ساقی شراب گتیر غم ایچینده یم
غمنن اوزاق اولان صحبت اولایدی
نه شر یارانایدی نده کی بهتان
یاخشی لیق اینسانا صفت اولایدی
سولمایدی نه گوزه لیک نه پری
اینسان سئومه ییدی پیسلیگل شری
بوتون کیشی لرده وجدان کسری
جمعی قادینلاردا عصمت اولایدی
بئ شه اللی دی ییب یوز گزدیره نین
داغا تپه دی ییب دوز گزدیره نین
دوسلار آ راسیندا سوز گزدیره نین
گوزونده دونیاسی ظلمت اولایدی
نه یتیم اولایدی نه اونون اونی
نه درد یارانایدی نده دوگونی
یاخشیلار یامانا یازیلان گونی
قورقو پوزولایدی دهشت اولایدی
بهمنین ،، زامانی هانسی زاماندی
ایشیده ن عارفلر سوزومو قاندی
گوزه لین یانیندا صداقت آ ندی
کیشی نین قانیندا غیرت اولایدی
کولک داغدان نه آپارار؟
نه اولسا، چنه اولاجاق.
سن کؤنلومو سئویندیرسن،
نه اولسا، غمه اولاجاق.
باهار کیمی گولو سئون،
سئوگی دولو ایلی سئون،
منیم کیمی دلی سئون،
چوخ اولوب، یئنه اولاجاق.
چیخ قارشیما، یولومدا اول،
هر گونومده، آنیمدا اول،
جان وئرنده یانیمدا اول،
سون سؤزوم سنه اولاجاق.
عینادیم یولومو کسدی،
عیناددیرسا، عیناد بسدی.
بو دونیانین ایشی ترسدی،
بئله‌دی، بئله اولاجاق.
دونیا بیزه قالان دئییل،
اؤتن ایللر سولان دئییل.
سنه بیر شئی اؤلان دئییل،
نه اولسا منه اولاجاق...
#نوصرت_کسمنلی
.
طالع منی آیری سالدی وطندن
ایندن بئله گولمز اوزوم آی ائللر
نه واختاجان خبر آلیم یئتندن
اوردا قالیب سازیم ، سؤزوم آی ائللر
فلک یولوب گوللریمی دردیم مین
طبیب لرده یوخ داواسی دردیمین
غربت وئریب منه دوزو دردی مین
جان قوجالیر نئجه دؤزوم آی ائللر .
گونوم کئچمیر هئچ فیکیرسیز،خیالسیز
باهار توتغون،چمن سولغون، باغ آلسیز
یاروطنده اسیر کؤنول وصالسیز
نه گئجه م وار نه گوندوزوم آی ائللر .
کؤنول ایستر اؤز اوباسین، یایلاسین
قیش آراندا ، یاز داغلاردا یایلاسین
لیلی خانیم صادق اولسون پایلاسین
منده اونا قوشما دوزوم آی ائللر .
نه واختاجان ایلدیریملار چاخاجاق
یئر اوزونو یاندیراجاق یاخاجاق
داشقین دئیر گؤرن چوخمی باخاجاق
شرقه طرف حسرت گؤزوم آی ائللر .
مظاهیر داشقین
نه گولدور گوناهکار، نه بولبول، نه خار
غنچه دوداق بوءزر یارپاغین آلتدا!
یارارلی نه وارسا اوزونه چیخار-
اوزسوزده اوتانار قایماغین آلتدا!
نه ایزینی تاپدیق نه ده یئرینی
اونوتدوق عنوانی، وعده یئرینی
نه اؤزونو بیلدیک نه دَیَرینی
نه باشلار غیب اولوب پاپاغین آلتدا!
آجی اووقاتلاردا قار هاواسیدی
باش آچا بیلمیرسن نه داعواسیدی
اؤرتولو قازانلار سیرر یوواسیدی-
بیلمزسن نه قاینار قاپاغین آلتدا!
زه‌هه‌ر له سولانمیش ایتی دَهره‌لر
کؤتوکلر اوستونده قانلی پؤهره‌لر
قاپیسی یوز یئردن باغلی چؤهره‌لر
مین دوررلو یاساق وار هر باغین آلتدا!
بیتیب-توکنمه‌دی دونیانین جنگی
اسرارلی گؤیلره داغلار اوزنگی
باشینا ایلدیریم شیغییار، چونکی-
دویوب کی یاتیر وار او داغین آلتدا!
كؤوره‌لیب آغلارسان نه ایچین-ایچین؟
هر کس بیر حلقه‌سی ابدی کؤچون
تانری درگاهینا قوووشماق اوچون-
ایگیدلر جان وئریر بایراغین آلتدا!
✍ بختیار وهاب زاده
🔥❤️🔥
ساری گۆللر آچیلان واخت، گۆنش پارلامادان،
داغ یولوندان بیری آهسته گلردی مئشه یه،
ساری بیر قیز! ساری گۆلدن داها رنگین، دیلبر،
تشنه بیر قوش کیمی نازیله گیرردی دره یه...
گؤرمۆسن می سولار اۆسته نئجه بیر گۆل بوداغی،
ساللانیرکن داغیدار سایه ی ناز؟
گؤرمۆسن می سحرین پرده ی عشقینده دوغان،
ساری بیر گۆن نئجه گۆللرله ائدر راز و نیاز؟
ساریشین قیز، ساری گۆلدن داها رنگین، رعنا
داغیداردی سویا گۆل رنگلی گیسولرینی...
قصۀ شوقونو سؤیلرکن، همن عاشیقینه،
پاک ائدردی او تۆتن گۆل یاناغیندان ترینی...
بیر سحر آچمادی آرتیق ساری گۆللر باغدا،
داغ یولوندان مئشه یه گلمه دی جانان، یالنیز،
کؤلگه لر تک داغی گزدیم، دره لرده اریدیم،
گؤرمه دیم یاریما بنزر، اوبا دا بیر ساری قیز...
حبیب_ساهر
اوزاقدان سئویرم سنی
قوخونو آلا بیلمه‌دن،
بویونا ساریلا بیلمه‌دن
اوزونه توخونا بیلمه‌دن
یالنیز سئویرم
ائله اوزاقدان سئویرم سنی
الینی توتمادان
اوره‌یینه توخونمادان
گؤزلرینده دالیب دالیب گئتمه‌دن
بو اوچ گونلوک سئودالارا عیناد
آواراجا دئییل آدام کیمی سئویرم
ائله اوزاقدان سئویرم سنی
یاناقلارینا سیزان ایکی داملا یاشینی سیلمه‌دن
اَن دلی قهقهه‌لرینه اورتاق اولمادان
اَن سئودییین ماهنینی بیرلیکده زیمزیمه ائتمه‌دن
ائله اوزاقدان سئویرم سنی
قیرمادان
تؤکمه‌دن
پارچالامادان
اوزمه‌دن
آغلاتمادان اوزاقدان سئویرم
ائله اوزاقدان سئویرم سنی؛
سنه سؤیله‌مک ایسته‌دیییم هر سؤزو
دیلیمده پارچالایاراق سئویرم
داملا داملا تؤکولرکن سؤزلریم
گوناه‌سیز آغ بیر کاغیذدا سئویرم
#جمال_ثریا
🔥❤️🔥
منزل اوزاق من پیاده عؤمور آز
یورولوب یوللاردا قالانام داها
منیمکی دردیمه چاره تاپلماز
دردی غم الیندن تالانام داها
گئن گونده طایفالی دار گونده تکم
بیر ماهنیا بندم بیر نازیک توکم
گرك کی وطنده غریبلیك چکم
چکینه چکینه دولانام داها
اودومو سوندوروب ایلین سویوغو
سینمه درد ساليب دردلر وورقونو
دئسلر اینانما شجاعت بونو
من بیر افسانه يم یالانام داها
شجاعت
▫️من سنین یولوندا عؤمرومو وئردیم،
سن منه بیر قورو سؤز ده وئرمه‌دین.
من سنه کؤنلومو وئردیگیم زامان،
سن منه بیر باخیش گؤز ده وئرمه‌دین.
یادین‌لا یاشادیم، یادین‌لا یاندیم،
آدینی ائیله‌دیم مقدّس آندیم.
دالینجا حیاتی گزدیم، دولاندیم،
اینصافسیز! سن منه ایز ده وئرمه‌دین.
«کؤنول»ام، حسرتدن سارالدیم، سولدوم،
بوروندوم سئوگییه، کؤنلونه دولدوم.
من سنین دعوتسیز قوناغین اولدوم،
آی ظالیم! سن منه اوز ده وئرمه‌دین.
#فاطمه_عبدی_کؤنول
دونیا تاماشانا مین ائلده باخسا
سندن گوُزو دویان کیم گلدی گئتدی
کیم یئتیردی عوُمرون باشا فراوان
اوستونده چکمه میش غم گلدی گئتدی
بو خیال روحوما ووردو مین یارا
سانکی وارلیغیمی چکدیلر دارا
آل یاشیل بزک نن اوجا داغلارا
باخدیقجا گوُزومه نم گلدی گئتدی
تاریخ سن اونوتما کوُنلوم دئیه نی
عادتدی نسیل لر واراقلار سنی
ایشدی سندن سوروش سالار بهمنی
دئینن کی کامالی کم گلدی گئتدی
بهمن وطن اوغلو
جانیم آزربایجان:
قلبیندہ اوجاق وار، الیندہ اود وار
منہ اؤز قلبینے، اؤز الینے وئر
ایلاهے سئوگیدہ ایلاهے داد وار
منہ سئوگیلرین گؤزلینے وئر
ایلاهے سئوگیلر جوشار، چاغلایار
چایلارین سددینه-بندینہ باخماز
یالنیز آللاهینا ڪؤنول باغلایار
قارا ڪشیش‌لرین فندینہ باخماز
ایلاهے سئوگیلر یاخار-یاندیرار
آهیندان یئر مه‌لر، گؤے مه‌لر، گؤزل
آلووو گؤیلرے ایشیقلاندیرار
آچیلماز یئنه‌دہ دویمه‌لر، گؤزل
زلیمخان یعقوب🌸🌹🌸
گلدین
گلدین اے گول ولے باغریم قارالاندان سورا گلدین
یام یاشیل داغلارین اوستون قار آلاندان سورا گلدین
آغاریبدور باشمین قارہ توڪے آغ یونا دوندے
آے وفاسیز نیہ بس من قوجالاندان سورا گلدین
هئش بیلیرسن سنون عشقیندہ نہ طوفانلارا دوشدوم؟
نقدَه‌ر سوزلر ائشتیدیم نئجہ بهتانلار دوشدوم؟
سنہ مجنون اولالے مندہ بیابانلارا دوشدوم؟
اوزومو سئل سووا ، داغ داشا چالاندان سورا گلدین
آے وفاسیز نیہ بس من قوجالاندان سورا گلدین
عاشیقین دردہ سالارڪن چاراسیندا سن آپاردین
یایلاقین خان چوبانین سئل ساراسیندا سن آپاردین
گوزلیم گؤزلریمین آغ قاراسیندا سن آپاردین
گوزومون نورے نہ فایدا آزالاندان سورا گلدین
آے وفاسیز نیہ بس من قوجالاندان سورا گلدین
نازنین اونداڪے عشقین اوخونو قلبیمہ ساچدون
مندن اوز دوندریب هئش بیلمیرم آخر هارا قاچدون
اوستومہ ائل اوبانین تیغ ملامت دیلین آچدون
من یازیق طعنہ لر آلتیندا قالاندان سورا گلدین
آے وفاسیز نیہ بس من قوجالاندان سورا گلدین
گہ جمالین گئجہ لر جلوہ لنَردے منہ آیدا
گوزومون یاشے آخاردے اوزومہ سانڪے سو چایدا
نوش داروسن اولندن سورا سهراب نہ فایدا
سن دیدرگینے دا جاندان‌دا سالاندان سورا گلدین
آے وفاسیز نیہ بس من قوجالاندان سورا گلدین
✍️ قوچعلی_سهرابی(دیدرگین)
داغلار قیزی ریحانین وصفینده
ریحان نه دئمک دیر داغلاردا آصلان
دویوش مئیدانیندا زورلو بیرقافلان
ایگیت لر جمعینه وئرنده فرمان
هم اصلان دیر هم قافلان دیر هم ریحان
داغلارا اوز گئتدی داشناک الیندن
اودلو سوزلر چئخدی دئنن دیلیند
یاردیم آلدی اوباسیندان ایلیندن
هم اصلان دیر هم قافلان دیر هم ریحان
چوخ زامانلار اولوب مکانی داغلار
آیاقی آلتیندا یورولموش داشلار
داشناک قارشیسیندا بیر دویوش باشلار
هم اصلان دیر هم قافلان دیر هم ریحان
آلیب انتقامین قتتال اولاندان
ماراخلی آلیب دیر درسین زاماندان
بو یولدا قوخماییب یاغی دوشماندان
هم اصلان دیر هم قافلان دیر هم ریحان
اولوم لر اولاییدی ساتقینا روسا
ریحانا یارشماز اصلا کلیسا
حاییف توی تورنی چئوریلدی یاسا
هم اصلان دیر هم قافلان دیر هم ریحان
یولونو ایسترکن آیدینجا سئچدی
عومرونین چوخوسو دوستاقدا کیچدی
آیرلیق جامینی ایستمز ایچدی
هم اصلان دیر هم قافلان دیر هم ریحان
«محسون» یازدی احوالینی بیر آز چوخ
دوشمانلار گوزونده اولموشدون بیر اوخ
یئرین جنت دئییه باشقا سوزوم یوخ
هم اصلان دیر هم قانلان دیر هم ریحان
#محسن احمدی«آتا»
گؤز-گؤزه ساتاشدیق بیر آخشام چاغی
او ناماز اوستونده، من پیان-پیان
رئکلام‌سیز ال‌لری، قونوت ال‌لری
شیرین دانیشیردی گؤی تانریسی‌لان
من هئچ آیریلیغا راضی‌لاشمادیم
چاتدی هاراییما بیر دلی شئیطان
ال‌لری قونوت‌دان آسیلی قالدی
سوزدو ایختیاری چادراسیندان
گاهدان یول آیریجی، چتین اولارمیش
بیر تانری او یاندی، بیر تانری بو یان
یؤن‌لتدی یولونو ساری سجده‌دن
سئوگی‌سین «صراط‌المستقیم» دئین
اوزون آیریلیقدان ووصالا چاتدی
قونوت-ون نیّته چئویرن گؤزل
بیر ثاواب ایچینده گوناها باتدی
من بیر ساری یاپراق، او بیر ان‌گؤزل
او اؤزون بیر نذیر دئمیشدی منه
اونون‌لا دونیانی سئویردیم آنجاق.
ایندی ده دئییرم توپراق آلتیندان،
بیر جوت ال قووزانیب قونوت توتاجاق
کیمسه تانریسی‌لا پیچیلداشاندا،
قونوت ال‌لرینه حسرت یئییرم
قیامت گونونه اینانماسام دا،
سئوگی دوعالارا آمین دئییرم...
#ارشد_نظری
زامانیندا
فرحله نیب فغان ائتمه آ بولبول
اینان سولاجاقدی گول زامانیندا
آتالار سوزودور ائللرایچینده
ساخلا لازیم اولار پول زامانیندا
اویره دین قیرسینلار حسرت کوللارین
بیربیره چاتسینلار غیرت قوللارین
قاریدان قوجادان حورمت یوللارین
اویرن لازیم اولار بول زامانیندا
جانین آغریسیندان اوره ییم گولمز
آخار گوزیاشیمی اللریم سیلمز
نفسیم تنگی یر آیاقیم گلمز
جانا طعنه ویرار یول زامانیندا
اوتن خاطیره لر یاراسین دوزلار
بوکوک لر آغرییار سوموک لر سیزلار
ایسته سن قاچماسین گلین لر قیزلار
دیلیندن موغایات اول زامانیندا
"سالک" ایشله مگه قدرتین اوتمز
اوره ک آرزیسینا هونرین یئتمز
کونول سئوه ن یئره آیاقین گئتمز
دایانیب باخارسان زول زامانیندا
سالک میرزایی
🔥❤️🔥
آلا گؤزلوم، سندن آیری دوشه لی
هیجرانین غمیله کئف ائیله میشم
آه و واینان گونوم کئچدی دونیادا
درد آلیب ، غم ساتیب نفع ائیله میشم.
سندن آیری شاد اولمورام، گولمورم
جانیمدان بئزمیشم ، اُؤله بیلمیرم
نه مدّت دی قوللوغونا گلمیرم
باغیشلا تقصیریم ، سهف ائیله میشم.
حسرت قویما گؤزو ، گؤزه آماندی
یاندی باغریم دؤندی کؤزه آماندی
کئچن سؤزو وورما اوزه آماندی
هذیان دانیشمیشام ، لاف ائیله میشم.
اینصافدی می گوله همدم خار اولا ؟!
تولک - طرلان اویلاغیندا سار اولا ؟!
" علسگر" ایسته ییر بیر بازار اولا
اریدیب گؤهری ، صاف ائیله میشم.
قیشین شاخداسیندا گلین گلن قیز
سنین گلیشینه سئوینیر اورک
باشینا بولودلار نوغول سه پیللر
ال چالیر قاپیمیزاوخویور کولک
سس وئرین بو گئجه اویانسین گونش
دوشمانین باغرینی اولدوزلار دلیر
قاریخمیش اینینه آغ دونون گئییب
بیزیم بوشنلیگه چیلله ده گلیر
چاغیریر بوتوییا دومانی چنی
شاخدادا آچیلان گوله باخدیریر
بولودلار تاماهین تؤکور داملارا
آغزینین سویونو نودان آخدیریر
قیشین شاخداسیندا گلین گلن قیز
توپراقلار سینندن نفس آلیللار
آیاقین آلتیندا اوخونور نغمه
قاپینین بوزلاری چیلتیک چالیلار
ماهنیلار سسینه اویاندی گونش
قارانلیق گئجه نین سونو آچیلدی
حسرتین کؤنلومده بوز باغلامیشدی
دوز سپدی قلندر. دونو آچیلدی
قلندر
مندن اسیرگه‌مہ او گؤزلرینی
باخیم گؤزلرینہ گؤزوم سئوینسین
سنے سئودیییمے سؤیله‌ییم سنه
اوره‌ییم سئوینسین، سؤزوم سئوینسین
مندن اسیرگه‌مہ محبّتینی
ساخلا سحر ڪیمے طراوتینی
گؤستر لئیلے ڪیمے صداقتینی
حسرت بویون بوڪسون دؤزوم سئوینسین
نازلے بیر پری‌سن اوچوب گلمیسن
پاییزدان باهارا ڪؤچوب گلمیسن
هانسے درد الیندن قاچیب گلمیسن
قوووشسون ایزینہ ایزیم سئوینسین
مندن اسیرگه‌مہ گول نفسینی
سن اوخو دینله‌ییم یازین سسینی
مندن اسیرگه‌مہ عشق قفسینی
یانیم بو قفسدہ ڪؤزوم سئوینسین
مندن اسیرگه‌مہ غنچہ دوداغی
سن آللاہ قلبیمہ چڪمہ بو داغی
اوتوراق اوز-اوزہ بیر آخشام چاغی
چؤره‌ییم سئوینسین، دوزوم سئوینسین
نوصرت ڪسمنلی🌸🍀🌸
بولاغ باشیندا
(دلی جیران_شعره‌غزله)
جابیر عابدولایئو
آیگون بایرام‌اوا
نزاکت تیموراوا
اینان کی بو سئوگین قویون کیمیمیش
ائله ایش گؤردو کی گتیردی آها
قاچ گئت قویونونو قاپیزدا اوتار
منیم اوتارماغا یئریم یوخ داها
سنه بیر چیچکلی اورک تاپشیردیم
هر چاغدا اوتاردین کؤنلومون باغین
دردینی من چکدیم قوزو واقیندا
یئدیددین اؤزگه یه سوتون قایماغین
اوره یین هئی یئدی آرپا یونجانی
شیلتاقلیق ائله دی باغلا چیمنله
صداقت باغیندا گزدیردیم سنی
باشقا بیر قوچ اوچون توقوشدون منله
قویون دئمک اولماز بئله سئوگییه
ییرتیجی حئیوان تک اتیمی یئدی
دالدادا بویوما پاییز اوخشادی
اؤزومه چیخاندا باهاریم دئدی
گؤزومون اونونده یئکلیب نیفرت
ایندی محببتی مندن آلیبدی
گرک دیر حسرتین ملییه هر آن
نئجه کی اوره ییم مه لر قالیبدی
اینان کی بو سئوگین قویون کیمیمیش
آچمیرام چوخ سؤزو نئچه عیللته
آپار بو سئوگینی قوربان دئگینن
کسگیلن اتینی پایلا میللته...
#قلندر
گؤزہ یالواریم
بیر یول اوز-اوزہ گل یادا سال منی
خیالدان آیریلیم دوزہ یالواریم
زیارت ائیلہ ییم گول جمالینی
جانیما اود سالان گؤزہ یالواریم
نہ اولار مئیلینے سال بیزہ ساری
اوتوراق دیز-دیزه،اوز-اوزہ ساری
باخیم جمالینا گؤز-گؤزہ ساری
سن دانیش من شیرین سؤزہ یالواریم
آرخانجا باخاندا گؤزلريم آخدی
آدام ڪؤورڪ اولور آیریلیق واختی
گئدیشین جانیمے یاندیردے یاخدی
دولانیب هر دن گل بیزہ یالواریم
آے نااینصاف!ايلقارينے اونوتما
بو گؤروشو بوندان آرتیق یوباتما
"مالڪ"جان اوستہ دیر واختے اوزاتما
گل اوزوم سؤیڪنسین اوزہ یالواریم
تانری سنے قدرتیندن یارادیب
گؤزللینہ یوخ بهانه گول پرے
دوداغلارین باتیب بالا قایماغا
قند ازیلیب دیل دهانا گول پرے
آے گؤزل الیندن چڪہ رم آمان
سندن آیریلالی حالیم دیر یامان
ڪیپریڪ لرین اوخدو قاشلارین ڪامان
گؤزلرین قصد ائیلر جانا گول پرے
سیزیلدار همشہ شان چڪر آرے
گؤهری آختاریب تاپار خردارے
واللہ سنین ڪیمی وفالی یارے
دییشمہ م سلطانا خانا گول پرے
آے گؤزللر خاصی عزیز مهربان
اولماز برابرین حوری نہ قیلمان
اوغرون باخیب گولدون یاشماق آلتیندان
بیر اود سالدین دین ایمانا گول پری
تووز ڪیمے سردن تئلین اویناشیر
اوندا عشقین بهرے قاینایب داشیر
یازیق علسگرم خیالیم چاشیر
گئتمہ گؤز اؤنوندن یانا گول پری
❤️
🌺 گون آیدین حرمتلے دوسلار. 🌺
بیر باخچا ســــــ🌸ـــــلام 🖐
بیر دونیا گؤزللیڪ
بیر عومور باشے اوجالیق
بیر ساغ جان
بیر خوش اورڪ
بیر قشنگ سحر
🌸هم ده
جانا سینر هاوا
آغیز دولو سلام
سیزین اوچون 😊
گون آیدین سئوگلے دوسلار ☀️
