🌷گون آیدین تورک میللتیم 🌷
ای ﻭﻃـــﻨﻴﻢ، ﺁﺯﺭﺑــــــــﺎﻳــﺠــﺎﻥ
ﺍی ﺳؤنمز ﺍﻭﺩﻻﺭﺩﺍﻥ ﻧﻴﺸﺎﻥ
ﺍی ﺗﻮﺭﻛﻪ ﺭﻭﺡ، ﺍی ﺗﻮﺭﻛــﻪ ﺟﺎﻥ
ﻳﺎﺷـــﺎ ﻳﺎﺷـــــــﺎ ﺁﺯﺭﺑــﺎﻳﺠــﺎﻥ
سلاملار سحریز خئیر اولسون 🌺
https://t.me/joinchat/AAAAAE35jqdoNzejrY7s1Q
آشیق علی سلیمی ایله
اوستادآشیق علسگرمرندی نین دییشمه سی
https://t.me/joinchat/AAAAAE35jqdoNzejrY7s1Q
یاتا بیلمه‌ییرم
بو گئجه من کی یاتا بیلمه‌ییرم،
باشی باشلارا قاتا بیلمه‌ییرم.
یوخوسوزلوق منی قاتلاشدیردی،
من بو نامرده باتا بیلمه‌ییرم.
اؤغرو قالدیردی قازان-قابلامانی،
کیم ال آتسین حاجاتا؟ بیلمه‌ییرم.
اؤغرونون کیم یئتیریب اومباسینا-
زیخلیا¹ بیر زوپاتا²؟ بیلمه‌ییرم.
آیلیق آلدیق، کیرا وئردیک، گئتدی،
نه یئیَک؟ ائی وای آتا! بیلمه‌ییرم.
ده‌ده‌میز یوخ، کیمه چکمک باراتی؟
کیمی سالماق باراتا؟ بیلمه‌ییرم.
جیبده قالمیش‌سا دا بیر بئش ماناتیم،
نه آلیم بئش ماناتا؟ بیلمه‌ییرم.
دلی شیطان دئییری: یورغانی سات!
قیشدی، یورغاندی، ساتا بیلمه‌ییرم.
قار دئییر: گل کیشی سن پامبیق آتاق!³
کیشی! من پامبیق آتا بیلمه‌ییرم.
هئی گلیب مندن آلیرلار شتلی⁴،
کیم سالیب مازی⁵ «مات⁶»ا؟ بیلمه‌ییرم.
زندگانلیق قورادا⁷ بیر شئی اولوب،
نه‌یه لازم قورادا؟ بیلمه‌ییرم.
بیر سوموکدور کی بوغازلاردا قالیب،
کیم آتا، یا کیم اوتا؟ بیلمه‌ییرم.
قار- یاغیشدا بو نه قوندوم-کؤچدوم؟
نییه دوشدوک بو اوتا؟ بیلمه‌ییرم.
بو کیتابلار اؤزو بیر آت یوکودور
بونو کیم چاتسین آتا؟ بیلمه‌ییرم.
چایسیزام، تاپماییرام چای پاکاتین
نه گلیب بو پاکاتا؟ بیلمه‌ییرم.
هئی سویوقدان قورولوب بَی دورورام
کیمدی یئنگه-موشاطا⁸؟ بیلمه‌ییرم.
ال کی توتمور یازام، ال تاپماقدا
قلمه یا داواتا، بیلمه‌ییرم.
گئجه‌میز صوبح اولاجاق، یا هله وار؟
باخیرام هئی ساعاتا، بیلمه‌ییرم.
قوش اوچار، آمما نه درمان ائله‌مک-
داش دیَن قول-قانادا؟ بیلمه‌ییرم.
آی قاداشلار⁹، منه بیر ال یئتیرین!
یوک آغیرلاشدی، چاتا بیلمه‌ییرم.
طبع شعریم دایانیب سونجوق آتیر،
من ده کی سونجوق آتا بیلمه‌ییرم...
ایضاحلار:
¹- زیخلاماق: دورتمک- تپمک
²- زوپاتا: چوماق
³-پامبیق آتماق: حلّاجی
⁴- شتل: جیغال
⁵- مازی: شار- تیله
⁶- مات: شاهمات اویونوندا اودوزما
⁷- قورادا: خیریم‌خیردا
⁸- موشاطا: بزک‌چی- گلین بزه‌ین
⁹- قاداش: دوست- یاردیم‌چی
✍:اوستاد_شهریار
☀️گون آیدین سئوگیلی دوستلار🌹
♪
قناری
قناری چوخ دئمه درد غم بیلیرسن
قالیب گولسوز قیشی نالان اسیرسن
گودورسن یاز گله گولشن گولون وار
سن آزادسان اوخورسان اوز دیلون وار
یانان قلبیم بیر آن خوش گون هارایلار
قوتارمیر درد نئچه الموش ایل آیلار
اولوب آغلار گوزوم گولمز صوراتیم
آلیللار وار یوخوم الدن باراتیم
سنین آزادلیغین وار یوخ بو منده
دیوانیم یوخ اولوب گولی چمند
آنا یوردومدا دیل آچسین غریبه
یاساغلیغلار یازیرچاتسین ضریبه
گوزه ل بالدان شیرین دیلده دیل آشدیم
سویوم آبدا یانیر منده آلیشدیم
سنه یوخدور دیین مجبور قاریلدا
یاکی آیری بویاغ ویرام پاریلدا
آنام لایلاینی مندن آلیللار
آراز یوخ یوخ دئیب یادان سالیللار
ساوالان یوخ اولور غرقم فیکیرده
بئله گئدسین منی باغلار صفیرده
قوجا یوردوم دیلیم ایستیر تالانسین
قناری ویر منیم صبریم جالانسین
باباکتدی نئجه یاتسین قناری
چالیشسین تا یولون تاپسین قناری
🌷گون آیدین تورک میللتیم 🌷
ای ﻭﻃـــﻨﻴﻢ، ﺁﺯﺭﺑــــــــﺎﻳــﺠــﺎﻥ
ﺍی ﺳؤنمز ﺍﻭﺩﻻﺭﺩﺍﻥ ﻧﻴﺸﺎﻥ
ﺍی ﺗﻮﺭﻛﻪ ﺭﻭﺡ، ﺍی ﺗﻮﺭﻛــﻪ ﺟﺎﻥ
ﻳﺎﺷـــﺎ ﻳﺎﺷـــــــﺎ ﺁﺯﺭﺑــﺎﻳﺠــﺎﻥ
سلاملار سحریز خئیر اولسون 🌺
آ ظالیم
تانیمیرسان یاخین نه‌دیر، یاد نه‌دی
یادا دوست سان، دوستا یادسان آ ظالیم!
اوره‌ییمده بیر گونشین اودو وار
کور قورویار کوره آتسان آ ظالیم!
داغ دایانماز بو آغرییا بو غمه
غم دریاسی آخیتمیسان سینه‌مه
قیصاصین وار آل، بو جانیم، بو قمه
بو قصدیندن یامان شادسان آ ظالیم!
دانیشمیرسان یوخسا دیل‌دیر باخیشین
گاه خنجردیر گاه دا میل‌دیر باخیشین
هم اؤلدورور هم دیریلدیر باخیشین
نه سئحیرکار بیر جلّادسان آ ظالیم!
✍سؤز:ممد آراز
🎤سس:پونهان ایسماعیللی
باشقا بیر سحر🌼
باشقا بیر گون☀️
موبارک دیر سیزه
اورک لریز شاد❤️
سحریز خئیر
گونوز آیدین اولسون عزیز دوسلار 🌻
سلاملار سئوگیلی دوسلار
سحریز چیچک کیمین گوزل
سو کیمین آیدین اولسون
اورییز کدردن اوزاق
وعشق ومحبتله دولی اولسون
☀️گون آیدین تورک ائلیم
شرار شمع آهیمدان منيم، پروانه‌لر ياندی
اؤزۆم ياندیم، کۆل اۏلدوم، سهل‌دير، بيگانه‌لر ياندی
تجلاّی جمال جام غملن اؤيله سرگرمم
دوتوب اود، ياندی جانیم، بيلمه‌ديم امّا نه‌لر ياندی
اۆزۆم سويون اۆزۆم سويوندان اؤترۆ سو کيمی تؤکدۆم
خجالتدن سويا دؤندۆ مِی و ميخانه‌لر ياندی
دئيين مجنونا بيل بی‌خانمان اۏلماق‌لیغین قدرين
شعاع حُسن ليلادان سراسر خانه‌لر ياندی
يانارسان، ای کؤنۆل! گَل طرّهٔ جانانه چنگ وورما
نئچۆن مشّاطه‌لر چنگينده گؤردۆم شانه‌لر ياندی
بلا صحراسی اولجاق مسکنيم، بير آه چکديم کيم
دوتوب صحرالار اود، صحرانشين ديوانه‌لر ياندی
بو غم کُنجۆنده سنسيز، ای منيم شمع شب‌افروزوم!
پياپی آهیم ايلن مشعل شاهانه‌لر ياندی
محبّت بوته‌سينده يانمادی بير نقدی صرّافین
بو سوزِ عشق‌ايلن چوخ عاقل و فرزانه‌لر ياندی
✍ تبریزلی صراف
عاشیق اولان عشقه دوُشر غم چکر
منیم کیمین دردی یوز اولماز اولماز
هر آغاجدان صندل هر یاپراق دان گول
هر توپراقین تامی دوز اولماز اولماز
ذیکیرسیز موُمنی شیطان آلدادار
سایقیسیز ایگیدی دوشمان آلدادار
آغیلسیز جاهیلی کیریشان آلدادار
گونی گئچمیش قاری قیز اولماز اولماز
گورمه میشم اوکوز یئرییه یورغا
گئدادان بئی اولماز دئلی دن دارغا
سودا چیمماقینان ساغساغان قارغا
گولده سیلکه لنیب قاز اولماز اولماز
علسگر صرراف سان گوهری تانی
دوسدا قوربان اولسون دوشمانین جانی
جومردین کیسه سی مردلرین نانی
اینشالله اوُلونجن آز اولماز اولماز
دده علسگر
اوستاد آشیق حسین ساراچلی
هاوا : عثمانلی دیوانی‌سی
سؤزلر: موکاییل آزافلی
https://t.me/joinchat/AAAAAE35jqdoNzejrY7s1Q
بیلمیرم آدینی نه سسله ییم من
هم لاییقین اولسون هم ده یاراشسین
هم منی آپارسین فرشیدن عرشه
هم سنین قلبینین سئوینجی داشسین
هم لاییقین اولسون هم ده یاراشسین
او کؤنول ایسیدن اودو گزیرم
تامسینا تامسینا دادی گزیرم
أن تمیز أن اوجا آدی گزیرم
اوقدر اوجا کی باشیمدان آشسین
هم لاییقین اولسون هم ده یاراشسین
اوزاقدان نه یاخین گلیرسن گؤزه
محببت بولاغین ده یر دنیزه
قوی سنه دوست دئییم کی تانری بیزه
دوستلوغون پایلاشیب قوجاغین آشسین
هم لاییقین اولسون هم ده یاراشسین
دئییرلر دونیایا یوخدو اعتیبار
دئییرلر دوست ائوین ائله دوست ییخار
دوستا جان وئره رم بیر ائوه نه وار
دوست ألیله اوشسا صنم قوی اوشسون
هم لاییقین اولسون هم ده یاراشسین
خان صنم
"آغریما اوره‌ییم آغریما هله"
🎤اوخویور:عدالت دلی داغلی
🎼هاوا:دیلقمی
سوزلر :کامیل طبیب
https://t.me/joinchat/AAAAAE35jqdoNzejrY7s1Q
سحر اولدی گون آچدی 😊
لاله لر باغدا چیچک آچد دوستوم ❤️
گَل بیر گولَک چایلاشاخ☕️
درد و غمنن اوزاخلاشاخ🌸
گون آیدین عزیزلریم❤️❤️
https://t.me/joinchat/AAAAAE35jqdoNzejrY7s1Q
اؤشاقلیق کؤچه سی
اونوتمــارام کِچمیشیمی
اوگؤنلرده ایزیم قـالیب
اؤشاقلیقین کؤچه سینده
قارا قیـزدا گؤزؤم قالیب
بویلانیـــرا کِچمیشیمــه
دار کؤچه ده ایتمیشیمه
رؤیـالـاردا یاتمیشیمـه
چوخ دئملی سؤزوم قالیب
کیچیک آرخین کنـاریندا
سؤز وئرمیشدی قـراریندا
یاشایشـین ،،او آنینــدا
شیرین نغمـه م، سازیم قالیب
قاریش قاریش کؤچـه میزی
دولانـــدیم من او تبــریـزی
تــاپــانمــادیم ،قارا قیـــزی
دئیین هــاردا نـازیـم قالیب
دیلــه گلدی او، دام دووار
آختـــاردیقین نــازلی نیگار
شاعیر ـــــ اولدو دییار دییـار
چوخوم گئتدی،،آزیم قالیب
عشق اودونــدا یاندی آراز "
دوست دردینی قاندی آراز
دؤنیانی پوچ ساندی آراز
بودؤنیادا یازی م قـالــیب
☘🌸🌹🌸☘
بير پريشان كامانيم وار
بو روبابین هر تئلینده
یوز آهيم وار آمانيم وار
نه تئز کئچدی ایلک باهاریم
خزان اسدی سولدو باريم
نه دؤورانا اعتيباريم
نه اينسانا گومانيم وار
سازيم هانی سؤزوم هانی
اوچدو كؤنلوم خانيمانی
ايتيرميشم ائل اوبانی
نه بیر داغیم آرانيم وار
كؤنول داها كيمسه‌سيز گز
وورغون بختین اوزه گولمز
بیر داغام کی گؤز ايشله‌مز
كاروان كئچمز دومانیم وار
صمد وورغون
سنسيز توستو-دومان اولوب،
گؤيه قالخير آهيم منيم.
هئچ واخت منی ترک ائله‌مه،
عشقيم منيم، روحوم منيم!
داغا چيخسام، عيناديم اول،
قوشا دؤنسم، قاناديم اول،
سن عونوانيم، سن آديم اول،
عشقيم منيم، روحوم منيم!
سولار كيمی صاف اول، ياشا،
هر شئیده صرّاف اول، ياشا،
اوره‌كده اينصاف اول، ياشا،
عشقيم منيم، روحوم منيم!
گؤزده ايشيق، جاندا هئی‌سن،
سئحيرلی يئر، سيرلی گؤی‌سن،
دوداقلاردا يانان نئی‌سن،
عشقيم منيم، روحوم منيم!
باشيم اوسته يانان شام‌سان،
اليمده بير دولو جام‌سان،
«فضولی»م‌سن، «موولانا»م‌سان،
عشقيم منيم، روحوم منيم!
گله‌جه‌ييم، صاباحيم اول،
دؤيوشلرده سيلاحيم اول،
ايناميمدا آللاهيم اول،
عشقيم منيم، روحوم منيم!
فيكير وئرمه عاغيل‌كمه،
واختسيز باتما درده، غمه،
هئچ واخت منی ترک ائله‌مه،
عشقيم منيم، روحوم منيم.
زلیمخان یعقوب
ائشیدین مجلیسده عاریف اولانلار
صرافیم گوُوهریم کانیم گئدیب دی
آه چئکیبن یار یولونا باخماقدان
یئقین بیلین یاری جانیم گئدیب دی
نازیک بارماقلاردی شوُمشَد اللی دی
آینا قاباقلی دی سیاه تللی دی
شکر صحبتلی دی شیرین دیللی دی
طوطی کیمی خوش زبانیم گئدیب دی
موددتدی گوُزومنن اولوبدور ایراق
اَریدیب اوُرییم درد و قم فراق
بوللور بوخاق لاله یاناق آی قاباق
آلا گوُزلو صحنه بانیم گئدیب دی
ایز سنه آگاهدی قادیر ایلاهی
عشق اَلیندن ایتیرمیشم ایراهی
علسگرم بودو سوزون کوتاهی
یار گئدنده دین ایمانیم گیدیب دی
نه وار
جاوان یاشاماغا یوز ایللر بویو
انسانی انسان تک دویسالار نه وار
گونده بیر دله دوز مین کلک قورور
ساکیت یاشاماغا قویسالار نه وار
آرتدیقجا ظولوم لر توُکولور یاشلار
شیشدیکجه قارینلار بوشالیر باشلار
دونیانی بوتونجه اودان اوغراشلار
تکجه بو دونیایلا دویسالار نه وار
بهمن اویوم اویوم اویورلار بیزی
سونرا تره زی یه قویورلار بیزی
بیر گونده یوز دفعه سویورلار بیزی
بیر گونده بیر دفعه سویسالار نه وارکی
بهمن وطن اوغلو
یارالی یارپاق
خیالی نیگاران، ندنسه بیر گون،
باشیما طبیعت هاواسی ووردو
اؤزوم اؤزلویومدن اولالی سورگون
شاعیر اوره‌ییمین عشقی قودوردو
ایسته‌دیم داغیلسین کؤنلومون غمی،
آنا طبیعتین سئیرینه چیخدیم
سئل کیمی داشلاندی گؤزومون نمی
بو دم بیر شاعیرین اَلینی سیخدیم
سوروشدوم حالینی، او دا من کیمی
دردیندن داغ‌لارا، داش‌لارا دوشموش
درین دویغولاری شهلی چن کیمی
آغاج‌لار قوینوندا غمله اؤتوشموش
آغلار گوزلرینده یئرسیز بیر گوناه
اوغلونو اؤلدورن بیر سردار کیمی
دوْشوندن گؤیه‌ریر گؤی‌لره آل، آه
آللاهین ایتیرمیش گوناهکار کیمی
هر سالام، ویداع‌لار گتیرر، آنجاق
آیریلدیق اونونلا توتقون حال ایله
تاپداندی خیال‌لا بئینیم دویونجاق
هوپدوم بیر دره‌یه مین خیال ایله
تک آغاج یانیندا داغلار آراسی
اؤپدو آیاغیمی یارالی یارپاق
کؤکسونده آجیلی داش‌لار یاراسی
دوشموشدو اؤزوندن آرالی یارپاق
قامتی بیر قارا- قیوریم سانجی‌لی
داغلانیب دوداغی درد دیرناغیندا
یاناغی داش‌لارین قاراقانچیلی
باشسیز، یئر سورونور یئل قیْیناغیندا
چیخدیم دوشونمه‌دن اوستونه ناگاه
چیغیرتی سسینه ویجدان اویاندی
آغریدان اؤلوم‌له گؤروشدوم آللاه
بو آندا داماردا قانیم دایاندی
دئدیم: بو نه سیردی، بو نئجه حیکمت؟!
بو سیرری، حیکمتی آچیقلا منه
دارتدی قاش‌لارینی بیر آجی غئیرت
دئدی کج باخیشلا، آجیق‌لا منه:
گووندیییم داغا قار یاغیب اینان
عشقیمین گولله‌سی داشا توخونوب
اینسانلیق داغینی آلیب قار-بوران
یامان اوره‌ییمده گیلئی‌لر دوْنوب
سن ائی اینسان‌لارین دوشونن پیسی
یارالی کؤنلومون بوخچاسین آچما
بوْغوبدور یئر-گؤیو ظولموزون هیسی
حقیقت نوروندان گئری‌یه قاچما
سیز آدم تؤره‌یی، قابیل قارداشی
لاپ قانین ایلکینی! تؤکن سیز اولدوز
معریفت جامینا ویرارکن داشی
شهوت‌له جهالت سویونا دولدوز
دانما حقیقتی، باش اَی دوزلوگه
گونشی پالچیقلا سوواماق اولماز
اینان گؤزلرینه، اویما گؤزلوگه
چیرکین‌لر بزه‌یی همیشه قالماز
اوره‌ییز پاخیرلی، اَلیز قانلی‌دی
دوزلوک باغچاسینین اوراغی‌سیز، سیز
سیزدن خئییر اومانلار یئل گومانلی‌دی
اَیری‌نین، آلچاغین دایاغی‌سیز، سیز
آنا طبیعتین گؤزو، گؤزلی
شاعیری بیلیردیم اؤزومه آتا
بیلمزدیم شاعیرین او گؤیچک اَلی
اوستومه قادالی داشلاری آتا
دوشونن سن ایدین، آغیر آیاقلا
یارالی باغریمین اوستونه قوندون
من سنه سیغیندیم اورکده داغلا
سن یارا باغریمی یارالی یوْندون
کامال آختاریردیم، زاوال حاقلادی
یاغموردان قاچیردیم، دولویا دوشدوم
قوللاریم دوشونن باش قوجاقلادی
آغلیما گلمه‌ین بلایا دوشدوم
گوونمه قولوندا قوّته، زورا
سن اَییرن ایپی فلک توخویوب
شاه‌لاری کفن‌سیز چکیبدی گورا
فیرعون‌لار قصرینده بایقوش اوخویوب
آیاق‌یالین گزر شاه دوه‌سی ده!
نجیب آتلاری دا بودره‌در زامان
ییخیلار تختیندن خان نوسی ده
ساربان دا یول آزار گلسه چن-دومان
شر ایش قالا-قالا دؤنر خئییره
بیری اؤلمه‌یینجه، بیری دیریلمز
دؤز! هله جهره‌سین فلک أییره
آلوْو، اوجالمامیش، سؤنوکه بیلمز
سانما ییخیلمایان، بیرینی ییخار
هله ییخیلمایان کیمی ییخماییب؟
زینه‌دن گلن سو سئل اولوب آخار
آیاغا دوشمه‌ین باشا چیخماییب
آی بولود آلتیندا قالماز بیر نفس
گون گلر بولودون باغرین یارار آی
بوغازدا بورولوب هیچقیران بو سس،
پارتلاییب اولاجاق آجی بیر هارای
گئت ائی کاییناتین سفیل بؤلومو
غئیرتدن اوزاقدی سیزه سیغینماق
شرف‌له سئویرم شریف اؤلومو
چی سود أمن‌لره هئچدی دایانماق
گئت! بیر ده اوزونو گؤرمه‌سین گؤزوم
او نورسوز اوزونون نورونا نیفرت
گئت اوزون جهننم، منده یوخ دؤزوم
ظالیمده بیر کیمسه گؤرمه‌میش حؤرمت
فلک بیر جیرینا مین جیر ووراجاق
آییل ائی ظولمتده عاغلین ایتیرن
بیر زامان حقیقت مئیدان قوراجاق
گله‌جک اَل‌لری گونش بیتیرن
اوندا یارپاق‌لاری بولبول اوخشاییب
باریش آغاج‌لاری بار یاغاجاق‌لار
قوش‌لار دیمدییینده اؤپوش پایلاییب
اینسانلیق دؤشوندن نور ساغاجاق‌لار
بوتون اورک‌لره تانری قوناجاق
گؤزلرده باخیش‌لار سئوگی هؤره‌جک
ظولمت‌لر باغریندان شفق یاناجاق
اینسان پای اینسانا، آللاه وئره‌جک
ساقی! چوخ اؤیونمه اؤزونه سن ده
سنی ده آپارار بو قارا تورپاق
بئله گئت، بو یئردن کؤچوب گئدنده
سندن اینجیمه‌سین یارالی یارپاق
سن ائی یارپاق‌لاری یارادان آللاه
یارپاغا داش آتان اَل‌لری سیندیر
ائتمه‌سین عؤمرونده بیر بئله گوناه
یارپاغی تاپدایان آیاغی دوْندور
✍️ دوکتور_فاضل_عباس‌زاده
سن سیز حایاتیم چن بوروموش یازدی بو گونلر
دونیا گونو گوندن ده اویون بازدی بو گونلر
میضراب دیه ر کن سازا ناله م گویه قالخار
حسرت غزلیم دردیله دمسازدی بو گونلر
گئتدین ... یئرینه خاطیره لر همدمیم اولدو
نئیلیم کی کئفیم غم لری نن سازدی بو گونلر
لعنت دء منه ، قارقیش ائله ، حاقلی سان آی قیز
لعنت منه ، نیفرین منه چوخ آزدی بو گونلر
نیسگیللی سحر ، وودکالی آخشام ، گئنه یوخسان
کونلوم داریخیر ، کاشکی هئچ اولمازدی بو گونلر
من چای سنه ... یوخ ، رحلی غزل دمله میشم گل
گل شعر اوخوکی غم ده غزل بازدی بو گونلر.🥀🤍🌷
#اَحْمـ♥️♥️♥️❤️♥️ـدْ🦋
آخشام لار
صفالی گون لریم سنله دوشنده ياده آخشام لار
غمیندن سوزیله گللم فغان و داده آخشام لار
فراقِ دلبر و یوزلر صفالی خاطیره اونلا
منیم آلماق ایچون جانیم دؤنور جلاده آخشام لار
شیکایت ائیله ییم هانسی جفا و جور و ظولموندن
سینه مده یوز غم ِ پنهان گلیر فریاده آخشام لار
سنه قوربان اولوم ساقی، یئتیش داد ِ دل ِ زاره
قدح لر بوش قالیب دولدور منه وئر باده آخشام لار
صفاسین گورمورم عومرون زامانلار لحظه لر یکسر
گئدیر یارسیز مصیبت له فنا و باده آخشام لار
بو کونلوم کی همیشه حسرت ِ وصلی له سرخوشدیر
لب ِ شیرین خیالی لا دؤنور فرهاده آخشام لار
گؤتورموش عالمی "فاتح "نوای ناله ی زاریم
هانی بیر معرفت اهلی کی چاتسین داده آخشام لار
آخشامیز خئیرلی عزیز دوسلار
كئچیر
هاياندا ياتميسان آی قارا باختيم
داغيليب دوولتيم وار دا يان كئچیر
گل ها گل گونومده جان دئين دوسلار
گؤروللر قالميشام داردا يان كئچیر
غواص کیمی دریالارا دالمیشام
آصلانلار الیندن شیکار آلمیشام
چرخی فلک گؤر نه گونه قالمیشام
یاپالاق بیه نمیر ساردا یان کئچیر
ایشقلی گوندوزوم اولوبدور گئجه
ایتیریب عاقلیمی دؤنموشم گیجه
آللاهین گؤزوندن دوشموشم نئجه
عزراییل گیزله نیر گوردا یان کئچیر
باختین یاتیب ایشین نسدی مظاهیر
دوسلار الفتینی کسدی مظاهیر
کؤچ فانی دونیادان بسدی مظاهیر
قوهوم لار یاد اولوب یاردا یان کئچیر
