1950
@telegram.me/amarr_hasnn
✦︙ تم إنهاء المكالمة الجماعية .
✦︙ في ( قناة الرادود والملحن امير الفتلاوي )
✦︙ مدتها : 166 يوم .
(قصيده لذكرى استشهاد الامام الصادق ع)
عايش بينه عايش بينه
ذكرى امصابك عايش بينه
يالصــــــادق لجـلك ونيـنه
ومأتم لمصــابك منصــوب.
مــن اتمر ذكرى استشهادك
مثل الشمعه اعليك انذوب.
يا ثامـن جـرح الما يشـــفه
كل شيعي ابيومك منكوب.
الما يلطم ويكسـر اضلوعه
امقصـــر وياك اومطــلوب.
التدمع عينه التدمع عينه
تغفــر ذنبه التـــــدمع عينه
©©©©
يامـدرسة الشيعه الكبرى
چـم باب العلمك مفتوح.
هنـــيال اليتعــنه الـدارك
يرجع مـن عنـدك مملوح.
طـــــلابك هاليله اتندبك
كل واحـد منهم مجروح.
ما ينســـونك يا قدوتهم
يالســـاكن بعمــاق الروح.
ماناسينه ماناسينه
نذكر فضلك ماناسينه
©©©©
نفس الكسرو ضلع الزهره
وصـابوها بذاك المســـمار.
دخــلو يا مــــولاي الدارك
بغضـــن شـــــبو بيها النار.
خافو تعلن ضـــدهم ثوره
ويرجــع بيـــــدك ذل فقار.
يالمعروف ابشـدت بأسك
ذليــت اعــروش الفـــجار.
الضدك وينه الضدك وينه
طامس ذكرى الضدك وينه
©©©©
والزهره بهل مجلس تحضر
تلطـــم وتهل دمــع العـــين.
يالمشــــــهد ترويع اطـفالك
مـر ابزينـب والحســـــــنين.
يالمسـموم ابيوم امصـــابك
حــزنن لجـلك دنيـــا ودين.
انس وجن مكسوره الخاطر
وكل انصـــــــارك متــــأذين.
ياوالينه ياوالينه
انوح الفگدك ياولينه
©©©©
نار الهـم ما تبــــرد ســـاعه
وحزنك يتجـــــدد كل يوم.
يالما شايف راحــه ابعمـرك
يالعشـت وميـت مظلــــوم.
ذكـرك ماگــــدرو يمحـــونه
باقي انته وخصمك مهزوم.
رايـه انته وضلت مرفوعـه
ابچف انصـــارك يالمسموم.
ماحبيـنه ماحبيـنه
غيرك وهلك ماحبنيه
©©©©
الخادم
كامل السعيدي
أّلََّسلَأّمَ عٌلَيِّګمَ خَدّأّمَ أّلَحٌَّسيِّنِ (عٌ)
عالصادق بصوت الحزن
ننعه وننادي هاليوم
🔸🔸🔸🔸🔸
ويلي على المسموم
🔸🔸🔸🔸🔸
مثل الزجيه ابهالمسه
ابدال الدمع نجري دموم
🔸🔸🔸🔸🔸
بلكي ابدمعنه المنهمر
نطيب ضلعها المهشوم
🔸🔸🔸🔸🔸
لأرض البقيع امن اعتني
انظر بقيعه مهدوم
🔸🔸🔸🔸🔸
يبكه الظهور المنتظر
طير الحزن بينه يحوم
🔸🔸🔸🔸🔸
الشاعر ميرزا عادل اشكناني
ليلة ٢٥ /شوال /١٤٤٦ هجري
الخميس 24 \4 \2025 ليلة
استشهاد الإمام جعفر الصادق
عليه السلام #قصائد1446هج
نرفـع تعازيــنا -- للغالي مهديـنا
ونجــــدد البـيعه -- نرفـعـله أيادينا
----------------------------------------------------
1= نــرفـع اللــيله تـعـــازينا لــمقامه
وندعـي بارينه يرد لينه بسلامه
نـشجب ونستـنكر بـشده الضلامه
أنشلت أيده أللي هـدم دور الكرامه
--
أحنا ولـد حيـدر -- ياناصـــبي أحــــذر
لو قامت الثوره -- نقـــــلع حصن خيبر
****
2= أن شا الله باجر يجي يبني المراقد
صاحب الطلعه البهــــيه والله شاهد
لــو نموت بدربه واحد بعــد واحد
شيطلب المــهدي نكـله أخــذ زايد
--
من يكرب حدوده -- والرافضه جـــنوده
خـــفاكــــه رايتنا -- نــتـــنومس بزوده
3= مهما طال الليل هم يطلع صبحنه
غـــيرنه الخسران بس أحنه ربحنه
تعـبت ســيوف الأعادي من ذبحنه
أنطير بالعالي أذا كـــسرو جنحنه
--
مشهوده غـيرتــنه -- ثـــورة مسيرتـــنه
مانـنهــــزم نهزم -- والزهره حزمتـــنه
***
4= وداعــت الهزمت أبــن هــــند بدياره
الشيعي من يـقرر يـــــفوت بقراره
يـخـسر الــــنمرود ما تجوينه ناره
أحـــنا سبحان الله خالقـــــنه غياره
--
حيدر مشه بدمــنه -- ومنه تعـــــلمنه
بعين الضلم نوكف -- والطاغي ماهمنه
5= عـظم الله أجرج يمولاتي الزجيه
يعـينج الله وأنـــتي كالساع بعزيه
من البــقــــيع جروحك وللغاضريه
ب لله شيطيبها وأبـــــنيتج سبيه
---
يـوميه ملجومه -- ويلي يمحرومه
ياذبحــت أوليدج -- ياسلـبت هدومه
****
الخادم عبد الجليل المالكي
حميدة بنت مسلم ع
_
بوية غيابك موت وديلي منك صوت
شفت الخيم تابوت
بوية
___
نزل دمعي اعلة خدي ورحت للخيمة وحدي
ردت اشكي الك همي وعلة جروحي اخبرك
الهضم بين علية وبجتلي شكد رقية
ابوس ايدك ردت مرة وردت اغفة اعلة صدرك
اذكر زغيرة وياك
وكبرني ليل جفاك
بجروحي لجمة الكاك
بوية
____
حميدة ياهو الهة الدهر طشر اهلها
زغير الطف عكب حضنك ولاتحلالي كعدة
شعلت نار السوالف يبوية وكلبي خايف
اسولف والحجي يأذي خفت كلبك امردة
تدري بجفوفي زغار
ماتطفة بيهن نار
حرك الخيم لو صار
_
بعد ذاكة دلالي صرت اسهر ليالي
بعيد انتة على جروحي ولاترجع الية
وعلي كلش جبيرة العزيزة تصير اسيرة
وقريبا يا ضوة عيوني يسموني السبية
ديرة حزن بالروح
ونحر الحجي مذبوح
ضل الكلب مجروح
بوية
_
بقيت بجيتك احلم بعد حرك المخيم
ضعت بس الشمر يندل لحكني وسوطة بيدة
ادور عن اخوتي صحت بس ردلي صوتي
كبل جان الشمل واحد صفيت انة الوحيدة
فوك الهزل يردون
يركبوني ويضحكون
ابهذا العذاب شلون
بوية
___
ابن عمك نضرتة تدوس الخيل جثتة
وشفت نحرة انكطع لكن ابد ماهمة نحرة
بقة همة علينة وعكب عينة انسبينة
على الكوفة يودوني اجيت بروحي حسرة
صوغة جبت وياي
دمعة اترف من الماي
عذبني هم دنياي
بوية
__
سيد معتز الحسيني
الموشح
النار لهبت راحت اصواويني
وذيج طفله ابنار شافت عيني
لن رقيه خايفه اتناديني
وين شاطي العلگمي دليني
•••••••••••••
عمه لتركضين مچوية جدم
عمه خاف ايصيب دلالج سهم
اتگلي دليني إعله شيال العلم
عمي من هاي العده يحميني
•••••••••••••
يارقيه اجدامج اينزفن دمه
يابسه إرياگج يعمه امن الظمه
يم ابوفاضل اتريد اتكلمه
اتگله اديه گامت اتچويني
•••••••••••••
ركضت وانه وراها عمه اصيح
گام تعثر بالحجر كل سا تطيح
اتريد يم عباس تگعد تستريح
اتصيح ياعباس وتبجيني
•••••••••••••
يارقيه الخيل هجمت والزلم
لايضربونه ابرمح للينهزم
اتگلي ايم عباس أحسن بالسلم
يمسح ارماد اللي تارس عيني
•••••••••••••
دللتها وعلمتها اعله الدلال
اجت من نار الخيم ماعدها حال
فوگ چوي امتونها سوط الانذال
تگلي يم المشرعه اتلاگیني
..........................
لاتحيريني وتعذبيني شچاج
وانه اشوفن سوطهم يركض وراج
لو ابو فاضل على الحاله لگاج
ليش چان يگلج اتأذيني
•••••••••••••
ليش تاذيني ولو جابج الخوف
ونبله وسط العين متخليني اشوف
اتچوه وجهچ وانه اشم چوي الچفوف
الموت بينج يارقيه وبيني
•••••••••••••
الخادم
كريم التميمي
•••✿🍃●🧡●🍃✿••••
🌅 حديث الصباح 🌅
☀قال اﻹمام الصادق (عليه السلام) :
🌄✨قَالَ الإمام مُوسَى بْنُ جَعْفَرٍ ( عليه السَّلام ) : وَجَدْتُ عِلْمَ النَّاسِ فِي أَرْبَعٍ :
🌤 أَوَّلُهَا : أَنْ تَعْرِفَ رَبَّكَ .
🌤 وَالثَّانِيَةُ : أَنْ تَعْرِفَ مَا صَنَعَ بِكَ .
🌤 وَالثَّالِثَةُ : أَنْ تَعْرِفَ مَا أَرَادَ مِنْكَ .
🌤 وَالرَّابِعَةُ : أَنْ تَعْرِفَ مَا يُخْرِجُكَ مِنْ دِينِكَ .
📝مَعْنَى هَذِهِ الْأَرْبَعِ :
💡الْأُولَى : وُجُوبُ مَعْرِفَةِ اللَّهِ تَعَالَى الَّذِي هِيَ اللُّطْفُ .
💡الثَّانِيَةُ : مَعْرِفَةُ مَا صَنَعَ بِكَ مِنَ النِّعَمِ الَّتِي يَتَعَيَّنُ عَلَيْكَ لِأَجْلِهَا الشُّكْرُ وَالْعِبَادَةُ .
💡الثَّالِثَةُ : أَنْ تَعْرِفَ مَا أَرَادَهُ مِنْكَ فِيمَا أَوْجَبَهُ عَلَيْكَ وَنَدَبَكَ إِلَى فِعْلِهِ ، لِتَفْعَلَهُ عَلَى الْحَدِّ الَّذِي أَرَادَهُ مِنْكَ ، فَتَسْتَحِقَّ بِذَلِكَ الثَّوَابَ .
💡وَالرَّابِعَةُ : أَنْ تَعْرِفَ الشَّيْءَ الَّذِي يُخْرِجُكَ عَنْ طَاعَةِ اللَّهِ فَتَجْتَنِبَهُ " .
📚بحار الأنوار (الجامعة لدرر أخبار الأئمة الأطهار (عليهم السلام ) : 75 / 328 ، للعلامة الشيخ محمد باقر المجلسي .
🌹✨ أسعدالله صباحكم ✨🌹
:
🔆🔆🔆🔆🔆🔆🔆
اللهم اجعل هذا الصباح صباح خير لا يضيق
لنا فيه صدر ولا يخيب لنا فيه أمر واجعل لنا
في كل خطوة توفيقاً وتيسيراً وأجراً 💙.
لسان حال مولاتي فاطمة العليلة ع بعد رحيل والدها
حاچـيـني يادار ابـهلچ ويـن
عافـونه بس عافـونه ميتين
تعبنه حيل افراگ اهلنه
يوميه ماخذ حيل مـنـه
ناشـدتچ وگلبي انـفطر ياعلـة اونيـني
يادار وين اهلي مشو بلكت تحاچيني
معقولة ماخذهم زعل المافارگو عيني
چالـيش لو طبـيت الچ محد يلاگـيني
من ابتوت گلبك لو شخص راح
تگـضـيهـا ونـة وكـضـة اصـفـاح
يمرون لا اهل المـحـنة
يومية ماخذ حيل منة
٭٭٭٭٭٭٭٭٭٭٭٭٭٭٭٭٭٭٭
الـيـمـد چـفـه اعـلـه الـحـلم لابـد يـرد خـالـي
والـصـور ماتـشـفـي الگلب بلكت تجي اگبـالي
عــايـفـني شــلـي بالـعـمر مـــن رحـت يالـغـالي
غـير البـچــي والـمـگـبـرة عـگـبـك بـعـد مـالــي
وكل ما افز من دگت الباب
عـبـالي ردو لـيـة الاحـبـاب
شمحلة الابو لمن تحضنة
يـومــيـه ماخـذ حيل منة
٭٭٭٭٭٭٭٭٭٭٭٭٭٭٭٭٭٭٭
ياعـطـرك اشتمه ابكـثر عطاب گلبي وهجرك
يالمامخلي امچان الي مو راح ناقص ضعنك
لا مـو عـلـيلـة وداعـتــگ لـمـن اكـضـن چفك
الـعـافـيـة تـردلي تـرة لوعـيني شافت وجهك
يابـوية لمن تـگـعد وياي
حنية اشبع واشبع افياي
وعـيـوني كل مادورنه
يومية ماخذ حيل منه
٭٭٭٭٭٭٭٭٭٭٭٭٭٭٭٭٭٭٭
ضمة اهدومك مو حرز ضـمـة عتب خليها
بحجة الي ترجع الي كل ساعة اسفط بيها
البنية من تفگد ابـو مـن ابـعـيد بان اعليها
غير الابـو مـن الهـضم ياهـو بـعـد يحـميها
ابكثر الدلال العايفة هناك
اتمنة اشوفك واگعد وياك
يابوية رد غير انتة جنه
يومية ماخذ حيل منه
٭٭٭٭٭٭٭٭٭٭٭٭٭٭٭٭٭٭٭
ضـاعـت بـيـاغـرهـم هـلـي ورفـت عليها اجفوني
وعــزاز گـلبـي الــغـربـو بـيـمـن اكــحـل اعـيونـي
شگد صوتي بـح لـمـن مشو بس همه ماسمعوني
يانـاس رحـمـوني مـتـت بلـكـي لـهـلـي تـودونـي
يادارنة العـطـشانة للعين
شيطبچ ومابيچ الحسين
اخبار ماوصلـتني عنه
يومية ماخذ حيل منه
حسين الگرغولي
حبك العلمني اشوف الدنيا مثل الشيب بيضه
Читать полностью…
مولاي الصـــــادق ( عليه السلام)
ما بيني وبين زينب وحسين
حرگت دار وحرگت خيمه
صيحات ازغار نار ابصف نار
بس ما تشبه ذيچ الهيمه
اني بـــناتي طبــت وانـحمت
وبت الرساله بصحره اتعثرت
مابيها شي بنــتي من ألجمر
لاكن رقيه ركضت ونچوت
لاگتها خيل ابلا حـمه
بس علسحگ متعلمه
خيل ابحوافرهن دمه - آه
0000000000 000000
نفس النسوان نفس الدخان
بس مو نفس الطف والعاشر
والناس تشوف ركضن من خوف
بس ما ركضن من الحافر
غير اني يمهن ما بيه جرح
وبالطف ابوهن نايم منذبح
اني ارجع الهن حتلو طولت
بس اشيرجعه الراسه عللرمح
لسه بأذني هلـ صدى
ياخويه ضعنك وحّده
وذباحك البينه حده - آه
0000000000 000000
رجعن للدار اكبار ازغار
محد كال الهن نسبيچن
لاواحد گال. جيـبولي احبال
ومحد گال انشد أيديچن
بالطف هضيمه وصيحه بلا اخو
وهــنانه ماي وفي عدهــن وابو
ان كنـــت حــــياً انهض يا الولي
بالطف حچتها وما گام الاخو
ماكو هزيله ولا ضــــعن
ولا عندي نسوان انسبن
واتغـــربن و اتـــشتمــن - آه
0000000000 000000
گلبي المحروگ كلما طب سوگ
اذكر عمتي بشام الغربه
ونوب الدار حرگوها ابنار
زادو گلبي ابناري الصعبه
شما حاول انسه الصار وي المشن
تعرضـــلي حاجه ترد بيه الضعن
فدوه بـــناتي وداري وهل عمر
لأجل العـــلاوي الهضمه اتغربن
يذكرني كلشي بكربله
ركضت بنات وبلـ فله
وطيحت اميرة مدلله - آه
0000000000 000000
علــــــــــي ميــــــــــران
لاتموت .. كل سنة حزنك يضل ابالي
لاتموت .. صعبة من دونك يهل هلالي
عشت العمر وياي بين النحر والماي
لاتموت
__
اني عاشور الاجرحك الجنت كل عاشر اذبحك
رغم هذا وفركتك تصعب علية
لو صدك صارت فركتك ياهو الينوح اعلة عمتك
باقي شهرين ويمشوها سبيه
كل سنة معلمني هاية على سطحك تدك راية
والسنة ابجيتي تضل دارك خليه
من زمان .. واحنه عشرتنه الهدوم السوده
من زمان .. عشت تبجي اعلة الكمر وزنودة
تبجي علة الوفاي بين النحر والماي
لاتموت
____
من تنام بوسط لحدك ياهو يستقبلني بعدك
والمصيبة فركت الميت طويلة
الدمعه ياهو اللي يهلها عالسبوها عكب اهلها
منين اجيبك تبجي لجروح العليلة
لسة تحتاجك بعدها ليلت الفكدت ولدها
للبنين الاربعة دمعك تسيلة
وين ابوي .. وي حميدة شكد صحت بدموعك
وين ابوي .. والقصر ماخلة شي بضلوعك
وعابس تذكرة هواي بين النحر والماي
لاتموت
_
ليلة العباس حنت لاتكلي سنيني خلصت
يالعشت طيحة جفوفة وكل عذابة
سنينك بدمعه عشتهن لعرس جاسم ثوبتهن
الصادق انته ومن صدك نحت لشابه
لومتت ياهو اليزفة ؟ شمعتة ابلياك تطفة
وية رملة كل سنة تبجي لمصابة
بكل عزاء .. راح ادورك والدمع يشكيلك
بكل عزاء .. بليلة الأكبر اضل ابجيلك
حكي اتيهة الراي بين النحر والماي
لاتموت
__
ابيتك تعيش المجالس دمعتك للدمعة واهس
ليلة العاشر تسهرك عودتني
تبجي للحرة والمها لمن تودع زلمها
تصيح وياها المصايب شيبتني
ابصبح عاشور اتألم تحترك مثل المخيم
شلون لوردت ايامي وفاركتني
شكد سبوك .. السابي عمتك هم سباك وياها
شكد سبوك .. السوط اذاك ورجع اذاها
مسبي وتدور فياي بين النحر والماي
لاتموت
_
كربلة جمره عذابك تأثرت بيها بمصابك
ناقص جروحك ذبح وحسين انضرك
تدري المن رجعتني بعطش جَدك ذكرتني
والفرق رفسة شمر ماكو اعلة صدرك
باجر هلالي برجعتة يدورك وتنزل دمعتة
وين ماعاين لطم يبجي ويذكرك
ويا الهلال شكد سوالف اذكرك تحجيها
ويا الهلال ..تكله زينب كطعوا واليها
ويجري الدمع بهداي بين النحر والماي
لاتموت
__
سيد معتز الحسيني
لطمية للأهل والاحباب (( مشتاگه العيون ))
مشتاكه العيون للماينشدون
همه النسونه وحملو ننساهم اشلون
همه النسونه وحملو ماردو النه
چانت حنينه اگلوبهم تنگط محنه
الضيم اخذنه والهضم وانريد اهلنه
كلما نصد لنزولهم نجهر الونه
ردو علينه انصيحهم شو مايسمعون
همه النسونه وحملو ننساهم اشلون
يهل المحنه انصيحهم ردو علينه
ماخله بينه افراگهم ماخله بينه
دمع المصايب واليتم بلل عبينه
هاي المباني اخلافهم وحشه وحزينه
جوه التراب اتوسدوا ماضن يگعدون
همه النسونه وحملو ننساهم اشلون
جوه التراب اتوسدوا حلوين الاطباع
تچوي الضلوع ولاطفت يانار الاوداع
والعشره فلت والشمل ماينجمع ضاع
وحشه المنازل صبحت بغياب الاسباع
دگوا الباب اضيوفهم عنهم ينشدون
همه النسونه وحملو ننساهم اشلون
مروا اليوم اضيوفهم وگفوا عله الباب
گالو نريد احبابنه وابعاد الاحباب
غياب كلهم صبحوا وايطول الاغياب
بيمن نشد اصوابهم يسعر ولاطاب
اعزاز ذوله اعله الگلب ماواحد ايهون
همه النسونه وحملو ننساهم اشلون
اعزاز كلهم عالگلب ذوله وغوالي
چان النزل بوجودهم يزهي ويلالي
من فارگتهم فارگت عزي ودلالي
كلساع اصيحن ياهلي ومشدوه بالي
وبهاي ابد ماحسبت عني يبعدون
همه النسونه وحملو ننساهم اشلون
من ديوان معاني الحزن جزء السابع
لشاعرو اهل البيت
ام هجران العمارچيه
غير مبري الذمه من يمحي اسم الشاعره او يغيره او يتلاعب بالقصيده وينسب الرثاء لشخص اخر
دينــي الحسـين وبالفخر .. ثابــت يقيني
ولو ينــگطع منــي النـحر .. مابـدله ديني
اليشوف / حبــه وغرامه
يعـــوف / حچيّ الملامه
***
اليتصــيد بـماي العـــكـر .. كلما شهــر حـزني يمر
يرجعلي بسطوره
كلماته احس متروسه سم .. صفحات التحركه وهم
صفحات مأجوره
بســم التحـــضر يـــدعي .. يحچـي وكأنه مرجعي
وعاشوري عاشوره
گـــتله تنـــحه وســـتجن .. عـــن الشعائر والحزن
شغلـــتنه مخطوره
ناس احنه جننه العشگ .. عدنه قضيه
ازغرنه بالحــب محتــرگ .. بالغاضريه
التطوف / نار بخيامه
يعوف / حجي الملامه
***
صدري امن الطمه ينهضم .. كأنه بصدره اللطم
اتصوره ناسي
الدسـتور شرعلي البچي .. متكلي المن هالحجي
مو صدعت راسي
ديـــنك الـــك وانــه الي .. دين الحسين ابن علي
ومرجعي عباسي
عبـاس تاجــي وافتخــر .. بالتــــاج هــذا انتصر
بي حررت ناسي
بالفتوه اول من نهـــض .. اهل المجالس
بنحورنه الدين انحفظ .. واحدنه عابس
اليروف / جرحه بكلامه
يعــوف / حچي الملامه
***
حچيّ الملامه اشما كثر .. ما ابتــعد عـــن النــحر
والنوح والدمعه
باقي اعله عهدي وللابد .. بگماطي ونطيت العهد
للمهدي والبضعه
شــهر الدمــع والــعاطفه .. لا مــو شهـر للفلسفه
التــنظير منــسمه
بالدين يحجي وينشرح..والمشكله فرض الصبح
مايدري جم ركعه
بيــن الثـــقافه والخـــيم .. ماكو مسافه
معروف عد اهل الشيم .. اصل الثقافه
الشغوف / بحب الامامه
يعــوف / حچي الملامه
***
ناس احنه مبدئنه العشگ .. وحسين بس حبنه الصدگ
والباري هيچ اوجب
نـطبر ونمشــي عالجــمر .. ركضــة طــويريج الظهر
نركض مثل زينب
ماعدنه اصــلن كل ذنـــب .. الرايــد يهــذبنه يجــــب
افعالــه تتــهذب
الخايف على المذهب عمر .. رأس الــسنه لمــن تـمر
خيخاف عالمذهب
بينه ثنعش طبرة شمر .. والمهدي يشهد
والگــلبه متوگـد جــمر .. لتـــضنه يبــرد
الرؤوف / وغصه بمنامه
يعــــوف / حچـي الملامه
***
المامچوي كلبه بكـــربله .. لايحچــي ابــد بالمــو اله
ممنوع يتـــدخل
الاحساسه بالطف منسلب .. كل ما يمر طاري العذب
اعضائه تتخلخل
الحزب الحسين انه انتسب .. واتفــاخر بهــذا الحزب
حزب الحسين افضل
عندي سياسه بالجـــزع .. واحـــزاني هــذي موبدع
احزاني مال اول
الركضة رقيـه بكربله .. بذيـج الظهاري
تفزز جروحي الخامله .. وتوجلي ناري
العطوف / والبي كرامه
يعوف / حچي الملامه
***
لودنيـتي تظــكني بعــسر .. بالخدمه مادور عذر
هالخدمه قدسيه
صرختي تبقى بكل عصر .. وبكل زمان الي يمر
صرخه حسينيه
يوم السبي اكبر جــرح .. طاريه بــجروحي ملح
وجروحي مسبيه
المايوجعه طـاري الهزل .. ليــزور ابد ابوالفضل
لعمال بالـــنيــه
انياله اليلچمه كل وكت .. طاري الخرابه
الدمعاته بخـدوده تكـت .. عارف مصابه
الضروف / عنـده بكلامه
يعـــوف / حچي الملامه
*
حيدر تركي الكربلائي
يحسين تارسني عشك وانه ادري عايش بيه
كل يوم تلكاني صدك مفطوم انه بلطميه
*******
سولفلي بحكام النبض
والشوفتك كلبي نهض
............امعيشني بحلامي اسنين
اهل الجنون بوجنتك
بصفنتهه مذبح شافتك
................وحتارت وياك امنين
عيسى خجل يم شامتك
شاف الحياة بنظرتك
...........محبوبي عاشك يحسين
انت العشك والقل هوه
منك شفت يبدي الضوه
...........معروفه بدموعي العين
مجنون خلاني العشك والدمعه تدري اشبيه
كل يوم تلكاني صدك مفطوم انه بلطميه
*********
حاچيني بدروب العشك
كلبي انخلق لجلك يدك....
...........بيك انعرف شوكي اجنون
ضايع چنت بين الجهل
اعتقني من درب الزلل
..............حبيتك انت المضمون
بعشكك اصيرن مستهل
صاحو اعد ملا بعجل.......
...............بحبك اهيمن يدرون
چان الزمن مابي طعم
بهواك كلشي منسجم
...............يتغير اهوايه الكون
وياي تمشي ويه النفس مرات احس باالريه
كل يوم تلكاني صدك مفطوم انه بلطميه
*********
كلشي بحياتي ابخدمتك
متعلگه روحي بحضرتك.
..............بالكلب حبك موجود
سيرلي ساعه ويه الهوه
مشتاك اشمك يا دوه
.............والعالم اليوم اشهود
كلشي بجمالك مختلف
بس انت يحسين العرف
..............دلاني شوك المعبود
بالركعه تسبيح العشك
وياك ابد ما نفترك
...........شوكي بحضرتك معگود
هيمني شوك محبتك وانه اعرف القدسيه
كل يوم تلكاني صدك مفطوم انه بلطميه
*********
انت الضحى وانت شمس
نور الله ابد ما ينحبس
...............مجنون ابحبك عابس
موسى عله شوفك مستقر
ينجه بحياته من البحر
................ثبت حياته بهاجس
كوثر شجونك منهمر
يحسين شاغل كل فكر
...........بالخدمه ماخذ واهس
والعالم بعشكك غفه
ربك وفالك واكتفه
............وبقربك احنه نافس
بحلامي طيفك منكتب مصدر هوه الحريه
كل يوم تلكاني صدك مفطوم انه بلطميه
*********
اقضي العشك فايت فرض
من زغري ويدك النبض
...............كل دكه عايش بيه
بس انت روحي من المهد
ناغوني بطفوف اعتقد
...............صار البشر حريه
انت حياتي ومسندي
دلاني بيكم والدي
.............حبكم شرف قدسيه
بعرش الله صارت هيبتك
تحفهه الملايك حضرتك
................هايم صرت ليليه
حبيتك ابكل ماردت شوك المحب گمريه
كل يوم تلكاني صدك مفطوم انه بلطميه
*********
تمت بعون الله
خادمكم .......يوسف الفتلاوي
ليلة ٢٥ /شوال /١٤٤٦ هجري الخميس 24 \4 \2025 بصوت خادمكم الرادود ابو هاشم الربيعي ليلة استشهاد الإمام جعفر الصادق عليه السلام #قصائد1446هج
Читать полностью…
يمته يتحقّق أملنه .. أملنه
والبقيع اتلم شَمِلنه .. شَمِلنه
يمته واليمته اشوكت يمّ الحبايب
ننجمع برض البقيع ابهالمواكب
انصيح بوجوه الشماته والنواصب
هذا مهدينه وبعد ماعدنه غايب
بالظهور ايخف حِمِلنه .. حِمِلنه
والبقيع اتلم شَمِلنه .. شَمِلنه
بينه حسره وشوگ يارب البريّه
للبقيع وللزياره وللعزيّه
يمته يظهر صاحب الطلعه البهيّه
وياخذ ابثارات أهل بيت الزچيّه
عيد واهلاله يِجِي النه .. يِجِي النه
والبقيع اتلم شَمِلنه .. شَمِلنه
يعلم الباري بِما يخفي صدرنه
امن اشتياق ولهفه لزيارة فخرنه
للأئمه ابكل وكت يسعر جمرنه
من بعيد انزورهم جِبنَه عُمُرنه
ها كثر ندعي وسألنه .. وسألنه
والبقيع اتلم شَمِلنه .. شَمِلنه
انصيح تبقه اليا وكت مهدومه الاگبور
وجرح تهديم المگابر چنه عاشور
نار هاي الفاجعه تلهب بالاصدور
ما يخمّدهه بعد بس يوم الاظهور
ننتظر إحنه وأهلنه .. وأهلنه
والبقيع اتلم شَمِلنه .. شَمِلنه
يوم هدم اگبورهم يجرح بالاحساس
اوحگنه مو نجري الدمع نلطم عله الراس
رغم كل هاي المآسي وحقد الارجاس
انصيح وياهم نظل الآخر انفاس
وابد ما نگطع وَصِلنه .. وَصِلنه
والبقيع اتلم شَمِلنه .. شَمِلنه
سيد علي الموسوي
مااحسب ايام احسبلك سهام
لمن تهل ننسة الحجي ونحجي عاالخيام
-----
اشوفن صورتك كل ما شفت ماي
يااقرب جرح ضل عايش وياي
تذكر جنت اكلك ب اول صباي
شو وكتك شهر بس حزنك هواي
جنة سوة زغار وسولفنة عالنار
عمري وعُمر حزنك كبر يهلال الالام
-----
مو اسود امنيتي البس الليل
واضل حزنان عَلي سحكتة الخيل
شلون احجيها صعبة يذبل الحيل
بسيف المو عطر متوذر الهيل
الغالية مذبوح يغفة اعلة الجروح
وسفة انضرب متن الصدك بسياط الاوهام
-------
تفاركني سنة وكلبي يضل حار
تجيني هلال بس بشوفي تحتار
اكعد بالمجالس يم الزغار
من انضر بجيهم اذكر النار
يرزقني الحسين لطمة ودمع عين
اكبر رزق من الدمع يجريلة كل عام
------
لتسولف سمة للجنحة مكسور
كلشي بوكتة لكن كلشي عاشور
لحزن حسين دمعي وعمري منذور
الطور المو الة ماينحسب طور
اقرة يرادود خل دمعتي تزود
اصعب جرح من تنذكر سالوفة الشام
----
اليطبر مَرة عندة يصير اِدمان
اذا ماطبر يحس روحة خسران
لان مذبوح بالطف نحر الايمان
القامة براسي خلت الك نيشان
من نطبر الراس ننزفلك احساس
يابو علي حبك شرف خلينة خدام
------
سيد معتز الحسيني
غايبنه ندعيله.....يالصادق الليله
وبمجلسك يبن الحجج....للمهدي ندعي بالفرج
يالصادق الليله....يالصادق الليله
نعتني ابهاي الليالي الصادقيه
للمواساة او نون ويه الزچيه
يا أبو الكاظم إجيناك المسيه
وللإمام المهدي ندعي ابهالعزيه
دعوتنه مرفوعه....عند الله مسموعه
كل مؤمن السانه لهج....للمهدي ندعي بالفرج
يالصادق الليله....يالصادق الليله
منك اتعلمنه ياشيخ الأئمه
ياعظيم وللعوالم فاض علمه
ندعي يالعندك روايه وبيهه حكمه
لو دركت القائم ابعيني أخدمه
مثلك يوالينه....ننتظر مهدينه
وبغيبته ذابت مهج....للمهدي ندعي بالفرج
يالصادق الليله....يالصادق الليله
للفرج تتنطر اگلوب الحياره
أفضل الأعمال للأمه انتظاره
من يحين الموعد وياخذ قراره
يعتني يبني مقامك والمناره
إحنه اويه غايبنه...نلفي ابمواكبنه
وانصيح ابو صالح خرج...للمهدي ندعي بالفرج
يالصادق الليله...يالصادق الليله
يامن اعله حسين دوم اتهل الاعبار
تبچي وتنوح اعله زينب ليل ونهار
حتى من شبت ابدارك نار الاشرار
تذكر ابنص الخيم من شبت النار
والدمعه سچابه....لحسين ومصابه
والكربلا گلبك عرج....للمهدي ندعي بالفرج
يالصادق الليله....يالصادق الليله
لاخر انفاسك تنوح وتهمل العين
اتصيح عذبني مصابك جدي يحسين
واحنه هاي الليله يالصادق معزين
ننحب اعله امصيبتك بالحسره جايين
هيهات ننساكم....رغما عله اعداكم
وياك نبقه اعله النهج....للمهدي ندعي بالفرج
يالصادق الليله....يالصادق الليله
سيد علي الموسوي
[[نهج وعقائد]]حوار بين المهدي والصادق ع
______
تاج المذاهب طول السنين.....جدي وعلي بشخصيتك
يالهيبتك من جدي الحسين......رايه وعلم خليتك
ليل .....من حسرتي واهاتي
ليل .....ماتت هضم چلماتي
********
لا وين عاينت السهر
تنهي الفلاسف والدهر
........... ... .....ناظرنه العقول
بحر العلم منك رسى
ياجدي اعظم مدرسه
.............. ...والجامعه تگول
حارت جميع اهل الكتب
يمك يجدي تنشطب
.................من الله مرسول
والفلسفه بنهجك بدت
بسيرة حديثك رتلت
................بيها انت مشغول
مصدرنه واضح كله برهان..حاججنه
كلمن ظالم
اسلوب البلاغه وهذا عنوان....يهوه ويطيح الحاكم
احزان .....تبچي بدمع اياتي
ليل......ماتت هضم چلماتي
*********
تدريني نهجي حيدري
يالمهدي مذهب جعفري.
.....................وضحنه للناس
مذهب عقيدة ومعرفه
حوزتنه صارت مشرفه
............... ....وبچفي مقياس
يالمهدي تدري بغايتي
جابر اخذ من قصتي.
..................بدموع الاحساس
إيمان للعالم درس
وضحنه عن طيب النفس
................ .....علمنه عباس
وافانه والله بدمعة العين..صار الوفه
حد مقياس
ثابت عهد وي طف الحسين ....قوة واراده ونوماس
جروح..... خطت جميع ابياتي
ليل .......ماتت هضم چلماتي
********
نهج العقيده مصدرك
شيخ المذاهب مفخرك
.......................لشيعه عنوان
اصل التشيع والفكر
ياجدي نبراس الذكر
........................منهجنه قرأن
ايات كلش واضحه
نصت علينه وشارحه
...................من رب الاكوان
منطقنه واضح معتلي
يكفينه من حيدر علي
................... بالحشر ميزان
شرح العقيده ننطي تبيان ..... درس الوحي وأسراره
جعفر الصادق علمه برهان ....يرسم مناره افكاره
صار.....مرسه السفينه الأتي
ليل .....ماتت هضم چلماتي
*********
إكمال دين الله ابتده
يالمهدي صوتك ردده
.....................من نحر الحسين
الاسلام بينه مستقم
يرسملك ابيات ونظم
................ ........رتم العناوين
يالمهدي عندك سيرتي
النعمان اخذ من حوزتي
.......................درس المحبين
استلهم دورس المعرفه
فقه الرسول المصطفى
....................... نهج الموالين
لشيعه واضح نحچي عنوان ...ابدم العقيده اطفوفه
باهلنه والله بكلشي نجران...شكد الله حب ايشوفه
اه......من حسرتي ودمعاتي
ليل .....ماتت هضم چلماتي
*********
درس العقائد منطقك
واضح حديثك موثقك
......................من طه معلوم
نتفاخر احنه عله العرب
عترة بني طه ذهب
.................. بالعرشي مختوم
اختارنه الله بقدرته
بنشر العداله غايته.
........................لدنيا مفهوم
ياجدي شوصار العكس
وياك مخنوگه الشمس.
....................تاليهه مسموم
ماخلص عمري ونايبه البين...مانشف
دمع اعيوني
واليل ياخذ صوت الاونين .. شيبت حسره اجفوني
نار.....لسه الخيم حسباتي
ليل....ماتت هضم چلماتي
**●●●●●●*
تمت بعون الله تعالى
خادكم.....يوسف الفتلاوي
~͜͡✿͜͡~
#حديث_الصباح✍️
_ نحن بشر متناقضون حد العجب، متقلبون حد الذهول، ترى الخير في إنسان حتى تظنه عاجزًا عن الشر فإذا به يخيب ظنك.. و ترى الشر في إنسان حتى تتوقعه عاجزًا عن الخير فإذا به يخالف توقعاتك.. بذرة الخير في الناس لا تموت، و بذرة الشر لا تهدأ
~͜͡✿͜͡~
مولاي الصـــــادق ( عليه السلام)
ما بيني وبين زينب وحسين
حرگت دار وحرگت خيمه
صيحات ازغار نار ابصف نار
بس ما تشبه ذيچ الهيمه
اني بـــناتي طبــت وانـحمت
وبت الرساله بصحره اتعثرت
مابيها شي بنــتي من ألجمر
لاكن رقيه ركضت ونچوت
لاگتها خيل ابلا حـمه
بس علسحگ متعلمه
خيل ابحوافرهن دمه - آه
0000000000 000000
نفس النسوان نفس الدخان
بس مو نفس الطف والعاشر
والناس تشوف ركضن من خوف
بس ما ركضن من الحافر
غير اني يمهن ما بيه جرح
وبالطف ابوهن نايم منذبح
اني ارجع الهن حتلو طولت
بس اشيرجعه الراسه عللرمح
لسه بأذني هلـ صدى
ياخويه ضعنك وحّده
وذباحك البينه حده - آه
0000000000 000000
رجعن للدار اكبار ازغار
محد كال الهن نسبيچن
لاواحد گال. جيـبولي احبال
ومحد گال انشد أيديچن
بالطف هضيمه وصيحه بلا اخو
وهــنانه ماي وفي عدهــن وابو
ان كنـــت حــــياً انهض يا الولي
بالطف حچتها وما گام الاخو
ماكو هزيله ولا ضــــعن
ولا عندي نسوان انسبن
واتغـــربن و اتـــشتمــن - آه
0000000000 000000
گلبي المحروگ كلما طب سوگ
اذكر عمتي بشام الغربه
ونوب الدار حرگوها ابنار
زادو گلبي ابناري الصعبه
شما حاول انسه الصار وي المشن
تعرضـــلي حاجه ترد بيه الضعن
فدوه بـــناتي وداري وهل عمر
لأجل العـــلاوي الهضمه اتغربن
يذكرني كلشي بكربله
ركضت بنات وبلـ فله
وطيحت اميرة مدلله - آه
0000000000 000000
علــــــــــي ميــــــــــران
لسان حال مولاتي فاطمة العليلة ع بعد رحيل والدها
حاچـيـني يادار ابـهلچ ويـن
عافـونه بس عافـونه ميتين
تعبنه حيل افراگ اهلنه
يوميه ماخذ حيل مـنـه
ناشـدتچ وگلبي انـفطر ياعلـة اونيـني
يادار وين اهلي مشو بلكت تحاچيني
معقولة ماخذهم زعل المافارگو عيني
چالـيش لو طبـيت الچ محد يلاگـيني
من ابتوت گلبك لو شخص راح
تگـضـيهـا ونـة وكـضـة اصـفـاح
يمرون لا اهل المـحـنة
يومية ماخذ حيل منة
٭٭٭٭٭٭٭٭٭٭٭٭٭٭٭٭٭٭٭
الـيـمـد چـفـه اعـلـه الـحـلم لابـد يـرد خـالـي
والـصـور ماتـشـفـي الگلب بلكت تجي اگبـالي
عــايـفـني شــلـي بالـعـمر مـــن رحـت يالـغـالي
غـير البـچــي والـمـگـبـرة عـگـبـك بـعـد مـالــي
وكل ما افز من دگت الباب
عـبـالي ردو لـيـة الاحـبـاب
شمحلة الابو لمن تحضنة
يـومــيـه ماخـذ حيل منة
٭٭٭٭٭٭٭٭٭٭٭٭٭٭٭٭٭٭٭
ياعـطـرك اشتمه ابكـثر عطاب گلبي وهجرك
يالمامخلي امچان الي مو راح ناقص ضعنك
لا مـو عـلـيلـة وداعـتــگ لـمـن اكـضـن چفك
الـعـافـيـة تـردلي تـرة لوعـيني شافت وجهك
يابـوية لمن تـگـعد وياي
حنية اشبع واشبع افياي
وعـيـوني كل مادورنه
يومية ماخذ حيل منه
٭٭٭٭٭٭٭٭٭٭٭٭٭٭٭٭٭٭٭
ضمة اهدومك مو حرز ضـمـة عتب خليها
بحجة الي ترجع الي كل ساعة اسفط بيها
البنية من تفگد ابـو مـن ابـعـيد بان اعليها
غير الابـو مـن الهـضم ياهـو بـعـد يحـميها
ابكثر الدلال العايفة هناك
اتمنة اشوفك واگعد وياك
يابوية رد غير انتة جنه
يومية ماخذ حيل منه
٭٭٭٭٭٭٭٭٭٭٭٭٭٭٭٭٭٭٭
ضـاعـت بـيـاغـرهـم هـلـي ورفـت عليها اجفوني
وعــزاز گـلبـي الــغـربـو بـيـمـن اكــحـل اعـيونـي
شگد صوتي بـح لـمـن مشو بس همه ماسمعوني
يانـاس رحـمـوني مـتـت بلـكـي لـهـلـي تـودونـي
يادارنة العـطـشانة للعين
شيطبچ ومابيچ الحسين
اخبار ماوصلـتني عنه
يومية ماخذ حيل منه
حسين الگرغولي
هذا الموت عالباب
وعندي اوياكم اعتاب
ماتحتار مثلي العدها خوان
جرحي يريدكم دفان دفان
..............................................
ردت منكم تجوني لو بالاحلام
سمعت الوينهم مرتين بالشام
الكتلوني الشماته اهواي يحجون
جاوين الاهل جاوين الازلام
وين اهلجن
اكثر كلمه نسمعها من الناس
وين اهلجن
هاي الكتلت الحرة يعباس
وين اهلجن
يسئلونه عليك ونصد للراس
صحت ومناطرة اجواب
شوكت يلفوني الاحباب
الجنازة اتريد ياعباس عوان
جرحي يريدكم دفان دفان
..............................................
ليش اتأخرت من دخلت النوگ
انا المفروض ميته ابطبت السوگ
امنهد ماعرفو اسمي وانا ياموت
انتظرتك لحظة لحظة وگلبي محروگ
الدنيا دارت
مضرب جان خدري لكل الامثال
الدنيا دارت
غصب ياموت نمشي ويا الارجال
الدنيا دارت
من اجفوف اخوتي لجتف الاحبال
شح ياموتي الاحسان
اخذني لهلي الاحنان
الوكت صار اويا زينب حيل خوان
جرحي يريدكم دفان دفان
..............................................
اعيوني الفاكدة ماتقبل اتنام
اخاف تشوف خيل ابنص الأحلام
حوافرهم اوكاح اوداسن حسين
لحد ما بالجسد ماضلن اعضام
موتي راحة
شفت خيل ورماح وسوط وسهام
موتي راحة
شبعت امن السبي اهوال والآم
موتي راحة
اعله زينبكم صفت تامر الخدام
اغص يخواني بالماي
من اذكر ارباي
من الطف لهسه جفني سهران
جرحي يريدكم دفان دفان
..............................................
مات الموت لمن سمع بلواي
مثل فرت الرحة فرتني دنياي
ياهاشم عجيبة شلون ترضون
بت هاشم غريبة اوفاكدة الراي
موتي يفزع
انتظرته هواي ليه موتي يفزع
موتي يفزع
لو عباس اخوي الليلة يرجع
موتي يفزع
هيج الله وگبل لا شمس تطلع
من شافوني شمات
من عدها الخدر مات
زينبكم صفت مابين عدوان
جرحي يريدكم دفان دفان
تمت
عباس حسن الحلفي
#ابوذيات
طفينه وحب ابو الیمه شغلنه
وغير احسين ما واحد شغلنه
احنه ابمجلس الضامي شغلنه
ورواتبنه امن ادين امه الزچيه
يلايم من ملامك عاد كفنه
اليمـوت اوياه شياخذ غير كفنه
لبوسجاد تلطم حيل كفنه
ومدامعنه وقف لبن الزچيه
محمد الجماسي
#اللهم_عجل_لوليك_الفرج
ميمر للامام الصادق عليه السلام
كاظي العمر هم وصبر
بنار الخيم كلبك جمر
وامنيتي يالصادق يوم نمشيلك برجلينه
==
يلصادق اهواي القصور انكلك
ابديها باليقرالك ويكتبلك
ما وفو وعاذرهم انت بفضلك
حته اللطم من الخدم
شنسوي بس كلبك رحم
وتاج اعله خلك الله نصير غيرك منو يسوينه
يانور آل المصطفى واعلامه
اليخدم طلب يتحققن احلامه
افتح سجلك واكتب اللطلامه
فرح كلب كلمن يحب
بمجلس عزاءك ينتحب
ومن سمع عنك مسموم بالدمعه هلت عينه
==
بفضلك تره التمينه هاي النعمه
وبلمجلس بصوت الخدم هل كلمه
انت وهلك وجه الله واهل الرحمه
صوت بسمه يافاطمه
حضري عزه الصادق ضمه
وخلينه نلطم وياج وبدفترج سجلينه
شمحله اللطم والدمعه بيه وننحب
راحه التعب للصادق اشما نتعب
تحضر عزانه ام البنين و زينب
القاسم يجي بصوته الشجي
الله يصيح اعله الحجي
بيته يعيده الرادود نتعب بعد خلينه
==
رمز العلم والمعرفه يوصفونه
خيمتنه بالمحشر هله يرحمونه
الجعفريه احنه تره يسمونه
هو الشفع كلمن دمع
من بيته للمجلس طلع
نلتم بمجلسهم هاذ وبلمحشر يلم بينه
==
بالمحشر اليشفع اولاد الزهره
و الكوثر مخلي جزاء العبره
صدور الخدم مختومه كلها حمره
هذا الختم بس للزلم
التحضر مئاتم تنحرم
الاوجوه كلها من النار الجنه تدور اعلينه
========================
الشاعر حسام البهادلي
سيدتي ومولاتي باب الحوائج
ام البنين روحي فداها
گلبي يحن وايريد الاعزاز
ياهو اليروح ابنعشي جناز
عيني على درب اليمرون
ــــــــــــــــــــــــــــــــــــــ
عله أفراش المنيه وانتظر فزعه
يادنيه شملنه الراح شيجمعه
من عگب الگمر شلّي بضوه الشمعه
والفارگ احبابه الصبر شينفعه
من عمري ظلت آخر انفاس
وين الله ويرجعلي عباس
ينساني كافل زينب اشلون
ــــــــــــــــــــــــــــــــــــــ
من كثر البچي اعليهم خلص صوتي
آنه ام البنين ارحمني ياموتي
وحدچ لاتگلي للگبر فوتي
يجي العباس هسه ايشيل تابوتي
يحضرني إبن الحضر سلمان
وايصير لاّمه الگمر دفان
وايشيل نعشي فوگ الامتون
ــــــــــــــــــــــــــــــــــــــ
اتمنه ابو فاضل هسه بي جيه
ويجيب وياه تربه كربلائيه
ياخذني ردت لأقرب حسينيه
وبالتشيبع خل يقرالي لطميه
حلوه النعاوي التهدم الحيل
علسلبوه وداسته الخيل
واتصيح هل من ناصر ام عون
ــــــــــــــــــــــــــــــــــــــ
مو بالماي بدموعه يغسلني
اوليدي وكون بالرايه يچفني
واتمنه بثيابي السود يدفني
بس شلون بلله ايسوي كل ذني
ماعنده چف ومني خجلان
بس الله راح ايعوضه جنحان
گلوله بس الفرگه متهون
ــــــــــــــــــــــــــــــــــــــ
ماگولن تعال احسين يايمه
ادري احسين لليوم ويصب دمه
بس عندي رجـاء واّمنيه يمه
حسن العاقبه ويتقبل الخدمه
لآخر نفس من عمري والله
ميته وانادي وآحسيناه
واهل المواقف مايموتون
ــــــــــــــــــــــــــــــــــــــ
معذورين اذا ماحضرو الاولاد
بس نار البعد سوت اعيوني ارماد
آنه اتشرفت بالدفنه إجه السجاد
وسدني بحفرتي وبالنوايح زاد
يعني دفني الدافن حسين
وخلصت حياتي بدمعة العين
ام واحنن عاليحنون
محمد الجماسي
#اللهم_عجل_لوليك_الفرج
هذا شيخ الطف حمل لو علي الاكبر نزل
من يدخل الحرايب تتراجف الكتايب
****
اتخيل المهره وتعنه وبكمر هاشم حلف
وذبت القاده رتبها وبكر ابن غانم رجف
عالنهر صارت خزرته والنهر ريجه نشف
والله لو راخصله يهجم بيها يوصل للنجف
براس ابن غانم رجع صوته بالحومه ارتفع
اجمل هديه جايب وتتراجف الكتايب
****
جرد السيف بيمينه وشكل اعليهم خطر
راد يمحي اجيوش اميه بكربله وربك ستر
من لبس لامت قتاله الجمع كدامه انكسر
ضيك الحومه عليها وعالزلم ضاع المفر
جنه سبع الكنطره سوه عالشط سيطره
وبيده لوه الشوارب تتراجف الكتايب
****
اتوسط الميدان الاكبر والحرب مالمته
وكربله من كد قتاله اتعجبت من شافته
هوس بنص المعاره وكلها سمعت هوسه
يحرك اليابس والاخضر من يفوت برايته
وكلها صاحت الهوه من حمل بيده اللوه
يتحده اجه المصاعب تتراجف الكتايب
*
تدخل انذار العساجر من يخوض الملحمه
بالحرب لو شد عليها اتخاف حته الموزمه
امن النهر للخيمه الاكبر سوه نهر امن الدمه
صاحت الفرسان اشردو نزل حماي الحمه
حيدر وليهم طلع بيده جم خيبر قلع
وبيهم بده يحاسب تتراجف الكتايب
*
هذا ملك الموت اجاهم والسبع بيهم شرد
تنترس بيهم جهنم لو حمل حمله بعد
ونس حسين بقتاله وعزمه ما ينقاس ابد
من علي وارث صفاته والاسد خلف اسد
كاشخ بذاك اللبس جنه طالع للعرس
وبغيرته يحارب تتراجف الكتايب
*
هذا الاكبر لو محمد كلها بمره تحيرت
وكربله من كد جماله اجفوف اديها اتشككت
انسحبت اجيوش ال اميه ومن خزرته اتراجعت
غيمت سوح الحرايب والطفوف اتزلزلت
بوجها عباس ابتسم من رجع صوب الخيم
بدين النبي يطالب تتراجف الكتايب
**
تمت
تحسين الخفاجي
وأهلا وسهلا بمن انضم إلينا
🍃🌸🕊