اشعار عاشورایی

16 Feb 2024 17:52

یا هو




مه آل مرتضا دور قان ایچینده بیله یاتما

منی اوخلانان گوزوندن بوسپاه ایچینده آتما

قیودوم خیامه قارداش نه دیوم ربابه یاتما

الی اوسته هی چالیخلی سودامربالاسی قارداش



نچه یول ئولوب دیریلدیم بورا خیمه دن گلنده

دینن آی وفالی قارداش هانی اللرون بدنده

ایله بیل کی بیلدی اصغر باشووا عمود اننده

اویانوب آخوب گوزوندن در پربهاسی قارداش



ستمیله سوره ی عشق اولونوبدی آیه آیه

داخی قالمیوبدی یاریم بدنون بوکگ عبایه

دورایاقه سن بیل اصغر گینه سال باشیماسایه

سنیدون حسین پناهی گوزونون ضیاسی قارداش


کربلایی نویدآسال

اشعار عاشورایی

16 Feb 2024 17:50

یا هو




گئتمه آی بابا قیزلاری تک قویما
ای باغبانیم گلزاری تک قویما

قوی یاتیم سینونده من قلبیمی قان ائتمه
گئتمه قربانون اولوم مظلوم بابا گئتمه

ئوز رقیوندن آخر نه تز دویدون
عترت پاکی آغلار گونه قویدون

نیلرم سنسیز هئچ بیر کسیم یوخدی
عمریم آز اولدی اما غمیم چوخدی

بلبل خوش خوانوی بی آشیان ائتمه
گئتمه قربانون اولوم مظلوم بابا گئتمه

شانه سیز قالدی زلف پریشانیم
خسته بیمارم عشقوندی درمانیم

اولدوم خجالت عطشان دوداقوندن
دینجلر قلبیم ئوپسم ایاقوندن

تیر غمه سینمی بیرده نشان ائتمه
گئتمه قربانون اولوم مظلوم بابا گئتمه

کیم بو میدانه سالم گئدوب گلدی؟
نه اکبریم نه قاسم گئدوب گلدی

عباسیمدن بیر عمامه گتیردون
قانلی پرچمین اخیامه گتیردون

قوی من بو ظالملردن آلیم امان گئتمه
گئتمه قربانون اولوم بابا دایان گئتمه

اشعار عاشورایی

16 Feb 2024 00:24

کانال اشعار عاشورایی تقدیم میکند

#سقل

شعر استاد حاج میرزاحسین کریمی مراغه ای از بیان مرحوم اسماعیل حیدری پیشنهاد ویژه دانلود

اشعار عاشورایی

15 Feb 2024 18:57

یا هو




حیدر صبور زرنقی




وئردی دنیایه صفا حضرت سجاد آقامیز
ذات حقدندی عطا حضرت سجاد آقامیز
دردین اولسا چاغیر آدین آقا اوغلی آقادی
کی ائدر درده دوا حضرت سجاد آقامیز....



سالدی عالم باشینا سایه حسینون بالاسی
آلدی آغوشه صورا ئوپدی یوزوندن آناسی
دئدی مین اوغلوم اولا من قویارام آدین علی
آدیوی قویدوم علی،دشمنه گلسون قاداسی...



بو گئجه بیت حسینده هامی شادان گورونور
شهربانو ائوی به به نه چراغان گورونور
گتوروب بیربالا دنیایه ملکدن باشدی
عرش وفرش اهلی بوگون شاد وخرامان گورونور.....



گلدی دنیایه بیر اوغلان کی مسیحایه دگر
او گوزل قامتی مین قامت طوبایه دگر
شهربانو ائله گوهر گتوروب دنیایه
یوخدی شکیم کی اونون بیرتوکی دنیایه دگر

اشعار عاشورایی

15 Feb 2024 18:55

یا هو




محمد علی مصیبی تبریزی

آلله آلله یا آلله
دَخیل یا وَلِی الله

صلَّ الله ُ علیکَ
اِشفَعْ لَنَا عِندَ الله



مشعر سنوندی آقا حِلّ و حرم سنوندی
زمزم سنوندی مولا لوح و قلم سنوندی
کرب و بلاده قالمیش قانلو علم سنوندی
عباس عموندی ، حقّا باب کرم سنوندی



عشقین گتوردی اوجه چرخ وفا هماسین
عبّاسیدن آلوبسان سن نهضتین لواسین
خطبن پوزوبدی آقا شام اهلی نین اساسین
تکمیل ائدوب حسینون غوغای کربلاسین



سرخطّ درس عشقی سن مرتضا دن آلدون
اخلاص و اعتزازی ذکر و دعادن آلدون
قانلی مناده سعی ِ عشقی صفادن آلدون
دردون دواسین آخر کرب وبلادن آلدون



عشق و صفا خدنگین قلب نفاقه سیخدون
سجّادۀ ولادن اوج کماله چیخدون
جور ِ فلکدن هرچند ویرانه ده داریخدون
اما یزید ائوین سن شامین ئوزونده ییخدون

اشعار عاشورایی

14 Feb 2024 13:49

یا هو





عباس
وفاده ای اولان یگانه
مثالی گلمیین جهانه
سنون کیمی وفالی قارداش
گوره چتیندی بو زمانه
ولادتون آقا مبارک


عباس
رشادتین رگینده قانسان
شهامتین تنینده جانسان
کسیلسه ده قولون بدنن
قسم خدایه قهرمانسان
ولادتون آقا مبارک


عباس
الیکی زیندن اوجالدون
سپاه کفره لرزه سالدون
دلونده یا علی و زهرا
بیر حمله ده فراتی آلدون
ولادتون آقا مبارک


عباس
(انی احامی)سن بویوردون
(قطعتموا) سوزونده دوردون
رضایت حسینه خاطر
امان شمر دونی جیردون
ولادتون آقا مبارک


حدّن
اولوبدی شرح وصفی خارج
آدیلا عشق اولوبدی رایج
اوقان دولان گوزیله باخسا
روا اولار هامی حوائج
ولادتی اولا مبارک

اشعار عاشورایی

14 Feb 2024 13:47

یا هو




گوز آچوب عالمه باوفا ابوالفضل
شاد ائتدی حسینی دلربا ابوالفضل

جمالی آی تک گوزلری گویچک
آنادان اولان گونی مبارک

جان ابوالفضلیم جان ابوالفضلیم


جبرئیل بشارت وروبدی حیدره
ال تاپدون یاعلی بیرزیبا گوهره

مست ائدوب جانی اطیب الانفاس
دنیایه گلدی غیرتلی عباس

جان ابوالفضلیم جان ابوالفضلیم


لاله تک زیبادی عباسین جمالی
گوزلردن باشدی یقربین غزالی

قارداش گلوبدی سالار دینه
مرحبا دیون ام البنینه

جان ابوالفضلیم جان ابوالفضلیم


سپهرغیرته بیر گوزل آی گلوب
حسینه ابوالفضل جانانان پای گلوب

حسینه اولار بیرگون سرلشگر
اوپوردی اوزون قولارون حیدر

جان ابوالفضلیم جان ابوالفضلیم


قوجاقه عباسی آلوبدی زینبی
اوپوردی گوزلرین حیانین کوکبی

عباسه زینب لای لای چالوردی
تزتز آغوشه اونی آلوردی

جان ابوالفضلیم جان ابوالفضلیم


اقیانوس غیرت ابوالفضل آقادی
بحر وقر وهیبت ابوالفضل آقادی

هامون عشقین زیبا غزالی
گلمیوب گلمز دهره مثالی

جان ابوالفضلیم جان ابوالفضلیم


حیالی آنانون گلنوب احساسی
ام البنین آلدی قوجاقه عباسی

آچ گوزون دیور دینجلسین اورک
قدمون اولسون اوغلوم مبارک

جان ابوالفضلیم جان ابوالفضلیم


عباسین یولونی گوزلیور کربلا
اولاجاق اوچولده تشنه لره سقا

دلبند شاه نجفدور عباس
جانباز راه شرفدور عباس

جان ابوالفضلیم جان ابوالفضلیم


شهرام علیزاده

اشعار عاشورایی

14 Feb 2024 13:46

یا هو





ای شیر علی نشان ابالفضل
آوازه سی بی کران ابالفضل
جانانه ی جاودان ابالفضل
جانانینه جاندی ، جان ابالفضل

نقاش ازل ائدوبدی وسواس
خلقتده یاراتدی نقشینی خاص
قاشلار ایکی شاخه شاخهء یاس
کیپریکلری تیغ ، تیغء الماس
غیرتدی شرفدی عشق احساس
دنیادی علی نین اوغلی عباس
بی مثلیدی قهرمان ابالفضل

چون عاشقین عالمی رضادی
دوشسون اگر عشقینه سزادی
اسراری ، قدر الی ، قضادی
اصرار قضاسی اقتضادی
شهزادی ملک ارتضادی
دلبند جناب مرتضادی
حیدردن آلوب نشان ابالفضل

چون نقطه ی عشق باور اولدی
باور هدف اولدی یاور اولدی
عباس ئوزی عشقه مفخر اولدی
کراره اگر چه مظهر اولدی
صدقیله حسینه نوکر اولدی
سر وئردی ، جهانه سرور اولدی
مشهور ایکی جهان ابالفضل

احساسیله عقل ائدوب تفاهم
اوصافینی ائتدیلر تجسم
گوردوکلری ائیله سم تکلم
احسن دییر آسمان هفتم
عباس اودی تا آئدور تبسم
دریای شرف گورور تلاطم
هم دل ، همی دلستان ابالفضل

لازمدی شرافته لیاقت
چون لایق اولوب تاپوب شرافت
هم مرد مصاف ، هم کرامت
هم کان کرمدی ، هم صلابت
الله ئوزی ائیلیوب عنایت
قوللاری اوزون کشیده قامت
اوصافی کران کران ، ابالفضل


علیرضا امانی مجد

اشعار عاشورایی

14 Feb 2024 06:46

یا هو





گوز آچوبدور حبیب عشق

اوخور بوگون عندلیب عشق

مریض عشق حسینم و

اودی تنها طبیب عشق....

نفسیمدی حضرت جانان

دیرم من جانم حسین جان

اولا بو جانیم سنه قربان

شه کرب وبلا حسین


گل زیبای فاطمه

وئریب صفا کل عالمه

وئریر بشارت فرشتگان

نبی الله خاتمه....

گلوری بو جشنه ملکلر

نجه روشن اولدی فلکلر

سئوینیب شاد اولدی ئورکلر

شه کرب وبلا حسین


بیزیم اربابیمیز حسین

امیر جذابیمیز حسین

که جام عشقینده مست مست

قدَحِ نابیمیز حسین...

بودی مست جام الستی

بودی معنای می و مستی

بودی روح وجان منه هستی

شه کرب وبلا حسین


شرف اتقیا حسین

بهشته فرمان روا حسین

دوا حسیندی شفا حسین

دنن عشقیله یا حسین...

بودی تک دردانهء عالم

بو دلیل خلقت آدم

بودی اهل عشقه وئرن دم

شه کرب وبلا حسین


خوش نواز مرندی

اشعار عاشورایی

14 Feb 2024 06:45

یا هو



مرحوم سعدی زمان


علم ووردی مکانه لامکاندان سبط پیغمبر
گوروندی کون و امکاندا جمال جلوه ی اکبر

جمالی کُنتُ کَنزاً- آشکار اولدی معناده
شه اَحبَبتُ اَن اُعرَف- نشان ویردی رخ انور

شعاع نور لاشرقی و لاغربی عیان اولدی
بو قطبه عالم لاهوت و ناسوت اولدولار محور

حسین ابن علی نوری جهانی ایتدی نورانی
نگار مختفی اولدی ایشیقلی گون کیمی اظهر

تراب یثربه قویدی قدم تا بوتراب اوغلی
مقام خاکی ایتدی آرزو بو گنبد اخضر

اِله لَم یَلِد اوز آیتین گوستردی آفاقه
خدای لایُرایه اولدی ظاهر مُظهِر و مَظهر

جمال الله اعظمدور بو سرور عالم اکبر
عجبدور ویردی گنجایش اونا بو عالم اصغر

گَتوردی غیبیدن دارالشُّهوده صانع بی چون
صفات اللهه آئینه، لقاء اللهه بیر محضر

فلک لر بو احاطیله کیچیک بیر حلقه بابینده
ملک لر جوّ قدسینده به سان پشّه ی لاغر

عَدَم برجیندن اولدی جلوه گر بیر کوکب هستی
که نوریندن اونون کسب ضیاء ایلر خور خاور

بو نورین اولماسِیدی جلوه سی گون خلق اولونمازدی

اشعار عاشورایی

14 Feb 2024 06:44

یا هو




ساقیا دولاندیر دولاندیر صفا باده سین
باده لر دولانسا آچاللار ئورک عقده سین
دللره صفا گلوبدی
گوزلره ضیا گلوبدی
مژده وئرکی نورچشم
ختم الانبیا گلوبدی


نغمۀ خوشآمد خوشآمد سمادن گلور
مرحبا صداسی صداسی منادن گلور
بانگ البِشاره بِشاره صفادن گلور
دردلره دوا گلوبدی
گوزلره ضیا گلوبدی
مژده وئرکی نورچشم
ختم الانبیا گلوبدی


جلوۀ تولّا یوزوندن نماینده دی
شأنیوه عنایت کرامت برازنده دی
یاحسین بوجمعین بوجمعین گوزی سنده دی
پور مرتضی گلوبدی
گوزلره ضیا گلوبدی
مژده وئرکی نورچشم
ختم الانبیا گلوبدی


گلدی نه سمادن صفادن تولا سسی
جوشدی ما ملک دن فلکدن ولانغمه سی
فخر ائدر جهانه شهانه اونون شیعه سی
شیعیه آقا گلوبدی
گوزلره ضیا گلوبدی
مژده وئرکی نورچشم
ختم الانبیا گلوبدی

اشعار عاشورایی

14 Feb 2024 06:43

یا هو




کامران اسدی حقایق

ای قیامت شور عشقوندن علامت یاحسین
عشقون ایلر مین قیامتجه قیامت یاحسین

ای گوزل کیم گلدی حسنوندن دییه عاجزلدى
بس که اعجاز ائتدی نقاشِ بو صورت یاحسین

نیلسون گر اولماسون هر کیم که واردی عاشقون
جان وئریر عاشقلیقا الحق بو طلعت یاحسین

عشقیده عشقه گتوردون تا اولا عاشق سنه
عشقده عاشقلیق آخر اولدى قسمت یاحسین

جوش و شور و شوق گلدی سن گلندن عالمه
بیر ولادت خلق ائدیب نئچه ولادت یاحسین

هانسی واژیلن بیری تحسین ائده بولسون اونی
مرحبا مرزیندن آشدی بو وجاهت یاحسین

اولماسیدی بیر بئله حسنون غنی اولمازدی عشق
اولماسیدون عشق اولاردی بی بضاعت یاحسین

عشقیوه فکر ایلین عاشق تاپانماز بی گمان
بیر دقیقه آیری بر فکره فراغت یاحسین

قدریوی کیمدی دانا بولسون که تأییدینده وار
مین کتابت، مین حکایت، مین روایت یاحسین

روزگاره تا سنی احسان ائدیب الله، قویوب
روزگارین بوینونا الحق که منت یاحسین

اشعار عاشورایی

13 Feb 2024 03:50

یا هو





پرچم یاپوشان اللریمی سالدیلا قارداش

اطرافیمی ظلمیله منیم آلدیلا قارداش

سالارشهیدان گل داده یوبانما


سقا سنه قربان گل داده یوبانما



صیاد اجل شیروی گور سالدی کمنده

باغلاندی یولوم خدمت دلداره گلنده


یئر ویردیم اخا اوخلارا گل داده بدنده


مشگیم جالانوب وقریمی سیندردیلا قارداش

سقاسنه قربان مخیمده دایانما


سالارشهیدان گل داده یوبانما





چک اللریوی باشیمه آسوده ویریم جان

آزقالدی منی قان آپارا ناطق قران

بیر آهن عمود الده گلور نوفل نادان

ال دوشدی علم یاتدی منی یخدیلا قارداش

سقا سنه قربان مخیمده دایانم

سالار شهیدان گل داده یوبانما



بو لشگر کین نوکروی بیر حالا سالدی


اخیامه ساری اولمادی سو.گلمدی قالدی


آغوشه منی اول آنام فاطمه آلدی


زهرا آنامون قلبینی یاندیردیلا قارداش


سقا سنه قربان مخیمده یو بانما

سالارشهیدان.گل داده یوبانما




قارداش نیجه گورچاره یولی داشه دگبدی



بیر زهرلی اوخ نیزه کیمون قاشه دگبدی


علقمده آغیر ضربه آچیق باشه دگبدی

هم گولدوله .همده منه.ال چالدیلا قارداش

سقا سنه قربان مخیمده دایانما


سالار شهیدان گل داده یوبانما

اشعار عاشورایی

13 Feb 2024 03:50

یا هو





علی جان بالا لبیک لب عطشان بالا لبیک
سسون خیمیه گلدی هایاندان بالا لبیک
ملک فطرتیم اکبر قمر طلعتیم اکبر
دایان گلدیم هرایه من الان بالا لبیک



خانم زینب ائشیتدی حسیندن بو صدانی
دیدی کشف ایله قارداش منه بو جریانی
دوشن مشکله کیمدور خطرگه ده دی جانی
مخاطب کیمی ایتدون ائدورسن بو ندانی
علی جان بالا لبیک …



باجی عرصیه دون باخ قولاق ویر ایله دقت
او سس که منی سسلر وار اوندا نه ملاحت
چکور روحی بدندن اورکدن آلو طاقت
چاغوردی منی اکبر اونا ائتدیم اجابت
علی جان بالا لبیک …



حرم آهوسی قارداش دوشوب هاردا کمنده
تاپوب ال اونا صیاد سالوبدور اونی بنده
گوروبلر خط و خالین خرامیله گزنده
او ادرکتی دینده جوابین سوله سنده
علی جان بالا لبیک …



حسین تلیدن اندی او میدان بلایه
سالوب گوردی قلجلار علی اکبره سایه
انور باشلارون اوستن قلج قالخور هوایه
خطاب ایلدی حضرت اوغول گلدیم هرایه
علی جان بالا لبیک …



قشون قاچدی قاباخدان حسیندن آرالاندی
ایدوب غیضیله حمله صداسی اوجالاندی
آت اوستن اوزون اول شاه آتوب باخدی دایاندی
دیدی وای بالا یاندیم سسه اکبر اویاندی
علی جان بالا لبیک …



حسین هر قدم آتدی یخلدی گینه دوردی
نئجه دست جفاگر علی ریشه می قیردی
دیزی اوستینه آلدی اوغول باشین اوتوردی
یوزین قویدی یوزینه ایدوب ناله بویوردی
علی جان بالا لبیک …



نه تئز اولدی غروبین سحر اولدوزوم اکبر
گوزون آچ منه بیر باخ حسیندور سنی سسلر
باتوب قانه جمالون دوتولمیش آیا بنذر
بی بون منتظریندی آنان خیمه ده گوزلر
علی جان بالا لبیک …


مرحوم یحیوی

اشعار عاشورایی

13 Feb 2024 03:50

یا هو




زینبین دوشدی گوزی بیردن حسینون باشینا.
وردی رخصت اوزمان قانه دونن گوزیاشینا.
بیر باخوب مردم شهره بیر حسین قارداشینا.
دیدی قارداش بو محن گوزیاشیمی قانه قاتور.
سن دعا ایلدیگون کوفه لیلر دور داش آتور
باجوون قلبینه بو منظره لر اوت سالدی
او تشکر ایلینلرده بیزه ال چالدی
بیله فکر ایتمه حسین واقف مطلب دگلم
گورورم باشدا یارون واردی موذب دگلم
یارماسام باشیمی باشون کیمی زینب دگلم
علوی قانی قیزیشدی خانمون دوندی حالی
چوبه محمله باخدی بیر آزی گتدی دالی
یاحسین سسلدی چالدی باشینی باش یارالی
غصه لی قلبینی بیر آنیده طوفان گوتدی
زینبی محملی عریان دوه نی قان گوتدی

اشعار عاشورایی

16 Feb 2024 17:52

یا هو



محمد هدایتی

بو کوفهٔ ویرانه نی ویران اولا الله
بو قان توکن اشخاصی ئورک قان اولا الله

بو نامه یازیب دعوت ایدیب عهد پوزانلار
عمرونده گوروم زار و پریشان اولا الله

کول وار یارالی قارداشمین قانلی یوزونده
خولی نی گوروم قسمتی نیران اولا الله

انصافدی قارداشیم حسین باشی کسیلسین
کول اوسته گلیب خولیه مهمان اولا الله

انصافدی عرشه لچکی زینت اولان باش
سرنیزه نین اوستونده نمایان اولا الله

انصافدی اولاد پیمبر باتا قانه
بیر عدّه شقی شاد و خرامان اولا الله

انصافدی زهرا بالاسی باشدان ئوزه ال
جسمی سویولا ظلموله عریان اولا الله

انصافدی آتلار ایاقی آلتدا وجودی
مین صدمه گوروب خاکیله یکسان اولا الله

انصافدی او نیزه ده من ناقه نین اوسته
بیشرم تماشاچی ده خندان اولا الله

انصافدی سرنیزه اولا منبر حسینه
نی اوسته باشی قاری قرآن اولا الله

انصافدی قرآن اوخویاندا وورولا داش
سرنیزه ده ئوز قانینه غلطان اولا الله

انصافدی گوز یاشی توکاخ ناقه نین اوسته
شهر اهلی ده جشن ایلیه رقصان اولا الله

انصافدی لیلا باخا ئوز اوغلونا حسرت
رخساره توکه گوزیاشی گریان اولا الله

انصافدی اصغر آناسی سینه ده اللر
گوز یاشی توکه سینه سی سوزان اولا الله

انصافدی قاسم آناسی ایلیه ناله
هر شام و سحر آغلیا نالان اولا الله

انصافدی کلثوم گوزی نیزه نی گزسین
عبّاسنی حیران گزوب حیران اولا الله

انصافدی عباس باشی بیر حالا قالسین
احوالینه احبابی نوا خوان اولا الله

الله نه لر اولموشدی او باش دورمادی نی ده
بو ذکر مصیبت نجه عنوان اولا الله

انصافدی اول باش گیده شاماته طبقده
قزلار باجی لار قسمتی حرمان اولا الله

انصافدی زینب باشنا کول سپه اعدا
دل یاره سیده دردینه درمان اولا الله

انصافدی که زینبی مین درده دوشیدی
قارداشلاری ، اوغلانلاری ، قربان اولا الله

بش ایل او خانم لیق ایلین شهرده زینب
انصافدی سرگشته و ویلان اولا الله

عشقین هله وار مین غمی مین درد و بلاسی
بو مرحله نی گئچماقا ایمان اولا الله

الده صدقه یتدی اونا امّ حبیبه
سعی ایلدی کی خدمتی شایان اولا الله

زینب اونی گورجاخ تانیدی قلبی سخلدی
سعی ایلدی اوندان یوزی پنهان اولا الله

زینب نجه دؤزسون بو آغیر محنت و درده
گورسون کی کنیزدن اونا احسان اولا الله

باجائیدی بیر نیزیه باخسین او عفیفه
قارداشنه دل دردینی گویان اولا الله

قارداش بو کنیزیمدی گلیب الده تصدّق
الحق کی گرک گوزیاشیم القان اولا الله

الله دان ئولوم ایستیرم آخر بو نه گوندور
ئولدوم ، اریدیم ، ئولماقیم آسان اولا الله

آخر نه بلالردی گلیر باشیمه بیربیر
حقّا کی گرک همدمیم افغان اولا الله


دردلی ئورگی درده گلیب یاندی آلشدی
قارداشیله درد دله دل آچدی دانشدی


سسلندی که بیر باخ اوجا نی دن منه قارداش
سن ایله تماشا بیزه بیزده سنه قارداش

من عاشقوم بند اسارت نیه لازم
چون گلّم ئوزوم سن چکیلن مسکنه قارداش

طوفانه دوشوب قافله ای قانلی صفینه
گل قافلهٔ زینبی چک ایمنه قارداش

آل زینبوین گویلونی چوخ غصّه سی واردور
حسرت باخیر اول چهرهٔ مستحسنه قارداش

یوخ حسنی دؤیولماقمی ایتسم سنه تشریح
قمچی یئری جسمیمده دونوب سوسنه قارداش

کول باشلیلارین بعضی سپیر باشیمزه کول

اشعار عاشورایی

16 Feb 2024 10:05

لینک کانال هیئت عزاداران حضرت فاطمه صغری (سلام الله علیها)مراغه :
https://eitaa.com/joinchat/2278031696C1b42851b0a

اشعار عاشورایی

15 Feb 2024 18:57

یا هو



عالمه رحمت گلوب نور ولایت گلوب

ساجد آل عبا کان شرافت گلوب

یاسیدالساجدین یازین العابدین

مژده وئرون ائللره صفا گلوب دللره

گل یوزی آئینه دور چمنده کی گل لره

یاسیدالساجدین یازین العابدین



زینت عباد یدور سرور اوتاد یدور

حسینه روح و روان گل آدی سجادیدور

یاسیدالساجدین یا زین العابدین

درده دوادور دوا روحه صفادور صفا

صدقیله دوت دامنین کان سخادور سخا

یاسیدالساجدین یازین العابدین

دلجو

اشعار عاشورایی

15 Feb 2024 18:56

یا هو




محمد رضا صادقی

پنجم شعباندا گلدی ، عالمه بیر ماهپاره
آی گونه وئردی بشارت ، گل چخوب ایوده ستاره

تانزول ایتدی ستاره، سجدیه گون ووردی زانو
شُکرلِلَّه مادر اولدی ، بو امامه شهربانو

(گلدی سجّادسجّاد
اولدی زِینُ الْعُبّاد)

بو گونون مثلینده گلدی ، نعمت دیگر حسینه
جلوه گر اولدی دوباره ، شیر تک حیدر حسینه

تا باخوب ئوپدی یوزوندن ، نوری اولدی منجلّی
دئدی بنزیرسن آتاما ، سَمَّیْتُ اِسْمَکْ علی

(گلدی سجّادسجّاد
اولدی زِینُ الْعُبّاد)

جدّی حیدر تک وئرندی ، خضره بو آب حیات
سسلسن مشگلون اولسا گوسترر راه نجات

کیمده واردور بو جلالت، کیمده واردور بو مقام

اشعار عاشورایی

15 Feb 2024 18:54

یا هو





علیرضا حضرتی


سبط پاک سیّد بطحادی زین العابدین
افتخار عترت طاهادی زین العابدین
نور چشم حضرت زهرادی زین العابدین
ایلیوب الله اونی احراره دوردایمجی امام
ایلیر حور و ملک هر گون او مولایه سلام...




عالم عرفانیده خورشید انوردی او شاه
نورینه حیران قالوبدی آسماندا مهر و ماه
لطف ائدیبدی ذات حق اول حضرته بیر عزّ و جاه
مین صحیفه علم و حکمت وار کلامینده اونون
عالم و عارف قالوب حیران مقامینده اونون....




درس ایمانی آلوب اول شاهیدن آزاده لر
دلده عشقین بسلیر دنیا بویی دلداده لر
عطر عرفانی آلوب سجّادیدن سجّاده لر
قبلیه ساری آچاندا صبح و شب سجّاده نی
معرفتلن یاد ائله اول سیّد آزادهنی...



کیمدی اول سرور امام عالمینون اوغلودی
کربلا سلطانی، شاه مشرقینون اوغلودی
محیی قرآن و دین، یعنی حسینون اوغلودی
گر حسین اسلامی بو دنیاده احیا ایلیوب
حضرت سجّاد حسینون قانین ابقا ایلیوب....



مکتب سرخ شهیدان گر هله پاینده دی
آسمان عشقیده خورشید تک تابنده دی
حضرت سجّاد سعییندن جهاندا زنده دی
هر یئره گئتدی قولوندا قید زنجیر و طناب
واحسینا سسلدی سالدی او شهره انقلاب



شامیده بیر خطبه ایراد ائتدی اول والاتبار
اهل بیتین عزّتی اولدی جهانه آشکار
آل سفیانی ائدوبدی خوار و زار و بیقرار
مستدل منطقلریندن میخکوب اولدی یزید
ناگهان خلق ایچره منفورالقلوب اولدی یزید....



قیلدی فرمایش الا ای شامیان بیوفا
باخمیون بیگانهلر مثلی أنا بن المرتضی
خارجی کیمدی؟ منم فرزند پاک مصطفی
بو محمّد کی اذاندا ذکر ائدیرسوز آدینی
جدّیمیزدی، حق مطهّر خلق ائدوب اولادینی....



گر مسلمانسوز بیلون دین و دیانت بیزده دی
عزّ و جاه و شوکت و شأن و شرافت بیزده دی
هر نقدری خلق ائوب الله جلالت بیزده دی
منزلتده عالم هستی سراسر بیر یانا
خاندان اطیب ختم پیمبر بیر یانا



الغرض شاماته طوفان سالدی اول آزاده خو
کربلانون داستانین شرح قیلدی موبه مو
قوم اشرارین جنایاتیندن ائتدی گفت و گو
ملّتی آگاه ائدوب جریانه اول والا ولی
هامّی بیلدی کی ئولوب مظلوم حسین بن علی....

اشعار عاشورایی

14 Feb 2024 13:48

یا هو




گلدی دنیایه ابوالفضلِ قمرچهره بوگون
آلدی آغوشه مباهاتیله مهپاره نی گون
الرین ئوپدی دئدی دهرده بو اللریلن.
آززماندان سوراآسان آچیلار چوخلی دوگوت.



بوابوالفضلدی بُرجِ شرفه ماه اولاجاق.
عبدصالح لقبی، بندهٔ درگاه اولاجاق
ایندیکه آدینی قارداشیته نوکریازورام
بیرزماندابونا نوکر نئچه مین شاه اولاجاق



هئچ وفاگلشنی بونسیزثمره یئتمیه جک
قارداشین ورطهٔ طوفانیده ترک ائتمیه جک
دییه جکلرسنی گل شامده سرلشکرائدک
قطعه قطعه بدنی دوغراناجاق گئتمیه جک



بواباالفضلدی عاشقلری بسیاراولاجاق
قوللارین حوروملک ئوپمگه زواراولاچاق
گلجک بیرگونی شاه شهدا لشکرینه
اوجاقامتلی، اوزون قوللی علمداراولاجاق



بواباالفضلدی عشق آتشینه کؤز وئره جک
عشقین اثبات ائده ئوز قارداشینا سؤز وئره جک
کربلاآدلی بیاباندا، بؤیوک واقعه ده
دینه خاطرایکی قول اوسته ده بیرگؤز وئره جک

اشعار عاشورایی

14 Feb 2024 13:47

یا هو




ام البنینه بیراوغول الله ایدوب عطا
باشدان ایاقه حسندی آ یات کبریا

قاشلار کشیده گوزلرآ لاکپریگی خدنگ
زلفی قرا جبینی آ چوخ رنگی دل ربا

لبلر عقیق رنگیدی لاله یاناقلاری
مدهوش ایدرجمالینه مانی اگرباخا

بازولری قویدی آ تاسی علی کیمی
سینه ستبر قولاراوزون قامتی رسا

آ یینه جمال علی ماه هاشمی
ام البنین ایوینه سالوب گون کیمی ضیاء

یوسف دیسم غلطدی سوزوم هاردا یوسفین
قارداشی وارحسین کیمی خورشید نه سماء

قارداشلاری حسدن اونی چاهه سالدیلار
مین یوسفی حسین ایلیور چاهدن رها

یقوب فخر ایدر جمع ایده اون بیر اوغلونی
سرسفره ای علیده گلوب ریزه خوار اولا

اشعار عاشورایی

14 Feb 2024 13:46

یا هو



متقی تبریزی


آچدی گوز عالمه ابوالفضل
صاحب علقمه ابوالفضل
شاد اولوب جنت الاعلاده
فخر ایدور فاطمه ابوالفضل
کُر
مقدمون مبارک یا مولا
قسمت ایت بوجمعه کربلا

نغمه خواندی بوگون بلبل لر
گلشن ایچره اچوب سنبل لر
رحمت ذات حقدن خندان
یاسمن لر بنفشه گل لر
کُر
مقدمون مبارک یا مولا
قسمت ایت بو جمعه کربلا
درده درمان گلوب دنیایه
یاره یاران گلوب دنیایه
کربلا دشتینون سقاسی
عالمه گلدی دیْ طاهایه
کر
مقدمون مبارک یا مولا
قسمت ایت بوجمعه کربلا
نئجه من وصف ایدوم عباسی
وار گوزل جلوه لی سیماسی
حسن یوسف اونا چاتانمز
مست ایدر گوزلری الیاسی
کر
مقدمون مبارک یامولا
قسمت ایت بوجمعه کربلا
ابوالفضل غیرته دریادی
حسینه باوفا سقادی
من دیدی نوکرم زهرایه
ابوالفضله حسین مولادی

گون اوگون اولدی کربلاده
سسلدی قارداشین امداده
سویلدی قالموشام اللرده
گل اقا تئز یتیش فریاده
کر
واویلا واویلا یامولا
گلگیلن, داده گلدی زهرا

گوردی بیر آغلیان وار گویا
سسلدی کیم سن ای باوفا
سویلدی اغلاما جان اوغلوم
باشون اوسته گلوبدور زهرا
کر
واویلا واویلا یامولا
گلیگلن, داده گلدی زهرا

من دیدی غملره دریایم
دختر حضرت طاهایم
اچ گوزون باخ منه ابوالفضل
الده ئولن انان زهرايم

"متقی"دردینه قیل چاره
گوندوزی چون اولوبدور قاره
دوت الین غرق غمده یانموش
ای گوزی قانلی سینه یاره
کر
واویلا واویلا یامولا
گلیگیلن, داده گلدی زهرا

اشعار عاشورایی

14 Feb 2024 06:46

یا هو



استاد کلامی





وئرین احراره خبر گلدی حسین بن علی
یاندیرین عود نظر گلدی حسین بن علی
لبِ عشّاق گولر گلدی حسین بن علی
جبرئیل عرشی بزر گلدی حسین بن علی
باغلیین بار سفر گلدی حسین بن علی



باغلیین بار سفر تا حرم یاره گئداق
عرض تبریکه در احمد مختاره گئداق
محضر ذی شرف حیدر کرّاره گئداق
چاره سیز دردیمیزه آلماقیچون چاره گئداق
اولوب ایام ظفر گلدی حسین بن علی



خبر آلدیم نیه جبریل چکیر عرشه چراغ
بیر منادی دئدی ابلاغ اولونوب حکم بلاغ
بو حسین نوریدی نور دگری دوتما سراغ
گول اورکدن،گلِ زهراگئده جاق عرشه قوناق
دئیه جاق شمس و قمر،گلدی حسین بن علی....




معرفت یعنی حسین نور ازل یعنی حسین
شهد شیرین شفا اصلی عسل یعنی حسین
آدی بیت الغزلیم حسن غزل یعنی حسین
بیسوادم یازیرام ساده،گوزل یعنی حسین
دئ گوزللر گله لر گلدی حسین بن علی



ای دل ابلاغ ائله اول قاصد معنا هامیا
حلّ اولوب سوم شعباندا معما هامیا
آچیب احسان قاپیسین سید بطحا هامیا
مژدگانی وئره جاق حضرت زهرا هامیا
دئ خانم ائیله نظر گلدی حسین بن علی



بو گجه سوم شعباندی مبارک گجه دی
هر مبارک گجه دن بو گجه منفک گجه دی
لیلة القدر حسیندی بو گجه تک گجه دی
بو همان یار آدی دللرده اولان حک گجه دی
گورونور نور سحر گلدی حسین بن علی



رفقا ترک ائلییون عادت یومیّه لری
گلدی مصلح ائده حل مشکل قومیه لری
ماه شعباندا گورون جلوه ی عینیّه لری
بَزیون مملکت دلده حسینیه لری
نخل جان وئردی ثمر گلدی حسین بن علی



خوشدی توضیح وئره م شبهه ی ذهنی دوزله
ایکی تاریخِ تولد یازیلیب بو گوزله
بیری شعبان که گلیر عمر حسابی تئز اله
بیریده مربوط اولور خلقت روز ازله
همره خیر بشر گلدی حسین بن علی



عظمت یعنی حسین شور و شعف یعنی حسین
خلقت نوریدن اللهه هدف یعنی حسین
چون حسن حیدره فرزند خلف یعنی حسین
باخ لغتنامه ی ایثاره شرف یعنی حسین
منتظر اولسان اگر گلدی حسین بن علی



بو حسین گلدی آچا عالمه باب حسنات
بو حسین گلدی وئره مرگیدن اسلامه نجات
یاغدیریب انقلابی کرب و بلایه برکات
سسله پیشوازه چیخا اهل نماز اهل ذکات
وار بو گلماقدا اثر گلدی حسین بن علی



حیدره مژده وئرین موکب احساس گلیر
هر نفس مرده نی احیا ائدن انفاس گلیر
یاعلی جان ایکی اوغلین دم حساس گلیر
بوگجه گلدی حسین ، سحر عباس گلدی
یوز گوزون حوری اؤپر گلدی حسین بن علی


نیت پاکیله سسلن یاحسین یاعباس
آییق ادراکیله سسلن یاحسین یاعباس
اهل افلاکیله سسلن یاحسین یاعباس
سینه ی چاکیله سسلن یاحسین یاعباس
مأیوس اولما بو قدر،گلدی حسین بن علی



گلدی پرچم آچا،خلقین گله معیار الینه
هامی بوسه وورا اول سید احرار الینه
علمی تاپشیراجاق شاه،علمدار الینه
کسه جاق قربان اباالفضل فداکار الینه
شه وزیر آلنین اؤپر گلدی حسین بن علی



یازیلیب لوح ولاده یاحسین یاعباس
حرم کرب و بلاده یاحسین یاعباس
ایکی ایوان طلاده یاحسین یاعباس
سنده دی حال دعاده یاحسین یاعباس
تا اولا رفع خطر گلدی حسین بن علی



ایندیدن حاضر اولور، جان دیه لبیک حسین
اولسا کیم حامی قرآن دیه لبیک حسین
گرک آزاد اولا انسان دیه لبیک حسین
تا دامارلاردا گزن قان دیه لبیک حسین
وصله عاشق تله سر گلدی حسین بن علی...

اشعار عاشورایی

14 Feb 2024 06:44

یا هو



مرحوم تائب تبریزی


خبر یتیشدی حضرت طاهایه
زهرا ایوی تاپموش عجب پیرایه
بیر تازه گل آچوب علی باغینده
یعنی حسینون گلدی بو دنیایه
حسینوین تولدی مبارک
مبارکدی مبارکدی مبارک


یا محمّد آیدین اولسون دوعینون
احسان ایدوب خلّاق مشرقینون
زهرایه بیر گل اوزلی تازه مولود
هامی گوزللردن گوزل حسینون
حسینوین تولدی مبارک
مبارکدی مبارکدی مبارک


یتدی فرح رسول بی همتایه
اولدی روان دودمان مولایه
حسینین آلدى عطرین لبخندیله
سلامدن صورا دئدی زهرایه
حسینوین تولدی مبارک
مبارکدی مبارکدی مبارک


حسین و زهرایه سالوب تا گوزین
مخاطب ایلدی رسول اوز قزین
آلوب کناره گون سهیل اولدوزون
سروریله تکرار ایدوب بوسوزین
حسینوین تولدی مبارک
مبارکدی مبارکدی مبارک

اشعار عاشورایی

14 Feb 2024 06:43

یا هو




محمد هوشمند (مدهوش تبریزی)


شهریار عالمین ای جان جانان یا حسین
ای قویان عالملری عشقینده حیران یا حسین


ای گوزل آدی اولان هر چاره سیز درده دوا
سن حبیب لم یزل سن شافع روز جزا
کشتی امید سن عشاقه مصباح الهدا
بحر عشقین ائیلوب دیللرده طوفان یا حسین


كیم گلیب درگاهیوه تاپدی جلال و اعتبار
كوی عشقیندن گدالر اخذ ائدر عز و وقار
سفره جودونده اولموش اهل عرفان ریزه خوار
درگهین دارالکرم دی کوی احسان یا حسین


اولماسا گر عشق یول تاپماز سنه عقل و خرد
کوکب اجلالیوی خامه ائده بیلمز رصد
قالمیشام حیران الیمدن دوت اوزون ایله مدد
مكتبونده اولموشام طفل دبستان یا حسین


سن طریق عشقده هر سالکین منهاجی سن
تاج خلقتسن قویوبسان باشه قاندان تاجی سن

اشعار عاشورایی

13 Feb 2024 23:13

میکروسکوپ!!!

🔸️غزل جدید🔸️

گاه بیر سوز اوتلیار دنیانی فندکدن بتر
یرله یکسان ایلیر انسانی غلطکدن بتر

کوچه ده هر داش آتان نادانه وئرمزلر جواب
کودکانه ایش گورور بیر عده، کودکدن بتر

منتقد گر مشگلون شرحینده افراط ایلسه
گورسدر دنیانی تیره، دودی عینکدن بتر

حق یولوندا شیرلر فریاد ائدنده بیشه ده
بعضی لر بی واکنش قالدی مترسکدن بتر

کیم خیانت ایلدی، باخدیم مبارکدی دئدیم!
تاپمادیم بیر طعنه لی جمله مبارکدن بتر

چوخلاری فخر و شرف خلق ائتدی آذربایجانا
گورمدیم اما مجاهدلرده بابکدن بتر

آخدی از بس ذوقیدن لعلِ لبِ "شیرین زبان"
ریش ناپاکی شکرخیز اولدی پشمکدن بتر

من دیئم آغدی قاتیق همکاریمیز دِی قاره دی!
بو لج و لجبازی ائولر یخدی موشکدن بتر

باخماسا "سوز گزدیرن" پنده، تبسم وور دئنن:
عیبی یوخدی گئت لجن مِیل ایله اُردکدن بتر

سارقان شعری، طنزآلود قارقیش ایلورم؛
آی گوروم سینسون مدادوز اَلده یخمکدن بتر

"بعضینون" احوالینه میکروسکوپیلان باخ "وفا"؛
آهیمیز دشمنلری یاندیردی آهکدن بتر !!


وفامنافی
۲۱آبان۱۴۰۲
 

اشعار عاشورایی

13 Feb 2024 03:50

یا هو




‍ گل اوتور خیمه ده اکبر باشوا من دولانیم
فرش ایدوم تپراقا معجر باشوا من دولانیم

آناقربان گوزوه باخ آناون عَرضه سینه
بش دقیقه بو غر یبون گل اوغول خیمه سینه
پر وروم یانماقچون شمع رخون سایه سینه
مثل پروانه مکرر باشوا من دولانیم

مه جمالونده که خالی بوریوب موی سرون
خوش دگل ابر سیه اوستونه دوشسه قمرون
ساغ یوزوندن آیروم صول یوزوه طرره لرون
هاشمی خالوی گوستر باشوا من دولانیم

من سنی یولیورام دشت مناده ئوله سن
سالاسان لیلی بیچاره نی چولدن چوله سن
نه سن اسماعیل اولارسان گئده سن ساغ گله سن
نه ده لیلی اولور هاجر باشوامن دولانیم

ای منیم آرخام ائلیم شان و جلالیم کومگیم
گور نجه رعشیه دوشمش بدنیم جان و رگیم
دیزلریم عضولریم بیرده قان اولموش اورگیم
قوری یاپراق کیمی تترر باشوا من دولانیم

من بویوتدوم سنی اوز جانیملن قانیملن
هاجره فخر ایدورم سن کیمی قربانیملن
قوی ووروم کاکلوه شانه بو مژگانیملن
گوز یاشیلا سپوم عنبر باشوا من دولانیم

تار مویوندن آییر سینمه پیرایه وئریم
یا ئولندن صورا تحفه اونی زهرایه وئریم
یا نشانون آپاریم یثربه صغرایه وئریم
بینوادور سنی گوزلر یاشوا من دولانیم

باشدان عمامه گوتورنوروی تابنده ایله
سربرهنه گورونوب آی گونی شرمنده ایله
جلوه ی حسنله ئولموش اورگیم زنده ایله
دگمه میش باشوا خنجر باشوا من دولانیم

منه گوز آلتی باخوب آغلاما یاندیرما منی
دوشیوم قوی قدمون آلتدا بویانمیش سینه نی
گاهوارونده اوشاق وقتی یاتیرداندا سنی
گیجه لر ائتمیشم ازبر باشوا من دولانیم

خنجرو نیزه نه لازم سنه ای تازه جوان
حسدیندن ئولوراول ابروی مژگانه باخان
کیپریگون نیزه سنون مردم چشمون اوخ آتان
قاشلارون تیغ دو پیکر باشوا من دولانیم

من غریبم نه پناهیم وار امیدیم نه کسیم
سسیمه سس ویري کیملر علی غیر از نفسیم
سندن اوزگه بیلورم یوخدی منیم دادرسیم
نه آتام وار نه برادر باشوا من دولانیم

اشعار عاشورایی

13 Feb 2024 03:50

یا هو




هدایتی تبریزی

من ای یارالی عاشق نالانوام سنین
باخ زینبه که بی سر و سامانوام سنین

سن نیزه اوسته ناقه ده من سیره چخمشیق
من ناقه اوسته واله و حیرانوام سنین

آل پیمبرین گوزلی ، مست عشقوم
ایله نظر کی کشتهء هجرانوام سنین

ایله اشاره جانمی قربان وئریم سنه
جان بر کف ام ، فدائی و قربانوام سنین

چاتمیر الیم جداده دوتام تار زلفوی
یوخسا همیشه دست به دامانوام سنین

نار فراقوه آلشیب یانمشام اخا
دل شعله وردی شمع شبستانوام سنین

یارا یوخومدی ، دردین آلیب قلبدن توان
قلبی یارالی حامی یارانوام سنین

دردیم داشیب ئورکده طبیبیم دوا ایله
درمان سنیندی طالب درمانوام سنین

آچ قانلی گوزلری منه باخ قانلی نیزه دن
احسان ایله کی طالب احسانوام سنین

قرآن تلاوت ایله تاپا قلبیم التیام
من عاشق تلاوت قرآنوام سنین

ای حق کلامی گوهر نایاب گوزگار
من مشتریّ لوءلوء مرجانوام سنین

کوفی لر ئوزلرین ایتریب ال چالور گولور
من دلشکسته لیک پریشانوام سنین

طعنه ووران جماعته یوخ ذرّه اعتنا
سوزان دلیله خواهر گریانوام سنین

یوخدور گجه گونوز یانیرام غمله دم به دم
دل پر شرردی خوندل و سوزانوام سنین

بو کوفی لر سنه داش آتیر کور اولا گوزوم
مفتون رنج و درد فراوانوام سنین

کول وار یوزونده کول باشنا کوفه اهلنین
حیران دون و پستی عدوانوام سنین

بیر باش بو قدر ظلم و ستم ، بو قدر جفا
پیمانه داشدی ، واله پیمانوام سنین

اوخ یاره سی ، قلج یاراسی ، داش یاراسی وار
قانلی باشندا ، یار نوا خوانوام سنین

وئرسن اشاره خطبهء غرّامی باشلارام
من ای یارالی گوش به فرمانوام سنین

باخما رباب و لیلیه حسرتله نیزه دن
باخسان نقدری باخ منه خواهانوام سنین

(بیر قدر باخدی دوره ده پیر و جوانلارا)
(حکم سکوت ویردی گولوب ال چالانلارا)

فرمایش ایتدی ننگ اولا ای کوفیان سیزه
معناده لعنت ایلوری کرّوبیان سیزه

ای حیله کارلر نه سببدندی آغلوسوز
مونس اولوبدی ناله و اشک روان سیزه

گوز یاشلاریز قوروماسین ای قوم فتنه گر
اولسون نصیب سود عوضنده زیان سیزه

نامه یازیب قوناق چاغیرانلار یوزوز قرا
بو مُهر ذلّت آلندا اولدی نشان سیزه

ای بی وفا یالانچلار ، ای حیله کارلر
عادت اولوبدی مکر و فریب و یالان سیزه

حددن گئپیب وقاحت و رسوالقز بیلین
کینه اولوبدی سینه ده گنج گران سیزه

وار اوخشاریز کنیزه کی عدوانه گوز وورا
اولموش نصیب حقارت دور زمان سیزه

گول سوز اگر کی مَزبله ده رشده گلمسیز
سرگین اولوبدی خون و تن و جسم و جان سیزه

اولساز گوموشده زینت تابوت و قبرسیز
حق لعنتی گلیدی کران تا کران سیزه

بد توشه گوتدوز آخرته ننگ و عاره باخ
خشم خدا رفیق اولاجاخ جاودان سیزه

چوخ آغلیین گوروم سیزین هئچ گولمه سین یوزوز
بیر ننگ لکّه قویدی آخان زنده قان سیزه

داغ چکمسیز پیمبرزین داغلی قلبنه
وای اولسون ای سیه دل و زشت آرمان سیزه

ئولدورموسوز شباب جنانین آقاسنی
حقّوزدی کی انیس اولا آه و فغان سیزه

موءمن لرین پناهنی ئولدوردوز الامان
مشکل اولاندا ملجاء دی هر زمان سیزه

وزر و وبالیز اولدی آغیر ، قسمتیز فسوس
دور اولدی لطف و مرحمت لامکان سیزه

سنسین الیز ، تلاش لریز ویرمدی ثمر
دارالضّرار اولا بو جهاندا جهان سیزه

پیغمبرین عزیز لرینی ایتمسیز اسیر
وای

اشعار عاشورایی

13 Feb 2024 03:50

یا هو




آقام عباسه فقط عشق و شهامت یاراشار

مکتب دینده اونا خون و شهادت یاراشار

شاهکار دو جهاندی اونا عزت یاراشار

هامیدان چوخ اونا دنیا بوئی غیرت یاراشار

باغبان بیر ازلی جلوه نی تک یاسه ویریب

غیرتین هامسین الله فقط عباسه وریب