31298
@arabicuz_nahv (nahv-sarf kanal) @arabicuz (hikmat-kanal) @arabicuz_matn (hikmat-matnli kanal) @arabicuz_bot (hikmat-bot) - arabic.uz hikmatlari @arabicuz_nahv_hikmat (sharhli hikmat)
12796. Абу Мусо розияллоҳу анҳудан ривоят қилинади: «Расулуллоҳ соллаллоҳу алайҳи васаллам шундай дедилар: «Аллоҳ Одамни ернинг барча жойидан олган бир сиқим (тупроқ)дан яратди. Одам болалари тупроққа мос бўлдилар: уларнинг қизили, оқи, қораси ва шунинг орасидагиси бўлади; хуш табиатлиси, оғири, ёмони, яхшиси ва шунинг орасидагиси бўлади».
Абу Довуд, Аҳмад, Ибн Ҳиббон ва Термизийлар ривояти.
Изоҳ: Ушбу ҳадисни замонавий фан, айниқса психология, генетика, антропология ва ижтимоий фанлар нуқтаи назаридан таҳлил қилиш жуда қизиқарли ва фойдали.
Ҳадис ва замонавий фан ўртасидаги боғлиқлик
1. Генетик хилма-хиллик (биологик асос)
"Аллоҳ Одамни ернинг барча жойидан олган бир сиқим (тупроқ)..."дан яратгани таърифланган.
Бу замонавий генетикада одамзотнинг турли миллат ва ирқларга бўлиниши, тери ранги, ташқи кўринишидаги фарқлар билан тўғри келади. Инсонларнинг тери ранги (оқ, қора, қизғиш) – бу меланин миқдори ва ирсий омилларга боғлиқ. Бу ерда “ ернинг барча жойидан..” – турли иқлим ва географик шароитларга мослашган жисмоний хусусиятларни билдириши мумкин.
2. Психология ва характер турлари
Ҳадисда айтилишича, одамларнинг: "хуш табиатлиси, оғири, ёмони, яхшиси ва шунинг орасидагиси бўлади". Бу темпераментлар назариясига жуда мос келади:
- Сангвиник – шод, жонли, мулойим
- Холерик – қаттиқ, тез ғазабланувчи
- Флегматик – сокин, барқарор
- Меланхолик – ҳассос, қайғурувчан
Бу хислатлар инсоннинг биологик, руҳий ва тарбиявий омиллари таъсирида шаклланади. Яъни, одамларнинг характерлари туғма бўлади ва муҳит таъсирида ривожланади.
@arabicuz
iOS | Android
Instagram | Facebook | Twitter | arabicuz">Tiktok | Youtube
12795. Агар кифоя қиларли нарса сени беҳожат қилолмаса, ер юзидаги барча нарса ҳам сени беҳожат қилолмайди.
@arabicuz
iOS | Android
Instagram | Facebook | Twitter | arabicuz">Tiktok | Youtube
Улуғ ибодат
🕋 Ҳаж Арафадир
☪️Абдурроҳман ибн Яъмар Дийлий розияллоҳу анҳудан ривоят қилинади: «Расулуллоҳ соллаллоҳу алайҳи васалламнинг ҳузурларига бордим. Одамлар у зотдан ҳаж ҳақида сўрашди. Шунда Расулуллоҳ соллаллоҳу алайҳи васаллам: «Ҳаж Арафадир. Ким Арафага жам кечасининг тонгига қадар улгурса, ҳажи тугал бўлади», дедилар».
Абу Довуд, Термизий, Насоий, Ибн Хузайма ва Ҳоким ривоят қилишган.
☪️Абу Бакр Сиддиқ розияллоҳу анҳудан ривоят қилинади:
«Набий соллаллоҳу алайҳи васалламдан «Ҳаждаги қайси (амал) афзал?» деб сўралди. «(Талбияда) овозни кўтариш ва қон оқизиш», дедилар».
Термизий, Ибн Можа, Ибн Хузайма ва Ҳоким ривоят қилишган.
@arabicuz
iOS | Android
Instagram | Facebook | Twitter | arabicuz">Tiktok | Youtube
12793. Бир киши Саид ибн Мусаййибга: “Менга насиҳат қилинг”, деди.
У зот: “Ўзингни тез келувчи бу дунё шармандалиги ва охиратдаги оловдан ҳимоялаб олгинда, кейин хоҳлаган ишингни қилавер”, деди.
Яъни, бу икки ҳолатга олиб келувчи амаллардан сақлангин.
@arabicuz
iOS | Android
Instagram | Facebook | Twitter | arabicuz">Tiktok | Youtube
Бугун Зулҳижжанинг 4-куни
🕋 Ҳожилар сони 1миллион 70 минг нафарга етди
🟢 «Одамлардан йўлга қодир бўлганларига Аллоҳ учун Байтни ҳаж қилмоқ бурчдир", Оли Имрон сураси, 97-оят.
Саудия Арабистони Подшоҳлиги ахборот вазири Салмон бин Юсуф Дусарийнинг таъкидлашича, жорий йил 1446 ҳижрий йили учун Ҳаж мавсуми муносабати билан якшанба кунига қадар мамлакатга ташқаридан келган ҳожилар сони 1 070 000 нафарга етди.
Дусарий бу маълумотларни Саудия Арабистони Подшоҳлиги ҳукуматининг 22-сонли матбуот анжуманида баён этди. Анжуман жорий йилги Ҳаж мавсумига тайёргарлик ҳақида бўлиб ўтди.
Унинг сўзларига кўра, ҳожиларнинг 53 фоизини аёллар, 47 фоизини эса эркаклар ташкил этмоқда. Шунингдек, ҳожиларнинг 94 фоизи ҳаво йўллари орқали, 4,83 фоизи қуруқлик орқали келишган.
🐪 Саудия Арабистони ҳар йили мамлакатлар бўйича Ҳаж квоталарини белгилайди. 2025 йилда энг юқори квоталарга эга мамлакатлар:
1. Индонезия - 221,000 ҳожи.
2. Покистон - 180,000 ҳожи.
3. Ҳиндистон - 175,025 ҳожи.
4. Бангладеш - 127,198 ҳожи.
5. Нигерия - 95,000 ҳожи.
P.S. 29 май пайшанба кунининг охирига қадар халқаро портлар орқали Подшоҳлик ҳудудидан ташқаридан келган зиёратчиларнинг умумий сони 1.330. 845 нафарни ташкил этди.
@arabicuz
iOS | Android
Instagram | Facebook | Twitter | arabicuz">Tiktok | Youtube
12790. Аллоҳ таоло ақлни инсонга уни тўғри йўлга бошлаши, ҳидоятга юриши учун берди, Унга қарши бўлиши, эътироз қилиши учун эмас.
Имод Ҳасан Марзуқ.
@arabicuz
iOS | Android
Instagram | Facebook | Twitter | arabicuz">Tiktok | Youtube
Бугун зулҳижжанинг 3-куни
🕋 Аллоҳим, улар(барча ҳожилар)нинг ҳажларини қабул айла! Уларнинг гуноҳларини кечир! Уларни ёнимизга соғ-саломат ҳолда қайтар!
@arabicuz
iOS | Android
Instagram | Facebook | Twitter | arabicuz">Tiktok | Youtube
12789. Имом Аъзамнинг (шогирди) қози Абу Юсуфга васияти
Аллоҳ уларнинг иккиларини раҳм қилсин
"Аввало илм талаб қил. Кейин ҳалол йўл билан мол-дунё тўпла. Кейин эса уйлан. Агар сен ёшликда илм талаб қилиш ўрнига мол-дунё йиғишга киришсанг, илм олишга вақтинг етмай қолади.
Мол-дунё йиғиб, уни хизматкорлар, кийим-кечак, хонадонинг безакларига сарфлаш ва дунёвий ишлар билан машғул бўлиш илм олишдан олдин бўлса, вақтинг беҳуда кетади. Уйланганингдан сўнг эса болалар туғилади ва уларни тарбиялашга, ҳаётларини таъминлашга кўп куч ва вақт сарфлашга мажбур бўласан. Бу эса илмни тарк этишингга сабаб бўлади.
Шунинг учун ёшликда, ақлинг тиниқ, қалбинг осуда ва вақтинг кенг пайтда илм ўрганиш билан машғул бўл. Сўнгра мол-дунё йиғишга вақт ажрат. Чунки болаларнинг кўплиги ва оилавий масъулиятлар инсонни фикран паришон қилади. Агар мол-дунё йиғиб олсанг, шунда уйлан!.
@arabicuz
iOS | Android
Instagram | Facebook | Twitter | arabicuz">Tiktok | Youtube
🕋 Ҳаж арконларининг адо этилиш тартиби бир суратда
1. Мийқотда эҳромга кириш.
2. Умра тавофи.
3. Умра саъйи.
4. Сочларни тўлиқ олиш ёки қисқартириш (умрада).
5. Зулҳижжанинг 8 -куни эҳромга кириш.
6. Зулҳижжанинг 9- куни Арафотда вуқуфда туриш.
7. Муздалифада тунаб қолиш.
8. Зулҳижжанинг 10 - куни (Қурбон ҳайити куни) Минога юзланиб, Жамратул Ақабада тош отиш, қурбонлик сўйиш ва сочларни тўлиқ олдириш учун йўл олади.
9. Ифоза тавофини (зиёрат тавофи) адо этиш.
10. Сафо ва Марвани саъй қилиш.
11. Ташриқ кунлари Минода тунаш.
12. Маккага боргач видолашув тавофини адо этиш.
@arabicuz
iOS | Android
Instagram | Facebook | Twitter | arabicuz">Tiktok | Youtube
Тарих
📜Француз рассоми Анри Рено Ғарнотада (Гранада)даги ал Ҳамро саройининг (Alhambra) нақшлари олдида туриб:
"Буни бино қилган муҳандис билан солиштирсак, биз оддий ёввойилар, варварлармиз", деган эди.
📝 Изоҳ: Анри Рено (Henri Regnault) 1869 йилда Гранадага бориб, ал Ҳамро (Алгамбра)даги маврий безакларни ўрганган. У Испаниянинг шарқона меъморчилигидан қаттиқ таъсирланган.
Ал Ҳамро саройи (испанча: Alhambra, арабча: الْحَمْرَاء, ал-Ҳамроъ – "Қизил қалъа") – Испаниянинг Гранада шаҳрида жойлашган буюк тарихий ва меъморий ёдгорликдир. Бу мажмуа Ислом меъморчилигининг энг ёрқин намуналаридан бири ҳисобланади.
🌴Саройнинг ўзига хос хусусиятлари:
Ислом меъморчилигининг юксак намунаси: ал Ҳамро геометрик нақшлар, араб ёзувлари (Қуръон оятлари ва байтлар), муқарнас (уч ўлчовли безаклар) ва гипс нақшлар билан гўзал безатилган.
Сувнинг муҳим роли: Сарой ва боғларда кўплаб фавворалар, ҳовузлар ва сув каналлари мавжуд. Сув нафақат эстетик мақсадларда, балки ҳавони салқинлатиш ва атроф-муҳитга оромбахш таъсир кўрсатиш учун ҳам ишлатилган.
Табиат билан уйғунлик: Сарой Гранада тепалигида, ажойиб табиат манзараси орасида жойлашган бўлиб, у табиат ва инсон меъморчилигининг уйғунлигини акс эттиради.
Математик аниқлик: ал Ҳамродаги безаклар ва конструкцияларда мураккаб математик ҳисоб-китоблар ва симметрия принциплари қўлланилган.
@arabicuz
iOS | Android
Instagram | Facebook | Twitter | arabicuz">Tiktok | Youtube
Бугун зулҳижжанинг 2-куни
🪶 Зулҳижжа ойининг ўн кунлиги ҳақида солиҳ салафларнинг айтганлари
🟢Ибн Абдул Барр раҳимаҳуллоҳ: "Салафлар зулҳижжа рўзасига, айниқса Арафа куни рўзасига катта аҳамият беришар эди. Бу кунлар улар учун тавба ва умид кунлари эди".
🟢Ибн Қоййим раҳимаҳуллоҳ: "Йилнинг ҳеч бир куни Аллоҳнинг ҳузурида зулҳижжанинг ўн кунлиги каби улуғланмаган. Улардаги ҳар бир сония — ноёб хазинадир".
🟢 Суфён Саврий раҳимаҳуллоҳ: "Зулҳижжанинг биринчи ўн куни — Аллоҳга тақарруб ҳосил қилиш учун энг қулай фурсатдир. Шу сабабли мен бу кунларда рўза тутиб, кўп дуо қилардим".
🟢Имом Шофеий раҳимаҳуллоҳ: "Мен учун зулҳижжанинг биринчи тўққиз кунида рўза тутиш — нафл рўзалар ичида энг афзалидир".
🟢Иброҳим Нахаъий раҳимаҳуллоҳ: "Салафлар зулҳижжанинг ўн кунлигида амалларини икки ҳисса кўпайтиришга уринишар эди."
🟢Фузайл ибн Иёз раҳимаҳуллоҳ: "Агар сенга бу ўн кунликда яхши амал қилиш насиб этган бўлса, билгинки Аллоҳ сени яхши кўради."
🟢Имом Нававий раҳимаҳуллоҳ: "Зулҳижжанинг биринчи ўн кунидаги амаллар - йилнинг бошқа барча кунларига қараганда афзал ва савоблидир".
@arabicuz
iOS | Android
Instagram | Facebook | Twitter | arabicuz">Tiktok | Youtube
Қалб ҳузури
📜 Ҳаж — фақат жисмнинг ибодати эмас, балки оламшумул бир ғоядир: Сен Роббиси билан учрашувга йўл олган яралмиш зотсан. Бу йўлда (ўзинг билан) кам нарса олиб юрасан, кўп нарсани тарк қиласан, бир қанча манзиллардан ўтасан ва охир-оқибат манзилинг ўша ерда (Унинг ҳузурида) эканини биласан.
Салaфлардан бирлари: «Агар Аллоҳни соғинсанг, ҳаж йўлига назар сол», деганлар.
Доктор Али Муҳаммад Саллобий
Изоҳ: Бу сўзларда ҳаж ибодатининг фақат ташқи ҳаракатлар эмас, балки инсоннинг ҳаёти ва мақсади билан боғлиқ бўлган руҳий-маънавий сафар экани таъкидланмоқда. "Ҳаж фақат жисм ибодати эмас" – яъни бу ибодатда фақат ҳаракатлар, юриш, айланиш ёки одатий амаллар эмас, балки қалб ва ақл билан идрок этиладиган маъно бор. "Оламшумул ғоя" – ҳаётнинг ўзи ҳам бир сафар, у орқали инсон Аллоҳ сари ҳаракат қилади. Бу сафарда у дунёвий нарсаларни кам олади, кўпини ташлайди (яъни дунёдан воз кечади) ва йўлда бир қатор синовлардан ўтади.
@arabicuz
iOS | Android
Instagram | Facebook | Twitter | arabicuz">Tiktok | Youtube
12785. Авф ибн Нўъмон Шайбонийдан ривоят қилинади: Жоҳилиятдаги жоҳиллар дейишаркан: “Ваъдага хилоф қилувчи бўлганимдан кўра чанқоқдан ўлганим менга яхшироқдир”.
Абу Убайд ибн Саломнинг “ал Амсал”идан.
🟢Имом Аҳмадга: “Ёлғончиларни қандай ажратасиз?” дейишди. У зот: “Ваъдаларидан”, деб жавоб бердилар.
Самъонийнинг “Адабул имлаи” асаридан.
Яъни, ваъдаларига қай даражада риоя қилишларидан ростгўй ёки ёлғончи эканлари билинади.
@arabicuz
iOS | Android
Instagram | Facebook | Twitter | arabicuz">Tiktok | Youtube
12784. Эй сен! Дунё сен уни эгалаш учун эмас, уни босиб ўтиб кетишинг учун яратилган.
У ерда (қолиб абадий) умр кечиришинг учун эмас, уни тарк этишинг учун яратилган.
Унга мойил бўлаётган нафси ҳавоингни ўлдир ва насиҳатимни қабул қил: “Унга ишониб, суяниб қолма!”.
Ибн Жавзий.
@arabicuz
iOS | Android
Instagram | Facebook | Twitter | arabicuz">Tiktok | Youtube
Бугун Зулҳижжанинг 5-куни
📜Сен яхши кўрганларинг билан бирга бўласан...
حَدَّثَنَا عَمْرُو بْنُ عَاصِمٍ حَدَّثَنَا هَمَّامٌ عَنْ قَتَادَةَ عَنْ أَنَسٍ: أَنَّ رَجُلًا مِنْ أَهْلِ الْبَادِيَةِ أَتَى النَّبِي صَلَّى اللَّهُ عَلَيْهِ وَسَلَّم فَقَالَ: يَا رَسُولَ اللَّهِ مَتَى السَّاعَةُ قَائِمَةُ قَالَ:
وَيْلَكَ وَمَا أَعْدَدْتَ لَهَا » قَالَ: مَا أَعْدَدْتُ لَهَا إِلَّا أَنِّي أُحِبُّ اللَّهَ وَرَسُولَهُ. قَالَ: «إِنَّكَ مَعَ مَنْ أَحْبَبْتَ». فَقُلْنَا: وَنَحْنُ كَذَلِكَ. قَالَ: «نَعَمْ». فَفَرِحْنَا يَوْمَئِذٍ فَرَحًا شَدِيدًا فَمَرَّ غُلَامُ لِلْمُغِيرَةِ وَكَانَ مِنْ أَقْرَانِي فَقَالَ: «إِنْ أُخِرَ هَذَا فَلَنْ يُدْرِكَهُ الْهَرَمُ حَتَّى تَقُومَ السَّاعَةُ».
Анас розияллоҳу анҳудан ривоят қилинади:"Бир бадавий Набий соллаллоҳу алайҳи васалламнинг ҳузурларига келиб, «Эй Аллоҳнинг Расули, қиёмат қачон қоим бўлади?» деди. «Шўринг қурғур, унга нима тайёрлаб қўйдинг?» дедилар. «Мен унга ҳеч нарса тайёрлаганим йўқ, лекин мен Аллоҳ ва Унинг Расулини яхши кўраман», деди. У зот: «Сен яхши кўрганларинг билан бирга бўласан», дедилар. «Биз ҳам шундайми?» дедик. «Ҳа», дедилар. Ўша куни ғоят хурсанд бўлдик..".
Имом Бухорий ривояти.
@arabicuz
iOS | Android
Instagram | Facebook | Twitter | arabicuz">Tiktok | Youtube
12794. Абу Мусо Ашъарий розияллоҳу анҳу: “Бирон ишда мушкуллик бўлса, у ҳақида Оиша розияллоҳу анҳодан сўрардик ва унинг ҳузурида илм, (яъни ўша мушкулликка ечим) топар эдик”, деди.
@arabicuz
iOS | Android
Instagram | Facebook | Twitter | arabicuz">Tiktok | Youtube
Ҳайит яқин
📜Набий соллаллоҳу алайҳи васаллам қурбонлик гўштлари ҳақида: "Ундан енглар, сақлаб қўйинглар ва садақа қилинглар", дедилар.
Имом Муслим ривояти.
Изоҳ: Қурбонлик гўштини уч қисмга бўлиш мустаҳаб саналади. Бир қисмини ўзи аҳли оиласи билан истеъмол қилади. Яна бир қисмини фақир, бева-бечораларга садақа қилади. Учинчи қисмини ёру биродарлари, қўни-қўшниларига ҳадя қилади. Бунга юқоридаги ҳадис далилдир. Яна қурбонлик гўштини бутунлай садақа қилиб юбориш ҳам, ундан бирон бўлакни ҳадя қилмай, фақат ўзи ишлатиши ҳам жоиздир.
@arabicuz
iOS | Android
Instagram | Facebook | Twitter | arabicuz">Tiktok | Youtube
Қурбонлик
📜 Оиша розияллоҳу анҳодан ривоят қилинади, «Набий соллаллоҳу алайҳи васаллам: «Одамзот сўйиш куни қон чиқаришдан кўра Аллоҳга маҳбуброқ иш қилган эмас. Албатта, у(ҳайвон)лар қиёмат куни шохлари, жунлари ва туёқлари билан келурлар. Албатта, қон ерга тушишидан олдин Аллоҳнинг ҳузуридаги маконга етур. Уни чин кўнгилла чиқарингиз», дедилар».
ИмомТермизий ва ибн Можа ривоят қилган.
@arabicuz
iOS | Android
Instagram | Facebook | Twitter | arabicuz">Tiktok | Youtube
12792. Имом Абу Бакр Боқилоний бир насроний роҳиб билан учрашиб қолди. Имом Боқилоний ақл-заковати ва мунозаралардаги зукколиги билан машҳур эди.
Роҳиб унга: «Сиз мусулмонлар миллатчисизлар!» деди.
Боқилоний: «Қандай қилиб?» дея сўради.
Роҳиб жавоб берди: «Сизлар ўзингларга яҳудийлар ва насроний аёлларга уйланишга рухсат берасиз. Лекин ўзларингиздан бошқаларга (ғайридинларга) аёл-қизларингизга уйланишига рухсат бермайсизлар!» деди.
Шунда Абу Бакр: «Биз яҳудий аёлларга уйланамиз, чунки биз Мусо алайҳиссаломга иймон келтирамиз. Насроний аёлларига уйланамиз, чунки Исо алайҳиссаломга иймон келтирамиз. Энди сизлар ҳам қачон Муҳаммад соллаллоҳу алайҳи васалламга иймон келтирсангиз, қизларимизни никоҳлаб берамиз», жавоб берди.
“Бас, куфр келтирган лол қолди”, Бақара сураси, 258-оят.
@arabicuz
iOS | Android
Instagram | Facebook | Twitter | arabicuz">Tiktok | Youtube
Суннат ва тиббиёт
📜Ибн Қоййим раҳимаҳуллоҳ: “Гўшт енглар, чунки у рангни тиниқлаштиради, қоринни озғин қилади ва хулқни яхшилайди”, деди.
“Тиббун набавий” асаридан.
🟢Изоҳ: Бу ўринда гўштнинг инсон саломатлиги ва хусусиятларига ижобий таъсирлари санаб ўтилган. Улар қуйидагилар:
1. “Рангни тиниқлаштиради... Бу гўштнинг инсон танасига, хусусан, тери рангига фойдали эканлигини англатади. Бу, эҳтимол, гўштда мавжуд бўлган оқсиллар, витаминлар ва минераллар (масалан, темир) ҳисобига қон айланишини яхшилаши ва терининг соғлом кўринишига ёрдам бериши билан боғлиқ бўлиши мумкин. Темир танқислиги камқонликка, бу эса терининг оқаришига ёки соғлом кўринмаслигига олиб келиши мумкин. Гўшт, айниқса қизил гўшт, темирга бойдир.
2."Қоринни озғин қилади..." Бу ибора бироз муҳокамали бўлиши мумкин. Замонавий тиббиёт нуқтаи назаридан, гўштни ҳаддан ташқари кўп истеъмол қилиш семиришга олиб келиши мумкин. Аммо бу ерда "ингичкалаштириш" деганда, балки гўштнинг тўйимлилиги туфайли одамни узоқ вақт тўқ тутиши, бу эса ортиқча овқатланишдан сақлаб, вазн назоратига ёрдам бериши назарда тутилган бўлиши мумкин. Шунингдек, оқсилга бой овқатлар моддалар алмашинувини тезлаштириб, мушак массасини сақлаб қолишга ёрдам беради, бу эса тана тузилишининг яхшиланишига ҳисса қўшади.
3."Ҳулқни яхшилайди..." Бу жумла гўшт истеъмолининг руҳий ва психологик ҳолатга таъсир қилишини кўрсатади. Замонавий фан ҳам овқатланишнинг мия фаолияти ва кайфиятга таъсири борлигини тан олади. Масалан, гўштда мавжуд бўлган баъзи аминокислоталар (триптофан каби) серотонин (кайфиятни яхшиловчи гормон) ишлаб чиқарилишига ёрдам беради. Витамин B12 ва темир танқислиги чарчоқ, депрессия ва асабийлашишга олиб келиши мумкин, гўшт эса бу моддаларга бой. Шунинг учун, соғлом овқатланиш, жумладан, етарли миқдорда гўшт истеъмол қилиш, инсоннинг жисмоний ва руҳий ҳолатини яхшилаб, хулқ-атворига ижобий таъсир кўрсатиши мумкин.
🌴 Ибн Қоййим раҳимаҳуллоҳнинг бу сўзлари гўштнинг соғлиқ учун муҳим аҳамиятини, унинг нафақат жисмоний кўриниш, балки ички ҳолат ва хулқ-атвор билан ҳам боғлиқ эканлигини таъкидлайди. Ушбу фикрлар ўрта асрлар ислом тиббиётининг нафақат касалликларни даволашга, балки инсоннинг умумий саломатлиги ва фаровонлигига эътибор қаратганлигини кўрсатади. Албатта, ҳар қандай озиқ-овқат каби, гўштни ҳам меъёрида ва соғлом усулда истеъмол қилиш муҳимдир.
@arabicuz
iOS | Android
Instagram | Facebook | Twitter | arabicuz">Tiktok | Youtube
Ҳайит яқин
📜Қурбонлик сўяётганда нима дейилади?
Бисмиллаҳи, валлоҳу акбар. Аллоҳумма инна ҳаза минка ва лака. Аллоҳумма тақоббал минний.
Аллоҳнинг номи билан. Аллоҳ улуғдир. Аллоҳим, бу Сендан ва Сенинг учундир. Аллоҳим, мендан қабул этгин!
🌴 Изоҳ: Яна бир кўриниши бундай: "Аллоҳумма инна солатий ва нусукий ва маҳяя ва маматий лиллаҳи роббил аламийн. Ла шарийка лаҳ, Аллоҳумма тақоббал ҳазиҳил узҳията.
Бисмиллаҳи Аллоҳу акбар. Аллоҳумма ҳаза минка ва лака, Аллоҳумма тақоббал ҳазиҳил узҳията минний".
Маъноси: "Аллоҳим менинг намозим ва ибодатим, тириклигим ва ўлимлигим, барча оламнинг ҳожаси бўлган Аллоҳ учундир. Аллоҳнинг тенги ва шериги йуқдир. Аллоҳим бу қурбонликни қабул айла. Аллоҳнинг номи билан. Аллоҳ улуғдир. Аллоҳим, бу Сендан ва Сенинг учундир. Аллоҳим, бу қурбонликни мендан қабул этгин!
@arabicuz
iOS | Android
Instagram | Facebook | Twitter | arabicuz">Tiktok | Youtube
Қурбон ҳайити
📜 Абу Ҳурайра разияллоҳу анҳудан ривоят қилинади, Расулуллоҳ саллаллоҳу алайҳи васаллам: "Кимнинг кенг ризқи бўлатуриб қурбонлик қилмаса, бизнинг намозгоҳга яқинлашмасин", дедилар.
Имом Аҳмад, ибн Можа ва Ҳоким ривоятлари.
@arabicuz
iOS | Android
Instagram | Facebook | Twitter | arabicuz">Tiktok | Youtube
12788. Оқил киши уч тоифа инсонларга адоват қилишдан эҳтиёт бўлади. Улар ёзувчилар, шоирлар ва авлиёлардир. Ёзувчи ва шоирлар ўзларини қаламлари ва тиллари билан ҳимоя қиладилар. Лекин авлиёлар бўлса, Аллоҳ уларга ёрдам беради, ҳимоя қилади.
“Ёрдамчиликка Аллоҳнинг Ўзи кифоядир”, Нисо сураси, 45-оят.
Доктор Муҳаммад Иброҳим Ашмавий, Азҳари шарифнинг ҳадиси шариф ва илмлари фанлари устози.
@arabicuz
iOS | Android
Instagram | Facebook | Twitter | arabicuz">Tiktok | Youtube
12787. Набий соллаллоҳу алайҳи васаллам аслларнинг аслидирлар, у зотга саловот айтиш эса, вусул (Аллоҳга боғланиш)нинг сиридир.
Набий соллаллоҳу алайҳи васалламга (саловот айтишда) кунингдан бир улуш бўлсин. Агар битта саловот ўнтага зиёда бўлса, саловотни кўпроқ айтса ва зиёда қилса қандай бўларкин?!
@arabicuz
iOS | Android
Instagram | Facebook | Twitter | arabicuz">Tiktok | Youtube
Танбеҳ
📹📷🎙 Бирон (кераксиз, ўзида ёқимсиз, аҳлоқсиз тасвир ёки сўзларни ифодалаган ва яхшилиги бўлмаган) видеолавҳа, сурат ёки мусиқани ўз саҳифа(профил)ингга қўйишинг ва бошқаларга юборишингдан аввал Аллоҳ таолонинг ушбу сўзини эслагин: "Албатта, улар ўз юкларини ҳам, у юклари билан бирга бошқа юкларни ҳам кўтарурлар. Албатта, қиёмат куни уйдириб юрган нарсалари ҳақида сўралурлар", Анкабут сураси, 13 - оят.
@arabicuz
iOS | Android
Instagram | Facebook | Twitter | arabicuz">Tiktok | Youtube
12786. Расулуллоҳ соллаллоҳу алайҳи ва саллам:
«Бир киши жаннат аҳлидан бўлади. У жаннат аҳлидан бўлишига қарамасдан жумадан кеч қолавергани учун жаннатга кириши ҳам кечикади», дедилар.
Имом Табаронийнинг «ал-Кабир»даги ривояти.
@arabicuz
iOS | Android
Instagram | Facebook | Twitter | arabicuz">Tiktok | Youtube
"Ва ўн кеча билан қасам..."
📜 Зулҳижжа ойининг фазилатларидан
ومن بركات ذلك اليوم أن الله تعالى أتم فيه النعمة و أكمل فيه الدين فهو يوم من أيام ذلك الدين القيم.
أخرج البخاري عَنْ طَارِقِ بْنِ شِهَابٍ عَنْ عُمَرَ بْنِ الْخَطَّابِ أَنَّ رَجُلًا مِنْ الْيَهُودِ قَالَ لَهُ يَا أَمِيرَ الْمُؤْمِنِينَ آيَةٌ فِي كِتَابِكُمْ تَقْرَءُونَهَا لَوْ عَلَيْنَا مَعْشَرَ الْيَهُودِ نَزَلَتْ لَاتَّخَذْنَا ذَلِكَ الْيَوْمَ عِيدًا قَالَ أَيُّ آيَةٍ قَالَ " الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمْ الْإِسْلَامَ دِينًا" قَالَ عُمَرُ قَدْ عَرَفْنَا ذَلِكَ الْيَوْمَ وَالْمَكَانَ الَّذِي نَزَلَتْ فِيهِ عَلَى النَّبِيِّ صَلَّى اللَّهُ عَلَيْهِ وَسَلَّمَ وَهُوَ قَائِمٌ بِعَرَفَةَ يَوْمَ جُمُعَةٍ. [البخاري كتاب الإيمان].
Зулҳижжа ойининг фазилатларидан бири унда Арафа куни борлигидир. Бу куннинг баракаларидан бири шундаки, Аллоҳ таоло айнан шу куни неъматини тамомлаган ва динини комил қилган. Шунинг учун у кун – тўғри диннинг кунларидан биридир.
📚 Ториқ ибн Шиҳобдан ривоят қилинади:«Бир гуруҳ яҳудийлар: «Агар ана шу оят бизга нозил бўлганида эди, ўша кунни байрам қилиб олган бўлар эдик», дейишди. Шунда Умар: «Қайси оят?» деди. *«Бу кун сизга динингизни мукаммал қилиб бердим. Сизга неъматимни тугал қилдим, дейишди. Умар: «Мен бу оятнинг қайси жойда нозил бўлганини аниқ биламан. У Расулуллоҳ соллаллоҳу алайҳи васаллам Арафотда турганларида нозил бўлган», деди».
*Моида сураси, 3-оят. Имом Бухорий ривояти.
@arabicuz
iOS | Android
Instagram | Facebook | Twitter | arabicuz">Tiktok | Youtube
Севимли амал
📜Ибн Аббос розияллоҳу анҳудан ривоят қилинади: “Расулуллоҳ соллаллоҳу алайҳи васаллам: “Аллоҳ учун ушбу ўн кунликда қилинадиган солиҳ амаллардан кўра севимлироқ амал йўқдир”, дедилар. Шунда: “Эй Расулуллоҳ, Аллоҳ йўлида жидду жаҳд қилиш ҳамми?” деб сўралди. У зот: “Ҳа, Аллоҳ йўлида жидду жаҳд қилиш ҳам. Фақат бир киши ўз жони ва моли билан чиқиб, ундан бирон нарсасиз қайтиб келса, бундан мустасно”, дедилар”.
Имом Бухорий, Абу Довуд, Термизий, Доримий, Ибн Можа ва Аҳмад ривояти. Ривоят лафзи Абу Довудга тегишли.
@arabicuz
iOS | Android
Instagram | Facebook | Twitter | arabicuz">Tiktok | Youtube
Тазарру
📜 Айни кунларда барчамиз (гўёки) китнинг қорнидамиз. Ушбу лафзларни кўп такрорланглар: “Ла илаҳа илла анта субҳанака инний кунту миназ-золимийн”, Анбиё сураси, 87-оят.
Сендан ўзга илоҳ йўқ. Аллоҳим, Сени нуқсонлардан поклаб тасбеҳ айтаман, мен ўз жонимга кўп жабр қилдим.
🌴Изоҳ: "Бас, Биз уни (дуосини) ижобат қилдик. Унга ғамдан нажот бердик. Мўминларга шундай нажот берурмиз", Анбиё сураси, 88-оят.
@arabicuz
iOS | Android
Instagram | Facebook | Twitter | arabicuz">Tiktok | Youtube