1950
@telegram.me/amarr_hasnn
"
يادمعتي قومي لسبط محمدٍ.
وتأهّبــي لمحرمِ الأحزانِ.
قومي و واسي فاطماً بهلاله
وآستقبليه بحسرةِ الوجدانِ.
🍃✨
هذا العزه وهذا اللطم دائم
منا لحد مايضــــهر القائــم
——————-
لو هل محرم تهمل الدمعه
وهذا الشعار الخالد نرفعه
دائم عزانه لفاطمه البضعه
والخادم يضل كل سنه خادم
——————
اول محرم نرفـــع الــرايه
وعن الشعائر كالت الايــه
تقوى القلوب الكم يوفايـه
هاي الشعائر ترعب الضالم
—————
تبقه الملابس للابد ســــوده
وهاي المجالس تبقه موجوده
كلمن يضدها ايامه مـعدوده
باجر نشوفه بالحشر نادم
——————
عاهدنه ربنه ونرجع نعاهد
بهاي الخدامه لازم نجاهـد
مايبقه شيعي بمنزله كاعد
جوه المنابـر كـعدته لازم
——————
ياناعي يلا أتـــوكل واقــره
واقوى نريده الشاعر بشعره
جمره وابد ماتنطفي الجمره
تجوي گلبنه والگلب هايم
—————
شهر الحسين شمحله ايامه
وكل خادم يشد للعزه حزامه
بعاشر محـرم نطبر الهامــه
والدم يواسي المرتضى وفاطم
____
مهدينه بعد غيابه من يضهر
تصير المـجالس اكثر واكـثر
وبالعشره الاولى يرتقي المنبر
ينعه اعله جده الذبحته الوادم
——————
سيد معتز سلام الحسيني
يأمــَن يطــبني واروح وياكـم!
روحــي لهجركم لا بعد مـابيــَه 💔
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
︎
رياحَ محرم الحزينة قادمِة لـ نتنفس حزن عاشوراء لنبقىِ على قيد الحُسين✨ .
#هوسات_غديرية
ـــــــــــــــــــــــــــــــــــــــــــــــ
بتنصـيب الــولي ســيد علــي فرحان
و بدال الشـمع شاعل حيـفا بالنـيران
و هالعــيد ابمعــيّت صـواريخ ايـران
(لا ما طَش الچگليت طش بالساتي)
ـــــــــــــــــــــــــــــــــــــــــــــــ
حـــي الله الرجــال الخــامـنائية
علـى اسـرائيل سـوّتها الغـديرية
و الضــربات توجـع مـية بـالمية
( دگّوهم دگ الهيل بالبالستي )
ـــــــــــــــــــــــــــــــــــــــــــــــ
فـرحتــنه عـــطر بـارود منــها يفـــوح
و ترس صدر الكيان الخامنئي اجروح
مـوجة بعــد موجة الــصواريخ اتروح
(من طارن من طهران ردت روحي)
ـــــــــــــــــــــــــــــــــــــــــــــــ
الحمدلله
علي_حسين_الكناني
"وجعلَها كلمةً باقيةً في عَقبِه"
🐬بلّغها الحبيبُ محمّد "ص" عن الله عزّوجلّ في غديرِ خُم ، لتنسابَ عبرَ الأجيالِ، مترنّمةً بميثاقِ الأيدي والألسُنِ، عازفةً أنشودةَ الولايةِ لِمن غرَفَ أسنى لآلئ الإيمانِ من بحرٍ عميقٍ،
🐳ونحن نبايعُك يا رسولَ الله بقلوبِنا وأنفسِنا، على ذلك نحيَا ونموتُ ونُبعثُ، ولا نَنقُضُ المِيثاقَ
🦋عيد الله الأكبَر، لأنّ كلّ الْأَعْيَاد يَحْتَفِل بِهَا الْمُنَافِق وَالْمُسْلِم إلّا عِيد الْغَدِير ، فَلَا يَحْتَفِلُ بِهِ إلّا الْمُؤْمِن،
🤲🏼امانتي اديتها، وميثاقي تعاهدته🤲🏼
# غديرُ خُم، الميثاقِ والأمانَة
في مثل هذا اليوم، نقف وقفة وفاء واجلال لذكرى شهدائنا الأبرار في مجزرة سبايكر، أولئك الأبطال الذين ارتقت أرواحهم الطاهرة على يد قوى الظلام والغدر في صيف عام 2014، في واحدةٍ من أبشع الجرائم التي عرفها تاريخ العراق الحديث.
نستذكرهم اليوم وقلوبنا مفعمة بالحزن على فراقهم الأليم، وبالفخر لصمودهم وبسالتهم وهم يواجهون الموت بجباه مرفوعة، وقلوبٍ مؤمنة بوطنهم.
إن دماءهم الزكية لم تذهب سُدى، بل كانت نبراسًا أنار درب التحرير، ووقودًا لانطلاقة النصر على قوى الإرهاب والظلام.
لقد زرعوا بأرواحهم الطاهرة بذور الكرامة، فأنبتت صبرًا وعزيمةً وإرادة لا تنكسر.
لن_ننسى_سبايكر
#حيرة
اجتاحتني الهموم ذات يوم ، وخيَّم عليَّ الحزن ، وشعرتُ فعلًا بالضياع ، احسست وكأني معلقٌ بين السماء والأرض ، لا ادري هل انا من أهل الله ام من جند ابليس الرجيم ؟!
غرقت في تلك الليلة في بحرٍ من الهواجس وانا ارى نفسي متعلقا بأستار المادة ومصطبغا بالوان النفس ومشتهياتها ...
اخذتني الأفكار بعيدا بعيدا ... حتى صرت محبطا ويائسا وقانطا مرة واحدة ... ورددت اكثر من مرة :
آني ويني وين الإيمان ؟!
ويني وين الطريق ؟!
جاي اضحك على نفسي !!!
وسط هذا الشعور بالضياع شعرت بقوة تجذبني إلى دار الأستاذ ، فهرعت اليه كالمجنون !
وجدته يسقي حديقته الصغيرة ، ويداري ورداته اللآتي اطلق عليهن اسماءً جميلة ...
وبعد ان القيت عليه السلام رد السلام وقال : تعال تعال ...
فلما اقتربت منه قال فجأة :
انت تؤمن بوجود الله ؟!
طبعا ، طبعا الله موجود بلا شك .
تؤمن بيه قادر ؟!
اكيد ، قادر على كل شيء .
قال بابتسامة غامرة :
اذن انحلت المشكلة ، توجه اليه بقلب محب - حتى لو محطم - واطلب منه ان يعينك ، ومهم جدا تتوسل بسادة الوجود أهل الولاية على الخلق (عليهم السلام) وبدنك متجه نحو كعبة القلوب والاجساد واطلب منه ان يرفع الحجب عن قلبك !
سكت قليلا ثم قال :
يونس النبي (على نبينا وآله وعليه السلام) لما توجه اليه وقال : ( لا إِلهَ إِلاَّ أَنْتَ سُبْحانَكَ إِنِّي كُنْتُ مِنَ الظَّالِمِينَ) فمباشرة كان الجواب : ( فَاسْتَجَبْنا لَهُ وَ نَجَّيْناهُ مِنَ الْغَمِّ وَ كَذلِكَ نُنْجِي الْمُؤْمِنِينَ) .
فزال همي ، وانشرح صدري ، وتوجهت بكل وجودي للتوسل بالعترة الطاهرة وترديد الآية المباركة والحمد لله رب العالمين .
#حكاية_الشمس 2
🖊️ الشيخ علي المياحي
/channel/ali11041
وعَلىٰ سَبِيل السَعادة عيدُ الغديرِ يَقتربْ ..
Читать полностью…
تراثي//
اه يحسين ياخويه
شسولفلك يخويه وريحت الخوه
دوهني الوكت يحسين ياسلوه
من بلوه اكوم اوعثر ابلوه
وتعبني الطريج اوحيل تعبانه
تعبني السبي وشيحمله ممشانه
مرات إنه أحاجي الروح موش إنه
موخوش الضعن موخوش ممشانه
من سوگ اولسوگ انطب بلولايه
اه يحسين ياخويه
༺༺༻༻༺༺༻༻
ياخويه اوطريج الشام تعبنه
بلف يحسين گوه اليوم اعبرنه
موزين الحچي موزين اسمعنه
كلهه أصيح زينب هاي شوفوها
كلهه اصيح زينب هاي طلعوهه
فروها اعله سوگ الشام فروهه
ابدرب البيه شماته اهناك وگفوها
وكل الشام صيح هاي مسبيه
اه يحسين ياخويه
༺༺༻༻༺༺༻༻
خلوه ابطريح الماتريده ام عون
وكلهم گابلوني اوگامو ايضحكون
هاي ابلاعشيره اسمعهم ايگولون
ترضاها يخويه تحسين ترضاهه
حادينه وگف ويحشم الوادم
تعالو اتفرجو أعله امخدرة هاشم
جبناها وخوها احسين ضل نايم
هاي الخارجيه اومحد اوياهه
اه يحسين ياخويه
༺༺༻༻༺༺༻༻
شسولفلك بعد عن طبت الديوان
ديوان الخوارج موش للنسوان
كلهم موش اهلنه موبني عدنان
احشمن لونهم عالو اعليه
الوذ من النضر عن لايشوفوني
اوذيچ اخت البلايه اچفان صاحوني
من دون النسه يحسين شتموني
عگب ذاك الخدر بس اصفج أيديه
༺༺༻༻༺༺༻༻
اجيتك والهوم امثگله اچتافي
صار اهواي جفن اختك ولاغافي
متعافي اليسر وياي متعافى
اجيتك بلسياط امورمه امتوني
اجيت من السياط امتون ماعدي
وتدري السوط مايرهم للبگدي
ومن گد البواچي حفرت خدي
گوه احچيهه بس ياخويه چتفوني
اه يحسين ياخويه
༺༺༻༻༺༺༻༻
الميرزا_حسام_الناشي
عيدكم مبارك
وكل عام وانتم وعوائلكم الكريمه بالف الف خير يا ربي ينعاد عليناوعليكم بالصحة والعافية والستر ودوام الموفقيه بحق محمد وآل محمد
قصيدة بمناسبة يوم عرفه المبارك...
****
لبيك اللهم قد حان السفر
لبيك اللهم حد كطع النحر
...
بك ياالله..ابتدي برحلة جهادي وانته وياي
بك ياالله..خل يعطشوني يربي حبك الماي
بك ياالله.. تارك الدنيه واهلهه وبالضعن جاي
من بيتك وامهاجر اني الكربله
وياي ابهالسفره جايب عائله
وعبدالله امناغاته اتخوف حرمله
لبيك اللهم قد حان السفر
لبيك اللهم حد كطع النحر
...
ادري يالرحمان..ماعله الكعبه طفت ويه اليطوفون
ادري يالرحمان.. الحج الاكبر لمن بجسمي يسلبون
ادري يالرحمان.. وانه اضحيلك وريد وهامه واعيون
بس رايد من لطفك ترحم شيعتي
اتسجلهم ياربي بدفتر خدمتي
كالزارك ياربي الراد ازيارتي
لبيك اللهم قد حان السفر
لبيك اللهم حد كطع النحر
...
باجر الحجاج..تذبح الوجهك أضاحي اتوزعه للناس
باجر الحجاج..وانه هم افديك الاكبر وردة الياس
باجر الحجاج.. تفتهم إن الصراط اجفوف عباس
والقاسم افديلك وانصاري سوه
والحج النوراني بوادي نينوه
افضل من الكعبه وعالي المستوه
لبيك اللهم قد حان السفر
لبيك اللهم حد كطع النحر
....
راح اسوي اهناك.. كل مراسيم العباده امن ابقه عطشان
راح اسوي اهناك.. عالرمح منبر وراسي يقره قران
راح اسوي اهناك.. ثاني كعبه وللحوائج عندي بيبان
مستشفى أمن ايطبلي الزاير يبتشر
يتعالج بترابي وبذاك العطر
من بابي الشباجي صرخات وذكر
لبيك اللهم قد حان السفر
لبيك اللهم حد كطع النحر
...
باجر الزوار.. تهتف ابكبري وتنادي بدمعة العين
باجر الزوار..أكثر أمن الكعبه اعداد المحبين
باجر الزوار.. بالمواكب والبيارغ تخدم احسين
زواري وخدامي ايسرون الكلب
مشايه ولطامه متروس الدرب
ايطبخون ايوزعون ايريدون القرب
لبيك اللهم قد حان السفر
لبيك اللهم حد كطع النحر
....
محمد الجماسي
"
"يا مُثبّتَ القلوب، ثبّت قلبِي عَلى حُبِّ الحُسَين".
🍃✨
"
اللهُمَّ بِبابِكَ وَقَفتُ وَبِفِنائِكَ نَزَلتُ وَبِحَبلِكَ اعتَصَمتُ وَلِرَحمَتِكَ تَعَرَّضتُ وَبِوَلِيِّكَ صَلَواتُكَ عَلَيهِ تَوَسَّلتُ فَاجعَلها زيارة مَقبُولَةً وَدُعاءً مُستَجاباً.
#يا_ابا_عبد_الله
🍃
مُحّرمٌ جاء واللهُ قد شاء
نُحيّي شعائر الحُسين
نّحيّي تراث العاشقين
ــــــــــــــــــــــــــــــــــــــ
الله اجتبانه ابرحمته شعليهه بينه الوادم
خالق ادينه للّطم رازقنه بالـمآتم
جبريل هز مهده وهتف ياايها العوالم
مَن مثلي وآنه أصبحت لابن الزجيه خادم
لَـمّا وَعيّناه حُزناًبكيناه
بالحُبٌ صٌرنا مؤمنين
نُحيّي تراث العاشقين
ــــــــــــــــــــــــــــــــــــــ
احسين الهوه النتنفسه موبس مجرد حضره
وهو السفينه الناجيه ابيوم العسر نعتبره
گال الرسول المصطفه ابيوم انولد للزهره
سيخلق الله لهُ شيعه تجدّد ذكره
لَهُ ينوحون عليهٌ يبكون
بُكائّنا حِصنٌ حَصين
نّحيّي تراث العاشقين
ــــــــــــــــــــــــــــــــــــــ
اخذو العشر تشهر سوه وانطوني بس هالشهرين
انطونه محرم أو صفر بيهن نعيش اوي احسين
مثل الرزق هوه الدمع واحنه صدگ مرزوقين
يشتغل رادار الگلب وايعاز ينطي للعين
فظل من الله نبكي حّسيناه
إنّا تَبٌعنا السابقين
نّحيّي تراث العاشقين
ــــــــــــــــــــــــــــــــــــــ
باول محرم من يهل عدنه تصير اقرايه
عاشور واندگ القطع والرايه يم الرايه
من بيت للثاني تظل تتنقل الـُملّايه
حتى الاطفال بهالشهر خيمتهم امعلايه
مواكبّ النور في شَهرِ عاشور
على الصُدور لاطمين
نُحيّي تراث العاشقين
ــــــــــــــــــــــــــــــــــــــ
اباب الحسينيه نشم ريحة حزن والدته
وام البنين الطاهره طول العمر خادمته
هذا الغريب العالهزل مسبيه راحت أخته
جوّه الحوافر جثته ويم العرش منزلته
ورأسهّ كان بالرمحِ قرآن
يراهّ قلبَ العارفين
نّحيّي تراث العاشقين
ــــــــــــــــــــــــــــــــــــــ
باچر نموت وهم تجي الأجيال وايذكرونه
واحنه اشكتبنه من نعي بعاشور هم يقرونه
تاريخنه ابكل الكتب اولادنه ايأرخونه
الخادم اليخدم من صدگ آل النبي ايحبونه
دينٌ ومٌنهاج كَهيبةِ التاج
يَرفعّ رأسَ الـمُخلصين
نّحيّي تراث العاشقين
محمد الجماسي
#اللهم_عجل_لوليك_الفرج
"
✍ مَولَاتِي يّازهَراء ..
مُحَرّمٌ قَادِم ونْحَنُ مُتعَلّقينَ بِحِبَالِ خَدمَتْكُم ، ومُواسَاتِكُم
نَسَألكُم بشَيّبةِ الحُسَيْن عَليه السَّلام الدَّامَيّة تَوفيَّقاْتكُم وقَبَولكُم لنَا 💔
خلنه يرتاح توه الشمر خلص ذبح
خلنه يرتاح راسه وراه رفعة رمح
گطعوله توهم رگبته خلنه ياخذ راحته
خلنه يرتاح خلنه يرتاح
****
توه الشمر كمل ذبح ودمه يفور بمنحره
مگطوع راسه من الگفه وظليت ادور خنصره
وبگلبي اشعرحافرچ من الالم شنهو الجره
رحمن خواته اتاخرن ذيچه رقيه وتنظره
مابين العيون لتسحگن مخليه حرز
مابين العيون عبدالله غافي لايفز
نوم الهنه وي نومته خلنه ياخذ راحته
خلنه يرتاح خلنه يرتاح
****
الف وتسع مية جرح مرضوض من گد الطعن
عظمه وي لحمه وي الدمه مخلوط شعره وي الجفن
مدري كفاه مدري الصدر مدري النحر مدري المتن
مااميزه من كثر الدمه وعيوني عاميها الحزن
وبراسه اثار مصوب اخويه بجبهته
وبراسه اثار اكو ضربه بشفته
والكلفه چانت طيحته خلنه ياخذ راحته
خلنه يرتاح خلنه يرتاح
****
حار الرمل يچوي النحر وبلا غطه فوگ الترب
فوگ الرمل حر الشمس واسمع اخويه ينتحب
گوه اصبرت يم منحره حين اللي شفته منسلب
تعبان من گد العطش ياوسفه ماضاك العذب
متغير هواي موچنها ساعه من مشه
متغير هواي ومصابه گطعلي الحشه
چانت بعيده فرگته خلنه ياخذ راحته
خلنه يرتاح خلنه يرتاح
****
عيني عله چفه وحايره موعشره من شفت العدد
تسعه احسبتهن ياوسف والخنصر من ايده انفگد
يالخاتمك شذرة حزن ماشفته وگليبي انمرد
ظليت ادور عالچبد مبيوگ خافنه بعد
ياللطيحتك نار كلفه عليه ومعوله
ياللطيحتك نار شسويتي ها ياكربله
وبروحي ظلت حسرته خلنه ياخذ راحته
خلنه يرتاح خلنه يرتاح
****
فييتله بحر الشمس ذاري الترب ماينحمل
جرحه وسيع شمكبره. جرحه صعوبه يندمل
ومعذبينه بكل كتر. هجمت عليه زمرة قتل
سهام ورماح وطعن. وبكلشي بحجاره ونبل
ياوسفه مگلوب. من. الكفه صار الذبح
ياوسفه مگلوب. بالف وتسع مية جرح
أسمعها امي نادته. خلنه ياخذ راحته
خلنه يرتاح. خلنه يرتاح
****
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
الحمدُ للهِ الذي جَعَلَنَا من المُتَمَسّكين بولاية أمير المؤمنين والأئمة عليهم السلام. 🌼
Читать полностью…
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
ولد الحلال اليوم فرحانه
هذا الغدير وعلي مولانه
علي مولانه
...
اذا حبيت حيدر هذا شاهد
امك يعني ما خانت الوالد
علي واحد و ماكو مثله واحد
علي يسمونه حلال الشدايد
علي اول علي آخر علي حامي الحمه
علي خيمه وعلي غيمه اعله من السمه
الحب حيدره من امه يعرفونه
ابن الشريفه الكل يسمونه
علي مولانه علي مولانه
...
علي آيه بوسط روحك إكتبه
علي بس ابن ابوه الي يحبه
الينادي يا علي يرتاح گلبه
اليعوفه اعمه ظل ميشوف دربه
علي قائد علي واحد علي ماله مثل
علي قمه علي رحمه علي صاحب فضل
صاحب فضل ما ينحسب فضله
للقبله حماي الحمه قبله
علي مولانه علي مولانه
...
يروحي لأمر رب الكون طيعي
أنه شيعي واظل للموت شيعي
اطب للجنه هذا الشي طبيعي
حياتي گيض حب حيدر ربيعي
علي كوثر علي جوهر علي كل العمر
علي جنه علي النه شافع بالحشر
رد الشمس حامي الحمه بإيده
عيده الغدير ونفرح بعيده
علي مولانه علي مولانه
...
البشر مابين جاهل بين عالم
اليحب حيدر نحسبه من الاوادم
يهنيال اليصير لعلي خادم
ابوس اچفوف امي اليوم لازم
علي گلبي وضوه دربي علي شمس العُله
علي والي علي غالي فده روحي اله
يا اُمي شكراً شيعي جبتيني
من زغري حب حيدر رضعتيتي
علي مولانه علي مولانه
...
ابد ما تعله عين اعله الحواجب
الفرح مو مستحب هاليوم واجب
موالي لعلي إِبنَ ابي طالب
احبك يا علي للموت كاتب
علي بيتي بهوه ريتي شايل معتقد
علي اول علي اول مو رابع ابد
فرحة عمرنه وصاحت الشيعه
يوم الغدير نجدد البيعه
علي مولانه علي مولانه
...
خادم الحسين ( عليه السلام)
كرار حسين الكربلائي
( ابو كميل )
الما يحب الكرار ما عنده غيره
...
نبايعه بيعة وفه هالليله
علي سلطان البريه ادخيله
الما يوالي حيدره يا ويله
هذا لا ام لا ابو داعيله
وبجهنم ياناس حتماً مصيره
...
عمري يكبر والعشگ بي يكبر
علي هو آمّن يجيب المظطر
ما اخاف من الگبر والمحشر
وما يزل جدمي وعلي عالمعبر
عندي حب حامي الجار يسوه العشيره
...
علي خطيت بضميري حروفه
شمس بعيونه عمه الميشوفه
صوت عدنه ويعتلي للكوفه
نعوف كلشي وحب علي منعوفه
الما يبايعه صار بايع ضميره
...
المؤمن بحبه صبح عنوانه
الما يحبه فارغ من ايمانه
أشهدُ ان علي مولانه
نگولها غصباً على العادانه
بالحشر خصيمه حيرته حيره
...
بالگلب نبضي علي سميته
بالصلاه فرضي علي صليته
من گبل ما انخلق واليته
واليعادي المرتضه عاديته
لأن شفت الكرار لله سفيره
...
لا تلوموني ملك انفاسي
حب علي عرشه بوسط احساسي
انه عشكي حيدري عباسي
من ابو فاضل عندي غيره براسي
يشهد اعله الميثاق بدر العشيره
...
خادم الحسين ( عليه السلام)
كرار حسين الكربلائي
( ابو كميل)
الله يرحمك حبيبي خام الزهراء عليها السلام
Читать полностью…
في حق العليه المظلومه. ع
كاعده وسارح خيالي وصافنه
ليش ابوي حسين راح وعافنه
بويه عمري وياك اخذته
دموعي تحجي وانه سكته
بويه يحسين
---------------------
يجرن اعيوني بغيابك والمدامع وشلن
خذتو روحي من مشيتو والمحامك كوطرن
شلون عافني خواتي ادري مني يستحن
راح اضل بالدار وحدي والمصايب روحن
وين الاكي الي يجيب اخباركم
عفتو ابنيه عليله ابداركم
كلبي بغيابك جرحته
دموعي تحجي وانه سكته
بويه يحسين
--------------------
خلص باجر وجه باجر وانه اتاني ونتضر
من تمر المغربيه ينعصر كلبي عصر
الينتضر محبوبه يرجع ينجوي بنار الهجر
وانه يوميه اناطر مابقه عندي صبر
كبال عيني دوم اشوف ارسومكم
كمت اشمن عطر من اهدومكم
كاس هجرانك جرعته
دموعي يحجن وانه سكته
بويه يحسين
--------------------
البيت وحشه من بعدكم ضلمه ومابيه ضوه
بويه مخنوكه بغيابك كمت احس ماكو ضوه
فرفحت روحي تريدك انته لجروحي دوه
يالغيابك دوهناني بناركم كلبي انجوه
كون اصيرن طير اطيرن ليكم
عن مصابي وهمي ارد احجيلكم
النوم بعيوني ذبحته
دموعي تحجي وانه سكته
بويه يحسين
-------------------
اتخر عليه ظعنكم مارجع من كربله
ماينام الليل يسهر كلمن يفار هله
المرض هد حيلي يويه وانه طفله معلعله
عني انكطعت اخبارك والندامع هامله
الليل اخلصنه اعد بنجومه
ياكل ابروحي المرض مالومه
واليتم توني عرفته
دموعي تحجي وانه سكته
بويه يحسين
-------------------
ايست منك يغالي ماترد من سفرتك
ادعي من الله يبويه يحرسك انته وعيلتك
كربله بيه مصايب عني يمكن شغلتك
راح اموت ومااشوفك يالجبير محنتك
جني بديره غريبه وضايعه
ماتلمني الكاع هاي الواسعه
حتئ نجم الضهر شفته
دموعي تحجي وانه سكته
بويه يحسين
---------------------
الخادم
رحيم الصالحي
السلام عليكم
من المفترض الرادود ان يكون فنان حسيني ومبدع بالتلاعب بالانغام
وتحريك المشاعر
لكي يتسنى ع المستمع بشجون مشاعرهِ
والرغبه بالدموع
كما قال مولاي الصادق
(بالطور العراقي)
او الطريقه العراقيه
نعم هكذا يجب ع خادم الحسين
ان يتفنن بالحب
والهواجس وأن يرحل بصوته الى
اعماق الطف
ولوحات الحب والحيره
والشجاعه والبساله
والفقد والألم
مودتي للجميع
قصيدة بمناسبة يوم عرفه المبارك...
****
لبيك اللهم قد حان السفر
لبيك اللهم حد كطع النحر
...
بك ياالله..ابتدي برحلة جهادي وانته وياي
بك ياالله..خل يعطشوني يربي حبك الماي
بك ياالله.. تارك الدنيه واهلهه وبالضعن جاي
من بيتك وامهاجر اني الكربله
وياي ابهالسفره جايب عائله
وعبدالله امناغاته اتخوف حرمله
لبيك اللهم قد حان السفر
لبيك اللهم حد كطع النحر
...
ادري يالرحمان..ماعله الكعبه طفت ويه اليطوفون
ادري يالرحمان.. الحج الاكبر لمن بجسمي يسلبون
ادري يالرحمان.. وانه اضحيلك وريد وهامه واعيون
بس رايد من لطفك ترحم شيعتي
اتسجلهم ياربي بدفتر خدمتي
كالزارك ياربي الراد ازيارتي
لبيك اللهم قد حان السفر
لبيك اللهم حد كطع النحر
...
باجر الحجاج..تذبح الوجهك أضاحي اتوزعه للناس
باجر الحجاج..وانه هم افديك الاكبر وردة الياس
باجر الحجاج.. تفتهم إن الصراط اجفوف عباس
والقاسم افديلك وانصاري سوه
والحج النوراني بوادي نينوه
افضل من الكعبه وعالي المستوه
لبيك اللهم قد حان السفر
لبيك اللهم حد كطع النحر
....
راح اسوي اهناك.. كل مراسيم العباده امن ابقه عطشان
راح اسوي اهناك.. عالرمح منبر وراسي يقره قران
راح اسوي اهناك.. ثاني كعبه وللحوائج عندي بيبان
مستشفى أمن ايطبلي الزاير يبتشر
يتعالج بترابي وبذاك العطر
من بابي الشباجي صرخات وذكر
لبيك اللهم قد حان السفر
لبيك اللهم حد كطع النحر
...
باجر الزوار.. تهتف ابكبري وتنادي بدمعة العين
باجر الزوار..أكثر أمن الكعبه اعداد المحبين
باجر الزوار.. بالمواكب والبيارغ تخدم احسين
زواري وخدامي ايسرون الكلب
مشايه ولطامه متروس الدرب
ايطبخون ايوزعون ايريدون القرب
لبيك اللهم قد حان السفر
لبيك اللهم حد كطع النحر
....
محمد الجماسي
#اللهم_عجل_لوليك_الفرج