س/ صاحبتي بتكلم واحد وحذرتها كتير والله، بس مبتسمعش كلامي وبتزعقلي وكانت هتسيبني انا واتخانقت معايا عشان بقولها كده حرام وهتتأذي من كل ده، اعمل ايه؟؟
ج/ قوليلها كده بالحرف
"انا مش زعلانة منك ابداً، عشان انا بحبك، انا زعلانة عليكي لاني شايفة وعارفة نهاية اللي انتي فيه، خايفة عليكي منه ومن نفسك، وكلهم حاولوا يعملوها قبلك وفشلوا، وكلهم كانوا سُعداء ف البداية، وف النهاية كلهم انكسر قلوبهم على عتبة الحب والعشم، واسأل اللي حب قبلك وهو هيقولك
انا بحبك، ويمكن حبي ليكي اللي خلاني اتعصب واكلمك بشدة لأن اللين مش جايب معاكي، انتي بتدبحي قلبك بايدك!
وعارفة انك دلوقت مش مستوعبة خطر كلامي لأنك في قلب قصة حب جميلة من وجهة نظرك، بس افتكريني .. وافتكري الكلمتين دول كويس
هيجرحك، وهيوجعك، وهيعصي ربنا فيكي، وهياخد منك حب مش من حقه، وهياخد منك وقت ونفسية وجهد، وف الآخر كل ده هينتهي ومحدش هيخسر غيرك، انتي وبس
والله يا فلانة كل اللي قبلنا كان حبهم أكبر واقوي منك ومننا كلنا، بس اللي بيحارب ربنا بسيف المعصية ويتحداه ويقوله "هاخد فلان بالحرام غصب عنك يا رب، أو هكلم فلان وانا عارف انه حرام يا رب بس هنجح، عمره ما بينجح ولا بيوصل .. بيندم بس وبيدفع تمن الحب ده ألم ووجع وسهر واكتئاب وأذي وسنين طويلة لحد ما يرجع لطبيعته تاني
مفيش حد بيحارب ربنا ويكسب يا صاحبتي، مفيش حد بيتحدي ربنا، واللي عاوز حد ياخده برضا ربنا مش بمعصيته، يا يصبر ويدعى، يا يجتهد ويتقدم وربنا هيعينه والله
لكن أي حاجة غير كده .. مهما كنا صالحين، مش هتنجح ..
هي حياتك، وهي قراراتك، بس لأجل نفسك وربك، اقفى وقفة مع نفسك لثانية وحطي قلبك ع جنب وفكري بعقلك، هتعرفي اني بكلمك صح، واني الوحيدة اللي خايفة عليكي"
#الساخر_الهادف
ُ" فَسَيَكْفِيكَهُمُ اللَّهُ ۚ وَهُوَ السَّمِيعُ الْعَلِيمُ " 🤍✨
عارف يعنى إيه " فسيكفيكهم الله "؟!
- يعنى الله عليم بحالك كلهُ .. كلهُ
- عليم باللي بيوجعك 💔
وباللي بيخطط انهُ يأذيك و بيتكلم عنك
,عليم بكّيد كل واحد
وربنا وقتها هوّ اللى هيتصدىّ ليهم 🤚
ربنا هيكفيك ويغنيك عن كل واحد عشمك وخذلك 😔
,هيعوضك عن الوجع واليئس 😢🥺
هيغنيك بحبهُ عن احتياجك لخلقهُ 🌸
من الآخر كدة محدش هيقّدر يقرب منك غير لو كان فى قربهُ خير ليك 😍🕊
عرفت يعنى إيه " فسيكفيكهم الله " 🤍☺️🌸
خليكِ متيقنه تمام اليقين ان ربنا هيقبل توبتك مهما كثرت ذنوبك *وَالَّذِينَ عَمِلُوا السَّيِّئَاتِ ثُمَّ تَابُوا مِنْ بَعْدِهَا وَآمَنُوا إِنَّ رَبَّكَ مِنْ بَعْدِهَا لَغَفُورٌ رَحِيمٌ*
جعلنا الله واياكم من اهل الفردوس الاعلى 💜
عملت ذنب ،توب واستغفر
كررته تاني؟! توب كمان مرة
*ان الله لا يمل حتي تملوا*
ف مره كان ف شخص بيسأل شيخ :- ليه جهاد النفس صعب كدا يا شيخ
ف رد الشيخ: لان الجزاء هو الجنة💜
ف انت لازم تُصبر ومش لازم تيأس وتيجي ع نفسك وتحرم نفسك من الملذات دي وتفكر في ربنا وتفتكر ان ربنا مش هيوفقك فـ اي حاجة طول م انت بتعمل الذنب دا واسمع دروس علم واقرأ قرآن وصلي بانتظام وصاحب نفسك واعمل جدول عباده وامشي عليه ومتستسلمشِ للشيطان
*وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَوَاتُ وَالأَرْضُ أُعِدَّتْ لِلْمُتَّقِينَ* 💜
اوعى يكون الشيطان أقوى منك ،أنت ِ مؤمن وقوي وقلبك قوى لازم تستجمع قواك وتغلب الشيطان وتبطل الذنب اوعى تقول مش عارف ابطله، طالما غيرك عايش من غير ما بيعمل الذنب ده وبيتنفس عادى وحياته ماشيه يبقى أنت ِ تقدر ،أى نعم كلنا بشر وكلنا بنغلط بس " كل ابن آدم خطاء ولكن خير الخطائين التوابون 💜
Читать полностью…
اولا كدا
أنت إنسان وكلنا بشر وكلنا عايشين وكلنا قدامنا الفتن فحط قاعدة قدامك كده مفيش حاجه اسمها "أنا مش عارف أبطل الذنب دا " الشيطان هو اللى خلى الفكره دى فى دماغك عشان متفكرش في التوبة ولو فكرت للحظه هتلاقيه فكرك بكل حاجه وحشه وكل محاولاتك اللى فشلت💜
لو حاسه بفتور او انتكاسه اسمعى خطبة «دمعة منتكس» ... حاجه روعه اللهم بارك🤭💙
https://youtu.be/vvb8_a1P0KE
حاول حتى آخر الوقت ولا تمل أبدًا، فالله لن يضيع جهدك وتعبك أبدًا♥🖇
Читать полностью…
'الصلاة' الجزء1
بسم الله الرحمن الرحيم والصلاة والسلام على أشرف المرسلين سيدنا محمد وعلى آله وصحبه ومن تبعه بإحسان إلى يوم الدين.
بإذن الله هنبدأ بالكلام عن الصلاة وإزاى ننتظم عليها وبإذن الله تنتفعوا بالبوستات والفيديوهات بس أهم حاجة يكون عندنا صدق فعلاً من جوانا ونجاهد نفسنا قدر المستطاع ويكون عندنا يقين بقوله تعالى : ﴿وَالَّذينَ جاهَدوا فينا لَنَهدِيَنَّهُم سُبُلَنا وَإِنَّ اللَّهَ لَمَعَ المُحسِنينَ﴾ [العنكبوت: ٦٩]
هكلمكم شوية عن الصلاة✨
١) الصلاة راحة للقلب وطمأنينة للفؤاد والروح، لذلك كان صلى الله عليه وسلم يقول لبلال بن رباح رضي الله عنه : "قمْ يا بلالُ فأرِحْنا بالصلاةِ". حديث صحيح
وكان صلى الله عليه وسلم إذا حزبه أمرٌ فَزِع إلى الصلاة.
٢) الصلاة نور للإنسان، ونصيبه من نور الله تعالى على قدر صلاته يستضيء بسببه في حياته ويشعر بالراحة والصلة مع خالقه ، قال صلى الله عليه وسلم :
"الصلاة نور". حديث صحيح
٣) صلاح العمل على قدر صلاح صلاة العبد ، قال صلى الله عليه وسلم :
"أوَّلُ ما يُحاسَبُ به العبدُ يومَ القيامةِ الصَّلاةُ فإنْ صلَحَتْ صلَح له سائرُ عمَلِه وإنْ فسَدَتْ فسَد سائرُ عمَلِه". حديث صحيح
٤)من حافظ عليها كان له عهد عند الله أن يدخله الجنة ، قال صلى الله عليه وسلم : "خَمس صلوات افترَضَهن الله على عباده فمن جاءَ بِهنَّ لم يضيِّع منْهنَّ شيئًا استخفافًا بحقِّهنَّ، كانَ لَهُ عندَ اللَّهِ عَهدٌ أن يدخلَهُ الجنَّةَ". حديث صحيح
طيب تعالوا نتكلم فى حكم تارك الصلاة✨
دى فتوى للشيخ أبن الباز رحمه الله👇 https://binbaz.org.sa/fatwas/20429/%D8%AD%D9%83%D9%85-%D8%AA%D8%A7%D8%B1%D9%83-%D8%A7%D9%84%D8%B5%D9%84%D8%A7%D8%A9
تعالوا أفهمكم معنى الفتوى دي
أولاً : تارك الصلاة جحوداً يعنى اللى شايف إن الصلاة مش فرض وعادى يعنى مش لازم أصلى وعادى مش هتحاسب عليها وكل ده فهو بيجحد لفضل الصلاة ولفريضتها فده كافر بالإجماع لإنه بكده بينكر أدلة من القرآن والسنة.
ثانياً : تارك الصلاة تكاسلاً ده عارف إنها فرض وإنه هيتحاسب عليها وإن تركها ذنب عظيم فده فيه عِدة أقوال إما إنه كافر كفرا مخرج من الملة 'يعنى مش مسلم و لما يموت يُعامل كالكافر فيما يخص الغسل والدفن'
أو قول آخر إنه ليس كافر كفراً مخرجاً من الملة.
طب تعالى بعيداً عن حكم تارك الصلاة هل هو كافر أو لأ عايزة أسألك سؤال حتى لو تارك الصلاة ليس كافراً الشخص اللى مش بيصلى هيجى يوم القيامة يوزن ايه ؟؟؟!!
ماهو يوم القيامة هيبقى في ميزان هيوزن عليه أعماله ، طب هو أصلاً حتى الصلاة مش بيصليها هيوزن بقى ايه؟!!
معندهوش حاجة تدخله الجنة💔
أنتِ متخيلة النار دي عاملة إزاى؟؟!
الصراحة لأ أنتِ مش متخيلة بس أنا هقربلك المسافات فى الفِهم.
هاتى ايدك وحطيها جوا النار أو شوحى ايدك على النار كده شوية وقوليلي ايه اللى هيحصل !!
طبعاً أنتِ لو اتلسعتى لسعة صغيرة بتبقي مش مستحملة ما بالك إن جسدك كله يكون فى النار ، وخلي بالك نار جهنم مش زى نار الدنيا نهائياً ، نار الدنيا دي بالنسبة لجهنم زى الماء إن صح التعبير لإنها ولا حاجة جنبها.
طيب تخيلى هتتحملي كم يوم فى النار دي بسبب تركك للصلاة؟ ، ويوم القيامة لواحده قد ٥٠ ألف سنة أصلاً !!!
طب لو تارك الصلاة كافر يبقى اللي مش بيصلى مش هيخرج أبداً من النار 💔
والله الموضوع صعب وكبير واحنا جهلنا أكبر بفرض الصلاة علينا ، ومع الأسف بقى اللي بيصلوا قلة قليلة.
تخيلي كده لو الرسول ﷺ شافك هيقولك ايه؟!! ، اللي هو احنا ازاى خير أُمة !!
ما بالك بنظرة رب العالمين ليكِ يعنى ربنا مُطّلع عليكِ !!
مش بتخجلى من ربنا إنه شايفك وعالم إنك مش بتصلي ولما بتسمعي الآذان يأذن تكبرى دماغك ومتفكريش تقومي تصلى أبداً !
طيب أنتِ عارفة إن الرسول ﷺ هيعرف أمته من نور الصلاة؟!
طيب ازاي هيعرفك وأنتِ مش بتصلي؟!!
الأمر صعب أوي بجد بس إحنا اللي نسينا 💔
يمكن من أكتر الآيات اللي بتوجع القلب قول الله تعالى : "يَوْمَ يُكْشَفُ عَن سَاقٍ وَيُدْعَوْنَ إِلَى السُّجُودِ فَلَا يَسْتَطِيعُونَ". [القلم : ٤٢]
أصل هما مكانوش بيسجدوا فى الدنيا فأكيد مش هيعرفوا يسجدوا هناك !!
تخيلي كل ما يحاول يسجد يرجع تانى غصب عنه جسمه يستقيم مش عارف يسجد !! ، ليه؟!!
أصل عمره ما كان بيسجد فى الدنيا 💔
وكل ده جزء لا يُذكر من اللي هيحصل يوم القيامة وهناك ما لا يعلمه إلا الله وحده ، وانا لم أذكر إلا جزء قليل.
بس خلي بالك لو صليتى كل الخوف ده هيروح بس أنتِ قربى من ربنا.
قال الله تعالى : "وَهُوَ الْغَفُورُ الْوَدُودُ"
الله سبحانه وتعالى لا يغفر فقط لمن تاب وندم بل يغفر له ويحبه✨
سبحان الكريم الرفيق الرحيم.
وخذ من الضحى نافلةً لك عسى الله أن يسكنك
بها منازل الأوابين فأنها تعدل ٣٦٠صدقة ، وأقلها ركعتان
حافظوا على صلاة الضحى
- الضحى 💜
"تحمل همّ دراستك، خيبتك من إمتحانك، ضغوط حياتك، حتى شعورك المدفون في أعماقك، هوِّن على قلبك، لا تحزن أنت بعين ربك، لن يضيع أجر مقاومتك وجهدك وصبرك، حاول ولا تستسلم لإحباطك، تعثرك في إمتحان أو مرحلة ليس معناها نهايتك، افخر بصمودك، لا تقلل من قدراتك، أنت عظيم لا تغفل عن مميزاتك."💜💜
Читать полностью…
قال الفضيل بن عياض :
" إذا لم تقدر على قيام الليل وصيام النهار، فاعلم أنك محرومٌ كبلتك خطيئتك ".
لا تنسوا صيام غد الخميس ..
وذكِّر به غيرك
ارد علي سوال بقا
_ انته مالك يكوكي ماذا بك 🤔؟
_ انا لا استطيع المذاكره وهل انا حاليا هقدر الم الي فاتني😔؟
_ اهدي يكوكي بس اسمعني كده يلا صلي علي نبي كده ♥️.
_ عليه الصلاه والسلام .
_اسمع بقا يكوكي ؟
_اولاةكده هنلحق اه هنلحق نجيب كل مواد كلها وتراجع كمان يعم وتحل كتب وامتحانات .
كل دا ازاي ؟
اولا كده انته لي خايف مش واثق من ربنا وأنه قادر علي كل شي وقادر أنه يوصلك لحلمك وآمالك وكل شي اي فين إيمانك وقوتك بالله فين كل دا فين انته مستسلم لي بتفكير شيطان وسواسه لي ضعيف كده لي بس احنا هنقدر نكون اقوي بجد بص يعم اولا كده همشيك يكوكي علي روشته باذن الله تخليك تذاكر من اول اوك
اول شي هو اني علاقتي تتحسن مع ربنا لو مش كويسه وعلاقته مع ربنا مش صلاه بس لا ابعد عن أخطاء وعن كل شي ممكن بخلي ربنا يزعل مني ومتقولش انا مش هقدر لا تقدر بس حاول واسعي وعمر مربنا موقفش مع عبده الي بيسعي عمره مسابه 💪 تاني شي هوريك نظام بسيط جدا باذن الله يعجبك وهو نظام بسيط ليك يعم كوكي بس رغم بساطته لكن أنه عاوز استمراريه وسعي واجتهاد وانا واثق فيك يعم كوكي 💪♥️ هقلك علي نظام كويس باذن الله امشي عليه وباذن الله كويس وانا شخصيا كنت بحبه ويمشي بيع لانه مش يقتنع بنظام جداول وكده لان محدش يمشي عليه ويريت اي حد حابب ياخد جدول كويس وحابب ياخد كميات صغيره وحلوه
اولا كده انته اسبوع عندك سبع ايام انا عاوز منهم يوم في اول او اخر اسبوع يكون زي يوم تحصيل لكل اسبوع ويوم تصحيح اي خطا حصل خلال اسبوع وحل كتير اوك فاتته دا هتختاره بعد اختيارك لليوم دا هنعمل نظام رجيم ودا نظام كميات صغيره زي مفي رجيم في اكل في رجيم المذاكره للناس الي ضائعه خالص وخايفه فانا ايام اسبوع اكيد فيها يوم في دروس كتير ويوم في قليل ويوم لا فانا كل يوم هيكون لي اهداف وهناخد يوم بيومه اوك اولا لو مثلا عندي بكره يوم دروس كتير يعني ثلاث دروس او اربعه اعمل اي انا نصيحتي ليك انك تاخد ماده حلوه وتاخد فيها كميه علي قد مجهودك وهي مثلا نص باب طب لو بكره يوم عليا درس أو درسين هاخد مادتين مثلا كده كويس جدا وبرضو هاخد فيهم كميات صغيره ولو مفيش مواد دروس هاخد علي حسب مجهودي وبرضو كميات صغيره اولا كميات صغيره ناس بتحبها وفي ناس مش بتحبها طب لو ناس مش بتحبها ممكن تزود كميه الي هتذكريها بس متزودس مواد لو يوم كبيس في دروس أما لو فاضي اوك يوم ممكن تلات مواد مذاكره مثلا وبالنسبه لبتوع علمي رياضه نصيحه حدد كل يوم فرع من فروع رياضه بس لو في دروس كتير حاول نخلي فرع الرياضه يكون سهل وبالنسبه الايام الي مش فيها دروس يكون فرع تقيل فيها بجانب مواد الي انا محددها وبعد كده انا المهم حل حل حل حل حل اوك طب بعد اخر يوم امسك اشوف انا عملت اي في أهداف وتعاقب نفسك لو قصرت وتكاف نفسك لو خلصت والمهم بقا بعد دا انك تحارب يكوكي علشان محدش يشمت فينا وأننا تكون اقوي من اي صعب وانا واثق فيك بجد ♥️💪💪اقلك كمان خطوه وهي ابعد عن صحاب ابعد عنهم لحد بس اخر ثانويه أو لو مش قدرت تبعد حاول متكلمش معاهم عن مذاكره أو أي شي وحاول تكلم معاهم في اي شي بس الافضل انك تبعد لأنهم بيحولوا يدمروك بجد يكوكي وانا عاوز انصحك ويريت تمشي علي تلات نصائح دول كمان حاجه اخيره يكوكي نظم اوضتك ثق بنفسك افهم وبعدين احفظ مش فهمت شي من مدرس درس شوف علي يوتيوب متياسش واتعب علشان مامتك وباباك علشان تفرخهم يلا انته تقدر يكوكي واحنا كلنا واثقين فيك بجد 💪
@canal_Ant_Taqdir3
"كُن من الذاكريـن"
•سُبحَان اللّٰه.
•الحَمدُ لِلَّهِ.
•اللّٰه أكبر.
•لا إله إِلَّا اللّٰه.
•لا حول ولا قوة إلا بالله.
•استغفر اللّٰه العَظِيم وأتوب إليه.
•سـبحان الله وبحمدهِ ، سُبحان الله العظيم .
•لا إله إِلَّا أنتَ سُبحَانك إنِّي كُنت من الظالمين.
• اللهُمَّ صلِّ على مُحَمَّد وعلى آل مُحَمَّد كما صليت على إبراهِيم وعلى آل إبراهِيم إنك حميد مجيد.
اللهُمَّ بارك علىٰ مُحَمَّد وعلى آل مُحَمَّد كما بارَكت على إبراهِيم وعلى آل إبراهِيم إنك حميد مجيد.
_ليه مش من نصيبي كذا؟
_ ليه موصلتش لحلمي المعين؟
_ ليه مش مكتوب لي اعمل كذا؟
_ أسأله كتير اوي بتيجي ف بالنا اما بنحس ان حاجه نفسنا فيها بتضيع او مش من نصيبنا... مافيش حاجه اسمها ليه؟ ربنا كاتبلك رزقك ونصيبك وعالم انه لو كنت وصلت لحاجه معينه كانت هايبقي فيها اذىٰ ليكي سواء شغل أو دراسه أو منصب أو شخصيه أو اياً كانت ايه.. خليكي عارفه ان ربنا مش بيبعد عنك حاجه إلا لو كانت شر ليكي..وبيعوض وعوضه جميل جداً..ربنا عمره ما يلقي عبده محتاج لحاجه ويحرمه منها او يبعدة عنها إلا ليعوضك بحاجه اجمل مما انتي كنتي بتحلمي بيها...كُن علي ثقة بربك وعوضه💜
ثقي باختيار ربنا ليكي وان اي حاجه بتحصلك بتبقي خير مهما كانت حلوه او وحشه 💜
وخليك دايما فاكر " إن الحسنات يذهبن السيئات " وادعى لنفسك دايما بالثبات 💜
Читать полностью…
فمدتيش فرصة لنفسك إنك تتمادى فى الغلط حاول تبقي أنت رقيب وصريح مع نفسك يعنى أنا غلطت فى حاجة معينة أعترف بكده وأحاول اصلحها ، بعمل ذنب معين مش عارف ابطله احاول ازود فى الحاجات التانية المقدور عليها من استغفار وتسبيح ونوافل وقيام الليل والضحى والصلاه على النبى 💜
Читать полностью…
جاهد نفسك انك تبعد كل الاسباب اللي بتخليك تعمل الذنب ده
( انا دايما بحس اني بعمل رياء عشان الناس تقول عليا اني عملت!! يبقي تحاول تعمل كل اعمالك الصالحه في الخفاء ولوجه الله ومتقولش لحد عليها )
طيب أنا حاولت كثير ابطل وفى كل مره برجع تانى ؟! دلوقتي انت جواك صِراع قوي بين انك عارف الصح وعاوز تطيع ربنا وبين انك مش قادر تاخد قرار بالتغيير فالتزم بالصلاه والدُعاء والتقرب لله عز وجل 💜
الشيطان مش بيجبرنا إننا نعمل حاجه ،هو مجرد انه بيجيبلك الفكره فى دماغك ويزينها ليك فأنتِ اوعى تكون ضعيف وتستلم ليه💜
*وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى*💜
لما حد يقولك ادعيلى متقولش هدعيلك وتكسل دايماً ادعى : "اللهم اقضِ حاجة كل من وكلنى لدعائك"، فيقضى الله حاجته وحاجتك.
"ذكر فإن الذكرى تنفع المؤمنين." ♥️😌
يعنى أنتِ ابدأي بس توبي وصلي ، قال الله تعالى : "نَبِّئْ عِبَادِي أَنِّي أَنَا الْغَفُورُ الرَّحِيمُ وَأَنَّ عَذَابِي هُوَ الْعَذَابُ الْأَلِيمُ". [الحجر : ٤٩ ، ٥٠]
ربنا غفور فوق ما تتخيلي لكنه أيضا شديد العقاب ، فانتِ ابدأي وصلي وقربي من ربنا علشان تنقذي نفسك من النار وصدقينى لو رجعتى صح ربنا هيغفر لكِ ، هو سبحانه قال عن نفسه إنه غفور.
اوعي تسيبى الصلاة فى أي وقت مهما حصل ولو كسلتى تذكري قول الله تعالى : "يَوْمَ يُكْشَفُ عن سَاقٍ وَيُدْعَوْنَ إِلَى السُّجُودِ فَلَا يَسْتَطِيعُونَ".
علشان ساعتها السجود هيكون خارج عن إرادتك💔
تذكري النار وتذكري الجنة التي أعدها الله جل جلاله للمتقين.
اختاري مكانك من دلوقتي وشوفي أنتِ عايزة تبقي فين فى الآخرة.
﴿يا قَومِ إِنَّما هذِهِ الحَياةُ الدُّنيا مَتاعٌ وَإِنَّ الآخِرَةَ هِيَ دارُ القَرارِ﴾ [غافر: ٣٩]
اعملي لدار القرار 🍃
يُتبَع...
منقول من #الخادمة_لدين_الله
- أفضل طريقة لقراءة الورد القرآني بانتظام ..
1- تخصيص وقت ثابت له ، بعد الفجر او في طريقك للعمل او قبل النوم الخ.
2- مجمع أو مفرق : ممكن بعد كل صلاة فرض تقرأ ربعين والجزء 8 أرباع ، أو تقرؤه مرة واحدة حسب ظروفك.
3- يفضل وجود مصحف صغير لا يفارقك تقرأ به عند أي ظرف وانّو بذلك " لا يزال لسانك رطبا من ذكر الله" .
4- اقرأ وردك بنية أنك تبحث عن رسالة ربانية يومية يريد الله أن يصلح بها دينك ودنياك ، اجعل نفسك الباحث عن الدواء في آيات الكتاب.
5- اجتهد في التدبر فإن فاتك فلا تفوتك التلاوة ولو بغير تدبر .. قال ابن عطاء : الغفلة في العمل خير من الغفلة عنه.
6- ادع لإخوانك بالتيسير وحب القرآن والمواظبة عليه وسيدعو لك الملك : ولك بمثل.
7- إن فاتك ورد يوم فاقرأه في اليوم الذي يليه ، لا يغلبنك الشيطان ويضيع عليك فرصة.
= تذكر دائماً ان كُل شيء بالدعاء آتٍ !
- كُل شيء !؟
= و رب الكعبه كُل شيء .. كُل شيء بالدعاء آت💜
مش بصلي مش عندي حاجة اقولها بس انا مش عايش
ج/ دي أصدق كلمة قلتها .. مش عايش!
يلا .. عد للحياة بالصلاة ..
سيبك من أي أعذار وأي أفكار.
ربك سيفرح بك ..
حافظوا على قول :
{لا إله إلا أنت سبحانك إني كنت من الظالمين}
فإن أولها توحيد وأوسطها تسبيح وآخرها استغفار.
للتذكرة:
1-مينفعش رجلك تبان وأنتي بتصلي"💛
2-مينفعش وأنتي بتصلي تقعدي تبصي في كل حته لازم تركز ع اتجاه القبله"💛
3-وأنتي بتقرئي التحيات عينك تبقي علي اصبع " السبابه" مش في اتجاه القبله ،بعد ماتخلصي التحيات متسلميش علطول وادعي علشان دعوتك هتبقا بأذن الله مجابه ،الدعاء المستحب قبل التسليم " اللهم إنا نعوذ بك من فتنة المحيا والممات ومن شر فتنه المسيح الدجال ونعوذ بك من عذاب ف النار وعذاب ف القبر "💛
4-مينفعش تبقي مسلم ومتصليش الفرض إللي فاتك صليه قضاه ف اي وقت تفتكريه قومي صلي علطول "💛
5-اقرأ آية الكرسي بعد كل فرض مبيبقاش بينك وبين الجنه إلا الموت"💛
6-قيام الليل من أجمل النعم إللي ربنا نعمه علينا"💛
7-قيام الليل لو قمته مش بتتكتب من الغافلين،ولو اقمته ب100آيه بتتكتب من القانتين ولو ب 1000بتتكتب من المقنطرين"💛
8-أفضل وقت لقيام الليل الثلث الأخير من الليل حوالي الساعه 1 بقول أفضل يعني،ممكن تصليه بعد العشا لو بتنام بدري عادي"💛
9-أي دعوه بتدعيه بعد المغرب مجابه بأذن آلله"💛
10-في آخر ساعه من يوم الجمعه إللي هو قبل المغرب بساعه دي إسمه ساعة استجابه خد مصحفك وصلي واقرأ قرآن واقعد مع ربنا شويه متقوليش أنا مش عايزه حاجه إنتي عايزه بس مش عارفه هتعرفي لما تقعدي مع ربنا وتلقيكي بتدعي تلقائي"💛
11-صلاة الضحي إللي بيصلي بيتكتب من التوابين"💛
12-لما تكوني عاصيه ومخنوقه ومش عارفه تروحي فين روحي لربنا حتي لو انتي مزعلاه هيرجعلك طيب الخاطر صدقيني"💛
13-أفضل استغفر كتير علشان ربنا يغفر لك ،طوبي لمن وجد ف صحيفته استغفاراً كثيرا"💛
14-ربنا بيقول ادعوني استجيب لكم مش مصدقه ربنا ولااي امال عمال تقول أنا ربنا مش بيستجيبلي اهدي واصبري أنتي بس"💛
15-حطي دايما كلمه في ودنك كدا وكل ما تضيق عليكي قوليها هتهون عليكي......رب الخير لأ يأتي إلا بالخير"💛
16_ لا وضوء لمن لم يذكر اسم الله " قولي بسم الله " قبل الوضوء "💛
17_ ابدأي الصلاه بدعاء الاستفتاح" اللهم باعد بيني وبين خطايي كما باعدت بين المشرق والمغرب، اللهم نقني من خطايي كما ينقي الثوب الابيض من الدنس، اللهم اغسلني من خطايي بالماء والثلج والبرد "💛
18_ سوره الملك تنجي من عذاب القبر أقرأيها قبل النوم وذودي معاها سوره الكافرون بتحمي من الشرك " 💛
ربنا غفور فوق ما تتخيلي لكنه أيضا شديد العقاب ، فانتِ ابدأي وصلي وقربي من ربنا علشان تنقذي نفسك من النار وصدقينى لو رجعتى صح ربنا هيغفر لكِ ، هو سبحانه قال عن نفسه إنه غفور.
اوعي تسيبى الصلاة فى أي وقت مهما حصل ولو كسلتى تذكري قول الله تعالى : "يَوْمَ يُكْشَفُ عن سَاقٍ وَيُدْعَوْنَ إِلَى السُّجُودِ فَلَا يَسْتَطِيعُونَ".
علشان ساعتها السجود هيكون خارج عن إرادتك💔
تذكري النار وتذكري الجنة التي أعدها الله جل جلاله للمتقين.
اختاري مكانك من دلوقتي وشوفي أنتِ عايزة تبقي فين فى الآخرة.
﴿يا قَومِ إِنَّما هذِهِ الحَياةُ الدُّنيا مَتاعٌ وَإِنَّ الآخِرَةَ هِيَ دارُ القَرارِ﴾ [غافر: ٣٩]
اعملي لدار القرار 🍃
يُتبَع...
منقول من #الخادمة_لدين_الله
