وبذاك السوگ يحسين اشصار
وازغــار اكــبار ترمينــه احجار
شحچيلك يحسين
بس تهمل هالعين
يحسين اشصار
________
دخلنه السوگ والوادم تسب بينه
ماندري الذنب شنهو المسوينه
اسهام اعيونهم لمن تصد لينه
وماكو احد فزع يمنه ويحامينه
خويه اتمنيت كونك وياي
بنياتك هاي رادت حمـاي
خويه نروح لوين
بس تهمل هالعين
يحسين اشصار
______
اغمض اعيوني واتخيل تحوطوني
اتصور خيلكم تفتر على اضعوني
وافز من هالخيال وافتح اعيوني
والواقع يگول اخواني عافوني
مـن ارفع عين توگع عالراس
مره اعله حسين مره لعباس
شسوه وياي البين
بس تهمل هالعين
يحسين اشصار
______
تدگ اطبولهم والناس فرحانه
لهاي الناس فرجه ايزيد سوانه
الضعن يمشي وتروش الناس ويانه
اشما نندار بــحجــار اتلگانــه
مــره يضربون مــره يشتمون
لحگ يحسين شتصير ام عون
والــــناس امتانين
بس تهمل هالعين
يحسين اشصار
______
هم بهم علي السجاد خطواته
وي نگل الجدم تذبحني حسراته
مريض امگيد وعينه اعله عماته
تــــدگ بگلوبنه يحسين اهــاته
حـــــال السجاد اذانه هــواي
يحسين ايموت لوشاف الماي
يتذكـــركـــم زين
بس تهمل هالعين
يحسين اشصار
_______
مشينه اجساد والارواح عفناها
خويه ارواحنه يمكم نسيناها
العشره اوياكم ابصفكم دفناها
والراحت بعد چا وين نلگاها
خويه اتمنيت تطلع احلام
وانضل وياك لاكوفه وشام
يـــاروحي اتضلين
بس تهمل هالعين
يحسين اشصار
________
جديد
✍️احمد علي البغدادي
محرم 1447 هـ
https://youtu.be/EJ9UM-Hc0WE?is=hVjthtV2BjWDl4K2
Читать полностью…
https://youtu.be/_A93FI1zzQ4?si=HaDgeGMUtms8ZJef
Читать полностью…
https://youtu.be/raZpFs0zYIQ?si=TvWfjfhKIAiDUyO6
Читать полностью…
علي الأكبر (ع)
يبويه الحگ إلي
أنه أوليدك علي
تعال الحگ عليه
دنت مني المنية
____________
بويه أريد اليوم أحلفك بالزچية
خلي أشوفك گبل لا تلفي المنية
يطيب جرحي بنظرة عيونك عليه
هاي آخر شوفه خلي إيدك بديه
يرد ليه الهوه
إذِا نگعد سوه
واتخف الرزيه
دنت مني المنية
_____________
حسين يركض لكن الركضة ثگيلة
بطيحة الأكبر خلص ياناس حيله
يصيح بويه وليدي رايح معتنيله
بس إذا أوصل أوليدي شلون أشيله
وآنه بلايه ظهر
وعلي صاير وذر
موتتنه سوية
دنت مني المنية
____________
من وصله حسين شافه مگطعينه
صاح آخ وطلعت بونه حزينه
گله بويه والدك الله يعينه
شلون أشيلك وآنه ظهري كاسرينه
حچه كلمة بألم
احملوه للخيم
خلوه فوگ اديه
دنت مني المنية
____________
صاح گومن يابناتي ودعنه
هذا اخوچن خلنه نشبع شوف منه
اتمدد بصفه ويجر ونه اعله ونه
يصيح يازينب يخويه راح ابنه
بوداعه اتحيرت
ألف موته متت
ياهو الضل إليه
دنت مني المنية
____________
حسين ضل ابلا علي وابلا عضيده
وابتدت مأساة للغربة الجديدة
لو وگع ياهو اليجي ويمدله إيده
وياهو يفزعله إذا حزو وريده
يضل بين العده
يلوع لوحده
برض الغاضرية
دنت مني المنية
_____________
✍️احمد علي البغدادي
ليلة القاسم بيها نتعلم
يوم الشباب الينتصر بالدم
___________________
الغيره العنده ياناس چانت عالعقيده
چانت عنده اهداف نال الي يريده
العمره اتلثطعش عام ويقدم وريده
كون اكتبله ديوان ماتكفي القصيده
گدامه موت وچان يتبسم
يوم الشباب الينتصر بالدم
__________________
لازم كلنه ياناس نتعلم صفاته
دين وغيره واخلاق ياناس اشحلاته
يتبختر على الجيش يتمشه لمماته
يوم احتاجه الاسلام ماعزت حياته
ويصيح عمي حسين لاتهتم
يوم الشباب الينتصر بالدم
___________________
جاسم قصة ابداع للشاب المثالي
رخص كل الاشياء بس ضل دينه غالي
موقف عنده جسام بصروح المعالي
مااطخ راسه للجيش جاسم راسه عالي
صاير درع لحدود المخيم
يوم الشباب الينتصر بالدم
___________________
صح بالمعركه چان ويوجه رساله
كل شاب عدنه مفروض يتعلم خصاله
موبس شكله مقياس لافكره جماله
القاسم عنده مشروع وبنحره سعاله
مرات حتى بموت تتقدم
يوم الشباب الينتصر بالدم
___________________
مشكور والله مشكور ياابن الاكارم
يلي مضحي للدين يافخر الهواشم
اسمك باقي تاريخ لا ميهزه ظالم
اجمل اربع احروف من تجمعها قاسم
تسلم يجاسم والنعم تسلم
يوم الشباب الينتصر بالدم
___________________
يشبه عمه عباس شاب وكله غيره
ازغير عمره ياناس ويعادل عشيره
جاسم دور الكون ماتلگه نظيره
عدهم حتى الازغار غيرتهم چبيره
ايموت اعله دينه وابد مايندم
يوم الشباب الينتصر بالدم
___________________
✍️احمد علي البغدادي
طلع شباب من الخيم واحتارت الناس
چنه علي چنه الحسن لو چنه عباس
يالتسأل أنت منين؟
هذا أنه عمي حسين
واحتارت الناس
_________________________
ابدي بسم الله يالتسأل عليه
أنا جدي المصطفى سيد البرية
من نسل فاطمة وحماي الحمية
أنا ابن شبر وبس اسمه هوية
بسم الله ابدي وراح أصفيها المناحر
بس نادى عمي أنه صحت ياعمي حاضر
هسه أنت دربك وين؟
هذا أنه عمي حسين
واحتارت الناس
__________________________
هذا عمي حسين والكل بقراره
الدنيا بيده وهو يشرف عالإدارة
هو يحچي وكلشي يمشي باختياره
موتنه وضلتنه كلها بفد إشارة
هذا الكلام الكل تسمعه من النهاية
بس راية حسين التظل لا ماكو راية
وحچايته اعله العين
هذا أنه عمي حسين
واحتارت الناس
__________________________
امن الحسن عندي وصية وهالأمانة
اليوم لازم كلشي ينحط ابمچانه
مو طفل گدامك التاريخ أنه
عن أبي عن جدي وارث هالمكانة
من أبو طالب وارث لهاي المعالي
ومن علي عالي ومن أبوي الراس عالي
جدي بطل صفين
هذا أنه عمي حسين
واحتارت الناس
__________________________
لحظة استشهادي مو لحظة خسارة
بدمي راح اكتب ردت أجمل عبارة
للشباب الحيدري لكل الغيارى
إحنا خطينا الدرب وامشوا بمساره
هذا الدرب درب الشرف درب الشهامة
لكل الدماء الزاكية ليوم القيامة
ونضحي لجل الدين
هذا أنه عمي حسين
واحتارت الناس
_________________________
لكن الأذتني لحظات الأخيرة
من شفت عمي غريب ابلا عشيرة
وأنا أعرف قصته وأعرف مصيره
جسمه يتگطع يلمونه بحصيرة
يستاهل حسين البچي هلوهه العيون
مو دمع هلوهن دمه يلي تنوحون
لطموله بالچفين
هذا أنه عمي حسين
واحتارت الناس
__________________________
✍️احمد علي البغدادي
ماازعل منك لوشارب ماي
عباس انه ادري تحبني هواي
اشرب ياضي العين
لا لا متزعل حسين
لوشارب ماي
__________________________
تشرب تتهنه عباس اتمنه متضل عطشان
ياگلبي وروحي يمطيب جروحي هاي الخوان
چنت اتمنه مااشوفك ابد ضامي
ترد متروي هم واتروي ايتامي
ياكشختنه انته وهيبة اخيامي
لكن للاسف هل ضاعت احلامي
والله وهالغيره اتشيل الراس
من فدوه لطولك ياعباس
يالمنك ماكو اثنين
لا لا متزعل حسين
لوشارب ماي
__________________________
ها ياانفاسي يالشايل راسي شكراً كفيت
ضل يمي مروتك بس اسمع صوتك خويه اتمنيت
بزودك راس اخوك حسين ضل عالي
يغالي شويه احسها لوگلت غالي
اصد لمچانك والكاه صدك حالي
ردتك خويه للعازات تبقالي
ماسامع صوتك بس بهاي
حاضر گدامك يامولاي
رايح عايفنه لوين
لالا متزعل حسين
لوشارب ماي
___________________________
من جيت اشبيه اسحب رجليه ماتمشي اوياي
والزم بصفائح مكسور اجناحي المن شكواي
يااكبر جرح تارك اثر بيه
يتارس كلب اخوك حسين حنيه
مابيه اعوفك خويه مابيه
الظهر مكسور وانه امشي اعله رجليه
من ارجع زينب بيها اشلون
منتظره اخبارك ذيج ام عون
يالگطعولك چفين
لالا متزعل حسين
لوشارب ماي
_____________________________
رديت لزينب من ظهري اتحدب شيب هالراس
صاحت حاچيني ها ياضي عيني راح العباس
صحت زينب يزينب خويه الحگيلي
انكسر ظهري على العباس تچيلي
وصلتلي وتگلي خويه احچيلي
گتلها على العباس واويلي
يتعذر منچ منچ ودالچ روح
كال انه مقصر بس مذبوح
شوفيني امن تروحين
لا لا متزعل حسين
لوشارب ماي
____________________________
نگعد نبچيله خويه بهالليله انخلصها ادموع
خويه الله ايعينه الميشاهد عينه كلمن مفجوع
عالخوه ننوح اليوم عالخوه
زينب خويه والله امشي بالگوه
تره العباس ينكط غيره ومروه
يسوه ننكسر والله صدگ يسوه
يستاهل دمعه خويه الراح
واشگد نبچيله مانرتاح
خويه وطشرنه البين
لا لا متزعل حسين
لوشارب ماي
_____________________________
نزله (للانصار)
هله بنصاري هله
هله بنصاري هله
____________
هله بالشيخ الجليل الجاي من الكوفه
هذا من شيعة أبونه وغيرته معروفه
عمره صح تسعين لكن تصب نار اچفوفه
هذا بالشده أجانه ابشدته منعوفه
هله بكشخة كربله
هله بنصاري هله
____________
حيو أنصار أبو اليمه الرافعين الرايه
يا برير ويازهير وزلم بيها كفايه
الموت چان أقرب وسيله حسين عدهم غايه
اتگول چن عرسان بالطف بالدمه امحنايه
صيتهم فوگ اعتله
هله بنصاري هله
____________
هذا عابس هذا جون اعله العشگ دلونه
وكلها عشاگ الحسين اعله العشگ ممنونه
درس عابس چان النه قصته واجنونه
شيخ عشاگ أبو اليمه لازم يسمونه
شيخ كل المرجله
هله بنصاري هله
____________
طبو اعله الموت موت نگول يا حياهم
هذا نافع هذا مسلم شايلين الواهم
نزلو اگبال الحسين والله هالعلاهم
وضلت لهذا عصرنه بركات ادماهم
زلم كلفه امعدله
هله بنصاري هله
____________
واحد وسبعين زلمه حسين ناده اعلينه
خلها تتجمع ألوف وعلي ما ذلينه
أحنه نهجم على الصيده وهو اليدلينه
واليعارض أبو اليمه وعلي نشلع عينه
اتضيگ بيهم هالفله
هله بنصاري هله
____________
✍️احمد علي البغدادي
نزله لمولاي (مسلم بن عقيل ع)
نزل نزل هسه لرض الكوفه
شهم شهم غيرته معروفه
____________________
هذا مسلم يالتدور وينه
الزلمه منكم هسه يرفع عينه
والنزله تضيع كل اسنينه
عمه قالع خيبر ابچفينه
نصر نصر بين اديه انشوفه
شهم شهم غيرته معروفه
____________________
أنه مسلم يالردت عنوانه
اليوم أرجعكم لبن مرجانه
إحنه مو مثله نظم ادمانه
إحنه ننزل لو الحگ نادانه
زلم زلم بالشرف موصوفة
شهم شهم غيرته معروفه
____________________
ما يهمني الجيش كل أعداده
شجاب هاي الناس ويه الساده
هاشمي ومعروف شنهو اعناده
إحنه قادة وعلى اخشوم القادة
اسم اسم راح أخط احروفه
شهم شهم غيرته معروفه
___________________
حجايه مني ولازم اتسمعوها
هايه صولاتي فلا تنسوها
اشگد تمر عصور تتذكروها
هايه صولة مسلم اتسموها
نظل نظل سيفنه منعوفه
شهم شهم غيرته معروفه
___________________
حتى لو ميت دمائي اتنادي
كلنه منذورين لبن الهادي
وآنه جاي اليوم أريد مرادي
أحلى لحظة لحظة استشهادي
هلا هلا بالشهرها اسيوفه
شهم شهم غيرته معروفه
___________________
✍️ احمد علي البغدادي
نزله لمولاتي العليله (ع)
دمعي دمعي يجري بعيوني
يـهـلي يـهـلي لا تـعـوفـوني
___________________________
أنه عليلة والمـرض يابويه أذاني
لو رايد يطيب المرض واتخفف أحزاني
خليني أمشي بهالظعن وي أهلي وإخواني
يمكن إذا راح الظعن معناهـا أمـوت آني
جرحي جرحي مـن تخلوني
يـهـلي يـهـلي لا تـعـوفـوني
___________________________
أخذوني ويـاكـم تره كـل عـلـة ما بيـه
لو ماكو هودج بويه الي أمشي اعله رجليه
مسبية أروح ولا أظـل بالـدار مـسـبـيـة
وبلايـه أهلهـا ياهلي متعيش البـنـيـة
غـربـة غـربـة لا تـخـلـوني
يـهـلي يـهـلي لا تـعـوفـوني
___________________________
عبد الله مـا مـتـعـودة يابويه عـلى افراگه
شو گلبي يلچمني أحس ما راح نتلاگه
چن روحي تمشي ياهلي وي مشية الناگه
اشما أشوف يخلص هالعمر وأبقى آنه مشتاگه
فـدوة فـدوة يـالـتـحـبـوني
يـهـلي يـهـلي لا تـعـوفـوني
____________________________
روحـوا يـبويه راشدة بـويه الله ويـاكـم
راح أبقى أدعي ياهلي مـا لحظة أنساكم
وكل ما أشتاگ آنه بحلم بلكي الله وألگاكم
ذكّروني حـتـى لو حـلـم يـابـويـه أنـخـاكـم
حلمي حلمي تـعرف شـلوني
يـهـلي يـهـلي لا تـعـوفـوني
____________________________
يابويه گلولي أنتـظر لو اگطع الـظـنـة
بالـدار راح آنـه أظـل ومـرافـگة الـونـة
مـا ساعة نتـفارگ چنت يحسين اتمنه
يالچان بـوجودك نحس ابيتنه الـجـنـة
وحـشة وحـشة داري اسـمـعـوني
يـهـلي يـهـلي لا تـعـوفـوني
____________________________
✍️ احمد علي البغدادي
جيب ابنك الى هاي المآتم
الخادم من يموت يخلي خادم
يكبر بالعزاء.. ويشيل اللواء
الخادم من يموت يخلي خادم
_______________________
يالعايش جرح عاشور يومية
ربي ابنك على الخدمة الحسينية
قربه للمجالس سمعه لطمية
وهو صغير أسس عنده روحية
علمه حسين أبد ما عدنه غيره
ابنك باچر ايكمل المسيرة
بالخدمة البقاء.. ويشيل اللواء
الخادم من يموت يخلي خادم
________________________
گله النعمة بس خدمة أبو اليمة
تريد النعمة حب حسين بس نعمة
خدم صرنه وفاءً للنذر دمه
ورعاية هالخدم من فاطمة أمه
گله فاطمة التشرف علينه
ردتك تركب بنفس السفينة
من أجل الوفاء.. ويشيل اللواء
الخادم من يموت يخلي خادم
_________________________
جيبه للعزاء وعلمه عالدمعه
وگله خل ننوح ونلطم وننعه
واحچيله على الي منكسر ضلعه
وفهمه اشلون تحضر فاطمة البضعة
گله فاطمة المحني ضلعها
تحضر بالعزه وتهمل دمعها
فهمه اعله البكاء.. ويشيل اللواء
الخادم من يموت يخلي خادم
__________________________
فهمه على الخدامة وخدمة المنبر
وگله إحنه ترى بهذا الأمر نفخر
امتداداً بالخدامة نرجع لـ قنبر
ومنعوف الحسين لگطعة المنحر
جدك قنبر بهاي الخدامة
خدمتهم ترى أكبر كرامة
درب الأتقياء.. ويشيل اللواء
الخادم من يموت يخلي خادم
_________________________
اكتب بالوصية الراد يرضيني
وتنام براحة لا مو بالقلق عيني
أوصيكم يولدي بخدمة حسيني
لا تضيعون تعبي وخدمة سنيني
كون بگلبك تحس بحرارة
عمرك خلصه بس خدمة وزيارة
وصي اعله النقاء.. ويشيل اللواء
الخادم من يموت يخلي خادم
_________________________
✍️احمد علي البغدادي
مِـن ذاك عاشورك .. عايش أنـه ابشورك
يمشيني دستورك .. خِدمه وعزاء
ـــــــــــــــــــــــــــــــــــــــــــــــــــــــــ
مِـن هذاك العام ولهسّه آني خادم
وعلي ما فد يوم فارگت المأتم
أشكر الله هالسنة ضليت سالم
وعايش بخيمتك ياراعي المكارم
ولو مِتت أبقه آني .. بالعالَم الثاني
بالخدمة تلگاني .. خِدمه وعزاء
ـــــــــــــــــــــــــــــــــــــــــــــــــــــــــ
الناس هاي الناس كل واحد طريقه
بالوهم عاشت وآنه عشت الحقيقه
كلمن يحبّك صرت آنه صديقه
الفكرة البحبّك تره كلش عميقه
ويّه اليحبونك .. ضد اليكرهونك
كل عمري لعيونك .. خِدمه وعزاء
ـــــــــــــــــــــــــــــــــــــــــــــــــــــــــ
ما أريدن جاه لا شهره وقَدامه
بس أريدن عمري يخلص بالخدامه
مو طمع تشفعلي باچر بالقيامه
أبقه أخدمك هايه عندي أكبر كرامه
مولاي هذا آنه .. الما عايف امچانه
والخدمة عنوانه .. خِدمه وعزاء
ـــــــــــــــــــــــــــــــــــــــــــــــــــــــــ
كلها خدامك يبو اليمة غياره
بالسلم بالحرب منك بس إشاره
نموت حتى الشيعة تبقه بالصداره
الشيعي عالعالَم فقط يفرض قراره
كله بفضل دمّك .. علّيت اليخدمك
لمن صبح يمّك .. خِدمه وعزاء
ـــــــــــــــــــــــــــــــــــــــــــــــــــــــــ
هالمجالس إلنه صارت توعويه
صنعت أجيال التدافع عالقضيه
حسينية وحسنية وحيدريه
المجالس يعني ثورة مهدويه
كل قائد نشوفه .. اشگد لطمن چفوفه
قاعدته معروفه .. خِدمه وعزاء
ـــــــــــــــــــــــــــــــــــــــــــــــــــــــــ
هالمجالس قدّمت للدين قاده
علّمتنه الموت عالمذهب سعاده
هذا شادود العزه كله إراده
اليوم يلطم باچر يدور شهاده
هاي الزلم هيبه .. مخلوقه للنيبه
وإنتَ الذي اتجيبه .. خِدمه وعزاء
________________________________
✍️احمد علي البغدادي
مقدمات الليالي ( الليله التاسعه )
طول ياليل هايه تاسع ليله
طول ياليل هايه تاسع ليله
_______________________
هاي الليله نگعد ننحب وننعه
شبيه المصطفى يا وادم انودعه
انخبصت هالمسه كل السمه السبعه
اليوم حسين للأكبر خلص دمعه
حسين هاليوم منهدم كل حيله
طول ياليل هايه تاسع ليله
________________________
حسين يشوف جده بشوفة الأكبر
چن شايف محمد يفرح وينسر
افتح عين گلبك وانظر المنظر
شلونه يشوفه نايم بالشمس والحر
حسين لو طاح ياهو اليتچيله
طول ياليل هايه تاسع ليله
________________________
عفه عالدنيا گال حسين أبو اليمه
لمن شاف الأكبر سابح بدمه
ضل يصيح ها يالزهره يا يمه
راح اوليدي مني ودنيتي ظلمه
ظهره مكسور گوه من يمشيله
طول ياليل هايه تاسع ليله
_________________________
مشاله حسين لكن بالدرب شيب
وظهره اعله الولد ياهل خلگ حدب
رجع للخيمه گلبه من الألم يلهب
صاح بصوت زينب خويه يا زينب
اوليدي هالراح خويه خل نبچيله
طول ياليل هايه تاسع ليله
_________________________
حسين يگله خلصت بويه عشرتنه
ما ترجع بعد هيهات لمتنه
أبد ما راح تنشف هاي دمعتنه
موتنه مصابك بويه موتنه
تسوه العيون مو دمعنه نسيله
طول ياليل هايه تاسع ليله
________________________
✍️ احمد علي البغدادي
من گالولي زينب جابو الماي"
گلتلهم عليمن چا بعد جاي؟
يماي أنت استمع زين
عطشنه لوجه الحسين
ياماي.. ياماي
___________________
ما نروه بعد للموت ما نروه
العطش مو ماي، لچن ريحة الخوه
سنة ونص راح أظل بالفرگة أتلوه
أنه المن إخوتي مأخوذة بالگوه
تره العطشان مو عالماي عطشان
عطشنه إحنه الصدگ بفراگ الخوّان
بعد نلگاهم منين؟
عطشنه لوجه الحسين
ياماي.. ياماي
____________________
أنه المذبوح أخوي حسين گدامي
وآنه الحرمة الغريبة الحِرگوا خيامي
ما يرويني ماي وتبرد آلامي
وأخوي حسين گدامي انذبح ضامي
كل عمري البقه راح أبقى أشتاگ
شتتوقع يماي تطفّي الفراگ؟
وإنته امرافگ العين
عطشنه لوجه الحسين
ياماي.. ياماي
____________________
ماكو أنته چنت ياماي بالعاشر
بس هواي چنت بدمعة الناظر
تتلظى اليتامه وتكسر الخاطر
ويم جرفك لأبو اليمة ظهر كاسر
من توادعوا ياماي ما جيت
شجاك ويم رجلهم ما تبديت؟
من عالفرگة ناوين
عطشنه لوجه الحسين
ياماي.. ياماي
____________________
شنتروه وگلبنه شيطفي نيرانه؟
العطش ياناس من حسين خلانه
يماي الدنيا كلها اندارت اويانه
وآنه كل العمر راح أبقى عطشانه
أشوف الماي وأذكر گطعة الراس
واتمعن وأشوف اچفوف عباس
وأتذكر مبعدين
عطشنه لوجه الحسين
ياماي.. ياماي
_____________________
عبد الله الطفل منك يحرمونه
عن شفته غبت بس أنت بعيونه
طفل عطشان فوگاها يذبحونه
حسين اينوح لوليده يشوفونه
شلون گـلوبهم واتحملت هاي؟
شتتوقع بعد تروينه ياماي؟
العطش مو مرة مرتين
عطشنه لوجه الحسين
ياماي.. ياماي
_____________________
✍️احمد علي البغدادي
https://youtu.be/j9D_UDhJsmo?is=NvFPGtz9U7-CEpBw
Читать полностью…
سجيتي الكرم من طبعي وجودي
ولحسين ارخصت روحي وجودي
شبيدي وانطفت عيني وجودي
تمزك وليتامه تون عليه
.............................................
شبل حيدر لبو ليمه وجوده
سجيته الغيره والنخوه وجوده
يويلي صوبو عينه وجوده
وتبده الماي من جفه السخيه
.............................................
ولم گلبي يراودني وسكنه
على زينب المضلومه وسكنه
انه بالشام ريت انزل وسكنه
وعلى زينب انوح بكل مسيه
............................................
دمع العين يتجاره وسالي
وأريد اكصد للمسيب وسالي
يناعي ماتصبرني وسالي
على براهيم ومحمد سويه
...........................................
عليه ضل ينحب المضلوم عمه
وبعمامه ابوه الحسن عمه
وزينب شافته وتصيح عمه
شبيه الحسن رايح للمنيه
...........................................
وحگ اجفوفك وعينك وجودك
تراني ابشده وين انته وجودك
اذا تسمح الي گوم ثبت وجودك
عله بختك يبو جفوف الصخيه
.. ........... .... ....... ... ... ........
وحك الكصب الاحزاب منكر
اليبغضك ياعلي للدين منكر
واليحبك بالكبر ليخاف منكر
التحضره انته يحماي الحميه
..............................................
الشاعر شاكر فالح الدراجي
اخوتي خدام الحسين ع هذه الابيات كتبت بقلم عمي المرحوم الشاعر شاكر فالح الدراجي لاتنسوه من الفاتحه والدعاء في مجالس الحسين ع لانه افنى عمره في خدمة سيد الشهداء ع جزاكم الله خير الجزاء 🙏
راح اكتــــب اصعب كلمـــه بتاريــخ الاحــزان
الـسـاتـر كـل الـعـالـم ثـوبـه ضـامـي وعـريـان
والـحـافـر شـگ اهـدومـه
لامـا كـو أصـعـب مِـن يـومـه
بـتـاريخ الأحـزان
_______________________________
تـدوس الـخـيـل واهـدوم وجـلـد تـشـلـع
جـلـد الـطـف عـلـى هـذا الـوضـع يـگـشـع
الـخـيـل اتـگـول ثـار وتـاخـذه امـربـع
عـظـم صـدره اعـلـه رمـل الـگـاع ظـل يـطـبـع
وابـالـي اتـدور احـچـايـه ومـاتـنـظـم يـا نـاس
بـهـذا الـمـوقـف شـيـسـوي لـو شـافـه الـعـبـاس
ويـشـوفـه ابـنـص الـحـومـه
لامـا كـو أصـعـب مِـن يـومـه
بـتـاريخ الأحـزان
________________________________
يـلـوج مـن الـعـطـش والـخـيـل رِضـنّـه
وشـيـبـه مـن دمـائـه الـطـاهـره اتـحـنّـه
يـزحـف راد بـس لـلـخـيـمـه يـتـعـنّـه
ابـنـص الـجـيـش نـسـوانـه اسـمـعـن ونّـه
يـوگـف يـوگـع واجـروحـه چـانـت حـيـل هـواي
ولـكـم مـاعـدكـم غـيـره بـس جـيـبـولـه الـمـاي
راح انـطـيـكـم مـعـلـومـه
لامـا كـو أصـعـب مِـن يـومـه
بـتـاريخ الأحـزان
________________________________
بـأنـفـاسـه الأخـيـره و چـان يـتـلـوّه
صـد اعـلـه الـنـهـر والـشـوف بـالـگـوّه
يـا عـبـاس لـحّـگ راحـت الـخـوّه
بـعـزيـزك شـوف حـافـر خـيـلـهـا شـسـوّه
يـا عـبـاس الـحـگ لـيـه اوخّـر عـنـي الـخـيـل
لـو بـيـه آنـه اتـعـنـالـك لاچـن ويـن الـحـيـل
شـيـل مـن حـسـيـن اهـمـومـه
لامـا كـو أصـعـب مِـن يـومـه
بـتـاريخ الأحـزان
_________________________________
سـهـم صـدره الـطـلـع يـا نـاس مـن ظـهـره
فـوگـاهـا تـروكـه الـخـيـل واتـكـسـره
وكـل هـذا الـكـلام اتـشـاهـده الـزهـره
وتـگـض اضلوعـهـا واتـذب ألـف حـسـره
الـزهـره اتـشـاهـد هـالـمـنـظـر بـس بـحـسـره اتـلـوع
يـا يـمـه آنـه امـجـربـتـهـا ومـكـسـورتـلـي اضلـوع
آنـه الـزهـره الـمـظـلـومـه
لامـا كـو أصـعـب مِـن يـومـه
بـتـاريخ الأحـزان
_________________________________
مـحـمـد يـنـظـر وتـتـنـازف ادمـوعـه
ولـيـدي الـچـنـت اشـمّـه امـكـسّـره اضلـوعـه
بـعـالـم ثـانـي بـس الآه مـسـمـوعـه
تـره جـدك مـحـمـد لـوعـتـه لـوعـه
يـا جـد بـچـيـت الـدنـيـا وبـچـيـت الأكـوان
مـذبـوح ومـاشـارب مـي مـن الـحـر ذبـلان
واخـتـلـت هـالـمـنـظـومـه
لامـا كـو أصـعـب مِـن يـومـه
بـتـاريخ الأحـزان
____________________________________
✍️ أحمد علي البغدادي
محرم الحرام 1448 هـ
يارب يارب.. يارب
ردلي اوليدي.. يارب
ردلي اوليدي.. يارب
ردلي اوليدي
______________________
إلهي اعليك أدخل.. بالنبي ادخيله
وبالحسين الركد.. من العطش حيله
يمن رديت يوسف.. رِد علي الليله
متوجهه عليك.. وابني ابچيله
يلهب يلهب.. يلهب
گلبي الليله.. يلهب
گلبي الليله.. يلهب
گلبي الليله
______________________
يربي حسين هذا.. ومنخطف لونه
إذا ما رَد علي.. حسيني يذبحونه
يصد للجيش ويهل.. دمعة اعيونه
يتاني اوليده يرجع.. يعرف اشلونه
شيب شيب.. شيب
هذا حسيني.. شيب
هذا حسيني.. شيب
هذا حسيني
_____________________
شبيه الهادي يارب.. رِدّه لخيامي
ما نحمل إذا.. شفنه علي ضامي
اشلون بحالي لو رَد.. والجسم دامي
يعني بكربله.. تتطشر احلامي
ينحب ينحب.. ينحب
لجله الهادي.. ينحب
لجله الهادي.. ينحب
لجله الهادي
______________________
چنت امتانيه.. من اتغمض اعيوني
يشيل اجنازتي.. ويه اليشيعوني
وهسه بروحته.. چن خابت اضنوني
إعزازي بكربله.. كلهم يعوفوني
زينب زينب.. زينب
نضري لحالي.. زينب
نضري لحالي.. زينب
نضري لحالي
______________________
گلب الأم يوادم.. لوعته لوعه
الله يعين كلمن.. مثلي مفجوعه
الفاگدله عزيز.. شتنفع ادموعه
ميفيده البچي.. موضوع موضوعه
يصعب يصعب.. يصعب
فگد الغالي.. يصعب
فگد الغالي.. يصعب
فگد الغالي
_______________________
✍️احمد علي البغدادي
محرم الحرام 1448 هـ
نزله للقاسم (ع)
عدهم الغيره وراثه عدهم الغيره
عدهم الغيره وراثه عدهم الغيره
____________________________
صاح جسام __ يهالناس __انه الوارث هلي
عمي عباس __ والحسين _وانه الجدي علي
امن الحسن __هاي كرامات _اجت خصيصه الي
نگلب الجيش __على الجيش __ خصمنه يبتلي
عايش بحيره خصمنه عايش بحيره
عدهم الغيره وراثه عدهم الغيره
____________________________
انه من بيت __يربون __شجاعه ومعرفه
مايعرفون __يغدرون __يعرفون الوفه
من يكرمون __يكرمون __كرمهم بي صفه
نكرم الضيف __واذا سيف __نكرمه بعاصفه
هذا تفسيره كرمنه هذا تفسيره
عدهم الغيره وراثه عدهم الغيره
____________________________
نازل اليوم __على الجيش __ اسد باب الهوه
قادة الجيش __والكبار __ أصفيهم سوه
انه بركان __للحسين __واليمرني انچوه
من الرگاب __ والدموم __احس سيفي ارتوه
هذا تقديره حسامي هذا تقديره
عدهم الغيره وراثه عدهم الغيره
____________________________
ماتهمون __تنقصون __ واذا زاد العدد
اگلب الكون__ اذا اصيح __ايا حيدر مدد
جدي كرار __بالكبار __ يحل كل الشدد
يالتسئلون __تعرفون __منو جدي بعد
طيب السيره يجدنه طيب السيره
عدهم الغيره وراثه عدهم الغيره
____________________________
رايد اليوم __يهالگوم __ تشاهد كربله
قادة الجيش __ يبرزون __هله ومية هله
ماكو اي صوت __بالطفوف _فقط صوتي اعتله
خل يبرزون __للشباه __اعلم المرجله
بيدي تغييره عددكم بيدي تغييره
عدهم الغيره وراثه عدهم الغيره
____________________________
✍️احمد علي البغدادي
نزله (لمولاي قمر العشيره ع)
هالليله عبّاس طَب للحومة
هالليله عبّاس طَب للحومة
_______________________
اسمعوا العاجل .. دخلها الكافل
أبد ميجامل .. هَلا بهالهيبة
عليهم نازل .. غضب عالعايل
دخيل أبو فاضل .. اليطير يجيبه
طَبها خَيّال .. والرجّال .. يطگها بكيفه
صاحوا ادخيل .. أبابيل .. إذا مَر سيفه
وأستاذه الحسين هاي اعلومه
هالليله عبّاس طَب للحومة
______________________
هَلا بعلومه .. مَلِك بالحومة
أضف معلومة .. جمال السادة
حلاة ارسومه .. گضه الملزومة
يكون بيومه .. إذا طگ قادة
عنده چن عيد .. إذا صيد .. يمر گدامه
بيده طگات .. ثگيلات .. يطگ عالهامة
بس بالثگيلات وكته ويومه
هالليله عبّاس طَب للحومة
_______________________
تدك الغاره .. إذا شب ناره
شجاعة وشارة .. دخيل أوصافه
عجيبة أسراره .. بَرِق بتّاره
علي وفقاره .. يگول الشافه
دخلوا إنذار .. والإعصار .. نزل للساحة
بيده فقار .. والكبّار .. تهاب اسلاحه
سوّالك الجيش جثث ملمومة
هالليله عبّاس طَب للحومة
_______________________
فلا يتكرر .. إذا طَب عسكر
خليفة حيدر .. وريث أفعاله
إذا بس كبّر .. ولا ظل منحر
فقط دم أحمر .. گضه الخيّالة
أسر الماي .. والهواي .. تِقِل خلاها
طشر الگوم .. والدموم .. نهر سواها
يالتسأل اشصار للمعلومة
هالليله عبّاس طَب للحومة
_______________________
فدائي لدينه .. درع لحسينه
ويالمدلّينه .. طريق الغيرة
رخصها سنينه .. وشمر چفينه
اليضحّي بعينه .. صعب تفسيره
هذا لحسين .. نذر عين .. رخصها اچفوفه
خَلّه بالجود .. والزنود .. قصص معروفة
هوه الگمر چان وإخوته انجومه
هالليله عبّاس طَب للحومة
_______________________
✍️احمد علي البغدادي
عـيـنـك تـحـچـي هـواي .. يـالـرايـح لـلـمـاي
چـنـك مـا تـرجـع لـيـنـه .. يـا عـبـاس تـخـلـيـنـه
عـيـنـك تـحـچـي هـواي
______________________________
مِـن صـدّيـتـلـي شـو فـارت الـدمـعـه
يـا عـبـاس أحـس مـاكـو بـعـد رجـعـه
يـبـعـد أخـتـك أخـيـك هـذا الـتـودعـه
مِـن تـروح بـعـدك يـنـسـحـگ ضـلـعـه
واتـصـوّرلـي حـسـيـن .. مِـن يـديـر الـعـيـن
يـريـدك تـنـهـض واتـعـيـنـه .. يـا عـبـاس تـخـلـيـنـه
_______________________________
يـروح الـروح إنـتَ وكـل نـفـس بـيـه
تـدرينـي اعـلـه فـگـدك حـيـل مـا بـيـه
يـا كـشـخـة خـواتـك عـايـن اعـلـيـه
دخـيـلـك لا تـروح ومـا تـرد لـيـه
بـيـك ارفـعـنـه الـراس .. دخـيـلـك يـا عـبـاس
دخـيـلـك لا تـگـطـع بـيـنـه .. يـا عـبـاس تـخـلـيـنـه
________________________________
تـحـت ظـل رايـتـك ظـل راسـنـه عـالـي
يـظـل حـسـيـن ظـهـره بـروحـتـك خـالـي
گـبـال اعـيـونـي غـالـي يـودّع الـغـالـي
ومِـن هـالـسـاعـه أحـس شـام يـتـراوالـي
كـل الـعـلـويـات .. بـعـدك مـسـبـيـات
هـاي أعـداك الـتـسـبـيـنـه .. يـا عـبـاس تـخـلـيـنـه
________________________________
آخِـر مـرّه أحـس عـبـاس أشـوفـنّـك
ومـو بـالـعـاده زيـنـب تـبـتـعـد عـنـك
طـول عـيـنـي خـل تـشـبـع نـظـر مـنـك
آخِـر نـظـره هـايه وراح أعـوفـنّـك
راح هـواي أشـتـاگ .. يـخـلـص عـمـري فـراگ
وجـهـك خـويـه مـودّعـيـنـه .. يـا عـبـاس تـخـلـيـنـه
________________________________
يـمـن لـلـشـدّه چـفـك دوم نـعـتـازه
يـا عـبـاس بـاچـر عـازتـك عـازه
خـويـه الـمـوت ظـل عـالـعـشـره يـتـوازه
يـدور بـالـگـلـب ويـلـگـط اعـزازه
عـبـاس الله ويـاك .. ونـضـيـع ابـلـيـاك
هـاي الـروحـه تـأذيـنـه .. يـا عـبـاس تـخـلـيـنـه
___________________________________
✍️ أحمد علي البغدادي
محرم الحرام 1448 هـ
نعم نعم ولائي .. نذر نذر دمائي
للحسين أضحي.. أبو اليمة
عشك عشك جهادي .. نصر نصر عبادي
للحسين أضحي.. أبو اليمة
_____________________________
قصة الأنصار وضحت.. كل عصر تنعاد بينه
من ابن ظاهر لهسه.. نجتمع نفس السفينه
مركب الخط الجهادي.. حسين اليفيي علينه
گال هذا الخط أريده.. وإحنه مدّينه إدينه
ضوه ضوه بسمانه .. إله إله خذانه
للحسين نضحي.. أبو اليمه
درب درب كرامه .. فقط فقط شهامه
للحسين نضحي.. أبو اليمه
_____________________________
من الحسين ابتدينه.. وقصة أنصاره الشريفه
من زمان وخطنه واضح.. التضاد اويه السقيفه
وكل زمان يزيد يرجع.. وترجع أفكاره السخيفه
ننطي دمنه وهذا خطنه.. بس علي وماكو خليفه
فخر فخر بقينه .. بعلي بعلي علينه
للحسين نضحي.. أبو اليمه
عهد عهد نعيده .. زلم زلم عقيده
للحسين نضحي.. أبو اليمه
_____________________________
بوكفة الأنصار نفخر.. ومن زهير العلمانه
طلّگ الدنيه اعله دينه.. وصار واضح محتوانه
وإحنه طلّگناهه نفسه.. وصارت الثوره هوانه
شما نشوف حسين لازم.. نرخص لأجله دمانه
دمه دمه فدينه .. شرف شرف بقينه
للحسين نضحي.. أبو اليمه
نحب نحب صموده .. نضل نضل جنوده
للحسين نضحي.. أبو اليمه
_____________________________
عابس العلّمنه حبه.. والجنون وكل هيامه
ومن جنونه اتجنينه.. بالجهاد وبالخدامه
وصارت الأنصار مصنع.. للشهاده وللشهامه
وخطهم لهسه نتبعه.. وبس دربهم بي سلامه
درس درس نسمعه .. نهج نهج نتبعه
للحسين نضحي.. أبو اليمه
صنع صنع عقيده .. زمن زمن نعيده
للحسين نضحي.. أبو اليمه
_____________________________
بالرفض همّه بدوهه .. ورفضوا أحكام آل أميه
وإحنه من عدهم أخذنه.. هالمسيرة وهالقضيه
وبنفس خطهم مشينه.. وعنّه گالوا رافضيه
أي نعم نرفض عبادة.. كل صنم كل جاهليه
ورث ورث شجاعه .. سمع سمع وطاعه
للحسين نضحي.. أبو اليمه
فلا فلا نبالي .. قمم قمم عوالي
للحسين نضحي.. أبو اليمه
_____________________________
✍️احمد علي البغدادي
ام البنين (ع)
يا طير لـو مريت من كـــربلــه
سلم على حسين وخيامه وهله
ابعازة اعيونه.. واسأل اشلونه
______________________
گله أم البنين ابعازة اعيونه
ودتني وتگول احسينه اشلونه
آنه اموصيه الولد لا ما يعوفونه
غريب لوحـده لا مـا يخلونه
عباس وصيته هـذاك الگمر
يا يمه إذا يعطش تجيب النهر
لا تعوفـونه.. واسأل اشلونه
_______________________
گله البيت وحشه من بقه خالي
شيضل بالغالي من يودع الغالي
بكل امچان أحس وجهه يتراوالي
هاي الفرگه ابد ما چانت ابالي
يـــا وحشة الــغالــين لـمن تمر
كل لحظه من عمري أحسها بعمر
هم يذكرونه.. واسأل اشلونه
_______________________
خله يشوف شنهو الصاير اويانه
نلوع امن الهجر والفرگه خلانه
هوه الچان أبونه ورافع الوانه
معقوله يطير حسين ينسانه
يا طير يمته ويرجع امن السفر
بس لا يعطل حسين عنه القدر
لو يذبحونه.. واسأل اشلونه
_______________________
إذا ردلها هـذا الطير ومدمه
اشيگللها شنو الصاير لبو اليمه
بساعة مذبحه وتشاهده أمه
حال الطير يحچي اعليمن الكلمه
شيصير لو واصل خبر منذبح
لو تدري راس حسين فوگ الرمح
من يسلبونه.. واسأل اشلونه
________________________
تدرين الشمر گاعد على صدره
يموت الشافه لمن ينگطع نحره
يجر السيف ويطبره اثنعش طبره
ومحد جاب ماي لشفته ايگطره
صوت النزيف البالنحر ينسمع
والخيل داست فوگ ذاك الضلع
من يرضونه.. واسأل اشلونه
________________________
✍️احمد علي البغدادي
جسمي نحل.. وجهي ذبل.. ويه الله وياك
نار الهجر.. مثل الجمر.. موتني فرگاك
من راحو أحبابي.. محد يدگ بابي
موتني فرگاك.. موتني فرگاك
_______________________
يبويه.. عليك امعوّدة
مصيبة.. اليفارگ والده
يا بويه مو هم المرض بس صعبة حيل الفرگه
والخنگة مو من علتي بس بيتي عگبك خنگه
يا هوه وآنه أتنفّسك بنتك بعازة شهگه
من رحت ولهسه أحس بالگلب نفس الحركة
فارگتك ..وأدري وأدري وأدري
رايح كل ..عمري عمري عمري
چنه سوه .. وحتى الهوه .. لمن رحت راح
واتعلعلت.. بويه متت.. من كثر الاجراح
هاك اسمع عتابي.. محد يدگ بابي
موتني فرگاك.. موتني فرگاك
________________________
حياتي.. بقت حسرة وألم
فرحتي.. أعيشن بالخيم
خيمة هلي بطف كربله جنه آنه أحسّن بيها
والدار أبداً ما تنحمل من تخلى من راعيها
هاي آنه بنتك فاطمة كونك ترد اعليها
وآنه أعرف بقلبك أبد ما يحمل اتخليها
ما يحمل ..گلبك گلبك گلبك
وآنه أعرف ..حبك حبك حبك
صوت الدمع.. من ينسمع.. يعني البشر مات
الفارگ أبو.. الفارگ أخو.. شتسوه الحرامات
ولوحدي بمصابي.. محد يدگ بابي
موتني فرگاك.. موتني فرگاك
_________________________
مشيتو... وبقيت محيرة
والبيوت.. أحسّهن مگبرة
يرجع عليّ بس الصدى بالدار أحسّن غربة
والبيته خالي من الأهل الله يساعد گلبه
كل عمره يخلص بس ألم والذكريات اتعبه
كلهم هلي كلهم مشو لا هاي كلش صعبة
وآنه أعرف ..صعبة صعبة صعبة
اليفارگ ….گلبه گلبه گلبه
ضعن الأهل.. لمن رحل.. خلاني بالدار
ما صدگت.. واتعذبت.. ظل بالي محتار
وانطوني أسبابي.. محد يدگ بابي
موتني فرگاك.. موتني فرگاك
__________________________
وحيدة.. ولا عندي خبر
أتاني.. يجون من السفر
بكاروك عبد الله أهز وأتخيله يحاچيني
وبهدوم أخياتي أشم وأصبغهن بدم عيني
لمچانك الخالي أجي أنظر له ويبچيني
يا يوم يلتم الشمل يرجعلي المخليني
يا گلبي ..وروحي وروحي وروحي
طيّبلي ..جروحي جروحي جروحي
أنثر ورد.. بس لو ترد.. واتفرح العين
هذا الحلم.. مدري العلم.. ويرد الحسين
ترجع لي غيابي.. محد يدگ بابي
موتني فرگاك.. موتني فرگاك
___________________________
أفكر.. إذا ما رد إلي
وأصيحن.. دخيلك يا علي
متوجهة آنه لجدي علي يمك وأگله دخيله
معروف جدي بنخوته ميرجع اليشكيله
وحسين يرجع لي ردت سالم يرد هالليلة
ليل ونهار أبچي وأون ويرد عليه أدعيله
ويرد ..الغالي الغالي الغالي
ويشاهد ..حالي حالي حالي
يطلع صبح.. يشفه الجرح.. بس لو يرجعون
ردلي هلي.. ها يا علي.. رد ذيچ الضعون
لو أحسب حسابي.. محد يدگ بابي
موتني فرگاك.. موتني فرگاك
____________________________
✍️احمد علي البغدادي
قصيدة: (أمنا فاطمه)
الـسـلامُ عـلـى أمِّ الـخَـدَم فـاطـمـة
الـسـلامُ عـلـى أمِّ الـخَـدَم فـاطـمـة
_________________________
بأسمِ آمنه فـاطمة نـبدي عـزانه
انصيح يـا زهراء ويـرفـرف لـوانه
الـخـدمـة مـن عـدها تره عدنه أمانه
وهـيَّـه الـتـقـسّـم وكـل واحـد مـكـانه
ونــنــظرلها لانهــا هيـــه حـــاكمه
الـسـلامُ عـلـى أمِّ الـخَـدَم فـاطـمـة
__________________________
يـلـه يـا خـدّام نـصـبـوهـا الـعـزيـه
حـان مـوعـدنـه واجـت لـيـنـه الـزچـيـه
امِـن الـشـرق للـغـرب صـارت غـاضـريـه
وأنـتـو مـشهود لـكـم بـهـاي الـقـضـيـه
والقميص الـتـنـشـره هـيَّه بالسمه
الـسـلامُ عـلـى أمِّ الـخَـدَم فـاطـمـة
__________________________
والله لـو دارت وجـههـا اشـلـون بـيـنـه
نـخـدم ونـتـعـب ومـتـبـاوع عـلـيـنـه
لا لـطـمـنـه يـفـيـد لا يـنـفـع بـچـيـنه
وشـنـو فـايـدتـه الـلـطـم لـو مـا تـجـيـنه
والـتـريـده ضـمـنهـا الـجـنه خـاتـمه
الـسـلامُ عـلـى أمِّ الـخَـدَم فـاطـمـة
__________________________
مـن نـطـيـح ابـشـده يـا يـمـه نـگـلـهـا
وعـلـي أكـبـر مـعـضـلـه الـزهـراء تـحـلـهـا
يـعـنـي ويـن انـروح چـا غـيـر إحـنـه إلـهـا
ونـدري مـا تـتـحـمـل ادمـوع الـنـهـلـهـا
وبـعـشـگـنـه لابـنـهـا هـيَّه عـالـمـه
الـسـلامُ عـلـى أمِّ الـخَـدَم فـاطـمـة
__________________________
الـعـمـر كـلـه فـاطـمـه اتـفـيّـي الـخـدمـهـا
رغـم كـسـر اضلوعـهـا وذاكـه ألـمـهـا
هايــه ربـع حـسـيـن صـارت هـيَّه أُمهـا
وإحـنـه لِـذنـه تـحـت هـيـبـتـهـا واسـمـهـا
واعـلـه هـذا اسـمـهـا انـضـحـي بـالـدمـه
الـسـلامُ عـلـى أمِّ الـخَـدَم فـاطـمـة
__________________________
✍️احمد علي البغدادي
مقدمات الليالي ( الليله العاشره)
طول ياليل هايه عاشر ليلة
طول ياليل هايه عاشر ليلة
_____________________
باچر بس نصبح يطلع العاشر
ويا حال اليتامه يكسر الخاطر
من هسه سمعنه صوت للحافر
هذا اليوم گلي اشكم ظهر كاسر
حتى هالليل إحنه هم نشكيله
طول ياليل هايه عاشر ليلة
_____________________
عبد الله يليل شلون حال أمه
باچر ينذبح گدام أبو اليمه
شايفلك طفل يتروه من دمه؟
باچر للمصايب راح يتسمه
من دمه كون مو دمع نبجيله
طول ياليل هايه عاشر ليلة
_____________________
الصبح لو طر علينا ولو طلع فجره
يعني حسين يا ناس انقطع نحره
واخيول أعوجيه تسحگ بصدره
يليل وياگلب يتحمل ينظره؟
وماكو عباس ينهض يحاميله
طول ياليل هايه عاشر ليلة
_____________________
على التل زينب الدمعات تجريها
تنادي حسين وينك لحّگ اعليها
إذا بعدك عدل مولاي حاچيها
وإذا ميت تره العدوان تسبيها
ياهو موجود تگعد وتحجيله
طول ياليل هايه عاشر ليلة
_____________________
باچر يم ابنها الزهره بالدمعة
تگعد يمه بالحر تنحب وتنعه
تصيح حسين يبني المنكسر ضلعه
ليش اوليدي صوتك يمه ما أسمعه؟
من السحگ راح ينهدم كل حيله
طول ياليل هايه عاشر ليلة
_____________________
✍️احمد علي البغدادي
مقدمات الليالي ( الليله الثامنه)
طول يا ليل هايـه ثـامـن ليلـه
طول يا ليل هايـه ثـامـن ليلـه
_______________________
بدموعي أريد اللـيـل أخلصـنـه
وأخلص عيوني بـالدمعـة والونـه
أكو عريس راح بـدمـه يتحنـه
وبعد حتى شبابـه مـا شبع منـه
كون العيون من دمـه تبچيله
طول يا ليل هايـه ثـامـن ليلـه
______________________
ابيت المجتبى شمعـه يطفوهـا
والأم من إبنها الليـلـة حرموهـا
أم القاسم بدمعـات واسـوهـا
بدمعتها وحيـدة لا تخلـوهـا
جانت هواي للـولـد تدعـيله
طول يا ليل هايـه ثـامـن ليلـه
______________________
الرسالة البيده يم حسـيـن جابها
انطاها وگله عـمـي انته تقراها
شاهدها الحسين ودم بـچـه وياها
وگله والنعـم يالبيك نـتـبـاها
آنه وياك خـل دمـعـنـه نسيله
طول يا ليل هايـه ثـامـن ليلـه
_______________________
يمثل والده وبي هـيـبـة السـادة
وهمّه ازغار جانوا بـالحـرب قادة
وارثها الشجاعة امـن أهله وأجداده
بحيث الگابله مـا يلگـه مـشراده
عينه جسام مـا غـفـت عالعيله
طول يا ليل هايـه ثـامـن ليلـه
_______________________
بلحظات الوداع حسـيـن أبو اليمه
يضمه لصدره جان حسيـن ويشمه
وهو ايودعه ويـبـچـي على عمه
ويگله مـا يفـوز المـا رخـص دمه
عمي هالدين إحـنـه النضحيله
طول يا ليل هايـه ثـامـن ليلـه
_______________________
✍️احمد علي البغدادي
