639
كل الخدم تنهان شفناها بالعين بس بكرامة تعيش خدام الحسين
مدمعنه تفجر/ياموسى بن جعفر
★★★★★★★★★★★★
يالصبرك صبرك أيوب
يالحزنك حزن يعگوب
ومصابك يشيب گلوب
يل عن النظر محجوب
يل چبدك توذر/ياموسى بن جعفر
★★★★
ليش الكاظم أيسجنوا
عن بيته وهله يبعدوا
وبدار الغرب خلوا
ومن شم الهوه حرموا
ضل وحده وتحير/ياموسى بن جعفر
★★★★
بطامورة سجن ظلمه
مآواحد يصل يمه
وحده إيكابد أبهمه
ومن گيده جره دمه
بصبره ظل تصبر/ياموسى بن جعفر
★★★★
دمه يجري من إيديه
مآواحد يجي يواسيه
ممنوعه الزيارة أعليه
وسم النايبه ماذيه
وينه إليمه يحضر/ياموسى بن جعفر
★★★★
أيام السجن صعبه
عينه عالدرب تربه
آه ياوحشة الغربه
ويناجي فقط ربه
سجنه أعليه تأخر/ياموسى بن جعفر
★★★★
لجلك دم تهل لعيون
مولاي الحقد مدفون
خلوك العده مسجون
أنته إلي رعبت هارون
وصحت اللهُ أكبر/ياموسى بن جعفر
★★★★
نار وتلهب أبصدره
خلص بالسجن عمره
مآواحد يجي ينظره
ريت تشاهدة الزهره
وريت يشوفه حيدر/ياموسى بن جعفر
★★★★
يحضر والده الكرار
وجده المصطفى المختار
موسى بالسجن محتار
من ظلم العده الاشرار
نار أحشائه تسعر/ياموسى بن جعفر
★★★★
جمر البل گلب وكاد
قُصته تشبه السجاد
مثله بالحديد أنگاد
من البصره والبغداد
ومثله هم تيسر/ياموسى أبن جعفر
★★★★★★★★★★★ ★★
الشاعر ( أسعد قاسم الگريعاوي )
يامسموم يامسموم
_________________________
هلا بزوار أبن جعفر / هلا وميت هلابيكم
مواكب أهل الكريعات/بالخدمه وتحييكم
وسط أگلوبنه وبالعين /وعالهامه نخليكم
وندعي الله يسجلها /أسامينه وأساميكم
يامسموم يامسموم
_________
كل خادم من الخدام/من عدنه أخذ دوره
ذاكه يعلگ الرايات / ذاكه الينصب جدوره
ذاكه إيحضر أقرايات/ هذاكه يرفع الصوره
كلها بخدمت الزوار /وأن شاء الله مأجوره
يامسموم يامسموم
_________
الجوامع والحُسينيات / ومواكبنه نصبناها
وشباب أمحزمه وهيئات/وبيوت الفتحناها
هلا بزوار أبو طلبه / أجمل كلمه گلناها
وألكم ياأعز الناس / خبزتنه گسمناها
يامسموم يامسموم
_________
لله نحمده كل يوم / الشرفنه أبعز خطار
وخله منطقتنا هاي / صارت تحضن الزوار
شكبره حضنه ياهالناس/جيران أحنه هل أطهار
يكفينه فخر والله / بموسى والجواد الجار
يامسموم يامسموم
_________
ياموسى أبنه جعفر هاي/خطارك ندللهم
الله لا ينطينه لو / قصرنه بسعادتهم
زوارك أجو يردون /تقضيها الحوائجهم
چفك للكرم ممدود / وأدري ماترجعهم
يامسموم يامسموم
_________
أحنه عايشين بخير / الله سيدي ورجواي
مانملك تره أحنه شي /لو مو إنتوا يامولاي
قليل أشما نقدملكم/ وأنتوا مقدمين هواي
مرات أنسه أبوالسجاد/من أشرب لذيذ الماي
يامسموم يامسموم
__________________________
الشاعر (أسعد قاسم الگريعاوي)
أندعولي وياكم/أندعولي وياكم
زائري موسى ابن جعفر أندعولي وياكم
________________________
بالله يازوار موسى الكاظم أترجاكم
من تشوفون المناره أندعولي وياكم
قاضي الحاجات أسمه بيده ينطي مرادكم
هذا أبو طلبه العزيز ومايرد دعواتكم
الله لا ينساكم / الله لا ينساكم
زائري موسى ابن جعفر أندعولي وياكم
_____
موسى ابن جعفر طبيب الكل مرض وصفونه
تارس الدنيه بعطائه مجرب إيعرفونه
هذا أبو الكلفات هذا وكلهم إيسمونه
وهاي كل الناس تگصد بالشدد ينخونه
آنا هم أنخاكم / آنا هم أنخاكم
زائري موسى ابن جعفر أندعولي وياكم
_____
والله هنياله اليزوره ويسجد أعله أعتابه
أغله من الذهب وأكثر يسوى هذا ترابه
والله ماخاب اليگصده بلهفه ويدگ بابه
هل كريم أبن الكرام الما يرد أحبابه
هل گلب ناداكم/هل گلب ناداكم
زائري موسى ابن جعفر أندعولي وياكم
_____
هذا أبو الروح الحنينه الما يرد خطاره
كل صباح وكل مسيه يحتضن زواره
كلمن يزوره بضريحه منه رد ببشاره
وهاي بغداد بكبرها تضوي من أنواره
هوه يتلگاكم/هوه يتلگاكم
زائري موسى ابن جعفر أندعولي وياكم
_____
يالذي جاي بمصابه الفاطمه تعزيها
ومعتني تعضم آجرها وگاصد تواسيها
فاطمه بهاي المسيه بالصحن تلگيها
تصيح عالمسموم ويلي الچبدته موذريها
فاطمه ترعاكم/فاطمه ترعاكم
زائري موسى ابن جعفر أندعولي وياكم
________________________
الشاعر (أسعد قاسم الگريعاوي)
أشكثر گلبچ حنين
ميته وتنادي حسين
آه يزينب آه يزينب
☆☆☆☆☆☆☆☆☆☆☆☆
قبل لتشيلوا العقيله وتدفنوها
وقبل لافوگ المتون تشيعوها
چن أحس عدها وصيه أسمعوها
يمكن تريده إيحضر عباس أخوها
بيها حسرات وأنين
ميته وتنادي حسين
آه زينب آه يزينب
☆☆☆☆
أنه زينب أنه والفض آخر أنفاس
گبل لاتخمد وصيه عندي ياناس
منهو يگصد كربله الراعي النوماس
خل يگله زينب تريدك يعباس
گبل لا تغمض العين
ميته وتنادي حسين
آه يزينب آه يزينب
☆☆☆☆
من نهر قبره أريد تغسلوني
برايته العل گبه كون أتچفنوني
وذره من أتراب قبره تشمموني
شگد تمنيته يجي يغمض عيوني
وين أخوها عنها وين
ميته وتنادي حسين
آه يزينب آه يزينب
☆☆☆☆
وشكثر مشتاگه للعباس أطوفه
روحي ترجع بيه لو لحظه أشوفه
لاچن مسماحته ومقدره ضروفه
أدري بي يحضرني لوعنده چفوفه
شوفته ترد السنين
ميته وتنادي حسين
آه يزينب آه يزينب
☆☆☆☆
اليوم ماميته ولا أيامي خلصت
متت لمن روح أبو السجاد طلعت
لاچن الله ردلي روحي وليه ردت
حتى أحمي عيلته البعده تطشرت
روحي ماتت مرتين
ميته وتنادي حسين
آه يزينب آه يزينب
☆☆☆☆
مو گبر واحد تراني عندي گبرين
جسمي بالشام أندفن وأنغمضت العين
روحي ظلت طايره بين الحضرتين
ساعه يم عباس تگصد ساعه لحسين
ماتعوف الطيبين
ميته وتنادي حسين
آه يزينب آه يزينب
☆☆☆☆
لليريد أيزورني ويتمنه جيه
يلگه عطري فوگ تل الزينبيه
أنه أمنيتي أجي للغاضريه
بس أخويه حسين وصاني برقيه
والوصية يعني دين
ميته وتنادي حسين
آه يزينب آه يزينب
☆☆☆☆☆☆☆☆☆☆☆
الشاعر(أسعد قاسم الكريعاوي)
صوت الناعي صاح أبهل مسيه
ماتت زينب الحره الأبيه
أويلاه يزينب ____أويلاه يزينب
♾♾♾♾♾♾♾♾♾
وينه اليحضر إيشيع العقيله
وإعليها الدمع من دم يسيله
مطروح النعش وينه اليشيله
أوينه اليگصد الحامي الحميه
ماتت زينب الحره الأبيه
أويلاه يزينب ____أويلاه يزينب
♾♾♾♾
وينه اليگصد الحيدر أبوها
ويگصد للگمر وحسين أخوها
زينبهم گضت خل يحضروها
وين الهاشمي والهاشميه
ماتت زينب الحره الأبيه
أويلاه يزينب ____أويلاه يزينب
♾♾♾♾
وين الهاشمي أوين الشهامه
وخلي الساده تنزعها العمامه
عمتكم گضت يهل النشامه
هاي البل أمس چانت سبيه
ماتت زينب الحره الأبيه
أويلاه يزينب ____أويلاه يزينب
♾♾♾♾
هاي البل أمس چانت غريبه
مابين العده تمشي الحبيبه
ضج العالم الهاي المصيبه
لمن دخلت بديوان أميه
ماتت زينب الحره الأبيه
أويلاه يزينب ____أويلاه يزينب
♾♾♾♾
لمن دخلت الشام ويزيده
يضرب بالعصه حسين وعضيده
تمنت تنذبح بنت الصميده
ولا هل منظر تشوفه السبيه
ماتت زينب الحره الأبيه
أويلاه يزينب ____أويلاه يزينب
♾♾♾♾
ولا هل منظر إيظل أبگلبها
من چان الشمر يمشي ويسبها
ومن تعثر يجي بسوطه إيضربها
وبچفها الحبل هيه ورقيه
ماتت زينب الحره الأبيه
أويلاه يزينب ____أويلاه يزينب
♾♾♾♾
وبچفها الحبل تمشي يسيره
بديار الغرب حيرتها حيره
وأعله المشرعه بدر العشيره
لا يمنه ولا يسره ورميه
ماتت زينب الحره الأبيه
أويلاه يزينب ____أويلاه يزينب
♾♾♾♾
لا يمنه ولا يسره گمرها
مو عينه أنطفت طفوا نظرها
حيره أحتارت الحره أبأمرها
وأخوتها ضحايه أعله الوطيه
ماتت زينب الحره الأبيه
أويلاه يزينب ____أويلاه يزينب
♾♾♾♾♾♾♾♾♾
الشاعر(اسعد قاسم الگريعاوي)
أمنيتي ياخذني الهوه _ ويم زينب أيوديني
مشتاگه روحي وبالصحن_أفتحها كون العيني
والحضرتچ مشتاگين/أي والله ياأخت حسين
لزيارتچ وفقيني/لزيارتچ وفقيني
☆☆☆☆☆☆☆☆☆☆☆☆☆☆☆☆
كون أجيچ بليل مظلم/والله يم گلب الجريح
حتى ماينظرني أحد/ وزحف أزحف للضريح
وأحضن الشباچ وأبچي/وبعلوا صوتي أصيح
بيه لهفه وبيه حسره/بگد أبو اليمه الذبيح
رايد أجي وبيچ أختلي _ بس آنه وي أدموعي
وأنعه على مصابچ نعي_وألطم وأكسر ظلوعي
تحبين العراقيين/أي والله ياأخت حسين
لزيارتچ وفقيني/لزيارتچ وفقيني
☆☆☆☆☆☆
من أطب كون المقامچ/ماأطب خالي الأدين
عالأقل شايل هديه / بيها كونچ تفرحين
راية العباس بيدي/ وتربه من قبر الحُسين
فوگ شباچچ أذبهن / وأستمع منچ ونين
أرد أسئلچ يم الحزن_هم باقي دمع أبعينچ
شسوت بحالچ كربله _يازينب الله إيعينچ
هم بيچ حيل تنوحين/أي والله ياأخت حسين
لزيارتچ وفقيني/لزيارتچ وفقيني
☆☆☆☆☆☆
ليش يازينب وحيده / وگبرچ بدار الغرب
مبعده حيل المسافه / ومبعد هواي الدرب
هروش گلبچ گطعوها/ وشبقه بذاك الگلب
شفتي أخوچ حسين ضامي/منذبح فوگ الترب
أمنيتچ بطف كربله _ردتي يگرب موتچ
وتصير ألچ حضره وصحن_وي گبه بين أخوتچ
ونزورچ أحنه كل حين/أي والله ياأخت حسين
لزيارتچ وفقيني/لزيارتچ وفقيني
☆☆☆☆☆☆
يآمره مثلچ يزينب /شافت أنواع الصور
من زغر سنچ يتيمه/وشعمل بيچ الدهر
يامصاب إلي أذكره/وأنسه ياجرح ونحر
شفتي كل اهلچ ضحايه/ذبحوهم عالنهر
وأعله الرماح أمكشفه_روس أخوتچ يالحره
تنظر عليها العايله _وأعله الهزل متيسره
يامنظر أنتي تنسين/أي والله ياأخت حسين
لزيارتچ وفقيني/لزيارتچ وفقيني
☆☆☆☆☆☆
متي يازينب حزينه/وحتى گبرچ هم حزين
لو بدينه أنجيب گبرچ/بين عباس وحُسين
لسه گبرچ يالعقيله/ مهدد أمن الظالمين
الله يلعن من كتبها / إلا منا ترحلين
هذا العله جدارچ كتب_ أنشلت عساها إيده
بيوم الحشر بين الجمع _ عباس هذا يصيده
ويسطره باچر عالعين/أي والله ياأخت حسين
لزيارتچ وفقيني/لزيارتچ وفقيني
☆☆☆☆☆☆☆☆☆☆☆☆☆
الشاعر (أسعد قاسم الكريعاوي)
ياعباس/يذبحني حنيني
ياعباس/ لو ما تعتنيني
قبل لا غمض النظر
ردت أشوفك ياگمر/ياعباس
☆☆☆☆☆☆☆☆☆☆☆☆☆
حتى لو بالحلم مرلي خل أشوفك
مره عفتك يالأخو ومابعد أعوفك
أدري مانعتك يبو الغيره ضروفك
سهم عين وهامه ومگطعه چفوفك
ياجيدوم/ لاتبدي أعتذارك
ياجيدوم/ أختك بأنتظارك
ما وصلك هالخبر
ردت أشوفك ياگمر/ياعباس
☆☆☆☆
بجيّتك روحي ترد ياخويه ليه
شوفتك حسرة بقت ياغالي بيه
عشنه فتره من الزمن حلوه وزهيه
وسفه فرقتنه يخويه الغاضريه
وسفه الموت/ مادام الأخوه
وسفه الموت/ فرق بينه گوه
صحتك وگلبي أنكسر
ردت أشوفك ياگمر/ياعباس
☆☆☆☆
وشكثر زرتك يعباس بحياتي
مره وحده زورني خويه بمماتي
أمنية عندي فقط من أمنياتي
فوگ متنك تحمل الليله رفاتي
بين الناس / ياعباس تمشي
بين الناس /أنته تشيل نعشي
وحگ چفك ال أنبتر
ردت أشوفك ياگمر/ياعباس
☆☆☆☆
الزيدت همي متت خويه وحيدة
چانت أمنيتي الگبر يمك أريدة
حتى ماأسمع بعد بنت الصميدة
عن أخوها الكافل أندفنت بعيدة
وأتمنيت /بأرض الغاضريه
وأتمنيت / نومتنه سويه
وبكتر صوب النهر
ردت أشوفك ياگمر/ياعباس
☆☆☆☆
صح بعيدة البينك وبيني المسافه
وإدري ماتگدر تجيني ياحسافه
بعُدك أبگلبي جرح صعب إيتشافه
ينزف ومحد گدر عباس رافه
جرحي يطيب/ عباس أمن أشوفك
جرحي يطيب/ وتحملني بچفوفك
الموت يمي من حضر
ردت أشوفك ياگمر/ياعباس
☆☆☆☆
خوية بأرض الشام گبري ماني ردته
بس أخوية حسين وصاني أعله بنته
مو قليل المنها ياعباس شفته
وبوصيت أحسين لازم توفي أخته
خويه حسين/ من قبل المنية
خويه حسين / وصاني برقية
ويمها صار المستقر
ردت أشوفك ياگمر/ياعباس
☆☆☆☆☆☆☆☆☆☆☆☆☆
الشاعر ( أسعد قاسم الكريعاوي )
هالليلة ميلادك يوالينه
يانعمة الله وتمت إعلينه
ياوالد السبطين/ياأبالحسن وحسين
يانعمة الله وتمت إعلينه
☆☆☆☆☆☆☆☆☆☆☆☆☆
الثالث عشر نورك سطع مولانه
نتغازل بحبك علي خلانه
كل شيعتك ياأبالحسن فرحانه
وبسمك نصيح ونقهر العادانه
عالي أنته من الباري ياحيدر
در وذهب سواك ياجوهر
كل البشر من طين/ياأبالحسن وحسين
يانعمة الله وتمت إعلينه
☆☆☆☆☆
هالليلة بسمك ياعلي محلاها
يل صورتك سبحان من سواها
بيك السفينه ياعلي مجراها
من كل سفن أسرعهن أبممشاها
نتمنى باچر ياعلي أنشوفك
يوم القيامه ونلزم أچفوفك
وأنقبل الخدين/ياأبالحسن وحسين
يانعمة الله وتمت إعلينه
☆☆☆☆☆
بميلادك الكعبة الشريفه أنشقت
وأتزلزلت ياأبالحسن وأهتزت
وأمك يحيدر عالنساء أفتخرت
موحگها يل مثلك فحل ماولدت
موجود ليهسه الأثر بعده
شوكه وبقه بعيون إلي ضده
غصبن على الباغين/ياأبالحسن وحسين
يانعمة الله وتمت إعلينه
☆☆☆☆☆
ياواحد وماگدروا أيحسبونك
مابي طعم صوت الآذان بدونك
لا ماأظنهم ياعلي يعرفونك
لو يعرفونك والله مينكرونك
وإلي ينكرك خل يرد لأمه
وخلي يددق بالسجل أسمه
أنته أصول الدين/ياأبالحسن وحسين
يانعمة الله وتمت إعلينه
☆☆☆☆☆
بگد العّلي نحبك علي تدرينه
والما يحبك أحنه بي شعلينه
تتشابگ إيدك باچر إبأيدينه
وأعله السراط أنته الذي تمشينه
نرفع الهامه بزودك ونمشي
ياأبالحسن منخاف من كلشي
وبالجنه ألك نهرين/ياأبالحسن وحسين
يانعمة الله وتمت إعلينه
☆☆☆☆☆
أحنه يحيدر حظنه بيك أشكبره
هنيال من يمك يحصّل متره
يختلف كلمن نام عندك عطره
چي لنك بوكت المنية تحضره
والعنده صك أمن الوصي حيدر
گولوله مايگرب إله منكر
ويفوز بالدارين/ياأبالحسن وحسين
يانعمة الله وتمت إعلينه
☆☆☆☆☆☆☆☆☆☆☆☆☆
الشاعر ( أسعد قاسم الكريعاوي )
حيدر علي مولانه
حيدر علي
أسمك جره بدمانه
حيدر علي
♾♾♾♾♾♾♾
صوت المحب ناده
نفرح أبعياده
سيد على الساده
بالكعبه ميلاده
بي نقهر العادانه
حيدر علي
أسمك جره بدمانه
حيدر علي
♾♾♾♾♾
هالليلة نادينه
ونقهر أعادينه
وصفگنه بيدينه
وللمهدي هنينه
رب العله بآذانه
حيدر علي
أسمك جره بدمانه
حيدر علي
♾♾♾♾♾
حيدر علي الوالي
ماغيره يحلالي
ياأغله كل غالي
بس أنته إلي والي
مولدك خير وجانه
حيدر علي
أسمك جره بدمانه
حيدر علي
♾♾♾♾♾
يانفحت الجنه
بيك أحنه آمنه
بسمك توسلنه
بارينه يحفظنه
كل شيعتك ربحانه
حيدر علي
أسمك جره بدمانه
حيدر علي
♾♾♾♾♾
أحنه برجب نفخر
چي مولدك حيدر
والحاربك يخسر
ياذهب ياجوهر
بسمك يرف ألوانه
حيدر علي
أسمك جره بدمانه
حيدر علي
♾♾♾♾♾
ميلادك أنذيعه
وماغيرك أنطيعه
ياوالد الشيعه
وقعنه هالبيعه
والمؤمن وعنوانه
حيدر علي
أسمك جره بدمانه
حيدر علي
♾♾♾♾♾♾♾♾♾
الشاعر (اسعد قاسم الگريعاوي)
صلوا على محمد
♾♾♾♾♾♾
الليله ميلادك علي
ياولي ونعم الولي
بيك همي ينجلي
صلوا على محمد
♾♾♾♾♾
مولدك أجمل خبر
الكعبه زادت بالفخر
والركن منها أنفطر
صلوا على محمد
♾♾♾♾♾
أنته حبل الله المتين
وأنته حصن الله الحصين
ياأمير المؤمنين
صلوا على محمد
♾♾♾♾♾
الليله هايه شيعتك
جددتها البيعتك
عاليه تظل رايتك
صلوا على محمد
♾♾♾♾♾
الليله فرحان الگمر
والنجم لجلك سهر
والكواكب تزدهر
صلوا على محمد
♾♾♾♾♾
فرحوا يله بمولده
وخلي كلنه أناهده
والنداء أنجدده
صلوا على محمد
♾♾♾♾♾
أشرف وأطهر نسب
أسمه بالعرش أنكتب
حيدر الدر والذهب
صلوا على محمد
♾♾♾♾♾♾♾♾♾♾
الشاعر(اسعد قاسم الگريعاوي)
علي علي مولا علي
علي علي مولا علي
☆☆☆☆☆☆☆☆☆☆
ياأبالحسن يالغالي
بسمك يدگ دلالي
ماعندي غيرك والي
مقبوله بيك أعمالي
تستر جميع أعيوبي
أي والله يامحبوبي
كل همي ومطلوبي
بجاهك تزيل ذنوبي
علي علي مولا علي
علي علي مولا علي
★★★★
يوم الحشر ياحيدر
تروينه من الكوثر
أنته الذهب والجوهر
كلمن ينكرك منكر
وإلي بترابك نايم
يا أبالحسن مانادم
أنته السند لأبن آدم
شافع صرت للوادم
علي علي مولا علي
علي علي مولا علي
★★★★
أول شخص حبيتك
وسط الگلب خليتك
ومن الزغر واليتك
مولا علي سميتك
بسمك فصيلة دمي
ياجالي همي وغمي
أقبل يحيدر نضمي
وٱجرني وأكتب أسمي
علي علي مولا علي
علي علي مولا علي
★★★★
حبك علي غذاني
سار ومشه بشرياني
يآشافعي وعنواني
بيك أكتمل أيماني
ضي عيني هاي وهايه
حامي الحمايه
جنه ألك مهدايه
بسمك علي مسمايه
علي علي مولا علي
علي علي مولا علي
★★★★
كلمن يحيدر زارك
گلبه يشع بأنوارك
دار الله أصبح دارك
ولجله وليه أختارك
من الله حبك بينه
منغرز ياوالينه
هذا الشرف يكفينه
چي بأسمك تسمينه
علي علي مولا علي
علي علي مولا علي
★★★★
أمي لمن رضعتني
حبك علي غذتني
وأعليك بس علمتني
ناصر ألك رادتني
من ميثم ومن مالك
حبك يحيدر مالك
أبقى بطريقك سالك
وإلي يضدك هالك
علي علي مولا علي
علي علي مولا علي
★★★★
حيدر علي مولانه
حبك سره بدمانه
كل شيعتك ربحانه
والعادتك خسرانه
هذا البيان أنذيعه
غيرك علي منطيعه
بالدم نوقع البيعه
ياتاج راس الشيعه
علي علي مولا علي
علي علي مولا علي
★★★★
ياشيعي منهو أميرك
ومن القيامه أيجيرك
أنته الكلف ماغيرك
يل عايشين أبخيرك
الينخاك حاشه ترده
كلمن يطيح بشده
دومك تكون أبسده
وهناكه تلزم يده
علي علي مولا علي
علي علي مولا علي
☆☆☆☆☆☆☆☆☆☆☆
الشاعر(أسعد قاسم الكريعاوي)
عندي حاجه وكلفت سبع الدجيل
مايردها وهوه أبن حامي الدخيل
____________________
أنته ياسيد محمد ياسبع
أنته من ال النبي أصل وفرع
نورك السابع سمانه مرتفع
بمجلسك دمعاتي وزعته سبيل
مايردها وهوه أبن حامي الدخيل
______
سولفولي عنك الناس شكثُر
گالوا أتعناله يجبر كل كسُر
وخاطرك بس تندب أسمه ينجبُر
خاليه ماترجع أيدك مستحيل
مايردها وهوه أبن حامي الدخيل
______
هوه باباً للحوائج يوصفوا
وهوه حلال المشاكل يعرفوا
ولذالك شيعه سنه يعتنوا
البابه يگصد كل مريض وكل عليل
مايردها وهوه أبن حامي الدخيل
______
عندي أول حاجه هيه كلمتين
شما يطول العمُر بيه والسنين
أبقى لآخر يوم(خادم للحُسين)
عن خدمته ماأريدن يوم أميل
مايردها وهوه أبن حامي الدخيل
______
مطلبي الثاني يبن عاشر حجج
كل محُب بسمه دعه اليوم ولهج
يمته بارينه يعجل بالفرج
چفوفك أرفعها يسيد للجليل
مايردها وهوه أبن حامي الدخيل
______
سيدي وآخر دعائي ومطلبي
ملتزم أبقى بصلاتي ومذهبي
وبطريق أحسين أنصب موكبي
الزينب أهديها خدمتي وللكفيل
مايردها وهوه أبن حامي الدخيل
____________________
الشاعر (أسعد قاسم الگريعاوي)
يلي عندك مطلب وهمك ثجيل
أگصد أبهذا المسه السبع الدجيل
____________________
ياموالي لو كثر همّك وزاد
صفي نيتك وأگصد السبع الشداد
والله ينطي بيمنتك كل المُراد
مجربينه ومايرد واحد دخيل
أگصد أبهذا المسه السبع الدجيل
_______
حلوه حيل أزيارته وتشفي العليل
شما ردت أحچي وأسولفلك قليل
يكفي هوه من نسل حامي الدخيل
وجدته الزهره الزچيه هالأصيل
أگصد أبهذا المسه السبع الدجيل
_______
هذا من أطهر رحم وأشرف نسب
والدِه بساگ العرش أسمه أنكتب
وأمه معروفه نسبها بالعرب
يضوي أصبح مرقده أبين النخيل
أگصد أبهذا المسه السبع الدجيل
_______
هذا سيد محمد وشانه عظيم
بالعطايه نعرفه كلش كريم
وبعلوم آل النبي مرجع حكيم
أقره عنه بالكُتب تلگه الدليل
أگصد أبهذا المسه السبع الدجيل
_______
يشبه العباس عمه أبو الفضل
هم شجاع وعينه تحمر لو زعل
والفحل طبعاً يخلف هم فحل
بي صفات هوايه من عمه الكفيل
أگصد أبهذا المسه السبع الدجيل
_______
هالأسد بارينه منطي منزله
مايرد محتاج من يگصد أله
مضيفه عامر كل وكت صاحب هله
وگهوته ماتبرد نهار أويه ليل
أگصد أبهذا المسه السبع الدجيل
____________________
الشاعر (أسعد قاسم الگريعاوي)
هوسات بمناسبة ولادة السيدة فاطمة الزهراء عليها السلام...
بميلاد الزچيه كلنه فرحانين
وعلى حب البتول الليلة مجتمعين
مأجورين ياشيعتها مأجورين
وللجنه الزهراء أتگودك
★★★★★★★
نگصد كربله لحسين أبو اليمه
ونهنيهِ بولادة فاطمة أمه
ونگله أنتوا ألنه سيدي رحمه
وياكم كل أحنه أوياكم
★★★★★★★
واجب هالمسيه ترحل الأحزان
أو واجب كل محب الفاطمة فرحان
تره الزهراء يم الله عظيمة شان
تشفعلك باچر بالمحشر
★★★★★★★
أنمله دار النبوه بمولد الزهره
فرح وسرور والهادي أنشرح صدره
وأملاك السمه زّفت إله البشره
والهادي بچفه تلگاها
★★★★★★★★★★
الشاعر (أسعد قاسم الكريعاوي)
متباركين بولادة سيدة نساء العالمين فاطمة الزهراء عليها السلام
فاطمه /هالليله مولدها
فاطمه /والخير من عدها
فاطمه فاطمه فاطمه فاطمه
♾♾♾♾♾♾♾♾♾♾♾
هالليلة مولد فاطمه الزهره الزچيه
چنها الگمر وسط السمه ويلالي ضيه
وألي حضر هذا الحفل حصّل هديه
ورده وعطرها من علي حامي الحميه
فاطمه / بالجنه مرقدها
فاطمه/والخير من عدها
فاطمه فاطمه فاطمه فاطمه
♾♾♾♾
هالليلة فرحان الموالي بهل ولاده
والعنده حاجه بهل مسه حصل مراده
ام الحسن عالدنيا مولدها سعاده
وأستبشر الهادي النبي بهاي الولاده
فاطمه / هنينه والدها
فاطمه/والخير من عدها
فاطمه فاطمه فاطمه فاطمه
♾♾♾♾
شكرًا الإلهي وسيدي صرنه محبين
لآل النبي المصطفى شيعه وموالين
ونتفاخر أحنه عالخلگ خدام الحسين
هذا الشرف ماأعظمه دگول أم البنين
فاطمه/ ونلوذ في سدها
فاطمه/والخير من عدها
فاطمه فاطمه فاطمه فاطمه
♾♾♾♾
فاطم وأسمها بالعرش باچر نشوفه
وياخذنه للجنه أبو الحمله بچفوفه
نتمسك بحيدر علي ولا مانعوفه
وهناكه يتلگه ابو الحمله ضيوفه
فاطمه /جينه ونعاهدها
فاطمه/والخير من عدها
فاطمه فاطمه فاطمه فاطمه
♾♾♾♾
من مولدچ يافاطمه أنجدد عهدنه
نبقه على نهجچ ولا نخلف وعدنه
من يگدرلنه وأنتي يازهره سندنه
للمرجعيه وللوطن ضحت ولدنه
فاطمه/يخسه الذي يضدها
فاطمه / والخير من عدها
فاطمه فاطمه فاطمه فاطمه
♾♾♾♾
وبمحفلچ يم الحسن مدينه إدينه
وأدعينه للمهدي الفرج راعي السفينه
طول غيابه أبن الحسن كلش علينه
فدوه نروح الشوفته وغرة جبينه
فاطمه/ والطلعتك ودها
فاطمه/والخير من عدها
فاطمه فاطمه فاطمه فاطمه
♾♾♾♾♾♾♾♾♾♾♾
الشاعر (أسعد قاسم الكريعاوي)
أويلاه ياسيدي/أويلاه ياسيدي
★★★★★★★★★★★★
شفنه اليوم نعش وأربعه يحملوا
وبوسط الجسر هاي العده وسدوا
مگيد بيده وبرجله ولا رحموا
هذا أبن الزجيه والعده غدروا
أويلاه ياسيدي/أويلاه ياسيدي
★★★★
حين إلي طبيبه من عرف مسموم
صاح بصوت چبدة ياخلگ مجسوم
وين أهله وعمامه وأخوته هاليوم
خل أيطالبون أبحقه هل مظلوم
أويلاه ياسيدي/أويلاه ياسيدي
★★★★
وين أهله وأخوته خل يحضرونه
ويفكون گيده وخل يغسلونه
وبهيدة الجسد لمن يوسدونه
تره مسموم چبدة ومختلف لونه
أويلاه ياسيدي/أويلاه ياسيدي
★★★★
خلص كل شبابه موسى بن جعفر
بطامورة سجن ظلمه ولا يگدر
يمّيز ليله من صبحه أبن حيدر
دليلة من الألم وي چبدته تفطر
أويلاه ياسيدي/أويلاه ياسيدي
★★★★
موسى بالسجن شاف المرار الوان
ولا چنهم يعرفون عظيم الشان
مچتوف بحديد وگايدة السجان
من سجن السجن تتنقله العدوان
أويلاه ياسيدي/أويلاه ياسيدي
★★★★
من أنشوف موسى بالحبل ينگاد
نتذكر مصيبة كربله تنعاد
مثل ما گيدوا جده علي السجاد
من البصرة سار الكاظم البغداد
أويلاه ياسيدي/أويلاه ياسيدي
★★★★★★★★★★★★
الشاعر (أسعد قاسم الكريعاوي)
للرضا صوتك يناعي وصّله
خل يجي الموسى أبن جعفر يحمّله
☆☆☆☆☆☆☆☆☆☆☆☆☆
روح ياناعي المصايب للرضه
وگله أبوك أبسجن أبن شاهك گضه
چبده مسموم وعضامه مرضرضه
خله يحضر وبدمعته إيغسله
خل يجي الموسى أبن جعفر يحمّله
☆☆☆☆☆
روح گله أربع حماميل الظهر
ذبت أجنازت الكاظم عالجسر
الجيتك هاي الجنازه تنتظر
وشيعته تنادي ودمعها سايله
خل يجي الموسى أبن جعفر يحمّله
☆☆☆☆☆
روح ياناعي المصايب والحزن
كله أبوك الكاظم أنسم أبسجن
والجسم من هل مصيبه منطعن
ميت برجله وبديه السلسله
خل يجي الموسى أبن جعفر يحمّله
☆☆☆☆☆
وروح ياناعي المحمد وأخبره
بحال موسى الكاظم شصار أوجره
شلون سمه إلا رشيد أو مرمره
وظلت أعله الجسر جذته مسبله
خل يجي الموسى أبن جعفر يحمّله
☆☆☆☆☆
السندي أبن شاهك على چتله علن
وأبامر هارون ينسم بالسجن
ويندفن كلش بعيد أعله الوطن
وليه أبن جعفر أمن الطاغي أنوله
خل يجي الموسى أبن جعفر يحمّله
☆☆☆☆☆☆☆☆☆☆☆☆☆
الشاعر ( أسعد قاسم الكريعاوي )
نعي للسيدة زينب عليها السلام
☆☆☆☆☆☆☆☆☆☆☆☆
بس أتذكر أسمچ تدمع العين
شمسويه بگلبنه يخت الحسين
أحلفچ بالذي گطعوله چفين
ماودچ تجي للغاضريه...
☆☆☆☆☆
ماودچ تجين وتنظر الناس
لهفتچ على أخوانچ يم الأحساس
مشتاگه شكثر أدري للعباس
ولخوچ حسين دمعاتچ جريه...
☆☆☆☆☆
ولخوچ حسين مابطلتي الدموع
يمن مايحلى لسمچ غير موضوع
تعالي وأشعليله بگتره الشموع
وجيبي وياچ شيله من رقيه...
☆☆☆☆☆
وجيبي وياچ شيله يالعقيله
وعلى حالتها أبد لا تشتكيله
حسين شگد يحب بنته دخيله
بحيث وياه آخذها للمنيه...
☆☆☆☆☆
بحيث وياه آخذها من/ بچتله
لإن ماتت لمن سمعت/بچتله
عيون السمه يازينب/بچت لا
بيوم الذبحوا حسين وأخيه...
__________________
الشاعر (اسعد قاسم الگريعاوي)
نزله لشهادة السيدة زينب عليها السلام
أويلاه يابت علي
♾♾♾♾♾♾♾♾♾
الليله زينب راحله
والمدامعه هامله
شيعوها بكربله /أويلاه يابت علي
♾♾♾♾
ماتت ولسه المتن
أزرك وحتى الجفن
مانشف من الحزن/أويلاه يابت علي
♾♾♾♾
وينه مگطوع النحر
وينه عباس الگمر
ماوصلهم هالخبر/أويلاه يابت علي
♾♾♾♾
ليلة أوداعچ صعب
خله دمعتنه تصب
ميته بدار الغرب/أويلاه يابت علي
♾♾♾♾
ياوحيده بدفنتچ
ياشهيده بغربتچ
وين عنچ أخوتچ/أويلاه يابت علي
♾♾♾♾
بگلبچ أنتي چم جرح
مايطيب وينمسح
راس أخوچ المنذبح/أويلاه يابت علي
♾♾♾♾
شفتي أنوع الصور
وشفتي چم راس أنبتر
وصدر الحسين أنكسر/أويلاه يابت علي
♾♾♾♾
شفتي عبد الله الطفل
بنحره من صابه النذل
وهوه عطشان أنچل/أويلاه يابت علي
♾♾♾♾
شفتي الأكبر هامته
أمطشره ياعمته
مزگوها إعمامته/أويلاه يابت علي
♾♾♾♾
وجاسم بيوم العرس
ضحه لحسين النفس
وأنطه للعالم درس/أويلاه يابت علي
♾♾♾♾♾♾♾♾♾♾♾
الشاعر (اسعد قاسم الگريعاوي)
وداعاً/عمتي ياعمتي
وداعاً/عمتي ياعمتي
♾♾♾♾♾♾♾♾♾♾♾♾
عمه زينب/راح أودعچ / آنه زين العابدين
وين أروحن/بعدچ آنه /عمه ليش أتغمضين
أنتي آخر/ذكره ظلت/عندي يم گلب الحنين
راح أشيعچ/آنه وحدي/بلايه عباس وحسين
أصيحن/الفرگتچ وآلهفتي
وداعاً / عمتي ياعمتي
♾♾♾♾
گولي عمه/وين أدفنچ/أحچي يانور العيون
آني أعرف/وين گبرچ / رايده بموتچ يكون
ياحسافه/والمسافه/بعيده كلش عالحنون
لابو فاضل/لاأحسينچ/ عمه بالدفنه يجون
بعيده/كربله ياحسرتي
وداعاً / عمتي ياعمتي
♾♾♾♾
آنه وانتي / چنه نبچي / عمه يوميه الغريب
الفگد أبويه/وفگد أخويه/وفگد عباس الحبيب
قلّه صبري/ وزاد وني /وكثر دمعي والنحيب
أهلي كلهم/ فارگتهم / مالي وياهم نصيب
إهلها/فوگ نعشچ دمعتي
وداعاً / عمتي ياعمتي
♾♾♾♾
اليوم چَنه/ مات ابويه / ومات عباس النفل
ومات الأكبر/ويه جاسم/ومات عبد الله الطفل
وذكرياتي / رجعتني / يم رقيه بالعجل
بالخرابه / وبين أديه / أختي وآفاها الأجل
بوداعچ/ودعت كل عيلتي
وداعاً / عمتي ياعمتي
♾♾♾♾
بكلشي أحنه / تشاركينه /وياچ عندي ذكريات
صرتي أمي/وصرتي أبويه/وصرتي كلشي بالحياة
رحتي عني /وراح كلشي/ وجتني بس النايبات
ريته والله / وياچ عمه / كون يلفيني الممات
شتاني/ومني راحت مهجتي
وداعاً / عمتي ياعمتي
♾♾♾♾
روحي عمه/وسلميلي/هوايه لأهلي وبالأخص
على أبويه/حسين كلش/وأرد أسولفله قصص
شسوه بيه/من دفنته/عمري من بعده نگص
رحتوا كلكم/يهلي والله/ وصبر البگلبي خلص
كتبتها/فوگ گبرچ قصتي
وداعاً / عمتي ياعمتي
♾♾♾♾♾♾♾♾♾♾♾♾♾
الشاعر (اسعد قاسم الگريعاوي)
مظلومه يازينب/مهضومه يازينب
☆☆☆☆☆☆☆☆☆☆☆☆
تعنه ياطير المسيه الكربله
وأحمل بجنحك رساله عاجله
للحسين أگصد وراعي المرجله
گلهم بهل يوم زينب راحله
مظلومه يازينب/مهضومه يازينب
☆☆☆☆
أو ريّح أجناحك أبتل الزينبي
خِبره ماتت هالمسه بنت النبي
راح تسمع منه أصوات السبي
وراح تشتم منه عطاب العبي
مظلومه يازينب/مهضومه يازينب
☆☆☆☆
ريت أبو فاضل والحسين وحسن
يحضرون الزينب أبوكت الدفن
ويمسحون بچفهم أدموع الجفن
يوجعنها لسه ضربات المتن
مظلومه يازينب/مهضومه يازينب
☆☆☆☆
كلمه گالت قبل لاتغمض العين
ريت گبري يصير بين الحضرتين
فوگ خد زينب أنحفرن كلمتين
بيهن أنكتبن حبيبي ياحسين
مظلومه يازينب/مهضومه يازينب
☆☆☆☆
آه لو أخوتها هل ليلة يجون
وهُمّه ياريت النعشها إيشعون
يحملوا عالراس مو فوگ المتون
بكربلاء أتمنت المرقد يكون
مظلومه يازينب/مهضومه يازينب
☆☆☆☆
من كثر ضيم المصايب بالأمس
حين تحچي منها ماينسمع حس
ضعفت وذبلت وتتلكم همس
بس تصيحن آه وي جر النفس
مظلومه يازينب/مهضومه يازينب
☆☆☆☆☆☆☆☆☆☆☆☆
الشاعر(أسعد قاسم الكريعاوي)
يابت علي وينه الگمر
معقوله يمچ ماحضر
وكت المنية/يالهاشمية
يابت علي/يابت علي
☆☆☆☆☆☆☆☆☆☆☆☆☆
معقولة ساعات الدفن وبآخر أنفاس
من كربله مايحضرچ ياحره عباس
ويشيله موفوگ المتن نعشچ عالراس
ماشفته شال أجنازتچ مابين هالناس
أفتر وأدور وألتفت
عن كافلچ بس ماشفت
ذاكه الشفية/يالهاشمية
يابت علي/يابت علي
☆☆☆☆
أنختمت حياتچ وأنتهت زينب سنينچ
بدار الغرب ياللأسف غمضتي عينيچ
متي وبقيت الكربله شابح حنينچ
بوسط اللحد نمتي وبقى عالي ونينچ
بترس أذني أسمع ونتچ
ياحره وأنتي أبحفرتچ
ونتچ شجية/ يالهاشمية
يابت علي/يابت علي
☆☆☆☆
ياحاضره كل الأهل وكت المنيه
وشافت عيونچ بالأمس حال الزچيه
وطبرت علي وچبد الحسن يالهاشميه
وأصعبهم أدريها عليچ الغاضريه
وسفه الغريب إيشيّعچ
وچفوفه غربه تدفنتچ
هاي المسية/يالهاشمية
يابت علي/يابت علي
☆☆☆☆
مايدري لو يدري الگمر هالليلة متي
يازينب وقبل الأجل بسمه صرختي
بس يوگف أعله جنازتچ هذا إلي ردتي
ماگلتي بچفوفه يجي ويحفر حفرتي
چني أحس يمچ نزل
يگلچ يزينب وبخجل
حگچ علية/ يالهاشمية
يابت علي/يابت علي
☆☆☆☆
مايبخل الجيتچ أبو فاضل وتدرين
عالشاطي صابوا هامته والسهم بالعين
وشلون يحمل نعشچ وماعنده چفين
لو بيدة يحضر يدفنچ بين الحضرتين
عذري الكفيل أوسامحي
بهذا العتب لا تجرحي
ونتچ خفية/يالهاشمية
يابت علي/يابت علي
☆☆☆☆
بيچ أشعر مسامحته ومقدره ضروفه
بس رادت أعيونچ ولو مره تشوفه
وأعله النعش ردتي يبت حيدر يطوفه
ماردتي يقره الفاتحه مگطعه چفوفه
صح ماأجه بجنازتچ
بس روحه جتي شالتچ
من الغاضرية/يالهاشمية
يابت علي/يابت علي
☆☆☆☆
كاتب ألچ يابت علي هاي القصيدة
قبليها من عندي يبت ذاك الصميدة
راح أكتب أبهذا الشطر ماتت شهيدة
متي لمن شفتي أخوچ أنحز وريدة
مرتين متي من البله
بالشام وبطف كربله
شفتي أذية/ يالهاشمية
يابت علي/يابت علي
☆☆☆☆☆☆☆☆☆☆☆☆☆☆
الشاعر ( أسعد قاسم الكريعاوي )
أبوذيات إلى سيدي ومولاي
أمير المؤمنين علي أبن أبي
طالب.سلام الله عليه
★★★★★★★★
أأدي ألكم تحية حب/وسلم
وصلي عالنبي وآله/وسلم
فاز الواله أبو الحمله/وسلم
وأخذ صك الولايه الحيدريه...
★★★★
لساني من الزغر يلهج / بسمه
بميلاده زرع عالشفه/بسمه
أفرح يالموالي وصيح / بسمه
وصلي عالنبي سيد البريه...
★★★★
علي بشباچه شدينه /علگنه
ومناشير الفرح لجله /علگنه
شموع الفرح هالليلة /علگنه
ونقدملك ورد حيدر هديه...
★★★★
يعاذل ليش متحير / ومالك
العشگ كله لبو الحملة/ومالك
أخذت الدرس من ميثم/ومالك
أضحي روحي الحامي الحميه...
★★★★
حبك من صدر أمي/علي در
تغذيته وأحس بيه /علي دار
كل الناس تشهدله/علي در
يويله الينكره يوم المنيه...
★★★★
وحگ إلي جعل للأمه /خاتم
وحگ إلي بصلاته زكه /خاتم
تهوى من الصراط بدون/خاتم
إله من علي توقع الهويه...
★★★★
الشيعه بمولدك يمك/حضرتك
يجنة عدن من ندخل/حضرتك
عدنه أمنيه نشاهد /حضرتك
يحيدر يوم تحضرنه المنيه...
★★★★★★★★★
الشاعر(أسعد قاسم الكريعاوي)
صلاوات صلاوات على محمد وعلي
♾♾♾♾♾♾♾♾♾♾♾
شيعه ونوالي المصطفى وآله وفلحنه
وأحنه بشفاعتهم بلايه شك ربحنه
وأحنه بحزنهم نستعد ونحزن أحنه
وأحنه بفرحهم هالمسه كلنه فرحنه
والهموم والهموم هالليلة كلها تنجلي
صلاوات صلاوات على محمد وعلي
♾♾♾♾
بأول رجب مولد الباقر ياجماله
ماخذ حِسن جده النبي الهادي وكماله
وثاني رجب ميلاد هادينه تلاله
صلوا على محمد المختار وآله
يمحبوب يمحبوب أنته حبيبي الأولي
صلاوات صلاوات على محمد وعلي
♾♾♾♾
بعاشر رجب من هالشهر دلالي مسرور
نتعنه كلنه الحضرته بميلاده ونزور
بالكاظمية أبن الرضا گبره يشع نور
كلمن يزوره أبمرقده يرد منه مجبور
يمولاي يمولاي أحنه بوجودك نعتلي
صلاوات صلاوات على محمد وعلي
♾♾♾♾
وب١٣ من هالشهر مولد أميري
حيدر علي المرتضى باچر نصيري
كل عام أجدد بيعته بيوم الغديري
بالجنه باچر ياخلگ يصبح مصيري
يبو حسين يبو حسين وألي يضدك يبتلي
صلاوات صلاوات على محمد وعلي
♾♾♾♾
وبهل ولادات شكثر عدنه آماني
أولها تعجيل الفرج صاحب زماني
هالغيبه طالت كلش ومنها نعاني
يوميه يلهج بي تره گلبي ولساني
يموعود يموعود الرايه بسمك تعتلي
صلاوات صلاوات على محمد وعلي
♾♾♾♾♾♾♾♾♾♾
الشاعر ( أسعد قاسم الكريعاوي )
بايعناك ياحيدر
بايعناك ياحيدر
★★★★★★★★★★★
هذا البيان أنذيعه /بايعناك ياحيدر
بيوم الغدير الشيعه/بايعناك ياحيدر
بالدم توقع البيعه / بايعناك ياحيدر
بس العلينه أنطيعه/بايعناك ياحيدر
بايعنه أبو الحمله/لا والله منمله
بيعته ماتتكرر/بايعناك ياحيدر
★★★★
والما يوالي حيدره/بايعناك ياحيدر
خسران دنيا وآخره /بايعناك ياحيدر
لله نحمده ونشكره /بايعناك ياحيدر
لا مو أصيل الينكره/ بايعناك ياحيدر
والي نكر أسمه/خل يرجع الأمه
الحمد لله والشكر/بايعناك ياحيدر
★★★★
من حگنه لازم نفتخر/بايعناك ياحيدر
بالدنيا وبيوم الحشر /بايعناك ياحيدر
لا مانخاف أمن الگبر/بايعناك ياحيدر
ولايتنه بيها ننتصر / بايعناك ياحيدر
نادوا يشيعتنه/حيدر هويتنه
لا مانخاف أمن الخطر/بايعناك ياحيدر
★★★★
الليلة تنادي شيعتك/بايعناك ياحيدر
ياعلي ترفرف رايتك /بايعناك ياحيدر
حلوه يحيدر سيرتك/ بايعناك ياحيدر
بالحشر رايد نضرتك/ بايعناك ياحيدر
لا ماتخلينه/بحيره يوالينه
أجمعنه ويه قمبر/بايعناك ياحيدر
★★★★
يم حضرتك نتعنه /بايعناك ياحيدر
بسمك نظل نتغنه/بايعناك ياحيدر
بس حبك اليجمعنه/بايعناك ياحيدر
أمبارك علي رددنه /بايعناك ياحيدر
ياعلي خطارك/مجتمعه يم دارك
هالليله يمك نسهر/بايعناك ياحيدر
★★★★
نحمل ورد هالليلة /بايعناك ياحيدر
والحضرته نمشيلة/بايعناك ياحيدر
للمهدي خل ندعيلة/بايعناك ياحيدر
قرب يرب تعجيلة/ بايعناك ياحيدر
ياربي للمهدي / هذا الحفل نهدي
طول مغيبه المنتظر /بايعناك ياحيدر
★★★★★★★★★★★
الشاعر (أسعد قاسم الكريعاوي)
تبقى تلمع گبته / غصبن أعله العادته
ياعلي الهادي / ياعلي الهادي
★★★★★★★★★★★★★★
ياعلي الهادي مصابك بالگلب لا مايطيب
محنتك يبن الزچية كل طفل منها يشيب
بزود حشد الله المقدس بالصحن ينعه الخطيب
ويعتلي الرادود يقره ويبتدي نوح ونحيب
وتنعى هذي شيعته/غصبن أعله العادته
ياعلي الهادي /ياعلي الهادي
★★★★
عاليه تبقى المناير شامخات وللأبد
شوكه بعيون الأعادي وماتمسها أهل الحقد
عدنه أبطال وغياره منهو يوصلنه بعد
يالذي تسئل عليهم ذوله أبطال الحشد
تبقى تضوي شمعته/غصبن أعله العادته
ياعلي الهادي/ياعلي الهادي
★★★★
نادت بصوت الغياره منهو يوصل للضريح
وداعت المهدي ولينه مايهز سامره ريح
نطيح كلنه العلي الهادي وگبته لا ماتطيح
احنه منصورين والله ومايصح إله الصحيح
مانتركه بغربته/غصبن أعله العادته
ياعلي الهادي /ياعلي الهادي
★★★★
صح بچت سامره مره والدمع منها جره
والله ماننساها ألهم والله دنيا وآخره
بكل قتال أحنه أنتصرنه أحنه شيعة حيدره
ونتحد كلنه بعددنه والبقيع أنحرره
نرد بقيع وهيبته/غصبن أعله العادته
ياعلي الهادي/ياعلي الهادي
★★★★
أنتوا ياآل النبوه وجدكم الهادي الرسول
كلمن يضدكم جزائه جنة الله ماينول
ندري كل هاي العداوه بغضاً بفحل الفحول
لأن حيدر ذل بطلهم بالأمس وكت النزول
علي غيره لافته/غصبن أعله العادته
ياعلي الهادي /ياعلي الهادي
★★★★
وين أعداء إلأيمه مابقی الهم گبر
حتی من إيمر أسمهم باللعن من ينذكر
همّه مفضوحين والله وهُمّه شيمتهم غدر
سجل التاريخ ألهم صفحه سوده بكل عصر
تبقى تخفگ رايته/غصبن أعله العادته
ياعلي الهادي /ياعلي الهادي
★★★★★★★★★★★★
الشاعر (أسعد قاسم الكريعاوي )
فزاعي لسبع الدجيل السيد محمد عليه السلام
يمك حاجتي أگضيها
ياسبع الدجيل أنخاك يمك حاجتي أگضيها
___________________________
انخاك بدموع العين /يمك حاجتي أگضيها
بس آلك أنطي الأدين/يمك حاجتي أگضيها
لا تردها يالحنين / يمك حاجتي أگضيها
حلفتك ببوك حسين /يمك حاجتي أگضيها
صعبه الحاجه تدريها
ياسبع الدجيل أنخاك يمك حاجتي أگضيها
______
يل عنك تگول الناس/ يمك حاجتي أگضيها
مالك بالكرم مقياس / يمك حاجتي أگضيها
تشبه عمك العباس / يمك حاجتي أگضيها
غيره ومرجله ونوماس/يمك حاجتي أگضيها
الهامه أبابك أحنيها
ياسبع الدجيل أنخاك يمك حاجتي أگضيها
______
ثلث تنعام المسميك /يمك حاجتي أگضيها
سبع وبالشدد أنخيك /يمك حاجتي أگضيها
تجبر خاطري أدريك /يمك حاجتي أگضيها
سلمته الأمُر بيديك /يمك حاجتي أگضيها
وعيني لا تبچيها
ياسبع الدجيل أنخاك يمك حاجتي أگضيها
______
جيت المرقدك عناي/يمك حاجتي أگضيها
وأشكيلك هضم بلواي/يمك حاجتي أگضيها
وشايل رايتي ومشاي/يمك حاجتي أگضيها
تعبني الوكت مولاي/يمك حاجتي أگضيها
أريد همومي تجليها
ياسبع الدجيل أنخاك يمك حاجتي أگضيها
______
مضيفك عامر وهالدار /يمك حاجتي أگضيها
تتعنه أله زوار /يمك حاجتي أگضيها
وأنته الماترد محتار /يمك حاجتي أگضيها
وأدري تكرم الخطار /يمك حاجتي أگضيها
كل عِلّه أنته تشفيها
ياسبع الدجيل أنخاك يمك حاجتي أگضيها
______
ياسبع الدجيل اليوم /يمك حاجتي أگضيها
فرّح كل گلُب مهموم /يمك حاجتي أگضيها
ياشبل النبي المعصوم/يمك حاجتي أگضيها
ياعم ناصر المظلوم / يمك حاجتي أگضيها
أطلبها من أهاليها
ياسبع الدجيل أنخاك يمك حاجتي أگضيها
___________________________
الشاعر (أسعد قاسم الگريعاوي)
أبوذيات لولادة الزهراء عليها السلام
★ ★ ★ ★ ★ ★ ★ ★
بفضلها يحچي حيدرها/وإباها
وأبأهل نجران قدمها / وباها
أمه للنبي صارت / وأباها
وروحه وشهگت أنفاسه الزچيه...
★★★★
على كل النسه ربنه/ فضّلها
تشرفت خادمه بيه/فضه لها
الزچية عالخلگ الله /فضلها
أهدعش معصوم يهدون البريه...
★★★★
بنور الزهره چم مبغض/هديته
وثوب العرس للسائل / هديته
اليشارك هالفرح حصّل/هديته
تقضي حاجته بهاي المسيه...
★★★★
على حبكم وعينه أحنه/ وفقنا
وعلينه أعله البشر بيكم/وفقنا
ألآهي بفاطمة أكثر / وفقنا
وشفاعه نريد من سيد البريه...
★★★★★★★★★★
الشاعر (أسعد قاسم الكريعاوي)
للمصطفى الباري بشّر
أنا أعطيناك الكوثر
★★★★★★★★★★★★★
من الله نزلت للنبي سورة الكوثر
وللمصطفى جبريل هاي الليلة بشر
بعطر الجنان أبهل مسه داره تعطر
للباري صلى المصطفى الهادي وتشكر
وإلي يضدك هوه الأبتر
أنا أعطيناك الكوثر
★★★★
هنياله من يملك إسم فاطمه بالدار
لا فقر يدخل داره لا جن ولا أسحار
إسم الزچيه فاطمة بي كثرة أسرار
اليندب إسمها بالحشر مايدخل النار
والوالآها خلّه يفخر
أنا أعطيناك الكوثر
★★★★
حرز وأمان أمن الخطر فاطم أسمها
هنياله من والآهه ونياله الخدمها
زهرة محمد فاطمة فاز اليشمها
العن يربي من غصب حگها وضلمها
هذا المحفل بيها تعطر
أنا أعطيناك الكوثر
★★★★
كل شيعتچ يافاطمة بجيتچ بهيجه
وهذا الفجر بسمچ ضوه وأنفتح ريجه
كلمن مشه بدربچ أخذ أعله نتيجه
نرفع تهاني للنبي الهادي وخديجه
والكوكبُ في دارِكَ أزهر
أنا أعطيناك الكوثر
★★★★
باچر نصل دار الذي فاز الوصلها
أرض البقيع وفاطمه لازم نصلها
والعاده أولاد النبي نگطع أصلها
وهيبة ولد آل النبي تعود الأصلها
وأنسّمع أصحاب المنكر
أنا أعطيناك الكوثر
★★★★★★★★★★★★
الشاعر (أسعد قاسم الكريعاوي)
ودعتكم وأنتظركم وألكم أشتاگ
أكتب عذابي
عاتبتكم بيه تسعر نار الفراگ
هاكم جوابي
_______________________
عاتبتكم وأنتظركم ماتجوني / يولاد
والله يولادي وبديكم تحملوني / يولاد
حتى لو بالطيف أريدن تحضروني/يولاد
محلى لمتكم تجون أتشيعوني / يولاد
گربت ساعة منيتي ياضوه العين
وأشدد حنيني
ريت أشوفن قبل موتي أبني الحسين
هوه وبنيني
________
والله ردته يحضر وعازته عازه /الحسين
والگبر هوه الذي إيحّضر جهازه/الحسين
شگد تمنيته يجي يشيل الجنازه/الحسين
يطمئن الميت بشوفت أعزازه /الحسين
برايته العل گبه ريت إيچفنوني
وأغفه أعله عطره
وبالفرات اليجري كون إيغسلوني
ومن دِمه قطره
_________
حلمي مايتحقق وأعرف طيوفه / ياناس
وألي مايحضر ألي مقدره ضروفه / ياناس
أدري عالشاطي الگُمر طاحن چفوفه/ياناس
بس ردت طيفه يجي العيني تشوفه / ياناس
أدري مني مستحي وآني عذرتك
يبني وحبيبي
والنعم ماقصرت گالتلي أختك
طاهر حليبي
_________
موتي حان وگلبي عالأولاد محزون/والله
ماأجه عبد الله لا جعفر ولا عون/والله
وشكثر مشتاگه ألهم هايه العيون/والله
يُمه من أعتب عليكم لا تزعلون/والله
آني ردت أبموتتي وبآخر أنفاس
يمي تجوني
عالجنازه يصلي الحسين إويه عباس
وتشيعوني
_________
إلي تفگد بس ولد وتغيب شمسه/ويلاه
نگول الله يعينها وشلون تنسه/ويلاه
شحال گلبي وأفگدت أولادي خمسه/ويلاه
وكل شخص تارك سهم بگليبي أحسه/ويلاه
مانِمت ليلي مثل ما نامِته الناس
عليّ جفوني
يكتل أفراگ الأبن ويّشيب الراس
ليه أسئلوني
_________
عندي ظلت أمنيه وأدريها صعبه /يحباب
مايصح گبري بكتر ولدي الأحبه /يحباب
بس ردت منهم ولو توصلني تربه /يحباب
حتى ماأشعر أبد عنهم أبغربه /يحباب
شگد تمنيت أندفن بالغاضريه
يم الأحبهم
بين أبو اليمه الحُسين وبين أخيه
وأغفه بكترهم
________________________
الشاعر (أسعد قاسم الگريعاوي)