جان کیمی سن
اونودا بیلمرم سنی
سن جانمدا جان کیمیسن
اورگیمین ساپاغیسان
داماریندا قان کیمیسن
سنسیز گولمز منیم اوزوم
زهر دادار شیرین سوزوم
باخیشیندان توشر گؤزوم
سن منه درمان کیمیسن
ایاقیندان اوپرم. من
ساچلاریما توشسدده دن
من بیر نوکر اینان کی سن
سن منه سلطان کیمی سن
یاراشیقیسان بیه ئیمه
بوتون آرزو دیله ئیمه
بیلیرسن کی اورئیمه
ایشله میش پیکان کیمی سن
قوی آغلارحسنونه باخسین
شیرین جانین اودا یاخسین
اوقوینوندان نیجه چیخسین
جنت رضوان کیمیسن
.
منیم سنہ صداقتیم تمیزدی
سن‌دہ منہ اعتیبارے ایتیرمه
من‌مے سنی،سن‌مے منے تاپیبسان
چالیش بارے تاپدیغینے ایتیرمه
رفیقه‌لر سیرریمیزے یاییبدی
گلن اولار،گؤرن اولار عاییبدی
سن آغلاما گؤز یاشلارین حاییفدی
سینه‌مہ تؤڪ او یاشلارے ایتیرمه
عذاب چڪمه،اوفولداما بیر بئله
یاخین اَیلش سیغال چڪیم او تئله
سئویرسن‌سہ سئودییینہ رحم ائله
اوخشادیغیم او ساچلارے ایتیرمه
سلام اولسون دان اولدوزا،گونشه
قوجا قوجا داغلارا ، گؤزو نملی بولودا ، بولبوللره، باغلارا
دالغالانان آرازا ،آخارسویا آرخلارا
آنا یوردوم تبریزه ...
سلام تورک خالقیما، گون‌آیدین‌سحریزخئیر
تانریدان خوش گونلر،اوزون عؤمورلر،گولر اوزلر ،سیز صفالی،وفالی، دوستلاریما دئییرم🌹🌹🌹🌹🙏
❤️گون آیدین هامینیزا
♥️تمام آنالار ساغلیغینا♥️
چارہ سیز خستہ لرین ، دردینہ درمان آنادی
دفتر عشق و وفا ، مشقینہ پایان آنادی
سینہ سے دشت بلا ، آتش بحراندا یانیر
سارالان یاز گولے تڪ ، تشنہ ے باران آنادی
آنالارگونو مبارڪ♥️
🎵🎶🎼🎼🎼🎼🎼🎶🎵
Çillə mahnısı
Haşım Çavoşı
Söz: İbrahim Arbatan
چيللـه ماهنیسی
اوخویور: هاشم چاووشی
سؤز: ابراهیم قبله آرباطان
چیلله گئجه نیز قوتلو اولسون
گلمه دین
دئمیشدین کی او داغلارا گلجم
آی دینیم ایمانیم نییه گلمه دین
یوللارا باخماقدان ایز سالیب گؤزوم
پوزولموش پیمانیم نییه گلمه دین
دئمیشدین گلجم حئیرانین اوللام
دئمیشدین پوزولماز دوورانین اوللام
دئمیشدین دیل بیلن جئیرانین اوللام
قارا گؤز جیرانیم نییه گلمه دین
او زامانلار ایوب کیمین دینجیدین
اینجه دانیش اینجه ترپن اینجه دین
داغلاردانمی کوسدون مندن اینجیدین
دئه سن منیم جانیم نییه گلمه دین
ایوب کلبجرلی
پالاز اولام یوخسول ائوه سالینام
قیصاص اولام ظالیم لردن آلینام
بیر ساز اولام مجلیس لرده چالینام
اوندا شیرین اولار بو حیات منه
باهار اولام قیش قهرینی چکنه
قووه ت اولام خلقه روزی اکنه
مسلک اولام سینیخ کؤنول تیکنه
اوندا شیرین اولار بو حیات منه
بیر اود اولام جهالتی یاندیرام
قانمییانی دوشوندورم قاندیرام
یول هانس دیر ارکان نه دیر آندیرام
اوندا شیرین اولار بو حیات منه
جاهاز اولام یئتیم قیزا گلینه
عصا اولام قوجالارین الینه
داراخ اولام آنا لارین تئلینه
اوندا شیرین اولار بو حیات منه
🔸تالانمیش گونش
شعر: ناصر مرقاتی
ایفا: نیره اردلانی
سنینله بختیارام من
عؤمرون پاییزیندا سئودیم، سئویلدیم،
ائله بیلیرم کی، ایلک باهارام من.
آرخانجا سورونن کؤلگه‌نم سنین،
هاردا قرار توتسان، اوردا وارام من.
مئی اولسان، یانیندا بیر قدح اوللام،
گول اولسان، چترینی اؤپن مئه اوللام.
اوت اولسان، بیر آندا دؤنوب شئه اوللام.
داغ اولسان، ذیروه‌نه یاغان قارام من.
باشیمی قویارام گونده یوز کره،
بیر یول آیاغینی باسدیغین یئره.
عشقین‌دیر اوجالدان منی گؤیلره،
بو عشقین گوجونه مینّت‌دارام من.
سئوگی‌یه حد قویماق، دوزو گوناهدیر،
جاهیلین هر ایشی، سؤزو گوناهدیر،
عشقی گوناه سایماق، اؤزو گوناهدیر،
کیم دئییر، عشقیمده گوناهکارام من؟
اؤزون بیر عالم‌سن، عشقین بیر عالم،
سن اولان کؤنولده نه کدر، نه غم.
سنسیز بو دونیانین ان بدبختی‌یم،
سنینله دونیادا «بختیار»ام من...
✍:بختیار_واهابزاده
سلام لار بو چاغینیز خئییرلی
ایتیردیغیم اوشاقلیغی ، گنجلییی
تاپان اولا ، تئز یادیما دوشوبدو
حزین - حزین ، شیرین بیر لای لا سَسی
باش قویدوغوم دیز یادیما دوشوبدو
قوزو اوتاردیغیم ، داغلار آشدیغیم
دَیه آلاچیقدان اوزاقلاشدیغیم
دوماندا ، چیسگینده یولو چاشدیغیم
دره ، تپه ، دوز یادیما دوشوبدو
تای - توشلاریم چاغیراردی قاشا چیخ
گَدیک لردن چن چکیلیب باشا چیخ
شئه لی اوت دا ، آیاق یالین ، باش آچیخ
سالدیغیمیز ایز یادیما دوشوبدو
نَنَم منی اویاداردی هر صاباح
ائیلییه ردیم اومو، کوسو، قاش- قاباق
آتان یاتیب سَس سالمایین آی اوشاق
آنام دییه ن سؤز یادیما دوشوبدو.
قولتوغومدا یاغلی فطیر بیر کته
باخ او یورت دا گیزله نه ردیک خلوته
آشیق موراد آیریلیغا _ حسرته
ایگیدسن سه دؤز يادیما دوشوبدو
✍آشیق_مراد_
مندن بئله آسان آیریلیب گئتمه
بیرگۆن سیخیلارسان، احتیاط‌لی اول!
نئچه گؤز تیکیلیب قدم‌لرینه...
گؤزله ییخیلارسان، احتیاط‌لی اول!
آجی دوغرو خوشدور، شیرین یالاندان
بۆدره‌مه یاپیشماز کیمسه قولوندان
بیرگۆن من وئردیگیم سویوق سلام دان
آلیشیب-یانارسان احتیاط‌لی اول!
دئمیرم هر شیرین ماهنی یا اویو
هله قارشیدادیر عمر-گۆن یولو
گؤزله، بیر سهوینی سن عمر بویو
"یادگار" ساخلارسان احتیاط‌لی اول!
سیزلادار قلبینی منیم حسرتیم
دئیرسن هجران می اولدو قسمتیم
قاییدیب گلرسن... باریش نصرتیم
باریشماز سینارسان احتیاط‌لی اول ...
نصرت- کسمنلی
آدیمی قلبیندن آتا بیلرسن
اوزاق آرزولارا چاتا بیلرسن
مندن گؤزه‌لینی تاپا بیلرسن
منیم تک سئوه‌نین اوْلمایاجاق‌دیر
عؤمرۆنه بیر سئوگی گلر ، بیلیرم
سنینله آغلاییب ، گۆلر بیلیرم
کیمسه سئوینجینی بؤلر بیلیرم
دردیندن اؤله‌نین اوْلمایاجاق‌دیر
بیر گۆن سؤنه‌جک‌دیر ، بو اوْد ، بو اوْجاق
کدر یوواسی‌دیر بوْش قالان قوجاق
دیزینه باش قوْیوب یاتان اوْلاجاق
باشینا دؤنه‌نین اوْلمایاجاق‌دیر
سئوگی عذابیندان اوزاق‌سان هله
بیر گۆن اری‌یرسن، سن گیله-گیله
یاناغیندان اؤپن تاپیلسا بئله
گؤز یاشی سیله‌نین اوْلمایاجاق‌دیر.
✍️:نصرت_کسمنلی
باجی قارداش شعری
قارداش!
شیرین بیر لفظدیر دیللرده ازبر
باجیلار دیلینده دیلکدیر قارداش
قارداش ایسته‌گیله سورر حیاتین
باجی اوره‌یینه دیرکدیر قارداش
قارداشدیر باجینین قولو بوداغی
قارداشدیر باجینین بوستانی-باغی
کؤنول بوستانینین بار وئرن تاغی
باجییا آرخادیر کورکدیر قارداش
اؤرک ظولماتی‌نین گیزلی چیراغی
آنلاسا باجیدان بیر غم سوراغی
دایانماز تئز آشار دره نی،داغی
سایماز کی طوفاندیر،کولکدیر قارداش
"عاطیف"م سؤیله ییب مهریبان ننم
هر زامان باجییا اول یاخشی همدم
هر بیر واخت باجینی چولغایاندا غم
باجییا ان بؤیوک اورکدیر قارداش
باجی
اینسانین چوخ دردین آناسی چکر
دالدالی سیررینده یار اولار باجی
ائشیتسه قارداشین آغریییر باشی
گلیب باشی اوسته وار اولار باجی
قارداشا توخونسا روزیگار داشی
سیزیلدار باجینین قلبینین باشی
یاغار یاغیش کیمین گؤزونون یاشی
گون به گون هیوا تک سارالار باجی
اؤزگه بیراز یانار سونرا دایانار
باجیلار قارداشین دردینی قانار
اوره‌یینده نارین-نارین اودلانار
چکیب سینه‌سینی یارالار باجی
"عاطیف"م سؤزلریم نیشان بو نیشان
بولبول قان یاش تؤکور پوزولسا گولشان
باجی دا قارداشین گؤرسه پریشان
ساچینی بوینونا دارالار باجی
عاطیف
سزن آڪسو🎤
بیلیورسون🎼
سوُزہ نہ گرڪ
شارڪے هر شئیے دانیشان یئرده...🥺🚶♀
🖤
انسان اۆچون أن چتین شئی،
هر گۆن انسان قالا بیلمکدیر.
✍#چنگیز_آیتماتوو
گۆنوز آیدین سئوگیلی دوْستلار.
چیلله گئجه‌نیز خیرلی، گله‌جک گۆنلرینیز برکتلی، حضور دوْلو گۆنلر سیزی قارشێلاسین.
چیلله گئجه‌نیز مبارک اوْلسون.❄️🌺☕️🍉🌨🍎
سنسیز نه سایاق قالمیشام آواره بو یئرده
مشکولدی اولا دردیمه بیر چاره بو یئرده
دیدارینا حسرت چکرم من سحر آخشام
قویام یوزومی هر گئجه دیواره بو یئرده
هرلحظه ائیشیم آه وفغاندر آلا گوزلوم
گوندوزلریم اولموش گئجه دن قاره بویئرده
سنله دولانیر فکروخیالیم ندی چاره
همدمدی لبیم هر گئجه سیگاره بویئرده
زنجیر ائله زولفون منی دیوانه حساب ائت
قول ائیلگیله چکگیله بازاره بویئرده
غربتدی بورا من یازیقا یوخدی صفاسی
یوخ کیمسنه همدم دل غمخواره بویئرده
من نیلمیشم آتش قهریله آلیشدیم
جانیم یاخیلیر نازلی پری ناره بویئرده
زاهد منی تکفیر ائدجاقدیر سنه خاطر
محکوم ایلیوبدور چکه جک داره بویئرده
نالم.اوجالیب گوئیلره فریادیما تئز گل
بیر یارمه چون وردولا مین یاره بو یئرده
یورقون گوزونون یاشینا علت ندی سوئیله
غم لشگری گلمیش یئنه پیکاره بو یئرده
اسماعیل موسی پور
(یورقون)
دلی كؤنول نه ديوانه گزیرسن
بی وفا دیلبردن سنه یار اولماز
دوز چیخماز ایلقاری،عهدی پیمانی
هر جاییدا ناموس،غیرت،عار اولماز
اوز وئرمه نادانا،سير وئرمه پیسه
آخیر قلبین یا اینجییه،یا کوسه
اوت بیتر کؤك اوسته،اصلی نه ايسه
يووشان بسلمكله چمنزار اولماز
وفالییا امک چکسن ایتیرمز
بد اصیل نصیحت،اؤيود گؤتورمز
قاباق تاغی، تر شاماما بيتيرمز
گؤی سؤيودده هئيوا اولماز نار اولماز
تكليف اولونماميش بير يئره وارما
نر اولماز مئيداندا هر بيغی بورما،
سئيراغيب آداما سن ياخين دورما
خائن چیخار ،اوندا دوز ایلقار اولماز
"خسته قاسیم"گونو کئچمیش قوجادیر
گلن بزیرگاندیر گئدن خوجادیر
سرو آغاجی هر آغاجدان اوجادیر
اصلی قیتدیر ، بوداغیندا بار اولماز.
خسته قاسیم
عشقین جفاسین عشقه گرفتار اولان بیلر
معنای دردی عاشق بی خانمان بیلر
گلشنده بولبولون سسی نین رمز و رازی وار
اسرارینی اوکس کی گوروبدور خزان بیلر
دنیاده سری بیر کسه فاش اولمویوب هله
چایلار آخار سیزیلتی سینی خان چوبان بیلر
بیر کیمسه باش تاپانماز عاشق و معشوق سرینی
مضمون نامه نی اوخویانلان یازان بیلر
دنیاده آیریلیق غمینه چولقالانماقی
هجران اوتوندا هر گئجه گوندوز یانان بیلر
اوغلو اوزاق گئدن آنادان گئت سوروشگیلان
احوالیمی منیم گوزو یولدا قالان بیلر
باخما بو گول ساتانلار کی ساتیلار گولو پولا
هوشسوزدولار،گولون قدیرین باغبان بیلر
طوفان یاتار، سسی کسیلر، دردینی فقط
درد آشناسی، قبرینی بیرده قازان بیلر!
منی یالقیز قویوب هارا گئدیرسن
کیمه تاپشیریرسان بوز اللریمی
نه اولوب قوینوندا یارا گئدیرسن
گئدیرسن گوزونه یاز اللریمی
ایده آغاجلاری داریخار سنی
قار آلار باغچانی چولو چمنی
نه دن بئله یالقیز بوراخدین منی
یوللارین یوردونا سوز اللریمی
ساپ ساری چیچک لر ساچلارین یولار
قم داشار بیر گئجه باغریما دولار
سن سیزلیک درد اولوب جانیمی آلار
یاندیرار اورمودا دوز اللریمی
قیرمیزی گوللرین باغری قارالار
جانایین یازی سین یازدا قار آلار
اوره ییم چیرپینار گوزوم دارالار
آخشام پنجه سینده سیز اللریمی
