1081
کاناڵی تایبەتی بەرهەمەکانی ئەمین گەردیگلانی
چاوەڕوانی ئێوەڕێزدارانین لە
سی وپێنج هەمین پیشانگای نێودەوڵەتی کتێب لەتاران
شوێن شەبستانی ئەسڵی ڕاڕەوی 3غورفەی 57
بۆزانیاری زۆرترپێوەندی بگرن
09183721691 ڕەفێق ساڵحی بەرپرسی چاپەمەنی ئامیار
@amyarpublication
باخت کە وشک بوو، بەی بە هەرمێ دەکرێ
ڕووناکی نەبوو، شەم و چرا پێدەکرێ
پاسارە نەبێ ئەگەر لە بۆ پاساری
هێلانە لەسەر شاخی بزن چێ دەکرێ
🔸ئەمین گەردیگلانی🔸
پاسارە: گوێسوانە، سواندان.
پاساری: چۆلەکە، سواندووکە، مەلیچک.
🔸🔸🔸🔸🔸🔸🔸🔸
🆔 @amingardiglani
ساڵی دووبەھار
بە بۆنەی لەدایک‌بوونی
نەوەی خۆشەویست و لە دڵا شیرینم
«ئاران» گیان
ئەمین گەردیگلانی
شادیی ھێنا بۆ ژیانم ھاتنت «ئاران»ەکەم
تۆ ھەوێنی بۆ ژیانم کۆرپە خنجیلانەکەم
ھاتنی تۆ ئەم بەھارەی کردە ساڵی دووبەھار
بوونی تۆ ئەمڕۆکە بوو بە جوانترین جێژنانەکەم
خۆشترین جێژنی منە جێژنی لە دایک بوونی تۆ
نەوبەھارە و ھاتنی تۆ بوو بە نەورۆزانەکەم
پێکەنینت ئاوپژێنی ڕۆحی گڕگرتووم دەکا
بۆ بەیاری وشکی دڵ چاوت نمەی بارانەکەم
زایەڵەی نەرمی گڕوگاڵت، قریشکەی خەندەکەت
سۆزی مۆسیقایە دەیلاوێنێ ڕۆح و گیانەکەم
ژینی سڕبووی من بە بۆنەی تۆوە تینی تێگەڕا
لەم ھەوارەی شەختە گەستوودا ئەتۆی ئارانەکەم
ئارەزوومە وەرگری ئاڵای دەسی باپیری خۆت
تێبکۆشی بۆ گەل و بۆ نیشتمانە جوانەکەم
تاکوو ھەی ڕێبواری ڕێی زانست و ئازادی بە تۆش
بێژە: وەک باپیرە ژینم بۆ گەلم تەرخان ئەکەم
خزمەتی گەل کە و بە دڵپاکی و بە سەربەرزی بژی
وا کە ببیە خۆری ڕووناکیدەری ئاسمانەکەم
دەک بە پیرۆز بێ کوڕم جێژنی لە دایک‌بوونی تۆ
ببیە شانازیی وڵات و خاکی کوردستانەکەم
1394/1/29
☘☘☘☘☘☘☘☘
🆔 @amingardiglani
💧باران💧
ئەمین گەردیگلانی
ئامێزی هەوری بەردا، دڵۆپی وێڵی باران
خۆی خستە باوەشی با ـ و کاروان و خێڵی باران
کلتووری هەوری پڕ کرد لە کل، دەستی برووسکە
چاوی بەیان دەڕێژێ، ئاسۆ بە مێڵی باران
دەیکاتە جاڕە شەونم، ئەم قاقڕی دەروونەم
تا، پڕ لە ئەشکی شێعرە، چاوی هەسێڵی باران
پەنجەی دەنێ بە زامی سنگی کەژ و چیاوە
زەردەی دەزێتە لێوان، سۆڵاڤی لێڵی باران
ڕەوەز شەقار شەقارن، لە بەر تەوژمی ڕێژنە
کەنگێ لە بەرد ئەترسێ، شووشەی تەوێڵی باران؟
کەیلی سروودی ژینن، ناخ و گەرووی چرۆکان
نۆتی پڕیشکە دەڕژێ لە لێوی هێڵی باران
شەوبا کە ڕادەژێنێ، بێشکەی هەور بە نەرمی
تۆ، زوو لە سەر بەرۆکی شەوبۆ ڕەهێڵی، باران!
ڕەنگە حەزت لە ماچی بسکی تەڕی گەنم بێ،
بۆیە بە نووکی برژۆڵ، عەرزی دەکێڵی، باران!
گەر ئاشقی زەوی نیت، بۆچی وەها بە سەر دێی؟
دواییش بە باڵی تیشکێ، بەجێی دەهێڵی، باران!
💧💧💧💧💧💧
@amingardiglani
🔸ڕێگەی عەشق🔸
تۆ کە بێی ڕووناکی دێ تاریکی یەکجی ون دەبێ
هێند بە تاسەم دەست وهیچ خۆشمم لێ ون دەبێ
🔸ئەمین گەردیگلانی🔸
🔻🔻🔻🔻🔻🔻🔻🔻
🆔 @gerdiglani2020
🔥نەورۆز🔥
🔸شێعر: ئەمین گەردیگلانی
🔸خوێندنەوە: خالید فەتاحی
ئەم وڵاتە ژوانی پاکی تۆ و گەزیزە و نێرگزە
دەک نەژیم گەر ڕێ بدەم پێ‌پەست کرێی نەورۆزەکەم!
لەم هەواری ئەشقە بۆ هەر لایە دەفڕێ چاو و دڵ
بسکی زەردی تۆ شنەی دێت و لەوێی نەورۆزەکەم!
🌸🌸🌸🌸🌸🌸🌸🌸
🆔 @amingardiglani
🔹لەگەڵ زێدەکەم (گەردیگلان)🔹
🔸ئەمین گەردیگلانی🔸
ئەی زێدەکەم ئەم بەھارەش ھاتوومەوە
یادی کانی و دار و بەردت کەوتومەوە
ھاتووم لەگەڵ کەوەکانی «کانی کەوە»ت
قاسپەی ئەشق و قاقای ھیوا بڕژێتە نێو گەروومەوە.
ئەی هاوڕێیان!
ھاتووم وەکوو ھەستی ئێوە
بەھارەکەم سەوز و تەڕ و گەشاوە بێ
دڵتان وەکوو ھەتاو گەرمە
بۆیە ھاتووم چاوم ھەر لەو ھەتاوە بێ.
ھاتوومەوە ئەم بەھاڕەش
دڵەکانمان لە یەکتر گرێ دەینەوە
پرێسکەی پڕ لە دەردەدڵ لەلای یەکتر بکەینەوە.
🔸🔹🔸🔹🔸🔹🔸🔹
🆔 @amingardiglani
🕊 🕊 ٭(کۆتر)٭ 🕊 🕊
٭شێعر: ئەمین گەردیگلانی
٭خوێندنەوە: ئاران گیان( نەوەی خۆشەویستی مامۆستا گردیگلانی )
له‌به‌ر هه‌یوانی ماڵمان
كۆترێكی خنجیلانه
تۆزێ پووشی هێناوه
سازی كردووه هێلانه
بەیانیان بە گمەگم
له خه‌و هه‌ڵم ده‌ستێنێ
داوای دان و ئاو ده‌كا
بۆیه ئاوا ده‌خوێنێ
دان و ئاوی بۆ ده‌به‌م
دێت و ده‌نیشێته‌وه
وه‌ختێكی ده‌چم بۆ لای
خێرا هه‌ڵده‌فڕێته‌وه
خۆ من زۆرم خۆش ده‌وێ
خۆزگه بیزانیبایه
ئه‌مجاره كه چووم بۆ لای
ئیتر هه‌ڵنه‌فڕیبایە
@gawrkayati
⚫️پەیامی پرسە و سەرەخۆشی⚫️
داخت بووە گەردەلوول و ئاڵا ڕۆحم
سووتا بە هەنیسک ئەوەندە گریا ڕۆحم
چی بوو لە نەکاو ئەم ڕەشە بڕیارەت دا
تۆ ڕۆیی دەسی لە جەستە بەردا ڕۆحم
◾️◾️◾️◾️◾️◾️◾️◾️◾️
کۆچی دوایی هاوڕێی خۆشەویست و هونەرپەروەر کاک (ڕەسووڵ مەمۆ)
ماتەمباری کردین و بێ گومان خەمی لە دەست دانی ئەو خۆشەویستە خەسارێکی گەورەیە بۆ کۆڕی هونەرمەندان و یادی هەمیشە لە دڵماندا زیندووە.
بە دڵێکی پڕ لە پەژارەوە سەرەخۆشی لە بنەماڵەی ئەو هاوڕێ ئازیزە و هەموو هونەرمەندانی کوردستان دەکەم و خۆم بە شەریکی خەمی هەموو لایەک دەزانم.
یادی بە خێر و ڕۆحی شاد بێ
ئەمین گەردیگلانی
🔸خولیا🔸
🔹ئەمین گەردیگلانی🔹
چەن خۆشە بێی ببیەی گوڕە و ھاواری مەستانەم
ببیە مەی و بڕژێیە نێو ئامێزی پەیمانەم
لەم وشکەساڵەی شادییا ھەوری ھەناسەت بم
وەک مانگەشەو بشنێمەوە و تۆ ببیە خەرمانەم
گوڵجاڕی سینەت ڕاخە با کڕنۆشی بۆ بێنم
بۆ زێڕوەشانی باخی بەژنت بەختەبارانەم
زریانی ئاھم لێگەڕێ ھەڵکا، بشێوێنێ
زوڵفت، ئەمن دێم و لەگەڵ سروەی غەزەل شانەم
تەم گرتی شووشەی دڵ بە یادی تۆم لەسەر نووسی:
شێعری ئەوینداری، کە چۆن کردی بە ئەفسانەم
لەو ساوە ئەشقت بۆتە خولیا و ڕووگە بۆ ڕۆحم
بۆ تیری تانەی دوژمنی دڵداری نیشانەم
🔰🔰🔰🔰🔰🔰🔰🔰
🆔 @amingardiglani
▪️هاوڕازی چیا▪️
▪️ئەمین گەردیگلانی▪️
چیا پاکی لە بەر پێما کەوین، من شاخەوانم
لەبەرما شاخ و لووتکەش دانەوین، من شاخەوانم
ئەمن ئاسمانی ئارارات و داڵاهۆم بڕیوە
هەڵۆی سەر دوندم و بازی سەفین، من شاخەوانم
منم هاوڕازی شاهۆ و چل‌چەمە و قەندیل و هەڵگورد،
دەماوەند و سەهەند و ئاورین، من شاخەوانم
ورەی منیان کە دی شاخ و زنار و هەرد و کاوان
هەژا دڵیان و لەرزین و بەزین، من شاخەوانم
گوڵاڵەی مێرگ و سەوزەی هەرد و دۆڵان فەڕشی بەر پێم
چەم و کانی لەگەڵ مندا دەژین، من شاخەوانم
لەگەڵما سوورەگوڵ ڕەخسین و لالەش هاتە دەستم
لە دەسما شەنگەبیزا هەڵپەڕین، من شاخەوانم
دەبێ پارێزەری ژینگە و وڵات و خاکەکەم بم
دڵم خۆرێکە پڕ ئەشقی بە تین، من شاخەوانم
🌿🌺🌿🌺🌿🌺🌿🌺
🆔 /channel/amingardiglani
🔸ڕازی دڵ🔸
🔹شێعر:
ئەمین گەردیگلانی
🔹خوێندنەوە:
سولێمان ئیبراهیمی
🔸🔹🔸🔹🔸🔹🔸🔹
🆔 @amingardiglani
🔹ئاوێنە🔹
🔷ئەمین گەردیگلانی🔷
مەرگەخەونی تەمەنی پڕ تەمی ئەم ئاوێنە
لاپەڕەی زامی چیای لێو و گەروو پڕ خوێنە
سێبەری نزم و لە تۆزا ونی ئەم پێدەشتە
گۆڕی ئەشقێکی برینداری مەرگ تۆقێنە
لەوەتا خوێنی دەماری مەییوە خۆری شەکەت
قورم ئەبارێ لە نیگای ئەم شەوە دڵ برژێنە
وەرە گوێ بگرە لە کسپەی دڵی چۆقاوی بەیان
قرچ و سۆی ئاگری داخێکی تەمەن تاوێنە!
زەردەخەندەی گەش و شلکی گوڵەمێلاقەی ڕۆژ
بۆیە ئەمڕۆکە وەها زیز و سڕ و نەدوێنە،
شەوە مۆتەی گەڕی تێزاوە هەرێمی هاوار
ڕۆحی ڕووناکی لە ئەوکی هونەرا، خنکـێنە
هەڵدەتۆقێ لە گەرووی زامی خەیاڵما ئەمشەو
کارگی دڵ لەتلەتی سەد شاغەزەلی بێ وێنە
پیرە تیمساحی مڕومۆچ و قوڕاویی وایلۆک!
بەس بە سەر مێشکی ژیانا کەڕوو دابڕژێنە!!
بێڵە بۆ چقڵ و گوڵ و مێش و پەپوولە و ڕەز و بی
چاوی ڕۆشن بێ دڵی کانی وەکوو ئاوێنە!
🔸🔸🔸🔸🔸🔸🔸🔸🔸
🆔 @amingardiglani
🔸ڕابواردن🔸
شێعر: ئەمین گەردیگلانی
وەرگێڕانی بۆ ئینگلیزی:
سەعید بابامیری
بێزارم بێزارم بێزار
لەو دنیایەی
تێدا دەژین مرۆڤی دیل و دەسخەرۆ
ئەو دیلانە چەشنی ئاژەڵی دەستەمۆ
دەکەونە دووی گزە و دەهۆ و فێڵ و درۆ
بێزارم بێزارم بێزار
لە مرۆڤی بێ ئەندێشە و بێ پنج و ڕەگ
بۆ ڕابواردن هێندێکیان حەزیان لە شەرەکەڵە شێرە و هێندێکیشیان لە شەرە سەگ
بە هاندانێکی زۆر سادەش بە گژ یەکتریاندا دەکەن
ئێمەش وەک ئەو ئاژەڵانە دنیا خۆران لە یەکتریمان بەردەدەن
من بیر لەوە دەکەمەوە
ئێمەی گەوجی
مێشک خەسیوی دانیشتووی ئەم ڕۆژهەڵاتەی ناوەڕاست
کە ئاوا بە کوشت و بڕی یەکتر فێرین،
مرۆڤی خاوەن ئاوەزین یاخۆ سەگ و کەڵەشێرین؟
🔸🔹🔸🔹🔸🔹🔸🔹
Poem by: Amin Gardiglani, Kurdish poet.
Translator: Saeed Salimi Babamiri, Kurdish translator and poet.
Im-Enjoyment!
I am fed up, fed up, fed up...
...with the world where men are silly slaves and simply deceived,
They act like some tame animals by following big lies and tricks.
I am fed up, fed up, fed up...
...with the people who have no thoughts,
with the people who have no roots...
Some of them do enjoy cockfight,
and some dog fight.
Imperialists make us fight like those animals.
With a small encouragement they start wars between us. They enjoy it!
Are we - the brainless people of this Middle East, who do always kill each other - wise humen beings or cocks and dogs?!
🔸🔹🔸🔹🔸🔹🔸🔹
🆔 @amingardiglani
✏️#شەوە_شێعر
بەرنامەی شەوە شێعری شاری سەقز
ئەمشۆ گوێبیسی پارچە شەعێرێک لە شێعرەکانی مامۆستا ئەمین گەردیگلانی بن.
تکایە بە نووسینی ڕخنە و پێشنیارەکانتان پاڵپشتمان بن
هیوادارین لەم بەرنامە جوان و ڕێک و پێکانە کە پاڵپشتی لە هونەر و ئەدەبی کوردیە لە هەموو شارەکان بەڕێوە بچن
#بەشی_2
🔜بەشی سێهەم سبەی شەو لە کاناڵی شنۆیەکەم
🌐: @shnoyakam
🍒 کاناڵی شنۆیەکەم👇
👀/channel/+UMbceGhelZtjZTRk
🍀ئاڵا🍀
ئەمین گەردیگلانی
کاتێ شەپۆلی پەرچەمت گڕ بەسەری شەوا دەکەن
شەو دەڕەوێ زەوی و سەما، گوڵ لەبەری هەوا دەکەن
دەشت و چیا دەبن بە گڕ، باڵی بزەت کە دەرکەوێ
چاو زمان و دڵ هەموو، پێکەوە یا خودا دەکەن
تۆ کە بە نیو نیگایەکت گڕ لە جیهانێ بەردەدەی تاوی بزە و شەبەنگی ڕووت، چی لە دڵی چیا دەکەن
دێی کە بە کۆیە نوورەوە، شەو دەخزێتە ژوورەوە گیانە لە خەو دەڕاسن و دەرکی دڵ ئاوەڵا دەکەن
دەردەکەوێ لەگەڵ بەیان کاتێ گزنگی ڕووی گەشت
شەونم و سەوزە ناوەکەت، پڕ بە گەر و هەرا دەکەن
تاکو خەیاڵی تۆ لەگەڵ ئەم دڵە عاشقەی منە بووکی وشە و پەریی شیعر، دێن لەگەڵم سەما دەکەن
دەردەکەوێ کە تیشکی ڕووت شەو لە پەساری ئەشقەوە
بەرد و گوڵ و کوڵۆ بەرەو پیری دەڕۆن و ڕادەکەن
با بشەکێ بە نەرمەبا، بەژنە زراو و بەرزەکەت
ئەو دەم ئەبینی دەشت و کۆ چۆن خەم و تەم بە با دەکەن
شەو دەڕەوێت و تیشکی ڕووت پڕ لە ئەوین دەکا بەیان
شاخ و قەڵەم لە باوەشی جاڕە گوڵا سەفا دەکەن
🆔 @amingardiglani
💠باران💠
💧شێعری: ئەمین گەردیگلانی💧
خوێندنەوەی:
💦خاتوو کەژاڵ فەرهادی💦
💧💧💧💧💧💧💧💧
🆔 @amingardiglani
🔹🔹🔹🔹🔹🔹🔹🔹
بە داخەوە🥀
بەپەلە
هونەرمەندی نەتەوەیی کورد عەلی زەندی پاش ماوەیەک بەربەرەکانێ لەگەڵ نەخۆشی لە وڵاتی کانادا ماڵاوایی لە ژیان کرد.
هنرمند #علی_زندی درگذشت.
بۆ دوا جارا
بێ ماڵ ئاوا بەجێت دێڵم
ئازیزەکەم 🖤🥀
/channel/jiyanewey_kurdistan
ــ. ئـــاگـــاداری..
بۆ هەموو شاعیرە بەڕێزەکان لە سەرانسەری
کوردستان ..
سڵاوتان لێبێت ..
ڤیستیڤاڵی دووەمی (مەلای جەباری )
دەست پێدەکاتەوە لە مانگی چوار
لە ڕێگای ئەو لیژنەیەی کە دایناوە جا هەر بەڕێزێک ویستی بەشداری بکات با شیعرەکەی بنێرێت لە ڕێگەی نوێنەری شارەکەیەوە کەدانراوە ..
شیعرەکان تەشیر نەبێت بە ئاین وحیزب و هیچ کەس و لایەنێک ..
مەرجەکانی فیستیڤاڵ:-
١ـ دەقی کلاسیک لە هەشت بەیت کەمتر نەبێت و
دەقی هایکۆ و ئەفۆریزم لە شەش کۆپلە کەمتر نەبێت و
سەربەست و قەصیدە لە (٣)لاپەڕەی (A4)زیاتر نەبێت.
٢ـ دەقی نێردراو نابێت پێشتر لەهیچ ماڵپەڕ و ڕۆژنامە و گۆڤار و کتێبێکدا بڵاوکرابێتەوە و نابێت بەشداری ڤیستیڤاڵی تری پێکرابێت .
٣ـ بەشداربووان دەبێت بەزمانی کوردی دەقەکانیان بنێرن.
٤- شاعیرانی بەشداربوو دەتوانن بەهەر کام لەم ڕێگایانە شیعرەکانیان بگاتە لیژنەی فیستیڤاڵ،
لە ڕێگەی دەستی واتە لەسەر پەڕە
لە ڕێگەی ماسنجەر ، واتسئەپ ، ڤایبەر ، تلیگرام .
ژمارەی مۆبایلێک بۆ ئەو مەبەستە بڵاو دەکرێتەوە کە هەموو پەنجەرەکانی سۆشیالمیدیای لەسەربێت.
٦- بەشداربوو سیڤیی خۆی هاوپێچی دەقە شیعرییەکەی بکات.
بۆ نمونە: ناوی سیانی ـ شوێنی نیشتەجێبوون ـ ژمارەی مۆبایل.
٧- لە ڕێکەوتی(٥ /٣ /٢٠٢٤) دەقی شیعری شاعیرانی بەشداربوو وەردەگیرێت تاوەکو (٥/٤/٢٠٢٤ )کۆتا ڕۆژی وەرگرتنی دەقە شیعرییەکانە ...
٨- بەشداربوو پێویستە لە یەک دەق زیاتر نەنێرێ، دواتر کە گەیشتە دەستی لییژنە بەهیچ جۆرێک ناگۆڕدرێت تەنیا دەتووانێت لە بەشداریکردن بکشێتەوە .
٩- لەو بەروارەی دیاریکراوە بەداوای لێبوردنەوە دەق وەرناگیرێت.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ.
لیژنەی وەرگری دەقەکان:
http://t.me/melajebari
...
لەگەڵ ڕێزی( ئەسوەد فایەق ) سەرۆکی ڤیستیڤاڵ
ــــــــــــــــــــــــــــــــــــــــــــــــــــــــــــــــــــــــــــــــ.
https://www.instagram.com/reel/C4cmK40sGMi/?igsh=MTNrbmFkZW56dTc4OQ==
پڕشنگی خۆر و سروەی بەهاری
نەورۆزی سووری هێنا بە دیاری
من پیرۆزبایی بە گڕ دەنووسم
پێشکەش بێ بە تۆ و بە کوردەواری
✍ئەمین گەردیگلانی
Babadidi-KidsTV" rel="nofollow">http://www.youtube.com/@Babadidi-KidsTV
دایک و باوک و مامۆستایانی ئازیز! وێڕای سڵاو و ڕێز،
تکایە بۆ گەشەی و نەشەی زمان و بیر و زەین و ئەدەبی منداڵان، گۆرانی و ئەنیمەیشنی شاری پیتەکان لە کاناڵی Babadidi لە یوتیوب، بە منداڵەکان بناسێنن و سابسکرایبی بکەن، تا لە خزمەتکردن لەو بوارەدا دڵخۆش و بەردەوام بین☝☝
▪️مەرگی پێکەنین▪️
بۆ هاوڕێی خۆشەویستم ڕەسووڵ مەمۆ،
کە سەرچاوەی شادی و پێکەنین بوو.
🔸ئەمین گەردیگلانی🔸
کۆچی تۆ کۆچی گوڵ و شێعر و شنە و گۆرانییە
شیوەنی تۆ باوەڕی کانی و بەهار و جوانییە
دەنگی کوردانەت لە ئامێزی چیا و باغ و چەما
زەمزەمەی زیخ و چەو و لەنجە و برنجەی کانییە
لەو دەمەی ڕا هەوری داخی کۆچی تۆ گرتی دڵم
چاوی خۆم و شێعر و پێنووسم لە سوێت بارانییە
تۆی مەمۆی عاشق، مەمۆی زینت بە دەست و دەم دەگرت
بۆیە گۆرانیت کەلاوڕێژی وشەی یەزدانییە
تۆ بە قاقا بوویە هاوڕێی ڕۆحی شەیدا و ئاشقم
بۆیە غەیری پێکەنینت چم لە نێو دڵدا نییە
ئەو دەمانەی چاو لە ئەرشیڤی دڵی کەیلم دەکەم
تۆی لە نێو دای بۆیە دێڕێکی بەبێ قاقا نییە
هێندە دڵمت فێری شادی و پێکەنین کرد ئێستە چۆن،
شین بگێڕم بۆ خەمت؟ جا تۆ سەری خۆت وا نییە!؟
پێکەنینم دێ بە مردن دەیهەوێ تۆ ون بکا
تۆ کە خۆت مانای ژیانی، مردنت گۆرانییە
▪️🔸▪️🔸▪️🔸▪️🔸
🆔 @amingardiglani
🔸هاوڕازی چیا🔸
گۆرانیبێژ: عەزیز فروومەند
شێعر: ئەمین گەردیگلانی
تار: سەلاح یۆسف زادە
کەمان: زانیار شوکرە
چیا پاکی لە بەر پێما کەوین، من شاخەوانم
لەبەرما شاخ و لووتکەش دانەوین، من شاخەوانم
ئەمن ئاسمانی ئارارات و داڵاهۆم بڕیوە
هەڵۆی سەر دوندم و بازی سەفین، من شاخەوانم
منم هاوڕازی شاهۆ و چل‌چەمە و قەندیل و هەڵگورد،
دەماوەند و سەهەند و ئاورین، من شاخەوانم
ورەی منیان کە دی شاخ و زنار و هەرد و کاوان
هەژا دڵیان و لەرزین و بەزین، من شاخەوانم
گوڵاڵەی مێرگ و سەوزەی هەرد و دۆڵان فەڕشی بەر پێم
چەم و کانی لەگەڵ مندا دەژین، من شاخەوانم
لەگەڵما سوورەگوڵ ڕەخسین و لالەش هاتە دەستم
لە دەسما شەنگەبیزا هەڵپەڕین، من شاخەوانم
دەبێ پارێزەری ژینگە و وڵات و خاکەکەم بم
دڵم خۆرێکە پڕ عەشقی بە تین، من شاخەوانم
🔸🔹🔸🔹🔸🔸🔸🔹
🆔 @amingardiglani
❤️وزەی ئەشق❤️
🔸ئەمین گەردیگلانی🔸
کامێرا: محەممەد ڕەسووڵی
🆔 @amingardiglani
🆔 @amingardiglani
💠ھەواری ئازادی💠
🔸ئەمین گەردیگلانی🔸
ڕێم بەرەو ئەشقە و دەبێ قەت بەرنەدەم ئەو ڕێیە من
بێ پشوودان ڕێگە دەبڕم تاوەکوو ئەو جێیە من
ھەر بە تەنیا خۆشەویستی و یەکدڵی دەیباتەوە
گۆڕەپانی گوڕڕەیە و کەوتوومە ڕێ بەو پێیە من
خۆی بە سەد ڕەنگیش لە بەر چاوم کە بنوێنێ ژیان
تێدەگەم چۆنە و چییە و بۆچی دەبێت و کێیە، من
گەر من و تۆ بووینە ئێمە و ڕێی ئەوینمان گرتەبەر
بۆ بە تەنیا تۆ لە جێژوانی، ئەدی لە کوێیە من؟!
«دڵ دەچڕژێ ھەرکە دەیبینم کەسێ لاڕێ دەبێ
چونکە شووشەی ناسکی ھیوای گەلێکم پێیە من1»
شۆخە باڵابەرزەکەی تیشک و شنە و شادی، بڵێی
سەر بە تاجی خۆرەوە بشنێیەوە و بدرێیە من؟
ئەشقە ڕێگام و ھەوارم باوەشی ئازادییە
خۆشەویستیی خەڵک و خاکیشم چرای ئەو ڕێیەمن
................................................
1_ئەو بەیتە هی سائیب تەبریزییە
پای تا کج میگذارند خلق ما دل میخوریم
شیشه‌ی ناموس مردم در بغل داریم ما
👇👇👇👇👇👇👇
🆔 @amingardiglani
لە ڕاستەوە: نەمر مامۆستا مستەفا شیرزاد، هادی مەهدی، سەلاح نیساری، خالید عینایەتی، ئەمین گەردیگلانی
ماڵی مامۆستا شێرزاد
🔸🔹🔸🔸🔹🔸🔸🔸
🆔 @amingardiglani
🔻ئۆقڕەگرتن لە باوەشی هیوای سووردا🔻
شێعر و خوێندنەوە:
ئەمین گەردیگلانی
🔻🔻🔻🔻🔻🔻🔻🔻
🆔 @amingardiglani
لە ڕاستەوە: سەید ئەحمەد ڕەواندزی، ئەمین گەردیگلانی، حەسەن گەرمیانی
🔸🔸🔸🔸🔸🔸🔸🔸
🆔 @amingardiglani
📚 ئەمین گەردیگلانی (بۆکان) لە سێهه‌مین كۆڕه شێعری: سه‌مای وشه و گه‌ڵا"ی ئه‌نجومه‌نی ئاسۆی ژیار له ڕێكه‌وتی ئێواره‌ی ٢٣ی خه‌زه‌ڵوه‌ری ٢٧٢٣ كوردی له تالاری لۆردی ساحیب.
🎬گرته و چێكاری: موحه‌مه‌د فه‌رج زاده.
❇️📚/channel/asoyzhyanisaheb
🆔 @amingardiglani
