1076
#شعر_ادبیات #اؤیکو #مقاله #موسیقی #دکلمه #گوندم_قونولار #گولمجه #سوسیال_نقدلر
آداداکی آدام
ایسسیز بیر آدادا، سسسیز بیر آدام،
باخار اوفوق‌لره... اوفوق‌لر قارا.
کئچمیشی آندیقجا، آخار دورمادان-
اؤلو گؤزیاشلاری جانلی سولارا.
آلیب قارشیسینا اوشاقلیغینی،
باخار، دانیشاماز، دیلی توتولار.
اوزادار اللرین شفقتلی، ایستی،
یازیق! اوشاقلیغی قاچیب قورتولار.
سؤیکه‌نر داشلارا یوخولو، یورغون
بیر آندا گنجلیگی یانینا گلر.
دوشونر «خیال‌می، گئرچک‌می؟» دئیه،
گئرچک سون نفسین سونونا گلر.
لوزومسوز آیدینلیق گونلره عیناد،
توتار قارانلیغی سئور بیر سوره.
اونودار اؤزونو اؤزو-اؤزونده،
گئدر بیلینمه‌ین، مجهول یئرلره.
آدادا یئل اسسه، قوشلار اؤتسه ده،
او باشقا عالمده یاشار و دۇیماز.
ایللر قورتارسا دا، عؤمور بیتسه ده،
کیلیدلر یازیق کی قاپی‌یا اویماز!
#عبدالرحیم_قاراقوچ
@Azerbaycansesi
آییل ای کارگر! بسدیر گؤز آچ بیر خواب غفلتدن
جهاندا مرحمت اومما بو قانوندان_بو دولتدن
سارالدین گۆل کیمی سولدون، ازیلدین پایمال اولدون
بۆکولدو قامتین غمدن، قوجالدین درد و محنتدن
همیشه گؤزلرین گریان، سویوقدا آج_سوسوز_عریان
داش اولسا دیلـله‌نر انسان، گلر جانه بو ذلتدن
الین بوش، ائوده ائولادین، عیالین هر شئیه حسرت
سنی دیندیرسه لر دینمه! قیزار شرم و خجالتدن
سنین سایه‌نده ظالملر، توتوب کاشانه ده مسکن
آلیر اؤز کامینی هر گۆن، مللک منظر بیر آفتدن
ایچر می، مست اولار دائم، خیاباندا وورار وولتا
قیزارمیش گؤزلری هر دم، شیشر افراط شهوتدن
دگیلسن کیمسه‌دن اسگیک، دئمک اولماز بونا دیرلیک
سنی آزاد ائدر بیرلیک، بو زنجیر اسارتدن
آماندیر! فوت اولار فرصت، چالیش اول حقینه صاحب
خیانتکاره توت دیوان، قصاص آل بی مروتدن
#محمد_باقر_بی‌ریا_۱۳۲۲
#ایشچی‌لر_گۆنو_قوتلو_اولسون
@Azerbaycansesi
آلمانی آتدیم خارالا
لطفیار ایمان اف
@Azerbaycansesi
#سؤزلوک
اعتبار - حیثیت : سایغینلیق - sayğınlıq
هویت : کیملیک - kimlik
تعصب : باغنازلیق - bağnazlıq
وصف - توصیف : اوخشاما - oxşama
غیرت : تپر - təpər
فضیلت : اردم - ərdəm (اردم معانی متفاوتی دارد)
شرف : آیبین - aybın
مشرف - ناظر : باخار - baxar
تشرف داشتن - بزرگداشتن : آغیرلاماق - ağırlamaq
غرور : بوینام - boynam
مغرور : بویناغان - boynağan
با غرور : بویناملی - boynamlı
غرور کردن - مغرور شدن : بویناماق - boynamaq
شخص : کیمسه - kimsə
شخصیت : کیمسه‌لیک - kimsəlik
مردانگی : کیشیلیک - kişilik ارلیک - ərlik
انسانیت : یالنیقلیق - yalnıqlıq
افتخار : اوونج - övənc
فرهنگ : اکینج - əkinc (ائیتاج هم وجود دارد.) دب - dəb (به معنی مد هم هست.)
تمدن - مدنیت : اویغارلیق - uyğarlıq اوتوراقلیق - oturaqlıq (شاهمرسی)
گرامی : سایغی‌ده‌گر - sayğıdəyər
نوع : جور - cür تور - tür
گوناگون : جورلو - cürlü تورلو - türlü
آبرو : اوزآغی - üzağı
ناموس : آر - ar
با ناموس : آرلی - arlı
عفت : سیلیلیک - sililik
عصمت : آرسیللیق - arsıllıq
معصوم : آرین - arın
معصومیت : آرینلیق - arınlıq
آداب و رسوم : گلنک گورنکلر - gələnək görənəklər
آداب معاشرت : گورگو - görgü
حتی : بئله - belə
اما - ولی - منتهی : آنجاق - ancaq
#سوزلوک
@Azerbaycansesi
Bergen
Eller Aldı
en sevdiğim damar şarkılardan biri
@Azerbaycansesi
اؤنونده دورورام، باخیرام یئره.
قورخورام ارییَم گؤزونه باخسام.
ائله یانمالی‌یام، اریمه‌لی‌یم
کوله دؤنمه‌لی‌یم، دوزونه باخسام.
یاساق یول قاپیسین آچیب گئدرم
سوچدا قویلانمامیش قاچیب گئدرم
ذیروه‌دن ذیروه‌یه اوچوب گئدرم،
بو دلی کؤنلومون سؤزونه باخسام.
بیر باخدیم، آلداندیم گؤزل‌لییینه
بولبولون سسینه، گولون اییینه.
وارلیغیم دؤنه‌جک تویا، دویونه،
بیرداها دونیانین اوزونه باخسام.
یوخولو گؤزلریم اویانا بلکه
گؤی‌لرین رنگینه بویانا بلکه
بو گئدیش بیر یئرده دایانا بلکه
اؤلوم کاروانینین ایزینه باخسام.
آچ یولومو، چاغیر، گلیرم آخی!
آل، قایتار سسیمی، ملیرم آخی!
یئنه دیریله‌رم، بیلیرم آخی-
موقدّس اوجاغین کؤزونه باخسام....
#عقیل_مرادی_ائلدار
@Azerbaycansesi
شیرین محبّت‌لر یاشادار منی
گؤزل آرزولارین بیری‌یم هله.
نئچه عصیرلری تالانسام دا من،
روحوم اؤلونمزدی، دیری‌یم هله.
ایللردیر باشیمدا قارا کور دومان
اومیدیم ایضطیراب، دیله‌ییم گومان
گئرییه قالمیشام من زامان-زامان
گرک کی یویورم، یئرییَم هله.
گؤزوم باخا-باخا، دَییب داش منه
باش‌سیزلار چالیشیب، اولا باش منه
گؤزلردن آخدیقجا، گولر یاش منه
چتین کی اووونام، کیرییَم هله
«ائلیار»ام، اولانماز اصلیمی دانام
بؤلونموش اوره‌یم، یارالی جانام
اودلارا قالانمیش "آزربایجان"ام
دونیانین مقدّس یئری‌یم هله...
#ائلیار_جانانلی
@Azerbaycansesi
🌻 رمضان اولدو
رمضان اولدو چکیب شاهدِ مئی پرده‌یه رو
مئی ایچون چنگ توتوب تعزیه، آچدی گیسو
بیلدی مطرب کی نه‌دیر حال، گؤتوردو سازی
بزم‌دن چکدی اَیاغینی صُراحیّ و سبو
بزم قانونی پوزولدو، نه ایچون چنگ‌ایله دف؟
ییغیشیب ائتمه‌یه‌لر حاکم ائشیگین‌ده غُلُو
رمضان آیی گرک آچیلا رحمت قاپی سی
نه روا کیم اولا میخانه قاپی سی باغلو
فتح میخانه ایچون اوخویالیم فاتحه‌لر
اولا کیم اوزوموزه آچیلا بیر باغلی قاپو
آفتاب قدح ائتمز رمضان آیی طلوع
نه بلادیر بیزه یارب نه قراگون‌دور بو
انتظار مئی گلگون ایله بایرام پایینا
باخه ـ باخه اَنه‌جک دیر گؤزوموزه قره سو
رمضان اولدو بو دور و همی "فضولی"نین کیم
نئچه گون ایچمه‌یه مئی زهد ایله ناگه توتا خو
#موولانا_حکیم_فضولی
@Azerbaycansesi
اولان اولوب ، کئچدی دئییب،
سنی یئنه باغیشلادیم.
سنی سئودیم بیرجه کره
دؤنه_ دؤنه باغیشلادیم .
باغیشلادیم سنی یئنه
باغیشلادیم دؤنه_دؤنه
سنی تانری وئرن گونه_
سئون گونه باغیشلادیم.
بیر یئرلرده کئچدیییمیز
دیللندی او جیغیر_ او ایز
بیر یئرده آند ایچدیییمیز
آیا _ ایله باغیشلادیم .
دوغما عزیز بیر کوچه یه
سنسیز اؤتن هر گئجه یه
بوینو بوکوک بیر چیچه یه _
سولان گوله باغیشلادیم .
بو دونیادا اونو بیل کی
سن عشقیمین سونو ، ایلکی
سندن باشقا کیمیم وار کی؟!
سنی ، سنه باغیشلادیم .
سنی، سنه باغیشلادیم...
#بابا_وزیر_اوغلو
@Azerbaycansesi
اسامی حیوانات ترجمه تورکی
آهو بره (بچه): جویور، اه یلیک
آهو ماده: ینک
جئیران:مارال، قیزال، کوپکر آهو
اردک: ؤردک، بیلی
اردک ماهی: دورنا بالیغی
اردک نر: سونا
اردک وحشی: چؤل ؤرده یی
از انواع اردک ها: آینالی، گوله ین قوش، فیتله ین جوره، جوره
اسب: آت
اسب ابلق: گه ین آت
اسب اصیل: جنیس آت
اسب باری (بارکش): انک، یابی، یوک آتی
اسب به رنگ زرد و روشن: قولا
اسب بور: آل آت
اسب پروار: کوهلن آت
اسب رام نشده: قارا یهر، قولان، داش تولک
اسب آبی: دنیز آیغیری، دنیز آتی
اسب سرخ موی: کهر، کورن آت
اسب گاوی: قوشقو
اسب ماده: قولون لو
اسب مسابقه: جیدیر آتی
اسب نر: آیقیر
اسب یدک: کوتل
کره اسب: دایچا، قولون
الاغ: ئششک، ولاق، وزون قولاق
باز: توغان (دوغان)، سونقور، شونقار، شاهباز، قیرغی، قیزیل قوش، ال قوشو، ووچوقوش، لاچین، ترلان، باز
ببر: قاپلان
بز: کئچی
بز شش ساله: آزمان
بز کوهی: الیک، گییک، قارپاچا، داغ کئچی سی
بز نر: تکه، سییز، ئرکج
بز یکساله: چپش
بزغاله: کئچی جیک، وْغلاق
بلبل: بولبول
بلدرچین: بیلدیرچین
جغد: بایقوش، یاپلاق، گئجه قوشو، بایقو، یاراسا
گنجشک: سئرچه
جوجه: تویوق بالاسی، یاورو، قوش جوغاز، جوجه
جوجه پر در نیاورده: اتنه، اتجه، اتجه بالا، زیلغا، اتمتن، توکلسه میس قوش بالاسی
جوجه خروس: بئچه، چورپا، چولپا
جوجه مرغ: فره
جوجه تیغی: کیرپی
خروس: خوروز
خروس جنگی: دالاشقان خوروز
خرگوش: دووشان
خرگوش اهلی: آدا دووشانی
بچه خرگوش: دووشان جیق
خرمگس: موزالان، بویه لک، آت میلچه یی، گیگووون
خفاش: یاراسا، پالاز قولاق، گئچه قوشو
خوک: دونوز، دونقوز، پورسوق، قانماز
خوک آبی: سو پیشی
خوک بچه: چوشقا
خوک وحشی: قابان
روباه: تولکو، شله قویروق
راسو: میشووول
شاهین: یتی قانادلی، آلیجی، ییرتیجی، قوش
از انواع شاهین ها: قاراقوش، قارتال، قیرغی، توغان، دوغان، ترلان، سونقور، شونقار، کرکینجک، لاچین
شتر: ده وه
شتر ماده: آروانا، دیشی ده وه، هاچامایا
شتر نر: ئرکک ده وه
شتر نر جوان: بوغور
شترمرغ: ده وه قوشو
طاووس: توووز
عقاب: قارتال، قیزیل قوش، قارا قوش
قوچ: ئرکک قویون
قوچ وحشی: آرغالی، آرخا
قورباغه: قورباغا
قورباغه خشکی‌زی: قورقور باغالاری
بچه قورباغه: چومچه قویروق
کلاغ: قارغا
کلاغ رنگی: زیبیل لیک تویوقلاری
کلاغ زاغی: دولاش، دولاشا
کلاغ سیاه: زاغ، قارقارغا، قوزغون
کلاغ سیاه و سفید: آلا قارغا
کبک: ککلیک، چیل
کبوتر: گویرچین
کبوتر چاهی (صحرایی): آلاباختا
کبوتر حرم: مچید و زییارت خانالاردا یاشایان گویرچین
کرکس: لئش قارتالی
@Azerbaycansesi
لیست انواع رقص‌های فولکلوریک قدیمی آذربایجانی
Azərbaycan xalq rəqslərinin siyahısı:
* رقص آبایی/Abayı
* رقص آذربایجان/ ( Azərbaycan (rəqs)
* رقص آستا قاراباغی/Asta Qarabağı
* رقص آسما کسمه/Asma Kəsmə
* رقص آغیر قاراداغی/Alçagülü (rəqs)
* رقص آلچا گولو/ Alçagülü (rəqs)
* رقص آواری/Heyvagülü
* رقص آی بری باخ/ay bəri bax
* رقص انزلی/ənzəli
* رقص اوچ بادام بیر قوز/üç badam bir qoz
* رقص اوچ نومره. دورد نومره. بش نومره. آلتی نومره/3 nömrə, 4 nömrə, 5 nömrə
* رقص اوزون دره/uzun dərə
* رقص اون دورد نومره/14 nömrə
* رقص ایکی آروادلی/iki arvadli
* رقص بریلیانت/biriliant
* رقص بنؤوشه/.bənövşe
* رقص پهلوانی/pəhləvani
* رقص تامارا/tamra
* رقص توی (عروسی)/töy rəqsi
* رقص توراجی/yuraci
* رقص ترکمه/tərəkəmə
* رقص جامیش باغا گیردی/camiş bağa girdi rəqsi
* رقص جنگی/cəngi rəqsi
* رقص جیرانی/ceyrani rəqsi
* رقص جهری بی یم/Cəhribəyim
* رقص چاتتادی/Çattadı
* رقص مچال پاپاق/çal papaq
* رقص چیت تومان/çit toman
* رقص خالاباجی/xala baci
* رقص خان چوبانی/xala çobani
* رقص دارتما یاخام جیریلدی/dartma yaxam
آزربایجان رقصلری2-
* رقص دارتما یاخام جیریلدی/dartma yaxam cirildi
* رقص دارچینی/darçini
* رقص دسمالی/dəsmali
* رقص رنگی/rəngi
* رقص زوغالی/zoğali
* رقص ساری باش/sari baş
* رقص ساموخ/samox
* رقص سمنی/səməni
* رقص شالاخو/şalaxo
* رقص شاهسونی/şahsevəni
* رقص شکی/şəki
* رقص عنابی/ənabi
* رقص قازاغی/qazaği
* رقص قایتاغی/qaytaği
* رقص قوچعلی/qoçəli
* رقص قوفتا/qofta
* رقص قیتقیلدا/qitqilda
* رقص قیزلار بولاغی/qizlar bolaği
* رقص قیزیل گول/qizil gül
* رقص کئچی مه مه سی/Keçi məməsi
* رقص کسمه/kəsmə
* رقص کندیری/kəndiri
* رقص کوراغلو/Koroğlu (rəqsi
* رقص کوراغلونون قایتارماسیkor oğlunun qaytirmasi
* رقص گلین آتلاندی//gəlin atlandi
* رقص گلین گتیرمه/gəlin gətirmə
* رقص گلین هاواسی/gəlin havasi
* رقص گول گز/gülgəz
* رقص گولمه یی/Gülməyi
* رقص لاله/lalə
* رقص مجسمه/mücəsəmə
* رقص میصری/misri
* رقص میرزایی/mirzayi
* رقص میرواری/mirvari
* رقص نازنازی/naznazi
* رقص واغزالی/vazğali
* رقص وئلاچولا/vela çola
* رقص هالای/halai
* رقص هئیراتی/hirati
* رقص هئیوا گولو/heiva gülü
* رقص یاللی/yalli
آزربایجان رقصلری3-
* رقص یاللی/yalli
* رقص یئرلی/yerli
* رقص یوز بیر//yüz ir
لیست انواع رقص‌های فولکلوریک معاصر آذربایجانی
Azerbaycan moasir xalq rəqsləri
* آذربایجان مارالی/azerbaycan marali
* آغ چیچک/ağ çiçək
* آیشات/ayşat
* اوزومچی/üzümçi
* اووچی/üvçi
* ایلک باهار/ilk bahar
* بایرام سوئیتاسی/bayram süitasi
* بختوری//bəxtğri
* چوبان رقصی/çoban rəqsi
* چوبانی/çobani
* داغلار گوزلی/dağlar gözəli
* داغلی رقصی/dağli rəqsi
* دیلیجان/dilican
* دیاموند/diyamond
* ساری گلین/sari gəlin
* ساز/saz
* شیخ شامیل/şix şamil
* عاشق آبادی/aşiq abadi
* قاراباغ یاللیسی/qarabağ yallisi
* قاوال/qaval
* قیسقانج/qisqanc
* لزگی/ləzgi
* مارال/maral
* مزه لی/məzəli
* نابات خانیم/nabat xanim
* ناز ایلمه/naz eyləmə
* نعلبکی/nəlbəki
* نه قدر قشنگ سن/nə qədər qəşənqsən
@Azerbaycansesi
فهله باباسی(بختی قارا فهله بابا)
🎤:نامیک قاراچوخورلو
سئوگی قوشو
سحر آغاجیندان تک اوچا - اوچا
آخشام آغاجینا تک قونما باری ،
آخی چوخ آغیردیر بو آخشاملارین
کدری ، آجیسی ، قیشی ،باهاری .
سن ایستک دالیندان ،اوچ گوله -گوله
قون منیم کونلومون شاه بوداغینا ،
بلن اوره ییمین تیترک سسینه
جالان سئوگیلیمین گول یاناغینا .
یادا جوش گوزومدن اوزومه الن
سپیل یاواش - یاواش یارسینه سینه ،
نه اولارهردنده بیر قولاق یاتیر
کونلومون کدرلی ، سیزلی سسینه.
بوگون منی اویاد اوز گلیشینله
آخی سن "خوشنام"ین تایی،توشوسان
نه اولار قون بیزیم محلله میزه
سن پاییز عشقیمین سئوگی قوشوسان .
#خوشنام
@Azerbaycansesi
اوخویورلار: شفیقه مصطفی یوا و لطفیار ایمانف
گوروش فیلمیندن ۱۹
@Azerbaycansesi
حیات دئدیکلری شوبهه‌لی بیر شئی
اؤلوم‌سه شوبهه‌دن چیخماق دئمک‌دیر
بو غمگین ترانه، بو کدرلی نئی
وارلیغی، هئچلیکده بوغوب یئمک‌دیر
من ده یولچوسویدوم بیر زامان البت
بو کؤهنه دونیانین، فقط نه گؤردوم:؟
هر گولن دوداقدا بیر غم و حسرت
او قیزین ساچیندا من ایلهام هؤردوم
اَسدی قارا یئللر، قانادی دیزیم
گنجلیگیم توکنمز ملالا دوشدو
من بیر کاروانام کی قالمادی ایزیم
عؤمرومون ایلک گونو زاوالا دوشدو...
#صمد_وورغون
@Azerbaycansesi
دولوب گؤزلرینه سئوگی حسرتی
قارا گون‌لرینه آغ یارانماییب
قانلی دوداغیندان آخیر نیفرتی
قادین وار دردینه داغ یارانماییب
قادین وار آلنینا سینیر چکیلیب
قادین وار سینیرسیز سئویر سئویلیر
قادین وار آدینا باریش اکیلیب
ساواش قیزلارین گؤز یاشین سیلیر
قادین وار گون‌لری قارالیب بیردن
ساچینین آغیندان آسیلیب سسی
قادین وار آرزیسی قارا دمیردن
دحشت پنجه سینده کسیلیب سسی
بیلیرم دونیانین چال ها چالیندا
یازی‌میز قادین‌سیز گول آچمایاجاق
ان آزی شعریمین اؤز ماحالیندا
آناسیز کؤرپه‌لر دیل آچمایاجاق
بو لال گئجه لری قانمایان‌لاری
مارتین سکگیزینه باغلاماق اولماز
سئوگی اوجاغیندا یانمایان‌لاری
یاغیشین سسینده آغلاماق اولماز
#دومان_بختیاری
@Azerbaycansesi
" ۸ مارت، دنیالیق قادینلار گۆنو "
سؤزسوز قادین آدی گلدیکده ایلک گؤزوموزون اؤنونده آنالاریمیز دورور. گرچکدن آنالاری اؤومک٭ اۆچون سؤزجوکلر آز گلرلر، آنا سؤزلره سیغمایان بیر وارلیق.
۹ آی بویونجا ایشله‌یه-ایشله‌یه بیزلری جان شیره‌سیندن بسله‌ین، بۆتون آجیلارا، چتینلیک لره دؤزن، آرا سیرا اؤزونو ائشیتمه‌مزلیگه ووران، و... بونلار ساده‌جه بیر قادینین اؤزل‌لیگی دیر، سؤزلره سیغمایان قادینلار.
دئییرلر تاریخ هر کسه بیر یئردن باشلار، منجه تاریخ قادینین اللریندن باشلاییر،
کؤرپه اوشاغین یاناغینا سئوگیله توخونان آنادان، عشق‌له دولو ایلک گؤروشده تیترک اللرله سئوگیلیسی‌نین الینی سیخان سئودالی دان، هابئله بیر آتانین سئوینجلی اللریله ایلک گۆن دنیایا گؤز آچمیش قیزینین اللرینی توتماقدان. تاریخی قادینلار باشلادیر.
قادینلار بئله دیرلر، ایسته‌سه‌لر دنیانی دگیشرلر.
۸ مارت گۆنونو توتاجاقلاییب٭ یاشام بویو ائولادلاری اۆچون دیلکلریندن کئچن آنالارا؛ هر آن سئوگیلی لری‌نین، حیات یولداشلاری‌نین آرخاسیندا دوران قادینلارا؛ آتالارینا، قارداشلارینا یولداش اولان قیزلارا قوتلاییرام.
اؤومک= ستودن
توتاجاقلاماق = بهانه کردن
سایقیلارلا فرخ جرایدی، یورغون
@Azerbaycansesi
اوخویالیم،اؤیره نه‌لیم
آشیری=زیاده از حد،افراطی AŞIRI
داغ آشیری=آنطرف کوه DAĞAŞIRI
گون آشیری=یک روز در میان GÜNAŞIRI
آشاغیلاییجی=تحقیرکنندهAŞAĞILAYICI
آبارتماق=غلو کردن،مبالغه گویی کردن ABARTMA
آغارتماق=افشاگری AĞARTMAQ
آچیب آغارتماق=افشاگری،علنی کردن، برملا ساختن AÇIB AĞARTMAQ
آچیق-ساچیق=صریح و بی پرواAÇIQ- SAÇIQ
آخار=جاری AXAR
آخارسیز=راکد،ساکن AXARSIZ
قوشقو=شک QUŞQU
قوشقولانماق=شک کردن،تردید
بورکو=شرجی BÜRKÜ
جامسیرچا=شیشه CAM ,SIRÇA
دوغو=شرق DOĞU
باتی=غرب BATI
قوزئی=شمال QUZEY
گونئی=جنوب GÜNEY
قوزئی‌دوغو=شمال شرقی QUZEYDOĞU
قوزئی باتی=شمال غربی
تانیق=شاهد TANIQ
تانیقلیق ائتمک=شهادت دادن TANIQLIQ ETMƏK
آتار دامار=شریان(سرخرگ)ATARDAMAR
آللیق=شفق ALLIQ
یاریم‌آدا=شبه‌جزیرهYARIMADA
آیرینتی=شرح و بسط AYRINTI
آیرینتیلی=مشروح،مبسوطAYRINTIL
چات=شکاف ÇAT,ÇATLAQ
چاتلاماق=شکاف برداشتنÇATLAMAQ
آنا یول=شاهراه ANAYOL
آنا یاسا=قانون اساسی ANAYASA
@Azerbaycansesi
من اون بئش یاشیمدا-ایییرمی یاشیمدا
ائله بیلیردیم کی، قیرخ قوجالیقدیر.
اللی‌یه چاتیرام، آنجاق باشیمدا
اوشاقلیق هاواسی هله قالیبدیر.
ائله بیل دونن‌دیر، چیینیمده چانتا
قورغا یئیه-یئیه درسه گئتدیییم.
ائله بیل دونن‌دیر، او قامیش آت‌دا
نزیل قامچی ووروب، «آت» سَیریتدیییم
حیسّ ائده بیلمیرم یاشیمی نئیلیم
اوره‌ک او اوره‌کدیر، هوس او هوس…
گاه آرانا دوشور، گاه داغا مئیلیم،
نه‌دیر کؤنلومده کی بو دویغولار بس؟
ائله بیل دونه‌نین اوشاغییام من
بو عشقه، هوسه بعضا گولورم
آنجاق قینامیرام اؤزومو بعضا
آخی، نه یاتدیم کی نه یوخو گؤرم؟
گنجلیکدن الیمیز اوزولن کیمی
دونیادان دؤرد ال‌له یاپیشیریق بیز.
یاشیمیز، اؤتدوکجه آغاجلار کیمی
درینه ایشله‌ییر ریشه‌لریمیز.
اودور باخ… حیطده قوپوب ولوله،
اوشاقلار اویناشیر، دیرماشیر داما.
من ده اونلار ایله توتوب ال-اله،
قاچماق ایسته‌ییرم اوشاقلیغیما.
ایسته‌رم «گیزلن‌پاچ» اویناییم یئنه،
باشیما گؤتوروب چؤلو-شمنی.
ائله گیزله‌نیم کی، دوشوب ایزیمه
هئچ تاپا بیلمه‌سین قوجالیق منی.
آنجاق یاش اؤزونو گؤستریر هر دن،
اورکده چوخ گیزلی دؤیونتولر وار.
کوچه‌ده، باییردا تؤوشوینده من،
سانیرام، یوخوشدو، داشدی گوناهکار.
یولدا بالالاردان دالا قالاندا،
نئیله‌سین بو یوخوش، بو داش بیلمیرم
آنجاق گؤزللییه حئیران اولاندا،
اؤزومو اوغلوم‌لا هم یاش بیلیرم.
#بختیار_وهابزاده
@Azerbaycansesi
Dəmir ( دمیر )
آهن
alaşım ( آلاشیم )
آلیاژ
Ağ qalay ( آغ قالای )
آلومینیوم
Ağ qızıl ( آغ قیزیل )
پلاتین
Qurşun, Qurğuşun
( قۇرشۇن، قۇرغۇشون )
سرب
Paxır ( پاخیر )
مس
Altın ( آلتین )
طلا
Gümüş ( گۆمۆش )
نقره
Bürünc ( بۆرۆنج )
برنج
Tunc ( تۇنج )
برنز، مفرغ
Cınqo ( جینقوْ )
روی
Acı duz ( آجی دۇز )
منیزیم
Qalay ( قالای )
قلع
Çəlik ( چَلیک )
فولاد
Paslanmaz Çəlik
( پاسلانماز چَلیک )
استیل
Tökmə dəmir, Çuqan
( تؤکمه دمیر، چوقان )
چدن
Sınqa ( سینقا )
سینکا
Tənikə ( تَنیکه )
گالوانیزه، حلبی
@Azerbaycansesi
بو دونیانین آخیرینا ایناندیم،
ازلی‌نی گوله-گوله یاشادیم.
یاش کئچنده، داشا دَیدی اینادیم،
کورون-کورون، گیله-گیله یاشادیم.
سن أیلنمه، آیلی داغدا قار آزدی
منیم یولوم حَکَریدی، آرازدی
گؤرن یازان طالعیمی نه یازدی؟!
گؤز یاشیمی سیله-سیله یاشادیم.
بابام دئدی: اولوسون وار ائلین وار
ننم دئدی: دانیشماغا دیلین وار
من فاغیرین قاباغیندا اؤلوم وار
اؤلومومو، بیله-بیله یاشادیم.
#آغامالی_صادق_افندی
@Azerbaycansesi