اشعار عاشورایی

23 Feb 2024 13:24

اطلاعیه روضه به نیت فرج امامزاده صالح تجریش
مداح :کربلایی مهدی عباسی

#تهران

اشعار عاشورایی

21 Feb 2024 14:52

یا هو



استاد کلامی




بو مشامه گینه عطر گل و عنبردی گلور
شب میلادیدی یا جلوهٔ دیگردی گلور
خودِ طاهادی وَ یا شبه پیمبردی گلور
نیک منظردی گلور جدّینه بنزردی گلور
آقامون قهرمان اوغلی علی اکبردی گلور



چمن معرفته سرو رواندی بو جوان
دل اهل ادبه تاب و تواندی بو جوان
ای جوان گور نجه آزاده جواندی بو جوان
صاحب رتبه و سردوش و نشاندی بو جوان
کربلا ارتشینه نابغه افسردی گلور



نجه اکبر،قلم عاجزدی چکه شعره سوزون
آچدی شعبان آیینون اون بیری دنیایه گوزون
ائشیدن باب حسینه یتوروب فوری ئوزون
چیخدی عباس بیوردی هله دیداره دؤزون
بو مبارک بالا پیک حق داوردی گلور



اکبر اکبر نجه اکبر گل دلخواه اکبر
گورسنوب برج وفاده ائله بیل ماه اکبر
یری وار مملکت حُسنه اولا شاه اکبر
سجدیه دوشدی حسین سسلدی الله اکبر
بو دلاور ابی عبداللها دلبردی گلور



معنوی جشن تولد دوتوب انصار حسین
گلدی زهراده باشیندا نچه مین حورالعین
امّ لیلایه مبارک دئدی امّ الحسنین
سنده سسله آدینی قالمیا بوینوندا بو دین
دئنن همنام علی فاتح خیبردی گلور



اکبر اکبر نجه اکبر نوه ی پاک علی
جدّی تک واردی یوزونده جلوات ازلی
حُسن شهرتده اونون جلوه سی باغلار یوز الی
تکدی واللهی گوزللیقدا حسینون گوزلی
یوزونی اوپماقا هی فوج ملکلردی گلور



ای گؤیون قوشلاری شوق عالمی پروازه گلون
عشق بلبلّرینه سس وئرون آوازه گلون
انتظاران محرّم حرم رازه گلون
پیشمرگان ولایت هامی پیشوازه گلون
مفخر هاشمیان حافظ سنگردی گلور



گرک عشّاق آرا وارسته شناسائی اولا
هانسی گولدی بئله یاد آور زیبائی اولا
طینتی کرب و بلائی ئوزی بطحائی اولا
گل زهرادی گرک عمریده زهرائی اولا
هیجده ساله سولان بیر گل پرپردی گلور




کربلاده بو جوان مکتبینه اولدی دایاق
مرد مردانه جهاده هامیدان گئتدی قباق
اشقیا دوغرادیلار جسمینی بارماق بارماق
کربلا،ایندیدن آغوشیوی آچ ساخلا قوناق
سنه مهمان بو عزیز دل مادردی گلور....

اشعار عاشورایی

21 Feb 2024 14:51

یا هو





حاج علی پور علی


ای روحیمه ریحان اکبر اکبر
مست می قرآن اکبر اکبر
سینه مدالیمسن اوغلوم اوغلوم
لیلا سنه قربان اوغلوم اوغلوم

لایلای گوزلیم لایلای
شیرین غزلیم لایلای





ای مهر محرابیم اکبر اکبر
آئینه و آبیم اکبر اکبر
هم مهر تابانیم اوغلوم اوغلوم
هم ماه و مهتابیم اکبر اکبر

لایلای گوزلیم لایلای
شیرین غزلیم لایلای




حسنونده غوغاسن اکبر اکبر
عشقینده شیداسن اکبر اکبر
یوسف غلامیندوراوغلوم اوغلوم
ما ه دلاراسن اکبر اکبر

لایلای گوزلیم لایلای
شیرین غزلیم لایلای




نازلی نگاریمسن اوغلوم اوغلوم
شأن و وقاریمسن اوغلوم اوغلوم
لیلا سنه قربان اکبر اکبر
فخر تباریمسن اوغلوم اوغلوم

لایلای گوزلیم لایلای
شیرین غزلیم لایلای



ای شبه پیغمبر اکبر اکبر
وی نازنین دلیر اکبر اکبر
باشدا قیزیل تاجیم اوغلوم

اشعار عاشورایی

21 Feb 2024 14:49

یا هو





اکبرآدی دفتره پیرایه دی
نقل دهن مردم دنیایه دی

بوآدی سعی ایله وضوسیز دمه
مصحف عزوشرفه آیه دی

کیم بوآدین حفظ السه حرمتین
حشریده زهرائیله همسايه دی

ذکراله بلکه گله آغزون دادا
طعنه سی چون شهد مصلا یه دی

فکرالمه یرده قوری آدی بو
نوری بونون عرش معلایه دی

یردن اوجالمیش بوآدین جلوسی
نور ولا طاق ثریا یه دی

سرورواندی بوآدین صاحبی
استنادیم قامت رعنایه دی

شاخه طوبانیده حیران ایدوب
سرولرین باشلارینا سایه دی

نزد خداده بوآدین صاحبی
صاحب اوزی رتبه ی والایه دی

بهرشعورو ادب وغیرته
لعل بداخشان وگرانمایه دی

قامت رعناسی ستون کعبیه
قاشلاری محراب مصلایه دی

سهلیدی آی بلکه گونون ایشیقی
چهره نورانی سینه سایه دی

یوسف اگرحشره کیمی دلستان
قبریده دل داغلی زلیخایه دی

یوسف مصری اوزی مین عشقیله
مشتری اکبرده کی سیما یه دی

هرنه گوزل واردی بوعالم آرا
غبطه سی اول حسن دل آرایه دی

عشقی بوگون شیعلره اعتبار
مهریده محشرگونی سرمايه دی

نور بصردی آقامیز حیدره
ميوه دل حضرت زهرایه دی

کیم قدوبالاسینه باخدی دیدی
اوخشاری چوخ سیدبطهایه دی

خلق ن وخلقا عمل ومنطقا
بنذری بودهریده طاهایه دی

قلب پریشان حسینه سرور
نوروضیا دیده ی لیلایه دی

روزجزا شیعلرین حاجتی
بیرفقط اکبردکی امضایه دی

خاکی عاصی هامیدان روسیاه
بیرفقط امیدی بومولایه دی

آل علینون قاسیندا فقط
صبح ومساهمتی انشایه دی



روح الله رمضانی

اشعار عاشورایی

21 Feb 2024 07:56

یا هو






شبهه پیغمبر گلوب نوگل حیدر گلوب
شیعه لر سیز ال چالون عالمه اکبر گلوب
مین گوزل گلسه جهانه بوگوزل تکدی
جشن میلاد علی اکبر مبارکدی
یا علی و یا علی شبهه پیغمبر علی



مژده مژده عاشقان روشن اولسون گوزلروز
آل چالون سیز شاد اولون محو اولونسون غملریوز
جشنیده شرکت ایدون گلسون هامی ایلروز
نوگل زهرادی بو عالمه مولا دی بو
چوخ گوزلدی صورتی اشبه طاهادی بو
مین گوزل گلسه جهانه بوگوزل تکدی
جشن میلاد علی اکبر مبارکدی
یا علی و یا علی شبهه پیغمبر علی



مرحبا صد مرحبا اول گوزل سیماسینه
ذات حق احسان ایدوب بنده ی والا سینه
پای ویروبدی اکبری الله آل یاسینه
یوسف مصری اونون حسنونه حیران قالوب
گلدی دلبنده حسین عالمه غوغا سالوب
مین گوزل گلسه جهانه بوگوزل تکدی
جشن میلاد علی اکبر مبارکدی
یا علی و یا علی شبهه پیغمبر علی



سویگول جانان گلوب غنچه ی خندان گلوب
نازنین دردانه ی شاه مظلومان گلوب
دردمندانه دیون دردلره درمان گلوب
مثل مانندی بونون بیرده گلمز عالمه
آدینی گویده ملک ایتدی یکسر زمزمه
مین گوزل گلسه جهانه بوگوزل تکدی
جشن میلاد علی اکبر مبارکدی
یا علی و یاعلی شبهه پیغمبر علی



یازده شعبانیده گوز آچوبدی عالمه
یازدی یاران حسین اکبر آدین پرچمه
عرش و فرش عالمه دوشدی یکسر زمزمه
جلوه بطهایه ویروب اول گل خیرالورا
عالمه قویدی قدم یادگار مرتضا
مین گوزل گلسه جهانه بوگوزل تکدی
جشن میلاد علی اکبر مبارکدی
یا علی و یا علی شبهه پیغمبر علی



عالمه قویدی قدم ماخلق تاج سری
چوخ گوزل خلق ایلیوب ذات حق بو اکبری
مرحبا رخسارینه وا ردی شهلا گوزلری
آی دیمم رخسارینه آی اونا حیران قالوب
گون دیسم گونده یقین نورینی بونان آلوب
مین گوزل گلسه جهانه بوگوزل تکدی
جشن میلاد علی اکبر مبارکدی
یا علی و یا علی شبهه پیغمبر علی

اشعار عاشورایی

21 Feb 2024 07:54

یا هو




مرحوم شبخیز

حسینه بیر اوغول ائتدی عطا خلّاق بی همتا
که اولدی گل جمالیندان مدینه جنت اعلا


صفالی بیر گول آچدی باغ عشق و معنویتده
که سالدی گول لری عالمده رونقدن طراوتده
نه گول بیر گول که یوخ مثل و نظیری باغ جنتده
ائله بیر گول که عطریندن اولوب سرمست ایکی دنیا


بیله بیر مه لقا بیرده گله حاشا بو دنیایه
گوزلّیق پایه سینده یوسف اولماز بونلا هم پایه
وجاهتده جمالی بنزیری اوز جدّی طاهایه
که خالق خلق ائدوب گول صورتین آئینۀ طاها

اشعار عاشورایی

21 Feb 2024 07:54

یا هو



شاد اول دلیم دلبر گلور
جانان مه پیکر گلور
یار ملک منظر گلور
آئینۀ داور گلور

پیغمبره بنذر گلور
اکبر گلور اکبر گلور


ساقی آچیب میخانه نی
جان آختارور جانانه نی
بو بزم انس و الفته
یول ورمیون بیگانه نی
مهمان حسن اکبروخ
گور هاردا صاحب خانه نی
سرور گلور مهتر گلور
اکبر گلور اکبر گلور


خوشدور بو بزم الفته
پیغمبر خاتم گله
ئوز اشبهی دیدارینه
تاج سر عالم گله
شربت ویره روح الامین
سو کوثر و زمزم گله
بند دل حیدر گلور
اکبر گلور اکبر گلور


من مست مست عشقیم
حال غنادن گچمشم
سیر و سلوک عشقده
سعی و صفادن گچمشم
بیر نازنینی دوتموشام
کهنه سرادن گچمشم
پرواز عشقه پر گلور
اکبر گلور اکبر گلور


مه پرده دی گل چهره دی
مه پاره دی مه پاره دی
مه افتخار ایلور دیدیم
مه پاره دی گلواره دی
بیر دسته گل دور یاردن
تقدیم حضور یاره دی
باغ ولایه بر گلور
اکبر گلور اکبر گلور


حرمت بونون سامان بونون
هر رتبه شایان بونون
خیر و شره میزان بونون
هر امره وار فرمان بونون
تقوی بونون ایمان بونون
عالملره سلطان بونون
دلبر گلور سرور گلور
اکبر گلور اکبر گلور


مه صورتی گل لبلری
دریای رحمت گوزلری
بال و پر آچدوقجا ایدور
دیوانه تر عاشقلری
قد قامتی گل پیکری
سر پنجه سی بازولری
نیکو گلور بهتر گلور
اکبر گلور اکبر گلور


سالار عشقه عشق اولا
بیدار عشقه عشق اولا
پیغمبرین دلبندینه
دلدار عشقه عشق اولا
نو غنچه سی اکبر اولان
گلزار عشقه عشق اولا
شاه شهیده پر گلور
اکبر گلور اکبر گلور


ریحانۀ پیغمبرین لبلر
گولور گوزلر گولور
خوش گوندی آل حیدره
بند دل حیدر گولور
ساقی گولور مسقی گولور
کوثر گولور کوثر گولور
قیمتلی بیر گوهر گلور
اکبر گلور اکبر گلور


جام الستین مستی دی
دست علی دن جام آلوب
پیغمبره آئینه دی
نام علی دن نام آلوب
مست ایلیوبدی عترتی
کام حسین دن کام آلوب
گلبوسه دی پی در گلور
اکبر گلور اکبر گلور


شاهین کیمی شهپر چالور
بیر اوج دلخواه آختارور
اطرافی سیر ایلور گوزی
بیر یاری گه گاه آختارور
مه پاره هم آغوش اولا
عباس تک ماه آختارور
عباس نام آور گلور
اکبر گلور اکبر گلور


سیماسنی سیر ایلین
عشق ایلیوب دلدن گئچیب
دل ویردی اکبر عشقنه
هر کیم او محفل دن گئچیب
عشق حاصل اولدی لاجرم
هر کیم کی حاصل دن گئچیب
عشق هر ندن برتر گلور
اکبر گلور اکبر گلور


لیلانی مجنون ایلین
شور حسین پور حسین
صهبای عشقی نوش ایدن
شاه ولایه نور عین
شرق ولادن پارلیان
دلدار شاه مشرقین
سلطان ناباور گلور
اکبر گلور اکبر گلور


مرآت طاها صورتی
بزم ولانون زینتی
پیغمبرین تمثالی دی
تک تک هامی شخصیّتی
حسن و کمال و سیرتی
فرّ و جلال و عزّتی
پیغمبر دیگر گلور
اکبر گلور اکبر گلور

فضل و ادب ده مثلنی
گورمز بو چرخ روزگار
اصل و نسب ده مثلنی
گورمز بو چرخ روزگار
قوم عرب ده مثلنی
گورمز بو چرخ روزگار
زیبالره رهبر گلور
اکبر گلور اکبر گلور


حسن کماله مرحبا
شان و جلاله مرحبا
بو مه جبین بو قاش گوزه
بو خط و خاله مرحبا
بو قامت طوباسینه
بو مه جماله مرحبا
آی دان یوزی انور گلور
اکبر گلور اکبر گلور

هدایتی تبریزی

اشعار عاشورایی

19 Feb 2024 03:31

یا هو



قالمیشدی ربابون یاخاسی اصغر الینده



عرض ایتدی حسین چوخدی سوزوم حیفدی اما
سوز پاره لنر بو یارالی لبلر الينده

سیل گوزلریمی قوی دانيشاق گوز گوزه قارداش
نه حاله قالوب گور بو گوزوم لشگر الينده

یوخ آیری غمیم خیمه لروندن نگرانم
قطع اولدی امیدیم کسیلن اللر الينده

بیر منظره گوردوم من ئوزوم خیمه ده قارداش
یاندیم نجه کى عود یانار مجمر الينده

اولسمده بو نيسگيل ئورگیمدن چخا هیهات
قالمیشدی ربابون یاخاسی اصغر الینده

اشعار عاشورایی

19 Feb 2024 03:30

یا هو



گوزل عباس دولوب گور نجه قان گوزلروه
هر باخیش خوشدی حسینون دیه جان گوزلروه
بدر کامل دوتولوبدی گورونیر آی پاراسی
قانیویله هورونوب کپریگیله قاش آراسی
بیله احساس ائدورم بیر گوزوین واریاراسی
یوخسادومازدی عزیزیم بیله قان گوزلروه
خوش کیچوب حسنوه باخدیقجاگونوم آیم ایلیم
نه گلوب گوزلروه دردیوی لازمدی بیلیم
قوی اوزوم لخته لنن قانینی آهسته سیلیم
سنی اکبر جانی سن ویرمه تکان گوزلروه

اشعار عاشورایی

19 Feb 2024 03:29

یا هو




مرحوم یحیوی

نئجه عمه توز باسوبدی گور
نیزه ده قلم قاشین
اجازه وئر شمره یالواروم
وئرسون اکبرین باشین
سوسوز دوداقلارینه سپوم
سو یرینه گوز یاشین
وئرسه اکبرین باشین

روا گوروب قاتلی نئجه بو جوان رعنایه
باشین کسوب پیکرینی غرق ائتدی قانلو دریایه
بلشدیروب قانه داغینی چکدی قلب زهرایه
مگر رحمی گلمدی سنه یا منه و لیلایه
یا باجیسی صغرایه

مگر عمه اوچ یاشیندا قیز طی ائدر بو یوللاری
اکبریمون شوقیدور سالوب چوللره منِ زاری
دئ شمره سن وئرمیور اونی ساخلاسون ایاق باری
نشان وئروم اکبریمه تا بو قابار ایاقلاری
بو یانان دوداقلاری

باخار هر دم کج نگاهیلن نیزه ده آناسینه
چالار کیپریک آغلیور اونون کهنه لن لباسینه
حزین حزین گوز دولاندیرور خویش و اقرباسینه
باجون قربان جان علی قارداش گوزلرون قراسینه
باشیوون بلاسینه

اگر منه اَندیروب وئره نیزه دن او زیبانی
سیلم زلفین قاش گوزون یووام پاک اولا اونون قانی
یاپیشدیرام سینه مه دییَم شرح درد هجرانی
او باشی من شمره وئرمرم بیرده اکبریم جانی
داغلارام بو دنیانی

اشعار عاشورایی

18 Feb 2024 08:44

یا هو




وِرمارام من ایکی گوشواریه خاطر چانه


چیخادیب من آتارام اوستووه ای دیوانه


یادگاریدی بولار رحم ایله ای شوم منه


بولاری قانلی عباده گلن آلمیشدی منه

اشعار عاشورایی

18 Feb 2024 08:43

یا هو




القصّه اوباش تنها سِیر ایلدی مین منزل
هر کیپریگی هر لحظه یوز سینه سوکوب یوز دل
قابل بوغازین اوپدی خاکستر نا قابل
اجلال نزول ایتدی ویرانه ده الحاصل
گتدی دیله جیرانی اول مایهٔ حیرانی

گلدون بابا گل بابا چک باشیمه ال بابا
سهو ایتدیم الون یوخدور آغوشیمه گل بابا
ای صولت و سیرتده بی مثل و مثل بابا
رخساری گوزل بابا قاشلاری غزل بابا
سوک سینه می ابرونن ویر قلبیمه مژگانی

گل بلبه ناز ایلر سنده منه ناز ایله
امّا یارادور قلبیم ناز ایلسون آز ایله
گر اینجیمه سون بیر یول چشمانوی باز ایله
یعنی کی یاریم گوز باخ مین رفع نیاز ایله
عطشانوام ای کوثر سیراب ایله عطشانی

ای عشق مِناسینده مقصوده چاتان بابا
عشقون سو کیمین اولموش روحیمده روان بابا
ای لبلری قان بابا آل جانیمی جان بابا
سنسیز نه جهان بابا سن سیز نه جنان بابا
بیر بوغدایا آلمازلار سن سیز ایکی دونیانی

اشعار عاشورایی

18 Feb 2024 08:42

یا هو




كریمی مراغه ای

یخدی منی آتدان قوشون، امداده تئز گل
قویما قالا نعشیم عمو، صحراده تئز گل



لشگر عمو آلدی بو بی‌یاری آرایه
یوخ بیر کسیم، چخمیر سسیم، تئز گل هرایه
اولما رضا باشیم گئچه، نوکِ جدایه
آهو کیمی صید اولموشام، صیّاده تئز گل
فریاده تئز گل



قالدی ئورکده حسر‌تیم، ای پادشاهیم
جان اوستیم، دشمن ویرور، یوخ دادخواهیم
سنده‌ن سورا کیمدیر منیم، پشت و پناهیم
قویما بو قدری یالواریم، جلاده تئز گل
فریاده تئز گل



ازبس ویروبلار سینمه، اوخ دسته دسته
قان چوخ گئدیب دوشدوم یره، من زار و خسته
بو جان وئر‌ن وقتیمده بیر، گل باشیم اوسته
آخر یتیمَم‌ لطف ائله، سال یاده تئز گل
فریاده تئز گل



باشیم سنوب باتیب نفس، گل ایله چاره
وئرمز امان تا بیر زمان، قاتل بو زاره
دشمن باخار اشکیم آخار، گؤزد‌ن عذاره
یوخدور آتام لطف ایله بو ناشاده تئز گل
فریاده تئز گل



توپراقلار اوسته قالمیشام، یوخ سایه‌ بانیم
قانیم آخور جانیم چخور، یوخدور توانیم
قویما آنام اولسون همیشه، نوحه‌خوانیم
قالدی یارالی پیكریم، اثناده تئز گل
فریاده تئز گل

اشعار عاشورایی

18 Feb 2024 08:09

یا هو





ای شیر علی نشان اباالفضل
آوازه سی بیکران اباالفضل
جانانه ی جاودان اباالفضل
جانانینه جاندی جان اباالفضل


لازمدی شرافته لیاقت
چون لایقیدی تاپوب شرافت
هم مرد مصاف هم عبادت
هم کان کرمدی هم شجاعت
الله ئوزی ائیلیوب عنایت
قوللاری اوزون کشیده قامت
اوصافی ، کران کران ابالفضل

نقاش ازل ائدوبدی وسواس
خلقتده یاراتدی نقشینی خاص
قاشلار ایکی شاخه شاخه ی یاس
کیپریگلری تیغ ، تیغ الماس
بیر پارچا شرفدی ، عشق،احساس
دنیادی علینین اوغلی عباس
بی مثلیدی قهرمان ابالفضل

اشعار عاشورایی

16 Feb 2024 17:54

یا هو



سائلم دربدر افسرده و حیران گزورم
یوزی قاره الی بوش زار و پریشان گزورم

چاره یوخ دردیمه هر یردن امیدیم کسیلوب
آشیانین ایتیرن قوش‌کیمی ویلان گزورم

دردمندم گوتوروب دردیمی گلدیم قاپوا
قیل طبیبانه نظر دردیمه درمان گزورم

ای اولان دردی دواسیز سال ئوزون بو قاپیا
گل منیم خطّیمه که‌دیده‌سی گریان گزورم

دوگموشم چوخ قاپی عمریمده جواب آلمامیشام
عاقبت بو قاپودان رحمت و احسان گزورم

قاپینون صاحبی از بسکه بئوک بیر کیشیدی
ایلیور لطفیله هر عیبیمی پنهان گزورم

آقامون آدینه قربان آقا اوغلی آقادی
اونون آدیله هله شاد و خرامان گزورم

چوخ مرید ائستمورم باشیمه جمع ایلمگه
سوز قانوب دل دوشونن بیر نچه انسان گزورم

اگلشوب باش باشا بیر حلقهٔ ماتم یاراداق
گوره‌لر اوخشاماقا من نجه میدان گزورم

اولماسا طعنه ویران گیمرم آغ پیراهن
بیر قرا کوینگیلن زار و پریشان گزورم

قسمت اولسا گیده‌رم قبره قرا کوینگیلن
چون رقیّه خانیمون عشقینه عنوان گزورم

او حسین عاشقیدی گئتدی قرا کوینگیلن
عاشقم منده اونا عشقمه برهان گزورم

رحیم منزوی

اشعار عاشورایی

21 Feb 2024 14:53

یا هو




ماه منور گوزل بالام لایلا ی
شبه پیمبر گوزل بالام لایلای
مدال سینم ، ستاره ی سحریم
عزیز مادر گوزل بالام لایلای

مه مدینم یات
مدال سینم یات
گوزل بالام لا یلای



روحیمه ریحان گوزل بالام لایلای
دردیمه درمان گوزل بالام لایلای
ضیاسی اوغول
جلوه ی جا نان گوزل بالام لایلای

تحفه ی مسعودیم
هدیه ی معبودم
گوزل بالام لایلای



غنچه ی طوبی گوزللرین گوزلی
گوزلری دیوان عشقیمین غزلی
آند اولا عشقین شکوه حکمتینه
لعل لبون شهدیدن

گوزللرین گوزلی
گوزون فداسی علی
گوزل بالام لا یلای



ماه دلا را گوزل بالام لا یلای
یوسف بطها گوزل بالام لایلای
خلقا" و خلقا" شبیه پیغمبر
عزیز لیلا گوزل بالام لا یلا ی

نگار دمسازیم
شکوفه ی رازیم
گوزل با لام لا یلای



حسن کماله چاتوب کما لین علی
علی
کیم سنی گورسه دییر بو خاتمدی
مست ائلیور وخالین علی

جمالیوه قربان
کمالیوه قربان
گوزل بالام لایلای



لیلیه آرام جسم و جانسان علی
حسن کمالینده حق نشانسان علی
شمس ضحاسن گوزل نگاریمسن
بدر دجا آسمان مکانسان علی

شرف نشانیمسن
عزیز جانیمسن
گوزل بالام لا ی لای

استادجاهد

اشعار عاشورایی

21 Feb 2024 14:52

یا هو




غلط سوزدور دیللر بیرده یوسف تک گوزل گلمز

گلر یوسف مثالی اکبره اما مثل گلمز


بو بیر تمثیل مهملدور که چوخ ال وار ال اوستوندن

بله صورت چکن ال اوسته والله بیرده ال گلمز


حیاقیل دفتر نقش و نگارون باغلا ای مانی

کتابون باطل ایله چون بو اصل اوسته بدل گلمز


نجه اکبر ئوز عصرینده فقط بیر اکبره بنذر

مدلل سوز داخی بوندان گوزل قل و دل گلمز


ایله یرده قویوب خالین سر مو قدری کج دوشسه

اولار صورتده فرقی سیرتا اما خلل گلمز


قدم آتسا گوررسن بیر ایله زیبا غزال اولماز

دانشسا فکر ایدرسن بیر بیله شیرین غزل گلمز


اوشاقلقدان دوداقینون دادی لیلایه داد ویردی

ئوپوب تزتز دیردی بو حلاوتده عسل گلمز


گورن لیلایه سویلردی چکیلمز سینوه داغی

ترحم ایتسه مقراض اجل پیمان گسل گلمز


قضا میدانیده اما اوتوزمین شخصی کور ایتدی

گورن گوز قالمادی گورسون ایله زیبا گوزل گلمز


قفادن یوزقویوب هر بیر بلا باشینه خنجر تک

خجالتدور یوزیندن چون مقابلدن اجل گلمز

اشعار عاشورایی

21 Feb 2024 14:50

یا هو




مرحوم عابد تبریزی

مدینه عطر جان آلدی شمیم زلف اکبردن
تاپوب نور نبوّت تازه دن شبه پیمبردن

( مَلَک منظر گلوب
گوله بنذَر گلوب
علی اکبر گلوب
علی اکبر گلوب )



طلوع ماه بطحانی بشارت وئردی یثربده
هلال هاشمی تا آتدی پرده روی انوردن

جمالیدن ولایت منزلی آئینه بند اولدی
بهشتی جلوۀ قدرت نمای حُسن اکبردن

مه و مهر اقترانیندن گوروندی کوکب طالع
بسیط تیره خاک افلاکه رشگ اولدی بو اختردن

آچیب شهلا گوزون نازیله تا مهد امامتده
آلیب دل بیر نگاهیله خمارین چشم عبهردن

سر زلف سمن باری پریش اولجاق جبینین ده
ختا مشگین سالیب قیمتدن، آلدی جذبه عنبردن

تبسّم خطّی تا گورسندی لعل آبدارینده
آپاردی آب و تاب و جلوه نی یاقوت احمردن

دوزولدی قطره ی شبنم گل رخسارنه گویا
تلألؤ ایلوری انجم رواق چرخ اخضردن

دل عالم سروریله دولوب سیر جمالندن
اودور کوچ ایلدی غم فوجی هر قلب مکدّردن

ملائک تهنیت گو عرشدن فرشه گلیب صف صف
که تاپسین لار ضیای دیده اول ماه منوّردن

دل لیلانی دولدوردی سرور و بهجت و شادی
گوتورسون اولمیوب بیر لحظه گوز اول ماه منظردن

بو سوز ایلر تداعی اوزگه بیر مطلب خداوندا
او مطلب شرحینه شرمنده دور هر خامه دفتردن

علیّ اکبرین میلادی دور لال اول دیلیم زیرا
گلور بوی وداع اکبر و لیلا بو سوزلردن

دیمه نولدی او گونکی آیریلوب اکبر آناسندان
که بیر آیتدی مطلق شورش و غوغای محشردن

بو شعری ارتجالا لطف اکبردن یازیب «عابد»
وگرنه رنجه دور جور سپهر سفله پروردن

اشعار عاشورایی

21 Feb 2024 07:57

یا هو



اي منيم دلبريم نازلي نيلوفريم
غم گوني ياوريم اكبريم اكبريم
اي ملك منظريم اكبريم اكبريم
شبه پيغمبريم اكبريم اكبريم

نوررويون ايدوب شام تاري سحر
خجل اولدي گوروب سني شمس و قمر
ان يكاد آيه سين اوخورام صبح و شام
تاكي گوز ويرميا سنه هر بد نظر
اي ملك منظريم اكبريم اكبريم
شبه پيغمبريم اكبريم اكبريم

خوش گليب سن بالا فاني دنيايه سن
ليليه سن عجب شانلي سرمايه سن
دفتر عمريمه عاشقانه غزل
غزل عشقيمه گوزل آرايه سن
اي ملك منظريم اكبريم اكبريم
شبه پيغمبريم اكبريم اكبريم

چكه نقاش اگر عكسووي گويلره
آيه باخماز داخي جن و انسان علي
اوخشادوب حق سني ختم پيغمبره
سنه حاشا چاتا ماه كنعان علي
اي ملك منظريم اكبريم اكبريم
شبه پيغمبريم اكبريم اكبريم


مه لقا دلبرم گل نيلوفرم
بهترين ياورم اكبرم اكبرم
اي ملك منظرم اكبرم اكبرم
شبه پيغمبرم اكبرم اكبرم

نور رويت كند شام تارم سحر
خجل از طلعتت شده شمس و قمر
خوانم از بهر تو روز و شب ان يكاد
حق تو را پاسبان بود از بد نظر
اي ملك منظرم اكبرم اكبرم
شبه پيغمبرم اكبرم اكبرم

گل باغ وفا ؛ آيت كبريا
گلعذار حسين ؛ شرف مرتضي
بند قلب بتول ؛ در كرامت حسن
بهر ليلا پسر ؛ اشبه مصطفي
اي ملك منظرم اكبرم اكبرم
شبه پيغمبرم اكبرم اكبرم

اشعار عاشورایی

21 Feb 2024 07:55

یا هو





جهانِ خلقته گوهردی اکبر
پیمبر نسلینه زیوردی اکبر
حسین تک دلبره دلبردی اکبر
علی ابن الحسین اکبردی اکبر

یازیم بیر شمّه شأنین عاشقانه
قلم مدح اِتمَگه تاپدی بهانه
عزیز فاطمه زینت جهانه
پیمبردن اودور کامل نشانه
ولایت درسینه شهزاده ازبر
علی ابن الحسین اکبردی اکبر

نجه اکبر جمالی مصطفادی
نجه اکبر کلامی مرتضادی
نجه اکبر ادبده کیمیادی
اوجا قامت گوزلدی باصفادی
شجاعتده آقام عباسه بنزر
علی ابن الحسین اکبردی اکبر

نجه اکبر اوزی دریای منسب
اونون شأنینده تاریخی بو مطلب
نظیری یوخ ادبده چوخ مؤدب
اونون درسین وئروب غیرتلی زینب
دوشوبدور دللره الله اکبر
علی ابن الحسین اکبردی اکبر

کیم ایندی عشقینه دنیاده مستی
یقین مست مِی جام الستی
مبادا سن ائدن اکبر پرستی
حَقی ناشاد ائدن دنیاده پستی
جمالی دلربا سمیاسی انور
علی ابن الحسین اکبردی اکبر

اگر چه یوسفی زیبا تانوللار
گوزلیقدا اونی حورا تانوللار
عزیز مصریدی باجا تانوللار
نظیری یوخدی بی همتا تانوللار
اولار بیلموله یوسفده مکرر
علی ابن الحسین اکبردی اکبر

دوز عاشق عشقینی دنیایه ساتماز
اولار مست ولا باشیندن آتماز
باشین ابرو کمان قاشیله قاتماز
گوزلیقدا بونا یوسفده چاتماز
کَسَر بارماقلارین یوسف وئرر سر
علی ابن الحسین اکبردی اکبر

گورک قربان کَسَن نازلی بالایه
دئین احسن خانم لیلا آنایه
بودور ضرب و مثل کیم اولسا پایه
چِکَر غیرتلی اوغلانلار آتایه
جهاندا ثبت اولوب شِبه پیمبر
علی ابن الحسین اکبردی اکبر

جمالِ احمدی مه طلعتیندن
شاخاردی گون کیمی گُل صورتیندن
دوشنده سوز گوزللق صحبتیندن
دوشردی گُلسِتانلار قیمتیندن
بو بیته مدرکیم ابیات دیگر
علی ابن الحسین اکبردی اکبر

حسین هردم که حالی مضطریدی
علی اکبر اونا پیغمبریدی
بو سوزدن ساده گئچمه منبریدی
شهادت وقتیده اکبر سریدی
ازل بحر بلاده همچو حیدر
علی ابن الحسین اکبردی اکبر

صف مژگانه شبنم گوز یاش اولدی
اونا سجاد و اصغر قارداش اولدی
علمداریله قاسم، یولداش اولدی
ادبده هامّودان اکبر باش اولدی
بو سوز تاریخیده مکتوب دفتر
علی ابن الحسین اکبردی اکبر

او گون که کربلاده جنگ اولوبدی
حسینه دارِ دنیا تنگ اولوبدی
جهانه حکم ائدن نیرنگ اولوبدی
یزیدِ پستِ بی فرهنگ اولوبدی
بو اثناده حسینه کیمدی یاور؟
علی ابن الحسین اکبردی اکبر

او دمده وئردی اکبر حق سلامی
ائدوب مستِ ولا یالقوز امامی
سر آغاز سخن اکبر پیامی
حسینون باشلانوب قانلی قیامی
علی ابن الحسین اکبردی اکبر
گوروبدور عرصه ده قوم ستمگر

علی میداندا طوفان سالدی طوفان
وئروبدی بَکری سالدی فوراً آتدان
چَکوبدور یاحسین تیتروبدی میدان
اُلوبدی کافری آت قالدی ویلان
بئلوبلر جنگ ائدن ماهردی افسر
علی ابن الحسین اکبردی اکبر

بلی دشمن داغیلدی نینواده
یقشدی باهم اولدی کربلاده
علینی وئردیلار قال و بلاده
یخلدی پیکری قالدی اراده
داغیلدی پیکری گُل مثلی پرپر
علی ابن الحسین اکبردی اکبر

قرا زُلفون نظامین اوخ حوروبدی
اونی دشمن حسینه چوخ گوروبدی
حسینی داغ اکبر اُلدوروبدی
داغیلمیش پیکرین دللندیروبدی
دئیوب الله داغیلمیش یرده پیکر
علی ابن الحسین اکبردی اکبر

الا ای «سیدی» گَل سن نوایه
او چولده چالدی ال دشمن آقایه
علی اکبر دوشوب باشی بلایه
یقوبلار پیکرین بیربیر عبایه
سوروشدی پیکری بانوی محشر
علی ابن الحسین اکبردی اکبر

سیدباقر سادات پور

اشعار عاشورایی

21 Feb 2024 07:54

یا هو




به به گئنه سیمای جهان اولدی منور
قویدی قدمین بو گئجه ده عالمه، اکبر

لیلایه عنایت بویوروب خالق سبحان
عشق اهلینه احسان ائله دی اکبری، اکبر

هیچ باغدا تاپیلماز بیله بیر سویملی غنچه
بلبل لری سرمست ائلییوب، رحمت داور

کیپریکلری صف صف دوزولوب قاره گوزونده
گول صورتی اون دورت گجله لیک بیر ایا، بنذر

بیر سمت ده صف چکسه جهان ایچره گوزللر
اولماز هاموسی، یوسف لیلایه برابر

ایات مبین دیر بو بالا ، مظهر حق دیر
بیریولدا تجلی ائلییوب سوره کوثر

هم خلقت و هم خلقیده هم منزلتینده
خلاق یارالدیب بو گلی شبه پیمبر

زهرا باغینین اولدی فزون نور و صفاسی
صف صف گلوری تهنیته جمله ملک لر

شهزاده اعظم دی، گوزل رتبه سی واردی
ائلیوب دی ولا اهلی گوزل ادینی ازبر

یوسف لری حیرتده قویوب حسن جمالی
مغلوب ائلییوب قلبلری دلبر حیدر

اغوشه آلیب قارداشینین نازلی بالاسین
اوپدی گوزونی شوقیله عباس دلاور

کیم قیلسا توسل ادینا ،نااومید اولماز
مشکلری اسان ائلییر بو گئجه یکسر

کیم کرب و بلا ایستیوری صدقیله گلسین
امضا ائداجاق تذکره سین اکبر و اصغر

یارب بحق ال علی سالما نظردن
هر کس که ارادت له دئیور یا علی اکبر

اشعار عاشورایی

19 Feb 2024 23:49

لینک کانال هیئت عزاداران حضرت فاطمه صغری (سلام الله علیها)مراغه :
https://eitaa.com/joinchat/2278031696C1b42851b0a

اشعار عاشورایی

19 Feb 2024 03:30

یا هو




هاردائیدون قشون گلوب خیمه نی یاندیران زمان
آت قباقنداقزلارون چولده دولاندران زمان
معجروگوشواره دن اوتری قووب یوران زمان
رختیمزی سویان زمان قمچی ایلن ووران زمان
وئرمدون ائیلرم گله ناله مزه صدا حسین

ایتمه رقیه جان گله من نیه داده گلمدیم
غرقیدی خاک وخونیده نعشیم اراده گلمدیم
کوینگیمی آپاردیلار سینه گشاده گلمدیم
ناظریدیم اوحالوزه نوک جداده گلمدیم
فکرایلمه دمشقه جک سیزدن اولا جدا حسین

قوزانوب ایستدیم گلم آتلار ایاقی قویمادی
دوتدی منی چوخوریئرون قانلی قوجاقی قویمادی
قلبده نوجوانیمون سوزش داغی قویمادی
نیزه قلج سنق لاری کسدی قباقی قویمادی
اولدی بوسیر راهده مانعه مبتلا حسین

اشعار عاشورایی

19 Feb 2024 03:30

یا هو




چوخ باخوب اصغره یانما، منی یاندرما حسین
اوخلی قربانوی میدانی دولاندرما حسین
ایتمه غم اولمادی سو، سولدی الونده گل یاس
گتور اکبر کیمی دوتسون آناسی اصغره یاس
باخوری اهل جفا اصغرون آز باغریوا باس
خیمه ده منتظری واردی یوباندرما حسین
شعله آهویله قلبیمی آز یاندور یاخ
غش ایدوبدی آناسی خیمه ده بو شیونه باخ
بالاون قانینی گل بو آغاران زلفیمه یاخ
آتما قانین گویه افلاکه بویاندرما حسین
سن او قانیله بویاندون منیده قوی بویانوم
گلمسن، گلم اوزوم اولما رضا چوخ دولانوم
قویموری قید محنت باجون ئولسون دایانوم

اشعار عاشورایی

19 Feb 2024 03:28

یا هو




فدا اولوم آقامون دیللره دوشن آدینا
حسینٌ‌منِّی دیوب‌جدی چوخ‌سون آدینا

فدا اولوم آقامون دلدن ایستینلرینه
سسی گلن کیمی لبیک آقا دینلرینه

فدا اولوم اولارون قلبینده محبتینه
فدا اولوم اولارون جرات و شهامتینه

فدا اولوم آقامون سینه داغلیانلارینا
بو یتمیش ایلده یر آلتیندا آغلیانلارینا

فدا اولوم اولارون شانلی قهرمانلارینا
امام امته عاشق اولان جوانلارینا


مرحوم استاد منزوی

اشعار عاشورایی

18 Feb 2024 08:44

یا هو




راوی نقل ایلورباخوردوم قیل وقال لشکره
طبل پیروزی چالوردی لشکرشراً یره

آل هاشم عزم ایدوردی تن به تن میدانینه
غرق اولوردی یکسره میداندا غیرت قانینه

باوفارزمنده لرباتمشدی ظلمیله قانا
بیرحسین قالموشدی بیر عباس گلسون میدانا

قانلی میداندا قوشون شیپور پیروزی چالور
شاه دیندن خیمه ده عباس اذن جنگ آلور

نظمیله میداندا افسرلر جداله بسلنور
تک سواران عرب هَل مِن مبارز سسلنور

منده گیزلینجه یازیردیم لشکرین آمارینی
ناگهان گوردوم حسینون باشرف سردارینی

قاشلاری شمشیر بُرّان ، صورتی قُرص قمر
صوت تکبیری تمام لشکره زنگ خطر

نهر علقم ، مشکینه ،آغوشینی باز ایلین
خالی مشکی کوثر وزمزملره ناز ایلین

شاهکارِآشکارِقدرتِ پرودگار
مرکب اوسته حیدرکرار تک کوه وقار

شانی والا ،مرتضایی صولتی داغدان آغیر
ابرچشمیندن یره کیپریک چالور غیرت یاغیر



ابوالفضل فرهنگے

اشعار عاشورایی

18 Feb 2024 08:42

یا هو




باخیشوندان منه آيدين دی مسافر سن علی
امگیم ضایع اولا سن نجه حاضرسن علی
قامتون مصریده گر دوشسه زليخا یادینا
ایتمز عصیان ویرر ئوز عشقینی نسیان بادینا
یاندیرار یوسفینون زلفین اوزَرلیک آدینا
دیر احسن سنه محبوب ضمایرسن علی
لیلیم يوخدی مذمّت یری هیچ یرده منه
بیرجه عالمده امیدیم تلی باغلیدی سنه
کیمه دردین دیر آخر قره بخت اولسا ننه
گل تلسمه آنالیق حقیمه شاکرسن علی
ایلیور لیلینی شرمنده حیالی باخیشون
آشنایه ندی بیگانه مثالی باخیشون
ئورگدر غمزه مين آهویه بوعالی باخیشون
بیرده باخ لیلیه خاطرلره خاطر سن علی
بير ایشت حلقه زلفونده اسیرلر دعاسین
شانه ور بیرجه داغیت خسته کونوللر یواسین
دِی اورک در بچه سین کپریگون اوخلان سواسین
سنکه دل اولاماقا بير بیله ماهرسن علی
آنوین قدّی کمان اولدی اوغول کام آلانا
حقی وار آرزی دولان سینه سینه اود قالانا
گیتدی اوّن سگیز ایلین زحمتی گپریگ چالانا
سن ئوزون بو فلکون مکرینه ناظرسن علی
بختورلیگ گتوره بختون اگر ئوز گلیشی
گیدیشی ایستمز عالمده سویر گوز گلیشی
هامی سویلر ساق الون باشیمه هر سوز گلیشی
ایلدون بختوری دربدر آخر سن علی
علی حُسنون که نماینده پیغمبر اولور
حیف عمرون ئوز آنون فاطمیه بنزر اولور
آل هاشمده گوزللر نیه تز پرپر اولور
بارک اللّٰه بو آز عمره گنه صابر سن علی
دردیمی چکسه گرک بير بيره داغلار
چاخیشا
چشمه لر حالیمه قان آغلیا چایلار آخیشا
گوزلیم آخ نجه مين دل آلوسان هر باخیشا
اولمیا تیمچه ی عشاقیده تاجرسن علی
کربلانون چولی گر اولسا منيم ئوز اَکَرَم
دورت طرف قبروین اطرافنه لاله اَکَرَم
بیتمسه خون دلیملن اونون عکسین چکرم
گوره بلمزسن اودم بو چولی بایر، سن علی
قویمیوب نقص یوزونده علی نقّاش ازل
گوز گوزل سینه و گردن گوزل اندام گوزل
لبلروندن دانشاندا توکولور نغز غزل
حیف او نطقه نه پیمبر نه ده شاعرسن علی
کاش اوغول تاپشوراسان ئولسم اگر سن گلنه
بلکه قانلی کفنوندن چاتا بير پارچا منه
قویالار سینمه جسمیم بوکولنده کفنه
ناامید ایتمه بو بير امره که قادرسن علی
عليجان "منزویم " لطف ايله غافل آییلا
صِفری چک یانوه اعداد آرا بلکه ساییلا
من کیمیم نور کیمی عالمه شعریم یاییلا
منصف اولسام سن ئوزون شعریمه ناشر سن علی

مرحوم استاد منزوی

اشعار عاشورایی

18 Feb 2024 08:10

یا هو



ای بلبل شیدا سنه تپراق چمن اولدی
لای لای بالا ویرانه لر آخر وطن اولدی
شامین خانم اورتلری هی دسته به دسته
یوز قویدولار ویرانیه با قلب شکسته
سسلندیلر پوزقون بالا لای لای بالا لای لای
زینب ددی یورقون بالا لای لای بالا لای لالای
گزدی نقدر چوللری آواره رقیه
ویرانه ده جان وردی او بیچاره رقیه
میت هاموسی قبره گدر آق کفنیلن
آق اولمادی گیدی کفتی قاره رقیه

اشعار عاشورایی

16 Feb 2024 17:55

یا هو




حُکمِ فتحِ شهر شام و شهر کوفه منده دی
یازمیشام بام فلک‌لرده حسینیم زنده دی
یاتمیوب یاتماز ابوالفضل پرچمی پاینده دی
گر چه عباسیم ئولوبدور حاملِ پرچم منم
در حقیقت ایندی الان فاتح علقم منم


زینبم من مرتضانین تیغیه الماسیم
من‌حسینون خواهر بی باک وبی پرواسیم
اولسا یوز مین ماردوز،مارد یخان عباسیم
امپراطور زمانین قدینی خطبم ایور
غیرتیم عباسیدن چوخ اولماسا آزدا دیور


خطبـة زینبیله لال اولدی بوتون همسایه‌لر
سویلدی بَـس هـاردادی مَن مَن دیَن بی مایه لر
اُول کیشی اوخشاریلر؛بی جُرعت و چُون سایه لر
گوئیا جان عرصه سینده شیر بارز سسلنور
فِلمَثـل عباسیـدور هَل مِن مُبارز سسلنور

اشعار عاشورایی

16 Feb 2024 17:54

یا هو




لایلای اصغریم لایلایی
شیرین دلبریم لایلایی
اولدی قنداقون کفنون
یات دل آچمیان لایلای
لالای اصغریم لایلای
آلتی آی بو چوللرده
سنیلن دولاندیم من
هی بلگون آچاردیم
بشیگه سالاردیم من
گونده نچه یول مندن
صود امیب گولردون سن
یازگونی گول آچان وقت
سولدی اصغریم لایلای
آناویی حلال ایله
آنالیق ایده نمدیم
اولمادی صودیم اوغلوم
هیچ کیمه دینمدیم
خیمه لرده بیر جرعه سو
سو سنه تاپانمادیم
هی توکوب سرشگیمی
سویلرم علی لایلای
وارنقدری نفس ربابیده
اوخشارام علی لایلای
گونده بوش بشیگیوی ترپدیب
سسلرم علی لایلای
هیچ آنا اولانماز منیم کیمی
دربه در علی لایلای
گورسم هاردا صود امر
آغلارام سنه لایلای


اکبرمهری