https://youtu.be/AKP4YoKhtnY?si=sRbaDnfNo2qmted3
Читать полностью…
https://youtu.be/I8jk4dEBMqY?si=20-rAdIJTVa2kRmP
Читать полностью…
قصيدة[جيب ابنك إلى هاي المآتم]
أداء الرادود ملا أكرم الكعبي
الشاعر أحمد علي البغدادي
رابط القصيدة كاملة على منصة اليوتيوب 👇
https://youtu.be/fO7ViDN2syM?si=6iBadQeLdxGJdfjJ
صاح الصحن والگبة والراية
، كل الهلا بجية المشاية
كل الهلا ، كل الهلا
____________________
بسم الله ، نبديها ، ثورتنه الحقيقية
والدنيا ، نشاهدها ، صارت كلها شيعية
نتحدى ، من يگدر ، يجمع هالفدائية
ما تلتم ، هالعالم ، بس بالأربعينية
كل سنة نسمع هاي الحچاية
، كل الهلا بجية المشاية
كل الهلا ، كل الهلا
__________________
من حيدر ، نسمعها ، هاية كلمته هاية
شرفتو ، نورتو ، أهلاً ها يمشاية
ارفعها ، عليها ، هاي البيدك الراية
يالعمرك ، خلصته ، بس ازيارة وقراية
يالرافع الراية الحسينية
، امشي يبوية وأجرك اعلية
كل الهلا ، كل الهلا
__________________
والزهره ، اتناديكم ، أهلاً بالگصد لينه
ما ناسي ، آلامي ، وحسرتنه وبواچينه
والزاير ، من يمشي ، حسين ابني تره ايعينه
وآنه أضمن ، للخادم ، خير أترسها چفينه
بالدنيا والآخرة ما أعوفه
، واليخدم آنه أترس اچفوفه
كل الهلا ، كل الهلا
___________________
والمهدي ، وياكم ، يمشي بدمعة اعيونه
ويشاهد ، هالمحفل ، عالموعد تحضرونه
يشكركم ، ويگلكم ، ها يالما نسيتونه
بكل موقف ، واحدكم ، والله انكحل عيونه
بالدنيا والآخرة ويانه
، شيعة علي المايوم تنسانه
كل الهلا ، كل الهلا
___________________
والكافل ، ناداكم ، أهلاً ها يزواري
حياكم ، زواري ، بيكم نورت داري
راح ارفع ، چفيني ، وأتوجه على الباري
مگطوعة ، وأرفعها ، ربي اتوفق أنصاري
والزاير ابچفيني أدعيله
، يا ربي تقضي حاجته الليلة
كل الهلا ، كل الهلا
___________________
✍️احمد علي البغدادي
ردد وياي___اهلاً بالجاي
ها يالخدام___حيو المشاي
ياصبح نازل عالبشر ياهلا بهالجلاله
يبتدي لمشيتهم دوي لوصفر هل هلاله
جاي المشاي ____جاي المشاي
____
گولو هله____هـــا يلخدم
لطف كربله___شيلو العلم
علي وياهم علي
صوت المشي___ضل ينسمع
هــذا الفخـر___شغل الدمع
علي وياهم علي
وهاي المجالس انتجت اجيال مشايه
كل جيل بينه من يمر لازم يكض رايه
من عالم الذر لعلي منطينها احچايه
وكل البشر تعرف الشيعه اشلون وفايه
علينه الصوت___بأيام الموت
ابلا هالاجواء___اله بتابـــوت
هذا خطنه ومانختلف نبقه حد المنيه
والله لوگطعو هالنحر هالعهد للزچيه
جاي المشاي ___جاي المشاي
____
طلعت سوه____كل الارض
ويه المشي____تسمع نبض
هلا بالزاير هلا
نبض العشگ__ضل يعتلي
كل خطوه_____وياها علي
هلا بالزاير هلا
نبض العشگ ضل ينسمع بالكره الارضيه
وبكل بقاعه العالم اتحول حسينيه
ياهو التسئله يگلك اني عاقد النيه
طول السنه متاني تجيني الاربعينيه
ياطاري حسين___ويكحل العين
مثلك مولاي_____مانلگه اثنين
والله سودنه هالعشگ سيدي شسوه بينه
هسه صح نمشي احنه الك باچر انته التجينه
جاي المشاي ____جاي المشاي
____
يهل النقد____سمعو الحچي
كل العمر______ازياره وبچي
موتنه ابهذا الدرب
واليعترض_____عدنه الدوه
ضل هوه______والماكو سوه
موتنه بهذا الدرب
ميهمنه حچي الي حچو والي يكرهونه
نزداد بالعده وعدد كل ما يعادونه
من الاخير احچي حچي لازم تسمعونه
هاي البشر كلها اصبحت بحسين مجنونه
يالتنتقدون___واشگد تحچون
بس ويه حسين ___ لامتگدرون
عمي سيف وماتنمنع هايه زلم العقيده
وهسه تمنعنه بالحچي شغله كلش بعيده
جاي المشاي ___جاي المشاي
____
امشي واجي_____بهذاء الدرب
وگبلي احس_____يمشي الگلب
كربله نبضي يدگ
يابوعلي______عشگك هوه
وبالظلمه صار____النه ضوه
كربله نبضي يدگ
لوما نجيلك كل سنه كون النظر يعمه
زحمه العيون الماتشوفك تنفتح زحمه
كل همنه بالدنيا فقط ترضى يبو اليمه
من عالم الذر سيدي منطين الك كلمه
وضلينه وياك____لاماعفناك
واحنه ابكل يوم___نعشگ طرواك
والمحب گلبه ينشرح لونظر للمناره
احلى شي عدنه بالعمر والله هاي الزياره
جاي المشاي ___جاي المشاي
____
يهل المشي____اوياكم حضر
هذا الامام_____المنتظر
هذا ابوصالح حضر
بعينه الدمع_____يجري دمه
يمشي بحزن_____وي فاطمه
هذا ابوصالح حضر
يلا يمشايه اندعو وانشوف راياته
كلش قريب المنتظر بانت علاماته
ياربي سهله الامر تنتظره ثاراته
يلقي عصاته اعله الارض وانشاهد اياته
يصلب فرعون ___ ذاك الملعون
واعداء الدين ____خل يسمعون
لوظهر مهدينه تره يبدي بهل السقيفه
وماكو اي غاصب عالارض يعني هوه الخليفه
جاي المشاي ____جاي المشاي
_____
✍️احمد علي البغدادي
ويلي على المسموم
ويلي على المسموم
___________
الحسين اعله الحسن هالليله ينعه
وزينب عالمصايب تجري دمعه
وتصيح بصوت يايمه يبضعه
اجاچ الحسن هاي الليله مهموم
ويلي على المسموم
ويلي على المسموم
__________
الزچيه اليوم نصبتلك عزيه
وحضر وياها حماي الحميه
بهذا اليوم صارت غاضريه
ومثل حسين راح الحسن مالوم
ويلي على المسموم
ويلي على المسموم
___________
مظلوم الحسن حتى بوفاته
مسموم اويمكثر نايباته
بالهم والالم خلص حياته
ولهذا الوكت ضل گبره مهدوم
ويلي على المسموم
ويلي على المسموم
____________
الله يعين زينب عالمصيبه
بعد الحسن راح اتضل غريبه
من عدها الاخو راح شيجيبه
عگبه اتضل وحيده ابولية الگوم
ويلي على المسموم
ويلي على المسموم
_____________
اشمالك يازمن وي زينب اتدور
صفر ماخذ حسن وحسين عاشور
ضلت عگب اهلها مضلمه الدور
وعاشت من بعدهم قهر واهموم
ويلي على المسموم
ويلي على المسموم
_____________
✍️احمد علي البغدادي
https://youtu.be/POa4Ww6JCKA?si=NculcxnFMVbjQ6Xl
Читать полностью…
https://youtu.be/oQBAR3zpg1E?si=__PGGBoF5hyuxtoN
Читать полностью…
https://youtu.be/BE7xEVmcnW4?si=CvT63K1HGM4_CjAP
Читать полностью…
ياقمر العشيره
الرادود ملا علي حامد
كلمات احمد علي البغدادي
https://youtu.be/62AwzuKu_Tg?si=cCr5hFPHbERxRMTG
https://youtu.be/ZBXgq6o7Ej4?si=j9M2tqy4Eq5Ww5QO
Читать полностью…
"[ وبذاك السوك ]"
https://youtu.be/IzuH14iRdqs?si=tAgSS91legSGCgPl
الرادود الحسيني جلال البهادلي
للشاعر احمد علي البغدادي
مجالس شهر محرم الحرام 1447 هـ ليالي العشرة الثانية من محرم
العراق ـ ميسان - الإدارة المحلية
مكساج : صلاح النجم
مونتاج واخراج : احمد البديري
تنفيذ : اعلام حسينية عشاق الحسين (ع)
للاستفسار والتواصل : 009647805316000
الحسابات الرسمية للراود جلال البهادلي
تابعونا عبر مواقع التواصل الإجتماعي
Youtube :
https://youtube.com/Jalalbahadili
Instagram :
https://instagram.com/jalal.bahadili
Facebook :
https://facebook.com/jalal.bahadili
Telegram :
/channel/jalal_bahadili
tiktok:
https://vm.tiktok.com/ZMNPBDJHA/
https://youtu.be/wwFqAAZe44U?si=pZdufUNlfnCNAM83
قصيدة __قل بسم الله
الرادود _ملا حازم الساعدي
كلمات __احمد علي البغدادي
https://youtu.be/x3AJzv1PBkk?si=nniHxagdDANvmA8N
وارث الغيرة
الرادود : نائل المياحي
كلمات : أحمد علي البغدادي
مكس وتوزيع : عقيل المنصوري
توثيق : شركة العسكري
مصغرة : رقية فاضل
مخطوطة : علي عايد
مجالس شهر محرمالحرام ١٤٤٨ . ٢٠٢٦
حسينية الإمام السجاد عليه السلام
( الضواعن )
الامام زين العابدين السجاد (ع)
_______
انه ابن ذاك الغريب المنذبح
بس سبي عماتي چان اكبر جرح
احنه اهل بيت النبي
وينه اوين السبي
اكبر جرح
________________________
انه ابن الذبيح الما تروه بماي
ابوي الضل ثلث اتيام دون افياي
الخيل ابصدر ابونه انشوف رايح جاي
كلها شواي بس سبي العقيله اهواي
حيف وي بيت النبي اندار الزمن
مو سهل نسوانه من ينسبن
ويحدي بيهن اجنبي
وينه اوين السبي
اكبر جرح
_______________________
احنه اطهر نسب واشرف نبي عدنه
ليش الناس كلها اتحشدت ضدنه
بشنو يطلبون شمسوين وشعدنه
ابيش اتجازي هاي الناس واحدنه
ليش اليجازينه يضربنه بحجر
وليش يم اطفالنه انسد النهر
ها يشام اتادبي
وينه اوين السبي
اكبر جرح
_______________________
ياناس الجره اعليه فلا صاير
لاخر لحضه بالي ابكربله امسافر
لساعة موتي واسمع صوت للحافر
واتذكر ابوي اشلون ضل حاير
والله ماناسي مصايب كربله
لهسه احس بگلبي نبلة حرمله
استمع ياناصبي
وينه اوين السبي
اكبر جرح
_______________________
مطبوعه ابخيالي الصوره ليله
وعاشت كربله اكبر جرح بيه
مجلس للحسين نسوي يوميه
وتجي امنه الزچيه وهيه محنيه
اتموت من تسمع الناعي فاطمه
من يسولف عالحسين وعالضمه
وطاري تل الزينبي
وينه اوين السبي
اكبر جرح
_______________________
انه اتمنيت ابوي بدفنتي الليله
يم راسي يجي وعن فرگته احچيله
يضل يبچي عليه واني ابچيله
واحضنه ومن جروحي اگعد اشكيله
حتى وبموتي تصب عيني دمع
سالمه اضلوعي وابوي ابلا ضلع
وخيم محترگه وعبي
وينه اوين السبي
اكبر جرح
_______________________
✍️احمد علي البغدادي
الليالي السجاديه
https://youtu.be/jwr-CPy1icc?si=XCIP5OfMhFzyN3jk
Читать полностью…
https://youtu.be/dbLZ2lgISY8?si=q3ozsBh7cH5zswEp
Читать полностью…
موتني فرقاك |
الرادود محمد القطيفي
الشاعر أحمد علي البغدادي
https://youtu.be/scBQlWK9NeE
| محرم 1448-2026 |
مونتاج|
حيدر علي
مكساج|
علي العبود
توزيع|
محمد حسين
مخطوطة|
ولاية علي
*انتاج*
اللجنة الإعلامية بموكب التويثير
https://youtu.be/DldYt1sWAq8?si=QCG0Pih4QVeGGpMN
Читать полностью…
دگ الانذار وصوت اعصار
داسو كل فتنه المشايه
جمعو كل الشيعه برايه
دگ الانذار ___دگ الانذار
_____________________
كل خطوه منهم سحگت افكار اليضدونه
للينتقدهم كل سنه ردهم يسحگونه
ياعمي كل هاي البشر بحسين مجنونه
احچو واتعبو امن الحچي لا ماتغيرونه
ذوله الزوار كلهم احرار
عدهم ويه حسين احچايه
جمعو كل الشيعه برايه
دگ الانذار ___دگ الانذار
______________________
حتى بلطمنه نجتمع بالاربعينيه
نلطم ثگيل وشور نلطم على المسبيه
ونقره قصيده بكل لغات الكره الارضيه
تجمعنه كل احنه تره الرايه الحسينيه
مامختلفين لامجتعمين
والحاقد محتار بهايه
جمعو كل الشيعه برايه
دگ الانذار ___دگ الانذار
______________________
نعرف الصح امن الغلط لحد يعلمنه
مانسمع احنه ال اي بشر نسمع مراجعنه
والمايعجبه هالحچي خل هسه يسمعنه
مهما نروح ونختلف وحسين يجمعنه
مامفترقين يجمعنه حسين
وماعدنه بهالحب اي غايه
جمعو كل الشيعه برايه
دگ الانذار___دگ الانذار
______________________
وبالكرم لاتحچي ابد لا هايه شغلتنه
امن البصره ولحد كربله ممدوده سفرتنه
ايسمونه اهل الهلا ومعروفه سمعتنه
اشما حاولو طمس الامر تظهر حقيقتنه
امن اتشد احزام هاي الخدام
وتصيح اهلاً بالوفايه
جمعو كل الشيعه ابرايه
دگ الانذار___دگ الانذار
________________________
خليني اضوج كلمن ايحارب ابو اليمه
جدك بقه بسابع ارض وحسين بالقمه
لوفكرت مس المشو بس لوفقط كلمه
ظهرك نكسره ابياعلي هاي انته لوزلمه
تسمع لولا حدك لهنا
ذوله الستروك الحمايه
جمعو كل الشيعه برايه
دگ الانذار___دگه الانذار
________________________
✍️احمد علي البغدادي
ياخويه حسين باخر انفاس
انه المسموم وانته ابلاراس
عندك امانه القاسم
هذا ابني يمك خادم
اخر انفاس
🏴🏴🏴🏴🏴🏴🏴🏴🏴🏴🏴
يحسين اعز ماامتلك ابني والك دمه فده
هذا الشبل باجر يجي بطفك يمثل والده
وصيته باجر يستعد لوشاف عمه لوحده
▪️▪️▪️
يفزعلك ودمه يسيل ياخويه بين اجفوفك
وتذكرني ياخويه اهناك جن حاضر انه اطفوفك
▪️▪️▪️
ياخويه حسين هذا الوفاي
من تعطش كون يفزعلك ماي
هوه لوصيتي فاهم
هذا ابني يمك خادم
اخر انفاس
🏴🏴🏴🏴🏴🏴🏴🏴🏴🏴🏴
ياخويه انه ابنص هلي يحسين صارت موتتي
وبحجرك اني من متت وانته التشيل اجنازتي
ولاصوبو راسي بحجر لاخيل داست جثتي
▪️▪️▪️
ماصار يحسين مصاب ياخويه مثل العاشر
اتحط اعلى صدري الجفين وانته اعلى صدرك حافر
▪️▪️▪️
خويه تمنيت حاضر يحسين
واسگيك بماي من دمع العين
بس انته كونك سالم
هذا ابني يمك خادم
اخر انفاس
🏴🏴🏴🏴🏴🏴🏴🏴🏴🏴🏴🏴
شيل الطشت زينب اجت ياخويه ماتحمل جرح
اليوم تنظر للطشت باجر تشوفك تنذبح
الله يساعدها بعد مايطلع اعليها صبح
▪️▪️▪️
باجر سبيه وللشام تمشي بضعن جتالك
مجتوفه زينب بحبال وياها كل اعيالك
▪️▪️▪️
ماتحمل سوط بت حيدر هاي
التفگد خوان تبقه ابلا راي
واتطب بقصر الظالم
هذا ابني يمك خادم
اخر انفاس
🏴🏴🏴🏴🏴🏴🏴🏴🏴🏴🏴🏴
معروفه لليفگد أخو يگظي العمر محني الظهر
وانته كسرتين انكسر وحده بمحرم وبصفر
مره انكسر يم الطشت مره انكسر يم النهر
▪️▪️▪️
تفگدني تفگد عباس ياخويه الله يعينك
هم وحزن بس الام تگظيها كل سنينك
▪️▪️▪️
اليفگد خوان مكسور اجناح
كل عمره ينوح لامايرتاح
وبحاله الله العالم
هذا ابني يمك خادم
اخر انفاس
🏴🏴🏴🏴🏴🏴🏴🏴🏴🏴🏴🏴
ياربي عجل بالفرج والمهدي طالت غيبته
واعلى النواصب ننتفض والحسن نبني گبته
زواره مشايه تجي بيديها ترفع رايته
▪️▪️▪️
باجر نطب لال اسعود والمهدي بيده الرايه
وتگوم تطلع زوار سبعه بصفر مشايه
▪️▪️▪️
واقع ويصير لا مو احلام
مولاي نصير بصحنك خدام
والرايه بيد القائم
هذا ابني يمك خادم
اخر انفاس
🏴🏴🏴🏴🏴🏴🏴🏴🏴🏴🏴🏴
✍️احمد علي البغدادي
https://youtu.be/U-lzEZ_wQ40?is=a7sExJuUhQBTe5Tr
Читать полностью…
https://youtu.be/I2puej1RWsM?si=EwgNEYw9Y4OCC7Iz
Читать полностью…
https://youtu.be/8_YconvrRfYsi=LP2pacMnwVd3ALXZ
Читать полностью…
وَعَلِي بَاجِـر نِسَوّيها اِنْتِفَاضَة
وَعَلَى نَعْشَك عَرَاضَة ابْصَف عَرَاضَة
✍️احمد علي البغدادي
https://youtu.be/uBSFfhefvmQ?si=Yw8Xe6HDEbOLQcm-
Читать полностью…
اجت نسمة هوه
هلا بنعش الضوه
__________
عراقي اسمع ندائي
هله بالخامنائي
لانه كربلائي
الأصل عمه الگمر
ننادي امن المناره
هله بهاي الزياره
ونگله هايه داره
الى سابع ظهر
ياهله بيك نحييك يكلك مرجله
گامت اتصيح اجه الخير اراضي كربله
بدمعة العين تره انصيح هله ومية هله
وترحب نينوه
هله بنعش الضوه
_________
جبت عمرك مقاوم
وابد لاما تساوم
نتاجك حجي قاسم
وابومهدي الفخر
حلت ليك الشهاده
يقائد علقياده
يتارسنه اراده
لحد گطع النحر
انت مويوم تضل دوم تاسس قاده
مصنع ابطال للجيال فخر يالساده
ماخلف شور مشه بدور هذيچ اجداده
المكارمهم حوه
هله بنعش الضوه
____________
اريد اكتبلي صوره
شنو جدك شعوره
تجي بنعشك تزوره
اشكثر مشتاگ الك
يالمقلده بثباته
يوارث تضحياته
يماخذ من صفاته
شبه في مقتلك
مثل الحسين على العين تضحي لدينك
هواي مولاي شبه بيك اكو لحسينك
لخدمة الناس والاسلام گضيت سنينك
اله نطلع سوه
هله بنعش الضوه
______________
الى الشعب العراقي
يگول انه اشتياقي
الكلامه كله راقي
هله بجيته هله
اطلعوله بمسيره
اجانه الكله غيره
وجوب لكل عشيره
تجي ونستقبله
كون الاعلام على الحيد ترفرف بالسمه
هذا معروف يهالناس حفيد لفاطمه
امفصله اعليه وحلت بي يهاي الخاتمه
يمن جيتك دوه
هله بنعش الضوه
_________
✍️احمد علي البغدادي
گالو كـــل وكت ينعـاد عاشور
أعتقد عاشورنه صرت أنته مولاي
وگبل گطعوا الماي وذبحو ازغار
وأحس وجه التشابه كلش هواي
أشو تابوت الزغيرونه تفصال
وهم أنته متت مـاشارب الماي
✍️احمد علي البغدادي
يابويه___حط عينك وسط اعيوني
يابويه___احچيلك عالضربوني
يابويه___ليش الناس اياذوني
يابويه__يابويه
بويه گلي كلمه وحده
فدوه بس افتحلي عينك
گلبي بويه گمت اسمعه
نبضه بس يصيح وينك
يابويه من ساعة رحت هجمت الناس اعلينه
شي بالحجر شي بالعصي والوادم اتسب بينه
بس ردت اسئلك عن امر ياذنب المسوينه
شحچيلك ___وشصار بليل العاشر
شحچيلك___اضلوعك جاباها الحافر
شحچيلك___واتهل ادموع الناظر
يابويه__يابويه
بويه تدري عمتي زينب
من بعد ذيچ الرزيه
اختك الچانت اميره
هسه سموها السبيه
اتلم بينه واتطفي الخيم والوادم ايشتموها
شي بالسياط وبالحجر يابويه ويضربوها
ماتلحگ اتجر النفس من الضرب تعبوها
يازينب___اطفال ونترجاها
يازينب___يابويه وتعبناها
يازينب___الله اليدري ابلواها
يابويه___يابويه
الكوفه من طبينه ليها
بويه شحچيلك شوصف
راح اموت ومانسيته
الصار بيه اشلون موقف
وانه على ظهر الهزل اطفالهم اذوني
يگلولي ماعندچ ابو ايضحكون وايضربوني
واتحملت كل هالالم وابچي وتهل اعيوني
يضربوني___يابويه اتصيح اشفافي
يضربوني___گتلهم چا مو كافي
يضربوني___من طگهم زرگه اچتافي
يابويه__يابويه
الشام اخ الشام بويه
الوادم اندارت علينه
شي اطگنه وشي اتسبنه
وكلها فرحانه بسبينه
بطبولها الوادم اجت والناس شو فرحانه
كلها علينه اتكالبت محد وگف ويانه
والحادي من گد الضرب انجر نفس ما خلانه
بس راسك___يتحرك لو ضربونه
بس راسك___دم ايصب من اعيونه
بس راسك___يتعمدون ايديرونه
يابويه___يابويه
بعد هالرحله الطويله
وهايه قصتنه العجيبه
بويه هسه اوياك اخذني
ولاتخليني غريبه
راح اسد عيني وبالحلم مر بيه طيب جروحي
وانه اطيبن بس اذا وياك تاخذ روحي
مارايد اخلص هالعمر بس بدموعي نوحي
خليني___ارحل ماشوف اجروحك
خليني___تنشد روحي ابنص روحك
خليني___مااريد اجروحي اتلوحك
يابويه ___يايويه
______
✍️احمد علي البغدادي
كلما عيني اتصد للماي
اتذكر عطشان اهواي
ابوي ____ابوي
_______________
عايش هاي الحاله سنين
من اشرب مي تجري العين
لو حطو گدامي الماي
كلشي اگبالي يصير حسين
ايصير اگبالي ابلايه افياي
اتذكر عطشان اهواي
ابوي _____ابوي
_______________
لحد الموت وعيني اتسيل
وي نومي اسمع صوت الخيل
ماانام وعايش اللام
وانهاري اصبح مثل الليل
يابويه وتسمع شكواي
واتذكر عطشان اهواي
ابوي ____ابوي
_______________
لوچف صافحني امن الناس
اتذكر چف العباس
واتذكر ذاك العامود
من صابو عمي اعله الراس
عايش طف حسين اوياي
واتذكر عطشان اهواي
ابوي ____ابوي
_______________
لومرت زفة عرسان
تعمه العين اعله الشبان
ينعاد الطف چنه اليوم
ومذبوح اگبالي القران
چن جاسم وياهم جاي
واتذكر عطشان اهواي
ابوي ____ابوي
_______________
كلما جدمي ايطب السوگ
اتصير اگبال اعيوني النوگ
واشلون الوادم بحجار
عبالك تطلبنه احگوگ
كلما انسه اتذكر هاي
واتذكر عطشان اهواي
ابوي ____ابوي
_______________
حتى واني بساعة موت
صوت اسمع يم التابوت
اسمع صرخات النسوان
عايش بيه هذا الصوت
بموتي ومارحمتني اعداي
واتذكر عطشان اهواي
ابوي _____ابوي
______________
✍️احمد علي البغدادي
الليالي السجاديه
