باشینا من دؤنوم آ مهربانیم
قوللارینی بوینوما سال وعده سینده
سن اولارسان قاری من اوللام قوجا
قوی امیم لبلرین بال وعده سینده
دونیانین لذتی کئفدی داماقدی
کیم گؤره گؤرمه یه او باخدا باخدی
سورگونن کئفینی جاوانلیق واخدی
آغلاما قددینین دال وعده سینده
بیر جانیم وار فلک بیر گون آلاجاق
اوستوندن کروان لار یوللار سالاجاق
بیر یئمک بیر گئیمک گزمک قالاجاق
دولان گز جانینین حال وعده سینده
دونیادا شیریندی دؤولتنن آخچا
عدالت یولونو دوز بیلین حاقجا
باغبانسیز اولماسین بیر باغ بیر باغچا
دره لر تؤکرلر کال وعده سینده
آزافلی میکاییل یارانان کؤچور
انسان بیر زمی دیر عزرائیل بیچیر
تاریخلر دولانیر عؤمور گون کئچیر
دونیادان پایینی آل وعده سینده
آزافلی
بیلمه‌سین
ائلہ اؤپوم دوداغینی،
آغزینداڪے دیل بیلمه‌سین.
قوجوم اینجہ ڪمرینے،
ڪمر بیلسین، بئل بیلمه‌سین.
شئهہ دؤنوم یاناغیندا
چیچڪ آچیم بوداغیندا
یاتیم ایستے قوجاغیندا
چمن دویوب چول بیلمه‌سین.
«محبّت‌دیر حیات» دئدیم
عشقین دردین-غمین یئدیم
سیزہ ائلہ گلیم-گئدیم،
ڪول دوشونوب یول بیلمه‌سین.
«ستّار»ام؛ گونشیم، آییم
سنسن منیم عؤمور پاییم.
ساچینے ائلہ داراییم،
داراق بیلسین، تئل بیلمه‌سین...
ستار گلمحمدی
صرراف بازاریندا ناشی بزیرگان،
لعلین قیمتینی یوخلویا بیلمز !
قوشو گؤزدن ووران نابلد اووچو_
یاد ائلین مارالین اوخلویا بیلمز !
بیز نئجه گلمیشیک بو شن حیاتا ،
وای او کس لره کی ، زحمتی باتا
اون اوغول ساخلایار بیر آهیل آتا _
اون اوغول بیر آتا ساخلایا بیلمز !
"کامیل" اوخ سوزرمی کامان اولماسا؟!
یاخشی نه بیلینر یامان اولماسا ؟!
شاعیری ساخلایان زامان اولماسا _
کیمسه دار گونونده حاخلایا بیلمز !...
کامیل
کونلوم قاریشیب درده کی درمانی تاپیلمیر
لیلا لر ایچینده دلی جانانی تاپیلمیر
یاریم او قارا گوزلری زنجیره چئکیبدیر
یوز مین جان الیب شهرده حیرانی تاپیلمیر
غفلت ده یاتان خان چوبانی ائیله خبر دار
مین ارپا چایی اخسادا عنوانی تاپیلمیر
یارب نه سبب دیر قارا سئودا باشا چاتماز
حدسیز یالانین دوغروسو پینهانی تاپیلمیر
سورمه چکیلیب قاره قلم قاشلارا بیرباخ
یوز ائو ییخیلیب کونلونه سولطانی تاپیلمیر
یوز مین اوخ اولوب گر تاخیلا سینمین اوسته
گوزلردن ایراق وصل ایچون امکانی تاپیلمیر
جاميشين قئیماغین بئچه نین بالین
قازانیب وئره سن آزدی گؤزله
چئکسن نازینی سوراسان حالین
یوز ایل قوللوق ائتسه ن آزدی گؤزله
يارادان ياراديب قاشی قلمی
گؤزلليك ياشادان بوتون عالمی
قلبی آچيق اولسا اولماسا غمی
قيشين چيلله سيده يازدی گؤزله
طلاطم ائیله ین قانیم نئیله سین
محببت اؤدونا خانيم نئیله سین
دمیرچی یم یانان جانیم نئیله سین
وورولان اوره ک دی گؤزدی گؤزله
ربات جدید مثل داگز از دست ندید
/channel/mousehous_bot/mouseapp?startapp=128901753
تیک آبی هم داره
/channel/mousehous_bot/mouseapp?startapp=128901753
سعی کنید نفر اولی باشید تا سود بیشتری کسب کنید
گوزل دیکلمه
پریشان اوزانام کؤهنه ساز وئرین
مین هاوا یارادیم یارین خطرینه!
شاختالی عؤمرومه وارسا یاز وئرین
ساچلارا اَله‌نن قارین خطرینه!
تئلیندن آسیلیب پرده‌سیز سازیم
سوسوبدو گرایلیم،باتیب آوازیم
سیزیلدار بایاتیم،شوروم،شاهنازیم
کامانین خطرینه،تارین خطرینه!
لاله‌لی داغلاردان ایلهاملار آلیم
ساری تارلالاردا،دویغوییا دالیم
چیچکلی باغلاردا سرگیلر سالیم
آلمانین،هئیوانین،نارین خطرینه!
سوس دئدین:”قوجا”یا هله سوسماییب
چتین سیناغلاردا دیزی اسمه‌ییب
نه سندن اینجیییب،نه‌ده کوسمه‌ییب
سنده اولان دوز ایلقارین خطرینه
آشیق حسین جاوان✍️
Dəniz, göy, məhəbbət
söz: Nəbi Xəzri
دنیز، گؤی، محببت
سؤز: نبی خزری
سن منیم یادیما ائله دوشوبسن
جیرانین یادینا ناز دوشن کیمی
سنله یاشاماغی ایسته‌ییر اورک
گؤللرین یادینا قاز دوشن کیمی
حسرتین یاندیرار دلی کؤنلومو
گونی گوندن آرتار یاشام ظولومو
ائله ایسته‌ییرم اینان اؤلومو
کابابین یادینا کؤز دوشن کیمی
مشغولام ائویمده سن بیردن بیره
ائله تؤکولورسن، چشمه‌دن کوره
ایستیرم بیچیلیب تؤکولوم یئره
آرشی‌نین یادینا بئز دوشن کیمی
داغلارین باشینی آلیبدیر دومان
من اوخو قویموشام آچیلمیر کامان
ایندیجه باشیما اله‌دیم سامان
شاعیرین یادینا سؤز دوشن کیمی
سولماز یادیندامی او، اؤتن چاغلار
اورگیم ائوینده غم یووا باغلار
رقیبلر اورگیم ائله‌جه داغلار
یارانین کؤنلونه دوز دوشن کیمی ...
#سولماز_موغانلی
آمان چکمه چوخ دنیادان
دنیا اوزو گلیلیدی
یامان اولسا یان گزملی
مجنون سن سن اولیلیدی
هره بیرجورسالبدی سئس
گلیبگیدن میلیونلر کس
یارانمیب دنیا عبس
فاعلی وار. بوفیلیدی
گورسلیمان بوفناده
حکم ایلدی هم ثناده
نمرود ایتی نه ایفاده
اوخ آتماقدا نه میلیدی
بیرسئوالدی وارلیق اوزو
سئچماق اوچون آءگری دوزو
دوز آرایب انان سوزو
سون. سرایدا. سرایلیدی
دنیا بشر؟ظالم. دئیل
انساندا وارظلمه مئیل
حقیقته اولان نئیل
ظلمته. قارشی آیلیدی
حکم اولونوب باشدان اومور
معذور اولوب فلک مامور
بیرگون.باشا. چاتار اومور
هاممی (ولی)اوتایلیدی
اى گـول داغيتمــا سونبـول زولفـون عوذارینا
آهستــہ شانـہ چـڪ ڪے، تؤكولــسون كناريــنا
بسديــر، بو قـــدر نازايلـہ اؤلـدوردون عالمـى
دونيــا وئريلمــه‌ييب، گؤزليـــم ايختييــارينـا
مـى‌دن زييــادہ نشعــہ وئرير خستـہ كؤنلومه
هــر دم باخانـــدا نرگیـس مــست خومــارینـا
ڪوییندہ خوش ڪئچر گونوم اغيارہ باخماسان
اينــدى بو ايـش قالـيب سنيـن اؤز اعتيبارينا
بيـگانــہ گــــؤردو لـذّتینــــے لالــہ رویینیـــن
بیــر رحمیــن اولمــادے بــو دیــل داغــدارينا
هـر كيـم كى، عاشيقم دئدى، منصور تك سنه
دوشــــدو كمنـــد سيـلسيـــله‌ى تابـــدارينــــا
"واحـيد" بيـز اؤز نیگاریمیزیـن موبتلاسیییق
سن دہ چالیـش ڪے، ڪؤنلونو وئر اؤز نيگارینا
✍ علے آقا واحد
آ دوسلار حيرانام عمرون باغنا
يارپاقم سارالدی باری بس هانى
ديرديله تنزيله واردی ترقى
عمرومو ایله ديم يارى بس هانی
سنين قدرتوا قربانام عاغا
نامردی اوجالدب دوندردين داغا
سخاوتلی مردی سالدن اياغا
کيشی يارادان سان اعتبارى بس هانی
بهمن غافل اولما عاقل سن اگر
قدرتين سيرين بولمورسن مگر
لکه سيز بير انسان مين جانا دير
ملک سليمانن واری بس هانى
شاعر بهمن وطن اوغلو
او گوزل گوزلرینن کونلومو ویران ائدیسن
باخیشندان نه یازیم شعریمی دیوان ائدیسن
Ö gözəl gözlərinən könlümü viran edisən
Baxişindan nə yazim şerimi divan edisən
گئجه- گوندوز خلقه ایراد ائدنلر
هئچ اؤزون اؤزوندن خبرین وارمی؟
قوْنشونون گؤزونده قێلێ گؤرنلر
بیر باخ اؤز گؤزوندن خبرین وارمی؟
مؤمن قارداش هئچ بیلیرسن نئدیرسن.
ایشین بودور خلقین عیبین گۆدۆرسن!
بئش قدمده دؤردون أیری گئدیرسن.
بیر دوْن باخ ایزیندن خبرین وارمی؟
حارام مالدان فاخر ليباس گئییرسن.
آغزین سیلمک ندیر؟ موردار یئییرسن.
آشیغین سازینا حارام دئییرسن.
اؤز ساخت سازیندان خبرین وارمی؟
دده کاتیب سن ده بیر بیل حیسابین.
دوز عملین آزدی چؤخدو خارابین.
قوْرخ او گوندن اوْخوناجاق کیتابین.
دئدیگین سؤزوندن خبرین وارمی؟
✍#رحمتلیک_دده_کاتیب
من کوسوب گئدیرم قوی هامی قالسین
من کوسوب گئدیرم بو یئر اوزوندن
اوغولام، قوی دردیم آناما قالسین
آتایام، قوی بالام کوسسون اؤزونون
دونیا اوجوز سایدی، یا باها بیلدی
نه ساتان تاپیلدی، نه آلان منی
نه آلله دونیایا باغلایا بیلدی
نه آتام، نه آنام، نه بالام منی
ایلاهی سندن‌ده سیندی اوره‌ییم
منی کوسدوره‌نین یئکه‌سی سنسن
دونیانین ان اوزاق، اله گلمه‌ین
بوغازدان کئچمه‌ین تیکه‌سی سنسن
من سنین یانینا اوچا بیلردیم
اوچمورام، بئله‌جه کوسوب گئدیرم
من سنین سیررینی آچا بیلردیم
آچمیرام، بئله‌جه سوسوب گئدیرم
یاندیریب گئدیرم بو واراغی دا
بو شعرین کولونو کیم اوخویاجاق
سوندوروب گئدیرم بو چیراغی دا
منی قارانلیق‌دا ایتیرمه آنجاق
ایلاهی کوسسم‌ده سنینم یئنه
گؤزون آخیراجان اوستومده اولسون
بو سونسوز دونیانین سون نؤقطه‌سینه
گئدیب چیخاناجان اوستومده اولسون
اوردا بو دونیانین لاپ قیراغیندا
بیز نهنگ بوشلوغون لاپ قاباغیندا
اوتوروب دینجیمی آلارام بیراز
بوشلوغا ساللارام آیاق‌لاریمی
اوشاق تک یئلله‌رم آیاق‌لاریمی
اوشاق تک سئوینجک اولارام بیراز
بیر اؤلوم ایشیغی گزر اوستومده
بوشلوقدان سس گلیر: «یوبانما تئز گل
سنه چوخداندی کی بو یئر اوزونده
هر شئی ماراقسیزدی اؤلومدن اؤزگه...»
ایلاهی گلیرم ائشیت سسیمی
کیمسه‌یه اومید یوخ ائشیت سسیمی
بو نهنگ بوشلوغا آتدیم اؤزومو
سنه آرخایینام، اؤزون توت منی...
#رامیز_روشن
ارشيليقليQarşılıqlı : متقابل
قارشينQarşın : علي رغم
قانيتQanıt : ثبوت
قانيتلاماقQanıtlamaq : اثبات كردن
قاورامQavram : مفهوم
قاووشماقQavuşmaq : واصل شدن
قوشارQoşar : شاعر
قوللانماقQullanmaq : به خدمت در آوردن
قونوQonu : موضوع
قونوشماQonuşma : گفتگو
قونومQonum : موقعيت
كسينليكلهKәsinliklә : قطعيا
كؤتوKötü : بد
كؤكده‌ن بوته‌مچيKökdәn bütәmçi : بنيادگرا
كؤكلوKöklü : ريشه دار
كؤكه‌نKökәn : ريشه
كيتلهKitlә : توده
كيچيمسه‌مه‌كKiçimsәmәk : تحقير كردن
كيمليكKimlik : هويت
گرچه‌كله‌شمه‌كGәrçәklәşmәk : متحقق شدن
گرچه‌كليكGәrçәklik : واقعيت
گره‌كسيزGәrәksiz : غيرضروري
گره‌كليGәrәkli : لازم
گله‌نه‌كGәlәnәk : سنت
گنه‌لدهGәnәldә : عموما
گؤبودGobud : خشن، بي كيفيت
گوجونGücün : مجبوري، تحميلي
گؤركسؤزGörksöz : ادبيات
گؤركولGörkül : ادبي
گؤره‌وGörәv : وظيفه
گؤرونمه‌زGörünmәz : نامرئي
گؤرونوشGörünüş : ظاهر
گؤزله‌مله‌نمه‌كGözlәmlәnmәk : مشاهده شدن
گونلوكGünlük : روزمره
گؤودهGövdә : بدن
گووه‌نمه‌كGüvәnmәk : اعتماد كردن
ماراقليMaraqlı : جالب
نده‌نNәdәn : علت
نسنهNәsnә : شئي، چيز
وارساييمVarsayım : فرض
وورقوVurqu : تاكيد
ياپيلانديرماقYapılandırmaq : برپاساختن، سازماندهي كردن
يارارYarar : فايده
ياراشماقYaraşmaq : برازنده بودن
يازارyazar : نويسنده
يازقاYazqa : مقاله
ياساYasa : قانون
يالينيقYalınıq : انسان، بشر
يانسيتماقYansıtmaq : منعكس كردن
يانسيرYansız : خنثي، بي طرف
يانسيماYansıma : انعكاس
يايينYayın : نشر
يوكله‌مه‌كyüklәmәk : بار كردن
يؤنYön : جهت
يؤنته‌مYöntәm : روش
يؤنه‌تگيYönәtgi : سياست
يؤنه‌تگيلYönәtgil : سياسي
يؤنه‌تيمYönәtim : مديريت
يئته‌رليYetәrli : كافي
يئرسوYersu : وطن
يئنيجيلyenicil : مدرن
يئيله‌مه‌كyeylәmәk : ترجيح دادن
يييهYiyә : صاحب
داورانيشDavranış : رفتار
دريمDәrim : اصطلاح
دنليDәnli : به آن درجه
ده‌يه‌رله‌نديرمه‌كDәyәrlәndirmәk : ارزيابي كردن
ده‌ييش توخوشDәyiş toxuş : بده بستان
ده‌ييشگهDәyişgә : واريانت
ده‌يينمه‌كDәyinmәk : اشاره كردن
دورومDurum : وضعيت
دوزه‌نDüzәn : سيستم، نظم
دوزئيDüzey : سطح
دوشونگهDüşüngә : ايدئولوژي
دوغالينDoğalın : البته، طبيعتا
دوغرولتوDoğrultu : راستا، استقامت
دؤنه‌مDönәm : دوره، عهد
دويارليليقDuyarlılıq : حساسيت
دويقوسالDuyqusal : احساساتي
دويوروجوDoyurucu : تطمين كننده
ديشDış : خارج
ديشيDişi : مونث
ديشيلDişil : مونث
دئگيDegi : سخن
ديل بيلگيسيDil bilgisi : دستور زبان
ديلده‌كDildәk : استدلال
ديلده‌مDildәm : منطق
ديلسه‌لDilsәl : زباني
دئنه‌تله‌مهDenәtlәmә : كنترل
دئييمDeyim : اصطلاح
ساغلاماقSağlamaq : تامين كردن
سالديرقانSaldırqan : متهاجم
سانكيSankı : تو گوئي
سانيلماقSanılmaq : گمان شدن
سوبايSubay : مجرد
سوره‌جSürәc : روند
سوره‌كليSürәkli : متماديا، پيوسته
سورونلوSorunlu : مساله دار
سونماقSunmaq : تقديم كردن، عرضه نمودن
سونوجلانماقSonuclanmaq : منتهي شدن
سوي آدSoyad : نام خانوادگي
سؤيوشSöyüş : فحش
سئچيمSeçim : انتخاب
سيليكSilik : غيرمهم، غيربرجسته
سلهكSәlәk : سخاوتمند
سئيره‌كSeyrәk : نادر، به ندرت
قاباQaba : خشن
قاپساييجيQapsayıcı : شامل
قاتقيQatqı : سهم
قاتيQatı : سرسخت
قاچينيليرQaçınılır : آنچه از آن اجتناب مي شود
قارشيتQarşıt : ضد، مقابل
قارشيليقQarşılıq : معادل
تؤره‌ن: مراسیم، Törən
تاپماجا: معما، Tapmaca
تاپچاق: آدرس، Tapçaq
تؤشگومه‌ک: نفس نفس زدن، Töşgümək
تؤکونتو:چیزی که ریخته شده باشد، مثل ریز مانده ها از قیچی کردن لباس
تاپینتی‌لار: کشفیات، Tapıntılar
تانری: الله، Tanrı
قارا داریخما وار پنجره‌میزده
اولورسا بیر دفعه آدیمی چاغیر!
غم یئنه دیز چؤکوب اوتوروب بیزده
هر آن گؤزلریمدن آغ یاغیش یاغیر.
دومان سفر اوغلو
محبت کورپوسین سالانا قربان
قادامی جانینا آلانا قربان
منه جانیم دیین جانانا قربان
جانیمین قیمتی آنامدیر منیم
آنامدیر حیاتین محکم بناسی
منی ساخلییبدیر اونون دعاسی
هله دیر قولاقدا قالیب لای لاسی
دیلیمین صحبتی آنامدیر منیم
منه جان دئیبدیر جانین یئمیشم
ایکی ایل اونون اتین قانین یئمیشم
شیرین شیرین شاننان بالین یئمیشم
جانیمین قدرتی آنامدور منیم
امید گوزل سس🌹
دئییشمه
زلیم خان
عومروم بوْیو دوُعاچی‌یام آی گوزل
آللاه سنی پناهیندا ساخلاسین
اوْروج توُتوب نمازینا دوُرموشام
آللاه سنی پناهیندا ساخلاسین
آیاز
آی زَلیم‌خان گوزللری گوزل یاز
آللاه سنی پناهیندا ساخلاسین
آخی چیرکینینده گوزل‌لییی وار
آللاه سنی پناهیندا ساخلاسین
زَلیم‌خان
هر قاشیندا قوُرآنین بیر آیه‌سی
سئویلمک‌دیر گوزل‌لیین قایه‌سی
اوزریندن چکیلمه‌سین سایه‌سی
آللاه سنی پناهیندا ساخلاسین
آیاز
گوزللری چکیب باشا بنزه دن
بعضی اورکلری داشا بنزه دن
قوُرآنین آیه‌سین قاشا بنزه دن
آللاه سنی پناهیندا ساخلاسین
زلیم‌خان
من نه شاهام نه شاه‌لیقدا وزیرم
عشقین ایله درویش اوْلوب گزیرم
سندن اوترو مسجیدلرده نَذیرم
آللاه سنی پناهیندا ساخلاسین
آیاز
بئله‌سی یاخشی‌دیر نه شاه نه وزیر
گوزللر عشقینده خیالین گزیر
آپار مسجیدلرده منی قوْی نَذیر
آللاه سنی پناهیندا ساخلاسین
زلیم خان
نه تانری‌یام نه آللاهام نه دینم
ایجازه‌سیز نه دانیشام نه دینم
واقیف دئمیش سن ای مکه‌م مدینم
آللاه سنی پناهیندا ساخلاسین
آیاز
ظالیم دوشمان نه دانیشا نه دینه
هئچ بیلمیریک قوُللوق ائدیر نه دینه
موقدّس کلبجر مکّه مدینه
آللاه سنی پناهیندا ساخلاسین
زلیم خان
طوُر داغیندا موُسی‌نین طوُر عشقینه
محمّدین آلنیندا نوُر عشقینه
قوُرآن اِنجیل توُرات زبور عشقینه
آللاه سنی پناهیندا ساخلاسین
آیاز
یالواریرام موُسی گئتدیگی طوُرا
محمّدین آلنینداکی اوْ نوُرا
قوُرآن اِنجیل توُرات بیرده زبوُرا
آللاه سنی پناهیندا ساخلاسین
زلیم خان
سئوگی سوزو عقیده‌دیر اینام‌دیر
سئون کس‌لر پیغمبردیر ایمام‌دیر
بلکه بوُ گون منیم عومروم تامام‌دیر
آللاه سنی پناهیندا ساخلاسین
آیاز
سئوگی‌لر داغیندا چیخاسان باشا
سئون کس‌لر ائیله‌سینلر تاماشا
آدین یاشادیقجا اوزونده یاشا
آللاه سنی پناهیندا ساخلاسین
زلیم خان
بئله گولو هر گولوستان بیتیرمز
هر توْرپاق‌دا بو نعمتی یئتیرمز
زلیم‌خان سیز دونیا بیر شئی ایتیرمز
آللاه سنی پناهیندا ساخلاسین
آیاز
هر گولوستان بئله گولو بیتیرمز
هر بیر زامان زلیم خانلار یئتیرمز
آیاز سیز دا دونیا بیر شئی ایتیرمز
آللاه سنی پناهیندا ساخلاسین
(آللاه.هیچ کیمی کاسیب ائلمه سین)
بیرگؤزل احوالات
🎤:آشیق زولفیه
یانیق کرمی
سؤز : نوصرت کسمنلی
اوستادین اؤز سسلریله
Yanıq Kərəmi
Səs və Söz : Nüsrət Kəsəmənli
طالعین قسمتی راست سالدی بیزی
یوْلوموز هارداسا قیریلاجاقسا
ایتیره‌جه‌ییک سه بیر - بیریمیزی
خاطره‌م یادیندا قالمایاجاقسا
بو اللر منیمکی اوْلمایاجاقسا
بو تئللر منیمکی اوْلمایاجاقسا
سن الله اؤزۆنه اؤیرتمه منی!
هجران قوْخوسویلا گؤینتمه منی!
من بیر آز باهارلی بوُداق کیمی‌یم
بیرآزدا ساده لوح اوُشاق کیمی‌یم
آنا بالاسینا قوْووُشان کیمی
لئيلک یوُواسینا یوْووُشان کیمی
آری گول چیچه‌گه اوُیوشان کیمی
اه منده آداما تئز قوْووُشانام!
سئوگی عالمینده تئز آلیشانام!
آما کی سؤنمه‌گیم چوخ چتین اولور
سئوگیدن دؤنمه گیم چوخ چتین اولور
اؤیرتمه اؤزونه اؤیرتمه منی
بلکه گؤزله‌میردیک بو خوش گؤروشو
یامان غریبه‌دیر دنیانین ایشی
هئچ واخت یوللاریندا دایانمادیغین
هئچ هنده‌ورینده دولانمادیغین
گلیب بیردن سنه نه تانیش اولور!
عؤمرونون ایچینده عؤمور دوغولور!
بو یاخینیم اوُزاق اولاجاق ایسه
بیر قسمت چیچه‌گیم سولاجاق ایسه
اؤیرتمه اؤزونه اؤیرتمه منی!
کؤنلومده یئرین وار قوپماز یئریندن
بیر ائكيز لچه‌یی ، هاچا بوداغی
آییرماق اولمورسا بیری- بیریندن
بیزی ده آییرماق چتین دیر آخی!
اؤیرتمه اؤزونه ،اؤیرتمه منی؛
یوخ بونا طاقتیم یوخ بونا تابيم!
الینی الیمدن اوزمک عذابیم
سونرا بو عذابا دؤزمک عذابیم!
هانسی کی کؤنلومون سینیقلیغی وار
هجرانین کؤز باسميش یانیقلاری وار
منیم دردلریمین آیاقلاری وار
هاردا اولسا گلیب تاپاجاق منی!
یاخیب یانديراجاق بو اوجاق منی!
گل منی اؤزونه اؤیرتمه بئله!
الیمی الینه اؤیرتمه بئله!
اۆزومو اۆزونه اؤیرتمه بئله!...
" موسی یعقوب "
