آتیلا حاجی زاده

17 Nov 2020 19:38

‍ کور اولموشام دئیه‌سن کؤلگه‌می زوران گؤرورم
نقدری گؤز تیکیرم چئوره‌ده دومان گؤرورم

یئنیلمیشیک گئجه‌نین قاپ-قارا قارانلیغینا
بو ظولمتین سحره وارماغین گومان گؤرورم

دئشیک-دئشیک دئشیلیب‌دیر الیم، قولوم، آیاغیم
یولون قاریش-قاریشین‌‌دا سیریق تیکان گؤرورم

بو یئرده تاپماییرام سیز دئیه‌ن ملک‌لردن
بیاض گئییم‌لر ایچینده اورانقوتان گؤرورم

دئدیز وطن گتیریب‌سیز بو دوستاق ایچره آما،
اؤنومده آچدیغینیز توربادا سیچان گؤرورم

دئدیز سحر، دئدینیز گون، باغیردیز آزادلیق
سیزین آزادلیغیزی بیر تزه پالان گؤرورم

آیا؟ گونه؟ سحره؟ آخ... کیمه گوونملی‌یم
باخینجا دسته‌ییم ایچره قارا ایلان گؤرورم

ائهی کوچه، خیاواندا آزادلیغین باغیران
دوورلارین سینه‌سینده ندن‌‌دی قان گؤرورم؟

گئری دونوب دئیه‌سن تاریخین واراق‌ واراغی
باخینجا نیزه باشین‌دا یئنه قوران گؤرورم

قیفیل‌لادیز بیزی آلچاق دوشونجه‌لر کولونا
بوتون کیتابلاریزین ساغ-سولون یالان گورورم

بیراز کناردا گزین هر زامان‌ گؤرنده سیزی
اؤنومده شاعیر یوخ بیر دابان سوران گؤرورم

بیراز کناردا گزین آلچاق اوغلو آلچاق‌لار
آغیز دولو قوسورام سیزلری هرآن گؤرورم

بیراز کناردا گزین آخ... بیر ایش چیخارداجاغام
یاواش-یاواش قیلیغیزی اویان-بویان گؤرورم

◼

چوخ ایچمیشم دئیه سن کئفلی‌یم باغیشلایاسیز
اؤنومده‌کی کاغاذین خط‌لرین زوران گؤرورم

#آتیلا_حاجیزاده
#قانلی_آبان
قیش-۹۶
__________________________________
@Atilla_hajizade
@Atilla_hajizade

آتیلا حاجی زاده

11 Oct 2020 10:16

غزل:

سحر چاغی شهرین باغری سانکی قاندی باجی
قاریش-قاریش کوچه‌میز مینلر آغلایاندی باجی

بوغازلارا ساریلان ایستی مرمیلر قاطاری
بوغازدان آیریلانان ایستی قاندی، جاندی باجی

دومان بوروندو بیزه، سنگری ییخیب یاخدی
عکیزلرین یئرده...
یوخ...
الیم ده یاندی باجی

ّ سحر چاغی اؤلومو گوللـه‌لر اویاندیردی
دئشیک-دئشیک دئشیلن کؤکسوموز تالاندی باجی

اؤلوم آخیردی بیزی آلتینا چکیب ییخسین
ییخیلدی دوسلاریمیز صبریمیز جالاندی باجی

الیمده سولمادی آه... وئردیین قیزیل گوللر
آیاقلار آلتینا دوشدوکده تاپدالاندی باجی

نه قول قالار نه آیاق گؤوده‌میز ایتیب بیته‌جک
گلن صاباحلارا تک بیر پیلاک قالان‌دی باجی

اولوب-قالان دیکیلیب دیر، بیتن زامان‌دی باجی
الیم قولوم قورویوب گؤزلریم دومان‌دی باجی

#آتیلا_حاجیزاده
پاییز-۹۵

پ.ن: شهید عسکر «علی بیرامی»-نین باجی‌سی ایله چکدیردی‌یی شکیل.
پ.ن: اوتانیم یئرینه آی اوتانمایان
______________________________
@Atilla_hajizade
@Atilla_hajizade

آتیلا حاجی زاده

28 May 2020 19:02

آدینی سئچمه‌دییم حیکایه‌دن بیر ائپیزود
#آتیلا_حاجیزاده

اوزریمه دوشن ایشیق‌دان قاچیردیم، آنجاق او پئشیمی بوراخان دئییل‌دی. صحنه‌ده یالنیز دایانان آرتیستین اوزرینده گزن وکتور کیمی آرخامجا گلیردی. آنجاق بو "منم" نه بئینیم‌دن کئچن مونولوقوم نه‌ده دیالوق قوراسی کیمسه‌م یوخ قارشیمدا. اوزاق‌دان چکیجی اولسام‌دا، یاخین‌لاشدیغیندا، باشقا زیبیل‌لرله فرقیم اولمادیغینی گؤره بیلرسن.

ایشیغی‌دا، قارانلیغی‌دا منم دئدی صاندیق‌داکی اؤلو، آمما سن‌کیم‌سن؟ اووجومو سویا دولدوروب اوزومو ووردوق‌دان سونرا باشیمی قالدیردیم.

-گؤزله، گؤزله

ترمز، ماشینین لاستیک‌لری‌نین یئر اوسته چکیلمه‌سی‌نین قیژیلدی‌سسی قولاغیمدا، خیاوان اورتاسینداکی آغ خط‌لرین قیرمیزا بویانماسی گؤزلریمده دونوب....

-گؤزله، گؤزله
یئنه....

منده سنین کیمین اؤلمه‌یه بیلردیم آنجاق اؤلمه‌میشدن اؤلومو یاشاییم دئدیم ان آزی بیر دؤنه.
-آما ساری‌شین صیفتی بوزاران صاندیق‌داکی اؤلو
-یاهمالاما بسدی
-بو آینادی یا شکیل؟
صاندیق‌داکی اؤلونون گؤزلرین کیم چیزدی بورا؟
دالیم دووار، اؤنوم دووار، ساغ-سولو کیم باغلادی؟ قدیم حیطیمیزده‌‌کی قیرمیزی آلچا آغاجی بار گتیریب، بو آینادی یا شکیل؟ سنی کیم چیزدی بورا؟

زیبیل اولساندا فرقلی زیبیل اول باری سسلندی صاندیق‌داکی اؤلو. تاختا قاپی‌نی کیمسه آچا بیلرمی؟ قیرمیزی آلچالاری کیم آیاقلاییب؟ ساری‌شین سنی کیم چیزدی بورا؟ بو اؤلودو یا دیری؟

ایشیغا دئه چکیر یا چکیم یئرین‌دن قوپاردیم؟ ایشیغا دئه چکسین. دئه چکیل‌سین، اوز به اوز دن گلیر. او چکمیر سن چکیل ایشیق‌دان.

-گؤزله، گؤزله
یئنه....

__________________________________

@Atilla_hajizade
@Atilla_hajizade

آتیلا حاجی زاده

25 Oct 2019 21:06

هله‌لیک بیلمیرم نه ائتملی‌یم
اوزریمده پاییز داریخماسی وار
یئل اسیب اوینادیر سوموک‌لریمی
بئینیمی دولدوروبدو بوشلوق‌لار

بو حیات یوخلوغون گؤرونتوسودو
من‌‌سه بو یوخلوغون وار حیصصه‌سی‌یم
اصلینه باخسانیز بو هئچ بو هدر
منده بیتمیش من‌ ایله‌ده باشلار

هئچ تانیش گلمیرم اؤزوم، اؤزومه
چیخیرام یوللاری، قاچام من‌دن
قاچیرام دوشمه‌سین گؤزوم اؤزومه
آینالار چئوره‌مه چکنده حاصار

...آینالار چئوره‌مه چکنده حاصار
قاچاجاق یول تاپانمادیم اورادان
یوللارین‌دا یالانلیغین بیلسم
بیلمه‌دیم آینا، آینادیر یا دیوار

...آینالار چئوره‌مه چکنده حاصار
اؤزومون قارشی‌سیندا دورموشدوم
و باخیردیم او آن اؤزوم، اؤزومه
گؤزلریمده بولود، ساچیمدا قار

چیخمیشیدیم اؤزوم‌دن، آنجاق‌کی
اؤزومون قارشیسیندا دورموشدوم
یالواریردیم او آن-اؤزوم اؤزومه
منی اؤلدور یا بیر تهر قورتار

ال-آیاق ایله سیندیریب تؤکدوم
پنجره‌دن تولازدیم ائشییه
خیاوان‌لار من ایله دولدو بیرآن
سحر اولجاق، شهر بونو آنلار

...سحر اولجاق، شهر بونو آنلار
بیری‌سی منلییین سپیب‌دی چؤله
و صاباح بیر شهر قاچار من‌دن
و صاباح بیر شهر منی دانلار

هله‌لیک بیلمیرک نه‌یم نه‌چی‌یم
کئفلی بیر ساوچی‌تک ساییقلاییرام
بو سحر کابوس-ون بیریز بیتیرین
منی کیم گؤرسه بیر جونونلو سانار

ییخیلیر عقربه چؤکور، گئجه‌نین،
خئیری بیتمیش‌ایکن قالیب شرری
اوتاغیم‌دان آذان چکیلدی بایاق
و بیراز سونرادا خوروز بانلار

.



صاباح اولموش، ایتیرمیشم اؤزومو
هله‌لیک بیلمیرم نه‌یم، نه‌چی‌یم
اوستومه گلمه‌یین آ یولداش‌لار
هله‌لیک بیلمیرم نه ائتملی‌یم

ائوده قالمیش آیاقلاریم، آنجاق
گؤزلریم سومسونور کوچه-باجانی
اللریمی ایتیردیییم گون‌دن
قولاغیمدا بیری دئییر منی سار...


#آتیلا_حاجیزاده
#یئنی_غزل_چارپارا
#غزل_چارپارا
______________________________
@Atilla_hajizade
@Atilla_hajizade

آتیلا حاجی زاده

27 May 2019 19:43

هانسی آی، هانسی گون، خاطیرلامیرام
ایکی قارداش ساواشدی قان دوشدو
معجزه اولمادی او گون...
دئیه‌سن،
قوجا تانری یامان یورولموشدو


#آتیلا_حاجیزاده
#یئنی_غزل_چارپارا
#عکس_محمد_جلیل_زاده

@Atilla_hajizade

آتیلا حاجی زاده

10 Apr 2019 20:08

خیامین داریشلیق کوچه‌لرین‌ده
باخیشلار بیر-بیرین قوجاقلادیلار
او قدر اؤپوشدوک دال کوچه‌سینده
کؤوره‌لیب دوداقلار قان آغلادیلار

#آتیلا_حاجیزاده
#چاراپارا

پ.ن: اورمونون خیام خیاوانی، کیلیسا کوچه‌سی

@Atilla_hajizade

آتیلا حاجی زاده

28 Mar 2019 20:27

بو شهر آلچاق‌دیر، دئمیشدیم سنه
نه قالیب‌سا بیزدن، اوزون‌دن سیلر
کوچه‌سی گیزله‌در اؤپوش‌لریمی
سئوگیمی سوپورر، سوپورگچی‌لر


#آتیلا_حاجیزاده
#چارپارا

@Atilla_hajizade

آتیلا حاجی زاده

23 Feb 2019 22:27

.
دعوتید به #خیابان_بیست_و_سی‌ام

با اجـرای :
#آتیلا_حاجیزاده


یکشنبه ۵ اسفند ۹۷
ساعت ۱۶-۱۹
#نشست_مستقل_ادبی_خیابان

@Neshaste_Adabi_Khiaban

آتیلا حاجی زاده

02 Feb 2019 21:26

سن منی بوراخیب، دوشنده یولا
نه گونش قارالدی، نه یاغیش یاغدی
چاخماغیم بیر سیغار آلیشدیرارکن
قهریم دیرماشیب، گؤزومو ساغدی

سئوگیلی گونلرین خاطیره‌سینی
نه راحات بوراخدین آی آغرین آلیم
نه ارکن اونوتدون، نه ارته داندین
یادیندا دئییل‌می یادینا سالیم:

"خیامین داریشلیق کوچه‌لرنده
باخیشلار بیر بیرین قوجاقلادیلار
او قدر اؤپوشدوک دال کوچه‌سینده
کؤوره‌لیب دوداقلار قان آغلادیلار"

ایشیق‌لار سؤنرکن، سانکی بورویور
ساحیلی پارکی‌نی، کدرلی آنلار
نئچه ایل برابر آددیملاساق‌دا
بیزی تئز اونوتدو بو خیاوانلار

بو شهر آلچاق‌دیر، دئمیشدیم سنه
نه قالیب‌سا بیزدن، اوزوندن سیلر
کوچه‌سی گیزله‌در، اؤپوش‌لریمی
سئوگیمی سوپورر، سوپورگچی‌لر

سانیردیق پای وئریب بیزی بیر-بیره
توپوروم بو شهرین سئوگی پایینا
منه سندن قالان بیر اوزوک‌-اولدو
اودا قیسمت اولدو، شهر چایینا

آه ندن گؤرمه‌دی گؤز یاشلاریمی
بیلمیرم بو شهر سارساخ‌می، کورمو...
یازین تابلولاردا بورانین آدین:
یاریم سئوگی‌لرین شهری اورمو

#آتیلا_حاجیزاده

@Atilla_hajizade
@Atilla_hajizade

آتیلا حاجی زاده

30 Jan 2019 19:11

خلاصه‌ای بر گاندی و خشونت

الف-"ماهاتما گاندی"نمونه بارز گسستن از پیش فرض‌ در روش بود و اینچنین توانست در عصری که اندیشه‌های آزادیخواه راه و رسمی غیر از اسلوب مدنی را به کار گرفته بودند،شنا کردن خلاف جریان را برگزید چرا که جریان حاکم برگستره مبارزات را روش‌هایی غیر انسانی دیده و خشونت علیه خشونت را آنتی‌تزی همگون با روش‌های استیلا ارزیابی می‌نمود.

ب-«خشونت گریزی»در اندیشه"ماهاتما گاندی"ناشی از ترس نبود چرا که وی این مبحث را اصلی عدول ناپذیر معرفی نمی‌کرد بلکه عنصر ترس را همانگونه که برای بروز خشونت پسندیده می‌دانست در طرزی همگون،ترس را برای پیشبرد یک اندیشه، سدی غیرقابل گذر تفسیر می‌نمود در نتیحه بین دوگانه خشونت و ترس،خشونت را بر عنصر ثانی مقدم می‌شمرد.

ج-اندیشه ضداستعماری"گاندی"نسخه‌ای منحصر هند نبود و این اصل بهمراه اعتدال او در رابطه بادوگانه‌ها مورد پسند افراطی‌های چپ و راست واقع نگشت و درحالیکه اندیشه‌های وی آبشخور شیخصیت‌های آزادیخواهی چون بیکو،لوتر،سوچی و ماندلا بود نه از سوی دشمنان استعمارگرش بلکه بدست هموطن خود و بنام هند بقتل رسید.

پ.ن:۳۰ژانویه سالروز ترور گاندی

#آتیلا_حاجیزاده
@Atilla_hajizade

آتیلا حاجی زاده

13 Jan 2019 19:10

‍@Atilla_hajizade
@Atilla_hajizade

"جیمز جویسون" یاشام‌ایله‌ادبی یارادیجیلیغینا قیسسا بیر باخیش
#آتیلا_حاجیزاده
 
دعوت هفته لیک درگی سی
177-اینجی سای
شنبه-۹۴/۶/۷

20-اینجی عصرین ادبیاتین، گتیردیی آنلاتیم یئنی‌لیک‌لری‌ایله ائتگی لندیرن ایرلندلی یازار، جیمز اگوستین آلوسیوس جویس، 1882-اینجی ایلده ایرلندین دوبلین شهرنیده دوغولدو. ایلک مکتب تحصیلاتینی بو شهرین اوخول‌لاریندا بیتیردیک‌دن سونرا، دوبلین اونیورسیته کالئجینده، فلسفه و مودئرن دیللر ساحه‌سینده تحصیل آلدی.

1900-اینجی ایلده، هنوز اونیورسیته ده اویرنجی اولدوغو زامانلار، اویبسنین بیر اویونون اوزرینه، قلمه آلدیغی اوزونجا یازینی " Fortnightly Review " هفتلیک درگیسینده نشر ائتدی. او سیرالار، داها سونرا موسیقی اوتاقی(Chamber Music) آدلی شئیر توپلوسونو یازماغا باشلایاراق، 1902-اینجی ایلدن بری دوبلین‌دن آیریلیب، پاریس شهرینه کوچدو. 1904‌-ده یاشامینی داوام ائتدیرمک اوچون «نورا بارلنسه» ده حایات سورمیه قارار وئردی. 1905 دن 1915 ایلینه قدرسه تریستیته شهرینده یاشام سوردو.

1906-اینجی ایلین یازیندا، رومایا کؤچن جویس، 9-آیا یاخین بیر سوره بویوجا بیر بانکادا چالیشدی ائلجه بو اولکه ده سیخیشدیغینا گوره 1907 اینجی ایلین قیشیندا تکرار تریستیته یه دوندو. بو شهرده ایسه بئرلیتس اوخولوندا اینگیلس دیل اویرتمنی اولاراق ایشه باشلادی.

1914 ایلینده دوبلینلی لر اثری اینگیلتره‌ده یاییملانان جویس 1915 ایلینه قدر سورگونلولر اثرینی باشا وئردی. " صنعتکارین گنجلیک پرتره‌سی " آدلی اوتوبیوقیرافیک اثری ایسه 1906 ایلینده یاییلیب همان ایلده ایسه جویس عاییله سی ایله بیرگه سوییس‌-ین زوریخ شهرینه داشیندی.

زوریخ ده یوخسولوق ایچینده یاشایان جیمز جویس، موکممل اولان اولیس اثری اوزینده چالیشیب، بو اثرینی " Little Review" آدلی بیر آمئریکن درگیسینده آردیجیل شکیلده نشر ائتمیه باشلادی. بو آردیجیللیق پروسه سی ، 1918 اینجی ایلدن باشلایاراق، اثر حاققیندا اچیلان ایدیعالار اساسیندا 1920-اینجی ایلده آردیجیللیق پروسه اوزون آرایا کئچدی. جویسون اولیس اثری، کیتاب اولاراق ایلک دونه 1922 ایلینده، فیرانسانین پاریس شهرینده یایینلاندی. هؤمئر حیکایه‌لری سبکینده دوبلین ده کئچن 16ساعاتین اولایلارین آنلاتماغا چالیشان بو اثر، یئنی تکنیک لر قوللادیغینا گؤره یاییملاندیغی سوره‌ده بویوک یانقی اویاتمیشدیر.

جویس عائیله‌سی ایکی دونیالیق ساواش آراسیندا پاریس‌ده قالیب بو دؤنم‌ده سون رومانی اولان " فینقان وئیک " اوزرینده چالیشدی. 1939-اینجی ایلده، بو اثری باشلایان جیمز جویس، 1941 اینجی ایلین ژانویه سینین 13-جو گونونده دونیاسینی دییشدی. پرتره‌نین ایلک لایحه سینی ائستیفن هئرو، یازارین اؤلوموندن سونرا یعنی 1944 ایلینده یاییملاندی. ایلک یاییم دا بیر چوخ یانلیشی ایچه‌رن "اولیس" ین اصلینه اویغون حالدا یاییمی 1984 اونجو ایلینده گرچک‌لشدی. اولیسین تورکجه چئویریسینی " نئوزات ارکمن " طرفیندن گرچکلشیب 1996 اینجی ایلده یاییملاندی. جیمز جویسون اثری اولان اولیسین سون زامانلاردا آزربایجان تورکجه سینه چئویریمی باشلانیلمیشدیر.

 1912-اینجی ایلده،ایرلندی عومورلوک ترک ائدن جیمز جویسون جویس، یاشامینین بویوک بیر قیسمینی دوبلین دیشیندا کئچیردیینه باخمایاراق، دونیا گوروشو دوبلین دن ایرلی گئتمییب ائله‌جه یارادیجیلیق دونیاسیندا ایرلندن باشقا بیر عونصوره یازماییب. عائله سی، آرخاداشلاری هابئله دوشمانلیق حیسسی دویان شخص لراونون یارادیجیلیق آثاریندا اساس کاراکتری تشکیل ائدنلر اولوبلار. آیریجا آناسینین کاتولیک اینانجلاری ایله آتاسینین میللی دویغولاری، جویسون دونیا گوروشونون تشکیلینده، اساس رول اوینایان عونصورلردن ساییلیر.جویس-ون یارادیجیلیق گلیشیمی آدلیم ادبی بیلگینلر طرفین‌دن،  20اینجی یوز ایلین تحکیه ادبیاتی نین دیاگرامی مقامدا حئسابا گلیر.

یازی‌نین آردی:
http://www.viqar.blogfa.com/post/18

آ-ی: بوگون یانوارین ۱۳-و جیمز جویس-ون اؤلوم گونودور


@Atilla_hajizade
@Atilla_hajizade

آتیلا حاجی زاده

07 Jan 2019 19:41

یئنی قاپی سیته‌سینده‌ده اوخویا بیلرسیز:

YeniQapi.com/?p=4385

جنون‌لو بیر دلی‌یم، یوللاری سایاقلاییرام
و اورمو سئوگیلیمین ایزلرین سوراقلاییرام

دوداق-دوداق اؤپوشورلر رویالی سئوگیلی‌لر
منی‌ایسه سئوگیلیمین کؤکسونو آیاقلاییرام

و خیامین او آدامسیز دایانماغین گؤره‌رک
هر آخشام اوستو اونو بیر چایا قوناقلاییرام

یازیب‌دی دؤنگه‌لره عمرونون شیرین-آجی‌سین
کوچه‌-کوچه شهرین دفترین واراقلاییرام

گزنده تاریخیمین قان دولو دلیک-دئشی‌یین
بو شهره خور باخانین گؤزلرین پیچاقلاییرام

میناره مسجیدی‌نین یاندیریب گونش چیراغین
قارانلیغین کؤکونو اورمودان اوراقلاییرام

سحرلری چیخیرام قار بزکلی سیر داغینی
یاماجلاریندا گونون ساچلارین داراقلاییرام

دومانلی شیخ تپه‌سینده دایاندیریب شهری
قارانقولوق‌دا قالان ائولری چیراقلاییرام

محرم آیلاری ائحسان وئریب دخیل دوشورم
گلن قضا-قدری اورمودان اوزاقلاییرام

سونوندا ساغلاییرام کؤهنه‌لن درین یاراسین
آیاقلارین‌دان اؤپوب بوینونو قوجاقلاییرام

چیچک‌لی باغلارینی یوخلاییب باهار فصلی
بو آغ کفنلی دنیز چون بولودتک آغلاییرام


#آتیلا_حاجیزاده
#آغ_کفنلی_دنیز
#یئنی_غزل
#اورمو


@Atilla_Hajizade
@Atilla_Hajizade

آتیلا حاجی زاده

24 Dec 2018 19:53

بو قارانلیق گئجه‌لرده ییخیلان هر شاعیر
ال آتارسا قلمه بیر نئچه خط سانجی دوغار

شهرین دال-بوجاغیندا دیل آچان شاعیر اوچون
آچیلیب‌دیر یئنه دوستاق، قورولوب‌دور یئنه‌ "دار"

#آتیلا_حاجیزاده
#بیر_غزل_دن

#محمد_سوداگر
#سؤزباز_نیوز
#بهرام_جوادی
#یول‌پرس
#شلاق
#شاعر_خبرنگار
#خوی
#آزادی_بیان
#آزادی_بعد_از_بیان
#دموکراسی_اصلاحات
#استاندار_آذربایجان_غربی
#رئیس_شورای_شهر_خوی
#بشکنید_قلم_هارا

@Atilla_hajizade

آتیلا حاجی زاده

15 Dec 2018 22:35

بیلمه‌ییرسن سسیمیز حنجره‌لرده بوغولوب
خیاوانلاردا یئنه قورخولو دئولر دوغولوب

#آتیلا_حاجیزاده
#غزل_مثنوی

@Atilla_hajizade

آتیلا حاجی زاده

12 Dec 2018 22:05

.
غریبه گئجه‌دیر...

"اورمودا یئل اسیر...
اوردا نه خبر؟"

ایندی‌لیک "۲۱آذرین" سونونجو چاغلاری‌دی سئوگیلیم، کیم بیلیر آددیم آتیب کئچدییم بو خیاوانلارین کؤکسونده نئچه اینسان قانا بویانیب، الله بیلیر بو کوچه‌لرین دیزینه نئچه اینسان باش قویوب اؤزگورلوک یاسینی سیزلاییب. نئجه کؤرپه آتاسیز، نئچه باجی قارداش‌سیز، نئچه آنا،بالاسیز قالدیغینی بیلیرسن‌می هئچ سئوگیلیم؟

بو خزل‌ قاتارلاری‌نین اوزینده نئچه اینسانین املیک قوزو کیمی باشی کسیلیب بیلیرسن‌می هئچ؟ نئچه قیز سئوگیلی‌سی‌نین یاسیندا سسی‌نی یئل‌لری‌نین هارایینا قوشوب یا پاییز بولودلارینی اغلاماق یاساقلیغینا اؤرپک ائدیب؟

غریبه گئجه‌دیر سئوگیلیم، ائله بیر گئجه‌کی شاعیر اولدوغونا کوفورلر ائده بیلرسن، داها شاعیر اولمایاجاغینا اولومونه قدر تانری‌یا یالوارا بیلرسن، ائله گئجه‌کی داها پاییزین گلمه‌مه‌سینی آرزی ائده بیلرسن یا یاتیب سحره چیخمایاجاغینی...

غریبه گئجه‌دیر مله‌ییم، ایندی سنه یازدیغیم بو اورمودا هله‌ده گلن-گئدن سسی‌ وار، سونراسی آتش، آردیجا ایندی‌ده خزل‌لرین اوستونه قان جالانیر. بو کابوسون آردی یوخ دئیه ایناندیرارسان‌می منی سئوگیلیم؟

غریبه گئجه‌دیر ارک‌سیز، گولوستان باغی‌سیز اورمو دا قاداسی، "آزاد وطن"-ی آسیلان اورمو، یوسیف صابونچی‌سی گولله‌لنن اورمو، تاریخ بویو سس-سیز سمیر سیز تالانیب، قانین‌دا اوزن اورمو قاداسی...

آه...
داها نه دئیه‌جه‌ییمی خاطیرلامیرام،
اورمو دا یئل اسیر،
اوردا نه خبر؟

#آتیلا_حاجیزاده

#غریبه_گئجه_دیر
#اورمودا_یئل_اسیر
#خزل
#ییرمی_بیر_آذر
#اورمو
#ارک_سیز
#گولوستان_باغی_سیز
#اوتمایاجاغام


@Atilla_hajizade

آتیلا حاجی زاده

03 Nov 2020 20:03

گئجه‌نین نم‌نواختی‌دیر قاداسی
کوچه‌ده یئل اسیر، قارانلیق اسیر
و قارانقوش‌لارین داریخماسینی
شهره یایماغا یامان تله‌سیر

گئجه‌نین نم نواختی‌دیر قاداسی
جاناوارلار هورور، دوغوز اوخویور
بیلمیرم هاردا دورموشوق، آنجاق
شهرین کؤینه‌یی پاییز قوخویور

آددیم-آددیم واراقلانیر خیابان
آددیم-آددیم یولا خزل تؤکولور
گئجه‌لر بیتمه‌ییر آی اوزلوم آما
شهرین گؤزلرینده دان سؤکولور

پاییزین کؤینه‌یی دوشوب شهره
شهرین کؤینه‌یی پاییز قوخویور
قوجا بایقوش اوولداییر هردن
توراتانلار بیزه اؤلوم توخویور

دیل آچیردیم داریخمامی باغیرام
بیری‌سی سسله‌دی؛ دا بسدیر سوس
منی‌ده قورخویا سالیر هردن
شهرین گؤزلرینده‌کی کابوس

شهرین گؤزلرینده‌کی کابوس
گئت-گئده گرچه‌یه دؤنور دئیه‌سن
گؤزلریم قارشی‌سیندا اؤلدوزلار
بیرآن ایچره، اؤلور...
سؤنور دئیه‌سن

بوز ایشیقلار قاماشدیریر گؤزومو
گئت-گئده هریانی دومان گؤتورور
بیر قوجا گؤی اوزونده دوستاق‌دیر
اوسکورور، اوسکورور سورا توپورور

گل گئدک سئوملی قارانقولوغوم
هرکوچه، هرباجا اؤلوم قوخویور
بیر قولاق وئر بو سس‌لره،
باخ بیر؛
جاناوارلار هؤرور، دوغوز اوخویور

کیریخیب آتمیشام زیبیل قابینا
توالت‌لرده قوسموشام شهری
اوزریم‌دن سویونموشام اؤزومو
اوز-اوزوم‌له کیریخمیشام شهری

و قارانقوش‌لارین داریخماسینی
دون گئجه قویلادیم قولاقلاریما
شهره دون گئجه جسد یاغدی
گئجه‌لر لئش دوشور یاناقلاریما

جاناوارلار هورور، دوغوز اوخویور
کوچه‌ده قورخو، قان یئرین‌ده آخیر
گل اؤلک سئوملی قارانقولوغوم
لئش یئه‌ن‌لر بیزه تامارزی باخیر

آددیم-آددیم واراقلانیر خیاوان
آددیم-آددیم یولا جسد تؤکولور
جاناوارلار بؤلوشدورور شهری
پاییزین کؤکسو ییرتیلیر، سوکولور

گؤزلریم هوردو، گؤزلریم هوردو
اؤزومو داشلادیم، اؤزوم هوردو
پاییزین کؤینه‌یی الیمده قالیب
هامی گؤردو منی، هامی گؤردو

شهرین اورتاسیندا اوزلشدیک
بوغازین چئینه‌دیم دیدیشدیردیم
قانین ایچیدیم جانین چکیب سونرا
جسدین چارمیخا ایلیشدیردیم

اؤزومو آتمیشام زیبیل قابینا
لوت قالیب اه‌ینیمه دوغوز گئیدیم
ال آتیب تانرینی یئره سالدیم
اؤزوم ایله اونو ده‌ییشدیردیم

ایچیمی سپمیشم دونن شهره
اؤلو یاغدیرمیشام یاغیش یئرینه
تانرینی دوستاغا سالیب، سونرا
۱۰-گئجه ۱۰-گونوز قان ایشدیردیم

جاناواردا منم، دوغوزدا منم
گؤیه من سرمیشم قارانقولوغو
بیلمه‌دن اولدو بیلمه‌دن اولدو
پاییزی چارمیخا ایلیشدیردیم

بیلمه‌دن اولدو بیلمه‌دن اولدو
من اه‌یر قوشلاری دئییندیردیم
پاییز اؤلموشدو آمما کؤینه‌یینی
شهرین اه‌ینینه گئییندیردیم

#آتیلا_حاجیزاده
#عروض_چارپارا
__________________________________
@Atilla_hajizade
@Atilla_hajizade

آتیلا حاجی زاده

14 Jun 2020 22:33

بیردلی شاختا دونداریر جانیمی
دامیر آسفالتا کوکسوموزدن قان
اللریم، جئب‌لریمده دوستاق‌دیر
آرخادان گؤز تیکیب منه خییاوان

هده‌دی؟ قورخودو؟ سؤیوش‌دو؟ ندی؟
بئینیمی دولدوران غریب سسلر
بو قارانلیق سیغیشماییر ایچیمه
سانکی یوزمین ساعات دوروبدو زامان

کارا گلمزلره دولوب بئینیم
داماریم‌دا قارا بولود دولانیر
باخیرام؛
آمما گؤز-گؤزو گؤرمور
باخیرام؛
هئی دومان، دومان و دومان

و سکوت ایچره سیچرایان فرکانس
دولمایان بوشلوغا دامیر سانکی
بیر پری سسله‌ییر منی دئیه‌سن
ساچلاریندا گئجه، گؤزونده دان

کوچه‌ده ایت بوغوشدورور بیری‌سی
گؤرورم...
ایتله‌نیر یئنه روحوم
یئنه‌ده جینلریم چیخیر باشیما
قولاغیمدا پیچیلداییر شیطان

کوچه‌ده ایلدیریم چاخیر هردن
منده‌کی قورخو قاپساییب کوچه‌نی
بیر دلی بیر دووار دالیندا دئییر...
تانری یوخکن کیمین الینده آمان؟

تانری سانکی محبتین ایتمیش
تانری نیفرت سپیر یاغیش یئرینه
تانری باخما منه چئویر اوزونو
باخیشین‌ یاغدیریر زهرلی تیکان

منی دیندیرمه‌یین بیرآزجا نولور
کیمی گؤرجک دیدیشدیریم دئییرم
جاناوارلیق یؤنوم چیخیب‌دی اوزه
جاناوار اوزلویم اه‌یر باخسان

اینتیحار فیکری، اینقیلاب فیکری
ایکی‌یه بؤلدولر منی آخشام
گزیرم یوللاری نه کؤک‌ده آما...
بیر الیمده کوفور، بیرینده قوران

اینقیلاب فیکری، اینتیحار فیکری
بئینیمی ساغ-سولا چکیر یئنه‌ده
منده بیر پارتلاییش یاشانماق‌دا
دالی چک آی جانین سئوه‌ن اینسان

.

اینقیلاب، اینتیحار گؤروندو بیزه
اینتحار، اینقیلاب اولار ساندیق
دون گئجه پنجره‌مدن آتلاندیم
پارتلایارکن نه‌ ائیله‌مز اینسان...

#آتیلا_حاجیزاده
#غزل_چاراپارا

________________________________
@Atilla_hajizade
@Atilla_hajizade

آتیلا حاجی زاده

13 Mar 2020 18:59

علیرضا نابدل (اوختای)ین قیزیل رویالارینا سونولور:

ال-اله دویمه‌لری قیر دوداغین‌دان آرزو
باخ یاخین دیر سحره، باخ...
آچیلیر دان آرزو

سنی تاپشیردی گؤیون باغرینا سس‌سیز-گیزلین
دان چیخاندا آسیلارکن نئچه اینسان آرزو

ال-اله سسلدی بیر گون گئدیریک آرزو گیله
گولله‌لر ییخدی اونو، تاپمادی ایمکان آرزو

ال-اله بو شهرین دوشلرینه گول اکدیک
جان آتیر سولدورا آه... گوللری زیندان آرزو

کور ائله شیرلری ائوده، بیر ایچیم ایچمه داها
قاتیلیب بیر نئچه واقت دیر سولارا قان آرزو

سن کی قورخمازلارا قورآن سایاغی ازبرسن
سن ندن هر گئجه‌دن قورخولانیرسان آرزو

قویما 20اینجی لرین دهشتی قالسین دیلده
ال-اله دویمه لری قیر دوداغین دان آرزو

#آتیلا_حاجیزاده

پ.ن: ۲۲اسفند علیرضا نابدل-ین اعدام گونو.

__________________________________

@Atilla_hajizade
@Atilla_hajizade

آتیلا حاجی زاده

14 Jun 2019 19:48

کور اولموشام دئیه‌سن کؤلگه‌می زوران گؤرورم
نقدری گؤز تیکیرم چئوره‌ده دومان گؤرورم

یئنیلمیشیک گئجه‌نین قاپ-قارا قارانلیغینا
بو ظولمتین سحره وارماغین گومان گؤرورم

دئشیک-دئشیک دئشیلیب‌دیر الیم، قولوم، آیاغیم
یولون قاریش-قاریشین‌‌دا سیریق تیکان گؤرورم

بو یئرده تاپماییرام سیز دئیه‌ن ملک‌لردن
بیاض گئییم‌لر ایچینده اورانقوتان گؤرورم

دئدیز وطن گتیریب‌سیز بو دوستاق ایچره آما،
اؤنومده آچدیغینیز توربادا سیچان گؤرورم

دئدیز سحر، دئدینیز گون، باغیردیز آزادلیق
سیزین آزادلیغیزی بیر تزه پالان گؤرورم

آیا؟ گونه؟ سحره؟ آخ... کیمه گوونملی‌یم
باخینجا دسته‌ییم ایچره قارا ایلان گؤرورم

ائهی کوچه، خیاواندا آزادلیغین باغیران
دوورلارین سینه‌سینده ندن‌‌دی قان گؤرورم؟

گئری دونوب دئیه‌سن تاریخین واراق‌ واراغی
باخینجا نیزه باشین‌دا یئنه قوران گؤرورم

قیفیل‌لادیز بیزی آلچاق دوشونجه‌لر کولونا
بوتون کیتابلاریزین ساغ-سولون یالان گورورم

بیراز کناردا گزین هر زامان‌ گؤرنده سیزی
اؤنومده شاعیر یوخ بیر دابان سوران گؤرورم

بیراز کناردا گزین آلچاق اوغلو آلچاق‌لار
آغیز دولو قوسورام سیزلری هرآن گؤرورم

بیراز کناردا گزین آخ... بیر ایش چیخارداجاغام
یاواش-یاواش قیلیغیزی اویان-بویان گؤرورم

◼

چوخ ایچمیشم دئیه سن کئفلی‌یم باغیشلایاسیز
اؤنومده‌کی کاغاذین خط‌لرین زوران گؤرورم

#آتیلا_حاجیزاده
#یئنی_غزل
#اعتراض
#دیوانگی

@Atilla_hajizade

آتیلا حاجی زاده

14 May 2019 23:11

گلن-گئدن
تارا-تاق-تاق
اولوم سسی دویولور...

یاخین صاباح‌دا سوسار قانلی گولله‌لر گؤره‌سن؟


#آتیلا_حاجیزاده
#یئنی_غزل

@Atilla_hajizade

آتیلا حاجی زاده

07 Apr 2019 21:23

نه اولارقورخونوگؤزدن سالاسان قارچیچه‌یی
بوقاراچارشابی گؤی‌دن آلاسان قارچیچه‌یی

نه اولارگئتمیه‌سن چکمیه‌سن ال بورادان
بواوجاقسیز ائویمیزده قالاسان قارچیچه‌یی

نه اولارچیخما اوتاق‌دان دولا ال نرده‌لره
چوخلو گؤزلر تیکیلیب‌دیر سولاسان قارچیچه‌یی

سن گرک سولمایاسان قیش چاغی‌نین پرده‌سینه
کاسالان گؤزگولره داش چالاسان قارچیچه‌یی

شهرین باغرینا خنجرسوخولوب،قان جالانیب
وقارانلیق قوجاغیندا ساری گوللرتالانیب

بیلمه‌ییرسن ایشیغی دال کوچه‌ده گیرله‌دیلر؟
بیلمه‌ییرسن گونشی دان چاغی زنجیرله‌دیلر

بیلمه‌ییرسن سسیمیزحنجره‌لرده بوغولوب
خیاوانلاردایئنه قورخولودئولر دوغولوب

 هله‌لیک پنجره‌میز یاز چاغین ارکنله‌مه‌ییب
گونشین دیمدی‌یی ظلمت زمی‌سین دنله‌مه‌ییب

نه اولار بوزساری‌یان پیلله‌لری چیخمایاسان
قیرمیزی سئودامیزاجان اولاسان قارچیچه‌یی

هؤرولوساچلارانین جیلوه‌سینه آلدانما
ال اوزالت بلکه ساچین دان یولاسان قارچیچه‌یی

اللرین باغلی،هوروکلر دولانیب بوینونا آه
سسله‌یرکن سئویرم من سنی
تاق-تاق
تاراتاق

یئریدی چارپایا بیرآن آیاغین آلتین دان
ایندی تکجه گرک ال-قول چالاسان قارچیچه‌‌یی

شعر:#آتیلا_حاجیزاده
سس:#ویدا_حشمتی
@Atilla_hajizade

آتیلا حاجی زاده

23 Feb 2019 22:30

گاه اؤپور،گاه‌دؤشه‌ییربئینیمه‌داش‌یومروغونو
اوتاغیمدا اوتوران بوز کیراواتلی جاناوار

#آتیلا_حاجیزاده
#غزل_سورئال

@Atilla_hajizade

آتیلا حاجی زاده

20 Feb 2019 19:11

او زامان‌دان‌کی آزادلیق پاشا آلداتدی بیزی
قارا ال‌لر بو سویوق داخمایا باغلاتدی بیزی

#آتیلا_حاجیزاده
#یئنی_غزل_مثنوی

شکیل‌ده‌کی یازی‌نین آنلامی:
"آزادلیق، گونده‌لیک بیر مشق‌دیر."

معنی دیوار نوشت عکس:
"آزادی یک تمرین روزمره است"

@Atilla_hajizade

آتیلا حاجی زاده

02 Feb 2019 21:25

.
دعوتید به #خیابان_بیست_و_هشتم

با اجـرای : #آتیلا_حاجی‌زاده

کارشناس:
#حمید_واحدی


یکشنبه ۱۴ بهمن ۹۷
ساعت ۱۶-۱۹
#نشست_مستقل_ادبی_خیابان

@Neshaste_Adabi_Khiaban

آتیلا حاجی زاده

13 Jan 2019 19:28

سن گئدیرسن و منیم گؤزلریمه قان چیله‌نیر
آددیمین هر یئره ده‌یکدیک‌جه شهر سیلکه‌له‌نیر

#آتیلا_حاجیزاده
#غزل

@Atilla_hajizade

آتیلا حاجی زاده

08 Jan 2019 18:54

چرا ادبیات مدرن؟

الف- "ادبیات منهای اندیشه دور تسلسلی بیش نیست" و این نه حکمی قطعی بلکه سیری برای از میان برداشتن مطلقیت‌ها است که ذهن دگم را انعطاف بخشیده و با سیالیت راندن این برکه زیبا به انتشار آن بپردازد. اینچنین است که جریان حبس شده در سکون بسترهایی نوینی را ایجاد خواهد نمود.

ب- "ادبیات محصول اندیشیدن است" و همین گزاره‌ای لاجرم برای تثبیت گزاره اول است که گونه مدرن آن را با اعتراض درمی‌آمیزد تا بابرچیدن قراردادهایی با نمای مطلق، عصیان علیه دگماتیسم سپس عصیان علیه عصیان را چون تنها قرارداد منطقی، در بطن سیال خود نهادینه سازد.

ج- چرایی اعتراض در ادبیاتی که خود را مدرن معرفی می‌کند بدیهیتی را آرم سینه خود کرده است که شهودی آشکار مبنی بر «تولد هنر از غریو های بلعیده شده» را اعلام می‌نماید.

د- هنر ادبیات در جلوه مدرن خود آمده تا بواسطه اندیشه قراردادهای پیش فرض را حذف نماید و همین صدا، اعتراضی بسی بلند است که هم دنیای دیگری را در متن تصویر نماید و هم با به رسمیت شناختن "لزوم اندیشیدن" قلب مطلقیت‌هارا هدف قرار دهد.

پ.ن: کوتاه‌نوشتی از یک ذهن مشوش

#آتیلا_حاجیزاده

@Atilla_Hajizade

آتیلا حاجی زاده

29 Dec 2018 21:08

یوخودا گؤرموشم بیری‌سی گلیر
قیرمیز بیر اولدوزون یوخوسونو گؤرموشم
ائلجه سول گوزومون چالینیر کیرپیکی‌لری هئی
جوتله‌نیر باشماقلاریم
و کور اولوم یالان دئیه‌رسم اه‌یر
من
یاتمادیغیم‌ زامان‌دا گؤرموشم
قیرمیزی اولدوزون یوخوسونو
بیری‌سی گلیر
باشقا بیری‌‌سی
یاخشی بیری‌‌سی
کیمسه‌‌ کیمین اولمویان بیری‌‌سی
اتا کیمین اولمایان
انسی کیمین اولمایان
یحیی کیمین اولمایان
آنا کیمین اولمایان
و اولماسی گره‌کن بیری کیمین دیر
بویو معمارین ائوی‌نین آغاجلارین‌دان اوجا،
اوزو ایمام زمانین اوزون‌دن ایشیقلی
سید جاوادین پاسبان پالتاری گئیه‌ن قارداشین‌دان قورخمایان
بیزیم ائوین اتاق‌لاری‌نین بوتونونه صاحاب اولان
سید جاواد دان دا بئله
و آنامین نامازین سونون‌دا چاغیردیغی کیمین
یا قاضی القضات
یا قاضی‌الحاجات
دیر آدی

شعر: #فروغ_فرخزاد
چئویرمه: #آتیلا_حاجیزاده


آ.ی : «کسی می‌آید شعرین‌دن بیر پارچا»
آ.ی : هشتم دی، زادروز فروغ فرخزاد

@Atilla_hajizade

آتیلا حاجی زاده

17 Dec 2018 16:55

.
۷۰-ایل کئچسه‌ده او قانلی گون‌دن
جانلانیر شکیل‌لر گؤزونده‌ سنین
دومانلیق بورویور "زنجیر مئیدانین"
ایسلانیر گؤزلری "آزاد وطن"ین

#آتیلا_حاجیزاده


شهرلرده کیتابلاردان اوجا تانقال قورولدوق‌دا
دیلیم‌له بیرگه بیر اود دا یانان عیصیان‌لاری گوردوم

#آتیلا_حاجیزاده


میلیون‌لار فارنهایت، ایستی بیر گئجه
مینلرجه دوشونجه اودلانیر یانیر
هر ایل «آذر آی»ین ۲۶سی
کیبریت‌لر کاغاذا باخیر اوتانیر

#ائلچین_حسن_زاده


#ییرمی_آلتی_آذر
#کیتاب
#آنا_دیلی
#تورکجه
#آذربایجان
#محمد_امین_آزاد_وطن
#اورمو
#تبریز
#زنجیر_مئیدانی

@Atilla_hajizade

آتیلا حاجی زاده

15 Dec 2018 22:33

.
دعوتید به #خیابان_بیست_و_دوم

🔸 با اجـرای : آتیلا حاجی‌زاده

🔸کارشناسان:
استاد حمید واحدی
ارشد محمدی

▪️▪️▪️ ـــــــــــــــ

یکشنبه ۲۵ آذر ۹۷
#نشست_مستقل_ادبی_خیابان

@Neshaste_Adabi_Khiaban

آتیلا حاجی زاده

11 Dec 2018 19:24

@Atilla_hajizade
@Atilla_hajizade

‌۲۱آذر:

✅ اندیشه‌ها و زمینه‌های تشکیل فرقه دموکرات آذربایجان

👤 آتیلا حاجیزاده

🔹 «فرقه دموکرات آذربایجان» یک حزب نبود بلکه نهضتی مؤتلف از اندیشه‌ها و جریان‌های آزادیخواه و طالب دموکراسی در خط آذربایجان بود که حول شخصیت «سید جعفر پیشه‌وری» در تاریخ «۱۲ شهریور ۱۳۲۴» تشکیل گشت.

◀️ متن کامل خبر را در وب‌سایت یول‌پرس بخوانید. (کلیک کنید)
http://yolpress.ir/?p=70910


@Atilla_hajizade
@Atilla_hajizade