4691
💠⚜عشاق الحسین(لطمیات)⚜💠 👇👇👇👇👇 @ashaghalhossein 💠⚜عشاق الحسین (الأبوذیة)⚜💠 👇👇👇👇👇 @ashaghalhossein3 💠⚜عشاق الحسین (للنعي)⚜💠 👇👇👇👇👇 @ashaghalhossein4 💠⚜عشاق الحسین قصاید نسائیة⚜💠 👇👇👇 @ghsahdhossinyat
نعي للقاسم (ع
◾◾
غفت عينك صدك ياحلو العيون
يالفگدك ثكيل يطيح المتون
بهيده وياك وصيت اليدفنون
يجاسم يمه جرحك لايلجمون
✳✳
عيوني على طيوفك نواطير
من يوم الرحت ماابشر بخير
عليّ يبجي اذا شافني الطير
اليشوف ارسوم وجهي بحالتي يحير
✳✳
وياي الدهر ظل يمشي مگلوب
من دموع عيني مبلل الثوب
و روحي من تسلم شمس الغروب
ابديلك نواعي بكل الدروب
✳✳
اخيطلك جنت حلوات الثياب
تلبسهن بعرسك مو بالتراب
راحت روحي بدرك يمه من غاب
وراك اسنيني طشرها الهوه الهاب
✳✳
سنين سنين الوليك واداري
يل من عيوني ضيعتك و اداري
عليك انهدمت آمالي و داري
وعليك جروحنه يلطمن سويه
✳✳✳✳
علي حسين المنصوري
یوسف الزهراء 💔
#نعي
آيبني شگـول اعليك آيبني
دولبني زماني بيك دوليني
ـــــــــــــــــــــــــــــــــــــ
دولبني زمان بيك ياسلوه
شلون انساك ونسه أيامنه الحلوه
اشهل بلوه المثلها ما جرت بلوه
آيبني العند الموزمه ذنبي
ــــــــــــــــــــــــــــــــــــــ
تذب البيك تسعه امن الشهر شالت
اونالت من ثجيل الحمل ما نالت
أمك جابتك يمدلل او حالت
اويوم البيه صرت ياشبل شيبني
ــــــــــــــــــــــــــــــــــــــ
شيبني اصيارك والهدم حيلي
هز مهدك يشمامه او سهر ليلي
منك حرمت امك ليش ياويلي
آخر ما گلت حقها او تطالبني
ــــــــــــــــــــــــــــــــــــــ
اطلبك سهر ليلي والمنازع ذاك
اطلبك باللبن من درَّتي الغذاك
نسيت ارباك يا جاسم نسيت ارباك
يمدلل سگمني ارباك وتعبني
ـــــــــــــــــــــــــــــــــــــ
تعبني وسگمني او غير اللوني
على صدري ربيت او مر على امتوني
حسبت احساب وحسابي طلع دوني
على راسي ابيوت امشيده تبني
ــــــــــــــــــــــــــــــــــــــ
تبني البيت لامك والجعيده امك
تصاحبني وتجيب الواجب ابصمك
ريت الگبر ضمني قبل ما ضمك
الموت الموت يبني اوياك يرغبني
ــــــــــــــــــــــــــــــــــــــ
يرغبني الكبر سني او شوفي ازهيد
حيلي راح مني والجريب ابعيد
يبني من تجي الشبان يوم العيد
صار النوح يوم العيد يطربني
ــــــــــــــــــــــــــــــــــــــ
يطربني العزه والنوح بالهجري
يفي الصيف يا عذب الهوه اليسري
اخذني الكبر منحيه الضهر تدري
ابذلة كبرتي يبني تسيبني
ــــــــــــــــــــــــــــــــــــــ
تسيب امك يجاسم من بعد عدها
عين الله على العريس واحدها
تريد اتناشدك تگعد او ناشدها
تگلك باليسر منهو اليرچبني
ــــــــــــــــــــــــــــــــــــــ
يبني الفاجدات اكثرهن امخلفات
ماتدري تموت ام الولد لو مات
يبني ارباي وينه او سهر ليلي الفات
يبني ليش ماتگعد تحاچيني
المرحوم
عبد الامير الفتلاوي
#اللهم_عجل_لوليك_الفرج
یوسف الزهراء 💔
#نعي
مشه للقاسم حسين وتعناه
وشافه امخضب اعله الكاع بدماه
جر حسره عليه وصاح ويلاه
باجر للحسن شعتذر منه
حط صدره اعله صدره وشال جسام
ورد مكسور ضهره فوگ الخيام
تلگنه الفواجد ها يضرغام
اشجرى وظهرك شبيه القوس چنه
شگل للحسن باجر من الاكيه
من يفگد اوليده وينشد اعليه
شرد اعتذر منه وشرد احاجيه
وشسولف للحسن لو نشد عنه
وگف بين الشباب وناده الحسين
يطيب الكم النوم وتغمض العين
يبطال الصفا وعج الميادين
العسكر يم خيم زينب تدنه
وين أم الشباب الـراح .وين العـدها أبن مفـگـود
خل تعلن حزنها الـيـوم. خل تلبس أثياب الســود
حگها الرايح ألها أولـيـد. الون أعلى الولد مريود
وهذا العاشته أم جسام. كل ساعه وحزنها يزود
السيد حسين الياسري
#اللهم_عجل_لوليك_الفرج
یوسف الزهراء 💔
#نعي
يزينب جَمّعي بنياتي كلهن
بالخيمه ارد اوصيهن واگلهن
التمن يلي محد شافج ضلجن
واندارن عليّ ياحنان كلچـــــن
يعلويات اوصيجن وگلجـــــــن
شما بيچن بعد حفظن خدرچن
يحتارن المامش والي عدهن
باجر من صباح الله يهــــدون
عليه وما إلي ناصر ولا عـــون
وانتن سوطهم يوصل للمتون
عگب خوانكم من ما يضلـون
محد يوصل الخوان عدهــــن
هذه اوداع واخر ليله هايـــــه
وتغبش من صباح الله المنايه
وانتن باجر تصبحن سبايــــــه
عبايه شدن بطارف عبايـــــــه
وعگد مالت سبايه كون شدهـــــن
يعلويات ياربات النبــــــــــوه
يمـــــن لخيالجن يرحو فدوه
باجر ع الهزل ترحون گـــــــوه
وظعن بس النسا من غير خوه
ولا موجود عباس الكفلهـــــن
يزينب ارد اكلفج ولو انتـــي
شفتي الظيم بالطف وتعبتي
اريدج باليسر عينج البتــــي
بحظنج گعديها لو گعدتــــي
ترى بنيتي السياط تخاف منهـن
وبعد بالشام وبذيج الخرابــه
تگعدن لا سگف بيها وترابـــه
الهظيمه لا اهلجن لا گرابــــه
واشد موقف تشوفن والغرابه
الگبل مايعرف يسولف يسبهـن
علاء شهــيد الحچامــي
#اللهم_عجل_لوليك_الفرج
یوسف الزهراء 💔
#نعي
امشنـــه للــــــغالي نــودعه
يمكن بـــعد مابيــــه رجعــه
يگطعون راسه وحته اصبعه
وباچر تسمعن كســــر ضلعه
سكــــنه رقيــه رملـــه ليلـه
باچر حسين يـــــروح حيله
يوگع وما واحــــــد يشيلـه
وفوگه العدو يلكـــد بخيله
باچر معاني حسيــــن تنداس
وفوگ الصدر مگعاد الارجاس
لو دارته مـــــن كل كتــر ناس
عينه تصــــــــد لصوب عباس
ونن وركضن شبگن حســين
گالن نجيب يشــبهك منيــن
وين اليحامي اخدوركم وين
لو حـــرگت النــار الصواوين
حيدر ابو كيان الفاطمي
#اللهم_عجل_لوليك_الفرج
یوسف الزهراء 💔
ختام مجلس عبدالله الرضيع
آه يعبد الله تولَّاك الدهر
ياوجيها منذبح من النحر
ياشفيع. ونور من نور الگمر
اتوجهينا بجاهك الرب البشر
توسلينا مايضل للهم أثر
تنگضي حاجات كل واحد حضر
مجلسك مهموم. ودموعه مطر
وتنجلي كل نايبه اتهد الظهر
ياوجيها. منذبح من النحر
الشاعر حسن لعيبي الحريشاوي
یوسف الزهراء 💔
ـ🔥
صــوت اطبولهم بذني يرن رن
وعـيون الشــــماـته الما يبطلن
فــوك اجـــروح دلالي الينزفن
بنات اوياي يبچن ما يسكتن
،،،،،،،،،،،،،،،،،،،،،،،،،،،،،،،،،،،،،،،،
يانار التهــــيد وبيــــة تــــبرد
وحته انهار يومي صاير اسود
اصيحن واليرد للصوت محد
عــفت عباس بتـــرابة تمــــدد
.................................
بقسوه يخــويـــــة حاربوني
سگيت الصحره من دمعت عيوني
ردت فزاع لو هـسه تـــجوني
فــــرد مـــرة بعد اهلي جفـــوني
....................................
✍🏻الشاعره مريم العبوديه اسيرة الاحزان 💔
یوسف الزهراء 💔
نعي حول استشهاد القاسم عليه السلام
تعبي ييمه ضيعيته
وبخت اليحفظك مالكيته
لو ينشره البخت اشتريته
بس التعب بعدك حويته
ضاع الربه وذاك الدلال
ومن وكت ياحظي مال
غدار دهري وحيل عيال
ويه المشه يكليبي شال
يمه الفرح بيك انه اشوفه
وعمري من دونك اعوفه
جرحي جبير وبيش اروفه
صارت حلم مرت اطيوفه
ياجكر كلبي ويا دليله
افراكك صعب مابيه حيله
محتاره روحي انه وعليله
يامن سمع وني اشتكيله
غدار يايمه زماني
طكني على اعيوني وعماني
طكاته توجع مرمراني
كون ابمكان ابني خذاني
لا طاب الي يمه الهوى
ولا علتي طيبها دوه
بفركاك كلبي انه انجوه
تمنيت موتتنه سوه
تمت بعون الله لخادمة ام البنين عليها السلام
ام محمد تقي الموسوي نسألكم الدعاء
یوسف الزهراء 💔
نعي للقاسم عليه السلام
لو راح الولد شيصبر الروح
تظل امه تون للدوم وتنوح
گلبها أمن الونين امخزن اجروح
༺༻༺༻༺༻
تون رمله اعله ابنها اودوم ونها
اوتظل للموت مايبطل حزنها
تتمنى الضنه ايرد الحضنها
༺༻༺༻༺༻
تطلبه بالربه اوسهر الليالي
اعز من الگلب ورباه غالي
تكله اگعد ييمه اوشوف حالي
༺༻༺༻༺༻
مالوم الگلب ياناره اتزيد
تره عگب الولد لاتغفه لتهيد
محتاره يويلي اوتصفگ الايد
༺༻༺༻༺༻
گلب امه ينوح اعليه داوي
تگله ياگمر واعليه ضاوي
يجاسم عالبُعد والفرگه ناوي
༺༻༺༻༺༻
اموتن يالولد لو ربعك تفوت
مو مره الف روح امك اتموت
عدله بس جسد والگلب مفتوت
༺༻༺༻༺༻
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
یوسف الزهراء 💔
نعي للقاسم حال رملة ع
من ديوان #مواجع_الطف_الجزء_الرابع
صاحت يالولد والحيل تعبان
نايم يبعد امك بتربان
عكبك ايامي صارت احزان
•───✧◐◐◐◐✧───•
حزني كثر والونه طالت
وأيامنه الحلوات راحت
وامك ييمه مستراحت
•───✧◐◐◐◐✧───•
راح الولد مارد عليه
لغيابه مالي قابليه
غاب وبعد مانشد بيه
•───✧◐◐◐◐✧───•
يامحله طوله الولد يبني
يدفان الولد وياه ادفني
تمنيت الأجل كبله أخذني
•───✧◐◐◐◐✧───•
يصعب عليه فركاك يبني
ردتك عليه البيت تبني
ماحسبت تالي تذبني
•───✧◐◐◐◐✧───•
التفكد ولدها شلون ترتاح
تخلص العمر كله بالأنياح
تذكر ارباها والتعب راح
•───✧◐◐◐◐✧───•
نظرة عيونه تسعد الروح
كلبي عليه اليوم مجروح
ويهون اله يفاركني ويروح
•───✧◐◐◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
یوسف الزهراء 💔
نعي لاولاد مسلم ع عن لسان الوالده
الدهر دومه يهدمني وانه ابني
اطالب بربه اوليدي ولبني
كل غالي بكتر امه وانه ابني
تفرهد ياخلك من بين اديه
ماطول اخونه موش موجود
صاحت علينه الخلك فرهود
لزمو الهيمه المالهم عود
..........
بينه الخلك فرهود صاحت
مدري ابناتك وين راحت
وام الولد ونت وناحت
........
الوالده لوراح ابنها
كولن شلون ايهيد ونها
ونات المدلل حننها
..........
يحني الظهر يايوم الاولاد
وكلب الفكدهم بعد ماهاد
عونه الولد يم عون ينراد
..........
لنها تصيح اتلاحكيني
ضيعت يازينب جنيني
وياهو العليهم يدليني
..........
وين التجي لوجلجل اليل
وشلون اطر الزلم والخيل
مني ومنج راكد الحيل
..........
نحشم بهلنه مايكعدون
ضنهم بنومتهم يطولون
ضيم عله اختهم عيب يدرون
..........
نعي لاولاد مسلم ع
ياولد جن حسك ندهني
اسمع مناده يصيح يمي
يريتج حضرتي اليوم يمي
.........
فزيت من نومي نحيله
حتى الهدم مابيه اشيله
ونيت والونه ثجيله
..........
شيهود الكلب وتنام العيون
وكلب الحنينه ايهود شلون
ردو عله امكم موش تبطون
..........
امك كاعده وكل عين نامت
حزينه وروحه عالولد هامت
مفجوعه وتدك عالراس كامت
..........
عله دروبكم عيني ربيه
بكلي الزمان ايحن عليه
طاهر يرد ويعود ليه
.........
تره الوالده ضلت بونها
لاهادت ولا طبك جفنها
ماهي الحنينه تريد ابنها
.........
كاعده والعين تجري
وين الدهر وداك مدري
يريت الولي بالحال يدري
..........
ونيت ودموعي سجيبه
تدري بحال امك غريبه
طاهر عله امه من يجيبه
..........
✍️ ام زينب كربلاء غير مبرئ الذمه من يأخذ الكلام وينسبه له او حذف الاسم من كتاب المآسي الفاطميه الجزء الخامس عشر
یوسف الزهراء 💔
نعي للعليله عليها السلام
علــيله وبهــــجركم من يبارني
غريبه ولمصايب باگن اسنيني
نار فراگكم تسعر وتجـــويني
وعليكم ما يبطل نوحي وونييني
ــــــــــــــــــــــــــــــــــــــــــــــــ
ضعنكم من رحل ويّاه اخذ حيلي
عـليله ومن بعدكم من يتـــجّيلي
ولا مــــــنكم خبر ويبرد اغـليلي
مــن يوم المشيتو ما نمت ليــلي
ــــــــــــــــــــــــــــــــــــــــــــــــــ
اناطر عالدرب والـروح مهمــومه
ولعافوها اهلها تعيش مهـــضومه
حزينه وتبقى بيها اجروح ملجومه
تضل طول العمر يا خلگ مـالومه
ــــــــــــــــــــــــــــــــــــــــــــــــــ
محتاره بقيت وعيني ســـجابه
شحال السافرو كل اهله وحبابه
لا واحد يمرّه ولا يــــــدگ بابه
تضل حسره بدليله ونـاره لهابه
ــــــــــــــــــــــــــــــــــــــــــــــــــ
اناشد ليش ابوي الغالي ما جاني
ولا سألو عليّ لا مرو اخــــواني
معقوله الگـــــمر عباس ينساني
ما يدري المرض ولشوگ هــدّاني
ــــــــــــــــــــــــــــــــــــــــــــــــــ
انظر عالدرب ولعين مشبـــوحه
ودلالي بفگدكم تنتزف اجروحه
وتّذوب الصـخر يا ونّته ونـوحه
محتامه وعليكم روحي مذبوحه
ـــــــــــــــــــــــــــــــــــــــــــــــــ
لا ام لا اخت لا والي ضل يــــمي
ويّــــامن اسولف واشتـكي هــــمي
رحتو والمرض هدني ونحل جسمي
ولوعات الــمصايب غيّرن رســـــمي
ـــــــــــــــــــــــــــــــــــــــــــــــــ
✍️علي كاظم المنصوري
🏴الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩🚀.....................🥺😭💔...خدمتكم شرف لنا
🏴 نعي سيد جاسم الطويرجاوي
حسييييين خوووؤؤؤؤؤؤية طوييييلة النومه
منين اجيلك والطرق ملزومه
حسين خوية حيرتني بطيحتك
شلون اجيك اشلون اعوفن عيلتك
فتت كلبي يخوية بونتك
منين اجيك الطرق ملزومه
خووية منين اجيك
منين اجييك انلزم درب ملزومه
منين اجيك يبو علي
حسين كام يون سمعت ونينيه 💔💔
خوييه منين اجيك
منينين اجيك انلزم طرق الحومه
تكول تكول
سمعته يون وتكربت ليه
ولكية الولي متوسد ايديه
ولكيت ١٩٠٠ جرح بيه
ماهو جرح واحد واداويه
اشدن ياجرح ياجرح اخليه
يكلي يكلي كل جرح بعضاي عوفيه
خووؤؤية يااخؤؤيه
يخووية كل جرح بعضاي عوفييه
بس جرح البكلبي عينج علييه
وبمعصبج يختي زين شدييه
على كيفج يزينب لاتلجميه
اجت تصيح الراي الراي
يحسين اجيتك فاجده الراي
يحسسسسينن اجيتك فاجده الرااااااااااااي
ومن الرعب تتراجف اعضااااي
وانه انتحب وتعثر بممشاااااي
اجيت وعليه عداي توماااااي
يكولون هاي ام الخدر هاي هااااااااي
هاي اخت الذبيح الماشرب مااااااااي
تكله شتكول يبن امي ويرجواااي
انه من تجيلك بيمنااااي
تكدر ترد يحسسن وياي
تكله خؤؤؤية
يكولون
هاي ام الخدر هاااي
هاي اخت الذبيح الماشرب ماااي
شتكول يبن ورجواي
منتجيلك بيمنااااي ياخويه
تكدر تكدر ترد يحسين وياي
▪️▪️▪️▪️▪️▪️
شفته يون وتكربت ليه مكتوبة
نعي / سيد جاسم الطويرجاوي
لسان حال زينب عليها السلام بعد ما ذبح الحسين عليه السلام ذهبت إليه لتنظر إلى حاله لسان حالها ماذا تقول
وتكربت ليه سمعتة يون وتكربت ليه
متوست ايده لكيت الولي متوست ايده
وداوي لاهو جرح واحد وداوي
جرح بيه لكيت الف وتسمعيه جرح بيه
يكلها
عوفيه كل جرح بعضاي عوفيه
عينج عليه بس جرح لبكلبي عينج عليه
////////
توجهت زينب إلى أمها الزهراء ماذا تقول
تعالي صاحت يم حسن يمه تعالي
تعالي شوفي كربلة شسوت بحالي
مو بعيدة أنه يمج ييمه مو بعيدة
حزو وريده أنه شفت حسين من حزو وريدة
ديوان
مشحون من كل بلد ومجان
مابيهم الينغر وعوان
كلهم لاهل البيت عدوان
ويزيد على كرسي الملك سلطان
متنومس وبالنصر فرحان
من شاف راس حسين مروان تبسم وظل ساجد للاوثان
وكام يتنشد على النسوان
كصدة يعرف زينب الخوان
من شافها عليه الامر هان
تشمت وسب داحي البيبان
زينب بجت والدمع هدران
ورادت هذاك الوقت ركبان
وتوصل محمد عالي الشان
وتطب ديوانه ويه الوذان
ويكلولة يميتم الفرسان
زينب يخوها بديوان سفيان
خويه انشد راس حسين من جاه
وخواتك سبايه طبن وياه
وطبول يمحمد تلكاه
لاتظن هم الشام ننساه
نعي للعباس( ع) .
مهظوم كلبي ودوريتك
انه بعازتك خويه واجيتك.
اكعد للحمل شيله نخيتك.
خويه عباس يالكلك مروه
احلفك جايه بكلمة الخوه
بحالي الهظم شوفه شسوه.
جيتك اشتكيلك شوف حالي.
انه بعازتك انهض يوالي.
عكبك ضيعت خدري ودلالي
. انه ضليت حرمه ابين غربه
.وكاس الهظم كلساع اشربه
شعتب والعتب كلماته صعبه.
اهنا يالعفتني عاتبه عليك.
وادريه العتب ياخويه ياذيك.
اشلون تعوفني يالزامطت بيك
. ابوعدك يخويه ارد اذكرك.
مو انته الذي دكيت صدرك.
شو هسه عفتني شنهي عذرك.
🍀🍀🍀🍀🍀🍀
وكأني (به عليه السلام )يرد عليها
سمعها وسالت دموعه جريه.
يكلها يخويه انه شبديه.
وجفوفي وكعن فوك الوطيه.
زينب يخويه ياضوه العين.
حكج عليه من تعتبين.
كطعتي الكلب بس لاتونين.
عزيزه وماتحمل هاي ونتج.
وانه لدكيتلج صدري وكفلتج
ومن غصبن يبعد الروح عفتج.
-----------------------
✏ أم أباذر السكيني
قناة دمعة فاطمة لمحرم وصفر
ابوذيات للأمام العباس ع
...
اعله شاطي الماي ظل چفه .. محامل
گلبهه .. ايوب من صبره .. محامل
عرجه وعجفه ما شالت .. محامل
ناگة اخته بدروب المنيه
_____
صدرك ليش حافر خيل .. عج فه
يوفّاي ونويت شلون .. عجفه
صعدت بناگه عرجه وبعد .. عجفه
وبلا محمل رحت يا بو الحميه
___
يالبنارك گلبهه الحرم .. مايار
عدونه ولوله ذبحك ابد .. ما يار
اعله طول السبي براحه النفس .. ما يار
صدري ،، وعفت صدرك عالوطيه
____
الضعن ،، ربك العز والطيب .. حوله
اشجره ونيران اميه صفت .. حوله
ساعه وگمت احسنّ دار .. حوله
چتلك والثواني ايام بيه
_______
ردت چفك يگود النوگ .. يسلام
يشِد محمل الناگه وعَلَيْ. .. يسلام
على التل وصحت ويلاه .. يسلام
انذبح عباس وآنه انگطع بيّه
_____
مصايب كربله للگلب. .. يرحين
النواظر من حزنهن راح. .. يرحين
عشت جرحين بس شلون. .. يرحين
گطع نحر الولي وچفين اخيه
__
✍سعد هادي
نعي للعباس( عليه السلام)
✦❥※❥※✿✿※❥※❥※✿✿※❥※❥✦
عباس خويه اگعد النه
لديارنه ساير ضعنه
غريبات ما واحد النه
مو لايگه نرجع وحدنه
✦❥※❥※✿✿※❥※❥※✿✿※❥※❥✦
عباس يا زاچي حليبك
رحت مني بعد ياهو يجيبك
مالگه بحنانك ولا بطيبك
للموت ما عوفن نحيبك
✦❥※❥※✿✿※❥※❥※✿✿※❥※❥✦
عباس ياريحة الطيبين
يومك صعب وعماهه العين
وني ياروحي ولا تهيدين
وعني غصب فرگنه البين
✦❥※❥※✿✿※❥※❥※✿✿※❥※❥✦
وني عله الخوته حلوه
ينراحله كل عمري فدوه
بعباس چان العزم يگوه
بلاني الدهر اعليه بلوه
✦❥※❥※✿✿※❥※❥※✿✿※❥※❥✦
يوم البطل ياناس هدني
وفيض الدمع قرحه لجفني
عالمشرعه طاح وتركني
وبونته حسين المردني
✦❥※❥※✿✿※❥※❥※✿✿※❥※❥✦
يجري الدمع عالفرگاني
وياه لارض الطف خذاني
نام الحنين وضيعاني
وفگد العزاز العماني
✦❥※❥※✿✿※❥※❥※✿✿※❥※❥✦
ابمعصبي راسي ارد اشده
واگصد الحومه بدمعي انشده
وانده اخيي وبلچي اگعده
ليش الغريب اتعوفه وحده
✦❥※❥※✿✿※❥※❥※✿✿※❥※❥✦
غايب اخيي الچنت عيناه
لازم يميني وجيت وياه
مرمي عالثره الوكت خلاه
ولا شافني واتوادع اوياه
✦❥※❥※✿✿※❥※❥※✿✿※❥※❥✦
تمت والحمدلله ✍ خادمة أم أبيها الشاعرة أم علي الحلفي لا أجيز شرعاً حذف الأسم اوتغير الكلمات
نسألكم الدعاء
قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
❉❉❉❉❉❉❉﷽❉❉❉❉❉❉❉
لسـتة #دعم_كربلاء 🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ2 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 100 عضو فما فوق
━━━━━━━━━━━━━━━
للإشـــتِـراك 👇🏻.
إرفع البوت ادمِن بقناتك : @Faidalzahraa_bot
وإرسل قناتك هُنا 👈 : @sayaddd
للمحظورين 👈 : @Alsayad123_bot
------------------------------------------------------
قناة الدعم 👈👈👈
https://t.me/joinchat/AAAAAFLKOx5nRih2adM0UA
#أبوذيات
مولاتي رملة صلوات الله عليها
بچت من سمعت العدوان.. حناي
بهيمه وگمت احن يالولد.. حن ناي
ابدمك بالطفوف اصبحت.. حناي
ونصبت بيوم نيشانك عَزيه
بنات النّايبه بالعين.. لاحن
ولا ينفع ونين اعليك.. لاحن
السيوف الاحتك بحقاد.. لاحن
دليلي وگوم تلگه جروح بيه
اشتكيت وأمري للباري.. وحسبي
وطلع مگلوب كل ضني.. وحسبي
يجاسم جرحك بگلبي.. واحس بي
الموت اهون ولا بُعدك عليه
اطفي بيش نار الدهر.. لوشاب
گلبي وبالحزن معذور.. لو شاب
افز وترخص الدمعات.. لو شاب
يمر واذكر شباب الغاضريه
الشاعر رعد الجريخي
یوسف الزهراء 💔
#تراث
نعي لمولاي القاسم صلوات الله عليه
ام الولـد يرجف بدنها
والنـوم ما مر بجفنها
حسبت لن تامر وتنها
وتفـــرح الحره بعـرس أبنهـا
ليالي الـدهر وليـه ولنهـا
بسهام فكده صـوبنها
بس هالشــباب وراح منها
تـون ويفسـر الصـخر ونهـا
اويـــلاه عكـب الولد لنها
وي الغرب غرب ضعنها
يبني الكـبر سـنـي ضـخرتك
ولمنـازعـي بـالموت ردتك
وانت التغسلني حسبتك
يجاسـم عسـه لا جـان شـفتك
مخظبه بدمك وجنتك
حسبتك عـدل وفـرح بزفتـك
وهـلهـل يجاســم يوم عرسـك
حظرتـــك عسـاني لا حظرتـك
شـفـت يـا بـسـه مـن العطش شـفتك
واعرفـت العطـش ذوب چبدتك
يبني يجسـام على بختك
ليش اكطعـت بمك وبختك
المرحوم الحاج مُعين السباك
#اللهم_عجل_لوليك_الفرج
یوسف الزهراء 💔
#نعي
مرت عالنهر والدمع عامي العين
نايم شافته لاراس لاچفين
صاحت على الناگه بهون لاتجزين
هذا الكلف يومه وكسر ظهر حسين
خليني ارد اخبره اوي الغرب ماشين
عنكم رايحه والفرگه فرگة بين
خويه الدهر يم عون ميال
يمرج عليه وبيدج حبال
وتشوفيني نايم على رمال
وتودعيني وانا اعلى هالحال
مابي مروه الدهر لوخان
وتشبع هظيمه المالها اخوان
بياوكت زينب تطب ديوان
وتگطع دروب بغير وليان
مشت بيها الهزل وادير بالعين
وماتدري بدربهم وين ناوين
الدمع خله بوجه زينب نياشين
حدت بيها الغرب ومفارگه حسين
منقول
#اللهم_عجل_لوليك_الفرج
یوسف الزهراء 💔
#نعي
جبت القميص الگاضي بالخيل
ومنين اجيب ويَ الهِدم حيل
گضيتها بنوح بضحه وليل
ورديت انشره اعله السماوات
هذا القميص اليگطر دموم
شابع دليلي جراح وهموم
طبع الحوافر فوگه مرسوم
وراعي القميص انترس طعنات
ابني ايعگب صيت العشاير
يا حيف وحده ويضل حاير
وبهدمه متوليه الخناير . خناجر
الهالسبب شابع ابني طيحات
فاطمه وگلبي اعله ابني ماطاب
بحضني ربه وتالي اعله التراب
نوحو محبسه بصبع سلاب
و عد راسه گام تجول شمات
ياناس ابني . والضنه عيون
وحسين غالي هواي تدرون
بس راس ضلو بي يهوسون
وتخضبن بالدمه الشيبات
يهل البچي سمعو المحاچي
ولوليدي كثروها البواچي
من الخيم باگوها الخواچي
وطلعن بنياتي العزيزات
يوميه اشوف حسين مذبوح
وزينب تونله بصوت مبحوح
وتگله باچر غصباً نروح
من الخيم فوگ الهزّل نبات
يهل العزه خلصو ولدي
وببناتي وسفه الشمر يحدي
وياكم أنه اتنطر المهدي
وان شاء الله أيامه مگربات
ملا كرار الخفاجي الكربلائي
#اللهم_عجل_لوليك_الفرج
یوسف الزهراء 💔
عن لسان ام الرضيع
يعبد الله بسهم غفله ليش نحرك ينگطع
نزل دمعي فوگ خدك خفت يچويك الدمع
ياحصاد الماجنيته وياعمر مثل الشمع
شلون يلمذبوح يمه يلگمر وجهك يشع
شفافك الحلوه حسافه گطرة المي تنمنع
ماغده النسيان طبعي منين اجيبن هلطبع
بعيني ردتك كون تكبر تلعب وعدك ربع
ياذنب سويته يمه وجاروا عليك الفزع
جابك ابدمك امغسل حسين مكسور الظلع
حسين رد مكسور ظهره وبيك گلبي منفجع
راي ماظل يعبد الله وبالگلب ميّة صدع
الشاعر حسن لعيبي الحريشاوي
قناة أئمة البقیع
یوسف الزهراء 💔
نعی حق الیله ام علی الاکبر
✍بقلم متواضع خادمه الحسین ام محمد علی
اکعدییمه علی یبنی
انه جیتک واعثربجدمی
شفتک طریح عل الارض مرمی
انهض ال امک علی یبنی
وهاذه عدوک یمه مارحمنی
ویضربنی بسوط عل متنی
شفتک یاولدماضل الی حیل
وشفت عل جثتک تلعب الخیل
وعلیک یلولدمانمت الیل
لیلی یمه شکد سهرته
تعبیت تعب ال ماتعبته
بیت امک گلی شلون عفته
تعبیت ردت جازی تعبی
من اکبر ماشوف دربی
بحمای یمه تگلی امشی
✍✍خادمة الحسین وعلی
ام محمدعلی
یوسف الزهراء 💔
نعي للقاسم عليه السلام
الك دلالي ون اوحيل محتام
يسلوه الروح يوليدي يجسام
ماغمض جفنها العين متنام
༺༻༺༻༺༻
اشتنام العين وانت اليوم مفگود
ايس هالگلب ماظنك اتعود
كون انه المتت وانت اللي موجود
༺༻༺༻༺༻
كون انه المتت وتشيل نعشي
وگدام النعش يالغالي تمشي
تحفرلي الگبر واعليه تبچي
༺༻༺༻༺༻
ألف ياحيف ميت وانه عدله
حملي لو وگع ياهو اليعدله
العمر وياك اه يالغالي يحله
༺༻༺༻༺༻
تحله اوياك يمه كل السنين
وتنام ابهنه ابوجودك العين
تره اغيابك كلف سد الشرايين
༺༻༺༻༺༻
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا
یوسف الزهراء 💔
ابوذيات
الشهيد علي الاكبر (ع)
المفارك شلون ينام ليله
وتعال وشوف شنهي شحال ليله
تكله هم ترد يالولد لي لا
واشوفك ياعلي لو هايه هيه🚩
يون دلالي وبهمه تعاله
وصحت يبني الگلب امك تعاله
دعيت بخيمتي الباري تعاله
مثل يوسف يرد الاكبر عليه
الدنيا وياي تمشي وين الك بر
ومصايبها لفني وين الاكبر
صحت يحسين طايح وين الاكبر
اريد وياه تاخذني المنيه
بوداعه ركت ظلوعي وراحاي
الدمعه انطبعت بخدي وراحاي
يليله ما اظل لاكبر وراه حي
اموت وفد كبر نمتد سويه
گلبي رافض فراكه ويأبه
اصيحن ياعلي يابه ويابه
الفرس وداه العدوانه ويابه
اليه مغسل بدم المنيه
علي حسين المنصوري
ملا فلاح
یوسف الزهراء 💔
ابوذيات
الشهيد علي الاكبر (ع)
⬛⬛⬛⬛⬛
المفارك شلون ينام ليله
وتعال وشوف شنهي شحال ليله
تكله هم ترد يالولد لي لا
واشوفك ياعلي لو هايه هيه
🔶🔶🔶
يون دلالي وبهمه تعاله
وصحت يبني الگلب امك تعاله
دعيت بخيمتي الباري تعاله
مثل يوسف يرد الاكبر عليه
🔶🔶🔶
الدنيا وياي تمشي وين الك بر
ومصايبها لفني وين الاكبر
صحت يحسين طايح وين الاكبر
اريد وياه تاخذني المنيه
🔶🔶🔶
بوداعه ركت ظلوعي وراحاي
الدمعه انطبعت بخدي وراحاي
يليله ما اظل لاكبر وراه حي
اموت وفد كبر نمتد سويه
🔶🔶🔶
گلبي رافض فراكه ويأبه
اصيحن ياعلي يابه ويابه
الفرس وداه العدوانه ويابه
اليه مغسل بدم المنيه
🔶🔶
علي حسين المنصوري
یوسف الزهراء 💔
يوجد ترويج مشاهدات
#حقيقي عراقي
(فيس+ انستا + تيك توك + يوتيوب)
للتواصل واتساب 07732320742
تلجرام
@ahmed_alziwar0
نعي لاستشهاد علي الاكبر
اجنه امخالفات اشفار السيوف
بجبينه الدم نزل هاطل على الشوف
ياهو الي يمهله وبيه معروف
ايودع والده ساعه يخليه
★★★
اجاه حسين مغضب وصل يمه
خيول الگوم رضن وسف جسمه
مايلگه كتر سالم يلمه
يشيله شلون للخيمه ويرد بيه
★★★
يبويه اشلون اعدلنك واگعدك
وعلى امك ياعلي بياحال اردك
خصمهم بالقيامه اهناك جدك
كلمن گطعَّك باچر يجازيه
★★★
باد الحيل مني شلون اشيلك
يحيلي انهدم بويه گبل حيلك
ابدليلي سهم المفطر دليلك
شگل لمك اوجهي وين اوديه
★★★
اعتنوا ليه الهواشم وصل شالوه
جريب على الخيم بالحال خلوه
عن شوف الحرم بأيزار غطوه
خاف اتموت امه من تصد ليه
★★★
يويلي شافته زينب امگطع
المثل جده بدر بالكون يسطع
تون بهداي ليلى خاف تسمع
تصيح ومايرد زينب تحاچيه
★★★
ليلى تنادي الاكبر ياضوه العين
وعدني بهاي ابد ماخالف البين
طحت فوگ التراب وشابح العين
يحر الگاع جسمك خاف يچويه
★★★
صدگ يمه رحت عني يمهيوب
جم اصواب فوك اصواب مصيوب
رجع مهرك يخط والسرج مگلوب
امدمه اسهام عدوانك تراميه
★★★
صدگ يمه چتيل وي المچاتيل
صدگ يمه على صدرك داست الخيل
نحل جسمي ييمه ومابقه حيل
هذا الخفت منه وصار تاليه
الشاعر حسن لعيبي الحريشاوي
نعي للعباس( عليه السلام)
✦❥※❥※✿✿※❥※❥※✿✿※❥※❥✦
عباس خويه اگعد النه
لديارنه ساير ضعنه
غريبات ما واحد النه
مو لايگه نرجع وحدنه
✦❥※❥※✿✿※❥※❥※✿✿※❥※❥✦
عباس يا زاچي حليبك
رحت مني بعد ياهو يجيبك
مالگه بحنانك ولا بطيبك
للموت ما عوفن نحيبك
✦❥※❥※✿✿※❥※❥※✿✿※❥※❥✦
عباس ياريحة الطيبين
يومك صعب وعماهه العين
وني ياروحي ولا تهيدين
وعني غصب فرگنه البين
✦❥※❥※✿✿※❥※❥※✿✿※❥※❥✦
وني عله الخوته حلوه
ينراحله كل عمري فدوه
بعباس چان العزم يگوه
بلاني الدهر اعليه بلوه
✦❥※❥※✿✿※❥※❥※✿✿※❥※❥✦
يوم البطل ياناس هدني
وفيض الدمع قرحه لجفني
عالمشرعه طاح وتركني
وبونته حسين المردني
✦❥※❥※✿✿※❥※❥※✿✿※❥※❥✦
يجري الدمع عالفرگاني
وياه لارض الطف خذاني
نام الحنين وضيعاني
وفگد العزاز العماني
✦❥※❥※✿✿※❥※❥※✿✿※❥※❥✦
ابمعصبي راسي ارد اشده
واگصد الحومه بدمعي انشده
وانده اخيي وبلچي اگعده
ليش الغريب اتعوفه وحده
✦❥※❥※✿✿※❥※❥※✿✿※❥※❥✦
غايب اخيي الچنت عيناه
لازم يميني وجيت وياه
مرمي عالثره الوكت خلاه
ولا شافني واتوادع اوياه
✦❥※❥※✿✿※❥※❥※✿✿※❥※❥✦
تمت والحمدلله ✍ خادمة أم أبيها الشاعرة أم علي الحلفي لا أجيز شرعاً حذف الأسم اوتغير الكلمات
نسألكم الدعاء
قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
نعي ابو ذيات
عندما وقع العباس ع على النهر مقطع الكفين نادى اخاه الحسين عليه السلام قائلا:
تعال اشبگ اخيك طاح وحداه ( وحيد)
وظل من النفس ياخوي وحداه ( آه واحده )
ردت نظره اشوفك كون وحداه ( وحده )
اودعك واشبكك حد المنيه
وعندما وصل الحسين عليه السلام الى مصرع ابي الفضل قال :
ثكل جدمي وعلن ياحيف خيلاي ( الخيل )
انعمت عيني وبعد ماشوف خيلاي ( الخيال )
انكسر ضهري واصيحن وين خيلاي ( خي الي ـ اخوي )
اخوك استفردت بيه آل اميه
بعد لا حيل ضل ليه وصحاه ( الصحه )
اون وما سمع ونتي وصحاه ( اصيح آه )
عجب ما فززه دمعي وصحاه ( من الصحو )
ابوذيات نعي لأبالفضل العباس ع
يخويه الرايه طاحت مال اخينه
رحت والگيت جسمه مالـخـيـنه
ومـن مـهـره يزيـنب مال اخينه
بدون اچفوف طاح اعله الوطيه ..
تعـب من النزف حيلـه وگـل باه ـ قل حيله
اشيلـه اشلـون حيرني وگـلبـاه ـ
السهام ابظهر وبصدره وگـلبـاه
رمح نصين طـر گـلبه يخيه..
عله الناگه ودرت وجهي ورايه
شفت جود الكفل طايح ورايه
شني شوره بسبي زينب ورايه
اضل لويرضه اروح اني سبيه..
شني الحصلته من فرگاك وجناي
غير اسياط خويه وسطر وجناي
الشمر من وج خيمنه النوب وجناي
احترگت وليلى گام اطفي بيه.
الامام الحسين ع يخاطب ابا الفضل ع
خبر موتك وصلني وصار علماي
عگبك ياهو خويه يشيل علماي
نايم لا تـضــل عـباس عـالماي
بعـد سـاعـه تـدوس الخـيل بيه..
موتـك خله گـلبي بجـرح يدماي
هدم حيلي وشلـّل صابالي يدماي
طحـت بيدك عـلم عباس (يد ماي)
العـلم والمــاي مـارجـعـن الــيـه..
الشاعر عقيل الحسناوي..
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------