1950
@telegram.me/amarr_hasnn
ليلي خلصته بچي لساني راح من الحجي
خل اروح وياكم ويهمل دمعهم
كمت اروحلهم وارد ساعه ساعه احسب واعد
بلكت يطر الفجر واصعد ضعنهم
حسبت وشحسبت اخذوني كتلهم طبت
كلها سكته اخواني مايردوني جنهم
عيني ماغمضت جفنها تكلي ينسوني
واني اكلها يحبني ابوي ومايعوفوني
تنگطع سالفتي سكته وتهمل عيوني
كلبي بزني وعيني رفت وادعي خير
بوحدي ماينساني ابو گلب الجبير
وانه ادري بكل اهل لو حل سفرهم
يعطل الروحه ولا ينسه الزغير
""""""""""""""""""""""""""""""""""""""""""
توني نمت وسلهمت والصبح صار وگمت
حضرت حيلي وغراضي وياهم امشي
الفرحة بعيوني وشفت اسمي ماهو وأيست
يسير ضعن حسين وانه يسير نعشي ...
كمت اباوع وانهضم ضاله جلد وعضم
من صعدتو وانه شيب حتئ رمشي ...
شـحـال اذا طـولـتـو عني ميته تلكوني
عليكم دموعي و وكفتي وياكم اخذوني
بلـچـذب گـلـولي أصعدي كـون تـردونـي
صـعـدت كـل الـبـنـات و گـمــت انـوح
الراح ابوه هم تبقئ عنده خلافه روح
دمعي ينزل وانه اطيحن كلي ضيم
خطوه خطوه تكبر بگلبي الجروح ....
"""""""""""""""""""""""""""""""""""""""""""""""""""""""""""
شايفه ضيم شكثر خنگه يخنگني العصر
الصبح ضلمه بعيني من غرب ضعنكم
جدامي طبعن بالدرب والله فركاكم صعب
گلتو يرجعلج علي وأنطر خبركم
اشكي فگدك للهوه خاطري وكلبي انچوه
خنگه هاي انفاسي اذا ماشم عطركم
الحايط يتچيلي عگبك انه البعمر الورد
زغيره متعوده عليكم ماحمل ضيم البعد
فراگكم شالعلي كلبي وروحي ماردها مرد
خل اوصلكم مسافه انوب أرد
بگلبي اخ وحيلي راح من النشد
خل اشيل شويه عبد الله الزغير
لو مهد خلولي اهزن بيه و أصد
"""""""""""""""""""""""""""""""""""""""""""""""
موديه مرسال بـ ألم خافن يصيبه السهم
انه ادري سهام العليكم چثيره
كاتبه من فاطمه لوالدي الكله ضمه
اول اسطر كاتبه جروحي الجبيره
انوب انشده بكسرتي شلونهم كل اخوتي
زينب بخيمتها لو راحت اسيره
شـلـونــه عـبـد الـلـه شـكـثـر مـشـتـاگـه اله
الشوگ مثل العطش والحر والموادع حرمله
المن يضل ليش عايش كلمن يفارگ هـلـه
اخر اسطر گلت اگلهم موتي حان
الخير مو هسه گبل تارسني چان
تطلع الروح بوجع وتردها دمعه
واخيراً في الرحيم المستعان ....
"""""""""""""""""""""""""""""""""""""""""""""
عباس الحسناوي
اهواي اجروحك وصاير رمل بيهن
ومحتاره يخويه شلون اداويهن
خويه احجيلي عنك وين اليوجعنك
*
من الخيام اركض اجيتك وتركض ايتامي وراي
حسين شفت الخيل يمك وانه صحت شعدها هاي
عالرمل نايم لگيتك وگتلي زينب خويه ماي
من الشمس يختي بعباتج گومي سويلي فياي
حيره ومدري من ياهيه ابديلك
مدري امسح اجروحك مدري افييلك
الخيل الگطعنك وين اليوجعنك
*
حيرتني شلون نايم بالشمس وكت الظهر
وتنجوي كلساع اشوفك حاره الگاع شكثر
ادري من سهم المثلث خويه ظهرك منكسر
حسين گلي انشلع گلبي ليش صدرك منحفر
حرت يحسين خويه منين الزمنك
من امسح اجروحك خاف الجمنك
تحاجيني اسمعنك وين اليوجعنك
**
عالوجه مرمي لگيتك وخويه متوسد اديك
اتدور عله الهوى انفاسك والهوى ضايع عليك
اهواي سحگات الحوافر خيلهم شمسويه بيك
بعيني مره انظر بناتك ومره اديرن عيني ليك
اگول اشلون بيهن من تفارگهن
بحرگ اخيامي خاف النار تحرگهن
ما اريد افجعنك وين اليوجعنك
***
اجروحك الف وتسعميه يعني كل جسمك جرح
الطعنه عالطعنه يخويه واصل الگلبك رمح
خويه سهم المرد حبدك صار لجروحي ملح
وادري كلهن يوجعنك والاشد جرح الذبح
اثنعش طبره الشمر ابنحرك ايطبرك
واذا خلص ذبح ايرفسك ابصدرك
وشلون اجمعنك وين اليوجعنك
**
حسين خويه الخيل صلفه عليك بالحافر تدگ
شگد ثگيله واعوجيه ومن سحگها مختنگ
تساوه صدرك وي ظهرك وراح من كثر السحگ
ومن ردت خويه اشبگنك عاينت ما تنشبگ
اشبگنك ردت يحسين ما اگدر
ضلوعك راحن وكل صدرك مكسر
بالغربه اضيعنك وين اليوجعنك
*****
شمر من يمك طردني ولزم بيده شيبتك
اگبالي ظل بسيفه يومي وبده ايحز برگبتك
بالرمح من شال راسك سلبوها اعمامتك
صاح احرگو گلب زينب وسحل جابو جثتك
جاب الراس يمي وگلي هذا حسين
ومن السوط زينب گلي ترحن وين
بدموعي اودعنك وين اليوجعنك
****
تمت
ميثم العمري
اللهم اجعل يوم الجمعة يوم المستبشرين برحمتك أدعوك أن تشرح صدورنا وتيسر أمورنا وتغفر ذنوبنا وترضى عنا وتفرج كربنا وتقضي حوائجنا.
Читать полностью…
لسان حال مولاتي فاطمة العليلة ع بعد رحيل والدها
حاچـيـني يادار ابـهلچ ويـن
عافـونه بس عافـونه ميتين
تعبنه حيل افراگ اهلنه
يوميه ماخذ حيل مـنـه
ناشـدتچ وگلبي انـفطر ياعلـة اونيـني
يادار وين اهلي مشو بلكت تحاچيني
معقولة ماخذهم زعل المافارگو عيني
چالـيش لو طبـيت الچ محد يلاگـيني
من ابتوت گلبك لو شخص راح
تگـضـيهـا ونـة وكـضـة اصـفـاح
يمرون لا اهل المـحـنة
يومية ماخذ حيل منة
٭٭٭٭٭٭٭٭٭٭٭٭٭٭٭٭٭٭٭
الـيـمـد چـفـه اعـلـه الـحـلم لابـد يـرد خـالـي
والـصـور ماتـشـفـي الگلب بلكت تجي اگبـالي
عــايـفـني شــلـي بالـعـمر مـــن رحـت يالـغـالي
غـير البـچــي والـمـگـبـرة عـگـبـك بـعـد مـالــي
وكل ما افز من دگت الباب
عـبـالي ردو لـيـة الاحـبـاب
شمحلة الابو لمن تحضنة
يـومــيـه ماخـذ حيل منة
٭٭٭٭٭٭٭٭٭٭٭٭٭٭٭٭٭٭٭
ياعـطـرك اشتمه ابكـثر عطاب گلبي وهجرك
يالمامخلي امچان الي مو راح ناقص ضعنك
لا مـو عـلـيلـة وداعـتــگ لـمـن اكـضـن چفك
الـعـافـيـة تـردلي تـرة لوعـيني شافت وجهك
يابـوية لمن تـگـعد وياي
حنية اشبع واشبع افياي
وعـيـوني كل مادورنه
يومية ماخذ حيل منه
٭٭٭٭٭٭٭٭٭٭٭٭٭٭٭٭٭٭٭
ضمة اهدومك مو حرز ضـمـة عتب خليها
بحجة الي ترجع الي كل ساعة اسفط بيها
البنية من تفگد ابـو مـن ابـعـيد بان اعليها
غير الابـو مـن الهـضم ياهـو بـعـد يحـميها
ابكثر الدلال العايفة هناك
اتمنة اشوفك واگعد وياك
يابوية رد غير انتة جنه
يومية ماخذ حيل منه
٭٭٭٭٭٭٭٭٭٭٭٭٭٭٭٭٭٭٭
ضـاعـت بـيـاغـرهـم هـلـي ورفـت عليها اجفوني
وعــزاز گـلبـي الــغـربـو بـيـمـن اكــحـل اعـيونـي
شگد صوتي بـح لـمـن مشو بس همه ماسمعوني
يانـاس رحـمـوني مـتـت بلـكـي لـهـلـي تـودونـي
يادارنة العـطـشانة للعين
شيطبچ ومابيچ الحسين
اخبار ماوصلـتني عنه
يومية ماخذ حيل منه
حسين الگرغولي
ياطـف خـذاها وتوهـه مـاتت بيـن العيون
يم ذبح اخوهه فوگ جسمه ماتت ام عون
عين وضيعت عين،،، تموت المالهه حسين
افراگ الاخو الماينگدر،،،،يوم الوجع ذاكَ الظهر،،،زينب تلم اخوتها
تغبش اعيونك عالدمع،،،وبنص اخوتك تندفع،،،كلشي انتهى ابركضتها
الصعبه لمن انته واگف تندفع مالك سنـد
لاعـمـام الـحـمـت زينـب الااخوان ولا وَلَد
الـتـلـم باهـلـهـا مـن يـلمـها ويـه العـيال
المضيعة كلشي ضل باديها بس الاحبال
كضتها وين يم وين، ،،،تموت المالهه حسين
٭٭٭٭٭٭٭٭٭٭٭٭٭٭٭٭٭٭٭
من كربلة لگطع الهوة،،،كلشي يبس حته الضوة
والغيمة گامت تنشف
شايف عزيزك ينسحگ،،،يم الشريعة وتحترگ
ماتطفه چي مالك چف
اشيبقه بيها ام عـون گلي غير دخان الخيم
كل غريب اهناك يعطش لازم ايلوحه السهم
المو ماي اهلها منين تطلب غربة هالناس
يامــاي يـــرهــم للـعـقـيـلة ابـغـيـر عباس
لچن طاحتلة چفين،،،تموت المالها حسين
٭٭٭٭٭٭٭٭٭٭٭٭٭٭٭٭٭٭٭
چم مرة ماتت بت علي،،،من شافت حسين الولي
عالرمح راسه اتعلگ
چم حافر ابصدرة عثر،،،،وحسين بالهيمة كثر،،،شافت قميصه اتشگگ
كلشي ماضل من اخوها اجروح وسهام وذبح
والبقه امن حسين ذكرة ذاكه راسه اعله الرمح
دم اعـله عينه ورمـل فوگه ضايع الشوف
من يمسح الدم رمح عالي ابگصر الچوف
اخوتي اهواي عالين،،،تموت المالها حسين
٭٭٭٭٭٭٭٭٭٭٭٭٭٭٭٭٭٭٭
ضيم السبي ونوگ الهزل،،،وضعن الحرم لمه الحبل،،،ذاري الدرب تعبهن
مابيه علي غربة الدرب،،،والضايع يردة الضرب،،،زينب تجي اتعددهن
الشمس ماخلت ملامح سمل كلشي ابهالضعن
والـهـوة الـعـالي يـذبهن وحدة وحدة اتعاگـبـن
امدللات حـسـين شبـعن ضيم وفراگ
والمالة گمرة ابظلمة لازم شوفه ينباگ
اشيضل بيها النساوين،،،تموت المالهه حسين
٭٭٭٭٭٭٭٭٭٭٭٭٭٭٭٭٭٭٭
شام الوجع ياخذ عمر،،،زينب تطب ذاك القصر،،،وحچي الشماته ايتعب
ماتت ابغربتها وگضت،،والفاتحه ابشام انقرت،،،،ماطولت چن مُغرب
عيش غربة اتموت سكته هذا حال الماله اخو
اندفنت ابشام الشماته كلشي بالغربة عدو
والماكو اخوته ابين غربة اهواي يندار
وعـيـون زيـنـب تـنـتظـرنـه تـريد زوار
زينب ونة البين،،،،تموت المالهه حسين
حسين علي الگرغولي
التاريخ: ٣٠/٠٦/٢٠٢٢
دين العشّاگ
وباب المشتاگ
يم بابك يوميّة اتعنّه
هوّه انت الكوثر والجنّة
وباب المشتاگ
@@@@@@@@@@@@
حبّيتك وچان اليحب
يحسين مايتجازة
اليتعنّه چان لحظرتك
يرجع لبيته اجنازة
يحسين وبذاك الوكت
چانت الناس بعازة
يگصدونك الوادم مشي
بالجدم والعكازة
اتگصدك زوّار
ودروبك نار
والموت اعليهم يتدنّه
هوّه انت الكوثر والجنّة
وباب المشتاگ
@@@@@@@@@@@@@@
يم عينك أسجد وأقْتِرِب
يالوجهك اعظم آية
لمّن شفت دينك صدگ
حبّيت المصلاية
من كون تسمع طلبتي
بس أرد أگلّك هايه
كون من اموت بمجلسك
يلفّون جسمي براية
وبموتي كون
الگه اليقرون
واسمع لطميّات وونّة
هوّه انت الكوثر والجنّة
وباب المشتاگ
@@@@@@@@@@@@@
يحسين يم بابك اظل
واحسب اجروح ايامك
مايكفي لجروحك لطم
كون انذبح گدّامك
بذمّتها ناس الخانتك
كل عثرة من اجدامك
طايح وماعندك اخو
يركض ايطلع اسهامك
يادين الناس
وين العبّاس
يم اسهامك خل يتدنّه
هوّه انت الكوثر والجنّة
وباب المشتاگ
@@@@@@@@@@@@@
اهلاً وسهلاً بالعشگ
لو صار بسم عيونك
وعالراس ينحط اليحب
لو غرف من ماعونك
والحبّك اتعيشه ملك
هنيال اليحبّونك
من دونك الدنيه وهم
شيسوه العمر من دونك
يمّك أندار
لو يمّك نار
حبّك لا مااشبع منّه
هوّه انت الكوثر والجنّة
وباب المشتاگ
@@@@@@@@@@@@@
سجّلني بوراقك عبد
يحسين لاتعتقني
ويّه الخدم وبدفترك
خادم صغير ارفقني
ودمعة عله امصابك بعد
بمجلس عزاء ارزقني
ودّيلي ابو ادموع الصدگ
ايماشيني ويصادقني
وين الموجوع
ينطيني ادموع
وكل لحظة بمجلس يتمنّه
هوّه انت الكوثر والجنّة
وباب المشتاگ
@@@@@@@@@@@@@@
يحسين احبّك واعترف
حبّك ملك وجداني
لمّن عشت حبّك صدگ
بنادم عَدِل سوّاني
عالنيّة عشت وياك انه
لبگلبي فوگ الساني
گدّام عيني انت فقط
ماعرف واحد ثاني
يمّك ماجاي
وشمال الماي
ليش اچفوفك مالاحنّه
هوّه انت الكوثر والجنّة
وباب المشتاگ
@@@@@@@@@@@@@@
محمد جبر الدراجي
[[نهج وعقائد]]حوار بين المهدي والصادق ع
______
تاج المذاهب طول السنين.....جدي وعلي بشخصيتك
يالهيبتك من جدي الحسين......رايه وعلم خليتك
ليل .....من حسرتي واهاتي
ليل .....ماتت هضم چلماتي
********
لا وين عاينت السهر
تنهي الفلاسف والدهر
........... ... .....ناظرنه العقول
بحر العلم منك رسى
ياجدي اعظم مدرسه
.............. ...والجامعه تگول
حارت جميع اهل الكتب
يمك يجدي تنشطب
.................من الله مرسول
والفلسفه بنهجك بدت
بسيرة حديثك رتلت
................بيها انت مشغول
مصدرنه واضح كله برهان..حاججنه
كلمن ظالم
اسلوب البلاغه وهذا عنوان....يهوه ويطيح الحاكم
احزان .....تبچي بدمع اياتي
ليل......ماتت هضم چلماتي
*********
تدريني نهجي حيدري
يالمهدي مذهب جعفري.
.....................وضحنه للناس
مذهب عقيدة ومعرفه
حوزتنه صارت مشرفه
............... ....وبچفي مقياس
يالمهدي تدري بغايتي
جابر اخذ من قصتي.
..................بدموع الاحساس
إيمان للعالم درس
وضحنه عن طيب النفس
................ .....علمنه عباس
وافانه والله بدمعة العين..صار الوفه
حد مقياس
ثابت عهد وي طف الحسين ....قوة واراده ونوماس
جروح..... خطت جميع ابياتي
ليل .......ماتت هضم چلماتي
********
نهج العقيده مصدرك
شيخ المذاهب مفخرك
.......................لشيعه عنوان
اصل التشيع والفكر
ياجدي نبراس الذكر
........................منهجنه قرأن
ايات كلش واضحه
نصت علينه وشارحه
...................من رب الاكوان
منطقنه واضح معتلي
يكفينه من حيدر علي
................... بالحشر ميزان
شرح العقيده ننطي تبيان ..... درس الوحي وأسراره
جعفر الصادق علمه برهان ....يرسم مناره افكاره
صار.....مرسه السفينه الأتي
ليل .....ماتت هضم چلماتي
*********
إكمال دين الله ابتده
يالمهدي صوتك ردده
.....................من نحر الحسين
الاسلام بينه مستقم
يرسملك ابيات ونظم
................ ........رتم العناوين
يالمهدي عندك سيرتي
النعمان اخذ من حوزتي
.......................درس المحبين
استلهم دورس المعرفه
فقه الرسول المصطفى
....................... نهج الموالين
لشيعه واضح نحچي عنوان ...ابدم العقيده اطفوفه
باهلنه والله بكلشي نجران...شكد الله حب ايشوفه
اه......من حسرتي ودمعاتي
ليل .....ماتت هضم چلماتي
*********
درس العقائد منطقك
واضح حديثك موثقك
......................من طه معلوم
نتفاخر احنه عله العرب
عترة بني طه ذهب
.................. بالعرشي مختوم
اختارنه الله بقدرته
بنشر العداله غايته.
........................لدنيا مفهوم
ياجدي شوصار العكس
وياك مخنوگه الشمس.
....................تاليهه مسموم
ماخلص عمري ونايبه البين...مانشف
دمع اعيوني
واليل ياخذ صوت الاونين .. شيبت حسره اجفوني
نار.....لسه الخيم حسباتي
ليل....ماتت هضم چلماتي
**●●●●●●*
##تمت بعون الله تعالى
#خادكم.....يوسف الفتلاوي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
بعيونك دمع.. وبروحك حزن جرحك يغايب
...................
الليل هاي الوادم تخلصه بنفاهه
ونته حته النوم لعيونك جفاهه
روحك ايضل التعب يركض وراهه
اجروحك انته ولابشر يعرف دواهه
كل ليل اليمر.. كبالك تنعرض كل المصايب
بعيونك دمع.. وبروحك حزن جرحك يغايب
......................
الدنيه مافرحت گلبك مره وحده
للفرح باب وتجي بوجهك تسده
انت ذاكه البلمصايب ذاب جبده
والدمع احمر اثر ضل اعله خده
اه بكل وكت.. يلجم بالگلب فگد الحبايب
بعيونك دمع.. وبروحك حزن جرحك يغايب
.......................
بگلبك ادري من تصير المغربيه
بصدرك ايموت النفس من الاذيه
محني ضهرك تگصد الباب الرزيه
وتوكف تنوح الكسر ضلع الزجيه
من كد الهضم.. دلالك صبح يالمهدي ذايب
بعيونك دمع.. وبروحك حزن جرحك يغايب
....................
منين ابدي وياك ياناعي المصيبه
حسين بالطف جثته ضلت سليبه
يجري دمه امن النحر لا والعجيبه
تاخذه الخيل بحوافرهه وتجيبه
وبحر الشمس.. ضل بلا دفن فوك الترايب
بعيونك دمع.. وبروحك حزن جرحك يغايب
.....................
نار باب الزهره كبرت نايباته
واعله زينب حركوا الخيمه الشماته
ووصلت الصادق يمهدي والبناته
داره حركوهه ويطفيهه بعباته
ويذكر عمّته ..من ضلت وحيده بلا كرايب
بعيونك دمع.. وبروحك حزن جرحك يغايب
.....................
بكل زمن عترة محمد حاربوهه
وانته شاهد يابو صالح مارعوهه
الغرقد گبور اهلك هناك اعتنوهه
مابقت گبه ومناره هدموهه
بس انته الامل.. وگلبك منفجع من النوايب
بعيونك دمع.. وبروحك حزن جرحك يغايب
محمد هادي العقابي
كافي من اذنوبي
ياروحي توبي
وصيحي يامحبوبي
يامهدي
ليش اسوي اذنوب وابعدها المسافه
وتالي الومن نفسي واكتب ياحساف
بشنو احسن مني غيري وراح شافه
غير عنده بالعشگ طاعه وترافه
شلت حبه ابگلبي
راحمني ربي
وشمعه تضوي ادروبي
يامهدي
..........
اليحب لأجل يحب كلشي يعيفه
وخدمة المهدي يحس أشرف وظيفه
گلبي من يذنب امنعه مو ابكيفه
اختار اگله يم علي لو بالسقيفه
ومن اصفي احسابي
ابيض أكتابي
ويبقى أعز مطلوبي
يامهدي يامهدي
..........
ليش أذنب واني ادري راح اجرحه
ليش مو وقت الصلاه أوگفه والمحه
راح افتح بالعشگ وياه صفحه
بليلي اسلم اعليه ومن اگعد اصبحه
سيدي الله ايعينك
دليني وينك
واحس بيك ابصوبي
يامهدي يامهدي
..........
راح اعوفن كلشي بالدنيه الدنيه
لو الدنيه بأيدي راح افتحه اديه
خاطر يصير العشگ أشرف قضيه
شما تصير العيشه بس راضي عليه
يصير حبك زادي
وغاية مرادي
وحلو خادم ثوبي
يامهدي يامهدي
.... ...
الراد يذنب لايسولف بأنتظاره
اليبجي نحر احسين ليلجمه بحجاره
المهدي رايد بالتحب وادم غياره
راد وادم ليلها تسبح سهاره
اليساهر ليله
يلگاه خليله
وصبره كون ايوبي
يامهدي يامهدي
..........
كون احس بيًّ جرح عمته رقيه
واحس زينب أعز من امي وسبيه
خاطر ابجي مثله دم للغاضريه
واندب حسين بألم صبح ومسيه
واليعيش الحاله
يلگاه اگباله
وكربله مشروبي
يامهدي يامهدي
بعيوني اشوف اهلي يحملون
َوعن حالي كلما صد يسالون
واحد يگل للثاني
زادت عليه احزاني انه العليله
_
حضرت روحي من امس والليل ما نمته
وتانيت لطلوع الشمس والضعن گابلته
جم هودج احسب للضعن. وحسابي تيهته
كتلهم امشي أهنا اضل ماتنفع السكته
گالوا اويانه شلون ممشاج
وياهو اليضل بالدار وياج
موقف اليوم اذاني
زادت عليه احزاني انه العليله
شور
رادوني كوه انسه العشك ما اسولف بأسمك بعد
وانته الترافكني نفس من شيبتي لحد المهد
انتة التدگ جوة الصدر ما عندي غيرك اي عشگ
عطرك على سنيني انچفه فاح وعلة الرية كعد
شگد اجت ناس بحياتي شگد مشت
وانة ما همني الاجت والما اجت
شما خذاني الشيب اغفه اعله الجروح
وچنها هسة لوعه امصابك بدت
كاتنلي القهر .... مابطل دمعاتي ونحيبي
بعيوني سهر .... اسهرلك واقرالك حبيبيى
راسملك صور .... يا حرزي وسر شوگي وطبيبي
****
من زغري عايش محترگ گلبي انچوة وبزني السهم
بس انتة سالفتي الصدك وسوالفي بغيرك وهم
ما عندي غيرك وانجرح بس انتة جرحي بكل وكت
اتذكرك بأول عطش وتگبع بنار الخيم
علية عادة ابچيلك و حالف يمين
ما اعوفن مجلسك درعي الحصين
قبلتي وديني فقط درب العزاء
والتشدلي احزامي هية ام البنين
ناذرلك دمع ... ما يخلص كل عمري وسنيني
يلعشت برمح ... وجروحك دلني اعله ديني
ما شفت الصبح ... اسود كلشي يمر اعله عيني
****
رجلية تاخذني الك ما عندي غيرك اي درب
لوما ادگ ضلعي بلطم چا المن يدگ الگلب
رافعلي راسي اعله السمه بس انتة راسك عالرمح
لاحاني چفك من ضعت تايه جنت بين الغرب
انعم الله اعله الدمع واعله الجراح
بية عاش مصابك وكلشي استباح
اني مو عاشگ اذا يوم اغفه ليل
واني مو زلمة اذا مرة استراح
روحي بمجلسك ... متعودة اعله حرورة لطمتي
بجرة محبسك ... انسة اسمي وكل اهلي وضحكتي
تدري اتنفسك ... يا مالك وجداني ودمعتي
****
هايم صرت بيك وعشت دين المحب شوگ وسهر
الما لاحه چفك ينسي وزايد يصير اعله البشر
هنيالي چي عاشگ نحر سواني زلمة من العدم
وي عينك عيوني انطفت وي الضلع گلبي انكسر
انتة رب جروحي احبك حب هيام
گلبي يرفسلك مثل ذبح الحمام
انتة المخليني اعيش ابهل حياة
والمفيي عليه من في الخيام
ايام السبي ... عيشني يلضايع دلالك
وي حرگ العبي ... احرگني يلمحد بچالك
ما عندك نعش ... وتفرهد بالهيمة حلالك
****
عكس البشر من اختنگ اشتمك وما اشم هوة
جرحك اذا لحظة يمر لجروحي يتفصل دوة
سيد علة ضلوعي صرت انتة الگلب مامش گلب
العايش بظلمة وحزن تفزعلة رازونة ضوة
عايش بخير الله وبگمرة ضواك
انا الامنيته يحصل بس رضاك
مدلي ايدك لا تضيعني امنديك
وجهك انطيني ولا تنطي گفاك
عاهدتك عمر ... يل خيرك تارس ملكه عمري
كل لحظة التمر ... تسحك خيل الاه عله صدري
عايش بس الك ... يا نسمة اعله ريه انته تسري
مهند الشاكر
غايبنه ندعيله.....يالصادق الليله
وبمجلسك يبن الحجج....للمهدي ندعي بالفرج
يالصادق الليله....يالصادق الليله
نعتني ابهاي الليالي الصادقيه
للمواساة او نون ويه الزچيه
يا أبو الكاظم إجيناك المسيه
وللإمام المهدي ندعي ابهالعزيه
دعوتنه مرفوعه....عند الله مسموعه
كل مؤمن السانه لهج....للمهدي ندعي بالفرج
يالصادق الليله....يالصادق الليله
منك اتعلمنه ياشيخ الأئمه
ياعظيم وللعوالم فاض علمه
ندعي يالعندك روايه وبيهه حكمه
لو دركت القائم ابعيني أخدمه
مثلك يوالينه....ننتظر مهدينه
وبغيبته ذابت مهج....للمهدي ندعي بالفرج
يالصادق الليله....يالصادق الليله
للفرج تتنطر اگلوب الحياره
أفضل الأعمال للأمه انتظاره
من يحين الموعد وياخذ قراره
يعتني يبني مقامك والمناره
إحنه اويه غايبنه...نلفي ابمواكبنه
وانصيح ابو صالح خرج...للمهدي ندعي بالفرج
يالصادق الليله...يالصادق الليله
يامن اعله حسين دوم اتهل الاعبار
تبچي وتنوح اعله زينب ليل ونهار
حتى من شبت ابدارك نار الاشرار
تذكر ابنص الخيم من شبت النار
والدمعه سچابه....لحسين ومصابه
والكربلا گلبك عرج....للمهدي ندعي بالفرج
يالصادق الليله....يالصادق الليله
لاخر انفاسك تنوح وتهمل العين
اتصيح عذبني مصابك جدي يحسين
واحنه هاي الليله يالصادق معزين
ننحب اعله امصيبتك بالحسره جايين
هيهات ننساكم....رغما عله اعداكم
وياك نبقه اعله النهج....للمهدي ندعي بالفرج
يالصادق الليله....يالصادق الليله
سيد علي الموسوي
((تعال))
تعال تعال
خلصَتّ حتى التعال وما اجيت
حِبال حِبال
عالحبال شكثر دمعــت وبچیت
وين ســاكــن يــانبع
سوالفك كلهن ضلع .. تعال
"""""""""""""""""""""""""""''''''''''''"""""
وين اشوفك يلي حــالك حــال نورس
تـخـتـنـگ بيه الـســوالف وآنــه اخرس
أرد اسئــلك والضــلام بروحي عسعس
بروحك جروح التراچي جروح محبس
تعال تعال
الدمعه تچويني بغيابك وانچويت
حبال حبال
هـــزله دنيانه بــغــيابــك ونسبيت
يانشــيجك يـنسـمع
سوالفك كلهن ضلع .. تعال
"""""""""""""""""""""""""""''''''''''''"""""
وگفت عيوني بغيابك عالمشانق
بيا مغارب هسه انته بيا مشـارق
فاتح چفوفك ولا واحد يــــعانق
علگت چم دمعه بخدود البيارق
تعال تعال
الفاگد احبابه شني تگله انحنيت
حبال حبال
البالخرابه يبات لاتحـچـيله بيت
والحـزن صاير طبع
سوالفك كلهن ضلع .. تعال
"""""""""""""""""""""""""""''''''''''''"""""
چـــم كتاب الطاعــنك عود الروافض
والـــرســايــل سيــدي صارت مقارض
اليحچي بسمك توگف بوجه العوارض
عـطـلـوك ونـدبـتــك خــيــر الفـرائض
تعال تعال
هِبلي عطرك أرد اشمنه اشتهيت
حبال حبال
حــبل مرسوم بصفنتك ونتچیت
نگعن هـدومك دمع
سوالفك كلهن ضلع .. تعال
"""""""""""""""""""""""""""''''''''''''"""""
بيا طريق وعينــك تعاين هزيله
تعثر وروح الــدمع ينزف مسيله
بكربله لو يم علي بحزنك تجيله
تگله يابـــــويه تره بغربه العقيله
تعال تعال
یابو صالح عالهزل يمكن مشيت
حبال حبال
وبالحبل ياسيدي طحت وهويت
وانته واگـف تستمع
سوالفك كلهن ضلع .. تعال
"""""""""""""""""""""""""""''''''''''''"""""
الدفع بـــاب الزهره متّلَون ضميره
لا تخلي الكــحــله بعـيون الضريره
وَهمتني وسلتت خيــط الحــصيره
المايشوف المهدي ماينـدل مصيره
تعال تعال
وحگ امك فاطمه هوايه بطيت
حبال حبال
والله بچفوفك حـبال ومانسيت
بيك چايمته انجـمع
سوالفك كلهن ضلع .. تعال
عبد زينب
محمد الإبراهيمي
اللهم صلِّ على محمد وآل محمد وعجل فرج محمد وآل محمد
Читать полностью…
استشهاد الامام الصادق.ع.
المهدي ناصب فاتحه برض البقيع
أيصيح يالمسموم ثارك مايضيع
=========================
المهدي ناصب فاتحة ويبچي أبدمه
أوبچّة أرض الله أو ملائكة السمه
وحاضره اليلة أبعزائه فاطمه
تلطم أعلة الراس والمنظر فضيع
========================
تلطم أعلة الراس وتهيل الدمع
على الصادق حيل ألّمها الوضع
أمصابه نسّاهة ألمها والضلع
تذكرت چبد الحسن بالسم گطيع
========================
تذكرت چبد الحسن هيچ أنفطر
أتصيح يومية أوفجعني آنه الدهر
بچّت أملاك السمه أوكلمن حضر
أوصار نوح أونايحة وچادر وسيع
========================
صار نوح أونايحة أو حسره أوألم
وابو صلاح مودمع ضل يبچي دم
لأن طود الدين والسور أنهدم
طاح سور الدين والسد المنيع
=========================
طاح سور الدين مسموم أبغدر
خلصّه بالظيم كل ذاك العمر
حيل مكلف صار عالشيعة الأمر
صادق أهل البيت مسموم أوصريع
=========================
صادق أهل البيت وافاه الأجل
والهواشم حضرته بالمغتسل
الهظمه بس حسين وحده أبلا أهل
آل أمية مابقو حتى الرضيع
=========================
الشاعر حسام البهادلي
. قد جعل اللٌه التوبة للخطأ..🌹
... وما أرسل الأنبياء .. إلا..🌹
....للمذنبين .. والمخطئين ..🌹
.. وما سمى نفسه .. الغفار. 🌹
...... التواب ..العفو ..الغفور ..🌹
... إلا من أجل أن تُخطئ فيغفر لك 🌹
... ويسامحك 💖
.. ثم !!!
... ب لا حول ولا قوة إلا بالله .. تُفتح
.. كل الأبواب المغلقة 🌹
طابت أوقاتكم .. بأجمل الأمنيات🌹
❤جمعة مباركة ❤
٠٠٠٠٠٠٠٠اللهم أكتب لنا في هذا الصباح محو الذنوب وستر ٠٠٠٠٠٠٠٠٠
٠٠٠٠٠٠العيوب ولين القلوب وتفريج الهموم وتيسير الأمور ٠٠٠٠٠٠٠٠٠
٠٠٠٠٠٠
عايف زينب ليش،،،وهناك الطف امتانيها
نارالخيمة تريد،،،جف فزعة ابماي ايطفيها
مثل وجــه النهر طبعك تروي البيه عطش بايت
يالـتـرد السـلام ابـغـير ماتـنـدار عالـفـايـت
رحيلك شتلة مالت ياس. شو بيها الهجر نابت
الي يفارك عزيز ابصوم يعيدلة ابوجـه شامت
مثيلك مايصح،،،يالمعيش الصبح
زعل وجهك حرز مقري وتريدة يموت
علي وكلك دلال،،،يوجه الله الحلال
السفر مكروه اذا صايم مثل تابوت
سودة اهدوم العيد،،،بتراب اگبور اتحنيها
نار الخيمة اتريد،،،جف فزعة ابماي ايطفيها
٭٭٭٭٭٭٭٭٭٭٭٭٭٭٭٭٭٭٭
مثل وجه الشمس ينشاف. الطمع بالناس اذا نازل
ترة ثلمة ابعشيرة تصير. اذا شيخ العرب شايل
بعد انته علي وتدري. . لزينب ياضهر كافل
لذالك خـلـفـت عباس. لزينب صار ابو فاضل
ابرسم وجه الگمر،،،،نهر شايل نهر
شبيهك ياعلي الكافل اذا يزعل
ولاكن بالسهم،،،طفت عين الخيم
وبدونه الحرة تتعثر ولاتندل
غيره ابهاي شلون،،،الكافل ياهو ايضويها
نار الخيمة اتريد،،،جف فزعة ابماي ايطفيها
٭٭٭٭٭٭٭٭٭٭٭٭٭٭٭٭٭٭٭
يمن هامت كيانك باب. ماردت شكو دگـة
لمن اجـه ذاك السـيـف. فشلة كالت الطبگة
اخ الوجـع مـن يـصـير عين ابن ادم ابفرگة
ياخذ شكو انسان يصير. نسمة ورايد تشهگة
الطمع بيك ابتدة،،،وعله زينب سدة
وبدت رحلتها علناگة وبلى محمل
العطش مثل الحبل،،،ابقحط ماينهزل
السبي اعمة وخذة الحرة ولا يندل
والمايسوة يصير،،،حادي وللشام يوديها
نار الخيمة اتريد،،جف فزعة ابماي ايطفيها
٭٭٭٭٭٭٭٭٭٭٭٭٭٭٭٭٭٭٭
علي يدري ابشكو محبس ابن ادم لمن يفرة
وشـكـو طاسـة يتيم تبات بيضة ابوجه كل فقرة
سـراب الـمـلـح مـن ينـباگ لاتحچيلة عالعشرة
عـلي زيـنـب وحـيدة ابليل نريدك انته والزهرة
اذا كلشي انفرش،،،طلع ليل اهدعش
اليدور بالظلام اهلة ابهوة يعثر
رقية ابلا وطن، ،وتراجيها انخذن
بدون الكافل اهناكة الدمع ينچر
لا ماسامع يوم،،علويه وغــربـــــة اتبچيها
نار الخيمة تريد،،،چف فزعة ابماي ايطفيها
٭٭٭٭٭٭٭٭٭٭٭٭٭٭٭٭٭٭٭
علي باچر نهار الـطـــــف مايرحم شـكو لــــمـــة
سـلاماً عالضعن لوصـــار صياح اطفال ياعــمــة
زيــنـب تـــــــطـلـــع ادور عـطر الحسين تشتمة
تلگة حسين اخوها انباگ من راسة لحد چـدمـة
وذا غاب الشبگ،،،يجي فصل السحگ
الحوافر كلها تتحنة ابصدر الحسين
ابكثر دمع الزغار،،،الخيم متروسة نار
واهل زينب عله الغبرة ابذبح ميتين
والدم ويه ارماد،،،بحبال الطف شَد چَفيها
نار الخيمة تريد،،،چف فزعة ابماي ايطفيها
حسين الگرغولي
وين اليوجعك حاچيني وارتاح
يـبن امـي شـشد وكـلك اجراح
أبــدي مـنـيـن شَــبـدي وكـلك مـوذر
امسح دم رگـبـتك شـو عـظـم ينـجر
شسوي وزينب الگامت تلچمك حيف
امد ايدي اعله صدرك چفي بيه يعثر
الحوافر فوگ صدره شلون تنزاح
ويـن الـيـوجعك حاچـيني وارتاح
٭٭٭٭٭٭٭٭٭٭٭٭٭٭٭٭٭٭٭
اعله ريحت امي خويه حسين شميتك
عــثـرة ابـعــثـرة گـــــوة وانــتــدلـيـتـك
مـطـشـرينك بـحيث الدرب كلـه حسين
ابـعـباتـي وخـوتـك يـحسـيــن لـمـيـتـك
جسمك ماكمل منه شكثر راح
يبن امي ششد وكلك اجراح
٭٭٭٭٭٭٭٭٭٭٭٭٭٭٭٭٭٭٭
ويـن اهـدومـك الحـلوات يـمسـلب
مگـطع وانته ميت ليش چـا تنسب
وجفك بيه نقص عبد الله لوخنـصر
ترة خلافك بچت زينب على زينب
بالطف كلشي صار ابعيني ذباح
يـبن امـي شـشد وكـلك اجـراح
٭٭٭٭٭٭٭٭٭٭٭٭٭٭٭٭٭٭٭
مو مـن عـاتك خـويه تجـافيني
اجـيت اركـض الك يالماتلاگيني
حيلك ذاكه ويـنه باكـتـه ياخيل
واحچي وياك وانته ماتحاچيني
صوت ضلوعك ابأذني شكثر طاح
يـبـن امـــي شــشد وكـلك اجـراح
٭٭٭٭٭٭٭٭٭٭٭٭٭٭٭٭٭٭٭
لا غـيـمـة الـتـفـيي فـوگـك ولا ضــلّ
وجـرحـك من نزيفـه شو رمـل ينـزل
رگد كلشي ابحلاتك حته شيبك طاح
سـمـوم الـضـهـر خوية وداعتك تكتل
حـته ابنومتك ماضنه ترتاح
يبن امي شَشد وكلك اجراح
٭٭٭٭٭٭٭٭٭٭٭٭٭٭٭٭٭٭٭
يالمثگل الرمح من فيظ دم راسك
شـيـال الرمـح ماشـايـل احساسك
كل ساعه تطيح امنالرمح يحسين
مـن تـشـوف طـايـح راس عباسك
تـعـبـان اشـثـكر من گـد الارماح
يـبن امـي شــشـد وكـلك اجـراح
الخادم حسين علي الگرغولي
حسره اهاتي
وشكد لوعاتي
لجروح الخيمه
لو عماتي
*******
جروحي لو تمر غيمه
شفتهه تحترك خيمه
دمع عيني .... جرح كلبي.......عذابي
اشوف النايبه ابعيني
ونيني ولوعة اسنيني
انه العشته ....ولا صاير.......مصابي
اسولف حزني وهمومي
عذابي غير ارسومي
شفت ناري....وشاهدهه....عله بابي
اجتني فاطمه الزهره
گعدنه والنعي حسره
تبچيني.......وابچيهه ......بجوابي
اصعب منظر
كلبي اتحير
حرگو بيتي
هذا الأتي
*******
انفجعنه وكل شخص منه
يعيش .... الدمعه والونه
عالموقف ...عتب يحمل.......جراحي
صور بعيوني راسمهه
بحياتي صعبه اهضمهه
الجره عليه......يعذبني.........رواحي
ونيني اهوايه يحچيلي
وانه بچف الصبر ليلي
على احوالي...وانه اتجلد....صباحي
متت من اول اسنيني
بچيت شكد عله حسيني
هدم حيلي...وانه بعالي ....مناحي
شفت اطفالي
بهيمه اعيالي
ترگض بالبر
يا حسراتي
*******
طحت بدموعي عالعتبه
عشت بالظلمه والغربه
كلب ينزف.... جرح يهتف........عجيبه
يرووحي من الحزن هيدي
انچوت طفله وخذت ايدي
طفل حاير.....صدع كلبي........نحيبه
رگضت وتيهيت دربي
اعله ناري وشكرت ربي
بعد اصعب ....صحت زينب...غريبه
اظنهه من المشي ماتت
مصاب الشام ما عاشت
تون تنحب....عله اخوتهه.....مصيبه
ماتت روحي
بيها اجروحي
انه الصادق
يا مأساتي
*******
يهون الي جره اعليه
مصابي ولوعة البيه
انه ابدمعي....صحت زينب......خيمهه
تون والما سمع يسمع
عليهه خيول بس تفزع
نهب صاير.... اظن طايح........علمهه
تحير بيا كتر حيره
تحشم راعي الغيره
سهم بالطف....اخذ كلشي.......سهمهه
اويلي رگضت العسكر
خيام اتفرهدت بالبر
رمح واگف ....كلب زينب.....لچمهه
شلون المنحر
شاف الخدر
دمعة زينب
من دمعاتي
*******
تشوف الخيل ملتمه
تدوس بجسم ابو اليمه
تلم جسمه.....بقت يمه......عظيمه
ذبحهه المنحر الدامي
تبلل شفت الضامي
تكله اگعد....اسولفلك........يتيمه
رقيه كامت وطاحت
عله اتراب الحرك نامت
بقايا الطف.....تون سكته.....اليمه
ذبحني موقف الحيره
تنادي وين ابو الغيره
يبو فاضل...بچت زينب....هضيمه
اصعب حاله
سبي اعياله
شفت المنظر
من وناتي
*******
تمت بعون الله تعالى
خادمكم..... يوسف الفتلاوي
| نـــــعـــــي |🤎
بـمـالات اهـلـنـا ارد احـاجـيـك
يـا ابـو عـلـي يـالـحـلو طـاريـك
شـاريـك انـه بـدمـي شـاريـك
عـربـّي عـمـيـت وجـلبـت بـيـك
كـول شـتـريـد تـكـول عـنـي
حـزنـي ولا يـراف حـزنـي
عـشـكـك شـلـع كـلبي وكـتـلـنـي
ومـا يـنـكـطـع لـلـمـوت ونـي
مسـودن وريـد الـزملـك الـبـاب
وانـه طـفـل شـاريـلـك ثـيـاب
امـده الـدنـيـا يـابـن ابـو تـراب
الـخـلـت ضـواك يـصـيـر عـطـاب
صـافـي انـه مـثـل الـمـاي طبـعـي
مـكـطـوع اصـبعـك هـاك اصـبـعـي
مـا شـوف اوفـي بـهـذا دمـعـي
يـا بـعـد اهــلـي وبــعـد ربــعـي
فـدوه الـعـطـش والـخـيـم فـدوه
بـس طـيـحـتـك يـحسـيـن بـلـوه
صـار الـرمــح تـالـيــتـه تـجـوه
لــراس شــاف الـراس يــسـوه
قـانـون حـبـك خـوش قـانـون
لـم وادم تـمـوت عـلـى الـضعـون
يضـحكـون سـاعه وسـاعه يـبجـون
يـخـبـل لـطـمـهـم مـن يـلـطـمـون
مـثـلـك ولا صـادفـت مـثـلـك
دوخـت حـتـه الأجـه يـكـتـلـك
كـلـك حـلـو يـاعـذب كــلـك
جـنـك شـمـس لـو بـان ضـلـك
يـحـرم عـلـيـه الـفـرح يـحـرم
مـادام نــحـرك صـار اضـلــم
عـوينـاتـك الـدم طـمـهـن طـم
هـيـج اخـذ زلـمـه بـالله مـغـرم
مـا امـيـل عـنـك ابـد مـا امـيـل
مـن فـوكي تـمـطـر حـجـر سجـيـل
لـو الـف حـافـر بــذنـي يـعـيـل
اسـمـك ارتـلـه ودمـعـتـي تـسيـل
كـلـبـي غـريـب ولـكـه كـلـبـك
لو ردات مـاي عــيـونـي اشـربـك
يـدلـي الـمـضـيـع لــون دربـك
سـوانـي شـيـخ دخـيـلـه حـبـك
يـا ابـأعـبـدالله
انور السهلاني
عتاب ((وزن الهجري))
وصيتي
=========================
لحضة مماتي//كل امنياتي
يحضر وفاتي....... ردت
منيتي الوحيده/يدفني بيده
عباس اريده......... صحت
_
بأخر انفاسي يخويه ليش ما عندك خبر
رايده منك تجيني حالي حال اي محِتضر
هيه مونار بخيمنه ومستحي تضل عالنهر
أحتظر و اتمنه يمي حته أشبحلك نضر
كونك تجيني//بساعة أنيني
تغمضلي عيني....ياكمر
يجرح كلامي//لن كلبي دامي
للباقي ضامي.....من تمر
_
انه موهسه احتضاري ميته صارالي سنه
بكربلا حين الجيفتو وانه ما شفت الهنه
انجرح لو مر ذكركم كلبي خنجر يطعنه
صايره رسوم بفكدكم وهسه كل حيلي انفنه
دلالي مهموم //يريدك يجيدوم
تحظرني هاليوم.....ابعجل
بداعت جفوفك//اترك طفوفك
متمنيه اشوفك......يانفل
__
السبي وساعت مماتي ثنينهن متشابهات
وكل علامات المنيه بعيني صارن واضحات
بكربلا هوايه مواقف يوجعني الذكريات
سبلتهن وسفه اديه بعيده مايمي خوات
هايه طلبتي//ليش بغربتي
وحدي عفتني......شعجب
غربه بمكانك//ماهز كيانك
آيا زمانك......صعب
___
اه لوتدري بعضيدك عالنهر لمن طحت
من رجع خالي جواده حزمت حيلي ورحت
كبالي سلبو روحه منه وشوغت ارقيه شغت
بلايه أخوه يبوفاضل والله مهضومه الاخت
بلوعت غربتي//تخنك عبرتي
يوجعني متني..........ألهسه موت
بأخر ثواني//محد اجاني
أبچي تراني............ابلايه صوت
_
راح اموت وحسره ضلت بيه من يوم الطفوف
للنهر بس ردت اودعك وسفه خانتنه الضروف
بيش تحضني بوداعك ونته ماعندك جفوف
شلون تشبع شوف مني وانته عينك ماتشوف
ألحك عليه//سبل اديه
الشافن أذيه......امن الحبل
وجروح المتون//وطكتي اعله لعيون
وياهن ايهون.......الأجل
____
تمت
خادم الـــزهراء ص
✍️حسام البهادلي
أعظم الله أجورنا
بذكرى شهادة حامل لواء التكبير
أسد الله وأسد رسوله مغيث المؤمنين وسيد شهداء زمانه، عم الرسول وناصره وندبة أهل الكساء #الحمزة بن عبد المطلب
ما اثقلك من يوم على قلب رسول الله
الموشح
النار لهبت راحت اصواويني
وذيج طفله ابنار شافت عيني
لن رقيه خايفه اتناديني
وين شاطي العلگمي دليني
•••••••••••••
عمه لتركضين مچوية جدم
عمه خاف ايصيب دلالج سهم
اتگلي دليني إعله شيال العلم
عمي من هاي العده يحميني
•••••••••••••
يارقيه اجدامج اينزفن دمه
يابسه إرياگج يعمه امن الظمه
يم ابوفاضل اتريد اتكلمه
اتگله اديه گامت اتچويني
•••••••••••••
ركضت وانه وراها عمه اصيح
گام تعثر بالحجر كل سا تطيح
اتريد يم عباس تگعد تستريح
اتصيح ياعباس وتبجيني
•••••••••••••
يارقيه الخيل هجمت والزلم
لايضربونه ابرمح للينهزم
اتگلي ايم عباس أحسن بالسلم
يمسح ارماد اللي تارس عيني
•••••••••••••
دللتها وعلمتها اعله الدلال
اجت من نار الخيم ماعدها حال
فوگ چوي امتونها سوط الانذال
تگلي يم المشرعه اتلاگیني
..........................
لاتحيريني وتعذبيني شچاج
وانه اشوفن سوطهم يركض وراج
لو ابو فاضل على الحاله لگاج
ليش چان يگلج اتأذيني
•••••••••••••
ليش تاذيني ولو جابج الخوف
ونبله وسط العين متخليني اشوف
اتچوه وجهچ وانه اشم چوي الچفوف
الموت بينج يارقيه وبيني
•••••••••••••
الخادم
كريم التميمي
بالبقيع ... نبني أجمل صَحَن
بالبقيع ... اتحبّه جنَّــة عَـدن
بالبقيع ... بصاية ابن الحسن
_
مــو حِــلِم و أن شا الله باچـر نزور
مــرقـد شمحــلاته بيه أربــع قبــور
يفــوح بي عطر الدمــع لا مو بخور
المهدي بيده يسجل أسماء الحضور
و الضريح ... بروعته جـوهري
و الضريح ... باقــري جعفــري
و الضريح ... عدنه مثل الوطن
___
من قــبور الاربــعه لـ طــهَ الأميــن
تصير گعــده چنــها بين الحــرمين
شَبَه من شارع السـدره يصير ويـن
اگبال شباچه ( عليَّ ابنَ الحُسين )
و الدموع ... بالمُحب تــرتـقي
و الدموع ... چنها تَل صادقـي
و الدموع ... من الضماير جِرَن
____
الــهَدَّم اگبــور الإئمــه و القِــبــاب
يجي يوم اعظامه ينـفُـرْها التُراب
العادَه أهل البيت الله يگول خـاب
ذولــه إلهم بالسـمه و بالگـاع بـاب
مستحيل ... يفــلَح النـاصبــي
مستحيل ... يمحـي آل النبــي
مستحيل ... تبقىٰ اهل الفِـتِـن
____
الدمعه ترسم رابع اصحاب العَـبَـه
بالزَبَـرجَـدْ يزهــي گبــر المُـجـتبىٰ
بيه باب القبـله عِـطـره اشمَطيــبَه
و الضريح المَهــدي بـيده امْذَهِبَـه
الله شاء ... ايذِل يد المجرمه
الله شاء ... ايعِز بنــي فاطـمه
الله شاء ... تعــتلـي بكل زمن
___
صحن بيه الماي وَزعــوا سَلـسبـيـل
مِــنّه ما تِعــطَش إذا تِشــرَب قليــل
بي طعم چف ابو فاضل مدري هيل
( إشــربوا المــاءَ ثَــوابــاً لـ الكفيل )
والله ماي ... بي عــطر غـِـيرته
والله ماي ... اتبَــرَعه لـ شِـيعته
والله ماي ... انطانه گلبه الأحَنْ
___
بجانب الاربعه انحِس رأفه و حنين
يغــمُر اگــلوب التحِــب ماله قــرين
اعليها رايه و بيها مطبوعــات إدين
هـــذه قَــبــر السَــيــده أم البــنــين
بالوفاء ... نعمه ترفُض قَحَط
بالوفاء ... يمها و أوگف فقَط
بالوفاء ... كل إسمـها اقـتِـرَنْ
___
ينبـني المرقــد و سِــرّه ينطــوي
بيد ابو التـاج الأمــامــي النَــبَوي
صحن يشبه گلبـه كلشي يحتوي
ما يدخــله إله مُــؤمِــن عَــلـــوي
ما يطيح ... حتى لو ينـهـدِم
ما يطيح ... أعـلَه مِنّ النجِـم
ما يطيح ... و اليطيح الوثَـنْ
الشاعر حاتم صبري الكاظمي
لا یأتي علی المیت اشد من اول لیلة القبر
وهذه اول لیله للمرحوم جمال ابن مسعوده
رحم الله من یستطیع صلاة الوحشه له في هذه الیله
لاتقصرون😭💔
#نعي
ضلمه الگبور ابلايه اهلها
بالغربه ضلت محد الها
من ازمان ما واحد وصلها
مو گبه صخره اتصير ضلها
جنها البقه بلا ثوب بالحر
مهدومه جن جسم ابو الاكبر
تشبه خيم محروگ بالبر
ولا زاير اعله اعتابهم مر
ولاجن أئمه بهذا المجان
تشبه جثث ما الها دفان
مطروحه ومغطيتها تربان
كربله بس ما بيها عريان
الماله گبر مجهول قدره
الماله اهل يكضيها حسره
ضلمه الگبره ابوسط صحره
تشبه خرابه بيها اسره
بسام قابل الياسري
#اللهم_عجل_لوليك_الفرج
الصبر حدب
قصيده ثقيله الموالي يبث شوق انتظاره لصاحب الزمان عجل الله فرجه الشريف
*
آنه يوميه بدمع للغايب
آنه مو ذاك الكبر بس شايب
من الفراك
من الفراك
*
الغيبه طالت والصبر حدب ظهر
الدقيقه بيومها عدت شهر
وانه وي اليل عشرتنه سهر
يمته تلحك يمته وتحسر سنين
ودعي عجل بالفرج بسم الحسين
وانه واثق ما اردن خايب
أنه يوميه بدمع للغايب
من الفراك
من الفراك
*
ارد اكحل عيني لحضه بشوفته
يعتبر انجاز عمري محبته
ابو صالح سر الهي بغيبته
هوه اخر نور مشكات الوجود
هوه رحمه وهوه نعمه ابلا حدود
من اذكره ابطولي انهض طايب
آنه يوميه بدمع للغايب
من الفراك
من الفراك
✍طالبةالزهراء القريشي
**
من أذكره يفيض بعيوني الدمع
كلبي من افراكه ذايب جن شمع
يمته أسمع جلمة المهدي طلع
يمته يكرمنه ألآله أبهل حبيب
فاضت كلوب البشر طال المغيب
وبدعاء الندبة نبقى نعاتب
آنه يوميه بدمع للغايب
من الفراك..
من الفراك..
✍🏻آلّشآعرهً آلــــّعــلّويِـــه آلّمٌوسويِــــۿ
**
يضيج خلكي ومن اذكره ينشرح
هوه بلسم لو نغز بيه الجرح
هوه معنى ولذه احجايه ملح
خاف يلفيني غفل مر الممات
حسره وتضل شوفته طول الحياة
شوك بالدلال احسن صايب
آنه يوميه بدمع للغايب
من الفراك
من الفراك
✍🏻ام عباس السكيني
*
مثل بلسم هوه لجروحي الدوه
يا اعز انسان واغلى من الهوه
وانه نار افراكه لكليبي جوه
يمته اكرن عيني بانوار الامان
روحي تهده وترتقي لتاج الزمان
همت بيه وكلبي لجله ذايب
اني يوميه بدمع للغايب
من الفراك
من الفراك
✍ام حيدر العباديه عماره
*
تمت القصيده باقلام شاعرات رابطه الطفوف
لانجيز حذف الاسماء
https://vm.tiktok.com/ZMMVnUxXU/
Читать полностью…
💔الســلام علــى مكــسورة الضــلع💔
ـــــــــــــــــــــــــــــــــــــــــ
مذنب وجيتك أتوب .... ياالـه العــالميـــــــــن
ربي تغفرلي الذنوب .... لخاطر عيون الحسين
\\\\\🌴🌴🌴🌴🌴🌴/////
عبدك العاصي اجيتك تدري بيه
شمـا عصيتـك انت تتستّـر عليّه
اعتـرف بذنـوبــي يارب البريـــه
جيتك اطلب توبتي ورافع اديـه
انت كشّاف الكـروب .... يامــلاذ الخــائفيـــــن
ربي تغفرلي الذنوب .... لخاطر عيون الحسين
\\\\\🌴🌴🌴🌴🌴🌴/////
آنه عبدك بين اديك ودمعي يجري
ياالهــي وخــاف مامقبــول عـذري
ادري تقبـــل توبـة النـدمـــان ادري
ياالهــي ومن ذنوبي انكسـر ظهري
گلبي بحزانـه يذوب .... ارحـم الگلـب الحزين
ربي تغفرلي الذنوب .... لخاطر عيون الحسين
\\\\\🌴🌴🌴🌴🌴🌴/////
ذنـوبـي ياربــي اذا تمنـع دعــائي
جيتـك اتـوسّـل يربــي بؤليـــائي
ربـي بالهــادي واهـل بيتـه ولائي
لخاطر اهل البيت اقبلني برجائي
وبمحبّتـهــــم انـوب .... من مســار الهــالكيــن
ربي تغفرلي الذنوب .... لخاطر عيون الحسين
\\\\\🌴🌴🌴🌴🌴🌴/////
ادري غالـي حسيـن عنــدك ياالهي
بي علــى الأمـلاك ياربـــي تبــاهي
بجاهه يارب اغفر ذنوبي الدواهي
هـوه ياربــي الوسيـلــة واتجــاهي
هوه مصباح القلوب .... يضوي درب العاشقين
ربي تغفرلي الذنوب .... لخاطر عيون الحسين
\\\\\🌴🌴🌴🌴🌴🌴/////
ادري يـارب زايـــر حسينــك تحبه
تحت گُبتـه لـو دعــه تغفــرله ذنبه
وانه يم شباچـه يارب عندي طلبه
بجاهه يارب كل ذنب عني تشطبه
رحمتك لَبّسني ثوب .... ربـي ثـوب الفـائـزيـن
ربي تغفرلي الذنوب .... لخاطر عيون الحسين
\\\\\🌴🌴🌴🌴🌴🌴/////
خادم حسين آنه كل عمري گضيته
ياالهــي وانـت تعلــم مـانسيـتــــــه
والبچه عله حسين مضمونه قضيته
مـاتعـذبه وبالجنـــان يصيـــر بيتــه
انجه من كل الخطوب .... من صيحن ياحسين
ربي تغفرلي الذنــوب .... لخاطر عيون الحسين
خادم الحسين عليه السلام
سيد زيد الفحام 16/2/2017
الحان ملا مسعود النصاري من الجمهوریه الاسلامیه الایرانیه
\\\\\🌴🌴🌴🌴🌴🌴/////