49329
Bog’lanish uchun: @Azizrahimov Reklama olmaymiz.
Oldinga o'tib ketasan
Tengdoshing ko’proq pul topyapti
O’rtog’ing o’qishga kirdi, sen esa yo’q
Ota-onang tinmay tanishining “yaxshiroq” farzandi bilan solishtiryapti
Sendan kichkinalar ham ancha ish qilib qo’yayapti
Ular oldinda, sen esa orqadasan xuddi
To’xtamay o’zingni solishtirayapsan
Siqilyapsan
-Nimani xato qildim?
-Bilmadim
Hammada har xil
Lekin, senga savollarim bor
Tahajjudga turib necha marta Allohdan yordam so’rading?
8 soatlik ish vaqtining necha soatida rostdan ham ishlading?
O’qishing shart bo’lgan kitoblarni nechtasini o’qiding?
Bilganingni nechi foiziga amal qilding?
-Shularni qilsam oldinga o’tib ketamanmi?
-Shularni qilsang oldinga o’tib ketasan
Yoki
Oldinga o’tib ketish haqida o’ylamay qo’yasan
@azizrakhimov_blog
Izohlar kuchi
Post ostidagi izohlar (kommentlar) ba’zan postdan qiziqroq bo’ladi
Ba’zida izohlar yangi postlarga g’oya bo’ladi
Izohlarda qiziqishlari yaqin odamlar tanishishadi
Urishishadi
Blog reklama qilishadi
Izohlarda gaplashishning, hayotda gaplashishdan katta farqi yo’q
Har bir izoh ortida real odam turibdi
Izohlarni o’qish kerak
Izohlarni yozish kerak
@azizrakhimov_blog
Mening kuchli tarafim nima?
So’zi o’tkir odam — yozishi, yelkasi keng odam — suzishi kerak
Iqtidoring bor ishni qilsang, qiynalmaysan, oson pul topasan, kattaroq natijalarga erishasan
Ibn Hazm aytganlaridek, Jo’xori o’sadigan joyga bug’doy ekkan odam nodondir. Yerni bekorga sarflabdi. Hech narsa ekmagan emas karl, bug’doy ekkan odam!
Lekin muammo shundaki sen o’zingni kuchli taraflaringni bilmaysan
Nafaqat sen, hech kim bilmaydi
Tez yuradigan odam o’zini tez yuraman deb o’ylamaydi, boshqalarni sekin yuradigan deb o’ylaydi
Yaxshi tinglovchi, o’zini zo’r tinglovchigini emas, boshqalarni eshita olmasligini sezadi
Iqtidor shunday narsa, egasiga ko’rinmaydi
Biror narsaga qiziqasan degani, iqtidoring bor degani emas (O’yin o’ynashu, kino ko’rishga kim qiziqmaydi?)
Iqtidor = boshqalar bilan bir xil harakat qilasan, natija yaxshiroq chiqaveradi.
Shu darajada yaxshiroq chiqadiki, boshqalar buni sezishadi. Aytishadi.
Agar aytishmasa so’rash kerak
Ota-onadan
Ustozlardan
Yaqin do’stlardan
“Mening kuchli tarafim nima?” deb
Takror - takror keladigan javob iqtidorning belgisi bo’ladi
@azizrakhimov_blog
Ijtimoiy ekperiment
Ko’chada ketyapsan
Oldingdan Elon Musk chiqib qoldi
1 daqiqa vaqting bor
Istalgan narsa so’rashing mumkin
Istalgan narsa aytishing mumkin
Nima degan bo’larding
Javob qiziq, hammasini o’qib chiqaman
Oxirida o’zimnikini maqola qilib chiqaraman
Qadriyatlar gapirilmaydi, yashaladi
“Men aldamayman, bilasan-ku”
“Qachon yolg’on gapirganimni ko’rgansan?”
Yolg’on gapirmasligini ko’p aytadiganlar — eng ko’p aldaydiganlar bo’ladi
Doim to’g’risini gapiradigan odamlar, aldamasligi haqida hammaga gapirib yurmaydi
Nega?
Chunki ular buni fazilat deb bilmaydi
Halol odam uchun halollik oddiy holat. Har kuni qiladigan ishi
Tog’riso’z odam uchun aldamaslik oddiy holat, boshqachasini bilmaydi
Oddiy ishlar bilan hech kim maqtanmaydi
Men har kuni uxlayman
Yoki
Tishimni yuvaman deb maqtanmaysan-ku?
Alohida ta’kidlab gapiryaptimi, rost gapirish bu odam uchun oddiy holat emas
Buning misoli
Bir marta Pradoga o’tirib, rasmga tushib, hammaga ko’rsatib yurgan bolaga o’xshaydi
Hayotida bunday voqea kam bo’lgani uchun alohida ko’rsatadi, maqtanadi.
Huddi shunday mantiqda:
Allohdan qo’rqishini ko’p aytadiganlar, kam qo’rqadiganlar
Qanchalar ko’p va zo’r ishlashini gapiradiganlar, kam ish qiladiganlar
Halolligini hadeb gapiraveradiganlar, halollikka kam e’tibor beradiganlar
Do’stim, jigarim deb ko’p takrorlaydiganlar, qiyinchilikda birinchi bo’lib tashlab ketadiganlar bo’ladi
@azizrakhimov_blog
Qadringni oshir
Ishga kirasan
Uzoq yillar ishlasam, qadrlab ko’tarishadi deb o’ylaysan
Unday bo’lmaydi
Xato qilmasam, oyligim oshadi deb o’ylaysan
Unday bo’lmaydi
Oylik oshishi uchun qadring oshishi kerak
Qadring oshishi uchun — qiyin ishlarni qilishing kerak
Muammolarni mustaqil hal qilish
Shikoyatlarni eshitish
Rahbarlarga takliflar berish, mas'uliyat bilan bajarish
Jamoani o’stirish, o’rgatish
Xatolaringni tan olib, ularni to’g’rilash
Bu ishlarni qilish qiyin, lekin past oylikka ishlash undan ham qiyin
@azizrakhimov_blog
O’rganish yagona yo’l
Bugun GPT-3 (sun’iy intellekt) bilan 3 soat suhbatlashdim
Bunday chuqur va qiziq suhbatlar menda faqat ustozlar bilan bo’lar edi
Bilim va ma’lumot farqi
Fobiyalarni davolash
Tafakkur turlari va foydalari
Miyaning magnit stimulatsiyasi
7 yoshli bolaning miyasidagi o’zgarishlar
Navoiy sherlari va yana boshqa mavzular
Haqida gaplashdik
Juda ko’p mavzularda 95% odamlardan ko’ra yaxshiroq fikr beryapti
Google endi kerak emas
Bundan tashqari GPT-3, rasm chizyapti, kod va matn yozyapti
Ishlari 80% dizayner, koder, jurnalistlardan yaxshi
Avvalari doimiy o’rganish yaxshi ish topishga sabab bo’lardi
Endi doimiy o’rganmasang ishsiz qolasan
Eh, ajoyib davrlarda yashayapmiz
@azizrakhimov_blog
Suv sachratib ketishdi
Yomg’ir yog’di, chuqur suv bilan to’lgan
Ustidan mashina o’tib senga suv sachratib ketdi
Usting ho’l va loy, kim aybdor?
Suv ustidan sekin haydamagan befarosat haydovchimi?
Chuqurni vaqtida yopmagan yo’lchilarmi?
Yo’l sifatiga e’tibor bermagan davlatmi?
Yomg’irni ko’p yog’dirgan ob-havomi?
Balki hamma baravar aybdor
Yoki
E’tiborsiz bo’lganing uchun o’zing aybdormisan?
Aslida kim aybdorligini farqi yo’q
Boshqalarni ayblash — nasfga yoqimli, asabga zarar
O’zingni ayblash — yoqimsiz, lekin foydali
Aybdor o’zim deb bilsang — o’rganishga imkoniyat paydo bo’ladi
Har bir vaziyat o’rganish uchun imkoniyatga aylanadi
Hikmating oshadi
Chunki hikmatli kishi — o’ziga aloqasi bo’lmagan narsalar haqida o’ylamaydigan kishidir
@azizrakhimov_blog
Vaqtni qayerdan olsam bo’ladi?
Ingliz tili, arab tili, dasturlash o’rganmoqchiman
Zo’r odamlar bilan tanishmoqchiman
Kitob o’qimoqchiman
Quron yodlashim kerak
Vaqtni qayerdan olsam bo’ladi?
Time-management sirlari bormi?
Bir kosa ovqat bilan 4ta och kishini to’ydirsa bo’ladimi?
Iloji yo’q. Kosa hajmi o’zgarmaydi. Ozgina ovqatga odam to’ymaydi.
Yoki bir kishi to’yadi, yoki 4ta chala to’ygan odam bo’ladi.
Vaqt o’zgarmas. Cho’zilmaydi, qo’shilmaydi. Yoki bitta ishni yaxshi qilasan, yoki 4ta ishni chala.
Biror narsani qilishni boshlash uchun boshqa narsani qilishni to’xtatish kerak.
Fokus — nima qilishni emas, nima qilmaslikni tanlash.
Keyingi safar maqsad qo’yganda
Ingliz tilini o’rganaman deb qo’yma.
Vaqt topa olmaysan baribir
Kuniga 2 soat instagram o’rniga 2 soat ingliz tili o’rganaman deb qo’y.
@azizrakhimov_blog
Mashhurlar
Biror sohadagi eng mashhur odam — eng kuchlisi degani emas
Hech kim tanimaydigan olim, domlalar bor, mashhurlaridan ancha ilmi
Hech kim tanimaydigan tadbirkorlar bor, mashhur tadbirkorlardan aqlliroq, sahiyroq, tizimliroq
Hech kim tanimaydigan ustozlar bor, mashhur ustozlardan yaxshiroq dars berishadi
Mashhur bo’lishda muammo yo’q
Shunchaki, taniqli bo’lish — vaqt oladi:
Syomkalar, uchrashuv, tushlik, shogirdlar, tadbirlar, kechki ovqatlar
Qattiq mehnati ortidan taniqli bo’lgan odam, tanilib qolgach ayni shu qattiq mehnatga vaqti kamayib ketadi
Buni yuta olgan odamlar sanoqli
Seni hamma tanishi emas, hech kim tanimasligi katta imkoniyat aslida
Vaqting borida foydalanib qol
@azizrakhimov_blog
Abdulloh 2 yil avval Merit Schoolni tizimlashtirishga yordam bergani kelgandi
O’tgan oy Merit schoolda operatsion direktor bo’ldi
To’g’ri qurilgan tizim katta kuchligini shu ikki yilda ko’rdim
Endi esa o’zi yaxshi tushungan narsa: tizim qurish va nocode dasturlash bo’yicha kurs boshladi
1 oyda yaxshigina kasbli bo’lish imkoniyati
Eng yaxshi bitiruvchini o’zimiz ishga olamiz
@azizrakhimov_blog
Gapir
Nimadir gapirish kerak, aytmasang bo’lmaydi
Lekin gapirmaysan
O'zi tushunib yetar deb o’ylaysan
Yoki fikrimni o’qib oladi deysan
O’zi shundoq ham bilsa kerak deb o’ylaysan
Vaqtim yo’q-ku, ko’rmayaptimi?
Oyligimni oshirmaydimi, ahvolimni biladiku
Qo’pol-ku juda, nahotki sezmasa?
Oddiy narsa-ku bilmaydimi?
Yo’q, bilmaydi.
Sen uchun oddiy bo’lgan narsa kim uchundir yangi Amerika
Seni ahvolingni ham bilmaydi
Unutib qo’ygan, odamlarni o’z dardi yetarli
Odamlar yomon emas, shunchaki bilmaydi yoki unutib qo’ygan
Shuning uchun
Kimdir yoqib qoldimi, oldiga bor, ayt
Hamkasbing noto’g’ri ish qildimi, ayt
Bajara olmaysanmi, ayt
Qiynalyapsanmi, ayt
Yoqmayaptimi, ayt
Odamlar fikrlarni o’qiy oladigan darajaga chiqmadi hali (ba’zilar ishoralarni ham tushunmaydi)
Gapirmasang bilishmaydi
@azizrakhimov_blog
Qanday yordam bera olaman?
Organizm yashab qolish uchun resurs to’plashi kerak. Biologiyada yashash uchun kurash deyishadi buni
Nafsing, shaytoning ham doim o’zingni o’ylashingni xohlaydi
Odam qaror chiqarishdan oldin, miyasining bir chetida bundan menga nima foyda? degan savol yotadi
Tanlangan ozchilikni hisobga olmasa
Ko’pchilik dunyodan nimadur olishni xohlaydi
“Shu boy nima qilib bera oladi?”
“Shu aqlli odamdan savol so’rasam edi”
“Falonchi meni shogirdlikka olsa…”
“Davlat, ishxonam, ota-onam nima qilib berarkin menga?”
Shaxsiy rivojlanish (ya’ni o’zini rivojlantirish) bo’yicha kitoblar, kurslar sanoqsiz
Boshqalarni rivojlantirish bo’yicha esa deyarli yo’q
Men unday emasman deyish oson
Lekin raqamlar aldamaydi
Kechagi so’rovda deyarli hamma nimadur so’ragan (Savol, pul, iltimos, dav’at)
Vaqti kam odam bunday narsalarga e’tibor bera olmaydi
Twitterning o’zida Maskdan kuniga minglab narsa so’rashadi
Bitta Maskdan emas, e’tiborli har qanday odamdan
Shuning uchun to’g’ri savol:
“Qanday yordam bera olaman?”
(2ta odam yozibdi shunday)
Yordam berishni xohlash kamyob
Shuning uchun qadrli, tinglashga arziydi.
Nimadur olish emas,
Nimadur berish va yaxshilik qilish yo’lini tanlar ekansan
Bu yo’lda juda kam ham odam borligiga hayron qolasan
Lekin aynan shu yo’l uzoqqa olib boradi
Muvaffaqiyat siri ham aynan shu yo’lda.
Chunki
Biz aynan shunday yashash uchun yaratilganmiz (Mulk surasi:2)
@azizrakhimov_blog
Merit jamoasiga sotuv menejerlar kerak.
Agar yosh va o'zini ustida ishlaydigan katta jamoada ishlamoqchi bo'lsangiz, bizning o'quv markazlarimiz sizga to'g'ri keladi. Ish 13:30-20:00 va o'qish bilan birga olib borsa bo'ladi.
Agar vakansiyada yozilgan talablarga javob bersangiz va bizning qadriyatlarimiz sizga to'g'ri kelsa, @merit_hr akkauntida sizni rezyume'ingizni kutamiz.
@aqlli_ikkichi
Blog boshla
Balki fikrlaringni bo’lishging kelmas. Kim ham o’qirdi deb o’ylarsan. Mayli faqat bitta odam o’qisin. Kundalik sifatida ishlatarsan balki.
Hech kim o’qimasa ham aslida eng ko’p foydasi o’zingga bo’ladi. Yil, oylar o’tib fikrlashing qanday o’zgarganini ko’rasan.
O’zgarmasachi? Blog yuritgan har qanday odamniki o’zgaradi. Fikrlarini jamlab yozishni boshlash aqliy o’sishsiz bo’lmaydi.
Balki senga qiziq emasdir. Kengroq o’yla. Senga fikrlaring qiziq bo’lmasa — jamoang, oilang, do’stlaring, kelajakda esa farzand va nevaralaringga qiziq.
Yoshlikdagi barcha rasmlarimni o’sha yoshdagi 10-15 ta fikrlarim yozilgan qog’ozlarga tikka almashgan bo’lardim.
Otamni 20 yoshligidagi rasmi meni uncha hayratga solmagan. Lekin kundaliklarini bir necha marta o’qidim. Men tug’ilgach yozishni to’xtatgan ekanlar — vaqtlari kamayib ketgan. Har o’qiganimda ko’zimga yosh keladi.
O’zingga va atrofdigalarga qiladigan eng katta yaxshiliging ham shu. Rasmlaringni bo’lishishni to’xtat. Fikrlaringni bo’lish.
P.S.
Turmush qurishdan oldin rasmlarni almashgandan ko’ra, blog linklarini almashgan afzal. Odamning fikrlari uning rasmidan ko’ra 100 barobar ko’proq ma’lumot beradi.
@azizrakhimov_blog
Javoblar endi muhim emas
Javoblar endi tekin
Google orqali 30 sekundda, GPT orqali 10 sekundda javob olish mumkin
Javoblarning qadri tushgan paytda, savollarning qadri oshadi
To’g’ri javobni smartfoni bor hamma topa olsa, savolni faqat fikrlaydiganlar bera oladi
Savol - qiziqqon miyaning natijasi
Savol - chuqur suhbatning boshi
Savol - bilimga ochlikning belgisi
Aqlli odamlarda javoblardan, savollar ko’proq bo’ladi
Bu postga ikki xil reaksiya bo’ladi
1. Hmm qiziq, bilmagan ekanman
2. Qanday qilib savollarni ko’paytirsa bo’ladi?
@azizrakhimov_blog
Kim aytgan?
Uni intervyuga chaqirishdi
Qanday yashash haqida maslahatlar so’rashdi
Yana biznes haqida so’rashdi
Yana uylanish haqida
Nega aynan uni chaqirishdi?
Axir, u
Yuz yillardan beri kitoblarda bor gaplarni gapirayaptiku
Balki chiroyli gapirgani uchun chaqirishgandur
Balki yutuqlari borligi uchun
Yutuqlari bor odam gapirsa, gap ta’sirli chiqadi
Biror maslahat eshitsak, kim aytganini so’raymiz
Maslahatni o’zidan, uni kim aytgani muhimroq
Biz tanisak, xurmat qilsak, mashhur odam bo’lsa
Amal qilishimiz oson bo’ladi
Xo’sh unda
Nega hadislar bizga ta’sir qilmayapti?
Amal qilmayapmiz?
Bilmaganimiz uchun emas
Juda ko’pini yoddan bilamiz
Biz shunchaki
Hadislarni aytgan odamni yaxshi tanimaymiz
@azizrakhimov_blog
Stress haqida
Mashinani tez haydasang mazza qilasan
Lekin tez haydalayotgan mashinada o’tirsang stressga tushasan
Stressga sabab tezlik emas
Tormozga oyog’ing yetmasligi
Yomon vaziyatni o’zi stress qilmaydi
Vaziyatda hech narsa qila olmasliging stress qiladi
Siqilasan, chunki boshqa narsa qila olmaysan
Imtihondan oldin talabalar siqiladi
Lekin, rektor kelib — sen aniq kirasan — desa siqilish qolmaydi.
Hech narsa qila olmasang ham
Yordam bera oladigan tanishing bo’lsa siqilmaysan
Tanishing Alloh bo’lsachi?
Va senga, siqilma (9:40) deb aytgan bo’lsachi?
Shunda ham stressga tushasanmi?
@azizrakhimov_blog
Vaqt bu — pul emas
Bu ikkalovi hech qachon teng bo’lmaydi
Vaqt puldan muhimroq
Pulni ishlab chiqarsa bo’ladi, qarzga olsa bo’ladi, yig’ib qo’ysa bo’ladi
Vaqt esa faqat sarflanadi, foydaga yoki bekorga…
Vaqti bor odam pul topa oladi
Puli bor har doim ham vaqt topa olmaydi, buni millioner qariyalar tasdiqlaydi
Vaqtni pulga tenglashtirish — vaqtni yerga urish degani
Vaqt bu = hamma narsa
Vaqtingdan boshqa hech narsang yo’q
Uyingda yashash, mashinangni minish, sayohatingni qilish
Ishlash, kitob o’qish, do’st orttirish, muzqaymog’ingni yeyish
Hammasi uchun vaqt kerak
Bechora odam - “pulim yo’q” degan odam emas
Haqiqiy bechora
Muhim ishlar uchun ‘vaqtim yo’q’ degan odam
@azizrakhimov_blog