34175
በክርስትና ላይ ለሚነሱ ጥያቄዎች ሐዋርያዊ መልሶችን ለማቅረብ የምንሞክርበት ቻናል.. YouTube፡ https://m.youtube.com/@apostolicanswers1
አባቶችን ስለመቀበል ለተሰነዘረ አሳብ
https://vm.tiktok.com/ZMM2M8b6E/
Icon corner ይልሃል🤪🤪 የጸሎት ቦታዬ😁😁
እስቲ ከታች ያለው ማን እንደሆነ ያወቀ ሽልማት አለው😁😁
እና ደግሞ እስቲ የእናንተን icon corner አሳዩን😁😁 እኔ ዛሬ ነው እቺን ያስተካከልኳት..
ዮው ሰዎች ሰዎች..
ከፖላንድ የሚመጣ ሰው ካለ አሳውቁኝ ፕሊስ.. ከወንድሜ ላይ እቃ ትቀበሉልኛላችሁ.. እና ይዛችሁት ትመጣላችሁ.. ቀላል ነገር ነው..
በዚህ አግኙኝ 👉 @aklil11
ስለ ትብብራችሁ አመሰግናለሁ😁😁
ያዕቆብ ለራሔል ስለነበረው ፍቅር መጽሐፍ ሲናገር እንዲህ ይላል
ኦሪት ዘፍጥረት 29
20፤ ያዕቆብም ስለ ራሔል ሰባት ዓመት ተገዛ፤ እርስዋንም ይወድዳት ስለነበረ በእርሱ ዘንድ እንደ ጥቂት ቀን ሆነለት።
ሰባት ዓመት ሙሉ ራሄልን ስለማግኘት ለላባ(ለራሔል አባት) ተገዛ.. እና በጣም የሚያስገርመው ግን ሰባት ዓመት መገዛቱ ሳይሆን "እርስዋንም ይወድዳት ስለነበረ በእርሱ ዘንድ እንደ ጥቂት ቀን ሆነለት።" መባሉ ነው..
ሰው ጌታችን ኢየሱስን አብዝቶ ሲያፈቅር ከእርሱ ጋር መኖርን እያሰበ ብዙ የዝች ዓለምን ውጥንቅት ይታገሳል.. ከእርሱ ጋር ስለመኖር ራሱን ይገዛል
@Apostolic_Answers
እግዚአብሔር ፍቅር እና ምህረቱም የበዛ ቸር አምላክ እንደ ሆነ ሁሉ በእርሱ ላይ የሚያምጹትን ደግሞ የሚቀጣ አምላክ ነው..
ዘላለማዊ ቅጣቱ ደግሞ እርሱን የማይፈልጉትን ሙሉ በሙሉ መተው ነው.. የኔ ተወዳጆች አስቡት የእግዚአብሔር ምሕረት በበዛበት በእርዚህ ምድር ላይ ስንኖር እንኳን አንዳንዴ ሰው ከእግዚአብሔር ሲርቅ ሁሉ ነገር ጨላልሞበት በጭንቀት ተውጦ ራስን እስከ ማጥፋት ይደርሳል.. ራስን ለማጥፋት ያደረሰው ምንም ዓይነት ጭንቀት ሊኖር ይችላል ግን እግዚአብሔር ሙሉ በሙሉ ሲተው ከዛ በብዙ እጥፍ ስቃይ እና ጭንቀት ውስጥ ሰው ይገባል.. አሁን በዚህ ዓለም በአንጻሩ ቀለል ካለው መከራ ለማምለጥ ራሳችንን እናጠፋ ይሆናል ያንን ሙሉ በሙሉ ከእግዚአብሔር የተራቆተ ሰላም ማጣትን እና ጭንቀትን እንዲሁም መከራን ግን በምንም አናመልጠውም.. ራስን ማጥፋት ያኔ የለም.. ምክንያቱም የሰው አፈጣጠሩ ሞቶ እንዲቀር አይደለምና.. በኢንተርኔት ልደበርም አትል ነገር ሎል.. ያው የዚህ ዓለም የሆነው ጣዕም ጊዜያዊ እንጂ እስከ ዘላለም እንዲቀጥል ሆኖ የተፈጠረ አይደለምና..
እና እግዚአብሔርን ሙሉ በሙሉ ማጣት እርሱ ነው ትልቁ ሲዖል.. ከዚህ ይልቅ የሚጎዳ እሳትም ምንም የለም.. ገነትን ገነት የሚያስብለው የእግዚአብሔር መኖሩ ነው፤ ሲዖልንም ሲዖል የሚያስብለው የእግዚአብሔር አለመኖር ነው..
እግዚአብሔር ግን ከእርሱ ጋር እንኖር ዘንድ አንድያ ልጁን ኢየሱስን አሳልፎ እስኪሰጥ ድረስ ዓለሙን ወደደው.. ዓለሙ ግን ጀርባውን ሰጠ.. ከዚህ ጠማማ ዓለም ወደ ፍቅሩ ልጅ መንግስት ያፈለሰን እግዚአብሔር ይመስገንና ይህንን ክብር እንዳናጣ የቆምን የመሰለን እንዳንወድቅ እንጠንቀቅ.. ኢየሱስን የመምሰል ሕይወት ይኑረን.. ሌሎችም ደግሞ ወደ እርዚሁ መንግስት(ቤተ ክርስቲያን) ይጨመሩ ዘንድ ምክንያት እንሁን..
ቀባጠርኩባችሁ አበዛሁባችሁ መሰል ጽሑፉን.. ከተገቢው ነገር ውጪ እንዳይቀባጥር.. ጌታ ኢየሱስም ደግሞ በነገር ሁሉ እንዲረዳውና እንዲሰማው ስለ ወንድማችሁ አክሊልም መጸለይን አትርሱበት.. እሺ ማዳላት እንዳይሆን ስለ ሐዋርያዊ መልሶች አባላት ሁሉ እርስ በእርስ እንረዳዳ በጸሎት😁😁 እና ስለሌሎችም ሁሉ..
መልካም የጾምና ጸሎት ቀን..
@Apostolic_Answers
እዚህ ምድር ላይ ሆነን ስናይ ጸሐይ በምስራቅ ትወጣለች በምዕራብ ትገባለች.. ይህም የሆነበት ምክንያት ምድር በራሷ ዛቢያ(imaginary axis) ላይ በየ 24 ሰዓቱ ከምዕራብ ወደ ምስራቅ ስለምትዞር ነው
ይሄንን አሁን ሁሉም ያምናል.. ሁሉም ለምን አመነ..?? ሳይንስ ነግሮት.. ስለዚህም ራሴው በግል ካልደረስኩ እዚህ ላይ አልቀበልም አይልም.. እንዲያ የሚባል ከሆነ ውጥንቅጡ የበዛ መግባባት የሌለውም ዓለምን እንፈጥራለን..
ይህንን ለምን አነሳሁ..?? ኤቲስቶች መለኮታዊ የሆኑ ነገሮች ላይ በግሌ experience ካላደረግሁኝ አላምንም ሲሉ ይሰማል.. ለምሳሌ ተዓምራት.. ሌላ ሰው ቢናገራቸውም አይቀበሉም.. ሳይንሳዊ ነገሮችን አንተ ራስህ ምንም ዓይነት ኤክስፒሪያንሱ ሳይኖርህ ካመንክ መለኮታዊ ነገሮች ላይም እምነትን ቀላቅለህ ከዛ ለመረዳት የማትሞክር..??
@Apostolic_Answers
እስቲ ዛሬ ደግሞ ቅዳሴ ላይ ከሚነበቡት ቅዱሳት መጽሐፍት ወጣ ብለን ቅዳሴው ላይ ከምንላቸው ውስጥ አንዱን:
"ዕፍረት ምዑዝ ኢየሱስ ክርስቶስ ንኡ ንሰግድ ሎቱ ወንዕቀብ ትእዛዛቲሁ ከመ ይስረይ ለነ ኃጣውኢነ"
ትርጉም:
መዓዛ ያለው ሽቱ ኢየሱስ ክርስቶስ ነው.. ኑ እንስገድለት ትእዛዛቱንም እንጠብቅ ኃጢአታችንንም ይቅር ይለን ዘንድ
ኢየሱስ ለሚለብሱት ሁሉ መዓዛ ነው.. የክርስቲያኖች መዓዛቸው.. ለእርሱ በፍርሃትና በፍቅር ለሚሰግዱለት ከልባቸው ለሚወዱት ትእዛዛቱንም ለሚጠብቁ ሁሉ ሞገሳቸው አለኝታቸው ሕይወታቸው ነው..
ትእዛዛቱን እንጠብቅ ዘንድ ጌታ ይርዳን.. "የሚወደኝ ቢኖር ትእዛዜን ይጠብቃል"
መልካም የጌታ ቀን
@Apostolic_Answers
አጋንንት የሚወጣው በማን ስም ነው..?? በእግዚአብሔር ኃይል በኢየሱስ ስም ብቻ ነው የሚወጣው..
የመላእክትና የቅዱሳን ስም ለምን ይጠራል አጋንንትን በማውጣት ሰዓት..?? የእነርሱ ስም የሚጠራበት ምክንያት አጋንንቱን ለማባረር ሲጸለይ በዛ ጸሎት ውስጥ ቅዱሳኑም ደግሞ አብረውን እንዲጸልዩ ነው.. ጸሎታቸው ኃይል ያደርጋል ስለተባለ ጸሎታቸው ታግዘን ዘንድ ነው.. እኛ በብዙ የእምነትም የቅድስናም ጉድለት አለብንና
@Apostolic_Answers
እግዚአብሔር አምላካችን "እኔ ሊቅ ነኝና እናንተም ሊቃውንት ሁኑ" ሳይሆን ያለው "እኔ ቅዱስ ነኝና እናንተም ቅዱሳን ሁኑ" ነው ያለው
ስለዚህ ሁላችንም ለቅድስና ተጠርተናል.. ሊቅነቱም አስፈላጊ ነው ግን ለሁላችንም አይደለም.. ክርስትና ቅድስና ነው..
@Apostolic_Answers
እንኳን ለ "ቅዱስ ቫለንታይን" ቀን አደረሳችሁ🤭🤭
አሁን አ እንዴ የምሰማው.. ለካስ ዛሬ February 14 የቫለንታይን ቀን ሲባል ቫለንታይን ለካስ ጥንታዊ ቅዱስ አባት ነው.. እና የሱ መታሰቢያ ቀን ነው.. ያው ግን ሰዎች አያይዘው የፍቅር ቀን ምናምን ብለውም ያከብሩታል..
ለማንኛውም ሲጣራ በዝች እለት ነበር አክሊልም የተወለደው.. እና የልደት ቀኔ ነው ዛሬ🤪🤪
እድሜያችን ቆሰው.. ይመቸው😁😁
የተጠየቁትን በግልጽ መመለስ ይችሉ ይሆን..??
https://vm.tiktok.com/ZM6cV43Sw/
እህቶች ሰላም ለእናንተ ይሁን እንዴት ናችሁልኝ.. የጌታችን ጸጋና ሰላም አይለያችሁ..
ከዚህ ቀደምም ጽፌ ነበር.. አንዳንዴ በጣም በሚያስደነግጥ መልኩ በቤተ ክርስቲያን ውስጥ "የንስሐ አባት" አልያም ደግሞ "መምህር" ተብለው ግን ደግሞ ሴቶችን የሚያስቸግሩና ወደአልተገባ ነገር ውስጥ የሚገቡ ሴሰኞች እንዳሉ መሰማት እየተጀመረ ነው..
ይህ ነገር በአደባባይ ሲነገር አስቀያሚው ነገር ደገኛ አባቶቻችንን ሁሉ በእዚህ ዓይነት ጥርጣሬ እንዳናያቸው ነው.. ይህንን ታሳቢ በማድረግና ከንስሐ አባቶቻችን ጋር ያለንን መልካም መንፈሳዊ ግንኙነት እያጠነከርን.. ምናልባት ድንገት ከላይ እንዳልነው ያለ አስፃያፊ ነገር ሲከሰት ደግሞ እንዲሁ መታለፍ የለበትም..
የድምጽ ወይም የምስል ማስረጃን በመሰብሰብ ለቤተ ክርስቲያን መክሰስ.. ለቤተክርስቲያን ብቻ ሳይሆን ለሕግም ማቅረብና ጥሩ ቅጣት እንዲያገኝ ማድረግ.. የሰንበት ት/ቤት ወጣቶችም ይህንን ነገር መከታተል..
ዛሬ ቅዳሴ ላይ ከተነበበው ከሐዋርያው ቅዱስ ጳውሎስ መልእክት ውስጥ
ወደ ሮሜ 1
3-4፤ ይህም ወንጌል በሥጋ ከዳዊት ዘር ስለ ተወለደ እንደ ቅድስና መንፈስ ግን ከሙታን መነሣት የተነሣ በኃይል የእግዚአብሔር ልጅ ሆኖ ስለ ተገለጠ ስለ ልጁ ነው፤ እርሱም ጌታችን ኢየሱስ ክርስቶስ ነው።
አጋጣሚ ሰሞኑን "ወንጌል ስለ ማን ነው?" በሚል በቲክቶኩ መንደር ላይ ትንሽ ክርክር ነበር መሰል..
ቅዱስ ጳውሎስ ለእግዚአብሔር ወንጌል እንደተለየ ይናገራል.. ይህም ወንጌል ደግሞ አስቀድሞ በነቢያቱ አፍ የተነገረ ሲሆን እርሱም ስለ ልጁ ስለ ኢየሱስ ነው..
ስለዚህ ወንጌል ምንድር ነው..?? ወንጌል የምስራች ቃል ማለት ነው.. ይህም የምስራች ቃል በአጭሩ እንዲህ የሚል ነው:
- ኢየሱስ እርሱ ክርስቶስ(ይጠበቅ የነበረው መሲሕ) የእግዚአብሔር ልጅ ነው
- እርሱ በሥጋ ከዳዊት ዘር(ከእመቤታችን) ተወለደ ስለሁላችን ሞቶ ተነሳ
- ሁላችን ደግሞ በእርሱ በኩል ወደ እግዚአብሔር እንቀርባለን.. ለኃጢአት ከመንበርከክ ነፃ ወጥተን በጸጋው እርሱን ወደ መምሰል እናድጋለን
ስለዚህም በአጭሩ ወንጌል ስለ ኢየሱስ እና ስለ እኛ ነው.. ስለ እሱ ሲሆን እንደሚያድን ስለ እኛ ሲሆን በእርሱ እንደምንድን.. እዚህ ውስጥ እንግዲህ ብዙ ነገር አቅፎ እንደሚይዝ ግልጽ ነው.. ለምሳሌ በእዚህ በመሲሑ በኩል የተገለጠውን ሁሉ አምኖ መቀበል ሊሆን ይችላል..
“የማቴዎስ ወንጌል” ሲባል ለምሳሌ የጌታችን ወንጌል ቅዱስ ማቴዎስ እንዳጸፈው ማለት ነው.. እና የጌታን ወንጌል ሲጽፍ ብዙ ነገሮችን ሲያነሳ እናየዋለን..
ስለዚህም ወንጌል ሲነሳ ስለ እመቤታችን ለምሳሌ አይነሳ ማለት ትልቅ ስህተት ነው.. በነቢያትም በሐዋርያትም የተባለላት ነገር ቀላል ስላልሆነ..
መልካም የጌታ ቀን
@Apostolic_Answers
ብዙዎቻችሁ እንደመለሳችሁት ቅዱስ ዮሐንስ አፈወርቅ ነው.. ግሩሜ ነበር ከሮማኒያ ያመጣልኝ.. ወዳጀ ብዙ😁😁
እና ደግሞ የጸሎት ቦታ ለማዘጋጀት ትንሽ ቦታ ነው የሚያስፈልገው.. ያደለው ለብቻው የጸሎት ክፍል ቢኖረውም ፒስ ነው.. አሁን ለምሳሌ እኔ ግን ከአንድ ጠባብ ክፍል ውስጥ በጣም ትንሽዬ ክፍት ቦታ ፈልጌ ነው ያዘጋጀሁት.. ያው ስለዛ ትንሽ ቦታ ፈልጋችሁ ማድረግ ትችላላችሁ ነው.. ያው የሌላችሁን ነው😊😊
ዛሬ ቅዳሴ ላይ ከተነበበው የወንጌል ክፍል
የዮሐንስ ወንጌል 4
10፤ ኢየሱስ መልሶ፦ የእግዚአብሔርን ስጦታና፦ ውኃ አጠጪኝ፥ የሚልሽ ማን መሆኑንስ ብታውቂ፥ አንቺ ትለምኚው ነበርሽ፡ የሕይወትም ውኃ ይሰጥሽ ነበር፡ አላት።
ጌታችን ኢየሱስ መንገድ ከመሄድ ደክሞ ሲካር በምትባል በሰማርያ ከተማ ያርፋል.. በቦታውም የያዕቆብ የውኃ ጉድጉዋድ ነበር.. እና ከዛም የውኃ ጉድጉዋድ አንዲት ሳምራዊት ሴት ውኃ ልትቀዳ ትመጣለች.. ከጌታ ኢየሱስ ጋርም በዛ ትገናኛለች
ከዚያም ኢየሱስ "ውኃ አጠጭኝ" የሚላት.. እና አይሁድ ከሳምራውያን ጋር አይተባበሩምና ሴቲቱ "አንተ የይሁዳ ሰው ስትሆን እንዴት ከኔ ከሳምራዊቷ ትለምናለህ..??" አለችው.. እርሱ ሁሉን ማድረግ የሚችል ጌታ እንደነበር ገና አላወቀችም ነበርና
በዚህ ሰዓት ነበር ጌታ ኢየሱስ እንዲህ ያለው: "ውኃ አጠጪኝ፥ የሚልሽ ማን መሆኑንስ ብታውቂ፥ አንቺ ትለምኚው ነበርሽ፡ የሕይወትም ውኃ ይሰጥሽ ነበር"
እግዚአብሔርን ለመለመን እርሱን ማወቅ ይቀድማል.. አውቀነው በእምነት ስንለምነው እርሱ ደግሞ ሁሌ የሚፈልቅን የሕይወትንም ውኃ ይሰጠናል.. ዳግምም አንጠማም
መልካም የጌታ ቀን
@Apostolic_Answers
እያጠናህ መዝሙር ማዳመጥ ጭራሽ ነው የማያስኬደው😁😁
ቲክቶክ ላይ ለቅቄው ነበር.. ግን ደግሞ የሊፕ ሲንክ(lip sync) ጸጋው አለህ እንዳይሉኝ ፈርቼ ወዲያው አጠፋሁት😆😆
Ofc እዚም ለ10 ደቂቃ የሚቆይ ፖስት ነው😁😁
ያኔ Logic የተማርክ ሰሞን ሁሉን ነገርህን በ deductive reasoning ማስቀመጥ ሲለምድብህ🤪🤪
P1 : There’s no place like home
P2 : home(sweet home) is really the church
C : so there’s no place like the church
@Apostolic_Answers
"[የኢየሱስ እናት] በአንቺም ደግሞ በነፍስሽ ሰይፍ ያልፋል" [ሉቃ 2:35]
ትላንት ቅዳሴ ካለቀ በሁዋላ የተነበበው የተዓምረ ማርያም ክፍል አምስቱን የማርያምን ሃዘኖቿን የሚያነሳ ነበር.. እና እንደ አዲስ እያሰብሁት በጣም እየገረመኝ ነበር.. እኛ ሃገር 5ቱ ሃዘናት የሚባሉት የትኞቹ ሃዘኖቿ እንደሆኑ ልዘርዝርላችሁ እስቲ..
በነገራችን ላይ በውጩ ዓለም ሰባቱ የእመቤታችን ሃዘናት ነው የሚባለው.. ሰባቱንም ይዘረዝራሉ.. አንድም ግን ሰባት በሚል የተገለጸው ሙሉ በሙሉ የሃዘን ሕይወት እንደነበራትና ሃዘኗም እጅግ ጥልቅ እንደ ነበር የሚያመለክትም ነው.. እና የእመቤታችን ደረት ላይ 7 ሰይፍ እየወጋት ተደርጎ የሚሳል ስእልም አላቸው.. አረጋዊው ስምኦን "በነፍስሽ ሰይፍ ያልፋል" የሚለውን ቃል በመያዝ
ስለዛ ከታች 5 ብዬ የምዘረዝርላችሁ እንደው ዋናዎቹ ለማለት እንጂ ይህ ብቻ ሃዘን ገጥሟት አይደለም..
1. አረጋዊው ስምዖን በነፍሷ ሰይፍ እንደሚያልፍ በመናገር የኢየሱስን ሞት በትንቢት ሲናገር የገጠማት ሃዘን.. አስባችሁታል ገና ከመውለዷ ስለ በኩር ልጇ እንዲህ ያለ ነገር ስትሰማ..
2. በ12 ዓመቱ ከሥሯ ለ3 ቀን ሲጠፋባት.. ገና በለጋ እድሜዋ ወልዳው.. እንደ ወለደችው ደግሞ ሥጋዋ ሳይጠነክር ልጇን እንዳይገድሉባት ይዛው ከሃገር ሃገር በበረሃ ስትሰደድ.. በስንት መከራ አሳድጋው.. 12 ዓመቱ ላይ ለ3 ቀን ሙሉ አጠገቧ ስታጣው በትልቅ ሃዘን ውስጥ ሆና ፈለገችው..
3. ልጇን ኢየሱስን አሥረው ሲገርፉት.. ለአንድ እናት በተለይ ለእመቤታችን ይሄ በጣም ከባድ ነው.. ቀደም ብሎ አይሁድ ሊገድሉት እንደሚፈልጉ ታውቃለች ይህ ያሳቅቃታል.. ከሱ የከፋው ደግሞ አብሮት የነበረው ይሁዳ በ30 ብር እንደሸጠው ስትሰማ የሚገባት ሃዘን አለ.. ይኸው አሁን ደግሞ በአደባባይ ልጇ ይገረፋል.. ይህ ለእርሷትልቅ ሃዘን ነበር..
4. ልጇ ኢየሱስ ሲሰቀል ሲገደል.. ጲላጦስ ኢየሱስን ከነፍሰ ገዳይ ወንበዴው በርባን ጋር አቁሞ "ማንን ልፍታላችሁ?" ብሎ ጠየቀ.. እመቤታችን ዘወር ዘወር ብላ በተስፋ "ኢየሱስን ፍታው" የሚል መልስን ከሕዝቡ ጠብቃ ይሆናል.. ግን ሕዝቡ በሊቃነ ካህናቱ ተመክረው "በርባንን ፍታው ኢየሱስን ስቀለው" ብለው ጮሁ.. ያንን የሰውን ምግብ የሚዘርፈውን.. ዓይን ያጠፋውን.. ሰው የገደለውን ፍታልን አሉት.. ሙታንን ያስነሳውን.. ቢርባቸው ምግብን አበርክቶ ያበላቸውን.. ቢታወሩ አይናቸውን ያበራላቸውን.. ዲዳ ቢሆኑ መስማትም ቢሳናቸው የፈወሳቸውን ልጇ ኢየሱስን ግን ስቀለው አሉት.. እመቤታችን ይህንን ስትሰማ ውስጧ ምን ያህል ተጎድቶ ይሆን.. ከዚያም ዓይኗ እያየ ሰቀሉት.. አንዱ ሐዋርያ ሲቀር ሌሎቹ ሐዋርያት ሁሉ ጥለውት ተበተኑ.. እመቤታችን ከመስቀሉ ሥር ነበረች.. ሃዘኗ ምን ድረስ ይሆን እንደው በጌታ..
5. ልጇ.. ብቸኛ ተወዳጁ ልጅዋ.. ወደ መቃብር ሲወርድ..
@Apostolic_Answers
ዛሬ ቅዳሴ ላይ ከተነበበው የወንጌል ክፍል:
የዮሐንስ ወንጌል 10
35፤ መጽሐፉ ሊሻር አይቻልምና እነዚያን የእግዚአብሔር ቃል የመጣላቸውን አማልክት ካላቸው፥
36፤ የእግዚአብሔር ልጅ ነኝ፡ ስላልሁ እናንተ አብ የቀደሰውን ወደ ዓለምም የላከውን፦ ትሳደባለህ፡ ትሉታላችሁን?
ጌታችን ኢየሱስ "እኔና አብ አንድ ነን" በማለት ሲናገር አይሁድ "አንተ ሰው ስትሆን ራስህን አምላክ አደረግህ" በማለት ሊወግሩት ዲንጋይ አነሱ.. እናም ጌታ ኢየሱስ ሲመልስላቸው ከመዝሙር ጠቅሶ እንዲህ ይላቸዋል፡ "[የእግዚአብሔር ቃል የመጣላቸውን] እኔ አማልክት ናችሁ አልሁ ተብሎ በሕጋችሁ የተጻፈ አይደለምን?"
ታድያ ግን ጌታችን የእግዚአብሔር ቃል መጥቶላቸው "አማልክት" እንደተባሉት ከእነርዛ እንደ አንዱ ነው..?? በፍጹም.. ይህንን ያነሳባት ምክንያት፡
እዚህ ጋር ጌታ ኢየሱስ የሚመልስበት መንገድ "አምላክ" መባልማ የእግዚአብሔር ቃል ለመጣላቸውስ ተሰጥቶ የለም እንዴ.. መጽሐፉ አይሻር ነገር ይህንን ልትቃወሙት አትችሉም ነው። ስለዚህም እኔንም አብ ቀድሶ ወደ ዓለም የላከኝን ትቃወማላችሁን..?? በማለት ይሰሙት ይቀበሉትና መዳንም ይሆንላቸው ዘንድ ራሱን ዝቅ ባደረገ መልኩ ይነግራቸዋል።
እንደ አንዱ እንዳልሆነ ሲናገር ግን እንዲህ ይላል፡ "እኔ የአባቴን ሥራ ባላደርግ አትመኑኝ.. ባደርገው ግ አብ በእኔ እንደ ሆነ እኔም በአብ እንደ ሆንሁ ታውቁና ታስተውሉ ዘንድ ሥራውን እመኑ"
እዚህ ላይ የአብን ሥራ ወልድ መስራት እንደሚችል ይናገራል.. ልክ ቀደም ብሎ 5ኛው ምእራፍ ቁጥር 17 ጀምሮ እንደተነገረው.. "አባቴ እስከ ዛሬ ይሠራል እኔም ደግሞ እሠራለሁ" ካለ በኋላ ዝቅ ብሎ ደግሞ "አብ የሚያደርገውን ሁሉ ወልድ ደግሞ ያንን እንዲሁ ያደርጋል" እንዳለው ማለት ነው። እና የአብን ሥራ ወልድ ማድረግ እንደሚችል ብቻ ሳይሆን የተናገረው.. አብ በወልድ እንዳለ ወልድም ደግሞ በአብ እንዳለም ጭምር ነው..
ይህንን የተናገረው ራሱን ከሌሎቹ በለየ መልኩ ነውና አሁንም አይሁድ "ደግመው ሊይዙት ፈለጉ ከእጃቸውም ወጣ" ይላል።
መልካም የጌታ ቀን እናንተ የእግዚአብሔር ምርጦች
@Apostolic_Answers
ኢየሱስ ለዓለም ሁሉ ሊቀ ካህናት አይደለም..??
የኢየሱስ ሊቀ ክህነት ወንጌል አይደለም..??
https://vm.tiktok.com/ZMMeMhUQD/
ከ451 ዓም በፊት ወዳለው ሃይማኖት እንመለስ..??🤭🤭
https://vm.tiktok.com/ZMM1UWV4M/
ኧኸ ኧኸ.. ነገ የጌታ ቀን ነው.. ቅዳሴ የሚቀር እንደሌለ ግልጽ ነው ግን እንዳናረፍድም.. ለዛ ቶሎ እንተኛ😉
Читать полностью…
ታናሽ ወንድሜ(ጉዋደኛዬ) ዮኒ ለልደቴ በጣም ደስ የሚሉ መጽሐፍትን ሰጣኝ ከመጽሐፍቱም ውስጥ በተለይ ገ/ወልድ ገ/ጻድቅ በተባለ ሰው "the doctrine of the union of the divinity and humanity in Christ through preservation” በሚል የተዘጋጀ doctoral researchን ለማንበብ ቸኩያለሁ..
ይሄ እንዳለ ሆኖ ግን የቅዱስ ዮሐንስ አፈወርቅን "በእንተ ድንግልና" መጽሐፍም አመጣልኝ.. እና ግን ልቤን የሰበረው "አይዞህ እንዴት መመለስ እንደምንችልም ውስጡ አለው" ሲለኝ ነው😭😭 እኔ ምንም አልገባኝም☹️☹️
ይኸው አንዱ ጀለስ ደግሞ ክላስ ውስጥ "በቫለንታይን ቀን ለመወለድ ምን አነሳሳህ..??" የሚል ጥያቄ በመሰንዘር ነፍሴን እያስጨነቃት ነው ሎል
በነገራችን ላይ የተወለድኩት 1996 feb 14 ነው.. ያው for your more information lol
ዛሬ ቅዳሴ ላይ ከተነበበው ከቅዱስ ጳውሎስ መልእክት ውስጥ..
ወደ ገላትያ 4
23፤ ነገር ግን የባሪያይቱ ልጅ እንደ ሥጋ ተወልዶአል፥ የጨዋይቱ ግን በተስፋው ቃል ተወልዶአል።
አብረሃም ከአጋር ኢስማኤልን ወለደ.. ከሣራ ደግሞ ይስሐቅን ወለደ.. ከባሪያዪቱ ከአጋር የተወለደው እንደ ሥጋ ነው ይህም እንደ ማንኛውም ሰው አጋር መጸነስ የምትችልበት ሁኔታ ላይ ሆና የተወለደ ነው.. ሣራ ግን እንደ ሥጋ መውለድ በማትችልበት ጊዜ ወለደች.. የወለደችውም እንደ እግዚአብሔር የተስፋ ቃል መሠረት ነው.. ልጅ ትወልዳለች ብሏልና እርሱ.. ስለዚህም በዚህ የተስፋው ቃል ተወልዷል..
እንደ ሥጋ የተወለደው የባሪያዪቱ ልጅ ወራሽ አልነበረም.. ወራሹ የተስፋ ቃል ያለው "የጨዋይቱ ልጅ" ነው..
ይህ ነገር ምሳሌነቱ አጋር የኦሪት ወይም የሕግ ምሳሌ ስትሆን.. ሕግ ደግሞ ጸጋ እስኪመጣ እንደ ሞግዚት ሆና የጠበቀች ናት እንጂ በራሷ ለውርስ የምታበቃ አይደለችም.. ሣራ ደግሞ የወንጌል የጸጋ ምሳሌ ናት.. አሁን በኢየሱስ በኩል ጸጋ ተገልጧልና ከጸጋ በታች ሆንን..
ስለዚህም የእግዚአብሔርን ጸጋ የጣሉ ከሕግ በታች ብቻ ሆነው ለመቀጠል የወሰኑ አይሁዳውያን እነርሱ የባርያይቱ ልጆች ሆነው አይወርሱም.. ክርስቲያኖች ደግሞ ከጸጋ በታች ሆነን "እንደ ይስሐቅ የተስፋ ቃል ልጆች ነን" ስለዚህም ወራሾች ነን..
"ስለዚህ፥ ወንድሞች ሆይ፥ የጨዋይቱ ልጆች ነን እንጂ የባሪያይቱ አይደለንም።" በማለት የሚናገረው ይሄንኑ ነው..
መልካም የጌታ ቀን
@Apostolic_Answers
በፕሮቴስታንቱ ዶግማ የሆነውን ካልሆነው መለየት እንደማይቻል ያውቁ ኖሯል..??
ካላወቁ አሁን ያውቃሉ ሎል
https://vm.tiktok.com/ZM6vDVprj/
ኧረ የኔስ ቅሌት በዛ😭😭
ከቅዳሴ መልስ ቁርሴን በልቼ ተመልሼ ሰንበት "ለማስተማር" ሄጄ ነበር.. እና በጣም ደስ ይላሉ ተማሪዎቹ ግን እያስተማርኩ እያለ የሆነ ምሳሌ ልሰጥ ፈልጌ አትሮንሱ ላይ ስልኬን አስቀመጥሁ..
እና አትሮንሱን ምን ብዬ ብጠራው..?? ጠረጴዛ😭😭 እና "ጠረጴዛው ላይ ስልኬን ባስቀምጥ" እያልሁ ነበር.. አፈርኩ ተሸማቀኩ አጠርኩ የምር
አርፌ አስቀድሼ ብቻ ብውልስ😁😁