10339
ارتباط بامدیر حاج طالبی @HajYahyaTalebi ۰۹۱۴۴۲۳۵۷۹۴ ایدی تبادلات ادمین کانال رضایی @Rezayi12345
#سینه_زنی_باسبک
زبانحال حضرت رقیه سلام الله علیها
سبک :: یخلدی سقا یره...
کلامی زنجانی
گل دادیمه عمه جان - گل دوداقه جان گلوب
منیم یارالی بابام - لبلرینده قان گلوب
وای منه - وای منه - مهربان قوناقه باخ
من باخا بیلمورم - یاره لی دوداقه باخ
الله. مسافرلری - سالماسین یامان گونه
هانسی مسافر دوشر - بو بابام قالان گونه
هی دئدیم گئتمه بو - یول خطرلیدی بابا
کربلا یولاری - دردسرلیدی بابا
من بو باشین عمه جان - یوز گوزون گرک یووام
حقدن ئولوم ایسترم - مستجاب اولار دعام
دردیمین سهمینی - هئچ کسیله بولمرم
قویما گئتسین بابام - گئتسه راحت ئولمرم
باد صبا دردیمی - یاریمه یتورمدی
گلدی بابام حیف اولا - اصغری گتورمدی
منتظردی گوزوم - قانه دوندی گوزیاشیم
قورتار الله منی - هاردا قالدی قارداشیم
من بیلوردوم سویگولوم - اختارار تاپار منی
گلدی یوخوما گئجه - گل دئدیم اپار منی
عمه زهرا جانی - یار اپاردی صبریمی
اکبریم گلمدی - قاز منیمده قبریمی
حاج محمدباقرمنصوری
#کانال_آموزش_مداحی_همراه_باسبک
🆔 @asdjw
🆔 @asdjw
السلام علیک یا بنت الحسین یازهرای سه ساله
اولسون سلام دیللره طوفان سالان قیزا
آغلارقویوب خرابه ده آغلار قالان قیزا
اولسون سلام غم یوخوسوندان دوران قیزا
بابا دینده عمه سین یاندیران قیزا
زینب دییر بالانیم شب شهادتیندیدی همان رقیه ای کی بیر روایته اولحظیه جا نطقی لالدی اصلا دانشمیب اله گوزنون یاشی آخیردی هیچ جمله یابیر کلمه دانشمیب زینب دییر تعجب الدیم الله گئجه نین یاریسدی گوردوم رقیه دی اله های هاینان آغلیر قیزیم بویونجا دانشانیبسان بالا دردین ندی بوگئجه بئله اوجادان آغلورسان
عرض الدی عمه بابامی یوخودا گوردوم دیدی قیزیم دای قویمارام سنی خرابه لرده قالاسان
قول ویردی منی ویرانه سرادن قوتارا
آچا بال وپریمی هریره گیدسه آپارا
اما یارالی باش نه نحویله گلدی خرابیه یارالی باشی ویردیله بوبالانین قوجاقینه اون یدی کلمه بابایلن دانشب اولاریناندا ایشیم یوخ
دیدی
گوزل سروین بوداقیوه نه گلدی
طفاقیوه جلالیوه نه گلدی
آغزین سنین کربلاده یاریدی
سنه قربان دوداقیوه نه گلدی
جواب
الیکی گون باتدی آی دالدالاندی
یارالی باشیم الرده دولاندی
قوناق اولدوم یزیده طشت زرده
آغاج ویردی دوداقیم پارچالاندی
#روضه_خرابه
#کانال_آموزش_مداحی_همراه_باسبک
🆔 @asdjw
🆔 @asdjw
#روضه_باسبک
زبانحال حضرت زینب (س) درخرابه شام
درسوگ حضرت رقیه (ع)
اولسون سلام دللار طوفان سالان قیزا
اقلارقویوب خرابه ده اغلارقالان قیزا
اولسون سلام غم یوخوسونان دوران قیزا
بابادئن ده عمه سینی اغلادان قیزا
اولسون سلام خانه غمده اولن قیزا
اولسون سلام قبراوینه اج گدن قیزا
اولسون سلام قبراوینه اج گدن قیزا
یاالله یاالله
حتما بوگونلرین روضه سی دی التماس دعا
آی رقینین
عزاسنه گلئننر ای بالاجابالایادئیملی دردی
اولانار
عمه سی زینب بویوررور
گجه لرهامی یاتار
بالاجابالالار یارالی باشلارین قویاریره
اوغلی اولن ننئه لر یاتار
قارداشی اولن باجیلار
اتاسی اولن بالالار
اما خانم زینب مشغول نمازشب
خانم بویور بیرگجئه مشغول نمازشبیدیم
گئوردیم الله بالالاردان بیری یاتابیلمیر الله بیرساقاچونوربیرصولا چونیر نمازی قوتاردیم یواش یواش گلدیم بالارین یانینه الله گوردوم رقیه بیرساقاچونوربیرصولاچونیر
اخه بالا نیه یاتامیسان
دردون نئدی حاجتون نئدی
خانم بویرور بیراشاره الدی عمه بیرکمک اول ایلشئم
بالام اوتدی گوردم یواش یواش دئیر عمه اجازه ور بیر اورئمون سوزین دئم
بالا عمون اولیئدی
بالا اورگون سوزنه زینب ون قربان
بالا دی گوروم دردون نئدی گوردم یواش یواش الین قویدی اورگینین باشینا
یواش یواش دیرعمه بتر آجیخمیشام
عمه اجام نان یاتامورام
عمه بابام گولوم استیر
سلام اول قبراونه اج گدن قیزا
اولسون سلام بابا سی اولوب باش یولان قیزا
سیلی دیب قرا گوزنه قان دولان قیزا
اولسئون سلام قانلی باشی باغرینا باسیب(2)
زهرا اوپن دوداخلارنا بوسه وران قیزا
زینب دیرگوردم الله اوظالم دیاندی قاپیدا الیدن بیرطشت طلا بیرالیئنده طبق دئدم ظالم دیان گئلمه قاباقا
ای نگهبان اوباشی گورسه بالام جان ورئجک
بیلیرم جانین جانانینه قربان ادئجک
امایارالی باشی قویدی یره
خانم طبق اورتوگن گئوردی
بیر لحظه باخدی
حسین خوش گلئبسن ای قارداش اخه رقیه کربلادن هی سوروشوردن بابانئی
خانم گل بابان گئلب خرابیه
فورن اویارالی باشی خانم الدی قوجاقه
یانمیشدی زبس شمع کیمی ناره فراغه نیلدی ائیلدی بیراوزن قویدی بابانین دوداقلاریئنا
قوئدی سارالان لب لرینی قانلی دوداقه
اوپدی دوداقن گتدی دله محنت دردی
اوپدی اوپدی دیدی بابایورولموشام بابایوللاردادویولموشم انجمیشم بابا
باخدی باخدی عمه سینه عمه من دیردیم بابام کاش گلیدی
دای دیمزدیم کسیک باباش گلیئدی یاندم الله
اوجادنئن یاحسین
خانم اوزن قوئدی بابانین اوقانی دوداقلاریئنا
بودل شبده منی یادائلدون سن یارالی
بونه عالم دی باباسن یارالی من یارالی
ای وای بابام ای وای بابادولانم باشومن
کیم سنی بوحاله سالیب اویان ای باش ایندی بابا
دولانیم باشومن کیم سنی بوحاله سالیب
بو باش ایئندی بابا بس بدنون هارداقالیب
سن هارا خولی هارا من هاراویرانه هارا
کسدی باشین دیه گورم هانسی دل اهن یارالی
حسین قان اولان قلبیم ویران الئدی باش یاراسی
یاندرارقلبم النئوندا اولان داش یاراسی یارالی بابا سن نئج گون کیمن سن باتون منده باتارام بابا
کنج ویرانه ده قبریمده کفن سیز یاتارام
اوجادئنن یاحسین ........
کئنج ویرانه ده
منده بابا کفن سیز یاتارام
کئنج ویرانده منده کفن سیزیاترام
مداحی استادطالبی
#کانال_آموزش_مداحی_همراه_باسبک
🆔 @asdjw
🆔 @asdjw
(اموزش مداحی همراه با سبک ها):
راه شام زبانحال حضرت رقیه
کوفیان گور نجه یاندردی منی
اشک محنتله بویاندردی منی
بی بی زینب منه رحم ایله دایان
کاروان گئتدی آدامسیز قالدیم
عمّه من چرخ حیا اولدوزیام
خاندانِ علوینون دوزویام
هامیدان یاخچی تانورسان منی سن
آتامون من دیلی شیرین قیزیام
بی بی زینب ...
بو فنا دهره کی گلدیم آنادان
منی نازیله یاراتدی یارادان
سیرِ اقبالیمی دؤندردی فَلَک
خوش گونوم گئتدی تماماً آرادان
چرخِ دون سالدی بلایه باشیمی
آتا قارداش منیم آتدی داشیمی
صود امر جیرانیما دلخوشودوم
اوچیلار اوخلادی غم یولداشیمی
سندروب چرخ دنی شهپریمی
حبس ائدوب دیلده شیرین سوزلریمی
باخورام قورخولی صحرایه مَلول
توکورم دامَنَه اشکِ تریمی
عمّه سن مندن اوزاق یاتمازیدون
درد و غم یولداشیوی آتامزیدون
ئولمَسِیدی منیم اللرده آتام
سن بو تئزلیکده منی آتمازیدون
سنه قربان بئله تک قویما منی
قورخورام اینجیده بو قوم دنی
یول قرانلوق من ئوزوم خردا اوشاق
یورقونام ساخلا گئدن قافله نی
شمر الیندن یایاقیم یارَه لَنوب
تشنه لیکدن دوداقیم پارَه لَنوب
ایستورم قافلیه ساری قاچام
یره گلمور ایاقیم یارَه لَنوب
سینه ده تنگه دوشوبدور نفسیم
بو فنا عالم اولوبدور قفسیم
بیر دایان قوللاریوی بوینوما سال
واردی آغوشیوه دلدن هوسیم
آز قالور قلبیمی غم تیری بُوله
بیر ترحُّم ائله بو خسته دله
منی چوللرده قویوب گئتسون اگر
ایلَرَم جدّیمه محشرده گله
غصّه دن ساغر صبریم جالانوب
تللریم گرد و غباره بویانوب
سسلورم هر کیمی من یوخدی جواب
اوره گیم لاله مثل پارچالانوب
عمر شیرینه چاتوب دستِ عدم
آتورام صحنۀ مُحنتده قدم
غرق دردم نه دوا وار نه طبیب
نیلیوم بس بو چوله نابَلَدم
بختی قاره اوشاقام خونجگرَم
برگ گل تک غم الینده اَسَرَم
یتشون دادیمه اللهه گوره
یوخدی الدن دوتانیم دربدَرَم
#کوفیان_گور_نجه_یاندیردی_منی
#راه_شام
#رقیه
#کانال_آموزش_مداحی_همراه_باسبک
🆔 @asdjw
🆔 @asdjw
✍بدرقه زائرین کربلای معلی✍
شکراولا حضرت ذات حق داوره
کربلا کعبه عشق اولوب عاشقلره
یکدل ویکصدا - سسلر اهل ولا
جان حسین جان – جان حسین جان
__
کربلایه روان هردم اولورکاروان
کاروانی گورن اشگنی ایلر روان
هم گیدنلراورکدن چاغیرارهم قالان
یکدل ویکصدا - سسلر اهل ولا
جان حسین جان – جان حسین جان
___
بعضی سسلرآقااصغره قربان اولوم
قاسم و جعفر و اکبره قربان اواوم
نهرین اوسته دوشن اللره قربان اولوم
یکدل ویکصدا - سسلر اهل ولا
جان حسین جان – جان حسین جان
__
کاروان اباالفضلی گورن گوزدولار
کاروانه باخارگول کیمی قلبی سولار
چوخونون نیتی دلده ابوالفضل اولار
یکدل ویکصدا - سسلر اهل ولا
جان حسین جان – جان حسین جان
___
یاحسین دم به دم هردمیوه من فدا روضه ویاسیوه ماتمیوه من فدا گنبد اوسته اسن پرچمیوه من فدا
یکدل ویکصدا -سسلر اهل ولا
جان حسین جان – جان حسین جان
___
چاپ شده درکتاب
شجاعت نامه فرهنگی
#کانال_آموزش_مداحی_همراه_باسبک
🆔 @asdjw
🆔 @asdjw
#زبانحال حضرت زینب سلام الله علیها در شهادت حضرت رقیه سلام الله علیها
مهربان بالام لایلای
خسته جان بالام لایلای
جان ویرن غریبانه
باغری قان بالام لایلای
گوز یاشی آخان لایلای
عالمی یاخان لایلای
اکبرین آدی دیلده
یوللارا باخان لایلای
همدم آختاران لایلای
محرم آختاران لایلای
قمچی لر یاراسینه
مرهم آختاران لایلای
جاندان ال اوزن لایلای
غم لره دوزن لایلای
جان بابا دین وقته
گوزلری سوزن لایلای
سینه داغلیان لایلای
قاره باغلیان لایلای
شمع تک قرانلوقدا
نم نم اغلیان لایلای
سبط بوالحسن لایلای
بید تک اسن لایلای
غم طنابی یوللاردا
قوللارین کسن لایلای
بلبل چمن لایلای
حسرت وطن لایلای
قانلی باش قوجاقیندا
قورخودان ئولن لایلای
آهی پر حزن لایلای
آدلی سینه زن لایلای
کاروان سراقینده
چوللری گزن لایلای
صبریمی آلان لایلای
جانه اود سالان لایلای
باشدا کربلا فکری
شامیده قالان لایلای
ائلده بیر دانام لایلای
من گرک یانام لایلای
فاطمه کیمی مظلوم
خرداجا آنام لایلای
گوز یاشی توکن لایلای
چوخ بلا چکن لایلای
کوینگی اولان خلعت
قدیمی بوکن لایلای
شاعر: ولی اله کلامی زنجانی
مداح :محمد باقر منصوری
#کانال_آموزش_مداحی_همراه_باسبک
🆔 @asdjw
🆔 @asdjw
#روضه_باسبک
زبانحال حضرت زینب (س) در شهادت حضرت رقیه علیه السلام
سیفی اردبیلی
ای ویرن ویرانه یرده توپراق اوسته جان رقیه
دائماً حسرتدن آغلار گوزلره قربان رقیه
لایلای ای آرام جانیم
لایلای ای شیرین زبانیم
ظلم الیندن درده دوشدون تاپمادون درمان و چاره
غم سنی اوچ یاشدا ایتدی قلبی یاره بختی قاره
من الی قوینیندا قالدیم وای دیدیم بو روزگاره
سولدی گل تک ابتلادن نوگل خندان رقیه
عموون دوندی خزانه جور اعدادن بهاری
روز وشب یاندون بلادن ایلدون چوخ آه و زاری
غم سنی سالدی دوزومدن قلبوون گیتدی قراری
اولمادون راحت ئولونجه غصه دن بیرآن رقیه
باشووه زهرا آنام تک تِز غبار غم اَلندی
ناره دوندی آه قلبون ابتلادن شعله لندی
نه یوزون گولدی دویونجا ، تِللرون نه شانه لندی
چوللری قول باغلی گزدون بیکس و ویلان رقیه
چشمه ی امید عمرون ظلمیدن دوندی سرابه
دوندروب بیداد دوران نازووی قهر و عتابه
خانه ی اقبالون اولدی بو اوچوق پوزقون خرابه
درّ تک اولدون بو ویران خانه ده پنهان رقیه
اینجیدون قول باغلی قوش تک تنگیِ دام خطردن
روزگار سفله پرور تز سنی سالدی نظردن
باغریقان اولدون مارالیم سیلی لردن قمچی لردن
اولمادی قبره گیدونجه مشگلون آسان رقیه
هم منیم اولدی جفادن هم سنون برهم تفاقون
سقف سیز ویرانه اولدی آخر عمرونده اطاقون
نه گونوز گلدی قوناقون نه گیجه یاندی چراغون
سن دیدون وای یاندیم عمه من دیدیم جان جان رقیه
تنگه گلدی اودلی سینون تنگ و ظلمانی قفسدن
شور وشوق زندگینی ترک ایدوب گیتدون هوسدن
بو قوری توپراقلار اوسته آغلادون دوشدون نفسدن
حال محنت بارون ایتدی سینمی شان شان رقیه
قویمادی دوران سیلینسون گرد غم هرگز یوزوندن
دویمادی عمون او شهد نابیدن شیرین سوزوندن
باشوی آلدیم قوجاقه دَمبدم ئوپدوم گوزوندن
یات دیدیم دینجل بو یورقون جانوه قربان رقیه
حاج سلیم موذن زاده
#کانال_آموزش_مداحی_همراه_باسبک
🆔 @asdjw
🆔 @asdjw
✔️دیدار خانم رقیه(س) با سر بریده پدر
كنج خرابه بو گجه رشك جناندور عمّه جان
لطف ايليوب بابام گلوب،ياتما اوياندور عمّه جان
بخت منيله يار اولوب، عمّه نه خواب نازدور
رحمت حق باز اولوب، باب اميد بازدور
گل آچيلوب بهار اولوب، نغمه ي وصلِ سازدور
فصل وصال گُل يتوب، ختم خزاندور عمّه جان
گرچه بيزيم ازل كي گون يتدي خزانه باغيميز
جمله عزالي ياسليوخ، واردي اوركده داغيميز
منزليميز خرابه دور يوخدي اگر چراغيميز
دلده كي شمع آهیوي بو گجه ياندور عمّه جان
عشق معاملاتينون نفعي كه وار ضررده دور
خوشدي منيم هلاكتيم، جان ديمورم خطرده دور
سن كه ديردون هِي منه عمّه بابام سفرده دور
گلدي غريبه وقتیده ياخشي زماندور عمّه جان
ايمدي خلاص ايدر مني طعنه ي اهل شامیدن
فارغ ايدر شماتت فرقه ي بد مرامیدن
ليك ديمه بابامه سن قصّه ي بزم عامیدن
طبع غيورينه بو غم خيلي گراندور عمّه جان
گرچه يتوردي حق مني دلده كي اشتياقيمه
ليك چوخ اولدي خجلتيم يتدي كدر قوناقيمه
چكدي اليني باشيمه باخدي قابار اياقيمه
آغلادي،ياندي،سويلدي بو نه نشاندور عمّه جان
ايستديم اوزعزيزه سين، صورتي نيلي گورمه سين
هي وورولوب دوگولماقين واردي دليلي گورمه سين
يعني يوزومده شه گوزي نقشه ی سيلي گورمه سين
اولمادي گيزلدنمديم گوردوم عياندور عمّه جان
باخدي كبود عُذاريمه،آغلادي منده آغلاديم
ياندي بو حال زاريمه،آغلادي منده آغلاديم
يار اولوب آه و زاريمه،آغلادي منده آغلاديم
سنده يري وار آغلاسان، جاي فغاندور عمّه جان
شمر شرير و شومیدن واردي ديمم شكايتيم
راه وفاده بهره مند ايتدي منيم رياضتيم
گوردوم آتامي بير نظر قالمادي دلده حسرتيم
جان ويرم آزدي وصلينون قيمتي جاندورعمّه جان
ايتدي وفا آتا بالا مهرين آتام ايتيرمدي
داغ فراقي سينه دن من ديمورم بيتيرمدي
حيف كه تك گلوب اوزي اكبريمي گتورمدي
بولمور علي علي منه ورد زباندور عمّه جان
نچّه زماندور حسرتم عارض و خطّ و خالينه
كاش اونوندا بير زمان عمّه يتم وصالينه
بيرده بو گوزلريم دوشه اكبريمون جمالينه
قالماز اوركده هر نه كه درد نهاندور عمّه جان
جان ويرورم گلون گلون من ديمورم كه ياندیرون
مرگيمون علّتيني بو رمزيله خلقه آندیرون
شمع زفاف اكبري قبريمون اوسته ياندیرون
باغريم او حسرتيله چوخ لخته ي قاندورعمّه جان
چاره قيل آز قالور چخا مرغِ دل آشيانه دن
گلسه دوباره شه ديمم درد و غم زمانه دن
بيرده شكايت ايتمرم زحمت تازيانه دن
دور دولاناخ بابامي تاپ آز مني ياندور عمّه جان
آلسا خبر مشقّت و زحمت و رنج راهیدن
گيزلدرم پياده ليق زحمتيني او شاهیدن
قلبينه يتمه سین كدر باري بو بي پناهیدن
سن بولوسن بو مدّتي چوخ نگراندور عمّه جان
بير در خانقاهیده بيرق فقر اوجاتميشام
بالش استراحتين فكريني باشدان آتموشام
اینجوري جسم وجان زبس بو قوري يرده ياتموشام
سهلیدي جاي قمچيدور، كعب سِناندور عمّه جان
خون دليله گوزلريم عمّه نه نوع دولماسون
من كيمي هيچ عزيزه نین گلشن عيشي سولماسون
هيچ آتاسي اُلَن بالا دشمن اسيري اولماسون
ذلّتي وار، اسيرليق دردي ياماندور عمّه جان
كيم گوروب عمّه كيم بیله كامين آلا خرابه ده
ليك جهاندا جان ويروب هانسي بالا خرابه ده؟
شه گله شاهزاده ني ياده سالا خرابه ده
لايقي شاهزاده نین بيله مكاندور عمّه جان؟
بيرده بو جانه بولموشم دگميه جاق نسيم يوم
بيله مقدّرات اولوب من بو مكاندا دفن اولوم
يعني دوباره يثربه دوشميه جاق منيم يولوم
گرچه گيدن سيزيله بو روح و رواندور عمّه جان
باجيلاريم گرك گيده شهر و وطن ديارينه
سن دُشننده جدّه ميز فاطمه نين مزارينه
درد دلين دير هامي جدّ بزرگواريمه
من كه يوخام، بو حاليمي سن اونا آندور عمّه جان
ايله شفيع رقيّه ني شاني اولونجه آغلا، تا
خالق حق بغیشله سین هر قدر ايتموسن خطا
ايلدي ثامن الحجج مطلع شعريوي عطا
كنج خرابه بو گجه رشك جناندور عمّه جان
✔️شانی
#کنج_خرابه_بوگئجه_رشک_جناندور_عمه_جان
#کانال_آموزش_مداحی_همراه_باسبک
🆔 @asdjw
🆔 @asdjw
نچه ایلدی بابامین_سفره سینده دوزام من
عین جد ام هم آنا_هم قیزام من
آه_باشیما چادر شب سالارام
بابام دیزی اوستا قالارام
قولومی بوینونا کجه لر_سالارام
بنی هاشم منزلینده سوگولیم
مرتضوی گل ستانین بلبلیم
رقیه_منم بنت الحسین
رقیه_عزیز عاملین
یادیمه دوشدی عمه_گونلریم اکبریله
گچدی عمروم نه شیرین اصغریله
آه_علی من سیز غذا یمزدی
منه گُلدن آغیر دیمزدی
دیردی گوزلرین دوای_مرضدی
عاشوراده که اولاجاق طوفان عمه
اکبر گِتسه کیم اولار پشتیبان عمه
رقیه_منم بنت الحسین
رقیه_عزیز عالمین
اوچ یاشیم اولمامیش هئچ
شمرن اولدوم اسیری
حیف اولا کاروانین_یوخ امیری
آه_بابام اولماسا من یاتامم
بابام عشقین باشدان اتامم
بابام سیز عمه آرزومه_چاتامم
قورخورام من کربلایه بیز گلندن
قورخورام من خولینی عمه گورنن
رقیه_منم بنت الحسین
رقیه_عزیز عالمین
ــــــــــــــــــ
شاعـــر: علی حنیفه
ـــــــــــــــــ
📢حـاج مـــهدی رســـولی
#کانال_آموزش_مداحی_همراه_باسبک
🆔 @asdjw
🆔 @asdjw
روضه حضرت رقیه (س)
بیچاره زینبیده گوردی گسوری واردی
گل صاحبی الهی گلدی گلون آپاردی
باشیمده یوخ قرا توک اولسیدی ده آغاردی
آتا نازی گورموین بالا لای لای ای....
ایاقی قابار اولان بالا لای لای ای....
یوزونه سیلی دین بالا لای لای ای....
(اگر اوچ یاشیندا قیزین وار اونون یوزونه باخ گور نه لطیف یوزی اولار ئوزوده او یوزی که حسین یوزون قویاردی یوزونه یاتاردی ، اکبر آلاردی قوجاقینه ، قاسم آلاردی قوجاقینه یرده قالمازدی عادت ایلمیشدی حسینین قوجاقینده یاتاردی حسین بئله یوزون قویاردی لای لای بالا لای لای ، شام غریبان هامی یاتدی نچه نفر یاتمیوب بیریده رقیه دی یاتمادی دیدی همیشه بابام منه لای لای چالاردی ، سورونه سورونه گلدی تاپدی بابانی دیدی بابا یورولموشام دیمیرم ، سویولموشام دیمیرم، خیمه لر یاندی دیمیرم ، عمه می دویدولر دیمیرم، بابا فقط منیم بیر یوزومه باخ ، هامیز غیرتلیسیز اگر الان چخاسان کوچویه گوره سن بیر اوشاقی بیر جوان ورور نچه نفر توکولر دیر ورما بو اوشاقدی ، اما رقیه نی نچه نفر دوره لدی ، دیدی ورمیون منی قارداشیم ئولوب، ورمیون عموم ئولوب، ورمیون بابام ئولوب ، بولمورم او صورته نیلدی دیدی بابا )
وراندا سیلی منه ننم یادیما دوشدی بابا
وراندا سیلی منه اوت دوتوب یوزوم یاندی
(امام سجاد دیر عمم رقیه نی قبره قویاندا گوردوم چوخ طول چکدی قبریدن چخماقی دیدیم عمم اولمویا غش ایلیوب ایلدیم گوردوم معجرین وروب کناره یوزون قویوب او سیلی دین یوزه لای لای بالا لای لای ای...)
اوزاق اولیدی یزیدین ایوی بورا ایکاش
بو سوزده واردی غم بیکارنه آی قارداش
اوتانرام دیمگه بولمورم دییم دیمییم؟
دییم قوی ایندیکی گلدی زبانه آی قارداش
یزید مطبخینون توسوسی گجه گوندوز
دومان کیمی اوجالور آسمانه آی قارداش
اونون اوشاقلاری رنگین طعام میل ایلیور
من آج قالوب گلرم هی فغانه آی قارداش
#کانال_آموزش_مداحی_همراه_باسبک
🆔 @asdjw
🆔 @asdjw
نحوه جان سپردن رقیه(س) در خرابه شام
عماد الدین حسن بن علی طبری نیز در کتاب «کامل بهایی» که کار تألیف آن را در سال 675 هجری به پایان رسانده است از خرابه شام و از وفات دختری چهار ساله از خاندان امام حسین (ع) بدون آنکه نامی از این دختر برده باشد، سخن به میان آورده است. او این مطلب را از کتاب «حاویه فی مثالب معاویه» اثر یکی از علمای اهل سنت به نام «قاسم بن محمد بن احمد مأمونی» نقل می کند. در این کتاب آمده: «در میان فرزندان امام حسین (ع)دختری چهار ساله وجود داشت که همراه کاروان اسرا به شام رفت. اهل بیت حسین (ع) در حال اسارت، از کودکانی که پدرشان در کربلا به شهادت رسیده بودند خبر شهادت پدر را پنهان می داشتند دخترکی چهارساله از حسین (ع) شبی از خواب بیدار شد و با گریه سراغ پدر را گرفت. اهل بیت نیز با او هم ناله شدند و صدای گریه شان به گوش یزید رسید. او از علّت این گریه پرسید. قصه را برایش گفتند. یزید دستور داد سر مقدّس امام حسین(ع) را برای آن دختر ببرند. هنگامی که سر مقدّس را در مقابل او قرار دادند، او که تازه متوجه شهادت پدر خود شده بود سر پدر را برداشت و بغل نمود و شروع به سخن گفتن با سر پدر کرد. او لبان خود را بر لبان پدر نهاد و به شدّت می گریست تا اینکه از شدت گریه بی هوش بر زمین افتاد. بانوان حرم کنار آن دختر آمدند؛ اما هنگامی که او را حرکت دادند دیدند که او از دنیا رفته است. اهل بیت(ع) با دیدن این واقعه به شدّت متأثر شده و ناله سر دادند. گویند در این روز تمام اهل دمشق نیز گریان بودند
#کانال_آموزش_مداحی_همراه_باسبک
🆔 @asdjw
🆔 @asdjw
آی منیم نازنین نگاریم
آغلاما مهربان رقیه
اوددوتوب قلب داغداریم
اولموشام باغریقان رقیه
یاره لی دلبرون منادن گلمدی
اکبرون شامه کربلادن گلمدی
بالام لایلای گولوم لایلای(2)
غصه دن گوز یاشون آخاندا
قالمیور منده صبرو طاقت
یوللارا گوزلرون باخاندا
عمه وی ئولدورور خجالت
آغلاما سوز وئروبدی جانانون گلر
بیر گئجه طشت زرده مهمانون گلر
بالام لایلای گولوم لایلای(2)
آند اولا جانیوه وطنده
هرنه کی گویلون ایستر آللام
جدیمون شهرینه یتیشسوک
تازه دون تازه معجر آللام
قویمارام گوز یاشون آخا صورتیوه
شامیدن چیخماقون قالوب قسمتیوه
بالام لایلای گولوم لایلای(2)
آی ننمدن گوزل نشانه
قوی ووروم تللریوه شانه
بی ریا عشقوین عیارین
جسمیوه یازدی تازیانه
آفرین یاخشی استقامت ایلدون
بینوا عمه وه حمایت ایلدون
بالام لایلای گولوم لایلای(2)
تیرمژگانیلن عزیزیم
قلبیمی دوت نشانه اوخلا
باشیوی توپراق اوسته قویما
سینه می بستر ایله یوخلا
خسته پر روحیمه توانسان گوزلیم
سن منه عشق جاودانسان گوزلیم
بالام لایلای گولوم لایلای(2)
قوی آلیم بوسه گوزلروندن
گوزلرون پاک و بی ریادی
دویمارام غملی سوزلروندن
سوزلرون دردیمه دوادی
نیلیوم باغلیوبدی دشمن یولومی
ئوپمه چوخ قمچیلر گویردن قولومی
بالام لایلای گولوم لایلای(2)
اشکیوی سیل قرا گوزوندن
صبریمی الدن آلما ای گل
قلبیمه وورما اود سوزوندن
عمه وی درده سالما ای گل
غم یمه اصغره توسل ائده روک
بیر گونی کربلایه باهم گئده روک
بالام لایلای گولوم لایلای(2)
نیلیوم یوخدی راه چاره
قلبیمی سیخدی رنج غربت
التماس ایله کردگاره
باشه چاتسین غم اسارت
دوزرم ناقه لرده یوللار آجیسین
قارداشیم اربعینه گوزلور باجیسین
بالام لایلای گولوم لایلای(2)
#کانال_آموزش_مداحی_همراه_باسبک
🆔 @asdjw
🆔 @asdjw
#شهـادٺ_حضرٺ خانم رقیه سلام الله علیه
Читать полностью…
ذکر شب من نام دل ارای حسین است
مرآت وفا صورت زیبای حسین است
گرقلب جهان پر شده ازعشق مجازی
این سینیه بی کینه فقط جای حسین است
سجادکند سجده به روی پر طاووس
گودال پرازخون مصلای حسین است
گودال قتلگاهی که نصیب همه دوست داران سیداالشهدایی که در اخرین لحظه ظهر عاشورا
وقت اووقت اولدی که ریحان کیمی دولمیشدی حسین
اوغلی قارداشی دوشوب یادینه دولمیشدی حسین
ایلیوب نیزه سینه تکیه یورولموشدی حسین
تک سلیمانیدی میدان دولی اهریمنیدی
دورین المیشدی جماعت هامیسی دشمنیدی
نثر اقا بیر لحظه قد علم ایلدی شاید چوخ چتینیدی چون اوغلی اولمیشدی ابولفضلی اولمیشدی بیر اطرافه باخدی
اطرافه باخدی،گورمدی پیروجوانلاری
گلدی مخاطب ایتدی قوم اوسته یاتانلاری
ای قانه غرق اولان شهدا،سس ویرون منه
یالقوزلیوب حسینی بلا،سس ویرون منه
ای با وفا ظهیر و یا مسلم و حبیب
مردان عشقباز خدا،سس ویرون منه
چوخ لشگریم واریدی داغیلدی کچن گجه
سیز گتمدوز ای اهل وفا سس ویرون منه
امام بیر باخدی خیمه لرین سمتینه
اگربو مجلسده اوغلی اولن اولسا گذشت ایللر
ای قاسم،ای عباده یاتان نوجوان علی
داغلی دیلیم داریخدی بالا سس ویرون منه
سالمیون منی فشاره دیدیم ویردیلار منی
حق سوزون بواهل ناره دیدیم ویردیلارمنی
گوللرسولوب ایوی یخیلان باغبان کیمی
قلبیم سوزینی خاره دیدیم ویردیلارمنی
زهرا آنامدی،خاتم پیغمبراوغلیام
بوقوم حیله کاره دیدیم ویردیلار منی
بیرشل الموش اوزمان اننا بیر داش ویردی
حضرت فاطمه نین قلبین او داش یاندیردی
نه الینن دوتانی اولدی نده قان دوردی
قوزادی پیرهنی تا سیله گوزدن او قانی
سیلمه میش سسله دیلر سود امه ری اوخلیانی
مداحی استاد طالبی:
#کانال_آموزش_مداحی_همراه_باسبک
🆔 @asdjw
🆔 @asdjw
#روضه_باسبک
قران اوخیان باش یارالی باشوه قربان
باش باشه چاتان اوغلووا قارداشوه قربان
گل گوزلریوون قانینی اشگیمله سیلیم من
آیات اوخین دیللره قربان کسیلیم من
حاشا بو منوّر باشی تشبیه ایدم آیه
آی نیزه ده قران اوخوماز آیه به آیه
آیات مبین دور بو باش آیات خدایه
باشدان ایاقا عشقیله پرشوردی بو باش
پیغمبرون آلنیندان اولان نوریدی بو باش
وار بو یارالی باشون عجب حُسن لقاسی
خونگرم دوداقلاردا حزین طرز اداسی
حق کامه سی کهف آیه سی جان بخش صداسی
ایوای بو باش قارداشیمون باشینه بنزر
بیر صورت زیبادی که نقاشینه بنزر
بو جاذبه لی سسده بویوک بیر هیجان وار
دنیا دولوسی جان یارادان جوهر جان وار
زینب کیمی قلبونده مگر سوز نهان وار
اود دوتدوم آلیشدیم بو یانقلی نفسوندن
جان یولدی گیچن گونلریمون نقشی سسوندن
عطشان کسیلن باش لب شادابی نشان ویر
لعل لب آرا لؤلؤ نایابی نشان ویر
کهف آیه سی تک آیت اعجابی نشان ویر
دور کرب و بلا سمتینه اعجازیوی گوستر
کهفینده یاتان پیکر جانبازیوی گوستر
ای باشی سرافراز ایلین نوک جدانی
دلکش سسیله لرزیه سال موج فضانی
تیترت یری افلاکی بوتون کون و مکانی
قوی دولدورا آفاقی کمال کلماتون
عالم گوره یکساندی حیاتونله مماتون
قرآن اوخی قرآن اوخوماق ذکر جلیدور
گورسونله بو باش صاحبی نور ازلیدور
دردانۀ زهرادی حسین ابن علیدور
تحصیلینی تکمیل ایلیوب دوش نبی ده
تفسیر یازار نیزه ده قرآن مجیده
حسرت چکرم نیزه نون احوالینه قارداش
اوپدی بوغازوندان یتوب آمالینه قارداش
افسوس باجون زینبون احوالینه قارداش
دشمنلر الینده گزر الدن اله باشون
قویمازلا منیم یانیمه بیردم گله باشون
قان قطره سی مرجان کیمی مژگانه دوزولموش
جان رشته سینه گوهر شادانه دوزولموش
افروخته مشعلدی نیستانه دوزولموش
دلخون جگریم پارچالانوب پاره سی دور بو
بیر داغ درونون باش آچان یاره سی دور بو
اوّل باشینی باشدان ایدر شمع شبستان
روشن اولور اوندان صورا خلوتگه جانان
سن عشقده سرخیل وفاسن سنه قربان
باش سهلیدی سن حق یولونا واریوی وئردون
دوتدون قولونی قولسوز علمداریوی وئردون
بیر باش که ایدر ناز اونون جلوه سی نوره
بیر باش که باشین قویمازیدی سینه حوره
خولی نه جثارتله اونی قویدی تنوره
سن ای گل رعنا نیه توپراقه باتوبسان
یوخسا گیجه کول اوسته تنور ایچره یاتوبسان
بولدوم بو اوزاق یولاری قارداش نیه گلدون
باش چکماقا باشسیزلارا بو کوفیه گلدون
لیلانون اوغول وای سسینه وای دیه گلدون
خوش گلدون عجب وقتیده سالدون بیزی یاده
گل قویما گئداخ بزمگه اِبن زیاده
ای پادشهیم قبله گهیم بنده نوازیم
زنجیر ستم گردن بیماره نه لازم
آرتار اونا باخدوقجا منیم سوز و گدازیم
وار گور یری باشین آچا زلفون یولا زینب
قانه بویانان باشوا قربان اولا زینب
بیر عائله نون مسکن آبادی یخلدی
تاراجه گیدن لانۀ یبربادی یخلدی
طوفان بلاخیزیله بنیادی یخلدی
حسرت کشم آخر نه اولور یانیمه گلسن
ای روح و روان، روح گلور جانیمه گلسن
افسوس گل نازیمی دست ستم آلدی
بلبل باش آلوب گئتدی گلستانی غم آلدی
بیر قاره بولود چیخدی بیابانی چم آلدی
گل گیتدی خزان گلدی چمن ایللره قالدی
گرمیّتِ جمعیّتیمیز محشره قالدی
گوردوم یارالی باشیوی باش محمله چالدیم
بنزتدیم او باشه باشیمی کام دل آلدیم
سن سیز آنام اوغلی نه یامان گونلره قالدیم
صد شکر باشون سایه سی دوشدی باشیم اوسته
آرتیخ منی وورمازلا آخان گوز یاشیم اوسته
هر یانه گیدم منله گلیر جور زمانه
خوش مونس دلسوزدی وار منّتی جانه
کیم گوردی یاناندا گَلَه پروانه فغانه
عشقونله سنون گوگلومی قارداش غمه ویرمم
عشق عالمینون عالمینی عالمه ویرمم
کیم کعبۀ مقصودی گوروبدور چخا سیره
سیرینده بوتون خیر ویره یاریله غیره
بو سیر برادر چکر آخر سنی دیره
گوزلر یولووی ایمدی درِ دیرده عیسی
یوز قبلیه سجّاده آچوب راهب ترسا
ای پایۀ ارشادی سماواته چخان باش
گلدستۀ عرش اوسته مناجاته چیخان باش
یالقوز باشینا گردش شاماته چخان باش
شامون یولی چوخ قورخولیدی تک باشا گئتمه
گئتمه بو باشین زحمتی باشدان آشا گیتمه
دائم باشون آردینجا گلور محنت ایام
گورسون بو باشون امری تاپار هاردا سرانجام
من تک سورونور یرده باشون سایه سی تا شام
ذرات گزر سیرده خورشید دالنجا
منده گزرم سایۀ امّید دالنجا
حسرتله اولور ساکن ویرانه رقیه
ویرانه نی ایلر بیزه غمخانه رقیه
طوفان مصیبتده دویار جانه رقیه
شام ایچره غریبانه قالیر مهد مزاری
دائم او مزار اوسته گزر ناله زاری
«هندی» ندی بو سنده اولان حرص اضافی
ترک ایله سخنگولره میدان مصافی
هر فرده بو بازاریده کافیدی کلافی
شاه شهدا چون آچار ابواب جنانی
البته سالور یاده بوتون نوحه یازانی
بامداحی استاد طالبی:
#کانال_آموزش_مداحی_همراه_باسبک
🆔 @asdjw
🆔 @asdjw
ویژه ایام شهادت حضرت رقیه سلام الله علیه
اَللَّهُمَّ صَلِّ عَلی مُحَمَّد و اَلِ مُحَمَّد و عَجِّل فَرَجَهُمْ...لا حَوْلَ وَلا قُوَّهَ اِلا بِالله اَلعَلِیِّ العَظیمِ
"اَللّهُمَّ کُنْ لِوَلِیِّکَ الْحُجَّهِ بْنِ الْحَسَنِ صَلَواتُکَ عَلَیْهِ وَعَلى آبائِهِ فی هذِهِ السّاعَهِ، وَفی کُلِّ ساعَهٍ وَلِیّاً وَحافِظاً وَقائِداً وَناصِراً وَدَلیلاً وَعَیْناً حَتّى تُسْکِنَهُ أَرْضَکَ طَوْعاً وَتُمَتِّعَهُ فیها طَویلاً"
هر که با خاک درت کام لبش بردارد
از همان کودکیش چشم به کوثر دارد
اولین آرزویم هست همانی باشم
که به لب نام تو تا لحظه ی آخر دارد
چند صد حج پیاده است، ثواب آنکه
قصد پا بوسیِ شش گوش تو در سر دارد
پادشاهان همه مبهوت مقامت گویند
این چه شاهی است مگر این همه نوکر دارد
هر که بر داغ تو نگریسته پیغمبر نیست
گریه بر توست مِدالی که پیمبر دارد
تکیه بر نیزه ی غربت زدی وفرمودی
چشم غارت به حرم این همه لشکر دارد
خواهرش گفت سرش را سر نیزه نزنید
کین هلال سَرِ نی آمده دختر دارد
#شاعر_محسن_عرب_خالقی
*شب شهادتِ یک خانومیِ که خیلی ها می خواستن اسمش رو از بین ماها ببرن،رفقا! امشب اومدین برای یتیمی گریه کنید که نه پدر داشت و نه مادر...امشب به قول ما باید دو قبضه یتیم نوازی کنی..مهمان های رقیه خوش اومدید...*
بنشينيدُ موهامو حنا كنيد
ليله ی وصلِ منو نيگا كنيد
من مسافرم دیگه بايد برم
رختای منو دیگه جدا كنيد
اشکامو به پای تو جو می کنم
معجزاتم رو برات رو می کنم
تو بیا،خودم خرابه رو
می شینم با مژه جارو می کنم
یک نفر نیست سرت رو نگه داره
روی پا، دخترت رو نگه داره
صدتا مثل من فدات ولی خدا
ان شاءالله خواهرت رو نگه داره
دیگه داد از جگر ما نمیآد
گفته بودم پدرِ ما نمیآد
عمه وقتی تو خرابه میشینه
هیچ کسی دور و بر ما نمیآد
منو پیشِ پای عمه بیارید
واسه گریه های عمه بیارید
من کفن نخواستم از شما
چادری برای عمه بیارید
پیشِ مردم جیگرم داد میزنه
داره چشمایِ منم داد میزنه
عموم رو اگه دیدی بهش بگو
حرمله خیلی سرم داد میزنه
میشه رو ناقه سوارم نکنید
*می دونید برای چی؟ آخه خیلی ها نوشتن این ناقه ها،بی جحاز بوده،هی این بچه ها روی زمین می افتادن...خدا می دونه از روز یازدهمِ محرم تا صبح اول صفر این دختر چند بار روی زمین افتاده...*
میشه رو ناقه سوارم نکنید؟
گُلم و اسیرِ خارم نکنید؟
میشه گوشواره مو برداری بجاش
با لگد منو بیدارم نکنید؟
ساقه ام شکسته میشه نزن
تازیانه بزن لگد نزن
باشه حالا که دلِ پُری داری
بزن اما، دیگه حرف بد نزن
#کربلایی_حمید_عسکری
#ویژه_ایام_صفر
#روضه_حضرت_رقیه_سلام_الله
#شب_سوم_محرم
#کانال_آموزش_مداحی_همراه_باسبک
🆔 @asdjw
🆔 @asdjw
#شهـادٺ_حضرٺ خانم رقیه سلام الله علیه بسیار حزن انگیزه بامداحی استادطالبی👆👆
Читать полностью…
#روضه_باسبک کوچ از شام
منزل ويراني زينب ترك ايدور گريان رقيه
دوريولاسال كارواني گوزلره قربان رقيه
لايلاي اي آرام جانيم
لايلاي اي شيرين زبانيم
قورتاريب اولاد حيدر جور و ظلم شامياندان
عاقبت بند اسارت آيري دوشدي قولاريندان
بير به بير توديع ايدوللر عمّه لر قارداش قيزيندان
ياتما دور قلب كبابي غصه دن شان شان رقيه
لايلاي اي آرام جانيم
لايلاي اي شيرين زبانيم
اي ويرن ويرانسراده عمريني اتمامه لايلاي
اي دچار اولموش جهاندا غصه و آلامه لايلاي
چاتميان عمرينده بيرگون آرزو و كامه لايلاي
راحت اولدون غصه لردن غملي ويردون جان رقيه
لايلاي اي آرام جانيم
لايلاي اي شيرين زبانيم
غصه لي عممون رقيه عازم كوي وطندي
اولدي شرمنده حسيندن كوي جانانه گيدندي
آق كفن يوخدي سنه بو قاره پيراهن كفندي
غملرون دنيايه سالدي سهملي طوفان رقيه
لايلاي اي آرام جانيم
لايلاي اي شيرين زبانيم
لايلاي اي آز عمره دائم غم چكن هجرو المدن
لايلاي اي اوچ سنه راضي اولمگه غملر اليندن
لايلاي اي زهرا ننم تك صورتين سيلي گوردن
لايلاي اي ديل ياره سيندن قلب زاري قان رقيه
لايلاي اي آرام جانيم
لايلاي اي شيرين زبانيم
اي اسن برگ خزان تك شمر و زجرين وحشتيندن
اي اولان يول يول وجودي تازيانه ضربتيندن
اي ييخان كاخ يزيدي مرتضايي همتيندن
يات اولا عمّون او يورقون جانوه قربان رقيه
لايلاي اي آرام جانيم
لايلاي اي شيرين زبانيم
«آذرين » دائم گوزتله حجّت حقّين ظهورين
زايل ايله حقه خاطرقلبوون كبر و غرورين
ايله سون امضا رقيه جنتين برگ عبورين
چون ويرر خيردا اليلن يرگويه فرمان رقيه
لايلاي اي آرام جانيم
لايلاي اي شيرين زبانيم
(مداحی استاد طالبی )
#کانال_آموزش_مداحی_همراه_باسبک
🆔 @asdjw
🆔 @asdjw
#شعرخوانی
سفره حضرت رقیه س
دلا! شمیم کربلا رقیّه سفره سینده دی
نسیم ناب نینوا رقیه سفره سینده دی
حسین عزاسینه گلن بهشتی ائتمز آرزو
بهشتیده اولان صفا رقیّه سفره سینده دی
بو سفره آیری سفره‌دی که بانی نذر ائدوب آچوب
رموز حاجت روا رقیّه سفره سینده دی
او کس که ایستر آبرو، سرشکیلن آلار وضو
که آبروی ماسوا رقیّه سفره سینده دی
رقیّیه اوزوم فدا رقیّیه گوزوم فدا
دیولّه گوزلره ضیا رقیّه سفره سینده دی
رقیّه که سه ساله‌دی، پیمبره سُلاله‌دی
اودور که چشم انبیا رقیّه سفره سینده دی
تبرّکاً تیمُّناً بو سفره‌دن ییون ایچون
دوغوردان عطریلی غذا رقیّه سفره سینده دی
بو حضرتین کرامتین گوروبدی دردمندیلر
تمام دردلره دوا رقیّه سفره سینده دی
مریضوز اولسا صدقیله دوتون یانیقلی دامنین
هامی مریض ایچون شفا رقیّه سفره سینده دی
بو سفره‌دن اولیدی کاش رقیّه آج یاتان گئجه
بهانه ائتماقا نوا رقیّه سفره سینده دی
بویوردی سیّد جلیل، بشیر! سنده اُول دخیل
دئنن قبولی دعا رقیّه سفره سینده دی
سیدبشیر حسینی میانجی
#اللهــم_الرزقنــا_کربــلا
#کانال_آموزش_مداحی_همراه_باسبک
🆔 @asdjw
🆔 @asdjw
#روضه_باسبک
روضۀ حضرت رقیّه (س)
قصریدن گلدی سر شاه شهیدان اشاقا
قارداشی اوغلی ئولنلر هامی دوردی ایاقا
قویدولار پوششی اوستونده او طشتی قاباقا
گل رقیّه دئدی زینب سنه درمان گلدی
ایلدی دست قضا مشکلون آسان گلدی
باخدی او طشته خانیم قیلدی نوا اولمادی رام
دئدی عمّه بابامی ایستیورم من نه طعام
بیرجه یول لبلرینه لبلریمی باری قویام
گؤرمیونجه بابامی عالمی من داغلیارام
وای بابا وای دئیرم اوخشویارام آغلیارام
دای یوروبدی منی ویرانه ده غملر ئولورم
او قدر غمچی ویروب شمر ستمگر ئولورم
غم ایّام ائلیوب قلبیمی مضطر ئولورم
دؤزمگه غصّه لره یوخ داخی قلبیمده توان
شام قیزلاری گؤرنده ویرالار زخم زبان
دئدی زینب گؤزلیم غم یئمه چوخ چئکمه محن
بو گئجه کامه چاتارسان بالا ائتمه گله سن
اورتوگون ردّ ائله طشتین ائله بابادی گلن
اورگونده نقدر درد اولا درمان گتیروب
لبلرینده ولی افسوس قیزیل قان گتیروب
بالا آلدی آتانون یاره لی باشین قوجاقا
سارالان لبلرینی قویدی او قانلی دوداقا
دئدی قربان ائدرم جانیمی سن تک قوناقا
یاخشی وقتده قیزوین حالینی سن بیلدون آتا
دویموشام جانیمه ویرانیه خوش گلدون آتا
ای گل پرپر غم، بلبل بشکسته پرم
گؤز آچوب باخسون اگر قانلی گؤزوندن اوپرم
گؤزومون یاشینی قانلی ئوزوه من سَپَرم
یارالی بیر آتیا غملی قیزی همدم اولار
گؤزومون یاشی دوداق یارهسینه مرهم اولار
دردیمی ایندی سنه سوزیله ابراز ائدرم
اول کئچن گونلریمی یاد ائلیوب ناز ائدرم
یورولوبسان بیلورم نازیمی من، آز ائدرم
ئولورم یاخشی زماندا منی سن یاد ائلدون
کنج ویرانه ده غم غصّه دن آزاد ائلدون
بابا آچ بیر گؤزوی ایله نظر گؤزیاشیما
حیف اولا یوخدی الون ال چئکه سن بو باشیما
فخر ائدم بو دم آخر باباجان یولداشیما
قلبیمی تیر بلا محنتیلن یاردی منیم
فخر ائدردیم اونا رأفتلی بابام واردی منیم
بابا قویدون منی غملر ائده مضطر نیه بس
آلا آرامیمی اشرار ستمگر نیه بس
گلمیوب دیدیمه ویرانیه اکبر نیه بس
اکبرین دردی منیم فکریمی عالمده قاتوب
مهربان قارداشیم اولما باجیسین گؤزدن آتوب
کنج ویرانه ده بیر غصّه لی پژمرده گلم
داخی بو دهریده قالماخلیقا قادر دگولم
یارالی لبلریلن ایله دعا بلکه ئولم
گل سولاندا خوش اولار بلبل خوشخوان اوخویا
من ئولنده نولار اکبر منه قرآن اوخویا
#قصریدن_گلدی_سر_شاه_شهیدان_اشاقا
#نوحه_های_محرم_غمکش
#کانال_آموزش_مداحی_همراه_باسبک
🆔 @asdjw
🆔 @asdjw
حضرت رقیه سلام الله علیها
معنوی اردبیلی
بلبل کیمی پرورده اولان گل بوداغیندا
لای لای سَسینه اورگَشَن اکبر قوجاغیندا
یاتدون نه طریقه ایله خرابه بوجاغیندا
بیلسیدون اگر واردی قاباخدا بئله گونلر
عادت ایلمزدون سنه لای لای دیسون اکبر
توشدون بالا قوش تک پر آچان وقته کمنده
هجرونده داخی قویمادی غم حوصله منده
آینده نی بیلسیدیم اگر شامه گلنده
غم قافله سین نظم و نظامه گتیمزدیم
گر چارم اولیدی سنی شامه گتیمزدیم
#کانال_آموزش_مداحی_همراه_باسبک
🆔 @asdjw
🆔 @asdjw
#روضه_باسبک
زبانحال حضرت زینب در شهادت حضرت رقیه علیهما السلام
حاج اضعر خسروشاهی :
ای بادصبا کرب وبلایه گذر ایله
اوردایارالی تشنه حسینه خبرایله
حسین ای شهه خوبان رقیون سنه قربان
(تکرار هر بند )(۲)
عرض‌ایله اولوب‌زینبوون حالی پریشان
دور قبرده یاتما ، یارالی جانوه قربان
افسرده رقیه قوری یرلرده وئرور جان
گل شامده ویرانیه بیرایله نظاره
بیچاره قالوبدور باجون ایله اوناچاره
سینونده یاتاردی قیزون ای سینه شکسته
ایمدی قوری یرده غم ائدوب جانینی خسته
توپراقلارا زلفی توکولوب دسته به دسته
مشگلدی منه زلفینی توپراقه سالوبدی
گل‌صورتی‌غمدن‌ساری‌گل‌تک‌سارالوبدی
رنگی سارالوب گل کیمی سولموش گه بنزر
زلفی توکولوب صورتینه سنبله بنزر
روحی قفسیندن بیراوچان بلبله بنزر
نه چاره قیلوم گوشه ی ویراده سنسیز
سن تک قوری یرده ئولوری غسل وکفن سیز
قویما قیزوی خوار اولار رفع محن ایله
شهزاده بالان جان وئروری گل کفن ایله
قازقبرینی ویرانه نی بیت الحزن ایله
وئرغسلینی قوی قبره گوزوم اشگیله دولسون
قوی شام گل شاه حجازه وطن اولسون
فاش ایلدی درددلینی گوزیاشی آخدی
یاندوردی حرم اهلینی نارغمه یاخدی
آغلارگوزیله بیر او یتیمه قیزا باخدی
گوردی بالانون روحی کنار اولدی بدندن
آزقالدی ئوزی رخت علایق سویا تندن
القصه وئروب جان بالا مقصودینه چاتدی
صبح اولدوزی تک برج حیا اولدوزی باتدی
اولاد علی ناله سسین عرشه اوجاتدی
شهزادیه گوربیر نجه غسل وکفن اولدی
گویا کفن اگنینده اولان پیرهن اولدی
دفن اولدی بالا زینبین احوالی پوزولدی
قان یاشیله اهل حرمین گوزلری دولدی
زهرا قیزی بومجلسه راثی ئوزی اولدی
قارداش بالاسیندان او زمان عمه ال اوزدی
اهل حرمی قبرینون اطرافنه دوزدی
هرکیم ئوله اوندان قالار عالمده نشانه
ایلرله لباسین ئوز عزاسینده بهانه
دوندردی بونیسگیل اویانان دیللری قانه
بیر کوینگیدی بیراثر اوندان بدنینده
دفنینده کفن ایلدیلر پیرهنینده
بوغم گتوروب آل علی قلبینی درده
ماتمزده لر قوردولار بیرماتم او یرده
اول خوردا مزار اوسته چکوبلرنچه پرده
گوزیاشلی لارین قلبینین آرامی آلیندی
قبراوستونه پرده عوضی زلفی سالیندی
اولدی هره سی بیر دلیله کاشف مطلب
ماتم زده لر گوزیاشینی توکدی مرتب
نسگللرین اوخشاردی خانیم عمه سی زینب
سویلردی رقیه نیه گوزدن منی آتدون
هجرونده بوگوزیاشیمی خون دله قاتدون
عمرون گلی بوگوشه ویرانه ده سولدی
کیم گییدوقی پیراهنیله قبره قویولدی
هانسی قیزا غساله اونون عمه سی اولدی
شرح غمیوی اشگیمیله توپراقا یازدیم
دلده آدون آغلار گوزیله قبروی قازدیم
دنیاده ادب گلشنینه بیرگلدون سن
اصغرکیمی بیرغنچه گله بلبلدون سن
عمّه‌ن سنه قربان نجه شیرین دلیدون سن
سن نازیله شه سینه سی اوستونده یاتاردون
چوخ غم گوروب اوج سینیله دنیانی قوتاردون
سن بیرگلیدون بادجفائیله سارالدون
ایوای باباوای سسلدون آرامیمی آلدون
سن چوخ گئجه لر گوشه ویرانه ده قالدون
قلبیمده کی نسگللرون آرامیمی آلدی
ئوز دردیوی فاش ایلمدون سینه قالدی
بیرنسگلیوه یانّام ئولونجه من مضطر
لای لای دئدون آغلار گوزیله سسلدون اصغر
گه سویلدون ای عمه هانی قارداشیم اکبر
اکبر چاغوروب عمه دین دیللره قربان
بوتوزلی مزاره باخورام قلبیم اولور قان
اوخشاردی حزین بیر سسیله زینب نالان
گوردی اوجادان باجیسی کلثوم ائدور افغان
گوزیاشینی رخساره دوزور چون در مرجان
سسلندی باجی سن که ائدورسن بئله شیون
بوخورداجا اطفالی نجه ساکت ائدوم من
عرض ایلدی بیر نسگله یانام بودی مطلب
بوشیونه باعثدی رقیه‌م باجی زینب
گوردوم دولانور منزل ویرانی گئچن شب
سسلوردی بابا سوزلرینه من قولاق آسدیم
دوردوم یوزین اوپدیم گتوروب باغریما باسدیم
آلدیم یانیما گوزیاشینی سیلدیم یوزیندن
آندورمادی دردین منه بیرکلمه سوزیندن
اشگین گینه گوردوم توکوری لیک گوزوندن
آزآغلا دئدیم بس نیه بوحاله قالوبسان
یات راحت اول علن ندی گل تک سارالوبسان
وار سرّی دئدی اشکیله دولموش گوزوم عمه
بنزرسارالان بیرگله سولموش یوزوم عمه
وئر گوش منه واردی اورکده سوزوم عمه
آهسته دیوم بیلمیه بیرکس ئوزون سن
گلمور یوخی آخر گوزیمه عمه آجام من
بونسگللی دوشدی یادیماناله‌م اوجالدی
گئتدی ئوزی دللرده غم افزا آدی قالدی
گلسون بوجهانه ائله قیز امر محالدی
دردین دئمسین محنت وغم یولداشی اولسون
شیرین دل،ادبلی،ئوزینون اوچ یاشی اولسون
ای مخزن عصمتده ایشیقلی در وگوهر
وی کرب وبلاشاهینه بیر سویگولی دختر
ای باب الحوائج آدی ای خواهر اکبر
بو(احمدیان)سائلی سالمانظروندن
ایستور صله گوزیاشلی خانیم عمه لروندن
( مرحوم استاد سلیم_موذن زاده)
#کانال_آموزش_مداحی_همراه_باسبک
🆔 @asdjw
🆔 @asdjw
شهادت حضرت رقیه (س) زبانحال حضرت زینب (س)
ای دشت کربلانون زیبا نگاری لایلای
اوغلی ئولن روبابین دارو نداری لایلای
یوللاردا آت دوشونده از بس قاچوب یورولدون
قربانون اولسون عمون یرزقون قناری لایلای
ای باغریقان رقیه آرام جان رقیه
دور دلبرون گلوبدی شیرین زبان رقیه
ایتمه گلایه مندن بوشدی الیم کفندن
باشی بلالی عمون شرمنده اولدی سندن
بیر دفعه قسمت اولسا گلم دوباره شامه
بیر یاخشی گوشواره آللام سنه وطندن
ای باغریقان رقیه آرام جان رقیه
دور دلبرون گلوبدی شیرین زبان رقیه
کرب و بلایه گیتسم عباسه چوخ سوزوم وار
دوزدورکی قالدی قولسوز ئوز عشقینه وفادار
اما گرک گلیدی قیزلاره باش چکیدی
گلسیدی قمچی آلتدا ئولمزدی خردا قیزدا
ای باغریقان رقیه آرام جان رقیه
دور دلبرون گلوبدی شیرین زبان رقیه
اثر: حاج حسین غفاری اردبیلی
حاج محمدباقرمنصوری
#کانال_آموزش_مداحی_همراه_باسبک
🆔 @asdjw
🆔 @asdjw
آمدن راس مطهر سید الشهدا به خرابه
سید بابک رستگار خسروشاهی
آغوشه الوب نازلی بالا راس حسینی
اهل حرمی ناله وافغانه سالوبدی
گلدی دله عرض ایلدی اوز دلدکی رازین
اوز دلدکی رازی اوزونی ناره سالوبدی
بوقوم ستمگر منی چوخ ایلور اذیت
عمه م بیلوری که منی نه حاله سالوبدی
آیریلدوق اوگونن که بابا دشت بلادن
یولاردابیزی چوخ غم و احزانه سالوبدی
بیلموله بابا بیز شرف آل عبایوق
سنسیز بیزی چوخ آتش هجرانه سالوبدی
وقتی که وریلار بیزی چوخ قویموری عمه م
گور عمه مه قمچی بابا نه یاره سالوبدی
قولاری آچیلمیر دگیب از بس اونا قمچی
گور قمچی بابا قولاری نه حاله سالوبدی
هاردا قالوب عباس عمومیله علی اکبر
بوقوم عدو اصغری نه حاله سالوبدی
چوخ یاره باشوندا گورونور شمس هدایت
بوقوم دغا باشوه چوخ یاره سالوبدی
اوت توتدی قلم بس که یازوب دردومحنن
بودرد فراوان قلمی ناره سالوبدی
بو (رستگار )ایلری قبرون گینه نسگیل
چون درد فراقون اورگه سایه سالوبدی
#کانال_آموزش_مداحی_همراه_باسبک
🆔 @asdjw
🆔 @asdjw
راه شام زبانحال حضرت رقیه
کوفیان گور نجه یاندردی منی
اشک محنتله بویاندردی منی
بی بی زینب منه رحم ایله دایان
کاروان گئتدی آدامسیز قالدیم
عمّه من چرخ حیا اولدوزیام
خاندانِ علوینون دوزویام
هامیدان یاخچی تانورسان منی سن
آتامون من دیلی شیرین قیزیام
بی بی زینب ...
بو فنا دهره کی گلدیم آنادان
منی نازیله یاراتدی یارادان
سیرِ اقبالیمی دؤندردی فَلَک
خوش گونوم گئتدی تماماً آرادان
چرخِ دون سالدی بلایه باشیمی
آتا قارداش منیم آتدی داشیمی
صود امر جیرانیما دلخوشودوم
اوچیلار اوخلادی غم یولداشیمی
سندروب چرخ دنی شهپریمی
حبس ائدوب دیلده شیرین سوزلریمی
باخورام قورخولی صحرایه مَلول
توکورم دامَنَه اشکِ تریمی
عمّه سن مندن اوزاق یاتمازیدون
درد و غم یولداشیوی آتامزیدون
ئولمَسِیدی منیم اللرده آتام
سن بو تئزلیکده منی آتمازیدون
سنه قربان بئله تک قویما منی
قورخورام اینجیده بو قوم دنی
یول قرانلوق من ئوزوم خردا اوشاق
یورقونام ساخلا گئدن قافله نی
شمر الیندن یایاقیم یارَه لَنوب
تشنه لیکدن دوداقیم پارَه لَنوب
ایستورم قافلیه ساری قاچام
یره گلمور ایاقیم یارَه لَنوب
سینه ده تنگه دوشوبدور نفسیم
بو فنا عالم اولوبدور قفسیم
بیر دایان قوللاریوی بوینوما سال
واردی آغوشیوه دلدن هوسیم
آز قالور قلبیمی غم تیری بُوله
بیر ترحُّم ائله بو خسته دله
منی چوللرده قویوب گئتسون اگر
ایلَرَم جدّیمه محشرده گله
غصّه دن ساغر صبریم جالانوب
تللریم گرد و غباره بویانوب
سسلورم هر کیمی من یوخدی جواب
اوره گیم لاله مثل پارچالانوب
عمر شیرینه چاتوب دستِ عدم
آتورام صحنۀ مُحنتده قدم
غرق دردم نه دوا وار نه طبیب
نیلیوم بس بو چوله نابَلَدم
بختی قاره اوشاقام خونجگرَم
برگ گل تک غم الینده اَسَرَم
یتشون دادیمه اللهه گوره
یوخدی الدن دوتانیم دربدَرَم
#کوفیان_گور_نجه_یاندیردی_منی
#راه_شام
#رقیه
#کانال_آموزش_مداحی_همراه_باسبک
🆔 @asdjw
🆔 @asdjw
اوچ یاشیندا گوزلیم ناز غزلیم رقیه جان لای لای
آچماسان گوزلریوی سنسیز اولار ایشیم فغان لای لای
آناوی ترک ائدیسن قیزیم هارا گیدیسن
غمه اولان نشانه لای لای شهید تازیانه لای لای
اوقدر بابا بابا دئدین بالا کی گلدی دیداره
ولی افسوس اولا کی باشدا قیزیم واریدی چوخ یاره
گدیرسن ایندی هارا رقیّه نازلی بالا
غمه اولان نشانه لای لای شهید تازیانه لای لای
دئدین اوچ یاشدا منی کیم ائلییوب یتیمه ای بابا
گوزلریوی لیندی بالا یومما گیلان عزیزة زهرا
منی جواب ائلمه قیزیم کباب ائلمه
غمه اولان نشانه لای لای شهید تازیانه لای لای
دور گیداخ نازلی بالا دوزلی قیزیم خرابه ده یاتما
آناوین یوخدی کسی گوزدن اونی قیزیم گلیپ آتما
آچ ایندی گوزلریوی منه دی سوزلریوی
غمه اولان نشانه لای لای شهید تازیانه لای لای
من ربابم کی فلک ائتدی منی رقیّه جان نالان
اوخلانیپدی سوت امر اولدی قیزیم منیمده باغریم قان
اقلّی سن گیتمه منی غمین ائتمه
غمه اولان نشانه لای لای شهید تازیانه لای لای
اوقدر یولداسنی زجر ویریپ کی دوشموسن دیلدن
بولطافتده یوزی من گوزلیم سئچنمرم گولدن
گووردی چوخ بدنین هانی قیزیم کفنین
غمه اولان نشانه لای لای شهیدتازیانه لای لای
اوچ یاشیندا بیر قیزام زجره گرفتار اولموشام
من بابامی ایستیرم هجرینده بیمار اولموشام
بیر گولم کی غنچه وقتینده گوز آچدیم غملره
دوشموشم آیری گولومدن همدم خار اولموشام
درس عشقی هرزمان من عمّه لردن آلمیشام
عشق حقدن گاه مست و گاه هشیار اولموشام
یوخدی بابامدان خبر گلمیر سفردن نی نییم
قالمیشام آغلار بو غمده دیده خونبار اولموشام
نه بابام بیر باش ویریر نه قارداشیم اکبر گلیر
هاردادی بابا اسیر دست اغیار اولموشام
هارداسان بابا رقیه باغلی قالمیش قوللاری
من بابامی ایستیرم آیا گنهکار اولموشام
من علی اکبرین هامّی بیلیر دلبندی یم
دوشموشم چولدن چوله آوارة یار اولموشام
هاردادی عباس عمم آلسین منی آغوشینه
سسلیرم گل گور عمو هاردا گرفتار اولموشام
شمره تاپشیرسین منه چوخ تازیانه ویرماسین
قولاریم اولموش یارا از بسکی آزار اولموشام
بسدی دای قورتار ولایی عمّه وین غمنامه سین
عرض ائله من سائلم محتاج دیدار اولموشام
(استادطالبی)
#کانال_آموزش_مداحی_همراه_باسبک
🆔 @asdjw
🆔 @asdjw
#سینه_زنی_باسبک
ئولدی بالام خرابه ده ای شه کربلا حسین
غسلونا کفن و دفنینه چاره یوخومدی یاحسین
شامیده بو خرابه یر اولدی وطن رقیمه
آی کفنه بوکولموین یوخدی کفن رقیمه
بو بالا باغ عشقیده تئز سارالان بهاره دی
زخم زبان وروبلا چوخ غصه لی قلبی یاره دی
تپراقون اوسته جان ویرن خرداجا سویگلومدی بو
سرسر تازیانه دن پرپر اولان گلومدی بو
دفتر دلده مو به مو درد و غمین یازانمارام
دادیمه گوندر اکبری قبرینی من قازانمارام
کیمدی باخا اوشاقلارون گوزده کی قانلی یاشینه
یرده قالان جنازه نین حلقه وروبلا باشینه
بعضی لری اوپور یوزون بعضی لری اوپور گوزون
باشینون اوسته باش آچوب قیزلاریم ئولدورور ئوزون
چاره سیزم بیر عده بو قلبی کبابی نیلییم
قیزلاریمی دوتوم دیله غملی ربابی نیلییم
آرزو ائدردی سن گلوب بیر آلاسان قوجاقیوه
گوردی یارالی باشیوی قویدی دوداق دوداقیوه
گویده گزن ستاره تک آخدی بو قاره گوزلری
غملرینی دینمدی قالدی اورکده سوزلری
هی سنی اوپدی ایلدی باغرنا باسدی وای دیدی
بولمدیم اصغر اوغلوا یا سنه لای لای دیدی
لای لای رقیه
حاج طاهر قلندری
#کانال_آموزش_مداحی_همراه_باسبک
🆔 @asdjw
🆔 @asdjw
کوفه
#سبک_سو_یوخومدی ...
مشابه
.
مرحوم حاج مختار نخستین اردبیلی
.
یارالی باشیم جِداده سنه رهنمادی زینب
باخوب آغلاما، دیللر غمه مبتلادی زینب
.
.
گیدورم خرابه شامی دولانام جلالتیم وار
بو دولانماقیمدا دین حقه چوخ حمایتیم وار
نقدر بلاسی اولسا باشیمون رضایتیم وار
بیله لر که بو کسوک باش نجه حق نمادی زینب
.
.
او گونیکه ایلدوم من باجی ئولمگه اراده
کسیله باشیم قفادن دولانا گرک جداده
گزه کوفه نی سراسر گیده مجلس زیاده
بیله کوفه اهلی اوندا بو نه ماجرادی زینب
.
.
باشیما جدا باشیندا باخوب افتخار ایدللر
باجی رسمیدور گلنده شهه گل نثار ایدللر
عمل ایلیوب او رسمه منی سنگسار ایدللر
یارا اوسته یاره دگسه یاراما دوادی زینب
.
.
باجی قاتلیم بیلور من شه بی بدیل عشقم
حقه نیزه اوسته طاعت ایلین دلیل عشقم
#کانال_آموزش_مداحی_همراه_باسبک
🆔 @asdjw
🆔 @asdjw
نگار نازنین آقام حسین حسین
بهار دلنشین آقام حسین حسین
امان امان امان علملرون اسور
اسنده پرچمون قراریمی کسور
عزالی قلبووه عزالی لر فدا
یارالی سینووه یارالی لر فدا
دینده اوخ سنه مناده تیتردی
شرفلی اکبرون عباده تیتردی
ددون بو اوخ بومن اللهی راضی اول
بومقتلیم بوسن اللهی راضی اول
نماز عشقووه مناده باخماغا
یارالی سینووه فلک لر آغلادی
نگار نازنین آقام حسین حسین
بهار دلنشین آقام حسین حسین
امان امان امان علملرون اسور
اسنده پرچمون قراریمی کسور
سینونده اصغرون گوزل ستاردی
دیوبدی اوچ پراوخ بوغازی یاردی
استادطالبی
#کانال_آموزش_مداحی_همراه_باسبک
🆔 @asdjw
🆔 @asdjw
حسین بیر مرد جاویداندی والله
حسین اوز دینینه قرباندی والله
اگر قرآنه واردور اعتقادون
حسینون سوزللری قرآندی والله
عبادت ایله سه مین ایلده عابد
ملک لرده اولا بو امره شاهد
تشیع ده بودور اصل عقاید
حسین سیز ایش دوزلمز اویما زاهد
قیامتده حسین سلطاندی والله
نقدری واردی قرآنین بقاسی
خلل تاپماز حسینیت اساسی
کیمین اولسا بیر آیری ادعاسی
دیون گلسین اولاق تا رهنماسی
عبادتده حسین عنواندی والله
حسین سیز حشریده عیسی تانینماز
کلیم الله ید بیضا تانینماز
مقابیلده دورا یحیی تانینماز
حسینسیز کل ما فیها تانینماز
تانینماقدا حسین برهاندی والله
حسین مرآت حی ذولمنندی
حسین ئولدی عدالت زنده لندی
حسینون جسمینه قرآن کفندی
حسین هر نه دئسه قرآن دییندی
حسین قرآنه پشتیباندی والله
حسین دور آشنالر آشناسی
یتیشدی محنت کرب و بلاسی
بو آیدان باشلانار بزم عزاسی
حسینیم وای دییر زهرا آناسی
ایشی صبح و مسا افغاندی والله
یازیم الله نجه بو ماجرانی
دوشوبدور مقتله عصرین زمانی
سالیب چولدن چوله خیرالنسانی
گتوردی شیونه اهل کسانی
گوروبلر جسمینی عریاندی والله
قویوب تپراقه آلنین تشنه سلطان
قیزیب قوملار اسور یل گرم سوزان
شاخیر گون یاره سینده خشک اولوب قان
هوا ایستی حسینون جسمی عریان
زمین کربلا طوفاندی والله
یتیشدی مقتله شمر ستمگر
آتیب ال باشینه زهرانی مضطر
ظهوره گلدی گویا یوم محشر
اَله عمامه سین آلدی پیمبر
بو حاله انبیا گریاندی والله
استادطالبی
#کانال_آموزش_مداحی_همراه_باسبک
🆔 @asdjw
🆔 @asdjw