1950
@telegram.me/amarr_hasnn
تدري مغلق باب كلبي بس الك فاتح حنانه
بكلبي كاتبلك عبارة تدخل انته واطلع أنه
يا أبا عبد الله
١-
دخيلك يا وكت رد بيه لو عامين
اريد اشبع لطم ورتاح يم حسين
بعد بيه بجي وشوغات مال سنين
عمري شويه وهواي الدمع بالعين
عوف صدرك وخذ صدري وكسر ضلوعي بمجانه
بكلبي كاتبلك عباره تدخل انته واطلع أنه
يا أبا عبد الله
٢-
بعدني اشتم هوه وبالنار ما محروك
ولا عندي جرح لا باجي لا مخنوك
شحال العده اخت باجر تطب للسوك
كون من ابجي لجل حسين ابجي النوك
الخادم كبال اليخدمه واجب يكصر لسانه
بكلبي كاتبلك عباره تدخل انته واطلع أنه
يا أبا عبد الله
٣
ارتبك واعثر وكومن من يمر طاريك
شغل ما عندي كاعد بس افكر بيك
شنو رايك كمت من عندي اغار عليك
اطلع ومشي ورجع وأنه ما ناسيك
شعدنه يحسين احنه غيرك صعبه ننسه المانسانه
بكلبي كاتبلك عباره تدخل أنته واطلع أنه
يا أبا عبد الله
٤-
شنهي الدنيا إذا ماكو لطم وجروح
المن عايش ومحبوب ما بيه روح
انه المفروض اكضي الليل هم ونوح
لحسين الكلب ولغيره ما مسموح
الكلب محجوز لغرامك انته يا سيد سمانه
بكلبي كاتبلك عباره تدخل انته واطلع انه
يا أبا عبد الله
٥-
انه اتمنه العمر باجر يرد اردود
اريد اشبع لطم والله اللطم مريود
لتخاف اعله جسمك هوه حصت الدود
تنفعك بالكبر باجر ثياب السود
ابد ما ينفع غرورك يلي ما تحضر عزانه
بكلبي كاتبلك عباره تدخل انته واطلع أنه
يا أبا عبد الله
____
حسين عبد الجليل المالكي
خذو عافيتي ودمعتي بعيني
احترك ليليه منو يطفيني
1_
يا زمن جم غالي راح ودعيته
حزني لو ينحجي والله جا حجيته
الفاكد أبين كسر ظهره بمشيته
الموت ماخذ مني غالي وما نسيته
مشو أحبابي وبقت حسراتي
عله العافوني تصب دمعاتي
2 _
هاي اول مره اكضي الليل وحدي
غير دمعي وحزن روحي شباقي عدي
دمعي بس رحتو من اديه وحفر خدي
والله ويه الدنيا احسن هذا حدي
احن لاحبابي وعلي ليليه
اليموت بغربه شتضن بيه جيه
3
الموت ماخذ مني كلشي وعذباني
اخذ وين الي احبه وما اخذاني
عود ليش المغرب ويبدي حناني
شكثر قاسي وياي بالمغرب زماني
تطيح دموعي عله العافوني
وحيد بداري اون خلوني
4_
راح مني وما اجاني الي عشكته
ينام كلبي ويكعد يسولف حسرته
هوه المن عايش الودع ضحكته
وعلي المفارك تره تفضحه دمعته
شسوي بعمري بعد ياروحي
بعد ما يسكت نزيف جروحي
5_
عاتبتهم واني ادري الرجعه صعبه
تموت روحك لمن يموت التحبه
بلا أهل وبلا حبايب ديره غربه
هوه المفارك حبيبه شتلكه كلبه
جمر بكليبي ودمع بعيوني
احن لاحبابي مشو وخلوني
____
حسين عبد الجليل المالكي
دليني عليك
معرفه الامام الحسين عليه السلام غايه الخادم الحقيقي
بمروتك دليني
ما اندل يحسيني
موقصدي الضريح
ولا اريد استريح
دليني عليك
*
اجيك..وحيد..دمعاتي بنص خدي
اكول..وعيد..يم بابك ومجدي
عذاب. يزيد..بس حبك ماعندي
تايه بالذنوب
ابذكرك اتوب
بس انته تنجيني
بمروتك دليني
دليني عليك
✍طالبةالزهراء
قصيده لزينب عليها السلام
وزن بحر طؤيل
😭😭😭😭😭
اشگد زماني عذباني
زينب آنه
گرب موتي. وين اخوتي
زينب آنه
😭😭😭😭😭
تمنت روحي تلفيني
اخوتي تغمض عيوني
شوفتهم تسر گلبي
اهلي لو تعنوني
بالغربه اشكثر عانيت
اصيحن ماتلحگوني
روحي راحت. بحرگه ناحت
. زينب آنه
😭😭😭😭😭
من حرگت گلب ناديت
يخواني علي صعبه
انازع بالمنيه ابگيت
ودمعي من دمه اصبه
مو هين علي تدرون
اموت بديرة الغربه
يشيعوني. العذبوني
زينب آنه
😭😭😭😭😭
ادير العين لاحبابي
واعاين يخوتي للباب
شوكت يلفوني ياساعه
وتحضر يمي الغياب
واهيد من النشد عنهم
واكفن لو اجو العتاب
تحن روحي. ويكف نوحي
زينب آنه
😭😭😭😭😭
ايس ياگلب وارتاح
بعد لاتعتب اعليهم
اخوتي بكربله ظلو
سافي الرمل غاطيهم
لجن من ضيم العليه
اموتن وانتخي بيهم
مااجوني. الدللوني
زينب آنه
😭😭😭😭😭
وسفه عيوني اغمضهن
وروحي تريد ملگاهم
الهج آنه ليل انهار
دومي بذكر طرواهم
شگولن عالزمن غدار
عن عيوني بعداهم
هاشميه. وغدر بيه
زينب آنه
😭😭😭😭😭
تمت بعون الله للشاعره خادمة الامام الحجه عجل الله فرجه ام منذر الحجار
يا رقيه
هاي الوادم مدري شبيهم*
جروحي التوجعني اتسليهم*
يضحكون اعله اهدومي واخجل*
حگهم ما توجع رجليهم*
اعرج وايضحكون اعليّه*
گوه امشي وتوجع رجليه*
وابنيات ايحرگن گلبي*
يصيحن ضربوها المسبيه*
شفت..ابعيني كل وحده تكض والدهه*
متت..من يگولن هاي ابو ما عدهه*
الشام..آه يالشام..آه يالشام
...........................
بكل سوگ انمرّ ايوگفونه*
بطبول الناس اتلگونه*
زلمه اچبير اتعنه وجرني*
ولا گال اخطيه ازغيرونه*
ما يرضون اگعد لو وگفو*
يجروني واسمعهم ضحكو*
واحد جايب بيده ابنيته*
وشمتو بيّه الحد ما شبعو*
بحبل..گال شدوها عدل لا تشرد*
نذل..بالشمس گلهم تضل ما تگعد*
الشام..آه يالشام..آه يالشام
...........................
گمت ابچي ابسكته ومن اشهگ*
بالسوط اليلسع اشبع طگ*
شيسكته الجرحه ابنص رجله*
وصاير جسمي امن السوط ازرگ*
الحارس أذاني وعذبني*
بس اگعد يركض وايطگني*
هوّه اشكبره وانه ازغيره*
وليغاد امن ايطگني ايذبني*
اموت..امن الوجع وامتوني صارت زرگه*
يفوت..لو اطيح اعله الجرح وايسحگه*
الشام..آه يالشام..آه يالشام
..............................
يفرحون اشما اكثر اتعب*
عدهم عيد اشما اتعذب*
ماي وحار ايرشونه اعليّ*
ويلچم بجروحي واتگلّب*
فوگ اسطوح الوادم كلهه*
اسمع صاحو حيل اسحلهه*
يرتاحون اهواي امن ابچي*
وگالو محد يفزع الهه*
اطيح..امن التعب وامغوشات اعيوني*
اصيح..امن الالم لو بالحبل جروني*
الشام..آه يالشام..آه يالشام
............................
گامت تبچي اوياي اسكينه*
وگلت الموت اتأخر وينه*
موعدنه الشام وانتظره*
تشابگنه واشگد ابچينه*
ليش المثلي اهواي اتقاسي*
گمت اخجل من ارفع راسي*
متحفيه وسموني سبيّه*
واتعذب حتى امن انفاسي*
وداع..يا سكينه وانه لسه ازغيره*
ضياع..روحي خلصت حدي هاي الديره*
الشام..آه يالشام..آه يالشام
علاء المياحي
الفاتحه لروح والدي
ميمر
.
.
.
حسين المهم عوف الناس .. كل واحد وترتيــبه
***
يامن حــياتك خلصت بــس عاشور
فرزن حچـــي المشهور والمامشهور
باللـــب تمـسك مايفـــيدن لگـــشور
عوف الگشر ثق ايطير .. بنسمة هوه ابــلا ريبه
***
مالك علاقــه بالحچــي المايــسوه
الدنيه تخض بالناس مثل الشچوه
المابـــيها چـَلـب زيــن صدگ يهوه
والچـَـلب ابــغير حسين .. يوگع ابـــير الريـبــه
***
الزم احسين وعوف احزاب الناس
صدگني تبــقه دوم مـرفوع الراس
من تنســئل گلــهم بحــزب العباس
انياله الذي اويه العباس .. صاير صدگ تنــسيبه
***
مرجعـك قــدسه وافــخـر بتــقــديسه
بــس بالك انته اويه الحسـين اتقيسه
ايصــير الحواري اتقــارنه وي عيــسى
طاري المراجع ممنوع .. بالشين انته تجيبه
***
يامـــن لبـــو السجــاد دمــعاتك ســـيل
طبــع النـــهار اتخـــذه لـــتداني اللـــيل
احسب احساب السحگة اضلوعه الخيل
مرات بعص الكلمات .. گلــب ابو اليمه اتصــيبه
***
الحگ انتميــله والـــزم ابطـــاريه
وخليــك حــر وعـــوف العـبوديه
حسين اعله مـودك جــثته مدميه
ولجلك بذل عالتربان .. اطفال وشباب وشيبه
***
ردت انه اذكــر للـذي ناسيــها
الهامات لوله احـسين منعليها
لجــلك ولجلي زينــبه سابيها
حتى نعيش ابهالخير .. وننسه الزمن تعذيبه
****
اشگد بيه رحم ملاچنه وهالملاچ
كل مايدفعونه اعــله بــابه نرتاچ
اشما ردنه منه مايــردنه الشــباچ
خيره يفيض اعله الناس .. ماينتــــهي ثاريبه
***
حيدر تركي الكربلائي
فاركونه الجنه دوم وياهم
فاركونه وبعد ما نلكاهم
ندري ماهمه ونروح الدارهم
نكعد عله العتبه وندك بابهم
فاركونه فاركونه
*
راحو وتركو ذكرهم مايجونه 1
بعدو اعزاز الكلب ما ودعونه
خذو كل حيل العمرلمن جفونه
الجانو اويانه عله حبهم علمونه
علمونه مانحب فركاهم
علمونه نفرح ابملكاهم
لوكعدنه نحسب احنه احسابهم
نكعد اعله العتبه وندك بابهم
فاركونه فاركونه
........... راحو ال بلعشره جانو يعتنون 2
من بعدهم تايهه اتضل العيون
يهون كلشي غيابهم بس مايهون
ما حسبنه احساب الهم ما يجون
مايجونه .... وحنه ماننساهم
مايجونه ....متنه كون وياهم
نبق نشتم من نحن بترابهم
نكعد اعله العتبه وندك بابهم
فاركونه فاركونه
........... راحو الجنه نشد بيهم ضهرنه 3
ضل يتيم خلاف جيتهم سهرنه
من بعدهم صفنه تاخذنه وتردنه
عنه لمن سافرو حيل انكسرنه
عودونه ...نكعد احنه وياهم
عودونه ...نمشي وي ممشاهم
لوسمعنه بطاري واحد جابهم
نكعد اعله العتبه وندك بابهم
فاركونه فاركونه
... .........
اخ من نذكرحجيهم وي حجينهه 4
يوصل السابع سمه الهم بجينه
الكعده وياهم امس جانت ثمينه
وهسه راحو ياحسافه من ادينه
موتونه ...البلكلب نهواهم
موتونه...بقت بس ذكراهم
مادرو من سافرو بغيابهم
نكعد اعله العتبه وندك بابهم.
فاركونه فاركونه
.............
بينه كل واحدبقت تنضر عيونه 5
عل لدرب يتأمل اصحابه يجونه
ومن بعد حزنه يجون ايفرحونه
ينتضر والمدمع امشكك جفونه
ننتضرهم.....عل درب نتناهم
ننتضرهم..... وسفه ماشفناهم
من نشوف احباب وي حبابهم
نكعد اعله العتبه وندك بابهم
فاركونه فاركونه
----------
راحو الجانو امس النه ضوه 6
من بعدهم صعبه نشتم الهوى
ياحلات الكعده من جنه سوه
راحو وتركو جرح ماله دوه
عذبونه....راحو الله وياهم
عذبونه.... وحنه حبينا هم
والكلب لمن يلجمه امصابهم
نكعد اعله العتبه وندك بابهم
فاركونه فاركونه
**
خادم اهل البيت ع ابورقيه علي التميمي
الناشر رحيل القوافي الفاتحه إلى روح ا بوي العزيز
لا ترافق حديث السن ...وحديث الغنىٰ...وحديث القيادة..
لا تعاند قديم المهنة ...وقديم المعرفة .. وقديم الجيرة....
لا تطعن في نظيف الشرف...ونظيف السمعة...ونظيف اليد...
لا تجامل قليل العقل ..وقليل الخبرة... وقليل الخير...
لا تتحدى قوي الإيمان ...وقوي العضلات ...وقوي الذاكرة....
لا تشاور ضعيف الشخصية وضعيف النفس وضعيف الحجة...
لا تتجاوز كبير القلب وكبير الهمة وكبير الميعاد...
لا تنسىٰ واسع الأفق...وواسع البال... وواسع الحيلة...
لا تُقنِع ضيّق الخُلق... وضيّق النظرة...وضيّق التفكير...
لا تجادل صغير العقل وصغير السن وصغير التجربة.
سيدي يا بقية الله.
اذا كان التعب معك راحة، فكيف بالراحة معك؟
واذا كان الألم معك سعادة، فكيف بالسعادة معك؟
واذا كان الحزن معك خير من الفرح مع غيرك، فكيف بالفرح معك؟
واذا كان الموت معك خير من الحياة مع غيرك، فكيف بالحياة معك؟
عجباً ! فما لنا اخترنا الحياة مع غيرك على الحياة معك!
أنحب واذكر ..كلما أنظر ..مستعره داري
نار الزهره.. ونار الخيمه.. تشرحهه ناري
هالنار السريه...
من يوم الزچيه
تشرحهه ناري
....................................................
أنه الصادق يالردت...أشرح ادموعي التكت
اتريد تعرفهه اشوكت ...صَبَّت دمعهه
هذا جرحي وحسرتي ..گبل لاجي الدنيتي
من سمعت ابجدِّتي ... كسرو ضلعهه
جيت للدنيه وعشت مهظوم بيهه
اشما سمعت ابفاطمه أبچي عليهه
يامن تنشد..ليش اعيوني..مدمعهه جاري
نار الزهره..ونار الخيمه..تشرحهه ناري
هالنار السريه
من يوم الزچيه
تشرحهه ناري
....................................................
آخ ياذاك الكسر...عاش بيه امن الزغر
مُختَصَر جبت العمر ...دمعه وعزيه
داري مركز للحزن ...أنتحب بيهه وأحن
للزچيه وساعه أون ...عالغاظريه
چان ابوي الباقر ابذيچ المصيبه
دوم اسمعه ايصيح زينب ياغريبه
زينب عمتي..بيهه اشخلت..ذيچ الصحاري
نار الزهره ..ونار الخيمه .. تشرحهه ناري
هالنار السريه
من يوم الزچيه
تشرحهه ناري
....................................................
نفس هالنار اسعرت... داري حين اتوجِّرَت
اهنانه دمعاتي جرت ....وأصفج بالايدين
شفت حيرة عيلتي ..حيل زادت وَنِّتي
اذكرت زينب عمتي ..واعيال الحسين
گمت احامي اعيالي بس الحيل مهدوم
اشحال جدي الطايح ومايگدر ايگوم
غَيَّر حالي...الغَيَّر لونه...حر الضهاري
نار الزهره...ونار الخيمه...تشرحهه ناري
هالنار السريه
من يوم الزچيه
تشرحهه ناري
....................................................
اشما يشوفني الزمن...من نوايب من محن
أذكر اجروح الضعن...كلما يجن ليل
دنيتي ليلة طبگ.. شنهي داري المحترگ
عايش ابصدري السحگ... وامراكض الخيل
جفن عيني امن البچي لوغَمَّض ونام
هم يفززني الجرح وابچي اعله الخيام
عشنة امرافَگ... آنه ودمعي ليلي ونهاري
نار الزهره...ونار الخيمه...تشرحهه ناري
هالنار السريه
من يوم الزچيه
تشرحهه ناري
....................................................
عمري مَر ابأكمله.. بالدموع الهامله
يوم الحسين وهله... مايوم أنساه
عالغريب المنسلب...ماشرب ماي العذب
لاخر انفاس انتحب ...أي واحسيناه
من متت ياشيعتي لفُوني بچفان
لچن مو مثل الغريب المات عريان
حته ابموتي.وانعه احسيني..وكت احتظاري
نار الزهره.. ونار الخيمه..تشرحهه ناري
هالنار السريه
من يوم الزچيه
تشرحهه ناري
...................................................
سيد علي الموسوي
منطق الامامه
تعتلي الزعامه
........مدرسة محمد
صادق بكلامه
********
اقره تاريخ وتشاهد عندي عنوان
من ابوطالب حضاره علمه برهان
ماخذ ادوار الامامه وجهه قران
جعفر الصادق معاني يغذي الابدان
حير الفلاسف
تشهد المواقف
...........ترتوي اليالي
بدمعته اليتامه
*****
جامعه الصادق تميز بس مدارس
تركع اكباله المناقب والنوارس
تناولت سيرة حياتك بالمجالس
صرت مجنون بغرامك چني عابس
عاشك الشهاده
منهج السعاده
........جعفري هويتي
عالم الشهامه
********
سيرة الصادق نهج للجعفريه
تناولت اصل التشيع والقضيه
صرت شيعي وافتخر هاي الهويه
رافضي وطبعي الرفض يالناصبيه
تشهد المناقب
سيد المذاهب
.......جعفري انتمائي
واضح العلامه
*****
جعفري ثابت يظل نهجي ويقيني
بايعت حيدر علي خاتم جبيني
راسم بلطم الصدر ختمي حسيني
بدمعتي اكتب عهد يشهد ونيني
اكشخ...بدموعي
بصمتي بظلوعي
.......خادم الصميده
كلمن ومرامه
*****
شيعي ما اتنازل ويبقى افتخاري
حر اعيش بعمري ماعوف اختياري
منهج الحب والوفه كاتب شعاري
رافضي الحد العظم اعلن قراري
شيعي بالهويه
شاعر القضيه
......سجلت نفوسي
حتى بالقيامه
*****
حلم كاعد بالبقيع وفوكي قبه
تذبح الاهات روحي بحاله صعبه
چني واكف بالضريح ويمي عتبه
حلوه زاير بالبقيع وكلها صحبه
يا هلا ومراحب
صاحت المواكب
........تعتني الزياره
ترجع بسلامه
*****
تمت بعون الله وبركاته
يوسف الفتلاوي
كل سنه نتحزم وننصب عزيه
وبالدمع نحيي الليالي الصادقيه
***
احنه بالمجلس يسمونه المجانين
وعدنه حب الصادق بكد حب الحسين
وينها اصحب المجالس واللطم وين
نفتخر لو عنه كالو رافضيين
احنه بالدم تدري وقعنه الهويه
وبالدمع نحيي الليالي الصادقيه
**
صرخة الخدام يتردد صداها
والمجالس جعفر الصادق بداها
كال ايحو امرنا وكلها دعاها
وراية الصادق نضل نمشي وراها
احنه شيعه وما نساوم عالقضيه
وبالدمع نحيي الليالي الصادقيه
*
والله لوله الصادق الطب ماله عنوان
مدرسة اهل العلم نور العلم جان
خرجة مدرسة جابر ابن حيان
يختلف مذهب الصادق عن الاديان
هاي اكبر جامعة وتحمي الرعيه
وبالدمع نحيي الليالي الصادقيه
**
للامام الصادق انضحي بعمرنه
لجله كون ويالطم نكسر صدرنه
من خدمنه منبره صرنه شكبرنه
ما يضيع التعب ومسجل اجرنه
رافضيه ونبقه نهتف رافضيه
وبالدمع نحيي الليالي الصادقيه
***
لازم الشيعي الصدك يفدي العقيده
الشيعي ما يهتم ابد لو كطعو ايده
باقي نهجه وحب علي يمشي بوريده
واحنه صحنه الما يريدك ما نريده
امن الطفوله نحب علي حامي الحميه
وبالدمع نحيي الليالي الصادقيه
*
ليش كبر الصادق امهدم نشوفه
لازم بخط الذهب تنخط حروفه
يجي يوم ومرقده نكصد نطوفه
ومثل جده حسين يستقبل ضيوفه
والامام المهدي يبنيها البنيه
وبالدمع نحيي الليالي الصادقيه
****
تمت
تحسين الخفاجي
جعفــر الصــادق أمامــي ودينــي
ومذهبــه لــدرب العــدل يهـديني
****
يــا التنـاشد عنـي تعـرف مذهبي
واعــرف بنهجك حقـود وناصـبي
أمــي غــذتنــي عشـگ ال النـبـي
أوالــدي بحـب جعـفــر مــربينـي
****
مــا أزل عنهــم ولا عنهـم أحيـد
يمشي بالشريان حبهم والــوريد
بهل الكلام بكل وكت ابقى أعيد
شيعــي والكــرار گــرتْ عينـــي
****
انــه اتبــع ناس يروون الكــلام
من امام وعن امـام وعن إمــام
عن رسول الله عـن رب الأنــام
مثـــل هــاي السلسلـه دنطينـي
****
جعفــري يسموني تاج وبي فخر
افتخر عالناس اهوى اثنـي عشر
ابــدي بالكــرار حـــد المنتـظــر
هيـچ طاها المصطفى اموصيني
****
جعـفر الصــادق اتبعه ومـا أحيـر
مذهبــك طالب گبل عنـده يصير
راح اگلك كلمه اخذها من الأخير
مـــا اعوفـــه بحبه عجنو طينـي
****
ما اعوفه أمنصب بأمــر السمـاء
وما ابطل كل وكت انصب عزاء
دمعـــة الصــادق تهــل لكــربلاء
شلــون ابطـل دمعتـي وونيـني
****
الشاعر
موسى البديري
يحسين اجيتك...طايح لگيتك
و اجروحك اهواي
مذبوح اشوفك...و ما بية اعوفك
بس تدري بعداي
جابوا هزايل...و جبروني اروحن
كل حيلي مايل...و ابچي و انوحن
و عطشانة للماي
لو بيدي ماعوفك و اروح
تصرخ يخوية امن الجروح
لو بيدي چان اهنا بقيت
أتگابل اوياك او أنوح
متعوفك تدري ابزينب متعوفك
و اتلوج اعلة الگاع اعيوني اتشوفك
لاچن جبروني اصعد ناگة او أمشي
ما ظل ضعنك ظلت خيل اتطوفك
رحنة من يمك...و البقت بس خيل
تلچم ابروحك...من تسحگك حيل
♕♕♕♕♕♕♕♕♕♕♕♕♕♕♕♕
بعيوني حيرة...شلون الأميرة
ايماشوهة عدوان
الماشوني غربة...يا خوية صعبة
ما عندي وليان
اليحدي الضعينة...مو من اهلنة
خوية انولينة...يبن امي كلنة
امتانينة ديوان
شام و خرايب خوية غاد
و جيش اعلة حرمة اهنانة هاد
لمّن طحت ظليت اصيح
و دمع الهجر من رحنة زاد
يا حيرتهة الراحت دون اخوتهة
ياهو اليحمل كل همهة و حيرتهة
لتطيح اخوان اليمها ايگوموهة
اشحال الحرمة التحتار ابطيحتهة
لا أخو يمهة...و لا يصح عوان
تبقى محتارة...الما وراهة اخوان
♕♕♕♕♕♕♕♕♕♕♕♕♕♕♕♕
عفتك رمية...و آنه سبية
طريت الادروب
بين الشماتة...التخلص حياتة
يگضيهة متعوب
و حتى ابرجعتة...البيتة المصيبة
متكف دمعتة...و روحة غريبة
ايحس روحة مسلوب
جيب الينسيني اللي صار
دار الوكت بضعوني دار
چنهة الخرايب يبن ابوي
من اوصلتهة آنه الديار
عاشت بية الغربة الصعبة انساهة
يخوة زينب زينب ما وياهة
كافل من راحت للشام ابهزلة
ترضون ام عون ايماشوهة اعداهة
اليمسح آثاري...عالنهر مذبوح
و روحي مهظومة...عالهزل و اتنوح
♕♕♕♕♕♕♕♕♕♕♕♕♕♕♕♕
شيردني يمكم...و اگعد و اشمكم
و اتعاتب اعتاب
غالي اوية غالي...و اشكي الجرالي
چم هظمة و امصاب
يذبحكم ادري...اعتابي امن اعاتب
بس تالي عمري...نمت ابخرايب
و اموسدة الاتراب
آنه اعتذر لو عاتبيت
بس حگي يخواني و مشيت
درب اليسر و ابلا كفيل
لا خيمة لا خوة صفيت
ماريد اعتب و اشكي الضيم الشفتة
بس خل ارجع يم الطاح و عفتة
بس خل اوصل گبر ابن امي الميت
و اتبرة امن الساني لو عاتبتة
والله ما قصّر...اوياي اخوي حسين
هوة يطلبني...الهسة خوة و دين
♕♕♕♕♕♕♕♕♕♕♕♕♕♕♕♕
حسين علي الزهيري
وليُ النعمه فداء الأسمه
اللهم ارزقني الخدمه
وحب الحسين
***
عبد وبسـوگ النخـــاسه مــن لگاني
حسين خلف الله عليه من اشتراني
چنت وين وهسه انــي انسـان ثاني
خــاف يـعتــقني وارد انــوب اعاني
اشيدور غيره اليعيش بخيره
يتفايض حنيه ورحمه
گلبه الحنين
اللهم ارزقني الخدمه وحب الحسين
***
گالو حسين اشنطاك اتحـبه هالگد
گلت خير امن الله افضاله ومتنعد
شنو قيمــه لطمتي وثـوبي الأسود
بالمقابل جســمه بالحــافر تـفــرهد
درب للحافر حبيبي صاير
ومحزوز بكل قسوه
منه الوتين
اللهم ارزقني الخدمه وحب الحسين
***
عايش بــعالم خدمـــته وصـــافي بالي
وبالـــهمـــوم المـــو بـــحبـــه ما ابـــالي
خادم حــسين البــشـر تنـــظـرله عــالي
اليمشي ويه الغالي يصبح سـومه غالي
اليعيش اجروحه رحمته اتلوحه
وكون اتعلم هذا السر
امن ام البنين
اللهم ارزقني الخدمه وحب الحسين
***
ارزقــني يارب عافيــه ما گــول هالعام
ارزقني يارب جمره من جمرات الخيام
بلكي احــس بجروح واحد مـن الايتام
ارد اشــوفن كــربله شگــــد بيـــها الأم
الظهر كون احمر بســياط العسكر
وكون امن ادموعي الهماله
تعميلي عين
اللهم ارزقني الخدمه وحب الحسين
***
حسـين احـَن من امي يــالوادم عليه
شلــون ما بردانــــه اكــَـمـش للمــنيه
مـــاردت مــنــه جـــزاء ولا عـــطــيه
ردت بس يرزقني شوغه امن السبيه
امن امرن بالتل اعيــش المـقتل
وعبدالزهره الكعبي براسي
طول السنين
اللهم ارزقني الخدمه وحب الحسين
***
حسين اذا هــد ايدي يتقرر ضياعي
عمري من غير أبو اليــمه ماله داعي
ارزقني ياربــي اعيش اويه النواعي
لحد ما من اللــطـم اهــشم اضلاعي
ونيــني دائم الظهور القائم
ديني حسين الغالي وغيره
ماعندي دين
اللهم ارزقني الخدمه وحب الحسين
*
حيدر تركي الكربلائي
محد يعرف البيك * ونار الفركه تجويك
حبيبك اذا غاب يجرحك حبيبك
حبيبك اذا غاب يجرحك حبيبك
1-
عاش من شافك حبيبي وحضر ساعات الدفن
حسين من لحضة وداعك اكل واشرب حزن
تجوي خدي دموع عيني وبالسبي شاب الجفن
الفركه يرادلها حيل وحيلي خلص بالضعن
بكاع الغربه دفنوك * بيمن خويه غسلوك
شيجيبك يالحسين إليه شيجيبك
حبيبك اذا غاب يجرحك حبيبك
2-
شلملمو من جسم اخيج خويه امشي وانسئل
ولتفت لعيالي خويه والكه ضايع جم طفل
بناكه هزله صعدوني وشدو ايديه بحبل
حسين كسرت ضهري كلمة هسه انتي بلا اهل
يجرح فكد الحباب * كلهم اهلي غياب
يصيبك سهمهم بالعيون يصيبك
حبيبك اذا غاب يجرحك حبيبك
3-
لو كلت جا وين اهلنه الصوط ينزل ونضرب
روع الاطفال خويه الشمر ما عده كلب
عطشت ام عبد الله خويه وماي ماكو بالدرب
وشربت بتك رقيه من دمع عيني اليصب
خلص دمع العيون * وانته بغربه مدفون
بنحيبك إذا مات تموت بنحيبك
حبيبك اذا غاب يجرحك حبيبك
4-
صدك من كالو اهلنه يوجع اصحابه الجرح
شلون انام الليل كلي وانته راسك عالرمح
بالسبي ماكو استراحه من الصبح حد الصبح
صعبه نفتر هيمه هيمه وانته راسك منذبح
نمشي وتسأل الناس * زينب ماكو عباس
اجيبك يعباس أنه منين اجيبك
حبيبك اذا غاب يجرحك حبيبك
5-
من تموت اعزاز كلبك وانته تبقه لوحدك
وعله اهموم الدنيا تشعر اخو ماكو يساعدك
وتذكر ايام الطفوله وشنهي صار بمولدك
عايش المن خويه كلي يموت كون اليفكدك
ميته اتمنه وياك غالي وصعبه ننساك
وريدك سهم لاح يغالي وريدك
حبيبك اذا غاب يجرحك حبيبك
الخادم
حسين عبد الجليل المالكي
اخي اخي اخي
اخي اخي اخي
**،،،،،،،،،،،،،،،،،،،،،،،،،،،،،،،،،،،،،
يلجمني .. اليحبني هواي صار هواي يلجمني
عذبــني .. اخوي بسگتته يانـــاس عذبــــــنــي
ماهدني .. يجر گوه النفس بس والله ماهدني
تعبـــني .. اخوي حزام ضهري هوايه تعبــــني
حلفــني .. اعوفه هنا يموت بوحده حلفــــني
لتردنــي .. يم ام عون خويه حسين لتردنــــي
شبگته وطاح جسمه موذر أمن الخيل
ودمه الما گطع والصعبه ضل يســـيل
بيدي وما أصدك ميت وأقـــــــــنــــع
أگله أنهض يخويه الناس بيه تعـــــيل
گوم أفزع لخوك الجرح ضل يعـــــيل
**،،،،،،،،،،،،،،،،،،،،،،،،،،،،،،،،،،،،،
شحجيلك .. حته تگوم الي ياخويه شحجيلك
أتجـــيلك .. حيلي وطاح يمك بيش أتجـيلك
أبجـــيلك .. هذه انه الجبير وگاعد أبجـــيلك
ياحـــيلك .. يگمرته وضوانه الضاع وي حيلك
تدعــيلك .. رقيه بخيمتك ياخويه تدعــــيلك
شيشيلك .. موذر صاير انته وصعبه شيشـيلك
ياعباس اجيت أرگضلك ومهضـــوم
وأحشم بيك يم عداي جا متگــــــوم
اول مره تلجم كلبي يالــــملجـــــوم
بس باوع وشوف الناس فوگي تحوم
وحگ عينك يكلبي بروحتك مثلـوم
**،،،،،،،،،،،،،،،،،،،،،،،،،،،،،،،،،،،،،
أشبگنك .. محتار انه خويه شلون أشبگــنك
احبــنك .. وحگ عينك يحيد هوايه احبـنك
اعوفنك .. مدري شلون اروح وراح أعوفـنك
اشمـنك .. ياعباس گـــــوم وخلــــي أشمنك
الجمنك .. خايف من أشبگك خاف ألجمنك
ينطرنك .. خواتك بالخيم كلهن ينطــــرنك
كلهن سولفتهن وانته سكته ويـــــاي
سولف وي أخوك وگلي شنهي الراي
انه وروح زينب جينه الك حفــــــاي
گوم وخلي ناخذ للاطفال المـــــــاي
تعبت وداعت جروحك يخويه هواي
عگب فيك وحگگ مايصح فيــــــاي
**،،،،،،،،،،،،،،،،،،،،،،،،،،،،،،،،،،،،،
سولفتهن .. كل سوالفنه التحبهن سولفــــــتهن
تعبــتهن .. أجدامي يمك خويه كلش تعبــــتهن
شوعفتهن .. عيوني يبجن يمك انته شو عفتهن
كوم فگهن .. عيونك الماگو مثلهن گوم فگـهن
والعشتهن .. شلون انسه ايامي يمك والعشتهن
ماشفتهن .. اه يشوغات البگلبي ماشفــــــــتهن
شوغات وحجي ولجمات من بعدك
كلهن بيه صـــارن والــــدوه عنـدك
شلون اقنع واعوفك تلجم وحــدك
اضل يمك وزينب تـنـــتـظـــر ردك
اه ياجرحك ويصعب علـي فـــگدك
گوم الخاطر اختك خل احب خـدك
،،،،،،،،،،،،،،،،،،،،،،،،،،،،،،،،،،،،،،،
#اللهم_عجل_لوليك_الفرج
خادمكم سيد حسن الياسري
((جابولك رمح))
جابـــــولك رمح لامـــو مهد يوّحَيدّ أمك
عمت عيني تفز حار الرمح يبني يلچمك
يالمتعب الضعن كله الضعن رايد يشمك
يكـــاسر خاطر اخوانك
مثلــــهم يــابس لسانك
وگلبي يصيح عطشانك .. ييمه
أنه ويـــامكثر مصابي
كسرو ضلعـــي يابابي
سبحه وگطعو احبابي .. ييمه
آنه امك طلع شيب بحليبي
ناغيــلي وأناغيـــك بنحيبي
يزغير الضعن يبني وحبيبي
ينحرك بالدمه وسابح
عبدالله الــوكت رايح ...
"""""""""""""""""""""""""""""""""""''''''''''
ياتعب الربه وذاك الـسهر راح وتبده
لا مــــايقتنع هـــذا الرمح لَيـه ويرده
مابين الزلم ابني صعد وبعطره ورده
تعال وشوفني بجمري
يالماشي ومشـه عمري
تعــال وفدوتك نحري .. ييمه
تعال اشرب ندى عيوني
فــــدوتك عمري ولوني
يكاســــر گلبي وضنوني .. ييمه
فر راسك يبــعد امـــك عليه
عبدالله وبــــعد شمسوي بيه
موش اتگول من بعدك سبيه
ومتن الشايلك طايح
عبدالله الوكت رايح ...
"""""""""""""""""""""""""""""""""""''''''''''
حلمك مابده وراح العمر يبني بنوايب
لا مـــاحسبت لا يلــــولد تصـير بترايب
انته بيارمح وآنه بسبي وضيم الخرايب
ياحلـــمي الغده برمشي
بگــــلبي تركض وتمشي
ودم ابيض يصب هرشي .. ييمه
يبني ويــــاك محـــتاره
من حاره السبي الحاره
ونـــار بگصب وحجاره .. ييمه
اذا بحجــــاره يرمونك اطيحن
وموش بصوتي بعيوني اصيحن
وحســـرات الگلب مايستريحن
وياگلب العشگ صايح
عبدالله الــوكت رايح ...
"""""""""""""""""""""""""""""""""""''''''''''
در بيه اللبن ويه العشگ يوليدي واسهر
ناغيت الجـرح وآنه بحبل ياوكتي الاغبر
اشبرلك چنت فوگ المهد يازرعي خضر
ماخضر يبس زرعي
ياروحي بعــد طلعي
يل ما ينگـطع دمعي .. ييمه
شسوي بروحي ياحيره
يبنــــي وشايله الـديره
يــوسف ونــــهدم بيره .. ييمه
مو حتى السگف يبني وهدمته
راح الفي بعــــد يبني وهجرته
يـــــابيتي بعــــد ماضن سكنته
راحت روحي وشرايح
عبدالله الــوكت رايح ...
عبد زينب
محمد الابراهيمي
لسان حال مولاتي زينب الكبرى عليها السلام
الموت ولا غيابك.
شيّبت بمصابك
خاف تگول ما ذكرتني اختي
ابچي عليك ونعاك ابغربتي
...........
خويه حسين
تعلم زين
اختك من زغرها وياك وفايه
عشنه جروح
روح بروح
آنه وياك خويه وانت ويّايه
تالي بكربله يحسين. ذبحوك ورحت مني
خذوني ميسره للشام. ما عفتك غصب عني
عالناگه الهزيله
مفجوعه ونحيله
ليل انهار ما نشفت دمعتي
ابچي عليك ونعاك ابغربتي
...........
گلبي انصاب.
الف صواب
من يوم الطحت يحسين عالغبره
فوگ رمال
دمك سال
وبصدرك تدوس وتسحگ العشره
راسك عالرمح مرفوع خويه وجسمك توذّر
اصيح هنا يخويه حسين. ما تسمع يبوالأكبر
بسيوف آل اميه
مگطع عالوطيه
اسأل گول جم صواب شفتي
ابچي عليك ونعاك ابغربتي
...........
بعد الصار.
ليل انهار
ابچي عليك خويه ومانشف دمعي
ما انساك
روحي وياك
اذكر كسر ضلعك ينلچم ضلعي
لمدينة جدنه من رديت. نصبت بدارك المأتم
اسولف واشرح مصابك. لكلام الناس ما اهتم
عدوانك اجوني
قسراً هجّروني
خوّفهم كلامي وسيف صمتي
ابچي عليك ونعاك ابغربتي
...........
بالآلام
لرض الشام
عدوانك نفوني وزادت احزاني
غربه ونار
حيلي انهار
الموت ولا اظل ياموتي شمتاني
ما ريد العمر يحسين. اريد وياك يالغالي
شيّبت ونحل جسمي وعنك ابتعد تالي
يالمبعد علية
حضرتني المنية
ما تنقاس لعيونك لهفّتي
ابچي عليك ونعاك ابغربتي
...........
شكد ونّيت
وتمنّيت
اوصل كربله بآخر نَفَس بية
گبل الموت
اصرخ صوت
يبن امي اجيتك موش مسبية
اشم عطرك يبوالسجاد اموت وتغمض عيوني
حلات الموت يم راسك. يمّك من يدفنوني
لكن شيّعوني
بالغربه ونسوني
منكم ما حضر غالي بدفنّتي
ابچي عليك ونعاك ابغربتي
/channel/hkcjhfjoggohcc
الليل اجه وماكو هلي - موتني المتانه اشلون
غير اهيد من الضياع ... هذا الدرب راد عيون
وانه البقه بيه فقط ... بس نظرة تنطر عباس
وادري الگمر لا ما يجي
وطبع اليموت يناطر
اولاده واخوته التعتني
اليوم اجو ها باچر
ما يجون .. موتي هيچ
وهل الكلام .. خله بيچ
ياروحي قسمتنه هاي
الله راد ... لوحدي اضل
ارضه كون .. وما امل
والحسره تفضخ مبچاي
ما تنجبر اااااااايا كسرتي
الموته احسن من هظمتي
شمتانيه شعدچ بعد .. خليني ياروحي ارتاح
اشضل تره حته اگول - اشضل الي وها ما راح
خلصيني مو والله اتعبت ... تعبانه كلش زينب
لوما وصيت حسين الي
ما يبقه بيه متانه
شيخلصه عمره وحيرته
اليعوف گوا اخوانه
شفت اخوي ... يبچي گام
بعينه صد ... عله الخيام
وصاني بطفال ااازغار
بس شگول .. عالزمان
البيه اصير .. بلا امان
وخلاني اواجها النار
اتريد خوااااااني سفرتي
الموته احسن من هظمتي
چتال اخوتي ورافگة ... چاا المن اتضل الروح
خل اموتن ولله اموت ... والحگ اخوي المذبوح
اتلاحگ الضل بالأسم ... خل تطلع الروح بليل
ليش ابقى احشم بالمشو
شيفيد محد يفزع
اتمنيت بيرغنه اليرف
لو سيف اليه يطلع
ما يفيد - هل الكلام ...
موتي هيچ بلا كلام
الدمعه لو طاحت ترد ?...
كافي عاد .- ياعيون
غمضي اي - ما يوجون
بلا ماي شيفيد الورد
ولا ما يسمعوها كلمتي
الموته احسن من هضمتي
اليعيش وي غربه بعد .. ما تمسح ادموع الناس
لا ما تحن عليه الغرب ... محد يحن بس عباس
الغربه متحب اي بشر .... مو غربة الشام انوب
حفظو اسامينه بكثر
ما شتمو بهلي اهناك
والشمس ما خلت وجه
وتضحك الناس لمبچاك
اسمعتي زين .. ما نسيت
اي يروح ... جگد بچيت
ولا انسه لوعات الشام
شنسه اريد ... بذاني صاح
بت علي ... وگلبي طاح
هاذ الصدگ ماهي اوهام
المهم يا روحي وعبرتي
الموته احسن من هظمتي
✍️ابو فضه الحميداوي
السماح السماح .. يا عزيز فاطمة
➖➖➖➖
كلبـــك خيـمه ونار اذنـوبي
تحرك صـدرك يا محبـــوبي
اندم واغلـــط وارجع تايب
بس هم ادري لكلبك جايب
مو امان الدنيا وعيـــــونك امــــــان
بين كلبــــــك وايدك انطيني مكـان
كبـــل لا دنـــــيانه تاخــذنه بعـــــيد
خل نكض بيدك قبــل فــوت الاوان
جيتك بتعبي ارد اطيح
نادم لعــالمـــــك جـــاي
ادري هـم اتلمـــني راح
غير اضل بمســتحاي
الـسّـمـاح الـسّماح ..يا عـزيـزَ فاطمه
➖➖
بفيــك كاعــــد والجم روحـــك
تمــسح دمــعي وارضه بنــوحك
وبــلا عيــــــب اجرح بحساسك
وجزِي ولا جن شيّــــب راســك
انــــت ذاك الـمــاله خيــــمه ولالـه راس
التحــترك خيــمــة بناتــه لخاطــر الناس
ليش ما حاركها روحي من البجي ويـاك
والله مولاي اعتـرفلك ناقــص احــساس
المثلي هسـه بكلبه نار
تحترك ما تطـــفه دوم
وانا ناسي ابجي عليك
خلصتها ايامــي نـــوم
الـسّـمـاح الـسّماح ..يا عـزيـزَ فاطمه
➖➖
ادري الحــبك كون يضـحـكي
وانته اشـايف منـي بجرحـي
مو مـــن كلبي وياك محـــزم
جذبة دموعي ولاني المهتم
اني كل عــام اليـــمر طــالب رضاك
لجن ما مره صــــدك كلبـــي شفـاك
بيك اردن للعطش والجــــم اجروح
انت يمي ادواك واني اجـفي بدواك
ادري جرحك ما يطـيب
وانا المزيـــدك عــــذاب
كون غاسل كلبــي زيــن
جان جرحك هسه طاب
الـسّـمـاح الـسّماح ..يا عـزيـزَ فاطمه
➖➖
جيتك نــادم كــــاســر كلبــك
جيـت وادري تلمــني بدربـــك
ادري تسامح بــس الصـــعبـه
الزم روحـــي وكلبـــي وذنبـه
وياك جم مره الكلـت بيها ارد اتـوب
وبعد ما اغلط وكافــــي من الذنـوب
وانسه والدنيا خـــذت بيدي ونسيت
هناك عود اصحه واريدن بيك اذوب
عيبي وياك من اتـوب
هم ارد واغلط واجيك
والتكـتلك يا حســـين
ما تــــرد اليعـــتـنـيـك
الـسّـمـاح الـسّماح ..يا عـزيـزَ فاطمه
➖➖
ادري بكلشي وكلشي اتصور
تسامح ادري وكلبك اخـضـر
اطلب منــك اخـــــر مــــره
تسامح كلبي وتجـبر كســره
راح اجــيك بـــروح مالـــيها الغـــرام
تنسه اخليـــها بــــــعد تاكــل حـــرام
وراح اضل امشي برضاك ومو رضاي
بشر ثانــي ويــاك راح ابـــدي بهــيام
ما يهمــــني رضــا النــاس
راح اضل امشي برضــاك
كلشي اهجره بروحي راح
وامشـي اضــلن بس وراك
الـسّـمـاح الـسّماح ..يا عـزيـزَ فاطمه
➖➖
✍️حيدر عبدالله السعيدي
وجهة وجهي وگلبي للخدمه وسلمت امري بيد ابو اليمه
صاحب الفضل الجبير الخادم مسويه امير
*
هل محرم وحمدت الله وشكرته
عايش مخليني لحسين برحمته
نعمة الله حسين ما تنعد نعمته
الله لا يحرمني منه ومن خدمته
اهواي اشكر الله ودمعتي بخدي غير الحسين وخدمته شعندي
بلا خدمته اصبح اسير الخادم مسويه امير
****
حان فرض الخدمه وآنه محزم احزام
كل حياتي الخدمه ومتانيها كل عام
الخدمه ما تتعوض وهاي اجمل ايام
وشرف هاي الناس لو سمتنه خدام
يوميه ادعي بخالص النيه توفقني للخدمه الحسينيه
الخدمه ما الها نظير الخادم مسوي امير
***
سنين عايش انه يحسين بنعمتك
وادعي الله يطول بعمري الخدمتك
رحمة الله وردت تشملني برحمتك
ومن ضمن هاي الخدم تحسبني ردتك
خادم الك اتوسل اقبلني وي الخدم يحسين سجلني
اقبل العبد الحقير الخادم مسويه امير
**
حسين لو ماخدمتك ما اسوه تدري
كبرتني بخدمتك ورفعت قدري
حسين انته نعمتي وبنفاسي تسري
ما اوافيلك ضلع لو انطي عمري
شمنطيك يالمنطيني دم نحرك ماوافي سحكت حافر بصدرك
حتى ما صحلك حصير الخادم مسويه امير
*
اذكر اهلي جانو ايگلولي كلمه
صير خادم وانطي عمرك لبو اليمه
وعله حب الخدمه ابني جاي اعلمه
يبني گتله حسين اريدنك تخدمه
بالك تقصر وي ابو الاكبر تكدر توافي الضحه الك منحر
لا تعوفه شما يصير الخادم مسويه امير
*
الخدمه نعمه وخدمتك رفعت مقامي
ونلته بين الناس بالخدمه احترامي
ضامي انته والخدمتك انه ضامي
جنت وين او وين خلاني امامي
بهاي المجالس انه تربيتي والخدمه صارت هي عافيتي
ياملاذي من احير الخادم مسويه امير
***
تمت
ميثم العمري
نـــعـــــــــي
========================
الگلب يسعرعلى افراگك وداوي
بفگدك يصرخ ابصوته وداوي
ظلعي انكسر افزعلي وداوي
يبويه او جارت الدنيه .عليه
========================
يبويه اهموم الك گلبي رسلهه
غرگ ببحور احزانك رسلهه
تدري ابغيبتك سيد رسلهه
على عيوني سطرني ابن الدعيه
========================
سطرني النذل بغيابك على العين
وبكسر الظلع شدعي على العين
نخيت الي قلع خيبر علي العين
علي اتچتف يبويه بالوصيه
========================
غدر بينه الوكت بعدك علي دار
يبويه ابغيبتك فزعو على الدار
بكسرظلعي انطبرراسه علي الدر
ابمحرابه وگع حامي الحميه
========================
الك نشكي هظم بينه نبينه
يالتدري الجره او عندك نبئنه
يريت ابكربله حاضر نبينه
تشوف حسين مرمي اعالوطيه
========================
يبو القاسم بيك احنه علينه
يريت ابكربله انته او علينه
تشوف الخيل من هجمت علينه
تشوف العيله من راحت سبيه
========================
لشاعر اهل البيت عليهم السلام
خالد عامر الزيادي
يا رقيه
بنات الشام أذني**
مو بسمي ينادني**
لا گالــــن رقيـــــه ولا العلويه**
يگولن يم تراچي ولو المسبيه**
بنات الشام أذني
......................
يــــــم حايط خرابتنــه بنات ازغار يلتمن*
يقلدن مشيتي مرات لو شافني ويضحكن*
حگهن ما يعرفن شوغت الطگاگ ما يدرن*
لو ضايگ جدمهن شوك چا ما ضحكن وسكتن*
بذني الچلمه اسمعها**
توجع گوه اجرعهـــــا**
ما عدهه أبو ايداريهه البنيه**
يگولن يم تراچي ولو المسبيه**
بنات الشام أذني
..........................
ويه املوحة الشمات ما تتراهم الورده*
أچبير الجمر يا ناس عمري زغير مو گده*
ترگل مشيت المحروگ گوه ابمشيه يتهده*
لچمن بيه يبنيات بلكي العمر يتبده*
ما دستن جمر خيمه**
وﻻ طريتن الهيمه**
ما شفتن سبي وﻻ ليل بريه**
يگولن أم تراچي ولو المسبيه*
بنات الشام اذني
.........................
ما صلى ابمتنچن سوط لا نمتن عله التربه*
چانن عندي ترچيات ضاعت وحده بالغربه*
ما شفتن ابوچن طاح حافر يسحگ ابگلبه*
ما طر ابأذنچن صوت عطشان وطلب شربه*
شفتن واحد ايرفسه؟؟**
وگوه يلگف ابنفسه؟؟**
بيه أحلم صرت لو اغفى ليليه**
يگولن أم تراچي ولو المسبيه**
بنات الشام أذني
........................
ما يوجعني دوس النار لا ترچيه ﻻ سطره*
بس أذاني ابوي حسين لمن عاين الشفره*
لسه ابعيني صورة خيل داست والدي ابصدره*
هم شفتن ابوچن هيچ طالع ضلعه من ظهره؟؟*
وأنه من الخيم أنظر**
واحد يگطع الخنصر**
كل هذا وتقلدن كلچن اعليه**
يگولن أم تراچي ولو المسبيه**
بنات الشام أذني
.........................
حگه اليحترگ بالنار لو يمشي على صبعه*
الله ايساعد اچفوفه ابوي العنده بس تسعه*
يعرج لو مشه المجروح يبنيات مو طبعه*
واحنه بهالخرابه انذوب نار وتحرگ ابشمعه*
جروح البيه ملتهبه**
گلت اگعد عله العتبه**
تاليهه الشماته اتحط جمر بيه**
يگولن أم تراچي ولو المسبيه**
بنات الشام أذني
......................
رجلي الماتعرف الگاع هيچ اتصير مچويه*
فوگ امتون عمي اربيت كل وكته يشم بيه*
ضحكن ما ألوم اهواي حگچن أنه مسبيه*
صح انه الغريبه اليوم وأم فردت الترچيه*
بالطف راح كل عمري**
وشل بالغرب صبري**
بعد سمني يم رجلين مچويه**
يگولن ام تراچي ولو المسبيه*
علاء المياحي
الفاتحه لروح والدي
موشح نجفي .
............ ......
المهدي.(عج ) والبقيع
....................
مو خيال بكل يقين احجيها.
المهدي بيده اربع كَبب يبنيها.
...............................................
هذا موجود الكلام وعن وعد.
من.. أئمتنه الروايه والسند.
باجر المهدي يطب مثل الاسد.
للبقيع.. ورايته ايعليها.
.......................................
يبني بيده مرقد الجده الحسن.
بي ..منارات الذهب يتلامعن.
يعدل ادلاله وبعد ماينجفن.
وذيج العزوبيه يكشخ بيها.
............................................
يرفع المهدي بأسم زين العباد.
رايه ..للثار ابتراتيل الحداد
ينشر برووس المنارات السواد.
ياذبيحج . كربله ايناديها .
........................................
بالمدامع ..يبني للباقر صرح.
ويكَعد بذاك الصحن وجه الصبح.
ينعه عالطف والجرح يتبع جرح.
جمره عالخد دمعته يجريها.
.......................................
يبني.. للصادق منارات الذهب.
واضحه العين الحقيقه بلاعجب
لكن ..بطوله جرح ينزف تعب
يكبر بطف كربله وطاريها.
........................................
بين هاي الكَبب يبني بكل فخر.
المرقد الخامس وفه الام الكَمر.
لاشك بوسط الصحن يحفر نهر.
وعل جرف رايت وفه يخليها .
................... . ..............
ابو منتظر الحجامي. 2024
من دعاء الإمام الصادق (عليه السلام) لزوار قبر الإمام الحسين (عليه السلام) :
اللهم ارْحَم تِلْكَ الْوُجُوهَ الَّتي غَيْرتها الشَّمْسُ ،
وَارْحَم تِلكَ الخدُودَ الَّتي تَتَقَلّبُ علىُ قبر أبي عَبدِاللهِ الحسينِ عليه السّلام ، وَارْحَم تِلكَ الأعْيُنَ الَّتي جَرَتْ دُمُوعُها رَحمةً لَنا ، وارْحَم تِلْكَ الْقُلُوبَ الَّتي جَزَعَتْ واحْتَرقَتْ لَنا ،
وارْحَم تِلكَ الصَّرْخَةً الَّتي كانَتْ لَنا ، اللّهمَّ إني اسْتَودِعُكَ تلْكَ الأبْدانَ وَتِلكَ الأنفُس حتّى تَرْويهمْ عَلى الحَوضِ يَومَ العَطَشِ الأكبر
......................
صادقنه صاحب فضل طول الازمان
ويعجز الرايد يوفي حق صادقنه
للخَدَم يدعي ولليزورون حسين
واحنه ابدعاء الصادق اتوفقنه
سيد علي الموسوي
اليله جبريل النصب هذا عزاء
اعليك فاطم تبجي واملاك السماء
•
اليله ابو اتراب الينوح و فاطمه
اليله حزنانه ملاكت السمه
تنوح الك ياسيدي بحسره ودمه
اي وحك جدك هذاك زصارمه
نحضر امصابك رغم كل ماجراء
•
تحضر امصابك لون مهما جره
تواسي البضعه البتول الطاهره
مانعوفك وحك نحره وخنصره
شلون باجر عل صرط و نعبره
غير بيكم وانتم ابواب الرجاء
•
انتم ابواب الرجاء عند الجليل
ما نعوفك ابد والله مستحيل
عالعهد مولاي وكتي شما يميل
يروح جيل يعاهدك من بعده جيل
و عاهدت للموت بيت الانبياء
•
عاهدت للموت ما كف الدمع
هذاحزني وحك فاطم والضلع
وانه بمصابك انوح و منفجع
شكد قرينه شكد دعينه مانفع
شكثر بندبه قرينه هل دعاء
•
يادعاء الندبه ماضل كالصبر
والله اذانه البعد يل منتضر
صار انه متانيك كالهذا العمر
من اسر نخلص يسلمنه الاسر
شفنه اشكال الضلم ويه الاذاء
*
حسن صالح العيساوي
أستشهاد الامام الصادق ع قصيده في حرق داره الشريف وتشبيهها بحالة كربلاء :
حرگوا الدار
اعليك فِزعٙت فاطميات الزچية
اتذكرت نار
خيام زينب سيدي بالغاضــرية
ومن هاجت اطفالك سوية
مٙـــــرت على بالك ( رقية )
..................
بصفنت عيونك يبو الكاظم دمعهه
من حِرٙگ دارك رسم حالة وضـعهه
فاطمية صاحت وشخصك سمعهه
اتذكرت أمــك لمن كــسروا ضلعهه
هجمة اجناب
دخلوا اعليك وصده صيحه تردد
من ورة باب
اتذكرت فاطـمة صاحت وامحمد
وتذكرت صرخة سبية
مــرت على بالك رقية
...............
نرسمت بعينك صـــــور ماكو مثلهه
بيــــــوم دارك ظالم اتعدة و دخلهه
من حٙريمك حرمه راسم صوره الهه
زينب اعله التل تحـــــشم كل أهلهه
بس الاعجب
من شفت نار بعـــبايتهه تعالت
چنهه زينب
تذكرتهه يوم يا عباس صاحت
ضاعت ترة طفلة من اديه
مــــــــرت على بالك رقيه
..............
روحــــــك بــــــدارك تدور و بألمهه
و شكو علـــــــــّويّه تناديها بأسمهه
وانته تمشي جفنك الصورة رسمهه
زينـــــب اتدور على طفلة بخيمهه
اتدور هنا
بلكي تلگاهه وترد و تدور هنـاك
واحسينا
طفلة بين اخيام تتخيلهه عيناك
صاحت يبويه ألحك عليه
مــــــــرت على بالك رقية
..............
حرمه من فٙزعٙتهه بيك ابدمع هامل
تريدك تحامي العيال من الي داخل
تخــــــــيلت زينب تلم ذيچ الارامل
وعالشريعة تنتخي بجسم ابو فاضل
انته عينك
انسطرت و هوّه سهم مصيوبة عينه
انته ادينك
سالمه و عباس متـــــــگطعات أدينه
وبيا حضن ذيج المسية
مــــرت على بالك رقية
.............
قصة الطف في خيالك كررتهه
وكل مواقف للمأسي تخـيلتهه
بس أسألك واعتذر منك گلتهه
جتفوهه بحبل زينب ماشفتهه
چــتفوهه
عمتك بحـــــــبال و يجـــــرون بيهه
تريد ابوهه
وياهه طفله شما يجروهه من اديهه
والصاحت ادري ياهي هيه
مـــــــرت على بالك رقـــية
(الشاعر حاتم صبري الكاظمي)
السلامُ على صادق الأئمه
قصيده ثگيل
يا هظمة گلبي بهالليله
يا حرگت دار تهد حيله
وين اخواني الصادق آني
ياهظمة گلبي بهالليله
***
وصيتي بهذا ليلي وموحشه دياري
وبـگلبي تِـوج الحَـسره و أفـكاري
لگيت الـدار داري و نـار مو ناري !
تِـذكَّـرتِ السبيـه و بـانت آثـاري
زينب مهظومه و مچويه
علويـه تلوذ بـعلويـه
كل احزاني الصادق آني
ياهظمة گلبي بهالليله
1*
عليه اتجمعت كل وادم الديره
إمام شلون گالوا طايح بحيره
شفت النار شبت وآنه ابو الغيره
گلت اليوم صارت سيرتي سيره
عيني اعله اطفالي امن الرهبه
وعين تصد چفي بگد تعبه
حرگ ارداني الصادق آني
ياهظمة گلبي بهالليله
2
شفت النار تلهب وآنه مابيه
گلت هلبت تعينني يرجليه
مدري شلون من يلفي البچي اعليه
ذكرت شلون راحت النه مسبيه
ردت انسى و صعبه بنسياني
زينب تمشي بدم شرياني
جرحي الثاني الصادق آني
ياهظمة گلبي بهالليله
*3****
دمع فت الگلب و الهظمه البصدري
تدري يابو جرحي شلون ماتدري
زينب ياهظمها و ياهظم خدري
صاحت و انه موتي يلاوح بكتري
بغربه و بفراشي و هَم موتي
من بچيي اعليهم بح صوتي
و البچاني الصادق آني
ياهظمة گلبي بهالليله
*4****
هظمنه شگد خذانه لداري واحزانه
الصادق من تذكّر هظمت اخوانه
وتـتغَـيَّر مَلامِـح وجَـهه بـأحزانه
الزلمه الزين هظمه بحرگت مچانه
من حرگة داري شگد بيه
اسمع محترگه و مسبيه
و الأذاني الصادق آني
ياهظمة گلبي بهالليله
**5*
علينه عيون صلفه تباوع و تشمت
و شرايين الگلب من الهظم تنعت
هذيچ ارسوم جدي الطاهره ذبلت
غرب من دم لحمنه للفرح شلعت
تـتشمت وادم بـالعِتـره
و تحزن من هذا امي الزهره
نبقى نعاني الصادق آني
ياهظمة گلبي بهالليله
*6**
الشاعر الأستاذ
عباس كامل الزبيدي
يشيعه احيو امرنه
ــــــــــــــــــــــــــــــــــــــ
امرنه بالمجالس.. الـمجالس رحمه هيه
تعلمكم يشيعه.. الثقافه المهدويه
اسمعو امن المنابر.. علومي الصادقيه
واتوجهو البقيعي.. خصوص ابهالمسيه
يشيعه.. اشفو صدرنه
ــــــــــــــــــــــــــــــــــــــ
انه الصادق بالافعال.. والصادق لسانه
يشيعه وهذا قولي.. استمعو البيانه
اريدنكم تصيرون.. كسلمان بزمانه
اهل تقوه ومصلين.. واهل خلق وديانه
يشيعه.. انتم فخرنه
ــــــــــــــــــــــــــــــــــــــ
الماصله الصبح هاذ..ماماشي بمساري
المافاتحله قرآن .. زيّد بيه ناري
الـماحافض حديثين..لايرفع شعاري
اريد الشيعي يشبه.. ابوذر الغفاري
يشيعه.. احمو ظهرنه
ــــــــــــــــــــــــــــــــــــــ
يشيعه الطرق لله.. كأنفاس الخلائق
ومثلنه ماكو بالناس.. صادق بعد صادق
احنه بوصلتكم.. واحنه اهل الحقائق
بدينه الله جعلهه.. المغارب والمشارق
يشيعه.. احمو فكرنه
ــــــــــــــــــــــــــــــــــــــ
يشيعه وكونو زينا.. ولتغالون بينه
احنه نعبد الله.. بارينه اوولينه
وانتو الله خلقكم.. من فاضل الطينه
واذا بحر الفتن هاج.. ابواليمه السفينه
يشيعه.. الطف فخرنه
محمد الجماسي
#اللهم_عجل_لوليك_الفرج