بِشر مريتله وتاب برساله
ومن عند الذنب ذب استقاله
مر بيه لونظره ◾️ابداعت الزهره
ياموسئ بن جعفر
🏴🏴🏴🏴🏴🏴🏴🏴🏴
اذنوبي هاي الليله يم بابك جبتها
لو مااعرفك حاجتي جا ماگلتها
لمن بشر مريتله شگتله بوكتها
موبس بشر حتئ حياتي غيرتها
الك دين برگبتي وانه الك جاي
متعني لحضرتك امشي مشاي
موعدنه بالحضره ◾️ابداعت الزهره
ياموسى بن جعفر
🏴🏴🏴🏴🏴🏴🏴🏴🏴
باوعلي من اخدم ولو نظره عليه
مولاي احلفك بمك الزهره الزجيه
اليوم اجيت ابابك ومديت اديه
بس ترضئ عني والله هاي اكبر هديه
دخيلك واني ترست گلبي الذنوب
جا غير اليحبك لازم ايتوب
رجعني للفطره ◾️ابداعت الزهره
ياموسى بن جعفر
🏴🏴🏴🏴🏴🏴🏴🏴🏴
اشلون اجمع بگلبي الذنب ويه محبتك
مولاي كون الليله تشملني رحمتك
نزلت عيني امن البشر عيني اعله گبتك
من شفتك اهلا للعشگ انه عشگتك
من انه اسمعت حتئ الدمع دين
گلت ادخل عليك ابدمعي لحسين
وبدمعي للسطره ▪️ابداعت الزهره
ياموسى بن جعفر
🏴🏴🏴🏴🏴🏴🏴🏴🏴
مولاي كون بخدمتك تخلص حياتي
ابقه بخدمتك سيدي كل امنياتي
اجمل حلم لو بالمشي وصارت وفاتي
من المهد خادم الك ولحد مماتي
كون انه ابخدمتك اگظي عمري
ماعندي اني غيرك وانته تدري
وبگلبي الك جمره ◾️ابداعت الزهره
ياموسئ بن جعفر
🏴🏴🏴🏴🏴🏴🏴🏴🏴
باب الحوائج انته ياموسئ دخيلك
وحاجاته مگظيه اليجيك ويشتكيلك
والشيعي هاي الليله لمن يعتنيلك
دعواته للمهدي يمولاي اليجيلك
تعجيل الفرج منك نريده
وكون انشاهد الطلعه الرشيده
خل تطلع الگمره ▪️ابداعت الزهره
ياموسى بن جعفر
🏴🏴🏴🏴🏴🏴🏴🏴🏴
📝احمد البغدادي
(جديد)
هذا انه حسين __خويه تسمعين_ يم تابوتچ حاچيني
انه وعباس __نلطم عالراس ___زينب يافتشة عيني
___
انه وعباس اجينه انشوفچ الليله
نگابل نعشچ وعالشوگ نحچيله
ليل انهار ذكرچ خويه نبچيله
يروح حسين اخيچ منهدم حيله
تسوين النوح ____ياروح الروح ___ياعين حسين وروحه
جرحچ للان ___يم الاحزان _____حزنچ ماتشفه اجروحه
___
اجيتج والجروح البيه تلچمني
اجيت لدفنتچ خويه بظهر محني
الشام الشام خويه لهسه يوجعني
المني مصابچ خويه المني
من ظيم الماي __اكثر بهواي ___هاي القصه العشتيها
بالغربه اشلون ___موتچ يم عون ___لا موهاي الردتيها
____
تمنيت الچفن بچفوفي اشدنه
واعله القبله خدچ بيدي اوسدنه
واجيب اوياي تربه ويمچ اتعنه
ودمع عيني اعله گبرچ ريت ارشنه
وانطيح اعيون__ يم گبرچ كون__ وننعه اعليچ ابدمعتنه
يم كبرچ ريت __اشگد اتمنيت ___يمچ ترجع لمتنه
___
واجه العباس جايب رايته الحمره
وعلى گبرچ ينوح ويسچب العبره
واويلاه يگول اشخلص العشره
عشرتنه انتهت كلمن صفه بگبره
كلما نشتاگ __يجمعنه افراگ ___وتسولف بس الدمعه
ويهد الحيل _ويطول الليل _من طاري الفرگه انسمعه
____
يم عون المصايب هانت اعليه
ازغرهن جروحي الف وتسعميه
واكبرهن علي من رحتي مسبيه
يسبونچ وسافه وانتي علويه
هاي الالام ___مومثل الشام ___يازينب تجرح بينه
ذاك الديوان__تارسني احزان___جرحچ لاماناسينه
____
✍️
حيدر بشار الدراجي
احمد علي البغدادي
يادمع العين چا وين حسين
انه الضحت برباها
يمته ترجعون وترد ام عون
واتگابل انه اوياها
____
اريد اسئلها عن حسين انه هواي مشتاگه
هم رجعه اله للدار عيد يصير الملاگه
كلها اتهون والله اتهون اخ حسين وافراگه
من يوم المشه لليوم ناره بگلبي حراگه
مشتاگه هواي. يالجيتك ماي
عطشانه اني ويروني
واشگد تانيت ترجع ياريت
جيتك واتكحل عيني
____
اشمه ابصدره لويرجع مشتاگه اشم عطره
يم عباس لوتدرين حسينچ منگطع نحره
الشمر بيده يكض السيف ويتربع على صدره
يحز امن الگفه راسه وايطبره اثنعش طبره
ماكو العباس من حز الراس
وحسين يدير ابعينه
وابلاخوان احسينچ عطشان
محد يفزع ويعينه
____
گلبي ايلوب صار ايام مدري شصاير ابحالي
افز بليل من النوم مرعوبه انشغل بالي
بس لاشي جره اعله حسين يمه اوليدي يالغالي
يمه ارجع يبعد امك گام الموت يدنالي
دليني الموت اشوه التابوت
ولاتگطع بيه ادخيلك
انه اترجاك يمه احجي وياك
ليل انهار انه ابچيلك
____
ردلي وخل ترد الروح بيه وتنشف اجروحي
سد حلگ الشماته حسين وسكت دمعتي ونوحي
حسين انت عزيز هواي اعز من ولدي من روحي
بحلم مااگول هالكلمه انه حسين مذبوحي
ترجع ياريت ويضوي البيت
ياسيد هاي الديره
لا لا لتروح يابعد الروح
حسين اتخلينه ابحيره
____
زينب من ترد يحسين كون الگاها فرحانه
ونگعد يمه وسط الدار وانته تگعد ويانه
وصدر ديوان مگعادك واخيك كاعد اهنانه
العليله تفرح ابجيتك وابد ماتبقه حزنانه
هاي الاحلام والواقع شام
وزينب غربه التسبيها
راسك مرفوع مكسور ضلوع
هاي القصه الادريها
____
جديد
✍️احمد علي البغدادي
https://youtu.be/vnLltCaFBhU?si=69sWAlA0C40nGYrr
Читать полностью…
مابعد عاشور وصفر
لسامره قدحان السفر
انعزي الامام المنتظر
بالعسكري __بالعسكري
________________
يلا يااهل المواكب والخدامه
الرايد ايبيض وجه گدام امامه
يعتني لسامره بدموعه وهيامه
رفعه بالدنيه وشفاعه بالقيامه
وايگلك ابن العسكري
مكتوب انته ابدفتري
اتواسيني تجبر خاطري
بالعسكري __بالعسكري
________________
بعتقادي المنتظر موجود حاضر
ويشكر اصحاب المواكب والمنابر
ويشكر الشاركو بحياء الشعائر
للتوفي للمنتظر بس اهل الضماير
وتبقه الشعائر قائمه
يرعاهه هوه وفاطمه
وهاي الزياره دائمه
بالعسكري __بالعسكري
________________
كون متقصر الشيعه بهالعزيه
وكون ننعه العسكري ويه الزچيه
بعد خدمة كربله وسيد البريه
عدنه يوم العسكري اكبر قضيه
وبهالمشاهد نفتخر
سامره ياقصة نصر
وهذا الشموخ ابكل عصر
بالعسكري __بالعسكري
________________
كون من البصره ولحد المناره
اربعينيه جديده هالزياره
وبالطريق انشوف مكتوبه عباره
ياهلا بزوار ابوالمهدي الغياره
بكل خطوه گلناله هله
يالبيك ريحة كربله
وبهالدرب صيتك عله
بالعسكري __بالعسكري
_________________
اعله قبه بالعراق العسكريه
علت حتى اتذل انوف الناصبيه
والله تارس هالمناير جاذبيه
تجيب الگلوب النضيفه الرافضيه
العسكري وقصة گبته
الفجرها هيه الذلته
ربع رفعها بحكمته
بالعسكري __بالعسكري
__________________
جديد
✍️احمد علي البغدادي
مــاترهم الشغله اشلون جبتوهــا
مـــن جابر يجابر غنه اتسووهـــا
كافي اجروحكم متروس گلبه اجروح
مــاادري جهل مــدري تقصدوهـــا
المهم موصوچكم صوچ الانطاكم عين
وصوچ الگالكم هالفكره طبقوهــا
تــره خدام عنده حسين موسهلين
وبعد منا وهيچ الشغله ادرسوهــا
وبخت حمزه الزغير بعد لــوتنعاد
اكــو وادم شــواربكــم يزينوهـــا
✍️احمد علي البغدادي
مظلوم حتى بموتتك ياسيد الرحمه
حتى بعزائك مارضت تنعاك هالأمه
بس شيعة علي نصبولك عزاء
بيه اتشاركت ويه اهل السماء
___
راح أسئل ردت توضيح القضيه
ليش ماتحزن الأمه بهالمسيه
وليش تبچي اعليك بس الرافضيه
لان بعده يشتغل نسل ال اميه
وهاي الاجيال اتكاثرت هسه تره اهوايه
وحكم ال اميه هم رجع والشام شو هايه
اعليك الرافضه متعوف البكاء
بيه اتشاركت ويه اهل السماء
___
يالتگول الشيعه ماتعرف نبيها
عندي كلمه وراح ارد اعليك بيها
مو الشيعي الكاسر اضلوع ام ابيها
وهم فقط شيعة علي التبچي عليها
نتباصر انحط الحچي هذا انه شو حاضر
لوگَلك اتقدس منو شنهو العذر باچر
العلمهم علي مامعنى الوفاء
بيه تشاركت ويه اهل السماء
___
بكل وكت هاي حربهم ضد محمد
والتخاذُل كل زمن عدهم تجدد
وبس علي وشيعته ذوله الزمو الحد
تشهدلنه الخندق وهم غزه تشهد
ياموقف الكم ينذكر خل تسمع الوادم
شنهو اليربطك بالنبي انه الصدگ هايم
والحُب النبي تشهد كربلاء
بيه اتشاركت ويه اهل السماء
___
راح اسئلك عن سوأل بهاي الايام
وهالحچي اتمنه كون ينقله الاعلام
ياهو بينه الي يمثل هذا الاسلام
وياهو المطبع ورافع للعدو اعلام
الشيعي واضح موقفه اسرائيل ذلاها
والگال عني اشركت يتعاون اوياها
كل الرافضه تبقه بهالولاء
بيه اتشاركت ويه اهل السماء
___
أنه ابد موطائفي وماافرق الدين
وكون اقدم منحري معلمني الحسين
ارد اسئلك بالمواقف موقفك وين
حتى اگول اعليك مسلم واقتنع زين
عدنه سجل لوينفتح اتضل تفرك بأيدك
اقسملك باالله قسم ثق طه ميريدك
بس لهل الوفه مقبول الدعاء
بيه اتشاركت ويه اهل السماء
___
جديد
✍️ احمد علي البغدادي
راح النبي راح __بالهم والاجراح __يافاطمه اليوم
_____
النبي راح __وگبل ليروح عينه لفاطمه اتدير
النبي راح ___بس يعرف بهاي الروحه شيصير
النبي راح ___وعلي من بعده راح يعاشر البير
والله يافگد التحبهم غربه
وي محمد علي دافن گلبه
صعبه يافرگة محمد صعبه
راح النبي راح __بالهم والاجراح __يافاطمه اليوم
_____
اعله جسمه__طاحت فاطمه وتصيح ويلاه
اعله جسمه__العمر بعدك يبويه انخلصه بس اه
اعله جسمه___هوت واتگول كون انموت وياه
فدوه بويه لطولك ولعيونك
والله موسهله نعيش ابدونك
بيا ذنب من بنتك ايحرمونك
راح النبي راح __بالهم والاجراح __يافاطمه اليوم
_____
يبويه ____شنو ضلتي يبويه بهاي دنياي
يبويه ____دگلي فاطمه هسه امشي وياي
يبويه ____باچر على بابي اليبغضك جاي
وقنفذ يطگني يبويه بعيني
وانظر اگبالي يموت اجنيني
ليش بويه لوحدي تخليني
راح النبي راح __بالهم والاجراح __يافاطمه اليوم
_____
بچينه___يبويه امن البجي وشلنه العيون
بچينه____صدگ بويه النحبهم مايضلون
بچينه___اتلث اشهر لچن اگضيهن اشلون
اسنين احسها بويه شيگظيها
ابغربه بنتك فاطمه اتخليها
امن الهوه اتخاف انته چنت اعليها
راح النبي راح __بالهم والاجراح __يافاطمه اليوم
_____
ابدمعنه. انتلاگه بكربله يم مذبح حسين
ابدمعنه. اندور على الخنصر وين ماوين
ابدمعنه. يبويه ابكربله نعميها هالعين
انطفي بخيامه اذا حرگوها
ونركض لزينب لون ضربوها
انهود الاطفال لو بچوها
راح النبي راح __بالهم والاجراح __يافاطمه اليوم
_____
✍️احمد علي البغدادي
https://youtu.be/Sizesrv4S9U?si=iN9z3woqs6O_8f7e
Читать полностью…
https://youtu.be/rAI-qTOGYlw?si=sDGy9skufLpU6_pl
Читать полностью…
https://youtu.be/AG87PU18UsM?si=s_IelhJtD5Dto6fO
جديد فزاعيات للمشايه
اداء |ملا علي الدراجي
كلمات |احمد علي البغدادي
يابويه___حط عينك وسط اعيوني
يابويه___احچيلك عالضربوني
يابويه___ليش الناس اياذوني
يابويه__يابويه
بويه گلي كلمه وحده
فدوه بس افتحلي عينك
گلبي بويه گمت اسمعه
نبضه بس يصيح وينك
يابويه من ساعة رحت هجمت الناس اعلينه
شي بالحجر شي بالعصي والوادم اتسب بينه
بس ردت اسئلك عن امر ياذنب المسوينه
شحچيلك ___وشصار بليل العاشر
شحچيلك___اضلوعك جاباها الحافر
شحچيلك___واتهل ادموع الناظر
يابويه__يابويه
بويه تدري عمتي زينب
من بعد ذيچ الرزيه
اختك الچانت اميره
هسه سموها السبيه
اتلم بينه واتطفي الخيم والوادم ايشتموها
شي بالسياط وبالحجر يابويه ويضربوها
ماتلحگ اتجر النفس من الضرب تعبوها
يازينب___اطفال ونترجاها
يازينب___يابويه وتعبناها
يازينب___الله اليدري ابلواها
يابويه___يابويه
الكوفه من طبينه ليها
بويه شحچيلك شوصف
راح اموت ومانسيته
الصار بيه اشلون موقف
وانه على ظهر الهزل اطفالهم اذوني
يگلولي ماعندچ ابو ايضحكون وايضربوني
واتحملت كل هالالم وابچي وتهل اعيوني
يضربوني___يابويه اتصيح اشفافي
يضربوني___گتلهم چا مو كافي
يضربوني___من طگهم زرگه اچتافي
يابويه__يابويه
الشام اخ الشام بويه
الوادم اندارت علينه
شي اطگنه وشي اتسبنه
وكلها فرحانه بسبينه
بطبولها الوادم اجت والناس شو فرحانه
كلها علينه اتكالبت محد وگف ويانه
والحادي من گد الضرب انجر نفس ما خلانه
بس راسك___يتحرك لو ضربونه
بس راسك___دم ايصب من اعيونه
بس راسك___يتعمدون ايديرونه
يابويه___يابويه
بعد هالرحله الطويله
وهايه قصتنه العجيبه
بويه هسه اوياك اخذني
ولاتخليني غريبه
راح اسد عيني وبالحلم مر بيه طيب جروحي
وانه اطيبن بس اذا وياك تاخذ روحي
مارايد اخلص هالعمر بس بدموعي نوحي
خليني___ارحل ماشوف اجروحك
خليني___تنشد روحي ابنص روحك
خليني___مااريد اجروحي اتلوحك
يابويه ___يايويه
______
✍️احمد علي البغدادي
"[ إضرب بعصاك ]"
https://youtu.be/d6eSZl5vIoE?si=tMAFmZTCNLCW-ulA
الرادود الحسيني جلال البهادلي
للشاعر احمد علي البغدادي
مجالس شهر محرم الحرام 1447 هـ ليالي العشرة الثانية من محرم
العراق ـ ميسان - الإدارة المحلية
مكساج : كرار الشاهري
مونتاج واخراج : احمد البديري
تنفيذ : اعلام حسينية عشاق الحسين (ع)
https://youtu.be/snrCKSpkPYw يامولاي
اداء |ملا حسين اللامي
كلمات |احمد علي البغدادي
ياشيال نعش الكاظم ◾️ياشيال نعش الكاظم
____________________________
بهداي النعش لمن تشيلونه
خاف امن السلاسل توجعه امتونه
جان ايون لمن غمضهن اعيونه
تمنيت الهواشم لو يحضرونه
ياشيال نعش الكاظم ◾️ياشيال نعش الكاظم
____________________________
هاي اجنازته اعله الراس شيلوها
صعبه اعله الجسر لا لا تعوفوها
هاي الوادم التنتظره شوفوها
خلوها تودعه احبابه خلوها
ياشيال نعش الكاظم ◾️ياشيال نعش الكاظم
____________________________
ياموسئ ابن جعفر عاين اعلينه
اجه موعد رجعتك واحنه تانينه
اتوقعناك سالم من ترد لينه
ماندري بنعش محمول والينه
ياشيال نعش الكاظم ◾️ياشيال نعش الكاظم
____________________________
جانت شيعتك مولاي منتظره
گلب الشيعه لجلك مشتعل جمره
ماردناهه تخلص سيدي العشره
كون اترد علينه ابداعت الزهره
ياشيال نعش الكاظم ◾️ياشيال نعش الكاظم
____________________________
ردناهه فرح ماردنه نبجيلك
جنه بالصلاه يوميه ندعيلك
كون ترد علينه سيدي دخيلك
ماندري السلاسل هدمت حيلك
ياشيال نعش الكاظم ◾️ياشيال نعش الكاظم
____________________________
📝احمد البغدادي
https://t.me/baggdade
https://youtu.be/tghi5OsaIUg?si=ZJVieGg3tok-AXmz
Читать полностью…
قصيدة|يافاطمه
اداء |الحاج مالك الاسدي
كلمات |حيدر بشار
احمد علي البغدادي
رابط القصيده كامله 👇
https://youtu.be/1X6b1oJG9SI?si=45LxAK84_Xho9LTJ
يافاطــمه يافاطمـــه
گلبي انكسر يافاطمه
____________________________
انـــــه علي
وانتي هلي
بعدچ عشت عمري بغربه
من انـــــسئــل
دمعي يـهــــل
يافاطــمـــه كلش صعبه
لا موسهل
ماتنحِمل
صعبه علي يدفــن گـلـبه
ابدفنچ متت
واتعـذبـــــت
وياي الزمن اعلـن حـربـه
حتى السمه حتى السمه.. لجلچ بچت حتى السمه
يافاطمـــه يافاطــــمه .. گلبي انــــكسر يافاطــمه
________________________
هذا الجـــــــرح
يــذبح ذبـــــح
ابالي تجي عينچ حمره
بروحي حچــــي
ودمعه وبچــــي
بچاني دم صوت السطره
الخد انصفــــــع
محسن وگــــع
وانه الچنت دوم انتظره
بـــهذا الـوضـع
وكسر الـضـلـع
بعدچ علي الله يصـــبره
يبچي دمه يبچي دمه.. بعدچ علي يبچي دمـــــه
يافاطمه يافاطمه.. گلبي انكسر يافـــــــاطـــــــمه
________________________
يم الــحــــسن
لـــيش الزمــن
مني خذچ ياضي عينـــــي
يازهرتــــــــي
يافرحتـــــــــي
مشتاگ الچ بـس حاچـــينـي
من غيبـــــتچ ومصيبتچ
يافاطمه وحشه اسنيني
ياعشرتـــــــچ
وسوالــفـــــــچ
حلوه واحسها اتداويــــنـــــي
متألمـــــــه متألـــــــمه.. روحي تره متألمه
يافاطمه يافاطمه.. گلبي انكسر يافاطمه
________________________
ليـــــل اليــــــمر
وحتى الفـــجر
دمعه وسهر يخلص ليلي
وبالمگبــــره
روحي تره
ومحد يجي ويتــچيلــي
ليش اختفه
يم الوفــــه
صوتچ علي فدوه احچيلي
وحشه العمر
مُر الـــــصـبر
فگدچ جــــرح ويهـد حــيلي
ياعالمه ياعالمه.. ظهري انحنه ياعـالـــمه
يافطمه يافاطمه.. گلبي انكسر يافاطمه
________________________
واتيـتـــمت
بتـچ بقــت
زينب تحن واتهل دمعه
صار الجِـــــفن
غيمة حــــزن
وذابت صدگ مثل الشمعه
تريـــــدچ سنـد
وكـــت الشــدد
وبكربله تريد البضعه
باچر تـــــــــره
يالطاهـــــــره
توگف على التل وتنعه
تبچي دمه تبچي دمه ..ياام الحسن تبچي دمه
يافاطمـــــه يافاطــــــمه ..گلبي انكسر يافاطمه
__
كلمات
حيدر بشار الدراجي
احمد علي البغدادي
اهٍ عَلْيها كُلَ ما تَنَفْست تَألمَت
اهٍ عَلْيها ▪️▪️اهٍ عَلْيها
🏴🏴🏴🏴🏴🏴🏴🏴
يعني كل جرة نفس وياها حسره
النفس من اتشهگه جنه اتگول جمره
وفوگ الام الضلع بالعين سطره
اتغطي خدها حتى حيدر لاينظره
بِالحُزنِ والدَمعِ لهُ عُيونَها تَكَلمْت
اهٍ عَلْيها ▪️▪️اهٍ عَلْيها
🏴🏴🏴🏴🏴🏴🏴🏴
حيدر يباوع على اعيون الزجيه
يفور دمه لكن اتلزمه الوصيه
يگلها يافاطم تمنيت المنيه
صعبه حمره اعيونج وكلفه عليه
إنَ السَْما لَجَرحِكِ أركانَها تَهّدَمَت
اهٍ عَلْيها ▪️▪️اهٍ عَلْيها
🏴🏴🏴🏴🏴🏴🏴🏴
من اجه الظالم على الباب ودفعها
اشلون صاحت فاطمه وحيدر سمعها
انكسر ظهره من سمع كسرة ضلعها
وهيه تنظرله ويهل منها دمعها
وَحَيدرٍ شاهَدَها ضِلوعِها تَهشَمت
اهٍ عَلْيها ▪️▪️اهٍ عَلْيها
🏴🏴🏴🏴🏴🏴🏴🏴
ام ابوها ويغضب الله لغضبها
هاي بنت المصطفى واجب نحبها
صعبه اترحم علئ واحد ضربها
ماتت وضلت اكو لجمه بگلبها
والأرضُ مِن مُصّابِها يالَيتّها تزَلْزَلت
اهٍ عَلْيها ▪️▪️اهٍ عَلْيها
🏴🏴🏴🏴🏴🏴🏴🏴
ويلي والمحسن وگع ذيج المسيه
بعده ماشم الهوه وشاف المنيه
ساعد الله المرتضى حامي الحميه
شاهد اوليده وسط داره رميه
لَيتَّ القّيامه أقتَرّبتْ أيَّامُهُا تَعجَّلت
اهٍ عَلْيها ▪️▪️اهٍ عٍلْيها
🏴🏴🏴🏴🏴🏴🏴🏴
✍️ احمد علي البغدادي
/channel/baggdade
المهدي بدموع الحزن __بسامره هالليله يون
عالعسكري _______________عالعسكري
____________________________
حبيب اگلوبنه الليله بسامره يهل دمعه
يم العسكري گاعد وشاعل عالگبر شمعه
فاگد والده ويبجي وامه فاطمه اتسمعه
بس اتخيل ابالك امامك منحني ضلعه
ويشاهد امه فاطمه __يم الگبر تبجي دمه
عالعسكري______________ عالعسكري
____________________________
الليله اعله الگبر نلگه المهدي وتهمل ادموعه
واگباله الزجيه اتنوح بأبنها الليله مفجوعه
ونلگه حسين يمه ينوح بس مكسره اضلوعه
بس اتدنه للشباج تلگه الونه مسموعه
نلگه النحر ويه الضلع __عالعسكري يهلن دمع
عالعسكري ___________ عالعسكري
______________________________
مجلس ينعقد هاليوم بسامره ويحضرونه
بيت اهل النبي كلهم والمهدي يواسونه
اليوم المنتظر ياناس حمره دمعة اعيونه
وكل الانبياء حضرت اجو يمه يعزونه
هالليله مخسوف الگمر __يبجي الامام المنتظر
عالعسكري ________________عالعسكري
______________________________
ابسم اهل الغدر هاليوم انسم العسكري جبده
وتره نفس السلاله هاي هيه السممت جده
عمله وحده بس وجهين بني العباس وي جعده
اجو للعسكري وسمو غيره عدهم وعقده
والمعتمد جي ناصبي __ صب حقده يم بيت النبي
عالعسكري _______________عالعسكري
_____________________________
اتلاگو بالصحن هاليوم المهدي وفاطمه الزهره
هوه يشتكي لامه وهيه اتناشده ابعبره
اتگله يمه يالمهدي صار هواي منتظره
اتاني طلعتك يبني وتاخذ ثار هالسطره
يايمه منتظره اشبعد __يايمه يايوم الوعد
عالعسكري _____________عالعسكري
____________________________
✍️احمد علي البغدادي
https://youtu.be/wYxLI1XWPOU?si=1L1yaYcRN0_RiLaj
Читать полностью…
يالتگول الشيعه ماتعرف نبيها
عندي كلمه وراح ارد اعليك بيها
مو الشيعي الكاسر اضلوع ام ابيها
وهم فقط شيعة علي التبچي عليها
قريباً ان شاء الله
قصيده لرسول الله صلى الله عليه واله
وتتطرق القصيده للاحداث الجاريه
وتخاذل مدعي الاسلام عن نصرة المسلمين
https://youtu.be/wrUKXIPDBls?si=FSTxeKKIZesIwgDM
Читать полностью…
https://youtu.be/EoLQjNOsWYY?si=4smeeprbwJCWtY1r
Читать полностью…
https://youtu.be/K1gyYTdqQGE?si=ME_9EBCsaJNFQNXU
Читать полностью…
قصيدة (غربة رقيه ع)
اداء |ملا علي الدراجي
كلمات |احمد علي البغدادي
رابط القصيده 👇
https://youtu.be/Kb1mlCng43E?si=MKIaZcddVQzCsRvr
https://youtu.be/0ihNoAWXIs4?si=ngBk0VbmCxbJKcAD
Читать полностью…
https://youtu.be/G1t7yCgPNLc?si=XvLOZn2_nPOTcXy3
Читать полностью…
https://youtu.be/AbJ-NIhFrVM
يادار اهلچ وين
اداء |سيد سجاد الزاملي
كلمات |احمد علي البغدادي
