سن نئجه
آلاگؤزلوم سندن آیری دوشنده ن
من قالمیشام یانا یانه سن نئجه
گئجه گوندوزحسرتیندن جونون تک
اولموشام دلی دیوانه سن نئجه
هرگؤرنده جیسمیم چکیر زبانه
کؤنلوم یانیر گؤزوم دوشور گریانه
یازیق جانیم اولور کوزه نیشانه
حاییم چاتیر آسمانه سن نئجه
یعقوبی قوجالتدی یوسف فراغی
هجرین مئیلی چکدی سینمه داغی
سنسیزبخت ائومین سوندو چراغی
گورمدیم خانه کاشانه سن نئجه
وطن اوغلو دئیر اجل گلینجه
روحیم تندن چخیب جیسمیم اولونجه
ائل ییغشیب نامازیمی قیلینجه
باغلیام عهد پیمانه سن نئجه
وطن اوغلو
▪️قالماز
قيشين يامانليغي قالار اؤزونده
داغلاردا چووغونون هاواسي قالماز
قارتاللار قیی وورار؛ ترلانلار سوزر
دونیادا بایقوشون یوواسی قالماز
گوُونمه دؤولته؛ آلدانما وارا
تاريخ چوخ شاهلاري قويدو آوارا
حقيقت بوغازدان چكيلمز دارا
ظولمون يئر اوستونده نداسی اولماز
سولار آخيب _ آخيب آخير دورولوب
ظاليمين آخيردا بوينونو بورولوب
"بهمن"! چرخي گرديش ائله قورولوب_
هئچ کیمین هئچ کیمده قیصاصی قالماز
قورخما سوسماغیمدان آی اورک پارام،
نه یینه گرک دیر بیر قورو سالام ؟!
وئرمه سم داغیلان دئییل کی دونیام ،
من کی حسرتینله ، هله کی ساغام !
گولومسه ، گؤزلرین گؤرمه سین غمی
اونوت اولانلاری ، اولمامیش کیمی
داها منده یولدان اؤتن بیر یادام
نه یینه گرک دیر بیر قورو سالام؟!
بیر سئوگی کلمه سی گیزله نه جک سه،
سنه وئره جه ییم هر سالامیمدا ،
سئوگیم گیزلنمک دن هئی بئزه جک سه ،
نه یینه گرک دیر بیر قورو سالام ؟!
عبدالله شاییق
آنا غمینده
هارای کونلوم بولاندی
قلبیم آلیشدی یاندی
آنام گئتدی الیمدن
خوش گونلریم تالاندی
قددی کامان گونومدی
دوستان اومان گونومدی
گلون گلون ائللریم
منیم یامان گونوم دی
آنام آی اولدی باتدی
بیزی اونودی آتدی
یئتیشدی ایلقارینا
گول تک منی ساراتدی
آنا مهری داغیمیش
سوزی قلبه یاغیمیش
نییه قدرین بیلمدیم
او گونلر کی ساغیمیش
گوزل آنام ناز آنام
مهرون اولدی آز آنام
اوزون سفر ائدیرسن
هردن نامه یاز آنام
دردیم غمیم چوخ اولدی
سوزی قلبه اوخ اولدی
آنامدان هیچ دویمادیم
بیردن بیره یوخ اولدی
هارای قارا گونومدی
قلبی یارا گونومدی
گلون گلون ائللریم
ائدون چارا گونومدی
جملات زیبای تورکی(ترکی) از سرشناسان(آدلیملار سؤزو):
۱) سهند؛ اؤزگه چیراغینا یاغ اولماق بسدیر
۲) نسیمی؛ منده سیغار ایکی جهان من بو جهانه سیغمازام
۳) زهتابی؛ سو دئییبدیر منه اولده آنام آب کی یوخ
۴) خورشید خانوم؛ غم یوکون چکمکدن ای دیل بیر دم آزاد اولمادیم
۵) نظامی گنجوی؛ جهاندا عشقدن باشقا نه وارسا کدردیر غصه دیر درددیر نهایت
۶) فضولی؛ دگیلسن چوخدان ای گردون جهان سئیرینده یولداشیم
۷) اوغوزخان؛ تانریم نه قدر قورخاق تورک وارسا هامیسینی هلاک ائت
۸) آتاتورک؛ نه موتلو تورکم دییه نه
۹) بختیاروهابزاده؛ ساباحین هم بوگونون هم دوننیندیر بو وطن
۱۰) خطائی؛ مست و مجنون اولموشام من فرقتیندن یا حبیب
۱۱) ذکری اردبیلی؛ جانیمی جانان آلیب، ناصح منی منع ائیله مه
۱۲) دیوان لغات الترک؛ تورک تانری قوشونودور
۱۳) حئیران خانوم؛ سنی سئودیم او قدر کی اؤلرم اؤل دئیه سن
۱۴) شهریار؛ تورکی والله آنالار اوخشاقی لایلای دیلیدیر
۱۵) آزرباش؛ تورکی دانیش تورکی یاز اؤز دیلووه ائتمه ناز
پاییز شاهلیخ قیش الله لیخ ائدردی
باشینا دوندویوم یاز اولماسیدی
قارقالار گوللرده سولتان اولاردی
اوردک یارانمییب قاز اولماسیدی
الیندن آمانلار عرشه چاتاردی
دونیانی فیتنئیله شرله قاتاردی
بلکه ده تارییا شیللاغ آتاردی
یالتاغین روزیسی آز اولماسیدی
گویلردن اله نن رحمت اولاردی
خاطیر قاباغیندا حورمت اولاردی
دونیا باشدان باشا جنت اولاردی
اینسان یامانلیقا باز اولماسیدی
شرفسیز یاشاماخ اینسانا عاردی
شرافت بیله نه دولتدی واردی
اومود نه شعر یازیب نده یاشاردی
جنگیلی میصریلی ساز اولماسیدی
اسیر پاییز کوله‌یی
🎤:ائلناره عبدولایئو
🎤:احترام حسین‌او
... گؤره‌سن بیر آزجا سنی اونودوب
بیر تهر باشیمی قاتارام‌می هئچ؟
گؤره‌سن کؤلگه‌نین اوجوندان توتوب
گلسم، گلسم سنه چاتارام‌‌می هئچ؟
بلکه ان دؤزوملو کؤلگه‌دى کؤلگه‌ن
قیریلان، جیریلان، سؤکو‌لن دئییل
تانری کؤلگه‌سی‌دير بلکه‌ده کؤلگه‌ن
اؤلو‌نجه اوستومدن چکیلن دئییل!
گئجه‌لر کؤلگه‌نـله اوستومو اؤرتوب
یوخلایا بیله‌یدیم بو دونیادا کاش
کؤلگه‌نه اوزومو_گؤزومو سورتو‌ب
آغلایا بیله‌یدیم بو دونیادا کاش
آغلایا بیلمیرم، یاغیر یاغیش، قار
چؤلده کؤلگه‌ن قالیر یاغیش قار آلتدا
کئچیر کؤلگه‌ن اوستن آغیر ماشین‌لار
کؤلگه‌ن تاپدالانیـر آیاق‌لار آلتدا
کؤلگه‌ن دیرسکله‌نیب داشا تورپاغا
دیکه‌له‌مک ایسته‌ییر قالخماق ایسته‌ییر
دایانیب منیم‌له قاباق_قاباغا
گؤزومو‌ن ایچینه باخماق ایسته‌ییر
✍:راميز_رؤوشن
سلام گؤزل سحریز خئیر
خوش گونوز اولسون دوستلار
جانیز ساغ، کئفیز ساز
اورگیز سئوگی له دولو
اؤزونوزسئوینج لی اولسون
بیلمه دیم عؤمرومو نئجه سووشدو
ساچیمدا کؤرلانان زامان آغلاییر
توخانیب قورشونا کؤنلومون قوشو
قویمایین آغلایا یامان آغلاییر
ندندیر طالعین بو اویناشلیغی
حیات لا اؤلومون بو قارداشلیغی
دونیامی قاتیبدی بو چاشپاشلیغی
قلبیمده بیر یالان گومان آغلاییر
بئزمیشم سئوگیمین شرخاطاسیندان
هله ده قان سوزور دیل یاراسیندان
بولودلار گؤزونون آستاناسیندان
آغلاسا من اوچون یالان آغلاییر
شانسی قاییتماییر من قوماربازین
داها کیمسه چکمیر شعریمین نازین
دیلغمه کؤکله نن ائلیمین سازین
آلیب سینه سینده چالان آغلاییر
گونش بیر قیز دوغوب آدی قیرمیزی
قوجاغیندا بیتیر باهار یارپیزی
اونلا اؤگی له شیر پاییزین قیزی
باخیشیندا هوپان دومان آغلاییر
دومان سفراوغلو
گؤزوم قاليب
گؤزی يولدا قويما منی
گؤزلرينده گؤزوم قاليب
تله سيرم گؤرم سنی
اوره ييمده سؤزوم قاليب
غم اسگيلمه ز بختی كوردان
قارا گؤزلوم گؤروم هردن
عؤمور چاتار سونا بيردن
چوخوم گئدیب آزيم قاليب
دئمه بو نه آهدی اوفدو
عشقين منه درد اولوبدو
يوللاريندان پوزولوبدو
يوخسا هله ايزيم قاليب
من يئنه ده همین منم
حسرتینله گؤينه ر سينه م
گرك يانام كوله دؤنه م
هله بيراز كؤزوم قاليب
شوجاعتم پيسدی حاليم
ياشات منی دردين آليم
يا وور داشا يا قوی چاليم
بير كلمه نده سازيم قاليب
شجاعت
بـیـر ﺩﻧﻪ ﺳـﻦ ﺗـﻮﺭﮎ ﻗﯿـﺰﯼ ﺳـﻦ ، ﻣـﻦ ﺳﻨـﻪ ﻗـﻮﺭﺑـﺎﻥ ﺍﻭﻻﺭﺍﻡ
ﺟـــﺎﻥ ﻭﺋـﺮﻩ ﺭﻡ ﻋﺸﻘﯿـﻨﻪ ﻣـﻦ ، ﺍﯾﮕﯿـﺪ ﺑﯿـﺮ ﺍﻭﻏـﻼﻥ ﺍﻭﻻﺭﺍﻡ
ﺳﻨﯿـﻦ ﮐﯿﻤـﯽ ﮔﻮﺯﻝ ﻗﯿـﺰﺍ ﻫـﺮ ﻧﻪ ﺩﺋﺴـﻢ ﺁﺫ ﺩﺋﻤﯿـﺸـﻢ...
ﺑﯿـﻞ ﮐـﯽ ﻓﻘـﻂ ﮔـﻮﻝ ﺍﻭﺯﻭﻧـﻪ ﺑﻮﻟﺒـﻮﻝ ﺧـﻮﺷﺨـﻮﺍﻥ ﺍﻭﻻﺭﺍﻡ
ﺳـﻦ ﻧﻪ ﺩﺋﺴـﻦ ﻣـﻦ ﺍﺋﻠـﻪ ﺭﻡ ﺩﻭﻧﯿـﺎﻧـﯽ ﺭﯾﻀـﻮﺍﻥ ﺍﺋﻠـﻪ ﺭﻡ
ﻗـﺎﻥ ﺳـﺎﻻﺭﺍﻡ ﺟـﺎﻥ ﺳـﺎﺗـﺎﺭﺍﻡ ﺩﺭﺩﯾﻨـﻪ ﺩﺭﻣـﺎﻥ ﺍﻭﻻﺭﺍﻡ
ﮔﺮ ﺳﻨـﻪ ﭼـﻮﺥ ﺁﺷﯿـﻖ ﺍﻭﻟـﻮﺏ ﻫﺎﻣّﯿـﺴﯿﻨـﯽ ﻗـﺎﭼﯿـﻠـﺪﺍﺭﺍﻡ
ﮐﻮﻧﻠـﻮﻣـﯽ ﻣـﻦ ﯾﺎﻧـﺪﯾـﺮﺍﺭﺍﻡ ﻋـﺸﻘﯿـﻨﻪ ﺳـﻮﻟﻄـﺎﻥ ﺍﻭﻻﺭﺍﻡ
ﺩﻭﺩﺍﻗـﻼﺭﯾـﻦ ﮔـﻮﻝ ﮐﯿـﻤﯿـﺪﯼ ﮔـﻮﺯﻟّﯿـﻐﯿـﻦ ﮔـﻮﻥ ﮐﯿـﻤﯿـﺪﯼ
ﺍﯼ ﻗﯿـﺰ ﺳﻨﯿـﻦ ﻗـﺎﺵ ﮔـﻮﺯﻭﻧـﻮ ﮔـﻮﺭﻧـﺪﻩ ﺣﯿـﺮﺍﻥ ﺍﻭﻻﺭﺍﻡ
ﮔـﺮ ﻣﻨـﻪ ﻟﯿـﻼ ﺍﻭﻻﺳـﺎﻥ ﻋﺎﺷﯿـﻖ ﻭ ﺷﯿـﺪﺍ ﺍﻭﻻﺳـﺎﻥ
ﻣـﻦ ﺩﻩ ﺳﻨـﻪ ﺳـﻮﺯ ﻭﺋـﺮﯾـﺮﻡ ﻣـﺠﻨـﻮﻥ ﺩﻭﺭﺍﻥ ﺍﻭﻻﺭﺍﻡ
باشینا دؤندويوم عزيز شكسته
دينله منی حالی يامان اولموشام
قلبدن يارالی كؤنولدن خسته
نانی زه هه ر روزی فغان اولموشام
چاتاندان بری دير اون بئش یاشیما
چوخ بلالر گلیب قانلی باشیما
بالتالار وورولوب عؤمور داشيما
بو عشقين يولوندا يامان اولموشام
كسيليب قاناديم اوچا بيلميرم
عشق محبوسويام قاچا بيلميرم
هچ كسه درديمی آچا بيلميرم
بؤيله حای چوخ پريشان اولموشام
گر چی ايستر چكيم جؤور و جفا يار
من ديله رم سورسون چوخلو صفا يار
قصد ائیله ییر منه او بی وفا یار
قصدینین آلتيندا تالان اولموشام
او ملك سيماليم شاهباز باخيشليم
او دوداغی بالليم جئیران یئریشلیم
هم او سیاه تئللیم توراج گولوشلوم
یاندیریب دیر منی یانان اولموشام
شور
✍.سوزفضولی.
🎻تار:اوستاد علی سلیمی،
🎤اوخویور لطیف کاظمی
آپارسين
كيم گئدنده مزاریمین اوستونه
نه گول گترسین نه چیچک لر آپارسين
دوداغيندا قرآنين بير آيه سی
اوره يينده خوش ديلك لر آپارسين
ايگيد جانيم شهيد قانيم مرد جانيم
آغريلارا محكم جانيم سد جانيم
قويماساندا ميدان آچا درد جانيم
دردين وارسا وئر کولک لر آپارسين
داغ دؤشونده يارالانميش آهويام
درد إئوینین غم مولکونون شاهی یام
فضولی نی داغ یاندیران آهی يام
حسابينی قوی فلك لر آپارسين
دنيا ميدان دنيا شيطان دنيا قان
باخيب گؤردوك دونيا آخشام دونيا دان
بير گون كؤچوب من گئدنده دنیادان
قوی یا روح لار یا ملک لر آپارسين
نئچه نئچه اوغول اؤلدی ار ايتدی
آی زليمخان يان قلبينی اريتدی
كئچمیشینی قارا تورپاق اریتدی
صاباحینی گلجک لر آپارسين
زلیمخان یعقوب
قلبیمیز همیشه. آلدانمیش اویموش
سن دئمه عومروموز خوش بیریوخویموش
یاشیل اولماغین دا آخیری بویوموش
خزله باخیرام یاتان خزله
حئییف گوزل لییه گوزله
زلیمخان یعقوب
✾࿐༅🍃🌸🍃༅࿐✾
🎼آپاردی تاتار منی
🎙عالیم قاسیموو
آپاردی تاتار منی / قول ائده ر،ساتار منی
یاریم وفالی اولسا / آختاریب تاپار منی
عزیزیم وطن یاخشی / گئیمگه کتان یاخشی
غریب لیک جنت اولسا / ینه ده وطن یاخشی
عزیزیم هی آغلارام / دردیمه درد باغلارام
غربت یئر جنت اولسا / وطن دئییب آغلارام
عزیزیم ایراق منم / بو یانان چراغ منم
قول تک اللره دوشدوم / وطندن ایراق منم
عزیزم شکر جانیم / بو دردی چکه ر،جانیم
نه حاقیم وار نه مزدیم / بی لره نوگر جانیم
عزیزیم گوله ناز / بلبل ائیلر گوله ناز
دونیا بیر غمخانه دیر / آغلیان چوخ،گولن آز
عزیزیم گول اللر / گول بارماخلار گول اللر
دریاجا عقلین اولسا / یوخسول اولسان گول اللر
من عاشق اسدی فلک / صبریمی کسدی فلک
هریاندا چادر قوردوم / طنفین کسدی فلک
من عاشقم،اسن گل / قارا با عزیم کسن گل
عالم کعبه یه گئتسه / منیم قبله مه سن گل
دغلار داغیمدیر منیم / غم اوینا غیمدیر منیم
دیندیرمه قان آغلارام / یامان چاغمیدیر منیم
من عاشیقم نئیلیم سنه / دوشوبدور مئیلیم سنه
من دونسه م اوزوم دونمه ز / سن دونسه ن نئیلیم سنه
✅ اصیل‌تورکی‌دانیشاق
🔶ائتلاف کردن : آنلاشماق ، بیرلشمک
🔶ابتدا : اؤنجه ، ایلک
🔶ابتکار : یئنیلیک
🔶ابر : بولود
🔶ابریشم : ایپک
🔶ابزار : یاراق ، دیلک
🔶ابطال : پوزما
🔶ابلاغ کردن : چاتدیرماق
🔶ابهام : آنلاشیلماز
🔶اتحاد : بیرلیک
🔶اتصال دادن : بیتیشدیرمک
🔶اتفاق : اولانیش
🔶اتوبان : گئن یول
🔶اثر : ایز ، قالیق
🔶اثر انگشت : بارماق یئری
🔶اجتماع : توپلانتی
🔶اجنبی : یابانجی
🔶احترام : سایغی
🔶احتیاج : ایستک
🔶احساس : دویغو
🔶احضاریه : چاغریش ورقه سی
🔶احیاء کردن : ساملا ماق ، جانلاندیرماق
🔶اختتامیه : قورتولوش
🔶اختلاف : قارشیلیق ، اویوشمازلیق
🔶اجازه ، دئم آلیش ، بوشوق
🔶اختیاری : کؤنولجه
🔶اغفال کردن : قورشاماق
🔶اخلاق : تؤرل
🔶اخیرا : بو یاخیندا ، تزه لیکده
🔶ازدواج : ائولنمه
🔶اداره : باخانلیق ، ایش یئری
🔶اداره کردن : دولاندیرماق
🔶ادامه ، دنباله : آرد ، اوزانتی
🔶ادب : قاناجاق
🔶ادبیات شفاهی : ائل سؤزو
🔶ادعا : اؤز سؤزلوک
🔶ادویه : تاملیق ، دادیم
🔶اذیت شدن : اینجیمک
🔶اراده : ایستنج
🔶ارتباط : باغلانتی ، ابلگی
🔶ارث رسیدن : آتادان چاتماق
🔶اردیبهشت ماه : قیزاران آی
🔶ارزان : اوجوز
🔶ارزش : دیر
🔶ارزیابی : دیرله
🔶ارسال کردن : گؤندرمک
🔶ارشد : ایلکین
🔶ارره : میشار ، بوخچو
🔶ازدحام : باساباس ، اؤیکوم
🔶از صمیم قلب : اورکدن
🔶از قبل : قاباقجادان ، اؤنجه دن
🔶اسارت : توتساقلیق
🔶اساس : تمل ، دوزگو ، باشقی
🔶اسباب بازی :اویونجاق ، قولچاق
🔶استاندارد : اؤلچونلو ، دوزگو
🔶استبداد : ایتکلیک ، زورلوق
🔶استخر : گؤلمه جه ، چیمریک
🔶استراحت کردن : دینجلمک
🔶استعفا : ایشدن چیخما
🔶استفاده کردن : قوللانماق
🔶استقامت : دایانیش
🔶استقبال کردن : قارشیلاماق
🔶اسفند ماه : بایرام آیی
🔶اسیر : توتساق ، توتوقلو
🔶اشاره : گؤسترمه ، بئلگی
🔶اشتباه : یالنیش ، یانلیش
🔶اشتباه کردن ، یانیلماق
🔶اشتراک کردن : قاتیلماق
🔶اصلیت : کیملیک
🔶اصول : یؤندم
🔶اضافه : آرتیق
🔶اضطراب : بون ، تؤکونتو
🔶اطاعت کردن : بویون اگمک
🔶اظهار نظر : سؤز اوزه چیخارتما
🔶اعتباری : سایماجا
🔶اعتراض ، قارشیلیق ، دیللنمه
🔶اعتراض کردن : دیللنمک
🔶اعتراف کردن : کؤنمک
🔶اعتقاد : اینام
🔶اعتقاد داشتن : اینانماق
🔶افتخار : اونور
🔶افسانه : آنیز ، اولامیش
🔶افسرده : اؤزگونلو ، سولموش
🔶افشا : آچیقلاما
🔶افقی : یاتای
🔶اقامت : دوشرگی
🔶اقلیت : آزغینلیق ، آزینلیق
🔶اقیانوس : تالای
🔶اکثریت : چوخلوق
🔶التماس کردن : یالوارماق
🔶امتحان : سیناق
🔶امر : بویوروق ، یارلیق
🔶امکان ، احتمال : اولاناق
🔶امتنماع کردن : ال چکمک
🔶امتیاز : اوستونلوک ، اردم
🔶امداد : یاردیم
🔶امروزی : بوگونکو
🔶باید : گرک
🔶ببخشید : باغیشلایین
🔶ببر : توغای
🔶بحث : دارتیشما
🔶بحران : بونالیم
🔶بخت : یازی،ایریس
🔶بختیار : موتلو
🔶بخش : بؤلوک ، بؤلوم
🔶بخشنامه : گئنلگه
🔶بخصوص : آیریجا، اؤزللیکله
🔶بخیل : قیسقانجلی
🔶بخیه : سیریق
🔶بد : پیس
🔶بد اخلاق : تؤرل سیز
🔶بدبخت : قارا گون ، اوغورسوز
🔶بدبین : قارامسار ، اومودسوز
🔶بد حال : پیس آیاقدا
🔶بدرقه کردن : یول اؤتورمک ـ سالماق
🔶بدهی : وئره جک ، اؤدونج ، بؤرج
🔶برای همیشه : بیر یوللوق
🔶برتر : اوستون
🔶برتری : اوستونلوک
🔶برشته : قیزارمیش
🔶برعکس : ترسینه ، ترسه سینه
🔶برکت : بوللوق
🔶برگشت : قاییدیش
🔶برنده : اودان ، آپاران
🔶بریدگی : دؤنگه
🔶بستر : یاتاق
🔶بستر رود : چایلاق
🔶بستنی : دوندورما
🔶بسته : قاپالی باغلی
🔶بشر دوستانه: اینسان سئور
🔶بعضی : بیر پارا ، بیراز
🔶بلا : قادا
🔶بلند گو : سس اوجالدان
🔶بن بست : چیخماز
🔶بنده : کؤله ، قول
🔶بنیانگذار : قوروجو
🔶بوته : کول
🔶بوسه : اؤپوجوک ، اؤپوش
🔶بومی : یئرلی
🔶به جا : یئرینده
🔶به اضافه : آرتیم
🔶به اندازه کافی : یئترلی
🔶به خاطر: اوغروندا ، اوچون
🔶بهره : فاییز
🔶به عهده گرفتن : بویونا آلماق
🔶به قول..:دئمیشکن
🔶بهمن ماه : دوندوران آی
🔶بی امان : آجیمادان
🔶بی اهمیت : اؤنم سیز
🔶بی تفاوت : سایماز
🔶بی چاره : یازیق
🔶بی حیا : اوتانماز ، ییرتاق
🔶بی سرپرست : باش سیز
🔶بی سلیقه ، شلخته :پینتی
🔶بیشتر: چوخراق
🔶بی شرم : اوتانماز
🔶بی فایده : یاراماز
🔶بی عرضه : باجاریق سیز ، افل
🔶بی غیرت : دامارسیز
🔶بیکار : ایش سیز
🔶بیگانه : یاد ، اؤزگه
🔶بیمار : آلیز
🔶بی میل : کؤنول سوز
🔶بی نمک : شیت
🔶بیننده : باخان
🔶بی نهایت: اوج سوز
🔶بینوا : یازیق ، یوخسول
🔸 یالانچی چوبان
بیر چوبان بیرگون ائتدی داغدا هارای
جاناوار وار دئدی گلین ای وای
اهل قریه یوگوردو داغ طرفه
گئتمه‌سین تا قویون-قوزو تلفه
بونلاری مضطرب گؤرونجه چوبان
گولمه‌یه باشلادی دئدی: یالان
سیز بونو سانمایین حقیقت دیر
داماغیم گلدی، بیر ظرافت دیر
بینوالار قاییتدی، لِیک چوبان
گئنه بیر گون داغ اوزره قیلدی فغان
جاناوار وار دییه باغیردی گئنه
قریه اهلین کمک چاغیردی گئنه
کندلی‌لر ائتدیلر دوباره هجوم
گئنه اولدو یالانلیغی معلوم
دوغرودان بیر زامان به عزم شکار
قویونا گلدی بیر نئچه جاناوار
هر چه داد ائیله‌دی چوبان یاهو
ائشیدنلر دئدی یالاندیر بو
بو سبب‌دن هارایه گئتمه‌دیلر
اونا هئچ اعتناده ائتمه‌دیلر
جاناوارلار یئدی بوتون قویونو
ایشته اوغلوم یالانچی‌لیق اویونو
یاق یالانچی تانیلدی چونکه چوبان
دوغرو دئرکن سؤزو تانیلدی یالان
هرگز اوغلوم یالان دئمه کی خدا
دوست توتماز یالانچی‌نی ابدا
هم ده خلق ایچره حؤرمتین اولماز
عزتین قدر و قیمتین اولماز
✍:میرزه علی‌اکبر صابر
