639
كل الخدم تنهان شفناها بالعين بس بكرامة تعيش خدام الحسين
خلي نرفع لله هاليوم الأدين
نطالب بحق الأيمه الطيبين
☆☆☆☆☆☆☆☆☆☆☆
بثامن بشوال چم گلب أنهدم
والفرح من يوم هالمحنه أنعدم
وبگلب جدهم محمد چم سهم
مو سهل هذا الخبر يامؤمنين
نطالب بحق الأيمه الطيبين
☆☆☆☆
مرت أعوام أعله هاي الفاجعه
قله جداً ياوسف بيهم دعه
أصحوا ياعالم ولد طه أربعه
گبورهم مهدومه أمام الناضرين
نطالب بحق الأيمه الطيبين
☆☆☆☆
يمته نصحه وبينه يهتز الضمير
نصير وحده الأيد ضد ولد الضرير
الموته وحده وخل يصير إلي يصير
الموته حلوة بهالدرب أي والحسين
نطالب بحق الأيمه الطيبين
☆☆☆☆
الله يلعن من رضه بهذا الفعل
الشاف حال آل الرسول أوماخجل
والرضه ضد حيدرة گادة جمل
هذا دينه مزيف وماعنده دين
نطالب بحق الأيمه الطيبين
☆☆☆☆
أصحوا أصحوا يامن توالوا علي
عالبقيع الصرخه لازم تعتلي
لو سكتنه باچر أحنه ننولي
خل نسوي ثورة ضد الكافرين
نطالب بحق الأيمه الطيبين
☆☆☆☆
اليمته يبقى الغرقد أبأيد اليهود
وماأظن الوعيه أبن هنده يعود
عمله ذو وجهين ياآل سعود
أنتوا وأسرائيل كلكم ظالمين
نطالب بحق الأيمه الطيبين
☆☆☆☆
لازم أنفك القيود أمن البقيع
تشارك أبموضوعه ياناس الجميع
وينه وينه الصاح حقكم مايضيع
وماعرگ وسفه عليهم أي جبين
نطالب بحق الأيمه الطيبين
☆☆☆☆☆☆☆☆☆☆☆☆
الشاعر( أسعد قاسم الكريعاوي )
أبوذيات لأستشهاد الإمام علي عليه السلام
★★★★★★★★★★★★
عن لسان حال شيعة علي عليه السلام...
مجالسنه على الكرار /تنصاب
ومدامعنه دمه هاليوم/تنصاب
علينه هامته بالسيف /تنصاب
وعلى مصلايته دمائه جريه...
★★★★
عن لسان حال الإمام الحسن عليه السلام...
جرح راسك فلا يضمد/ولاطاب
ومُر الزاد بفراگك / ولا طاب
بعد ماأدخل الداري/ ولا طب
وحشه بدونك الدار وخليه...
★★★★
عن لسان حال الإمام الحسين عليه السلام...
أنه حسين ودموعي عليك/ينصاب
وعليك المأتم بكل يوم / ينصاب
شفت راسك يبويه بسيف/ينصاب
صوابك كلف راواك المنيه...
★★★★
عن لسان السيدة زينب عليها السلام...
گصدك ياعلي شنهو / ونوياك
الونينك گلبي يابويه/ ون وياك
أذا ناوي علي ترحل / أنه وياك
ويوسدونه بگبر واحد سويه...
★★★★
عن لسان السيدة زينب عليها السلام...
لظل طول العمر أكبد / بها ماي
وعيوني أعليك ماظلت /بها ماي
يريت السيف يطبرني / بها ماي
وتظل سالم يحماي الحميه...
★★★★★★★★★★
الشاعر (أسعد قاسم الگريعاوي)
لمة عزه لوفاة السيدة خديجة بنت خويلد رضي الله عنها وأرضاها
هالمسه العالم حزين/ماتت أم المؤمنين
♾️♾️♾️♾️♾️♾️♾️♾️♾️♾️♾️♾️
بالحزن هذا الصباح أنفتح ريجه
تنعه مكه وينعه بيت الله وحجيجه
وكل محب لآل النبي تعاله ضجيجه
من سمع هذا الخبر ماتت خديجه
والنبي صاح بونين/ماتت أم المؤمنين
♾️♾️♾️♾️
زوجة الهادي الوفيه والحنينه
إلها يعالم مواقف وي نبينه
چانت بأموالها تنصره وتعينه
بيها قام الدين وبسيفك علينه
ناده جبريل الأمين/ماتت أم المؤمنين
♾️♾️♾️♾️
أمراءه چانت لآچنها شگد أصيله
ويه أبو الزهره مواقفها جميله
بكلشي ضحت كلشي نذرت في سبيله
وللنبي يوميه چانت تندعيله
ناده سيد المرسلين/ماتت أم المؤمنين
♾️♾️♾️♾️
عاشر برمضان هذا الخبر جانه
خبر موتچ ياخديجه ألمانه
الليله جبرائيل ينعاچ بسمانه
وبالحزن ناده بلال بصوت أذآنه
مكه نادت بالأنين/ماتت أم المؤمنين
♾️♾️♾️♾️
طه حيل أتأثر بهاي الرزيه
وصاح يامحلى الوداع بهل مسيه
دمعته فوگ الوجه صارت جريه
ويمسح بچفينه دمعات الزچيه
راحت أم گلب الحنين/ماتت أم المؤمنين
♾️♾️♾️♾️
ماتت أمچ فاطمه والله يعينچ
يايتيمه وصابره من أول سنينچ
ومن يموت المصطفى يكثر ونينچ
والعده باچر يسطروچ إعله عينچ
ومنچ إيطيح الجنين/ماتت أم المؤمنين
♾️♾️♾️♾️♾️♾️♾️♾️♾️♾️♾️♾️
الشاعر (أسعد قاسم الگريعاوي)
شهر رمضان أجه وأذكرنه الأحباب
شگد عدنه حبايب جوه التراب
حله النوم بگبرهم/بعد لينه شيردهم
ياجرح الهجر بالروح ماطاب
شگد عدنه حبايب جوه التراب
☆☆☆☆☆☆☆☆☆☆☆☆☆
بهل شهر العظيم وهاي الأيام
أرحم ياالآهي بحال الأسلام
وي وكت الفطور تهيج الآ لام
تشوف الدمعه تضوي بخد الأيتام
الصبر من عدنه مل ويگول بعديش
الذي يزرع ورد يحصد حزن ليش
الدهر ظالم غدرهم/بعد لينه شيردهم
ياجرح الهجر بالروح ماطاب
شگد عدنه حبايب جوه التراب
☆☆☆☆
الآهي أبهل شهر صبر أهلهم
وأرحم حال أبوهم ويه أمهم
نهل أدموع إذا نذكر أسمهم
نجر حسرة لمن ننظر صورهم
التشييع الولد نذرناها الأچتاف
وعلى باب العزه ينراد وگاف
يهد حيلي بعُدهم/بعد لينه شيردهم
ياجرح الهجر بالروح ماطاب
شگد عدنه حبايب جوه التراب
☆☆☆☆
الفراشه تموت أذا ماتلگله بستان
يموت الورد لو فارگ الأغصان
السفينة أتيه أذا مابيها قبطان
ويهيج الآلم من يلفي رمضان
يطيح البيت إذا راعيه مفگود
بوجه أهله الفرح بيبانه مسدود
ينادون بدمعهم/بعد لينه شيردهم
ياجرح الهجر بالروح ماطاب
شگد عدنه حبايب جوه التراب
☆☆☆☆
أتركوا بينه جرح مايقبل أيهيد
يظل يلچمنه كل مايگرب العيد
على آثار الوجه بانت تجاعيد
الگلبه منكسر دمعاته شتفيد
إذا تغيب الشمس ويحل الغروب
يگلبي بهل وكت الصبر مطلوب
شكثر روحي تحبهم/بعد لينه شيردهم
ياجرح الهجر بالروح ماطاب
شگد عدنه حبايب جوه التراب
☆☆☆☆
الدافن غالي يبقى محني ظهره
ويّبين تره من أبعيد كسره
وتظل العيشه طول العُمر مره
واليفگد عزيز أيضيق صدره
عيده يصير مو مثل اليعيدون
على صوب النجف مشبوحه العيون
يعيدون بكترهم/بعد لينه شيردهم
ياجرح الهجر بالروح ماطاب
شگد عدنه حبايب جوه التراب
☆☆☆☆☆☆☆☆☆☆☆☆☆
الشاعر (أسعد قاسم الكريعاوي)
هوسات شعبانيه...
حسين بمولدك هالشيعه مبتشره
يارازقنه أنته العِبره والعَبره
مجنونين كلنه بخامس العتره
(چن عابس بيك أنجنينه)
☆☆☆☆☆
حين إلي نولد راعي العلم والجود
غيره أنولدت أوياه وشهامه وزود
أحلى من الگمر وبهاي عندي شهود
(چفينه وگبته والرايه)
☆☆☆☆☆
مشتاگ أمشي للسجاد هالليله
وبأرض البقيع أشموع أضويله
وبميلاده هاي الهوسه أهديله
(وأهديله عمري وايامي)
☆☆☆☆☆
اهدش شعبان لبو اليمه انولد الأكبر
چنه جده طه المصطفى أتكرر
وجهه كوكب ودري قد أزهر
(والنجمه تغار من عيونه)
☆☆☆☆☆
بيوم أخمسطعش شعبان أجمل يوم
ميلاد الأمام الطاهر المعصوم
ناصر كل فقير وناصر المظلوم
(للمهدي كل أحنه جنوده)
☆☆☆☆☆
عدنه رجال متهاب المنيه
زلم گول وفعل قسموا سويه
وحگ زينب وأبو فاضل وأخيه
نضحي أرواحنه للمرجعيه
كل أحنه/ولد السيستاني
♾♾♾♾
آنه أدري البعض مقهور من عندي
لأني بالحشد آنه صرت جندي
وأصيح بصوت عالي وأرفعت يدي
إلف رحمه على روحك يبو مهدي
يازلمه/وكلها يهابونه
♾♾♾♾
بي هذا الحشد جون وحبيب اليوم
وإلف عابس برز مثله ويشگ هدوم
وشفنه الأكبر وجاسم برز عالگوم
وشفنه إلي نطه چفينه چل جيدوم
بزنوده/حاضنها الرايه
♾♾♾♾♾♾♾♾♾♾
الشاعر ( اسعد قاسم الگريعاوي )
قصيدة للامام المهدي عج
الگلب من وحده ناده
هلا بهاي الولاده
بنصف شعبان نادينه/هلا بهاي الولادة
☆☆☆☆☆☆☆☆☆☆☆☆☆☆
أنفتح ريج الصبح هاي المسية
بولادة صاحب الطلعه البهية
بنصف شعبان رافع هاي أدية
الآهي عجل أمر أبن الزچية
أملنه وكل رجانه
لبو صالح دعانه
رفعنه اليوم إيادينه/هلا بهاي الولادة
☆☆☆☆
بمناشير الفرح ممليه كل دار
الخبر هذا غمرنه زغار وكبار
يمهدينه يطاهر يبن الأطهار
بميلادك كتبنه أجمل أشعار
كتب شاعر أو رادود
هلا بجيتك يموعود
وعلى أسمك تغنينه/هلا بهاي الولادة
☆☆☆☆
أنمله كل دار بالحب والسعادة
وفرح كلب الموالي أبهل ولادة
وبأسم المنتظر جبريل نادة
ونشر جنحه لبو صالح وسادة
وبخمسطعش شعبان
الأنس فرحان والجان
وعلى حبه تلاگينه/هلا بهاي الولادة
☆☆☆☆
بميلادك حملنه الورد والياس
وسعادتنه بوجودك لامتنقاس
وتعايدنه وتبادلنه هالأحساس
يرب ديم الفرح والخير عالناس
رفعناهن أدينه
البارينه ودعينه
يرب دوم الفرح لينه/هلا بهاي الولادة
☆☆☆☆
جعل هذا غيابك عالبرايه
الآه الكون عنده بيها غايه
ألف سر وألف حكمه ودرايه
يريد الحق يظهره بالنهايه
الأرض يمليها قسطاً
لأبو صالح وعدلاً
ننصره أحنه تمنينه/هلا بهاي الولادة
☆☆☆☆
بقت بين الظلع مولايه جمره
متى يومك يبو صالح ننظره
بظهورك سيدي كل جرح يبره
متى سيفك من گرابك تشهره
صبرنه شگد صبرنه
القدومك وأنتظرنه
المحب يمته تگر عينه/هلا بهاي الولادة
☆☆☆☆
عهد بالدم أوقعلك يمهدي
أظل منتظرك آنه أو ولد ولدي
شكبر حضي أذا تقبلني جندي
وأنصرنك وأحقق بيك وعدي
يمهدي أمنياتي
أشوفك في حياتي
يرب حقق أمانينه/هلا بهاي الولادة
☆☆☆☆☆☆☆☆☆☆☆☆☆
الشاعر (أسعد قاسم الكريعاوي)
مقطوعات صلواتيه للإمام المهدي عليه السلام
شعبانُ قد حلّ بنا
بالمهديُ تزهي أرضُنا
بارك لنا ياربنا /صلوات
♾♾♾♾♾
قد حل نور المنتظر
في النصفِ من هذا الشهر
يامن حضرتم لجلهِ
صلوا على خير البشر /صلوات
♾♾♾♾♾
العينُ تشتاقُ لهُ
والقلبُ يهفو حولهُ
إن تسئلوني مسمهُ
فأنهُ مُحمدُ /صلوات
♾♾♾♾♾
ياربي عجل أمرهُ
ياربي أشفي صدرهُ
يامن حييتم ذكرهُ
صلوا عليهِ وسلمُ /صلوات
♾♾♾♾♾
ياوارثً لبني العلا
ياكوكباً ملأ الدُجى
فالكلُ مشتاقٌ إلى
شبلُ النبيُ المصطفى /صلوات
♾♾♾♾♾
القلبُ والروحُ أفتتن
والعينُ فارقها الوسن
بقدومك يبن الحسن /صلوات
_________________
الشاعر اسعد قاسم الگريعاوي
گلبي كل دگه اليدگها / مهدي مهدي
روحي بس أنته عشگها/مهدي مهدي
تارس الدنيا ضواك/عميه عين الماتراك
مهدي مهدي~~~مهدي مهدي
★★★★★★★★★★★★★★★
وين ساكن يابو صالح بالسمه لوبالأرض
نورك التارس الدنيا ننظره طول بعرض
آنه يوميه أذكرك سيدي فرض بفرض
منتظر أي خبر منك حتى أركضلك ركض
عيني يايوم وتشوفك / مهدي مهدي
وأنحني البوست چفوفك/مهدي مهدي
سيدي رايد رضاك/عمية عين الماتراك
مهدي مهدي~~~مهدي مهدي
★★★★
تبقى لشگد أنته غايب عالحبايب يالحبيب
والله هنياله اليشوفك والحضه بهذا النصيب
مبتلين بمرض أحنه ومالگيناله طبيب
أنته بس وحدك دوانه لا تطول بالمغيب
كاتب بگلبي عبارة/مهدي مهدي
ياأمل كل الحيارة/مهدي مهدي
نجمه خليني بسماك/عمية عين الماتراك
مهدي مهدي~~~مهدي مهدي
★★★★
أعترفلك يابو صالح كله من عندي السبب
أنته ماتظهر لأنه گلبي مملي بالذنب
أني لو أصلح أموري چان يومك يقترب
وچان بالعين البصيرة شفتك ومامنحجب
أعترفلك يابو صالح /مهدي مهدي
هذا ذنبي وأنته سامح/مهدي مهدي
لا تخليني بكفاك/عمية عين الماتراك
مهدي مهدي~~~مهدي مهدي
★★★★
ينبض بحبك دليلي وقطره قطره من دماي
منكتب أسمك عليها ياطبيبي ويا دواي
سولفولي شكثر عنك وآنه يالمهدي بصباي
وأكبرت بس ردت أشوفك يانظر عيني وضواي
ريت أشم مولاي عطرك/مهدي مهدي
خاف أموت وماأنظرك/مهدي مهدي
رايد أستنشق هواك/عمية عين الماتراك
مهدي مهدي~~~مهدي مهدي
★★★★
من جبينك شمس ربنه تشرق بأول فجر
وإلي مؤمن بيك والله يشوفك بعز الظهر
بينت بعض العلايم والوضع مامستقر
يمك ويم الله باقي سيدي هذا الأمر
كل فرض نرفع الايادي/مهدي مهدي
ندعي بارينه وننادي /مهدي مهدي
كل گلب مؤمن دعاك/عمية عين الماتراك
مهدي مهدي~~~مهدي مهدي
★★★★
حسين وارث الأنبياء وأنته وارث الأثنعش
بچه يعگوب أعله يوسف ماملوا عينه أهدعش
گلبي من هسه يمهدي ألك سجاده أنفرش
الشوفتك عيني ونظرها والله كاتلها العطش
ياأمل كل اليتامه /مهدي مهدي
يمته ترجع بالسلامه/مهدي مهدي
والله ماعدنه سواك/عمية عين الماتراك
مهدي مهدي~~~مهدي مهدي
★★★★★★★★★★★★★★★★★
الشاعر (أسعد قاسم الكريعاوي)
يل همك ثجيل وتدمع العين
روح وأعتني لأرض الجوادين
دگ أبلهفه بابه/تتلگه جوابه
روح وأعتني لارض الجوادين
☆☆☆☆☆☆☆☆☆☆☆☆☆☆
عدنه بالعراق أو بالأخص بالكاظمية
مستشفى تجي ليها الخلگ صبح ومسية
للمستعصي أمره يعتنيها المغربية
لأن هذا الوكت بي حاضره الزهره الزچية
متعوف الصحن أمه الزچية
تلگاها تون ونه شجية
من تنعه الشبابه/تتلگه جوابه
روح وأعتني لارض الجوادين
☆☆☆☆
من دمعت عيونك ياموالي حني بابه
وأتذكر رزيته ومحنته ولوعة مصابه
أطلب حاجتك بدموعك وحلفه بشبابه
لو نشفت دمعتك يعني رجعلك جوابه
ميردك أبد عطاي المراد
وارث هالكرم هذا إبن الإمجاد
لو جيت برحابه/تتلگه جوابه
روح وأعتني لارض الجوادين
☆☆☆☆
شيخ الوائلي لمن عمت بنته بلهفته
طب الحرضته والعبره مسفوحه بوجنته
حاچاه وطلب منه النظر يرجع لبنته
لحظات وتشافت من فضل الله ورحمته
باب الباري بابه وعنده برهان
ميخلي اليگصده والله حيران
من تشتم ترابه/تتلگه جوابه
روح وأعتني لارض الجوادين
☆☆☆☆
يلي تحيي ذكره وشاركت هاي الشعيرة
تره الكاظم يحل كل معضله وعله چبيرة
أبن الزهره من أطهر نسب وأطهر عشيرة
آنه وأنته نمشيله لأن ماعدنه غيرة
هنياله الحضه بهاي الزيارة
تسوه الدنيا گبته والمنارة
من بيت النجابه/تتلگه جوابه
روح وأعتني لارض الجوادين
☆☆☆☆
لو فعلاً تريد الحاجه تگضي بكل سهوله
لتزعل أبد بأفعالك الباري ورسوله
حاسب نفسك وحافظ على الدين وأصوله
وكلام الحق على گص رگبتك لازم تگوله
يلي تلطم وتبچي على حسين
ميريدك تكون أوياه بوجهين
يل تبچي المصابه/تتلگه جوابه
روح وأعتني لارض الجوادين
☆☆☆☆
خلي من بداية عمرك والآخر حياتك
مرهونه لبوالزهره وعترته الحد مماتك
تره يوم الحشر همه فقط سر النجاتك
لو عنهم ملت لتصدگ أتنفعك صلاتك
أحفظ جارك وأحفظ لسانك
ويگول المثل لوصنته صانك
وأدعي بالنيابه/تتلگه جوابه
روح وأعتني لارض الجوادين
☆☆☆☆☆☆☆☆☆☆☆☆☆☆☆
الشاعر(أسعد قاسم الكريعاوي)
يل مبتعد عن النظر
يل شايل بگلك قهر
يل چبدك بسم أنفطر
☆☆☆☆☆☆☆☆☆☆☆☆☆☆☆
المثلك أنته ياأمامي/ يسكن بعين السمه
مويگيدونه بسلاسل/بحفره وحده ومظلمه
مگيد أبرجله وچفوفه/ورگبتك تنزف دمه
بغضاً بجده الصميده/موسى بالسجن أنرمه
عن الأهل ظل مبتعد
وأنگطعت هروش الچبد
مات النده ومات الورد
☆☆☆☆☆☆☆☆
مو فقط راسك أورمشك/شاب من كثر الحزن
شيبت حتى العمامه / من كثر ظيم السجن
مفارگ أهلك والعشيره / وفارگت حتى الأبن
والحنين وطبعه دافي / يذكر أهله من يحن
ليش الگمر مابي ضوه
ليش انحرم من الهوه
هوه ويه الميت سوه
☆☆☆☆☆☆☆☆
من كثر ماظلمه چانت /حفرتك يابو الرضا
هذا أصبعك ماتشوفه / والجفن مايغمضه
والشمس أعوام ظلت/وسفه بيها ماحضه
والصبر دوم أعله نفسه/چان موسى يفرضه
يالشايل بگلبك حزن
يمبچي حيطان السجن
يالچبدك أبسم منطعن
☆☆☆☆☆☆☆☆
تهبط الأملاك يمك/ تواسي حزنك بالصبُر
وكل نبي ومرسل يجيلك/بالسجن يمك يمُر
وسفه ياموسى أبن جعفر/سمتك أهل الغدُر
وأنرمه بجسر الرصافه /نعشك بذاك الظهُر
حزنك على گلبي أنقش
جيتك ياسابع الأثنعش
أحمل على راسي النعش
☆☆☆☆☆☆☆☆
تبقى ياباب الحوائج/شامخ أعله من القمم
تشرفت بغداد كلها / بيك ياراعي الشيم
كل مكان وكل مدينه / تعتنيلك عالجدم
وهاي خدامك يموسى/بيوت فتحوا موخيم
والله ونعم من هل الأهل
صاروا جسر للي وصل
بيهم يضربون المثل
☆☆☆☆☆☆☆☆
خالده تبقى الزياره / حتى لو عارض عرض
والله مايمنعنه كلشي / لا وباء أو لا مرض
نودكم وعدنه عقيده/وحبكم أمن الله نفرض
ليش من هاي الحقائق / مايثقون البعض
وداعت الگبته ذهب
نمشيله كل عام برجب
غصبن على الهبْ ودب
☆☆☆☆☆☆☆☆☆☆☆☆☆☆☆☆
الشاعر (أسعد قاسم الكريعاوي )
فوگ الجسر رميه/موسى گضه يشيعه
غريب الكاظميه/ وينه اليجي يشيعه
أعدائه غدروا/وبچبده سموا
فوگ الجسر رميه/موسى گضه يشيعه
☆☆☆☆☆☆☆☆☆☆☆☆☆☆☆
موسى بن جعفر خذت عمره النوايب
گبل راسه رمشه من الحزن شايب
سنين مبعد عن هله وعن الگرايب
ومنعوا إعليه الزياره من الحبايب
وروحه بقت تعذب/وأعله الجراله صابر
سنين بسجن تغرب/وعايف هله ويكابر
عن أهله بعدوا/وبچبده سموا
فوگ الجسر رميه/موسى گضه يشيعه
☆☆☆☆
تمهلوا يامن تحملون الجنازة
وخلوا حفار الگبر يتنه بجهازة
يطمئن الميت بشوفت أعزازة
والحبايب هالوكت عازتها عازة
بعيونه تلگه حيره/أبو السجده الطويله
ماحضرت العشيره/وفوگ المتن تشيله
خلهم يشوفوا/وبچبده سموا
فوگ الجسر رميه/موسى گضه يشيعه
☆☆☆☆
بله ياناعي المصايب والمنية
روح وأنعه بالمدينه هالمسية
من گبرها تعتني أمه الزچية
تشيع أويانه النعش بالكاظمية
وأعله الجنازة أمه/تون ونه شجية
لمصيبته ول سمه/دمعتها دم جرية
وتنادي ظلموا/وبچبده سموا
فوگ الجسر رميه/موسى گضه يشيعه
☆☆☆☆
السندي أبن شاهك ذبح روح الأمامه
ضيّق أعله الكاظم وبث أنتقامه
شيبت من الظلم حتى العمامه
وماخرج من سجنه ياوسفه بسلامه
تحت الأرض حجرته/ونسمة هّوه مابيها
القرص الشمس نظرته/يتمنى ينظر ليها
من كلشي حرموا/وبچبده سموا
فوگ الجسر رميه/موسى گضه يشيعه
☆☆☆☆
أرقه من جنح الفراشه بي ترافه
برجله وبعنقه السلاسل ياحسافه
مايعرفه كلمن بهل حاله شافه
ميت ومرمي على جسر الرصافه
وإلا رشيد الظالم / حاول يضيع أخباره
مايدري موسى الكاظم/من الله عنده شاره
ظنهم يضيعوا/وبچبده سموا
فوگ الجسر رميه/موسى گضه يشيعه
☆☆☆☆
هله هله بالنعش يامن تحملوا
فكوا منه السلسله لمن تغسلوا
براحته خلوا الچفن لمن تشدوا
عضامه كلها مرضرضه وبراحه وسدوا
وبيا ذنب توذر/بالسم يشيعه چبده
لونه شكثر تغير/ريته يشوفه جده
ياوسفه نكروا/وبچبده سموا
فوگ الجسر رميه/موسى گضه يشيعه
☆☆☆☆☆☆☆☆☆☆☆☆☆☆
الشاعر ( أسعد قاسم الگريعاوي )
فزاعي
أويلي أعله الغريب البل سجن ظلموا
ومن ضي الشمس ومن الگمر حرموا
ومن أهله وعمامه وعيلته منعوا
وضيعوا أخباره وعنوانه…
♾♾♾♾
شاف شگد ظلم شاف شكثر أحزان
حيطان السجن بچه وبچه السجان
حالت موسى منها تشيب الرضعان
مايوصل يعگوب أحزانه…
♾♾♾♾
بجلوس إيصلي من كثر الحديد البيه
السلاسل من رگبته واصله الرجليه
ذبل عوده وضعف كلش أويلي أعليه
وتغيرت كلش ألوانه…
♾♾♾♾
ليل أنهار راكع ساجد الربه
يصلي ومن دموعه غرگت التربه
على باب السجن عينه بقت تربه
والسجن إمغلق بيبانه…
♾♾♾♾
بسجن السندي أبن شاهك جرع سمه
وهذا السم جره وتوزع أبدمه
روحه طلعت ومحد وصل يمه
وبذل أتحمله السجانه…
♾♾♾♾
وين الطيبين أمن أهله وأعزازه
بهذا اليوم عازتهم تره عازه
ظلت عالجسر مرميه الأجنازه
مات الكاظم وين أخوانه…
♾♾♾♾
أويلي أعله السجين الما تهنه بيوم
مات الكاظم ومن الأهل محروم
صيح أويايه وآويلي على المسموم
أذانه أمصابك مولانه…
♾♾♾♾
الله يساعد أمه فاطمه الزهره
ماتوا كل ولدها بلوعه وبغدره
وأصعبهن مصاب المنگطع نحره
هز عرش الباري وأركانه…
♾♾♾♾♾♾♾♾♾♾
الشاعر (اسعد قاسم الگريعاوي)
فزاعي
موسى ابن جعفر عالجسر گوموا يشيعه أنشيله
_____________________________
بگيوده مرمي عالجسر/وعضامه كلها مرضرضه
موسى ابن جعفر عالجسر گوموا يشيعه أنشيله
مسموم وافاها الأجل/وبسجن أبن شاهك گضه
موسى ابن جعفر عالجسر گوموا يشيعه أنشيله
نبعث تعازي الفاطمه/المعصومه والإبنه الرضا
موسى ابن جعفر عالجسر گوموا يشيعه أنشيله
والقاسم أبنه دمعته / دم الأبوه إيسيله …
موسى ابن جعفر عالجسر گوموا يشيعه أنشيله
♾♾♾♾
ظل النعش فوگ الجسر/والكاظم أموسدينه
موسى ابن جعفر عالجسر گوموا يشيعه أنشيله
وين الهواشم تحضره/ وينه اليغمض عينه
موسى ابن جعفر عالجسر گوموا يشيعه أنشيله
وينه اليفك السلسله/من رجله من چفينه
موسى ابن جعفر عالجسر گوموا يشيعه أنشيله
وينه إلي يحفرله اللحد/وترابه منهو إيهيله …
موسى ابن جعفر عالجسر گوموا يشيعه أنشيله
♾♾♾♾
راهب بني هاشم تره/بالسجن گضاه للعمُر
موسى ابن جعفر عالجسر گوموا يشيعه أنشيله
بطاموره كلش مظلمه/لا ليله يدري لا ظهُر
موسى ابن جعفر عالجسر گوموا يشيعه أنشيله
خلصّ سنينه بالقهر/ وأيامه بالحسره تمُر
موسى ابن جعفر عالجسر گوموا يشيعه أنشيله
وقرآن بيده وسبحته/وللخالق إيناجيله …
موسى ابن جعفر عالجسر گوموا يشيعه أنشيله
♾♾♾♾
كلش ثجيله أمصيبته/وكلش ثجيله جروحه
موسى ابن جعفر عالجسر گوموا يشيعه أنشيله
الله يساعد مهجته / والله يساعد روحه
موسى ابن جعفر عالجسر گوموا يشيعه أنشيله
بس لله چانت ياخلگ/دمع الحزن مسفوحه
موسى ابن جعفر عالجسر گوموا يشيعه أنشيله
للباري أصبح من جلوس/الكاظم إيصليله
موسى ابن جعفر عالجسر گوموا يشيعه أنشيله
♾♾♾♾
كل يومه يگضيه أبسنه/ومگابل السجانه
موسى ابن جعفر عالجسر گوموا يشيعه أنشيله
وعيونه تربي عالسجن / ومغلقه بيبانه
موسى ابن جعفر عالجسر گوموا يشيعه أنشيله
يبچي عليه حتى السجن/والباب وي حيطانه
موسى ابن جعفر عالجسر گوموا يشيعه أنشيله
من الله هارون النذل/والسندي باچر ويله
موسى ابن جعفر عالجسر گوموا يشيعه أنشيله
♾♾♾♾♾♾♾♾♾♾♾♾♾
الشاعر (اسعد قاسم الكريعاوي)
نشيّع هالسمية/غريب الكاظمية
☆☆☆☆☆☆☆☆☆☆☆
الدمع من عدنه هالليلة تفجر
وچبدنه الچبدته ذاب وتفطر
بلطم وبنوح وأب الله أكبر
نشيع هالمسه موسى أبن جعفر
وتصيح الجعفرية/غريب الكاظمية
☆☆☆☆
ملايين أعتنت وتصيح هالناس
نشيلك ياأبن جعفر على الراس
حقد هارون لجلك چان دساس
مو كل الگرابه تكون مقياس
الأصابع مو سوية/غريب الكاظمية
☆☆☆☆
بنحيب أونوح وبمجره دمعنه
نشيعك هالمسه ونلطم ظلعنه
سمعنه عالجسر نعشك سمعنه
فجعنه هل خبر والله فجعنه
أبمدامعنه الجرية/غريب الكاظمية
☆☆☆☆
يمن بالخامس وعشرين سموك
وبهذا الشهر من رجب غدروك
يعرفونك نقي وطاهر يعرفوك
العده بغضاً ببوك الوصي چتلوك
بحقد من آل امية/غريب الكاظمية
☆☆☆☆
تمنيت الرضا بهاي المسية
من مشهد يجي بدمعه جرية
ويجي القاسم ومعصومه الزكية
يشيعون النعش بالكاظمية
يدفنوا بالوطية/ غريب الكاظمية
☆☆☆☆
على المسموم صيحتنه وندانه
ولأبو صالح نقدمله عزانه
ويظل مرفوع ويرفف لوانه
الولد طه النبي ترخص دمانه
شعار الرافضية/غريب الكاظمية
☆☆☆☆
يلومون العده خلهم يلومون
على لطم الصدر ودموع العيون
أظن أبهل خبر كلهم يعرفون
أنه بسم الحسين أو حُبه مجنون
ننادي للمنية/غريب الكاظمية
☆☆☆☆☆☆☆☆☆☆☆☆
الشاعر(أسعد قاسم الكريعاوي)
موسى أبن جعفر يشيعه عالجسُر
ذبته أربع حماميل الظهُر
☆☆☆☆☆☆☆☆☆☆☆☆
يله ياشيعة علي المرتضى
خلي نتعنه الأمام الرافضه
بالسجن مسموم ياوسفه گضه
خل نشيعه بدمعه وبلطم الصدُر
ذبته أربع حماميل الظهُر
☆☆☆☆☆
ناده ناعيه أعتنوا ياشيعته
ذبوا أبجسر الرصافه جثته
لا عمام ولا عشيره حضرته
وهوه أبن أشرف نسب وأبن الطهُر
ذبته أربع حماميل الظهُر
☆☆☆☆☆
خل نفك من رجله وإيده السلسله
وخلي فوگ الراس نعشه نحمله
وبدمعنه للسجين أنغسله
والله عالكاظم جزع حتى الصبُر
ذبته أربع حماميل الظهُر
☆☆☆☆☆
أختنگ بالعبره من شافه الطبيب
ناده ياهل ناس هل لي من مجيب
وين أهله أوين ناسه هالغريب
خلي تطلب دمه من أهل الغدُر
ذبته أربع حماميل الظهُر
☆☆☆☆☆
شاف من هارون أنواع الظلم
حتى من شمس الله موسى منحرم
من ثگلها الگيد وصلت للعظم
راحه ماشاهد أبد طول العمُر
ذبته أربع حماميل الظهُر
☆☆☆☆☆☆☆☆☆☆☆☆☆
الشاعر( أسعد قاسم الكريعاوي )
عظم الله أجورنا وأجوركم بمصاب أسد الله الغالب
علي أبن أبي طالب _سلام الله عليه_
ياعلي لا لا تروح
بعدك تزيد الجروح
لورحت بويه علي...
أبقى لفراگك أنوح
★★★★★★★★★★★★★
آنه زينب بويه بنتك ياعلي حاچيني
گوم يابويه أعله طولك گوم نشف عيني
بويه ماصدگ عيوني تمشي وتخليني
هاك أخذ عمري أعله عمرك شلي بيها سنيني
عمري مايغلى عليك
هاك وأخذه بين أديك
يابعد ناسي وهلي...
أبقى لفراگك أنوح
★★★★
أنته يانور الليالي وانته نور عيوني
گوم وتسند بديه وأتچي أعله أمتوني
بعده متني ماتأذه ولسه ماسلبوني
ولسه ماحرگوا عباتي ولسه ماضربوني
بويه لمن أنسبي
خل تجي أمي والنبي
ولو أظل أبلا ولي...
أبقى لفراگك أنوح
★★★★
بويه هذا العيد أجاني ماحسبت حسابي
منهو راح أيمر عليه بويه ويدگ بابي
الناس فرحانه وتعيد وآنه يمي أمصابي
شو حلت ليه المصايب لايگه أعله ثيابي
يازمن مني شتريد
ليش توعدني بيزيد
بهيدة وتمهل عليّ...
أبقى لفراگك أنوح
★★★★
ثوبي الأسود عالزچيه لسه ماغيرته
والأثر موجود لسه أباب داري شفته
عرفت كل هاي النوايب والفرح معرفته
وشكثر صعبه وهضيمه الأبو يترك بنته
ياخلگ خيمه الأبو
لو رحل يتفگدوا
وبي كل هم ينجلي...
أبقى لفراگك أنوح
★★★★
بطلي يازينب نياحچ صاحت أملاك السماء
ضمي دمعاتچ يحره والمناحه والبكاء
طبره وحده براس حيدر هالمسه وشفتي الدماء
هناك چم طبره تشاهد عينچ بطف كربلاء
باچر عيونچ تشوف
راس مگطوع وچفوف
هناك صوتچ يعتلي...
أبقى لفراگك أنواح
★★★★★★★★★★★★★
الشاعر (أسعد قاسم الگريعاوي)
الوداع الوداع /ياأمير المؤمنين
_____________________
هذا صوت أمن العقيله معتلي
والحزن بيها أبد ما ينجلي
نادته من إيدي رايح يالولي
مودع أبالله يبويه ياعلي
الوداع الوداع /ياأمير المؤمنين
______
خيمه ياناس الأبو للعايله
والأبنيه تكون عنده أمدلله
شلون لو دار الأبو منه خِله
المدامع تبقى لجله هامله
الوداع الوداع /ياأمير المؤمنين
______
بويه من عمري على عمرك ردت
وريتني بدلاك يبو زينب متت
أنصاب گلبي بساعة البيها أنصبت
رحت أنته وراحت أمي من وكت
الوداع الوداع /ياأمير المؤمنين
______
بويه عيد اللهُ أكبر من يمُر
وآنه گلبي أعليك بويه منكسُر
شلون أعيد وأنته نايم بالگبُر
من عسى لا طال بعدك هالعمُر
الوداع الوداع /ياأمير المؤمنين
______
طبرتك بويه وراها أشچم جرح
سم أخويه الحسن مثله مايصح
والحسين أگبالي باچر ينذبح
وراسه گدامي أشوفه أعله الرمِح
الوداع الوداع /ياأمير المؤمنين
______
طايح العباس يم المشرعه
رايته بكتره وچفوفه مگطعه
والسهم من عينه ياهو يطلعه
والشمر ناده أسبو زينب أسمعه
الوداع الوداع /ياأمير المؤمنين
______
حيرتي بطف كربله ملها مثيل
من أظل أبلا محامي ولا كفيل
هناكه أنادي الحگلي ياحامي الدخيل
من يگيدون اليتامه والعليل
الوداع الوداع /ياأمير المؤمنين
_____________________
الشاعر (اسعد قاسم الگريعاوي)
اذا تريد تربح رصيد في جميع ليالي شهر. رمضان اشترك بالمسابقة رابط المسابقة👇
/channel/+mylIImyhJe8yNWIy
مقطوعه مع أبوذيات لولادة صاحب الزمان عجل الله فرجه
سيدي لفنة بعباتك حتىة نشعر بالأمان
بلا أمان الدنيا صارت وينك الهذا الزمان
أنته عون الكل فقير وأنته للعالم ضمان
الطلعتك يبن الصميدة يمته ما آن الآوان
الدنيا محتاجه الهواك
ضاگت الوسعه بجفاك
يمته يالمهدي نراك/ياأمامي
🌻🌻🌻🌻🌻🌻🌻🌻🌻🌻
يمهدي الدنيا بالظلمات /ماجت
ورسالة حضرتك للمحب/ماجت
أجت كل الجمع جمعتك/ماجت
تأخرت حيل هالجمعه البهية...
🌻🌻🌻🌻🌻🌻🌻🌻🌻🌻
بيان وصادر الليلة / وردنه
فرحنه وشلنه بيدينه /وردنه
ردنه المهدي يحضرنه/وردنه
نهنيه ويهنينه المسيه...
🌻🌻🌻🌻🌻🌻🌻🌻🌻🌻
أسلم عالنبي بذكرك / وصلي
يمهدي ولا خبر منك / وصلّي
هم يوم ويجي وأوكف/وصلي
صلاة العشگ ياروح الزچية...
🌻🌻🌻🌻🌻🌻🌻🌻🌻🌻
يمهدي بالعشگ ذايب /تره آنه
وعلى أوتار المحب گلبي/ترنه
يمن ما ننظرك وأنته / ترانه
شوكت نتلاگه وأهديلك هدية...
🌻🌻🌻🌻🌻🌻🌻🌻🌻🌻
من عالم الذر عشگك / والآ زال
ويظل گلبي ألك مخلص/ولا زال
أنه أمتانيك عالموعد / ولا زال
أظل منتظرك الحد المنية...
🌻🌻🌻🌻🌻🌻🌻🌻🌻🌻
ليل أنهار أصيح أسمه/وأندبه
بصلاة الليل أذكرنه / وأندبه
ودعاء الفرج أقراله / وندبه
وأذكره بكل صباح وكل مسية...
🌻🌻🌻🌻🌻🌻🌻🌻🌻🌻
شكثر للمهدي ناديته/وصحتله
ألنه مغيمه الدنيا / وصّحت له
مايظهر بعد گالوا /وصحت لا
مايخلف وعد حاشه علية...
🌻🌻🌻🌻🌻🌻🌻🌻🌻🌻
چم عاذل يضد بينه /ولا يم
وگالوا لا شهر يظهر/ ولا يوم
گلت لابد إله ساعه/وأله يوم
يجي ويفكس عيون الناصبية...
🌻🌻🌻🌻🌻🌻🌻🌻🌻🌻
دموع الشوگ أذرفنه/ وسيله
حرت ألمن عليك أنشد/وسيله
يمهدي غيرك أشعدنه /وسيله
متى نشوفك يضي عين البرية...
🌻🌻🌻🌻🌻🌻🌻🌻🌻🌻
الشاعر(أسعد قاسم الكريعاوي)
ياموعود/ياموعود/ياموعود/ياموعود
♾♾♾♾♾♾♾♾♾♾♾
أجمل خبر مولاي هذا الأجانه
بخمسطعش شعبان نورك لفانه
يانجمه نص الليل ضوة سمانه
وكل شيعي هذا اليوم ردد لسانه
ياموعود/ياموعود/ياموعود/ياموعود
♾♾♾♾♾
يافرحة المسكين يامنقذ الناس
ياناصر المضلوم من جور الأرجاس
بيك الجروح أطيب ويطيب الأحساس
بيك الأمل معقود ياصاحب الباس
ياموعود/ياموعود/ياموعود/ياموعود
♾♾♾♾♾
مهدينه ياهل ناس يملك وسامه
هيبة محمد بي وبخده شامه
طول وجمال ونور غيره وشهامه
ومثل الگمر عباس لو حل لثامه
ياموعود/ياموعود/ياموعود/ياموعود
♾♾♾♾♾
أرزقنه يارب كون نحضه وننصره
من سيدي ومولاي أرزقنه نظره
لسه بدليل حسين مستعره جمره
وبطلعت الموعود يتشافه صدره
ياموعود/ياموعود/ياموعود/ياموعود
♾♾♾♾♾
شفنه الظلم والجور شفنه الأذيه
بفتنه ونفاق أنعيش يبن الزچيه
بعض البشر سادات بس همه حيه
مغشوشه بعض الناس بيهم خطيه
ياموعود/ياموعود/ياموعود/ياموعود
♾♾♾♾♾
ضاع الوطن مولاي وصرنه ضحيه
لوله الحشد والله شفنه المنيه
شيعة علي وحسين فزعوا سويه
نشكر الآه الكون والمرجعيه
ياموعود/ياموعود/ياموعود/ياموعود
♾♾♾♾♾♾♾♾♾♾♾
الشاعر (أسعد قاسم الگريعاوي)
قصيدة للامام المهدي عج
هالليلة ميلادك/يابو صالح
نفرح أبعيادك /يابو صالح
♾♾♾♾♾♾♾♾♾
شعبان هل بعياده/يابو صالح
صاح الموالي وناده/يابو صالح
ومنك يريد أمراده /يابو صالح
وهنينه كل الساده/يابو صالح
گلب المُحب رادك/يابو صالح
نفرح أبعيادك / يابو صالح
♾♾♾♾
يبن الحسن مولانه/يابو صالح
شيعة علي فرحانه /يابو صالح
بسمك يرف ألوانه/يابو صالح
فاز الذي وآلانه / يابو صالح
سمّعنه حسادك/يابو صالح
نفرح أبعيادك / يابو صالح
♾♾♾♾
يالعايش أبوجداني /يابو صالح
يافرحتي واحزاني /يابو صالح
ياواحد أبلا ثاني /يابو صالح
ماأسوه دونك آني/ يابو صالح
كل أحنه أولادك/يابو صالح
نفرح أبعيادك/ يابو صالح
♾♾♾♾
فدوه رحت لعيونك / يابو صالح
بس گلي أنته شلونك/ يابو صالح
شيعة علي ينشدونك/ يابو صالح
مانسوه كلشي بدونك/ يابو صالح
ملينه أبعادك/يابو صالح
نفرح أبعيادك/يابو صالح
♾♾♾♾
طالت المده أعلينه/يابو صالح
بلوعت گلب نادينه /يابو صالح
يمته الفرج مهدينه /يابو صالح
من هالبعُد ملينه /يابو صالح
بالجمعه ميعادك/يابو صالح
نفرح أبعيادك / يابو صالح
♾♾♾♾
ياشيعه هاي الليله/ يابو صالح
هذا الحفل نهديله/يابو صالح
والكربله نمشيله /يابو صالح
ونهني حامي أتخيله/يابو صالح
هنينه أجدادك/يابو صالح
نفرح أبعيادك/ يابو صالح
♾♾♾♾♾♾♾♾♾♾
الشاعر (أسعد قاسم الگريعاوي)
هوسات للأمام المهدي عليه السلام
مهدينه بنص من شعبان أصبح ميلاده
فرحانه الشيعه بهاليوم والعالم ناده
ونهني عوام الناس ونهني الساده
ونهني الزهره أوالينه
♾♾♾♾♾♾♾♾♾♾♾
آيات الحب والأيمان نبعث هالليله
وشموع بكل نهر اليوم لازم نهديله
والكربله بنص شعبان واجب نمشيله
هالليله بذكرك نحييها
♾♾♾♾♾♾♾♾♾♾♾
عجل عجل ياموعود بسمك نادينه
بميلادك ندعي المعبود هجرك ماذينه
ياساعه ويايوم تعود نسئل بارينه
وبشوفك تتكحل عيني
♾♾♾♾♾♾♾♾♾♾♾
الشاعر (اسعد قاسم الكريعاوي)
أبوذيات للأمام موسى أبن جعفر عليه السلام
صفگت أيميني عالكاظم/ويسرى
أنتشر سمه وسط دمه/ ويسرى
وحگ إن مع العسر / ويسرى
ننوح إعليه كل صبح ومسيه...
☆☆☆☆
على الكاظم أهل أدموع/وأجره
مضه السم بدليله اليوم/وأجره
نعزي المنتظر وأنعظم / أجره
ونواسيه ونواسي أمه الزچيه...
☆☆☆☆
دموعي إعليك يالكاظم/سلاسل
القهر والظيم والحسره/سلاسل
يصلي شلون وبعنقه / سلاسل
بجلوس إيصلي إبن حامي الحميه...
☆☆☆☆☆☆☆☆☆☆☆☆
الشاعر (أسعد قاسم الكريعاوي)
يل مبتعد عن العين
سجنك ياحبيبي وين
بحيره تراني/ومحد أجاني/بخبر
★★★★★★★★★★★★★★★★★
أنه الرضا أنه الحزين/أسأل عليك بكل كتر
وينك يبويه أنته وين/ماظل على فراگك صبر
لو شخص يندل السجن/لو طارش المنك يمر
أنذر نذر أسجد شكر/من العشه لحد الفجر
مايسوى العمر لولآه
خلص بس ونين أو آه
أحسب ثواني/ومحد أجاني/بخبر
☆☆☆☆
بعدك صبح جسمي نحيل/ومن الحزن وجهي ذبل
ليل ونهار أبچي وأنوح/وأخفي الدمع لو أنسئل
رحت وعفت ينحب عليك/يابويه چم طفله وطفل
چنك علي حامي الحمه/من فارگ أيتام ورحل
داري بس حزن ونياح
من المسه للمصباح
والهم لفاني/ومحد أجاني/بخبر
☆☆☆☆
يابويه والله لو يصح/بعمري وحياتي أشتريك
چني أحسك مختنگ/سجن أظلم ومغلق عليك
جالس تصلي وشثگل /هذا الحديد إلي بديك
وما واحد اليمك يصل/محد يزورك يعتنيك
ماتوصلك أي زوار
وضاعت عليه الأخبار
أصبر وأتاني/ومحد أجاني/بخبر
☆☆☆☆
بيا سجن يابويه صرت/بغداد بصره أنته وين
وبيا ذنب يابو الرضا/مسجون كل هاي السنين
رافع أديه وأندعي /يردك إليه ياحنين
التسهيل أمرك فاتحه / أقريتها الأم البنين
من سجن السجن نقلوك
مثل العقيله گيدوك
بعدك سباني/ومحد أجاني/بخبر
☆☆☆☆
وشلون لو أسمع خبر/ يابويه ليه ماترد
وشلون لووسط السجن/چبدك يبويه ينمرد
تبقى تلوب أمن الألم /بالرگبه گيد وبالزند
مافكوا الگيد أمن أديك/چي يعرفون أنك أسد
ألهم مانزل راسك
لجلك بچت حراسك
بغربه تعاني/ومحد أجاني/بخبر
☆☆☆☆
بالحلم چني أنظرك/وحدك تلوب أمن الألم
سمك سره ويه الدمه/والچبد نصين أنجسم
والأكثر وأصعب شفت/من رگبتك يتجاره دم
چني شفت من السمه/ لمصيبتك طاح النجم
من هذا الحلم فزيت
لله أتجهت وناديت
طيفك دهاني/ومحد أجاني/بخبر
★★★★★★★★★★★★★★★★
الشاعر(أسعد قاسم الكريعاوي)
ياأمامي
بيا سجن وبيا مغاره هالمسيه
ياأمامي
شلونه حالك ياأمام الرافضيه
ياأمامي ياأمامي
★★★★★★★★★★★
ياأمامي أعليك أسلم بالبدايه
يالي حزنك سيدي ماله نهايه
موفقط آنه إلي أبچي الهالرزايه
من كتاب الله بچتلك آيه آيه
ياأمامي
عليك تسأل سيدي هالجعفريه
ياأمامي
شلونه حالك ياأمام الرافضيه
ياأمامي ياأمامي
★★★★
يالرحت عن أهلك وعفت اليتامه
ومآ رجعتلهم يويلي بالسلامه
ومن رموك أبسجن أصحاب الضلامه
شيبت من الحزن حتى العمامه
ياأمامي
حتى يوسف ماحمل هاي الرزيه
ياأمامي
شلونه حالك ياأمام الرافضيه
ياأمامي ياأمامي
★★★★
إلي فاگد أهله شيسوي بحياته
يصبح إعلي هّين هوايه مماته
سنين صار ومانظر ولدة وبناته
ياوسف كلشي صفه من ذكرياته
ياأمامي
بيا جرم وبيا ذنب هاي الاذيه
ياأمامي
شلونه حالك ياأمام الرافضيه
ياأمامي ياأمامي
★★★★
موسى إبن جعفر قست كلش ضروفه
منعوا إعليه كل زياراته وضيوفه
والسجن تحت الأرض أظلم نشوفه
بكثر مامظلم أصبعه مايشوفه
ياأمامي
ليلك أوينهارك أنطبگن سويه
ياأمامي
شلونه حالك ياأمام الرافضيه
ياأمامي ياأمامي
★★★★
كلها ضد الكاظم ومحد يعينه
وأعله بيبان السجن تندار عينه
بالسلاسل والحديد أمگيدينه
حتى من هذا الهوه هم حارمينه
ياأمامي
راسي ألطمه عليك وظلوعي بديه
ياأمامي
شلونه حالك ياأمام. الرافضيه
ياأمامي ياأمامي
★★★★
خلي نرفع أيدنه وندعي سويه
ربي ألعن كل وكت آلّ أميه
وي بني العباس كل صبح ومسيه
لعنة حتى ترضه فاطمة الزچيه
ياأمامي
هالحقد كله على حامي الحميه
ياأمامي
شلونه حالك ياأمام الرافضيه
ياأمامي ياأمامي
★★★★★★★★★★★★
الشاعر (أسعد قاسم الكريعاوي)
دمعتي ونوحي/ترسم جروحي
مولاي/مولاي
أعتني البابك/وأبچي لمصابك
مولاي/مولاي
☆☆☆☆☆☆☆☆☆☆☆☆☆☆☆☆
جيتك ودمعي تجاره / ولابس ثياب الحزن (١)
وأذكرت ذيچي المصيبه/ونزلن أدموع الجفن
يلي نص عمرك گضيته / ياأمامي بالسجن
والحمامات أبحضرتك / لجلك أسمعها تون
من بعد جيتك/گاصد البيتك
مولاي/مولاي
أشتم أترابك/وأبچي لمصابك
مولاي/مولاي
☆☆☆☆☆☆
جيتك بلهفه يموسى/ولابس ثياب السواد (٢)
واگف ورافع چفوفي/سيدي أباب المراد
طلبه عندي وماتردها/حاشه ياسبع الشداد
ياأسد بغداد رايد / الأمان الهل بلاد
وأدعي للمهدي/غيره ماعندي
مولاي/مولاي
رايد أجوابك/وأبچي لمصابك
مولاي/مولاي
☆☆☆☆☆☆
گالوا اليگصد يزورك /كل همومه تنجلي (٣)
وآنه من أبعيد أجيتك/گاصدك يابن علي
عندي حاجه وحلها ليه/وغيرك أنته ماإلي
أدري ماتكسرلي خاطر/يابعد ناسي وهلي
هم ترد ضيفك/ضلت بكيفك
مولاي/مولاي
بايس أعتابك/وأبچي لمصابك
مولاي/مولاي
☆☆☆☆☆☆
أنته باب الله الوسيعه / والوسيله للسماء (٤)
جوه گبتك ياأمامي / ينقبل كل الدعاء
أقسم إعليك برزيتك / وبمصيبة كربلاء
كل مرض من عدنه زيله/وبالأخص هذا الوباء
بجاهك أنحلفك/أرفعه الچفك
مولاي/مولاي
يبچي محرابك/وأبچي لمصابك
مولاي/مولاي
☆☆☆☆☆☆
أنته ياباب الحوائج / مأوى كل الحائرين (٥)
گلبك أكبر من ضريحك /بي تلم الزائرين
جينه من أبعيد نمشي/والحضرتك گاصدين
مثل ما لحسين جدك /نعتني يوم أربعين
نحمل الرايه/وجينه عنايه
مولاي/مولاي
ويه احبابك/وأبچي لمصابك
مولاي/مولاي
☆☆☆☆☆☆☆☆☆☆☆☆☆☆
الشاعر (أسعد قاسم الكريعاوي)
جيت يالكاظم بونيني
يايمه مصابك ماذيني
صحت بحسره/يبن الزهره
يايمه مصابك ماذيني
♾♾♾♾♾♾♾♾♾
آنه الزهره أمك ياضوه عيوني
جيتك هالمسيه ومختلف لوني
ياشيعه بمصابه وحزنه وآسوني
وأعله أمصيبته هالليله عينوني
ويه الحضروا من الشيعه
جيت أحضر دفنه وتشييعه
صحت أبگبره / يبن الزهره
يايمه مصابك ماذيني
♾♾♾♾
سمعت أوليدي مسموم وگضه ياناس
أجيت أمن المدينه وألطم أعله الراس
شنو ذنبه أصيح وسمته الأرجاس
إلف لعنه عليكم يابني العباس
جيتك يبني أمشي وأعثر
وأصرخ ياموسى بن جعفر
أنحب وأقره/ يبن الزهره
يايمه مصابك ماذيني
♾♾♾♾
موسى الكاظم أبني بيا ذنب مظلوم
هم مسجون عاش وهم گضه مسموم
من أهله أوبناته أو ولده هم محروم
ماأشبه أمس ياشيعتي أبهل يوم
موسى الكاظم عذب روحي
وأعله امصابه يشتد نوحي
همي أشكبره/يبن الزهره
يايمه مصابك ماذيني
♾♾♾♾
جيت وبيه حزني ودمعتي تحدي
يم گبره ماأگدر أصل وحدي
تدروني الضلع مكسور من عندي
أجه ويايه ويسندني المهدي
يل تسئل عالمهدي شلونه
عالكاظم دم تجري عيونه
يهمل عبره/يبن الزهره
يايمه مصابك ماذيني
♾♾♾♾
آنه ام ودليلي عالولد ما هآد
أفتر وانشد وأسأل عن الأولاد
يوم أبمشهد ويوم أبأرض بغداد
وبيوم الخميس أگصد لأبو السجاد
ودلالي يتعاله ونينه
مابين العباس وبينه
لأبني ونحره/يبن الزهره
يايمه مصابك ماذيني
♾♾♾♾
ياشيعه أحب كلش مجالسكم
وإباب العزه أگعد وأجالسكم
وآنه بيدي أجمعها مدامعكم
والله يباركلكم في مواكبكم
عند الله اليخدمنه أشكبره
باچر تنزل نور أبگبره
وكلنه أنحضره/يبن الزهره
يايمه مصابك ماذيني
♾♾♾♾♾♾♾♾♾♾
الشاعر (اسعد قاسم الكريعاوي)
بالحزن والنوح وبثوب السواد
نعتني الموسى أبن جعفر والجواد
♾♾♾♾♾♾♾♾♾♾
ياأسد بغداد كل عام اليمُر
شعيتك مشايه تگصد عالجمُر
يرخص بدربك يمولاي العمُر
يلي ذبوا جثتك فوك الجسُر
الهل مصيبه الخالده نعلن حداد
نعتني الموسى أبن جعفر والجواد
♾♾♾♾
سيدي يامن گضيت بمحنتك
جينه عالهامه نشيل أجنازتك
باللطم والنوح نادت شيعتك
عظم الله أجر الزچيه بموتتك
مانسينه أمصيبته ورب العباد
نعتني الموسى أبن جعفر والجواد
♾♾♾♾
موسى ابن جعفر أبن خير البشر
شنهو ذنبه والچبد منه أنفطر
الهل مصيبه كل گلب منها انكسر
عزوا ياشيعه الإمام المنتظر
ناحت أعله أمصيبته السبع الشداد
نعتني الموسى أبن جعفر والجواد
♾♾♾♾
گضه نص عمره غريب وبالسجن
مبعد ولهله أبن جعفر يحن
لا أخوته أتزوره لا أخ لا أبن
ليله مايعرف نهاره من يجن
للي بعدوا عن هله وعن البلاد
نعتني الموسى أبن جعفر والجواد
♾♾♾♾
وينه هارون اللعين أو زمرته
خل يجي الموسى ويشاهد حضرته
وبسمه بغداد رفت رايته
والمناير شامخات أو گبته
والحوائج تنگضي أباب المراد
نعتني الموسى أبنه جعفر والجواد
♾♾♾♾♾♾♾♾♾♾
الشاعر (أسعد قاسم الكريعاوي)
مسموم ياسيدي مظلوم ياسيدي
★★★★★★★★★★★★
ياباب الحوائج لاتظن ننساك
على مر الدهر باقي يظل ذكراك
نعيش نموت حتى بالگبر ننعاك
دنيا وآخرة يالكاظم أحنه وياك
للدوم /ياسيدي مظلوم ياسيدي
★★★★
ماننسه مصابك لو تمر أدهور
يومك سيدي چن عاشر بعاشور
ننصب مجلس ولجلك ندك صدور
وكل شيعي دليله بالحزن مجمور
ونحوم/ ياسيدي مظلوم ياسيدي
★★★★
لجلك سيدي ناح الأنس والجآن
لمصابك يموسى كل محب حزنان
مچتوف بحديد وگادك السجان
من سجن السجن تتنقله العدوان
مهظوم /ياسيدي مظلوم ياسيدي
★★★★
عن بيته وهله والله العده بعدوا
تحت هذي الأرض ياللأسف خلوا
ومن عين الشمس ياشيعته حرموا
ماراعوا رسول الله ولا راعوا
محروم /ياسيدي مظلوم ياسيدي
★★★★
موسى بالسجن شاف الهظم ياناس
سجنه ومحنته بكل محنه ماتنقاس
حين إلي گضه وأنخمدت الأنفاس
ناح أعليه سجنه وناحت الحراس
مهموم /ياسيدي مظلوم ياسيدي
★★★★
ربنه يمهل ومايهمل الظالم
مايبقى الظلم للناصبي دايم
وينه اللارشيد وقصرة والخادم
وبعينك تعال وشاهد الكاظم
ميدوم/ ياسيدي مظلوم ياسيدي
★★★★★★★★★★★★
الشاعر (أسعد قاسم الكريعاوي)
#فزاعيه
فزاعية إلى سيدي سيدي ومولاي موسى أبن جعفر عليه السلام
أماماً وا أماماً وا أماما
☆☆☆☆☆☆☆☆☆☆☆☆
أجينالك مشي يابو الجوادين
أماماً وا أماماً وا أماما
بمواكبنه ولطمنه ودمعت العين
أماماً وا أماماً وا أماما
مثل مانعتني ونزور الحسين
أماماً وا أماماً وا أماما
تصيح بصوت كل هاي الملايين
أماماً وا أماماً وا أماما
☆☆☆☆
حزيناً وا حزيناً وا حزينا
أجينه وماتهم والله المسافه
حزيناً وا حزيناً وا حزينا
يمرمي أمگيد أبجسر الرصافه
حزيناً وا حزيناً وا حزينا
يبو ملگه حلو وحسن الضيافه
حزيناً وا حزيناً وا حزينا
نصيح أعليك ياويلي وحسافه
حزيناً وا حزيناً وا حزينا
☆☆☆☆
غريباً وا غريباً وا غريبا
غريب اليوم نادينه بدمعنه
غريباً وا غريباً وا غريبا
ندگ الراس هاليوم وظلعنه
غريباً وا غريباً وا غريبا
نصيح بصوت والعالم سمعنه
غريباً وا غريباً وا غريبا
مصابك ياأبن جعفر فجعنه
غريباً وا غريباً وا غريبا
☆☆☆☆
سجيناً وا سجيناً وا سجينا
سجين أبيا ذنب يبن الزچية
سجيناً وا سجيناً وا سجينا
يمن للباري حجه أنته أو ولية
سجيناً وا سجيناً وا سجينا
تصيح اليوم كل الرافضية
سجيناً وا سجيناً وا سجينا
أجينه أنشيعك بالكاظمية
سجيناً وا سجيناً وا سجينا
☆☆☆☆
شهيداً وا شهيداً وا شهيدا
شهيد أوربطوا نعشه أبزناجيل
شهيداً وا شهيداً وا شهيدا
رموه أعله الجسر أربع حماميل
شهيداً وا شهيداً وا شهيدا
أثر گيد الذي بعنقه دمه إتسيل
شهيداً وا شهيداً وا شهيدا
على حاله صرخ هالليلة جبريل
شهيداً وا شهيداً وا شهيدا
☆☆☆☆☆☆☆☆☆☆☆
الشاعر(أسعد قاسم الكريعاوي)