98
نشر قصائد الحسين. للشاعر خضر الشمري
ياعلي وين عنك حسين
تبدة عمرك والسبي تارس حياتك
وتبجي عالمذبوح سجادة صلاتك
ياعلي وين عنك حسين
................................................. ........
كربلة بثغرك قصيدة ومستهلها خيول عشرة
وكتبتها بحبر دمعك صورة صورة وقطرة قطرة
صورة راسمها الحبيبك من رجعلك محني ضهرة
حسين الذي بس بالسمه يدك الراس
وتحلف بطوله املاكها وجن وناس
يعين الله كلبه من ثغب عالعباس
وتشمت بحسين كوم الارجاس
بلايه جفين وسهمه بالعين
بين جودة وجفه ضاعت امنياتك
وتبجي عالمذبوح سجادة صلاتك
ياعلي وين عنك حسين
...................................................................
سادس ظلوع الزجيه سلمت للباري امرك
مثل شمعه بليله وحشه ذابت الحسرة اعله صدرك
سيدي اشافت عيونك ومسحت جفك بنحرك
تذكرت شوغه والدك لمن صاح
وعلة الصدر كاعد تشوفه الذباح
ومصباح يوم ١١ اعظم مصباح
لمن صفه راس الوطن فوك ارماح
وعمتك شلون بيها يحدون
ويه زينب وين طافت ذكرياتك
وتبجي عالمذبوح سجادة صلاتك
ياعلي وين عنك حسين
..................................................................
خلصت عمرك مأسي بدت برض الغاظريه
بلايه حيل ونوك هزل شلون صعدت السبيه
مكيدة جفوفك حبيبي ابيش حاميت الرقيه
ماجتك ادور حظن بيه تنام
ماشفت اديها محركه بنار خيام
هم شفت خدها نسطر بيد الظلام
ودار استراحتها صفه برض الشام
شبكت الراس باخر انفاس
تالي برض الشام دافن امنياتك
وتبجي عالمذبوح سجادة صلاتك
ياعلي وين عنك حسين
......................................................................
شعظم صبرك ياامامي والحزن بحشاك يسعر
باخر انفاس المنيه ولا اخو يمك اليحضر
مثل عباس لاخية هيج عندك علي الاكبر
شمه موادع حيل شميته هناك
يم جسم اخيك كوة اصبح ممشاك
تمنيته يحضر باخر اللحظه وياك
وراسك بحجرة من يغمض عيناك
عفته مطروح هامت الروح
يالغريب وكربت ساعه مماتك
وتبجي عالمذبوح سجادة صلاتك
ياعلي وين عنك حسين
.....................................................................
طبع اليفارك حبيبه كل حياته تصير حيرة
شحال كلبك يبو الباقر وانته دافنلك عشيرة
المرض لا مو شدة عندك الأشد زينب اسيرة
تذكرها من راحت تطوف الاجساد
تذكرها ما بين الخرايب تنكاد
تذكرها من وكفت كبال ابن زياد
مهظومه جانت عمتك يالسجاد
تعاين الناس وماكو عباس
عظم الله اجرك بكل تضحياتك
وتبجي عالمذبوح سجادة صلاتك
ياعلي وين عنك حسين
.....................................................................
خضر الشمري
ميمر كربلائي
لاح الكمر فوك النهر بصوته ارتجل اين المفر
عليا وثناها العباس وبصولته تولاها
......................................................................
المد فاهه من شاف الكمر كفاها
شمرة علي بصوله بدر كفاها
والروس من جذر الركب كفاها
صال وحصد جيش ارتعد طب الاسد وبن الاسد
باشط قبل مد الشوف روس الزلم حشاها
.....................................................................
الصعدت مهرها بخزرته ريلها
تاه الدرب من تيهت ريلها
خطواته لجروف النهر. ريلها
حين ارتقئ يغدو السقئ قد قالها حان اللقئ
چلمه وحجاهه العباس وبيمنه وفاها
.....................................................................
المرو علة حدود الخيم مرلهم
مر الحرايب من نزل مرلهم
مرات طرهم همه لا مرة لهم
عالمشرعه العسكر دعه شاف بنزوله الواقعه
احتارو علي لو عباس والضربه ما ثناها
.......................................................................
عالموت صفين الزلم صفاهم
يخبطهم بكيفه ورجع صفاهم
تاليهم بسابع سمه صفاهم
والي نسطر بجف الكمر بلا تذكرة يطير السقر
اسرع من جناح الغيم ياويلة من لاواها
.......................................................................
رايه شجاعه بيسرته من تلها
سلمها لحسين وندب من تلها
صرخاته سورة زلزله من تلها
صال بعزم يردم ردم خله الزلم تسحك زلم
جيوش ارعدت من ممشاه. نجوم الضهر راواها
........................................................................
خضر الشمري
طول صفناتك ونزف ساعاتك
ياليل العاشر باجر نار وخرك الخيم
وحمل دمعاتك هود وناتك
مذبوح هلالك باجر وجفوفه ويالعلم
....................................................
وداع يطول بدموع ايصول الالم مجهول.
غدا برض المجد ندفن ورد كاطها منجل نار
صور وجروح ترد بالنوح وطفل مذبوح.
جرع نفس الالم عانق سهم من صاحب البسمار.
ياليل على هونك طالت الحسرة
باجر بالطفوف نشاهد الزهرة
تعثر بالجثث وظلوع متكسرة
تنظر صدر ابنها وتذكر العصرة
تنحب مهضومه تنظر بالحومه
محراب ايصير المذبح صار المنحر شمع
توضت بدومه متغيرة رسومه
مطبوعة بصدرة الطاهر بصمه حافر طبع
.................................................
صدى الاهات عزف ونات عدل لو مات
على الشاطي ملك جودة مسك من عطره فاح الماي
بجفوفه الزود يشيل الجود وقدر معبود
اخذ راعي الوفه ماينصفه ونفارك الرواي
اه ياليل ارحم كلبي الحساس
خل نشبع حمية بشوفه العباس
باجر ينذبح وكبالي يبقة الراس
بنضراته نيازك ترجم الخناس
الشاطي ويه جروفه ايقبل بجفوفه
عطشان الماي بلهفه يروة بجفه الكرم
وبلوعة يطوفه يرتل بحروفه
وينضر بعيون الكافل عطشانات الحرم
..................................................
حزن جبريل نزل ترتيل على الانجيل
كتب لهفة نبي وتل زينبي ومكاور الرايات.
فدو لحسين عدد سبعين نصر للدين
صفو نفحة علم نزلو نجم في كربلا ايات
شتحمل يليلي لو نهارك صار
وظلم جيش الرذالة وصوله الاخطار
وذبح سبعين أية بسورة الانصار
فكدهم حط علامة بصدر ابو الاحرار
بأيمان تحارب كالنجم الثاقب
خطو في ارض الواقع همة ودافع عهد
بالحق تخاطب وحسين الصاحب
قادة وحبهم للعترة حق ونصرة وسند
....................................................
غدا هالصوت يجسد موت بلا تابوت
انا شبل الحسن لابس جفن ويجابه الظلام
تهل دموع يضل مصروع الفرح ممنوع
انطفت ضحكة امس شمعة عرس من دم نحر جسام
وامه للمناية تزفه مهظومه
تهل دمع الحزن وتعطر هدومه
وبعد مصرع شبلهة تبقة ملجومه
انطفة عدها الامل تتحنة بدمومه
تهيم بطارية رملة المسبية
تحلم وبصورة تكابر جاسم حاظر امس
تنهض محنية تغادر ماضية
تشهك وتشوف الغالي جسمه بحر الشمس
................................................
بهواك الحاد اشوف اجساد بلاية اضماد
اخوي بهالامر ضل يحتضر يندب انا العطشان
الدماء تسيل تهد الحيل صهيل الخيل
وذبح من الكفى للمصطفى متوسد التربان
ياليلي شسولف حالة العيلة
باجر تنسبي للباري اشكيلة
وينظر دم اخوي الباقي بالشيلة
ويظل فوك الرمح قران ترتيلة
خاتمت احزاني افكد ولياني
انظر والروس كبالي شيب راسي الجرح
بالنوح نعاني معكود لساني
حزنانة الدنيا الحالي وينحب حتى الرمح
..................................................
خضر الشمري
خلصت كل عمري مابين المجالس
مثل قمبر بالخدامه وعشگ عابس
زينبية دمعتي. للزچية خدمتي
وعاشگ حسين
سنيني شمعه. وعلگتهن
بخدمه المنبر صفن
ونذرتهن. للخدامه
ذابن وشو ماطفن
جروحي رسمت على وجه السمه مصيبه
جروحي. كل محتواهن زينب الغريبه
أصبحت اقرة النعي حتى بصلاتي
ماكو احراج بجنوني وتضحياتي
مو عجيبة قصتي. للزچية خدمتي
وعاشك حسين
قران البريه. نازل بالمنية. بسورة حيدريه
ويترجمها عباس
..................................
آيه من الرعب سيفه. طب المشرعه بكيفه
اعصار ونزل لمن حمل حان الذبح حان
خيرهم سكت صوته بيد الهاشمي موته
وينكث بالزلم نكث الهدم بالطبرة فنان
بچفوفه مرهونه جهنم والوعد يا ايها الناس
بچفوفه سجيل ابرهة وطحن الرحه يطحن بالارجاس
صد عينه لحسينه وجاب لعلكمي للفاطمي بالگوة عباس
من ضهضب عليهم تسمع بس بچيهم رفعولة اديهم
وگطعو حتى الانفاس
.............................................
چن سورة رعد نازل يرهب صوت ابو فاضل
سد عين السمه بالموزمه للكلفه وفاي
تتجادح غضب عينه باشط يوجع ايمينه
طگ ضهر النهر لمن خزر ضل يرجف الماي
بعيونه نضرة حيدرة في خيبرة يحصد بالرگاب
بعيونه شكم جيش انكسر حط عالنهر من الزلم باب
بصولاته وكفاته راجع كالجبل يهدم هبل جاب النصر جاب
الزينب والسكينه خادم كل سنينه يفديها بوتينه
غيرة وكله نوماس
.........................................
اول عربي سواهة انطه الخوة معناهة
گاوم كل خواله بكربلة وبدلته الدم
هزة سيفه فنجانه وعلة الماي عدوانه
هب كالعاصفه راضع وفه وبگصته زمزم
چلماته مضرب للمثل حين ارتجل ان تعرفوني
چلماته يحچيها الزمن لمن ندب يانفس هوني
عطشانه ذبلانه جبدة من العطش بس ماشرب كاس المنوني
دگ بالعلية ثايه بچفوفه المنايه فارس بيدة رايه
رتل سورة الناس
.............................................
جيش بالف سبعينه مايترس ربع عينه
ماهمه العدد صال وحصد حتى الشمر فر
بركان ونزل حومه الحيدر بانت رسومه
يطبگ ميمنه بالميسرة وخلاهه معبر
يم زينب معلم يفتخر من الزغر لو دمه يصعد
يم زينب ناعم بالحجي يصير الگمر وبلحظه يبرد
مراعيته مربيته ذاخرته ذخر مو للجزر طبع الكمر مد
زينب كل حياته وغايه امنياته حافظها بصلاته
واليدناهة ينداس
.............................................
شاف سكينه عطشانه وردة بخيمه ذبلانه
طر صدرة الحزن يطلب اذن يتنعنه للماي
ساكت يحچي بحساسه غيرة وصعدت براسه
وفاي ونعم زود وعزم لعيالة رواي
بحساسه اطفال وحرم صوب الخيم تتنطر يعود
بحساسه راجع ونغدر فوك النهر وبهامه عامود
بزنودة ضل جودة بهالساعه احتضر لمن نضر ماضل اثر جود
طاح بگلبه حسرة تارك لخته امرة كافل محلة صبرة
خط للخوة مقياس
...........................................
خضر الشمري
عكبك صبح وحشة اليل ياعباس ياعباس.
سوط الشمر هد الحيل يا عباس يا عباس
وجروح المتن تشرح ياحزن صاب الفاطميات
.....................................................
شاب راسي من الرزية والمصاب شكد كلف.
جروح اخوي بكلبي صارن جن تسعمية والف.
والشمر هد خيل أمية فوك صدرة شكد صلف.
صوت ضلعة وضلع امي واحد ومايختلف.
حز نحرة واصرخ ياويل يا عباس يا عباس
العرش السمة امتد السيل يا عباس يا عباس
كطرات الدمه تهز عرش السمه وتتراعد اهات
........................................................
اه من نهار عاشر صوباني بجم سهم.
من هويت اعلى الشريعة حيلي وياك انهدم.
بخدري طريت المصارع ونتجة وياك العلم.
موذر ومصيوب هامك حتى جفك ماسلم.
وحسينك بكلبة احزان يا عباس يا عباس
وجهة بغيابك ذبلان يا عباس يا عباس
ضل محني الضهر يندب ياكمرضلمه السموات
.....................................................
انه ربيتك واعرفك للكلايف ياذخر
جيتك بهالحالة اذكرك كل تفاصيل العمر.
بزغر سنك من سألتك ترضة اختك تنغدر.
اغتاضت بعينك حمية وسجدت سجدة شكر.
وين اسجد بطف عاشور يا عباس يا عباس
وبكل شبر دم ايفور يا عباس يا عباس
كلبي من قلق كمت اقرة الفلق وبدمعي آيات
........................................................
من بعد مصرع حسينك حرت احسب ياجرح
وياك ريت الموت اخذني ولا اشوفك منذبح
ارعب الطغيان راسك ونحنى طول الرمح.
الشمر عكبك مارحمني فدوة انهض يا سمح.
كدامي شامت سلاب يا عباس يا عباس
يضحك لان بدرك غاب يا عباس يا عباس
جاوبت الغدر انه اخت الكمر وتذلني هيهات.
......................................................
حضرو نوك السباية صرخت وينك يانفل.
ياغيور وعكب عينك من يركبني الهزل
وسكنه صاحت عمة زينب جتفو طفل بطفل
زغار ما تحمل أذية ودم اديها على الحبل.
اطيح وتكوم الأيتام يا عباس يا عباس
مجروحة بدروب الشام يا عباس يا عباس
ياطفل الحمل نظرات الزعل بيها شكد معانات....
لعاشق الحسين خضير الشمري
انه اختك يعباس ياراعي الحمية
...........................................
انه اختك يالجنت هيبتي وعنواني
بحماك مخدرة انته حيدر ثاني
الحط جفي بيمنتك بيك هم وصاني
ترويني بشوفتك زودك الرواني
وين الگالك عيون حتة تصد علية
.............................................
يالبصمه صارمك بالحرب معروفه
يالجانت صيحتك بالرعد موصوفه
من فدوة الخزرتك تزلزل اهل الكوفه
ولو عاداك النهر تسحلة من جروفه
عفية ربات الحسين هيبة حيدريه
...............................................
مو سيف بيمنتك جمرة قرأنية
جم فيل ويه ابرهة انرجمت بطاريه
من حيدر شمرتك انته موش شويه
يامضرب للمثل الربتك بدويه
بجفوفك حمة الدين وتفي علية
...............................................
ياسورة زلزله تسري فوك متونك
نزلت في كربله والرعب مضمونك
ضل محتار الشمر من بريق عيونك
يالسيفك عاصفه حكهم يهابونك
محتار السهم بيك ياروح الزجية
............................................
بئسا من قبضتك قبضه الوفايه
كل عام وكل زمن تضل ويه الراية
يالخليت الزلم فوك المسناية
يالبايع يمتنك بسعر جربه مايه
جفك قابض الروح مخصص لال امية
............................................
خضر الشمري
بليله حزن زينب تون
بدمعتها ذبلان الجفن
وتللاگت ويه العطشان
والدمعه يامحلاها
..................................
شبكت اخيها وباسته من صدرة
بموضع التسحگ بيه حوافر عشره
محلة الواداع ويه الاخو بالحسره
هذا الجره من تعطره
كعدت تعاين منحره
وتعزت انا لله تدري الاخو وصاها
.................................
مهمومه والحسرة اعتلت كل الناس
لمن سمعها اتعنه ليها العباس
يگلها لگر عينج وطگ راس براس
وعدي الچ من كافلچ
يابن مره اليگرب الچ
ياچر زلم فوگ الگاع
اطبگ عليها اسماها
.................................
طال الخبر مسمع إذان الانصار
وستّعرضو سبعين صارو تذكار
وتواعدو باچر نسوي الما صار
باچر تره بالمفخره
نخلي الزلم تلزم سره
حسبينه خوان حسين
تفدي السبط بدماها
..................................
ليله وداع وبت علي لا متنام
ساعه تودع الاكبر ساعه جسام
ساعه تشم نحر الطفل بألآلام
بشوغة گلب مدمع يصب
ياذيها تفكير الحرب
معروفه ام الاحزان
جدها النبي سماها
..................................
سِجْدَت حزن تبچي وتناجي الرحمن
موقف صعب وتصبرت بالقران
باچر كفيله الكل طفل والنسوان
باچر سبي ويه الناصبي
وزادت ستر فوگ العبي
صعبه المره أبلا عباس
ضلمه تضل دنياها
..................................
خضر الشمري
على الصيوان خيل الكوم هاجن
وخواتك من مرار الخوف هاجن
كوم انهض يبو السجاد هجن.
رباب وزينب وسكنه ورقيه💔💔💔💔
معقوله ضهرك منحني والشيب تارس راسك
بين خسوف بنظرتك بس لا وگع عباسك
طاح وتهدم حيلك من بعد گمره ليلك
........................................................................
خويه ما متعودة اشوفك تمشي ومحدب الضهر
حسين خطواتك ثكيله وخاطرك بيش انكسر؟
وسفه عني ادير عينك تلتفت صوب النهر
من دفعت العمد بيدك عرفت عباس انغدر
والجان مرفع هامتك وهيبه علي بعيونه
لتكلي طايح عالترب وشماتك يشوفونه
ياهو الاكله دخيلك من بعد كمرة ليلك
بس لا وگع عباسك
.................................................................
شكال كلبك يبو الاكبر فارگت نسمه هواك
روحك بعباس تسري وروحه بيك وفارگاك
وين ذيج البسمه خويه الجانت تبين ضواك
كالشمس من جنت تمشي والگمر ساند گفاك
الف نعم الله علة الجرح يبن امي الله يعينك
صح ساكنه شفافك لجن مفضوح صوت ونينك
وسفه الحزن يوميلك من بعد كمرة ليلك
بس لا وگع عباسك
......................................................................
حسين ارجع للشريعه بمعصبي شد هامته
عمت عين الكاع خويه الضيعت كل ضحكته
العطش مو للماي تدري روحي عطشت شوفته
وصلي عني بالنيابه سجدة تشكر خوته
غمض عيونك ياشهم لمن تغمض عينه
ولتحاول اشيل السهم وتلچمه يابو سكينه
بالصبر راح ادعيلك من بعد كمرة ليلك
بس لا وكع عباسك
......................................................................
ادنه مني يابو روحي وطول بعيني النضر
شاحبه جفونك حبيبي ما يلوگلها القهر
انه ادري بوسط عينك للكفيل شكد صور
واليفارك صوت اخيه يكظي ليله ويه السهر
ارجع وخذ ثار الكمر وبهرج عزم عدوانك
ولا تبجي لو صاح الشمر يحسين وين اخوانك
شد عزمك بترتيلك من بعد گمره ليلك
بس لا وگع عباسك
...................................................................
اليوكع كباله عضيدة ياهو يجبر خاطرة
يبقه يتلوة علة اخية وايدة فوك الخاصرة
حسين دليني بكفيلي وين طاح عالثرة خل اودعه بصوت ناصي صعبه لو صاحت مرة
بوجودة جنت مخدرة وراح اصبح المسبيه
خمسين عمري يانفل شيركض العلويه ؟
حسين وكرب ترحيلك من بعد گمره ليلك
بس لا وگع عباسك
......................................................................
خضر الشمري
سوالف عتب دمعي الكتب
والشيعتي اروي التعب
سوالف خليل الاحزان بس ياقلم يرويها
...............................................................
شكم سندي مرْ وبالسجن مراني
بطاموره ذبني ولا محب مراني
مره الصبر ملْ وتعب. مراني
الفض العسر فوگ الجسر
متانيني حفار الگبر
نفس الزمن رد وعاد والقصه راح احجيها
............................................................
عمري البديته من السجن خلص هم
هارون وكتي الشيعتي خلصهم
المنعو زياره حضرتي خلصهم
شنهو الغرض منهو الفرض
وسفه السبب صار المرض
يسموني قاضي الحاجات ياحاجه ما اگضيها
............................................................
انه الجنازه الفارگت. شيعتها
جنازه وحماميل اربعه شيعتها
والناس من بحر الذنب. شيعتها
تالي الامر. مالي ذكر
ولازاير الصحني يمر
والمنع عني الزوار يشبع ندم تاليها
............................................................
انه الذي السم والمرض هاداني
انه الهدايا لكل بشر. هاداني
الاهديله عمري بالظلم. هاداني
بأخر زمن. هاي المحن
مسدوده بيبان الصحن
وبدربي قلة من الناس احسن جزاء اجزيها
..................................................................
سليته ماسلني الصبر. سلاني
جن صرح قائم عالجهل سل اني
مايرد كل من گاصد و. سلاني
اگضي الشدد. بالمعتقد
انه الاسد وبن الاسد
درع ووقايه البغداد من كل مرض يلفيها
............................................................
خضر الشمري
يامن تدفنون نار الجراح موجرة
يامن تدفنون بهون علة جرح الخاصرة
الله ياذاك النحر
وثنعش طبرة من انطبر
...................................................
يالوصلتو للمصارع اسمعو مني الكلام
لو لكيتو جسد دامي يحضن الاف السهام
بالصدر مطبوع حافر اعرفو هذا الامام
لو وكفتو بصوب نحرة بلغو عن زينب سلام
يم عابس وجون طاحت جبدته موذرة
يم عابس وجون جا مالكيتو خنصرة
ومثلثة شخلف اثر
وثنعش طبرة من انطبر
.....................................................
انه اختة الهاشمية شيبت راسي الجراح
عذبتني الغاظرية وذبل جفوني النياح
ادري بس اشلاء يمكم كلها مطعونه برماح
عالاسنة الروس يمي تنعة حي اعلة الفلاح
لو هاجر وياي عافت ابنها والكبش
لو هاجر وياي ياراس تاخذ للعرش
للباري ترسم ياصور
وثنعش طبرة من انطبر
..................................................
عالشريعة بطل نايم جثتة بحر الرمال
من توسدونه بحفرته شلعو عن صدرة النبال
يمه لاتحجون عني ترتعد بيه الخصال
يالتدفنه لا تكلة اختة مجتوفه بحبال
والراية وياي متخضبة بدم هامته
والراية وياي بالسارية جف يسرته
من طاحت الراية احتضر
وثنعش طبرة من انطبر
....................................................
مالكيتوجثة ترفه امحنية جفها بالخضاب
نحرة جن كوكب يضوي يختلف عن الشباب
زفته باعظم شهادة والحلم اصبح سراب
حنتة بطف العجايب انعجنت بدم المصاب
رغم الالم صاح ان تنكروني بالعلن
رغم الالم صاح هذا انا شبل الحسن
وعلة الذبح عاش وصبر
وثنعش طبرة من انطبر
....................................................
بلا غسل ضنوة محمد ادري والموقف فجيع
باللحد مانام وحدة رايد الاكبر ضجيع
ضمدوله جروح صدرة بشبكة من اترف رضيع
يبقة للمهدي علامة جسد عبد الله الرضيع
من يطلب الثار بدم الطفل خط العلم
من يطلب الثار بياذنب مفطوم بسهم
كدامه ينعاد القدر
وثنعش طبرة من انطبر
.....................................................خضر الشمري
بكل گطرة دمه ذوله احنا ثوار
ما النه منافس
بحبك سيدي مجنونه الانصار
عدنا المثل عابس
سجلنه بدفاتر ويه ابن مضاهر
عدنا المثل عابس.
...........................................
عهد عدنه يبو اليمه نخدمك بدمع النواظر
صدورنا الزينب هديه تجبر بكسر الخواطر
حتى عالتل ماتشوفك وفوك صدرك اثر حافر
عهد ونخطه بالدمه
الزينبك وامك فاطمه
مانقبل يصيبك ضمه
وياك للطف ونسافر
عهدا سيدي ميهمنه كل موت
وجيوش ال امية
نرهب كل شمر من يسمع الصوت
ونفرح الزچيه
نفديلك مناحر ويه ابن مضاهر
عدنا المثل عابس
............................................
شعدنه چم حسين عدنا ترف يا اعظم وسيله
وراث ومورث بالطف وهم حبيب الله وخليله
وباچر الموتور اسمك وثارك بدم نعتنيله
ياملك صدرك كله دم
ينزف وما ينسة الخدم
وعرشك وتاجك ما سلم
انته بس انته الفضيله
باچر يرتفع عالرمح قران
ينطق بالجلاله
ويرتل سوْر يمدح الرحمن
ما واحد وفالة
الحبك ماهو خاسر ويه ابن مضاهر
عدنا المثل عابس
..............................................
يا حنين الشال عطفك يفدي روحه للبريه
تصدق بدم المناحر شكد عظيم ابن الزچيه
انته وسماعيل واحد وهاجر وزينب سويه
باچر دمائك سايله
انته المسيح بكربله
يارمح راسك يحمله
حيرت بيك ال اميه
بساعات الحرب كل احنا عباس
بچفوف المنيعه
بعامود وسهم نفديلك الراس
ونجيب الشريعه
ودمنا يصير طاهر ويه ابن مضاهر
عدنا المثل عابس
............................................
ماتموت الثورة بينه خالدة وداعه حروفك
وياك صحنا وياك كلنه نعوف كلشي ومانعوفك
هوة ياهو العندة قيمه وكحل عيونه ويشوفك
يبن النجوم الزاهرة
اليرحمنه الله الخاطرة
اليفديك نال الاخرة
كعبة بالجنه ويطوفك
فدوة الشوفك يامالك الروح
والنفس الابية
جسمك عالترب من يبقه مطروح
كعبة للبريه
ياكعبة ضمائر ويه ابن مضاهر
عدنا المثل عابس
............................................
بكل سنه وكل عام انته تعيش ناسك تضحياتك
وترجع الانصار يمك بكل فرض تعشك صلاتك
ومجلسك سجادة يصبح لليصلي نافالاتك
يبن البتول الطاهرة
لدين الله ضحى بخنصرة
هنيالة من شم منحرة
ندعي الله بكل مسيه ترضة عنا بكل حياتك
يامن كفل ذنون ساعه ظلمه البين.
يابويه شنهو العطلك عن مذبح حسين.
بلا غسل هوة وكافلي وينك يبويه ياعلي.
عن مذبح حسين عند مذبح حسن
.............................................
بويه وينك عن حبيبك. 1
عفته نايم عالتراب.
اه يحيدر كلبه ضامي
والمن ابدي هالعتاب.
من علة التل واشوفه بعيني.
خويه زينب ارجعي يناديني.
صدگيني سهامهم تاذيني.
يزحف زحوف الخيامه حسيني
[ ]
يابا الحسن ياريت ويه حسين حاظر.
وتشاهد ظلوعه انطوت بين الحواافر
بعد الشهم ياهو الالي وينك يبويه ياعلي.
عن مذبح حسين عن مذبح حسين.
...............................................
ارد اسولف صورة صورة. 2
والي شفته من البلاء
هد علية جيش اميه
واني وحدي ابكربلاء.
بس عليل وياي دمعة يهامل
ويضرب السجاد شفته العاذل
گمت اصيحن وين اخوي الكافل
بمتن زينب سوط يابو فااضل
يهتز جسد عباس لمن يسمع الصوت
والچف ينادي اليوم حالت قدرة الموت.
راح الي كال ادللي وينك يبويه ياعلي.
عن مذبح حسين عن مذبح حسين
............................................
والله حيرة شلون حيره
حسرتي تهد الجبال
والهضمني عندي طفله
دم اديها على الحبال
بويه بديار الغرب جروها
بعمر خمس سنين ويضربوها
تريد ابوها وابد ما رحموها
انجرح خدها بويه من سطروها
وراس السبط من فوك عاينها الرقية
يذرف دمع من شاف هالطفلة سبية
يابالحسن هد كاهلي وينك يبويه ياعلي
عن مذبح حسين عن مذبح حسين
...............................................
ياحنيني وي انيني
بويه ما تهدة النفوس
راح حيلي ردت اصلي
وسفه اصلي بالجلوس
حيلي بالعباس ضل بعيونه
وريت ذبحوني ولا يذبحونه
جان خدري مفصل على متونه
وسفه بعدة على الهزل خلونه
وبمجلس الطاغوت جابو قبضه الواه
وتذكرت عباس انطه جفوفه وياه
وعيونه من صدت الي وينك يبويه ياعلي
...............................................
شكد مواقف ألمتني
وبالخرايب من نبات
اذكر اهلي والحبايب
بويه صارو بالشتات
راسي بالمذبوح ابيض لونه
كبالي فوك الرمح ويقدمونه
من نطب بلدان هم شتمونة
النسب جدي ابد ما نسبونة
تاليها ارد بالروس ورجع يم الاجساد
وديني للعباس اصرخ عمه سجاد
بلكت يعدل محملي وينك يبويه ياعلي
.............................................
خضر الشمري
شايلني بعيونك رغم اليعادونك
مجنونك انه بكل وكت
ونته اعرف بمجنونك
..................................
يالصفاتك تترس العاشگ محنة
يالصفاتك جنه للما عنده جنه
موقفك هد الرواسي وهيج گلوب الخدم
الما لطم صدرة بعزائك گظه كل عمرة بندم
صك خدمتك بالقيامه باچر نرفعه علم
الما عرف كل تضحياتك يبقه عايش بالوهم
يابلسم جروحي ياصفنتي ونوحي
حروفك بحر من العشگ
وغرگان انه بمضمونك
..................................
يالخدمتك عليها جبرائيل صلى
يالخدمتك هية اوسع نعمه الله
شكم نبي طاف بعزائك رتل آيات الدمع
موسى والتوراة بالطف للنحر يشعل شمع
بصدرك الانجيل ساكن لابس بصبرك درع
حگي من انجن حبيبي وبالطم اكسر ظلع
وبلطمتي واهس عايش خلگ عابس
وبدنيتي شما ابتعد
ترجع تردني عيونك
..................................
يالمصابك خلة بالدلال جمرة
يالمصابك بريه الرضعان حسرة
عايش حسين ومصابه من قبل ما انولد
الله خالقني الخدمتك للعزاء احزام اشد
جمرة يازينب غريبه بصدري مامسها البرد
ترجع بعطفك تلمني سيدي شما ابتعد
تقبلني بعيوبي شما تكثر ذنوبي
تضمدلي اثار الذنب
وترجع تگلي شلونك
..................................
گلبي يمك بكربلائك لحظه لحظه
كلبي يمك يبدي بالعباس نبضه
شلون اواسيك بمصابك سيدي يبن النبي
تشهگ بريتي السوالف من يمر طاري السبي
وانه ماراحن خواتي يسرة بيد الناصبي
وانته كلهم قدمتهم حتى يسلم مذهبي
يالحتى عبد الله بنحرة السهم صلى
صعب وكلف هذا الحمل
ومفصل علة امتونك
..................................
يا امامي فدوة وفقني العزائك
يا امامي كون اعيشن كربلائك
شكد حلو طعم المجالس ونته تعرف غايتي
سيدي ممنون منك ليك اقدم محنتي
شكد مريضه عيوني لو ما لجلك تهل دمعتي
قبلة للعشاگ قبرك وبخدمتك قبلتي
خل تسمع الودم خادم الك خادم
بالفطرة حبك ينبني
ماگدرو ايهدمونك
..................................
خضر الشمري
يزينب ضمي دمعچ والحزن جاي
يزينب بالموادع طولي وياي
يزينب باچر اختم خويه دنياي يزينب
.................................
خويه زينب لحظه لحظه گابليني ارد اوصيچ بوصيه
خويه زينب وقبليني بصدري وعرف وصتچ امي الزچيه
تعزي في عزاء الله لمن ينگطع نحري
وقدمي جثتي قربان وخذي الباقي من صبري
حوافر باچر تشوفين گدامچ ترض صدري
دموعچ تجري سكته ولا تصيحين
دموعچ ادرك اختك خويه يحسين
دموعچ خفي عتبچ خويه وياي يزينب
..................................
والله حيرة بيمن ابدي بالسوالف كلها توجع يالوديعه
والله حيرة يعينچ الله على ابو فاضل من يضل فوگ الشريعه
بعد ما يوگع العباس بيدچ قدمي مهري
وجر انفاسي بالگوة بعضيدي ينكسر ضهري
توجع فرگه الخوان عدوي يشمت بكسري
كفيلج يحني ضهري بطيحه الواه
كفيلج بصدري يشعل چلمه الاه
كفيلج بعدة يثگل خويه ممشاي يزينب
..................................
حالة صعبة ولحظه فراگ الحبايب اشد لحظاتي علية
حالة صعبة بحظني طفلي يموت ضامي وينذبح بالغاضريه
يناغي والدي عطشان علية ويشبح عيونه
طفل ضامي ثلث ايام شنو ذنبه ويذبحونه
ماعدهم رحم هالناس بالمثلث يفطمونه
رضيعي من العطش متفطرة شفاه
رضيعي عمرة ست شهور ونطاه
رضيعي تبدة عمرة وماشرب ماي يزينب
..................................
ليله وحشه الساعه بيها شگد طويله من تفگدين الحبايب
ليله وحشه يلي چان اسمچ اميرة وبيها صار ام المصايب
تگومين بضلام اليل بجسمي تعثر اجدامچ
مسافه نايبات وشيب من ظلوعي لخيامچ
تحضرج فاطمه الزهراء تون الونه الامچ
ظلوعي مهشمه من حافر الخيل
ظلوعي جمعي بيها وصيحي ياويل
ظلوعي من عباتچ اصنعي فياي يزينب
................................
عن رقيه من بعد عيني يزينب خويه ضميها بحنانچ
عن رقيه بالسبي لتفارگيها ونتي محتارة بزمانچ
تفز مرعوبه تالي اليل واسمع كل بواچيها
بخرابه وراسي فوگ رماح تحاچيني واحاچيها
تشكيلي السبي والسوط والسلبو تراچيها
اديها محرگه من نار الخيام
اديها وعلة راسي تغفى وتنام
اديها عليها تجري دموع عيناي يزينب
..................................
خضر الشمري