1950
@telegram.me/amarr_hasnn
لمولد الحجه المنتظر عج
.
.
.
يامالك احلامي .. وأيامي .. وسنين العمر
يامالك احلامي .. وايامي .. وسنين العمر
يامهدي .. يامهدي
_
عبــدك انـه سيدي وتـدريــني اريــدك
وافتـخـر لــو تعــتبرنــي مــن عبيــدك
عـندي بيـت امن الشعر بـي ارد ازيدك
عاشت ايدك يابو صـالح عاشـت ايدك
يابلسم اجروحي .. ياروحي .. يايوم وتمر
يامالك احـلامي .. وايامي .. وسنين العمر
يامهدي .. يامهدي
_
انـي كـل جمـعه انـتـظر يـا اغـلـى نـاسي
بلكي هالجمعه الـتجي تمـسـح لي راسي
انـتـه تـدري بــالـزمـن يـالمــهـدي قـاسي
ولاتـظن فـد يـوم الــك يـاروحـي نـاسي
ساكن وسط عيني .. وتدريني .. اهواك اشكثر
يامــالك احــلامي .. وايــامـي .. وســنين العمر
يامهدي .. يامهدي
_
نورك امـن الكوفه يطلع يمـته اشوفه
وإلـك يالمهدي جعلـت اعيـوني كوفه
تـعبـونــي الــوادم وگــالــولي عـــوفه
مـا اجاك التلـهــج اسنــين ابحـــروفه
صحت ابگلب ذايب .. يالغايب .. راح ابقه انتظر
يامــالك احــلامي .. وايـــامي .. وســـنين العــمر
يامهدي ..يامهدي
_
روحي بسمك ذايـبه يالـمهـدي تـدري
ومـا اجـامـل لـو گلــتلك انــته عـمري
يـوصـلــك ياسـيدي يالــيــتَ شــعري
حتى تعرف ياحبـيبي اشـوگ صدري
صدري الك ضامي .. وگدامي .. مايك ينهمر
يامالـك احــلامي .. وايـامي .. وسنين العمر
يامهدي .. يامهدي
_
بابــي محـد دگـه يالـغـايـب واجـاني
والـوحيد انتـه الـذي تــنـدل مــكاني
تـره مـن غــيرك عـدم يالمـهــدي اني
الــف شــكرا الــك ياصـاحب زمــاني
لو احچي بفضالك .. لفعالك .. ميكفي الشكر
يامـالـك احــلامي .. وايـامي .. وسنين العمر
يامهدي .. يامهدي
_
گلـبي مسجـون بـهـواك وهـذي راحـه
امـروتـك يــالمهـدي لاتـطـلق صـراحه
اتـعودت ويــاك دوم احچـي ابصراحه
ابگاع حـبـي استحـوذت اكـبر مساحه
يالشاغل افكاري .. اسـراري .. يمـك تـنذكر
يامالك احلامي .. وايــامي .. وسنين العمر
يامهدي .. يامهدي
_
انتــه ياقــران حــبي امــن الــبدايه
وبيــك يــومــيــه ارتــل ايـــه ايـــه
حــبي الــك لالـه بــدايه اولانهـــايه
وهـذا هـوه مـختـصر كـل هالـروايه
من اقره كلماتك .. واياتك .. بالحب انغمر
يامالك احلامي .. وايـامي .. وسنين العمر
يامهدي ..يامهدي
_
حيدر تركي الكربلائي
مولد الامام المهدي عج
يا صاحب زماني .. ياكـهفي وأماني
يامهدي .. يامهدي .. يامهدي
ياترافـت عـمري .. وياهـواي العُـذري .. يامهدي
اشهگـك بأنفاسي .. ياغرام احساسي .. يامهدي
ياعـشگ دلالـي .. وياحبـيبـي الغالي .. يامهدي
انته يا اغلـى محـب هايم انــا بضحكاته
بـيك ولـهان الگـلب وانـتـه نبـض دگـاته
لهـفـه بيـه الطلـعـتـك يمته الفرج ساعاته
انته حسن اظنوني .. وماي وجهي ولوني
بطلعـتك چـا يمـته .. تكحـل انته عـيوني
يامهدي .. يامهدي .. يامهدي
………………………………
والله يا معـشوگي .. ما بردلك شوگي .. يامهدي
يافرحـتي وخيري .. يالخذت تفـكيري .. يامهدي
بسمك الهج دومي .. صبح ليل ابيومي .. يامهدي
ياعـُطر وجه الصبح وكـت الصلاه اشـتـمك
ليلي ونـهـاري صرت الـهـج يـغـالـي بـأسمك
عيني ما تحمل هجر مشتاگـه تحظن رسمك
اي وحگ اعيونك .. هايم ومجنونك
طـولت بالـغـيـبة .. ياحبيبي شلونك
يامهدي .. يامهدي .. يامهدي
………………………………
بطيفي لو تلــفـيني .. الفرحه تترس عيني .. يامهدي
روحي الك ملـهوفه .. الغالي يمته انشوفه .. يامهدي
بالگـلب چـم حسره .. لطلـعـت ابـن الزهره .. يامهدي
مرني لـَون دنـيـتي بالوانـها الورديه
روحي يمك امنت منك خـذت حنيه
سيدي مـن المـهد وياك بـيضه النـيه
عشت عمري بخيرك .. وما رحت يم غيرك
وكـبـرتـني بــزودك .. وعـطـفك وتـقديرك
يامهدي .. يامهدي .. يامهدي
………………………………
بروحي اوج اشموعك .. وارتقب لطلـوعك .. يامهدي
احسب ايطل فجرك .. بروحي يمرد هجرك .. يامهدي
بكل صباح الجـمـعـه .. ادعي الك بالطـلعـه .. يامهدي
سيدي بشوگ الدمع ينـزل عالمـصلايـه
اقره قـرآن الـفـجـر ودعيلك ابكـل آيــه
فات يالمهدي شكـثر والباقي هم هوايه
كـل فجـر اتـوقــع .. شمس وجـهـك تطلـع
وتلفي وحشة ليلي .. وليلي اخلصه بمدمع
يامهدي .. يامهدي .. يامهدي
………………………………
اقره الك چم ندبه .. حسين تجبر گلبه .. يامهدي
تـفـرح المعصوره .. فاطمـه المكسوره .. يامهدي
يمن فدوه الصبرك .. فاطمه تنـتظرك .. يامهدي
بهـاي ليـلـة مـولـدك مـن يكـتـمـلـك بــدرك
فاطـمـه ام الحـسن يبـن الحـسن تنـتـظرك
تدعي الله يعجـل بساعـة ظـهورك وامـرك
لله الك دعـواها .. يافـرج بـلـوهــا
واحنه يامهدينا .. ندعي الك وياها
يامهدي .. يامهدي .. يامهدي
الشاعر عقيل الحسناوي..
#تراث
ردتك بدهري للشده ذخري
جا شمعة شبابك ليش دهري طفاها
ــــــــــــــــــــــــــــــــــــــ
لاهذا مو رجواي لاوالله يبني
انه اعتب انه اعليك وانت التذبني
يمكن غريبه اوياك چنت اتحسبني
ويلاه يدهري اواه مدري اشطلبني
افجعني ابمصابك احرمني شبابك
وعني من خذاك وراح روحي خذاها
ــــــــــــــــــــــــــــــــــــــ
وگلبي المردته اعليك وذيچ الاذيه
بيدك وديعه صار يبني من اديه
خذته ورحت وياك نحو المنيه
يبني ابحليبي اعليك رد گلبي ليه
وگلبي الاخذته هل الگلب انت
لمك رد گلبها اردود ورحم بجاها
ــــــــــــــــــــــــــــــــــــــ
گالولي ابنج صار موعد زفافه
ليش اعتنه للموت والعرس عافه
فرحه بشبابه يريد يا فرح شافه
من اسمعت ضليت اصفج وسافه
شنهو جوابي وانه بعذابي
وجف موتك اجه لهروش كلبي ولواها
ــــــــــــــــــــــــــــــــــــــ
وبخيمتك مريت خطفه يجاسم
وكفت شفتها صفوف بيهاالهواشم
هاذي گلت لفراح عرسك علايم
وحنتك جبتها وجيت والوجه باسم
وتاليها يبني بالحومه لني
چفوفك انضرلها هنا محنيه ابدماها
ــــــــــــــــــــــــــــــــــــــ
بمدة رضاعك ذاك وبسهر ليلي
ابسط الم ياذيك من تشتچيلي
گلبي عليك ايذوب وينهدم حيلي
وتضل عليك تحوم روحي ودليلي
ولا تغفه عيني ويهده ونيني
وحته شماكو بيك الام يحصل شفاها
ــــــــــــــــــــــــــــــــــــــ
ابني شجنت بارباك اطلب بدهري
ماردت دنيا ومال منك يضخري
ردتك ضِخر لشيب يوليدي تدري
وانه اصبريت واعليك طولت صبري
وضليت اربيك وعيني تربيك
وتالي روحي تخيب منك رجاها
ــــــــــــــــــــــــــــــــــــــ
او وحده بعد عيناك تربي عليها
چانت يماي العين اتربيه ليها
زفة عرس وافراح اتهنه بيها
ومنك چنت بسهاي انه ارتجيها
مو حگي يبني طلباتي ذني
چا امك يجاسم ليش تنسه رباها
المرحوم هادي القصاب
(178)
#اللهم_عجل_لوليك_الفرج
خروج الضعن ...مولاتي زينب صلوات الله عليها
#ثگيل
كلبي يرف ..وادري يذبحونك
خل اشبع شوف من عيونك
وجفوفي تموت اعله متونك
كلبي يرف
ياخويه من اصعدت الناگه
حته جدامي تكول وداع
ادري من جفوفي بوكونك
وادري بمكتوب وتنباع
وراسك فوك رماح يصلي
والدم يسجد فوك الكاع
روج الطف مايعرف وادم
جانت بل ديوان شراع
خل نرد لا يبهت لونك
كلبي يرف خاف يذبحونك
عيونك تقره الدم والحوبه
وتاكل بينه عيون الناس
كبل الطف ويتراولي
كطعت جفين العباس
اغفه وطيفي يسولف ذبحك
وبعيني رسومك والراس
ليله تسولف وتناغينه
سوالف تنشم وتنباس
دم روحك ..طاح اعله ضنونك
كلبي يرف وادري يذبحونك
.......................
كبل الطف وعيوني تشوفك
راسك يضحك فوك رماح
وادري تودينه بمحملنه
ويردنه بهزله الذباح
كل نجمه نذبحت بعيونك
حته الماعارك هم راح
نمشي وفيي عباس ويانه
وصوت الموت من الفي طاح
الصاحولك راح يخونونك
كلبي يرف وادري يذبحونك
..... .....
طرينه شجم هيمه خلافك
حفاي ومانشرب بلا ماي
عيون الوادم سيف وحافر
بعد الطف الموت هواي
غربلت الوادم بعيونك
طلعت بس الخيمه وياي
تالي رماد الخيمه بعيني
ومضيعه خلافك جم راي
ياتربه بسيف يصلونك ...
كلبي يرف وادري يذبحونك
..............................
بي ريحتهم مرسال الدم
موت يصلي اعله المكتوب
ودعنه وداع الماردو
وصلينه الوحشه اعله البوب
واليعثر بس يم سكينه
فوك رماح الطف مصلوب
من خيل الطف داست صدره
ضل يرف كلبه المصيوب
.................
ياحنطه بسيف يحصدونك ..
كلبي يرف وادري يذبحونك
مصطفى علي الموسوي
اللحن 👇👇👇
#أربعين مولاتي العقيلة صلوات الله عليها
تعالوا يالمشيتوا...هلي الليلة انتظركم
ترة اهواية بطيتوا...و يهد بية هجركم
علية اتعطليتوا...و انة ابالي صوركم
متت يالغربيتوا...و اريد اشتم عطركم
متت شوگ...و اريدن تعتنوني
متت شوگ...أأيس لو تجوني
ادموعي من شوگي هون
اعيوني من دمعي انعمن
♕♕♕♕♕♕♕♕♕♕♕♕♕♕♕♕
أحلفكم يخوتي...تعالولي المسية
فگدكم يعني موتي...و اشد من المنية
صحت و ابعالي صوتي...اشكثر ضيم آنه بية
يولياني و تچوتي...تهد المغربية
ألف موت...و لا موتت سفركم
ألف موت...يولياني انتظركم
ردوا يحماة الضعن
اعيوني من دمعي انعمن
♕♕♕♕♕♕♕♕♕♕♕♕♕♕♕♕
و لا واحد لفاني...لمن غمضت عيني
و بعدني الهسة اتاني...تجوني ابأربعيني
يفرگاكم سباني...و الة عالي ونيني
خذة روحي و عماني...متت يمفارگيني
صحت ليش...يهلنة و آنه اسيرة
صحت ليش...بقيت ابلا عشيرة
و هظمة نسواني انسبن
اعيوني من دمعي انعمن
♕♕♕♕♕♕♕♕♕♕♕♕♕♕♕♕
شجاكم يالنشامى...أحشم و انتو سكتة
و عگبكم ما أنامة...أنة الليل و سهرتة
و اناطر عاليتامى...الضعن آنه الكفلتة
الهجر سدد سهامة...عليــــة و آنه مـيتة
علة النوگ...متت بس آنه عدلة
علة النوگ...يموت اليفگد اهلة
اتحملت ضيم و محن
اعيوني من دمعي انعمن
♕♕♕♕♕♕♕♕♕♕♕♕♕♕♕♕
يعباس ارد اخبرك...شنو الصار اعلة زينب
عگب ما خلص عمرك...سبوني و آنه أنحب
بقيت اشگد انطرك...و انادي يالمعتب
تعال اسلبوا خدرك...و انة الصعبة اتسلب
علة الصوت...يبعد اعيوني وينك
علة الصوت...ترة امسلبيهة عينك
خوية و اجدامي انچون
اعيوني من دمعي انعمن
♕♕♕♕♕♕♕♕♕♕♕♕♕♕♕♕
بعد كل الجرالي...و بعد ذيچة غربتي
و لهسة نفسة حالي...و اعاين ظلمة گبتي
أعاين صحني خالي...و اگولن يا حسرتي
منو ايجيب الغوالي...يطفوهة جمرتي
منو ايجيب...كفيلي و اشيجيبة
منو ايجيب...بعدني آنه الغريبة
و كل مناراتي انطفن
اعيوني من دمعي انعمن
♕♕♕♕♕♕♕♕♕♕♕♕♕♕♕♕
حسين الزهيري
صوت الفرح دلاني..........يا كربله
صار النبض شعباني...........ياكربله
نور الأكبر ...........نور الأكبر
*******
اجمل محطات العمر نرفع نشيده
ونعيش أجواء الفرح قصه جديده
امبارك نگلك سيدي ايامك سعيده
وبشوك ملهوفه وعلي شفت القصيده
انت العشك وايماني..........ياكربله
صار النبض شعباني..........ياكربله
*******
الله بوجنتك خالق الكون وجماله
تشبه محمد بالوصف نوره وكماله
جبريل بالفرحه ابتهج دار الرساله
ويگول صل عالنبي المصطفى واله
بيت الفرح اوطاني...........ياكربله
صار النبض شعباني...........ياكربله
*******
ياعلي الاكبر مولدك ضوه المدينه
وزهار مكه انغمرت بجيتك ولينه
نور الموده بنظرتك رسمت جبينه
يا محلى هاليله الفرح علگنه زينه
حبك علي عنواني............ياكربله
صار النبض شعباني...........ياكربله
*******
فرحتنه تحله ابمولدك ضي العوالم
نبراس دستور العدل شفت المغانم
علگت بيك اجنوني انه وگلبي هايم
تامرني والله بخدمتك تلگاني خادم
بدلت كل احزاني..........يا كربله
صار النبض شعباني..........ياكربله
*******
انت علي وجدك علي ابكل المناقب
ياعلي الاكبر تعتلي بسوح الحرايب
كل النجوم بحضرتك تهوه المراتب
تتغازل الحور اصبحت ويه الكواكب
هيمت كل اغصاني..........ياكربله
صار النبض شعباني.........ياكربله
*******
تمت بعون الله
خادمكم...... يوسف الفتلاوي
إبَّريد العِشگ گلبي ساعي يحسين
ويضل جدمي الخدمتك ساعي يحسين
لَوَن من عمري ضلت ساعه يحسين
أخدمنَّك يبن حامي الحميه
كهف شوگك يمحبوبي ضَمَّاني
واضل الحبك الطاهر ضماني
أنادي آخره ودنيا ضماني
خدمتك يابعد روح الزچيه
سيد علي الموسوي
..
طبـاهه ابن حيدر .. فـحل الميادين
هـزبر وابن هـزبر .. وعيون الحسين
من تعـصف الـرآيه .. يخسفله كونين
سبحانه من فارس .. لو جدحت العين
گمر گمر گمر گمر
فاق السبعه اشما طب يرهب
گمر گمر گمر گمر
زمّ بـجـفـوفه الـرآيـه التـلـهب
گمر گمر گمر گمر
فـقـاره ابهـل الـرؤس ايعــزب
الطف والبلطف حاروا بيك
شطوط الدم سويته ..
عباس المتصدر عالـغـيم
ايصـيح الغيـم وصيـته ..
يم الهـيبه التــاريــخ احـتـار
أعجـاز شـگد راويته ..
••••••••ـ
من لحضة اصياره .. سيد عله الماي
عبـاس ابو الشاره .. عباس الاهواي
والهيبه أبن هـاشـم .. لخيامه سگاي
القــائد البـاسل .. بس هو ابو الـرأي
شهم شهم شهم شهم
وابن امه اليعرضله ويرجز
شهم شهم شهم شهم
والطف تحت اجدامك تهتز
شهم شهم شهم شهم
وعيونك عباس أعضم منجز
الضلمه الما تعبر لخيام
ايطشهه ابعين القاده ..
عباس ابن اليطويهه ارماح
اعله رگاب اليتماده ..
الماي أگبال اعيونه ايطيح
يسمونه احلا الساده ..
••••••••ـ
حيّـد بألـف فـارس .. مـا ينگحم صار
مـن فـدوه لعيـونه .. كـون الله ينـدار
من جربة احساسه .. طف كربله احتار
حلوه وعلي الهيبه .. حيدر علي وغـار
بدر بدر بدر بدر
هاشم من اصياره الگمر
بدر بدر بدر بدر
يتمشه اعله عيون السهر
بدر بدر بدر بدر
يا عباس احلا امـن النهر
فتاك الوادم من يغتاض
ايطلع اعيون الحومه ..
عباس العبرت جيل وجيل
الما ينسوهه اعلومه ..
عباس اليعرضله ابنص گوم
ينسيّه شنهو الگومه ..
••••••••ـ
- خيري الصفراني ✍️
اللـيلـه بگلبي فرحة اتسولف اهواي
وحجي حُب وفرح متروس بالي
علي السجاد صار .. احسين فرحان
غالي وفتح عينه ابعين غالي
الليله امشي و اوزع ابتسامات
بحيث الشافني يفرح الحالي
الشعر دگ باب گلبي وفات فرحان
مامتعني اله هوه الاجالي
گتله أكتب علي ؟. گلي علي اوياك
غير اسمه ولا اي شي حلالي
دخيل المن يصلي ايسهر الليل
ومناجاة وصله امونس الليالي
دخيل المانطق بس بالشهادات
لا .. وتعني توحيد الموالي
الليله بگلبي شوگ امعطش الروح
ارتوي يمته واشوفن گبره عالي
شوكت ياگبته تلمع حته ارتاح
ويمته للبقيع ايشد رحالي
افرح وانكسر ابتسم و. انوب
مثل نجمه شفت دمعي يلالي
ايصير ابجي بفرح لو خاف ميصير
حاير والدمع جاوب سؤالي
اگلهه الليله مولد فرحي ياعين
تگلي انه الحزن صار انشغالي
افرحت بس فرحتي ماجاوزت يوم
وبجيت الراح كله وعله التالي
سكت بيه الفرح گمت اسمع الــ ااااه
عله الفرن بعد ذبح الغوالي
عله الطلعت اگباله تبجي وتصيح
ها عمه علي .. هذا خيالي ؟
عله ها يابو حمزه سامع بيوم
علوية ومشت من غير والي ؟
بجيت الغيرته المجروحه بالشام
وعلى حيله البگه امن العون خالي
وعله العبره التخنگه لمن يگول
انسبت زينب. يبو حمزة الثمالي
ابوحميدة الشويلي
بمناسبة ولادة الامام زين العابدين عليه السلام
ياگمر واعياد. يبن الطاهرين
سيدي السجاد زين العابدين
★★★★★
بحر من ابحور كوكب من سمه
نور من النور ربنا عظمّه
بنوره يمحيها دياجر مظلمه
الجده حيدر ذاك حماي الحمه
منبع الاسرار. عنوان اليقين
سيدي السجاد زين العابدين
★★★★★
الحمل لجل الدين انواع البلاء
تشهد البلواه لوعة كربلاء
عمره للاسلام طاعات اولاء
القاد هاي الدنيا بحبال الدعاء
جدك المبعوث خير المرسلين
سيدي السجاد زين العابدين
★★★★★
دارت الافلاك بالنور ازهرت
والارض بأطياب اسمه اتعطرت
گلوبنه بألطاف سحره اتنورت
امواج نوره الظلمه بيها تعثرت
الميَّزَه الرحمان رب العالمين
سيدي السجاد زين العابدين
★★★★★
يبن طه المصطفى الهادي الكريم
يبن زمزم والصفا وابن الحطيم
ياسبيل الخير بالدنيا ونعيم
علجرح ذكراك اطياب ونسيم
سادس الاطهار وعيون الحسين
سيدي السجاد زين العابدين
★★★★★
يافصاحة ويابلاغات وعلوم
بالدعاء مولاي ذليت الخصوم
مولدك يجلي المواجع والهموم
ارواحنه كوكب على انوارك تحوم
زهرةالمحراب. والحبل المتين
سيدي السجاد زين العابدين
الشاعر حسن لعيبي الحريشاوي
لبو السجاد عشگي أبد ماخاف
وجدمي المِسرِع الخِدمِتَه ماخاف
مادام الحسين اوياي ماخاف
حنين وأحن من امِّي عليه
مدري اشكثر من عمري رحالي
شفت بس خدمة حسيني رحالي
رصيدي لو گرب موعد رحالي
الخدمه ودَمعِتِي لبن الزچيه
امن اماني اگظيتهه ابدربك لماني
او وهم كل لايم ابحبك لماني
منو غيرك يبو اليمه لمَّاني
واصبح مجلسك خيمه عليه
سيد علي الموسوي
يامالك احساسي..يمعطر انفاسي
يا ابا عبد الله...يا ابا عبد الله
ضايع واجيلك...من اعتنيلك
رايد قليلك...يا نور العيون
ابكل النواحي...حبك سلاحي
ليلي وصباحي...بيك آنه مفتون
يمك نجاتي...ابموتي وحياتي
حبك يغاتي...يحيي اليموتون
يافرحتي ونوحي...حبك دوه اجروحي
يا ابا عبد الله...يا ابا عبدالله
گلبي ابغرامه...صار التزامه
واهل الملامه...ماغيروني
يمطيب الذات...يا أجمل ابيات
وبكل الاوقات...يمك لگوني
إي والله يهواي...محتاجك اهواي
بس انت مولاي...تارس عيوني
يا أول وتالي...ياأغله كل غالي
يا ابا عبد الله...يا أبا عبد الله
إسمك يمحلاه...مالحظه أنساه
واصرخ حسيناه...حتى ابمنامي
والعمره سنتين...هم يعرف حسين
عشگ الموالين...إسمك إمامي
دربك هدايه...يهدي البرايه
حبل الولايه...بيك اعتصامي
ياحجة الباري...ياشاغل افكاري
يا ابا عبد الله...يا ابا عبد الله
گلبي يريدك...وروحي تريدك
من فدوه ليدك...إمسح عليه
ابهاي الخدامه...شفت الكرامه
وصارت علامه...واشرف هويه
كلنه ابحماكم...ذبنه ابهواكم
نطلب رضاكم...يبن الزچيه
غيرك يسيدنه...لا والله ماعدنه
يا ابا عبد الله...يا ابا عبد الله
سيد علي الموسوي
ابوذيات مولد الامام السجاد عليه السلام
علي السجاد ميلاده يهلكون
الليله وتفرح بجيته يهلكون
اعدائه بمولده وكلهم يهلكون
ابخت راعي البخت هاي المسيه
علينه ارسومك الباري يطلهه
ثواب الروحي من عنده يطلهه
كون العاشك الليله يطلهه
يظل سهران بالفرحه الزجيه
حليب امي بزغرطاهر يدرباي
بعلي السجاد شع نورك يدرباي
يِعرف گليبي من اعشگ يدرباي
ويظل طول العمر معشوگ اليه
خادم رقية عليها السلام
الشاعر مهند الدريساوي
يبوفاضل دخيلك..يا عين الزجية
بسم الزهره اريدك..تحط عينك عليه
ردت منك يبو روحي
تصب ملحك على جروحي
طفل ضايع لكاه كافل
الكاني يبوفاضل
يا شهم يالماكو يمك مستحيلة
اعطي مسكينك عطاياك الجميلة
غيّر بصدره الهوى وبدّل دِليلة
دخيلك..دخيلك
قمر هاشم سيدي وكافل نعمتي
ارد اقر بالرق الك وأذبح عثرتي
رايد اتذلل واناجيك بدمعتي
ذليلك..ذليلك
يا ابوفاضل يا ابوفاضل
___
بعز الحب اخافك..لا لجروحي انسه
وكل خوف اليمسني..منك ابقه اقدسه
خفت لا اخسر دموعي
خفت مو انته موضوعي
بمحبتك خوفي سواني
يبوفاضل شخص ثاني
يذكرك الصادق دخيلة شمحله ذكره
عميّ العباس محد وصل گدرة
يسوي الف سلمان لو ينضرله نضره
طلبتك..طلبتك
يعني برموشك معسكر للهواشم
وساحل عيونك مخيم للفواطم
ياهو التباوعله صار وياك خادم
نضرتك..نضرتك
__
من نحجي بمراجل..لازم انته تعرض
ولوصارت فراضه..غيرك ياهو يفرض
غيّر بالگلب غيّر
دخيل بجفك اليستر
عليه أفرض برايك
ومشيني على مايك
النخوه خرسه تصير اذا مو انته بيهه
بلا اسمك ناسنه ماصخ حجيهه
سيدي اجفوف الخلگ ليش ارتجيهه
شتاني..شتاني
شوگي مابذرة وتضل انته اشتياقي
ايد غيرك ليش اتاني وانته ساقي
خير غيرك زايل وخيرك الباقي
أماني..أماني
____
..
شما هبت هواشم..عطرك لازم يهب
لو نكتب عقيلة...جفك يبقه يكتب
عطر غيره يهب صدرك
ويحير الرايد يشكرك
الخير البينه والخدمه
منك يا ولي النعمه
كل شرف مصيون بين ايديك صنته
شكو ايد انمدت التارسهه انته
بأمرك يرف شكو شارب راف لاخته
بحميتك..بحميتك
شكو رجفة غيرة من عرجك يحامي
يصب علينه الماي من جودك يضامي
ارتجي منك يضل دمعي اهتمامي
ارتجيتك..ارتجيتك
_____
هنياله اليعاشر..هالنضره الكريمة
اليوكع من عيونك..ما تبقاله قيمة
البقه بعيونك اتدلل
اليفارگ نضرتك ينذل
وردت منك ثباتي وياك
يبوفاضل صحت بحماك
روحي من نفسي المسيئة تشتكيلك
شما انهز غربيلك اصرخلك دخيلك
مغريات الوكت اعبرها و اجيلك
يحامي..يحامي
عالثبات بعالمك تدعيلي امي
لا تخيبهه وتزيد اعليه همي
من تعّد الخدم صيح اوياهم اسمي
يضامي..يضامي
كمر كمر خارق جماله
كمر كمر شيخ الكفاله
__1
ياحلاة عيونه وامتونه يشبه عـلــي
شالته العلويه يشع ضيه ابن الولي
ما يشبهه بنادم بالعالم شكد ازلي
شبل الاسد هوه - بـيه طلگت اللبوه
راضع وفه وخوه - الكال اسمه يتروه
بشر بشر ماكو بصفاته
بشر بشر روحه بخواته
__2
وشحلات الحاجب والشارب زلمة حرب
يــاغزارة علمه ويافهمه مــا يـنـغـلب
شارته بريشاته. بنظراته راحــه ورعـــب
سلم وحرب عينه - جن هيبة حسينه
صمصامه بيمينه - ورد وندى اجبينه
فخر فخر زينب تضمه
فخر فخر ويكلها يمه
__3
جابته البدويه النشميه والله ونعم
ما تكمط عمره جي حره روح الشهم
زينب من اتشيله تناغيله توصله النجم
باليقضه واحلامه - ينشد على اخيامه
بعلو النجم هامه - بخده الكمر شامه
عبر عبر لاح السمـاوات
عبر عبر عد فاطمه يبات
__4
صورته نكابلها ونكلها ادخيل الجرح
جرحه فوگ الحاجب ماطايب ينزف ملح
شوفته القدسية عيديه هلال وصبح
بالصوره ونهابه - حسبة علي احسابه
باب الكرم بـابه - الـدنـگ عـلى اعتابه
كبر كبر كلش مقامه
كبر كبر يرفعله هامه
__5
كعبه زينب عنده من مهده الها يحن
زينب تحب جفه وتلفه بذاك الحضن
تكله مثل اوليدي ياعيدي ام وابن
مربيته هل حرمه - ام وابن همه
كبل امـه هي امه - من الحاسد تضمه
صور صور يرسمها جفه
صور صور للـعـفه وفــه
_
🖊️الشيخ حيدر الحميداوي
وجه الله شع مصباحك.....يالمنتظر
عيسى ابتهج بفراحك.....يالمنتظر
ويرتل القرآن
ب_15شعبان
*******
بخمسطعش نورك صبح للامه محور
ازهرت بيك الدنيا والعالم تنور
ضم الگمر وجهه وفلا يطلع تكتر
والمهدي نور الله وبزغ للامه مصدر
يالتمشي وي شرياني......يالمنتظر
من جبهتي نيشاني.......يالمنتظر
يامنقذ الاكوان
ب 15 شعبان
*******
دنيانه زهرت والكواكب تحمل افراح
مهدينه يسطع جبهته هذا الگمر لاح
يغمرنه نورك سيدي وطيب الاجراح
يامحلى وجهك يبتسم وبعطرك الفاح
محفلنه بس للغالي ......يالمنتظر
هايم صبح دلالي ......يالمنتظر
ماظلت الاحزان
ب__15 شعبان
*******
شعبان من وجهك اخذ احلى ابتسامه
وبوجنتك اجمل فرح موجوده شامه
نرجس تبوسه ابجبهته چانت علامه
ياحجة الله عله المله شفنه الكرامه
عايش تظل بحساسي.......يالمنتظر
عطرك عطر عباسي .....يالمنتظر
فرحتلك الاوطان
ب_15 .. شعبان
*******
فرحتنه تحلى بمولدك وبكامل اوصاف
مثل الورد تزهي بجمالك شفنه الطاف
اجمل شعور بنظرتك من طيب الاعراف
وتحفك املاك السمه من نسل الاشراف
حبك ملك وجداني.......يالمنتظر
اجمل ذكر بلساني.......يالمنتظر
يتواجد الإيمان
ب__15 شعبان
*******
اجمل محطات انتظارك طول السنين
مانشف ادموعه المحب مرسومه بالعين
نتلاگه وين ابرايتك يم صحن الحسين
وديم نسمات الفرح عشك المجانين
حبك صبح عنواني.........يالمنتظر
يكتمل بسك ايماني........يالمنتظر
وبتهجت الاديان
ب_ _15 شعبان
*******
تمت بعون الله
#خادمكم......يوسف الفتلاوي
أقـمار نورانيه - أعـــياد شعــبانيه
أفــــــراح يامـــحلاهه
بقــــــمارهه نــــتباهه
-------------------------------------------------------
1= عــوام هالـيوم أفرحت والساده
شعـبان أجانه وياهلا بميعاده
صار الذي يــناغي الكلب ميلاده
هاي الساعه محلاها
حسين بـنوره حلاها
بيها الشيعه فرحانه
عـيد الباري سواها
أيات قـــــــــرأنــــيه -- أوقـــــــات وجدانيه
ياناس ماننساهه
بقــمارهه نتباهه
2= شعــبان بهلاله عــطر شمينه
ميــت هلا بشهر الفرح نادينه
نسهر هتـفـــنه للفجر خلينه
حسـين الليله ميلاده
بجــيد الكـوكب كلاده
نبعــث تهنئه الحيدر
وزينب عــمة الساده
بالفرح خل نتشارك -- يافــاطمه ومبارك
نتبسم أحنه وياهه
بـــقمارهه نتباهه
3= مشتاك أهني المصطفى هالليله
وأجمل أبيات من الغــزل أهديله
وشموع مالهــــن عدد أضويله
مبارك يانبي الرحمه
جفـك منـترس نعمه
سجدت شكر للباري
بمــــيلاد السبط أمه
أملاك اليخدمـــونه -- عاجبها نور عيونه
ربك كريم أنطاهه
بقـــمارهه نتباهه
4= تحله حـــياتي بالفرح الأسيادي
ميلادهـــم أعـتبره أحله عيادي
موروث ماخذ من هلي وجدادي
ألــبس أجمل أثــيابي
وياس أنــــثر ع بابي
حنه أعجــــن بصينيه
أحني جفــوفها أحبابي
ومن الصبح يوميه -- بهلهولت الحجــــيه
أبدي الصلاة بطه
بقـــمارهه نتباهه
5= عالكبه رايه مـــن تصد تـلكاها
من تنضر بعين الكلب معناها
هالدنيه ربك لال طه أنطاها
بيهم توصل الربك
سلم للـــــطهر كلبك
بغير حسين صدكني
ماتـــندل بعد دربك
أفراحهم أفراحي ** حبهم دوه الجراحي
ما شِئتُ أن أبقى وحيداً كالغريب ..
صبراً لربِّ التائهين وما يشاء
أبكي وما نفعُ البكاءِ لضائعٍ !
لكنَّ عيني أمسكتْ كفَّ البكاء
غريب وماتو اهلي وربعي واحلامي
ثلث مرات عثرت اختي گدامي
عبرت على النهر والخيل تشرب ماي ..
رخيص الماي واغلى إنسان ظَل ضامي
شوگ وما اعرف شلون
اسمع صوت اليموتون
خوفٌ يحيطُ الضاعنونَ إلى الأمان ..
ما عادَ يرجو مُنقِذاً حُزنُ الغريق
ربّاهُ إنّي متعبٌ ، أينَ السبيل ؟
لا أدري فيما ينتهي هذا الطريق
تعبت من الگلت والگال وأنفاسي
وبقت تفتر أوجوه الماتوا براسي
يا شباچ ! أنه المخنوگ من الناس ..
خلصوا ناسي وأنا لهسه ما ناسي
حالة والدي حاله
و شابع نوم چتاله
شاءَ القديرُ وخيرُ ما شاءَ يكون
لكنَّ عمّاتي يخافنَّ العيون
قد أتعبَ العباسَ صوتُ صُراخِهن
كادَ يجرُ السيفَ في طرفِ السِنون
راد يگوم أبو فاضل و رجعوله
عاين خدرك بلا خيم گالوله
شال عيونه المغطيها دم وأتراب
وجابوا جثة التاريخ مشيولة
ولكن حكمة الباري
يزيد يچتّف أسراري
____نعي الى الوالده
مجاريد
~~
انه ياناس مااريدنها دنياي
بعد امي الحنينه الچانت اوياي
****
سنه المرت يويلي الفگد الاحباب
ماردو الي اوعيني عله الباب
شيرده الي من تحت التراب
*
سكنت بالحد امي اونسيتني
عليها من البچي امي عمتني
يريت اوياها الحبيبه خذتني
****
چانت هيه امي شمعة البيت
بعد المن عگبها انه ضليت
من كثر البچي والفرگه سليت
*
اجي کل یوم الفي الصبح يمها
اقبل اجفوفه امي واشمها
ياوسفه الحد عن عيني ضمها
*
افراگ الام صدگ لوگلت صعبه
بعدها النفس باللوعه اجذبه
واعليها الدمع من دم اسچبه
*
هاي امي الحنينه نور العيون
اشلون اگبالي صعبه من يشيعون
وياها خذو گلبي يدفنون
*
اصد امچانه خالي الحنينه
يظل امصابه والحركه بينه
مايبرد گلبنه من بچینه
**
بعد اشلون اطب البيت خالي
ضوه امي انطفه اليضوي الليالي
يريت امي تجي واتشوف حالي
*
يريت من ال گبر تلفيني هاليل
اوتنشف بيدها ادموعي التسيل
اوگللها افراگچ هدم الحیل
راحت عني امي اومن يردها
عن عيني الدهر وسفه بعدها
يریت اترد الي واگعد ابسدها
بس ذكراتها ظلت يويلي
ماضن فاطمه امي تجيلي
بعدها ابكربله من ينتخيلي
*
تمت
الشاعر فالح العامرينعي للزهراء
……
شحال الفاگد امه بهاي الايام
ويعاين يشوف البيت خالي
هذا فراشج وهاي التصاوير
تسولف عالحصلي والجرالي
ييمه وداعتج خلصت الدموع
وظلت شاهده الحالي الليالي
صار البيت اظلم عگب عيناج
ضحكتج دوم تفتر اعله بالي
اصيح احاه يمه بتالي الليل
تعالي يم حسن يمه تعالي
گبل جان شحلات الگعده وياج
هسه الوحدي وبالظيم حالي
…… ..
يمه ماينجهب صار
خلافج البيت اليوم ماينجهب صار
يمه مرينه خطار
ابداعت ليالي ارباج مرينه خطار
يمه ياحال الزغار
الظلو يتامه شحال الزغار
يمه مانهوه هالدار
المنج خلت مانهوه هالدار
…… ..
علي الحاج الصبيحاوي
لمولد الامام الحسين ع
.
.
.
حبيبي الغالي .. حسين
نـبــض دلالـي .. حسين
يعيـش ابـالي .. حسين
ابا عبد الله
____
غيره ما اعرف أبــد .. امن الزغر منطي عهد .. وقـل هوه الله احــد
يدريني
عنـه لا ما أفــترگ .. يجري بـعروگي العشـگ .. حب ابو اليمـه صدگ
يحييني
ابحبه اني اتشرفت .. مثل شخصه ماشـفت .. چنت ضامـي وعــرفت
يرويني
اي وحق روح القدس .. ابحبه گلبي منترس .. انه بس حسين احس
ينطيني
ويضل يبرالي .. حسين
نـبــض دلالـي .. حسين
يعيـش ابـالي .. حسين
ابا عبد الله
____
حبه وي روحــي نــمه .. واصبح ابــگد السمه .. اعـليه تشــهد فاطــمه
مولاتي
اسمه في دمي جره .. اقـــسم ابـحــق حــيدره .. انــي دوم اتـــذكــــره
ابسجداتي
ماشفت مــثله وَفــي .. ابعــيني لامــايخــتفي .. حسين اصبح مصحفي
واياتي
ابروحي چن شلته أمل .. وشوگه بالروح اشتعل .. وعرگت ابگد الخجل
كلماتي
ملــك امـــالي .. حسين
نـبــض دلالـي .. حسين
يعيـش ابـالي .. حسين
ابا عبد الله
____
حسين سوه قيمه الي .. وارد اگــلـــه يالــولي .. اشكرك يابو علي
يعيوني
واجب اعليه الشكر .. اويه الشكر كون اعتذر .. لچن رايدلي عمر
تدروني
انه ما احچي غــزل .. حـبـي بــاقـي لـــلازل .. ويه ابو اليمه اظل
بجنوني
امن امي والله اتعلمت .. هذا الجنون وهمت .. وللحبيب استسلمت
بظنوني
الوحيد اهدالي .. حسين
نـبـــض دلالــي .. حسين
يعيــش ابـالـي .. حسين
ابا عبد الله
____
نلت اعظم منزله .. من صرت خادم اله .. اتنفست مـن كربله
هالخدمه
نعمته ماتنحسب .. صعبه يحملها الگلب .. اني اتحـمل صعب
هالنــعمه
اشتغل عنده عبد .. وهاي رادلها حـمد .. والله عن فضله تسد
ياكلمه
حبي لو عنه بحت .. انه مجنونه صحت .. انه من فدوه رحت
والأسمه
احسه اگبالي .. حسين
نـبــض دلالـي .. حسين
يعيـش ابـالي .. حسين
ابا عبد الله
____
ما امــل من مطلبي .. يشهـد الله والنبي .. حسين ديني ومذهبي
وماعوفه
الحمد لله والشكر .. روحــي لحسين الــطهر .. انــي نــاذرها نــذر
معروفه
الغيره احبك ماگلت .. اســمه بعـيونـي شلــت .. والله يــاما رتــلت
بحروفه
نظرته نظرت وحي .. واني من فضله استحي .. افضاله لاماتنمحي
موصوفه
يضل للــتالي .. حسين
نـبــض دلالـي .. حسين
يعيـش ابـالي .. حسين
ابا عبد الله
____
عطره اشمه بالهوه .. وابقه اسئل بالضـوه .. گلبــي منـه ماروه
محبوبي
روحي اشعر تنعصر .. منــه ماشابع عطـر .. نسـمته كــل مــاتمر
بدروبي
ابحب ابو اليمه طحت .. وين ما اني رحت .. من يوصله صحت
مكتوبي
الحـب الــه يامــكثــره .. حـقه بيــه المــادره . لاتلــومــوني تــره
بسلوبي
وتضل اقوالي .. حسين
نـبــض دلالـي .. حسين
يعيـش ابـالي .. حسين
ابا عبد الله
____
حيدر تركي الكربلائي
اللّهُمَّ يا مَن دَلَعَ لِسانَ الصَّباحِ بِنُطقِ تَبَلُّجِهِ، وَسَرَّحَ قِطَعَ الّلَيلِ المُظلِمِ بِغَياهِبِ تَلَجلُجِهِ، وَأتقَنَ صُنعَ الفَلَكِ الدَّوّارِ في مَقاديرِ تَبَرُّجِهِ، وَشَعشَعَ ضِياءَ الشَّمسِ بِنُورِ تَأجُّجِهِ،
يا مَن دَلَّ عَلى ذاتِهِ بِذاتِهِ وَتَنَزَّهَ عَن مُجانَسَةِ مَخلُوقاتِهِ وَجَلَّ عَن مُلاءَمَةِ كَيفِيّاتِهِ،..
🌹هوسات🌹
حوار بين الشمس والقمر
ايوصفن جمال علي الأكبر ((ع))
الگمر حاچه الشمس ويگلها حسبالي
جـمــال الكـون كـلـه اتـصوّرت مـالي
يـحـلالي قـبـل كـل وصـف يـحـلالي
(( وجـه الأكـبـر احـلـه اهـوايـه ))
*-----------------------*---------------------*
الشمس سمعت گـمـرنـه اوافقتة الراي
گـالـتـلـه استحيت اوجهي صار افّياي
چـنـت مـغـروره كلش بالجمال اهواي
(( ومـن شـفـتـه احتاريت ابـنـوره ))
*-----------------------*--------------------*
قـبـل وحـدي أحسّن تسحـر اشفافي
گـمـر بـالليل وجهـي يسطع اوصافي
خن بـطـل غـرور ويـاشـمـس كـافي
(( ماعدنـه اشويـه مـن اوصافـه ))
*-------------------------*--------------------*
الشمس گـالـت بـعـد بالـنـور ما ننغر
الجمـال المن صـدگ مخلوق للأكبـر
ربـنـه ابـقـدرتــه بـي ابــدع اوصـوّر
(( سبحانـه الـصـوّر سبحانـه ))
*--------------------------*-------------------*
✍خادم علي الأكبر ع
الشاعر رعد الجريخي💐
ان الامام زين العابدين (عليه افضل الصلاة والسلام) بالعكس من حيث ان الانطباع المتزايد والمشهور عنه هو العبادة دون الفقه والعقائد فقد يخطر في البال مع ضحالة في التفكير وتدنيه ان صفة الامام السجاد هي العبادة فقط وان صفة الامام الصادق والامام الباقر (عليهما السلام) هي الفقه فقط او نحو ذلك.
الشهيد السعيد السيد محمد الصدر قدس سره.
منبر الكوفة المقدس الجمعة 44.
هله بنور الامامه ومبسمه واسمه
مله الدنيا بضواه وزاح كل ظلمه
علي السجاد راعي العلم والحكمة
(أتعطر شعبان بميلاده )
الشاعر حسن لعيبي الحريشاوي
يلي تريد العشگ اصله وطريقه منين
لذته ادموع وبچي حد ماتذوب العين
وبيه الگلب يحترگ لوينفطر نصين
يلي تريد العشگ تلگاه يم حسين
( للجنه أچفوفه اتودينه )
الشاعر حسن لعيبي الحريشاوي
مولاي...هذه دعوتنه
كل عام...وانت خيمتنه
يا حسين...يا حسين
بالفرح تتبادل الناس التهاني
كلهه تدعي وترجو تحقيق الأماني
إي وحگك يا حبيبي الماله ثاني
إلك يامولاي اقَدِّم إمتناني
يحسين...تعله صيحتنه
كل عام...وانت خيمتنه
يا حسين....يا حسين
صحت يامن طَيَّبِت بالخدمه ذاتي
أسعد الله اگلوب خِدَّامك يغاتي
وادعي ربي بالمجالس وابصلاتي
ياحسين اوياك أگضي كل حياتي
لولاك ...سيدي مِتنَه
كل عام...وانت خيمتنه
يا حسين ...يا حسين
انصيح خدامك نظل وندعي كلنه
عالعهد مولاي والمهدي أملنه
ياحسين وحبك ايصَدِّق عَمَلنه
اشما تِباعَدنَه الخِدامه اتلم شَمِلنَه
يل بيك...تعله رايتنه
كل عام...وانت خيمتنه
يا حسين...ياحسين ...
سيد علي الموسوي
عشكي وكلبي وروحي بديك
*
عفت كلشي الخاطرك تدري وجيتك
ولحضه وحده يا حبيبي ما نسيتك
عايش ويالروح محبوبي لكيتك
امن الزغر يحسين تدريني هويتك
ولو ضاكت بعيوني اجيك
عشكي وكلبي وروحي بديك
****
الك سهم الراحه يالكلبي سكنته
هوه بس انته حبيبي وتبقه انته
الهوه الجيبلي عطر منك شبگته
اسمك بعيني يبو اليمه رسمته
خذني الكلبك ميت عليك
عشكي وكلبي وروحي بديك
****
انه احبك وشكثر عاشك حنانك
ومحد بكلبي وعلي ياخذ مكانك
كلش أبرد من اطب روضة جنانك
ما شفت معشوگ يالغالي بزمانك
كلشي بطيفي ايذكرني بيك
عشكي وكلبي وروحي بديك
****
ما شفت معشوگ بالدنيه بجمالك
انه احبك حيل واحتاج الدلالك
جيت الحر كلبي يالغالي اجالك
اشلون يالمحبوب اكطع من وصالك
نبضي وعمري ودوم ارتجيك
عشكي وكلبي وروحي بديك
****
انه احب انسان ماليني شعوره
كلشي بيه ايطيب يا ناس امن ازوره
اشكد احبه وصورته عندي احله صوره
حسين هوه الشمس مالي الدنيه نوره
كتله اقبلني وقربني ليك
عشكي وكلبي وروحي بديك
**
تمت
تحسين الخفاجي
هذا عباس راعي الاحساس
والوفه البعيونه صعبه ينقاس
نورتنه اعياده. يا هله بميلاده
صعبه ينقاس
*
عالحسن يا ناس طالع ما فرغ ما عونه
ويشبه حسين بجماله عيونه مثل عيونه
وهوه الرايه بكل دقيقه. ايسلم اعله امتونه
حبيته هله هله
ناديته هله هله
واليته هله هله
نور العيون. نور الكون
بالمهد وجفوفه. لزمن ام عون
انولد عم الساده ياهله بميلاده
صعبه ينقاس
*
طلكت ام عباس طلكه. وخلفت هذا الولد
الدنيه ما كفت الجفه اشلون كفاله المهد
عفيه اخوي اتصيح زينب هله بخيال الشدد
من زغرك. هله هله
كل عمرك هله هله
وانتظرك شهم هله هله
ومن الكحيل. تجفل الخيل
وحته كسرت حاجبه. عجبت الليل
قائد اعله القاده. يا هله بميلاده
****
هله بخيال المراجل هله بحزام الضهر
امرايه حط كدام وجه. وشاف روحه بالكمر
لو سمع عطشانه زينب. جان يتحول نهر
بجفوفه هله هله
ميعوفه هله هله
وحروفه هله هله
وكت الازماط ايكطع الكماط
هذا نبع الغيره. وكاطع اشواط
ما نعد امجاده يا هله بميلاده
*
هذا ابو الخوه العظيمه. والفخر يحلاله
خله زينب وسط عينه. وعلم حيدر شاله
للحسين اهواي باوع. والشريعه اباله
وعلومه هله هله
مرسومه هله هله
من يومه هله هله
صاحب الجود. ينطي الزنود
والمواقف باجر توكف اشهود
بكربله ميعاده. نولد عم الساده
****
تمت
تحسين الخفاجي
يشعبان
الله يكثر اعيادك يشعبان
جاب الفرحة ميلادك يشعبان
الأشهر كلها حسادك يشعبان
ندعي نبقه عوادك يشعبان
حته الاشهر صاحت ياشعبان شكد مبخوت
__
بالحسين
الليلة ينبض احساسي بالحسين
الليلة اتسبح انفاسي بالحسين
خير الصاير براسي بالحسين
صيتي وقدري عد ناسي بالحسين
حبك مايتعوض مثل الخبزه بوكت العوز
_
ياعباس
بمهدك تجدح اعيونك ياعباس
ما تقبل يلعبونك ياعباس
الماي شما يصل دونك ياعباس
ترفضه ومن يشربونك ياعباس
الماي وانت بزغرك صاح دخيلك يالعباس
___
يالسجاد
بالف مبروك ابديلك يالسجاد
ورد هاليلة اوديلك يالسجاد
لو سجادة اهديلك يالسجاد
الصلاة هيه الي تصليلك يالسجاد
انت الماطخ راسك بس مت تسجد للمعبود
____
يمهدي
بعد جم ليلة شنكلك يمهدي
اخجل من اباركلك يمهدي
تمنيت انه اندلك يمهدي
عدل لو ميت اوصلك يمهدي
لسه دموعك حمره وتبجي بصحن حسين
قناة متواضعة واتمنه منكم تدخلون قناتي والكم الجر والثواب
🙏🙏