گرچی قویماز چکمه یه کامیمجه دؤوران بیر نفس،
من هامان نوش ائیلرم مئی بیر نفس، قان بیر نفس.
چوخ شررلر وار کی، ایشلر برق بی زنهار ایشین،
یاندیریر بیر عؤمر هرچند اولسا هیجران بیر نفس.
ای کی، دایم بادۀ گولرنگی دن سیراب سن،
نشعه ایسترسن منیملن ایچگیلن قان بیر نفس.
ای نسیم ناله اول خونخوار گلمک چاغی دیر،
ائیلمه اؤوراق ترکیبیم پریشان بیر نفس.
شمعه هردم یاندین، ای پروانه، گؤردون لذتین،
امتحان اوچون بیزیم اودلارا هم یان بیر نفس.
گؤز یوموب آچینجا واری تار و پودیم یاندیریر،
آه اگر اقبال ائده اول برق جؤولان بیر نفس.
اؤزگه‌لر نئی تک ائدرلر ناله لر، فریادلر،
قوی چکیم من دخی ای گردون گردان بیر نفس.
گولشن ایجاد ایچینده غنچۀ تصویر تک،
کیم گؤروبدور قؤوسی محزونو خندان بیر نفس.
علیجان #قوسی تبریزی
🟠کانال رسمی اشعار ترکی🟠
📢 @asharetorki
سن باخیردین گونشه من ده سنه پنجره‌دن
سانکی گؤیلر قوجاق آچمیشدی منه پنجره‌دن
#بابک_اسلامی
🟠کانال رسمی اشعار ترکی🟠
📢 @asharetorki
شیرین-شیرین یوخودایدیق،
بیر ظالیم اویاتدی بیزی.
آنالارین قوجاغیندان
بو دۆنیایا آتدی بیزی.
دۆشدوک یوللارین آغینا،
باختیمیزین سوراغینا،
قاتدی بیزی قاباغینا،
الینده اویناتدی بیزی.
بیز کی یول نه‌دی بیلمزدیک،
بیز کی اؤل نه‌دی بیلمزدیک،
بیلسک دۆنیایا گلمزدیک،
آنالار آلداتدی بیزی...
#رامیز_روشن
🟠کانال رسمی اشعار ترکی🟠
📢 @asharetorki
اوجالتما نامردی او تاپسا امکان
قلبینین شوشه سین قیراجاق سنین
ناکسین قولوندان یاپیشسان بیر گون
آمانسيز بوينونو ووراجاق سنين
نانجيب تانيماز عمي _ دايي ني
سبب شيطانليقدان آليب پاييني
يوز زحمت له بؤيوتسنده خاييني
يوللارينا دوزاق قوراجاق سنين
اعتيبارسيز بيوفايا يار اولما
هئچ قورد بالاسینین قایدینا قالما
اینانیب ایلانی قوینونا سالما
باجارسا گؤزوندن ووراجاق سنين
دئمه کی عاجیزدی چوخ فقرادی
سن دوغروسان اونون مئیلی هارادی؟
کؤنلو چاميرليقدي قلبي قارادي
زلي تك قانيني سوراجاق سنين
بد اصيله نه آشنا اول نده يار
بيوفا خيلقت ده دوز اولماز ايلقار
شمشير او كس لردن سنده اول كنار
شر دئییب اوزونه دوراجاق سنین.
#دده_شمشیر
🟠کانال رسمی اشعار ترکی🟠
📢 @asharetorki
عشق الیندن یاندی جانیم یا علی سندن مدد
من فقیرم،بینوایم،یا علی سندن مدد
سن منه لطف و کرمدن دردیمه بیر چاره قیل
شاه سنسن، من گدایم،یا علی سندن مدد
حق تعالی اؤز نوروندان چون یاراتدی شاهینی
قدرت سر خداسان ، یا علی سندن مدد
🩷 #نسیمی
🟠کانال رسمی اشعار ترکی🟠
📢 @asharetorki
🫂 @asharetorki_gp
🐦🐦🐦🐦
🌸🌸🌸🌸🌸🌸🌸🌸
بایرام گلدی پای پارچاسی الینده
گونش قیزی نوروز گولو تئلینده
«یئنی ایلیز موبارک»ی دیلینده
دور قارشینا سن ده گؤتور بیر آلما
دوست-تانیشی یاز دیلینجه سالاملا...!
🟠کانال رسمی اشعار ترکی🟠
📢 @asharetorki
🫂 @asharetorki_gp
آجی بیرسوزلرینن من آلیشیب اوتلانیرام
تک سنی سئومک اوچون من گجه گوندوز یانیرام
نه بیلیر کیم نه چکیر عشقینه بیگانه اولان
آختاریر دردینه درمان تاپا دونیاده قالان
#مجید_کرم_زاده(سالک)
🟠کانال رسمی اشعار ترکی🟠
📢 @asharetorki
🫂 @asharetorki_gp
توخونوب شه پَریمه پیله ی هجران بو گئجه
اوخویام نازلی نگاریم گوزو گریان بو گئجه
قول آجیب باغریان آلسان یاتارام صبحه کیمن
بئله سن سیزله میشم آندولا قران بو گئجه
یالقوزام سن منی آتما ائده طوفان اوره ییم
باغریما قان جالاما ماه زرافشان بو گئجه
عاشق اوز عشقینه جاتسا غمی دنیانی یه مز
دارو دنیانی ائدر یارینه قربان بو گئجه
درده درمان تاپیلار گر اولا مهمان نگاری
اوخویار دیل دوداغی غمزه ی سلطان بو گئجه
ساز کیمی قوینونا آلسا خمار اتسه جگری
سندرار غمله ری، دیلدن دئلی جیران بوگئجه
#سید_رحیم_نبوی
🟠کانال رسمی اشعار ترکی🟠
📢 @asharetorki
🫂 @asharetorki_gp
ای جمالین بی بدل، حوسنون جمیل،
جمله نین مقصودو سنسن ائیله بیل،
ای بویون طوبا، دوداغین سلسبیل،
حوسنونه جانلار فدا، عالم سبیل
🩷 #نسیمی
🟠کانال رسمی اشعار ترکی🟠
📢 @asharetorki
🫂 @asharetorki_gp
#سید_عظیم_شیروانی ۱۸۳۵-جی میلادی ایلده شاماخیدا آنادان اولموشدور. سیدعظیم یئددی یاشیندا ایكن آتاسی وفات ائتمیش، سید آناسیله بیرلیکده داغیستانا کؤچوب یاقسائی کندینده آتا باباسی موللاحسین‌ین یانینا گئتمیشلر. موللاحسین نوه‌سینی روحانیلیگه حاضیرلاماق اوچون اونا فارسجا، عربجه و ایلاهیات اؤیرتمگه چالیشمیشدیر. بوندان سونرا سیدعظیم تحصیلینی درینلشدیرمک آماجی ایله نجف، کربلا، شام، میصر و بیت‌المقدسه گئتمیش و شاماخی‌یا دؤندوكدن سونرا یئنی اوصول ایله مکتب آچاراق خصوصی درس وئرمكله مشغول اولور. سیدعظیم شاماخی دا «بیت‌الصفا» ادبی محفیل تشکیل ائدیب بیخود، راغب، غافل، ضوئی و صفا کیمی شاعرلری اورایا توپلامیشدیر. اونون باشقا محفللرین شاعیرلری خصوصیله باکی شاعیرلری ایچریسینده چوخ نفوذو و حورمتی وار ایدی. سیدعظیم مولوی، سعدی، فضولی و جامی‌دن ترجومه‌لر ائدیر اونلارا نظیره‌لر ده یازیردی. اؤزونون سؤیله‌دیگی غزللرینده حافظ و فضولی یولونو داوام ائتدیرمیشدیر.
🟠کانال رسمی اشعار ترکی🟠
📢 @asharetorki
🫂 @asharetorki_gp
سئودا گولومون رنگی خزان گورمويه جكدی
بو عشق يازی بيرده قيشا دونمويه جكدی
اولدوزلار آراسيندا گزر كن گونی تاپديم
هر كيم تاپا اوز عشقينی بيل اولمويه جكدی
بير عمر فراقونده يانيرديم آما ايندی
من بير آلووام عشقين اودی سونمويه جكدی
ايقبال قوشی آخيری گلدی منی تاپدی
ددی دونيا سن اوچون ترسينه هئچ چونمويه جكدی
ايندی بيز ايكی جيسميك آما بير روحوموز وار
تانری قووشان روح لاری بولمويه جكدی
بير دم اولا بيلمز قالا داود اوزاق اوندان
ساليب آلله نظرين آيريليقا دوزمويه جكدی
#داود
🟠کانال رسمی اشعار ترکی🟠
📢 @asharetorki
🫂 @asharetorki_gp
نئچه باغبان جالاق ووردو سؤيوده
چكدی اؤز ذاتینا بادام اولمادی
چیچک آچدی باردا وئردی آشكارا
حئیف مئیوه سینده بیر تام اولمادی
عالیملر چالیشیب چكدیلر قهر
نه ميس گوهر اولدو نه قارا داش زر
نه شر خئير اولدو نه زهر شکر
حساب کسیر قالدی هئچ تام اولمادی
غمکئش بو یوللاردا چوخ گلمه جانا
اصلینده کج اولان چتین کی قانا
نئچه عالیم علم اؤيرتدي نادانا
عالیم اولدو اما آدام اولمادی.
#غمكئش_الله_وئردی
🟠کانال رسمی اشعار ترکی🟠
📢 @asharetorki
🫂 @asharetorki_gp
گولشئن یاپدیم ، گول لرینی یئل آلدی
بیر تک قؤنچه سینی درمه دیم ، آ دؤست
بیر باغچا سالدیردیم ، گلدی سئل آلدی
بیرجه مئیوه سینی گؤرمه دیم ، آ دؤست
دؤستا بئل باغلدیم ، توزاغا دوشدوم
جانانه جان دئدیم ، اوزاغا دوشدوم
افسونلَن میش قیزیل بیر آغا دوشدوم
بیرلیک دیلَگینه ائرمه دیم ، آ دؤست!
من باخارکن اؤ سئودیگیم دوغویا
سن اؤرتاق اؤل بو ایچدیگیم آغویا
اوردا بیر گلین وار ، قالدی یاغییا
اؤنو بیر دؤیونجا سارمادیم ، آ دؤست!
بو چارپان قلب اؤنون ، بو تک جان اؤنون
دامارلاریم داکی آخان قان اؤنون
کؤنلومو جوش دوران بو ایمان اؤنون
من اؤزگه یه کؤنول وئرمه دیم ، آ دؤست
عاشیق #الماس_ایلدیریم
🟠کانال رسمی اشعار ترکی🟠
📢 @asharetorki
🫂 @asharetorki_gp
عشق اولسون نفرتی آچیق دشمنه
قصدی بیلینمه‌ین دوستدان الحذر
دشمنین نفرتی تَـکان دیر منه
دوستون سویوقلوغو اۆرک یاندیرار
#بختیار_وهاب_زاده
🟠کانال رسمی اشعار ترکی🟠
📢 @asharetorki
🫂 @asharetorki_gp
دئدیم اوغول یارالاما کؤنلومو
یارالادین ، یاغلاماغی نئیلیرم؟
ایندی حؤرمت ائیله ، اؤلندن سونرا
قیرخ گون ساققال ساخلاماغی نئیلیرم؟
اوغول اولدون بیر اوزومه گولمه دین
خسته دوشدوم باشیم اوسته گلمه دین
ساغلیغیمدا بیر قدریمی بیلمه دین
قبریم اوسته آغلاماغی نئیلیرم؟
دورمادیم چالیشدیم صوبحدن آخشاما
سن تازا دون گئیدین من ییرتیق یاما
من اؤلدوم بورویون بئش آرشین آغا
اوچ آی قارا باغلاماغی نئیلیرم؟
دده کاتیب اؤزون یورما هاوادیر
عملین جزاسین چکمک روادیر
گؤزل سؤزدور داغ سونونجو دوادیر
داغ اوستوندن داغلاماغی نئیلیرم؟
#دده_کاتیب
🟠کانال رسمی اشعار ترکی🟠
📢 @asharetorki
🫂 @asharetorki_gp
دیلبر، نه دئییم، سن کیمی جانان اله دۆشمز،
زۆلفون کیمی هئچ زۆلف-پریشان اله دۆشمز.
لعلین کیمی بیر لعل-بدخشان اله دۆشمز،
بیر یئرده بئله حاکیم-لوقمان اله دۆشمز،
بیچاره‌لرین دردینه درمان اله دۆشمز.
بیر ائیله نظر لشکر-مۆژگان عَلَمینه،
گؤر نئجه کئچیب حؤکمو اونون روی-زمینه.
تبریز، شکی، گنجه و، کابیل شهرینه،
ایران ایله توران، حلب و، مکّه، مدینه،
بونلاردا بئله سن‌جیله‌یین جان اله دۆشمز.
من عاشیق ایدیم، شؤوقی اونون وار ایدی منده،
اؤز عاشیقی‌نین گردنینی سالدی کمنده،
کیشمیر، ختا، میصر، بوخارا و خۆتنده،
موصول شهری، چین ایله ماچین و یمنده،
گرچی گزه‌لر روم، عربیستان، اله دۆشمز.
القیصّه کی، یۆز کافر اولا، یۆز ده مۆسلمان
تؤورات ایله اؽنجیل، زبور، آیت-قرآن،
تیفلیس، اؽروان، شام و جبل، ج‍ۆمله ترابزان،
دربند، قوبا، باکی، شاماخیله صیفاهان،
یۆز سئیر اولونا کۆلّ-داغیستان اله دۆشمز.
نه ماضی، مۆضارعده نواخوان و خوش‌الحان،
نه مغریب و مشریقده عجایب بئله اینسان،
فیهن و من حیث هو لیس کماکان،
بیلسه قدیرین واقیفین، ائیلر اونا احسان،
از روز-ازل من کیمی عطشان اله دۆشمز.
#ملا_پناه_واقف
🟠کانال رسمی اشعار ترکی🟠
📢 @asharetorki
من بیر بازار گؤردوم دللالی شیطان
دَوه‌نی ساتدیلار قاز قیمتینه
بير ناداننان اؤترو عقل‌سيز زامان
چوخ عالیم کؤرلادی توز قیمتینه
گردیشین هر آنی مین بیر کیتابدی
قلینجین آلتیندا سوال- جوابدی
آرخادا حسابدی اؤنده حسابدی
قاری أره گئدير قيز قيمتينه
آزافلي گزیرسن کئف داماغ اولا
سنين حق یانیندا اوزون آغ اولا
یا بیر بارماق بالا، یا بیر ساغ اولا
دوست-دوستونو ساتار قوز قیمتینه
#آزافلی_میکائیل
🟠کانال رسمی اشعار ترکی🟠
📢 @asharetorki
اوْتوروب باغچادا باخارام گؤیه
بولودلار آغلارکن منده آغلارام
سایارام یاغیشی اوشاغلار کیمی
دامجیسین اوجومدا ییغیب ساخلارام
یادیندا وار بیر گون یاغیش گلنده
قول بویون گزیردیک بیزده چمنده
سن دئدین سئویرم ،سوروشدوم منده
تئز دئدیم نقدر سئویرسن منی
دئدین یاغیشلار دَک ایستیرم سنی
سالمیشام یادیما سنین سؤزونو
ایسلاتمیشدی یاغیش قارا گؤزونو
شالیمین اوجیلان سیلدیم اوزونو
هارداسان؟ سنسیزم آغلار قالمیشام
یاغیش یاغیر سنی یادا سالمیشام
شئه دوشوب گوللرین اوسته دن دنه
قوربان اوْلسون آغلار گوزلریم سنه
وئر یئللره گتیرسین خبر منه
یاغیش یاغیر یاپراق اوسته جالانیر
«تدین» الی قوینوندا دولانیر
#تدین
🟠کانال رسمی اشعار ترکی🟠
📢 @asharetorki
انسان اوغلو یوخسول‌لوغو وارلیغی
وئرن ده آللاه‌دیر آلان دا اللاه
عؤمره جاوانلیغی سوندا پیرلیگی
وئرن ده آللاه‌دیر آلان دا آللاه
یارادیب یئر-گؤیو، آیی، اولدوزو
قارانلیق گئجه‌نین واردی گوندوزو
حکمت ایله بؤلوب عالمه روزی
وئرن ده آللاه‌دیر آلان دا آللاه
توکل‌اللهی اولسا بیر کسین
اؤلونجه منّتین چکمز ناکسین
آلدیغین وئردیگین هردم نفسین
وئرن ده آللاه‌دیر آلان دا آللاه
دده کاتب دوغرو بیل یارادانی
یارادیب اونوتماز هئچ بیر انسانی
سنده‌کی، منده‌کی او شیرین جانی
وئرن ده آللاه‌دیر آلان دا آللاه.
💚 #دده_کاتیب
🟠کانال رسمی اشعار ترکی🟠
📢 @asharetorki
🫂 @asharetorki_gp
یارادیب تانری، عزیزیم، نه گؤزل یار سنی
گؤزله، بوحُسن ایله آلداتماسین اغیار سنی!
دیشلرین اینجی، لبین لعل، اوزون گول کیمی تر
خلق ائدیب منجه، طبیعت دورِِ شهوار سنی
عشق بیماری ساغالماز، بونو درد اهلی بیلیر
ساغالار گؤرسه بو ترکیب ایله بیمار سنی
یاندیریب کعبه و بتخانه نی، زُنّاری آتار
گؤرسه صنعان کیمی مین عاشقِ دیندار سنی
سن کی، حال اهلی ایدین، عاشیقی اینجیتمزدین!
ایندی جان آلماغا کیم ائیله‌دی وادار سنی؟
عاشیقین کؤنلونه رحم ائت، بو قدر اینجیتمه
گؤرمه‌میشدیم، گؤزلیم، بونجا ستمکار سنی
مست ایدین سن بو قارا گؤزلولرین عشقیله
ایندی واحد! سئوینیر، کیم گؤرور هوشیارسنی!
💛 #علی_آقا_واحد
🟠کانال رسمی اشعار ترکی🟠
📢 @asharetorki
🫂 @asharetorki_gp
دیللر بایرامدی. انجاق دییین یوخ
آجیندان یاتانا. نه بایرام. آخی
اورگینین قانین. قوری. چئورگه
آهیلان. قاتانا. نه بایرام. آخی
هاممی شاداولدوقی هانی او دویران
او دویرانی بیزدن. آلیب. بو. زمان
یوخسولوقدان جانین هرراجا قویان
بؤره ئییین. ساتان. نه بایرام آخی
اؤوینه. گئتماغا. اَیغی. گلمئیین
آغلائییب گوزونون یاشین سیلمییین
گیجه گوندوز بیرآن اوزوگولموئیین
قوصصیه. باتانا. نه. بایرام آخی
قالماسین. بایرامین. بوردا. ایزیده
کوراولسون گورمه سین بیزی گوزوده
گرکدی. گلنده. اونون. اوزوده
یوخسولدان اوتانا نه بایرام آخی
بایرام. اودور گلسه. گتیره. واردا
بو قوجا اغلاری. قویمویا. داردا
یوخسا بیزیم بو اولکه ده. دیاردا
اولادین. آتانا. نه. بایرام. آخی
#جمشید_مسیب_زاده (قوجا اغلار)
🟠کانال رسمی اشعار ترکی🟠
📢 @asharetorki
🫂 @asharetorki_gp
گریبان اولدو رسوالیق الی‌ایله چاک، دامن هم
منه رسوالیغیمدا دوستلار طعن ائتدی، دشمن هم
ره عشق ایچره جان قیلدیم گرفتار بلا، تن هم
بو یئتمزمی کی بیـــر درد آرتیریرسان دردیمه سن هم؟!
🧡 #فضولی
🟠کانال رسمی اشعار ترکی🟠
📢 @asharetorki
🫂 @asharetorki_gp
سن یاتیب جنتّی رؤیادا گؤرنده گئجه‌لر،
من ده جنتّده قوش اوللام ، کی او رؤیایا گلیم
❤️🔥 #استاد_شهریار
🟠کانال رسمی اشعار ترکی🟠
📢 @asharetorki
🫂 @asharetorki_gp
قیلیب هر تارینا بیر بینوانی مبتلا زلفون،
اولوبدور اهل عشقه، ای ستمگر، مین بلا زلفون،
ائدیب دیر اهل عشقین تاب و صبر و هوشینی غارت،
او آلا گؤزلرین، اول آغ بوخاغین، اول قرا زلفون.
#سید_عظیم_شیروانی
🟠کانال رسمی اشعار ترکی🟠
📢 @asharetorki
🫂 @asharetorki_gp
دیلیمی گر کسه لر، بیل کی دوداقلار دیل اولار
دوداقی گر‌کسه لر، بیل کی باخیشلار دیل اولار
اویالار گوزلریمی، بیل کی آیاقلار دیل اولار
#دونیا_آنادیلی_گونو
#MotherLanguageDay
🟠کانال رسمی اشعار ترکی🟠
📢 @asharetorki
🫂 @asharetorki_gp
سئوگیلیم زولفونه عنبر دئدیلر، منده دئدیم
اوزونه ماهئ - منور دئدیلر، منده دئدیم
نئجه کافر دئییم اول گوزلرنین مردمونه
فتنه اوستادینه کافر دئدیلر، منده دئدیم
آزدئییلدیر منی ده عشقده مجنون ائله ین
سنی لیلایه برابر دئدیلر، منده دئدیم
اذن وئر ای گول، سنه ظالیم دئمیه
رحم سیز دیر بو گوزلر، دئدیلر، منده دئدیم
باغئ - جنت ده جمالین کیمی اولماز بیلیرم
لبینه چشمه یئ - کوثر دئدیلر، منده دئدیم
آفرینلر او طبیعت کی گوزه للر یارادیب
نه قده ر خلقته آفر دئدیلر، منده دئدیم
ائی زولیخایئ - زامان بیرجه سنین خاطیرینه
یوسیفئ - میصره پیغمبر دئدیلر، منده دئدیم
ائل ایچینده نه قدر گور منه تاثیر ائله دی
سئودییم شوخه ستمگر دئدیلر، منده دئدیم
غزل اوستادی فضولی لری وار اولکه میزین
واحیدی اونلارا چاکر دئدیلر، منده دئدیم
#علی_آقا_واحد
🟠کانال رسمی اشعار ترکی🟠
📢 @asharetorki
🫂 @asharetorki_gp
کؤنۆلده مين غميم‌واردېر کی پنهان ائيله‌مک اۏلماز
بو هم بير غم کی ائل طعنيندن افغان ائيله‌مک اۏلماز
#فضولی
توتولموش کؤنلۆمۆ جام ايله شادان ائيله‌مک اۏلماز
ال ايلن پسته‌نين آغزېنې خندان ائيله‌مک اۏلماز
#صائب
🟠کانال رسمی اشعار ترکی🟠
📢 @asharetorki
🫂 @asharetorki_gp
اولسایدی میسّر، گـؤزه لیـم، یـاریـن اولاردیـم
هر لحظه غمین چکمگه غمخوارین اولاردیم
هر شب دولاشیب صبحه کیمی شمع ِ جمالین
پـروانـه کیمـی، طـالـبِ دیـداریــن اولاردیــم
ممکن کی دئییل بیرده گـزیـم گلشـن ِ کـویـون
ممکـن گـر اولایـدی، یئنـه زوّاریـن اولاردیـم
ای طوطی وشیم، آیئنـهٔ حُسنـونـو گـؤرجـک
آلــودهٔ اول لعــل ِ شکــر بــاریــن اولاردیــم
مجنون کیمی دایم، سـر کـویـونـدا گـزه ردیـم
عؤمـروم نقـدر وارسـا، پـرستـاریـن اولاردیـم
یوسیف کیمی وئرسه یـدیلـه دینـدارینـا قیمـت
جان نقدی ایلـه مـن ده خـریـداریـن اولاردیـم
واحد، سر ِ کویوندا گزه ردیم گئجـه ـ گـونـدوز
ای مـه، بـو ادا ایلـه دل افکــاریــن اولاردیــم
#علی_آقا_واحد
🟠کانال رسمی اشعار ترکی🟠
📢 @asharetorki
🫂 @asharetorki_gp
مرامین، نیییتین بولاق دان دورو ،
ووقارین سارسیلماز داغلار غرورو
قولومون قووتی، گؤزومون نورو
شرفیم، شؤهرتیم، شانیمسان آنا_
سن منی یاشادان جانیمسان آنا !
کئچیب دیر گونلرین قارالی_آغلی
اوره یین اوغلونا _ قیزینا باغلی
شفا طبیعت لی _ لای لا دوداقلی
زینت یارانمیسان ، زینت جهانا _
سولماز باهاریمسان_یازیمسان آنا !
سوفره سی قوناق لی، دوزلو_چؤرک لی
موقددس آرزولو ، شیرین دیلک لی
منوور باخیشلی، طبیب اورک لی
قایغی عوممانی سان، قایغی اینسانا_
دردلره درمانسان ، دواسان آنا !
تزه جه دیل آچیب، آیاق آچیرام
سن وئرن قانادلا _ قول لا اوچورام
نه حددین، امریندن بویون قاچیرام
بوتون عؤمروم بویو بورجلویام سانا _
قودرتیم ، دایاغیم ، داغیمسان آنا !
باشیمین تاجیسان، دئییم_دئمه ییم؟!
ایتیرسم حاققینی، ایتسین أمه ییم
شاد گونده شادلیغیم ، داردا کؤمه ییم
گوندوزلر گونش دن پاییم سان آنا _
گئجه لر اولدوزوم _ آییم سان آنا !
مین فرح دویورام هر صؤحبتین دن
دونیالار دولوسو محببتین دن
لوطفوندن، عشقین دن، مرحمتین دن
عطیرلر، عنبرلر سوزولور جانا _
دؤشوندن لقمان لار سود أمیب آنا !
گاه چنلی بئللرده نیگار اولوبسان
گاه بئلی قاطارلی حجر اولوبسان
هم آرواد اولوبسان_هم أر اولوبسان
گریبسن کؤکسونو قارا _ بورانا _
سنه اوز وئردیکجه تنهالیق، آنا !
بیزی بویا_باشا چاتدیرینجا سن ،
بلکه مین نامرده بویون أییب سن ،
سئوینج ده دویوبسان، غم ده یئییب سن
گؤزونده_کؤنلونده نور یانا _ یانا _
عؤمرونو ، عؤمرومه قاتیبسان آنا !
کؤرپه نه آنلاییر واری یا یوخو
کؤرپه نه جالانیب عؤمرونون چوخو
تک بیرجه گئجه نین یوخوسوزلوغو ،
عوض اولا بیلمز دونیا مالینا _
تمننا بیلمه ین بیر سنسن آنا !
بیر باغسان ، بهره سی اینسان اولان باغ
قوینوندا داغ اولوب هر اوجالان داغ
دنیز ده _ عوممان دا قورویار، آنجاق
قوروماز _ توکنمز عشقین بالانا _
اوره یین اوددان می یارانیب آنا؟!...
#راسیم_کریملی
🟠کانال رسمی اشعار ترکی🟠
📢 @asharetorki
🫂 @asharetorki_gp
آغاج وار بارينا گؤز تيكه ر عالم
آغاج وار بار وئرر یئییلمه ز آنجاق
اوره ك وار گونشدن آيدان دا تميز
اوره ك وار چيركابي يويولماز آنجاق
سؤيوقدان كسيله ن ايلك باهار ديله ر
قيشدا اوشويه ن لر يازدا قار ديله ر
مطلب وار كي سازدا سؤزده دئییله ر
مطلب وار دویولار دئییلمه ز آنجاق
"قاسيم" نه قالديسا هنردن قالدي
بابكي تاريخه غيرتي سالدي
قانادي سينسا دا قارتال، قارتالدي
پولاد پارچالانار ، أييلمه ز آنجاق
#خسته_قاسم
🟠کانال رسمی اشعار ترکی🟠
📢 @asharetorki
🫂 @asharetorki_gp
