1950
@telegram.me/amarr_hasnn
لحن حمزه سدو الماي الماي
لا تظن يوم انساك يالرحت عني
انه زينب يا علي. اعليه يصعب فركاك. يالرحت عني
***
بويه دلالي انفطر. والدمع همال. ما حاجيني
ذبل جفني امن السهر. والمعاتب طال. وناري تجويني
انته بالشده ضفر وحلمي والامال. وشمعة اسنيني
سالت العين العين. وطول ونيني
يا علي شصبر بعد. ونهدم بيت السعد
بويه كلبي ناداك. يالرحت عني
****
لا تودعني صحت. والفكر محتار يا عمد بيتي
كمت جم مره وطحت. اشبيها ضل الدار خابت امنيتي
وحدي بالباب اكعدت. ونشد اعله الصار. شوف حنيتي
بين براسي الشيب. وهمي كاتلني
ليش فركنه الدهر. ضهري يابويه نكسر
لا تفاركنه ارجاك يالرحت عني
**
كلي شيظمد الجرح. يا حلم دنياي مو وكت فركه
جفوفي يا وجه الصبح. هالمسيه اهواي. احتاجت الملكه
الدنيه ما بيها ربح. وانته تدري بهاي اعتب بحركه
عكبك انهد الحيل. ونعمن ذني
من تسافر يا علي
بعد جا ياهو الآلي
وصاب كلبي الصاباك. يالرحت عني
**
امشي واعثر بالجدم. واليتامه تنوح. الفركه تاذيها
الفقره حست باليتم وياهو من تروح. يمسح عليها
انته حلمي والحلم. حوليته جروح. وروحي ما بيها
جلجل الليل الليل. وهنه مرني
والمصايب من تمر. بويه تعصرني عصر
راحت الضحكه وياك. يالرحت عني
***
تدري كلبي يا علي. انكطع سباحه. شاهد الطبره
اقره صرت بمنزلي. طور النياحه. حيل منكسره
همي ما ظن ينجلي. راحت الراحه. والعمر فتره
بعدك انه الأيام. ما يرحمني
اشلون بيه بكربله
من احير بعايله
بحبل تجتفني اعداك. يالرحت عني
**
تمت
تحسين الخفاجي
حنیتلک یــالـمـاشـي لبعيد بویه
واشلون اعید لـو اجه العيد بویه
یا خیمة احبابک
من فدوه لترابک
حنیتلک
…
من حزن روحي یروحي روحي ذبلت یالأبو
وانت تدري بعد طولک کلشي یصبح مو حلو
جیتک چانـت ابعیني غیمه بعیون البدو
ومن رحت للیوم بویه ما ضگت طعم الدفو
حنیتلک یــا نــور الـعـيـون بویه
واشلون اعید وانت مدفون بویه
اكتب على اثیابک
من فدوه لترابک
حنیتلک
…..
بویه من افراگ وجهک کلشي بعیوني ذبل
والحنان الچان منک من رحل وجهک رحل
یاعلي یا بـو المحنه جرحک ابروحي نزل
ریت اموتن ألف موته ولا یمر بیک الأجل
یاریت میته ولا انته اتموت بویه
عمر الضوه مـا لمه تابـوت بویه
جارحني بمصابک
من فدوه لترابک
حنیتلک
….
الیل چن لیل المگابر مبحر ابدمع الحزن
وآنه کل ساعه یبویه الشوفت اعیونک احن
بیتي من فرگاک صاير چنه طامورت سجن
ماشفت بيّ راحه بعدک لا غمض لحضه الجفن
ذبلانه مـن افـراگک الروح بویه
بین المشاعر ديرة اجروح بویه
يكتل تره اغیابک
من فدوه لترابک
حنیتلک
…..
زینب آنه العودتهه إِعلیک ياملح الحچي
اشما بچیت اعلیک اگولن ما شبعت امن البچي
باچر امن التل احشمک یا علي اولیک اشتچي
من اضل ابلایه اخوتي اعله المصایب انتچي
بالکوفه وارض الشام شمات بویه
یسبونـه ونـبـات ابخـرابـات بویه
مشتاگـه لعتابک
من فدوه لترابک
حنیتلک
….
یا علي یـابـو الیتامه زینب آنـه ام الخدر
بعدک اشكـم مره ظهري امن المصایب ینکسر
لا حسن وحسین باچر و الکسر ماینجبر
امشي مابین الشماته و یحدي بضعوني الشمر
لا کـافـل ولا عندی خـوان بویه
بعد الخدر ادخـل الدیوان بویه
ماینطوي اکتابک
من فدوه لرابک
حنیتلگ
سلاح اسمه الدعاء
وسائل الإِرتباط بين العباد والمعبود سبحانه. ومجيء هذه الآية في سياق الحديث عن الصوم، يعطيه مفهوماً جديداً، إذ أن الدعاء والتقرب إلى الله روح كل عبادة.
هذه الآية تخاطب النّبي(صلى الله عليه وآله وسلم) وتقول: (وَإِذَا سَأَلَكَ عِبَادِي عَنِّي فَإِنِّي قَرِيبٌ).
إنه أقرب ممّا تتصورون، أقرب منكم إليكم، بل (وَنَحْنُ
روى عبد الله بن سنان عن الإِمام الصادق(عليه السلام) قال: «الدُّعَاءُ يَرُدُّ الْقَضَاءَ بَعْدَ مَا أُبْرِمَ إِبْرَاماً فَأَكْثِرْ مِنَ الدُّعَاءِ فَإِنَّهُ مِفْتَاحُ كُلِّ رَحْمَة وَنَجَاحُ كُلِّ حَاجَة وَلاَ يُنَالُ مَا عِنْدَ اللهِ عزَّ وَجَلَّ إِلاَّ بِالدُّعَاءِ وَإِنَّهُ لَيسَ بَابٌ يُكْثَرُ قُرْعُهُ إِلاَّ يُوشَكُ أَنْ يُفْتَحَ
اسم الکتاب : تفسير الأمثل المؤلف : مكارم الشيرازي، الشيخ ناصر الجزء : 1 ص : 29
ما حَمدتُ اللّٰه علىٰ شيء
بقدرِ ما حمدتُهُ علٰى نعمةِ الحُسين.
السيد موفق الموسوي
خادم الحسين
..........
جبريل اول من خدم والثاني قنبر
امشي بدربهم والعشك لحسين يكبر
وغايتي جنات الخدم ساعة المحشر
مكتوب اسمي اويه الخدم ويحقلي أفخر
واعرف اسمي زين
خادم الحسين
.............
من المهد بيه انطبع حب الخدامه
ومن امشي ما بين البشر رافع الهامه
بدرب الخدامه الما مشه عاش بندامه
هنيال كلمن هايم بخدمة أمامه
يدري عزه وين
خادم الحسين
...........
خادم حسيني وافتخر بين البريه
خدمة حسين أكبر ذخر بعد المنيه
تحضرني بأجر بالكبر أمه الزجيه
وكبري بشفاعة فاطمه جنه زهيه
اتكر إليه عين
خادم الحسين
..........
عن خدمته ما انثني لو كطعوني
وغصبن على اللي عاده الي والحاربوني
اني أهل بيت الرسول اتخيروني
بيرغ خدامه سلموني وشرفوني
شلته بالادين
خادم الحسين
بالطف أبو اليمه الأبي ضحالي عمره
لو افدي عمري بخدمته ما أوفي نحره
حبه ملك مني الكلب وبروحي ذكره
ابجي مصيبة خنصره وضلوع صدره
ما أوفي دين
يجرحي الما نسيتك
وتدري شكد بجيتك
اغفه وتسهر الدمعه بوسط عيني
وحيد شلون بالمحشر تخليني
.....
الكثر ما دمعتي سالت على خدي
صرت مذموم يم ناسي وأهل ودي
تهت وبعالم احزانك عشت وحدي
انت وغيرك انت كلشي ما عندي
حزن عاشور عمري
هضم وادموع تجري
مل من دمعتي الخل واليعاديني
وحيد اشلون بالمحشر تخليني
ونيني اعليك ون الراح واحدها
وبجيتك جن يتيمه وغاب والدها
نجوم السمه يبني الزهره ناشدها
على وني تسيل ادموعهه بخدها
حزن كلبي اعله دمك
مثل حزنك اعله امك
اموت ودمعتي العاشور تحييني
وحيد شلون بالمحشر تخليني
............
مثل ما كلت للمعبود أخذ كلشي
وكفت اكبال كبرك واحجي من رمشي
وكالت دمعتي بدربك أظل امشي
وعهد يحسين إلا ابجيلك بنعشي
أظل لمصابك انعه
نعي المكسور ضلعه
انا الماعرف غير النوح بسنيني
وحيد شلون بالمحشر تخليني
هويت الليل بي محد يمر بيه
اساهر وي طفك وحدي ليليه
ويمر بعيوني حال اختك المسبيه
واسمع ونه من اضلوع محنيه
أحس دوم اويه وني
وحده تصيح يبني
ابجي الزهره ليليه وتبجيني
وحيد شلون بالمحشر تخليني
الشاعر السيد موفق الموسوي
أخر جمعة من رمضان
اللهُمَّ إنها أياماً تمضي بسرعة فاجعل لنا فيها نصيباً من الرحمة والمغفرة والعتق من النار، اللهُمَّ اجعلنا بها من المقبولين الذين استجبت لهم وبشّرتهم بجنتك وحققت لنا كل ما نتمناه
يالله .
جمعة مباركة
• ما يقال في آخر جمعة من شهر رمضان
روي عن جابر بن عبد الله الأنصاريّ أنّه قال: دخلت على رسول الله صلّى الله عليه وآله في آخر جمعة من شهر رمضان، فلمّا بصر بي قال لي: «يَا جَابِرُ، هَذَا آخِرُ جُمُعَةٍ مِنْ شَهْرِ رَمَضَانَ، فَوَدِّعْهُ وَقُلِ:
اَللَّهُمَّ لاَ تَجْعَلْهُ آخِرَ اَلْعَهْدِ مِنْ صِيَامِنَا إِيَّاهُ، فَإِنْ جَعَلْتَهُ فَاجْعَلْنِي مَرْحُوماً وَلاَ تَجْعَلْنِي مَحْرُوماً.
فَإِنَّهُ مَنْ قَالَ ذَلِكَ ظَفِرَ بِإِحْدَى اَلْحُسْنَيَيْنِ: إِمَّا بِبُلُوغِ شَهْرِ رَمَضَانَ مِنْ قَابِلٍ، وَإِمَّا بِغُفْرَانِ اَللَّهِ وَرَحْمَتِهِ».
ـــــــــــــــــــــــــــــــــــــــــــــــــــــ
• فضائل الأشهر الثلاثة: ص١٣٩، إقبال الأعمال: ج١، ص٢٤٣، وسائل الشيعة: ج١٠، ص٣٦٥، بحار الأنوار: ج٩٥، ص١٧٢، مستدرك الوسائل: ج٧، ص٤٨٠.
هسة صرت انة اليتيمة يا علي صرت الغريبة
كبالي نعشك من اصدن تشتعل بية المصيبة
شلون اعاين يمي طايح لحيتك بوية خضيبة
بس شمات البصفي
وي نعشك ردت نعشي
روحي ما تحمل يبوية هلجروح
مليت ونفذ صبري
ما اريدن بعد عمري
ارد اروحن باللحد يمك وانوح
####
لو رحت ياهو اليضلي وينغر ويفزع الية
من اضل بغير كافل وحدي وي جيش ال امية
تلتم عليه المصايب باجر بهيمة وسبية
من ديرة لعد ديرة
باجر حيرتي حيرة
امنيتي تبقى يمي تفتحها العيون
يا بوية انكسر ظهري
باجر ينسبي خدري
ياهو يبقى يمي ويحامي الضعون
####
شلون اعيش ابلاية عينك انة المدللها ابوها
شلون بية گلي روحي تنتظر هلبت تجوها
انة هسة الراح ابوها وباچر يذبحون اخوها
لا كافل يضل يمي
والمن اشتكي همي
كلشي بية يصعب وصاير يعيل
انده ما ترد لية
وكل ظيمي سده علية
عيني ملتها البچي وما ضلي حيل
####
اندارت الدنيا وهواها التمت عليه المصايب
اليوم ابوي بدمه طايح عيني شافتها العجايب
مرة انده گوم لية ومرة افكر بالخرايب
وحدي وفارگت روحي
وزادت كلش جروحي
روحتك مو هينة بوية شهلمصاب
ابچيلك تصب عيني
يمفاركها چفيني
ميتة كون بروحتك طمني التراب
####
مهند الشاكر
مولاتي زينب ع
وين خوتي $ هل دنت ساعت وفاتي
وين خوتي$ ونتهت رحلت حياتي
حلمي يا رب السماء
كون اموت بكربلاء
وين خوتي $وين خوتي
$$$
انه زينب يا ابو فاضل ما تجيني
وينك انته انه ميته وتبجي عيني
ما سمعته الصخر فته يا ونيني
كون اطيرن ويمه احطن يا حنيني
ما ابالي $ حته لو يمك اموتن
ما ابالي$ خويه لسه جروحي يدن
موتي مو بل شام ريد
يم ابو الغيره العجيد
وين خوتي $وين خوتي
$$$
شيله نعشي بهيده امشي على متونك يابو فاضل
من السبايه وطك هوايه جسمي ناحل
شوف اديه الهاشميه بيها اثر صوط وسناسل
عذبوني ولوعوني ترضه خويه دمعي نازل
كله هذا $وفدوه الجدامك يغالي
كله هذا $وراسنه بطرواك عالي
اني بل شام ونبض دلالي
بينكم يفتر يخوي الغالي
وين خوتي $وين خوتي
$$$
عيني عل باب الجيت الحباب ونتضركم ها يخوتي
بذيج الايام بحرك الخيام خويه يمكم رته موتي
عمري حسرات وحلمي دمعات وشكبرها يا بلوتي
وحدي والناس يمي عباس وينك انته يا سلوتي
انتضركم $خويه بس مرو عليه
انتضركم$ كبل لا تلفي المنيه
شحلاته الموت بين خواني
واحد يجبلني يقره الثاني
وين خوتي $وين خوتي
$$$
مو تكصرون جنازت ام عون تنتظركم يهلي الحنان
وصيه عدي وذمه خلي كل جنازه والهأ دفان
وصيتي يا ناس بأخر انفاس بكبري ينزل كمر عدنان
جفه دافي بيه عوافي من يوسد على التربان
يا حلاته $ جفك تذكرته بصباي
يا حلاته $هسه شو متغير هواي
لجلي خويه مكطعات جفوفك
وما بخلت عليه حته بشوفك
وين خوتي $وين خوتي
$$$
تريدك الروح يمي متروح لميت يهيم بجيت الحباب
من تجيني تغفه عيني منك يغار الهو الهاب
حسبه خيمه يبو الشيمه كبر اخيتك وبقه عل باب
كبري يمك حجيلي عنك ما ريدن يم الجناب
يمك انه $ خاطر تنفس حنانك
يمك انه $بل كلب ثابت مكانك
كلبي بسمك يخو زينب هايم
انشد من الشام اريدك سالم
وين خوتي $وين خوتي
$$$
الشاعر سعيد العكيلي
من غمضت عينك تعـبـنـه
ياوالد وصاحب گلـبـنـه
وشيصبر العين
——
ااخ اليـلـه مو سهلـه افراگـك ياعلي اشثگـلـه
الدم من يمشي يتـعـثر ومحد صاحله اسم الله
علي بـيـنه الوجع غرگان بس چـفـك اليوصـلـه
يرجـف العباس هاي شگد چبـيره
ابو الغيره امدنـگ وبعيونه حيره
كسرت ضهر هاي الظهرنه
ياوالد وصاحب گـلــبـنـه
شيصبر العين
—
الأبو شيـعوضـه يابـويـه وراك الدنـيـا مو حلوه
يـمر وكتـه الزمن بيـنـه وجرحـك مـا عتگ توه
يـجـي ويـسـأل يتيم اعليك صعـبـه انـگـله ما هوه
جايب ادموعه واجـه ابابـك يتانـي
يـگـول ما انسـه علي چـي ما نساني
انحـبـه ونجي حيدر يحبـنـه
يا والـد وصاحب گـلـبـنـه
شيصبر العين
——
حسين أگبالي وانـه ابچي يصبرني وتعب صبره
عيوني ادموعها الفرگاك اوراهن هم بچي النحره
يماي الله عطشنه اعليك يرايح تـلتـقي بزهره
كلـمـة الـبـويـه بقـت غصـه ابـلـهاتي
صـغـيره هاي الدنـيـا بس كبرت عباتي
دنـيـا وبـعد مابـيـها معنـه
ياوالـد وصاحب گـلـبـنـه
شيصـبـر العـيـن
——-
الـفرغـت من هلـه اچفـوفـه يرجع منكسر گلبه
يـشوف النـاس بعيـونـه بس كـلـهم يحس غربـه
الدنـيـا سيوف عدها اهواي والفاگد أبوه رگبـه
عازه ياحيدر علـي مـلـگـاك عازه
علي معـقـولـه الـجبـل شالوه جنازه
من تندفن يعني اندفنـه
ياوالـد وصاحب گـلبـنـه
شـيصـبر العـين
#حيدر العماري
زيارة الإمام الحسين عليه السلام
اعمال #ليالي_القدر
▫️زيارة الحسين (عليه السلام) في الحديث: إنَّه اذا كانَ لَيلَة القَدر نادى مناد مِن السّماء السّابِعَة مِن بطنان العَرشِ أنَّ الله قَد غفر لمن زار قبر الحسين(عليه السلام).
▫️وأمّا الألفاظ التي يزار بها الحسين (عليه السلام) في ليلة القدر فهي زيارة أوردها الشيخ المفيد ومحمد ابن المشهدي وابن طاووس والشّهيد (رحمهم الله) في كتب الزيارة وخصّوها بهذه الليلة وبالعيدين (أي عيد الفطر وعيد الاضحى) وروى الشيخ محمد ابن المشهدي بأسناده المعتبرة عن الصادق (عليه السلام) قال: إذا أردت زيارته (عليه السلام) فأت مشهده المقدّس بعد أن تغتسل وتلبس أطهر ثيابك فإذا وقفت على قبره فاستقبله بوجهك واجعل القبلة بين كتفيك وقل:
▪️السَّلامُ عَلَيكَ يا بنَ رَسُولِ اللهِ، السَّلامُ عَلَيكَ يابنَ أمِيرِ المُؤمِنِينَ، السَّلامُ عَلَيكَ يابنَ الصِّدِّيقَةِ الطَّاهِرَةِ فاطِمَةَ سَيِّدَةِ نِساءِ العالَمِينَ، السَّلامُ عَلَيكَ يا مَولايَ يا أبا عَبدِ اللهِ وَرَحمَةُ اللهِ وَبَرَكاتُهُ. أشهَدُ أنَّكَ قَد أقَمتَ الصَّلاةَ وَآتَيتَ الزَّكاةَ وَأمَرتَ بِالمَعرُوفِ وَنَهَيتَ عَنِ المُنكَرِ وَتَلَوْتَ الكِتابَ حَقَّ تِلاوَتِهِ وَجاهَدتَ في اللهِ حَقَّ جِهادِهِ وَصَبَرتَ عَلى الأذى في جَنبِهِ مُحتَسِباً حَتّى أتاكَ اليَقِينُ، أشهَدُ أنَّ الَّذِينَ خالَفُوكَ وَحارَبُوكَ وَالَّذِينَ خَذَلوكَ وَالَّذِينَ قَتَلُوكَ مَلعُونُونَ عَلى لِسانِ النَّبِيِّ الاُمّي وَ قَد خابَ مَن افتَرى، لَعَنَ اللهُ الظَّالِمِينَ لَكُم مِنَ الأوَّلِينَ وَالآخِرِينَ وَضاعَفَ عَلَيهِمُ العَذابَ الألِيمَ أتَيتُكَ يا مَولايَ يابنَ رَسُولِ اللهِ زائِراً عارِفاً بِحَقِّكَ مُوالياً لأوليائِكَ مُعادياً لأعدائِكَ مُستَبصِراً بِالهُدى الَّذي أنتَ عَلَيهِ عارِفاً بِضَلالَةِ مَن خالَفَكَ فَاشفَع لي عِندَ رَبِّكَ.
▫️ثمّ انكب على القبر وقبّله وضع خدّك عليه ثمّ انحرف إلى عند الرأس وقل:
▪️السَّلامُ عَلَيكَ يا حُجَّةَ اللهِ في أرضِهِ وَسَمائِهِ صَلَّى اللهُ عَلى رُوحِكَ الطَّيِّبِ وَجَسَدِكَ الطَّاهِرِ وعَلَيكَ السَّلامُ يا مَولايَ وَرَحمَةُ اللهِ وَبَرَكاتُهُ.
▫️ثمّ انكب على القبر وقبّله وضع خدّك عليه، ثمّ انحرف إلى عند الرأس فصلّ ركعتين للزيارة وصلّ بعدهما ما تيسّر ثمّ تحوّل إلى عند الرجلين وزر علي بن الحسين (عليهما السلام) وقل:
▪️السَّلامُ عَلَيكَ يا مَولايَ وَابنَ مَولايَ وَرَحمَةُ اللهِ وَبَرَكاتُهُ، لَعَنَ اللهُ مَن ظَلَمَكَ وَلَعَنَ اللهُ مَن قَتَلَكَ وَضاعَفَ عَلَيهِمُ العَذابَ الألِيمَ. وادع بما تريد.
▫️ثمّ زر الشهداء منحرفاً من عند الرجلين إلى القبلة فقل:
▪️السَّلامُ عَلَيكُم أيُّها الصِّدِّيقُونَ، السَّلامُ عَلَيكُم أيُّها الشُّهَداءُ الصَّابِرُونَ، أشهَدُ أنَّكُم جاهَدتُم في سَبِيلِ اللهِ وَصَبَرتُم عَلى الأذى في جَنبِ اللهِ وَنَصَحتُم للهِ وَلِرَسُولِهِ حَتّى أتاكُم اليَقِينُ، أشهَدُ أنَّكُم أحياءٌ عِندَ رَبِّكُم تُرزَقُونَ فَجَزاكُمُ اللهُ عَنِ الإسلامِ وَأهلِهِ أفضَلَ جَزاءِ المُحسِنِينَ وَجَمَعَ بَينَنا وَبَينَكُم في مَحَلِّ النَّعِيمِ.
▫️ثمّ امض إلى مشهد العباس بن أمير المؤمنين (عليهما السلام). فإذا وقفت عليه فقل:
▪️السَّلامُ عَلَيكَ يابنَ أمِيرِ المُؤمِنِينَ، السَّلامُ عَلَيكَ أيُّها العَبدُ الصَّالِحُ المُطِيعُ للهِ وَلِرَسُولِهِ، أشهَدُ أنَّكَ قَد جاهَدتَ وَنَصَحتَ وَصَبَرتَ حَتّى أتاكَ اليَقِينُ، لَعَنَ اللهُ الظَّالِمِينَ لَكُم مِنَ الأوَّلِينَ وَالآخِرِينَ وَألحَقَهُم بِدَرْكِ الجَحِيمِ.
▫️ثمّ صلّ تطوّعاً في مسجده ما تشاء وانصرف.
يبوية .. يبوية .. حيل ابنك تهده
يبوية .. يبوية .. لا تتوضه گعده
يبوية .. يبوية .. جرحك بيش اشده
———————
گوم ابداعة العباس .. شنهي الطبرة وتگعدك
وانت التربة ما ترتاح.. اله بگصتك وخدك
رديت الشمس مرتين .. رد العافية بولدك
گلي منين بويه نجيب .. حيدر ثاني ويردك
يغالي .. يغالي.. كون الطبرة طاحت
يغالي.. يغالي .. بابنك روحي صاحت
يبوية .. يبوية .. ظهرك خل اسنده
————————
علي يالهيأتك قرآن .. بهاي الليلة معراجك
حاوطنه السرير اعليك.. كعبة واحنه حجاجك
انت الما ترد محتاج .. وانه احسين محتاجك
المثلك تاجه فوك الراس.. وانت عمامتك تاجك
رحيلك .. رحيلك .. اخذ روح اليتامة
رحيلك .. رحيلك .. ذبح راس السلامة
يبوية .. يبوية .. يتيمك ذاب خدّه
———————-
المسجد يبچي دم اعليك … الناس افتقدت آذانك
"الاشهد إنّ" تسوه الكون.. تطلع بويه بلسانك
سولف يا امير الماي.. كلش گلبي عطشانك
الطبرة الطاحت براسك.. وصلت راس قرآنك
نسمعه .. نسمعه.. الفجر ميت امانه
نسمعه .. نسمعه .. طعم ماكو بأذانه
يبوية .. يبوية .. صوتك بذني بعده
—————————
كون العوز يملك راس .. بذو الفقارك اتگصه
الدنيا الطلگتها اعناد.. هسه اغتنمت الفرصه
علي انت وعلوّك ذاك .. لو مو طبرة ما ينصه
طبرتك ما يلمها اضماد … وصلت لآخر الگصه
يعالي..يعالي.. يالطبرو حنانك
يعالي .. يعالي .. الكوفه ابلا امانك
يبوية .. يبوية .. ما ظل بيها ورده
———————-
سماحة حيدر الكرار .. .. انت النحلف ابطوله
الدين اختل يريد ايطيح .. وراسك صار شاهوله
الصلاة البيها اسمك فاح .. تحسها امن الله مقبوله
العگده الما تحلها شيوخ .. بيدك بوية محلوله
حبيبي .. حبيبي .. يخيّر وابن خيّر
حبيبي .. حبيبي .. يالبخيرك تتطشر
يبوية .. يبوية .. يذچرك سوره وَحدة
——————
بليلة جرحك القرآن .. اطيور وطارن آياته
ونزلن فوك راسك ماي .. يمسحن لون شيباته
كسره ايهدّم الاسلام .. الكسرت هبل عصّاته
ظل يتوضه گعده شلون .. الترست عيني وگفاته
اريدك .. اريدك .. يوگفاتك چبيرة
اريدك .. اريدك.. يـ ألماس العشيرة
يبوية .. يبوية .. يبير امن الموّده
———————-
علي هادي الخزعلي
لازمني گلبي
سترك يربي
صوت الوحي صاح
بس لا علي راح .. استر يربي
....
بالامس خطار اجه حامي الحميه
وگال زينب بويه خل نفطر سويه
اشكثر سولفنه وذكرنه امي الزچيه
الفجر من صار الزمت گلبي بأديه
راح لصلاته
مدري لوفاته
شو اسمع صياح
بس لا علي راح... سترك يربي
...
من طلع روحي اطلعت من جسمي وياه
وانه ظليت اعله نار الدمعه والآه
صوت جبرائيل اعرفه يصيح ويلاه
خاف مكروهك نزل سترك يألله
يا ربي استر
واحفظلي حيدر
فجر الحزن لاح
بس لا علي راح .. سترك يربي
...
واگفه اعله باب ودموعي حزينه
وينه حماي الحمه يا ربي وينه
ساعه لن شفته اخوتي شايلينه
راسه دامي وبالعمامه معصبينه
الدين واصوله
اسم الله اعله طوله
دم العرش ساح
بس لا علي راح .. سترك يربي
...
گتله بويه يا علي سولف الي شبيك
ان شالله جرحك يغالي ما يأذيك
والدي خيمه اعله راسي الله يخليك
بويه يشبه دم طبرتك مدمعي اعليك
وتدعي اليتامه
يگوم بسلامه
تودعنه الافراح
بس لا علي راح .. سترك يربي
...
بويه يالعطر الله نشتمه بعباتك
انته تدري يا علي شمكبر غلاتك
من اشوكت ما تگدر تكوم لصلاتك
وتدري ما تسوه حياتي بلا حياتك
بويه اجه العيد
لا ترحل بعيد
گلبي شكثر ناح
بس لا علي راح .. سترك يربي
...
بويه يالهجرك عذاب يعذب الروح
كل نفس بانفاسي بعدك ينثر جروح
وياك اخذني يا علي لو رايد تروح
لا تخلي زينبك للدمعه والنوح
بعدك يبو حسين
انطي الوجه وين
عطر الحزن فاح
بس لا علي راح .. سترك يربي
خادمهم
كرار حسين الكربلائي
#ابوذيات
طفينه وحب ابو الیمه شغلنه
وغير احسين ما واحد شغلنه
احنه ابمجلس الضامي شغلنه
ورواتبنه امن ادين امه الزچيه
يلايم من ملامك عاد كفنه
اليمـوت اوياه شياخذ غير كفنه
لبوســــجـاد تلطم حيل كفنه
ومدامعنه وقف لبن الزچيه
محمد الجماسي
#اللهم_عجل_لوليك_الفرج
مجلس عزائك عايش بخيره
ما عندي غيره و لا ردت غيره
مجروح ادگ ابابك
رايد دمع لمصابك
################
يالماگل اخدودك رمل
و حر الشمس فيالك
بمجلس عزائك سيدي
الطم و اريد اقرالك
و رايد بعد ابچي صدگ
و انحب و ادگ لحالك
عطشانة عيني للدمع
بگد ما عطش دلالك
مجمورة تلهب بسمك اجروحي
و لمن تذكرك تختنگ روحي
اطلب طلب بثوابك
رايد دمع لمصابك
ما عندي غيره و لا ردت غيره
###################
ما انسى لحظة مصيبتك
و ادريك ما تنساني
عن صافي نية بس الك
صليت فرض احزاني
ممنون منك سيدي
بگلبي گلت و الساني
الفضل كله لمجلس
صاحب بخت سواني
طير المجالس اهلي سموني
لنِّي بخدمتك عالي شافوني
يالما نسيت احبابك
رايد دمع لمصابك
ما عندي غيره و لا ردت غيره
####################
الخدمة عندي اكبر شرف
لابسها تاج اعله الراس
من حقي اذا بيها افتخر
كلها ترافة و احساس
بس لازم احصل عالشرط
حتى اختلف عن الناس
كاس الوفى اتذوقه
من چف ادين ام عباس
مثل ام عضيدك ارد اضحيلك
و بگد دمعها رايد ابچيلك
فدوة رحت لترابك
رايد دمع لمصابك
ما عندي غيره و لا ردت غيرك
#####################
من اختنگ تصبح هوى
و لو اعطش تصير الماي
اسمك سلب مني الفرح
يا سبب نوحي و مَبچاي
مرات اشوفنك ضوه
تارس دليلي و عيناي
و مرات اشوفنك جرح
ياگل و يشرب وياي
عايش حبيبي جرحك ابالي
تبراله عيني و عينه تبرالي
ما يشفى جرح اصوابك
رايد دمع لمصابك
ما عندي غيرة و لا ردت غيرة
#######################
انطيني من طولك جرح
رايد احس بالامك
يا ليتني ابطفك چنت
تسحگ عليَّ بچدامك
بالف و تسعمية گلب
انزف هضم جدامك
و بحافر الخيل انمرد
و احترگ مثل اخيامك
يا ريته مني ينسلب ثوبي
و عالگاع انام ابدال محبوبي
ريت انخضب بخضابك
رايد دمع لمصابك
ما عندي غيره و لا ردت غيره
####################
دمعة مصابك سلوتي
تجلي المرارة البيه
افرح اذا ابچي الك
و استلذ باللطمية
لغيرك اذا اگصد عزه
تختلف عندي النية
لمجلسك تاخذني رگض
غصباً عليَّ رجليه
مجلس عزائك عالارض. جَنة
و مثل العسل ما ينشبع منه
باقي انتظر لجْوابك
رايد دمع لمصابك
ما عندي غيره ولا ردت غيره
####################
الحمدلله
علي حسين الكناني
- صَلّىٰ عَليكَ اللهُ ما جَفنٌ غَفى
وما شقَّ نورُ الصُّبحِ في الظُلماتِ ﷺ .
بجنان الباري حب حسين مناك
نخيتك وارتجي فضلك ومناك
ردت يبن مظاهر بخت مناك
بخت بي أخدم الزهره الزجيه
يوم حسين جمره اتوجرت بيه
وما ريدن نفس ما بيه طاريه
شلّي بالنبض لومايصيح حسين
واعميهه لون تترك دمعهه العين
ابجي اعلي اظل حد ما يمرني البين
واموت ودمعي ما مكطوع جاريه
&&&&&&&&&&&&&&&&&&
مثل مسرى النفس بيه يظل حزني
ولا تهجع دمعتي وينكطع وني
خلي الناس تحجي اشما حجت عني
واكلهم احجو عني الذمه مبريه
&&&&&&&&&&&&&&&&&&
خلي اشما تكول الناس عني اتكول
مو يمهم تراني بالدمع مشغول
واكل للروح كطع النوح ما مقبول
كون اغفه ودمعتي ابعيني ليليه
&&&&&&&&&&&&&&&
مشدوه الفكر من امشي بين الناس
كل افكاري بس يم زينب وعباس
اتخيل حزنهم والطم اعله الراس
وانا ابهذا الوضع دنياي مكضيه
&&&&&&&&&&&&&&&&&&&&&&
انا ابهذا الوضع كل ليلي وانهاري
اسرح للطفوف ابعالم افكاري
واظن هو الحسين ابحالتي داري
ويعلم بالضلوع الحزنه محنيه
&&&&&&&&&&&&&&&&&&&&&&
ياخذني الخيال واتبع المسراه
واكصد للطفوف ابحسرتي والاه
واكول اهنانه زينب صرّخت ويلاه
ومنا عالهزل مشوهه مسبيه
&&&&&&&&&&&&&&&&&&
واوصل للخيام ومنها نيراني
واسمع صوت طفله ايهزهز اركاني
رقيه اتصيح ابوي اشلون خلاني
يرد لو مايرد يا هالخلك ليه
&&&&&&&&&&&&&&&&&
واطو ف اعله الخيام وروحي متكطعه
وما بين النهر وحسين اظل اسعه
يم واحدهم انظر نور للبضعه
وتكلي اعله ابني بجيني يناعيه
&&&&&&&&&&&&&&&&&&&&
واظل اقره شعر والزهره ابجيها
وتلطم عالضلع وابكســره ياذيها
واذا طاري الجفوف ابيت مربيها
تناديني اعد والونه مخفيه
&&&&&&&&&&&&&&&&&
انا هذي حياتــي وهذي ايامي
امشي والطفوف اتسير كدامي
انا حتى ابصلاتي حي عالضامي
وما اريدن نفس ما بيه طاريه
هم تجيني و ترد يمي و تغمض عيوني اعله صدرك
هم تجيني و انسه جرح البعد و اشتم مره عطرك
و انسه جمرة علتي و حلم تنشف دمعتي
بويه بويه .... بويه بويه
....................
بويه ليل الانتظار سيوفه حدها
ونه ونه وداعتك ساعاته اعدها
سنين عمري بغيبتك ذابل وردها
يلخذت بسمة حياتي وياك ردها
فارگتني و الصبر يا بوية من بعدك هجرني
فارگتني و الوكت صوبني بالهم و كسرني
بيه جارت دنيتي و حلم تنشف دمعتي
بويه بويه .... بويه بويه
.....................
بويه محتاجه الحنانك بيه لهفه
ردت مره على صدرك عيني تغفه
تدري طبع الطفله دوم تصير ترفه
تنسه كل هم لو ابوها تبوس چـفه
بويه وينك ليش صار بدنيتي خالي مكانك
بويه وينك عجب ما رف گلبك و حرك حنانك
وحشه بعدك ديرتي و حلم تنشف دمعتي
بويه بويه .... بويه بويه
..............
بويه دليني اعله دربك و آنه اتبعه
بطول درب البينه بعيوني دمعه
بويه والله العتب صدگ ما تسمعه
يلي بعدك خنگ روحي النفس رجعه
عگب عينك عاشرت عيني النجم حد ما حسبته
عگب عينك بويه حتى النفس يصرخ وينك انته
ارجع ارحم حالتي و حلم تنشف دمعتي
بويه بويه .... بويه بويه
.............................
بويه جمر الشوگ تدري شسوه بيه
وانت حيل بعيد و دروبك منيه
بويه هم تذكرني ساعات المسيه
رسمي هم تشوفه لو مرت رقيه
يا رقيه تدري اختها شكثر مشتاگة الحچـيها
يا رقيه بداعت امك بويه سلملي عليها
وبيها چانت سلوتي و حلم تنشف دمعتي
بويه بويه .... بويه بويه
....................................
لو يعين الجدم روحي چا تجيكم
بويه كل شـي بدنيتي يذكرني بيكم
مره اسولف وحدي و اتذكر حچـيكم
مره اكابر علتي و اتبع مشيكم
ردت امشـي لچـن بويه وداعتك من امشـي گوه
ردت امشـي هوه وين الحيل حتى امشـيلي خطوه
و ابقه وحدي بهضمتي و حلم تنشف دمعتي
بويه بويه .... بويه بويه
في اخر جمعة من شهر رمضان قول:
اللَّهُمَّ لَا تَجْعَلْهُ آخِرَ الْعَهْدِ مِنْ صِيَامِنَا إِيَّاهُ، فَإِنْ جَعَلْتَهُ فَاجْعَلْنِي مَرْحُوماً وَ لَا تَجْعَلْنِي مَحْرُوماً ". فَإِنَّهُ مَنْ قَالَ ذَلِكَ ظَفِرَ بِإِحْدَى الْحُسْنَيَيْنِ، إِمَّا بِبُلُوغ شَهْرِ رَمَضَانَ، وَ إِمَّا بِغُفْرَانِ اللَّهِ وَ رَحْمَتِهِ"
مثل كَلب امي صرت وياي والطف
وتمطرلي محنه وخير والطاف
لو ماكو بحياتي حسين والطف
دنيه واخره تضيع امن اديه
حسين المحامي
((ياعيد))
لازم بابنه وشـتريد
ماعدنه فرح ياعيد
الفرح متغطي بتراب
بعــد لاتلـــــزم الباب .. آ ياعيد
"""""""""""""""""""""""""""""""""""''''''''''
حزينه الروح والبسمه جزتني
عينــي مــن البواچي عذبتني
أبوي الــــراح والـــدنيا ولتني
ويالتــــدري النوايب ضيعتني
أبوي .. گضت عافيته دمعات
أبوي .. مات مــن الصبر مات
هاي الفرگه هذا الصار
ياعيد المــــــدامع نـــار
الزغير من الجرح شاب
بعـــــــد لا تـــلزم الباب .. آ ياعيد
"""""""""""""""""""""""""""""""""""''''''''''
أَصَبر روحي گــوه من الليالي
ألمن جاي وأحنه البيت خالي
مشه والدنه عني وكــل دلالي
مايرجع شگـــد صحنه يغــالي
أخوي .. بگلبه تعيش هضمه
اخوي .. ضــوه ويگول ضلمه
ياعيد العــــمر مبهوت
واحدنه بسكوته يموت
امشي وكف العتاب
بعد لا تلـــزم الباب .. آ ياعيد
"""""""""""""""""""""""""""""""""""''''''''''
حـــــتى الماي (مر) ومــن نــشربه
تعـــــــال البيتنه يابــــــويه غـــربه
وحگ غمضت عيونك حيل صعبه
بعدهي عيـــــــونه اعله الباب تربه
نصيح .. جرح هــل بالفاد
نصيح .. يتيمه بويه الاولاد
زينب والعـــــمر مجروح
وباچر عندي چم مذبوح
بيه هواي الأسباب
بعد لا تلزم البـاب .. آ ياعيد
"""""""""""""""""""""""""""""""""""''''''''''
ياعيد انچفت بخـدودي الدموع
هذا الباب (بي) لچمات وضلوع
لا توگف بصــفه حــيل ممنـــوع
روح الغيرنه مـــــو گلبي مشلوع
جنيت .. حزن بالروح مشدود
جنيت .. بعـــد ياعيــد لتعــود
شدهاك وهسه رديت
بس دموع بــــــالبيت
بي آثار الاجــناب
بعد لا تلزم الباب .. آ ياعيد
"""""""""""""""""""""""""""""""""""''''''''''
لَمّ ضحكاتك وغــــــادرنه لتعود
شوف أثيـــــابنه من الجرح سود
واحدنه صفه من الشوگ ممرود
بعد ياعـــــيد بالك تــرجع أردود
جروح .. بعد لا توگف أحذاي
جروح .. عـزيز الروح ماجـاي
ياعيد الفرح مبــــيوگ
وفراگ ونفس مخنوگ
وگلبنه من القهر ذاب
بعد لا تلزم الـــــــباب .. آ ياعيد
عبد زينب
محمد الابراهيمي
بحروفك آيات العشك يا محلى هاي حروفك
زدت الشمس لون وفخر من أشرت بجفوفك
أسمك حرز يابو الحسن
للفقرة چف أيـدك وطن
ماي ورد صار الـعشك
وعيوني غيرك ما هون
علي .. عايش طيف بروحي وعيني
علي .. من دونك ماتسوى سنيني
علي ..
ـــــــــــــــــ ❁ ❁ ❁ ـــــــــــــــــ
أنهار سد گلبي الحجر وفاض العشك لعيونك
وشفت العمر ما يسوى شي يا ابو الحسن من دونك
للدنيا أول مــــا صرت
حبيتك وبأسمك همت
غيرك ولا جاس الـگلب
ولا واحد يشبهك شفت
علي .. كلما ضيع انت تدليني
علي .. من دونك ماتسوى سنيني
علي ..
ـــــــــــــــــ ❁ ❁ ❁ ـــــــــــــــــ
يل خيرك مخلي المطر خجلان گطره بگطره
وما كسرت افيايك شمس چي يمتد اعله الفقره
يا عالي واعلى من الگمر
يا شاعر يوصفك گــــدر
مـن ثوبك الاخضر گمت
چــملت مولاي الـشجر
علي .. اعطش وحروفك ترويني
علي .. من دونك ماتسوى سنيني
علي ..
ـــــــــــــــــ ❁ ❁ ❁ ـــــــــــــــــ
أنتَ بشر كيف بشر مثلك بشر ما شايف گلبي رجف رجفة عشك يشبه اجدام الخايف
مثلك ولا شايف مُحب
حتى الگطن يمك صلب
من يخنگ الريه النفس
ويالهوى احروفك تهب
علي .. هايم بحروفك خليني
علي .. من دونك ماتسوى سنيني
علي ..
ـــــــــــــــــ ❁ ❁ ❁ ـــــــــــــــــ
يوميه أفز والگه الگلب غرگان بيك ازياده
وياهوه مثلك ياعلي بالهوى يوزع امراده
يوميه أساهر وأبتسم
وأتخيل عيونك نجـم
أمنيتي يا حيدر عـــلي
ترزقني مـن عندك حلم
علي .. لو مره بطيف تـلاگيني
علي .. من دونك ماتسوى سنيني
علي ..
ـــــــــــــــــ ❁ ❁ ❁ ـــــــــــــــــ
نسألكم الدُعاء
حسن وديع .
🕯 اَلسَّلاَمُ عَلَيْكَ يَا بْنَ رَسُولِ ٱللَّهِ
▪️من أعمال ليالي القدر العامة
زيارة الامام الحسين (عليه السلام)
من أعمال #ليلة_القدر
اليوم نطلب من أمير المؤمنين
كون يرزقنه البواچي اعله الحسين
ــــــــــــــــــــــــــــــــــــــ
ياعلي نريدك تعلمنه العشگ
ياعلي وكون بغرامه نحترگ
الما يحب حسين ماعنده صدگ
المايحب حسين گلبه موحنين
ــــــــــــــــــــــــــــــــــــــ
ياعلي ومحتاره والله العايله
للنجف تتعنه لوطف كربله
يالمتت بين الاهل والعايله
وهو مات الوحده ماعنده معين
ــــــــــــــــــــــــــــــــــــــ
أنت أولادك يضمدون الجرح
وهو جسمه اعلى الثرى وراسه برمح
وليل زينب ياعلي بلايا صبح
مثل ماظل الگمر ماعنده ادين
ــــــــــــــــــــــــــــــــــــــ
ياعلي انت الهوى النتنفسه
نريد حب حسين بينه اتغرسه
حسين تفرح لو حضرنه الـمجلسه
واللّطم هوّه صلاة العاشقين
ــــــــــــــــــــــــــــــــــــــ
لا تمشيني ابدرب ما بي عزاء
واحنه مخلوقين بس لكربلاء
الناس يا بالحسن تتنفس هواء
واحنه نتنفس ابين الحرمين
ــــــــــــــــــــــــــــــــــــــ
أنت شالوك بجنازه و باحترام
وكلها صاحت آه لمصاب الأمام
حسين ما عنده عشيره و لا عمام
وبالحصيره شاله زين العابدين
ــــــــــــــــــــــــــــــــــــــ
ياعلي وجسمه بقى ابحر الشمس
والحوافر ترفس بصدره رفس
انت صابك بالصلا سيف الرجس
وهو داسنّه حوافر أربعين
ــــــــــــــــــــــــــــــــــــــ
ما أگول اويه الشمر اخته انسبت
زينب اعله الشام والله تسلطت
على بنتك جابت الحگ وأجت
وبصبرها ذلت يزيد اللعين
ــــــــــــــــــــــــــــــــــــــ
ياعلي اوّياك ميهمنه التعب
وانته اسمك وسط الاعيون انكتب
ياعلي يابو مناير من ذهب
انته ابونه واحنه بيك امچلبين ـــــــــــــــــــــــــــــــــــــ
ياعلي واذّتنه طگات الزمن
واحنه ندعو بالفرج لبن الحسن
ابيا مدينه ابيا نوه المهدي سكن
وين ابو صالحنه يا مولاي وين
محمد الجماسي
#اللهم_عجل_لوليك_الفرج
الامام علي والسيدة زينب ع
يا اذان الجرح. كبر بكل صبح
دنيتي بلا علي . تخلي كلبي برمح
…….
ويه الفجر تكبيرة جروحي
اليوم تطلع روحي من روحي
الليله غالي يبچي عالغالي
الليله تبدي العشره وينوحي
بس بعد يازمن. حزني صاير وطن
من يموت الضوه. تخلي كلبي برمح
…….
اندكت الباب وصحت ربي
دخيلك وكمت اعثر بدربي
حين الشفت حيدر يتچوله
سابح بدمه شكد رجف كلبي
عمامته مايله. ودمعتي سايله
زينب انه شعجب. تخلي كلبي برمح
……..
البيت وحشه بلا ابو شلونه
ياهو اليردها وحشة عيونه
بلايه ابو البنيه تتغرب
الكضت طفولتهه عله متونه
بلا امان الوكت. يالابو لو متت
من الزغر ماردت. تخلي كلبي برمح
……..
كوم اعله حيلك فدوه لعيونك
بالنعش ماردنه يشيلونك
خليني الف جرحك بالعمامه
خاف الشماته لايشوفونك
كلبي فاكد حضن. لياوكت يطمئن
الوحشه من فركتك. تخلي راسي بجرح
……….
ياعيد المن جايني لبيتي
بالمكبره مدفونه عافيتي
متروس وحشه بويه ديوانك
ياهوه عذيبي بعازتك ريتي
وداعة الله علي. بس دمع ظل الي
دمعتي وغربتي. تخلي راسي برمح
……..
نسألكم الدعاء
حسين صادق العقابي
يـا عـــازة عيونك عـــازة
مدري آنه مدري انتَ جنازة
يـــا راعي الايــتام أبـموتك
دارك تــره أيــتام اعــزازة
ـــــــــــــــــ ❁ ❁ ❁ ـــــــــــــــــ
بويه لـو تدري بـغيابك شنهي حـالي
شيبت مــن هـجرك وضـيم اللـيالي
يـا ابو روحي وهـيبتي وعــزي ودلالي
وداعـــتك مابيه حــيل انـگل خـيالي
وداعت غـلاتك يا عـلي
مـو ذاك حيلي الأولي .. ماعندي حيل بموتك
مـا بـارح عيوني الـدمع
وتـوني بحزن باب وضلع .. وجابولي شو تابوتك
كل واحـد التمسح راسة
بعدك گوه يجر انـفـاسة
الـيابويه تـخنگ تـابوتك
دارك تــره أيــتام اعــزازة
ـــــــــــــــــ ❁ ❁ ❁ ـــــــــــــــــ
كـلي شنهي الـمر عليك وفــارگـتني
عـودتني أعليك يـــابويه وعــفتني
بطيحتك هالدنيا طاحت فوك متني
واللــيالي السود بـعـدك شيبتني
أضلم صفه بيت الضوه
ويلجمني يـابويه الهوه .. من فـاركتني عيونك
بـعـدك شني لذت العمر
يـگضي كسر يبدي كسر .. مو مال اعيش بدونك
يـا حـيدر وداعت حـيدر
مـن اسمع البويه اتعـثر
مر بيه لـو طيف مــروتك
دارك تــره أيــتام اعــزازة
ـــــــــــــــــ ❁ ❁ ❁ ـــــــــــــــــ
وداعت عـيونك يبويه وكل غــلاتك
عايشة اعله الله ولجمتي وذكرياتك
الليل يخنگ روحي واتـنـخه بعباتك
وأذكر هــنا گـعـدتك وهــنا صلاتك
ماحسبت يابو الحسن
تموت وأضل بهل زمن .. يافي حناني وروحي
يساجيني يـابويه القهر
ومسومر عيوني السهر .. وشيبرده بعدك نوحي
غطه الـحزن كل أيــامي
وتدري الدمع موش أولامي
وبلهفه مــشتاگه الـصوتك
دارك تــره أيــتام اعــزازة
ـــــــــــــــــ ❁ ❁ ❁ ــــــــــــــــ
ذآب حـزني وذبلت بـوجهي الـملامح
وحـيلي كله أتـبـده مــني وانت رايح
مـرامح آنــه وهجـرك وثـاريه جـارح
أنت طايح مدري آنـه الـگـلبي طـايح
جاس الگلب كل الحزن
واجفوفي لجفوفك تحن .. ولعيونك تحن عيني
بويه وغـــلاتك شيبت
هوه انت لـو انه المتت .. ياريتك تحاجيني
تحاجيني ياريت أحجاية
يالطيحتك والله سواية
تعبني يابويه أسكوتك
دارك تــره أيــتام اعــزازة
ـــــــــــــــــ ❁ ❁ ❁ ـــــــــــــــــ
أمنيتي أمـــوت وياك لكن مو بــدية
وراح اكــلك شنهي راح يمــر علية
موش زينب بــاجر أتسمى السبية
وتگضي روحي من عـذاب المغربية
بعيوني باجر من تصب
تشمت عيوني الـغرب .. وابقى بحسرتي اتعثر
ومن الخيم تصفه جمر
دخيلك علي يصيح الخدر .. ونطشر بذاك البر
مـاودي الجمك يـا غـالي
بس حسرة خنگت دلالي
باجر تره حـالي يفــوتك
دارك تــره أيــتام اعــزازة
ـــــــــــــــــ ❁ ❁ ❁ ـــــــــــــــــ
نسألكم الدعاء
حسن وديع
((نخدم المهدي))
بالگبر عنــدي البـِشاره ما اضل وحدي
عندي بالبرزخ مجالس واخدم المهدي
بهالدرب ماشين حتى لـــو ميتين .. نخدم المهدي
"""""""""""""""""""""""""""""""""""''''''''''
يمعشوگ الحياره
يمــــــأذنةّ المناره
فرح گلبي ابشاره .. بشاره وللمله
صدگ حدر الترايب
خَدَمّ نلگه و مواكب
بعد نلگــه العجايب .. ضريح و كربله
بكل مكان ..
خدمةّ حسين الشــريفه
وخدمةّ الزهره العـفيفه
عامل و عندي الوضيفه .. للحسين
بكل مكان ..
اخدم و انصب مجـــالس
واگعد ابچي ويه النوارس
حگي لو اشگ المـــلابـس .. للحسين
اني كل شغلي المجالس روحي متعلمه
عـطر أبـو صـالـح يـربـي بـلكـت اشتـمه
ما نمل يحسين
حتى لــو ميتين .. نخدم المهدي
"""""""""""""""""""""""""""""""""""''''''''''
يأحـلام الحـقيقه
اذكره بكل دقيقه
اشمه بكل حديقه .. يأحلا من الورد
يهل تسمع حچينه
حلم نحلم تجــينه
متى تضوي علينه .. هجر كافي وبُعد
يا امان ..
مسجد السهله يتاني
يحسب بچفه الثواني
وآنه ابعثلك حــــناني .. يا غريب
يا امان ..
مسجد الكوفه برحمتك
وايده مرفوعه الطلعتك
چم نهر صارت دمعـتك .. يا غريب
كل عزاء انته التحضره دمعـتك حمره
هـذا مـجـلس للعـزيزه فـاطمه الزهره
فاطمه و تدرين
حتى لــو ميتين .. نخدم المهدي
"""""""""""""""""""""""""""""""""""''''''''''
عشگ مو(دم) بديه
خدمتك تجري بيه
واذا جــتني المنيه .. يشيعوني بلطم
اليريد الگبري يحضر
يسوي گـبــري منـــبر
يخلي بعـــــينه منظر .. الزجيه وتنهظم
بكل حنان ..
تنعى لحسين و عضيده
بگبري واكتبلك قصيده
بيـــت الاول لا تعـــــيده .. بي مصاب
بكل حنان ..
لا تذب ماي بتــربتي
ابچي و تذكر عبـرتي
گبري غركان بدمعتي .. بي مصاب
منكر المجلس يحظره و يلطم بشوگه
يصرخ ابيت القــصيده بعبره مخنوگه
لاتضن ناســين
حتى لو ميـتين .. نخدم المهدي
"""""""""""""""""""""""""""""""""""''''''''''
ندم بأنفاسي اشهـگه
حلم والمهدي اشبگه
واحس بصدره الــگه .. مخيم كربله
مخيـم گلبه صاير
يمهدي ادري حاير
متى تشعّ المـــناير .. يراعي القافله
يا اسير ..
توگف بـــوگفةّ يتامه
الزينب تذب العمامه
دمعك بخدك علامه .. يا وحيد
يا اسير ..
بـــلا مكـــان ولا ولايـه
وتلهج بطــاري السـبايه
اتلچمك حروف العبايه .. يا وحيد
بداعةّ الراحت سـبيه بدمعه مذروفه
يمته اسمعهه السوالف صلى بالكوفه
لو تمــر سنين
حتى لو ميتين .. نخدم المهدي
"""""""""""""""""""""""""""""""""""''''''''''
اشوفك و بعزائي
احس تسمع ندائي
شبابك كــــربلائـي .. ينادوك العجل
عَجَل يالغالي وينك
ذبت من گـد ونينك
غريب انته و حنينك .. يمولاي الخجل
يا حنين ..
يالحــنانك ماكو منه
حتى بدموعك محنه
گلبي بدروبك تعـــنه .. يالحبيب
يا حنين ..
گلبــــك يوزع بواچي
لازم بچفك تـــــراچي
وي رقيه شگد تحاچي .. يالحبيب
چم علامه بروحي باتت وادعي يوميه
يمته جبـــــريل بندائه وصيحه مدويه چاطريقك وين
حتى لـو ميتين .. نخدم المهدي
عبد زينب
محمد الأبراهيمي