24
القناة لنشر صوتيات أحد خدام الامام الحسين ع ..🌸 تأسست سنة 2020/10/10
لروح المرحوم معد خليل وعلي وخليل ..
وإلى أمواتنا وأموات القارئين والشهداء اجمعين وإلى من لم يزره زائر ويذكره ذاكر الفاتحة مع الصلوات على محمد وال محمد ...
يالوعتي ياحسرتي اني مفارقه مُحسني
ــــــــــــــــــــــــــــــــــــ
يالوعتي قمرٌ ساقطٌ دامي ٌ في عِتبتي
ياحسرتي تبكي الصخورُ وتجهشُ لحسرتي
يا حلم راح وجفاني بلحظه وحده تبده عمره
يا شريچ انفاسي باسمك جنت اناغي اليل اسهره
لحظه فوك الحظه أجَمع ليله تگضي وجنت انطره
يا زغير وعمره اوصفه هيج بسمار وحرك
بعده مو وكته ولفاني بيك صار اول طبك
أمن امك الزهره يمحسن بيا ذنب من تفترك
ــــــــــــــــــــــــــــــــــــ
يادُنيتي مالي أرى لا تنصفين َ البِضعتي
يادمعتي لاتسقُطي ماءً دماً يادَمعتي
كل مره أتاني تعبهه يصير ابنهه تالي عازه
منفطم عن دنية الله بأول اصياره جنازه
كلهه متلهفه تشوفه حتى بسماري توازه
باجر البسمار يبني خايفه يخضر سهم
وباب داري البيه اطفي تعيد تاريخه الخيم
بدمك الگاع استعزت مارضت يصعد الدم
ــــــــــــــــــــــــــــــــــــ
ياوجنتي زرقاء ُ صارت حين جاءتْ صَفعَتي
يامُقلتي حمراءُ صارت كالدماء ِ مقلتي
عگبك انته حضني عاجر ماحضه بشيل اليوده
وشيلم عمرك يمايي وانضر گبالي تبده
واليرد شمس الله چفه وينه چفه خل يرده
چم شهر عشنه سويه شصار يبني وشحصل
تگاسمينه الآخ والهم يمه بعدك مااضل
مجانك الحيدر يعوضه الله ينطي ابو الفضل
ــــــــــــــــــــــــــــــــــــ
ياكسرتي كُسرت أضلاعُ أُمكَ يامُحسني
بنت النبي لا لم يراعوني أنا بنتُ النبي
بزري ما لحگت اشوفه وتنرسمله بعيني ذكره
سطره مو ذكره البقتلي منهه عيني تجري حمره
ذبلت الزهره اعله ابنهه منحله وما جنهه زهره
يبني انه بت نبيهم لمو الداري حطب
وأنه جبريل اعله بابي ينتضر رخصه يطب
شلون تسلم يبني محسن مااضن يمه صعب
ــــــــــــــــــــــــــــــــــــ
يامِحنَتِي أحمي جنيني أو أُحامي اضلُعي
ياحيرتي كيف أُنادي ياعلي ياحَيّرتي
تطلع الكلمه واردها ياعلي واحبس ونيني
ما گلتله ضلوعي كسرو بس گلتله الحك جنيني
حتى نفسي من أجره فضه يلچمني اسنديني
وانحب وابچي اعله محسن وبونيني الچم
اخ ياچلمه اليمه أمن المناغه المنحرم
عود لحسين انه اكبرك من تحل شحة زلم
خويه وينك ، ، خويه وينك ، ،
- - خل اسولفلك بعد - -
_____________
خل ترد عينـك حنينه وسالمـــــه
بالي يمــك مـــن امس ما نايمـــه
مو على الماي اعله طولك صايمه
امدوهنـه ويا گاعــده ويا گايمــه
-ورگبتك بيضه وتغير لونهــــه
- بالرمح يا وسفه ويخربونهـــه
-- ماكله ارسومه الشمس وجه الگمر
-- من الصبح لليل نايــم ع النهـــــر
خويه وينك ، ، خويه وينك ، ،
- - خل اسولفلك بعد - -
___________
واگفه بــصـف اليتامـــه الخايفــه
الـرمـح شابـگ راسـك وما عايفـه
بشيلتي امسح على زنودك نازفه
كلهه هينه وسـهـم عينــك سالفـه
- خدودك اشچم شامه چانت بيهه
- هسه دم وتـراب غطـه اعليهـــه
-- الشمر يركض شبخ جسمك من عبر
-- راح للخيمـه ، وجــرح فگــدك كــبر
خويه وينك ، ، خويه وينك ، ،
- - خل اسولفلك بعد - -
___________
خــل اسولــفــلك شصــاير بينــه
الگـاع تچوي وفرهــدت رجلينــه
چــفــك البـي مـحبسك چـا وينه
الچان يمسح فوگ راس سكينــه
- بنيتــك شــمـا تلـبد يلحگـونهــه
- تلتـفت چــي خايفــه يطگونهـه
-- فوگ صـدرك سيفه سولف بالنحــر
-- ومن گلب جسمك جرح صدرك كبر
خويه وينك ، ، خويه وينك ، ،
- - خل اسولفلك بعد - -
__________
الچانت تنام اعله صدرك دافيــه
خويه عگبـك ركضــوها وحافيه
والعبـــايـه ام الستـر ما طافـيـه
الضيم ماخذ چم گمر چم عافيه
- والعليل الحيله يم عوچيتــه
- فوگ متنه سياط مو خاچيته
-- منين ما مــال الرمح نركـض سوه
-- وشـيبـك المهيـوب يلعـب بالهــوه
خويه وينك ، ، خويه وينك ، ،
- - خل اسولفلك بعد - -
_____________
تدوهنـت لـمن لـگيـت امتونــي
هدلت ، ولون العـبـايه بلــونــي
وفـوگ راسـك والرمـح طگوني
اصفن وبالسـوط ويندهـونــي
- شگد سوالف كون ما نحچيهـه
- راح اسولفهــه بدمع وابچيهــه
-- والمصايب ترســن عيـون السمــه
-- دوست ضلوع وحرگ خيمه ودمه
خويه وينك ، ، خويه وينك ، ،
- - خل اسولفلك بعد - -
- علي مهدي المالكي ،
رجوع السبايا
خلصت يابو فاضل رحلــة الشام
رديت وبعـــــــدهه ابالي الخيام
اصعب روحه….. محد منكم ماشـــــــاني
اصعب روحه…..رحت وماتدري اخواني
اجيتك والتعب ينشــــــــــاف بعيوني
انه الماطالعه وبالشـــــــــــــام فروني
شكثر عالهزله اباوع وانتــــــضر جيه
وصلت الشام وانتــــــــم مالحگتوني
مثل الضايع…. امشي واتلـــــفت بعدك
مثل الضايع….ضاعت زينب من عندك
خلصت يابو فاضل
===================
گضيت الشام مدري شـــــلون ماميته
وانه الماسامعه وكل الحچـي اسمعته
اخيتك وينهه ويـــــــــن القصر خويه
تدري اتشاهــــــــــــدت يلا انه طبيته
شاغت روحي….. تاخذ من حيلي النضره
شاغت روحي...... كلما شتـــــــمو بالزهره
خلصت يابو فاضل
===================
ترا اليحترگ بيته اخـــــــوانه تفزعله
تشيل الناس حمله الماتشـــــيله اهله
وانه المحترگه محد گــــــــام طفاني
ولا شفتو عبايه صعــــــــــــدت التله
ضهر العاشر….. اول مـــــــــره ايحاچوني
ضهر العاشر….. زينب طلعـــــي اينادوني
خلصت يابو فاضل
====================
وحگ من خله زينب تمشي من دونك
بعيون الكون مابـــــــــــدلهن اعيونك
نوّمت الخرابه ومــــــــــا غفت عيني
الف حارس ابضعـــــني مايعوضونك
يابو الغيره….. من هديــــــــت ايدك مني
يابو الغيره….. ماضل ســــــوط ايعاتبني
خلصت يابو فاضل
====================
رجعنه والسمار امبـــــــــــين اعلينه
خواتك بالضـــــــــــعن لاتشتبه بينه
شعجب گواچـــــــن الله ماسمعناها
يعباس اعله گبرك وگــــفت اسكينه
چنك ناسي….. تذكر بالصـــــــــار اهنانه
چنك ناسي….. هاي الضـــــلت عطشانه
خلصت يابو فاضل
خادم الحسين والشاعر :
شاكر الصيمري
قال الإمام الصادق عليه السلام
مَن دعا لعشر من إخوانه الموتى في ليلة الجمعة، أوجب الله له الجنة 🌱
📖 جواهر البحار
#باسم_الكربلائي_Bk
📜القصيدة: احزاني بيني وبينك
✒الشاعر: ميرزا عادل اشكناني
🔖المناسبة: الليالي الفاطمية
أَحزاني بيني اْو بينك
يا حيدر والله ايْعينك
إنته اِمْسح دمعة عيني
و آنه امسح دمعة عينك
🔸🔸🔸🔸🔸
تشاركنه مِنَ أوَّل يوم
عله الحلوه اْو عله المرَّه
تقاسمتِ العُمُر ويَّاك
حصير اْو مَسْـنَـدِ اْو جَرَّه
نعيش ابيت چان اصغير
لچن بعيونه اشكبره
صبرنه اعْله الفقُر و الجوع
المهم خل تشبَع الفُقره
اثْـنين اِحنه اْو ربَّك شاهد
بس چان المصدر واحد
نورك شَعْ وسْط اِجبيني
اْو نوري شَعْ وسْط اِجبينك
🔸🔸🔸🔸🔸
يحيدر هاجَرِت ويَّاك
عفِت مكَّه اْو صِرت بمرك
گلتلي اِعْله البَله اتصبرين ؟
گلِت روح الهوَه ابظهرك
صرتلك بالشِداد اِحزام
أشِد من عزمك اْو صبرك
لچن هاليوم إعذرني
إذا گلت الذي ايْكسرك
يا حيدر گرَّب موتي
شيِّع بيدك تابوتي
خل سلمان اِعْله ايسارك
و المقداد اِعْله ايْمينك
🔸🔸🔸🔸🔸
مثل ما نِقْسِم الخُبزه
تعال انقسِّم الوَنَّه
يوِن كل واحد ابطوره
اْو يظل كل واحده اْو فَنَّه
إلك صفنه ابتوالي الليل
چي محَّد وگف صفنه
و أنه ابنوحي أيَـبْـس أغصان
شِجرة طـُوبى بالجنَّه
عاوِنّي ابِّيت أحزاني
واحد ينحَب عالثاني
من أجلك صار اْ
حسين بعـد اعيـــوني يلغالي
خويه مستحيه احچي البالي
محمل ابنيتك رجـــع خـــالي
خويه يحسين
ــــــــــــــــــــــــــــــــــــــــــــــ
رديت بس ابـــلا كمـــر وابـــلايه فيي الـــرايه
واصوابي مو بس كربله من الشام جبت اهوايه
ينكتل كل خطوه ابدرب اليمشي موش ابــرايه
والذابـــح اعـــزاز الگلـب يتمشه ظـــل وياييه
حسين ياخويه احترگ گلبي
چي مشه ذبـــاحـــك ابدربي
انه مـــن هـــذه الهظم تعبي
خويه يحسين
ــــــــــــــــــــــــــــــــــــــــــــــ
يحسين من بلد البلـــد مگيـــوده انه اوعلويه
وادريك تعرف بالجـــره ومجبوره احچي البيه
خجـــلانه خجلت كافلي من طـــاح مارد ليه
ومستحيه اجيتك چي الك ماجبت بيدي ارقيه
ايشمه مشتاگ اعرف اترابك
لچـــن ماتت هيه بخظـــابك
گلبي ذاب الشايل امصـــابك
خويه يحسين
ــــــــــــــــــــــــــــــــــــــــــــــ
اهــواي الســـوالف بالگلب من ابدي بيهن احتار
وامداور احـــزام اخوتي وما فكـــرت يوم احتار
ومن ذبحـــو دور الحـزم دارت عله اخيامي النار
والماجت اوياي انچوت وعالچويه اديتها ازغار
اگبـال عيني شفت چويتها
مـن بعـــيـــد وتنخه عمتها
النار هاي اجفوفي حركتها
خويه يحسين
ــــــــــــــــــــــــــــــــــــــــــــــ
ماكو وكـــت يكفي البچي وابعاشـــر ابچي عليك
جاي ابچي هسه ابلوعتي وتسمعني ياخوي ادريك
عباس كاســـرلك ظهـــر وظهري انكسر بالطف ليك
وأذتك ركظت زينبك وأذاني چـــم حــافــر بيك
زينب انه وبت علي صيتي
وين ابات ومحتـــرگ بيتي
ابلا مچـان ايصيـــر تاليتي
خويه يحسين
ــــــــــــــــــــــــــــــــــــــــــــــ
شرد احچي واهواي الجره وهاظمني موقف نسوان
العدهن عشيره اخذوهن وتنسبي الماعدها اخوان
ايگولون كلفه بالعرب نسوان تدخل ديوان
وطبينه واحنه اشرف ظعن والشافنه ياهو الچان
آه يحسين والـــف وسفه
انذال شافت مشيت العفه
جـــرح گلبي ما يكف نزفه
خويه يحسين
ــــــــــــــــــــــــــــــــــــــــــــــ
من اجروحي هذه اثگل جرح والحد الگبر مايلتام
من شفت وي طبت الظعن فرحــانه نسوان الشام
وهـــدوم عيـــد اطفالهــم لبست اگـــبـــال الايتام
والشامت ايگصر العمر ونظراته ع الحرمه اسهام
خويه گلبي تدري بجــروحه
من النظر كل حرمه مذبوحه
من تشوف اعيون مشبوحه
خويه يحسين
لخادم الحسين الشاعر :
علي الحميداوي الكربلائي ...