوجد عين
أنه كل عــتـقادي حــيدره الدين
وبهاي اليشك مـــن الشياطين
**** بشوكه أتوسل الربي بدعائي
بيض وجـهي ياعالم ولا ئي
روحي بحبه مشغوله ** مـــــا أنساه معقوله
4= ولي وأتــشـــهد بـــذكره بصلاتي
يـقــيني بهاي بالــمحشر نجاتي
مـنكـر لمن يسألـــــــني بوفاتي
أجاوب حــــــــيدره ديني وحياتي
**** أجاوب ياملك حـــــيدر أمامي
ولا مفزوع أكعــد من منامي
يعني الشده محلوله ** ما أنساه معــــــقوله
*************
5= علي بماي الذهــب خطيت أسمه
وبيده مقــتـــنع كل أمري أسلمه
علي يـــرتاح كلـــبي من أكلمه
ويـحضر بالــشدايد مــــن أحشمه
**** ما فــشلــني مره من نخيته
أشكر ربي غـير أنه هويته
عن معتقد مو سوله ** ما أنساه معــــقوله
**********
الخادم عبد الجليل المالكي
فـــزت ورب الكعـــبه من صاح
راح وضــمير الــوالي مـــرتاح
ماغاب بينه حاضر ** مــوجــود بالضــماير
--------------------------------------------------------------
1= عـلي يالــــشابك أســـوالف عــشكــنه
نــرد جــــدد بـــشــوكه لـو حركــنه
ولـــي الله علـــي مــن نحبه حكنه
يمد أيـــده عـليـــنه لــو غـــــركنه
****
ما نـــنجوي بشـــمسه خــفـــيــفه ** حجاية علي الغالي لطــيفه
مضمون وياه باجــر ** موجــــود بالضماير
2= عــلي والـــضاع يمه يلــكه روحــه
مو ياهـــو الحجه بحجيه ملـــوحه
يحس بل عــاشكه ويـــشد جروحه
بعـــــيد ولكــــن الــــــعاشك يلوحه
***
نعرف طريقه عـدنه عــنوان ** أيخضر بروح الهايم أنسان
ويفــتح البصائر ** موجــــود بالضماير
***
3= أمـــير وجانــــت الــفـــقــره ثـــــروته
ولا مــــره علــي داس أعـــــله بخته
أشــــــرف دوله بالــــــــعالم دولـــــته
الحـــــــــمام مأمن وياكــــــــل خبزته
****
كـــل الشعــب عــــنده تـساوي ** دستوره مـــو وضعي سماوي
أنخاه وأنــته حاير ** موجود بالضـــماير
4= علي يــنزعـــج لــو جاعـــت حمامه
أتعـــيش الـــناس بوجوده بسلامه
يــكــسر جيــــــش لو حل أنتقامه
وضعـــيف يصــــــــير كدام اليتامه
****
يـتـفـكـد الجــوعان نص ليل ** يمشي مشي مايصعد الخـــيل
وحـده بلا عساكر ** موجـــــود بالضماير
***
5= سبح بالدم عـلي وصاحي ضميره
أيــريد يــــموت ويوصي بأسيره
لزم زينب بالحــــــــضاته الأخيره
يدري تروح عالــــــناكه أســــــيره
****
سلمها بــيد أولـيده عــباس ** الله وكبر صـــــيحو ياناس
وتـــذكر الحوافر ** موجود بالضماير
***
الخادم عبد الجليل المالكي
/channel/amarr_hasnn
بالتعاون مع قناة العبرات الحسينية tel:
✨خدمة محبي باسم الكربلائي تقدم:
📜قصيدة: أحقاً ما ترى
✒️الشاعر : علي السقاي
📌 : استشهاد أمير المؤمنين الإمام علي (ع)
📆: ليلة 19 رمضان 1444
🕌: حسينية و موكب أم الحسن (ع) - البصرة الفاو
أَحَـقَّـاً ما ترىٰ عيني صَحيحا
إمامَ الكونِ مَحمولاً جَريحا
فَـلَيتَ اليومَ شُـبِّـهَ لي عَليٌّ
وَيَرفَعُهُ الذي رَفَعَ المَسيحا
▪️▪️▪️▪️▪️
يعين الله گلُب زينب علىٰ الياويل
فجر تاسع عشر رمضان هَد الحيل
كأَنّي بيها مِن سِمعَت نعي جبريل
دمعها ابلا إراده اعله الخدود ايسيل
عِصَف ريح اَسوَد اعله الكوفه شِبه الليل
اْو تِتصافَگ شَبابيك النوافذ حيل
إذا ما كانَ والِدُها المُدَمَّىٰ
فما بالُ السما حتى تَصيحا
فَهَلْ مِن مُردياتِ السيفِ ينجو
وَيَرفَعُهُ الذي رَفَعَ المَسيحا
▪️▪️▪️▪️▪️
العقيله اشلون صَلَّت والوحي ينعي
أظَن كل سجده سِجدتها اِلـ علي تدعي
مِن امصلّاها فَزّت للخبر تسعي
صاحت أعرف الصوت الدِوىٰ ابسمعي
اعله ابويه اِمْن الرُعُب حيل اضطِرَب وضعي
إيد اعله الگلُب وابإيد اَمِش دمعي
سَيُغرِقُ فُلْكَ نوحٍ بَحرُ دمعي
وَمِن وَجَلي يُرىٰ أمَلي شَحيحا
أُتَمتِمُ قد يكونُ أبي بخيرٍ
وَيَرفَعُهُ الذي رَفَعَ المَسيحا
▪️▪️▪️▪️▪️
أظنها اِمْن البواچي گِطعَت الأذكار
ذِكِرها يا علي اْو وگفت اِبباب الدار
واهي اعله اَعصابها اْو بس تشبح الأنظار
شخُص محمول شافت يشبه الكرار
يا ستار صاحت آه يا ستار
عسىٰ مو والدي اْو خل تطفه بيّه النار
كإبراهيمَ يا نيرانُ كُوني
سلاماً عَلَّني أنْ أستريحا
فَعَلَّ عَلِيَّ في المحرابِ باقٍ
وَيَرفَعُهُ الذي رَفَعَ المَسيحا
▪️▪️▪️▪️▪️
تِراقِب مِن بعيد اْو صَحَّت النَظره
اْو صاحت والجِفِن ما فارَگ العبره
القَدَر لو يقبل اَستَبدِل أبو العتره
علىٰ استعداد اَقَدِّم راسي للطبره
إبن ملجم أگلّه اْو واثقه النَبره
ابسيفك شِگ جَبيني والعظُم كِسره
فَلَوْ يَغدو كإسماعيلَ فينا
أنا الكبشُ الذي يَفدي الذبيحا
وهيهاتَ القتيلُ اليومَ يُفدىٰ
وَيَرفَعُهُ الذي رَفَعَ المَسيحا
▪️▪️▪️▪️▪️
زينب لطمت اعله الراس بالإيدين
اْو صاحت يا علي ماريد اَصدْگ العين
سِمَع هالصيحه مِن اِبعيد ابو السبطين
اْو هِمَس بِمْنازَف الدم يا حسن يحسين
خل اَمشي اعله جدمي لا تِحِس بالبين
مِشه اْو مِن مَشيِته زينب حِچت بِونين
كيَحيىٰ لَيسَ يحيا بعدَ قَتلٍ
بِذا أَوحىٰ غَزيرُ دَمٍ أُبيحا
فلا يُشفىٰ ولا يَبقىٰ طويلاً
وَيَرفَعُهُ الذي رَفَعَ المَسيحا
▪️▪️▪️▪️▪️
ما بين العقيله اْو بين ابوها الطاح
الدمع والدم اِمنافَس ياهو أكثر ساح
تِفَحَّص طبرته اْو مِن أيّس الجرّاح
الحزِن بَچّه الجماد اْو كِل ذَوِي الأرواح
إمام الكون موته اگبال زينب لاح
اْو صُفگت راح فوگ الراح ابويه راح
وقالَ الموتُ خِيبي اليومَ ظَناً
شَقَقتُ لِفارِس الهيجا ضريحا
فَلَيسَ لِحيدرٍ كيَسوعَ عُمرٌ
وَيَرفَعُهُ الذي رَفَعَ المَسيحا
▪️▪️▪️▪️▪️
علي اعله افراش موته اْو ينتظر وعده
اْو زينب تدعي ألله ايطوِّل المُدَّه
الجرِح لو ينفع اِمْن ارموشها اتشدَّه
اْو تِگص اجفونها اضماده اْو تِجي اتضمده
ابحزِن تشكي يَرَب واتسبّح ابحمده
مُحمّد ثاني هاليومين أَفتقده
فَسُبحانَ الذي أسرىٰ بطـٰه
وقد عَرَجَ البُراقُ بهِ الفسيحا
وقلبي كم رَجا لأبي عُروجاً
وَيَرفَعُهُ الذي رَفَعَ المَسيحا
▪️▪️▪️▪️▪️
علي رَد السلام اعله رُسُل ربّه
وابوجهَه الكريم اِستَقبَل الكعبه
شِهَد بالله اْو رسول الله اْو گضىٰ نحبه
گلْب الكون يا وسفه سِكت گلبه
اعيونه امغمضات اْو زينب اتحبّه
اْو تِشمّه اْو تِحضنه اْو تِجزَعله واتندبه
لقد ماتَ الذي قد حَقَ فيهِ
جميلُ الصبرِ أن يغدو قبيحا
فليتَ السيفَ أخطأَهُ اشتباهاً
وَيَرفَعُهُ الذي رَفَعَ المَسيحا
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻F
قال الإمام علي بن أبي طالب(ع):
عَجِبْتُ لِمَنْ يَتَكَلَّمُ بِما لا يَنْفَعُهُ في دُنْياهُ وَ لا يُكْتَبُ لَهُ أَجْرُهُ في أُخْراهُ.
المصدر : عيون الحكم والمواعظ
شهادة امير المؤمنين
.
.
.
الغامرني بحنانه .. دلوني بمكانه
علي وين .. علي وين
_
الولا مــره تأخـر .. إله يوميـن ومامر
اتـأخــر والـســوالــف تاكــل بــروحي
ابو روح الحنيــنه .. اذكره من يجينه
يشــمني ومن يشمني تخمد اجروحي
امامي / نســاني اليتـم ذله
امامي / مدلل عايـش بضله
امامي / تردلي روحي لوگله
علي
محتاج الامانه .. دلوني بمكانه
علي وين .. علي وين
_
جبيني من يلــوحـه .. احس بيده ملوحه
بزمـــن كلشــي اشــوفــه ماصــخ اگــبالي
لمن شح كلشي طيب .. بقالي هالحبـَيب
بــس بحظــنه احــسن راســي شــو عالي
احسه / رحمه شگد علي شايل
احسه / كلــش الخاطــري باذل
احسه / ايحبني بگد ابو فاضل
علي
البس هوه بزمانه .. دلوني بمكانه
علي وين علي وين
__
گبل ما افتح ايدي ..بشليلي ايخلي عيدي
اليتـــم مــــر وعلـــي حـــلاهـــن ايــــامه
اليتيم المايذكروه .. بزمن حيدر يحسدوه
اشـگد چـــان ابــو الحمـلـه مــدلل ايـتامه
حياتي / ابلياه تخلص اتمنه
حياتي / چانت وي علي جنه
حياتي / المــن عــگبه اتعــنه
علي
الچان الحب كيانه .. دلوني بمكانه
علي وين .. علي وين
--------------
علـــي هــــوه العشــــيره .. الشكو وادم فقيـره
شــــيــــخ الفــقـــره اسمعـــهـــــم يســـــمـــونه
الدليل الشوفته طگ .. الرمش من البچي انشگ
المــــثلي بــــس عـــلي الــي يمـــسح اعــــيونه
احبه / المخلوق امن الحنيه
احبه / مــعروفه امـــغزر بيه
احبه / اشهگ لو مـــر طاريه
علي
البس الله بلسانه .. دلوني بمكانه
علي وين علي وين
___
صرت من گد مصابي..اشم كل لحظه بابي
عطــــر چــــفــه لهـــــسه ابابـــنه طــــابع
احس چــفي توفـــه .. ينــاس ابلايه چفه
ومــثل چـــفي احسه استشـــهد الجـــامع
اتاني / والحســـبات اتدولـــبني
اتاني / وادري اغيـــابه ايعذبني
اتاني / لأعظم شخصيه اتحبني
علي
والحامي حمانه .. دلوني بمكانه
علي وين علي وين
---------
يل الوجوه الحزينه.. علي گلولي وينه
يتيـــم وحــــقي انـــشد عــــلّي رباني
ابو چفوف السخيه .. اشو مــامر عليه
مابــــيه يــــناس احمــــل يتــــم ثاني
سؤالي/ يا هل وادم حاچوني
سؤالي / عالبيه رحــمه دلوني
سؤالي / ابلياه ميـت تدروني
علي
مشتاگ الاذانه .. دلوني بمكانه
علي وين علي وين
---------
حيدر تركي الكربلائي
يالماخذ دلالي
ارجعلي يغالي
والذيج الليالي
ياحيدر تعال
...
راحت الزهره وصرتك ثاني زهره
ماأصدك بالحنين اتموته طبره
البشر بالقران يقره وياخذ اجره
وانه بعيونك سوالف حلوه أقره
ياسيد زماني
زينب بويه آني
بعدك يا حناني
ماافرح محال
....
طالع اتصلي المساجد للعباده
غير الايصلي يرد لهله بسعاده
وانته ثاري امهيأ امرك للشهاده
تشبه الطير الامهاجر من بلاده
من كمل سحورك
جهزت كل امورك
وبالجنه فطورك
وي اهل الكمال
....
ياهو الايصدك تضل زينب يتيمه
ويندفن بتراب ابوجفوف الكريمه
تعرف القاتل لجن نفسك عظيمه
ماوشيت بقاتلك كبل الجريمه
وتوصي باسيرك
الكبرته اعله خيرك
شالوك بسريرك
ودفنوك برمال
...
يبوتراب وياتراب اللي يضمك
الناس كلهم ليل وانته الضاوي نجمك
الحزن خانكني بويه وارد اشمك
آنه بنتك اي نعم بس چني امك
أمن اعيونك افهمك
تسكت وآنه اكلمك
وبحظني انومك
يالنومك حلال
....
روحك من اوجاعهه الليله استراحت
وانه مملكتي الجبيره اعليه طاحت
العيداجاني والمكابر بيه صاحت
فرحة العيد اوي ابوج الغالي راحت
شو ماعايدتني
بويه وقبلتني
اسود لبستني
من هل الهلال
....
هوه جرحك هذا بوابة ضياعي
راح اسافر وأخذ اعيونك متاعي
راح اصيرن للذبايح آنه ناعي
من يصير الذبح يوم الطف جماعي
احسين ابصدره حافر
والكافل يسافر
وانه ابلايه ناصر
وبجفوفي الحبال
...
محمد الجماسي
اللهم عجل لوليك الفرج
( استشهاد امير المؤمنين عليه السلام)
(الحسن والامام علي)
يكاس الصبر اكثــــــــــر بعد شملاك
يحيدر حيف بويه المـــــوت شملاك
تشتت يا علينة اليـــــــــــوم شملاك
وبعد ياهو اليلم شملي الية
يتــــــماك التظل ياهـــــــــو حملها
ثجيل ويتـــــــــعب الشايل حملها
انـــــــــــت الچنت ياحـيدر حملها
تخلي اشلون مهظومة الرعية
يجدي مــــــــن صحبتك هاملينه
شكثر منهم مــــــصايب ها ملينه
الليلة ابحقد طبـــــــــروا هاملينه
هامت حيدره خير البرية
(لسان حال زينب ع )
العمر ويـــــــــاك يابوحـسين ماتام
وشهر الصـــــــوم تعرف بــعد ماتام
عليك انصــــ، ب ابكل شريان ماتام
واظل ارثيك كل صبح ومسية.
بناتك صــــــــارت ابسدك ولاذان
وظل اينــــــــوح محرابك ولاذان
جروح اهـواي الي ابگلبي ولاذان
جرح الضاهدك اكلف علية
مصابك ياعـــــــلي الروحي مردهة
يوم الصـــــــــــــابك الظالم مردهة
انتة الگاعك الـــــــــــــوادم مردهة
وهوة المن مردة ابن الدعية
(الايتام والامام علي ع)
اليتامه اباب حــــيدر اجت لبناه
تگله اسمعنه ابــــونه ايريد لبناه
دخلونه نـــــــــشوفه اعليه لبناه
وخل انموت بعدة ابهل مسية
زمان الشــــــــــوم عنه ابساع بعداك
يبو الحمــــــلات يلي اگصيت بعداك
نبقه اشلون يابـــــــــو حسين بعداك
واحنة ايتام هل شفنة الرزية.
انــــــــــت الفرح ليـــــتامك وملها
وتراه الـــــــــوكت عـــاداهة وملها
والي مـــــــــــابقه عـــــدهة وملها
بس حيدر علي وحدر الوطية
(الموالي والامام علي ع)
جروح الگلــــــــب گلي اشلون تنشال
وهــــــــــــاي اجنازتك ياحيف تنشال
ايد المـــــــــــــــــاتدگ اعليك تنشال
اريدن ايد تلطم بالعزية
ايتلولح گلبي والطرواك ماهاد
وجفني من الدمع ياعلي ماهاد
عمري الدربك بكل حين ماهاد
اريدك بالگبر تشفع الية.
شعـــــــــار امحبتك واجب علينه
لون جــــــار الزمن واغضب علينه
نصيح ابصـــــــــوت ياحيدر علينه
يبو الحملات نجي الجعفرية
الك ارفع ابـــــــــــذل اليوم كفاي
وانت الصـــــــــرت للمهموم كفاي
دگل للنــــــــاس بسكم عاد كفاي
تراهي شيعتي اتحشمت بية
لامــــــــير المؤمنين اشكيت حلاي
وهو للمعضلات ونـــــــــــعم حلاي
عبن ادري بــــــــــديه ايصير حلاي
ندبته ياعلي ضاجت علية
الشاعر عباس الخادم
نزلة / امير المؤمنين عليه السلام
علي قرآن وصلاه
علي بارينه اصطفاه
علي للهادي أخاه
علي ياعلي. علي ياعلي
٠٠٠٠٠٠٠٠٠
علي لوما هوه ماظل مسجد وعابد عبد
بسيفه ثبّتهه وقراها قل هو الله احد
ما وكع طه بحروبه حيدر لطه سند
من تضيك يصيح بسمه مدد ياحيدر مدد
علي عند الله الأمين
علي تاج المؤمنين
علي سر الله ورضاه
علي ياعلي. علي ياعلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
علي من طينة مُحمّد علي اسم الله العظيم
علي ميزان الخلائق والصراط المستقيم
تميّز وفاق الصحابه بفعله وبگلب السليم
الله خَلّه الكون بيده وبيده جنّات النعيم
علي غوث المستجير
علي من الله امير
علي دين الله ولواه
علي ياعلي. علي ياعلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حگهم يحسدون حيدر كامل بكل الصفات
والأشد قتّل زلمهم. بالأرض جانو طغاة
المشركين بسيف حيدر الله ذلهم بالحياة
معركة بدر العظيمة علي ذلهم بالممات
علي ذل عَمْرُ بنَ ود
علي فارس مآله نِد
علي موت الله وبلاه
علي ياعلي. علي ياعلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
علي رحمه عله اليتامه ويطعم بچفه الفقير
لكن بيوم الملاحم احر من حر السعير
علي ما عنده عداوه بأمر من ربّ القدير
ولذلك من يشوفه يفرح الهادي البشير
علي أول بالقيم
علي رابح ما ندم
علي مدح الله كفاه
علي ياعلي. علي ياعلي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ياهو من بين الصحابة أشّر و رد الشمس
منهو ظل بفراش طه. للصبح يفدي النفس
باب خيبر منهو شاله وهزم مرحبهم أمس
ليش كل هاي المناقب ما تقنعه المايحس
علي ميهمّه الحقود
علي بفعاله يسود
علي يدري بمستواه
علي ياعلي. علي ياعلي
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
طر الفجر ونطر دليلي
من كام حيدر يشتكيلي
فكيتله عيوني وشليلي
من كال راسي نهدم حيلي
دكو الباب وكلبي بزني
وتكـابـلت وي الـيـعزنـي
كتله وعلي جملت حزني
وخضر اصوابك فوك جفني
ديـره الوجع لضلوعي ديره
الـدنـيـا والـوادم كصـيره
وين الحسـين ارد استـشيره
خـل يمشـي ويلم العـشيره
لو بيـدي اشيل الضـيم كلـه
باجـر فـراكـك شنـهـي حلـه
حـطـيـت فـوك الـعـله عـلـه
مو زين منـي وهـسه عدلـه
الـلهم إنا نشـكو إلـيك مقـتـلَ أبـينا
https://vm.tiktok.com/ZMMPp1WFV/
Читать полностью…
عن رسول الله صلى الله عليه وآله وسلم:
يا عليّ، من قتلك فقد قتلني، ومن أبغضك فقد أبغضني، ومن سبّك فقد سبّني، لأنّك منّي كنفسي، روحك من روحي، وطينتك من طينتي.
المصدر:فضائل الأشهر الثلاثة ص٧٩
لعمل هندسة صوتية مع مونتاج لاستشهاد الامام علي( ع )وانت كاعد بالبيت وترويجها على الفيس بوك للوصول لكثر من 10 الف متابع من خلال الهاتف التواصل مع
@ahmed_alziwar0
قال الإمام الحسين(عليه السلام) :
من أحسن أحسن الله إليه ، والله يحب الـمحسنين .
الـمصدر : بحار الأنوار