Telegram-канал apostolic_answers - ሐዋርያዊ መልሶች: Unsorted

ሐዋርያዊ መልሶች

04 Oct 2023 12:07

መጽሐፍ ቅዱስ ብቻ = hermeneutical anarchy

ማዕከላዊ ተርጓሚ አካል በሌለበት(state of hermeneutical anarchy) በመጽሐፍ ቅዱስ ብቻ የምትመራ አንድ ቤተክርስትያን መመስረት ሀሳባዊ እንጂ ተግባራዊ አይደለም። ይህ ማለት ልክ ሕገ መንግስትን ይዞ ሶስቱ የመንግስት አካላት አያስፈገልኝም በራሴ ተረድቼ እመራለው እንደማለት ነው(ሕግ የለም ከማለት ምንም አይለይልም) ። በተግባር ደረጃ የክርስትያኖችን ህብረት ያወድማል እንጂ አያለማም ለዚህ ደግሞ ማሳያ የሚሆነን ስፍር ቁጥር የሌለው እርስ በእርሳቸው የማይስማሙት የፕሮቴስታንት ቡድኖች ናቸው ። Doctrine ንም ቢሆን ተለዋወጭ ና ብዙ በሆነው በሰው የግል አስተያየት ላይ የተመሰረተ ስላደረገው ምንም ዶክትሪን ሃይማኖት ስለመሆኑ ያለን ፍጹም እርግጠኝነት(certitude) አጥፍቶታል ።

hermeneutical anarchyን ተክትሎ በጎራ መከፋፈል የማይቀር ነው ፤ የየሰዉ የግል አረዳድ ከሌላው ስለሚለይ ተቀራራቢ አረዳድ ያላቸው አንድ ቡድን ይሆናሉ ። ይህም በተራው የመጋቢነትን ድርሻ ያቀለዋል(undermines Pastoral authority) ፤ መጽሐፍ ቅዱስ ለመምህራን እንድንታዘዝ ቢያዘንም ከሀሰተኛ ነብያት እንድንጠነቀቅ እና መንፈስን ሁሉ እንድንመረምር ይነግረናል ስለዚህ ለመምህራን ምንታዘዘው እውነተኞች እስክሆኑ ድረስ ነው ። እውነተኛ መምህር መሆኑ ታድያ በምን ይታወቃል? ለመጽሐፍ ቅዱስ ባለን የግል አረዳድ የምንመራ ከሆነ እውነተኛ መምህር የምንለው ከግል አረዳዳችን ጋር ተስማምቶ ያገኘነውን ሊሆን ነው ። አሁንም ደግሞ የእያንዳንዱ የግል አረዳድ ከሌላው ስለሚለይ ሁሉም በየራሱ የፈለገውን ወደ ሚያደርግበት ቤተክርስትያናዊ ቀውስ ይከተናል ።

ይህ እሳቤ በቤተክርስትያን አንድነትን የሚያጠፋ ፣ መከፋፈልን የሚያመጣ ፣ መምህርነትን የሚያቀል ፣ ዶግማ ቢስ የሚያደርግ የቤተክርስትያናዊ ቀውስ ሁሉ ምንጭ (mother of all ecclesiastical chaos) ነው ። ክርስቶስ አንድ እንሆን ዘንድ ያቀረበውን ጥሪ እና ጸሎት[ዮሐ 17፡21] ከንቱ ያደረገ ሰይጣናዊ ሀሳብ ነው!

"ይህን በመጀመሪያ እወቁ፤ በመጽሐፍ ያለውን ትንቢት ሁሉ ማንም ለገዛ ራሱ ሊተረጉም አልተፈቀደም " 2 ጴጥ 1:20