639
كل الخدم تنهان شفناها بالعين بس بكرامة تعيش خدام الحسين
أساسيه
يالهمك ثجيل وتدمع العين
أفتح گلبك أباب الجوادين
دگ أبلهفه بابه/تتلگه جوابه
☆☆☆☆☆☆☆☆☆☆☆☆☆☆
عدنه بالعراق أو بالأخص بالكاظمية
مستشفى تجي ليها الخلگ صبح ومسية
للمستعصي أمره يعتنيها المغربية
لأن هذا الوكت بي حاضرة الزهره الزچية
متعوف الجواد بهل رزيه
تلگاها تون ونه شجيه
من تنعه الشبابه/تتلگه جوابه
أفتح گلبك أباب الجوادين
☆☆☆☆
من دمعت عيونك ياموالي حني بابه
وأتذكر رزيته ومحنته ولوعة مصابه
أطلب حاجتك بدموعك أوحلفه بشبابه
لو نشفت دمعتك يعني رجعلك جوابه
ميردك أبد عطاي المراد
وراث هالكرم هذا إبن الإمجاد
لو جيت برحابه/تتلگه جوابه
أفتح گلبك أباب الجوادين
☆☆☆☆
شيخ الوائلي لمن عمت بنته بلهفته
طب الحرضته والعبره مسفوحه بوجنته
حاچاه وطلب منه النظر يرجع لبنته
لحظات وتشافت من فضل الله ورحمته
باب الله الجواد وعنده برهان
ميخلي اليگصده والله حيران
من تشتم ترابه/تتلگه جوابه
أفتح گلبك أباب الجوادين
☆☆☆☆
يلي تحيي ذكره وشاركت هاي الشعيرة
تره محمد يحل كل معضله وعله چبيرة
أبن الزهره من أطهر نسب وأطهر عشيرة
آنه وأنته نمشيله لأن ماعدنه غيرة
هنيال الحضه بهاي الزيارة
تسوه الدنيا گبته والمنارة
من بيت النجابه/تتلگه جوابه
أفتح گلبك أباب الجوادين
☆☆☆☆
لو فعلاً تريد الحاجه تگضي بكل سهوله
لتزعل أبد بأفعالك الباري ورسوله
حاسب نفسك وحافظ على الدين وأصوله
وكلام الحق على گص رگبتك لازم تگوله
يلي تلطم وتبچي على حسين
ميريد الجواد تكون وجهين
من تذكر مصابه/تتلگه جوابه
أفتح گلبك أباب الجوادين
☆☆☆☆
خلي من بداية عمرك والآخر حياتك
مرهونه لبوالزهره وعترته الحد مماتك
تره يوم الحشر همه فقط سر النجاتك
لو عنهم ملت لتصدگ أتنفعك صلاتك
أحفظ جارك وأحفظ لسانك
ويگول المثل لوصنته صانك
وأدعي بالنيابه/تتلگه جوابه
أفتح گلبك أباب الجوادين
☆☆☆☆☆☆☆☆☆☆☆☆☆☆☆
الشاعر(أسعد قاسم الكريعاوي)
قصيدة گعديه لأستشهاد الإمام محمد الجواد عليه السلام
يالجواد يالجواد
نعلن الأجلك حداد
يالجواد يالجواد
ونلبس ثياب سواد
بالمدامع هالمسيه/نعتني للكاظميه
☆☆☆☆☆☆☆☆☆☆☆☆☆☆☆☆
للجواد الليله نعقد /مجلس وننصب عزيه
ونلبس أثياب التعازي / ونعتني للكاظميه
نحمل أعله الهامه نعشه/والمدامع دم جريه
من كل مدينه وكل بلد
نگصد إله بهذا العدد
مشايه للچبده أنمرد/ وللذي شاف الأذيه
بالسواد/بالسواد
نعتني ونلطم ظلعنه
بالسواد/بالسواد
ونشعل بگبره شمعنه
يله ياهل جعفريه/نعتني للكاظميه
☆☆☆☆☆
الليله يم موسى أبن جعفر/ أنحفر مولانا گبره
وأنطفت شمعة شبابه/وماكمّل أثلاثين عمره
فاطمه من المدينه / أتعنته ودمعتها حمره
مثل الحمامه الفاگده
تفتر عليه وتنشده
ودلال هاي الوالده/ الله بس إلي يصبره
تبچي دم/تبچي دم
فاطمه الليله بمصابه
تبچي دم/تبچي دم
عالذي مات بشبابه
ياخلگ ويه الزچيه/نعتني للكاظميه
☆☆☆☆☆
تاسع أنوار الأمامه / هالمسه غدروا شبابه
المعتصم سدد سهامه/وبالچبد ياوسفه صابه
زوجته الملعونه هيه / دست السم بشرابه
وسفه أسمها أم الفضل
المفروض إسمها أم النذل
الأعوج أبد ما ينعدل/ الله يلعنها وكتابه
وشنگول/وشنگول
عالذي تغدر زوجها
وشنگول/وشنگول
ياألآهي بنار زجها
يله خل ندعي سويه/نعتني للكاظميه
☆☆☆☆☆
يصعب أمصابه ورزيته / الجواد إبن الزچيه
عالسطح ياشيعه جسمه/أثلث ليالي ظل رميه
چنه جده حسين لمن/مرمي بأرض الغاضريه
جثته ظلت بالشمس
مثل الذي ظل بالأمس
راد بحزن جده يحس/من بقه فوگ الوطيه
ياحُسين/ياحُسين
بآخر أنفاسه ينادي
ياحُسين/ياحُسين
جدي سموني الأعادي
عالذي شاف الأذيه/نعتني للكاظميه
☆☆☆☆☆
نرفع اليوم التعازي / للأمام العنه غايب
عظم الله أجرك يمهدي/بتاسع العتره الأطايب
عفيه گلبك يابو صالح/شگد حمل هم ونوايب
شايل دليلك چم جرح
أهلك گضوا سم وذبح
اليامحنه دمعك منسفح/كلها صعبه هالمصايب
بالدليل/بالدليل
همك وصبرك تكبده
بالدليل/بالدليل
جرح أبوك حسين بعده
الهل مصاب وهل رزيه/نعتني للكاظميه
☆☆☆☆☆☆☆☆☆☆☆☆☆☆
الشاعر (أسعد قاسم الكريعاوي)
إِرتدوا ثوبَ السواد/أعلنوا اليوم حداد
☆☆☆☆☆☆☆☆☆☆☆☆☆☆
مات هاليومَ مُحمد الصدِر
برصاصِِ مات من أهل الغدِر
كلُ قلبً فيهِ أمسا منكسِر
مثلَ قتلِ السبط ماتَ منتصِر
نهجهُ منهُ أمتداد/أعلنوا اليوم حداد
☆☆☆☆☆
أي ذنباً دمهُ الطاهر يراق
قتلوهُ فتيه من أهل النفاق
قتلهُ في روحِنا كان أحتراق
وعليهِ اليوم يبكيهِ العراق
تنحبُ السبعُ الشداد/أعلنوا اليوم حداد
☆☆☆☆☆
ماتَ لكن نورهُ لا يُختفى
نورهُ في قلبنا لا يُنطفى
أنته أنته الصدرُ أنته وكفى
والعليلُ أللاذَ فيكَ قد شفى
بابُهُ بابَ المراد/أعلنوا اليوم حداد
☆☆☆☆☆
آين طاغوتِ الزمانِ أمسى اين
بي دماً بارد قضا عالسيدين
وتعالوا وأنظروا شبل الحسين
قبرهُ يسحرُ عين الناظرين
خصمهُ أمسى رِماد/أعلنوا اليوم حداد
☆☆☆☆☆
نم قريرَ العين ياشبل الأسود
أنته والنجلين يارمز الخلود
قد هتفنا وكسرناها القيود
كُلنا للصدرِ أصبحنا جنود
رغمَ أصاحب العناد/أعلنوا اليوم حداد
☆☆☆☆☆☆☆☆☆☆☆☆☆☆
الشاعر (أسعد قاسم الكريعاوي)
الرابع من ذي القعدة
#جرح_الصدر_النازف
#نعي
لأستشهاد المولى المقدس محمد محمد صادق الصدر قدس الله سره
ماظن ترد/مات الورد
لمن رحت/لمن رحت
☆☆☆☆☆☆☆☆☆
ياسيد محمد تره
لمن سكنت المگبره
يم گبرك ألزمنه سره
نروح ونرد/مات الورد
لمن رحت/لمن رحت
☆☆☆☆☆
واحد بالآخر يتچي
ظلينه بس نوح وبچي
موتك ظلم خصم الحچي
نقره الحمد/مات الورد
لمن رحت/لمن رحت
☆☆☆☆☆
نحچي بدمع وي صورتك
أرجع يبونه بداعتك
ياسيد أحنه بعازتك
مردت الچبد/مات الورد
لمن رحت/لمن رحت
☆☆☆☆☆
فراگك يخلينه نحن
مثل إلذي يعيش بسجن
حگنه أذا لجلك نون
ماتنوجد /مات الورد
لمن رحت/لمن رحت
☆☆☆☆☆
بالكوفه چانت هيبتك
هيبت أمام بطلتك
من الله چانت خطبتك
خطبة مجد/مات الورد
لمن رحت/لمن رحت
☆☆☆☆☆
بس ذكرياتك باقيه
صحنه بمدامع جاريه
يانفسُ أرجعي راضيه
الواحد أحد/مات الورد
لمن رحت/لمن رحت
☆☆☆☆☆
ياشمعة أسنين العمُر
بفراگك أنصبر الصبُر
ماترجع أدري ياصدُر
وماتنحصد/مات الورد
لمن رحت/لمن رحت
☆☆☆☆☆☆☆☆☆☆☆
الشاعر(أسعد قاسم الكريعاوي)
لمة عزه
السلام عليك ياأبا مُصطفى
★★★★★★★★★★★★★★★
أبدي أسلم عالجسد الموسد أبنص التراب
وأعلى الثياب البل دمه متلطخه من الصواب
وأعلى العمامه وصايتك وأعلى الچفن ويه الخطاب
ياسيد الكوفه أشكثر صحيت شياب أو شباب
السلام عليك ياأبا مُصطفى
★★★★
مرت أعوام المقتلك مرت نحسها چل أمس
مرت مثل مر الغيوم لمن تمر أعلى الشمس
يومك وساعة غيبتك علينه أسود وكلش نحس
صح ميت أنته بس يظل صوتك فلا لحظه أنطمس
السلام عليك ياأبا مُصطفى
★★★★
ريت الرصاصه الصابتك ياسيدي بصدري أنرمت
ومن شفت دمك ياصدر ياريتها عيني أنعمت
ملعون من كان السبب وناس الذي بچتلك سعت
مو بس عيالك يتمت كل عيله بيك أتيتمت
السلام عليك ياأبا مُصطفى
★★★★
ياسيد محمد فلا ننساك يانور العيون
صاحب كرامه ومنزله متخيب إلي يگصدون
أبابك شفت ياسيدي چم رايه بيضه أيعلگون
من فضل الله بمرقدك هاي البشر يتبركون
السلام عليك ياأبا مُصطفى
★★★★
خالد تظل ياسيدي مثل الحسين إبن علي
حزنك يظل بينه أبد هذا الحزن ماينجلي
منبر الجمعه وخطبتك هيه شعاري الاولي
وصورتك خير وبركة واضعها أنه أبمنزلي
السلام عليك ياأبا مُصطفى
★★★★★★★★★★★★
الشاعر (أسعد قاسم الگريعاوي)
أساسيه لأستشهاد السيد محمد محمد صادق الصدر رضوان الله عليه
ياصدر لالا تروح/غيبتك هم وجروح
شوفتك تسوى العمر/ياصدرنه ياصدر
★★★★★★★★★★★★★★★★
يالرحت من بين أدينه وظلت أحبابك تنوح
بعازتك أحنه ترانه هذا وكتك لا تروح
أنته أبونه وغالي عدنه وأنته مرجعنه السموح
موتتك والله خسارة ورثّت بينه جروح
وأعتله من عدنه صوت/ريتنه بدالك نموت
وفدوه دمنه ينهدُر / ياصدرنه ياصدر
♢♢♢♢
ياصدر لفنه بعباتك حتى نشعر بالأمان
بلا أمان الدنيا صارت وينك الهذا الزمان
قال أبو الزهره محمد قوله واضح بالبيان
نظرة العالم عباده وشوفتك هيه الجنان
شوفتك تمحي الذنوب/وذكرك إيسر القلوب
يلي وجهك چل بدُر / ياصدرنه ياصدر
♢♢♢♢
كل محب هالليله ناده ريتني بدالك متت
ولا أشوفك ياصدرنه بالرصاص أتصوبت
مصطفى وأبنك مؤمل فوگ صدرك من شفت
حاضنيك بلهفه چانوا وبآخر أنفاسك صحت
دمي هذا إلي أنفدى/فدوه لابني مقتدى
هوه بعدي ينتصُر / ياصدرنه ياصدر
♢♢♢♢
أنته ماميت يسيد حين صوتك نسمعه
بخطبة الجمعة گلتها والأجل متوقعه
يالتحبوني أذكروني إن ذكري منفعه
وأحنه ماناسيك والله ودوم نهجك نتبعه
مرجعي أنته الاولي/أي وحگ حيدر علي
قائدي أنته بكل عصُر / ياصدرنه ياصدر
♢♢♢♢
نهجك الطاهر يسيد مانعوفه للأبد
أنته عنوان الشجاعه وأنته للموطن سند
والسرايا العل سواتر قوة منك تستند
ومقتدى قائد علينه شبل من ذاك الأسد
الحَبه خلي يتبعه /وخلي راسه يرفعه
وبيك خله يفتخُر / ياصدرنه ياصدر
♢♢♢♢
والله تستاهل يسيد نعتنيلك سائرين
مثل مانتعنه نمشي الكربله بالأربعين
ثورة المظلوم تبقى تنتصر عالظالمين
واليعادي الثورة هذي نسحگه بالقدمين
نعلن الأجلك حداد/ونلبس ثياب السواد
ونعتنيلك للگبُر / ياصدرنه ياصدر
★★★★★★★★★★★★★★
الشاعر (أسعد قاسم الگريعاوي)
لمة عزه
للصادق بهذا اليوم/واجب نهل الدمعه
____________________________
جعفر الصادق ياناس / مات ودمعته بخده
يبچي لجل جده حسين/حين الذي ظل وحده
وبسهم مسموم أنصاب/ والچبد سهمه تعده
والأكثر وأصعب چان / ومن ظهره طلع چبده
ماينسه أبد ذيچ الخيل/الداسته وطحنت ظلعه
للصادق بهذا اليوم / واجب نهل الدمعه
_________
كل ساعه كل لحظه ويوم/چان الحُسين أباله
ماينسه أبد جده حسين/من سحِگته الخياله
وكلما يصد للأطفال / يذكر فرار أعياله
وخدر الكفيل العباس / صار الشمر يبراله
وبكربله صار الصار/كل هل صِور تِصدعه
للصادق بهذا اليوم/واجب نهل الدمعه
_________
وما ينسه عمه العباس/عالمشرعه موذرينه
يمه چفوفه مگطعه / هنا يسرته ويمينه
وبالعمد صابوا هامته/ ونابت السهم أبعينه
كل هايه أبد ماهمته / خجلان من أسكينه
مواعدها بالماي وصاح/ماظن بي عمچ رجعه
للصادق بهذا اليوم / واجب نهل الدمعه
_________
والعمِته زينب يون / مهظومه ذيچي الحره
ظلت وحيده بكربله/عالهامه شبچت عشره
تركض تلم بالعايله / وكل خطوه إلها عثره
زينب چبيره إعله اليسُر/لاچن مشت متيسره
ناگتها عرجه من أتسير/گلب العقيله تشلعه
للصادق بهذا اليوم / واجب نهل الدمعه
_________
عضمه مصيبة كربله / إلها يون كل معصوم
حتى ملائكة السمه / والمُرسلين إلها تحوم
ذبحت أحسين أمن الگُفه/هزت العرش القيوم
لا لا تلومنه لون / نبچي لجلها كل يوم
وهاي المجالس ياناس/كلش تحبها البضعه
للصادق بهذا اليوم / واجب نهل الدمعه
_______________________
الشاعر (اسعد قاسم الگريعاوي)
قصيدة ملمع أساسيه
قالها الصادقُ أحيوا أمرُنا
رفع اللهُ تعالىٰ قدرُنا
هكذا يُجزى إمامُ المُتقيْن
قبرهُ مهدومُ والحالُ حزين
______________________
ياموالي خلي دمعاتك جريه
عالامام الصادق بهاي المسيه
گبره مُظلم هذا سلطان البريه
يعين گلب أمه الزچيه بهل رزيه
سوفَ تلقى فاطمهٌ جنبَ الإمام
وعليهِ باكيه حتى الحمام
وترى في جنبهِ أم البنين
قبرهُ مهدومُ والحالُ حزين
______
جعفر الصادق يشيعه مات مظلوم
هم گضه مسموم عمره وگبره مهدوم
والعده صبح ومسه يم مرقده تحوم
بيا ذنب ياناس من زواره محروم
عنده ذي العرشِ لهُ جَاهً عَظيم
كلُ من عاداهُ في نار الجحيم
نرفع الشكوى لرب العالمين
قبرهُ مهدومُ والحالُ حزين
______
لو تريد الصادق وگبره تشوفه
والله كوم تراب وأعدائه تحوفه
هيچ يتجازه البنه الدين بچفوفه
لا مزار ولا صحن نگدر نطوفه
قبرهُ موجودُ في عين السماء
حولهُ تسعى جميعُ الأنبياء
وعليهِ تبكي كلُ الصالحين
قبرهُ مهدومُ والحالُ حزين
______
مذهب الصادق رسم أروع مواهب
جامعه أسس تحل كل المصاعب
أول تصدر على أربع مذاهب
ليش گبره ينهدم أبن الأطايب
أيُ فكراً هؤلاءِ يحملوا
منهم أولاد النبي لم يسلموا
أي ذنباً يقتل إبنُ الطيبين
قبرهُ مهدومُ والحالُ حزين
______
أحنه مانسكت نصيح أمن الضماير
نريد نبني گبره ونعلي المناير
وننصب بصحنه عزه ونحيي الشعائر
هناك ومضيف الحسن بوجوده عامر
حقُ أهل البيتِ والله لن يضيع
مطلبٌ نرفعهو نبني البقيع
وننادي يالثارات الحسين
قبرهُ مهدومُ والحالُ حزين
_______________________
الشاعر (أسعد قاسم الگريعاوي)
فزاعيه
هاليوم هاليوم نشيع الصادق
♾♾♾♾♾♾♾♾♾
بنوح ومناحه وحزن نادينه
هاليوم هاليوم نشيع الصادق
ياسيدي مقتلك ماذينه
هاليوم هاليوم نشيع الصادق
شيعه ونواليك وحگ بارينه
هاليوم هاليوم نشيع الصادق
نبعث تعازي للنبي هادينه
هاليوم هاليوم نشيع الصادق
♾♾♾♾♾♾♾♾♾
بدموع وبنوح ولطم عالهامه
هاليوم هاليوم نشيع الصادق
ونعزي أمه وأبوه وأعمامه
هاليوم هاليوم نشيع الصادق
مظلوم مسموم گضن إيامه
هاليوم هاليوم نشيع الصادق
ويانه تصرخ عليه أيتامه
هاليوم هاليوم نشيع الصادق
♾♾♾♾♾♾♾♾♾
بهاي المصيبه نعزي الزهره
هاليوم هاليوم نشيع الصادق
ونگلها أبنچ تهدم گبره
هاليوم هاليوم نشيع الصادق
الهاي الرزيه الجرح مايبره
هاليوم هاليوم نشيع الصادق
ظل الگبر لا صحن لا حضره
هاليوم هاليوم نشيع الصادق
♾♾♾♾♾♾♾♾♾
الصوب البقيع المسه نتعنه
هاليوم هاليوم نشيع الصادق
عالصادق اليوم نزيد الونه
هاليوم هاليوم نشيع الصادق
نتمنه هاليوم نجي نتمنه
هاليوم هاليوم نشيع الصادق
يم گبره ننصب عليه مجلسنه
هاليوم هاليوم نشيع الصادق
♾♾♾♾♾♾♾♾♾
يالصادق الشيعه ألك وفايه
هاليوم هاليوم نشيع الصادق
باچر يجولك مشي بالرايه
هاليوم هاليوم نشيع الصادق
الأرض البقيع الگلب عنايه
هاليوم هاليوم نشيع الصادق
للمهدي منطين وعد وحچايه
هاليوم هاليوم نشيع الصادق
♾♾♾♾♾♾♾♾♾
للموت للموت يظل مطلبنه
هاليوم هاليوم نشيع الصادق
نبني البقيع من أهم واجبنه
هاليوم هاليوم نشيع الصادق
مجروح للدوم يظل مذهبنه
هاليوم هاليوم نشيع الصادق
نتمنه يمهم نجي بموكبنه
هاليوم هاليوم نشيع الصادق
♾♾♾♾♾♾♾♾♾
للكاظميه أجينه بدمعه
هاليوم هاليوم نشيع الصادق
يم والده بلهفه جينه نشيعه
هاليوم هاليوم نشيع الصادق
الهاي المصيبه ننوح أو ننعه
هاليوم هاليوم نشيع الصادق
ظلمه الگبر جينه نشعل شمعه
هاليوم هاليوم نشيع الصادق
♾♾♾♾♾♾♾♾♾
الشاعر(أسعد قاسم الگريعاوي)
نزله
بسم گضه عمره/صادق العتره
أويلاه
♾♾♾♾♾♾♾♾♾♾♾
مات أمام الجعفريه بهل مسيه
واجب ومو مستحب ننصب عزيه
باللطم والنوح وبدمعه جريه
هالمسه نعزي النبي وحامي الحميه
نعزي الزهره/صادق العتره
أويلاه
♾♾♾♾
سادس أنوار النبي طفوا شمعته
صابه أبو جعفر المنصور بمهجته
والنذل دس سمه ياوسفه بغدرته
ومنها ذابت جعفر الصادق چبدته
وچبده مايبره/صادق العتره
أويلاه
♾♾♾♾
وين گلي يروح من الله وحسابه
المارحم حاله وصلت ذيچ القرابه
والقرابه بهل وكت صاروا ذيابه
والأصابع مو سوه وهل دنيه غابه
منهم أتبره/صادق العتره
أويلاه
♾♾♾♾
باقي أهل البيت ياعالم ذِكرهم
وينكتب تاريخه أسود من غدرهم
الله جلت قدرته رافع قدرهم
والله ملعون الذي هدم گبرهم
بالسمه گبره/صادق العتره
أويلاه
♾♾♾♾
والأرض ماتخله من حجه يعالم
ندعي للباري يرجع المهدي سالم
واليگول المهدي ميرد هذا واهم
يظهر ان شاء الله وبچفينه صارم
كلنه ننتظره/صادق العتره
أويلاه
♾♾♾♾
والله للمهدي بدت تظهر علامات
عن قريب ان شاء الله نسمع الصيحات
ويقظي عالطغيان وأصحاب الظلالات
وللبقيع بزوده ندخل بالعزيات
باچر أنحضره/صادق العتره
أويلاه
♾♾♾♾♾♾♾♾♾♾♾
الشاعر (اسعد قاسم الگريعاوي)
لمة عزة/لأستشهاد الإمام الصادق(عليه السلام)
باللطم والنوح/وبدمع مسفوح
شيعوا الصادق/شيعوا الصادق
☆☆☆☆☆☆☆☆☆☆☆☆
الخامس وعشرين من شوال سموا
جعفر الصادق يشيعة بحقد غدروا
هذا من نسل الطهاره الكل يعرفوا
بيا ذنب گبره عليه مرتين هدموا
مايعرفونه/من يظلمونه
شيعوا الصادق/شيعوا الصادق
☆☆☆☆
شيعوا الصادق يشيعه بالمدينه
وخلي نعشه يطوف يم جده نبينه
لا تعجلون المشي يالشايلينه
خل يودعنه بناته وي بنيه
سمعن أونينه/الله ألي يعينه
شيعوا الصادق/شيعوا الصادق
☆☆☆☆
وصوا حفار الگبر خل يشگ لحده
بالبقيع أبكتر أبوه وكتر جده
وبكتر عمه الحسن السمته جعده
خل يواسي واحد أوية الثاني چبده
ياچبد أكثر/منهم أتنثر
شيعوا الصادق/شيعوا الصادق
☆☆☆☆
من أرض بغداد ومن الكاظمية
نواسي أبنك موسى ونقدم عزية
لجدك المختار والحامي الحمية
ولأمك الزهره نعزيها الزچية
بنعشه أل رمزي/نواسي ونعزي
شيعوا الصادق/شيعوا الصادق
☆☆☆☆
بيا وجه باچر إذا نشوف الإيمه
ويا عذر إلي نقدمه ألهم وكلمه
لو سكتنه عالبقيع هواي زحمه
مية عام أگبور ياوسفه ظلمه
الأمر واضح/ياأبو صالح
شيعوا الصادق/شيعوا الصادق
☆☆☆☆☆☆☆☆☆☆☆☆
الشاعر (أسعد قاسم الكريعاوي)
هذا حمزه ~~~هذا حمزه
♾♾♾♾♾♾♾♾♾
سلام الله إعله إسمه/هذا حمزه
المحمد هوه عمه /هذا حمزه
نذر روحه أويه دمه/ هذا حمزه
شهيد ومانظلمه /هذا حمزه
♾♾♾♾️
قريش أتخاف منه/هذا حمزه
بطل وأسئلوا عنه /هذا حمزه
ظربته ما تثنه / هذا حمزه
إله يم الله جنه /هذا حمزه
♾♾♾♾
لإن محد يگدره / هذا حمزه
هند گالت نغدره / هذا حمزه
ومحمد بي نقهره /هذا حمزه
وظهر جيشه نكسره/هذا حمزه
♾♾♾♾
علي چان بيمينه / هذا حمزه
ورفع راية نبينه / هذا حمزه
شراعه والسفينه/هذا حمزه
مثل رمش أويه عينه/هذا حمزه
♾♾♾♾
بغدر چتلونه وسفه/هذا حمزه
شجاع الكل توصفه/هذا حمزه
أبو جهل ويعرفه / هذا حمزه
طفاها العينه چفه/هذا حمزه
♾♾♾♾
أبو السيره الشريفه/هذا حمزه
وضربته شگد عنيفه/هذا حمزه
إذا سل بيده سيفه /هذا حمزه
يصيد أهل السقيفه/هذا حمزه
♾♾♾♾
أبو أحزامين هوه/ هذا حمزه
اليصير أگباله يهوه/ هذا حمزه
ثگل چفينه تسوه/ هذا حمزه
شكثر صولاته حلوه/هذا حمزه
♾♾♾♾♾♾♾♾♾♾
الشاعر (أسعد قاسم الگريعاوي)
منتظرتك راية بدر
-----------------
جروح الاهل متواصله
من المدينه الكربله
يمته الزمان اتبدله
تنتهي ايام الصبُر
منتظرتك راية بدُر
---------------
مصاب أهلك وهاي المحن
ما ينجلن لا ينسن
يمته الفرج يبن الحسن
واليمته نبقى ننتظُر
منتظرتك راية بدُر
---------------
ثارات بصدرك قايمه
إلها بچت أرض وسمه
وأولها مصيبة فاطمه
أمك ظلعها منكسُر
منتظرتك راية بدُر
---------------
ثاني مصيبه يالولي
بگلبك أظن ماتنجلي
حين الذي صابوا علي
بمحرابه حيدر منطبُر
منتظرتك راية بدُر
---------------
وثالث جرح هز العرش
بسم الحسن سد الرمش
وشچم سهم صاب النعش
ومهدم إعليهِ الگبُر
منتظرتك راية بدُر
---------------
رابع جرح يالمنتظر
بطف كربله أفجع صور
ذبحوا حسين وهالنحر
يظل ينزف اليوم الحشُر
منتظرتك راية بدُر
---------------
وعمك أبو فاظل وگع
عالمشرعه وچفه أنگطع
وحسين أبو اليمه أنفجع
والزينب يقدم العذُر
منتظرتك راية بدُر
---------------
وصوت البقيع التسمعه
مو هينه هاي الفاجعه
متهدمه قبور أربعه
نشلت عسه أيد الغدُر
منتظرتك راية بدُر
---------------------------
الشاعر (أسعد قاسم الگريعاوي)
بِقلوبِِ مُؤلمه نَادهَ الجميع
السلامُ على أهل البقيع
☆☆☆☆☆☆☆☆☆☆☆
ثامن بشوال صرخه جعفريه
نصرخ ونعلنها ضد الجاهليه
ذكرى تهديم البقيع وهالقضيه
هالمسه نرفعها بيد المرجعيه
نحُنُ قوه حيدريه نستطيع
السلامُ على أهل البقيع
☆☆☆☆☆
طالت المده وسكتنه هواي ياناس
لشوكت يبقه البقيع بچف الأرجاس
أربع أحفاد الرسول وعمه عباس
والله منظرهم صعب ويشيب الراس
حقكم ياسادتي لا لن يضيع
السلامُ على أهل البقيع
☆☆☆☆☆
واجب إعلينه المسيه يامُسلمين
نشجب ونستنكر إلي يكره الدين
خلي كلنه نرفع البارينه الإيدين
ندعي للمهدي إلي غايب صارله سنين
أنته ياربي البصيرُ والسميع
السلامُ على أهل البقيع
☆☆☆☆☆
تدري بالمؤمن يرب شنهو شعوره
ومنيته هاي الوحيده يشوف نوره
يمته مهدينه يجي ويأدي دوره
والله مايصفه الوضع إله بظهوره
حالهُ محزونُ والقلبُ فجيع
السلامُ على أهل البقيع
☆☆☆☆☆
والله مانيئس أبد من صاحب الثار
لا بد بيوم ويجي يقضي عالأشرار
ونعتني الأرض البقيع بزوده زوار
ويبني مرقدهم ذهب أجداده الأطهار
خبراً مهديُنا عاجل يذيع
السلامُ على أهل البقيع
☆☆☆☆☆☆☆☆☆☆☆☆☆☆
الشاعر (أسعد قاسم الكريعاوي)
أساسيه لإستشهاد الأمام الجواد عليه السلام
نعتني الكاظميه/يله يالجعفريه
نتعنه مشايه/والرايه/بيدينه ترف
والگبره عنايه/وفايه/نوصله زحف
والمدامع جريه/يله يالجعفريه
★★★★★★★★★★★★★★
نلبس ثياب الحزن هاي المسيه
ونعتني مشايه لأرض الكاظميه
بالجواد نواسي هالليله الزچيه
نعزي بمصابه علي حامي الحميه
هالعزه يبقه قائم/والحزن بينه دايم
للحضرة طبينه/ودعينه/للمهدي العجل
واليمته قائمنه/يحكمنه/ بوجوده الأمل
خلي ندعي سويه/يله يالجعفريه
★★★★
للجواد اليوم أجينه نجري دمعه
بليلة الوحشه شعلنه بگبره شمعه
نعشه فوگ الروس أنحمله ونشيعه
وبكتر جده أبن جعفر نودعه
نوسده بكتره هاليوم/موسى هم مثله مسموم
يمه أنحفر لحده/وبچبده/ سمه ماشفه
ونواسي الزهره/بالعبره/وجده المصطفى
شاهد شگد أذيه/يله يالجعفريه
★★★★
تاسع أنوار الرسالة والإمامه
من بني العباس ماعاش بسلامه
أنغدر شاب وترك خمسة يتامه
أبنت المأمون ما راعت مقامه
الهادي ينعه وأخوته/صاح وبعالي صوته
عالفرگه مايگدر /يتصبر/ بعدك هالگلب
مو هين غيابك/وصوابك / يابويه صعب
ننصب أعليه عزيه/يله يالجعفريه
★★★★
گلي هالمأمون وينه أوين گبره
وأعتني يم الجواد وشوف قصره
وزوجته أم الفضل خانت بقدره
من عگب متعينه ياوسفه تغدره
سمه بحشائه صابه/ضاع عمره وشبابه
ماقدرت ضرفه/وتعرفه/أبن المرتضى
وتشوفه يتلوه/وبالگوه/حچيه يلفضه
منها شاف المنيه/يله يالجعفريه
★★★★
اليوم نتعنه مشي لأرض الجوادين
مثل مآ بالأربعين أنزور الحسين
كل سنه تكثر ضعف هاي الملايين
أحنه لأهل البيت عشاگ ومجانين
لا تلوم اليحبهم/واليموت بدربهم
نمشي ونواسيهم/ندريهم/عدهم منزله
كل خطوة نمشيها/ننويها/ للمهدي أله
الأبو صالح هديه/يله يالجعفريه
★★★★
مثل جده حسين نگصد بالمواكب
من مشينه هواي تغتاظ النواصب
والشعائر لازم بحقها نطالب
لازم أنوثقها وي سبعة العجائب
ثامنه لا منقبل/أله وبمرتبه أول
نتنافس بحقها / نوثقها / يوم الأربعين
من ننظر العالم/تتزاحم/وتزور الحسين
ثورة عالناصبيه/يله يالجعفريه
★★★★
أحنه وفايه ونظل لآخر عمرنه
والمجالس هيه عزتنه وفخرنه
أجمل الألوان أسود أحنه عدنه
وعاللطم عودنه ياعالم صدرنه
كلمه من المنابر/لا تضد الشعائر
هذي شعيرتنه/هيبتنه/يم رب السمه
لو مانلبيها / ونحييها / تزعل فاطمه
لا تزعلوا الزچيه/يله يالجعفريه
★★★★★★★★★★★★★
الشاعر(أسعد قاسم الگريعاوي)
شور فزاعي
يشيعونه أبو الهادي يشيعونه
بجوار الكاظم الليله يدفنونه
☆☆☆☆☆☆☆☆☆☆☆☆
بدموع ونوح وبونه يشيعونه
الجواد وفوگ عالهامه يحملونه
ويم موسى أبن جعفر يدفنونه
مسموم بكتر مسموم وارونه
يودعونه المسه أحبابه يودعونه
بجوار الكاظم الليله يدفنونه
☆☆☆☆
ثلث أتيام ظل أعله السطح مطروح
مثل جده البگه بطف كربله مذبوح
على مصابه تنادي شيعته وتنوح
الفعل هذا الفعل من الله وين يروح
تچتلونه شنو ذنبه تچتلونه
بجوار الكاظم الليله يدفنونه
☆☆☆☆
يشيعه شيعوا لأبن الرضا بهمه
تره بتشييعه تحضر فاطمه أمه
تنوح أعله الجواد وتلهج أبأسمه
وتنادي بصوت سموا چبدتك يمُه
يحضرونه أبو وأمه يحضرونه
بجوار الكاظم الليله يدفنونه
☆☆☆☆
وعلي الكرار من النجف بدموعه
يجي لأبنه الجواد وشايل أشموعه
يجي أمن بعيد لاچن ونته مسموعه
يصم إيده علي ويلطم على ظلوعه
يوسدونه علي وطه يوسدونه
بجوار الكاظم الليله يدفنونه
☆☆☆☆
مُحمد يعتني ودموعه هماله
وعلى راسه النعش مو عالمتن شاله
يصيح بصوت طه وحالته حاله
بذبح وبسم قتلتوا المصطفى وآله
دمه عيونه أبو الزهره دمه عيونه
بجوار الكاظم الليله يدفنونه
☆☆☆☆
بحقد أم الفضل سمت أبو الهادي
خذِت ثاري من أمه فاطمه تنادي
ومن المؤمون أبويه آخذ مرادي
أقتلت أبن النبي ورضيت أسيادي
يغدرونه إلي منه وبي يغدرونه
بجوار الكاظم الليله يدفنونه
☆☆☆☆☆☆☆☆☆☆☆☆☆
الشاعر (أسعد قاسم الكريعاوي)
لغيرك ماجره دمعي / وألك دار
شكيت همومي يم گبرك/والكدار
إلك مرقد يشع يزهي / وألك دار
تگصده الناس كل صبح ومسيه...
تمل الروح مني / وماتملك
دليلي الغير شخصك/ماتملك
نصبنالك يابو مؤمل/مأتم لك
وتنوح أعليك كل الجعفرية...
★★★★★★★★★★
الشاعر ( أسعد قاسم الكريعاوي )
نعي/لأستشهاد السيد الشهيد السعيد محمد الصدر قدس الله سره
☆☆☆☆☆☆☆☆☆
ياصدر ياجرح الأيام
صرنه بأستشهادك أيتام
وصرنه فوگ أعتابك أنام
آه ياجرح السنين
☆☆☆☆
نادتك من ضيمها الروح
ياصدر. أرجوك لتروح
هاك شوف الگلب مجروح
راح يكتلنه الحنين
☆☆☆☆
علگت صورتك بالبيت
گابلتها والله وبچيت
تبقى عايش كون ناديت
بداعت صواب الجبين
☆☆☆☆
أصفه من الذهب نيتك
وگلبك أبيض من لحيتك
مثل أبو الأكبر قضيتك
ياشبيهاً للحُسين
☆☆☆☆
إعليك مابطل بچانه
بعازنك أحنه ترانه
أرجع أرجع ياحمانه
كل گلب لجلك حزين
☆☆☆☆
ياصدر ردلي دخيلك
يالذي ماكو مثيلك
أنذرت روحي بسبيلك
رايح أنته عنه وين
☆☆☆☆
تضوي من أربع جهاتك
ماشفت راحه بحياتك
وحتى ياصدر أبمماتك
بگبرك ونسمع أنين
☆☆☆☆☆☆☆☆☆☆☆
الشاعر(أسعد قاسم الكريعاوي)
السلام عليك ياولي أمر المسلمين يوم ولدت ويوم أستشهد ويوم تبعث حيا
گرب يومك ياصدر/وأشتعل بينه الجمر
الله وياك/لا مننساك /ياصدرنا
☆☆☆☆☆☆☆☆☆☆☆☆☆☆☆
سنين مرت ياصدرنه/موش چم يوم وشهر
عدت وچنها سحابه/العل أرض تنطي مطر
شما تمر سنين تبقى/تعيش بگلوب البشر
أنته مثل حسين أنته/خالد بطول الدهر
يبن وارث الأنبياء/نصبنه لفراگك عزاء
نحيى ذكراك/لا مننساك /ياصدرنا
☆☆☆☆
فتحنه صفحت ذكرياتك/ ياصدرنه بالأمس
چان كل همك علينه/ شايله وبينه تحس
چنت بالكوفه تلالي/تضوي كلك چالشمس
الصلاه وياك چانت / رحمه منها نلتمس
مو بشر عادي نشوف/صلت أوياك الألوف
نبي شفناك/لا مننساك /ياصدرنا
☆☆☆☆
أجذب الحسره يسيد /لمن أنظر صورتك
شگد بريئه شگد حزينه/ألنه چانت نظرتك
چنت تدري أنته تغادر /ياصدر عن دنيتك
طلگتها بالثلاثة / مثل حيدر سيرتك
هدمت عرش الطغاة/من قمت ذيچ الصلاة
راعب أعداك/لا مننساك /ياصدرنا
☆☆☆☆
أحنه مشتاگين صوتك/نسمعه بترس الآذان
من وكت رحت وعفتنه/خيمه چنت ألنه وأمان
والله محتاجيك والله / ياصدرنه الهل زمان
الأبن لو شيبت لحيته / هم يظل فاگد حنان
ياخلگ خيمه الأبو/بصدره تلگه شگد دفو
خيمه ردناك/لا مننساك /ياصدرنا
☆☆☆☆
گلبك أبيض من لحيتك/نيتك أصفه من الذهب
والشجاعة البيك چانت /عجِبت حتى العجب
الموت على أولاد آدم / قدر عالناس أنكتب
لا نبي ومرسل يعوفه / ومنه ماواحد هرب
غادر بطبعك يموت/تاخذ أعزاز بسكوت
هاك أخذ هاك/لا مننساك /ياصدرنا
☆☆☆☆
مثل أبو السجاد أنته/ياصدر مالك مثيل
لو ندور الدنيا كلها / مانظن نلگه بديل
ثابتين بدربك أحنه/ولا تظن عنه نميل
ياأبومؤمل طريقك/گمر وي يضوي الدليل
يعشگك بس الشريف/العنده غيره والنضيف
الليلة صحناك/لا مننساك /ياصدرنا
☆☆☆☆☆☆☆☆☆☆☆☆☆☆☆☆☆
الشاعر ( أسعد قاسم الكريعاوي )
نزله 👇👇👇
لأستشهاد السيد محمد محمد صادق الصدر رضوان الله عليه
ياصدرنه ياصدر/ياصدرنه ياصدر
★★★★★★★★★★
لا تلومه إلي يذوبن بالعشگ
شلون لو محبوبه عنه يفترگ
گلبه يبقى أشما يذكره يحترگ
هالگلب بسم الصدر يبقى يدگ
ياصدرنه ياصدر / ياصدرنه ياصدر
☆☆☆☆
وبغيابك گلي شيفيد الصبر
شلون نگضي بفرگتك هذا العمر
الله يلعن كلمن بچتلك أمر
عظم الله مقتدى لك الأجر
ياصدرنه ياصدر / ياصدرنه ياصدر
☆☆☆☆
دمك ودم ولدك الطاهر نزف
من أجل هالدين صار أعظم شرف
منهو مثلك صله بالكوفه وهتف
ماهفت صوتك ولا عزمك ضعف
ياصدرنه ياصدر / ياصدرنه ياصدر
☆☆☆☆
ثوره صوتك ياصدر ضد الظلم
ماخفت من هددت ذاك الحكم
وينه وينه الحاربك ذاك الخصم
مابقه ذكره ولا گبره وأسم
ياصدرنه ياصدر / ياصدرنه ياصدر
☆☆☆☆
ثابتين أعله الوعود الصادقه
وحبنه ألك هذا بدمانه أنوثقه
واضحون كالشموس المشرقه
الحوزه بأسمك دوم تبقى ناطقه
ياصدرنه ياصدر / ياصدرنه ياصدر
☆☆☆☆
والحچه خل يحچي كم يوم ويمل
أحنه منك ياصدرنه مانمل
أنته طاهر أنته من أشرف نسل
الذيله أعوج لا تظنه ينعدل
ياصدرنه ياصدر / ياصدرنه ياصدر
☆☆☆☆
ياصدرنه نروح كل أحنه فداك
أحنه مجنونين تدرينه بهواك
مايهمنه اليحچي هذا ولا هذاك
كل سنه وكل عام أنجدد عزاك
ياصدرنه ياصدر / ياصدرنه ياصدر
☆☆☆☆
والله محتاجيك أحنه بهل أوان
ياصدرنه مابقی عدنه أمان
أنته ليث المرجعيه بكل زمان
بأسمك أينادي گلبنه واللسان
ياصدرنه ياصدر / ياصدرنه ياصدر
★★★★★★★★★★★
الشاعر ( أسعد قاسم الگريعاوي )
لمة عزه
او نزله 👇👇👇
لأستشهاد السيد محمد محمد صادق الصدر رضوان الله عليه
الوداع الوداع/سيدي حان الوداع
★★★★★★★★★★★★★
راح أودعك ياصدرنه روحت الما بيها رجعه
هذي احبابك يسيد تسفح أعله الوجنه دمعه
راح أبو مؤمل يشيعة واليدفنونه أشيرجعه
تبچي سجادة صلاته وسبحته الليله تودعه
ياشهيد ياشهيد/نهجُك الطاهر يُطاع
الوداع الوداع / سيدي حان الوداع
☆☆☆☆
بالدمع والون نودعك كل سنه ننصب عزيه
والله تستاهل نندبك يل قدت أعظم قضيه
خطبتك بالكوفة چانت شوكة بعيون
آل أميه
ياأسد والكل شهدلك يازعيم المرجعيه
لن تموت لن تموت/أيها الصدر الشجاع
الوداع الوداع / سيدي حان الوداع
☆☆☆☆
هددت عرش الظلاله وبالصدق أنطق لسانك
آه يبو مؤمل أصيحن وسفه يالخانك زمانك
وشكثر يصعب غيابك خالي ياسيد مكانك
بلحظه رحت وفارگتنه وماشبعنه من حنانك
أنت أين أنت أين/سيدي نحنُ ضياع
الوداع الوداع /سيدي حان الوداع
☆☆☆☆
بگينه من بعدك يتامه ياحنين وطيبه ذاتك
يابو ملگه وأبتسامه والكرم أجمل صفاتك
بخيمتك لذنه وگعدنه چل كساء صارت عباتك
كل محب هالليله ناده الموت إلي وتسلم حياتك
سيدي سيدي/للسفينة أنته شراع
الوداع الوداع/سيدي حان الوداع
☆☆☆☆
واجب أعلينه نذكرك يلي صحيت الضماير
چم بطل منك تخرج وماخرس صوت المنابر
وهل زلم لو ماوجودك ماتظل أعله السواتر
صحنه لبيك وننصرك ياوطن لا تبقى حاير
لن نخاف لن نخاف/سوف نقضي عالنزاع
الوداع الوداع. / سيدي حان الوداع
☆☆☆☆
نقسم أحنه مانعوفك ياصدرنه ولايهمك
حررتنه وعلمتنه والأجلنه أرخصته دمك
عايش أنته بالضماير ياگبر هذا اليضمك
نهجك الطاهر نسلكه يالتسمينه أعله أسمك
في القلوب في القلوب/ثابتُ الحُب لايباع
الوداع الوداع / سيدي حان الوداع
★★★★★★★★★★★★★
الشاعر ( أسعد قاسم الگريعاوي )
أبوذيات لأستشهاد الإمام الصادق عليه السلام...
خبر فگده المسه الناعي/يشيعه
گضه مسموم وبحسره / يشيعه
يهنياله الذي أيحمله / ويشيعه
ويحفر لحده يم سيد البريه...
★★★★
أعلى تربية النبي وآله / تربه
أو وجه طه أبو الكاظم/ترا به
تمنيت أعتني وأشتم / ترابه
من أشمه چن أشم الغاضريه...
★★★★
وحگ إن مع العسر / ويسرى
مضه السم بوسط چبده / وسرى
صفگدت أيميني عالصادق/ويسرى
بمصابه فجع كل الجعفريه...
★★★★
الإمام الصادق إيسموا / وسافه
وجرح چبده فلا يضمد / وشافه
يريت المصطفى يحضره/وشافه
وبناته ينوحن أعليه هل مسيه...
★★★★★★★★★
الشاعر (أسعد قاسم الگريعاوي)
أساسيه لأستشهاد الأمام الصادق عليه السلام
على الصادق يحباب
وجرح چبده الماطاب
خلي ننعه/ونجري دمعه
دمعكم خل سچاب
ومحرم عالأبواب
خلي ننعه/ونجري دمعه
♾♾♾♾♾♾♾♾♾♾♾♾♾
بمجلس الصادق يشيعه أنفتحت أبواب العزاء
هذا جايينه محرم أستعدوا للبكاء
الأمام الصادق أنسم چبده أبن الأتقياء
بس يشيعه ماكو أعظم من مصيبة كربلاء
تره مصاب المذبوح
يشيعه يعذب الروح
بينه جمره/وبينه حسره
دمه المدمع سچاب
ومحرم عالأبواب
خلي ننعه/ونجري دمعه
♾♾♾♾♾♾♾
الصادق بلوعة مصابه داره ياناس أحترگ
وصدره بالدخان والله بالأمس هم أختنگ
وترگض عياله أمامه بدمعته التجري غرگ
تخيل العماته رگضن والشمر بيهن يطگ
وتشب بعبيها النار
وتفر أزغار أكبار
بلايه خيمه/ياهضيمه
تشب نار الأطناب
ومحرم عالأبواب
خلي ننعه/ونجري دمعه
♾♾♾♾♾♾♾
جعفر الصادق يشيعه مات وأهله شيعوا
تغسله بهيبه وتچفن وجسمه كامل وسدوا
بس أبو اليمه يعالم بالحصيره جمعوا
وأبنه ماباسه بجبينه باس نحره ونزلوا
الصدر بالخيل أنداس
وتوسد وبلا راس
بهذا حاله/أبنه شاله
ويهيل إعليه التراب
ومحرم عالأبواب
خلي ننعه/ونجري دمعه
♾♾♾♾♾♾♾
والأشد وأعظم والأكلف بهل مصاب إلي جره
زينب الحره العقيله شلون تمشي ميسره
وينه كافلها وحماها وين سبع الگنطره
گالوا إعله الشاطي مرمي وهامته مطشره
وسهم نابت بالعين
ورميات الچفين
بكتره جوده/يم زنوده
بعمد بالراس أنصاب
ومحرم عالأبواب
خلي ننعه/ونجري دمعه
♾♾♾♾♾♾♾
مصايب أهل البيت كلها تهون لجل أمصيبته
طبرت الكرار حيدر وأمه تبچي الحالته
والحسن يبچي لأخيه وماينوح الچبدته
وشيعته أحنه الغياره الما نسينه غربته
عهد هذا وللموت
يظل لحسين الصوت
مانعوفه/وحگ طفوفه
الشهر نحسبله أحساب
ومحرم عالأبواب
خلي ننعه/ونجري دمعه
♾♾♾♾♾♾♾
للحُسين أحنه عشاگه وبقضيته مسودنين
لا تلومونه يعالم لو نموت إعله الحُسين
شما نضحي أشما نقدم للحُسين مقصرين
مانساوي والله ذره من عشگ أم البنين
نطت أم الإحساس
لأبو اليمه عباس
ماكو مثله/غيره كله
سمعنه منها جواب
ومحرم عالأبواب
خلي ننعه/ونجري دمعه
♾♾♾♾♾♾♾♾♾♾♾♾
الشاعر (أسعد قاسم الگريعاوي)
لمة عزه
للصادق نتعنه اليوم/وأنواسي چبده المسموم
★★★★★★★★★★★★★
خل نگصد يم گبره الليله
والمدمع لمصابه أنسيله
يستاهل من دم نبچيله
من كلشي الصادق محروم/وأنواسي چبده المسموم
★★★★
من نگصد للصادق يمه
نلگه الزهره تنحب أمه
تاخذ صم ترابه تشمه
أحنه أوياها لجله أنحوم/وأنواسي چبده المسموم
★★★★
سادس أنور أهل العتره
مسموم ومظلوم بگبره
أحنه من العادا نتبره
نتبره من كل مأثوم/وأنواسي چبده المسموم
★★★★
كوم تراب ويسطع نوره
لا بد يوم ونمشي أنزوه
ونبي الصادق بأجمل صوره
وأنفرح گلبه المهموم/وأنواسي چبده المسموم
★★★★
بأرض البقيع أربع قبب
نبنيهن باچر من ذهب
ونلعن كلمن هبّه ودب
ومايبقى گبره مهدوم/وأنواسي چبده المسموم
★★★★
أسمع يالعاديت الصادق
باچر يم گبره نتسابق
ونبنيه أتوافق متوافق
حُكم الظالم لا ميدوم/وأنواسي چبده المسموم
★★★★
شيعه وشحده إلي يمسنه
أكبر قوة متنافسنه
بالغرقد باچر مجلسنه
ننعه ونِون عالمظلوم/وأنواسي چبده المسموم
★★★★★★★★★★★★★★
الشاعر (أسعد قاسم الكريعاوي)
نزله او لمة عزه
جعفريه/نفتخر هذا أسمنه جعفريه
☆☆☆☆☆☆☆☆☆☆
بالبقيع الصادق ونسمع ونينه
ونته توصل لعند طه نبينه
للسماء أرفعنه أيدينه ودعينه
عجل الله فرج المهدي ولينه
مهدويه/هذهِ دولتنه يعالم مهدويه
جعفريه/نفتخر هذا أسمنه جعفريه
♢♢♢♢
جعفر الصادق وسف مرتين ظلموا
مره بالسم چبدته ياشيعه غدروا
ثاني مره مرقده وي گبره هدموا
وزمرة أحفاد اليهود الطاغي حاطوا
حيدريه/دمنه هذا والفصيله حيدريه
جعفريه/نفتخر هذا أسمنه جعفريه
♢♢♢♢
هل على الصادق يشيعي اليوم دمعه
وأذكر مصابه ورزيته وشوف وضعه
گبره أظلم خلي نشعل يمه شمعه
إن شاء الله بزود الزلم حقه نرجعه
مرجعية/شيعة أحنه ونمشي بأمر المرجعية
جعفريه/نفتخر هذا أسمنه جعفريه
♢♢♢♢
ياموالي أجري دمعتك على الصادق
والعن آل سعود وألعن كل منافق
نبني گبره حتى لو محد يوافق
من يجينه حجة الله أعله الخلايق
ناصبيه/أي ذكر لا مايظل للناصبيه
جعفريه/نفتخر هذا أسمنه جعفريه
♢♢♢♢
مايظل مهدينه ياهاالناس غايب
لابد بيوم ويجي يبيد النواصب
وبچفوفه تنبني گبور الأطايب
ونعتني مشايه إلهم بالمواكب
للمنيه/ هيه هذهِ أمنيتنه للمنيه
جعفريه/نفتخر هذا أسمنه جعفريه
♧♧♧♧♧♧♧♧♧♧
الشاعر ( أسعد قاسم الگريعاوي )
موشح
شيعوا نعش الصادق أبهل ليله
والدمع من دم عليه أنسيله
♾️♾️♾️♾️♾️♾️♾️♾️♾️
شيعوا الصادق يشيعه بهيبته
بسم بني العباس ويلي غدرته
سادس الأنوار طفوا شمعته
من الآهه القاتله ياويله
شيعوا نعش الصادق أبهل ليله
♾♾♾♾
جعفر الصادق أمام الرافضه
والعده بغضاً بجده تبغضه
بروحه ضحه حتى نهجه يحفظه
قارع الظلم ورفض تضليله
شيعوا نعش الصادق أبهل ليله
♾♾♾♾
من بني العباس وسفه ماسلم
عاش فتره وجرع الوان الألم
تالي بالسم الچبد منه أنثلم
الهل مصيبه مأتم أنسويله
شيعوا نعش الصادق أبهل ليله
♾♾♾♾
بحرگت الدار وصراخ العايله
جعفر الصادق دموعه سايله
تذكر حسين وعياله ومقتله
وعالجره بطف كربله أنهد حيله
شيعوا نعش الصادق أبهل ليله
♾♾♾♾
جعفر الصادق أمام أعله الخلگ
مثل أمه فاطمه داره أحترگ
وصدره بالدخان ياناس أختنگ
وفاطمه لمصيبته تبچيله
شيعوا نعش الصادق أبهل ليله
♾♾♾♾
مات أمام الجعفريه أبهل مسه
والدهر عالكاظم أبنه شگد قسه
والهوه بحسره وألم يتنفسه
لله همه وفگد أبوه يشكيله
شيعوا نعش الصادق أبهل ليله
♾♾♾♾♾♾♾♾♾
الشاعر(أسعد قاسم الگريعاوي)
نطالب نطالب ببناء البقيع
______________________
ندعوا كل مؤمن شريف وعنده غيره
ينتفض ضد الفعل هاي الجريره
نطالب بعودة بناء أضرح كبيره
مرقد وگبه ومعالمها منيره
ندانه ندانه هذا للجميع
نطالب نطالب ببناء البقيع
______
أبن تيميه اللعين أصدر الفتوه
گبور أهل البيت ويه الگاع تهوه
أسمعوا يامن جعلتوا أنتوا قدوه
فلس عدنه أبن تيميه ميسوه
خصيمه خصيمه بارينه السميع
نطالب نطالب ببناء البقيع
______
نبقى أحنه نطالب بحق الإيمه
ماتظل أگبورهم يوميه ظلمه
لو سكتنه من رسول الله زحمه
لازم نكون ايد وحده وحده كلمه
نقدم نقدم مطلبنه السريع
نطالب نطالب ببناء البقيع
______
أحنه مانعتب على الباع الضمائر
وندري مايردون أحياء الشعائر
ولا يريدون المجالس والمنابر
حتى ماتنكشف أسرار ومصادر
ننادي ننادي في صوتٍ رفيع
نطالب نطالب ببناء البقيع
______
كل سنه يبقى شعار الرافضيه
شعارنه ومطلبنه ضد الجاهليه
من ذهب گبه ومنايرهم زهيه
ويرتفع بيها آذان الجعفريه
نردد نردد حقهم مايضيع
نطالب نطالب ببناء البقيع
______
كل موالي وجعفري وعنده هويه
مايظل ساكت على هاي القضيه
لازم إيطالب أبحق ولد الزچيه
ولازم أولنه تثور المرجعيه
نعاهد نعاهد مرجعنه ونطيع
نطالب نطالب ببناء البقيع
______
ذوله ولدك ياعلي أبن أبي طالب
للأسف قله فقط بيهم تطالب
ميت عام أمهدمه گبور الأطايب
الشكوى لله وللأمام العّنه غايب
دُعانه دُعانه للقلب الفجيع
نطالب نطالب ببناء البقيع
____________________
الشاعر (أسعد قاسم الگريعاوي)
ميمير لذكرى الفاجعة الأليمة هدم قبور أئمة البقيع المقدسه 👇👇👇
غصبن على كل مبغض ومنافق
نبني الحسن والباقر أويه الصادق
وزين العباد أوياهم/باچر ذهب نبنيهم
★★★★★★★★★★★
للعالم الإسلامي نبعث مكتوب
اليمنه يظل حق الأيمه مسلوب
شنهو السبب وبيا جريمه مطلوب
أصحوا ياعالم ياناس/كافي سكوت أعليهم
★★★★
آل النبي للأمه نزلوا رحمه
وسفه تظل ذيچ المقابر ظلمه
من النبي هاي القضيه زحمه
يوم الحشر شنهو نگول/لمن نجي نلاگيهم
★★★★
أربع أئمة طاهر يتبع طاهر
زين العباد وجعفر أويه الباقر
والمچتبى ذاك الإمام الصابر
مرتين أنظلموا والله/آل النبي ندريهم
★★★★
عنهم بُعد چم خطوه وشچم متره
ننظر گبر متهدم بنص حفره
هذا گبر أم البنين الحره
متجمعه يمه طيور/وكل زاير أدليهم
★★★★
وهناكه نسمع بالبقيع أونينه
من مرقد المرقد يدير أبعينه
من الحزن محني الظهر مهدينه
كل ليله المهدي ياناس/يگصدهم وينعيهم
★★★★
باچر نجي وإله ذهب نبنيهم
بأغله الثمن والتضحية نحميهم
شحده الذي يجسر شحده إعليهم
نگطع جذور الظلام/ومن الأرض نمحيهم
★★★★★★★★★★★★
الشاعر (أسعد قاسم الكريعاوي)
متى نشوفك يغالي
وتنور النه الليالي
عليك إيظل سؤالي
ييوسف فاطمه
☆☆☆☆☆☆☆☆☆☆☆
حلم يتحقق إن شاء الله باچر
وأكحلها النواضر
أشوفه بكربله مهدينه حاضر
ويطيبها الخواطر
قبل ليصيح هل لي من مناصر
نجيله بالبواتر
مثل جون وحبيب إبن مظاهر
نضحيله مناحر
إلك زاد أشتياقي
متى الجيتك نلاقي
ينادي كل عراقي
ييوسف فاطمه
☆☆☆☆☆☆
بوعي وفكره أسولف وبقناعه
أمل عندي وطاعه
الإمام المهدي لابد إلا ساعه
الوحي هل خبر ذاعه
يجي ويبني البقيع بكل شجاعه
الوفه المهدي أنطباعه
ويصلي بصحن أجداده جماعه
وننول أعظم شفاعه
ونصلي كلنه خلفه
ويصافح چفنه چفه
نصيح وكلنه لهفه
ييوسف فاطمه
☆☆☆☆☆☆
يصادق ثامن العتره الشريفه
يبن ذيچ العفيفه
الأيادي الحاطتك لا مو نظيفه
الغدر عدهم وضيفه
إلف لعنه على أهل السقيفه
واليغدر أبضيفه
الجهل حقك تره حجته ضعيفه
والآهك مايعيفه
الفعل هاي الجريمه
النبي وألله خصيمه
وحكم عادل يقيمه
ييوسف فاطمه
☆☆☆☆☆☆☆
على مصابك نون يالصادق اليوم
ودمعنه ينزل أدموم
يمضلوم ويمسموم ويمهموم
متت والچبد مالوم
يمن من شيعتك مولاي محروم
نريد بگبرك أنحوم
كل صبح ومسيه تحيطك الگوم
حكم الطاغي ميدوم
حلم ياربي عندي
أكون بجيشه جندي
وأصيح أهلاً يمهدي
ييوسف فاطمه
☆☆☆☆☆☆
تظل آهاتنه لجلك شجيه
يامام الجعفريه
وتنوح إعليك كل الرافضيه
ومدامعها جريه
ونعزي فاطمه الزهره الزچيه
وعلي حامي الحميه
ونبينه المصطفى سيد البريه
نقدمله عزيه
تمنينه بجمعنه
نجي نشعل شمعنه
ونهل يمك دمعنه
ييوسف فاطمه
☆☆☆☆☆☆☆☆☆☆☆☆
الشاعر (أسعد قاسم الكريعاوي)