1076
#شعر_ادبیات #اؤیکو #مقاله #موسیقی #دکلمه #گوندم_قونولار #گولمجه #سوسیال_نقدلر
فارسجادان تۆرکجه یه سؤزلۆک
بخیه : سیریق
بدبخت : قارا گون، اوغورسوز
برای همیشه : بیر یوللوق، سون سوز
برشته : قیزارمیش
برکت : بوللوق
بستر : یاتاق
بشر دوستانه: اینسان سئورلیک
بعضی : بیر پارا، بعضی: لری بیری لری
بلا : قادا،
بن بست : چیخماز، باغلی
به جا : یئرینده، یئرلی،
به اندازه کافی : یئترلی، دوْیوروجو
به عهده گرفتن : بویونا آلماق، اۆسته لنمک
بی اهمیت : اؤنم سیز، ده یرسیز،
با اهمیت: اونملی، قیمتلی، ده یرلی
بی چاره : یازیق، چاراسیز
بی حیا : اوتانماز ، ییرتاق، اۆزلۆ
بی سرپرست : باش سیز، اؤگسۆز
بی سلیقه ، شلخته :پینتی، باجاری سیز
بی شرم : اوتانماز، اۆزسۆز
بی فایده : یاراماز، درده ده یمه ین
بی عرضه : باجاریق سیز ، افل، لیاقت سیز
بی غیرت : دامارسیز،غئیرت سیز
بیکار : ایش سیز، سوبای
بیگانه : یاد ، اؤزگه
بیننده : باخان،گؤره ن
بی نهایت: اوج سوز، سوْن سوز
بینوا : یازیق،
بی پایان: قوتولمایان، سونو اوْلمایان
بونلاریندا فاسجاسینی بیلن دئسین
ییرتیق، یاماق، دئشیک، دیرماشماق، ویردیرتماق، پیشیک بزمه
@Azerbaycansesi
اوزاقلارا مکتوب
بو قدر بللی اولمامالییدی یوخلوغون.
بو قدر هوپمامالییدی شهرین دیوارلارینا،
سنسیزلییین قوخوسو.
ایلیشمه مه لییدی یامانمیش آسفالتلارا،
سنلی خاطیره لر.
چؤکمه مه لییدی روحوما،
بیر ده سنی گؤرمه مک قورخوسو.
من جهننم،
شهره یازیغین گلمه دی می؟
چوخ دَییشیب سن گئدندن، بورالار؛
اینسانلاری، حئیوانلاری،
بینالارین ائیوانلاری،
ائله سیزین محله نیز ده.
سیزین کیچیک محله نیزدن،
بوتون ائولر سؤکولوبدو.
تراکتورلار، بولدوزئرلر،
کوچه لره تؤکولوبدو.
سیز طرفدن کئچنده من،
یئییر بئینیمی فیکیرلر؛
اؤیرنمک ده ایسته میرم،
گؤرم ایندی نه تیکیرلر.
خدیجه خالانین قانی قارالیب.
رافیق دایینین دا وضعییتی پیسدی؛
ایچکی یه قورشانیب دئییر: «آی بالا!
اساس اولان او کی، اورک تمیزدی.»
ایندی محله نیزدن توپ سسی گلمیر؛
گیزلن پاچ اوینایان اوشاقلار یوخدو؛
مکتوب یازیرام کی، آگاه اولاسان
داها «اومید» آدلی اوشاق دا یوخدو...
#اولوجای_عاکیف
@Azerbaycansesi
تصاویر کمتر دیده شده و ناب تبریز قدیم
@Azerbaycansesi
منه لوطف ائيله , ائى ساقى , گتیر او جام سرشاری
کی , تا رفع ائيله ييم نشتوو قارين بو رنج خوممارى
نه پوسته م وار , نه بادامیم , نه تخم شور , نه نئى تاقيم
مزه اولسون من بي چیزه یارین لعل شهواری
دئ گلسین مجلیسه موطرب , الینده ساز و میزرابی
چالیب تار و دفی , شاد ائيله سين من عاشق زاري!
نه كيسه مده زريم واردير, نه انباريم دا بير حببه
اليم بوشدور , اوزوم قاره , دويونجا مئي ايچیم باری
نه مللاکم , نه توججارم , نه خان مردم آزارم
متاعیم شعردیر آنجاق, اونوندا یوخ خریداری
دیلیم تورکی , سؤزوم ساده , اؤزوم صبهايه ديلداده
منيم تك شاعيرين , البت , اولار كاساد بازارى
دونن شعر ايله بير نامه آپاردیم شاه ایرانه
دئدى :" توركى نميدانم , مرا تو بئچچه پئنداري؟"
اؤزو تورك اوغلو تورك , امما دئيير توركى جهالتدير
خدايا , مزمهيل قيل تختيدن بو آل قاجاري!
اوميدين كسمه ,"مؤجوز" ياز آنان تعليم ائدن ديلده!
گزر بیر ارمغان تك دفترين چینی و تاتاری.
#مؤجوز_شبسترى
@Azerbaycansesi
#چیچک‌لر_دوغولور_بو_یاز_گئجه‌سی
چیچک‌لر دوغولور بو یاز گئجه‌سی،
بو یاز گئجه‌سینده سئومه‌یه نه وار؟!
درسم گول‌لرینی بو گلن یازین
ساللانیب یئلله‌نسم بوداقلاریندان
ائشیتسم آدیمی سئون بیر قیزین
هله اؤپولمه‌میش دوداق‌لاریندان
بو یاز گئجه‌سینده اؤلمه‌یه نه وار؟!
چیچک‌لر دوغولور بو یاز گئجه‌سی
اوزاق خسته‌خانا اوتاق‌لاریندا
باشینی دیبچک‌دن اوزادیب باخیر
یاتان خسته‌لرین هر بیریسینه
هله قورخاق عطری، اوتانجاق عطری
قاریشیر اوتاغین یاد اییی‌سینه
درمان اییی‌سینه یود ایی‌سینه...
چیچک‌لر دوغولور بو یاز گئجه‌سی
چیچک‌لر آچیلیر گولله سسینه.
گولله آچیلیر
آغ- آغ کؤینک‌لرین یاخالیغیندا
ساغ- ساغ اورک‌لرین یاخین‌لیغیندا
گوللر آچیلیر
گولله‌لر آچیلیر، گوللر آچیلیر
چیچک‌لر آچیلیر بو یاز گئجه‌سی-
چیچک‌لر دوغولور بو یاز گئجه‌سی
پاریس‌ده، تبریزده، حیطیمیزده
بو یاز گئجه‌سینده چیچکله‌یه‌جک
بلکه دردیمیزده-حسرتیمیزده
چیخاجاق یوللارا چیچک‌لی قیزلار
نه باخماغا گوج وار نه گؤز یومماغا
نه چیچک وئرمه‌یه بیر کسیمیز وار
نه بیر کیمسه‌میز وار چیچک اومماغا...
... درسم گول لرینی بو گلن یازین
ساللانیب یئلله‌نسم بوداقلاریندان
ائشیتسم آدیمی سئون بیر قیزین
هله اؤپولمه‌میش دوداق‌لاریندان
بو یاز گئجه‌سینده اؤلمه‌یه نه وار؟!
#رامیز_رؤوشن
@Azerbaycansesi
دونیاسندن کیملر کئچدی
آلدیغیمیز آجی خبر اساسیندا تانینمیش ،یازیچی ،شاعیر،مترجم،ژورنالیست
مژگان خانیم صیامی حیاتا گوز یو موب بیزدن آیریلدی
مژگان صیامی
1353 اینجی ایل ده، اولو ساوالانین قوجاغین دا یئرلشن(اردبیل) شهرینده دونیایا گوز آچدی. آتاسی ارتش حکیمی ایدی؛ ایلک تحصیلاتی و اورتا مکتبین (جهان تربیت) مکتبینده بیتیریب ، اوزو دئمیشکن ,ائله او زماندان اوزونده بیر سیرا عجیب و بلکه غیر عادی دویغولار - دوشونجه لرله یاشاییردی؛ عادی حیات ایله سویو بیر آرخا گئتمه ییردی .انسانی علم لر رشته سینه علاقه سی اولاراق، دیپلم آلان چاغی، ائله همن ایل کنکوردا ایکی تحصیلی رشته دن قبول اولور (ادبیات و روانشناسی) اردبیل دانشگاهین دا عالی تحصیلاتین باشلاییب، ادبیات اوخویوب لیسانسین آلیر! یوکسک لیسانسین پیام نور دانشگاهیندا اوخوماق ایسترکن، حیات یولداشی اونون اجتماعی - مدنی ایشلرینه مانع یاراتدیغی اوچون آیریلماق مجبوریتینده قالیر .خانیم صیامی ائله او ایللرده مختلف دبیرستان لاردا ادبیات - تاریخ ادبیات - دستور و نگارش اویرتمنی اولوب، آزاد فیکرینه گوره، قارانلیق یئره (بلی - خیر - چشم و...) دئمه دیگینه و آموزش - پرورش طرزینه اعتراض ائتدیگینه گوره، اوچ ایل دن آرتیق سئودیگی ایشه دوام وئره بیلمه ییب، استعفا وئریر. مژگان خانیمین دیرلی یازی لاری (داستان - شعر - طنز - مقاله و...)او زمان اونملی نشریه لرده چاپ اولوردو او جمله دن: (آزما - آدینه - گل آقا - شهروند - ایران دخت و...)
خانیم صیامی 1385 اینجی ایل ده (سارای) درگی سی نین امتیازی آلیر .گئجه - گوندوز بیر آن دایانماندان ,دورمادان شرفلی, ائل سئور وطن سئور آزاد باش اوجا یاشایان بیر ژورنالیست کیمی چالیشماغا باشلاییر. آزادلیق اوغروندا چالیشان مژگان خانیم ائل دردین وطن دردین یاشادیغی یوردون قارا گونلرین , عذابلی گونلرین یازیر .او سارای درگی سین اوزونه چورک آغاجی گورمه ییب، . سارای ایکی دفع توقیف مرحله سینه یئتیشیر.
خانیم صیامی نین ادبی کارنامه سینه اوتری بیر گوز دولاندیرساق اونون چکدیگی زحمت لر داها آیدینلاشاجاق .
1-سارای درگی سینی 45 سایی چیخاریب، بیر کتاب (سون سکانس) آدیندا، 15 دنه تورکی حئکایه لری , 5 جلد (اردبیل نامه) اوندان ایشیق اوزو گوروب . اشک سبلان، ابراهیم دارابی جنابلاری نین رمانین تورکجه یه چئویریب (ساوالانین گوز یاشی) چاپا یئتیرییب (قربانیان بند نسوان) زندان دا یازدیغی کتابین کئچن ایللرده ایشیق اوزو گوروب، مردگان باغ سبز، محمد رضا بایرامی جنابلاری نین رمانین، تورکجه یه چئویریب (یاشیل مئشه نین اولولری) سون ایشلریندندیر (مجموعه شعرهای فارسی)، (مقاله لر توپلوسو) و تورکی شعر - طنز و...
خانیم صیامی نین کارنامه سین ایشق لاندیریر .چتین عذابلی گونلرین ژورنالیستی توتدوغو یولون هزینه لرینه ده معروز قالیر آغیر تاوان لار وئریر ! خانیم صیامی اجتماعی مدنی ادبی چالیشمالارینا گوره دفعه لر ایله زندانا گئدیب! وثیقه ایله آزادلیقا بوراخیلیب..مژگان خانیم آذربایجانین و اردبیل ماحالی نین گورکملی - آدلی - سانلی (آزاد بیر ژورنالیست، شاعر و یازار) کیمی ائل آراسیندا تانینیر . آذربایجانین قارتال قانادلی شاعیری رحمتلیک هاشم ترلان دئمیشکن "آصلانین ائرکک دیشی سی یوخدور، آصلان آصلاندیر .
ادبیات سئونلر بو آجی دردلی آیریلیغی صیامی عایله لرینه ،ادبیات سئونلر ، خانیم صیامی نین قلم داشلارینا ،شهر داشلارینا باش اوجا قادین ادبیاتینین یازارلارینا باش ساغلیغی وئریر
@Azerbaycansesi
#اسامی_حیوانات به #زبان_تورکی :
.
اؤرده‌ک = اردک = ördək
ائرکه‌ج = بز نر چند ساله اخته شده و پیشاهنگ گله = ərkəc
ائرکه‌ک = نر = ərkək
ائششک : الاغ ،خر = eššək
اؤکوز = گاو نر = öküz
آت = اسب = at
سئرچه : گنجشک = serçə
اوو = آهو = ov
ایت = سگ = it
آیغیر = اسب نر = ayğir
ایلان = مار = ilan
اینک = گاو ماده = inək
آیی = خرس = ayi
بئچه (خوروس) = خروس = beçə , xorus
توسباغا = لاک پشت = tosbağa
بایقوش = جغد = bayguş
بیزوو = گوساله = bizov
بیلدیرچین = بلدرچین = bildirçin
توغلی = بره ای که یک سالش تمام شده است = TOĞLİ
تولا (کوچوک) = توله سگ = tula , küçük
تولکو = روباه = tülkü
تویوق = مرغ = toyuq
تَکه = بز نر = təkə
جؤنگه = گاو نر دوسال تمام = cöngə
جئیران = جیران = ceyran
جوجه = جوجه = cücə
چَپیش (بئچی) : بزغاله، اوغلاق = çəpiş , beçi
چوققا = بچه خرس = çoqqa
چکیرتگه : ملخ = çəkirtkə
خنگه‌ر = گاو نری که بیضه چپش را عقیم کرده باشند = xəngər
دؤوشان = خرگوش = dovşan
دؤووز : خوک صحرایی = dovuz
دانا = گوساله یک سال تمام = dana
دای ( دایچا ) = کره اسبی که یک سالش تمام شده باشد = day , dayça
دایلاق = بچه شتر = daylaq
دوگه = گاو ماده دوسال تمام که برای سال آینده خواهد زایید = dogə
دَوهَ = شتر = dəvə
دیشی = ماده = dişi
سُؤسه‌ر : راسو = sosər
سو ایلانی = مار آبی = su ilani
سو ایتی = سگ آبی = su iti
سوپا = خر دو تا سه ساله که هنوز برای بار کشی استفاده نمی‌شود = supa
سیچان = موش = siçan
شیشه‌ک = گوسفند دوساله و قوچ دوساله = şişək
فَرح = جوجه پرندگان = fərəh
فَریک : مرغ یک سال تمام = fərik
قابان = خوک نر = qaban
قاتیر = استر ، قاطر = qatir
قاریشقا = مورچه = qarişqa
قوچ = قوچ = qoç
قودوخ = کره خر = qodux
قورت = کرم = qurt
قورد , جاناوار = گرگ = qurd , canavar
قورداق = کرم خاکی = qurdaq
قوزغون = کرکس = quzğun
قوزو = بره = quzu
قولان = کره اسب دوساله = qolan
قومری = قمری = qomri
قویون = گوسفند = qoyun
قیرخ ایاق = هزارپا = qirx ayaq
قیزبوغان = آفتاب پرست = qiz boğan
گؤیه‌رچین = کبوتر = qöyərçin
ماچا , قانجیخ = الاغ و استر ماده = maça , qancix
مایدان = اسب ماده = maydan
هشترخان = بوقلمون = həştəxan
هورا = بز نر یک سال به بالا = hora
کئچی (بئچان) = بز = keçi
کپه‌نه‌ک = پروانه = kəpənək
کرتنکله = مارمولک = kərtənkələ
کل = آهوی نر = kəl
کله = گاوی که اخته نشده و با گاو ماده جفتگیری میکند( درهرسن و سالی) = kələ
کهلیک = کبک = kəhlik
کوششه‌ک : بچه شتر = köşşĕk
کویه‌ر : بز ماده یک سال تمام = köyər
کیرپی = جوجه تیغی = kirpi
@Azerbaycansesi
اوموزوندا سئودا آدیندا یوکو
بختیمه بیر دلی قیز آختاریرام
آتاسی آیریلیق آناسی نیسگیل
دوغولمامیش قیزدان ایز آختاریرام
آغارمیش ساچلاری یئله وئرمه ین
بوزلانمیش دویغونو دیله وئرمه ین
گیله سی باخیشی اَله وئرمه ین
بیر جوت آچیلمایش گوز آختاریرام
ِآغلارکن گوزلری نامه لر توکن
اویکوسو فله یین بیله یین بوکن
آستاریمی دیدیب بئزیمی سوکن
دیلکدن توخونموش اوز آختاریرام
تیکانی بوتاقدان قوپمامیش گولون
سالمامیش کیمسه نین بوینونا قولون
آیاقلاری توزا بوغدوران یولون
قهرینه دایانان دیز آختاریرام
سولموش بیر دئمت گول الینده گزن
خیالین یولونا اومودلار دوزن
شعریمده یازیلمیش ایهامی چوزن
منی آچیقلایان سوز آختاریرام
کاتب اوغلو یوخومو منی دیندیرن؟
حسرتدن آنلایان غمی سیندیرن
کوکسومدن اودلانیب دیلی یاندیران
یانقینی سوندورن بوز آختاریرام
#کاتب_اوغلو
@Azerbaycansesi
گلدي بير شوخ يئنه، يانيما گؤيچك- گؤيچك
ووردو بير تيغ جفا، جانيما ، گؤيچك- گؤيچك
لاله روخسارين ائديب، خون دِليمدن گولگون
بويادي اللرينی، قانيما گؤيچك- گؤيچك
پاره- پاره جيگريم، شيشه چكيب ائتدی كباب
تيكدي گوز، ديده‌ی گيريانيما گؤيچك- گؤيچك!
حيف كیم، اولمادي بو عاشيقه بير جانی يانان
دئيه بير، درديمي جانانيما گؤيچک- گؤيچک
پناه آللاها دئييب، قهر و غضبدن يوما گوز
ائده بير، عرضيمي سولطانيما گؤيچک- گؤيچک
تا كي پروانه كيمي شوقيله بو جانی فدا
ائدم اول، شمع شبستانيما گؤيچك- گؤيچك
اولو يارب! گؤره‌سن بير گئجه اول والي مصر
گله بو كلبه‌ي احزانيما، گؤيچك- گؤيچك؟
غم يئمز داهي نباتی، اگر اول شاه جهان
باسابير، موهرونو فرمانيما گؤيچك- گؤيچك!
حکیم سید ابوالقاسیم نباتی
@Azerbaycansesi
#آتالار_سؤزو
مثل‌لریمیزدن بیر نئچه‌سی..✅
آغاج ییخیلاندا، بالتالی دا گلر، بالتاسیز دا.
آغاجی کسرلر، اؤز سمتینه ییخیلار.
آخچالی آدامدان، داغلار دا قورخار.
آغلاما اؤلو اوچون، آغلا دلی اوچون.
آغلاییشین بیلمه‌ین، اؤلوسون موردارلایار.
آه-وای‌لا چیخیر کاسیبین جانی، ائله دئییر: آللاه کریمدی!
آهیل اؤکوز جوته گئتمه‌سه، اوشاقلار آجیندان قیریلار.
آراباچی آتی گؤزوندن قوجالار.
باسدیردیغی اؤلو اؤزوندن قاباق گلدی.
باش ساغ اولسون، پاپاق تاپیلار.
باشیمی سیندیر، مظنّه‌نی سیندیرما!
باشینی ایتیرن تئل اوچون آغلاماز.
باشینی کئچل ائله‌مه، هر کئچلین طالعی بیر اولماز.
باشماغیمی گئیه بیلرسن، یئریشیمی یئرییه بیلمزسن.
بازار ایچینده ایت قولاغی کسمزلر.
بورج ایله آلینان کؤینک، آدامی تمیز ساخلاماز.
بورنو فیرتیقلی قوزو، بوینوزو بورما قوچ اولار.
جوجه آغ گونلو اولسایدی، تویوق امجک‌لی اولاردی.
چاغیریلمامیش قوناق، سوپورولمه‌میش یئرده اوتورار.
چرچی قیزی مینجیغا عاشیق اولار.
چوبانی اؤزوندن اولانین قویونو دیشی دوغار.
دئدیک بیر آغیز آعلا، دئمه‌دیک ائل‌لری باشیوا ییغ.
دده‌سی اؤلدو، دئدی: واختی چاتیبدیر، دوه‌سی اؤلدو، دئدی: بئلیم سیندی.
دَلی دؤران سورور، عاغیللی واخت گؤزلر.
دلی قیز دئیر: آناسیز اولایدیم، بداصیل گلین دئیر: قایناناسیز!
دیش نه قدر شیرین اولا، آغرییاندا چیخاردیب توللاییرلار.
ائو تزه، دیوار تزه، اَله‌ییم سنی هارا آسیم؟
اَره گئتمک گلنده بؤیوک باجی اولور، ائو سوپورمک گلنده کیچیک باجی!
فتنه ایله گلن کؤپه‌یین قویونا خئیری اولماز.
گاوور چؤره‌یی یئیَن، گاوور اوچون قیلینج چالار.
حاجی سایدیغیمیزین خاچی قولتوغوندان چیخدی.
حالین بیلمه‌دییین آتین دالینا کئچمه.
خائن قورخاق اولار، کور اورکه‌ین.
ایگید، باسدیغین کسمز.
ایکی آروادلی ائو، زیبیللی اولار.
ایتینی هایا اؤیرتمه، قونشونو پایا!
ایگید آتیندان تعریف‌لر، قورومساق آروادیندان.
کاسیب اؤلنده، موللا خسته اولار.
کئچی سورونون قاباغیندا گلسه ده، «قویون گلدی» دئییرلر.
قیلیقلی قوزو، 7 آنا اَمَر، قیلیقسیز بیریندن ده قالار.
قورد اؤز اؤروشونده آج قالماز!
لوقما قارین دویورماز، محبت آرتیرار.
موللا ائویندن آش چیخماز، کور گؤزدن یاش!
ناجنس آغاج دویونلو اولار.
او باش قورخسون کی، دوست یولوندا دایانماز.
او حاجی، بو حاجی، کیم اولاجاق بویاقچی؟
اؤکوزون قاشقاسینی دؤیرلر.
پولدا وفا اولسایدی، الدن اله کئچمزدی.
روزی، حلّاج‌بازاردا گزیر!
سایغی‌سیز ایگید دوشمان آلدادار.
شیطان اولماسا، قورد قویون‌لا گزر.
تزه کوزه، سویو سرین ساخلار.
اوره‌یی یانان یاخشی فاتحه وئرر!
ووران ایگید، داییسینا گَییشمز!
یئنگه‌میز یئتَر اولدو، گونوموز بتر اولدو.!!!
@Azerbaycansesi
#سئویرم
سفره چیخماغی سئویرم،
«کرم» کیمی، یانیمدا بیر
«للـه»م اولا!
اوزاق یولا کؤرپو سالا،
یول یولداشیم، کؤنول دوستوم!
بیر آیریجا عالم اولا!
جیدیرا چیخماغی سئویرم،
آتیم تکجه آت اولمایا،
اوره‌یینده چات اولمایا،
یاریشلاردا مات اولمایا،
سئوگی دولو بیر آت اولا!
قانادلاری اریمه‌میش
قیرات اولا، دورات اولا!
یاشاماغی سئویرم،
عؤمروم-گونوم
دولو گله، دولو کئچه!
بیر عؤمورده مین‌بیر ایللیک
یولو کئچه!
خسته‌لنمه‌یی سئویرم،
منی خسته‌لندیرن،
ایلاهی بیر گؤزل اولا!
تپه-دیرناق ایشیق ساچا،
ال کؤز اولا، کؤز ال اولا!
گؤزل اؤلومو سئویرم،
عزرائیلیم نه درد اولا،
نه آه اولا!
گده-گوده اؤلدورمه‌یه،
اؤلدورنیم آللاه اولا!
#زلیمخان_یعقوب
@Azerbaycansesi
انسان سودئینی ایتیرن زامان
جانی یانار یانار یانار 😔
@Azerbaycansesi
من آنقدر بزرگوار نبودم که از اهانت‌ها بگذرم، امّا سرانجام فراموش می‌کردم. و آن‌که گمان می‌برد از او بیزارم مبهوت می‌شد
. آن‌گاه که می‌دید لبخندزنان به او سلام می‌کنم، برحسب سرشتش عظمت روحم تحسینش را برمی‌انگیخت یا خفت منشم را خوار می‌شمرد.
غافل از این‌که علتِ رفتارم ساده‌تر از این حرف‌ها بود: حتی نامش رافراموش کرده بودم.
#آلبر_کامو
@Azerbaycansesi
سس و ایفا : تئلناز تبریزلی
#شعیر_دوکتور_کامیل_قهرمان_اوغلو
#چاغداش_اؤنجول_غزل
آهلی بوغچامدا ساناز تئللری سئل، سئل یارادی
ایلغیم آغریمدا آراز تئللری سئل، سئل یارادی...
1391ینجی گونش ایلی.
🥀🥀
@Azerbaycansesi
🎶🎶🎶🎶🎶🎶🎶🎶🎶
/channel/addlist/9HUYatxzTiQ1Nzlk
🎶🎶🎶🎶🎶🎶
👍 بهترین کانالهای ریمیکس سیستمی
⬇️⬇️⬇️⬇️🎶🎶👍
/channel/addlist/9HUYatxzTiQ1Nzlk
موسیقی
📉شعرهای عاشقانه
⬇️⬇️
/channel/addlist/9HUYatxzTiQ1Nzlk
👍بهترین کانال های موسیقی تلگرام👍
🎶⬇️⬇️⬇️⬇️⬇️⬇️⬇️⬇️
/channel/addlist/9HUYatxzTiQ1Nzlk
/channel/addlist/9HUYatxzTiQ1Nzlk
موسیقی آذربایجان ⬆️⬆️
🆗🆗🆗🆗🆗🆗🆗🎶🎶
آنا دیلیمیزی قورویاق🙏❤️
دبک(dəbək) = سبک، جلف، لوده
دمبه لک(dəmbələk) = سبک، بی مغز، کسی که زود نظرش عوض می شود.
یانشاق(yanşaq) = یاوه گو، کسی که زیاد و بی جا حرف می زند
قیریشمال(qırışmal) = متقلب، اهل دوز و کلک
قیرتی(qırtı)= آدمی که بیش از حد به خود برسد و یا به حواشی و زواید اهمیت دهد.
سولک(sülək)= ولگرد، پرسه زن، هرزه
سومسوک(sümsük) = هرزه، ولگرد، سبک مغز
اؤندملی(öndəmli) = با سلیقه، کسی که کارهای عملی را با تامل انجام می دهد.
چلیملی(çəlimli)=خوش قیافه، با ابهت، خوش ترکیب
سهمانلی(səhmanlı)= با سلیقه و با تانی و دقیق
توتوملو(tutumlu)= با سلیقه و دقیق
تؤکونتو (töküntü) = شلخته و بی سلیقه
سوفو (sofu)= آدم وسواس
چیخارلی(çıxarlı) = توانمند، لایق، با استعداد
باشاراتلی(başaratlı) = توانا، موفق، با استعداد و لایق
یالتاق(yaltaq) = چاپلوس و متملق
قالتاق(qaltaq) = جسور و بی ادب، خلاف کار
قاوارالی(qavaralı)= توانمند و خوش قد و استیل
بیچیملی(biçimli)= خوش ریخت
اؤککه لی آپکه لی(ökkəli) = خوش هیکل و بلند قد و با سینه بزرک ورزشکاری
یالانچی(yalançı) = دروغگو
چاخان(çaxan) = دروغگو و داستان باف
گوپچو یا گوپ باز(gopçu) = غلو کننده در دروغ و اغراق گو
قلبی قارا( qəlbi qara) = مظنون به همه، پارانوئید
ال ایری(əl əyri) = دزد
اوغورو یااوغورچو(oğuru ya oğurçu) = دزد
اورکلی(ürəkli) = جسور و نترس ، با دل و جرات
قورخماز(qorxmaz) = جسور و نترس ، با دل و جرات
پاخیل(paxıl) = حسود
قیتمیز( qıtmır) = خسیس
نیرقیس(nırqız) = خسیس
گوجلو(güclü) = قوی و نیرومند
آبیرلی(abırlı) = با حیا
مانسیز(mansız) = بی حیا
ایجشجیل(icəçcil) = موذی و مردم آزار
داویجیل(davıcıl) = پرخاشگر و اهل دعوا
دؤیوشگن(döyüşgən) = جنگجو
قیلیفتی(qılıftı) = حقه باز و شیاد
@Azerbaycansesi
اسامی برخی جواهرات به زبان تورکی آذربایجانی - حیل حیشیل 💍
دستبند = قولباغی
دکمه سر دست = بیله ک دویمه سی
انگشتر = اوزوک
ساعت = چاغلا
نقره = گوموش
طلا = قیزیل
طلا = آلتون
گوشواره = سیرغا
گوشواره = تانا
سنجاق یقه = یاخا سانجاغی
گل سینه = دؤش گولو
گردنبند = بویونباغی
نگین = قاش
سنگ قیمتی = داش قاش
یاقوت کبود = گوی قاش
عقیق = توپراغی قاش
آویز = آسمالی
پلاتین = آغ قیزیل
برلیان = آغ قاش
@Azerbaycansesi
آتا- بابا سؤزلری☘🌸🌹🌸☘
31- ايگيد اوغلان داييسينا چَكر، خانێم قێز خالاسينا
32- مثلده معرفت اولماز
33- هم خدانێ ايسته‌یير، هم خُرمانێ
34- ايش گؤرديرنيندی، گؤرنين دگيل
35- اَگری اوْتێراق، دۆز دانێشاق
36- دلی قويويا بير داش آتار، يۆز عقللی چێخاردا بيلمز
37- تۇلا ايته‌نده، مێندار اوْلار
38- يئر برک اوْلاندا، اؤكۆز اؤكۆزدن اينجی‌ير
39- ساخلا سامانێ، گلر زامانێ
40- ايت ايتديگين ترک ائتسه‌ده، سۆمسۆكليگين ترک ائتمز
41- يوْرقانا بۆرۆن، ائلینن سۆرۆن
42- گئچی‌نين قوْتورو، بولاغێن گؤزيندن سو ايچر
43- يئميشين ياخچی‌سينی، چاققال يئير
44- جۆجه‌نی پایيزێن آخێرندا سایارلار
45- چادراسێزلێقدان ائوده قالێبدی
46- جالانان سۇ، بير داها كۆزه‌يه قايتماز
47- جۆجه يومورتادان چيخار قابێغێنێ بَـگنمز
48- دۇز يئيیب، دۇزقابێنێ سيندرمازلار
49- صبريله قوْرادان، حلوا پيشر
50- ائله بيل آغزێنا قوْوۇت آتێبدير
51- ياخاما سانجاق سانجمایيبسان كی!
52- كوْرا نه گئجه نه گۆندوز
53- دُنيانێ بوغدا توتسادا، كهليگين روزيسی چێنقێلدير
54- آدام اۇمدۇغو يئردن كۆسر
55- دردلی، دئیينگن اوْلار
56- باشدا عقل اوْلماسا، بدن عذابدا اوْلار
57- ائل اؤز دلیسینی بوراخماز
58- چراغ ديبينه ايشێق سالماز
59- خَـلقه ايت هۆرسه، بيزه چاققال هۆرر
60- قوْنشۇيا اومود اولان، شامسيز قالار
61- بونون ايپی‌نين اۆستۆنه اوْدون يێغماق اوْلماز
آتابابا سوزلری☘🌸🌹🌸☘
@Azerbaycansesi
من اؤلندن سونرا ایکینجی عمروم
ان گؤزل حیاتیم باشلانمالی دیر
سن ای تابوتومون گیریب آلتینا
گۆنه‌شی چیگنینه آلان باهادیر!
سانما سویوق قبره بیر یوللوق اویام
نه گؤز یاشی گرک، نه کدر، نه غم
اؤیله حساب ائت کی، گۆل توخومویام
توپراغا دۆشدوم مو، گؤیه‌ره‌سی‌یم
نه فتنه قالاجاق، نه شر قالاجاق
اونلارین جُورونو ساغلیقدا بیلدیم
قبریمین اۆستونده مرمر قالاجاق
بیر ده مرمر کیمی ایکی یۆز جلدیم
اَکلیل‌لر یانیندا دایاندیغین آن
تۆرکون تاریخینی بیر ده واراقلا
سلاحین یوخدورسا بیر مصرامی آن
یاخود کمر کیمی بئلینه باغلا!
سونرا قوشول منه ائله همَن گۆن
هارا؟ عارف اولان ایشدن حالی دیر:
من اؤلندن سونرا منیم عمرومون
یۆکسک مرحله‌سی باشلانمالی دیر
#خلیل_ریضا
@Azerbaycansesi