amarr_hasnn | Unsorted

Telegram-канал amarr_hasnn - قناة الرادود والملحن امير الفتلاوي

1950

@telegram.me/amarr_hasnn

Subscribe to a channel

قناة الرادود والملحن امير الفتلاوي

انه من ذوله اليحب حسين سكته
وحزني ما بدله بحزن لو امي ميته

Читать полностью…

قناة الرادود والملحن امير الفتلاوي

حميدة بنت مسلم  ع
     _
       


بوية غيابك موت وديلي منك صوت
شفت الخيم تابوت
بوية
___
نزل دمعي اعلة خدي ورحت للخيمة وحدي
ردت اشكي الك همي وعلة جروحي اخبرك
الهضم بين علية وبجتلي شكد رقية
ابوس ايدك ردت مرة وردت اغفة اعلة صدرك

اذكر زغيرة وياك
وكبرني ليل جفاك
بجروحي لجمة الكاك
بوية
____
حميدة ياهو الهة الدهر طشر اهلها
زغير الطف عكب حضنك ولاتحلالي كعدة
شعلت نار السوالف يبوية وكلبي خايف
اسولف والحجي يأذي خفت كلبك امردة

تدري بجفوفي زغار
ماتطفة بيهن نار
حرك الخيم لو صار
_
بعد ذاكة دلالي صرت اسهر ليالي
بعيد انتة على جروحي ولاترجع الية
وعلي كلش جبيرة العزيزة تصير اسيرة
وقريبا يا ضوة عيوني يسموني السبية

ديرة حزن بالروح
ونحر الحجي مذبوح
ضل الكلب مجروح
بوية
_
بقيت بجيتك احلم بعد حرك المخيم
ضعت بس الشمر يندل لحكني وسوطة بيدة
ادور عن اخوتي صحت بس ردلي صوتي
كبل جان الشمل واحد صفيت انة الوحيدة

فوك الهزل يردون
يركبوني ويضحكون
ابهذا العذاب شلون
بوية
___
ابن عمك نضرتة تدوس الخيل جثتة
وشفت نحرة انكطع لكن ابد ماهمة نحرة
بقة همة علينة وعكب عينة انسبينة
على الكوفة يودوني اجيت بروحي حسرة

صوغة جبت وياي
دمعة اترف من الماي
عذبني هم دنياي
بوية
__
سيد معتز الحسيني

Читать полностью…

قناة الرادود والملحن امير الفتلاوي

ماشي ليا وطن ومفارك بنية
طبع الطفلة بوية تريد حنية
----
بوية شكد حجي ذابل علة شفافي
وين الكة مثل حضنك حظن دافي
عجيبة شكد حنان بوجتنك غافي
رايح وين ولهجرك فلا بية
-----
وداعة دمعتك هجرك ياذيني
يالمدللني فدوة لاتبجيني
جبيرة فركتك وزغيرة تدريني
يالمعلمني شحجي تكلي مكضية
------
مثل كسرة وداعك ماعشت كسرة
ابلا لون الدمع بس دمعتي حمرة
مايهوة الوداع الرابي عالعِشرة
البيت ابلاية وجهك ينخمد ضية
-----
اترسني عطر اشتمة من تمشي
قبل لتروح بوية حضرت نعشي
مو بس راسي شيب شيبت رمشي
علة بابك اتاني وروحي جمرية
-------
ماترجع عرفتك من بست خدي
من اليوم ابو ياجرحي ماعندي
لو ترجعلي اصبر فترة وتعدي
بس ادري تروح وماالك جية
-----
سيد معتز الحسيني

Читать полностью…

قناة الرادود والملحن امير الفتلاوي

اخذ ياطير دمعة عين
وديها الضريح حسين
_
يطير اخذ الدمع خله اعله جنحانك
لو شفت المناير هذا عنوانك
قدّم دمعتي لحسين بشجانك
وگله الدمعه من الچان جيرانك

إخبره بفركتي لاوين
وديها الضريح حسين
_
لو شفت المناير من بعد صبره
ولو شاهدت المعكوبة الحضره
امانه وياك تاخذ مني هالعبره
للمذبوح ضامي وداسو بصدره

عبرتي ولهفتي كل حين
وديها الضريح حسين
_
من توصل حسين الوالي وتطوفه
واتخبره عليه چم بروح ملهوفه
اكصد لبو الغيره الكطعو جفوفه
حلفه بخدر زينب توصل تشوفه

نريد امگطع الجفين
يودينه الضريح حسين
_
اخذ گلبي يطير الصاحب النوماس
ذبه اباب گبره وخل تدوسه الناس
على فراك الوفي شاب الگلب والراس
مانحمل فراكك بعد يا عباس

اخذ خدامكم يازين
وديها الضريح حسين
_
يطير الگلب من فرگه الاطايب ذاب
اوتدري بكربله عنده يطير احباب
اخذ مني يطير الابو اليمه اعتاب
وجيب وياك من ترجع يطير اتراب

من كبور هالطيبين
وديها الضريح حسين
_
الشاعر ابو محمد المياحي
الكاتب حسين
نسالكم الدعاء

Читать полностью…

قناة الرادود والملحن امير الفتلاوي

أبيات نعي لذكرى أستشهاد جعفر الصادق عليه السلام 
..................
الليله حزنانه الطوايف
مات أبو حلو السوالف
سممه بيده المخالف
تنعه عالصادق مضايف
...................
من صباح الله المدينه
فكدت أجواء السكينه
ياأبو الكاظم ولينه
وين نعشك ماخذينه
..................
خلو أنشيعه يشيعه
نسجب أدموع الفجيعه
ضاكت الدنيه الوسيعه
مات قانون الشريعه
..................
طلعت أهله والعشيره
أوكلمن المخلص ظميره
أتشيعه الذيج الطميره
ويلي عالماجد نصيره
...............
ويلي عالمذبوح نحره
أوسحكت الخيل أعله صدره
والسهم ناخرله ظهره
أو جسمه بيه 12 طبره
...................
خادم أهل البيت
الشاعر : أسماعيل الجوراني
الخميس : 27/6/2019

Читать полностью…

قناة الرادود والملحن امير الفتلاوي

شور كعده



اطلعت عود انا ادور عليك يحسين
ولو وين انا ادور والله مدري
عفت عزي ونخوتي وضيمي والروح
وعفت لجلك يخويه حسين خدري
اسولف يمه وادري حسين تعبان
السهم كلالي زينب مرد جبدي
وكال بسرعه زينب روحي وبساع
عليه الخيل فزعن يلا ردي

المــن جايه وويـــن
فزعن خيل لحسين

ــــــــــــــــــــــــــــــــــــــــــــــــــــــــــــ
طلعت كوه انا اجيتك مااندل وين
اجيت اتعثر كبال اليركضون
تعبانه وجبيره وضايع الحيل
وزينب طلعت اسمعهم يصيحون
وشفتك منذبح وادوسك الخيل
وهمه ولا يهمهم بس يضحكون
هدو فرد هده عليك يحسين
ذبحوك واجوا كاموا يسلبون

سبلو لحسين كله
وباكو هدوم المحنه
ــــــــــــــــــــــــــــــــــــــــــــــــــــــــــــ
اجيتك خويه بس شل فايده حسين
اليسوه حسين والمايسوه سبك
الحافر فوك صدرك خويه من جيت
عمده كبالي ضل يرفس بكلبك
ماكفه الحوافر كلبك حسين
اجن مردن النوب كبالي جبدك
جاشنهي البعد ماداست الخيل
ضلن مايجن بس علا دربك

تعبان ويدوسن بيك
وهوه الذبح هم ماذيك
ــــــــــــــــــــــــــــــــــــــــــــــــــــــــــــ
جزن بيه السنين وذيج الايام
وهسه مجتفه ومشدوه بالي
خلص وكت الدلال ووكت عباس
وهسه بكيفهم روحي وتعالي
هسه بنص غرب ياروحي تمشين
ولا واحد المن عدهم لفالي
كبل جانت الدنيا تهاب الحسين
هسه حسين راسه برمح عالي

ويانه حسين بس راس
وعالشط عفنا عباس
ــــــــــــــــــــــــــــــــــــــــــــــــــــــــــــ


#حسام_البهادلي

Читать полностью…

قناة الرادود والملحن امير الفتلاوي

شيبت ابمصابكم
والحزن  بعتابكم 
وابقيعا.......وابقيعا
*******
انه  ابنكم    عمري  دمعه  والحزن  ماليني
بالمصايب   من  اواسي فاطمه تواسيني
والجرح ماخذ  عذابي ونايباتي  اسنيني
من  البقيع  وحسره بيه  شوفته اتبچيني

بس اشم اترابكم
واالحزن بعتابكم
*********
الحزن   ماخلالي  راحه   والقبب مهجوره
شلون اعاينكم عجيبه توضحتلي الصوره
حسرتي وكل  المشاعر  يا هلي  مكسوره
ليش   ما زاير   يجيكم  بالحزن منشوره

والدمع بهدابكم
والحزن بعتابكم
*********
ان  شاء الله تعود البقيع وكلمتي احچيها
يدور   دايرها   الذهب  الحضره  من   ابنيها
ابالي    اسويهه   مواكب  تعزيه  نمر بيها
حضرت   ام الكمر  باچر   بالسمه  انعليها

يا حلات اطيابكم
والحزن   بعتابكم
*********
باچر   الغرقد   اشوفه  جنة  الله اديارها
واليمر   بيها    يضاهي   للخلك  اسوارها
باچر    اتموت  النواصب  بالحقد وبنارها
نسمع  الشيعي   ينادي  ياعلي  شخبارها

لو تطوف احبابكم
والحزن ...بعتابكم
*******
ينهتي عرش الظلاله  من البقيع  احچايه
من العراق  يصير ممشه كلها اجت عنايه
يعود  نور الله  وقببهه  من تجي الوفايه
واني  ويه  الشيعه كاصد  معتني  مشايه

ترتجي اصحابكم
والحزن  بعتابكم
*********
معزب  الخطار عدنه الحسن شوف ادلاله
باچر اتصير   المواكب  شمس  بي  تتلاله 
هناك حي  الله  اليزوره    لو يشد  ترحاله
جنة الله  الحسن باچر    والعشك يحلاله

انشر انه اكتابكم
والحزن بعتابكم
*********
#تمت بعون الله تعالى
خادمكم....يوسف الفتلاوي

Читать полностью…

قناة الرادود والملحن امير الفتلاوي

نرفـع  تعازيــنا   --  للغالي مهديـنا
                ونجــــدد البـيعه  --  نرفـعـله أيادينا
        ----------------------------------------------------
  1= نــرفـع  اللــيله  تـعـــازينا  لــمقامه
       وندعـي  بارينه  يرد  لينه   بسلامه
       نـشجب  ونستـنكر  بـشده   الضلامه
       أنشلت  أيده  أللي هـدم  دور الكرامه
       --
        أحنا ولـد حيـدر  --  ياناصـــبي أحــــذر
        لو قامت الثوره  --  نقـــــلع حصن خيبر
       ****
  
   2= أن شا الله باجر يجي يبني المراقد
          صاحب الطلعه البهــــيه والله شاهد
          لــو نموت بدربه واحد  بعــد  واحد
          شيطلب المــهدي نكـله  أخــذ   زايد
          --
          من يكرب حدوده   --  والرافضه جـــنوده
          خـــفاكــــه رايتنا   --  نــتـــنومس  بزوده

  3=  مهما  طال  الليل هم يطلع صبحنه
        غـــيرنه الخسران بس أحنه ربحنه
        تعـبت  ســيوف الأعادي من  ذبحنه
        أنطير  بالعالي  أذا  كـــسرو  جنحنه 
        --
        مشهوده غـيرتــنه   --     ثـــورة مسيرتـــنه
        مانـنهــــزم  نهزم   --      والزهره حزمتـــنه
        ***
    
4= وداعــت الهزمت أبــن هــــند بدياره
          الشيعي  من يـقرر  يـــــفوت  بقراره
          يـخـسر الــــنمرود   ما تجوينه   ناره
          أحـــنا  سبحان  الله  خالقـــــنه  غياره
          --
          حيدر مشه بدمــنه  --  ومنه  تعـــــلمنه
          بعين الضلم نوكف  --  والطاغي ماهمنه
       



     5= عـظم الله أجرج  يمولاتي  الزجيه
          يعـينج  الله  وأنـــتي كالساع بعزيه
          من البــقــــيع جروحك  وللغاضريه
          ب لله  شيطيبها  وأبـــــنيتج   سبيه
          ---
           يـوميه  ملجومه   --  ويلي  يمحرومه
           ياذبحــت أوليدج  --   ياسلـبت  هدومه
         ****
   
             الخادم عبد الجليل المالكي

Читать полностью…

قناة الرادود والملحن امير الفتلاوي

المايندل ضواك منين "
يبيع الشوف للضلمه

المايندل افيايك وين "
شمس الوادم تهضمه

ما لمني جف غير اجفوفك
يا واحد وكلشي يطوفك ..

Читать полностью…

قناة الرادود والملحن امير الفتلاوي

((العاشگ لاتلومه))


العاشگ لاتلومه جروحه ملچومه
مــن يسمع بيوت اعزازه مهدومه
ساكت من يحاچونه
يرســم گـــبه بعيونه ...
                    
"""""""""""""""""""""""""""""""""""''''''''''

صفار الگبه ضاعت كل معــانيها
وباب الحاجه هدمو كل طواريها
ودمـــوع الألم بالحسره يخفـــيها
العنده جروح للحيطان يحچـيها

اذا سولفنه بيكم نستحي هوايه
سكته وشـاهدينه طيحت الرايه
اليحبكم نار تدرونه
يرســم گبه بعــيونه ...
               
"""""""""""""""""""""""""""""""""""''''''''''

الاخرس هم يسولف حچيه تأشيره
واحـــنه الســـــانه مــــاتت تعابيره
العــــش الينهـــدم تتحــير الطيره
لذلك جاي اشوف المهـدي بحيره

سدو بابنه والچـــــلمه محبوسه
وياروحي عشگ ياناس متروسه
گلبي لاتلچمــونه
يرسم گبه بعيونه ...
                  
"""""""""""""""""""""""""""""""""""''''''''''

محروگ الگلب والروح محروگه
وأزور آنه شريفه بدمعه مسـبوگه
واگللها ابـــــــوچ بحسرته وشوگه
واحسنها العزيزه بحسره مخنوگه

بيا حال واصيـح وحالي متردي
بصياح الجذب مايسمع المهدي
المهدي صاير شلونه
يرسم گـــبه بعيــونه ...
                       
"""""""""""""""""""""""""""""""""""''''''''''

متحزم كلامي ومـــاتصح فرصه
علي السجاد ياالشايل الف غصه
كــــون بكــربله وارويلك القصه
چـا نبني مقـــــام شكبره للعصه

يامعــــنى الدمع وگليبك وظيمه
گبرك طاح لمن طاحت الخيمه
يبچي من يسئلونه
يرسم كبه بعيــونه ...
                  
"""""""""""""""""""""""""""""""""""''''''''''

الباقر ياحـــــزن بچفوفك تلمه
بيا دمعةّ حزن للصـــادق تكلمه
دمعكم بي سبي بي چلمة العمه
على ياهزله راكب جرحك بهمه

لطمكم مو على البنيان والطوفه
على زينب لطمكم دخلت الكوفه
جرحكم ماتضمدونه
يرسم گبه بعـــــيونه ...


عبد زينب
محمد الإبراهيمي

Читать полностью…

قناة الرادود والملحن امير الفتلاوي

#قصائد_البقيع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c
🕊الســلام علــى جنة البقــيع 🕊

ـــــــــــــــــــــــــــــــــــــــــــــــــــــــ

هدم قبور البقيع

يابقيع اهل الُـعـله
صاحت الـها كربـله
اليا وكت وحشه قبور الطاهرين
عندي الهم ساحه بين الحرمين
++++++++++
بذكرى تهديم القبور
وحشه مايمچ حضور
وانتي گاعچ تحتويها اربع ايمّه

الواجه اسيوف وجراح
يمكن ابگبره استراح
لكن الميت صعب جرحه تلچمه

الينهدم گبره عليه
يعني جسمه مرضرضيه
اليختلف بس مندفن راسه اعله جسمه

الگبه فوگاه من يطيح
مييت وگلبه جريح
نار هظمه ابروحه مو بس ابخيمّه

وضعج اهواي اختلف
عني لو عن النجف
حته مشهد غربه چانت هسه وين
عندي الهم ساحه بين الحرمين
++++++++++
فتره مرت مو قليل
والحسن ذاك الاصيل
گبره صعبه ينلفظ اسم الخرابه

ابكربله ابنه وعضيد
وعن شريفه مو بعيد
شمله يلتم لو ترك ذيچ الترابه

گاعي اله استر مكان
جورة الكافل امان
ابحنّة القاسم نضلّ انحنّي بابه

الماسمعها السنوات
اهواي يسمع صلوات
تنحني زواره ملهوفه ابعتابه

كلمن بگلبه حچي
الماشبع گبره بچي
هواي عطشانه المشيته الزائرين
عندي الهم ساحه بين الحرمين
++++++++++
وصلي صوتي للعيل
منه خجلانه انه حيل
خل يجيني هسه مو جيّة اساره

افتح اذراعاتي كون
مو اسير وعالضعون
ابهيئة العوچيه ابنيله مناره

اسجد اگباله اعتذار
مني اذا لاحته نار
من ذهب مو من رواگ ابني الستاره

عندي اله موضع مريح
يسكن بنفس الضريح
بين الاحسين وعلي الاكبر مزاره

هنا ابد ما ينهدم
الگبره اختار الاسم
هذا قبر الدمعه ماجفتله عين
عندي الهم ساحه بين الحرمين
+++++++++
الباقر وانه ادري بيه
مو غريبه ارضي عليه
لسه موجوده برملها ذكرياته

هذا من ضمن الزغار
اليركض وبذياله نار
گاعي يندلاها راكضها اعله زغره

لا لهب نار وعناء
الخيمگه صارت بناء
بيها گبه تكسر افياي اعله گبره

جده اذا مشتاك اجاه
خيل ماتركض وراه
اكباله باب القبله ماكو ابدربه عثره

ماكو شوك اولا لهب
ابوجه يتلگا ذهب
ماكو غربه كلهم اهله حاضرين
عندي الهم ساحه بين الحرمين
+++++++++
وحشه كاعج يالبقيع
مثلي هم جرحج وسيع
نار بيته الصادق الرسمتله صوره

عن ركض ذيچ الحريم
ياجرح عمته العظيم
ذكرياته امنين ما وجهه يدوره

الصادق واهل يجون
عالشريعه يلتقون
وين چان اينادي عباس ويزوره

شگد يحب الهم يلوع
خل يجي ويشبع دموع
هوه مثل الزهره بالدمعه سروره

ناسه خدام اشكثر
يمه كل موكب يمر
امحزم ابنصهم يدگ اعله الحسين
عندي الهم ساحه بين الحرمين
+++++++++
الماتت امن الانتظار
ليش تبقى ابلا مزار
بفاتحه چم حاجه خلصت لو قروها

خل تجي ام البنين
بين ابنها والحسين
ابكد دمعها الحره راح ايدللوها

تنسه كل ذاك الجراح
ويّه كل طرة صباح
من مراقدهم يجوها ايقبلوها

من ذهب مو من تراب
حضره يبنوها الشباب
ويخدم الزوار عباس اليجوها

تلزم الوادم سره
يم ضريح الطاهره
وبمحرم تشبع انواعي وانين
عندي الهم ساحه بين الحرمين

ثائر الربيعي

Читать полностью…

قناة الرادود والملحن امير الفتلاوي

((شفتك حبيب))


شفتك حبيب الكل گلب
وبكل گلب أسمـك يطب 
بكل زاويه مـــــن الـجرح
كل وجنه بالمدمع تصـب

شفتك فناء الكل جرح
ترنيمه وبــــــزفةّ صبح
يا كل حـــياتي وحالتي
عــــذبني وذبحني ذبح

أكـــــثر بچيني       بحــبك أذيني
بعشگك قيدني      وردني أوديني

مـــــا ريد اتهنه      ولا طالب جنه
رايد بس حبك      ويا محله الونه

حبيبي حسين ...

"""""""""""""""""""""""""""""""""""''''''''''

شفتك ضوه ولاغي الضوى
شفتك هوى يشمه الهـــوى
اقصــــدلك بجرح العشگ
تزودني عشگـــك مـو دوى

أرجع مثل بسمةّ خجل
أتلفت وشـــــــابع وجل
بسمه ودمع من تنجمع
يعني العشگ منذ الازل

حبي بــدمعــاتي      وأنـــثر حسراتي
وقربني الــحالك     وأسمع صـيحاتي
قــــــربني بنضره     بثـــــواب الزهره
ومرضني بهجرك     وهيمني بصحره

حبيبي حسين ...

"""""""""""""""""""""""""""""""""""''''''''''

وتگطعتّ بيه الســـبل
وغيرك فلا واحد يدل
بس بابك نشوفه وسـع
يوسع گلب هزله وحبل

بابك لجـــــوء ابلا أسف
بابك نعاس اهل الكهف
بـــــاسط أديه بعتبتـــك
رجعني اذا دمـعي نشف

لترجع حـالي        وأقــبل اقوالي
مزمار الفرگه        يطرق في بالي

بالي وعنواني        كلمات احزاني
بحبك مطمن        لا مــــا تنساني

حبيبي حسين ...

"""""""""""""""""""""""""""""""""""''''''''''

جايبلك عيـــون وسهر
تراويني شفتك بالنحر
ما استحق عثرةّ طــفل
يالمنسحگ وجه وضهر

وشينفع الــ بسْ الـــــدمع
يالتبچي من صدرك ضلع
متفـــــنن وتنطي الخـــيم
وتنطي المحـابس والصبع

تهجر معلــوله       وتسبي المكفوله
ومخلي عيالك      بهزله ومحمـــوله

راسك يتكـــلم      ورمحـــــك يتألم
شفتك ذبــلانه      بس اجمل مبسم

حبيبي حسين ...

"""""""""""""""""""""""""""""""""""''''''''''

مـــــــن تسمع دموع ونغم
يصير الرمــــــح ابسط ألم
من تنضر بــــزينب جـــرح
تنسه السحگ تنسه السهم

حتى الرمح بيك اندهش
شافك نهـر وأنته بعطـش
وتــــــــودي عينك للسمه
من البچي الكـــل ارتعش

تســـافر نضراته        وهوه بجمراته
وبالسانه اليابس       يسولف دمعاته

ينضر بحســاسه       مـو بس بـراسه
لو شاهــد زينب       ينــــضر عباسه

حبيبي حسين ...


عبد زينب
محمد الابراهيمي

Читать полностью…

قناة الرادود والملحن امير الفتلاوي

هاي الدنيه ابد ماخلت احباب
بغربه اعزاز گلبي جوه التراب
صب يادمع العيون
الراحو ما يردون
..................

عله طاري البقيع ويومه ومصابه
ضل كلبي الهضم والنوح محرابه
بحزانه الدهر فاتح عليّ بابه
أعز الناس مدفونين بترابه

مشتاك التربهم والله مشتاك
بعد روحي ابد ماتحمل افراك
همه بحالي يدرون
الراحو ما يردون
.................

لبو محمد إمامي الروح مشتاگه
ماعندي گلب يتحمل افراگه
ويه الحسن يمته يحين الملاگه
حنين البيه منه تاخذ الناگه

شكد اسهر وضل محارب النوم
من زيارته ليش اني محروم
لكبره اوصل شلون
الراحو ما يردون
.....................

علي السجاد ياهو اليعرف شلونه
جم مصاب يهضم شافت عيونه
ابد لا ماخلص من اليضدونه
ليش بياذنب كبره يهدمونه

خلص عمره ابد مانشفت العين
يشرب ماي وينوح اعله الحسين
بجروحه يلجمون
الراحو ما يردون
.......................

الباقر عاش لجمه وهدمت حيله
أمر بالطف وكول شينسه ياليله
رقيه وياه بدرب السبي وتحجيله
ومن سوط المتن كلساع تشكيله

رفاكه ثنينهم والگلب محتار
عله الرمله مشو وادري الرمل حار
تحامي بيهم ام عون
الراحو ما يردون
.......................

يمر ذكره عليه وروحي محتاره
وآنه وحزني نتعناه خطاره
عله الصادق تضل عيوني تتجاره
شاف بعينه نار وتحرك ادياره

هامت روحه وسط البيت محتار
شلون بخيم زينب شبت النار
والأيتام يبجون
الراحو ما يردون
...................

احير بياكلام احجي واوافيهه
والزهره الزجيه راضيه اعليهه
هدمو كبر ام عباس تاليهه
تمنيت الگمر حاضر يحاميهه

عايش عمري كله بجمرت الاه
ماناسي البقيع ويومه والله
ماانسه اليحنون
الراحو ما يردون


محمد هادي العقابي

Читать полностью…

قناة الرادود والملحن امير الفتلاوي

نبني  گبب فوگ  البقيع
ياسادتي الحق مايضيع
أربع  گبب  وأم  البنين
بالغربة عدها اربع بنين
~~~~
بيوم  البقيع  العالمي  انحشد جهود  الرافضة
شيعة  علي وما ننثني  وهدم  المناير نرفضة
مازال  نتنفس  هوى   منعوف  ولد  المرتضى
نبني البقيع بكل فخر نخلي مثل صحن الرضا
وبالغرقد انقيم العزاء
چنها مجالس  كربلاء
بأسم الحسن واسم الحُسين
بالغربة   عدها    اربع   بنين
~~
نبني المناير شاخصة بگبر الحسن معنى الكرم
نخلي  دلائل  للقبر   نرسم  نعش   فوگة  سهم
والگبة من لون الذهب لون الچبد من صابة سم
حتة اليزور  المجتبى  يعرف  عَليَه  اشگد  ألم
الصوت ابحضرتة يعتلي
هاذة   الحسنْ  إبنُ  علي
او كلنة بخدمتة چي  حنين
بالغربة   عدها   اربع   بنين
~~
زين العِباد  وحالتة  وماعندة  گبة اعلة  الگبر
لسة القيود ابرگبتة  لحد  هسة  گبرة  باليسر
ايتاني وچفوفة امقيدة ياهو اليفكهن بي يمر
والباقر اشگد منفجع وي أهلة مسبي من الزغر
للباقر   انسوي    ضريح
ومن السبي خل يستريح
بنفس     القيود     امقيدين
بالغربة   عدها   اربع   بنين
~~
ولصادق العترة  بعد  نبنيلة حضرة  جامعة
چي أسس ابإيدة العلم وعالعالمين  ايّوّزعة
أصل المذاهب سيدي الدنية بعلومة مُتْرَعة
انّشّيد  بناء امن الذهب فوگ الأئمة الأربعة
نخلي    دلائل   عالمقام
نكتب  أسامي كُل  إمام
انسمّيه    بقيع    الطاهرين
بالغربة   عدها   اربع   بنين
~~
وما ننسة  أم   الأربعة   ام   الوفة  أم  الگمر
نبني مقام الطاهرة  نرسم عليه عشرت صور
نار اوخيم، چف اوسهم، نرسم علم،عين ونهر
والخنصر اللي منگطع ونرسم رمح ويَّ النحر
وإهية   بگبرها  الطاهرة
تبچي الحُسَين اومنحرة
لسة   الگلب    نبضة   أنين
بالغربة   عدها   اربع   بنين
~~
أحمد عباس الحساني
هدم قبور أئمة البقيع

Читать полностью…

قناة الرادود والملحن امير الفتلاوي

عالشالو بعيد الگلب شال
ما تنبچي الدمعات تنگال
حسرة علينا راحة البال
لاياخذ ولا ينطي گلبي

شعدها العيون مچلبه بالراس
وي ناس ابد ما تشبه الناس
للحنّه تعطش ورگة الياس
طاسه اعله حِبّ الضيم گلبي

آآآخ بويه دم وجههم مثل دمي
حچاية أمهم حيل چنها حچاية أمي

شرايدين
رايدين الباچر شويه صبح
خايفين
خايفين عالجرح يوكع جرح

••••••••••••••
••••••••••••••

نسفط نزورك لو توابيت
ونحبحب چفوف الزواتيت
وين الگبور العاليه الصيت
گصّو چفنّه من عبيهُم

هيدولنه برملتهم شواي
شويون بس حگ شُربة الچاي
خايب يَكون النِفَس وياي
للراس زين الوَن عليهم

ما درينه ليش هيچ الوكت گطعي
الموت هاي الفتره حط عينه اعله ربعي

شماخذين
غير بس الضيم من هذا العمر
اشايفين
صرخه بالكاروك دمعه اعله الگبر

Читать полностью…

قناة الرادود والملحن امير الفتلاوي

بعد ان خدم الزهراء في حياتة توفى ذلك الخادم وعند عودة الليالي الفاطمية بدء يخاطب القبر واصحابة وقال :



ارخصني ياليل الكبر للخدمة ارد خليني
متانيني مجلس فاطمة والمنبر متانيني

_____
يعر
فني كل مجلس جنت اول شخص بي احضر
كد ما بجيت اعلة الضلع حافظ ونيني المنبر
متانيني ياكبري الربع كل خوفي لا اتأخر
بس روح احضر للعزة وطاري الضلع يحنيني
____
ياكبري اشواك الربع كلها قصص حنية
محد شعل منهم شمع شعلوا الي لطمية
احضر وياهم باللطم بس ونتي مخفية
جمعتنة خدمة فاطمة واصحابي ماناسيني
__
شفت
العزة ودمعي جرة والذكرة دكت بابي
الله شكرتة وفاطمة يذكروني لسة اصحابي
كسر الضلع قصة حزن تروي عذاب مصابي
وردة عمرها ثمنطعش الها نذرت ونيني
____
بخير اني يصحابي ترة والزهرة ماعافتي
شكرولي امي من الكلب خادم لأن ربتي
جانت تدزني لكل عزة ولفاطمة نذرتني
ابن المواكب واللطم والخادم تسميني
__
جنة
سوة نقيم العزة غايتنة ترضة الزهرة
والماترك ام الحسن تحضر تنور كبرة
مدلل الخادم بالكبر جنة عدن تنتضرة
منكر سكت لمن سمع بالخدمة كاضي سنيني
_
سيد
معتز الحسيني

Читать полностью…

قناة الرادود والملحن امير الفتلاوي

ام البنين
-----------------------

مات شوكي ومحد الدك بابي
انشتلت عيوني ابدرب احبابي
---------
المغرب يفزز صفنتي وتنذبح امالي
بيتي ماضنيت اشوفة من ضواهم خالي
بالي ماضل اعلة ولدي حسين ضل ابالي
الدمع غالي بس نرخصة من نفارك غالي

دمعي من ينزل يخط عتابي
انشتلت عيوني ابدرب احبابي
__

ال
جفن جناز شفتة من تموت الدمعة
وشيب المفارك يسولف عن ونينة وضعة
اربعة راحوا واتاني بلكن الهم رجعة
الهوة بعيني منية عشت مثل الشمعة

بعد ولدي شكبرة جرح مصابي
انشتلت عيوني ابدرب احبابي
__
الع
ين لو عطشت ملامح بيمن نسليها
الفركة تبدي من المدامع ولأجل ينهيها
بية حيرة من هجرهم اللة يعلم بيها
نار المعزب احسها بكلبي شيطفيها

بيهم افرح جان هذا حسابي
انشتلت عيوني ابدرب احبابي
__

اي
ست ماضن يجوني بعيني ضلمة الديرة
مبين المشتاك نلكة بوجهة صفنة وحيرة
السبحة تبجي لمن انوي الهم أخذ خيرة
خوفي لايم الشريعة ايطيح جف الغيرة

بالسلامة ربي رد غيابي
انشتلت عيوني ابدرب احبابي
__


ا
لباب تانت جف اديهم وانة شوكي يتاني
بلحضة العافوني وحدي ماعفت احزاني
حسين ودعني وداعة ابلا وعي خلاني
خل يرد لية ثواني وانتضر يلكاني


بس اشوفة وانسة كل صوابي
انشتلت عيوني ابدرب احبابي
__
روح
ي يبست من هجرهم بس كلت معذورة
ابالي ليل الفركة خلة للحزن جم صورة
للسمة باالليل اعاين والكمر شع نورة
وكمر هاشم يمي أضنة وابدي اون مجبورة

جان يضوي بكل فجر محرابي
انشتلت عيوني ابدرب احبابي
__

سي
د معتز الحسيني

Читать полностью…

قناة الرادود والملحن امير الفتلاوي

مااحسب ايام احسبلك سهام
لمن تهل ننسة الحجي ونحجي عاالخيام
-----
اشوفن صورتك كل ما شفت ماي
يااقرب جرح ضل عايش وياي
تذكر جنت اكلك ب اول صباي
شو وكتك شهر بس حزنك هواي

جنة سوة زغار وسولفنة عالنار
عمري وعُمر حزنك كبر يهلال الالام
-----
مو اسود امنيتي البس الليل
واضل حزنان عَلي سحكتة الخيل
شلون احجيها صعبة يذبل الحيل
بسيف المو عطر متوذر الهيل

الغالية مذبوح يغفة اعلة الجروح
وسفة انضرب متن الصدك بسياط الاوهام

-------
تفاركني سنة وكلبي يضل حار
تجيني هلال بس بشوفي تحتار
اكعد بالمجالس يم الزغار
من انضر بجيهم اذكر النار

يرزقني الحسين لطمة ودمع عين
اكبر رزق من الدمع يجريلة كل عام
------
لتسولف سمة للجنحة مكسور
كلشي بوكتة لكن كلشي عاشور
لحزن حسين دمعي وعمري منذور
الطور المو الة ماينحسب طور

اقرة يرادود خل دمعتي تزود
اصعب جرح من تنذكر سالوفة الشام
----
اليطبر مَرة عندة يصير اِدمان
اذا ماطبر يحس روحة خسران
لان مذبوح بالطف نحر الايمان
القامة براسي خلت الك نيشان

من نطبر الراس ننزفلك احساس
يابو علي حبك شرف خلينة خدام
------

سيد معتز الحسيني

Читать полностью…

قناة الرادود والملحن امير الفتلاوي

قصــــيدة في جمـيــــــع ايام محرم
هي رســــــــالة قبل ان تكون قصيدة
**

    حسين ماننساك دوم عله العهــد
    يبقــى حبـك ثابت الــولد الــولد
    &&&&&&&&&&&&&&&&&

    مانبـطل هالمجــالس والعـــــــزاء
    تبقه تسعـر بينه جمرت كـــــربلاء
    مانعــوفك سيدي ورب السمـــــاء
    والحمـــد والقل هـــوه الله أحــد
    __
   كل سنـه وكل عــام نتعلــم دروس
    منبــرك يحسين الي يزكي النفوس
    نضمن الجنه وعلي بهاي الطقــوس
     واليــخدمك يفـــرح بيــوم الـوعد
    _
   لو لا دم حــسين مانعـــرف صـــلاه
    ولا نعــــرف الحـج ولا نعــرف زكاه
    علمانــه عله الصبـــر وعلـه الوفــــا
    وعلمــانه علـه العقيـــده من المهـد
    __
   يالتــــريد الفــــوز وتــــريد النجــاة
    اخـدم حسين بصــدق طول الحيـاة
    مايعـــــوفك وحـدك يـــــوم الممات
    لو وصـــل مــوتك ونفسك لو صعـد
    __
   يالتـــــون لحسين وتـــــشد اللطــم
    عبـــــره من حسين أخذ وخذ العلم
    حـــسين وصـانه نــعيش عله السلم
    حـــسين مـن نحب بعضنه ينسعـــد
_
   عله صـــوتك سيــدي مايعله صـوت
    كلمة الحـــق صـوتك ويعني الثبوت
    نـبقه نلهـــج بسمك لحد ما نمــــوت
    حلــو ذكـــرك سيدي مثل الشـــــهد
    _
الشاعر حسام البهادلي



/channel/amarr_hasnn

Читать полностью…

قناة الرادود والملحن امير الفتلاوي

ياطير اخذني بجنحك اوديني
مااحمل افراك الكمر تدريني
خليني اشوفه @@@ وبشوك اطوفه
وديني، وديني، ياطير اخذني بجنحك اوديني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
                          (1)
  وياك اخذ نبض الكلب علكه علبابه
  كله الكلب مايحتمل لحظه بغيابه
  يشكي الحبيبه بكل وكت همه وعذابه
  كله السهم من صوبك بعيونه صابه   

بشباجه شده @@@ كلبي اليوده
  خادم اريد بحضرته تخليني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
                        (2)
   سبحانه ربي الصوره بهاي الجلاله
   انطاه عزم حيدر علي ويوسف جماله
   تشهدله فوك الكنطره اصحاب الضلاله
   راعي الوفه بخد الشمس سجل نضاله

عباس انادي @@@  ساكن فؤادي
   ميت تره انه وشوفته التحييني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

                       (3)
عباس جان بجربته شايل ضميره
ولهذا جان العايله يروهه غيره
مجنونه روحي وبلعشك صارت اسيره
هوه اليحب وجه الكمر هم يهوه غيره

انه من ازوره @@@ ياخذني نوره
واعمه ولكبره اجدامي التدليني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
                        (4)
عباس شمس الله ونزل بلغاضريه
ولسما نزلت يمه وتمشوا سويه
عباس ورده وريحة الورده الزجيه
من يمشي جان الماي ياخذله تحيه

قبل يمينه   @@@ باسه بجبينه
كله بخدمتك لو ردت تجفيني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
  الشاعر بشار السامي

أ

Читать полностью…

قناة الرادود والملحن امير الفتلاوي

ياوالي الضعن
بس انت الوطن
طايح ياجرح ماخله الي غير الحبل

امن اول ما طحت
بخيالي حرت
ياوالي اشكثر بيه حجي وجتي الهزل

طايح واتلازمن بعيوني دمعات
طايح ما اكدر ابجي اكبال شمات
طايح وي طيحتك في الخيم مات
طايح وطاحت اساميهه الاميرات

بخيالي بانت بيه حيرة واحسينا
النوك الهزل بس للاسيرة واحسينا


***

حي
رة بمشيتي
وحيرة بدمعتي
وادريها التضل من دون اخو تبجي بصمت

جرحي وغربتك
صمتي وطيحتك
هذا اول سكوت الي فتك بيه وحرت


خوية ما احجي بس حجاني فركاك
خوية ما اكدر اتنفس بلياك
خوية جنت النفس اتشاركة وياك
خوية سمعني جلمة خوية انخاك

اتذكر بكلبك غلاتي واحسينا
معقولة ذبحو ذكرياتي واحسينا

**

منعوني
الحجي
منعوني البجي
شلون التمنع من البجي وفكدت خدر



بكل لحظة التفت
حسبالي كمت
رواني الزمن روحه اخو وجية يسر

اطلع منك اروح بغير نية
اطلع ماخوذه من كلبك سبية
اطلع حتى الهوه اشتمه رزية
اطلع مهضومة من حبل البدية

لا ماتجتفني حبالي واحسينا
مجتوفة من طيحة خيالي واحسينا


****

صارت ل
و حلم
كل لحظة انصدم
اول طلعة الي وشفت المشي بلايه علم

اتأمل قبل
اصعد ع الابل
ما انزل اذا ماتنصب فوكي الخيم

راحت زينبكم الذبحو حلمهه
راحت محروك ماضيهه وخيمها
راحت بلا رايها وسابين اسمها
راحت مشي السبي مثكل جدمها

تكصر خطوتي شما ذكرتك واحسينا
فوك الترب مذبوح عفتك واحسيناه




***



بكلب
ي دمعي صب
والشام اقترب
كل ما نقترب خطوه انذبح من خطوتي

شيخلص العمر
كبل اسم القصر
بلسان الدمع احجيهه جا وين اخوتي

صارت طبيت ديرة الموش اوادم
صارت كلشي انذبح بس جرحي سالم
صارت بالشام مو ليل الهواشم
صارت ياعين التباري الفواطم

طاحت على عيوني المصايب واحسينا
تالي اليسر ضيم الخرايب واحسينا

Читать полностью…

قناة الرادود والملحن امير الفتلاوي

: (( نزلة للبقيع))

والله نبنيهه المراقد
محد اعلينه يزاود


اسنين مـــــرت  هالگبب هدموهه
والنواصب حرمه ماراعــــــــوهه
مادروا بالشيعة لـــــــو وصلوهه
بالارواح اگبـورهم يــــــــــبنوهه
شيمه عدنه ومرجلة...والله من راعي العُله
                الامر هذا حاصلة
(علي حيدرنه اليساند) محد اعلينه يزاود


احنه شيعة ودوم ننطي حـچايه
لأهل بيــــــــــت آل النبي وفــايه
لون فتـــــــــــوى نعتنيها اعــنايه
للبقيع هــــــــــــــناك ننصب رايه
وبمواكبنه نطب.... يفتخر بينه الدرب
            راية ننصب عالگبب

هناك نعلگهه المواقد... محد اعلينه يزاود


تبقه لوعه وماتهيد أگلوبنه
وللبقيع اتضل تــــــــــحن ادروبنه
شيعة وابـــــــــداً ماتنجس ثوبنه
والامام ابن الحــــــسن محبوبنه
وربنه لازم يظهره.... قبل يوم الآخره
           وهوه راعي الزمجره

يجهله مايبقه واحد.... محد اعلينه يزاود


النــــــــاس تدري وتدرك المعــلومه
وحگ صــــــانع هالفلك ونجــومه
لو تـــــــظل اگبــــــــورهم مهدومه
هالعـــــقيده بلگلب مـــــــــرسومه
عن علم مو عاطفه.... الولايه اتشرفه
               كلمن ايصون الوفه

أحنه والِيِنه الأماجد .... محد اعلينه يزاود


هالنـــــواصب ربنه عجــــــل يومهم
عدنه ثارات ونــــــــــريد انشوفهم
وحگ حيـــــدر اله نسحگ روسهم
وللحــــــجاز انودي والله اعلومهم
احنه ولد المرتضى.... ويسمونه الرافضه
                كل منافق نرفضه
لمن انقرر نجاهد....  محد اعلينه يزاود


الشاعر عباس الخادم

Читать полностью…

قناة الرادود والملحن امير الفتلاوي

ﺃﻃﻠﻘﻮﺍ ﺍﻟﺤﺮﻭﻑ ﻭاﻟﻜﻠﻤﺎﺕ ﻭﻋﻄرﻭﻫـﺎ
بﺎﻟﺪﻋﺎﺀ ﻭﺍﻻﻣﻨﻴﺎﺕ ﻭﺍﺭﺳﻠﻮﻫﺎ ﻣﻊ ﺍﻟﻄﻴﻮﺭ
إﻟﻰ ﺍﻟﺴﻤﺎﺀ ﺭﺑﻤﺎ ﺗﺼﻞ ﻭﺗﻜﻮﻥ ﻟﻠﺠﺮﺡ ﺩﻭﺍﺀ ﻭﻟﻠﻔﻘﻴﺮ ﻋﻄﺎﺀ وﻟﻠﻤﺤﺮﻭﻡ ﻧﻌﻤﺎﺀ ﻭﻟﻠﻤﻠﻬﻮﻑ
ﻃﻮﻕ ﻧﺠﺎﺓ و ﺭﺿﺎﺀ 🌹
لكل قلب ‏لا يحمل إلا الحب لمن حوله. صباح الأشياء الجميـلة التي ‏نعجز أحيانا عن إدراك روعـــتها.
أحلى صباح للغالين الذين يمتلكون القلوب النقية.
✨💙 #صبـــااااااااااح_الــورد💙

Читать полностью…

قناة الرادود والملحن امير الفتلاوي

ليتني كنت على قبرك ضلً ليتني

Читать полностью…

قناة الرادود والملحن امير الفتلاوي

للبقبع
.
.
.

مـــنـــارات.. الــمــزارات ..  الســماوات
بچت من دم عليها
_____

لأن عل
ــويه البقــيع وتعـتبـر قـــدسيه
ابلاتــردد شمــر قـرر يسـبي هالعلويه
والمثل هالگـاع زحـمه تنـوخذ مسبيه
ولـسه ماردت اسيـره عنــد ابن تيميه

جراحات .. الــمــزارات ..  الســماوات
بچت من دم عليها

_____

اللجمه
الاولى ام البنين اتعنو ايهدموها
چيف من كربـله ثــار امــربع  ايطلبـوها
بغضــاً ابعباس هــمه بالــثـره ســـاووها
فـرصه ثارات البقــيـع ولازم يــوفـــوها

رويـــات .. الــمــزارات ..  الســماوات
بچت من دم عليها

_____

من هــ
وت هاي المــناير هـوت چن السبعه
اعيونها مــن البــواچي بيــها ماضـل دمعه
ظلمه هسه وابو صالح يـحترچ چن شمعه
على كسر اظلوع گــبر الحسن كاسر ظلعه

معـــانات .. الــمــزارات ..  الســماوات
بچت من دم عليها

_____

مهــبط
الاملاك گــصدو بابــها ايحــرگونه
وبالصــبر بعــل البـقيع امــگــيد ايعـرفونه
امن الدمع گبر ابو الزهره مغورگات عيونه
حـقه كــودا شــاف خدها لــمن يسـطرونه

ويلچمات .. الــمــزارات ..  الســماوات
بچت من دم عليها

_____

زمـــر
ه للتــخريـب جايــه وللــذبح عـــنايه
اتغيــضهم فوگ البـقيـع العـلي تخفگ رايه
تــره بالتاربخ محــد ســوه هيــچ اســـوايه
اگبور اهل البيت وسفه اويه الثره مساويه

اعله رايات.. الــمــزارات ..  الســماوات
بچت من دم عليها

_____

فكرو ب
امر البقيــع شـلون تخفي انفاسه
گــام واحـد گال منهم كون نگـطع راسه
حتى لاواحد يــزوره اولاتگــصده نـاسه
اتهدم اول ما شمرهم عله صدره وداسه

نهــايـات.. الــمــزارات ..  الســماوات
بچت من دم عليها
_____
حيدر تر
كي الكربلائي
يهدى ثواب هذه القصيده
لروح خادم الحسين العم ابو عباس الجبوري

Читать полностью…

قناة الرادود والملحن امير الفتلاوي

ابوذيه

علي ثوب الحزن كاعد.      وراهم
وبنفسي اشوف اهلي.       وراهم
عجب ياروح. مامتي.        وراهم

ونمتي احذاهم بذيج الوطيه
🖊️🖊️🖊️🖊️🖊️🖊️🖊️🖊️🖊️

يطارش روح لهل النجف.      وداي
سلام وشوك وشكي ألم         وداي
كللهم  يجون.  اليوم.            وداي

على السفره نجي ونلتم سويه
🖊️🖊️🖊️🖊️🖊️🖊️🖊️🖊️🖊️

لون يلتم شمل اهلي.        لميته
وكلبي بكثر ماينحب         لميته
لامتحمله.  الفركه.           لاميته

ولاهمه المشو ردو  عليه
🖊️🖊️🖊️🖊️🖊️🖊️🖊️🖊️🖊️

موراحه الي  ويه الاهل       راحات
وليالينه  الونس  ياحيف      راحات
على الراحو صفكت اليوم.   راحات

اعزاز ومن مشو فيو عليه
🖊️🖊️🖊️🖊️🖊️🖊️🖊️🖊️🖊️

الراس المانزل. لهلي.       نزلهم
ويزهي چان ومنور.         نزلهم
المشو من الكلب صعبه    نزلهم

وهمه بكل ركن تركولي فيه

🖊️🖊️🖊️🖊️🖊️🖊️🖊️🖊️🖊️

بقلمي عاشقة العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه

              صاحبة الحسچه الجنوبيه
                ام عراق الشمري

Читать полностью…

قناة الرادود والملحن امير الفتلاوي

يروحون   ليش احبابي من عندي يروحون
انه المهدي   صرت وحدي
****
عفت الاحباب   جوه التراب   فاركوني والدمع بلل لحيتي
اصبر اشلون   اهنا يالعيون    ما الومج لو عله احبابي بجيتي

براحه الناس كلها اتنام   وانه الليل ما نمته
ودعت الفرح تدرون   وانه زغير ودعته

بالكبور   كلهم نامو اعزازي بالكبور
بونيني احدي   صرت وحدي
*
اب
جي كل يوم   من الهموم   واليفارك اهله يا ناس اشيصبره
بيه كل عام   اتزيد الالام   اشلون صحت الصادق ايهدمون كبره

جا يمته البقيع ابني   وشيدها مراقدهم
ياخذني الهوه واشتاك     ليهم والكلب عدهم

عليهم   هذا الشيب البراسي عليهم
كرب وعدي   صرت وحدي
**






اهواي متعوب   امشي يا صوب   عايش بديرة حزن كلها متاعب
وجهي ذبلان   وجسمي نحلان    وراسي ابيض صار من كثر المصايب

حدب ضهري مثل اهلال   وامشي اعله الجرح كوه
كل يوم اسكن الصحره    وحيد وبلوتي بلوه

جفوني   اهواي احباب عافوني وجفوني
وحك جدي   صرت وحدي
***
اعتب اهواي   وتجري عيناي   ليش قله بهل الزمن يدعون اليه
امنيتي الكه   اعليه حركه   انه رايد ناس ملجومه عليه

اعجل بالفرج يردون    ومحد تاب من ذنبه
افرح من اشوفن شاب    يقره بدمعته الندبه

احبكم    انه اهواي تدروني احبكم
الزمن ضدي   صرت وحدي
**









كوه صابر   بصدري حافر   انه جدي المنسحك بحوافر الخيل
الفكد الحسين   ابجي يا عين   انه عماتي ابد ما نامن الليل

اصرخ كربله بحزني   وتملي الدنيه صرخاتي
انه اشلون ما ابجي   ومسبيات عماتي

اعله اخوها   زينب ناحت اهواي اعله اخوها
حرت شبدي  صرت وحدي
***
تمت
تحسين الخفاجي

Читать полностью…

قناة الرادود والملحن امير الفتلاوي

بسم الله  نبدي مايلي
الاذان شيعي   يعتلي
يالمهدي نهتف ياعلي
اربع مراقد تنبني
*******
هاجس بالدمع  ....مذبوح الشمع....
خيط   الفجر  ما بان
كل زقه وفرع..........باچر ينسمع
بصوت المهدي الاذان

كل دمعه من اسولف تخنك الانفاس
شيبك   بالبقيع  اشكد طلع  بالراس
ردت تبني البقيع  ابكلبك  الحساس
حشم  لو  ردت بس  عمك  العباس

تشبه علي من وجنتك
ابچف الكمر ثق رايتك
والطاغي باچر  ينولي
يالمهدي  نهتف ياعلي
اربع مراقد تنبني
*******
وحدك لو  تون......عايش بس حزن
دمعه وتحچي الاهداب
ما مر الفرح  ......عمرك بس جرح
اگبور   الاهل  غياب

وين   بيا  كتر  يالمهدي  كاعد وين
ليش  بلايه  زاير  يوصل   الطيبين
حسره من الكلب وتهل دموع العين
دمعك ما نشف لسه بضريح حسين
يالمهدي عمرك بس تون
متعاقد    وياك   الحزن
چا يمتى حزنك ينجلي
يالمهدي  نهتف  ياعلي
اربع مراقد تنبني
*******
الغرقد قصتك.......طاحت دمعتك
حال الغرقد اشلون
تنظر يا وضع.....بس مجره الدمع
ماتت حتى العيون

ليش اكبورهم ظلت جرح واحزان
معقوله  الكرم  نايم  اعله  التربان
كون  ايصير  گبره  جنة  الرحمان
وخدامه الملائك من عظيم الشان
الدله توكف  تستعد
للحسن تقره الحمد
بشوك  المناره تكملي
يالمهدي نهتف ياعلي
اربع مراقد تنبني
*******
شكد  عمر الهجر.....خلصت العمر
كلي  اشوكت   ترتاح
كل عمرك خيم......اذاك السهم
خيل وسحك ورماح

توالمت الحزن  وي   جدك السجاد
ظلت  بس  مناحه   مهجته  تزداد
فرض جور النواصب ياوكت ينباد
الخصم لابد يزول وتنتهي الاصفاد
عرش المناحه ينوصف
دمعك ولا يرضه يجف
حسراته بالطف تصطلي
يالمهدي   نهتف  ياعلي
اربع مراقد تنبني
*******
شفت الفاجعه......تحچي الواقعه
ليش  الغرقد  اتراب
غربه بلا صحن......مهجور الوطن
وينك تبني الاحباب

يم  الباقر   اشكد    دمعك   اتسيله
عايش   ليل  حزنك   شفنه  تأويله
الهجر ما  ينحمل   ماردنه   تأجيله
الخدم موجوده يمك حتى جبريله
هاي الخدم تبصم عهد
موعدهه  وياك  الوعد
بس حيدره هوه الولي
يالمهدي  نهتف  ياعلي
اربع مراقد تنبني
*******
تنحب كربله.........ابدمعه هامله
حسره  بلا  مناره
من وادي النجف......للغرقد شغف
عد  عينك غياره

غيمه بلا  مطر  متنظره  جاري الماي
وصار اشكد  هجر ليل  السهر   عناي
بيدك   يا بو صالح     تاخذ   الوفاي
عطشان المحب وشكد يتاني اهواي
شوك  العلم  والمعرفه
حوزة الصادق مشرفه
من الله دستور العلي
يالمهدي نهتف ياعلي
اربع مراقد تنبني
*******
تمت بعون الله تعالى
خادمكم.......... يوسف الفتلاوي

Читать полностью…

قناة الرادود والملحن امير الفتلاوي

قصيدة الليلة
راح اشتاگلك لا هسه مشتاگه
گبل مانفترگ خلينه نتلاگه

گبل لتروح كون تموت عيني
يخويه والله يستر من حنيني

لأن خصم الحچي ما أحمل فراگه

•*•*•*•*•*•*•*•*•*•*

(1)


راح أشتاگلك لو أدري ماجيت
عشنه وشفنه ساعتنه الأخيره
من إجيت وياك چني الوحدي رديت
اشوف عيوني دمعتهه چبيره
أهل البيت ما الگالهم بيت
صدگ هو الوكت ميت ضميره
انه الما أدري عدله شلون ضليت
إجيت اختك وردّيت الأسيره

گاعد يمي واعتب ماتجيني
يخويه والله يستر من حنيني
لأن خصم الحچي ما أحمل فراگه

•*•*•*•*•*•*•*•*•*•*

(2)

من اشتاگلك آنه اوصل الموت
سويه  تموت تشتاگ  الغريبه
بس حط فوگه خشبه يصير تابوت
يشبع موت اليفارگ حبيبه
اذا بعض الجروح تطيب بسكوت
يضل جرحي جرح لو طلع شيبه
يلاگيني الوداع منين مافوت
ومن اگعد تجي فوگي المصيبه

بقه السابع أرض يوصل ونيني
يخويه والله يستر من حنيني
لأن خصم الحچي ما أحمل فراگه


•*•*•*•*•*•*•*•*•*•*

(3)

انه اشتاگلك وعيوني متشوف
عليّ جرت النفس كلش ثگيله
برگبتك آنه والعيله والسيوف
برگبتي حچايتك صرت الكفيله
من ارض المدينه الگبر الطفوف
وللشام وبعد صارت طويله
يوكتي وياي ماسويت معروف
ونه اخت حسين تعرف مو قليله

شصاير يادهر بينك وبيني
يخويه والله يستر من حنيني
لأن خصم الحچي ما أحمل فراگه
•*•*•*•*•*•*•*•*•*•*

(4)

آنه اشتاگلك وتغرب الروح
وضوگنه الصبر طعم الهزيمه
اگابل عيّلتك واطحن بالجروح
وسولف عالزمان شلون ضيمه
يخويه تصاحبت بيباني والنوح
ضليمه وما بعد هاي الضليمه
يخي عشنه عمرنه الروح بالروح
صدگ لو نفترگ أكبر جريمه

من الموت ياخويه اشتريني
يخويه والله يستر من حنيني
لأن خصم الحچي ما أحمل فراگه



•*•*•*•*•*•*•*•*•*•*

Читать полностью…

قناة الرادود والملحن امير الفتلاوي

((قصيدة العليلة))



ياليلي اليمر حسره
لاعمات لا گمره
لاضلن بنات حسين
البيهن ريحة الزهره

((((((((((((((((((

1

بويه بويه خيوط گلبي تهزلت من گد جفاك

بويه بويه غيوم دمعي چلچلت كلها وراك

سافرتلك دمعه دمعه وطشرت روحي بسماك

لا أخو ولا أخت يمي الموت ذكرني بدماك


اكتب ذكرى عالظلمه
وياكم شالت الرحمه
مذبوحين لو ناسين
هلي شو طالت السفره

()()()()

2

غرفه غرفه صرت ادور وافتح الكم باب باب

اشم بالحيطان وبچي بيها بس ريحة غياب

أگصر من الحچي الساني حتى مو گد العتاب

لاعليكم أگدر اسأل وانه بنت أهل الحجاب


ماريد أگطع الضنه
اغافل روحي واتمنى
تجون بساع لو باقين
تره گلبي انكشر ضهره

()()()()

3

متانيتكم خطوه خطوه عيني مفتوحه ونام

آنه راح أنذبح فرگه ياهلي بشهر الحرام

خايفه بيا درب امشي ياكل جدامي الضلام

وانه بنت اليذكر اسمه يكتب عليه السلام

تعالو ياهلي بسرعه
اليعمه تفارگه الدمعه
أدري اليا وكت ماشين
هجركم ماخلص عمره

()()()()

4

ابچي ويامن عليكم كلها تضحك من بچيت

الهوى والضوه راحن وانه من گلبي طفيت

بيت مابي ابو أصلاً  بعد ما يتسمه بيت

دنيا ماكو حسين بيها كون من عدها انعميت

رقيه چان عفتوها
ونيسه الگلبي خلّوها
عليله وأفرك الچفين
چن مگطوعه من شجره

()()()()

5


عافيه مابيه وأمشي ابيتي بس گلبي غريب

جفني گوه يشيل رمشي فاگده وين الحبيب

چنت انام بحضن أمي يمها أحس يابويه أطيب

الطفلة سولتها بدمعها لاتودي ولا تجيب

اجبرو خاطري شويه
رچيچ گليب البنيه
اجاني الموت ياغالين
ولجلكم عمري ماخسره

Читать полностью…
Subscribe to a channel