مقدمات الليالي ( الليله السابعه)
طول يا ليل هايـه سـابع ليلـه
طول يا ليل هايـه سـابع ليلـه
_______________________
خليها تضل الخوة والـخـوة
لأن حسين باچر يمشي بالگوة
يرد من النهر للخيمة يتلوة
شاهد هالوكت بحسين وشسوة
باچر حسين ينهدم كل حيله
طول يا ليل هايـه سـابع ليلـه
______________________
من هسه بدت دنيانه تتكدر
وكلشي گبالنه ياناس صار أحمر
شني من يوم يخنگ شحچي أتحير
باچر راح گلب حسين يتفطر
يمشي ويطيح محد يتچيله
طول يا ليل هايـه سـابع ليلـه
______________________
إجاها حسين زينب حالها شلونه
من تشوفه وحده يدير بعيونه
وتدري حسين أخوها بعازة العونه
ما عنده ظهر يعني يذبحونه
اتعاين حسين بغربته وتبچيله
طول يا ليل هايـه سـابع ليلـه
______________________
يگللها يزينب گطعوا ازنوده
وطاحت رايته عالگاع وي جوده
بسهم عباس أخونه اعيونه ممرودة
راح احزامنه عباس شيعوده
وآنه مخنوگ ماكو أخوي أشكيله
طول يا ليل هايـه سـابع ليلـه
______________________
يااخيتي يزينب عفته وآنه أدري
يم شاطي النهر خويه عفت عمري
زينب خويه والله آنه انكسر ظهري
اشگد بيه صبر بس ما نفع صبري
لا منرتاح لو دمعنه انسيله
طول يا ليل هايـه سـابع ليلـه
______________________
✍️احمد علي البغدادي
مقدمات الليالي ( الليله الخامسه)
طول ياليل هايه خامس ليله
طول ياليل هايه خامس ليله
_______________________
لأبو طاهر نريد الدمعه نجريها
غريب الكوفة مسلم وانغدر بيها
خليها تصب ادموعي خليها
هاي الليلة واجب إحنه نحييها
كون الدموع من دمه تبچيله
طول يا ليل هايه خامس ليله
______________________
ضل بين الأزقة يدور وحاير
لا يمه أهل لا من فزع ناصر
كل فكره وخياله لكربله مسافر
شلون حسين إلها لو وصل باچر
والوكت چان بس غدر بس حيله
طول يا ليل هايه خامس ليله
_______________________
وفي وناذر حياته لمذهبه ودينه
وعلى العايل أبد ما غمضت عينه
مسلم چان يعشگ خدمة حسينه
رجل ناذر حياته بس لبو سكينه
وچان الحسين دائماً يدعيله
طول يا ليل هايه خامس ليله
_______________________
أتخيل حالته وأتخيل اشلونه
بنص غربه وحيد يدير بعيونه
الناس اتجمعوا حتى يذبحونه
الهوى لو بـيدهم چانو يگطعونه
راد لحسين يوصل ويحچيله
طول يا ليل هايه خامس ليله
_______________________
بآخر لحظة مسلم چان كل همه
كلمه وراد كون يوصل الكلمه
يا هالناس سلمولي عله أبو اليمة
وگولوله ابن عمك رخص دمه
بدمي اليسيل ردت بس أوفيله
طول يا ليل هايه خامس ليله
______________________
✍️ احمد علي البغدادي
مقدمات الليالي ( الليله الثالثه)
طول يا ليل هـايـه ثـالـث لـيـلـه
طول يا ليل هـايـه ثـالـث لـيـلـه
_________________________
طول خل نِون تستاهل الدمعه
العافوها ومشو ما ظن بعد رجعه
كون بهالقصيده اليوم أريد أنعه
وابچيها اعله أبوها المنكسر ضلعه
تبچي لحسين واحنه هم نبچيله
طول يا ليل هـايـه ثـالـث لـيـلـه
________________________
عافوها ومشو والبيت ضل خالي
بطاريها أموتن لو تراوالي
هم طفله وعليله وهم بلا والي
وصعبه الغالي من ايفارگ الغالي
والضعن راح هيه بس توميله
طول يا ليل هـايـه ثـالـث لـيـلـه
________________________
تشم بهدوم أبوها وتجري دمعتها
وتگلب ذكريات اشعدها لخوتها
تتذكر گبل بالدار عمتها
الدنيه اندارت لوحدها خلتها
ياهو بالدار تگعد وتشكيله
طول يا ليل هـايـه ثـالـث لـيـلـه
________________________
سمعنه ابلا أبوها اتموت البنيه
لأن ضل الأبو يترسها حنيه
بس قصتها چانت تختلف هيه
ماتوا كل أهلها وتنتظر جيه
الميت اشلون برجعته تدعيله
طول يا ليل هـايـه ثـالـث لـيـلـه
________________________
ويه أم البنين اتشاركت بالوَن
سوه يگعدن على الغالين من يبچن
بطاري حسين كل ما سولفن يحچن
يتچون بقن بالفرگه يتچون
يرجع حسين نگعد ونحچيله
طول يا ليل هـايـه ثـالـث لـيـلـه
________________________
✍️ الشاعر أحمد علي البغدادي
مقدمات الليالي ( الليله الاولى)
طول يا ليل هايه أول ليله
طول يا ليل هايه أول ليله
______________________
ها يهلال خفف مشيك اشويه
ليليه أشد من غير ليليه
محرم من يمر نحسب لياليه
ويوميه الجروح اتهيج يوميه
والله نحتار يا جرح نبچيله
طول يا ليل هايه أول ليله
_____________________
امن نريدك تطول لا يجي باچر
باچر نمشي خطوه الليلة العاشر
العاشر يعني خيل ودوس بالحافر
ومن هسه بدينه نكسر الخاطر
اهلال عاشور ردنه بس نحچيله
طول يا ليل هايه أول ليله
_____________________
باچر كربله يحط الظعن بيها
حر وتراب أبد ما ينگعد بيها
ووجوه الورود أتراب غاطيها
بدايه للمصيبه هاي أسميها
وزينب اتگول وين أبوي اشكيله
طول يا ليل هايه أول ليله
_____________________
اليوم الغربه عصرت گلب ابواليمه
رغم أنصاره كلها اگباله ملتمه
گلي اشلون إذا محد بقه يمه؟
لا أخ لا أنصار ولا ولد عمه!
ياهو وياه بطيحتة ايتچيله
طول يا ليل هايه أول ليله
_____________________
يهلال المصايب هونك اعلينه
وي ممشاك تتكاثر بواچينه
ننوح وياك ها يهلال خلينه
مجروحين مذبوحين تدرينه
امشي بهداي خل دمعنه نسيله
طول يا ليل هايه أول ليله
_____________________
✍️احمد علي البغدادي
على حب محمد وال محمد
يوم الثلاثاء ان شاء الله الساعه 9
#أُمُّنَـا_فَاطِمَـةُ_🤍
والله لـو دارت وجههـا اشلـون بينـه
نخـدم ونتعـب ومتبـاوع علينـه . . !
لا لطمنـه يفيـد لاينفـع بـچـيـنـه . .
وشنو فايدته اللطم لوماتجينـه . . ؟
✨ قريباً | المنهاج السنوي 1448 هـ
✍️ : أحـمـد عـلـي الـبـغـدادي
ارد اسئله النهر
يمه طايح گمر
يانهر چا مالگيت اچفوف عباس
__
اجيتك حاير اشوف شصاير
اشصار يمك يانهر
اجر بجدامي عمود اخيامي
وين وداه الدهر
ليش منك ماشرب ليش عاف الماي ماشرب منه
چان بالخوه يهم ابد ميهم بيك انه اعرفنه
من وصلتك صحت
يمك انه طحت
من شفت مدميه عينه وضربه بالراس
يانهر چا مالگيت اچفوف عباس
___
انه الوديته. اشكثر تانيته
راح يمك مارجع
چنت بالخيمه. واصد للهيمه
منها احس صوته طلع
صاحلي ادركني ورحت اركض ابلاراي تعثر اجدامي
اتحيرت بين الگمر وبين هالعدوان تحرگ اخيامي
واركضتله بدمع
مني محني الضلع
لحگت لاچن لگيته بأخر انفاس
يانهر چا مالگيت اچفوف عباس
____
اجيت الشوفه. لگيت اچفوفه
چان كل چف بكتر
المن بيهن. سوه مخليهن
لحظه وتعادل عمر
وگلبي ضل اعله النهر من عفت عباس امگطعه اچفوفه
اشلون ينصاب الگمر والنبل بالعين وهامه مخسوفه
منظر اشگد صعب
عفته يمه الگلب
ضلعي اهون لوفقط بالخيل ينداس
يانهر چا مالگيت اچفوف عباس
____
اخير انفاسه. اگعدت يم راسه
امسحت من عينه الدمه
يگلي حسيني. تشاهد عيني
فدوه لمك فاطمه
الموقف الشفته صعب ماتحمله اجبال وانكسر ظهري
عالنهر يم الگمر ساعة الرديت ودعت عمري
ياگمرنه شبدر
واكسرتلي الظهر
بروحتك متشمته بيه هاي الارجاس
يانهر چا مالگيت اچفوف عباس
____
ارجعت بس خالي. تركت الغالي
وزينب اتاني الخبر
تصب بدموعي. والم بضلوعي
وهيه حست بالخطر
صحت يازينب نعم طايح العباس عالنهر عفته
وگال لومو هالقدر گلها ابو النوماس مايعوف اخته
صاحت ام الخدر
باچر امشي بيسر
من رجعت امن النهر چان اصعب احساس
يانهر چا مالگيت اجفوف عباس
____
جديد
✍️احمد علي البغدادي
عالمي الثاني محرم عالمي الثاني
_________
شهر الاحزان لقد حان يعشاگ الدمع
صوت الاملاك ينوحون يوادم ينسمع
هالسنه كون تلطمون لحد كسر الضلع
بالعزائات تذُوبون مثل ماي الشمع
قمة احزاني عزائه قمة احزاني
عالمي الثاني محرم عالمي الثاني
________
شدو الاحزام يخدام هله ومية هله
رفعو الاعلام والاحزان على حسين وهله
كلشي بالكون بياضات سواد نبدله
كل الگلوب يعشاگ نشدها بكربله
الله سواني لجلهم الله سواني
عالمي الثاني محرم عالمي الثاني
________
نريد الاعلام هالايام ترفرف بالسمه
نلطم انوح على حسين نواسي فاطمه
بالدمه كون تنزفون على شهر الدمه
ابمجلسه الموت يهالناس يحسن الخاتمه
يبقه عنواني حسيني يبقه عنواني
عالمي الثاني محرم عالمي الثاني
________
بالعزائات يهالناس اشم ريحة هلي
امفتح العين على حسين ولي ونعم الولي
ابلفة الگماط يگولون هلي چانو الي
هذا الحسين ضوه العين. ابن حيدر علي
واني رباني طريقه واني رباني
عالمي الثاني محرم عالمي الثاني
_________
يله ياناس على الراس نجي ونلطم سوه
الكل يعرفون الحسين اعز من الهوه
لكل الجروح والامراض فقط اسمه الدوه
الضلمه بحسين وابوحسين الي صارت ضوه
يعجز الساني شسولف يعجز الساني
عالمي الثاني محرم عالمي الثاني
________
جديد
✍️ احمد علي البغدادي
اضرب ابعصاك ___ ياجاسم
الله قد دعاك ___ ياجاسم
من الكليم ___ لابن الكريم
اضرب ابعصاك ياجاسم
_____
ياسحر اليوگف گدامك من تلقي بعصاتك
يبن احيود الملعب بالطف شوفهم اياتك
عمك وارث موسى اگبالك ويشاهد صولاتك
كل نبي ومرسل يشاهد قصه هاي امسجله
امن ادم لجدك محمد كلها شافت كربله
ومشهدك كلش عظيم ويمنه عندك منزله
يالوجدنه بيك ___ ياجاسم
انت سر ابيك ___ ياجاسم
بسم الرحيم ___ لابن الكريم
اضرب ابعصاك ياجاسم
______
محلاها اوصافك ياجاسم واعيونك محلاهه
تجدح غيره وتسحر عينك سبحان السواهه
مره انشوفك حيدر بالطف مره نشوفك طه
معجزات الانبياء انجمعت وصارت بشر
اتقسمت لثنين حصراً جاسم وعمه الگمر
جاسم اعله الجيش نازل عمه نازل عالنهر
انتم الفحول ___ ياجاسم
يابني الرسول ___ ياجاسم
من العليم ___لابن الكريم
اضرب ابعصاك ياجاسم
_______
محد يستغرب من عمرك ثبت هاي أمجادك
انت الوارث هايه الغيره امن ابائك واجدادك
يالچنت اول شاب بجيلك تفرح بستشهادك
جدك القالع الباب الگال انه حيدره
وهل اگبالك ابوفاضل ذاك سبع الگنطره
وبالجمل والدك عاقر جمل چان لفد مره
رفرف بلواك ___ ياجاسم
هكذا اباك ___ ياجاسم
عهداً قديم ___ لابن الكريم
اضرب ابعصاك ياجاسم
________
عالمخلوقات بهالدنيه جدك ناشر دينه
وهسه بدمك وبدم عمك راد يثبته حسينه
گلهم دين الهادي الباقي ابحاضرنه وماضينه
مايصير الشرك يحكم دينه واضح جلي
اله اشرب السيف دمكم يي وحگ جدي علي
الشرد من عندي اجيبه واليگابل يبتلي
منهو يدنه ليك ___ ياجاسم
وانته بين اديك ___ ياجاسم
سيف الجحيم ___ لابن الكريم
اضرب ابعصاك ياجاسم
_________
بس اخر مشهد بچانه وهواي اتأذينه
من حسين يشاهد دمك وايصب دم من عينه
هواي ايحبك جان حسين وشالاك ابچفينه
رجع للخيمه ايتلوه وصاح يمه فاطمه
هذا ابن الحسن بيدي سابح ابفيض الدمه
يمه هالشبان ماتت بالسيوف وبالضمه
عمك اعتناك ___ ياجاسم
بالدمع اجاك ___ياجاسم
اليوم الاليم ___ لابن الكريم
اضرب ابعصاك ياجاسم
__________
جديد
✍️احمد علي البغدادي
يادمع العين چا وين حسين
انه الضحت برباها
يمته ترجعون وترد ام عون
واتگابل انه اوياها
____
اريد اسئلها عن حسين انه هواي مشتاگه
هم رجعه اله للدار عيد يصير الملاگه
كلها اتهون والله اتهون اخ حسين وافراگه
من يوم المشه لليوم ناره بگلبي حراگه
مشتاگه هواي. يالجيتك ماي
عطشانه اني ويروني
واشگد تانيت ترجع ياريت
جيتك واتكحل عيني
____
اشمه ابصدره لويرجع مشتاگه اشم عطره
يم عباس لوتدرين حسينچ منگطع نحره
الشمر بيده يكض السيف ويتربع على صدره
يحز امن الگفه راسه وايطبره اثنعش طبره
ماكو العباس من حز الراس
وحسين يدير ابعينه
وابلاخوان احسينچ عطشان
محد يفزع ويعينه
____
گلبي ايلوب صار ايام مدري شصاير ابحالي
افز بليل من النوم مرعوبه انشغل بالي
بس لاشي جره اعله حسين يمه اوليدي يالغالي
يمه ارجع يبعد امك گام الموت يدنالي
دليني الموت اشوه التابوت
ولاتگطع بيه ادخيلك
انه اترجاك يمه احجي وياك
ليل انهار انه ابچيلك
____
ردلي وخل ترد الروح بيه وتنشف اجروحي
سد حلگ الشماته حسين وسكت دمعتي ونوحي
حسين انت عزيز هواي اعز من ولدي من روحي
بحلم مااگول هالكلمه انه حسين مذبوحي
ترجع ياريت ويضوي البيت
ياسيد هاي الديره
لا لا لتروح يابعد الروح
حسين اتخلينه ابحيره
____
زينب من ترد يحسين كون الگاها فرحانه
ونگعد يمه وسط الدار وانته تگعد ويانه
وصدر ديوان مگعادك واخيك كاعد اهنانه
العليله تفرح ابجيتك وابد ماتبقه حزنانه
هاي الاحلام والواقع شام
وزينب غربه التسبيها
راسك مرفوع مكسور ضلوع
هاي القصه الادريها
____
جديد
✍️احمد علي البغدادي
نار الگلب نار ___والافكار__ _يستار
يابويه وشصار _والاخبار _تجي اسرار
عفتوني بالدار ____ضل بالي محتار
يبويه ___________يبويه
__
دخيلك ___تدزلي بس رساله بروحتك هاي
وتگلي ___شنو قصة العطش وياك والماي
يبويه وارد احلفك بمك الزهره
تذكرني تره اني لهسه منتظــره
المـــفارگ يبويه ينتهي عمـــره
ومحتاجه اشوفك لوحلم مـــره
يابويه والعين __تصد وين __بلاحسين
عالفرگه ناوين __مبعدين __تصب عين
خلولي تذكار____ضل بالي محتار
يبويه ___________يبويه
__
اسئلك ___هم تشتاگلي وتهــــل العيــــون
واگلك ___يبويه اشلون تحمل فرگتي اشلون
عايـــش بيه احسك بويــــه ليليه
مثل نسمة هوه وتنزل على الريــه
ابكل افكاري احس ماكو بعد جيــه
وانه اعله الهجر كل حيــل مابيــــه
يابويه تانيت ___تمنيت____ترجعون
واهواي ناديت __ترجيت __تسمعون
گلبي تره انهار ______ضل بالي محتار
يبويه_________يبويه
__
دموعي __تسولف عن جروحي بفگد الاحباب
اتاني ___يبويه وعيني بس مگابله الــــــباب
مـــاادري يبويــه هم الك رجعـــه
انه اخلافك بقيت معاشره الدمعه
ذابت روحي ذايت بويه چن شمعه
هم ويه الاهل فد يـــوم الي جمعه
مشتاگه تدرون ___للضعون__ لچن كون
كلكم تردون ___تشوفون ____هالعيون
بس تهمل اعبار ______ضل بالي محتار
يبويه ___________يبويه
__
اريدك __تجي وتمسح على راسي واحاچيك
اشمك ___وابوس اچفوفك وبعيوني اخليك
اخافن هاي بس احلام احس بيها
ابنيتك بويـــــه فـــدوه لاتخليها
متانيتك تجي بفيــــك تغطيـــها
اخلافك بويه روحي ابيش اسليها
يالعطرك ايفوح __والجروح __اذا تروح
يگضي العمر نوح __سوه انوح _يمجروح
مشبوحه الانظار ____ضل بالي محتار
__
عليله ___نعم بس انه شوفة وجهك ادواي
نحيله ___اطيب بشوفتك يالشوفتك مــاي
يابويــــــــه المـــرض لامـــاياذيني
اليجرحني لان مـــــــاشافتك عيني
عليــــك بفاطــــمه لا لا تخليـــني
صعبه اشلون اخلص بعدك اسنيني
شيخلص الجاي __تره هواي __هالسنين
كون انه وياك __سوه اهناك _يالحسين
بويه الزمن جار ______ضل بالي محتار
يبويه _____________يبويه
__
✍️احمد علي البغدادي
محرم الحرام 1446 هـ
اشگد حاولو عن حبك يغيرونه
ياعلي والله والله ماگدرونه
________________
يي وحگ رب العرش والعتره والدين
الدنيه ماتسوه فلس من غير ابوحسين
احنه جننه علي وصرنه مجانين
ونبقه نهتف ياعلي عدلين ميتين
وبهالعشگ كلها اصبحت مجنونه
ياعلي والله والله ماگدرونه
_________________
انته وحدك ياعلي اتحل الثگيلات
واحنه مانادينه غيرك على الكلفات
ماكو صعبه يم علي كلهن بسيطات
روح دگ بابه علي ايمطر السماوات
وخلي النواصب هالحچي يفسرونه
ياعلي والله والله ماگدرونه
__________________
يي وحقك ياعلي ماعدنه غيرك
والله دنيه واخره امغطينه خيرك
الناصبي مني استمع مااستشيرك
غصباً اعله شواربك حيدر اميرك
الله امركم گلكم اتبعونه
ياعلي والله والله ماگدرونه
__________________
والله اذا فكرو يم بابك يوصلون
الشام كلها انشيلها وانشلع اعيون
احنه الندور عليهم حجه يحچون
نريد منهم كون ناخذ ثارها ام عون
وسابقاً همه بالحرب شافونه
ياعلي والله والله ماگدرونه
__________________
احنه من بعد النبي عدنه انته الاسلام
ياچبير الدين انته وشيخنه العام
يم ترابك عدل ميت امن ونام
انته بس انته خليفه الباقي اقزام
هذا حديثي واستمع مضمونه
ياعلي والله والله ماگدرونه
__________________
✍️ احمد علي البغدادي
(جديد)
جايك عدل ◾️ميت اجيك
موتي وحياتي ◾️ابين اديك
ياحيدر ◾️ياحيدر
🏴🏴🏴🏴🏴🏴🏴🏴
صح جايك عدل بس ميت ابابك
اموتن من اشم ياحيدر اترابك
شكو ابگلبي سواد ايطيح بعتابك
يصاحب صاحبك هنيال اصحابك
كل المحنه ◾️الگاها بيك
موتي وحياتي ◾️ابين اديك
ياحيدر ◾️ياحيدر
🏴🏴🏴🏴🏴🏴🏴🏴
انه اعشگ علي مو كلمه واحجيها
من تسمع كلامي افهم معانيها
افتح روحي شوف اشبيها مابيها
يطلعلك علي اولها تاليها
يوميه اضل ◾️ابجي عليك
موتي وحياتي ◾️ابين اديك
ياحيدر ◾️ياحيدر
🏴🏴🏴🏴🏴🏴🏴🏴
مولاي امن ازورك فدوه دنيني
ميت لوعدل بالباب خليني
تدري انه اعله حبك فتحت عيني
وخلصن بس علي ايامي اسنيني
مترجعه ادري ◾️اليعتنيك
موتي وحياتي ◾️ابين اديك
ياحيدر ◾️ياحيدر
🏴🏴🏴🏴🏴🏴🏴🏴
باجر من اموت ومن اجي يمك
مايقبلها عقلي اتعوف اليخدمك
انته الحاضر الشدات صار اسمك
متعوف اليحبك هذا كل همك
بگلبي فلا ◾️عندك شريك
موتي وحياتي ◾️ابين اديك
ياحيدر ◾️ياحيدر
🏴🏴🏴🏴🏴🏴🏴🏴
علي واشگد محبتك راحه نفسيه
واشگد حب علي متروس روحيه
اشگد تارس گلب هالشيعه حنيه
بس وكت الحرب كلنه فدائيه
وبكلشي حيدر ◾️نفتديك
موتي وحياتي 🏴ابين اديك
ياحيدر ◾️ياحيدر
🏴🏴🏴🏴🏴🏴🏴🏴
✍️احمد علي البغدادي
/channel/baggdade
علي لتعوفنه ◾️نعض اجفوفنه
غيابك جارح ◾️نحسك رايح
دخيلك ◾️◾️◾️دخيلك
🏴🏴🏴🏴🏴🏴🏴🏴🏴
راح احجي بلسان الشيعه ايتامك
وسفه وخلصت ياحيدر ايامك
كون انموت كلنه اليوم گدامك
يمن فدوه نروح لتربة اجدامك
دمع احبابك ◾️وصل يم بابك
سمعت الصايح ◾️نحسك رايح
دخيلك ◾️◾️◾️دخيلك
🏴🏴🏴🏴🏴🏴🏴🏴🏴
ميزان العدل هالليله خلانه
ياعنوان كلشي وراح عنوانه
النهار ابلا علي متغيره الوانه
ارجع ياعلي شيعتك حزنانه
اجينه بدمعه ◾️عليك البضعه
دمعنه السايح ◾️نحسك رايح
دخيلك ◾️◾️◾️دخيلك
🏴🏴🏴🏴🏴🏴🏴🏴🏴
تمتد العصور وشيعتك هيه
ياعصر اليجي هالناس مجويه
وياهو الي ظلمهم ضاع طاريه
وبقت شيعة علي ابكل جيل ثوريه
شعار الشيعه ◾️علي منبيعه
اليحبك ناجح ◾️نحسك رايح
دخيلك ◾️◾️◾️دخيلك
🏴🏴🏴🏴🏴🏴🏴🏴🏴
كل هاي الحروب الدارت اعلينه
كلها جي نحبك وانته والينه
وانته تشوف كل حاضرنه ماضينه
اشگد شفنه ذبح بس ماتبرينه
اشكثر ذبحونه ◾️فلا منعونه
طريقك واضح ◾️نحسك رايح
دخيلك ◾️◾️◾️دخيلك
🏴🏴🏴🏴🏴🏴🏴🏴🏴
يجي يوم وتشوف الشيعه منصوره
وراية ياعلي عالغيم منشوره
وعد من الاله وكلها مذكوره
ماضل شي بدت تتوضح الصوره
الامام القائم ◾️قريبا قادم
ابد ميسامح ◾️نحسك رايح
دخيلك ◾️◾️◾️دخيلك
🏴🏴🏴🏴🏴🏴🏴🏴🏴
✍️احمد علي البغدادي
/channel/baggdade
https://youtu.be/xVuwJ_pFU7Q?si=8H3solg481T5LHFA
Читать полностью…
مقدمات الليالي (الليله السادسه)
طول يا ليل هايـه سـادس ليلـه
طول يا ليل هايـه سـادس ليلـه
_______________________
هاي الليله كلفه والـزلم كلفـه
زلم كول وفعل تستاهل الوسفه
جرحهم ما يطيب ولا تظن يشفه
أنصار حسين عالعيلات ما تغفه
ذوله الأنصار خل دمعنه نسيله
طول يا ليل هايـه سـادس ليلـه
______________________
شهادة لو نصر واثنينهن عـاده
قادة بالحرب جانوا صـدك قادة
إلهم صولة جانت صولة للسادة
واحدهم كلف معـروف بعنـاده
المنهم يطيح صاحبه يشد حيله
طول يا ليل هايـه سـادس ليلـه
______________________
صاروله درع بـحدود المخيـم
واليوصله كالو راح يتنـدم
إله كربله يترسها فيض الـدم
اليريد الصحبة خل من عدنه يتعلم
كالو حسين بالدمه انضحيله
طول يا ليل هايـه سـادس ليلـه
______________________
غيرة ومرجلة منهم تعلمنـه
وما دنكنه راس وما تخضعنـه
بي جينات من عاشور واحدنـه
نعيش نموت لازم ينتصر دمنـه
الرايد شهود دمنه ظل يحجيله
طول يا ليل هايـه سـادس ليلـه
_______________________
ربك رافع الأنصار بالقمـه
وصارت أضرحتهم يم أبو اليمه
ورفع كلمن بذل لجل الشرف دمه
نعمه انطاها لليستاهل النعمه
وهالشرف كون كل وكت نسعيله
طول يا ليل هايـه سـادس ليلـه
_______________________
✍️احمد علي البغدادي
مقدمات الليالي (الليله الرابعه)
طول يا ليل هايه رابع ليله
طول يا ليل هايه رابع ليله
________________________
على أم البنين الدمعة نجريها
تون لحسين ما سكتت بواچيها
بلكي اليوم بالدمعة نواسيها
وتهيد جروحه ذيچ التأذيها
يلا هاليوم خل دمعنا نسيله
طول يا ليل هايه رابع ليله
_______________________
كريمة والكرم تفصال وياهه
من شدة كرمها ضحت ارباهه
الله اختصهه للحاجات سواهه
وتحس الباري للصعبات خلاهه
لمن نطيح كل حملنا تشيله
طول يا ليل هايه رابع ليله
_______________________
ظلت بالمدينة وهي منتظره
ومن گد البواچي اعيونها حمره
تريد حسين ضلت بالگلب حسره
تمثل أمه چانت فاطمة الزهره
اتيتم ازغير وهي شدت حيله
طول يا ليل هايه رابع ليله
_________________________
عقيدة ودين عدهه وتمتلك همه
مره ربت زلم لحسين أبو اليمه
وچانت عدهه ويه أولادها كلمه
اليعوف حسين لا يحسبني آنه أمه
هذا الحسين واجب نضحيله
طول يا ليل هايه رابع ليله
________________________
راح حسين عنها وما درت عنه
لا مرسال اجاها ولا خبر منه
يأم الأربعة ماكو بعد ظنه
تعاي وشوفي الخيول اليسحكنه
راح عباس ياهو اليتچيله
طول يا ليل هايه رابع ليله
________________________
✍️احمد علي البغدادي
مقدمات الليالي ( الليله الثانيه)
طول يا ليل هايه ثاني ليله
طول يا ليل هايه ثاني ليله
_______________________
خله يطول ليل الخدمه والدمعه
كل يوم بسنه ردناها بس ننعه
يا خدام ذاك المنكسر ضلعه
اجه شهره وبدينه المنبر نسمعه
يگول الحسين كون دم نبچيله
طول يا ليل هايه ثاني ليله
_______________________
ليلة خدمه هاي وكون نحييها
يا خدام ندرس من معانيها
تره الخدام كلها حسين راعيها
وبكيفه الينصيها اليعليها
المهم كون بالأدب نوفيله
طول يا ليل هايه ثاني ليله
_______________________
اشگد خدام چانت واحنه شفناهه
من ذيچ البساطه حسين علاهه
خدم صح لكن الملاچ سواهه
وخلاهه القصايد ذيچ خلاهه
خادم حسين كل وكت ندعيله
طول يا ليل هايه ثاني ليله
_______________________
الله اختار هاي الناس للخدمه
وصارت هالخدامه اعله الخدم ذمه
عهد وقعنه ويه حسين ابو اليمه
هايه النعمه واجب نشكر النعمه
واحنه كل جيل عن قبل نحچيله
طول يا ليل هايه ثاني ليله
_______________________
ختاماً بالرساله انتهي وابدي
أصغر خادم وسمعوهه من عندي
كون تصير جدي بخدمتك جندي
وترفرف رايتك حد طلعة المهدي
وين الحسين انته روح اسعيله
طول يا ليل هايه ثاني ليله
_______________________
✍️احمد علي البغدادي
السلام عليكم خدام الحسين ع سيتم نشر منهاج محرم الحرام لسنة 1448 هـ كاملاً قصائد والحان 👇
Читать полностью…
🏴 راح اكتب اصعب كلمة 🏴
تـدوس الـخـيـل واهـدوم وجـلـد تـشـلـع
جـلـد الـطـف عـلـى هـذا الـوضـع يـگـشـع
الـخـيـل اتـگـول ثـار وتـاخـذه امـربـع
عـظـم صـدره اعـلـه رمـل الـگـاع ظـل يـطـبـع
ـــــــــــــــــــــــــــــــــــــــــــــــــــــــــــــــ
▪️ ضمن منهاج محرم الحرام ١٤٤٨ هـ ▪️
ـــــــــــــــــــــــــــــــــــــــــــــــــــــــــــــــ
#يا_حسين
#ويبقى_الحسين
#عاشوراء_1448
يمه علي ____يمه علي
يمه علي ___يمه علي
__________________
كل حرمه تنشغ عالولد تنخه علي تلگاهه
وانه امك انخالك علي يردك وبيك اتباهه
جدك تشبها انته نعم وشايل ملامح طه
يل مني يبني لورحت يعني امك الله وياهه
يمه علي ____يمه علي
يمه علي ____يمه علي
_________________
ها يالورد ليش الورد يبني يموت بسرعه
وچا ليش كل آل النبي مابين لوعه ودمعه
موسهل عالأم ياعلي لمن ضناها تودعه
ويعني بعد يمه هلا هالصوت ابد مااسمعه
يمه علي ____يمه علي
يمه علي ____يمه علي
__________________
كل ذكرياتك بالزغر هسه اني افكر بيها
الچانت تباوعلك تضن من تكبر تباريها
چا ليش امك ياعلي بين العده اتخليها
وتنسبي ومابين الزلم وين النذل سابيها
يمه علي ____يمه علي
يمه علي ____يمه علي
__________________
عاين لبوك وحالته يايمه الله يعينه
مابينك وبيني احس ضل بس يدور بعينه
گدام عينه يالولد ويروح تعب اسنينه
والله انكسرنه ياعلي يايمه رد اعلينه
يمه علي ______يمه علي
يمه علي ______يمه علي
__________________
اخر محطاتك چنت اذكرها واتاذيني
اباب المخيم واسمعت والدك ويناديني
ياليلى صاح ادعي لعلي وادعيت ياضي عيني
بدمعه على الباري ادخلت ماردتك اتخليني
يمه علي _____يمه علي
يمه علي _____يمه علي
___________________
جديد
✍️احمد علي البغدادي
يادار اهلچ وين وين __يادار اهلچ وين
______________________
أصعب ايام __عاليفگدون __اول ايام
تبدي العيون __من يروحون __ترفض اتنام
انوب الاحلام __حسره والام __مثل السهام
ودمعة العين __تكتب حسين __صرنه ايتام
يادار اهلچ وين وين __يادار اهلچ وين
__
حمل وشال __ماخذ البال __الغالي من راح
اصبر اشلون __مايرجعون __يمته ارتاح
وحدي ضليت_ ويخنگ البيت _وماكو افراح
داري احس صار__ يلهب بنار __وبس للنياح
يادار اهلچ وين وين __يادار اهلچ وين
__
چنه عدلين __وهسه ميتين __ابلايه الاحباب
الواحد ايهون __لاچن اشلون _كلها غياب
ضلت الدار__ جنها تذكار __ بس التراب
بويه مليت __ميته ياريت __وعيني عالباب
يادار اهلچ وين وين _يادار اهلچ وين
__
بويه الاحلام__ ترسم ايتام__ ترسم اجروح
راسك بطيف__ ذبحه بالسيف __ياخذ الروح
وعمتي عالنوگ _وطبت بسوگ_ تبچي وتنوح
گلي بالصار شنهو الاخبار ياهو مذبوح
يادار اهلچ وين وين __يادار اهلچ وين
__
بويه اشتاگ وتدري الفراگ ياخذ الحيل
امن الصبح نوح _ گلبي مجروح _وابچي بليل
بأذني احس صوت بويه والموت بحافر الخيل
وادعي بس كون _ شده وتهون _ودمعي چن سيل
يادار اهلچ وين وين __يادار اهلچ وين
__
جديد
✍️ احمد علي البغدادي
يالعليله والبقيه في حياتچ
راح ابوچ وراحت اوياه ذكرياتچ
مايرجعون __ امطوله الضعون
يالعليله ______يالعليله
_____
شمتانيه يرد الضعن بس ماكو الحسين
اليروح مترجعه بعد يادمعة العين
يالراس ابوچ اعله الرمح كونچ تشوفين
وعباس عمچ عالنهر وبلايه چفين
لاتتعبين وتكتبين الرسايل
خاليه ترد للمدينه هالمحامل
تلطم ام عون ____امطوله الضعون
يالعليله _________يالعليله
__
انتي يتيمه ولازم اتحسبين الحساب
خل عينچ اتأيس بعد من دگة الباب
راحو ولابيهم امل للرجعه الاحباب
امجزرين بكربله وغاطيهم اتراب
لاتنضرين اعله بابچ ماكو جيه
ماتشوفيهم بعد اهل الحميه
مايردون ______امطوله الضعون
يالعليله ____يالعليله
_
احچيلچ اني ابساعة الي حزو الراس
من چان ابوچ ابلاظهر مايمه عباس
شي بالعصي وشي بالحجر متجمعه الناس
ومن بعد كل هذا الالم بالخيل ينداس
كفي دمعچ يعني كلش ماكو رجعه
مايرد الداست الخيل اعله ضلعه
تعمه العيون ____امطوله الضعون
يالعليله ________يالعليله
__
ماضل عزيز امن الاهل كلهم گضو موت
وابلا غسل وابلا دفن وابلايه تابوت
بيتچ خله منهم بعد مابي بعد صوت
البيوت اذا مابيها اهل تخنگ هالبيوت
ضلي شمي اثيابهم شمي عطرهم
راحو وما اضن بعد يلتم شملهم
مظلم الكون ___امطوله الضعون
يالعليله ________يالعليله
___
عمتچ اذا رجعت الچ بالهم واللام
مو هيه زينب من بعد روحتها للشام
ياضعن عمتچ من يرد متروس ايتام
والحلم ميچذب خبر صح هاي الاحلام
زينب اتردلچ غريبه ابلايه اهلها
وعالنهر عافت اخوها الي كفلها
وحالچ اشلون ___امطوله الضعون
يالعليله _______يالعليله
____
جديد
✍️احمد علي البغدادي
يادم يادم يادم
هذا السايل يادم هذا السايل يادم
هذا السايل
______
هذا السال يادم دم ابو اليمه
الچان المصطفى من نحره يشتمه
مايدرون هذا الفاطمه امه
اشلون حسين ياوادم نزف دمه
يادم يادم يادم
هذا السايل يادم هذا السايل يادم
هذا السايل
_____
يروي التستري ويجرحنه بألامه
چان حسين حي من حرگو اخيامه
راد يگوم بس اتوگعه اسهامه
وبعد ذاك الحرگ وانطحنت اعضامه
يادم يادم يادم
هذا السايل يادم هذا السايل يادم
هذا السايل
______
ياموقف اذكره بليلة العاشر
من بعيد سمعو دوسة الحافر
سهم من الصدر واعله الظهر عابر
كل هذا وبعد مانعرف شصاير
يادم يادم يادم
هذا السايل يادم هذا السايل يادم
هذا السايل
______
الشمر لازم لحيته ومن كشف نحره
الذبح من الگفه وچان اثنعش طبره
الله يعين امه الچانت اتنظره
اشصار بحالها من شافته الزهره
يادم يادم يادم
هذا السايل يادم هذا السايل يادم
هذا السايل
____
اكو موقف ينزل ادموم مودمعه
اجه السلاب راد المحبس ينزعه
جر خنجر بده بالخنصر يگطعه
تره هالموقف يبچي السمه السبعه
يادم يادم يادم
هذا السايل يادم هذا السايل يادم
هذا السايل
_______
جديد
✍️ احمد علي البغدادي
اذوب بعالمك حياتي ابماتمك يابوعلي
ترفرف رايتي خدمتك غايتي يابوعلي
گلبي يگلك نعم خادم اضل للخدم
________
الخدمه ذله وبس الك تحله الخدامه
وفاز دنيا واخره اليخدم امامه
باچر ابيوم الحشر كلمن وسامه
واني بالتطبير الك فاتحلي هامه
اطبر هامتي. ونستي بخدمتي يابوعلي
واذا يرضه الشرع انه اكسرلي ضلع يابوعلي
كل عمري لوعه والم خادم اضل للخدم
__
انه احب المجلس وبس هوه همي
ريحة المجلس احن من ريحة امي
اسمي مايطلع حلو اله انته يمي
شلت اسمي وخادمك خليته اسمي
الاسماء زائله فقط اسمك حله يابوعلي
على مر الدهر وهل يخفه القمر يابوعلي
غير اسمك انته علم خادم اضل للخدم
____
بفكري وبعقلي اعله ميزاني الحقيقي
كلمن ايحبك احسن بي صديقي
حبك ايلمنه طريقه وي طريقي
ولو شقيقي ابلا محبتك موشقيقي
الاحبنهم صدگ فقط اهل العشگ يابوعلي
واليبغضك تره وعلي مااقدره يابوعلي
غير انته فوگ القمم خادم اضل للخدم
____
انه مجنون ابعشگ ابن الزچيه
ابمجتمعنه انگول قافل عالقضيه
من ابو رافضي ومن ام رافضيه
وباجي يقره الخادم وهاي الهويه
جوازي للسفر اليك المستقر يابوعلي
يمن اسمك دوه اشمنك هوه يابوعلي
مااريد احس بندم خادم اضل للخدم
_____
باچر بيوم الحشر لوجاني منكر
وبده يسئلني واشوف بأيده دفتر
راح اگله انه خادم لبو الاكبر
وذاك الحسين واسئله عني اكثر
يقيناً يي نعم حضورك للخدم يابوعلي
تجيني بشدتي يحزني وفرحتي يابوعلي
بسمك كتابي انختم خادم اضل للخدم
______
✍️ احمد علي البغدادي
(عبدالله الرضيع)(ع)
شيل ابنك بيدك واتخيل ◾️من دمه اجفوفك تتبلل
واتصور ◾️هالمنظر ◾️◾️◾️من يوم العاشر
◾️من يوم العاشر ◾️
🏴🏴🏴🏴🏴🏴🏴🏴🏴🏴🏴🏴🏴🏴
خل نعيشها ونتخيل الفكره
منو اليگدر يشوف ابنه انگطع نحره
ويموت ابجفه ابنه وينتهي عمره
وتشاهد عينه ◾️دمه ابجفينه ◾️وعطشان اهواي
يشرب من دمه ◾️مومن صدر امه ◾️ولاشارب ماي
شلون حسين اتحمل گلبه◾️هاي القصه الكلش
صعبه
واتصور ◾️هالمنظر ◾️◾️◾️من يوم العاشر
◾️من يوم العاشر ◾️
🏴🏴🏴🏴🏴🏴🏴🏴🏴🏴🏴🏴🏴🏴
افتح باب عقلك وانظر الحاله
منو عنده گلب تتذبح اطفاله
حسين العاشها وشاهدها بعياله
لازم نتصور ◾️وانشوف المنظر ◾️ونشاهد زين
٦ اشهر عمره◾️ينزف دم نحره ◾️بجفوف حسين
مو سهله القصه اتخيلها ◾️يازلمه اليگدر يحملها
واتصور ◾️هالمنظر ◾️◾️◾️من يوم العاشر
◾️من يوم العاشر ◾️
🏴🏴🏴🏴🏴🏴🏴🏴🏴🏴🏴🏴🏴🏴
معقوله القساوه اتوصل لهالحال
لاشافتها عين ولاتجي اعله البال
طفل مثل الورد راسه برمح ينشال
ليش تذبحونه ◾️جا هاي اعيونه ◾️مو للذباح
گطعوها انفاسه ◾️وازغير راسه ◾️مومال ارماح
واتخيلو حسين اتشوفونه ◾️من طفله ايباوع بعيونه
واتصور ◾️هالمنظر ◾️◾️◾️من يوم العاشر
◾️من يوم العاشر ◾️
🏴🏴🏴🏴🏴🏴🏴🏴🏴🏴🏴🏴🏴🏴
طفل جان وضحكته ابنص هله اشگدها
ورقيه اتلاعبه وتتخيله ابگدها
بس السهم هاي الضحكه فرهدها
نيران افراگه ◾️تكتل حراگه ◾️واتبجي اعيون
اطفال ابعمره ◾️من ولد الزهره ◾️ليش يموتون
معقوله الورده ايذبحوها ◾️انه ادري الناس ايشموها
واتصور ◾️هالمنظر ◾️◾️◾️من يوم العاشر
◾️من يوم العاشر ◾️
🏴🏴🏴🏴🏴🏴🏴🏴🏴🏴🏴🏴🏴🏴
من حس بدمائه اقتربت من اشفاه
طفل حسباله ماي ودمه ما رواه
يفرفح بالهوه حر العطش خلاه
ابدمه امغرگينه ◾️وتباوع عينه ◾️ويشوف الناس
ماعدهم غيره◾️ابنص هاي الديره◾️ايذبحون الياس
لمن حس يم نحره ابروده ◾️عباله الكافل رد جوده
واتصور ◾️ هالمنظر ◾️◾️◾️من يوم العاشر
◾️ من يوم العاشر ◾️
🏴🏴🏴🏴🏴🏴🏴🏴🏴🏴🏴🏴🏴🏴
📝احمد علي البغدادي
/channel/baggdade
انه شيعي وافخر ابنص ناسي
من علي ماخذها رفعة راسي
🏴🏴🏴🏴🏴🏴🏴🏴
من حيدر وارثها هاي المرجله
بس حيدر ياعالم ناسه معدله
واحدهم بالغيره الكون يزلزله
رافع راس الشيعه لا مو بس هله
بالشجاعه حيدره مقياسي
من علي ماخذها رفعة راسي
🏴🏴🏴🏴🏴🏴🏴🏴
شيعيتي قدسيتي كل عمري افتخر
ذبحوني وقتلوني ودمي الينتصر
اشما باقي بهالدنيا اشگد عندي عمر
كل اسنيني لحيدر انطيهن نذر
حيدره عايش ابنص انفاسي
من علي ماخذها رفعة راسي
🏴🏴🏴🏴🏴🏴🏴🏴
خل يسمع هالكلمه مني الناصبي
مااجامل لوكلمه اتمس بيت النبي
يالجدك يم حيدر ضل يحبي حبي
وهسه احفاده اگبالي شو لبسو عبي
وين اساسك وانه ثابت ساسي
من علي ماخذها رفعة راسي
🏴🏴🏴🏴🏴🏴🏴🏴
لتحاول يلمبغض تندگ بالخدم
اطلع خلي انشوفك شوماكو عدم
روح ارجع للدزك خل يشبع ندم
گله ايامك راحت ماتحرگ خيم
والخدم ذلوك خافن ناسي
من علي ماخذها رفعة راسي
🏴🏴🏴🏴🏴🏴🏴🏴
الجنه للشيعه محسوم الامر
وانته اگبال الباري حضرلك عذر
بيش اتواجه ربك يالطبعك غدر
متصيرلكم جاره احفاد الشمر
وانه عايش حيدره بحساسي
من علي ماخذها رفعة راسي
🏴🏴🏴🏴🏴🏴🏴🏴
✍️احمد علي البغدادي
/channel/baggdade
رايح ياعلي ◾️◾️ابعينك صد الي
بويه اشضل الي◾️يحيدر ◾️يحيدر
🏴🏴🏴🏴🏴🏴🏴🏴🏴🏴
انه زينب بويه حيدر عاين الحالي
راح اجدي وراحت امي وانته بالتالي
بويه اخذني وياك والله الموت اشوالي
الموت اشوفه ولا اشوف الراح يجرالي
صب من عينه دم ◾️واتخيل خيم
واجفوف وعلم ◾️يحيدر ◾️يحيدر
🏴🏴🏴🏴🏴🏴🏴🏴🏴🏴
گلها يازينب ونزلت دمعة اعيونه
باجر اشوفين نعشي من يشيعونه
والحسن يابويه بعدي هم يسمونه
اسهام نعش الحسن يابويه يضربونه
بويه اتحملي ◾️وهمج ينجلي
بس صيحي علي ◾️يحيدر ◾️يحيدر
🏴🏴🏴🏴🏴🏴🏴🏴🏴🏴
حسين اخوج اگبال عينج ينگطع نحره
وخيل بويه اعوجيه تسحگ بصدره
بويه وتشوفين جثته اشلون متوذره
وبرمح راسه يزينب شفته متفطره
وانتي ابلا معين ◾️لوراح الحسين
اتصيحيلي انته وين ◾️يحيدر◾️ يحيدر
🏴🏴🏴🏴🏴🏴🏴🏴🏴🏴
زينب وعباس اخيج من تودعينه
ومن يروح ايجيب بيده الماي لسكينه
يعني راح الموت يگطع بينج وبينه
يعني يازينب بعدها ماتشوفينه
هذا اخر لقاء ◾️بي تبجي السماء
ضجت كربلاء ◾️يحيدر ◾️يحيدر
🏴🏴🏴🏴🏴🏴🏴🏴🏴🏴
بويه طبرت راسي والله اتهون وعيونج
الف طبره براسي ريت ولا يضربونج
لاجن الاصعب عليه اشلون يسبونج
اشلون سوط الشمر زينب يضرب امتونج
المنظر موسهل ◾️ويبحي الطفل
مجتوفه ابحبل ◾️يحيدر ◾️يحيدر
🏴🏴🏴🏴🏴🏴🏴🏴🏴🏴
من يجي اخر امام ايحاسب الظالم
ايطالب بثاري وثارج ولضلع فاطم
اتصير دوله يصير اسمها دولة القائم
بيها ابني المهدي هوه القائد الحاكم
من يظهر يجيج ◾️ويسلم عليج
يوگف بين اديج ◾️يحيدر ◾️يحيدر
🏴🏴🏴🏴🏴🏴🏴🏴🏴🏴
✍️احمد علي البغدادي
/channel/baggdade
ابيات نعي للسيد الامام الخامنئي رضوان الله عليه
_______
ياسيد علي يافخر للشيعه
وسفه وخبر موتك احنه النذيعه
ماندري بعلم مدري احنه حلمانين
راح الچان كل الوادم اطيعه
يفدوه لشيبتك ولطولك وملكاك
يكون الموت اخذنه سيدي وياك
ماننسه المواقف والمهابه البيك
يرافع راسنه وكاسر اخشوم اعداك
يبوصالح دخيلك شيعتك هايه
كل الكون شو ضدها رفع رايه
يميزان الحچي سيد علي هم راح
راح الچان بالحد داگ الثايه
من سيد حسن بعد الجراح ماطاب
ولهسه گلبنه امن البعد لهاب
والاصعب بعد سيد علي من راح
هذا صوابنه ماشفنه مثله صواب
كل شيعي بمصابك منهدم حيله
ومثل ليلة رحيلك مااجت ليله
وعلي كل شيعي ماغمض اعيونه ونام
يبچي ويون عالمانام عالعيله
✍️ احمد علي البغدادي
عاصمة موسى ابن جعفر هايه
تصير سفره من تجي المشايه
___________________
ونرحب بالزاير يامية هله
والزاير خدامه واحنه اندلله
يالكاظم خدامك كلها امعدله
بغداد اتخيلها صارت كربله
والارض كلها اجت عنايه
تصير سفره من تجي المشايه
____________________
يامولاي ايامك شبسرعه تمر
هالخدمه ماتنمل لوطول العمر
نتمناها هوايه كون وتستمر
جان انذرلك روحي يالكاظم نذر
والله اشد روحي نذر بالرايه
تصير سفره من تجي المشايه
___________________
يامولاي الضدك شوماله اثر
واليمدح بالضدك تنتظره سقر
يالتمدح بالطاغي ركز بالنظر
صحن الكاظم كعبه واتطوفه البشر
اتلوذ كلها بالصحن وفيايه
تصير سفره من تجي المشايه
____________________
مولاي محلفينك ياباب الكرم
خدمتنه اتقبلها واحسبنه خدم
نعرف من انخدمك نغرگ بالنعم
والميخدمك هذا كل عمره ندم
هايه خدامك ودگة ثايه
تصير سفره من تجي المشايه
___________________
خدامك تغبطها املاك السمه
بس تهل ايامك كلها امحزمه
راح انحلفك احنه بأمك فاطمه
بهايه الخدمه نطلب حسن الخاتمه
منك الوادم تريد احجايه
تصير سفره من تجي المشايه
____________________
كون اباب الكاظم ياشيعة علي
دعواكم للمهدي صوت ويعتلي
كل اهموم الشيعه باجر تنجلي
بس يطلع مهدينه ياناسي وهلي
والارض كلها اله امسوايه
تصير سفره من تجي المشايه
____________________
✍️احمد علي البغدادي
