1081
کاناڵی تایبەتی بەرهەمەکانی ئەمین گەردیگلانی
🔸گوڵەبەڕۆژە🔸
بەس خۆت لە بن ئەو چڵکە پەچەت داشارە
کەم چەم لە چەمی خۆر بڕە، دێ ئێوارە
ئەو خۆرە کە دەیپەرەستی دەتژاکێنێ
دەیدا لە ھەرا کە ڕووڕەشی، بێچارە!
ژینت شەوی ڕەش نە ڕۆژە خاترجەم بە
ڕووزەردی نە گەش، لە دۆژە خاترجەم بە
ڕۆژێ دەوەرێ گوڵ و خوڵامانەی تۆش
ڕووڕەش دەبی وەك بەڕۆژە خاترجەم بە
🔸ئەمین گەردیگلانی🔸
دۆژە: دۆزەخ.
خوڵامانە: ئەو پرزە زەردە و وردەی به ڕووی گوڵەبەڕۆژەوەیە.
🔸🔸🔸🔸🔸🔸🔸🔸
🆔 @amingardiglani
سێزدەبەدەری 1400
کانیدرێژ
🌱🌱🌱🌱🌱🌱🌱🌱
🆔 @amingardiglani
🙍♀شێعرێکی منداڵان🙎♂
💠باڵنج💠
وه‌ك په‌ڵه‌هه‌وری ئاسمان
نه‌رم و نیان و بۆشه
بۆ خه‌وتن و پشوودان
خودایه چه‌نده خۆشه
دایكم به‌رگێكی جوانی
له بازاڕ بۆ كڕیوه
ئه‌و به‌رگه ڕه‌نگاوڕه‌نگه‌ی
پڕ به به‌ری بڕیوه
باخێكی سه‌وز و خۆشه
پڕ له‌گوڵی زه‌رد و شین
كه، سه‌رمی ده‌نێمه سه‌ر
ده‌بینم خه‌ونی شیرین
🔸ئەمین گەردیگلانی🔸
🌱🌱🌱🌱🌱🌱🌱🌱
🆔 @amingardiglani
💧💧باوەشی باران💧💧
خەم دڵی خستوومە جەغزی ئاگری ژانێکەوە
هەر شەوەی دەخزێمە ڕۆحی سەوزی گریانێکەوە
بۆیە شەو ئەشکم دەبێتە گوڵ‌وشەی شێعری ئەوین
ڕۆژ نیگام دەدرووم بە تیشکی نیونیگای جوانێکەوە
💧شیعر: #ئەمین_گەردیگلانی
💧بە دەنگی هونەرمەند:
#بێهنام_تاهیری
👇👇👇👇👇👇👇👇
🆔 @amingardiglani
🔵 #باوەشی باران🔵
💧ئەمین گەردیگلانی💧
خەم دڵی خستوومە جەغزی ئاگری ژانێکەوە
هەر شەوەی دەخزێمە ڕۆحی سەوزی گریانێکەوە
بۆیە شەو ئەشکم دەبێتە گوڵ‌وشەی شێعری ئەوین
ڕۆژ نیگام دەدرووم بە تیشکی نیونیگای جوانێکەوە
گوندی ژینم بۆتە جاڕی خوێن و فرمێسک و برین
بۆنی مەرگە و دێ لە نێو هەر ماڵ و کۆڵانێکەوە
ڕۆژ فەلای بیرم لە مەزرای دڵ دەچێنێ تۆوی ژین
هەر کە شەودێ، وێڵە بە دوای ڕەنگ و بۆی نانێکەوە
پێ لە هەر جێگایە دانێم تیخ و پشکۆ و ئاگرە
بۆ پشوودان بچمە ژێر کەپری چ ئاسمانێکەوە؟
ئەو مەلانەی ساڵەهایە لەم هەرێمە کۆچ ئەکەن
ئێستە چوونە نێو ڕکەی قینی چ یەزدانێکەوە؟!
زایەڵەی هاواری شێعری دڵ بە ژانی ئەمشەوم
چۆتە شمشاڵی دڵی خنکاوی چ شوانێکەوە؟
دڵ ڕەگی تینووی درەختی ئەشقی ژینە بۆیە من
سەر دەنێمە باوەشی گشت قەترە بارانێکەوە
💧💧💧💧💧💧💧💧💧
🆔 @amingardiglani
💦💦💦💦💦💦💦💦
وەکوو فرمێسکی چەمی هەوری، بە بێ جیاوازی
سەر بە سەر شانی گوڵاڵە و دڕووداڵا دێنی!
🔹ئەمین گەردیگلانی🔹
💠💠💠💠💠💠💠💠
🆔 @gerdiglani2020
یادێک لەمامۆستا حەقیقی
🔻بەشی 3
دوای ئەوەی چایەکمان خواردەوە، ئاڵبۆمێکی وێنە کە لەبەر کتێبخانەکەیدا داندرابوو سەرنجی ڕاکێشام. فەرمووی ئەو ئاڵبۆمە بێنە تەماشای کە بزانە کاتی لاوی کوڕی چاک بووم. دەستم دا ئاڵبۆمەکە و لەگەڵ هەڵدانەوەی لاپەڕەکانی مامۆستا چاوی هەر لە دەستم و ئاڵبۆمە دەکرد دیاربوو دەیهەوێ شتێک بڵێ و چاوەڕێیە بگەمە لاپەڕەی مەبەست و شوێنی خۆی. دوای هەڵدانەوەی چەند لاپەڕە و چاو کردن لە وێنەکان فەرمووی ئەو ئەکسەت پێ‌چۆنە؟ گوتم: زۆر جوانە مامۆستا. فەرمووی بە چاوی مشتەری لێی بڕوانە. وردتر چاوم لێکرد وێنەیەکی جوان و گەشاوە بوو بە دیمەنێکی سەرسەوز و ڕازاوەوە. وێنەکە مامۆستا بوو لەگەڵ کاک مستەفا ئیلخانیزادە و لە نێو گیاجاڕێکی پڕ لە گوڵ و سەوزەڵانیدا کێشابوویان و زۆر وێنەیەکی جوان بوو. مامۆستا فەرمووی: ڕۆژێکی میوانێکمان هەبوو لە گوندەوە هاتبوو دەستی دا ئاڵبۆمەکە و هەڵیدایەوە، کە گەیشتە ئەم وێنەیە گوتی: تەککوو، ماشەڵڵا! گوتم: چییە، من جوانچاکم یان کاک مستەفا کە ئاوا ماشەڵڵامان پێ‌دەڵێی؟ کابرای میوان گوتی: نا مەبەستم ئێوە نییە، ماشەڵڵا لەو لەوەڕە خۆشەی لە نێویدان!!
ڕۆژێکی دیکە چوومە خزمەتی قەندانێکی پڕ لە کشمیشی دانابوو کە چاییان هێنا فەرمووی جا وەرە با چایی بە مێوژەوە بخۆین. پێم سەیر بوو مامۆستا بەو کشمیشە ورد و زەرد و جوانەی گوت مێوژ. چاییمان خواردەوە و پاشان وەک جاران چەند شێعری کاڵوکرچم بۆ خوێندەوە و بە پێی پێویست ڕێنوێنیی کردم. عەرزم کرد مامۆستا جەنابت شێعری تازەت دانەناوە؟ زەردەیەکی شیرین نیشتە سەر لێوە ناسکەکەی و فەرمووی: تاکە بەیتێکم بۆ ئەو مێوژە داناوە. دیسان پێم سەیر بوو مامۆستا بە کشمیشەکەی گوت مێوژ. بە پێکەنینەوە فەرمووی خزمێکمان کە خەڵکی ناوچەی چۆمی مەجیدخانە دەچوو بۆ سەردەشت و داوام لێکرد دوو سێ کیلۆم مێوژ بۆ بێنێ، کاتێک هاتەوە و بۆی هێنام و کە پرێسکەم کردەوە لە جیاتی مێوژ ئەم کشمیشە مەبارەکەی بۆ هێنابووم. گوتم: خۆ ئەوە کشمیشە هێناوتە و ئێرە زۆری لەوە لێیە، بمزانیبایە ئەوە دێنی زەحمەتم وەبەر نەدەنای و لێرە دەمکڕی. کابرا گوتی: دەی مامۆستا ئەوە مێوژە هیدی فەڕقی چییە؟ منیش لە داخانا ئەم بەیتە شێعرەم دانا:
لەداخی خەڵکی ئەو خوارەی بە کشمیشی دەڵێن مێوژ
ئەمن شەرتە لەمەولاوە بە شێڵانە بڵێم گێوژ
..........
سڵاو بۆ ڕۆحی پاک و پیرۆزی مامۆستا حەقیقیی نەمر و هیوادارم جێگای بەهەشتی بەرین بێ.
🍃🍃🍃🍃🍃🍃🍃🍃
🆔 @gerdiglani2020
🌸 یادێک لە مامۆستا حەقیقی🌸
🔸ئەمین گەردیگلانی🔸
🔻بەشی 1
کاتێک دەڕوانینە دنیای ئەدەب و شێعری کوردی و جوانی و ڕەسەنایەتییەکەی سەرنجمان ڕادەکێشێ، ترووسکە و سریوەی گەلێ ئەستێرەی گەش چاوە بڕکێنە لەگەڵ هەست و ڕۆحمان دەکەن و بە زمانی ڕوونی وشە و ئاهەنگ و مۆسیقای شیرین و ڕەوانی کەلام دەمان‌دوێنن. ئەو هەستە پاکانەی بوونەتە بەشێک لە فەرهەنگ و تۆرە و هونەری گەلەکەمان، بەڕاستی بۆ ئەوە دەبن شانازییان پێوە بکەین و سەری ڕێز بۆ هەست و هونەرەکەیان دانەوێنین و دڵمان بکەینە جۆلانە و هێلانەی شێعر و وتە بە نرخ و پڕ تاموچێژەکانیان.
بێ گومان بۆ هەموو ئەدەب دۆست و گەوهەرناسێک خۆیا و ئاشکرایە کە مامۆستا حەقیقیی نەمر شاعیرێکی بە ئەزموون و هەست ناسک و بیر ورد و ڕەوان‌بێژە و هەمیشە لە دڵی گەلەکەیدا زیندووە و بەڕاستی شێعرەکانی پڕاوپڕن لە جوانی و هەموو چەشنەکانی هونەری شێعری و جوانکاریی ئەدەبی و بیری ورد و مووقەڵێشانە. مامۆستا حەقیقی لە شێعری کوردیدا بە ڕاستی جێ پەنجەی دیارە و لە نێو ئەستێرەکاندا گەشە ئەستێرەیەکی پڕشنگدارە. ئەو ناسکی و ڕەوانی و دیاردەی جوانی و وێنە شێعرییانەی لە شێعرەکانیدا و بە تایبەت لە چامە و غەزەلەکانیدا شەپۆل دەدا بەڕاستی جێگای سەرنجە و هەڵدەگرێ چەندین کتێب و و تاری تێروتەسەلی لەسەر بنووسرێ.
من چونکە شانازیی ئەوەم هەبووە لە نزیکەوە لە خزمەتی ئەو شاعیرە مەزن و ڕووناکبیر و گەشبینەدا بم و یەکێک لە شاگردە هەرە چکۆڵەکانی ئەو گەورە پیاوەم (ئەگەر شیاوی ئەوە بم و ڕێم لە ڕیزی شاگردەکانیدا هەبێ)باش دەزانم کە ڕۆح و دڵ و ئاکاریشی وەک شێعرەکانی پاک و بێگەرد و بێ‌غەور و دڵۆ بوون.
ئاکاری جوان و ڕووخۆشی و زمان شیرینی و قسەخۆشییەکەشی ئەوا هەر باسی ناکرێ و دەبێ چەندین وتار و بابەتی لە سەر بنووسرێ.
بۆ ئەوەی تیشک بخەمە سەر ئەو هەستە پاراو و ڕەوانەی و ئەو ناسک خەیاڵییەی لە شێعرەکانیدا شەپۆل دەدا، بە پێویستی دەزانم چەند نموونە لە شێعرەکانی بخەمە بەر چاوی خوێنەرانی ئازیز. بڕواننە ئەم غەزەلە تازە و پاراوە کە جوانی و تازەیی لە هەموو بەیتەکانیدا دیار و جێی سەرنجە:
جوانە گوڵ‌خونچە، گوڵم! وەک دەم و لێوی تۆ نا
بێ و هەناریش خڕوپڕ وەک مەمی سێوی تۆ نا
گەرچی زۆر شیرنە هەنگوینی شەمەترووکە بەڵام
بە مەزەی نۆبەرە ماچێک و جنێوی تۆ نا
شۆڕشی موتتەفقین و گڕی فیتنەی نازیم،
دیوە ئەمما بە بزەی فیتنە بزێوی تۆ نا
من بەزیوی هەڕەشە و لاشەڕی دوو چاوی ڕەشم
لە هەڕوگیفی حەریفانی دزێوی تۆ نا
نەوەسانی هەیە بازاڕی تەڵا ئەمما وەک
دڵی من بۆ پەلوپووزی وەکوو زێوی تۆ نا
دەفتەری سەبتی ئەوین مێهر و وەفاشی تێدا
ئۆگریم بەویە بەڵام بێجگە لە نێوی تۆ نا
بۆ پەشێوی گوڵم!؟ ئەی ماوەیی ژینم بە فیدات
بۆ حەقیقی نەژیان سەهلە، پەشێوی تۆ نا.
لە چامەی بەهاری کوردەواریدا کە بۆ کارەساتی دڵتەزێنی هەڵەبجەی نووسیوە بەڕاستی بۆمان دەردەکەوێ مامۆستا حەقیقی چەندە خامە ڕەنگین و خاوەن دەسەڵاتە لە شێعردا و دیمەنی جەرگبڕی ئەو کارەسات و قەلاچۆیەی بە وشە و وێنەی شێعری پیشان داوە و ئەو کێوی خەمەی بە شانی هەست و شێعر هەڵگرتووە. کاتێک ئەو چامە بەرز و مەزنە دەخوێنینەوە سەرمان سووڕدەمێنێ کە دەبێ ئەو توانایی و دەسەڵاتە شێعرییە چی بێ کە لە هەست و خەیاڵیدایە و ئاوا بەوردی دەرد و ئازارەکانی دەربڕیوە و بە کامێرای وشە دەیان‌نوێنێ:
بە جورعە و مورعە کار پێک‌نایە ساقی پڕ کە مینایە
بەقەد کێوی دەماوەند و سەهەندم خەم لە دڵ دایە
بەهارە و وەک گەڵاڕێزانە تەرمی نۆ نەمامانی
نەما مانی هەتا ڕەسمی نەمامانی بکێشایە
سەدان خونچەی نەپشکووتوو، هەزاران نێرگسی خەوتوو
بەگێژی گێژەڵووکەی بای دژی ژین تەرتوتوونایە
سەدان دایک دەبینی کۆرپە ساواکەی لە باوەشدا
مەمی دایەی لە دەمدایە و لە هیچیانیش پشوو نایە
چیا بۆ ڕۆڵەکانی شین دەکا و ڕووی خۆی ڕنی بۆیە
شیاری ڕوومەتی پەیدایە کاتی ڕۆشن و سایە
خۆت ھەناریت و دڵ و کوڵم و مەم و گوارە ھەنار
بەژنی تۆ باخی ئەوینی دڵی خەمباری منە
باخی ئەشقت بووە بۆ من بە ھەنارستانێک
لێوە گوڵنارەکەشت بێ بزە گوڵناری منە
🔸ئەمین گەریگلانی🔸
🔻🔻🔻🔻🔻🔻🔻🔻
🆔 @gerdiglani2020
ئەمین گەردیگلانی
و
کەیوان جامخانە
بۆکان نەورۆزی 2721
🌼🌸🌺🥀🌹🌷🌻🌼
🆔 @gerdiglani2020
ئەم وڵاتە ژوانی پاکی تۆ و گەزیزە و نێرگزە
دەک نەژیم گەر ڕێ بدەم پێ‌پەست کرێی نەورۆزەکەم!
لەم هەواری ئەشقە بۆ هەر لایە دەفڕێ چاو و دڵ
بسکی زەردی تۆ شنەی دێت و لەوێی نەورۆزەکەم!
🌺ئەمین گەردیگلانی🌺
🌸🌸🌸🌸🌸🌸🌸🌸
🆔 @gerdiglani2020
نەوبەھارە و سەوزە گۆرانی دەڵێ
بەندی تیشک و شەونم و جوانی دەڵێ
پێیەتی مزگێنیی سەرھەڵدانەوە
پشت لە مردن کردن و بووژانەوە
دێ گەزیزەی شین بە شوێن نەورۆزەوە
دێن بە پێشوازی شنەی نەورۆزەوە
دێ بەھارێ پڕ بە دڵ شادی بکەین
چاو لە باڵای بووکی ئازادی بکەین
🌸🌱🌺🌿🥀☘🌹🍀🌷🍃🌼
نەورۆز لە خۆتان و بنەماڵەی ئازیزتان
پیرۆز بێت.
هیوادارم سەرەتای ساڵی نوێ و سەدەی نوێ، ڕێگایەکی سەوز بێ بۆ گەیشتن بە ئاواتەکانمان.
🍃ئەمین گەردیگلانی🍃
🍀🌱🍃🌱🍀🍃🍀🍃
🆔 @gerdiglni2020
❣ئەوین(5)❣
🔸ئەمین گەردیگلانی🔸
گوڵم!
عەشق کوا تاوانە؟
لە یەک گرێدانی دڵە
گەر خۆشەویستی تاوان بێ
سروشت گەلێ تاوانبارە؛
چون لێک دەدرێن،
تێک دەهاڵێن
ئەوی گیایە و ئەوی گوڵە!
🔻🔻🔻🔻🔻🔻🔻🔻
🆔 @gerdiglani2020
🥀ئەوین(3)🥀
👁🗨ئەمین گەردیگلانی👁🗨
قەڵەمەکەم
باڵای کچێکی لە عەتری
سەوزی شێعر هەڵکێشاوە،
کوندەبووی ناز
قەت باڵی بە سەر باڵایدا
نەکێشاوە!
شێعرم بۆ بەرۆک و قژی
کچێک کردۆتە گوڵاڵە
کە ئاوێنەی چاوەکانی
بە پڕشنگی ئەوینێکی
پاک و خودایی
زوڵاڵە.
دڵم بۆ مەلی ئەوینی
کچێک کردۆتە ھێلانە
کە کانیاوی سەوزی ڕۆحی
پڕ لە ئەشق و
خۆشەویستیی نیشتمانە.
🍃🍃🍃🍃🍃🍃🍃🍃
🆔 @gerdiglani2020
🌱ئەوین(1)🌱
♦️ئەمین گەردیگلانی♦️
شەو،
چەندەی هەتاو خۆش دەوێ
هەتاو،
سەد هێندە شەوەزەنگ
چونکە ئەو نەبێ
هیچ کەسێ
لە دەست ئازاری تاریکی
نایەتە دەنگ.
🍃🍃🍃🍃🍃🍃🍃🍃
🆔 @gerdiglani2020
💧دەریای ئەوین💧
▪️ئەمین گەردیگلانی▪️
ئێمە ڕۆڵەی باوەشی ئازار و گریان و شەوین
ڕێ دەپێوین، ڕێ دەپێوین، ڕێ بەرەو لووتكەی ئەوین
ئێمە ڕۆڵەی خۆر و گڕكانین و تاریكی بەزێن
ئەسپی ژێر پێمان برووسكەن، فێری تەقڵە و ھەوھەوین
چلچەمەی ئەشقە دەماری ئێمە، دڵ سەرچاوەكەی
بەرزە سەرمان، دوندی ئاواتێكی بەرزین، نانەوین
ئێمە خەرمانەین لەدەوری مانگی ھیوای نیشتمان
تا زەوی پاراو نەكا بارانی شادی، ناڕەوین
ژوانی ھیوامان چیای عەشقە و ھەمێزی گەرمی خۆر
ڕژد و ھەوراز و گەوەی ڕێمان لە بەر پێدا، كەوین
پەنجەمان لێك ھەڵدەپێكین ھەروەكوو كانی و شەتاو
ڕێ دەپێوین، ڕێ دەپێوین، ڕێ بەرەو دەریای ئەوین
🔸🔸🔸🔸🔸🔸🔸🔸
🆔 @amingardiglani
💠باڵنج💠
شێعر : ئەمین گەردیگلانی
میلۆدی و مووزیک: هاشم ڕەشادەت
🌱🌱🌱🌱🌱🌱🌱🌱
🆔 @amingardiglani
💧💧باوەشی باران💧💧
خەم دڵی خستوومە جەغزی ئاگری ژانێکەوە
هەر شەوەی دەخزێمە ڕۆحی سەوزی گریانێکەوە
بۆیە شەو ئەشکم دەبێتە گوڵ‌وشەی شێعری ئەوین
ڕۆژ نیگام دەدرووم بە تیشکی نیونیگای جوانێکەوە
💧شیعر: #ئەمین_گەردیگلانی
💧بە دەنگی هونەرمەند:
#سەیدکەماڵ_بۆکانی
👇👇👇👇👇👇👇👇
🆔 @amingardiglani
💧💧باوەشی باران💧💧
خەم دڵی خستوومە جەغزی ئاگری ژانێکەوە
هەر شەوەی دەخزێمە ڕۆحی سەوزی گریانێکەوە
بۆیە شەو ئەشکم دەبێتە گوڵ‌وشەی شێعری ئەوین
ڕۆژ نیگام دەدرووم بە تیشکی نیونیگای جوانێکەوە
💧شیعر: #ئەمین_گەردیگلانی
💧بە دەنگی هونەرمەند:
#کامەران_کرماشانی
👇👇👇👇👇👇👇👇
🆔 @amingardiglani
💠ژانی خاک💠
دانەبەردی زەوی دانی نەلەقیبوو هێشتا
گا بنەی پیرە زەوی پێی تەبەقی بوو هێشتا
شێعر و خوێندنەوە:
ئەمین گەردیگلانی
🔻🔻🔻🔻🔻🔻🔻🔻
🆔 @amingardiglani
🍀بەهار🍀
نەوبەھارە و سەوزە گۆرانی دەڵێ
بەندی تیشک و شەونم و جوانی دەڵێ
پێیەتی مزگێنیی سەرھەڵدانەوە
پشت لە مردن کردن و بووژانەوە
شێعر: ئەمین گەردیگلانی
خوێندنەوە: لوقمان کەریمی
👇👇👇👇👇👇👇👇
🆔 @gediglani2020
🌸یادێک لەمامۆستا حەقیقی🌸
🔻بەشی 2
مامۆستا حەقیقی جگە لە شێعری ناسک و خەیاڵاوی و غەزەلی تەڕ و تەرچک و بە تام و پڕ ناوەرۆک لە بواری تارۆز و شێعری کۆمەڵایەتیشدا خاوەن دەسەڵاتە و کەم شاعیری کورد هەیە بە ڕادەی ئەو ئاوڕی لە ئەو بوارەی ئەدەب دابێتەوە و بە زمانی تەنز و تارۆز دەرد و گیروگرفت و نەهامەتی و دواکەوتووییەکانی کۆمەڵگای دابێتە بەر پللار و نقورچک، یان زەقی کردبێتنەوە.
لەوانە شێعری گامێشە کوێرە و سوڕی دەوران و مانگا پیوازی و کورد زیندووە و کۆنە چیرۆک و گرانی و سەگی بەغدایە و دەسەڵات و حەشری هێلکە و سەری بورج و ...
دوو کیلۆ گوشتی دەکڕم بۆ نەهار
پێیان ڕاناگا دەبێتە هاوار
لە مەلام پرسی بەو مواجبە
حەوتووی جارێکی پڵاو واجبە؟
بزێکی هاتێ، گوتی ناوەڵڵا
ئەگەر لە ماڵێ نەبێتە هەڵڵا
*
ئابیاری گەر جەریمەیشم بکا
من لە ئاوا سەرفەجوویی کەم دەکەم
خوا نەخواستە بێمە ماڵت دەفعەیەک
مستە خۆڵێک دێنم و تەیمەم دەکەم
تا لە ترسی فیشی ئاو سەکتەی نەکەی
نوێژەکانیشم بە قەسروجەم دەکەم
*
لە چامەی بەرزی «بیرەوەری» دا زیاترمان توانایی مامۆستا حەقیقی بۆ دەردەکەوێ و دەبینین لە چامەیەکی ئاوا درێژ و حەفتا بەیتیدا کە زۆریش تارۆزێکی شیرینە، چەندە بە توانا و دەسەڵاتە و وشە لە دەستیدا وەکوو مێو وایە:
وەرن ئەو نەقڵە سەیرەو بۆ وەگێڕم کۆمەڵی یاران
بە شەرتێکی نەفەرموون خۆ کتێبی ئەلف و لەیلایە
لە ناخی سینەما باسی نەما یا ما، نەما سینەم
لە داخی چەرخی سیما سینەما،یا سینەما سایە
لە سەر دەریای نەوت خەوتووم و ئەمما بۆ سوخت سوختم
دەڵێی تینووی قەراخ ئاوی فوڕاتێم و دڵم نایە
بە کۆپینیش چمان دەست ناکەوێ خوایە پەنا بۆ تۆ
دەترسم دوای کەری جرجاڵ کەوین بۆ دەنکە خورمایە
سەفی نووسەر هەموو کورکن دەڵێی هێلکەت وەبەر ناون
گەلی هۆنەر وەکوو گاگێرە دەمبێنیان لە دەم دایە
لە شێعری گرانیشدا لە دەست گران بوونی کەلوپەل و بژیوی ژیان زاڵەی دێ و تیری توانج لە کاربەدەستان و هۆکارانی ئەو کێشە و گرفتانەدەگرێ و سیخورمەی وشە لە خاڵیگەیان دەکوتێ:
گرانی گووی لە موستەزعەف دەرێنا
دەزانی چۆن وەکوو کەنگر بە پیشکی
بە جیقنە و میقنەوە و تووک و پەڕوباڵ
سەدوحەفتا تمەن کیلۆی مریشکی
لە گام پرسی ئەتۆ کیلۆت بە چەندە؟
لە سەوری ئاسمانی دا بە لووشکی
بەهای گازۆڵی بۆگەن بۆتە خۆرە
دەبینم خۆرەکەش بێ تینە تیشکی
هەموو کون کون بوو بەرگم چەشنی جەرگم
بە گرفەی شووی تەڕ و قرچە و پڕیشکی
بە دینم پێکەنینت دێ بە دینم
کە وێک هاتووم لە سەرما چەشنی ژیشکی
من نە لێکۆڵەر و نە ڕەخنەگرم و نە شارەزای ڕاڤە و شرۆڤەی شێعر و دەقی ئەدەبیم تەنیا وەک قوتابییەکی بچووکی مامۆستا حەقیقیی دڵپاک و نەمر تیشکم خستە سەر چەند لایەنێکی هەست و سۆزە پاراوەکەی و ئەم چەند دێڕەم نووسی. بە ڕاستی ددانیشی پێدادەنێم کە لە حاندی ئەو زاتە گەورە و ڕۆحە مەزنەکەی هێندە خۆم بە بچووک و کەم دەزانم کە زمانم گۆ ناکات و پەنجەم توانایی نووسینی نییە.
لە کۆتاییدا چەند بیرەوەریی ئەو کاتانە دەگێڕمەوە کە لە خزمەتیدا بووم. ئەو کەسانەی چووبێتنە خزمەتی مامۆستا حەقیقی دەزانن کە ئەو شاعیرە هێژایە چەندە ماڵخۆش و میوانگر و دڵفراوان بوو. کاتێک لە ماڵەوە بوایە دەرگای حەوشەکەیان لەسەر گازەرای پشت دەکرایەوە و خۆی لە بەر پەنجەرەکە بەرەوڕووی دەرگای حەوشەکە دادەنیشت و لە گەڵ خوێندنەوەی کتێب و نووسین چاوێکی هەر لە دەرگای حەوشەکە بوو و چاوەڕوانی میوان و قوتابییەکانی بوو. کاتێک دەرگای حەوشە پێوەبدرایە مانای ئەوە بوو مامۆستا لە مەڵەوە نییە و ئیتر پێویست بە پرسیار کردن و لە دەرگا دان نەبوو. کاتێک میوانێک یان چکۆڵەترین قوتابیی کە من بووم دەگەیشتینە بەر دەرگای حەوشەکە و چاوی پێمان دەکەوت بەپەلە هەڵدەستا و بە کۆمەکۆم و دەست بە گۆچان دەهات بەرەوپیری میوانەکەی و بەڕوویەکی خۆش و پڕ لە گوڵاڵەی زەردەخەنەوە دەیبردە ژوورێ و دوای ئەوەی بە گەرمی میوانداریی لێ‌دەکرد، زۆر بە سینگێکی ئاوەڵاشەوە گوێی بۆ بیستنی دەق و نووسینەکانیان ڕادەگرت و دڵسۆزانە و وردبینانە بەرهەمەکانی بۆ نیسکەشۆر دەکردن و بەپێی پێویست ڕێنوێنیی دەکردن. کەم وابوو بچمە خزمەتی و دەوری پڕ نەبێ. ژن و پیاو و کوڕ و کچ لە دوور نزیکەوە بۆ ڕێنوێنی دەهاتنە خزمەتی و بە دڵێکی خۆشەوە دەگەڕانەوە و قەتم نەدی دڵی کەسێک بڕەنجێنێ و ئەگەر بەرهەمەکەی زۆریش لاوازبوایە ڕووشکێنی نەدەکرد.
ڕۆژێک چوومە خزمەتی و دوای ئەوەی شێعرێکی کاڵوکرچی خۆمم بۆ خوێندەوە داوای پێداچوونەوە و ڕێنوێنیم لێکرد، فەرمووی خراپ نییە بەڵام تۆزێ بۆ کاڵی لێ‌دێ و دەبێ نیسکەشۆرێکی بکەی.
☀️ڕۆژپەرەست☀️
هێندە گریاوم دڵم حاڵاتی مەستی گرتووە
یەک بە یەک برژۆڵی من جامی لە دەستی گرتووە
شیعر و خۆیندنەوە:
🔸ئەمین گەردیگلانی🔸
💠💠💠💠💠💠💠💠
🆔 @gerdiglani2020
مزگێنی مزگێنی
کتێبی ⭐️هەیوانێک لە هەسێرە⭐️
کۆمەڵە شێعری شاعیری ناسک خەیاڵی مەریوانی
🔸کەیوان جامخانە🔸
بڵاو کرایەوە.
ئازیزان دەتوانن لەم شوێنانەی خوارەوە کتێبەکە وەرگرن.
مەریوان: کتێب فرۆشی لۆرکا/ کتێب فرۆشی هێرمێس
بۆکان: کتێب فرۆشی کەریمی جەوان
سەقز: کتێب فرۆشی مەولەوی کورد
مەهاباد: کتێب فرۆشی گزینگ
🌱بەھار🌱
🍃ئەمین گەردیگلانی🍃
نەوبەھارە و سەوزە گۆرانی دەڵێ
بەندی تیشک و شەونم و جوانی دەڵێ
سەوزە نەخشاندوویە دەشت و ھەرد و یاڵ
بانگەوازی ژینە شمشاڵی شەماڵ
پێیەتی مزگێنیی سەرھەڵدانەوە
پشت لە مردن کردن و بووژانەوە
خۆر بە تاجی زێڕەوە دەرکەوتووە
سەوزە فەڕشی سەوزی بۆ داخستووە
ویرەویری جۆگەلە و ھاژەی شەتاو
سنگی کانیی کردە ئاوێنەی ھەتاو
دێ گەزیزەی شین بە شوێن نەورۆزەوە
دێن بە پێشوازی شنەی نەورۆزەوە
ھەڵدەتۆقن قارچکی تەرچک بە ناز
مەمکی کیژۆڵەن بەرۆکیان کردوە باز
کۆرپەڵەن گیا و گوڵ بە باوەش بێشکەوە
ڕادەژێن ورد ورد بە دەم کەروێشکەوە
ئەم ھەموو سەوزە و گوڵاڵە و جوانییە
ڕەنگ و بۆی عەشقی لە باوەشدا نییە
شار و لادێ بۆنی مەرگی لێوەدێ
پێکەنین خوێناوی جەرگی پێوەدێ
دەردی ئەم نەورۆزە دەردێکی ترە
دڵ، شکاوی خڕکە بەردێکی ترە
دەردی سەرباری خەم و دەردانە ئەم
بۆنی مەرگ و دەست لە ژین بەردانە ئەم
پێ ڕەشە و داخ و نەھاتی پێوەیە
ژانەژین و مەرگەساتی پێوەیە
خەم دەبینم ڕوو لە ھەر لایەک دەکەم
دووکەڵاوین چاو لە ھەر بایەک دەکەم
تاقە نەورۆزێکی بێ خەممان نەدی
ئاگری بێ دووکەڵ و تەممان نەدی
ڕۆحی عەشقم، تووشی بێ ھیوایی بووم
پڕ لە داخ و دووکەڵن ناخ و پشووم
دووکەڵی زوڵم و خورافاتی چەپەڵ
باوەڕی چەوت و دەھۆی خەڵکی دەغەڵ
جوانی چۆن بخزێتە نێو ھەستی تەڕم؟
من کە دیلی چڵکەبیر و باوەڕم
چۆن بنووسم باسی جوانی و عەشق و ژین؟
ھەرچی دەیبینم خەمە و داخ و برین
ھەستی دیلم دەنگی دڵ چۆن دەربڕێ؟
چۆن بەیان کەم دەردەکەی ناخم بڕێ؟
وشکە پەنجەم، چۆن قژی خۆر شانە کەم؟
ھەر خەم و گریانە نەورۆزانەکەم
ئەم وڵاتەم بۆتە گۆڕخانەی ئەوین
مەرگە زیندوو بوون و ناومان ناوە ژین!
ناھومێدی دەرک و دیواری تەنی
بەو بەڵا و دەردانە دوژمن بوون خەنی
چڵکە ڤایرووسێ تریش پەیدا بووە
تێکەڵی خاک و ھەناسە و با بووە
ئەم بەڵا تووش و دزێو و نەگبەتەش
ئەم ھەموو ئازار و داخ و مەینەتەش
دیاریی دەستی دوژمنی دڵ چڵکنە
ئەو دژەی عاشق بە تازیە و مردنە
عاشقی ڕەشپۆشییە و مەستی خەوە
مەرگی خەڵکی تاقە ڕێی مانی ئەوە
ئانفوڵانزا و مردنە دیاریی ئەوان
ماکی شێرپەنجە و کوڕۆنان بۆ ژیان
بۆ خەڵک درم و پەتا داوا دەکەن
سەر بە خانەی مێشک و دڵمانا دەکەن
بوونە ڤایرووس چوونە نێو خوێنمانەوە
سێبەری مەرگن بە پێ و شوێنمانەوە
وەرھەمی ناخ و گەرای درم و پەتان
ماکی ڤایرووسن برای درم و پەتان
کوانی پڕ ژانن بە سەر لەشمانەوە
بەرھەمی دیقن بە باوەشمانەوە
گەل، گەلێ نەورۆزی ئاوای دیتووە
ژینی سەخت و دوور لە ھیوای دیتووە
زۆر بەھاری زەردی ھیوا ھات و ڕۆی
کۆنە زیندوولەی کوڕۆنا ھات و ڕۆی
سەد ئەوەندەی تر لە ماتەمدا بژیین
ھەر لە نێو مەرگ و گڕ و خەمدا بژیین
مەرگەسات و ناھومێدی بۆڕ دەدەین
قوڕ لە لمبۆزی دژی سەرشۆڕ دەدەین
بۆ ژیان سەد جاری تر دەمرینەوە
بەرھەمی ئەم سەبرە ھەڵدەگرینەوە
دێ بەھارێ پڕ بە دڵ شادی بکەین
چاو لە باڵای بووکی ئازادی بکەین
🍃🌱🍃🌱🍃🌱🍃🌱
🆔 @gerdiglani2020
🍀گەزیزە و نەورۆزە🍀
وا گوڵی نەورۆز شادە و
زەردە گرتوویە و دەڵێ:
کێوە جێژوانی گەزیزە و من
دەبێ سەرما هەڵێ
🍃🌱🍀🍃🌱🍀🍃🌱
🆔 @gerdiglani2020
🌹☘ نەورۆز🌹☘
☘ ئەمین گەردیگلانی☘
ئاشقێکم ساڵەهایە چاوەڕێی نەوروزەکەم
بێ ترووسکەی خۆری ڕووت، تاریکە ڕێی نەورۆزەکەم
وەرزی ڕۆحم بێ بەهارە و بەستەڵەک دەوری تەنیم
بێنە بۆم تاڵێ قژی خۆرت بە جێی نەورۆزەکەم
ساڵەهایە چاوەڕێی پڕشنگی ڕوونی ڕووتە، دڵ
کەی دەبێ ڕۆژێ لەگەڵ ڕۆژێ هەڵێی نەورۆزەکەم؟!
ئەشق و هیوای، ژین و بریای، بۆ مرۆڤ و گیا و زەوی
بۆیە وەک ڕۆح و دڵم خۆشمدەوێی نەورۆزەکەم!
خاک و ئاو و زیندەوەر بەو هاتنەت دەژیێنەوە
ژین و هیوا دێنی ئەو کاتەی کە دێی نەورۆزەکەم!
وشکەساڵی، ئەم وڵاتەی کردە دڕکستانی خەم
سەد چزووی چاڵووک و پێکوڵ چەقیە پێی نەورۆزەکەم
هێندە چنگی نایە قوڕگی خاک و کانی و باخ و گوڵ
تۆ لە ترسی گازی خەردەل ناڕوێی نەورۆزەکەم!
بووکی هیوا هەرکە دێ باوەش بە شادیدا بکا
نەگبەتی لەولاوە دێ، دەبتە هەوێی نەورۆزەکەم
پێتە مزگێنیی بەهار و یەکدڵی و هەستانەوە
تۆ گوڵی هیوای هەوار و شار و دێی نەورۆزەکەم!
ئەم وڵاتە ژوانی پاکی تۆ و گەزیزە و نێرگزە
دەک نەژیم گەر ڕێ بدەم پێ‌پەست کرێی نەورۆزەکەم!
لەم هەواری ئەشقە بۆ هەر لایە دەفڕێ چاو و دڵ
بسکی زەردی تۆ شنەی دێت و لەوێی نەورۆزەکەم!
چاوەڕێم ڕۆژێ شەماڵی ئەشق و هیوا هەڵبکا و
تۆ بە شاباڵی شنەی ئاڵاوە بێی نەورۆزەکەم!
بسکی زەردی تۆ لە هەر لایەک بڕسکێ، شێعری من
شانەیێکە و دێ، قژت دابێنە پێی نەورۆزەکەم!
دیومە من وەرزێ لە ئاوێنەی بزەی ئەم خاکەدا
بەرد بە سندەی گڵ دەڵێ: سەر بەختی ڕێی نەورۆزەکەم
تا شنەی دارئاوسی هەڵکرد بە باخا تێپەڕی
شاڵی متفەڕکی لە سەر نا باوەلێی نەورۆزەکەم
ڕوو لە هەر یاڵ و بەڕۆژ و دوند و لاپاڵێ دەکەی
چەتری پەلکی زەردی خۆی هەڵداوە لێی نەورۆزەکەم
شادی وەک سروەی بەهاری دێت و جا ئەو کاتە تۆش
تاجی ئازادی لەسەر سەر دادەنێی نەورۆزەکەم!
🌼🌸🌺🥀🌹🌷🌻💐
🆔 @gardiglani2020
🌱ئەوین (4)🌱
🔹ئەمین گەردیگلانی🔹
دارەکانیش
ڕەنگە بە تاوانی ئەوین
بخرێنە نێو ئاگری توون؛
چونکە بە دەم شنەی باوە
باوەش دەکەن بە یەکتردا و
لێو لە لێوی یەک
هەڵدەسوون.
💠💠💠💠💠💠💠💠
🆔 @gerdiglani2020
🔻ئەوین (2)🔻
🍃ئەمین گەردیگلانی🍃
کە بەیانیان
یادت لە دڵمدا دەڕوێ
خۆر بەر لەوەی بچێتە سەر شانی چیا و
لەگەڵ ئاسمانی شین بدوێ،
لە نێو دڵی مندا هەڵدێ.
☀️☀️☀️☀️☀️☀️☀️☀️
🆔 @gerdiglani2020
🔹دیمەنی چەن تابڵۆی سووتاو بە دیواری شێعرێکەوە🔹
◾️بۆ هەڵەبجەی شەهید
💠ئەمین گەردیگلانی💠
داخ و کەسەر بوونە بوغز و گەرووی هەستم ڕێک دەگوشن
ئیلهامی شێعری ئەمجارەم، ژانی زامێکی بەسوێیە
وشەی زامار و لێوبەبار دەچنە پێشوازی هەر شێعرێ
هەواڵی فرمێسک و مەرگ و پەژارە و ماتەمی پێیە
◾️◾️
بەیانە و خۆر تەوێڵی خۆی ناوە بە ئەژنۆی شاخەوە
دڵی بڕوایی نادا گەر سەر هەڵبێنێ و زەردە بگرێ
گزنگ چارشێوی غوباری بۆیە دا بە ڕووی شەفەقدا
کیژی ڕۆژ ناتوانێ بەرگەی دیتنی ئەو دەردە بگرێ
◾️◾️
ڕوومەتی ڕووشاوی شەقام شەڵاڵی بارانی مەرگە
بۆنی دووکەڵ گەرووی تەنگی کووچە و کۆڵانی خنیوە
تەرمی سڕی شەهیدەکان بۆ باخی ژین بوونە پەرژین
گێژەڵووکەی مەرگ پرچی درەختی شادیی ڕنیوە
◾️◾️
مەلی دڵ خنکاون لە نێو سینگی سڕی ھێلانەدا
پەپوولەی زێڕینی پشوو لە سینەکانا سووتاون
فرمێسکی ڕوونی چاوەکان مەییون بە تەوژمی گڕ
گلێنەکان لە نێو گۆڕی سڕی پێلوودا نێژراون
◾️◾️
گڕووگاڵی زارۆ لە نێو بێشکەی بەلادا کەوتوودا
بۆتە گریان و ئاوێتەی ناڵە و گرمەی بۆمبا بووە
زەڕنەقووتەی ڕۆحی لە نێو ھێلانەی بچکۆڵەی دڵیا
باڵ و پەڕی دەرکردووە و بۆ باوەشی خودا چووە
◾️◾️
زۆر لە مێژە چاوەڕوانی سروودێ سەوز و تازەیە
بەڵام تاسە و حەز و هیوای لە چاڵی شەودا گۆڕ ئەکەن
ئەمجارەیان سروودی گڕ کەوتۆتە سەر لێوەکانی
بڵێسەی ئاوات و هیوای، گڕ لە جەرگی شەو بەردەدەن
◾️◾️
کیژۆڵەی دڵڕوونی «زەڵم» دەخزێتە باوەشی «سیروان»
تەمی هەناسەیان دەکەن بە تارای بووکی هەڵەبجە
دەبن بە فرمێسکی ئەشق و دەڕژێنە سەر زام و بلۆق
دەشۆرن دووکەڵ و تۆزی سەر گۆنای بووکی هەڵەبجە
◾️◾️
ئەشق و ئەوین دەبنە بەهار دەخزێنە نێو باوەشیەوە
داری حەزی بەر دەگرێ، میوەی ئامانجی پێ دەگا
«جا بە هەتوانی ئازادی ساڕێژ دەبن زامەکانی»
دەبێتە ڕووگەی ئارەزوو شێعر کڕنۆشی بۆ دەبا
◾️◾️
ئەمسا گەرووی سەوزی شێعرم پڕ ئاوازی شادی دەبێ
ئیلهام و هەست و خەیاڵم پۆیلانەی شادیی بۆ دێنن
وشەی ڕازاوە هەڵدەڕژێن لە لێوی سەوزی پێنووسم
چەپک چەپک گوڵی گەش و سووری ئازادیی بۆ دێنن
ڕێبەندانی 1372 هەتاوی
👁🗨👁🗨👁🗨👁🗨👁🗨👁🗨👁🗨👁🗨
🆔 @gerdiglani2020