1950
@telegram.me/amarr_hasnn
باب العشك سدينا وغيرك ما حبينه
شجره بجرف كون انصير وانت الماي يروينه
حب الكلب لو لثنين .. هم يعشك حسين حسين
***
انت اول واخر عشك عاش بنبض دلالي
ياغالي واغله من الهوه وماعندي غيرك غالي
طبع اليحب يهوه السهر ودموعه دوم اتلالي
من اسمع بأسمك افز ومدري اشيصير بحالي
يحسين اهيم ابطرواك وانسه اليل واحزانه
عيون التحبك مولاي من الشوك ذبلانه
طيفك يكحل الجفنين .. هم يعشك حسين حسين
**
تدري العشك مابي طعم كون اليحب بالحيله
بس اليحبك من صدك آه اشيخلص ليله
المتعوده عينه عله السهر شيضل يناس بحيله
كلبي مثل دلة بدو فوحت غرامه بهيله
تعرف حبيبك بالشوك كلبه يذوب بالحسره
ماشفتك وكلبي عليك يخفك كام عالفطره
الماشافتك عميه العين .. هم يعشك حسين حسين
***
حسين العمر فدوه الك يالمنطي كلشي العمري
شنهو انه واحملك اسم وبجالك ارفع قدري
لاضهري بالطف منكسر لا دمعي بالطف يجري
الكاتلني لجلك سيدي مايكفي اقدم نحري
كون العمر ميت روح فدوه تروح لعيونك
الحلوه من اصيرن مجنون ويكولن مجنونك
بيك الخلك مجنونين .. هم يعشك حسين حسين
***
يحسين اخذني العالمك وهنيالي اصيراً عبدك
عليك الزجيه الطاهره احسبني خادم عندك
يالمنطي كلشي بكربله وياغربه ذيج الوحدك
خدك برد لاح الرمل بس هوه يجوي بخدك
وبيدك تشيل العطشان رايد ماي يرونه
بدمه يفرفح جالطير بسهم الموت يرمونه
وانطر دليلك نصين .. هم يعشك حسين حسين
***
نايم على صدرك طفل تلوليله يبني اسم الله
توليله وايدك علجرح خايف يفز عبد الله
يالثغرك بذاك العطش محد كدر يوصله
المحنه العليل بدفنتك شلون عله جسمك صله
يمكطع اوصال اوصال ابنك حار باوصالك
شلون بحصيره يلموك وانت الكون يبرالك
ياسيد عله الكونين .. هم يعشك حسين حسين
***
تمت
احمد الخفاجي
/channel/amarr_hasnn
٩٦٤- في طريق الأسر
الي چــــان الگمــــر یزهي والايتام
وعگب عینه الحزن هدني والايتام
چفیله صرت للخــــــــــدّر والايتام
امــــانه ابرگــــبتي وحـــگهم علیه
✍ فراس المحمداوي
لطمية للأهل والاحباب (( مشتاگه العيون ))
مشتاكه العيون للماينشدون
همه النسونه وحملو ننساهم اشلون
همه النسونه وحملو ماردو النه
چانت حنينه اگلوبهم تنگط محنه
الضيم اخذنه والهضم وانريد اهلنه
كلما نصد لنزولهم نجهر الونه
ردو علينه انصيحهم شو مايسمعون
همه النسونه وحملو ننساهم اشلون
يهل المحنه انصيحهم ردو علينه
ماخله بينه افراگهم ماخله بينه
دمع المصايب واليتم بلل عبينه
هاي المباني اخلافهم وحشه وحزينه
جوه التراب اتوسدوا ماضن يگعدون
همه النسونه وحملو ننساهم اشلون
جوه التراب اتوسدوا حلوين الاطباع
تچوي الضلوع ولاطفت يانار الاوداع
والعشره فلت والشمل ماينجمع ضاع
وحشه المنازل صبحت بغياب الاسباع
دگوا الباب اضيوفهم عنهم ينشدون
همه النسونه وحملو ننساهم اشلون
مروا اليوم اضيوفهم وگفوا عله الباب
گالو نريد احبابنه وابعاد الاحباب
غياب كلهم صبحوا وايطول الاغياب
بيمن نشد اصوابهم يسعر ولاطاب
اعزاز ذوله اعله الگلب ماواحد ايهون
همه النسونه وحملو ننساهم اشلون
اعزاز كلهم عالگلب ذوله وغوالي
چان النزل بوجودهم يزهي ويلالي
من فارگتهم فارگت عزي ودلالي
كلساع اصيحن ياهلي ومشدوه بالي
وبهاي ابد ماحسبت عني يبعدون
همه النسونه وحملو ننساهم اشلون
من ديوان معاني الحزن جزء السابع
لشاعرو اهل البيت
ام هجران العمارچيه
غير مبري الذمه من يمحي اسم الشاعره او يغيره او يتلاعب بالقصيده وينسب الرثاء لشخص اخر
( زينب والحسين )
شيخلصه الليل .... والياويل ماتبرد
شيخلصه الليل .... وچلمةّ خيل تتردد
مايهجعْ سواد الليل
والمحبوب حدر الخيل
شيخلصه الليل
شيخلصه الليل
****
نمنه والجفن يحسين لا مـــاغــض
من شيب الرمش والشوف صار ابيض
حزن مترهي بحالي
ويمّ الخيمّه چتالي
والذكرى وصوركم والدرب غمض
بثوابك والسياط بمتني ماتنفض
وبچعب الرمح ياخويه والمقبض
أشاگف والدمع بالسكته ماينكض
غديت أتراب .... وجروح الغرب كلفه
غديت اتراب .... خويه حسين ياوسفه
مايرضا العدو يبطل
على متوني يدگ إيضل
شيخلصه الليل
**
جابو ماي ( بَدينا) بعد يحسين
وبثواب النحر ضلينه عطشانين
ماترهم بعد نشرب
وأنت مسلب مخضب
سوالف من بچينا ترجمتها العين
وبخيمةّ جرحنا سَكتت الميتين
والحراس تخطف وأحنه مرعوبين
وحگ ريجك اليابس خويه سهرانين
شلون أنام .... وأحنه من الصبح أسره
شلون أنام .... وباچر تنسبي الزهره
باچر بالحبل مشدود
كل شاهد وكل مشهود
شيخلصه الليل
******
يهب بينه الهوى وتناشغ العيله
المحروگ .. بدمعته شنهي أسويله
شسويله الصرخ بابا
هذا الچَويه بمصابا
أَسَكتْ رمله وتفز بالبچي ليله
ورباب تگلي وينه أرد ألوليله
وأگومن للعليل بروحي أتَچيله
الشاف الخيل تسحگ ينمرد حيله
هنه هواي .... بس فرگاك أولهن
هنه هواي .... المصايب خويه شيعدهن
المصايب بالجروح تعيل
كلنه وياك كون نشيل
شيخلصه الليل
***
يعاندني الجرح والذكرى ماتهده
والدمعه منذكرك خويه شيردهه
الدمع يحسين عذبني
أفزعلي يخال أبني
أختك ياشريچ البال وحدهه
بنيتك ماهدت يوجها معضدهه
يخويه خلتك مانگدر نسدهه
يطايح للمدينه عيلتك ردهه
خويه منين .... أجيبك وأنته مطَشر
خويه منين .... اجيلك والدرب مخّطر
مامتعود انته تنام
يسابيني بگينه ايتام
شيخلصه الليل
****
جابو نوگهم والهزله عرفتني
نفسها من المدينه الناگه جابتني
من شافت خدر محروگ
هزّلَت خويه حتى النوگ
سمعَت من صعدت ومن صحت متني
بچت يحسين حتى الناگه بچتني
وتگلي الخدر چا وين حاچتني
وچفوفي بحبل تعبانه شافتني
مشينه وراح .... على طبع الجرح بتنه
مشينه وراح .... على ضهور الهزل رحنه
ومن ضالم لعد ضلام
والاصعب خويه اهل الشام
شيخلصه الليل
عبد زينب
محمد الابراهيمي
يشبع بچي وميلمه بيته
إليذكر امه ابمغربيته
حتى ابگعدته ينهظم...والگعده وحشه ابلايه أم
يمه يمه
أم الهله ويامرحبه...أم الصفات الكثره
گد ما فقيره ام البخت...ويه الله تحچي ابفطره
مليانه حنيه ملي...وعدهه گلب هاكبره
الرايد يشبعهه بچي...يقرالهه اعله الزهره
واتضل تون ونه شجيه
لمن يمر طاري الزچيه
عالزهره عادتهه اللطم...والگعده وحشه ابلايه أم
يمه يمه
من غبشة الله امنه تفز...واتخاف لا تگعدنه
بهداي حتى لو دعت...خافن يفز واحدنه
وبروحهه لاماتهم...عدهه المهم تسعدنه
لوغبنه عنهه فد وكت...طول الوكت تفگدنه
والليل أبدا ماتنامه
لوما رجعنه بالسلامه
دنيه فلا بيهه طعم...والگعده وحشه ابلايه أم
يمه يمه
ابچفهه حرز من فاطمه...لو نمرض ايشافينه
دمعتهه بيهه كربله...من تنزل اتبچينه
بالصيف چن نسمة هوه...مانحتر اتخلينه
ولمن يمر ليل الشته...بردانه واتغطينه
عاشرنه هاي الدنيه كلهه
بس امنه ماشفنه مثلهه
هم ابگلبهه اشگد تظم...والگعده وحشه ابلايه أم
يمه يمه
أمه البعدهه عايشه...خله يرد الليله
اتسولفله بسوالف گبل...من چانت اتلوليله
شيلتهه بيرغ بي عطر...الله يعطر الشيله
خل يذكر المالحگت...عالمحسن اتناغيله
يافاطمه وياذاك الامصاب
راح امن اديهه ابدفعة الباب
من دفعته اچفوف الضلم...والگعده وحشه ابلايه أم
يمه يمه
للفاگد ابهالليله أم...حگ دمعته يجريهه
دمعه ابثواب ام الحسن...والأمه خل يهديهه
الوالدته موجوده لون...خل يرجع ايوصيهه
تدعيله والتدعي إله...يتوفق التاليهه
والرايد الجنه تضمه
ياناس خل تدعيله أمه
امن الرحمه ابد ماينحرم....والگعده وحشه ابلايه ام
يمه يمه
سيد علي الموسوي
آه يالخيام آه يالخيام
في امان الله نوينه السفره للشام
ــــــــــــــــــــــــــــــــــــــ
عليچ الله ودمعتي اودمعة اسكينه
اذا سار الضعن بالخير اذكرينه
أجمعي ارمادچ الباقي والحگينه
أبخرابه لو گعدنه اهناك استرينه
جري الاسهام جري الاسهام
من جسد مذبوحي بيدج جري الاسهام
ــــــــــــــــــــــــــــــــــــــ
يالبيچ انچوينه ونار اجت صوبي
حرگ طرف العبي وشويه من ثوبي
مايعرف علي الماماشي بدروبي
وسلميلي على العباس محبوبي
الخله الأيتام الخله الايتام
ابرگبتي وانه الكفيله خله الايتام
ــــــــــــــــــــــــــــــــــــــ
الطفل عبدالله خل صوتچ يناغيله
ازحفي وبظلام الليل روحيله
لعابه وچف لبن يالخيمه وديليه
ربابك جايه لا تبچي گليله
يالولد نام يالولد نام
هسه ترجعلك رقيه يالولد نام
ــــــــــــــــــــــــــــــــــــــ
واريدچ تاخذين الشيله والمعصب
يم العاف بچفوفي الحبل ينضب
گليله الشماته أشسوت ابزينب
زحمه اعله الهزل جدامهم تركب
بت الاكرام بت الاكرام
تصعد أشلون اعله ناگه بت الاكرام
ــــــــــــــــــــــــــــــــــــــ
انه لو بيدي ما اخليچن وارحل
واسمحيلي اسميچن خوات التل
اوصيچن على احسيني الوكت لو چل
التمن سويه واقرن المقتل
عشرة ايام عشرة ايام
إهنانه بالطف عاشترچن عشرة ايام
ــــــــــــــــــــــــــــــــــــــ
إذا تشتاگن ودورتن اعليه
يم احسين تلگن مني حنيه
وعلى شاطي النهر تلگني لطميه
ومحبس مال امام ويمي ترچيه
كل سنه وعام كل سنه وعام
إبكربله تلگني ثوره كل سنه وعام
محمد الجماسي
#تراث
تحيرني وتذكرني يا جابر لا تناشدني
ــــــــــــــــــــــــــــــــــــــ
يا جابر هيجت حزني يجابر گلبي ذكرته
عليمن تنشد وما ظن مثل ضيم الذي شفته
عتابك زيد آلامي يا عمي وحيلي هدمته
دفنت احسين أبويه اشلون وبديه ابگبره نزلته
وكلف وضعي ويهل دمعي
وحيد ومن يساعدني يا جابر لا تناشدني
ــــــــــــــــــــــــــــــــــــــ
يا جابر مرمي من شفته هويت اعليه أشمنه
وأبد ما تنعد اجروحه وحرت يا جرح أضمدنه
يا جابر جسمه الموذر گمت بحفوفي ألمنه
وأشوف اضلوعه مهشومه يجابر خاف ألچمنّه
انشده فكري وحرت بأمري
عليل وجرحي ضاهدني يا جابر لا تناشدني
ــــــــــــــــــــــــــــــــــــــ
شفت بعيوني يا جابر شبيه المصطفه الأكبر
ذبيح وبالدمه امخضب وأعاين جسمه لموذر
يجابر من گمت منه وحگ جدي علي حيدر
توچيت اعله وجه الگاع ردت أنهض لچن مگدر
حنه ظهري ونفذ صبري
أخويه افگده بيدني يا جابر لا تناشدني
ــــــــــــــــــــــــــــــــــــــ
وشفت لمن وگع عمي الچفيل وگطعوا الچفين
تعنه الخيمة العباس ابظهر محني أبويه احسين
عمدها الطيحه بيده وجذب حسره وتهل العين
وأشوفن والدي بحيره وحيد ابولية الصوبين
انگطع نحره انهشم صدره
الخطر أصبح يهددني يا جابر لا تناشدني
ــــــــــــــــــــــــــــــــــــــ
يجابر قصتي قصه تحير أهل الفكر بيها
إلك من يا كتر أبدي لون يجابر أحچيها
مسيت العاشر اذكرها ولعيال اشجره اعليها
خيم حرگوها والتهبت عليل اشلون أطفيها
وخيم شبت وحرم هجت
وأشوف النار التدني يا جابر لا تناشدني
ــــــــــــــــــــــــــــــــــــــ
تذكرني ويهل دمعي عله الوجنه شبيه السيل
ورماني چم سهم ظالم وأحسه يهدم الحيل
شفت أيتام أبويه احسين يجابر ساحگتها الخيل
وشفت عيله يضربوها وإلمن تشرد ابها الليل
وشفت زينب غدت تنحب
تنادي خويه شاهدني يا جابر لا تناشدني
الشاعر السيد سعيد الصافي
(208)
#اللهم_عجل_لوليك_الفرج
لاتموت .. كل سنة حزنك يضل ابالي
لاتموت .. صعبة من دونك يهل هلالي
عشت العمر وياي بين النحر والماي
لاتموت
__
اني عاشور الاجرحك الجنت كل عاشر اذبحك
رغم هذا وفركتك تصعب علية
لو صدك صارت فركتك ياهو الينوح اعلة عمتك
باقي شهرين ويمشوها سبيه
كل سنة معلمني هاية على سطحك تدك راية
والسنة ابجيتي تضل دارك خليه
من زمان .. واحنه عشرتنه الهدوم السوده
من زمان .. عشت تبجي اعلة الكمر وزنودة
تبجي علة الوفاي بين النحر والماي
لاتموت
____
من تنام بوسط لحدك ياهو يستقبلني بعدك
والمصيبة فركت الميت طويلة
الدمعه ياهو اللي يهلها عالسبوها عكب اهلها
منين اجيبك تبجي لجروح العليلة
لسة تحتاجك بعدها ليلت الفكدت ولدها
للبنين الاربعة دمعك تسيلة
وين ابوي .. وي حميدة شكد صحت بدموعك
وين ابوي .. والقصر ماخلة شي بضلوعك
وعابس تذكرة هواي بين النحر والماي
لاتموت
_
ليلة العباس حنت لاتكلي سنيني خلصت
يالعشت طيحة جفوفة وكل عذابة
سنينك بدمعه عشتهن لعرس جاسم ثوبتهن
الصادق انته ومن صدك نحت لشابه
لومتت ياهو اليزفة ؟ شمعتة ابلياك تطفة
وية رملة كل سنة تبجي لمصابة
بكل عزاء .. راح ادورك والدمع يشكيلك
بكل عزاء .. بليلة الأكبر اضل ابجيلك
حكي اتيهة الراي بين النحر والماي
لاتموت
__
ابيتك تعيش المجالس دمعتك للدمعة واهس
ليلة العاشر تسهرك عودتني
تبجي للحرة والمها لمن تودع زلمها
تصيح وياها المصايب شيبتني
ابصبح عاشور اتألم تحترك مثل المخيم
شلون لوردت ايامي وفاركتني
شكد سبوك .. السابي عمتك هم سباك وياها
شكد سبوك .. السوط اذاك ورجع اذاها
مسبي وتدور فياي بين النحر والماي
لاتموت
_
كربلة جمره عذابك تأثرت بيها بمصابك
ناقص جروحك ذبح وحسين انضرك
تدري المن رجعتني بعطش جَدك ذكرتني
والفرق رفسة شمر ماكو اعلة صدرك
باجر هلالي برجعتة يدورك وتنزل دمعتة
وين ماعاين لطم يبجي ويذكرك
ويا الهلال شكد سوالف اذكرك تحجيها
ويا الهلال ..تكله زينب كطعوا واليها
ويجري الدمع بهداي بين النحر والماي
لاتموت
__
سيد معتز الحسيني
قبــلت عنــي لـــو ماقبــلت الوادم
المهم يحسين بعيونك اضل خادم
***
المهم رايك وغيرك مومهـم رايه
يالمــرايه الــذي مامــثلك مرايه
عــن لا نـبتعد وتـطول الحچايه
المالازم خدمــتك كلشي مالازم
*
ما طب بالعمق لكـن رؤوس أقلام
بس انــته الوحــيد اتقيم الـخدام
التقبله مو شرط معروف بالاعلام
المهم معروف عند الطاهره فاطم
*
اليخدمك مو شرط آن يرتقي المنبر
يـجوز اليكنس بمجلسك حضه اكبر
هـــنيئــاً لليـــعرفك ياابــــو الأكـــبر
واليــوصل الـــهاي الـمـــرحله عـالم
*
اليوصل مرحله بحبك تـقـلده الناس
واكيد ايوقع ابصك خـدمتـه العباس
العدل ويــاك يمشي وما يطخ الراس
وحـــق حمــزه الزغيــر هـذا ما نادم
*
مايندم الگـــلبه بخدمتـــك نـابـض
القابض عالخــدامه عالـجمر قابض
الماحـافظ محبتك دينـــه ماحافظ
واليفـــتهم حـــبك يــُعـتـبر فــاهم
*
والــيفتهم حـــبك يفتـــهـم عــاشور
اليحس بوگفة التل خاطـره مكسور
اليفتر عالمـجـــالـس فـــرة النــاعور
تحسبه احساب الأكبر ابنك وجاسم
*
العايش عمره كله ايســولف بطرواك
حشه تنسى الذي كل عمره ماينساك
يبــو السجـاد تــــدري تــايه ابــلايك
من تعـــوفني تدرينــي اضـــل هايم
*
عليك ابـــداعــة السلـــبو تراچيها
اسلب كلشــي بس الخدمه خليها
وجــمرتك بيـــه فــدوه لا تطفيها
وي جــمرة احــزانك انا مــتراهم
*
حيدر تركي الكربلائي
يا خَيْرَ الرّازقَينْ أرَزِقُنا زِيَارَة أئمة أهل البيت عليهم السلام ❤️
Читать полностью…
🟩 دين المرئ بين الورع والطمع |
سألوا الصادق (ع):
"ما الذي يُثبتُ الإيمانَ في العبد؟
قال: الورع.
والذي يُخرجهُ منه؟
قال: الطمع".
الكافي_الشريف
آجرنا الله واياكم 💔
#علمني_الصادق صلوات الله عليه
حسين منك خاف اتيهن حيل جلب بيدي
انت گايل للخدمني يصير مثل وليدي
وين اروحن لو عفتني
وع مجالس علمتني
لا تهدني لا تهدني
...........
علمتني اعله المجالس والبواجي واللطم
مدلل وياك انه عايش بس تهدني اشبع هضم
الله لا يحرمني منك خلني من كلشي انحرم
كلبي كل ذنوب اترسه ومن اجيلك ينعصم
انت جنه بلا مقابل
انت والد وانه جاهل
لاتهدني لا تهدني
...........
شلون غرگان ويدور ع الجرف نسمة هوه
هيج حالي بلا مجالس انه واليغرك سوه
عيوني لو مابيهه دمعك عميه تبقه بلاضوه
حسين انت اول طبيب ايداوي عله بلا دوه
اليلطم ويبجي بنحيب
بمجلسك رأسآ يطيب
لا تهدني لا تهدني
.........
شيخ من اكعد واسولف بيك عنواني انعرف
انه اول خادم اكعد بالصدر مو بالطرف
شما اذل روحي بخدمتك انترس رفعه وشرف
دمعتك تغسل ذنوبي بمجلسك كلبي نضف
ياهو غيرك يسوه دمعي
تنومست بيك ويه ربعي
لاتهدني لا تهدني
........
حسين سهلهن علينه العَشره والمشايه
تسوه عندي الدنيا كلهه من اسمع الملايه
لذت سنيني بحياتي اعليك اسوي اقرايه
كلشي ماريد ارد اجيلك حافي شايل رايه
واطب تعبان الضريحك
حتى تحضرني من اصيحك
لا تهدني لا تهدني
.......
حسين يردوني اعوفك كطعو اعليه الدرب
لذة العاشك حبيبه يصير لليعشك صعب
مادرو بيك انت كاعد منتجي بنص الكلب
ايردن سنيني وشبابي بنص ضريحك من اطب
شنهي هذا الحب عجيبه
وانه اعرفك بس مصيبه
لا تهدني لا تهدني
..........
الخادم موسى البطلي
يا خَيْرَ الرّازقَينْ أرَزِقُنا زِيَارَة الحُسَيّنْ ..
كمل الفديو الأخير 🥹👆💙
لحن حمزه سدو الماي الماي
لا تظن يوم انساك يالرحت عني
انه زينب يا علي. اعليه يصعب فركاك. يالرحت عني
***
بويه دلالي انفطر. والدمع همال. ما حاجيني
ذبل جفني امن السهر. والمعاتب طال. وناري تجويني
انته بالشده ضفر وحلمي والامال. وشمعة اسنيني
سالت العين العين. وطول ونيني
يا علي شصبر بعد. ونهدم بيت السعد
بويه كلبي ناداك. يالرحت عني
****
لا تودعني صحت. والفكر محتار يا عمد بيتي
كمت جم مره وطحت. اشبيها ضل الدار خابت امنيتي
وحدي بالباب اكعدت. ونشد اعله الصار. شوف حنيتي
بين براسي الشيب. وهمي كاتلني
ليش فركنه الدهر. ضهري يابويه نكسر
لا تفاركنه ارجاك يالرحت عني
**
كلي شيظمد الجرح. يا حلم دنياي مو وكت فركه
جفوفي يا وجه الصبح. هالمسيه اهواي. احتاجت الملكه
الدنيه ما بيها ربح. وانته تدري بهاي اعتب بحركه
عكبك انهد الحيل. ونعمن ذني
من تسافر يا علي
بعد جا ياهو الآلي
وصاب كلبي الصاباك. يالرحت عني
**
امشي واعثر بالجدم. واليتامه تنوح. الفركه تاذيها
الفقره حست باليتم وياهو من تروح. يمسح عليها
انته حلمي والحلم. حوليته جروح. وروحي ما بيها
جلجل الليل الليل. وهنه مرني
والمصايب من تمر. بويه تعصرني عصر
راحت الضحكه وياك. يالرحت عني
***
تدري كلبي يا علي. انكطع سباحه. شاهد الطبره
اقره صرت بمنزلي. طور النياحه. حيل منكسره
همي ما ظن ينجلي. راحت الراحه. والعمر فتره
بعدك انه الأيام. ما يرحمني
اشلون بيه بكربله
من احير بعايله
بحبل تجتفني اعداك. يالرحت عني
**
تمت
تحسين الخفاجي
رحلة عشگ...سافرها ويه يروحه
الحب الصدك... الحسين وجروحه
كلبه يدك .... فوك القصر نوحه
مسافة رحلت مسافر
تعب والعطش ويكابر
الحب الصدكي معروفه
تلكا يم ابو طاهر
افنه العمر عاف الأهل
الكوفه لمن من وصل
كلها غدر بس رحبت
ما يلكه صاحب لونزل
@@@@@@@@@@@@@@@@@@
قصة غدر ... تقراهن دموعي
بحزن العمر ... اشعلهن اشموعي
حيل انكسر ..والغربه موضوعي
الغريب الكوفه من اقره
مصيبة هضمته وغدره
وحيد وماله ناصر
يبس من العطش عمره
قصة عطش قصة غرب
بيها الم. تكسر كلب
لمسلم وهل بيت النبي
واجب دمع عيني أصب
@@@@@@@@@@@@@@@@@@
يكسر كلب... وحده بقه حاير
ابعيد الدرب ..ماصح الئ ناصر
يعطش يحب .. حب بتعب نادر
رسائل بس حجي الينكال
غدر الكوفه بالمرسال
شوارب لبست اشيلهن
وطوعه تسوه الف رجال
يبقه غريب الماله اهل
چثته بحبل ويلي نسحل
بسوك وهضم ينجر عمد
ما رحمو الورده شتل
@@@@@@@@@@@@@@@@@@
رد بالضعن ...جذبه رسائلهم
ماكو وطن ... علموت حملتهم
بهاذ الزمن ...مختلفه نيتهم
رد ياخويه لا تجبل
الديره وكل حجيهم ضل
شفت بعيوني كل الضيم
وشفت اخيولهم تصهل
بأجر ذبح بأجر سبي
ماكو امان يبن النبي
رد خويه وبستر العبي
خادم القصيده
عباس اللامي
كل عام وانته ابخير يا اغلا حسين*
كل عام وانه اكشخلك ابدمع العين*
العيد كون اسمع شربت انته الماي*
وعبدالله يمك يكبر وصاير زين*
...........................
بالعيد كون ايبوس الاكبر يمناك*
بمصباحه ويه اوليدك انته شمحلاك*
ويم ليلى ويه الاكبر انتم تمشون*
والماي كون ايفيض بالطف هناك*
.............................
بنتك رقيه ابحضنك وماكو اخيام*
وتلبس تراچيهه وتبوسك واتنام*
وامن الصبح تكشخلك ابحلا اهدوم*
ونمسح امن القاموس كون اسم الشام*
.............................
العيد يم زينب يرد بيك الروح*
وام عون يمك كون ما بيهه اجروح*
كل ساع خويه تگول خو ما عطشان*
وحچي الاخت ويه الاخو شگد مملوح*
............................
بالخوه تفرح من يعيدون الناس*
كون اسمع اتشابگتو انته وعباس*
وايبوس نحرك وانته تلزم الاچفوف*
اخظر ابأخظر لابس وعطره الياس*
..........................
يا عيد وانته امطشرينك يا هيل*
واعليك چانت تردح اهناك الخيل*
احلام بأحلام اشكثر عندي اوياك*
تتبده كلهن من يجي طاري الليل*
علاء المياحي
الفاتحه لروح والدي
سافرو يا كَلب وليانك
سافرو ابني بيت احزانك
*****
راحو احبابك يكَلبي الجنت دوم وياهم
اربع اقمار وكواكب صعبه تدري انساهم
عيني تغركَ بالمدامع من يمر ذكراهم
وبكثر ضيم الليالي اتلوعت بجفاهم
سافرو تدري كل خلانك
سافرو ابني بيت احزانك
*****
يا كَلب المن تعاتب ما يفيد اعتابك
لا تضن لحضه بهجرهم تطفه نار امصابك
بعد من حسين ايس ما يجي ايدكَ بابك
لا يكَلبي ما الومك من تون لحبابك
سافرو ما طفت نيرانك
سافرو ابني بيت احزانك
*****
كَالو اليفكَد عزيزه ما تهيد آلامه
وبالمدامع والمصايب يكَضي ليل احلامه
انه من يوم الجفوني لبس جرحي احرامه
صحت عمري اخلاف ولدي ما اريد ايامه
سافرو والحزن عنوانك
سافرو ابني بيت احزانك
****
آه يا درب الحبايب ما تجيب اخبارهم
كل منازلهم خليه وحشه اشوف اديارهم
شوكَي ياخذني وحنيني وبيه تسعر نارهم
بالسمه كل ما اعاين تزهي اشوف اقمارهم
سافرو وذبل عود اغصانك
سافرو ابني بيت احزانك
*****
ذوله روحي وامنياتي وفرحتي وسنيني
همه عيني ولو عفتهم ما اشوف بعيني
حسين من يوم التركني ما كطعت اونيني
ظهري بغيابه حنيته والبعد ماذيني
سافرو مختنكَ اذانك
سافرو ابني بيت احزانك
***
افراكَ ولدي ما يهمني وبالاجل ما بالي
انه كل همي يجيني حسين ابني الغالي
حسين هوه اهلالي تدري وصعبه اضيع اهلالي
صحت يا دهري دخيلك لا تخيب امالي
سافرو يالنحت بشجانك
سافرو ابني بيت احزانك
****
تمت
تحسين الخفاجي
يا ريح الهاب وياك وديني
ازور احباب غياب عن عيني
سفرهم طال .. وانا بهالحال
ازور احباب غياب عن عيني
عليله وذاب دلالي خلـص بـالآه والــونه ..
ابوي حسين فارگني وخبر لليوم مامنه ..
اخذ وياه كل اهلي .. قطع رجواي والضنـه ..
اريد وياك تاخذني .. يا ريح الهاب واتعنى ..
على النسمات يا ريح خليني ..
واشوفن وين .. وياي دليني ..
ضعنهم شال .. وانا بهالحال ..
ازور احباب غياب عن عيني ..
بوجود حسين يتنافح .. ملاحه وطيب مراعي ..
عفاني اشلون اتحمل .. غصص وهموم دنياي ..
وانا الماچان يتهاون .. شريچ الروح وياي ..
ندهني وسار للممشى .. وعگبني وشال حداي ..
حدى الحداي .. ناديت تاليني ..
يا حادي النوگ .. وياك مشيني ..
مشى ولا گال .. وانا بهالحال ..
ازور احباب .. غياب عن عيني ..
جزاني وفاة حاديهم .. عساه يكون لا طوع ..
گطع بالنوق وعيوني .. على الركبان تتشبع ..
مشى وضليت عالبيدا .. بنظر ما يوس اتلمع ..
ترك بالروح حسراتي .. ومصب العين دم يسفع ..
علل وهموم .. والبين واليني ..
سعير الشوگ .. لو هاج ياذيني ..
الهجر چتال .. وانا بهالحال ..
ازور احباب .. غياب عن عيني ..
يا ريح الهاب احچيلك وانا الحسبات تشغلني ..
نذر انطيك كل عمري .. لوّ أ ن وياك تحملني ..
اسوم عليك بارينا .. الضعن وياه يوصلني ..
وابوي حسين لو شفته ياريح الهاب نزلني ..
تراني الضيم والبين عاميني ..
من الحسبات .. مليت تدريني ..
شيضل عالبال .. وانا بهالحال ..
ازور احباب .. غياب عن عيني ..
ابوي حسين دوهلني .. نحت والنوح يحلالي ..
يا ريت الروح لا عاشت .. لو ان يروح عن بالي ..
عساه الموت ياخذني .. وعساها تحين آجالي ..
مشى وضليت اتنظر .. ولا مرسال ودالي ..
ابوي الي راح .. ما يصير ناسيني ..
ولا مبعوث للدار .. يلفيني ..
ولا مرسال .. وانا بهالحال ..
ازور احباب .. غياب عن عيني
يا ريح الهاب لو تدري .. اشحملت هموم بغيابه ..
غزاني الشيب من صغري .. وحمم بحشاي لهابه ..
شبيه الطير دلالي .. خفگ لغياب احبابه ..
لفاني الليل بالحسره .. وقضيته بروح مرتابه ..
ظلام الليل .. بالآه يجزيني ..
ذهيلت راي .. والشيب غازيني ..
على هالمنوال .. وانا بهالحال ..
ازور احباب .. غياب عن عيني ..
نهاري يروح باللوعه .. يجيني الليل بهمومه ..
ظلام وخوف يترادف.. واطش دموع لنجومه ..
واشوف الدار وحشتها .. تخلي الروح مالومه ..
نياح النوگ لحبابي .. نحت والعين معدومه ..
لو ان الموت ماراد يطويني ..
هضم دنياي والنوح يكفيني ..
الدمع همال .. وانا بهالحال ..
يوم حسين جمره اتوجرت بيه
وما ريدن نفس ما بيه طاريه
شلّي بالنبض لومايصيح حسين
واعميهه لون تترك دمعهه العين
ابجي اعلي اظل حد ما يمرني البين
واموت ودمعي ما مكطوع جاريه
&&&&&&&&&&&&&&&&&&
مثل مسرى النفس بيه يظل حزني
ولا تهجع دمعتي وينكطع وني
خلي الناس تحجي اشما حجت عني
واكلهم احجو عني الذمه مبريه
&&&&&&&&&&&&&&&&&&
خلي اشما تكول الناس عني اتكول
مو يمهم تراني بالدمع مشغول
واكل للروح كطع النوح ما مقبول
كون اغفه ودمعتي ابعيني ليليه
&&&&&&&&&&&&&&&
مشدوه الفكر من امشي بين الناس
كل افكاري بس يم زينب وعباس
اتخيل حزنهم والطم اعله الراس
وانا ابهذا الوضع دنياي مكضيه
&&&&&&&&&&&&&&&&&&&&&&
انا ابهذا الوضع كل ليلي وانهاري
اسرح للطفوف ابعالم افكاري
واظن هو الحسين ابحالتي داري
ويعلم بالضلوع الحزنه محنيه
&&&&&&&&&&&&&&&&&&&&&&
ياخذني الخيال واتبع المسراه
واكصد للطفوف ابحسرتي والاه
واكول اهنانه زينب صرّخت ويلاه
ومنا عالهزل مشوهه مسبيه
&&&&&&&&&&&&&&&&&&
واوصل للخيام ومنها نيراني
واسمع صوت طفله ايهزهز اركاني
رقيه اتصيح ابوي اشلون خلاني
يرد لو مايرد يا هالخلك ليه
&&&&&&&&&&&&&&&&&
واطو ف اعله الخيام وروحي متكطعه
وما بين النهر وحسين اظل اسعه
يم واحدهم انظر نور للبضعه
وتكلي اعله ابني بجيني يناعيه
&&&&&&&&&&&&&&&&&&&&
واظل اقره شعر والزهره ابجيها
وتلطم عالضلع وابكســره ياذيها
واذا طاري الجفوف ابيت مربيها
تناديني اعد والونه مخفيه
&&&&&&&&&&&&&&&&&
انا هذي حياتــي وهذي ايامي
امشي والطفوف اتسير كدامي
انا حتى ابصلاتي حي عالضامي
وما اريدن نفس ما بيه طاريه
لملمت جرحي ومشيت -
تعّبو گلبي وبچيت-
وما صحتلك جرّحت چفي الحبال"
رمحك إيلچمك إذا گتلك تعال"
********
أخيامي طاحت وحترگ معصب رقيه
وطلعت العفه أسيره أويه آل أميه
ها يزينب وين أخوتج شو سبيه
هايه صيحات الشمر چانت عليه
أو واحد اسمعته يصيح-
دفعو زينب خل تطيح-
شرد أسولفلك عجز حته المقال"
رمحك إيلچمك إذا گتلك تعال"
********
يا أخواني الهيبه طاحت ويه دمكم
دورتكم دمعه دمعه وما شفتكم
بين عثرات الحوافر ضيعتكم
صعبه أگول الشمر سوطه يطگ أختكم
إيعثرن أوياي البنات -
بالعباسه أمچلبات -
أنسطرت أخدود وذبل وجه الدلال"
رمحك إيلچمك إذا گتلك تعال"
********
ألتفت وسمع رقيه أتصيح إذني
أتگلي ذاك الجر تراچيي وسلبني
أتصيح سكنه عمه متني عمه متني
الشمر شلّع جلد أديه وحبله گصني
أبناتك إيلوذن وراي -
السوط أشگفنه أبكفاي-
وعْثرت چم عثره ما بين الرجال"
رمحك إيلچمك إذا گتلك تعال"
********
وطلعت والدنيه گصرت بيه گلش
أعيون شماتي أبرسم طولي تفلش
كالمناجل بالسنابل صارت أتحش
ملح فوگ أجروحي صار الشامت إيرش
وين عباس الكفيل -
عوَّرت ضهري الهزيل-
أميسره أبغربه عله ضهور الجمال"
رمحك إيلچمك إذا گتلك تعال"
********
الناس غربه ودمعتي هيبة عشيره
كلفه من تنشاف دمعات الأميره
العذَّبت حالي وسبتني والجبيره
إيشتم أمي ويضحك الما عنده غيره
ويرفع الصوط ويلوح -
ويضرب أغماگ الجروح-
أبمتني ما ضل للضرب حته مجال"
رمحك إيلچمك إذا گتلك تعال"
********
أبچي بس أمدنگه وجرحي يكابر
المن أشكي ألْيا رماح ألْيا مناحر
أمْنيَّه چانت تعرض أبوسط الخواطر
گبل لا أطب كربله أدخلت المقابر
ميته كلَّش من زمان -
ولا شفت فوگ السنان-
راسك ومتعفر أبذاري الرمال"
رمحك إيلجمك إذا كتلك تعال
@@@@@@@@@@@@@@@@@@@
حسين باهض الحلفي
محبين .. عوابس
مجانين .. مجالس
ويســمونه خـــام حســـين
***
حــي الله ارباب المجـــالس والحــزن والدگ
حي الله وادم بالبـــچي اعله حسـينها تشهگ
حبينه والعاشگ صــدگ مفضوح من يعــشگ
تــعتگ الدنيا ويبقـه حـــب احســين مايعتگ
بالحسين .. ننافس
مجانين .. مجالس
ويسمونه خدام حسين
*
الديــن الـــمجالس نتبـــع لحــد يــوازينه
گالوها أصـحاب العقــل كل واحــد ودينه
الشــعب الحــسيني يامن اتدور عنــاوينه
عاصــمة حبنـه كربله وريسـنه أبو سكينه
اهل دين .. مدارس
مجانــين .. مجالس
ويســمونه خــدام حسين
*
الرايـــد يـــشوه هالدرب بفكـــار مســمومه
هـــالفــكر لا مناقـــشه القـضــيه محســومه
الشگگ اهدومه امن العشگ لا واحد ايلومه
عابـس قبلنــه بكــربله هـــم شـگگ اهدومه
المضدين .. نعاكس
مجانيـن .. مجالس
ويسمونه خدام حسين
*
لحسين ماضينه نعم وحسين حاضرنه
ننطي رگـــبنه مـن اجل تعلــه شعائرنه
دولة المهدي من تجي تجبـر خواطرنه
بيـها النشيد الوطني حسين بضمايرنه
للـونيــن .. نؤانس
مجانين .. مجالس
ويسمونه خدام حسين
*
احـــنه عقـيدتــنه البــچي والنوح والدمعه
مابيها شي يامن تضـد كل واحــد اوضـعه
طبعه الذي ايحب من صدگ ميغيره طبعه
هيچ أبو اليمه اهل الـهوى ايعـدونهم ربعه
ملمـين .. بهوى الحس
مجانين .. مـجـــــالس
ويسمونه خدام حسين
*
جــننه حــب المنــذبـح أي نــعم جـــننه
مجلــسه الجنه وياهو يگدر يترك الجنه
ناس احنه نهوه القامه واللطمات والونه
لا مــانـــزل وهـالفـــكر يانـــاس نتـــبنه
مبغضين .. التقاعس
مجانيــن .. مجـالس
ويسمونه خدام حسين
*
حيدر تركي الكربلائي
عودتني
وتعبتني
*****
لا تحبني اليله اموت وخاف اتعبك من تحبني
انت اعـز واحــد يخـــويه وعندي اعـز من ابني
أطشرت روحي برحيلگ فـــــــدوا گوم ولمني
انا اخيـك يالتحبني ضهري عگبك صار محني
فوگ طولك طولي طاح
وياك كلشي خـــويه راح
ضحگتي وكلشي بحياتي
وصوتي راح أمن الصياح
*****
مرا اعثر مرا اگـــوم أبين كل الــــناس اجيت
يمك الوادم تگول حسين شو وحـــدك بقيت
هسه اليه تگوم هسه والله مـــاصدك مشيت
تحبني انته هواي اعرفك وانه احبنك بجيت
تحبني وانا هــــواي اريدك
گــــــــــوم لتبجي عضيدك
الخاطر ام عــــــون العزيزه
اشبكي خويه وضمني بيدك
*****
اليـــــله مو مثل اليالي تختلف ياخـــــــويه حيل
الهـــــوه ياخذني ويردني وكلشي ببن امك يعيل
الخاطر اختك گوم فدوا وامسح دموعي التسيل
الـــيل صار وانته گمره تضوي لـــــو مر بينه ليل
اليــــــــل اضلم وانته نور
الجيـش ضل فوگي يدور
حيــلي ضاع ومالي حيـل
وطــش خبر موتك بخور
*****
عگب عيــنك باجر انه بوحدي اضل بحيره
وزينب تعاين علــــــــيه وبيها حسره جبيره
تضيگ بيها الدنيا حيل من يلموني بحصيره
ومـن بعدها مجتفه تمشي اخيتنه اســـــيره
عالهزل وعيونها تصد عالرمح
منين ماتندار يلجمها جرح
الهزل كلساع وتميل أوي الهوه
الحادي مايرحم خوات المذبح
*****
راح ارد للخيـــــم وحــــدي وراح يـــگثر وني
كسرتك صعبه وجبيره وضهري عگبك محني
أثنين گسرن كلبي خويه فراگ وجـهك وأبني
گمت اجر بروحي گوه وأنهدل ياخــويه متني
امشي وســـهام العـــــده تاذيني
ومــــــن اصد الــزينب تــبجيني
انته اعز من روحي عندي هوايه
وعگبك انه تضيع كــــل سنيني
**
#خادمكم_سيد_حسن_الياسري
#اللهم_عجل_لوليك_الفرج
وَمَا كَانَ ٱللَّهُ لِيُعَذِّبَهُمْ وَأَنتَ فِيهِمْ ۚ وَمَا كَانَ ٱللَّهُ مُعَذِّبَهُمْ وَهُمْ يَسْتَغْفِرُونَ ﴿٣٣﴾
- سُورَةُ الأَنفَالِ " الجزء التاسع (قال الملأ)"
- تفسير الآية "وما كان الله سبحانه وتعالى ليعذِّب هؤلاء المشركين، وأنت -أيها الرسول- بين ظهرانَيْهم، وما كان الله معذِّبهم، وهم يستغفرون من ذنوبهم."
صحت يبني .. رحت مني يالأكبر تفارقني روحي وياك .. فلا أنساك
الرادود حيدر العطار - بداية التسعينات للشاعر مصطفى المياحي
صحت يا ابني رحت مني يالاكبر تفاركني روحي وياك فلا انساك يالاكبر تفاركني ............................................ صحت ياوليدي تانيني ياماي العين يالاكبر وياشمعة حياة الروح ترة بلياك ما تكدر باريت وتعبت سنين يا ابني اتاملك تكبر ياوحيد اخاف عليك حتى من الهوة لومر اشمك ياذخر عمري مثل شم الهوة اليسري تعبت برباك فلا انساك ............. تعبني الربة والليل ليل ارباك سهرته يا ابني اتنام بين احشاي وانة اليل ما نمتة ليل انهار احومي عليك مهدك يا ابني ماعفته تاليت الربة فركاك بعد السهر الشفتة اعز ياوليدي من روحي يالاكبر بلسم جروحي القلب يهوالك ............... يا ابني تمرجحت ببتول وقلبي وكلت الك فدوة وما جانت ابد للروح غيرك يا الولد سلوة اصد لصورتك وارتاح معاني صورتك حلوة اناغيك وتناغيني يالاكبر كلبي الك يهوة يا سلوة عمري ياغالي يالاكبر انت امالي وحق عيناك فلا انساك .................... لوين تريد عني تروح ارحم قلبي يا غالي عشرتي وياك شجرة وماي ومن غيرك ذبل حالي ردتك للدهر والعوز ودوم اتضل الي والي افراكك يا علي ماجان يا ابني يمر على بالي صدك ياوليدي ذبل الفركة قلب امك علي تحركة صعب فركاك ................ اجيت لكربلة وياريت ميتة ولاامر يابني ولا اشوفك يا ماي العين علي تمشي وتفاركني اودع روحي يا ابني وياك لو رايد تودعني عسة لطف كربلة لاجيت وبفكدك تصوبني اجيت وبيك افجعوني تشوف مصابك عيوني رماني كفاك فلا انساك ........... من شفتك ترد لحسن وكتلة العطش اذاني سمعتك يا علي و ونيت يا ابني وزادت احزاني شفت منظر يسل الروح يا ابني منكم جواني يالاكبر سمعتة يكول لسانك كربة للساني شفت ضامي اشتكة لضامي ياويلي وزادت الامي العطش اذاك فلا انساك .............. وبمصابك يضل مالوم قلبي وما بطل نوحة يلتنزف دمة جروحك جرن قلب امك اجروحة ميتة لاشفت ياوحيد جثتك يا ابني مطروحة وشفت بعيني الك طبرات وشفت الركبة مذبوحة ناديتك علي يابني سهم فركاك صوبني القلب ناداك فلا انساك
مولاي الصـــــادق ( عليه السلام)
ما بيني وبين زينب وحسين
حرگت دار وحرگت خيمه
صيحات ازغار نار ابصف نار
بس ما تشبه ذيچ الهيمه
اني بـــناتي طبــت وانـحمت
وبت الرساله بصحره اتعثرت
مابيها شي بنــتي من ألجمر
لاكن رقيه ركضت ونچوت
لاگتها خيل ابلا حـمه
بس علسحگ متعلمه
خيل ابحوافرهن دمه - آه
0000000000 000000
نفس النسوان نفس الدخان
بس مو نفس الطف والعاشر
والناس تشوف ركضن من خوف
بس ما ركضن من الحافر
غير اني يمهن ما بيه جرح
وبالطف ابوهن نايم منذبح
اني ارجع الهن حتلو طولت
بس اشيرجعه الراسه عللرمح
لسه بأذني هلـ صدى
ياخويه ضعنك وحّده
وذباحك البينه حده - آه
0000000000 000000
رجعن للدار اكبار ازغار
محد كال الهن نسبيچن
لاواحد گال. جيـبولي احبال
ومحد گال انشد أيديچن
بالطف هضيمه وصيحه بلا اخو
وهــنانه ماي وفي عدهــن وابو
ان كنـــت حــــياً انهض يا الولي
بالطف حچتها وما گام الاخو
ماكو هزيله ولا ضــــعن
ولا عندي نسوان انسبن
واتغـــربن و اتـــشتمــن - آه
0000000000 000000
گلبي المحروگ كلما طب سوگ
اذكر عمتي بشام الغربه
ونوب الدار حرگوها ابنار
زادو گلبي ابناري الصعبه
شما حاول انسه الصار وي المشن
تعرضـــلي حاجه ترد بيه الضعن
فدوه بـــناتي وداري وهل عمر
لأجل العـــلاوي الهضمه اتغربن
يذكرني كلشي بكربله
ركضت بنات وبلـ فله
وطيحت اميرة مدلله - آه
0000000000 000000
علــــــــــي ميــــــــــران
وَدِعـنـي وارتـاح يَالْماخِذ عيوني ... حتّى الدّمِع رآح ويّا الـْيِودعوني
نــار الــهَــجُــر نــار ... وبِــروحــي مِـسـمـار
مو كِل مَن يِروح الرّوح تِمشي وياه ... ولا كِل مَن يِغيب إنِصيح منْ فَرقاه
أَخـذتْ وياگ قَلبي وقَلبي وينْ أَلقاه ... يا جَرح الأَذِكرَه ويا جَرِح اَنساه
والـضِـلـعَه مَگسور ونّاتَه مَسموعَه ... وانقِلّه مَعذور منْ يِجرَن ادموعَه
أصــبُــر عــلــى الـصـار ... وبِـ روحـي مِـسـمـار
تَعال الرّوح عِطشَتْ رادَت تِشوفَك ... تَعال چفوفي حَنّتْ شوق لِچفوفَك
عِـفتني بليلَه وَحشة وتِدري ما عوفَك ... يا گعبَة مُصابي ودَمعتي تِطوفَك
آه إِمـنِ الأيّـام جِـرحتني بِالغالي ... كِل عُمري آلام والدّمعه تِحلى لي
مــا عِــنــدي أَنــصــار ... وبِـ روحــي مِـسـمـآ
أَنـا بِـعـيـنـي أَشاهِد دَمعك اتهِلّه ... وَجهَگ يِنصُطر قِدام أَبو الحَملَه
سُـكـوتي إِبهَالوَضِع يا ناس مو سَهلَه ... أَسِل سيفِ الصّبر بتّاري ما أَسلّه
مرّه انظُر إِعليك مرّه انظُر اوليدي ... والسّكتَه تآذيك بَس ما يِصحُ بيدي
شِــتِــفــيــد الأَعــذار ... وبِــروحـي مِـسـمـآر
أَقـلّـك روح عَـنّـي وإسـتِـراح انتَه ... أَنا قَلبي على التّوديع علمتَه
كَـم صـاحـب قَـبُل هَاليوم وَدّعتَه ... أظَل لِلبير أَسولِف قِصتي سَكتَه
يَـالرايِد اتِروح ويآگ إِخذ روحي ... تِتركني مَجروح يا أَصعب جروحي
دار ال_ــزّم_ــن دار ... وبِـ روح_ــي مِ_ـس_ـم_ـآر
أَرِد لِـلـدّار حّـتـى أتـذَكّر أَيامَك ... أنَه مِضيّع وأَدوّر أَثر لِچدامَك
أَشـوف الـباب يِرسِم صورَة آلامَك ... بَعد عينِ المِشوا يا ليل ما نامك
يـا نـايِـم الـلّيل خلّيني بِهمومي ... أَسهَر على الويل منْ فارقِت نومي
خــلّــيــنــي مِــحـتـار ... وبِـ روحـي مِـسـمـآر
عَـجَب يا بو الوِفه ما تِذكر أَحبابَك ... تَعال وشوف حالي شلون بِغيابَك
وحَـقّگ مـا يِبس منْ مَدمَعي إتِرابَك ... يَغالي وما يِفيد إِعتابي وإِعتابَك
انـتَـظـرَك تِـعـود يَـالبِلقبُر نايِم ... يا أَغلى مَفقود بيك القلُب هايِم
مَــشــغــولَــه بَـأَفـكـار ... وبِـ روحـي مِـسـمـآر
بِـلـيلِ أَظلَم دِفنتَك وإندِفن صَبري ... أُبو الحَملات آني وانكِسر ظَهري
أَنَـه إِسهام المُصايِب يِغفَن إِبْصَدري ... إِذا زينَب تِوِن دَمعِ الحَسن يِجري
مـنْ يِبچي الحسين شيصبرَه شيصبرَه ... وين الصّبر وين ما تِنطفي الجَمرَه
مــنْ يــآخِــذ الــثّــار ... وبِـ روحــي مِـسـمـآر
صحت يبني .. رحت مني يالأكبر تفارقني روحي وياك .. فلا أنساك
الرادود حيدر العطار - بداية التسعينات للشاعر مصطفى المياحي
صحت يا ابني رحت مني يالاكبر تفاركني روحي وياك فلا انساك يالاكبر تفاركني ............................................ صحت ياوليدي تانيني ياماي العين يالاكبر وياشمعة حياة الروح ترة بلياك ما تكدر باريت وتعبت سنين يا ابني اتاملك تكبر ياوحيد اخاف عليك حتى من الهوة لومر اشمك ياذخر عمري مثل شم الهوة اليسري تعبت برباك فلا انساك ............. تعبني الربة والليل ليل ارباك سهرته يا ابني اتنام بين احشاي وانة اليل ما نمتة ليل انهار احومي عليك مهدك يا ابني ماعفته تاليت الربة فركاك بعد السهر الشفتة اعز ياوليدي من روحي يالاكبر بلسم جروحي القلب يهوالك ............... يا ابني تمرجحت ببتول وقلبي وكلت الك فدوة وما جانت ابد للروح غيرك يا الولد سلوة اصد لصورتك وارتاح معاني صورتك حلوة اناغيك وتناغيني يالاكبر كلبي الك يهوة يا سلوة عمري ياغالي يالاكبر انت امالي وحق عيناك فلا انساك .................... لوين تريد عني تروح ارحم قلبي يا غالي عشرتي وياك شجرة وماي ومن غيرك ذبل حالي ردتك للدهر والعوز ودوم اتضل الي والي افراكك يا علي ماجان يا ابني يمر على بالي صدك ياوليدي ذبل الفركة قلب امك علي تحركة صعب فركاك ................ اجيت لكربلة وياريت ميتة ولاامر يابني ولا اشوفك يا ماي العين علي تمشي وتفاركني اودع روحي يا ابني وياك لو رايد تودعني عسة لطف كربلة لاجيت وبفكدك تصوبني اجيت وبيك افجعوني تشوف مصابك عيوني رماني كفاك فلا انساك ........... من شفتك ترد لحسن وكتلة العطش اذاني سمعتك يا علي و ونيت يا ابني وزادت احزاني شفت منظر يسل الروح يا ابني منكم جواني يالاكبر سمعتة يكول لسانك كربة للساني شفت ضامي اشتكة لضامي ياويلي وزادت الامي العطش اذاك فلا انساك .............. وبمصابك يضل مالوم قلبي وما بطل نوحة يلتنزف دمة جروحك جرن قلب امك اجروحة ميتة لاشفت ياوحيد جثتك يا ابني مطروحة وشفت بعيني الك طبرات وشفت الركبة مذبوحة ناديتك علي يابني سهم فركاك صوبني القلب ناداك فلا انساك
/channel/amarr_hasnn
زيارة صاحِب الزَّمان ـ صَلَواتُ الله عَلَيهِ ـ يَومَ الجُمعةالذي يظهر فيه ـ عجَّلَ الله فرجَهُ ـ فَقُل في زيارته (عليه السلام) :
اَلسَّلامُ عَلَيْكَ يَا حُجَّةَ اللهِ فِي أَرْضِهِ ، اَلسَّلامُ عَلَيْكَ يَا عَيْنَ اللهِ فِي خَلْقِهِ ، اَلسَّلامُ عَلَيْكَ يا نُورَ اللهِ الَّذِي يَهْتَدِي بِهِ الْمُهتَدُونَ ويُفَرَّجُ بِهِ عَنِ الْمُؤْمِنِينَ ، اَلسَّلامُ عَلَيْكَ أَيُّهَا الْمُهَذَّبُ الْخَائِفُ ، اَلسَّلامُ عَلَيْكَ أَيُّهَا الْوَليُّ النَّاصِحُ ، اَلسَّلامُ عَلَيْكَ يَا سَفِينَةَ النَّجَاةِ ، اَلسَّلامُ عَلَيْكَ يَا عَيْنَ الْحَياةِ ، اَلسَّلامُ عَلَيْكَ صَلَّى الله عَلَيْكَ وَعَلَى آلِ بَيْتِكَ الطَّيِّبِينَ الطَّاهِرِينَ ، اَلسَّلامُ عَلَيْكَ ، عَجَّلَ الله لَكَ مَا وَعَدَكَ مِنَ النَّصْرِ وَظُهُورِ الأَمْرِ ، اَلسَّلامُ عَلَيْكَ يَا مَوْلايَ أَنَا مَوْلاكَ عَارِفٌ بِأُولاكَ وأُخْرَاكَ . أَتَقَرَّبُ إِلَى اللهِ تَعَالَى بِكَ وَبِآلِ بَيْتِكَ ، وَأَنْتَظِرُ ظُهُورَكَ وَظُهُورَ الْحَقِّ عَلَى يَدَيْكَ ، وَأَسْأَلُ اللهَ أَن يُّصَلِّيَ عَلَى مُحَمَّدٍ وَّآلِ مُحَمَّدٍ ، وَّأَن يَّجْعَلَنِي مِنَ الْمُنْتَظِرِينَ لَكَ وَالتَّابِعِينَ وَالنَّاصِرِينَ لَكَ عَلَى أَعْدَائِكَ ، وَالْمُسْتَشْهَدِينَ بَيْنَ يَدَيْكَ فِي جُمْلَةِ أَوْلِيَائِكَ ، يَا مَوْلايَ يَا صَاحِبَ الزَّمَانِ ، صَلَوَاتُ اللهِ عَلَيْكَ وَعَلَى آلِ بَيْتِكَ ، هَذَا يَوْمُ الْجُمُعَةِ وَهُوَ يَوْمُكَ الْمُتَوَقَّعُ فِيهِ ظُهُورُكَ ، وَالْفَرَجُ فِيهِ لِلْمُؤْمِنِينَ عَلَى يَدَيْكَ ، وَقَتْلُ الْكَافِرِينَ بِسَيْفِكَ ، وَأَنَا ـ يَا مَوْلايَ ـ فِيهِ ضَيْفُكَ وَجَارُكَ ، وَأَنْتَ ـ يَا مَوْلايَ ـ كَرِيمٌ مِّنْ أَوْلادِ الْكِرَامِ وَمَأْمُورٌ بِالضِّيَافَةِ وَالإِجَارَةِ فَأَضِفْنِي وَأَجِرْنِي صَلَوَاتُ اللهِ عَلَيْكَ وعَلَى أَهْلِ بَيْتِكَ الطَّاهِرِينَ .
بواسطة : تطبيق حقيبة المؤمن
يــا اول واخــــر عــشگ
شو بـس الك گلبي يدگ
حســين بــس الك عاطفتي
حســين يامـــلح ســالفــتي
حســين يــا ابـا عـــــبدالله
***
حبـــتك ويـدري الله شـگد حبـي يابــواليمه
الحد ما وصلت المرحله الوادم يگلولي اعمه
ماشــوف غيـــرك ســيدي والحــمدلله نـعمه
هــوه اليعيـــش ابعالـمك مــيريد ايــد تلزمه
عيــشـــنـي مــولاي بــولـع
خليني احس معنى الجزع
حــسين ولا ماتفارگ شفتي
حــسين ياملــح ســالفـــتي
حــسين يـــاابــا عـــــبدالله
***
اتنفـــسك باللـــحـظات واتلــــذذ ابأنــــفاسي
نص ســاعه اذا ماارثيك اعتبر روحي قاسي
انسه امي صَدگ مرات وشخصك ابد ماناسي
غـــيرك وحـــق العباس مــحد يعيــش براسي
يالمنتشلني امن العدم
اغزلني بخيوط الخيم
حسين وكثر بمـعرفتي
حسين ياملح ســالفتي
حسين يـــاابا عـبدالله
***
عطشان بس مو للماي عــطشان للــون والنوح
محتاجـلك يامـــولاي يالمــجلسك يروي الروح
بهالحاله وانته اعله الگاع وللدنيا چفك مفتوح
مذبوح وتــلم الناس اشحال انــته لو مامذبوح
بين الحوافر والرمل
وتوزع اثـياب الطفل
حسين يابعـد طايفتي
حسين ياملح سـالفتي
حسين يــا ابا عبـدالله
***
يقــرون گـدامي أســماء وما يرف جفني اعليها
وحاء اسمك امن يذكرون يفز گلبي من طاريها
كـــلمة احـــبك والله ثـــق بـس الـك حاچـــيها
الـماشـافتك نــور ونـــار ياابــو علـــي اعمـــيها
ارزقني مـــن نــارك لهب
ونطيني توفيق ام وهب
حسين بهذي انته التفتي
حسين يامـــلح سالــفتي
حسين يـــا ابـــا عبـدالله
***
يالماخذ اگلوب الناس ارحمني ياابو ارقيه
مجنــونك وما اخفــيك مــولاي تعلـــم بيه
الالــف وتســعمية جرح بــيهــن امــر ليليه
ودمعة عيوني سيدي بخـدي احس مسبيه
يالراســك بــراس الرمح
الدمعه عله مصابك ربح
حسين الروحي اگول اشفتي
حسين يــاملـــــح سالــــفتي
حسين يـــاابــــا عـبـــــدالله
***
حيدر تركي الكربلائي