132
خادم الزهراء
ياخيل بهداي ماشارب الماي
شنهي الذنب سواه واتسحگنه
هوه اشبقه امن حسين واطشرنه
ياخيل بهداي ياخيل بهداي
............................................
ضلمه نهار الله صبح برض الطف
والحزن بيهه اعلينه ما يتوصف
اسمع امراكض خيل وصياح الگوم
كلمن يگول اتعنه اله خاف ايگوم
لحگ واذبحه اجروحه منهن ملچوم
لحگ اله ابساع ماعنده فزاع
مايگدر اعله الگومه طايح چنه
هوه اشبقه امن حسين واطشرنه
ياخيل بهداي ياخيل بهداي
................................................
هذا اليطبره وذاك هوس فوگه
والجبهه صارت عالجفن مطبوگه
هذا اليطبره وذاك شتماته اشكال
وشفت الشمر لحسين رايح چتال
راس على راس الرمح شفته انشال
ذباحه فرحان ذابحله قرآن
وايصيح وين الخيل خل يلفنه
هوه اشبقه امن حسين واطشرنه
ياخيل بهداي ياخيل بهداي
............................................
گبل السحگ بيه الارماح شسوت
شي سالم امن حسين ابد ماخلت
شمسوي الحسين وتسحگن صدره
ومو حافر اعله الصدر صارت كثره
اتسحگنه واگباله التصيح الزهره
شمسوي الحسين والدمعه بالعين
ليش ابحوافرهن مرد مردنه
هوه اشبقه امن حسين واطشرنه
ياخيل بهداي ياخيل بهداي
......................................... ....
ليش ابحقدجن منه شنه التردن
كلما تروحن عالحسين اتردن
يم الخيم واسمع ابكسر اضلوعه
واجدامجن من السحگ مطبوعه
وبيه الاسهام ابلا رحم مزروعه
امگطع اوصال من عنده ماضال
اشما تمشن اعله اخيامنه اتبعدنه
هوه اشبقه امن حسين واطشرنه
ياخيل بهداي ياخيل بهداي
خادم اهل البيت علي الزرگاني
حبيبي حسين
.......
آخر لحظاتي
چانت كلماتي
حبيبي حسين
…
اذكر من چنه بالزغر
يشمني ويه النسمه من تمر
من وجهه يآخذ الفجر ضواه
كله حنيه كله حُب
فراگ المثله شْكثر صعب
من يطلع يطلع الگلب وراه
منو عدها مثل حسيني اخو معصوم وإمام
لو سلمت اعله ابن امي الي يوگف احترام
ويرد السلام
ماكو بحنيته
بزغري مسميته
حبيبي حسين
…
سوه چنه بكل وكت سوه
نتقاسم شمة الهوه
اغله من عيوني والضوه
حُسين
ما انسه العاشر الظهر
ودعني وگلبه منكسُر
من باوعلي بچه شكثر
حنين
ضم عني دموع عيونه
وحنه ظهري بهالوداع
من ساعتها وحس گلبي مشه بدروب الضياع
وگلبي وعمري ضاع
ضعت بأحزانه
وضمني بذرعانه
حبيبي حسين
…
رد مهره خالي للخيم
يصهل وعيونه كلها دم
ابن امي گلبي بي عِلم
ذبيح
رحت اركض والدمع يصب
شافتني الوادم الغرب
بت وادم ساده عالترب
اطيح
رحت وشفته بياحاله ضوه وتسحگه الخيول
هنا خنصر وهنا راسه وضِلِعِ انرض للبتول
احتاريت شأگول
تراب الطف سَجّل
هالكلمه اعله التل
حبيبي حسين
…
البچاني وبچه اخوتي
شافوني وهزله ناگتي
بچفوفي وحته رگبتي
الحبال
حچياتهم صعبه تنحمل
مسبيه اخت ابو الفضل
گلتلهم اخته ما تذل
محال
اصعب موقف بچاني ضَحَك الشامت علي
بالشام احجار اتشامر وانه مچتوفات ادي
اخو ماعندي في
محنيه ضلوعي
وتصيح دموعي
حبيبي حسين
…
آخر ما شفته بالزمن
بالغربه عيوني غمضن
وطن يدورله عن وطن
غريب
ضاعت كل اخوتي وضعت
مت ولا غالي ودعت
بچفوف الغربه اتشيعت
عجيب
ما احضر دفن اخواني والي محد ما حضر
اخو طاحت منه چفوفه واخو مگطوع النحر
آه من الدهر
بعمري الودعته
آخر ما گلته
حبيبي حسين
…
خادم الحسين ( عليه السلام)
كرار حسين الكربلائي
( ابو كميل )
(لحن بدوي سريع)
شِد الحيل * ردِ الخيل * يمشكر
ياوفاي * جيب الماي * للخـَدَر
لف الجيش بالرايه
جيب العلگمي اومايه
شد الحيل * رد الخيل * يمشكر
""""""""""""""""""""""""""""""""""""""""
شدها وگوم ،ياجيدوم ،خل اشيوخهم تندم
صفها اصفوف خوف الخوف بلفرسان لاتهتم
حز ارگاب، خلها اتراب، غرگها الجثث بالدم
طگ زلال ، هد جبال ، كون الگـوم يتندم
معروف الحرب عيدك
تـِل ارگابـهـم بيدك
صيتك بان ، بالعربان ، معلوم البدر يضهر
"""""""""""""""""""""""""""""""''''''''''''''''''''''''''
يومك حان * ياطعان* خل اخيولهم تتعب
ياكفال *عودك گال * سيفك بالحرب يلهب
من وصاك * كض يمناك * گال بشاربك زينب
يعلم بيك ماناسيك ،وانته السيف المجرب
كلك مرجله اونخوه
صيتك بيهم اشسوه
راعي الزود * مثل العود *هذا الحيد من حيدر
""""""""""""""""""""""""""""""'''''''''''''''''''"""
طب عباس * عالي الراس *خله اكبارهم تنذل
صاح ابصوت *شنهي الموت *بين الخيل يتوغل
طبها ابزود *شال الجود * خله الگوم ماتندل
طرها وراح * داس الطاح * سيفه عله الرگب هلهل
رد إمحقـق أحلامـه
جاب الماي لخيامـه
غيـَر حال- روه إعيال . ويه احسين ماقَـصر
"""""“"""""""""""""“""""""""""""""""'''''''''''
ردها وشاط * صار ازماط * گام السيف بيهه ايحز
ترجف خوف *من.تشوف * عباس الگمر يبرز
كلهه اتطيح * من ايصيح * لاساحر ولامخرز
هل كفار*صارت عار * ذلت ماتعيش ابعز
كثره اچفوف شلاها
روس الگوم ذلاها
شبها ابنار * جاب الثار* گال الضلع يتجبر
"""""""""""""""""""""""""""""""""""""""
دمهم فاض * من اغتاض* سوا الحيد يوم اسود
واگف سور *وجهه ينور * ماواحد وصل للحد
گام يدوس *فوگ الروس * والتاريخ ضل يشهد
من يصول * كلهه اتگول * طاحت ناس ماتنعد
جاب الماي لخيامي
خله الجـود گـدامي
هذا اليوم * يضل الحوم* ياكل بالجثث بالبر
"""""""""""""""'''''''''''''''''''''''''''''''''''''''''''''''''
✍️ فاخر علي الشبيبي
(بين الامل والدمعات)
. بـيـن الامـل والــدمــعــات
لـ عبد الله احسب لحظات
سالم يجيني اوليدي سالم يجيني اوليدي
*---------------*---------------*
يشبه الـورده و ردت يسـگـونـه مـاي
سـلـمـيـتـه لـ عـمّـتـه بس قـل هـواي
چانت اللحظه الاخـيـره وصعبه هاي
بيهه حسيت انـكـسـر گلـبـي وگـفـاي
اتـصــوّرت إبــنــي ايـعـود مـرفــوعـه ٱدَي لـلـمـعـبـود
*---------------*---------------*
امفطره اشفافه ويبس ثغره الرضيع
بيدي سلمته وبقيت ادعي السـمـيـع
يـروه عـبـد اللـه ويـرد لَـيّـه سـريـع
حلمي هذا اولـو مشه حلمي يـضـيـع
بـالـگــوّه اصـبّـر بـالـــروح ادعـي بـدعـاء الـمـجـروح
*---------------*---------------*
الكون بـعـيـونـي احـسـه ظلمه صـار
فــاگــده الـراي وذهـيـلـه ابـلا قـــرار
يُـمـه عبد الله صحت هـالـفـرگـه نـار
خـالــي هـزيـت الـمـهـد هَـز انـكـسـار
بـعـده الامــر مــا مـعـروف وٱتـنـطـر ابـلـهـفـه وخـوف
*---------------*---------------*
رفّت اگـلـيـبـي مثل جـنـح الـحَـمـام
والـثـوانـي اتـمـر عـلـيـه چن سـهـام
عـيـنـي تـنـظـر للمـهـد نـظـرة هـيـام
وهاجس ابروحي هتف اقري السلام
بـلـحـظـتـهه موتي اتمنيت مـشـبـوحـه عيني وتانيـت
*---------------*---------------*
أزرع آمـــال وگـلـت ســالــم يــعــود
ودمـعـتـي حـفـرت نهر فوگ الخدود
ارســـم ٱبّـالـي صـــور والـهــم يــزود
ابهذا وضـعـي والـصـبـر جـاز الحدود
اتـحـيّـرت لـمـن غــــــــاب ابـظـنـتـي غـيـر احـســاب
*---------------*---------------*
✍️خادم عبدلله الرضيع ع
الشاعر رعد الجريخي
جروحك كثره ماتلتم .. گـــــــول منين تتألم
من الصـــدر المهشم
لو من جرح الِمـخيم
* * *
يارب الخــــــيم طايـح وفوگك طاح چم حافر
ياسلـــــــــطان هيـبتنه بحالك يالاخو شصاير
ياجـــــــابر گلب زينـب صـاير تكسر الخاطر
الحافر خاطري يحسين مدري صدرك الكاسر
حيره منــــين اشبگنك وضمك
حيره شلون من صدرك اشمك
حيره وخاف يالــــغالي الچمك
هلبت بيــــك تتكلم .. گـــول منــين تتألم
من الصدر المهشم
لو من جرح المخيم
* * *
يحساس الورد زحمه المثلك عالترب خده
يـــالتتبده حنيه كلشي بجســـــــــــمك تبده
شلـــــونك يالذي شلونك أسأل هم الك رده
گـــبل شوية اكو واحد اباب خيامـك اتحده
صاحو عالتراب حســــــين نايم
صاحو عالخيم صـــــاحو غنايم
صاحو والضعن بالصـحره هايم
الوادم خويه ماترحم .. گـــــــول منين تتألم
من الصـــدر المهشم
لو من جرح المــخيم
* * *
عالم خيمتي المـورق صار بغيبتك اصفر
وتطشر حلم عمـــري لمن شفتك مطـــشر
تلم روحك تحسسني تگلي بخير ابوالاكبر
عن لا اعثر اگبالك تخاف يشوفني العسكر
شلونك وانه اعــَرف بحالك شلون
شلونك والعده گبالك يضــــحكون
شلونك متني من همه يضــــربون
تدري بحيلي يتهدم .. كول منـــــين تتألم
من الصـدر المهشم
لو من جرح المخيم
* * *
يلـي مفرهده ثيابك حيــــــلي مثلك تفرهد
اليوم المر على زينب يابواليمه يوم اسود
شفت السلبت جسمك تــمر عالخيمه تتعمد
واحـــــد عيد بجبتك الثاني بمــحبسك عيد
ويلي عيــني شافتــهم مجبلــين
ويلي يـــرد گالو لاتحــــــلمين
ويلي الشمر عفناه يذبح حسين
الجرحك يادوه يرهم .. كول منـــــــين تتألم
من الصــدر المهشم
لو من جرح المـخيم
* * *
الخيمه الي خذت گلبك خويه حترگت الخيمه
والچانو تحت ظلــــــــــها هسه سكنو الهيمه
غيمة خيرك التمـــــطر ماضل منها هالغيمه
اليعطشلك تره ويموت حقه يموت مـن ضيمه
ضامي تلگه كــــل انسان يشتاگ
ضامي يموت خويه من الاشواگ
ضامي الشــوگ يابواليمه حراگ
ياريت انگلب بلسم .. گول منـــــين تتألم
من الصـدر المهشم
لو من جرح المخيم
* * *
حيدر تركي الكربلائي
ليلة العاشر (الوداع وعبد الله الرضيع)
Читать полностью…
بُكاء.. بكاء.. علي الاكــبـر يـليـله
بُكاء.. بكاء .. ابدمعتچ اندعيله
غالي الولد..غالي الولد
~
احسين ابغرُبته.. يدعي ودمعته.. حرگت وجنته
وظهره انحنه
والله مصيبه.. عالي نحيبه.. الاكبر حبيبه
اغلى ظَنه
(حسين ناداها اندعيله والدمع ساچم)
(بـرز للاكـبـر يليله بـكـر ابـن غـانـم)
نحيب.. نحيب.. سمع من المخيم
نحيب.. نحيب.. سمع ودموعه من دم
غالي الولد..غالي الولد
~
أمُه ابحزنها.. منتظره ابنها.. تِفرح عسنها
عگب الوداع
رد الها سالم.. وبسيفه هاشم.. راس ابن غانم
جابه الشجاع
(تـنـدعـي ليله وگلبها نـاره تتوجر)
(ربي يالرديت يوسف رد علي الاكبر)
تصيح..تصيح..يربي رده إليه
تصيح..تصيح..احلفك بالزجيه
غالي الولد..غالي الولد
~
ودع أبيه.. راد المنيه.. بالغاضريه
وحان الفراق
شايغ دليله.. ساعة رحيله.. هدّمله حيله
وصار العناق
(يكتل اوداع المنيه وساعته صعبه)
(بين ابوجهه انكساره وانصدع گلبه)
وداع.. وداع.. يهد حتى الرواسي
وداع.. وداع.. وابو اليمه المواسي
غالي الولد..غالي الولد
~
لمن تأخر.. ماردله الاكبر.. راح وتحير
ميت لگاه
واموذرينه.. وامگطعينه.. صاح انسبينه
گلبه نعاه
(صاح شبان الهواشم تعتني اتشيله)
(مابقه كل حيل عنده منهدم حيله)
عزاء.. عزاء.. نصب يم عمته زينب
عزاء.. عزاء.. الفواطم كله تنحب
غالي الولد..غالي الولد
~
محنه چبيره.. لَمه ابحصيره.. وكل العشيره
انكسرت عليه
شيصبّر أمُه .. ابنحره تشمه.. تبچي وتكلمه
وتشيل اديه
(اتصبر اعليها العقيله آ يبلواهه)
(والبگه ابراسچ تگلها وتنعه وياهه)
عويل.. عويل.. ابصواوين الهواشم
عويل.. عويل.. انذبح بخت العمايم
غالي الولد..غالي الولد
~
حيدر بشار الدراجي
(علي الاكبر ع)
الشايف قهر ظهره انكسر من دنياه
فاگد ولـد وشظل بعــد من دنياه
انـه العايـش بالامـه ،، وانه المذبوحه احلامه ،، من دنياه
،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،
غاية كل ابو بالدنيا معروفه
ابنه اگبال عينه يكبر يشوفه
يحسبله عمر والروح ملهوفه
قطعة من الچبد مايگدر ايعوفه
ايظل ينتظر ،، واغله العمر ،، ابنه ايصير
بين الاهل ،، كل الامل ،، ابنه ايصير
يحسب يكبر گدامه ،، وانه المذبوحه احلامه ،، من دنياه
،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،
كبر واحلامي كبرت بيه وامالي
لچن چف القدر ما انصف بحالي
اخذ مني ضواي وسوري العالي
غالي اهواي ياناس الولد غالي
من ينجرح ،، ما ينشرح ،، هيچ احساس
تحمل صعب ،، جرح الگلب ،، هيچ اساس
ما تحمل مـُر ايامه ،، وانه المذبوحه احلامه ،، من دنياه
،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،
علي فراگك فجعني والحزن شاهد
فگـدك سيف حــاد وللچبــد مـارد
تره فراگ الولد يطفي ضوه الوالد
كــلام الفاگـد يعرفـه اللـذي فاگــد
راح العمـر ،، ماظل صبر ،، حيلي انهار
نبض الگلب ،، فوگ الترب ،، حيلي انهار
يالمطبور اعله الهامه ،، وانه المذبوحه احلامه ،، من دنياه
،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،
على روحــك وگفـت ابكربله ابلا روح
ولگيت عالترب من كـل كتـر مجـروح
اليشوف اوليده ابها الحال حگه اينوح
يالمذبــوح اسمـــــع ونــة المذبــــوح
بيـك السهـم ،، بيه الالـم ،، گلبي انصاب
صاير وصل ،، تدري شحصل ،، گلبي انصاب
انت الطايح بسهامه ،، وانه المذبوحه احلامه ،، من دنياه
،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،
علامـات اعلـه فگـدك بينـن ذنــي
اول وحدة من گمت الظهر محني
وهاي الثانية صحت بصدى حزني
على الدنيا العفه بعدك علي يبني
انت الطحت ،، وانه المتت ،، هذا الصار
لا مو سهل ،، ميت عدل ،، هذا الصار
انت الميت بخيامه ،، وانه المذبوحه احلامه ،، من دنياه
،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،
حسين كاظم الطائي
ليلة 9 محرم
ويـن الـي يـهل العيـن وين الـينحـب ويـانـه
الاكـبـر وكـع مطـروح مـايتعـوض امـجـانـه
✦ ✦
ويـن الـي يـهـل دمـوع خـل يـهيـج وجـدانـه
طايح للحـسيـن الحيـد يمه اتحـوم عـدوانـه
امـوذر وذر يـاحـيـف خـلـهـا تـفـزع اخـوانـه
وحـاطت بيـه گـلـهـا الـخـيـل
حـسـيـن الـمـنـه راح الـحـيـل
يـهـل دمـوعـه مـثـل الـسـيـل
ويـاحـيـل البـگـه ياحيـل بس النوح عـنـوانـه
✦ ✦
ياحـال البگـه لـحسـيـن بس الـنوح والحسـره
مـايرجع عـلـي ويعود وبعـده الـدنيـا شو مـره
وحـمولـي عـليـه اتزيـد مثلك مـاتصح كـسـره
اتـذكـر يبنـي ليك اربـاي
يـاغالـي وضوء عـيـنـاي
ارجـع لـلـخـيـم ويـاي
وهموهـي عليك اتزيد وگلبـي انهدمت اركـانـه
✦ ✦
امـك تـنـحـب وتـبـجـي اتريـد الـي يسـكـتـهـا
يـاأجمـل شباب الكون العين بوجهـه اكحـلـهـا
ربـت بـيـك لـيـل انـهـار يـبني لا تـخب ضـنـهـا
ارحم كـوم حـال امـك
مـوتـهـا تـره هـمـك
يـزرف بالكلب سهمـك
ومـصـابـك كـبـر يـبـنـي ودار ويـاك ازمـانـه
✦ ✦ ✦
ومـن زينب يـزيد الـون تـنحـب ياعـلـي يـبـنـي
يـلـفـگـدك فـلا بـالـهـون ارحـم يـالـولـد ونـي
گـوم الـحك لفـتنـه الـگـوم ردها يـابطـل عـنـي
گـوم وردها هـاي الـگـوم
مـو وكـتـه يـعـمـه الـنـوم
عـنـدك زينـه حيـل عـلـوم
وافـزع عـمـه شوف الـحال گوم وردها اعـدانـه
✦ ✦
يـل جـدك عـلـي الـكرار كلـهـا تعـرف عـلـومـه
غـيـر عـالـزلم يـاحـيد واحـمل گوم بـالـحـومـه
تـشـبـه للنبـي الـمـختار كـلهـن بـيك ارسـومـه
گـوم احمل عليـهـم صـول
و طـشـرها زلـم وخـيـول
واتـرس بـيـهم انتـه الجـول
واحـمـل حـمـلـه الـكرار وارجـع عيـد مـيـدانـه
خـادم الـحـسـيـن
عـلـي الـخـاقـانـي
(حوار ليلئ والاكبر)
خايفه يحسدونك ،،، ياجمال أعيونك
فنهـم ايلاگـونك
علي الاكبر ،،،، علي الأكبر
:::::::::::::::::::::::::::::::::::::
انتَ آيه امن الجمال أونازله
ربي حسنك مثل يوسف عازله
حچيك ابريسم وبيدك غـازله
يا شايـل اخلاق اوعزم
بالشده سيفك يبتسم
من زغرك أمبچي الزلم
تـشـبه المخـتـار جـدك ياعـلي
لو يمر جيش اعلئ حدك يبتلي
علي الاكبر ،،،، علي الأكبر
:::::::::::::::::::::::::::::::::::::
نور وجهك يـمـه ربك صانـعه
بين كل الناس نجمه وطالـعه
اسمك اددلال عودك طـابـعـه
يوليدي يا ريع الچبد
من عطرك يغـار الـورد
والارض ترجف من تهد
مثل سيفك سيف عدهم مايصح
نور وجهك احلئ من وجه الصبح
علي الاكبر ،،،، علي الأكبر
:::::::::::::::::::::::::::::::::::::::
مثل عين الشمس عينك دايره
رَدت أخـيول الآجـتك غـايـره
كربلاء كلـهـه ابجـمـالك حايره
مصباح وجهك بالضعن
يلـعـاندت بيـك الـزمن
يالتشبه اطباع الحسن
دوم ازامط بيك يبني امن المهد
يشبع الجــوعـان چـفـك يالـولـد
علي الاكبر ،،،، علي الأكبر
:::::::::::::::::::::::::::::::::::
شفت أبوك اشكثر ربك رازقه
يشبه المختار شكلك خالـقـه
حيرتني أوصافـك المتطابقه
نورك ابد ما ينحجب
يلطبعك احله أمن العذب
مو آخر اول تنكتب
يلجمالك بالبشر ما ينوصف
بالمراجل مثل أبوفاضل كلف
علي الاكبر ،،،، علي الأكبر
:::::::::::::::::::::::::::::::::::::
من گمر عدنان صيتك قاسمه
واضح الموت اعله سيفك راسمه
والـمـراجل كـلـهـه يمـك والـمـه
كلشي صعب عندك سهل
من زغرك اتشيل الحمل
وكـت الشدايد مـاتـمل
كتبـك التاريخ بحـروف الـذهـب
تدرس الاجيال من عندك آدب
علي الاكبر ،،،، علي الأكبر
:::::::::::::::::::::::::::::::::::::
✍️فاخر علي الشبيبي
يا جسام
......
اعطشلك نهر يالشوفتك ماي
وكت الشيب ردتك خيمه وفياي
بعدك عمري ما يسوه
مو بيدي عشت گوه
يجسام .. يجسام
...
يتعب سنيني فدوه سنيني لعيونك
مو جاسم گلب امك يسمونك
شمس روحي وضوه بعيني يشوفونك
عايفني وظلام الدنيه من دونك
الدنيا وياي صارت غير
خذت كلمة صباح الخير
نايم بالگبر مرتاح خيعونك
امك من رحت ما نامت الليل
الفرگه تريد حيل ومالي كل حيل
بعيني الدنيه مو حلوه
مو بيدي عشت گوه
يجسام .. يجسام
...
سالفتي چنت اسمع گبل عنها
الماتلها ضنه حرگتها تدفنها
الله يساعد الرايح ولد منها
جروح الفرگه كلساعه يلچمنها
تره العايش جرح بالناس
ولا تلگاله شيبة راس
وأنه جروحك تره شيباتي يحچنها
يعصرني الحزن لو چل الغروب
يبني وزارعه عيوني اعله الدروب
تدري فراگك اشسوه
مو بيدي عشت گوه
يجسام .. يجسام
...
مثل الامهات احلم ازف ابني
وي ربعه اشوفه بعرسه متهني
أمنيتي اشيل ابنك على متني
يحزام الظهر عفت الظهر محني
يهالعايف گلب ملهوف
تره بعيني بعد ما شوف
يا اول شباب بدمه متحني
يا عريس گبلك حنته دمه
ومو ربعك سيوف اعليك ملتمه
بعدك يا بو المروه
مو بيدي عشت گوه
يجسام .. يجسام
...
مو توّك حليت بعيني من زغرك
اتعبت حد ما وصل لثلطعش عمرك
ازغير وبالمواقف يولدي شكبرك
تاريخ المراجل واجب يذكرك
بأعز كلماتي تتوصف
يجاسم يا ملاك الطف
مجبل بالحرايب ما منطي ابد ظهرك
ارفع راسي يُمه بعلو الجبال
لو ام الشهيد اگبالي تنگال
بس بهجرك اتچوه
مو بيدي عشت گوه
يجسام .. يجسام
...
بعدك يبني وكتي افتر عكس بيه
وراواني الأشد من ذبحك اعليه
هم تدري خذوني بناگه مسبيه
وسياط الشمر خلتني محنيه
يفز جرح الگلب مانام
سلب عمري طريق الشام
وراسك عالرمح وآنه اگعد بفيه
امك بالسبي وانت اعله الرماح
واتمنيت اموتن حته ارتاح
ولطولك رحت فدوه
مو بيدي عشت گوه
يجسام .. يجسام
...
خادم الحسين ( عليه السلام)
كرار حسين الكربلائي
( ابو كميل)
يا جسام
.....
ضاگت بعيني الوسيعه من عفتني
يمه ما تعرفني هسه لو شفتني
لا انام الليل بعدك
ولا يفك الباب لحدك
يبني عمرين بوداعك كبرتني
...
هب نسيم الموت يبني وشمعة العشره طفاها
وذكرياتك من تمرني تركض دموعي وراها
يا نهر عمري التبده ظلت الروح بضماها
يا جاسم فراگ الضنه
خلاني اعيش مدوهنه
اشتاگ مرت چم سنه
امك تطلبك رباها
ريحة خدودك لهساها اعله متني
من رحت يا اغله ناسي
هدمت بيتي اعله راسي
يبني عمرين بوداعك كبرتني
...
من تضيج الدنيه بيه اويه الصور تحچي دمعتي
وارد وي روحي اسولف وين چنتي وين صرتي
شوكت يبني يحن گلبك ترجع وترجع ضحكتي
جاسم يريحان العمر
ما كافي من نوم الگبر
اَطحن وألهَم بالصبر
وتكسر الخاطر صفنتي
يا وطن عمري بوداعك غربتني
گلبي ما بطّل نحيبه
ليش عفت امك غريبه
يبني عمرين بوداعك كبرتني
...
عيوني شح الشوف بيها والجريب ابعد عليه
والده وفگدت ولدها واگعدت اصفج بديه
موادعك هد حيلي كله ميته بس النِفَس بيه
يصعب عَلَي جَرِ النِفَس
وجهي بتجاعيده انترس
عُود الامل بعدك يبس
وظلت جروحي نديه
فرگتك سطره عله عيوني وعمتني
الما تصد طولك ييُمه
ما ردتها وكون تعمه
يبني عمرين بوداعك كبرتني
...
جنازتك طبت الخيمه وصحت جيبو الولد يمي
اليِنشِّد عني ويگلهم اغله كل الناس أمي
من شفت دمك بطولك نشف بالشريان دمي
حنيت بالدم شيبتي
وحنّت الگاع لونتي
الطم عليك بحرگتي
ولسه اسود لون هدمي
بعده وكت الشيب رحت وشيبتني
ما دريت شسوه وكتي
شيبت حته دمعتي
يبني عمرين بوداعك كبرتني
...
شما تسامرنه وگعدنه صورتك تگعد ويانه
احچي وي گلبي واگله وليدي مو خالي مكانه
جاسم الكله محنه الما مزعلني بزمانه
طيف وافز محيره
واركض ركض للمگبره
اصرخ وناري موجره
إگعد فراگك سبانه
خايف اعليه اموت وموتتني
ظهري بفراگك حِنيته
لاني عدله ولاني ميته
يبني عمرين بوداعك كبرتني
...
خادم الحسين ( عليه السلام)
كرار حسين الكربلائي
( ابو كميل )
الحسن في الطف
....
ان تنكروني يصيح الزمن
انت الحسيني وابن الحسن
تمشي الغيره بدمي
انه الكافل عمي
وابن الحسن
...
من اول نفس وآني
گلبي لكربله يتاني
نبضي كربلائي
بالطف موعد احلامي
وهنا تبدي ايامي
ويتخلد بقائي
يبدي من الحسن عمري وللحسين النهايه
باچر تنقره حروفي بقرائين الولايه
من ينزف ضوه دمي يدگ للغيره ثايه
تبدي المواقف من كربله
بعمري هواها ما ابدله
والطف يحچي بإسمي
انه الكافل عمي
وابن الحسن
...
شاب بكربله مغرم
عمري بلا حسين اظلم
شمس العالم حسين
لو ينطوني الف جنه
ما بدل ظفر منه
هو الدنيه والدين
هو العنده مثل حسيني شيخلي بمكانه
اليگضي سنينه يم بيبانه سلطان بزمانه
ابوي الثاني ابو اليمه الترس عمري بحنانه
عشت بسمائه مثل النجم
ما خله روحي تحس باليتم
بعيون حسين اسمي
انه الكافل عمي
وابن الحسن
...
مراقب موعد جروحي
شايل كربله بروحي
واگف بين الخيام
من سيفي الحرب ترجف
من گبره الحسن يهتف
عفيه وليدي جسام
يوم الطف اقاتل عن ابويه بالنيابه
يدورون الهوه ابن الحسن لو شد نگابه
من ازعل تره سيفي ايتزاعل وي گرابه
هاشم حربها مضرب مثل
للحومه تگلب وكت الزعل
منهو اليگرب يمي
انه الكافل عمي
وابن الحسن
...
هاجت بيه عاطفتي
ثار الاكبر بذمتي
ومربع اجيبه
صولاتي بالف خيبر
عمري اتلطعش عسكر
كل عام بكتيبه
عسكرها وتراب الطف اذريهم سويه
والسبعين الف كلهم اغربلهم بديه
من گبل المنيه اليوم اراويها المنيه
يوصل نداها لسابع سمه
لمن انادي يا فاطمه
اكشف همها وهمي
انه الكافل عمي
وابن الحسن
...
ساعة موتي من تدنه
زفة عرسي بالجنه
ما اخسر شبابي
امي خل تودعني
بدمعتها تشيعني
وتتحنه بخضابي
چانت امنية رمله بديها تزف ابنها
تبدي رحلة غيابي ولا يخلص حزنها
امي الغاليه تبقه مدامعها بجفنها
والدتي عنها تغيب الشمس
وتبچي لمصابي بيوم العرس
تنزل دمعة امي
انه الكافل عمي
وابن الحسن
...
خادم الحسين ( عليه السلام)
كرار حسين الكربلائي
( ابو كميل)
القاسم
………
حسبتك سند عكازتي و ذخري …. يا يمه
من عمري اعلعمرك يا بعد عمري …. يا يمه
يا جسام يا يوليدي … يا جسام يا يوليدي
…….
يلجاسم دليلي عليك يبني ابطيحتك يبني
نامت عينك وويالموت وعيني العاشرت ردني
ما بطل عليك النوح ولا يخلص الك حزني
من كثر البواچي أعليك. طاح أويه الدمع جفني
جف البين شل ايدي.. يا جسام يوليدي
…….
شيفيد العمر جسام لو ما طولك اكبالي
غالي انته واشمن بيك ريحة جدك الغالي
رد ليه البعد جتال ما يرحم تره بحالي
ما يرحم زماني الشاف حرمه اتضل بلا والي
وين الكاك يوحيدي … يا جسام يوليدي
………….
ضميتك ذهب للعوز كوم العوز وازاني
يل اسمك سلف وياي وحدي الموت خلاني
بيتي انته وعمود البيت انته وفزعة اخواني
بس عينك غفت يا حيف جف الشيب لاواني
صار النوح تعويدي .. يا جسام يوليدي
…………..
يا يمه الرمل يجويك كافي النوم مو كافي
شلون اغفه وانام الليل وانته اعلرمل غافي
رد ليه التعب برباك ذاك و شيلت اجتافي
وافيني بحليبي أعليك مو بلموت اليوافي
ردتك عون وعضيدي… يا جسام يوليدي
………….
ضماك الحسن لحسين سيف وتحرس اخيامه
وبصدرك تلاكي الموت يمه وتشكف اسهامه
من صحته واجاك حسين طاح و زادت الامه
ويم جثتك بچه العباس شفته و ذب العمامه
بدمك صار تخليدي… يا جسام يوليدي
………….
من جابو ييمه النوك مامش للرچب تجوه
وناس التحدي بينه تريد لا فزعه ولا نخوه
رد وينك يلب حشاي فدوه لشوفتك فدوه
وأقرالك شلون انساك. وانسه ايامك الحلوه
شوف شلون تكيدي… يا جسام يوليدي
…………
احمد العقابي الحياوي
راح الخدر ذاك
يل چنه بحماك
......
الماشايف الزينب كبل شافاها هسه وسامع
أعيون المدنگه امس صارت علينه تباوع
حركو خيمنه والسمع يسلب خواتك فازع
فزعت علينه الخيل والناس
منضر يخويه يگطع الانفاس
فرهود صاحو بالصواوين
تاه الضعن ذبحينه عباس
الطولي محد شايفه سنين
طريت ياخويه الميادين
اركض وأدور وين العزاز
ميتين كلكم خويه ميتين
هاك استمع هاك
راح الخدر ذاك
.........
يل دللتني من الزغر صار اسمي وسمك هيبه
مايصعب عليك الصعب كلشي الاطلبه تجيبه
عباس خويه مصيبتك ماكو مثلها مصيبه
يل غيرتك ماكومثلها
اجفوف زينب كوم حلها
مگيوده صارت بين الاجناب
اختك غريبه ومحد الها
حچايتها طاحت والخدر راح
ترتاح زينب يمته ترتاح
يمگابلتكم ليل ونهار
يل غيرتكم هاي الرماح
لو ميته وياك
راح الخدر ذاك
..........
هضموني ياخويه الغرب من غمضتها عيونك
يالمنصلب فوگ الرمح كل لحظه اگول شلونك
ذبلان من طول الدرب لونك تغير لونك
عن الشمس أشلون اضمك
يريت كون تشوفك امك
مذبوح لاچن راسك فياي
اعله ختك وشوف يسيل دمك
شيحمل گلب زينب نوايب
مالايگه عليه الخرايب
من غمضيت العين عباس
صاحو علي يم المصايب
كوم ارفع الواك
راح الخدر ذاك
.......
انته الجنت يابو الفضل تخفي اثرها اجدامي
تسبگني لوشفت الضوه تطفي الضوه جدامي
راح الدلال بطيحتك ونتهت ذيج ايامي
عالنوك مشدوده بالحبال
مصيبتي الماخطرت ابال
فرجه صرت للناس والناس
ماشايف من زينب خيال
يخويه الشام ماينوصف همه
طبيناه وكله اتصيح اعمه
هاي الناس لاگتنه بالحجار
وادم موش اوادم ميته ذمه
مگطوعه يمناك
راح الخدر ذاك
...........
خادم اهل البيت ع
فلاح طالب الماجدي
اخيتكم غريبه
.....
ها يخوتي لا تگولون الوداع بهالمسيه
ها يخوتي گلب اليفارگ هله يشوف المنيه
باچر الطف يرسم بعيني المصيبه
باچر اتعوفون اخيتكم غريبه
...
انه زينب ولهلي جبريل خادم
انه اول مَره ايحجبوها بصوارم
الهوه لو مر خيمتي يتوضه لازم
الگاع تجفل لو صحت حيكم يهاشم
راية اهلي الراسيات العاليات اتغار منها
راية اهلي بالكلايف كل زمن يحچون عنها
ليلة العاشر صرخ گلبي بنحيبه
باچر اتعوفون اخيتكم غريبه
...
علي الاكبر اجه والمدمع يسيله
يگلي عمه باچر الغربه طويله
ارد اوصيچ بوصيه يالعقيله
لو متت صبري عليه امي ليله
عمه زينب خاف امي تموت من لوعة مصابي
عمه زينب باچر بدم تنطفي شمعة شبابي
ودمعي حاچه اخواني يخواني عجيبه
باچر اتعوفون اخيتكم غريبه
...
جاسم اگبالي وگف يسمع ونيني
گال كلمه رخّصت دمعاتي عيني
عمه لو شفت شباب اتذكريني
زفْتي موت وحنتي من دم يميني
اتذكريني ورمله بچفوفچ امانه يالوفيه
اتذكريني والحسن گليله وفاها الوصيه
وين اخوتي صحت يليوث الكتيبه
باچر تعوفون اخيتكم غريبه
...
والرباب الليله جابتلي طفلها
ام اليذبحون واحدها شگلها
گاعده تناغيلها والدمعه تهلها
باچر يذبحون اهل الغيره كلها
وابو فاضل توگع چفوفه وسهم ينبت بعينه
ابو فاضل باچر من التل اگله الحگ علينه
صحت يا عباس يامن كله هيبه
باچر تعوفون اخيتكم غريبه
...
حسين حاچاني وكسر يا ناس ظهري
گالي باچر شمر يگطعلي نحري
گالي والخيل تلعب فوگ صدري
گالي عاري اظل ودماي تجري
واحسيناه عالرمح ينشال راسه واحسيناه
واحسيناه تشبچ اعليه النبال وعاري الگاه
والمخيم فوگي ما يطفه لهيبه
باچر تعوفون اخيتكم غريبه
...
خادم الحسين ( عليه السلام )
كرار حسين الكربلائي
( ابو كميل )
اخر ليلة
اخر ليله ويه العيله
ليل العاشر دم ابجيله
باجر حيرة عيالي
لو رد المهر خالي
آه لحالي
...
جرح عشناه وداع واه معاناتي
بنات ازغار دمعهن نار حرگ ذاتي
يودعني ويشبگني حبيباتي
ليل العاشر كسرة خاطر
اعليهن ينحب گلبي الحاير
موقف عايش ابالي
لو رد المهر خالي
آه لحالي
...
اسمعت ونه وشفت سكنه اجت يمي
يوجه الخير وراك يصير اليتيمه اسمي
صعب فرگاك بعد عيناك يظل همي
جرحك يكبر يا بو الاكبر
رايح عني وبيش اتصبر
منهو اليرحم بحالي
لو رد المهر خالي
اه لحالي
...
انسمع نوحي وخذت روحي رقيتنه
الخيم كلها بچت الها حبيبتنه
هوه الريه تشم بيه بألف ونه
صاحت بابه مُر غيابه
خلوني اشتم عطر ثيابه
باچر ما الي والي
لو رد المهر خالي
آه لحالي
...
الدمع صله اعله عبد الله رضيع يموت
يعطشونه ويذبحونه وأدي تابوت
الگلب شيگول طفل مكتول ولا بي صوت
باچر طفلي يذبحوه قبلي
اخر غالي بصحبي واهلي
انرسمت حالته گبالي
لو رد المهر خالي
آه لحالي
...
اجت زينب اجت تنحب وحنت ظهري
اظل حاير الشمر باچر يحز نحري
وعساكرها بحوافرها ترض صدري
بكل حنيه تبچي اعليه
هي التفهم جرحي البيه
راسي عالرمح عالي
لو رد المهر خالي
آه لحالي
...
خادم الحسين ( عليه السلام)
كرار حسين الكربلائي
( ابو كميل )
جيت شچايه الهلي بالهيمه
يبن أمي دگعد طاحت الكم خيمه
يابو الفضل يابو الفضل
--------------------------------------------
يمسكت حلوگ الزلم يمخورس الرمايه
گوم اعله حيلك يلأخو بالگاع هاي الرايه
عباس مو وكت النهر ما ردنه نشرب مايه
چلمة سبيه من انحچت كتلتني موش حچايه
طبو خيمكم عباس
ركضن حرمكم عباس
بلوه ابتلينه عباس
خويه انولينه عباس
يا ضيم گلبي ألما أوصف ضيمه
يبن أمي دگعد طاحت الكم خيمه
يابو الفضل يابو الفضل
-----------------------------------------
عباس نركض والرمل حار ويچوي اعيالك
والشامت بچفه الحبل هذا الحچي چتالك
يبن امي رد اعله الخدر وأحميهه تبچي اطفالك
عباس بس گاع الحرب يبن الولي تحلالك
عيني ونظرهه ،، عباس
تقبل شمرهه ،، عباس
يحدي بضعنه ،، عباس
ردنه الوطنه ، عباس
تانيت طولك الله كون أيديمه
يبن أمي دگعد طاحت الكم خيمه
يابو الفضل يابو الفضل
-------------------------------------------
جيناك خويه اعله النهر مو ماي ردنه العونه
يا حاضر الشده المدد يابو الفضل وصلونه
وينك يسبع الگنطره وداعت علي أذونه
ذبحونه بالسب والشتم يا ريتهم ذبحونه
بالطف ركضنه ،، عباس
يمك وصلنه ،، عباس
طاحت چفوفك ،، عباس
ما باقي شوفك ،، عباس
گوم يا بو الزود يابو الشيمه
يبن أمي دگعد طاحت الكم خيمه
يابو الفضل يابو الفضل
----------------------------------------
وين الهواشم علترب محتاجه هسه اخواني
غير انه بت حيدر علي وام الحسن عنواني
عباس تسمع يلأخو مديت الك ذرعاني
ترضاهه بحبال انچتف ترضاهه ما تلگاني
أمشي أسيره ،، عباس
هاي الچبيره ،، عباس
ضعن الهواشم ،، عباس
ما يبقى ىسالم ،، عباس
والضعن بچفوف العده تسليمه
يبن أمي دگعد طاحت الكم خيمه
يابو الفضل يابو الفضل
-----------------------------------------
ماشين خويه اعله الهزل يمكم ولا ظلينه
عباس يا حادي الضعن هسه الشمر حادينه
معقوله يبن المرتضى بين العدى اتخلينه
گوم اعله حيلك يلأخو عباس بس حاچينه
هسه افترگنه ،، عباس
رايح ضعنه ،، عباس
منكم مشينه ،، عباس
مچتوفه ادينه ،، عباس
نمشي وي وادم مالهم كل قيمه
يبن أمي دگعد طاحت الكم خيمه
يابو الفضل يابو الفضل
كلمات الخادم / رعد الفريجي
ثوابها الى روح والدتي
. حـسـيـن يُـمـه حـسـيـن يُـمــه حـسـيـن
يُـمـه
*---------------*---------------*
صبري خلص دمعه دمعه
مـره انــــوح ومـره انـعـه
يبني هاي شلون فـجـعـه
سهم گـلـبـك بيش اطلعه
لـ گلبي أضمه لـ گـلـبـي أضمه لـ گــلبـي أضمه
*---------------*---------------*
يُـمـه فــك عـيـنـك إلـيــه
يُـمـه اغـفـه ابـيـن اديـــه
كلمه احـچـي ورد عـلـيـه
نـفـس حـالـك صـار بـيـه
اشلـون هظمه اشـلـون هظمه اشـلـون هظمه
*---------------*---------------*
ضلعي هم يمك لـچـمـتـه
فدوه صدري الصدك انته
الـبـاب من شفتك ذكـرتـه
حيل احس گلـبـي شلعته
الـكــون ظلمـه الـكــون ظلمـه الـكــون ظلمـه
*---------------*---------------*
گول امي اشـلـون بـيـهـه
بـس دمـوع اتهل حچيهه
الـروح مـلـت من بيچيهه
مـره ديـــر الـعـيـن لـيـهـه
لـيـش تـظـمـه لـيــش تـظـمـه لـيــش تـظـمـه
*---------------*---------------*
يـمــه نــار الـگـلـب كَـبـرَه
شـفـت اثر للخيل عـشـره
بيه كسـره وبـيـك كـسـره
فكلي عـيـنـك ولقي نظره
الـنـوح اكظمـه الـنـوح اكظمـه الـنـوح اكظمـه
*---------------*---------------*
هم اكول ايطيب جـرحـه
هم اشـوفـن يـوم فـرحـه
تدري حيلي انهار صـرحـه
صعبه هذا الحال اشـرحه
امصيبه عظمه امصيبه عظمه امصيبه عظمه
*---------------*---------------*
✍️خادم الحسين ع
الشاعر رعد الچريخـي
آخر نظره يوم العاشر
تحچي اشكثر نظرات الاوداع
اويه ام الخدر بس خلصت بساع
بالوگعه من ميموني
فاتحها چنت اعيوني
++++++++
امن أول حجر لآخر سهم
ياخويه اسمع بالخيم
كلشي گلب زينب عِلَم
وصورتها تمشي اگبالي
كل جسمي لچمات انترس
وابيا علي اسحب نفس
نَزَّلني من ظهره الفرس
رد اعله زينب خالي
يا هو البقى وراجعله فزّاع
يركض يلمني من عله الگاع
يسندلي كون امتوني
فاتحها چنت اعيوني
++++++++++
صانع وساده امن الترب
لاحت سواده اعله الدرب
مشيتها يقراها الگلب
مني تريد املاگه
بس اوگف ابطولي ردت
اسم الله كل وگعه اسمعت
واشطلعچ زينب صحت
گالت الگ مشتاگه
هذا انت گالت خويه يحسين
ماتنعرف ذاك الحسن وين
يابعد لونك لوني
فاتحها چنت اعيوني
+++++++++
گلتلها غيرني الضمه
واعضامي كلها امهشمه
حاچيني يا بت فاطمه
بنظراتي گمت اسئألها
هل انتي زينب ياتُرى
شكلچ شجاا واشغييره
لو صعدت التل للمره
اگبال العدو تكتلها
محنيه ليش وما بقى حيل
الله يعينچ من يجي الليل
ايتامي لو رادوني
فاتحها چنت اعيوني
+++++++++
كل دمي بعروگي نزف
كل حيلي ما يرفعله چف
لحظة وداع وللاسف
صوت وحچي ما عندي
اسوالفنه صارت بس دمع
مفهومه بس ماتنسمع
بكل دمعه منها انوجع
تمسح رمل عن خدي
سلّم عله امي گالت اوياك
هلبت اموت بسرعه والگاك
لا عالهزل يسبوني
فاتحه چنت اعيوني
++++++++++
عني مشت تخطي بحذر
ما ناطيه الجسمي الظهر
والراسي چان آخر نظر
موجود بعده بجسمي
وهنا بده صوت اعتله
رِيحوا الحسين ابمقتله
شفت الشمر صدري اعتله
لا باقي واحد يمي
بيه اثنعش طعنه احسب حساب
الوجهي گلبني فوگ الاتراب
من الظِهر ذبحوني
فاتحها چنت اعيوني
+++++++++
ثائر الربيعي
الاكبر
..
بچفه لمع سيفه شحلاته
ويقاتل بأربع جهاته
كلمن يشوفه اربعه يلگاه
الله ومحمد وعلي ويّاه
...
بكربله طلابة عرب تريد شيخ وعارفه
وعلي استأذن والده وطب يحل السالفه
السيف يسأل من علي وين چفك شايفه
انت يمكنك عرف گلي من طايفه
سيفه نشد من شاف وجهه
الكرار لو واحد يشبهه
ويباوعه السيف العَلى يمناه
الله ومحمد وعلي ويّاه
...
اي نعم شيخ ونزل البخت تارس روحه
نجم يمشي اعله الارض والنجم شيلوحه
بوجهه صاحت كربله الدين شِد اجروحه
يا علي توه الحچي صار بيهْ املوحه
والگاع صارت يم علي ضيف
صبلها دم موش اگهوه السيف
معزب عزيز حسين يا محلاه
الله ومحمد وعلي اوياه
...
ثار عنده لفاطمه وجاي ياخذ حيفه
يلجم احلوگ الزلم من يسولف سيفه
ياخذه يرده ركض الجيش يمشي بكيفه
وين المخوف الزلم يجابله ويخيفه
سبعين الف راواهم الموت
والما يلوحه السيف مبخوت
شنهو السبب ماواحد تدناه
الله ومحمد وعلي اوياه
...
صارمه بچفه سمع صوت صارم ثاني
آني بحزام الگمر للقتال متاني
خلي حصه من الرگب بالله لا تنساني
اظن منا للظهر تفنه وانت الفاني
كافي يبو الروح الابيه
خليهم الباقي عليه
المثلك يقاتل يا علي معناه
الله ومحمد وعلي ويّاه
...
ساعه لن امر القدر صاب منّه الهامه
صاح بويه واعتنه حسين دون عمامه
ابو ويشوف الولد بس وذر جدامه
امه مكسورة گلب گاعده بخيامه
گوّه ايتنفس روحه تسعر
ناده يليله راح الاكبر
ابنچ شهيد وخضبّو بدماه
الله ومحمد وعلي ويّاه
...
خادم الحسين ( عليه السلام)
كرار حسين الكربلائي
( ابو كميل)
الاكبر
......
رايحلي ولد يشبه محمد
نهار الطف اشوفه بعيني اسود
گلبي من المهر طاح
راح ابني علي راح
يدنيه
...
چان اكبر ولد بس صار اكبر جرح بجروحي
طلع من خيمتي وحسيت طلعت وي علي روحي
شبگته وفوگ صدره اخذ دمعاتي
وبقت دمعاته يضون فوگ شيباتي
علي شمّامتي من اشم عطره ارتاح
فگدته وانحنيت اگبال شماتي
مات ابني وبعد ما بيّن العيد
الله يعين كلمن فاگد وليد
بَت من الگلب صاح
راح ابني علي راح
يدنيه
...
الگلب صله صلاة الخوف ضامي ويندعي الضامي
يالمرجع نبي من الحوت رجّع علي لخيامي
رجعلي وفرح گلبي الچان اله يتاني
تشابگنه اوگع واحد عله الثاني
واتصور ابو يسمع وليده يگول
(أبه ) من العطش ظل يابس لساني
اعله مود وليدي لو الگالي شراي
ابيع سنيني كلها واشتري الماي
اعيش شلون وارتاح
راح ابني علي راح
يدنيه
...
من باب الخيم للجيش اركض رحت لوليدي
لگيته مطشر اعله الگاع ولميت الولد بيدي
شلت شمس الله بيدي ودنيتي ظلمه
واذا ضميت جرحي دمعي شيضمه
صحت يختي يزينب علي الاكبر راح
اذا لاگتني امه شراح اگل لامه
انه وليله بدموع المحنه
گعدنه اثنينه نبچي اعله ابنّه
چتل بسيوف وارماح
راح ابني علي راح
يدنيه
كرار حسين الكربلائي
لسان حال الإمام الحسين مع علي الأكبر عليهم السلام .
يابويه الاكبر أفتح العين
إگعد ورجّع روح الحسين
يمك طحت ... وتشاهدت
يابويه الاگبر افتح العين
///////////////////////////
إگعد يا خظار حسين .. إگعد ورحم بروحي
أنده بيك ما فزيت .. عجب ما گعدك نوحي
مو طبعك تغمظ العين .. علي يا لچمة جروحي
يمالخ گلبي بيه شلون .. أشوفك وانت مذبوحي
يل تشبه الهادي بصفاتك
بويه النزف ماخذ حلاتك
تگعد ردت .. وتشاهدت
يابويه الأكبر أفتح العين
//////////////////////
أحط خدي على خدك .. يل خدك ترافة ماي
وهمس بذنك وأنخاگ .. كل ظني تگوم وياي
نبظ مابيك يل مصروع .. صمتك يكسر بمگفاي
يركن حسين يل مهدوم .. عفتني وظلّمت دنياي
جاوبني بويه ورد الانفاس
منك يل أكبر شيب الراس
ما جاوبت .. وتشاهدتت
//////////////////////
يظي عيوني يوليدي .. ليش گبالي يطفونك
ليش الموت ما يدري .. حياة خيامي بعيونك
شگل للعيله لو رديت .. علي كلهم ينطرونك
يل ألاكبر صعب حالي .. أرد لخيامي من دونك
ياموت اخذني وريح الروح
ألمن أعيش وليدي مذبوح
شفته وشغت .. وتشاهدتت
//////////////////////
يل ميبس خلايا حسين .. أشيلك للخيم صعبه
بعد ما بيه ذرة حيل .. أبوك الطيحت گلبه
ألمن ردتي بلياك .. وانه جبت الدرب رهبه
يل موزع وذر عل گاع .. عفتني جنازه بل غربه
إلدنيه بيه گامت أتضيج
بويه المنيه وصلت الريج
وشگد نحت .. وتشاهدت
//////////////////////
أون وذبلت أغصاني .. يل أكبر ظيعو رسمك
وصل بيه الهظم وياك .. أخضب شيبتي بدمك
بعد ما بيه أبچي عليك .. كل عيني انچفت يمك
إذا رديت للصيوان .. يمذبوحي شگل لمك
أمك تنطرگ يم الخيام
لجيتك تعد وترسم احلام
عنهه غبت .. وتشاهدت
//////////////////////
أخر لحظه چنهه وياك .. وأخر نظره يوليدي
أنهظ وارجع أحظانك .. أحبگ بويه مو بيدي
ألموادع ثگيل وياك .. نار وتسري بوريدي
بيه همومي ما تنزاح .. بيه دموعي تعويدي
من گمت عنك و العمر ظاع
غصيت بويه بهذه الوداع
چني متت .. وتشاهدت
//////////////////////
اللهم عجل لوليك الفرج ..
سيف وسام الزيدي
نزله. لمولاي الاكبر. ع
هليله يحضر جدك يالأكبر
يجري دمعات الحزن بالغاضريه
………..
اهتز المعسكر من صوت الاكبر الــلـه اكــــبر بالغاضريه
طب للعساكر حز المــــناحر بسيفه يشاطر فرسان اميه
صاحو مجفلين هالفارس منين رد يمكن الحين
حامي الحميه
يشبه محمد ورسومه تشهد
خله عدوانه جثث فوك الوطيه
……../
ليش اكطعت ليش يافالق الجيـــش ما واحد يعيش لو شارب الماي
هاي امك تنوح الهه اصبحت روح لورايد تروح يبني يوفـــاي
رِد للمخــــــيم لمك يـبلـــسم خــليـهـه تشـــتم عطرك يضنواي
ودعهه يبني يلماشي عني
يبني يامن يصعب فراكك عليه
……..
رَد والكلــب نـار من العطش صار وبامره محـتار وشحال الحسين
مـمنوعه الحدود ظل فارغ الـــجود هلدربه مسدود بعدوانه صوبين
رَد لمـه بالحــال من صوب الاهوال شاف الدمع سال من عدهه بالعين
ناداهه اصبري يايمه لمري
خلي دمي يواسي يايمه الزجيه
………
هذا انه ماضي لو عمري كاضي بحد المواضي فدوه لامامي
انه افدي الدين بدم الشراييــــــن ولوالدي حسين ابعث سلامي
هاي الكــتايــب انـــه الــمـحـارب وبزودي غــالب اخذ وسامي
نهج العقيده دمي يريده
انه احمي العيله متهمني المنيه
………..
بالحومه من طاح من كثر الجراح يابويه لن صاح اخر نفس بيهـ
امــــه الـغـريـبــه صاحت دجيـبـه بلجن طبيـــبــــه يكدر يداويــه
صاحلهه هيهـات وليدج اطن مات بدموع الاهـــات للخيمه رد بيه
كلبه تفطر حسين وتحير
ريت كبلك يبني تاخذني المنيه
……….
ليلى ويزينب كل وحده تنحب حين التخضب من كثر الجراح
لـيـلـى تشـمه عــمـتـه تـضـمه وتـنـادي امــه راح الابــن راح
ذبحو محـمـد ياربــي اشـهــد حـين التوســد علغبرة من طاح
خلاه الحسين وبدمعة العين
جثته بصف جثة القاسم اخيه
………
نسألكم الدعاء
الشاعر حسين العقابي
الليلة التاسعة ( علي الاكبر) عليه السلام
Читать полностью…
يا جسام
....
يا حلم العمر
شيفيد الصبر
بعرسك يالولد
زفوك لگبر
ييمه ييمه ييمه يجاسم
...
يحلو المحاچي شتفيد البواچي
كبرت بغيابك يروح امك ارجع
اريدك تجيني واسمعك ونيني
يبعد المحنه دليلي تگطع
كلشي حسبته يمر اعله بالي
وما چنت احسّب يظل بيت خالي
افرك بديه وسبتني الليالي
يا ريع الگلب
توديعك صعب
وعيوني عمت
ما شوف الدرب
...
يراح شيجيبه عفتني غريبه
رحيلك يغالي حلم ما اصدگه
يتعبي ويشيبي كتلني نحيبي
بقه عندي ذكره قميصك واشبگه
المن عفتني الضنه غالي تدري
يُمه ييمه الوكت حاني ظهري
اصحه وانامن دمع عيني يجري
كل حيلي انفگد
ما شوفن بعد
تگضيها بچي
الراحلها ولد
...
يجاسم ييُمه تره الدنيه الظلمه
تجي المغربيه ويجي ابالي طولك
ونيني شعلاته وتسمعه الشماته
انشلع گلبي بعدك اظن ما حچولك
يوليدي بالعيد اجيك بونيني
اعلگلك اشموع عله الله وتجيني
بلكت يروحي تفز من حنيني
دمع الوالده
يمطرلك نده
يبچي المگبره
نوح الفاگده
...
بگبر يبني غافي ينوم العوافي
اخاف اعله جرحك يفز بالنواعي
انوح بسكوتي ردت يبني موتي
وغلاتك احس العمر ماله داعي
عرسك نطرته امل كل حياتي
والغاضريه خذت امنياتي
بعاشور الحسين تمنيت وفاتي
يا عطر الورد
رايح ما ترد
كل تعب العمر
مدفون بلحد
.....
خادم الحسين(عليه السلام
كرارحسين الكربلائي
(ابو كميل)
(صورتك تبرالي )
................
الحنه شو دم صفت
شمعات عرسك طفت
وعيوني كل ماغفت
صورتك تبرالي
___
(١)
اه ياجسام يبني...فكدك ايهد الجبل
يل جنت كلشي ابحياتي...وبانيه اعليك الأمل
غفله شو وردك يغالي..صوفر ابساع وذبل
واسمعت ناعي المصيبه..ايصيح جسام انجتل
يوليدي حين اسمعت
هل خبر هذا افزعت
للخيمه اصيح ارجعت
ذبحولي الغالي
صورتك تبرالي
******
(٢)
روحي يبني وياك راحت...مني ماظل بس دمع*
ترس يوليدي الصواني ...البيها معلوك الشمع*
كوه اجر النفس كوه...النفس بعدك منكطع*
رحت ياسباح كلبي ...وكلبي بعدك منشلع*
يوليدي شنهي الجره..
شنهي الحصل ياترى..
تتركني امحيره..
حال الهظم حالي..
صورتك تبرالي....
****
(٣)
صعبه عل ام من تودع...شاب بهدوم العرس*
ماوصل عشرين عمره...امعدل وحجيه ابهمس*
جلمة اليمه اعله شفته...بيها احله احساس احس*
هسه جلمة يمه غابت...عني جن غيبت شمس*
ياناس وكل هلي...
ماعندي غيرك ولي...
ياساعه ترجع الي...
مردت دلالي...
صورتك تبرالي...
***
(٤)
اه والاه ابغيابك...يبني جن طعنت رمح*
ذكرياتك يوجعني...بروحي خلن جم جرح*
السيوف الكطعنك...بيها كل يوم انذبح*
يبني وعيوني الهجرها...النوم اغسلها ابملح *
ماحسبت يل ولد...
تتركني وللابد...
ماعندي غيرك سند...
بيتك صبح خالي...
صورتك تبرالي...
***
كريم الدراجي
٢٠٢٦
(القاسم ع)
أم تــــودع روحهـا خانگتهـا جروحها
هاي رملة بلاروح روحها وياك اتروح ،، خانگتها جروحها
،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،
لو رحت عني يالولد يبني ينگطع عني الهوه
تختنگ روحي بحسرة جروحي ومايصحلهن دوه
من گلت رايح بالحچي الجارح يمه احس گلبي انچوه
يالخذت كلشي وياك كون امشي حتى موتتنه سوه
نادتك معذوره ،، أمك المكسوره
ظلت اتون وتنوح ،، روحها وياك اتروح ،، خانگتها جروحها
،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،
بروحي ضميتك بصدري خليتك وانت اعز من النَفس
ياحلم عمــري وتاليت صبــري باچر اليوم وامـس
چانت امنيتي يابعــد بيتـي بروحي اسويلك عرس
تالـي بالحومـه وحنته ادمومه ونايم بحـر الشمــس
الچنت كل احلامها ،، هسه صرت الامها
نادتك يالمطروح ،، روحها وياك اتروح ،، خانگتها جروحها
،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،
من رحل عودك ذني بشهودك شگد صبر گلبي وحمل
زودي من زودك وچنت بوجودك تارســـه الدنيـا أمـل
وانت يالغالي صـــرت أمالــي وصـرت ناسي ولاهــل
لچــن ايامي باگـت احلامــي وبينه حــال الاجـــل
الموت حال ابينه ،، ماخذانه اثنينه
من تشوفك مذبوح ،، روحها وياك اتروح ،، خانگتها جروحها
،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،
البيدي ربيته بيدي زفيتـه وهالامــر كلـش صعـب
يامره الگبلي سوت المثلي تـزف ابنهـا للحــرب
ربي الشاهـد راح هالواحد وراح ويــاه الگلــب
وبگلب رمله كبـرت العلــه لمن شفته اعله الترب
ابني ويه حسينه ،، بدمه ضحه لدينه
ويه دمه المسفوح ،، روحها وياك اتروح ،، خانگتها جروحها
،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،
شيحمل اغيابك وجمرة مصابك بگلبي ظلت تستعر
ظُلمت اسنيني ونطفـت عينـي وبعد شيفيد الصبر
اصفگ بأيدي فاگــده وليــدي الچان للشده ذخر
يبني وعيونك والله مـن دونك بعد ماريده العمر
عذباني غيابك ،، مايطيب مصابك
هذا جرحه المفتوح ،، روحها وياك اتروح ،، خانگتها جروحها
،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،
حسين كاظم الطائي
الليلة الثامنة لمولاي (القاسم بن الحسن) عليه السلام
Читать полностью…
نزله للعباس عليه السلام/ محرم ١٤٤٨هـ
يعباس ينوماس. يالله شيل الرايه
٠٠٠٠٠٠٠٠٠٠٠٠٠٠٠٠٠٠
يالله يابوالمرجله. كوم زلزل كربله
يا كفيل العايله. كلها عطشانه
كوم رفّ برايتك. واليتامه اتنخّتك
ماي تترس جربتك. وانت رجوانه
يالله يا عباس يا حامينه
انهض براية علي والينه
جيب ماي امن النهر وروينه
يكفّال. ولاطفال. منتظرتك هايه
يعباس ينوماس. يالله شيل الرايه
٠٠٠٠٠٠٠٠٠٠٠٠٠٠٠٠٠٠٠
گلهه يختي ادلّلي آنه بن حيدر علي
ساعه بس تحمّلي. والله مگضيه
آنه ابن فارس مضر. آنه عباس الگمر
إلّا اجيبلكم نهـر. عينج عليه
ال امية وكل بني سفيانها
راح اطيّر روسها بميدانها
ما ترد عباس كل فرسانها
يقلّون. يزغرون. والكفيل هوايه
يعباس ينوماس. يالله شيل الرايه
٠٠٠٠٠٠٠٠٠٠٠٠٠٠٠٠٠٠٠
صال ابو السيف الثجيل. لا يطيح ولا يميل
يرد فارغ مستحيل. إلّا يمليهه
الجربه منّ العلگمي. نبض عِرّگ الهاشمي
والحرم بي تحتمي. ماي يرويهه
كام يحصد عالنهر برگابها
طمها خيل وزلم عجّ ترابها
ال امية تخضّبت بخضابها
اله الراي على الماي. بيده دگ الثايه
يعباس ينوماس. يالله شيل الرايه
٠٠٠٠٠٠٠٠٠٠٠٠٠٠٠٠٠٠٠
هذا ابن حامي الحمه. سوه بيهم ملحمه
غضب من رب السمه يفني عدوانه
بسيفه طب المشرعه. ياهو يگدر يمنَعَه
علي اصله ومَنبَعَه. هيبه عنوانه
نزّل الجربه ويهوّس بيها
ماي من وسط النهر يمليها
منها اطفال وحرم يرويها
للخيام. والايتام. ترتوي من مايه
يعباس ينوماس. يالله شيل الرايه
٠٠٠٠٠٠٠٠٠٠٠٠٠٠٠٠٠٠٠
ابو الغيره بغيرته. جاب ماي بجربته
والعقيله اتلگّته. هلا بالغالي
تنظر لحامي الخيم يسگي بطفال وحرم
باوعلهه وبتسم. ما رجع خالي
تنومست زينب بحامي ظعونها
ببوفاضل يا الف خيعونها
شما تگلّه ما يخيب ضنونها
احاميج. ووافيج. لو حجيت احچايه
يعباس ينوماس. يالله شيل الرايه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠