▫️خاطیره‌لر اولان یئرده
داشلارین دا دیلی واردیر
خاطیره‌لر اولان یئرده؛
اینسانلارین سئوینج‌لری،
حسرتلری قالان یئرده.
منی بولاقلار دیندیرر
هئی آغلادار، سئویندیرر
سولار اودومو سؤندورر،
آنام لایلا چالان یئرده.
هر دویغونون اؤز آدی وار
فیکرین غملی‌سی، شادی وار.
کؤنلوم قالدی قوجا چینار-
کولگه‌سینی سالان یئرده...
#میروارید_دیلبازی
کؤچوردو
#شعر_اوجاغی
بیر گون بو تایا سن دہ او تایدان گلہ جڪسن
ڪئچمیش او سینیق ڪؤرپولو چایدان گلہ جڪسن
درویشلریلہ شاہ نئجہ گیزلین گؤروشرمیش
ویران ائویمہ شانلے سارایدان گلہ جڪسن
اَینیندہ ایشیق ڪؤینه‌یے، اولدوز اته‌یینده
اون دؤرد گئجہ لیڪ آے ڪیمے آیدان گلہ جڪسن
قارشیندا اولان یاخشی_ یامان تهلوڪہ لردن
قورخماز سوووشوب هرنہ اولایدان گلہ جڪسن
غملر قوشونون قیرماغا حسرتلے سینہ مده
بیر آندا چیخیب اوخ ڪیمے یایدان گلہ جڪسن
قابلار دوزولوب یان-یانا ، قلبیم سئوینیر ڪی
اود اوستہ هاچان قاینادے چایدان؛ گلہ جڪسن
گلمیشدے دونن باغچادا بولبول اوخویوردو
قوشلار زومارین وئرمه‌یہ یایدان گلہ جڪسن
"آیلار"دے دوشوب ڪؤنلومہ بیر قانلے قیامت
سانڪے بیلیرم سس دولو هایدان گلہ جڪسن...
ثریا_بخشی_آیلار
باشینا دؤندوگوم بو نئجه حالدیر
دینمه میش دئییرسن آی ندیر ندیر
باشیم چیخماز منیم سنین دیلیندن
بویور گینن گؤروم آی ندیر ندیر
قوربان اؤلوم اوزوندکی هیلاله
غمزه اؤخون میندیر گینن هئی یایه
نه باخیرسان مارال کیمی هئی آیه
جمالین یانیندا آی ندیر ندیر
گؤزوم قان کاساسی اورییم شیشه
منی کاباب کیمی چکمیسن شیشه
رقیبی گؤروم کی دام کیمی شیشه
ایللر ایللر چکه آی ندیر ندیر
نه باخیرسان او سولطانه بو خانه
چوخ آداملار گلدی گئتدی بو خانه
گئنه بو گون ایشیقلانیب بو خانه
بیلمیرم گؤرونن آی نه دیر ندیر
حمد اؤلسون آللاها گئتدی آ چیلله
نباتی آز قالدی گوللر آچیله
بو مشکولوم یارب کیمدن آچیله
یار دستینده توتان آی نه دیر ندیر
سیدابوالقاسم نباتی
اوستاد آشیق علی قلی‌یئو
گوُزل و موُحتشم بیر اینجه‌گولو هاواسی
سوُزلر : بختیار وهاب‌زاده
قاييديم
حکیم اجازه وئر دوروم یئریمدن
گئدیم بیر دویونجا گزیم قايیدیم
او داغلارین مهي دولسون سینه مه
تک بیرجه بنؤوشه اوزوم قايیدیم
اوردان باخیم آلی دئین داغلارا
سو چیله ییم او اییه سیز باغلارا
بير آنليغا دؤنوم اؤتن چاغلارا
او گؤيچه گؤلونده اوزوم قاييديم
چینقيل اولوم داغلارینا دوزولوم
یووشان اولوم تورپاغینا ازیلیم
هک اولونوم هر داشینا یازیلیم
اگر قوتارارسا سؤزوم قایيدیم
دوشوم داغ سئلینه جوشوم چاغلییم
من سؤنمز اولدوزام داستان باغلییم
یورد یئرینده بیر دویونجا آغلییم
اگر کور اولماسا گؤزوم قایيدیم.
آشيق اولدوز سؤنمز
✋ ســـــــلاملار ،سایقیلار
🌸 صـاباحیز خئیـــرلی
💚 اورگیز " آرام"
😊 اوزوز "گولشلی" ،
👀 گؤزلریز "آیدین"
😋 آغزیز "شیرین"
🌞گونوز آیدین اولسون عزیز دیلداشلار
"بهمن وطن اوغلو" و "دمیرچی عباس"ین اؤز قادینلارییلا بیر-بیرلرینه یازدیغی گیلئی نامه لری!
دمیرچی
شاعیر بهمن بیزیم ائوین خانیمی!
شفقلی شوه دی،سیزینکی نئجه؟
من دیننده آغیز بورنومو اَزیر!
کلمه سی داوادی سیزینکی نئجه؟
بهمن
چوخدا غم ائیله مه دمیرچی قارداش!
یامان به تهَردی بیزیم گوده جه!
اونو آلان گونو یاغایدی بیر داش
صیفتیندن گِردی بیزیم گوده جه!
دمیرچی
یئریمیر کاروانی،یئریمیر کوچو
گلندن قونشویا آچیلیب قیچی
اوتولوب قاشلاری،تؤکولوب ساچی
بیر یولوخ دَوه دی سیزینکی نئجه؟
بهمن
قاچیرام الیندن قووور حاقلاییر
توتور بوغمالاییر گاه قولاغلاییر
ووروبدو باشیمدان بئینیم لاخلاییر
سانکی منه اَردی بیزیم گوده جه
دمیرچی
دمیرچی باشیمدان داز قالمیشام من
او قدَر ووروبدو دوز قالمیشام من
ائویمدن قاچماغا آز قالمیشام من
قازانجیمی یئدی سیزینکی نئجه؟
بهمن
تارومار ائیله ییر توپ وورسا بنده
یئتدی دام اوچوردار چیخاندا کنده
یانیمی قوپاریر قوناق گلنده
ائندن اوچ مِتیردی بیزیم گوده جه
🌹اسامی آب و هوا به #تورکی
🌨☀🌈
* بۇلۇد : ابر
Bulud
* یاغیش : باران
Yağış
* قار : برف
Qar
* دۇمان : مه
Duman
* گۆن : خورشید
Gün
* گۆنلۆک : آفتابی
Günlük
* یاغماق : باریدن
Yağmaq
* یاغیش یاغیر : باران می بارد.
Yağış yağır
* قار یاغیر(هوا قالاییر) : برف می بارد
Qar yağır
Hava qarlayır
* یاغیش یاغمیر : باران نمی بارد
Yağış yağmır
* قار یاغمیر(قارلامیر) : برف نمی بارد
Qar yağmır
Qarlamır
سوْیۇق : سرد
Soyuq
ایستی : گرم
ایسینماق: قیزیشماق
İsti
Istı
Isınmaq: qızışmaq
* بۇز : یخ
Buz
* دوْنماق : منجمد شدن
Donmaq
بۇلۇدلۇق : ابری
Buludluq
هوا بۇلۇدلۇق دۇر: هوا ابری است
Həva(durum) buludluq
* چالپوو : برف آبکی
Çalpov
* دوْلۇ : تگرگ
Dolu
* ایلدیریم : رعدو برق
Ildırım
* قایناماق : جوشیدن
Qaynamaq
* گؤی قۇرشاغی : رنگین کمان
Göy qurşağı
✋ ســـــــلاملار ،سایقیلار
🌸 صـاباحیز خئیـــرلی
💚 اورگیز " آرام"
😊 اوزوز "گولشلی" ،
👀 گؤزلریز "آیدین"
😋 آغزیز "شیرین"
🌞گونوز آیدین اولسون عزیز دیلداشلار
اوغول
دئیر دانیشما دینمه سوس
گر اویولار گوزون اوغول
جینغیروی چیخاردما سن
اوددا دوشه کوزون اوغول
قوی یئره مئی پییاله سین
قوی سونه دیل شلاله سین
وئر یئله یورد قباله سین
یوخ اولماسین سوزون اوغول
آیا یاناق گئنه بئله
یوردی دیلی وئرک یئله
گل باغلاناق کوهنه دیله
گر دادیبسان دوزون اوغول
اوزلییمی اولماز دانام
قددیمه اود قالار یانام
آغلارام داد ویریر آنام
اوددا یانا اوزون اوغول
دئیر اویان گوزه ل بالا
گودمه بیرین قیصاص آلا
دوشمانی قوو گئده دالا
حاقووی آل اوزون اوغول
چین دووارین وار یارانون
فیرنگیدن باج آلانون
چنلی بئلده های سالانون
سیلسن تاریخ توزون اوغول
کس اوزانان الی ائله
جسارت کیم ائده دیله
تولکی قاچاق باتار سیله
دامدا گوره بوزون اوغول
تورک دیلداشین گئدیب یوخلا
یورد آنامیز سئُویب ساخلا
باباکتدی دئیر اوخلا
سیلن اولسا ایزون اوغول
اوزبک
https://t.me/joinchat/AAAAAE35jqdoNzejrY7s1Q
▫️بنؤوشه‌لر اوشوینده
بیر قانادلی اوره‌ییم وار
یوواسیندا توتمور قرار
دونن‌لره نازلی باهار،
یاشیل خالی دؤشوینده.
نئچه داغدان کئچیر یولوم
چیچک اولور ساغیم-سولوم
ایسته‌ییرم گونش اولوم
بنؤوشه‌لر اوشوینده...
#میروارید_دیلبازی
کؤچوردو
#شعر_اوجاغی
مني جاندان اوساندیردی،جفادان یار اوسانماز می ؟
اردبیللی موغنی: اوستاد بهاءالدین خراسانی
شعر :بؤیوک فضولی
اونوتماق ایسته‌رم، اؤزوم اؤزومدن
بیر داها آیریلیب هاچالانماییم.
گئجه‌لر یاتیرام بیر فیکیرله من،
سَنی دوشونمه‌ییم، سَنی آنماییم.
بو ائله قایغی کی، بو ائله غَم کی،
آزدیرار یوز ایللیک یولوندان سَنی.
سَحَر ده، آخشام دا دوشونورم کی،
گَرَک دوشونمه‌یم هئچ زامان سَنی.
اونودار فیکیرده، خَیالدا تَکجه،
اونوتماز اورکده سئوَن ,سئونی.
مَن اؤزوم اؤزومه "اونوت!" دئدیکجه،
اؤزومو اونودوب تاپیرام سَنی.
اونودوم دئییرم، آنجاق نه فایدا؟!
یادیمدان چیخمامیش دوشورسن یادا.
عشقیمین اودونو سؤندوره بیلمیر،
غَضَبین سئل کیمی آشیب داشسا دا...
#بختییار_واهابزاده.
زندگانلیق
بیر عده زهر ائدیر شیرین حیاتین
بو نو بیلمیر که بالدی زندگانلیق
حیاتین لذتین آنمیر دوشونمور
دئییر وزر و وبالدی زندگانلیق
او کی بیلمیش حیاتی مین گوزللی
گورورسن عومر ائدیر یوز قیرخ یوز اللی
اوکی دونیانی دوتموش دوققوز اللی
اونو مین درده سالدی زندگانلیق
اوکی شیرین یاشایش ترکین ائتدی
نه بیر خوش گون گوروب نه کامه یئتدی
کیمی زحمت چکیب ائو ییغدی گئتدی
بیر آیری شخصه قالدی زندگانلیق
منم لیک قنبری چوخ شخصی ییخدی
فشار تنگنایه سالدی سیخدی
الیندن هر کیمین غفلتله چیخدی
قایتسین دای محالدی زندگانلیق
اکبر قنبری تیکمه داش
کیپریییمی اوزادیب گؤز قویارام آرازا
آزربایجانی گؤرر، کیم گؤزومو آراسا.
ایچیم دئیه بیر اوووج لپه‌لنن آخیندان،
اَییله‌رم آرازا، باخارام لاپ یاخیندان...
گونوز آیدین 🌹🌹🙏
تکجه سن بیل ای جان سنه خاطر یازیرام
ساری تل گوزلری جیران سنه خاطیر یازیرام
گیدیرم سیر گولوستانه اچیلمیر اورییم
سن منه باغ وگولوستان سنه خاطیر یازیرام
نازنین سن منه وردن بهارین موشتولوغن
عشق گولندی تازاشدن سنه خاطیر یازیرام
گوزلریندن جالانیرکونلومه شعریله شراب
اولموشام مست وغزل خوان سنه خاطیر یازیرام
یونموشام مرمر شعریله سنین هیکلینی
غزلیمده قالاجاقسان سنه خاطیر یازیرام
خيلى زاماندير کى غريبسن منه
يورولموشام سندن يامان آ دونيا!
بوتون کدرلرى وئريبسن منه
ائتمیسن باغریمی آل قان آ دونیا!
گؤزوم ده درن ده بيردى،داغين دا
سولون دا،ساغين دا،قاران،آغين دا
یئددی رنگ اولسادا گؤی قورشاغیندا
قارا بولوتلودور هاوان آ دونيا!
اینجیدیب-اینجیدیب،گتیرمه جانا
نه اوغلوم طوی گؤروب نه قیزیم خینا
هله چوخدور آرزوم،آنایام آنا
سؤزوم وار سن ایله،دایان آ دونیا!
خیلی زاماندير کى غريبسن منه
هر آدديم دا جله قوروبسان منه
قادين دئيه طعنه ووروبسان منه
يوخمو سنين يوخسا خودان آ دونيا؟!
بيرجه دفعه منى گولدورنمه دين
بو بوشلوغو منده دولدورانمادين
اینسانی یاندیردین،اؤزون يانمادين
يوخدو وفان،يوخدو وفان آ دونيا!
حاقسيز نادانلارا دستک اولورسان
حاق دئيه نين نسلين کؤکدن يولورسان
ايندى کی گؤز قيرپمادان جان آليرسان
نه سن گؤزومده سن نه جان آ دونيا!
شنلى کئچن گونلر گلر بلکه ده
سئوينجيم دن گؤزوم دولار بلکه ده
"خان صنم"ين اوزو گولر بلکه ده
بو ايش بئله گئتمز اينان آ دونيا!
رقیه هاشم زاده-خان صنم
﷽
سلام سحریز خیر اؤلسون❤️
ان شـاءاللہ ڪے بوگونے🌞
خوشلوقونـان بـاشلیـاسیز❤️
جان ساغلیقی و خیر و برڪت🌺
آرزولوروق سیز عزیزلره💖
🌹☀️گون آیدین دوستلار☀️🌹
یاریش
دونن اوره‌ييم‌له ياريش آپارديم
سنه چاتماق اوچون،
قوووشماق اوچون؛
يول‌لار اوزانديقجا گئری‌ده قالديم،
سن ال چاتماز اولدون؛
اوره‌ييم منی
چيگنينده آپارير اؤزويله بو گون
سنه چاتماق اوچون،
قوووشماق اوچون.
محرم نوروزی
Ulug'bek Rahmatullayev
قیرمیزی آلما چوووخ گوزل بیر ایفا👌👌👌
https://t.me/joinchat/AAAAAE35jqdoNzejrY7s1Q
زلیم خان
اوخودوم کیتابین من درین درین
منی یامان حالا سالدی زلیم خان
شئعرینه عشقیله سپدیگین عطیر
اؤزومو اؤزومدن آلدی زلیم خان
گؤرمه دیم شئعرینی واردولت آجی
پارلاسین باشیندا هونرین تاجی
سؤزلرین یادلارا اولسادا آجی
منه شیرین شربت بالدی زلیم خان
سؤزلرین معنالی سؤزلرین درین
بعظن آتش اولور بعظنده سرین
گؤزله نسیمی تک سویولار درین
بوفلک ظالیمدی زالدی زلیم خان
کیتابین ائلیمه یاراشیق اولدو
اوخویوب نغمه سین یارعاشیق اولدو
سازین آلیب اله یار آشیق اولدو
یئنی یانیغ کرم چالدی زلیم خان
دوشمانا آجیسا شاعیرین دیلی
آنجاق سئویندیرر کدرلی ائلی
قاراباغ موشگولو دردی نیسگیلی
اوخ اولوب سینه می دالدی زلیم خان
یئنه پارچالاندی بابک اؤلکه سی
باشیما دوشمه دی وطن کؤلگه سی
ائلیمین اکدیگی بیرلیگ میوه سی
هله یئتیشمه ییب کالدی زلیم خان
نئیله مک زای اولدو بوتون امه کلر
آییریلیق اودوندا یاندی اوره کلر
دؤنوب حسرت اولدوآرزی دیله کلر
آیریلماز کؤنلونده قالدی زلیم خان
تانرینین عالمه باخدیغے گؤزده
سئوگیلَر باشلانان اَزلسن گؤزه‌ل
ڪرمین اصلیه یازدیغے سؤزده
جیغایا بزنمیش غزلسن گؤزه‌ل . . .
دوداغین قؤوشدورور سؤزلَرےجوته
گؤزلرین گیله‌سے بنزه ییر سوته
قیزارمیش یاناغین لاله‌دن اؤته
سن گوللردن بئله گؤزه‌ل‌سن گؤزه‌ل . .
گئجه‌نین گوندوزده باتدیغے زامان
شافاغے گونشه قاتدیغے زامان
دوعالار گؤیلَره چاتدیغے زامان
دیلڪ‌لر ایچین‌ده اوزَلسن گؤزه‌ل . . .
ڪاتيب اوغلو سؤزون بیتدیيے زامان
دیلیم ڪوفور دئسه ایسته‌رَم آمان
چیخ اورتایا بلڪه او یاریم قالان
تانرینین پارچاسے دوزَلسین گؤزه‌ل . . .
✍:ڪاتب‌اوغلو
