ماازعل منك لوشارب ماي
عباس انه ادري تحبني هواي
اشرب ياضي العين
لا لا متزعل حسين
لوشارب ماي
__________________________
تشرب تتهنه عباس اتمنه متضل عطشان
ياگلبي وروحي يمطيب جروحي هاي الخوان
چنت اتمنه مااشوفك ابد ضامي
ترد متروي هم واتروي ايتامي
ياكشختنه انته وهيبة اخيامي
لكن للاسف هل ضاعت احلامي
والله وهالغيره اتشيل الراس
من فدوه لطولك ياعباس
يالمنك ماكو اثنين
لا لا متزعل حسين
لوشارب ماي
__________________________
ها ياانفاسي يالشايل راسي شكراً كفيت
ضل يمي مروتك بس اسمع صوتك خويه اتمنيت
بزودك راس اخوك حسين ضل عالي
يغالي شويه احسها لوگلت غالي
اصد لمچانك والكاه صدك حالي
ردتك خويه للعازات تبقالي
ماسامع صوتك بس بهاي
حاضر گدامك يامولاي
رايح عايفنه لوين
لالا متزعل حسين
لوشارب ماي
___________________________
من جيت اشبيه اسحب رجليه ماتمشي اوياي
والزم بصفائح مكسور اجناحي المن شكواي
يااكبر جرح تارك اثر بيه
يتارس كلب اخوك حسين حنيه
مابيه اعوفك خويه مابيه
الظهر مكسور وانه امشي اعله رجليه
من ارجع زينب بيها اشلون
منتظره اخبارك ذيج ام عون
يالگطعولك چفين
لالا متزعل حسين
لوشارب ماي
_____________________________
رديت لزينب من ظهري اتحدب شيب هالراس
صاحت حاچيني ها ياضي عيني راح العباس
صحت زينب يزينب خويه الحگيلي
انكسر ظهري على العباس تچيلي
وصلتلي وتگلي خويه احچيلي
گتلها على العباس واويلي
يتعذر منچ منچ ودالچ روح
كال انه مقصر بس مذبوح
شوفيني امن تروحين
لا لا متزعل حسين
لوشارب ماي
____________________________
نگعد نبچيله خويه بهالليله انخلصها ادموع
خويه الله ايعينه الميشاهد عينه كلمن مفجوع
عالخوه ننوح اليوم عالخوه
زينب خويه والله امشي بالگوه
تره العباس ينكط غيره ومروه
يسوه ننكسر والله صدگ يسوه
يستاهل دمعه خويه الراح
واشگد نبچيله مانرتاح
خويه وطشرنه البين
لا لا متزعل حسين
لوشارب ماي
_____________________________
نزله (للانصار)
هله بنصاري هله
هله بنصاري هله
____________
هله بالشيخ الجليل الجاي من الكوفه
هذا من شيعة أبونه وغيرته معروفه
عمره صح تسعين لكن تصب نار اچفوفه
هذا بالشده أجانه ابشدته منعوفه
هله بكشخة كربله
هله بنصاري هله
____________
حيو أنصار أبو اليمه الرافعين الرايه
يا برير ويازهير وزلم بيها كفايه
الموت چان أقرب وسيله حسين عدهم غايه
اتگول چن عرسان بالطف بالدمه امحنايه
صيتهم فوگ اعتله
هله بنصاري هله
____________
هذا عابس هذا جون اعله العشگ دلونه
وكلها عشاگ الحسين اعله العشگ ممنونه
درس عابس چان النه قصته واجنونه
شيخ عشاگ أبو اليمه لازم يسمونه
شيخ كل المرجله
هله بنصاري هله
____________
طبو اعله الموت موت نگول يا حياهم
هذا نافع هذا مسلم شايلين الواهم
نزلو اگبال الحسين والله هالعلاهم
وضلت لهذا عصرنه بركات ادماهم
زلم كلفه امعدله
هله بنصاري هله
____________
واحد وسبعين زلمه حسين ناده اعلينه
خلها تتجمع ألوف وعلي ما ذلينه
أحنه نهجم على الصيده وهو اليدلينه
واليعارض أبو اليمه وعلي نشلع عينه
اتضيگ بيهم هالفله
هله بنصاري هله
____________
✍️احمد علي البغدادي
نزله لمولاي (مسلم بن عقيل ع)
نزل نزل هسه لرض الكوفه
شهم شهم غيرته معروفه
____________________
هذا مسلم يالتدور وينه
الزلمه منكم هسه يرفع عينه
والنزله تضيع كل اسنينه
عمه قالع خيبر ابچفينه
نصر نصر بين اديه انشوفه
شهم شهم غيرته معروفه
____________________
أنه مسلم يالردت عنوانه
اليوم أرجعكم لبن مرجانه
إحنه مو مثله نظم ادمانه
إحنه ننزل لو الحگ نادانه
زلم زلم بالشرف موصوفة
شهم شهم غيرته معروفه
____________________
ما يهمني الجيش كل أعداده
شجاب هاي الناس ويه الساده
هاشمي ومعروف شنهو اعناده
إحنه قادة وعلى اخشوم القادة
اسم اسم راح أخط احروفه
شهم شهم غيرته معروفه
___________________
حجايه مني ولازم اتسمعوها
هايه صولاتي فلا تنسوها
اشگد تمر عصور تتذكروها
هايه صولة مسلم اتسموها
نظل نظل سيفنه منعوفه
شهم شهم غيرته معروفه
___________________
حتى لو ميت دمائي اتنادي
كلنه منذورين لبن الهادي
وآنه جاي اليوم أريد مرادي
أحلى لحظة لحظة استشهادي
هلا هلا بالشهرها اسيوفه
شهم شهم غيرته معروفه
___________________
✍️ احمد علي البغدادي
نزله لمولاتي العليله (ع)
دمعي دمعي يجري بعيوني
يـهـلي يـهـلي لا تـعـوفـوني
___________________________
أنه عليلة والمـرض يابويه أذاني
لو رايد يطيب المرض واتخفف أحزاني
خليني أمشي بهالظعن وي أهلي وإخواني
يمكن إذا راح الظعن معناهـا أمـوت آني
جرحي جرحي مـن تخلوني
يـهـلي يـهـلي لا تـعـوفـوني
___________________________
أخذوني ويـاكـم تره كـل عـلـة ما بيـه
لو ماكو هودج بويه الي أمشي اعله رجليه
مسبية أروح ولا أظـل بالـدار مـسـبـيـة
وبلايـه أهلهـا ياهلي متعيش البـنـيـة
غـربـة غـربـة لا تـخـلـوني
يـهـلي يـهـلي لا تـعـوفـوني
___________________________
عبد الله مـا مـتـعـودة يابويه عـلى افراگه
شو گلبي يلچمني أحس ما راح نتلاگه
چن روحي تمشي ياهلي وي مشية الناگه
اشما أشوف يخلص هالعمر وأبقى آنه مشتاگه
فـدوة فـدوة يـالـتـحـبـوني
يـهـلي يـهـلي لا تـعـوفـوني
____________________________
روحـوا يـبويه راشدة بـويه الله ويـاكـم
راح أبقى أدعي ياهلي مـا لحظة أنساكم
وكل ما أشتاگ آنه بحلم بلكي الله وألگاكم
ذكّروني حـتـى لو حـلـم يـابـويـه أنـخـاكـم
حلمي حلمي تـعرف شـلوني
يـهـلي يـهـلي لا تـعـوفـوني
____________________________
يابويه گلولي أنتـظر لو اگطع الـظـنـة
بالـدار راح آنـه أظـل ومـرافـگة الـونـة
مـا ساعة نتـفارگ چنت يحسين اتمنه
يالچان بـوجودك نحس ابيتنه الـجـنـة
وحـشة وحـشة داري اسـمـعـوني
يـهـلي يـهـلي لا تـعـوفـوني
____________________________
✍️ احمد علي البغدادي
جيب ابنك الى هاي المآتم
الخادم من يموت يخلي خادم
يكبر بالعزاء.. ويشيل اللواء
الخادم من يموت يخلي خادم
_______________________
يالعايش جرح عاشور يومية
ربي ابنك على الخدمة الحسينية
قربه للمجالس سمعه لطمية
وهو صغير أسس عنده روحية
علمه حسين أبد ما عدنه غيره
ابنك باچر ايكمل المسيرة
بالخدمة البقاء.. ويشيل اللواء
الخادم من يموت يخلي خادم
________________________
گله النعمة بس خدمة أبو اليمة
تريد النعمة حب حسين بس نعمة
خدم صرنه وفاءً للنذر دمه
ورعاية هالخدم من فاطمة أمه
گله فاطمة التشرف علينه
ردتك تركب بنفس السفينة
من أجل الوفاء.. ويشيل اللواء
الخادم من يموت يخلي خادم
_________________________
جيبه للعزاء وعلمه عالدمعه
وگله خل ننوح ونلطم وننعه
واحچيله على الي منكسر ضلعه
وفهمه اشلون تحضر فاطمة البضعة
گله فاطمة المحني ضلعها
تحضر بالعزه وتهمل دمعها
فهمه اعله البكاء.. ويشيل اللواء
الخادم من يموت يخلي خادم
__________________________
فهمه على الخدامة وخدمة المنبر
وگله إحنه ترى بهذا الأمر نفخر
امتداداً بالخدامة نرجع لـ قنبر
ومنعوف الحسين لگطعة المنحر
جدك قنبر بهاي الخدامة
خدمتهم ترى أكبر كرامة
درب الأتقياء.. ويشيل اللواء
الخادم من يموت يخلي خادم
_________________________
اكتب بالوصية الراد يرضيني
وتنام براحة لا مو بالقلق عيني
أوصيكم يولدي بخدمة حسيني
لا تضيعون تعبي وخدمة سنيني
كون بگلبك تحس بحرارة
عمرك خلصه بس خدمة وزيارة
وصي اعله النقاء.. ويشيل اللواء
الخادم من يموت يخلي خادم
_________________________
✍️احمد علي البغدادي
مِـن ذاك عاشورك .. عايش أنـه ابشورك
يمشيني دستورك .. خِدمه وعزاء
ـــــــــــــــــــــــــــــــــــــــــــــــــــــــــ
مِـن هذاك العام ولهسّه آني خادم
وعلي ما فد يوم فارگت المأتم
أشكر الله هالسنة ضليت سالم
وعايش بخيمتك ياراعي المكارم
ولو مِتت أبقه آني .. بالعالَم الثاني
بالخدمة تلگاني .. خِدمه وعزاء
ـــــــــــــــــــــــــــــــــــــــــــــــــــــــــ
الناس هاي الناس كل واحد طريقه
بالوهم عاشت وآنه عشت الحقيقه
كلمن يحبّك صرت آنه صديقه
الفكرة البحبّك تره كلش عميقه
ويّه اليحبونك .. ضد اليكرهونك
كل عمري لعيونك .. خِدمه وعزاء
ـــــــــــــــــــــــــــــــــــــــــــــــــــــــــ
ما أريدن جاه لا شهره وقَدامه
بس أريدن عمري يخلص بالخدامه
مو طمع تشفعلي باچر بالقيامه
أبقه أخدمك هايه عندي أكبر كرامه
مولاي هذا آنه .. الما عايف امچانه
والخدمة عنوانه .. خِدمه وعزاء
ـــــــــــــــــــــــــــــــــــــــــــــــــــــــــ
كلها خدامك يبو اليمة غياره
بالسلم بالحرب منك بس إشاره
نموت حتى الشيعة تبقه بالصداره
الشيعي عالعالَم فقط يفرض قراره
كله بفضل دمّك .. علّيت اليخدمك
لمن صبح يمّك .. خِدمه وعزاء
ـــــــــــــــــــــــــــــــــــــــــــــــــــــــــ
هالمجالس إلنه صارت توعويه
صنعت أجيال التدافع عالقضيه
حسينية وحسنية وحيدريه
المجالس يعني ثورة مهدويه
كل قائد نشوفه .. اشگد لطمن چفوفه
قاعدته معروفه .. خِدمه وعزاء
ـــــــــــــــــــــــــــــــــــــــــــــــــــــــــ
هالمجالس قدّمت للدين قاده
علّمتنه الموت عالمذهب سعاده
هذا شادود العزه كله إراده
اليوم يلطم باچر يدور شهاده
هاي الزلم هيبه .. مخلوقه للنيبه
وإنتَ الذي اتجيبه .. خِدمه وعزاء
________________________________
✍️احمد علي البغدادي
مقدمات الليالي ( الليله التاسعه )
طول ياليل هايه تاسع ليله
طول ياليل هايه تاسع ليله
_______________________
هاي الليله نگعد ننحب وننعه
شبيه المصطفى يا وادم انودعه
انخبصت هالمسه كل السمه السبعه
اليوم حسين للأكبر خلص دمعه
حسين هاليوم منهدم كل حيله
طول ياليل هايه تاسع ليله
________________________
حسين يشوف جده بشوفة الأكبر
چن شايف محمد يفرح وينسر
افتح عين گلبك وانظر المنظر
شلونه يشوفه نايم بالشمس والحر
حسين لو طاح ياهو اليتچيله
طول ياليل هايه تاسع ليله
________________________
عفه عالدنيا گال حسين أبو اليمه
لمن شاف الأكبر سابح بدمه
ضل يصيح ها يالزهره يا يمه
راح اوليدي مني ودنيتي ظلمه
ظهره مكسور گوه من يمشيله
طول ياليل هايه تاسع ليله
_________________________
مشاله حسين لكن بالدرب شيب
وظهره اعله الولد ياهل خلگ حدب
رجع للخيمه گلبه من الألم يلهب
صاح بصوت زينب خويه يا زينب
اوليدي هالراح خويه خل نبچيله
طول ياليل هايه تاسع ليله
_________________________
حسين يگله خلصت بويه عشرتنه
ما ترجع بعد هيهات لمتنه
أبد ما راح تنشف هاي دمعتنه
موتنه مصابك بويه موتنه
تسوه العيون مو دمعنه نسيله
طول ياليل هايه تاسع ليله
________________________
✍️ احمد علي البغدادي
مقدمات الليالي ( الليله السابعه)
طول يا ليل هايـه سـابع ليلـه
طول يا ليل هايـه سـابع ليلـه
_______________________
خليها تضل الخوة والـخـوة
لأن حسين باچر يمشي بالگوة
يرد من النهر للخيمة يتلوة
شاهد هالوكت بحسين وشسوة
باچر حسين ينهدم كل حيله
طول يا ليل هايـه سـابع ليلـه
______________________
من هسه بدت دنيانه تتكدر
وكلشي گبالنه ياناس صار أحمر
شني من يوم يخنگ شحچي أتحير
باچر راح گلب حسين يتفطر
يمشي ويطيح محد يتچيله
طول يا ليل هايـه سـابع ليلـه
______________________
إجاها حسين زينب حالها شلونه
من تشوفه وحده يدير بعيونه
وتدري حسين أخوها بعازة العونه
ما عنده ظهر يعني يذبحونه
اتعاين حسين بغربته وتبچيله
طول يا ليل هايـه سـابع ليلـه
______________________
يگللها يزينب گطعوا ازنوده
وطاحت رايته عالگاع وي جوده
بسهم عباس أخونه اعيونه ممرودة
راح احزامنه عباس شيعوده
وآنه مخنوگ ماكو أخوي أشكيله
طول يا ليل هايـه سـابع ليلـه
______________________
يااخيتي يزينب عفته وآنه أدري
يم شاطي النهر خويه عفت عمري
زينب خويه والله آنه انكسر ظهري
اشگد بيه صبر بس ما نفع صبري
لا منرتاح لو دمعنه انسيله
طول يا ليل هايـه سـابع ليلـه
______________________
✍️احمد علي البغدادي
مقدمات الليالي ( الليله الخامسه)
طول ياليل هايه خامس ليله
طول ياليل هايه خامس ليله
_______________________
لأبو طاهر نريد الدمعه نجريها
غريب الكوفة مسلم وانغدر بيها
خليها تصب ادموعي خليها
هاي الليلة واجب إحنه نحييها
كون الدموع من دمه تبچيله
طول يا ليل هايه خامس ليله
______________________
ضل بين الأزقة يدور وحاير
لا يمه أهل لا من فزع ناصر
كل فكره وخياله لكربله مسافر
شلون حسين إلها لو وصل باچر
والوكت چان بس غدر بس حيله
طول يا ليل هايه خامس ليله
_______________________
وفي وناذر حياته لمذهبه ودينه
وعلى العايل أبد ما غمضت عينه
مسلم چان يعشگ خدمة حسينه
رجل ناذر حياته بس لبو سكينه
وچان الحسين دائماً يدعيله
طول يا ليل هايه خامس ليله
_______________________
أتخيل حالته وأتخيل اشلونه
بنص غربه وحيد يدير بعيونه
الناس اتجمعوا حتى يذبحونه
الهوى لو بـيدهم چانو يگطعونه
راد لحسين يوصل ويحچيله
طول يا ليل هايه خامس ليله
_______________________
بآخر لحظة مسلم چان كل همه
كلمه وراد كون يوصل الكلمه
يا هالناس سلمولي عله أبو اليمة
وگولوله ابن عمك رخص دمه
بدمي اليسيل ردت بس أوفيله
طول يا ليل هايه خامس ليله
______________________
✍️ احمد علي البغدادي
مقدمات الليالي ( الليله الثالثه)
طول يا ليل هـايـه ثـالـث لـيـلـه
طول يا ليل هـايـه ثـالـث لـيـلـه
_________________________
طول خل نِون تستاهل الدمعه
العافوها ومشو ما ظن بعد رجعه
كون بهالقصيده اليوم أريد أنعه
وابچيها اعله أبوها المنكسر ضلعه
تبچي لحسين واحنه هم نبچيله
طول يا ليل هـايـه ثـالـث لـيـلـه
________________________
عافوها ومشو والبيت ضل خالي
بطاريها أموتن لو تراوالي
هم طفله وعليله وهم بلا والي
وصعبه الغالي من ايفارگ الغالي
والضعن راح هيه بس توميله
طول يا ليل هـايـه ثـالـث لـيـلـه
________________________
تشم بهدوم أبوها وتجري دمعتها
وتگلب ذكريات اشعدها لخوتها
تتذكر گبل بالدار عمتها
الدنيه اندارت لوحدها خلتها
ياهو بالدار تگعد وتشكيله
طول يا ليل هـايـه ثـالـث لـيـلـه
________________________
سمعنه ابلا أبوها اتموت البنيه
لأن ضل الأبو يترسها حنيه
بس قصتها چانت تختلف هيه
ماتوا كل أهلها وتنتظر جيه
الميت اشلون برجعته تدعيله
طول يا ليل هـايـه ثـالـث لـيـلـه
________________________
ويه أم البنين اتشاركت بالوَن
سوه يگعدن على الغالين من يبچن
بطاري حسين كل ما سولفن يحچن
يتچون بقن بالفرگه يتچون
يرجع حسين نگعد ونحچيله
طول يا ليل هـايـه ثـالـث لـيـلـه
________________________
✍️ الشاعر أحمد علي البغدادي
مقدمات الليالي ( الليله الاولى)
طول يا ليل هايه أول ليله
طول يا ليل هايه أول ليله
______________________
ها يهلال خفف مشيك اشويه
ليليه أشد من غير ليليه
محرم من يمر نحسب لياليه
ويوميه الجروح اتهيج يوميه
والله نحتار يا جرح نبچيله
طول يا ليل هايه أول ليله
_____________________
امن نريدك تطول لا يجي باچر
باچر نمشي خطوه الليلة العاشر
العاشر يعني خيل ودوس بالحافر
ومن هسه بدينه نكسر الخاطر
اهلال عاشور ردنه بس نحچيله
طول يا ليل هايه أول ليله
_____________________
باچر كربله يحط الظعن بيها
حر وتراب أبد ما ينگعد بيها
ووجوه الورود أتراب غاطيها
بدايه للمصيبه هاي أسميها
وزينب اتگول وين أبوي اشكيله
طول يا ليل هايه أول ليله
_____________________
اليوم الغربه عصرت گلب ابواليمه
رغم أنصاره كلها اگباله ملتمه
گلي اشلون إذا محد بقه يمه؟
لا أخ لا أنصار ولا ولد عمه!
ياهو وياه بطيحتة ايتچيله
طول يا ليل هايه أول ليله
_____________________
يهلال المصايب هونك اعلينه
وي ممشاك تتكاثر بواچينه
ننوح وياك ها يهلال خلينه
مجروحين مذبوحين تدرينه
امشي بهداي خل دمعنه نسيله
طول يا ليل هايه أول ليله
_____________________
✍️احمد علي البغدادي
على حب محمد وال محمد
يوم الثلاثاء ان شاء الله الساعه 9
#أُمُّنَـا_فَاطِمَـةُ_🤍
والله لـو دارت وجههـا اشلـون بينـه
نخـدم ونتعـب ومتبـاوع علينـه . . !
لا لطمنـه يفيـد لاينفـع بـچـيـنـه . .
وشنو فايدته اللطم لوماتجينـه . . ؟
✨ قريباً | المنهاج السنوي 1448 هـ
✍️ : أحـمـد عـلـي الـبـغـدادي
ارد اسئله النهر
يمه طايح گمر
يانهر چا مالگيت اچفوف عباس
__
اجيتك حاير اشوف شصاير
اشصار يمك يانهر
اجر بجدامي عمود اخيامي
وين وداه الدهر
ليش منك ماشرب ليش عاف الماي ماشرب منه
چان بالخوه يهم ابد ميهم بيك انه اعرفنه
من وصلتك صحت
يمك انه طحت
من شفت مدميه عينه وضربه بالراس
يانهر چا مالگيت اچفوف عباس
___
انه الوديته. اشكثر تانيته
راح يمك مارجع
چنت بالخيمه. واصد للهيمه
منها احس صوته طلع
صاحلي ادركني ورحت اركض ابلاراي تعثر اجدامي
اتحيرت بين الگمر وبين هالعدوان تحرگ اخيامي
واركضتله بدمع
مني محني الضلع
لحگت لاچن لگيته بأخر انفاس
يانهر چا مالگيت اچفوف عباس
____
اجيت الشوفه. لگيت اچفوفه
چان كل چف بكتر
المن بيهن. سوه مخليهن
لحظه وتعادل عمر
وگلبي ضل اعله النهر من عفت عباس امگطعه اچفوفه
اشلون ينصاب الگمر والنبل بالعين وهامه مخسوفه
منظر اشگد صعب
عفته يمه الگلب
ضلعي اهون لوفقط بالخيل ينداس
يانهر چا مالگيت اچفوف عباس
____
اخير انفاسه. اگعدت يم راسه
امسحت من عينه الدمه
يگلي حسيني. تشاهد عيني
فدوه لمك فاطمه
الموقف الشفته صعب ماتحمله اجبال وانكسر ظهري
عالنهر يم الگمر ساعة الرديت ودعت عمري
ياگمرنه شبدر
واكسرتلي الظهر
بروحتك متشمته بيه هاي الارجاس
يانهر چا مالگيت اچفوف عباس
____
ارجعت بس خالي. تركت الغالي
وزينب اتاني الخبر
تصب بدموعي. والم بضلوعي
وهيه حست بالخطر
صحت يازينب نعم طايح العباس عالنهر عفته
وگال لومو هالقدر گلها ابو النوماس مايعوف اخته
صاحت ام الخدر
باچر امشي بيسر
من رجعت امن النهر چان اصعب احساس
يانهر چا مالگيت اجفوف عباس
____
جديد
✍️احمد علي البغدادي
عالمي الثاني محرم عالمي الثاني
_________
شهر الاحزان لقد حان يعشاگ الدمع
صوت الاملاك ينوحون يوادم ينسمع
هالسنه كون تلطمون لحد كسر الضلع
بالعزائات تذُوبون مثل ماي الشمع
قمة احزاني عزائه قمة احزاني
عالمي الثاني محرم عالمي الثاني
________
شدو الاحزام يخدام هله ومية هله
رفعو الاعلام والاحزان على حسين وهله
كلشي بالكون بياضات سواد نبدله
كل الگلوب يعشاگ نشدها بكربله
الله سواني لجلهم الله سواني
عالمي الثاني محرم عالمي الثاني
________
نريد الاعلام هالايام ترفرف بالسمه
نلطم انوح على حسين نواسي فاطمه
بالدمه كون تنزفون على شهر الدمه
ابمجلسه الموت يهالناس يحسن الخاتمه
يبقه عنواني حسيني يبقه عنواني
عالمي الثاني محرم عالمي الثاني
________
بالعزائات يهالناس اشم ريحة هلي
امفتح العين على حسين ولي ونعم الولي
ابلفة الگماط يگولون هلي چانو الي
هذا الحسين ضوه العين. ابن حيدر علي
واني رباني طريقه واني رباني
عالمي الثاني محرم عالمي الثاني
_________
يله ياناس على الراس نجي ونلطم سوه
الكل يعرفون الحسين اعز من الهوه
لكل الجروح والامراض فقط اسمه الدوه
الضلمه بحسين وابوحسين الي صارت ضوه
يعجز الساني شسولف يعجز الساني
عالمي الثاني محرم عالمي الثاني
________
جديد
✍️ احمد علي البغدادي
عـيـنـك تـحـچـي هـواي .. يـالـرايـح لـلـمـاي
چـنـك مـا تـرجـع لـيـنـه .. يـا عـبـاس تـخـلـيـنـه
عـيـنـك تـحـچـي هـواي
______________________________
مِـن صـدّيـتـلـي شـو فـارت الـدمـعـه
يـا عـبـاس أحـس مـاكـو بـعـد رجـعـه
يـبـعـد أخـتـك أخـيـك هـذا الـتـودعـه
مِـن تـروح بـعـدك يـنـسـحـگ ضـلـعـه
واتـصـوّرلـي حـسـيـن .. مِـن يـديـر الـعـيـن
يـريـدك تـنـهـض واتـعـيـنـه .. يـا عـبـاس تـخـلـيـنـه
_______________________________
يـروح الـروح إنـتَ وكـل نـفـس بـيـه
تـدرينـي اعـلـه فـگـدك حـيـل مـا بـيـه
يـا كـشـخـة خـواتـك عـايـن اعـلـيـه
دخـيـلـك لا تـروح ومـا تـرد لـيـه
بـيـك ارفـعـنـه الـراس .. دخـيـلـك يـا عـبـاس
دخـيـلـك لا تـگـطـع بـيـنـه .. يـا عـبـاس تـخـلـيـنـه
________________________________
تـحـت ظـل رايـتـك ظـل راسـنـه عـالـي
يـظـل حـسـيـن ظـهـره بـروحـتـك خـالـي
گـبـال اعـيـونـي غـالـي يـودّع الـغـالـي
ومِـن هـالـسـاعـه أحـس شـام يـتـراوالـي
كـل الـعـلـويـات .. بـعـدك مـسـبـيـات
هـاي أعـداك الـتـسـبـيـنـه .. يـا عـبـاس تـخـلـيـنـه
________________________________
آخِـر مـرّه أحـس عـبـاس أشـوفـنّـك
ومـو بـالـعـاده زيـنـب تـبـتـعـد عـنـك
طـول عـيـنـي خـل تـشـبـع نـظـر مـنـك
آخِـر نـظـره هـايه وراح أعـوفـنّـك
راح هـواي أشـتـاگ .. يـخـلـص عـمـري فـراگ
وجـهـك خـويـه مـودّعـيـنـه .. يـا عـبـاس تـخـلـيـنـه
________________________________
يـمـن لـلـشـدّه چـفـك دوم نـعـتـازه
يـا عـبـاس بـاچـر عـازتـك عـازه
خـويـه الـمـوت ظـل عـالـعـشـره يـتـوازه
يـدور بـالـگـلـب ويـلـگـط اعـزازه
عـبـاس الله ويـاك .. ونـضـيـع ابـلـيـاك
هـاي الـروحـه تـأذيـنـه .. يـا عـبـاس تـخـلـيـنـه
___________________________________
✍️ أحمد علي البغدادي
محرم الحرام 1448 هـ
نعم نعم ولائي .. نذر نذر دمائي
للحسين أضحي.. أبو اليمة
عشك عشك جهادي .. نصر نصر عبادي
للحسين أضحي.. أبو اليمة
_____________________________
قصة الأنصار وضحت.. كل عصر تنعاد بينه
من ابن ظاهر لهسه.. نجتمع نفس السفينه
مركب الخط الجهادي.. حسين اليفيي علينه
گال هذا الخط أريده.. وإحنه مدّينه إدينه
ضوه ضوه بسمانه .. إله إله خذانه
للحسين نضحي.. أبو اليمه
درب درب كرامه .. فقط فقط شهامه
للحسين نضحي.. أبو اليمه
_____________________________
من الحسين ابتدينه.. وقصة أنصاره الشريفه
من زمان وخطنه واضح.. التضاد اويه السقيفه
وكل زمان يزيد يرجع.. وترجع أفكاره السخيفه
ننطي دمنه وهذا خطنه.. بس علي وماكو خليفه
فخر فخر بقينه .. بعلي بعلي علينه
للحسين نضحي.. أبو اليمه
عهد عهد نعيده .. زلم زلم عقيده
للحسين نضحي.. أبو اليمه
_____________________________
بوكفة الأنصار نفخر.. ومن زهير العلمانه
طلّگ الدنيه اعله دينه.. وصار واضح محتوانه
وإحنه طلّگناهه نفسه.. وصارت الثوره هوانه
شما نشوف حسين لازم.. نرخص لأجله دمانه
دمه دمه فدينه .. شرف شرف بقينه
للحسين نضحي.. أبو اليمه
نحب نحب صموده .. نضل نضل جنوده
للحسين نضحي.. أبو اليمه
_____________________________
عابس العلّمنه حبه.. والجنون وكل هيامه
ومن جنونه اتجنينه.. بالجهاد وبالخدامه
وصارت الأنصار مصنع.. للشهاده وللشهامه
وخطهم لهسه نتبعه.. وبس دربهم بي سلامه
درس درس نسمعه .. نهج نهج نتبعه
للحسين نضحي.. أبو اليمه
صنع صنع عقيده .. زمن زمن نعيده
للحسين نضحي.. أبو اليمه
_____________________________
بالرفض همّه بدوهه .. ورفضوا أحكام آل أميه
وإحنه من عدهم أخذنه.. هالمسيرة وهالقضيه
وبنفس خطهم مشينه.. وعنّه گالوا رافضيه
أي نعم نرفض عبادة.. كل صنم كل جاهليه
ورث ورث شجاعه .. سمع سمع وطاعه
للحسين نضحي.. أبو اليمه
فلا فلا نبالي .. قمم قمم عوالي
للحسين نضحي.. أبو اليمه
_____________________________
✍️احمد علي البغدادي
ام البنين (ع)
يا طير لـو مريت من كـــربلــه
سلم على حسين وخيامه وهله
ابعازة اعيونه.. واسأل اشلونه
______________________
گله أم البنين ابعازة اعيونه
ودتني وتگول احسينه اشلونه
آنه اموصيه الولد لا ما يعوفونه
غريب لوحـده لا مـا يخلونه
عباس وصيته هـذاك الگمر
يا يمه إذا يعطش تجيب النهر
لا تعوفـونه.. واسأل اشلونه
_______________________
گله البيت وحشه من بقه خالي
شيضل بالغالي من يودع الغالي
بكل امچان أحس وجهه يتراوالي
هاي الفرگه ابد ما چانت ابالي
يـــا وحشة الــغالــين لـمن تمر
كل لحظه من عمري أحسها بعمر
هم يذكرونه.. واسأل اشلونه
_______________________
خله يشوف شنهو الصاير اويانه
نلوع امن الهجر والفرگه خلانه
هوه الچان أبونه ورافع الوانه
معقوله يطير حسين ينسانه
يا طير يمته ويرجع امن السفر
بس لا يعطل حسين عنه القدر
لو يذبحونه.. واسأل اشلونه
_______________________
إذا ردلها هـذا الطير ومدمه
اشيگللها شنو الصاير لبو اليمه
بساعة مذبحه وتشاهده أمه
حال الطير يحچي اعليمن الكلمه
شيصير لو واصل خبر منذبح
لو تدري راس حسين فوگ الرمح
من يسلبونه.. واسأل اشلونه
________________________
تدرين الشمر گاعد على صدره
يموت الشافه لمن ينگطع نحره
يجر السيف ويطبره اثنعش طبره
ومحد جاب ماي لشفته ايگطره
صوت النزيف البالنحر ينسمع
والخيل داست فوگ ذاك الضلع
من يرضونه.. واسأل اشلونه
________________________
✍️احمد علي البغدادي
جسمي نحل.. وجهي ذبل.. ويه الله وياك
نار الهجر.. مثل الجمر.. موتني فرگاك
من راحو أحبابي.. محد يدگ بابي
موتني فرگاك.. موتني فرگاك
_______________________
يبويه.. عليك امعوّدة
مصيبة.. اليفارگ والده
يا بويه مو هم المرض بس صعبة حيل الفرگه
والخنگة مو من علتي بس بيتي عگبك خنگه
يا هوه وآنه أتنفّسك بنتك بعازة شهگه
من رحت ولهسه أحس بالگلب نفس الحركة
فارگتك ..وأدري وأدري وأدري
رايح كل ..عمري عمري عمري
چنه سوه .. وحتى الهوه .. لمن رحت راح
واتعلعلت.. بويه متت.. من كثر الاجراح
هاك اسمع عتابي.. محد يدگ بابي
موتني فرگاك.. موتني فرگاك
________________________
حياتي.. بقت حسرة وألم
فرحتي.. أعيشن بالخيم
خيمة هلي بطف كربله جنه آنه أحسّن بيها
والدار أبداً ما تنحمل من تخلى من راعيها
هاي آنه بنتك فاطمة كونك ترد اعليها
وآنه أعرف بقلبك أبد ما يحمل اتخليها
ما يحمل ..گلبك گلبك گلبك
وآنه أعرف ..حبك حبك حبك
صوت الدمع.. من ينسمع.. يعني البشر مات
الفارگ أبو.. الفارگ أخو.. شتسوه الحرامات
ولوحدي بمصابي.. محد يدگ بابي
موتني فرگاك.. موتني فرگاك
_________________________
مشيتو... وبقيت محيرة
والبيوت.. أحسّهن مگبرة
يرجع عليّ بس الصدى بالدار أحسّن غربة
والبيته خالي من الأهل الله يساعد گلبه
كل عمره يخلص بس ألم والذكريات اتعبه
كلهم هلي كلهم مشو لا هاي كلش صعبة
وآنه أعرف ..صعبة صعبة صعبة
اليفارگ ….گلبه گلبه گلبه
ضعن الأهل.. لمن رحل.. خلاني بالدار
ما صدگت.. واتعذبت.. ظل بالي محتار
وانطوني أسبابي.. محد يدگ بابي
موتني فرگاك.. موتني فرگاك
__________________________
وحيدة.. ولا عندي خبر
أتاني.. يجون من السفر
بكاروك عبد الله أهز وأتخيله يحاچيني
وبهدوم أخياتي أشم وأصبغهن بدم عيني
لمچانك الخالي أجي أنظر له ويبچيني
يا يوم يلتم الشمل يرجعلي المخليني
يا گلبي ..وروحي وروحي وروحي
طيّبلي ..جروحي جروحي جروحي
أنثر ورد.. بس لو ترد.. واتفرح العين
هذا الحلم.. مدري العلم.. ويرد الحسين
ترجع لي غيابي.. محد يدگ بابي
موتني فرگاك.. موتني فرگاك
___________________________
أفكر.. إذا ما رد إلي
وأصيحن.. دخيلك يا علي
متوجهة آنه لجدي علي يمك وأگله دخيله
معروف جدي بنخوته ميرجع اليشكيله
وحسين يرجع لي ردت سالم يرد هالليلة
ليل ونهار أبچي وأون ويرد عليه أدعيله
ويرد ..الغالي الغالي الغالي
ويشاهد ..حالي حالي حالي
يطلع صبح.. يشفه الجرح.. بس لو يرجعون
ردلي هلي.. ها يا علي.. رد ذيچ الضعون
لو أحسب حسابي.. محد يدگ بابي
موتني فرگاك.. موتني فرگاك
____________________________
✍️احمد علي البغدادي
قصيدة: (أمنا فاطمه)
الـسـلامُ عـلـى أمِّ الـخَـدَم فـاطـمـة
الـسـلامُ عـلـى أمِّ الـخَـدَم فـاطـمـة
_________________________
بأسمِ آمنه فـاطمة نـبدي عـزانه
انصيح يـا زهراء ويـرفـرف لـوانه
الـخـدمـة مـن عـدها تره عدنه أمانه
وهـيَّـه الـتـقـسّـم وكـل واحـد مـكـانه
ونــنــظرلها لانهــا هيـــه حـــاكمه
الـسـلامُ عـلـى أمِّ الـخَـدَم فـاطـمـة
__________________________
يـلـه يـا خـدّام نـصـبـوهـا الـعـزيـه
حـان مـوعـدنـه واجـت لـيـنـه الـزچـيـه
امِـن الـشـرق للـغـرب صـارت غـاضـريـه
وأنـتـو مـشهود لـكـم بـهـاي الـقـضـيـه
والقميص الـتـنـشـره هـيَّه بالسمه
الـسـلامُ عـلـى أمِّ الـخَـدَم فـاطـمـة
__________________________
والله لـو دارت وجـههـا اشـلـون بـيـنـه
نـخـدم ونـتـعـب ومـتـبـاوع عـلـيـنـه
لا لـطـمـنـه يـفـيـد لا يـنـفـع بـچـيـنه
وشـنـو فـايـدتـه الـلـطـم لـو مـا تـجـيـنه
والـتـريـده ضـمـنهـا الـجـنه خـاتـمه
الـسـلامُ عـلـى أمِّ الـخَـدَم فـاطـمـة
__________________________
مـن نـطـيـح ابـشـده يـا يـمـه نـگـلـهـا
وعـلـي أكـبـر مـعـضـلـه الـزهـراء تـحـلـهـا
يـعـنـي ويـن انـروح چـا غـيـر إحـنـه إلـهـا
ونـدري مـا تـتـحـمـل ادمـوع الـنـهـلـهـا
وبـعـشـگـنـه لابـنـهـا هـيَّه عـالـمـه
الـسـلامُ عـلـى أمِّ الـخَـدَم فـاطـمـة
__________________________
الـعـمـر كـلـه فـاطـمـه اتـفـيّـي الـخـدمـهـا
رغـم كـسـر اضلوعـهـا وذاكـه ألـمـهـا
هايــه ربـع حـسـيـن صـارت هـيَّه أُمهـا
وإحـنـه لِـذنـه تـحـت هـيـبـتـهـا واسـمـهـا
واعـلـه هـذا اسـمـهـا انـضـحـي بـالـدمـه
الـسـلامُ عـلـى أمِّ الـخَـدَم فـاطـمـة
__________________________
✍️احمد علي البغدادي
مقدمات الليالي ( الليله العاشره)
طول ياليل هايه عاشر ليلة
طول ياليل هايه عاشر ليلة
_____________________
باچر بس نصبح يطلع العاشر
ويا حال اليتامه يكسر الخاطر
من هسه سمعنه صوت للحافر
هذا اليوم گلي اشكم ظهر كاسر
حتى هالليل إحنه هم نشكيله
طول ياليل هايه عاشر ليلة
_____________________
عبد الله يليل شلون حال أمه
باچر ينذبح گدام أبو اليمه
شايفلك طفل يتروه من دمه؟
باچر للمصايب راح يتسمه
من دمه كون مو دمع نبجيله
طول ياليل هايه عاشر ليلة
_____________________
الصبح لو طر علينا ولو طلع فجره
يعني حسين يا ناس انقطع نحره
واخيول أعوجيه تسحگ بصدره
يليل وياگلب يتحمل ينظره؟
وماكو عباس ينهض يحاميله
طول ياليل هايه عاشر ليلة
_____________________
على التل زينب الدمعات تجريها
تنادي حسين وينك لحّگ اعليها
إذا بعدك عدل مولاي حاچيها
وإذا ميت تره العدوان تسبيها
ياهو موجود تگعد وتحجيله
طول ياليل هايه عاشر ليلة
_____________________
باچر يم ابنها الزهره بالدمعة
تگعد يمه بالحر تنحب وتنعه
تصيح حسين يبني المنكسر ضلعه
ليش اوليدي صوتك يمه ما أسمعه؟
من السحگ راح ينهدم كل حيله
طول ياليل هايه عاشر ليلة
_____________________
✍️احمد علي البغدادي
مقدمات الليالي ( الليله الثامنه)
طول يا ليل هايـه ثـامـن ليلـه
طول يا ليل هايـه ثـامـن ليلـه
_______________________
بدموعي أريد اللـيـل أخلصـنـه
وأخلص عيوني بـالدمعـة والونـه
أكو عريس راح بـدمـه يتحنـه
وبعد حتى شبابـه مـا شبع منـه
كون العيون من دمـه تبچيله
طول يا ليل هايـه ثـامـن ليلـه
______________________
ابيت المجتبى شمعـه يطفوهـا
والأم من إبنها الليـلـة حرموهـا
أم القاسم بدمعـات واسـوهـا
بدمعتها وحيـدة لا تخلـوهـا
جانت هواي للـولـد تدعـيله
طول يا ليل هايـه ثـامـن ليلـه
______________________
الرسالة البيده يم حسـيـن جابها
انطاها وگله عـمـي انته تقراها
شاهدها الحسين ودم بـچـه وياها
وگله والنعـم يالبيك نـتـبـاها
آنه وياك خـل دمـعـنـه نسيله
طول يا ليل هايـه ثـامـن ليلـه
_______________________
يمثل والده وبي هـيـبـة السـادة
وهمّه ازغار جانوا بـالحـرب قادة
وارثها الشجاعة امـن أهله وأجداده
بحيث الگابله مـا يلگـه مـشراده
عينه جسام مـا غـفـت عالعيله
طول يا ليل هايـه ثـامـن ليلـه
_______________________
بلحظات الوداع حسـيـن أبو اليمه
يضمه لصدره جان حسيـن ويشمه
وهو ايودعه ويـبـچـي على عمه
ويگله مـا يفـوز المـا رخـص دمه
عمي هالدين إحـنـه النضحيله
طول يا ليل هايـه ثـامـن ليلـه
_______________________
✍️احمد علي البغدادي
مقدمات الليالي (الليله السادسه)
طول يا ليل هايـه سـادس ليلـه
طول يا ليل هايـه سـادس ليلـه
_______________________
هاي الليله كلفه والـزلم كلفـه
زلم كول وفعل تستاهل الوسفه
جرحهم ما يطيب ولا تظن يشفه
أنصار حسين عالعيلات ما تغفه
ذوله الأنصار خل دمعنه نسيله
طول يا ليل هايـه سـادس ليلـه
______________________
شهادة لو نصر واثنينهن عـاده
قادة بالحرب جانوا صـدك قادة
إلهم صولة جانت صولة للسادة
واحدهم كلف معـروف بعنـاده
المنهم يطيح صاحبه يشد حيله
طول يا ليل هايـه سـادس ليلـه
______________________
صاروله درع بـحدود المخيـم
واليوصله كالو راح يتنـدم
إله كربله يترسها فيض الـدم
اليريد الصحبة خل من عدنه يتعلم
كالو حسين بالدمه انضحيله
طول يا ليل هايـه سـادس ليلـه
______________________
غيرة ومرجلة منهم تعلمنـه
وما دنكنه راس وما تخضعنـه
بي جينات من عاشور واحدنـه
نعيش نموت لازم ينتصر دمنـه
الرايد شهود دمنه ظل يحجيله
طول يا ليل هايـه سـادس ليلـه
_______________________
ربك رافع الأنصار بالقمـه
وصارت أضرحتهم يم أبو اليمه
ورفع كلمن بذل لجل الشرف دمه
نعمه انطاها لليستاهل النعمه
وهالشرف كون كل وكت نسعيله
طول يا ليل هايـه سـادس ليلـه
_______________________
✍️احمد علي البغدادي
مقدمات الليالي (الليله الرابعه)
طول يا ليل هايه رابع ليله
طول يا ليل هايه رابع ليله
________________________
على أم البنين الدمعة نجريها
تون لحسين ما سكتت بواچيها
بلكي اليوم بالدمعة نواسيها
وتهيد جروحه ذيچ التأذيها
يلا هاليوم خل دمعنا نسيله
طول يا ليل هايه رابع ليله
_______________________
كريمة والكرم تفصال وياهه
من شدة كرمها ضحت ارباهه
الله اختصهه للحاجات سواهه
وتحس الباري للصعبات خلاهه
لمن نطيح كل حملنا تشيله
طول يا ليل هايه رابع ليله
_______________________
ظلت بالمدينة وهي منتظره
ومن گد البواچي اعيونها حمره
تريد حسين ضلت بالگلب حسره
تمثل أمه چانت فاطمة الزهره
اتيتم ازغير وهي شدت حيله
طول يا ليل هايه رابع ليله
_________________________
عقيدة ودين عدهه وتمتلك همه
مره ربت زلم لحسين أبو اليمه
وچانت عدهه ويه أولادها كلمه
اليعوف حسين لا يحسبني آنه أمه
هذا الحسين واجب نضحيله
طول يا ليل هايه رابع ليله
________________________
راح حسين عنها وما درت عنه
لا مرسال اجاها ولا خبر منه
يأم الأربعة ماكو بعد ظنه
تعاي وشوفي الخيول اليسحكنه
راح عباس ياهو اليتچيله
طول يا ليل هايه رابع ليله
________________________
✍️احمد علي البغدادي
مقدمات الليالي ( الليله الثانيه)
طول يا ليل هايه ثاني ليله
طول يا ليل هايه ثاني ليله
_______________________
خله يطول ليل الخدمه والدمعه
كل يوم بسنه ردناها بس ننعه
يا خدام ذاك المنكسر ضلعه
اجه شهره وبدينه المنبر نسمعه
يگول الحسين كون دم نبچيله
طول يا ليل هايه ثاني ليله
_______________________
ليلة خدمه هاي وكون نحييها
يا خدام ندرس من معانيها
تره الخدام كلها حسين راعيها
وبكيفه الينصيها اليعليها
المهم كون بالأدب نوفيله
طول يا ليل هايه ثاني ليله
_______________________
اشگد خدام چانت واحنه شفناهه
من ذيچ البساطه حسين علاهه
خدم صح لكن الملاچ سواهه
وخلاهه القصايد ذيچ خلاهه
خادم حسين كل وكت ندعيله
طول يا ليل هايه ثاني ليله
_______________________
الله اختار هاي الناس للخدمه
وصارت هالخدامه اعله الخدم ذمه
عهد وقعنه ويه حسين ابو اليمه
هايه النعمه واجب نشكر النعمه
واحنه كل جيل عن قبل نحچيله
طول يا ليل هايه ثاني ليله
_______________________
ختاماً بالرساله انتهي وابدي
أصغر خادم وسمعوهه من عندي
كون تصير جدي بخدمتك جندي
وترفرف رايتك حد طلعة المهدي
وين الحسين انته روح اسعيله
طول يا ليل هايه ثاني ليله
_______________________
✍️احمد علي البغدادي
السلام عليكم خدام الحسين ع سيتم نشر منهاج محرم الحرام لسنة 1448 هـ كاملاً قصائد والحان 👇
Читать полностью…
🏴 راح اكتب اصعب كلمة 🏴
تـدوس الـخـيـل واهـدوم وجـلـد تـشـلـع
جـلـد الـطـف عـلـى هـذا الـوضـع يـگـشـع
الـخـيـل اتـگـول ثـار وتـاخـذه امـربـع
عـظـم صـدره اعـلـه رمـل الـگـاع ظـل يـطـبـع
ـــــــــــــــــــــــــــــــــــــــــــــــــــــــــــــــ
▪️ ضمن منهاج محرم الحرام ١٤٤٨ هـ ▪️
ـــــــــــــــــــــــــــــــــــــــــــــــــــــــــــــــ
#يا_حسين
#ويبقى_الحسين
#عاشوراء_1448
يمه علي ____يمه علي
يمه علي ___يمه علي
__________________
كل حرمه تنشغ عالولد تنخه علي تلگاهه
وانه امك انخالك علي يردك وبيك اتباهه
جدك تشبها انته نعم وشايل ملامح طه
يل مني يبني لورحت يعني امك الله وياهه
يمه علي ____يمه علي
يمه علي ____يمه علي
_________________
ها يالورد ليش الورد يبني يموت بسرعه
وچا ليش كل آل النبي مابين لوعه ودمعه
موسهل عالأم ياعلي لمن ضناها تودعه
ويعني بعد يمه هلا هالصوت ابد مااسمعه
يمه علي ____يمه علي
يمه علي ____يمه علي
__________________
كل ذكرياتك بالزغر هسه اني افكر بيها
الچانت تباوعلك تضن من تكبر تباريها
چا ليش امك ياعلي بين العده اتخليها
وتنسبي ومابين الزلم وين النذل سابيها
يمه علي ____يمه علي
يمه علي ____يمه علي
__________________
عاين لبوك وحالته يايمه الله يعينه
مابينك وبيني احس ضل بس يدور بعينه
گدام عينه يالولد ويروح تعب اسنينه
والله انكسرنه ياعلي يايمه رد اعلينه
يمه علي ______يمه علي
يمه علي ______يمه علي
__________________
اخر محطاتك چنت اذكرها واتاذيني
اباب المخيم واسمعت والدك ويناديني
ياليلى صاح ادعي لعلي وادعيت ياضي عيني
بدمعه على الباري ادخلت ماردتك اتخليني
يمه علي _____يمه علي
يمه علي _____يمه علي
___________________
جديد
✍️احمد علي البغدادي
يادار اهلچ وين وين __يادار اهلچ وين
______________________
أصعب ايام __عاليفگدون __اول ايام
تبدي العيون __من يروحون __ترفض اتنام
انوب الاحلام __حسره والام __مثل السهام
ودمعة العين __تكتب حسين __صرنه ايتام
يادار اهلچ وين وين __يادار اهلچ وين
__
حمل وشال __ماخذ البال __الغالي من راح
اصبر اشلون __مايرجعون __يمته ارتاح
وحدي ضليت_ ويخنگ البيت _وماكو افراح
داري احس صار__ يلهب بنار __وبس للنياح
يادار اهلچ وين وين __يادار اهلچ وين
__
چنه عدلين __وهسه ميتين __ابلايه الاحباب
الواحد ايهون __لاچن اشلون _كلها غياب
ضلت الدار__ جنها تذكار __ بس التراب
بويه مليت __ميته ياريت __وعيني عالباب
يادار اهلچ وين وين _يادار اهلچ وين
__
بويه الاحلام__ ترسم ايتام__ ترسم اجروح
راسك بطيف__ ذبحه بالسيف __ياخذ الروح
وعمتي عالنوگ _وطبت بسوگ_ تبچي وتنوح
گلي بالصار شنهو الاخبار ياهو مذبوح
يادار اهلچ وين وين __يادار اهلچ وين
__
بويه اشتاگ وتدري الفراگ ياخذ الحيل
امن الصبح نوح _ گلبي مجروح _وابچي بليل
بأذني احس صوت بويه والموت بحافر الخيل
وادعي بس كون _ شده وتهون _ودمعي چن سيل
يادار اهلچ وين وين __يادار اهلچ وين
__
جديد
✍️ احمد علي البغدادي
يالعليله والبقيه في حياتچ
راح ابوچ وراحت اوياه ذكرياتچ
مايرجعون __ امطوله الضعون
يالعليله ______يالعليله
_____
شمتانيه يرد الضعن بس ماكو الحسين
اليروح مترجعه بعد يادمعة العين
يالراس ابوچ اعله الرمح كونچ تشوفين
وعباس عمچ عالنهر وبلايه چفين
لاتتعبين وتكتبين الرسايل
خاليه ترد للمدينه هالمحامل
تلطم ام عون ____امطوله الضعون
يالعليله _________يالعليله
__
انتي يتيمه ولازم اتحسبين الحساب
خل عينچ اتأيس بعد من دگة الباب
راحو ولابيهم امل للرجعه الاحباب
امجزرين بكربله وغاطيهم اتراب
لاتنضرين اعله بابچ ماكو جيه
ماتشوفيهم بعد اهل الحميه
مايردون ______امطوله الضعون
يالعليله ____يالعليله
_
احچيلچ اني ابساعة الي حزو الراس
من چان ابوچ ابلاظهر مايمه عباس
شي بالعصي وشي بالحجر متجمعه الناس
ومن بعد كل هذا الالم بالخيل ينداس
كفي دمعچ يعني كلش ماكو رجعه
مايرد الداست الخيل اعله ضلعه
تعمه العيون ____امطوله الضعون
يالعليله ________يالعليله
__
ماضل عزيز امن الاهل كلهم گضو موت
وابلا غسل وابلا دفن وابلايه تابوت
بيتچ خله منهم بعد مابي بعد صوت
البيوت اذا مابيها اهل تخنگ هالبيوت
ضلي شمي اثيابهم شمي عطرهم
راحو وما اضن بعد يلتم شملهم
مظلم الكون ___امطوله الضعون
يالعليله ________يالعليله
___
عمتچ اذا رجعت الچ بالهم واللام
مو هيه زينب من بعد روحتها للشام
ياضعن عمتچ من يرد متروس ايتام
والحلم ميچذب خبر صح هاي الاحلام
زينب اتردلچ غريبه ابلايه اهلها
وعالنهر عافت اخوها الي كفلها
وحالچ اشلون ___امطوله الضعون
يالعليله _______يالعليله
____
جديد
✍️احمد علي البغدادي
