13612
Azərbaycan Hava Yollarının rəsmi Telegram kanalı. Bütün yeniliklərdən dərhal xəbərdar olun. Stikerlərimiz: https://t.me/addstickers/AzerbaijanAirlinesPlane
🇦🇿🇹🇷 Azərbaycan qardaş Türkiyənin köməyinə gəlir.
⠀
Bu gün Azərbaycanın Fövqəladə Hallar Nazirliyinin əməkdaşlarından ibarət briqadası "Azərbaycan Hava Yolları" aviaşirkətinin təyyarəsi ilə Dalaman şəhərinə göndərilib.
⠀
Bu briqada ölkənin bir çox bölgəsini bürümüş meşə yanğınlarının söndürülməsində Türkiyənin yanğınsöndürmə xidmətlərinə kömək edəcək.
⠀
Ümid edirik ki, qardaş ölkə tezliklə yaranmış fövqəladə vəziyyətin öhdəsindən gələcək.
Hörmətli sərnişinlər!
⠀
COVİD-19 pandemiyası dövründə sərnişinlərin sənədlərinin qeydiyyatı və yoxlanılması prosesi üçün əlavə vaxt tələb olunduğunu nəzərə alaraq, sərnişinlərə reysin uçuşuna ən azı üç saat qalmış hava limanına gəlmələri tövsiyə olunur.
ℹ️🎥 Hörmətli dostlar və səyahət hazırlaşan sərnişinlər!
⠀
Pandemiya dövründə səyahət qaydaları, eləcə də Azərbaycana giriş qaydalarına dair ən aktual məlumatları bir daha sizə çatdırmaq istəyirik. Nərmin Xəlilova ən vacib dəyişikliklər barədə qısaca danışacaq.
👇
https://youtu.be/DofaDeNcRbA
❓ TEZ-TEZ VERİLƏN SUAL: Azərbaycan vətəndaşları ölkəyə daxil olarkən COVID-pasportu təqdim etməlidirmi?
⠀
❗️ CAVAB: Mövcud qaydalara əsasən, Azərbaycan vətəndaşları, onların birbaşa qohumları (həyat yoldaşı, valideynlər, qardaş, bacı və ya övladlar), habelə Azərbaycanda işləmək və yaşamaq hüququ olan şəxslər uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən sənədi təqdim etməklə hava nəqliyyatı ilə ölkəyə daxil ola bilərlər. Bu kateqoriya daxil olan sərnişinlərdən COVID-pasport tələb olunmur.
⚠️🇦🇪 "Azərbaycan Hava Yolları" ilə Dubaya yola düşən sərnişinlərin nəzərinə.
⠀
28 iyun 2021-ci il tarixindən etibarən aviaşirkətimizin bütün uçuşlarına həm gediş, həm gəliş zamanı Dubai Beynəlxalq Hava Limanının (DXB) 1-ci Terminalında yenidən xidmət göstəriləcəkdir. Bütün sərnişinlərdən səyahətlərini planlaşdırarkən terminal dəyişikliyini nəzərə almalarını xahiş edirik.
⠀
Qeyd edək ki, hazırda sərnişinlərə 3-cü Terminalda xidmət göstərilir. Bakı-Dubay-Bakı istiqamətində uçuşlar həftədə üç dəfə - bazar ertəsi, çərşənbə və cümə günləri həyata keçirilir.
👩✈️"Azərbaycan Hava Yolları" aviaşirkətinin ilk qadın pilotları.
⠀
Bu videoda AZAL-ın pilotu olmağı hədəfləyən cəsarətli və ürəkli xanımların hekayəsinin yalnız kiçik bir hissəsini göstərdik.
⠀
Bu xanımlar uzun və çətin bir yol keçdilər: bu peşənin əsaslarını Azərbaycan Milli Aviasiya Akademiyasında öyrəndilər, bütün imtahanları əla qiymətlərlə verdilər və yekun praktik sınaqlardan uğurla keçdilər.
⠀
Bu gün bu gözəl qadınlar hava gəmilərində daxili və beynəlxalq uçuşları həyata keçirən AZAL-ın yüksək səviyyəli pilotlarıdır.
⠀
Biz həmkarlarımızla fəxr edir və onlara hər zaman açıq səma və yumşaq enişlər arzu edirik!
👉 https://youtu.be/FiTDAI2F11Q
Hörmətli sərnişinlər!
⠀
Xüsusi reyslərdə yeniliklər və Azərbaycana giriş qaydalarında son dəyişikliklərdən xəbərdar olmaq üçün yeni izahlı videonu Sizə təqdim edirik. Nərmin Xəlilova ən vacib sualları cavablandırır.
👇
https://youtu.be/5z8rVh0YFP4
ℹ️✈️🇷🇺🇹🇷 Rusiyadan və Türkiyədən səyahət edən sərnişinlərin nəzərinə!
10 iyun tarixindən etibarən epidemioloji vəziyyətdə müsbət dinamikanın müşahidə edildiyini nəzərə alaraq Rusiya Federasiyası və Türkiyə Respublikasının vətəndaşları hava yolu ilə Azərbaycan ərazisinə aşağıda müəyyən edilmiş şərtlərlə səfər edə biləcəklər:
⠀
- Yaşı 18-dən yuxarı olan sərnişinlərin tam vaksinasiya olunması və ya COVID-19 xəstəliyindən sağalması barədə müvafiq ölkənin verdiyi rəsmi sənədin (COVID pasport) və uçuşdan əvvəl 72 saat ərzində COVID-19-a dair PCR testin neqativ nəticəsini təsdiq edən rəsmi sənədin təqdim olunması;
⠀
- 1 yaşdan 18 yaşadək olan sərnişinlərin uçuşdan əvvəl 72 saat ərzində COVID-19-a dair PCR testin neqativ nəticəsini təsdiq edən rəsmi sənədin təqdim olunması.
⠀
Eyni zamanda, 10 iyundan başlayaraq Azərbaycana daxil olmaq üçün bütün 1 yaşdan yuxarı olan sərnişinlərin COVID-19-a dair PCR testin neqativ nəticəsini təsdiq edən rəsmi sənədin müddəti uçuşdan əvvəl 48 saatdan 72 saatadək artırılır.
⠀
Ətraflı: https://az.trend.az/azerbaijan/gundem/3435187.html
✈️🇹🇷 İyunun 25-dən etibarən AZAL Bakıdan Türkiyənin kurort şəhərləri – Bodrum və Dalamana xüsusi uçuşlar həyata keçirməyə başlayır.
⠀
Bakı-Bodrum-Bakı istiqamətində uçuşlar hər gün həyata keçiriləcəkdir. Heydər Əliyev Beynəlxalq Aeroprtundan Dalaman şəhərinə uçuşlar həftədə üç dəfə – bazar ertəsi, çərşənbə və cümə günləri həyata keçiriləcəkdir.
Biletlər artıq satışda: 👉 www.azal.az
İnsan həyatını xilas edən heyət! 👏 ✈️
⠀
Bu gün “Azərbaycan Hava Yolları”nın rəhbərliyi İstanbul-Bakı reysi ilə uçuş zamanı sərnişinin həyatını xilas edən heyət üzvlərini fərqləndirmə nişanı ilə təltif edib.
⠀
Türkiyə ərazisi üzərində uçuş zamanı sərnişinlərdən biri ürək tutması keçirdi.
⠀
Lakin göstərilən ilk tibbi yardım və vaxtında görülən tədbirlər sayəsində sərnişinin həyatını xilas etmək mümkün olub.
⠀
Aviaşirkət təyyarədə olan və təcili yardımın göstərilməsində kömək edən həkim Nairə Rüstəmovaya dərin təşəkkürünü bildirib və xatirə hədiyyələrini təqdim etmişdir.
⠀
Uçuşu yerinə yetirən heyət:
⠀
Hava gəmisinin kapitanı - Rüfət Əliyev
İkinci pilot - Elşad Sadiqov
Təlimatçı təyyarə bələdçisi - Pəri Abbasova
Böyük təyyarə bələdçisi - Sevinc Cəbiyeva
Təyyarə bələdçisi - Ceyhun Cəfərli
😋 ✈️ TƏYYARƏ MENYUSU ARTIQ QAPINIZA ÇATDIRILIR!
⠀
AZAL-ın göyərtə qidası təminatçısı, illərdir əməkdaşlıq etdiyimiz ASG Sky Catering-in ləziz təyyarə setlərini və müxtəlif çeşiddə göyərtə qidalarını indi ev və ofisə sifariş etmək artıq mümkün oldu.
⠀
👉 www.skycatering.az saytına keçid edərək öz istəyinə uyğun, təyyarə setini seçin, sifariş edin, nuş edin!
✈️ Dostlar, müsahibə rubrikamızı davam edirik.
⠀
Bu gün aviasiya heyətinə tez-tez verilən suallara təyyarə bələdçimiz Xanım Axundova cavab verir.
⠀
Videonu sona qədər izləməyə tövsiyə edirik 😉
👉 https://youtu.be/jpxRff4u0Tk
✈️👍 "AZAL-Miles" bonus proqramının iştirakçıları üçün xoş xəbər!
⠀
Bundan sonra "Azərbaycan Hava Yolları" tərəfindən həyata keçirilən bütün xüsusi reyslərdə bonus proqramımızın üstünlüklərindən faydalana bilərsiniz. Belə ki, topladığınız mil ballarına görə "AZAL" aviaşirkətinin xüsusi reyslərinə aviabilet əldə edə bilərsiniz.
⠀
Xidmət sinifinin ekonom sinifdən daha yuxarı siniflərə yüksəldilməsi ilə bağlı da müsbət dəyişikliklər mövcuddur. Beləliklə, "AZAL-Miles" proqramının iştirakçıları ekonom sinfinin istənilən təxsisetmə sinfindən aviabiletin xidmət sinfini (biznes, komfort və ya VIP siniflərinədək) yüksəldə bilərlər (əvvəllər bu yalnız ən yüksək təxsisetmə sinfindən Y-sinifdən edilə bilərdi).
⠀
Aviabiletin əldə olunması və ya mil ballarına görə xidmət sinfinin yüksəldilməsi şərtləri ilə qeyd olunan keçid vasitəsilə tanış ola bilərsiniz: 👇
https://www.azal.az/az/azal-miles/spend-points
⠀
Aviabilet rəsmiləşdirmək üçün rəsmi aviabilet satış ofislərinə müraciət edə bilərsiniz.
🇦🇿 QARABAĞA UÇUŞ EDƏN ƏMƏKDAR PİLOTLARIMIZ!
⠀
Dövlət başçısının tapşırığı ilə bu gün işğaldan azad olunan Qarabağda yeni hava limanları tikilir və lahiyələşdirilir. Bu il Füzuli Hava Limanının istifadəyə verilməsi nəzərdə tutulur.
⠀
Lakin 1-ci Qarabağ müharibəsi zamanı bu hava limanları döyüş bölgəsi zonasında yerləşirdi və oraya uçuş yerinə yetirmək son dərəcə təhlükəli idi.
⠀
Azərbaycanın əməkdar pilotları Ədalət Alışov və Ramiz Hidayətov 1990-cı illərin əvvəllərində Füzuli və Ağdam üzərindən uçanların sırasında idi. Bu gün onlar hər şeyin necə baş verdiyindən danışırlar.
YouTube kanalımızda yeni videonu izləyin: 👇
https://youtu.be/fR98HXt1wQM
Dostlar, Azərbaycan Hava Yolları adından Novruz bayramı münasibətilə hər birinizi ürəkdən təbrik edirik.
⠀
Qoy bu bayram qəlbinizə xoş duyğular, həyatınıza gözəl günlər və üzünüzə təbəssüm gətirsin. 👍
👨✈️👩✈️✈️AZAL-ın uçuş heyətinin ənənəvi ümumi toplantısı keçirilmişdir.
⠀
Azərbaycanın Milli aviadaşıyıcısının uçuş heyətinin ənənəvi ümumi toplantısı keçirilmişdir.
⠀
Toplantını giriş sözü ilə açan AZAL-ın prezidenti Cahangir Əsgərov bütün uçuş heyətinə yüksək peşəkarlıq səviyyəsinə, məhsuldar əməyinə, təcrübəsinə, mülki aviasiyanın inkişafına verdiyi töhfəyə və bu sahənin bu gün və gələcəkdə bütün əhəmiyyətini dərk etdiyinə görə təşəkkürünü bildirib.
⠀
Cahangir Əsgərov qeyd edib ki, bu gün Azərbaycan mülki aviasiyasının uğurlu inkişafı Prezident İlham Əliyevin daimi dəstəyi və qayğısı sayəsində mümkün olub.
⠀
Dövlət başçısının tapşırığına əsasən, işğaldan azad edilmiş Azərbaycan ərazilərində - Füzuli, Zəngilan və Laçın rayonlarında üç beynəlxalq hava limanının tikintisi həyata keçirilir. Bu gün Qarabağ səmasında, uzunmüddətli fasilədən sonra, milli naviqasiya sistemlərinin radioçağırış siqnalları ötürülür. İlk bu siqnalları AZAL təyyarələri qəbul edib.
⠀
Ətraflı: ⤵️
https://www.azal.az/az/article/632
✈️ “AZAL” IATA TRAVEL PASS TƏTBİQINİ ƏN ÇOX TƏLƏBAT OLAN İSTİQAMƏTLƏRDƏ SINAQDAN KEÇİRMƏYƏ BAŞLAYIR
⠀
Cari ilin avqust ayında Azərbaycanın milli aviadaşıyıcısı daha çox tələbat olan reyslərində IATA Travel Pass tətbiqini sınaqdan keçirəcəkdir.
⠀
IATA Travel Pass tətbiqi - smartfonlarda quraşdırılmış və koronavirus infeksiyası üçün test nəticələri, habelə gələcəkdə peyvəndləmə barədə məlumatlar da daxil olmaqla, sərnişinin sağlamlığı haqqında uçuş üçün lazım olan bütün məlumatları ehtiva edən bir növ rəqəmsal səyahət sənədidir. Tətbiq sayəsində uçuşqabağı rəsmiyyətlər daha az vaxt aparacaqdır.
⠀
Ətraflı: https://www.azal.az/az/article/631
🇦🇿🗼 Qarabağda ilk yerüstü naviqasiya sistemləri quraşdırıldı! 👍
⠀
Uzunmüddətli fasilədən sonra Qarabağ səmasında milli naviqasiya sistemlərinin radioçağırış siqnalları yenidən ötürülür. Bu siqnalları ilk dəfə Azərbaycan Milli daşıyıcısının (AZAL) təyyarələri qəbul edib.
⠀
İndi azad edilmiş ərazilər üzərində uçan bütün hava gəmiləri Füzuli beynəlxalq hava limanında quraşdırılan VOR/DME yerüstü naviqasiya sistemindən çağırış siqnalı ala bilər.
⠀
Bu radioçağırış siqnalları qeydiyyata alınaraq Avropa Hava Naviqasiyası Təhlükəsizliyi Təşkilatı (EUROCONTROL) tərəfindən təsdiq edilmişdir.
⠀
Ətraflı: ↪️ https://www.azal.az/az/article/629
👏 Komandamızın işdən kənar vaxtda hobbilərindən danışmağa davam edirik.
#AZALHobby rubrikasının bugünki qonağı həvəskar rejissor olan, öz filmini Gürcüstanın kinoteatrların birində təqdim edən təyyarə bələdçisi Nəzrindir.
Həmçinin, Nəzrin bizə verdiyi müsahibədə maraq göstərdiyi videoqrafiyadan daha ətraflı danışıb.
👇
https://youtu.be/SW21AYgD64A
✈️🇮🇱 11 iyul tarixindən AZAL Bakı – Tel-Əviv – Bakı marşrutu üzrə xüsusi uçuşlar həyata keçirməyə başlayır.
Qeyd olunan marşrut üzrə uçuşlar hər həftənin bazar günləri həyata keçiriləcəkdir.
İsrail vətəndaşları aşağıdakı sənədləri təqdim etdikdə Azərbaycana səyahət edə bilərlər:
- tam peyvənd olunmaları barədə sertifikat (COVID-19 pasportu) və ya xəstəlikdən sağalmaları barədə sertifikat;
- həmçinin uçuşdan əvvəl 72 saat ərzində rəsmiləşdirilmiş COVID-19-a dair PCR testinin neqativ nəticəsi barədə arayış.
18 yaşınadək İsrail vətəndaşları Azərbaycana hava yolu ilə gəldikdə yalnız PCR testinin neqativ nəticəsi barədə arayış təqdim edə bilərlər, bir yaşınadək uşaqlar üçün sertifikat və arayışın təqdim edilməsi tələb olunmur.
Bu istiqamət üzrə səyahət etməyi planlaşdıran Azərbaycan vətəndaşları İsrail ərazisinə giriş hüququna malik olmalıdılar.
Pandemiya dövründə İsrailə giriş qaydaları ilə aviaşirkətin saytında aşağıdakı keçid vasitəsilə tanış ola bilərsiniz https://www.azal.az/az/information/covid-israel
ℹ️ İyunun 21-dən daha bir sıra ölkələrin vətəndaşlarının Azərbaycan Respublikasının ərazisinə səfər etməsinə icazə veriləcək.
⠀
Vaksinasiyanın əhatəlilik dairəsinin daha geniş olduğu ölkələrdə epidemioloji vəziyyətin davamlı surətdə yaxşılaşdığını nəzərə alaraq, iyunun 21-dən aşağıda qeyd olunan ölkələrin vətəndaşlarının Azərbaycan Respublikasının ərazisinə səfər etməsinə icazə verilir:
⠀
- ABŞ
⠀
- Bəhreyn
⠀
- Birləşmiş Ərəb Əmirlikləri
⠀
- Böyük Britaniya
⠀
- İsrail
⠀
- Macarıstan
⠀
- Qətər.
⠀
Ətraflı: 👇 https://azertag.az/xeber/Operativ_Qerargah_Iyunun_21_den_daha_bir_sira_olkelerin_vetendaslarinin_Azerbaycana_sefer_etmesine_icaze_verilecek-1808625
ℹ️ Hörmətli sərnişinlər və səyahətə hazırlaşan izləyicilərimiz!
⠀
Nazirlər Kabineti tərəfindən təsdiqlənmiş yeni qərarları nəzərə alaraq, pandemiya dövründə Azərbaycana giriş qaydalarına dair suallara cavabları saytımızda topladıq.
⠀
Linkə daxil olaraq ətraflı məlumat ilə tanış ola bilərsiniz: 👉 https://www.azal.az/az/offer/575
🇦🇿✈️🇷🇺 Uçuş cədvəlimizdə Bakıdan Moskvaya («Domodedovo» hava limanı) və əks istiqamətdə xüsusi reyslərin sayı artırılır.
⠀
Hər həftə həyata keçirilən iki reysə (çərşənbə və bazar günləri) 14 iyundan etibarən bazar ertəsi günləri həyata keçiriləcək daha bir reys əlavə olunacaqdır.
⠀
Qeyd olunan reyslərə biletləri aviaşirkətin www.azal.az rəsmi saytından, həmçinin aviaşirkətin akkreditə olunmuş agentliklərindən əldə edə bilərsiniz.
⠀
ℹ️ Qeyd edək ki, daşınmaya mövcud epidemioloji məhdudiyyətlər şəraitində uçuşa icazəsi olan kateqoriyadan sərnişinlər qəbul ediləcəkdir.
⚠️ Aviaşirkət adından fırıldaqçılıq faktları barədə AZAL-a məlumat daxil olub
Belə ki, fırıldaqçılar özlərini şirkətin insan resursları departamentinin əlaqələndiriciləri kimi qələmə verərək, insanları işə qəbulla bağlı fırıldaqçıların bank kartı nömrəsinə müəyyən vəsaitin köçürülməsinin zəruri olduğuna inandırırlar.
Qeyd etməliyik ki, aviaşirkət işə qəbul zamanı heç vaxt bu cür tədbirlərə əl atmayıb.
“Azərbaycan Hava Yolları” ölkə vətəndaşlarını anonim və yoxlanılmayan mənbələrə inanmamağa çağırır.
“AZAL” QSC, öz növbəsində, fırıldaqçılıq faktının araşdırılması üçün hüquq-mühafizə orqanlarına müraciət edib.
✈️ 🇷🇺 “Azərbaycan Hava Yolları” aviaşirkəti Rusiya Federasiyasının digər bir şəhərinə – Mineralnıye Vodı - aviabilet satışına başlayır.
⠀
Bakı-Mineralnıye Vodı-Bakı marşrutu üzrə xüsusi reyslər mayın 30-dan etibarən həftədə bir dəfə, bazar günləri yerinə yetiriləcək. Aviabiletləri aviaşirkətin www.azal.az rəsmi saytından əldə etmək mümkündür.
⠀
Hazırda “AZAL” Rusiyanın paytaxtı Moskva şəhərinə də xüsusi reyslər həyata keçirir.
⠀
Aviaşirkət “COVİD-19” pandemiyası ilə əlaqədar olaraq sağlamlığın qorunması üçün bütün zəruri tədbirləri görür, aviadaşıyıcının reysləri hökümətin tövsiyələrinə uyğun olaraq həyata keçirilir.
ℹ️ AZAL London şəhərinə reysləri iyun ayından başlayaraq yerinə yetirəcək.
"Azərbaycan Hava Yolları" aviaşirkətinin Bakı-London-Bakı marşrutu üzrə xüsusi reyslərinin yerinə yetirilməsinin başlanma tarixi iyun ayının əvvəlinə keçirilir.
Bu tədbir qeyd edilən istiqamətdə uçuşlara tələbatın aşağı səviyyədə olması ilə əlaqədardır.
Daha əvvəl bu istiqamətdə uçuşların may ayından etibarən başlanması nəzərdə tutulmuşdu.
Həmin reyslərə aviabiletlər alan sərnişinlər aviabiletləri başqa tarixə dəyişə və ya cərimə tətbiq edilmədən geri qaytara bilər.
Aviabiletlər www.azal.az saytında onlayn alındığı təqdirdə callcenter@azal.az elektron poçtu vasitəsilə aviaşirkətin çağrı mərkəzinə, yaxud aviabiletin alındığı kassaya müraciət etmənizi xahiş edirik.
"AZAL" aviaşirkəti Türkiyənin kurort şəhəri Antalyaya "güzəştli qiymətə bilet al və dincəl" adlı xüsusi kampaniya elan edir! ✈🇹🇷
Belə ki, Bakı-Antalya marşrutu üzrə biletlərin dəyəri cəmi 119 avro, Antalyadan Bakıya isə – 139 dollar təşkil edəcəkdir. Qeyd olunan qiymətlərə bütün vergi və yığımlar daxildir.
Biletləri aviaşirkətin www.azal.az rəsmi saytından və akkreditə olunmuş agentliklərindən əldə edə bilərsiniz.
Xatırladaq ki, aviaşirkət Antalya istiqamətində həftənin çərşənbə və şənbə günləri (çərşənbə - 12 may tarixi istisna olmaqla) uçuş icra edir. Məhdud sayda yer üçün keçərli olan aksiyadan yararlanmaq istəyənlər, 13 may 2021-ci il tarixə qədər (13 may daxil olmaqla) istənilən tarixə bilet əldə edə bilər.
Qeyd edək ki, Türkiyədə 29 apreldən 17 may tarixinədək tətbiq olunan karantin məhdudiyyətləri digər ölkələrdən gələn turistlərə şamil olunmayacaq.
✈️🇦🇿🇬🇧"Azərbaycan Hava Yolları" London istiqamətində xüsusi reyslərin icrasına başlayır.
⠀
Azərbaycanın milli aviadaşıyıcısı Heydər Əliyev Beynəlxalq Aeroportundan Londonun "Hitrou" hava limanına (IATA: LHR) yerinə yetiriləcək xüsusi reyslər üçün bilet satışına başlayır.
⠀
Aviabiletləri aviaşirkətin www.azal.az rəsmi saytından əldə etmək mümkündür.
⠀
"AZAL" aviaşirkəti Böyük Britaniyanın paytaxtına mayın 15-dən etibarən həftədə bir dəfə (şənbə günləri) uçuşlar icra etməyə başlayacaq, mayın 25-dən isə Bakı-London-Bakı marşrutu üzrə uçuşların sayı həftədə iki dəfəyədək artırılacaqdır (çərşənbə axşamı və şənbə günləri).
🇦🇿 ✈️ 🇹🇷 Hörmətli dostlar, artıq bildiyiniz kimi Azərbaycan vətəndaşları Türkiyəyə yalnız şəxsiyyət vəsiqəsi əsasında səyahət edə bilər.
Lakin bu yeniliyin bir sıra özəllikləri var.
Nərmin Xəlilova Sizi bu qaydalar ilə tanış edəcək 👇
https://youtu.be/oisMlMxbTTQ
🇹🇷🇦🇿 ✈️ TÜRKİYƏ İSTİQAMƏTİNDƏ SƏYAHƏT EDƏN SƏRNİŞİNLƏRİN NƏZƏRİNƏ!
⠀
Türkiyəyə səyahət edən bütün sərnişinlər uçuşdan öncə 72 saat ərzində https://register.health.gov.tr saytında onlayn müraciət formasını doldurmalıdırlar. Forma doldurulduqdan sonra sərnişinə şəxsi kod veriləcək, onun etibarlılığı gediş məntəqəsində uçuşdan əvvəl yoxlanılacaq (doldurulmuş forma çap oluna və ya mobil cihazda göstərilə bilər).
⠀
Bu formanı Türkiyə ərazisindən tranzitlə səyahət edən və bu ölkənin sərhədini keçməyən sərnişinlərə doldurmaq məcburi deyil.