1950
@telegram.me/amarr_hasnn
المايندل ضواك منين "
يبيع الشوف للضلمه
المايندل افيايك وين "
شمس الوادم تهضمه
ما لمني جف غير اجفوفك
يا واحد وكلشي يطوفك ..
((العاشگ لاتلومه))
العاشگ لاتلومه جروحه ملچومه
مــن يسمع بيوت اعزازه مهدومه
ساكت من يحاچونه
يرســم گـــبه بعيونه ...
"""""""""""""""""""""""""""""""""""''''''''''
صفار الگبه ضاعت كل معــانيها
وباب الحاجه هدمو كل طواريها
ودمـــوع الألم بالحسره يخفـــيها
العنده جروح للحيطان يحچـيها
اذا سولفنه بيكم نستحي هوايه
سكته وشـاهدينه طيحت الرايه
اليحبكم نار تدرونه
يرســم گبه بعــيونه ...
"""""""""""""""""""""""""""""""""""''''''''''
الاخرس هم يسولف حچيه تأشيره
واحـــنه الســـــانه مــــاتت تعابيره
العــــش الينهـــدم تتحــير الطيره
لذلك جاي اشوف المهـدي بحيره
سدو بابنه والچـــــلمه محبوسه
وياروحي عشگ ياناس متروسه
گلبي لاتلچمــونه
يرسم گبه بعيونه ...
"""""""""""""""""""""""""""""""""""''''''''''
محروگ الگلب والروح محروگه
وأزور آنه شريفه بدمعه مسـبوگه
واگللها ابـــــــوچ بحسرته وشوگه
واحسنها العزيزه بحسره مخنوگه
بيا حال واصيـح وحالي متردي
بصياح الجذب مايسمع المهدي
المهدي صاير شلونه
يرسم گـــبه بعيــونه ...
"""""""""""""""""""""""""""""""""""''''''''''
متحزم كلامي ومـــاتصح فرصه
علي السجاد ياالشايل الف غصه
كــــون بكــربله وارويلك القصه
چـا نبني مقـــــام شكبره للعصه
يامعــــنى الدمع وگليبك وظيمه
گبرك طاح لمن طاحت الخيمه
يبچي من يسئلونه
يرسم كبه بعيــونه ...
"""""""""""""""""""""""""""""""""""''''''''''
الباقر ياحـــــزن بچفوفك تلمه
بيا دمعةّ حزن للصـــادق تكلمه
دمعكم بي سبي بي چلمة العمه
على ياهزله راكب جرحك بهمه
لطمكم مو على البنيان والطوفه
على زينب لطمكم دخلت الكوفه
جرحكم ماتضمدونه
يرسم گبه بعـــــيونه ...
عبد زينب
محمد الإبراهيمي
#قصائد_البقيع
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.c
🕊الســلام علــى جنة البقــيع 🕊
ـــــــــــــــــــــــــــــــــــــــــــــــــــــــ
هدم قبور البقيع
يابقيع اهل الُـعـله
صاحت الـها كربـله
اليا وكت وحشه قبور الطاهرين
عندي الهم ساحه بين الحرمين
++++++++++
بذكرى تهديم القبور
وحشه مايمچ حضور
وانتي گاعچ تحتويها اربع ايمّه
الواجه اسيوف وجراح
يمكن ابگبره استراح
لكن الميت صعب جرحه تلچمه
الينهدم گبره عليه
يعني جسمه مرضرضيه
اليختلف بس مندفن راسه اعله جسمه
الگبه فوگاه من يطيح
مييت وگلبه جريح
نار هظمه ابروحه مو بس ابخيمّه
وضعج اهواي اختلف
عني لو عن النجف
حته مشهد غربه چانت هسه وين
عندي الهم ساحه بين الحرمين
++++++++++
فتره مرت مو قليل
والحسن ذاك الاصيل
گبره صعبه ينلفظ اسم الخرابه
ابكربله ابنه وعضيد
وعن شريفه مو بعيد
شمله يلتم لو ترك ذيچ الترابه
گاعي اله استر مكان
جورة الكافل امان
ابحنّة القاسم نضلّ انحنّي بابه
الماسمعها السنوات
اهواي يسمع صلوات
تنحني زواره ملهوفه ابعتابه
كلمن بگلبه حچي
الماشبع گبره بچي
هواي عطشانه المشيته الزائرين
عندي الهم ساحه بين الحرمين
++++++++++
وصلي صوتي للعيل
منه خجلانه انه حيل
خل يجيني هسه مو جيّة اساره
افتح اذراعاتي كون
مو اسير وعالضعون
ابهيئة العوچيه ابنيله مناره
اسجد اگباله اعتذار
مني اذا لاحته نار
من ذهب مو من رواگ ابني الستاره
عندي اله موضع مريح
يسكن بنفس الضريح
بين الاحسين وعلي الاكبر مزاره
هنا ابد ما ينهدم
الگبره اختار الاسم
هذا قبر الدمعه ماجفتله عين
عندي الهم ساحه بين الحرمين
+++++++++
الباقر وانه ادري بيه
مو غريبه ارضي عليه
لسه موجوده برملها ذكرياته
هذا من ضمن الزغار
اليركض وبذياله نار
گاعي يندلاها راكضها اعله زغره
لا لهب نار وعناء
الخيمگه صارت بناء
بيها گبه تكسر افياي اعله گبره
جده اذا مشتاك اجاه
خيل ماتركض وراه
اكباله باب القبله ماكو ابدربه عثره
ماكو شوك اولا لهب
ابوجه يتلگا ذهب
ماكو غربه كلهم اهله حاضرين
عندي الهم ساحه بين الحرمين
+++++++++
وحشه كاعج يالبقيع
مثلي هم جرحج وسيع
نار بيته الصادق الرسمتله صوره
عن ركض ذيچ الحريم
ياجرح عمته العظيم
ذكرياته امنين ما وجهه يدوره
الصادق واهل يجون
عالشريعه يلتقون
وين چان اينادي عباس ويزوره
شگد يحب الهم يلوع
خل يجي ويشبع دموع
هوه مثل الزهره بالدمعه سروره
ناسه خدام اشكثر
يمه كل موكب يمر
امحزم ابنصهم يدگ اعله الحسين
عندي الهم ساحه بين الحرمين
+++++++++
الماتت امن الانتظار
ليش تبقى ابلا مزار
بفاتحه چم حاجه خلصت لو قروها
خل تجي ام البنين
بين ابنها والحسين
ابكد دمعها الحره راح ايدللوها
تنسه كل ذاك الجراح
ويّه كل طرة صباح
من مراقدهم يجوها ايقبلوها
من ذهب مو من تراب
حضره يبنوها الشباب
ويخدم الزوار عباس اليجوها
تلزم الوادم سره
يم ضريح الطاهره
وبمحرم تشبع انواعي وانين
عندي الهم ساحه بين الحرمين
ثائر الربيعي
((شفتك حبيب))
شفتك حبيب الكل گلب
وبكل گلب أسمـك يطب
بكل زاويه مـــــن الـجرح
كل وجنه بالمدمع تصـب
شفتك فناء الكل جرح
ترنيمه وبــــــزفةّ صبح
يا كل حـــياتي وحالتي
عــــذبني وذبحني ذبح
أكـــــثر بچيني بحــبك أذيني
بعشگك قيدني وردني أوديني
مـــــا ريد اتهنه ولا طالب جنه
رايد بس حبك ويا محله الونه
حبيبي حسين ...
"""""""""""""""""""""""""""""""""""''''''''''
شفتك ضوه ولاغي الضوى
شفتك هوى يشمه الهـــوى
اقصــــدلك بجرح العشگ
تزودني عشگـــك مـو دوى
أرجع مثل بسمةّ خجل
أتلفت وشـــــــابع وجل
بسمه ودمع من تنجمع
يعني العشگ منذ الازل
حبي بــدمعــاتي وأنـــثر حسراتي
وقربني الــحالك وأسمع صـيحاتي
قــــــربني بنضره بثـــــواب الزهره
ومرضني بهجرك وهيمني بصحره
حبيبي حسين ...
"""""""""""""""""""""""""""""""""""''''''''''
وتگطعتّ بيه الســـبل
وغيرك فلا واحد يدل
بس بابك نشوفه وسـع
يوسع گلب هزله وحبل
بابك لجـــــوء ابلا أسف
بابك نعاس اهل الكهف
بـــــاسط أديه بعتبتـــك
رجعني اذا دمـعي نشف
لترجع حـالي وأقــبل اقوالي
مزمار الفرگه يطرق في بالي
بالي وعنواني كلمات احزاني
بحبك مطمن لا مــــا تنساني
حبيبي حسين ...
"""""""""""""""""""""""""""""""""""''''''''''
جايبلك عيـــون وسهر
تراويني شفتك بالنحر
ما استحق عثرةّ طــفل
يالمنسحگ وجه وضهر
وشينفع الــ بسْ الـــــدمع
يالتبچي من صدرك ضلع
متفـــــنن وتنطي الخـــيم
وتنطي المحـابس والصبع
تهجر معلــوله وتسبي المكفوله
ومخلي عيالك بهزله ومحمـــوله
راسك يتكـــلم ورمحـــــك يتألم
شفتك ذبــلانه بس اجمل مبسم
حبيبي حسين ...
"""""""""""""""""""""""""""""""""""''''''''''
مـــــــن تسمع دموع ونغم
يصير الرمــــــح ابسط ألم
من تنضر بــــزينب جـــرح
تنسه السحگ تنسه السهم
حتى الرمح بيك اندهش
شافك نهـر وأنته بعطـش
وتــــــــودي عينك للسمه
من البچي الكـــل ارتعش
تســـافر نضراته وهوه بجمراته
وبالسانه اليابس يسولف دمعاته
ينضر بحســاسه مـو بس بـراسه
لو شاهــد زينب ينــــضر عباسه
حبيبي حسين ...
عبد زينب
محمد الابراهيمي
هاي الدنيه ابد ماخلت احباب
بغربه اعزاز گلبي جوه التراب
صب يادمع العيون
الراحو ما يردون
..................
عله طاري البقيع ويومه ومصابه
ضل كلبي الهضم والنوح محرابه
بحزانه الدهر فاتح عليّ بابه
أعز الناس مدفونين بترابه
مشتاك التربهم والله مشتاك
بعد روحي ابد ماتحمل افراك
همه بحالي يدرون
الراحو ما يردون
.................
لبو محمد إمامي الروح مشتاگه
ماعندي گلب يتحمل افراگه
ويه الحسن يمته يحين الملاگه
حنين البيه منه تاخذ الناگه
شكد اسهر وضل محارب النوم
من زيارته ليش اني محروم
لكبره اوصل شلون
الراحو ما يردون
.....................
علي السجاد ياهو اليعرف شلونه
جم مصاب يهضم شافت عيونه
ابد لا ماخلص من اليضدونه
ليش بياذنب كبره يهدمونه
خلص عمره ابد مانشفت العين
يشرب ماي وينوح اعله الحسين
بجروحه يلجمون
الراحو ما يردون
.......................
الباقر عاش لجمه وهدمت حيله
أمر بالطف وكول شينسه ياليله
رقيه وياه بدرب السبي وتحجيله
ومن سوط المتن كلساع تشكيله
رفاكه ثنينهم والگلب محتار
عله الرمله مشو وادري الرمل حار
تحامي بيهم ام عون
الراحو ما يردون
.......................
يمر ذكره عليه وروحي محتاره
وآنه وحزني نتعناه خطاره
عله الصادق تضل عيوني تتجاره
شاف بعينه نار وتحرك ادياره
هامت روحه وسط البيت محتار
شلون بخيم زينب شبت النار
والأيتام يبجون
الراحو ما يردون
...................
احير بياكلام احجي واوافيهه
والزهره الزجيه راضيه اعليهه
هدمو كبر ام عباس تاليهه
تمنيت الگمر حاضر يحاميهه
عايش عمري كله بجمرت الاه
ماناسي البقيع ويومه والله
ماانسه اليحنون
الراحو ما يردون
محمد هادي العقابي
نبني گبب فوگ البقيع
ياسادتي الحق مايضيع
أربع گبب وأم البنين
بالغربة عدها اربع بنين
~~~~
بيوم البقيع العالمي انحشد جهود الرافضة
شيعة علي وما ننثني وهدم المناير نرفضة
مازال نتنفس هوى منعوف ولد المرتضى
نبني البقيع بكل فخر نخلي مثل صحن الرضا
وبالغرقد انقيم العزاء
چنها مجالس كربلاء
بأسم الحسن واسم الحُسين
بالغربة عدها اربع بنين~~
نبني المناير شاخصة بگبر الحسن معنى الكرم
نخلي دلائل للقبر نرسم نعش فوگة سهم
والگبة من لون الذهب لون الچبد من صابة سم
حتة اليزور المجتبى يعرف عَليَه اشگد ألم
الصوت ابحضرتة يعتلي
هاذة الحسنْ إبنُ علي
او كلنة بخدمتة چي حنين
بالغربة عدها اربع بنين~~
زين العِباد وحالتة وماعندة گبة اعلة الگبر
لسة القيود ابرگبتة لحد هسة گبرة باليسر
ايتاني وچفوفة امقيدة ياهو اليفكهن بي يمر
والباقر اشگد منفجع وي أهلة مسبي من الزغر
للباقر انسوي ضريح
ومن السبي خل يستريح
بنفس القيود امقيدين
بالغربة عدها اربع بنين~~
ولصادق العترة بعد نبنيلة حضرة جامعة
چي أسس ابإيدة العلم وعالعالمين ايّوّزعة
أصل المذاهب سيدي الدنية بعلومة مُتْرَعة
انّشّيد بناء امن الذهب فوگ الأئمة الأربعة
نخلي دلائل عالمقام
نكتب أسامي كُل إمام
انسمّيه بقيع الطاهرين
بالغربة عدها اربع بنين~~
وما ننسة أم الأربعة ام الوفة أم الگمر
نبني مقام الطاهرة نرسم عليه عشرت صور
نار اوخيم، چف اوسهم، نرسم علم،عين ونهر
والخنصر اللي منگطع ونرسم رمح ويَّ النحر
وإهية بگبرها الطاهرة
تبچي الحُسَين اومنحرة
لسة الگلب نبضة أنين
بالغربة عدها اربع بنين~~
أحمد عباس الحساني
هدم قبور أئمة البقيع
عالشالو بعيد الگلب شال
ما تنبچي الدمعات تنگال
حسرة علينا راحة البال
لاياخذ ولا ينطي گلبي
شعدها العيون مچلبه بالراس
وي ناس ابد ما تشبه الناس
للحنّه تعطش ورگة الياس
طاسه اعله حِبّ الضيم گلبي
آآآخ بويه دم وجههم مثل دمي
حچاية أمهم حيل چنها حچاية أمي
شرايدين
رايدين الباچر شويه صبح
خايفين
خايفين عالجرح يوكع جرح
••••••••••••••
••••••••••••••
نسفط نزورك لو توابيت
ونحبحب چفوف الزواتيت
وين الگبور العاليه الصيت
گصّو چفنّه من عبيهُم
هيدولنه برملتهم شواي
شويون بس حگ شُربة الچاي
خايب يَكون النِفَس وياي
للراس زين الوَن عليهم
ما درينه ليش هيچ الوكت گطعي
الموت هاي الفتره حط عينه اعله ربعي
شماخذين
غير بس الضيم من هذا العمر
اشايفين
صرخه بالكاروك دمعه اعله الگبر
((يمته استحي))
چا يمته استحي من حُبك العِندي
چا يمته الخجل يلزمني مـن زندي
ومن زندي يجرني الرحمةّ عيونـك
يالمغرگنـي خيـرك وآنـــه ماعنـدي
اتقــــدم ألـــك خطوه
وأتبعثر ألـــــف فـدوه
ويرجعني الذنب گـوه .. يمولاي
اذا مو نضرةّ عيــونـك
نضره البــدلت جــونك
وأسمه الصار مجنونك .. يمولاي
مــن حقـــك اذا تطردني معذور
بس شلـــون باچــر جـاي عاشور
تفگـــدني المجــالس واليلطمون
وآنه المجلــسك مــولاي منـــذور
رحمتك اوسع من ذنوبي مولاي ...
"""""""""""""""""""""""""""""""""""'''''''''''
شما گلت انصـــلح ماينصلح حـالي
اعــــوفك بس أحســك انته تبـرالي
واجيتك سيدي بتقصيري وأسرافي
الك ياغالي روحي وعشـــگي الغالي
توجهت أعله ابو اليمه
وصرت أمچلب بهدمه
لا تطردني مــن خدمه .. يمولاي
اذا دمعــــــاتي تتسلب
من عيني وجفن حَدب
زحمه لو صحــت زينب .. يمولاي
ولك يا آنه كافي من الذنب هيد
يعاثر وانته ســـاداتك أجـــــــاويد
اگلب ورقةّ ذنـــوب الحســافـات
ودگ باب الوحيد بنص هــواديد
رحمتك اوسع من ذنوبي مولاي ...
"""""""""""""""""""""""""""""""""""'''''''''''
چا يمته استحي وخيامك أمجمره
وعـيالك شـريده وسكـــنو الصحره
وين البي محــنه عـالــــهزل صاعد
لاتحــمـد عطرها وتسحــگ الزهره
الورد مِچَويّ بـالخيمه
مـــن بستـــان للهـيمه
يادرب السبي وضيمه .. يمولاي
شطولك يـادرب كافي
چم طفله بجدم حافي
وصوت يصيح يچتافي .. يمولاي
وأنه أمزود دمعـهم كـافي الذنوب
يـــــاگلبي الشلع گلبي ولك تــوب
مو ذاك الضعن طب أعله القصور
وزينب مـــن تعبها تشوف يــادوب
رحمتك اوسع من ذنوبي مولاي ...
"""""""""""""""""""""""""""""""""""'''''''''''
ويّ روحك يَـ آنه ســــولف ولــوم
وأتندم واحچي بكلـــشي مضموم
منطينــك نهــر يـــارحمةّ المـــاي
بس عبدالله مــــن الماي محروم
منطيـــنك طفـل ضامي
ونحره من السـهم دامي
وگلبه من العطش حامي .. يمولاي
ليـــــش أتعب اليتـعب
يَـ آنــــه يمــته تتــأدب
گلبي المهدي مو شيب .. يمولاي
ضعن كله هواشم بالـــذبح راح
وضلت روسهم بسنون الارماح
شمقدم وأگولن خـــادم حسين
چا وين التعب شــو آنه مرتاح
رحمتك اوسع من ذنوبي مولاي ...
عبد زينب
محمد الابراهيمي
نخيتك ياعلي ترد ابني الي للقاسم نروح فدوه آنه وهلي
(())(())
١
لاچمني خايف حيل ياگلبي ياگلبي ياگلبي
يافرگه روحي بعيد من دربي من دربي من دربي
يادنيتي وهواي
يافرحتي وضواي
مو گتلي انه جاي
حضري العرس
گلبي انگطع وراك
يمكن ييمه إجاك
بايعني وشتراك
يبن الشمس
(())(())
٢
يمه أرد اشيلك ماي بعيوني بعيوني بعيوني
طير وعليك هواي حسدوني حسدوني حسدوني
يايمه لاتنام
ماطايح الظلام
وديت الك سلام
عوف الجرح
مستعجل الممات
يالذة الحياة
عالرمله لاتبات
فوگ الرمح
(())(())
٣
تانيني أحطلك شوگ بجروحي بجروحي بجروحي
تدري الضنه معشوگ ياروحي ياروحي ياروحي
احچيلك بعتاب
حتى أسمع الجواب
دعوتها تستجاب
الوالده
يايمه ها تعال
ياراية الجمال
ضميت الك دلال
الوالده
(())(())
٤
بوكت النهار وتارس أحلامي أحلامي أحلامي
بهدوم ابوك امبخنگه الثامي الثامي الثامي
مو جوّه گلبي نار
بالغربه مالي دار
كل هذا بيه صار
من كربلا
گلبي ويه ابني طاح
وعقلي احسه راح
مكسورة الجناح
من كربلا
(())(())
٥
ابني وحبيبي وعاش من شافه من شافه من شافه
الورديه شفته انفطرت شفافه شفافه شفافه
والله ابني بعده شاب
مايحمل العذاب
ولايحمل التراب
مثل النده
ياجاسم الحبيب
يوليدي لاتغيب
ضل عمك الغريب
الوحّده
وفي يوم الجمعة
اللهُم قدراً جَميلاً وخبَراً جميلاً ودعوهً مُستجابة من بُشرى تشبه الغيث و فرحة تمحو كل حزن و فرج لكل صابر و شفاء لكل مريض و رحمة لكل ميت و استجابة لكل دعاء وجمعه مباركه علينا وعليكم بالخير وسعادة 🌼
وكلُّ عِيدٍ وعَينُ اللَّهِ تحرُسُكُم
حتَّىٰ يعُودَ لكُم بالخَيرِ أزمَـانَا
/channel/amarr_hasnn
سيودعنا اعز ضيف للمسلمين 🤲🏽
غداً اخر يوم سيتواجد شهر رمضان معنا في هذا العام
يارب تقبل صيامنا وقيامنا
#وداعاً_ياشهر_الخير ينعاد علينا عليكم بالصحه والعافيه يارب 🧡
اسولف وحجي البروحي
وگعد كل جرح بيه
تكضي الذكريات دموع
من تنعاف البنيه
عشرتي وياك جانت حلم كل طفله
عمره الماكضاه وياك بي شله
★★★★★★★★★★★★★★★★★★★★
شرد اكلك ★ يالخذيت وياك سالفتي ومشيت
بيش اعوضك ★ من اشوف عيونك احسبني شفيت
يامن عودتني عليك عطرك تارس الشيله
كل ليله التمر بجفاك ابد ماتنحسب ليله
★ يموت بساعته الفارگ وجه خله
★ عمره الماكضا وياك بي شله
★★★★★★★★★★★★★★★★★★★★
مانسيتك★ وانت واكف ليه دوم بكلشي عون
شكد بجيتك★ شايل افكاري وصرت ليها متون
يالغالي اريد وياك كلشي وياك يحلالي
زغيره وبلكي لوحاجيك يكسر خاطرك حالي
تعال بساع جسمي مرافك العله
عمره الماكضاه وياك بي شله
★★★★★★★★★★★★★★★★★★★★
وين الكاك ★ اسوالف بعيني واريد احجيهن
دوم انعاك ★ وذكر اسوالف كبل وبجيهن
ليش الفركه يالتدري عليك عيوني متعوده
لو شافني النسوان بيك ايسولفن عمده
★ وجهك عافيه شما شوفه ما مله
★ عمره الماكضاه وياك بي شله
★★★★★★★★★★★★★★★★★★★★
عاد بالطيف ★ مر عليه وخل اكول حسين مرلي
فركتك سيف ★ جرح گلبي وملح فوك الجرح حطلي
زغيره وحلمي جان وياك دوم ابقه
اليفارك مثلك ولو مات من حقه
★ كتر من روحي اخذته اجفاك شيحمله
عمره الماكضاه وياك بي شله
★★★★★★★★★★★★★★★★★★★★
خادم آل محمد
سجاد الزيدي
محد يعرف البيك * ونار الفركه تجويك
حبيبك اذا غاب يجرحك حبيبك
حبيبك اذا غاب يجرحك حبيبك
1-
عاش من شافك حبيبي وحضر ساعات الدفن
حسين من لحضة وداعك اكل واشرب حزن
تجوي خدي دموع عيني وبالسبي شاب الجفن
الفركه يرادلها حيل وحيلي خلص بالضعن
بكاع الغربه دفنوك * بيمن خويه غسلوك
شيجيبك يالحسين إليه شيجيبك
حبيبك اذا غاب يجرحك حبيبك
2-
شلملمو من جسم اخيج خويه امشي وانسئل
ولتفت لعيالي خويه والكه ضايع جم طفل
بناكه هزله صعدوني وشدو ايديه بحبل
حسين كسرت ضهري كلمة هسه انتي بلا اهل
يجرح فكد الحباب * كلهم اهلي غياب
يصيبك سهمهم بالعيون يصيبك
حبيبك اذا غاب يجرحك حبيبك
3-
لو كلت جا وين اهلنه الصوط ينزل ونضرب
روع الاطفال خويه الشمر ما عده كلب
عطشت ام عبد الله خويه وماي ماكو بالدرب
وشربت بتك رقيه من دمع عيني اليصب
خلص دمع العيون * وانته بغربه مدفون
بنحيبك إذا مات تموت بنحيبك
حبيبك اذا غاب يجرحك حبيبك
4-
صدك من كالو اهلنه يوجع اصحابه الجرح
شلون انام الليل كلي وانته راسك عالرمح
بالسبي ماكو استراحه من الصبح حد الصبح
صعبه نفتر هيمه هيمه وانته راسك منذبح
نمشي وتسأل الناس * زينب ماكو عباس
اجيبك يعباس أنه منين اجيبك
حبيبك اذا غاب يجرحك حبيبك
5-
من تموت اعزاز كلبك وانته تبقه لوحدك
وعله اهموم الدنيا تشعر اخو ماكو يساعدك
وتذكر ايام الطفوله وشنهي صار بمولدك
عايش المن خويه كلي يموت كون اليفكدك
ميته اتمنه وياك غالي وصعبه ننساك
وريدك سهم لاح يغالي وريدك
حبيبك اذا غاب يجرحك حبيبك
الخادم
حسين عبد الجليل المالكي
((أعايدمن))
اعايدمن وأنـــه كل اهلي غياب
شحلاته العيد لو ملتمه الاحباب
ولو گعدو سويه ... ابوي ويه الزچیه
"""""""""""""""""""""""""""""""""""''''''''''''
شحلاتّ العيد كون احبابك وياك
حتــــــى العيد كون بفرحه يلگاك
يا عيد النــــــــوايب حيدر انطاك
عمره ولا يجي و لا يوگف حـذاك
اعــــايدمن و ابوي اتوسد تراب
شحلات العيد لو ملتمه الاحباب
مشو اهل الحميه ... ابوي ويه الزچیه
"""""""""""""""""""""""""""""""""""''''''''''''
المن جاي و انه بدمعةّ العـين
المن جاي اسود لابس حسين
الديوان انترس مـــن المعزين
لو موجود ابوي العيد عـيدين
ها يا عيد گلبي جـرحه ما طاب
شحلاته العيد لو ملتمه الاحباب
وما ردو اليه ... ابوي ويه الزچيه
"""""""""""""""""""""""""""""""""""''''''''''''
بـيام الطفـــــوله ودمعي تعويد
لا خليت حنــه ولانــــي بجـديد
المن جاي انشدك گول يـــا عـيد
يتانيني السبي و بمجلس ايزيد
يــــــا عيد النوايب باچر مصاب
شحلاته العيد لو ملتمه الاحباب
أگطعو كلش عليه ... ابوي ويه الزچيه
"""""""""""""""""""""""""""""""""""''''''''''''
گبل يا عـــــيد موش اليوم نبراس
گبل ضـــــلع الزچيه و طبرةّ الراس
يتيمه و لاتجي خل عندك احساس
اليتيم ابــــــلا ابــــــو دلاله ينجاس
اذا تحمل عتب هاك اخذ العتاب
شحلاته العيد لو ملتمه الاحباب
كل واحد نويه ... ابوي ويه الزچيه
"""""""""""""""""""""""""""""""""""'''''''''''
يويلي اعــــــله اليــتامه من يحنون
الماعـــــدهم (ابو) لا مــــــا يعيدون
الما يضحك تشوفه ويه اليضحكون
گول العيد جــــــوه الگــــاع مدفون
يهاب اعله النجف سلملي يا هاب
شحلاة العيد لــــو ملتمه الاحباب
مشو و اصفگ بديه ... ابوي ويه الزچيه
عبد زينب
محمد الابراهيمي
للبقبع
.
.
.
مـــنـــارات.. الــمــزارات .. الســماوات
بچت من دم عليها
_____
لأن علــويه البقــيع وتعـتبـر قـــدسيه
ابلاتــردد شمــر قـرر يسـبي هالعلويه
والمثل هالگـاع زحـمه تنـوخذ مسبيه
ولـسه ماردت اسيـره عنــد ابن تيميه
جراحات .. الــمــزارات .. الســماوات
بچت من دم عليها
_____
اللجمه الاولى ام البنين اتعنو ايهدموها
چيف من كربـله ثــار امــربع ايطلبـوها
بغضــاً ابعباس هــمه بالــثـره ســـاووها
فـرصه ثارات البقــيـع ولازم يــوفـــوها
رويـــات .. الــمــزارات .. الســماوات
بچت من دم عليها
_____
من هــوت هاي المــناير هـوت چن السبعه
اعيونها مــن البــواچي بيــها ماضـل دمعه
ظلمه هسه وابو صالح يـحترچ چن شمعه
على كسر اظلوع گــبر الحسن كاسر ظلعه
معـــانات .. الــمــزارات .. الســماوات
بچت من دم عليها
_____
مهــبط الاملاك گــصدو بابــها ايحــرگونه
وبالصــبر بعــل البـقيع امــگــيد ايعـرفونه
امن الدمع گبر ابو الزهره مغورگات عيونه
حـقه كــودا شــاف خدها لــمن يسـطرونه
ويلچمات .. الــمــزارات .. الســماوات
بچت من دم عليها
_____
زمـــره للتــخريـب جايــه وللــذبح عـــنايه
اتغيــضهم فوگ البـقيـع العـلي تخفگ رايه
تــره بالتاربخ محــد ســوه هيــچ اســـوايه
اگبور اهل البيت وسفه اويه الثره مساويه
اعله رايات.. الــمــزارات .. الســماوات
بچت من دم عليها
_____
فكرو بامر البقيــع شـلون تخفي انفاسه
گــام واحـد گال منهم كون نگـطع راسه
حتى لاواحد يــزوره اولاتگــصده نـاسه
اتهدم اول ما شمرهم عله صدره وداسه
نهــايـات.. الــمــزارات .. الســماوات
بچت من دم عليها
_____
حيدر تركي الكربلائي
يهدى ثواب هذه القصيده
لروح خادم الحسين العم ابو عباس الجبوري
ابوذيه
علي ثوب الحزن كاعد. وراهم
وبنفسي اشوف اهلي. وراهم
عجب ياروح. مامتي. وراهم
ونمتي احذاهم بذيج الوطيه
🖊️🖊️🖊️🖊️🖊️🖊️🖊️🖊️🖊️
يطارش روح لهل النجف. وداي
سلام وشوك وشكي ألم وداي
كللهم يجون. اليوم. وداي
على السفره نجي ونلتم سويه
🖊️🖊️🖊️🖊️🖊️🖊️🖊️🖊️🖊️
لون يلتم شمل اهلي. لميته
وكلبي بكثر ماينحب لميته
لامتحمله. الفركه. لاميته
ولاهمه المشو ردو عليه
🖊️🖊️🖊️🖊️🖊️🖊️🖊️🖊️🖊️
موراحه الي ويه الاهل راحات
وليالينه الونس ياحيف راحات
على الراحو صفكت اليوم. راحات
اعزاز ومن مشو فيو عليه
🖊️🖊️🖊️🖊️🖊️🖊️🖊️🖊️🖊️
الراس المانزل. لهلي. نزلهم
ويزهي چان ومنور. نزلهم
المشو من الكلب صعبه نزلهم
وهمه بكل ركن تركولي فيه
🖊️🖊️🖊️🖊️🖊️🖊️🖊️🖊️🖊️
بقلمي عاشقة العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه
صاحبة الحسچه الجنوبيه
ام عراق الشمري
يروحون ليش احبابي من عندي يروحون
انه المهدي صرت وحدي
****
عفت الاحباب جوه التراب فاركوني والدمع بلل لحيتي
اصبر اشلون اهنا يالعيون ما الومج لو عله احبابي بجيتي
براحه الناس كلها اتنام وانه الليل ما نمته
ودعت الفرح تدرون وانه زغير ودعته
بالكبور كلهم نامو اعزازي بالكبور
بونيني احدي صرت وحدي
*
ابجي كل يوم من الهموم واليفارك اهله يا ناس اشيصبره
بيه كل عام اتزيد الالام اشلون صحت الصادق ايهدمون كبره
جا يمته البقيع ابني وشيدها مراقدهم
ياخذني الهوه واشتاك ليهم والكلب عدهم
عليهم هذا الشيب البراسي عليهم
كرب وعدي صرت وحدي
**
اهواي متعوب امشي يا صوب عايش بديرة حزن كلها متاعب
وجهي ذبلان وجسمي نحلان وراسي ابيض صار من كثر المصايب
حدب ضهري مثل اهلال وامشي اعله الجرح كوه
كل يوم اسكن الصحره وحيد وبلوتي بلوه
جفوني اهواي احباب عافوني وجفوني
وحك جدي صرت وحدي
***
اعتب اهواي وتجري عيناي ليش قله بهل الزمن يدعون اليه
امنيتي الكه اعليه حركه انه رايد ناس ملجومه عليه
اعجل بالفرج يردون ومحد تاب من ذنبه
افرح من اشوفن شاب يقره بدمعته الندبه
احبكم انه اهواي تدروني احبكم
الزمن ضدي صرت وحدي
**
كوه صابر بصدري حافر انه جدي المنسحك بحوافر الخيل
الفكد الحسين ابجي يا عين انه عماتي ابد ما نامن الليل
اصرخ كربله بحزني وتملي الدنيه صرخاتي
انه اشلون ما ابجي ومسبيات عماتي
اعله اخوها زينب ناحت اهواي اعله اخوها
حرت شبدي صرت وحدي
***
تمت
تحسين الخفاجي
بسم الله نبدي مايلي
الاذان شيعي يعتلي
يالمهدي نهتف ياعلي
اربع مراقد تنبني
*******
هاجس بالدمع ....مذبوح الشمع....
خيط الفجر ما بان
كل زقه وفرع..........باچر ينسمع
بصوت المهدي الاذان
كل دمعه من اسولف تخنك الانفاس
شيبك بالبقيع اشكد طلع بالراس
ردت تبني البقيع ابكلبك الحساس
حشم لو ردت بس عمك العباس
تشبه علي من وجنتك
ابچف الكمر ثق رايتك
والطاغي باچر ينولي
يالمهدي نهتف ياعلي
اربع مراقد تنبني
*******
وحدك لو تون......عايش بس حزن
دمعه وتحچي الاهداب
ما مر الفرح ......عمرك بس جرح
اگبور الاهل غياب
وين بيا كتر يالمهدي كاعد وين
ليش بلايه زاير يوصل الطيبين
حسره من الكلب وتهل دموع العين
دمعك ما نشف لسه بضريح حسين
يالمهدي عمرك بس تون
متعاقد وياك الحزن
چا يمتى حزنك ينجلي
يالمهدي نهتف ياعلي
اربع مراقد تنبني
*******
الغرقد قصتك.......طاحت دمعتك
حال الغرقد اشلون
تنظر يا وضع.....بس مجره الدمع
ماتت حتى العيون
ليش اكبورهم ظلت جرح واحزان
معقوله الكرم نايم اعله التربان
كون ايصير گبره جنة الرحمان
وخدامه الملائك من عظيم الشان
الدله توكف تستعد
للحسن تقره الحمد
بشوك المناره تكملي
يالمهدي نهتف ياعلي
اربع مراقد تنبني
*******
شكد عمر الهجر.....خلصت العمر
كلي اشوكت ترتاح
كل عمرك خيم......اذاك السهم
خيل وسحك ورماح
توالمت الحزن وي جدك السجاد
ظلت بس مناحه مهجته تزداد
فرض جور النواصب ياوكت ينباد
الخصم لابد يزول وتنتهي الاصفاد
عرش المناحه ينوصف
دمعك ولا يرضه يجف
حسراته بالطف تصطلي
يالمهدي نهتف ياعلي
اربع مراقد تنبني
*******
شفت الفاجعه......تحچي الواقعه
ليش الغرقد اتراب
غربه بلا صحن......مهجور الوطن
وينك تبني الاحباب
يم الباقر اشكد دمعك اتسيله
عايش ليل حزنك شفنه تأويله
الهجر ما ينحمل ماردنه تأجيله
الخدم موجوده يمك حتى جبريله
هاي الخدم تبصم عهد
موعدهه وياك الوعد
بس حيدره هوه الولي
يالمهدي نهتف ياعلي
اربع مراقد تنبني
*******
تنحب كربله.........ابدمعه هامله
حسره بلا مناره
من وادي النجف......للغرقد شغف
عد عينك غياره
غيمه بلا مطر متنظره جاري الماي
وصار اشكد هجر ليل السهر عناي
بيدك يا بو صالح تاخذ الوفاي
عطشان المحب وشكد يتاني اهواي
شوك العلم والمعرفه
حوزة الصادق مشرفه
من الله دستور العلي
يالمهدي نهتف ياعلي
اربع مراقد تنبني
*******
تمت بعون الله تعالى
خادمكم.......... يوسف الفتلاوي
قصيدة الليلة
راح اشتاگلك لا هسه مشتاگه
گبل مانفترگ خلينه نتلاگه
گبل لتروح كون تموت عيني
يخويه والله يستر من حنيني
لأن خصم الحچي ما أحمل فراگه
•*•*•*•*•*•*•*•*•*•*
(1)
راح أشتاگلك لو أدري ماجيت
عشنه وشفنه ساعتنه الأخيره
من إجيت وياك چني الوحدي رديت
اشوف عيوني دمعتهه چبيره
أهل البيت ما الگالهم بيت
صدگ هو الوكت ميت ضميره
انه الما أدري عدله شلون ضليت
إجيت اختك وردّيت الأسيره
گاعد يمي واعتب ماتجيني
يخويه والله يستر من حنيني
لأن خصم الحچي ما أحمل فراگه
•*•*•*•*•*•*•*•*•*•*
(2)
من اشتاگلك آنه اوصل الموت
سويه تموت تشتاگ الغريبه
بس حط فوگه خشبه يصير تابوت
يشبع موت اليفارگ حبيبه
اذا بعض الجروح تطيب بسكوت
يضل جرحي جرح لو طلع شيبه
يلاگيني الوداع منين مافوت
ومن اگعد تجي فوگي المصيبه
بقه السابع أرض يوصل ونيني
يخويه والله يستر من حنيني
لأن خصم الحچي ما أحمل فراگه
•*•*•*•*•*•*•*•*•*•*
(3)
انه اشتاگلك وعيوني متشوف
عليّ جرت النفس كلش ثگيله
برگبتك آنه والعيله والسيوف
برگبتي حچايتك صرت الكفيله
من ارض المدينه الگبر الطفوف
وللشام وبعد صارت طويله
يوكتي وياي ماسويت معروف
ونه اخت حسين تعرف مو قليله
شصاير يادهر بينك وبيني
يخويه والله يستر من حنيني
لأن خصم الحچي ما أحمل فراگه
•*•*•*•*•*•*•*•*•*•*
(4)
آنه اشتاگلك وتغرب الروح
وضوگنه الصبر طعم الهزيمه
اگابل عيّلتك واطحن بالجروح
وسولف عالزمان شلون ضيمه
يخويه تصاحبت بيباني والنوح
ضليمه وما بعد هاي الضليمه
يخي عشنه عمرنه الروح بالروح
صدگ لو نفترگ أكبر جريمه
من الموت ياخويه اشتريني
يخويه والله يستر من حنيني
لأن خصم الحچي ما أحمل فراگه
•*•*•*•*•*•*•*•*•*•*
((قصيدة العليلة))
ياليلي اليمر حسره
لاعمات لا گمره
لاضلن بنات حسين
البيهن ريحة الزهره
((((((((((((((((((
1
بويه بويه خيوط گلبي تهزلت من گد جفاك
بويه بويه غيوم دمعي چلچلت كلها وراك
سافرتلك دمعه دمعه وطشرت روحي بسماك
لا أخو ولا أخت يمي الموت ذكرني بدماك
اكتب ذكرى عالظلمه
وياكم شالت الرحمه
مذبوحين لو ناسين
هلي شو طالت السفره
()()()()
2
غرفه غرفه صرت ادور وافتح الكم باب باب
اشم بالحيطان وبچي بيها بس ريحة غياب
أگصر من الحچي الساني حتى مو گد العتاب
لاعليكم أگدر اسأل وانه بنت أهل الحجاب
ماريد أگطع الضنه
اغافل روحي واتمنى
تجون بساع لو باقين
تره گلبي انكشر ضهره
()()()()
3
متانيتكم خطوه خطوه عيني مفتوحه ونام
آنه راح أنذبح فرگه ياهلي بشهر الحرام
خايفه بيا درب امشي ياكل جدامي الضلام
وانه بنت اليذكر اسمه يكتب عليه السلام
تعالو ياهلي بسرعه
اليعمه تفارگه الدمعه
أدري اليا وكت ماشين
هجركم ماخلص عمره
()()()()
4
ابچي ويامن عليكم كلها تضحك من بچيت
الهوى والضوه راحن وانه من گلبي طفيت
بيت مابي ابو أصلاً بعد ما يتسمه بيت
دنيا ماكو حسين بيها كون من عدها انعميت
رقيه چان عفتوها
ونيسه الگلبي خلّوها
عليله وأفرك الچفين
چن مگطوعه من شجره
()()()()
5
عافيه مابيه وأمشي ابيتي بس گلبي غريب
جفني گوه يشيل رمشي فاگده وين الحبيب
چنت انام بحضن أمي يمها أحس يابويه أطيب
الطفلة سولتها بدمعها لاتودي ولا تجيب
اجبرو خاطري شويه
رچيچ گليب البنيه
اجاني الموت ياغالين
ولجلكم عمري ماخسره
قصيدة لثقة الحسين ع
مسلم ابن عقيل ع
ًشاف الرسايل گال مسلم حاضر
أطلع اليوم وما اتاني الباچر
مسلم تسميني الناس
وبعينك انه العباس
بالعاشر
((())))
١
أمرك على راسي ذهب
روحين أحط گدامك
لو چنت ابن عمك گبل
اليوم من خدامك
جيب الرسايل واطمئن
طالع أنا گدامك
للكوفه ونقلك خبر
باچر افرح ايامك
للكاتبوك اوصل وشوف شصاير
اگلبها عاشر گبل يوم العاشر
جدمك وراسك ينباس
وبعينك آنه العباس
بالعاشر
((())))
٢
سيفك وبگرابك چنت
يحسين رهن چفوفك
وبكيفك أمرك سيدي
بالموت هم ماعوفك
اتگطع بحبك وصل
وجروحي تبقى اتطوفك
عايش وياك بريتك
چن واحد من حروفك
مافارگتني بيوم طول سنينك
وكل عمري اشوف الدنيا انه بعينك
ياريت حبك ينقاس
وبعينك آنه العباس
بالعاشر
((()))
٣
لا مو عرب شالو حطب
نيتهم يغدرونك
همه ورسيالهم چذب
ماچنهم يعرفونك
شيمتهم وتعرف بعد
يضلمون ميرحمونك
لا لا تجي للكوفة أبد
وهم لا تگلي شلونك
چنهم رسايل كاتبين الغيرك
يحسين ميشبهون أبد تفكيرك
يحسين ضل سالم راس
وبعينك آنه العباس
بالعاشر
((())))
٤
وحدي چنت وماقصرت
هاشمي وبيدي ذراعك
انه ابن أخو الفارس علي
شارب الغيره بگاعك
تقدمت همه تراجعو
عرفوني من اتباعك
لا مو زلم بس بالإسم
يرجفون من اسباعك
شايل قضيتي الأثگل من جروحي
روحي الحسين وخلها تطلع روحي
لا مرجله ولا إحساس
وبعينك آنه العباس
بالعاشر
((())))
٥
مثل الرسايل شگگت
زلم الكتايب بيدي
شگد سيفي برگبهم لعب
والحرب أصلاً عيدي
انه ابو طاهر بالحرب
القادة أول صيدي
انه الحسين بدم علي
موقع على تجنيدي
انه ابن ديني ونته بايع دينك
وين الحسين اوين المودينك
بالكوفه أبقى نبراس
وبعينك انه عباس
بالعاشر
انا ادور بامنياتي
ماشفت مثلك حنين
يعيش لجمه وكلبه دافي
وينطي للوادم سنين
وانته أول واحد المنطيني خير
ودمعه صدگيه وسلامه
گمت احبك لجن حب بلا علامه
اليحب يتعب
حيل يتعب
ويسهر وكل ليله يسهر
يشوف صوره
أباله يتخيل أرماح وطفل ضامي
وخيمه من راعيها ما مهجوره
أنه احب حته اليزورك
ياضوه وتعگس اليل
جم ملگ من الله ينزل
أبيوم جمعه وليله گمره
ويگعد أبابه ويزوره
انه احب شد النذوره
انه محبوبي ذبَيح
وعايشه الدنيه علجرحه
ينذبح بس مايصيح
جرح مات وعاش خير
انه ما ارضه بشر منكم يجرحه
لهسه ضل الماي عطشان وذليل
ويرتوي أمن يشوف ذاك الگمر يطلع
فوگ سطحه
ما سئلت الماي يبجي
والله يبجي
لان ما جاسه ابو فاضل ضل يسيل
ودمعه ينزل بس صدك محد يشرحه
شلون نرضه الگمر ينزل عالنهر كل يوم يشرب
وگمر هاشم مات بالطف
لجن عاش بگلب أخيته
أجروح خضره وعطر ياس
الگمر مابدل أوصافه ودوم لا تترجه يخرب
مره اسولف وي روحي
وگلت بالج بينه يعثر
مره شيطان الضلام ونرجع نسولف عشكنه
هذا اول عشگ صدكي
وأنه أنصحج جلبي حيل
تونه حبينه وبعدنه
وها بعدنه
هسه بالمدمع بدينه
ها بدينه نسولف أجروح الخيام
وفزت العبره علصدري
انه مايقبل ضميري
موش تگتب مات أخوها وماكو ماي
وضلت تحشم يوادم راح خدري
لا يگلبي أهواي أنصحك
لا تحاول ترسم أجروح الخيام
أبالك أتسمع الوادم حته تبجي
عيش لوعتها العقيله
عيش لوعتها السهام
خاطر أتفز روحك وتلگه الكلام
أنوب من تبجي بگلامك
خلي گلبك هوه يحجي
#سيد_حسن_الياسري
اللهم إنا نسألك في هذا الصباح هدوء النفس وطمأنية القلب وانشراح الصدر وحياة مليئة بكل مايرضيك 🌱⛅️
Читать полностью…
عن أمير المؤمنين(عليه السلام):
فاذكروا الله يذكركم، وادعوه يستجب لكم، وأدّوا فطرتكم فإنها سنة نبيكم(ص)،وفريضة واجبة من ربكم
(الوسائل ج٩)
صبحكم الله بالخير والعافيه
مجبورة من عفتك
لو بيدي جا شلتك...وياية عالنوگ
لو بيدي ماعوفك
توميلي بجفوفك...و عالغبرة محروگ
حگك على اعيالك
محد ركض شالك...و ظليت مسحوگ
بس يا عزيز اهلك
منعونة نوصلك...و گادونة للسوگ
ابكلهن يبعد ام عون مجبورة
شتصير اختكم والله معذورة
و جسمك توزع بالفلة
ابكل وصلة خوية ابكربلة
بيهة لگيتك و آنه مكسورة
ما بية حيل...و اجدامي تعبانه
آنه العزيزة آنه...گوم امشي ويانه
الغربة يخوي...ترضاهة ماشوني
للضيم عفتوني...و محتارة بضعوني
♕♕♕♕♕♕♕♕♕♕♕♕♕♕♕♕
يبن امي من رحنة
گوم اشكثر صحنة...بس خوية شتگوم
من كل كتر تنزف
و من التعب ترجف...و الحافر ايحوم
مروني من يمك
و اشگد صحت بسمك...و دلالي مهظوم
و كلما أصيح افزع
اتگوم و ترد توگع...من كلشي ملچوم
ماريد اصيحك و الچم اجروحك
ماريد ازيدن دمعك و نوحك
بس خوية حگي لو صحت
چا غير عالهزلة رحت
راحت غريبة اعلة الهزل روحك
حل الوداع...و مامش بعد رجعة
طفولي چم شمعة...شفت اخوتي صرعة
فوگ التراب...چم جثة عريانه
و فوگ الهزيلة آنه...تعبني الامتانه
♕♕♕♕♕♕♕♕♕♕♕♕♕♕♕♕
من خلصت اوياكم
و عالغبرة عفناكم...و ودونة للشام
ما ندري شنسوي
و نار اليتم تچوي...بگلوب الايتام
و النسوة عالهزّل
من دم دمعهن هل...و ايريدن اخيام
و ماگلك ابحالي
ألغربة تبرالي...رد لو بالاحلام
من رحنة درت اعليك انة اعيوني
هلبت تگوم و تلحگ اضعوني
و من ابتعدنة اتحيرت
لاچن ابد ما أيست
ابكل خطوة اگولن هسة يلفوني
هسة ابن ابوي...يفزعلي و ايردني
آنه ادري ميهدني...و هوة اليصعدني
عالناگة من....يچهبني ضي عيني
مو طبعة يجفيني...و لا طبعة ياذيني
♕♕♕♕♕♕♕♕♕♕♕♕♕♕♕♕
أرد اشكي يخواني
الضيم التولاني...و ارد اشكي الاجروح
ما بين ال ايسبهة
و بين اليعذبهة...زينبكم اتنوح
يخواني مو سهلة
مشوني عالهزلة...ميتة و بلا روح
ما ينحچي المرني
و كل ذكرة تكسرني...و من بالي متروح
شيصير لو ميتة آنه وياكم
متعودة ماعيش الة بحماكم
چا كون اموت ابهالمسة
بس حيرة ياهو الهالنسة
و اتغربن يهلي اوية فرگاكم
باچر يخوي...الديرت علي و جدي
بس آنه ارد وحدي...و حزني يرد يبدي
باچر أحير...من اوصل ادياري
شلون اگعد ابداري...و ابن امي ظل عاري
♕♕♕♕♕♕♕♕♕♕♕♕♕♕♕♕
حسين علي الزهيري
الدنيا كلها بجفه مايدرون
الكاع بسمه وبيها لا تمشون
ياخذ العباس كلشي الراد
مسجل العباس بسمه الكون
رافع راية حيدر
بين اصفوف العسكر
حارو بيمن يخزر
كلها اكتاره محور
˝˝ حارو المن صفهم
˝ كلشي ماضل عدهم
˝ يادخيلك عباس
˝ ساقي لو موده الهم
دخيلك يأ ابن حيدر » دخيلك يا أبن حيدر
________
يابطن عباس جايبته
ثكله هذا شلون شايلته
بيمن يوصفونه هوه الصيف
وبالحرب تنهاب عاصفته
يرفس ببطون الكاع
ريشاته الفوكه شراع
يطلع ماياخذ شي
حجايات حسينه متاع
˝ يطلع الهم وحده
˝ كافي ليهم زنده
“ يادخيلك عباس
˝ سيفه ماطب غمده
دخيلك يا أبن حيدر » دخيلك يا أبن حيدر
_________
روسهم توصله بمجانه
عز يضل للدوم نيشانه
ما اشوف انا شبيها بهاي
يعمي حته سيوف دخانه
بثكله ينزل الميزان
ضاگ بطوله الميدان
شافو بس لمعة سيف
خله بطفهم نيشان
˝ كالو الدم سهله
˝ مثله جانو اهله
˝ يادخيلك عباس
˝ جله اسمك جله
دخيلك يا أبن حيدر » دخيلك يا أبن حيدر
______
بالحرب عباس تلگونه
والسلم من سيفه خيعونه
بجفه كلمن ينصطر ماكام
لهالسبب گامو يعبدونه
سجدو لحروف اسمه
ومسحو كلهم دمه
گالو بردو الكافل
خافن يحتر جسمه
˝ صارو الكل حدره
˝ اتعلت الهم شكره
˝ يادخيلك عباس
˝ طول الله بعمره
دخيلك يا أبن حيدر » دخيلك يا أبن حيدر
_________
لخادم الفاضل ابو فاضل
( سجاد الزيدي )
اشم بمجلسك عنبر
اجيت بريحك اتبخر
اثاري اليخدمك يكبر يالحسين
1-
غافي أنه وخذاني الطيف لرسومك
ولكيت مغطي كل الناس بهدومك
فزيت وصحت يا كلبي ما لومك
إذا لحسين باجر تنزف دمومك
حبيبي ومنك اتشكر
اثاري اليخدمك يكبر يالحسين
2-
رموشك سنبله وعالكاع منثوره
انته أول نهار يوزع بنوره
تتلولح اعثوكك حته بالصوره
الكون بخنصر ايدك يمكن ادوره
اجيك ويمك اتعثر
اثاري اليخدمك يكبر يالحسين
3-
من شفتك بعد ما غمضت عيني
اريد اغفه وجرح بتك يصحيني
إذا اعطش عزائك والله يرويني
وتأخذني بدفو عينك تغطيني
احب بمجلسك أسهر
اثاري اليخمدك يكبر يالحسين
4-
من اكعد عالرمل يحسين ارسمنك
الكه اعمالي كلهن ما يفرحنك
مدري بيا وجه مولاي اشوفنك
من كد ما حلو ما ينشبع منك
ارسمك ورجع اتحسر
اثاري اليخدمك يكبر يالحسين
5-
من لونك خذو للشوف جم نظره
حكي من اعشك انه عيونك الشكره
جبير الكوم وامك فاطمه الزهره
تارس عيني شوك بروحك الخضره
اصوم بمجلسك افطر
اثاري اليخدمك يكبر يالحسين
الخادم
حسين عبد الجليل المالكي
نعي الى الأمام علي عليها السلام
****
ذهب زينب الى حجرة امير المؤمنين وهي تقول
كالولي بويه امصوب الهام
ويمك تون وتنوح الأيتام
تحرمني منك ليش الأيام
واشلون تغمض عيني وتنام
اريدن بيدي اشد جرحك وداويك
وشوف اليوم بويه اشبيك ما بيك
وترد تمشي اعله اطولك وانه اناديك
ويم الباب ارد اكعد وتانيك
عذبني زماني وحيراني
ومن اهل المحنه يتماني
وره الجناز ناديت بحناني
اريد ابجي اعله بويه الدللاني
انه زينب ودمعي اهواي عدله
ولا مره مشت وياي عدله
بعد ساعه ودليلي يموت عدله
وعلي امن تروح اشوف انه المنيه
جبل حسرات فوكي الدهر صاباه
وسمعت الخبر وتعنيت صاباه صوبه
ابن ملجم اشلون الراس صاباه
انكسر كلبي ودوت نيران بيه
صلب كلبي وابد للضيم مالان
وما يوم الدموع اعليك مالان ملن
يبويه امتوني من فركاك مالن
نحت والطير حن كلبه عليه
الشاعر
تحسين الخفاجي