BakuES

23 Oct 2023 17:27

Son 1 həftədə 6 nəfər koronavirusdan vəfat edib

234 nəfər müalicə olunaraq sağalıb. Analiz nümunələri müsbət çıxan 6 nəfər vəfat edib.

İndiyədək ölkədə ümumilikdə 833 955 nəfərin koronavirus infeksiyasına yoluxması faktı müəyyən edilib, onlardan 823 439 nəfər müalicə olunaraq sağalıb, hazırda 163 aktiv xəstə var.

BakuES

23 Oct 2023 16:02

Ceyhun Bayramov Tehranda İran Prezidenti İbrahim Rəisi ilə görüşüb.

BakuES

23 Oct 2023 15:41

Tehranda 3+3 formatında görüş başlayıb

BakuES

23 Oct 2023 14:12

Azad edilmiş ərazilərdə 31 yaşayış məntəqəsinin təməli qoyulub

Keçən üç il müddətində işğaldan azad edilmiş ərazilərdə 31 yaşayış məntəqəsinin təməli qoyulub və quruculuq, bərpa işləri davam etdirilir.

Bunu Azərbaycan Respublikası Prezidentinin Administrasiyasının şöbə müdirinin müavini, İdarələrarası Mərkəzin Katibliyinin rəhbəri Nüsrət Süleymanov deyib.

O bildirib ki, hazırda qarşıdakı müddətdə işğaldan azad edilmiş ərazilərə əhalinin köç prosesi davam etdiriləcək.

BakuES

23 Oct 2023 13:02

Prezident Sumqayıt şəhər stadionununda yaradılan şəraitlə tanış olub.

BakuES

23 Oct 2023 11:45

❗️İrandan narkotik gətirən qaçaqmalçılar Azərbaycan sərhədçilərinə atəş açıb, saxlanılan var

DSX: "Oktyabr ayının 22-də saat 00:10-da Dövlət Sərhəd Xidmətinin Sərhəd Qoşunlarının "Göytəpə" sərhəd dəstəsinin Yardımlı rayonu Ostayır kəndi yaxınlığında yerləşən sərhəd zastavasının xidməti ərazisində sərhəd naryadı tərəfindən İrandan Azərbaycan istiqamətində 2 nəfər naməlum şəxsin dövlət sərhədindən külli miqdarda narkotik vasitə keçirməsinin qarşısı alınıb.

Sərhəd naryadının qanuni tələblərinə məhəl qoymayan sərhəd pozucuları odlu silahdan atəş açaraq sərhədçilərin həyatı üçün təhlükə yaradıb və təqibdən yayınmağa cəhd ediblər. Sərhəd naryadı sərhəd pozucularını zərərsizləşdirmək üçün əlbəyaxa döyüşə girib peşəkarlıq nümayiş etdirərək sərhəd pozucularını tərk-silah etməyə nail olub.

BakuES

23 Oct 2023 10:37

Putinin səhhəti pisləşdi

Oktyabrın 22-də Rusiya lideri Vladimir Putinin səhhəti pisləşib.  

"Baku es" Rusiya KİV-lərinə istinadən xəbər verir ki, Putin iqamətgahlarından birindəki yataq otağında yıxılıb. 

General SVR "Telegram" kanalının məlumatına görə, yıxılma səslərini eşidən təhlükəsizlik xidmətinin əməkdaşları prezidentin yataq otağında onu yerdə uzanmış vəziyyətdə görüblər.

Bundan sonra dərhal həkimlər çağırılıb: "Həkimlər prezidentin ürəyinin dayandığını biləndən sonra reanimasiya əməliyyatı aparıblar. Vaxtında yardım göstərilib. Prezidentin vəziyyəti stabilləşib və daimi həkim nəzarətindədir". 

BakuES

23 Oct 2023 10:05

"Əmioğlu qaçma"

BakuES

23 Oct 2023 09:36

Qeyri-rəsmi münasibətdə olduğu Əfsanə Şadatovaya xəsarət yetirməkdə onun 14 yaşlı qızı Günay Şadatovanı öldürməkdə ittiham olunan Zaur Babayevin cinayət işi üzrə məhkəmə araşdırması başa çatıb.

“Qafqazinfo”nun məlumatına görə, Bakı Ağır Cinayətlər Məhkəməsində hakim Leyla Əsgərova-Məmmədovanın sədrliyi ilə keçirilən sonuncu iclasda hökm oxunub.
Hökmə əsasən Z.Babayev təkrar qəsdən adam öldürməkdə və yetkinlik yaşına çatmayan şəxsi zorlamaqda təqsirli bilinərək ömürlük məhkum edilib.

O, qalan ömrünü həbsxanada keçirəcək.

Qeyd edək ki, hadisə bu ilin fevralında Sabunçu rayonun Maştağa qəsəbəsində qeydə alınıb. Həmin gün 43 yaşlı Əfsanə Şadatovaya bıçaqla xəsarət yetirilməsi, onun 14 yaşlı qızı Günay Şadatovanın kəsilmiş-deşilmiş xəsarətlərdən ölməsi barədə polisə məlumat daxil olub.
Əməliyyat tədbirləri ilə cinayət əməlini törətməkdə şübhəli bilinən Ə.Şadatovanın qeyri-rəsmi münasibətdə olduğu 42 yaşlı Zaur Babayev saxlanılıb.

BakuES

23 Oct 2023 07:37

Ceyhun Bayramov bu gün Tehranda "3+3" formatında keçiriləcək görüşdə iştirak edəcək

Azərbaycan xarici işlər naziri Ceyhun Bayramov bu gün İranın paytaxtı Tehranda “3+3” regional formatı (Azərbaycan, Ermənistan, Gürcüstan, İran, Rusiya, Türkiyə) çərçivəsində keçiriləcək görüşdə iştirak edəcək.

O bildirib ki, C.Bayramov oktyabrın 23-də İrana yola düşəcək.
Xarici işlər nazirlərinin iştirakı ilə keçiriləcək görüşdə siyasi, iqtisadi, təhlükəsizlik, nəqliyyat, enerji sahələrində regional əməkdaşlıq məsələləri müzakirə ediləcək.

Qeyd edək ki, Gürcüstan Xarici İşlər Nazirliyi rəsmi Tbilisinin Tehranda “3+3” regional formatında keçiriləcək görüşdə iştirak etməyəcəyini təsdiqləyib. Gürcüstan “3+3” formatının ötən il Moskvada baş tutan ilk görüşündə də iştirak etməyib.

BakuES

23 Oct 2023 07:16

Vətən müharibəsinin yeganə qadın şəhidinin anım günüdür

Bu gün 44 günlük Vətən müharibəsinin yeganə qadın şəhidi Arəstə Baxışovanın şəhadətə ucalmasından üç il ötür.

Arəstə Baxışova 1989-cu il mayın 4-də Xaçmaz şəhərində anadan olub.

Arəstənin atası - baş leytenant Kərim Baxışov Fövqəladə Hallar Nazirliyində Mühafizə İdarəsinin rəisi vəzifəsində çalışıb və Arəstənin dörd yaşı olanda vəfat edib.

Şəhidimiz 1995-2004-cü illərdə Biləcəri qəsəbəsində yerləşən Şuşa şəhər 3 nömrəli tam orta məktəbdə təhsil alıb. 2004-2008-ci illərdə isə Azərbaycan Dövlət Pedaqoji Kollecində təhsilini davam etdirib.


Arəstə Baxışova Vətən müharibəsi zamanı Füzulinin, Zəngilanın və Qubadlının azadlığı uğrunda gedən döyüşlərdə yaralı hərbçilərə döyüş meydanında tibbi yardım göstərib. O, 2020-ci il 23 oktyabr tarixində Qubadlının azadlığı uğrunda gedən döyüşlərdə şəhid olub. Biləcəri qəsəbəsinin Şəhidlər xiyabanında dəfn olunub.

Arəstənin 12 yaşında Mərdan adlı oğlu və 11 yaşında Zəhra adında qızı Vətənə əmanət qalıb.

BakuES

22 Oct 2023 20:48

Acun Bakıda Hacı Nuranla şəkil çəkdirdi

BakuES

22 Oct 2023 19:48

Bakıda 50 il yaşamış erməni qadının söylədikləri

BakuES

22 Oct 2023 18:47

Qubada ölümlə nəticələnən yol-nəqliyyat hadisəsi baş verib.

DİN Mətbuat Xidmətinin Quba regional qrupundan verilən məlumata görə, bu gün saat 15:00 radələrində Quba-Xınalıq yolunun 3-cü kilometrliyində Quba rayon sakini Fərhad Talıbovun idarə etdiyi "VAZ-2107" və Bakı şəhər sakini Nigar Məmmədovanın idarə etdiyi “İnfiniti” markalı nəqliyyat vasitələri toqquşub.

Hadisə nəticəsində F.Talıbov eləcə də, sərnişinləri Sübhan Salmanov və İlkin Rzayev aldıqları bədən xəsarətlərindən hadisə yerində ölüblər.

Avtomobildə olan digər iki nəfər də müxtəlif dərəcəli bədən xəsarətləri ilə xəstəxanaya yerləşdiriliblər.

Faktla bağlı Quba RPŞ-nin istintaq bölməsində cinayət işi başlanılıb, araşdırmalar davam etdirilir.

BakuES

22 Oct 2023 17:20

Ermənistanın müdafiə naziri silah tədarükü ilə bağlı müqavilə bağlamaq üçün Fransaya gedib

BakuES

23 Oct 2023 16:48

Bakıda sevgilisini bıçaqlayıb daha sonra onun 14 yaşlı qızını zorlayaraq qətlə yetirən şəxsin hökmdən sonra peşmançılıq hissləri

BakuES

23 Oct 2023 15:57

Bu gün Tehranda "3+3" ölkələrinin xarici işlər nazirlərinin sammiti keçiriləcək.

Bu barədə İran xarici işlər naziri Hüseyn Əmir Abdullahian bildirib.

Nazirin sözlərinə görə, sammitdə Cənubi Qafqaz müzakirə ediləcək.

Sammitin “Cənubi Qafqazda sülh, əməkdaşlıq və tərəqqi” adı altında keçiriləcəyini vurğulayan Abdullahian nazirlərin görüşünün Cənubi Qafqazda sülh və problemlərin aradan qaldırılması yolunda təməl ola biləcəyini diqqətə çatdırıb.

BakuES

23 Oct 2023 14:59

Azərbaycanın Milli Qəhrəmanı, Azərbaycan Silahlı Qüvvələrinin polkovniki Şükür Həmidov

BakuES

23 Oct 2023 13:14

Məktəbin qarşısında qızlara əxlaqsız təklif edən taksi sürücüsü həbs edildi

Bu ilin mart və may aylarında Bakının Sabunçu rayonundakı məktəblərdən birinin qarşısında şagirdlərə əxlaqsız təkliflər edən taksi sürücüsü cəzalandırılıb.

Barəsində Cinayət Məcəlləsinin 153-cü (Əxlaqsız hərəkətlər) maddəsi ilə iş açılmış 1977-ci il təvəllüdlü Bəxtiyar Quliyevə (şərti) hökm oxunub. Sabunçu Rayon Məhkəməsinin hökmü ilə ona 3 il 3 ay müddətinə həbs cəzası verilib.
Araşdırmalar zamanı məlum olub ki, icarəyə götürdüyü “Toyota Prius” markalı avtomobillə taksi fəaliyyəti göstərən Bəxtiyar ilk dəfə martın əvvəllərində məktəbin qarşısına gəlib. O, avtomobildən düşmədən 2010-cu il təvəllüdlü şagirdi pəncərədən çağırıb, ona qeyri-etik təkliflər edib.

BakuES

23 Oct 2023 12:46

Gəncədə avtobus dərəyə aşdı - Xəsarət alanlar var

Hadisə şəhərin Xan Bağı ərazisində qeydə alınıb.
Belə ki 1 nömrəli marşurut üzrə hərəkət edən sərnişin avtobusu yolun kənarındakı xəndəyə düşərək aşıb.

İlkin məlumata görə, qəza nəticəsində xəsarət alanlar var.

Hazırda faktla bağlı araşdırma aparılır.

BakuES

23 Oct 2023 11:39

Azərbaycanın İstanbuldakı Baş Konsulluğu Türkiyədə qanunsuz yaşayan Azərbaycan vətəndaşlarını qəbul edəcək.

Oktyabrın 28-dən noyabrın 5-dək olan müddətdə vətəndaşlar pasportların, vətəndaşlıq vəziyyəti aktlarının, qeydiyyat şəhadətnamələrinin (doğum haqqında şəhadətnamə, nikah şəhadətnaməsi və s.) əldə edilməsi və digər konsulluq əməliyyatlarının aparılması üçün konsulluğa müraciət edə bilərlər.

Sənədi olmayan şəxslər üçün valideynlik hüquqlarını müəyyən etmək üçün yerində DNT testinin keçirilməsi planlaşdırılır.

BakuES

23 Oct 2023 10:21

🇦🇿 Prezident İlham Əliyev Sumqayıtda bir sıra müəssisələrin açılışında və təməlqoyma mərasimlərində iştirak edib.

Dövlət başçısı əvvəlcə Sumqayıt Kimya Sənayesi Parkında “Çinar-Servis” İstehsal-kommersiya firmasının Texniki qazların istehsalı müəssisəsinin təməlini qoyub, “Novus Plastica” MMC-nin Polimer qatqıları istehsalı müəssisəsinin, “Universal Qablaşdırma Sənayesi” QSC-nin Qablaşdırma məhsulları istehsalı müəssisəsinin, “Azərbaycan Vanhong Ceramics Co.” MMC-nin Keramik plitələr istehsalı müəssisəsinin açılışında iştirak edib, “Kartaş Kimya” MMC-nin müxtəlif Tikinti kimyəvilərinin istehsalı müəssisəsinin təməlini qoyub.

Sonra dövlət başçısı Ulu Öndər Heydər Əliyevin Sumqayıt şəhərinin mərkəzində ucaldılan abidəsini ziyarət edib, yenidən qurulan Mehdi Hüseynzadə adına Sumqayıt şəhər stadionunda yaradılan şəraitlə tanış olub, 2 saylı Sumqayıt Şəhər Xəstəxanasının yeni binasının açılışında iştirak edib.

BakuES

23 Oct 2023 09:57

"Son vaxtlar ayrı-ayrı şəxslərə SMS, elektron poçt və veb səhifələr vasitəsilə bildirişlər göndərilərək onların uşaq pornoqrafiyası və kibercinayətlərdə iştirakı, yaxud belə əməllərin qurbanı olması, bununla əlaqədar fərdi məlumatlarını təqdim etməsi, ödəniş həyata keçirməsi kimi dələduzluq hərəkətləri qeydə alınır.

Əsasən reklam xarakterli bildirişlərə toxunan internet istifadəçisi müxtəlif elektron ünvanlara, yaxud hər hansı “e-mail” xidmətinin oxşar versiyasına yönəldilir.

Xarici dövlətlərə aid mənbələrdən, eləcə də Europol və başqa polis təşkilatlarının adından istifadə edilməklə törədilən bu cür dələduzluq əməlləri insanların pul vəsaitinin və ya bank kartlarının ələ keçirilməsinə hesablanmışdır.
Göstərilən hallarla rastlaşdıqda şübhəli linklərə daxil olmamaq, yönləndirilən saxta veb səhifələri açmamaq, orada ödəniş etməmək, dərhal DİN-in “102” Xidmətinə və onun sosial şəbəkə hesablarına müraciət etməniz tövsiyə olunur".

BakuES

23 Oct 2023 08:51

“Mustafa Kamal Atatürk-2023” Azərbaycan-Türkiyə birgə taktiki təlimi başlayıb.

BakuES

23 Oct 2023 07:32

❗️Ağdaşda 17 yaşlı oğlan anasını bıçaqlayıb, sonra xəstəxanaya aparıb

2006-cı il təvəllüdlü Kamran Heybətli ailə münaqişəsi zəminində anası, 1981-ci il təvəllüdlü Sevil Heybətovanı bıçaqlayıb.

Daha sonra 17 yaşlı oğlan anasını xəstəxanaya çatdırıb.
Araşdırma aparılır.

BakuES

23 Oct 2023 06:35

🕌 Şuşanın Saatlı məscidindən görüntülər.

BakuES

22 Oct 2023 20:42

Yeni ödənişli yolda radar və sürət limiti yoxdur

BakuES

22 Oct 2023 19:19

📌 Acun İlıcalı: “Survivor”un yarımfinalını Azərbaycanda təşkil edə bilərik”.

Azərbaycanla bağlı layihələr düşünürük".

Bunu Bakıda olan türkiyəli iş adamı Acun İlıcalı jurnalistlərə açıqlamasında bildirib.

O, Azərbaycanda layihələr həyata keçirmək istədiyini vurğulayıb.
"Çox istəyərəm ki, burada bir şou proqram edək. “Survivor”un yarımfinalını Azərbaycanda təşkil edə bilərik. Niyə də olmasın? Burada həm yaxşı insanlar çoxdur, həm də bizə böyük maraq var”, - Acun İlıcalı qeyd edib.

Biznesmen deyib ki, Türkiyə və Azərbaycan iki dövlət bir millət olduğunu dəfələrlə nümayiş etdirib: “Azərbaycanlı qardaşlarımızın diqqətini hər zaman hiss edirəm. Aramızdakı bağlılığı bilirəm və sanki öz vətənimdəyəm. Tarix boyu çətin günlər yaşadıq. Lakin iki dövlət bir millət olmağı bacardıq, ağır sınaqlardan keçdik”.
O, Bakıya ikinci dəfədir gəldiyini qeyd edib və bundan sonra ölkəmizi tez-tez ziyarət edəcəyini vurğulayıb.

“Hesab edirəm ki, buranı daha çox ziyarət etməliyəm. Mənə olan sevginin qarşılığını verməliyəm. Çünki mən də azərbaycanlı qanı daşıyıram. Atamın anası azərbaycanlıdır. Azərbaycana bağlılığım da buradan qaynaqlanır. Uşaq yaşlarından Azərbaycanı sevirəm”, - Acun İlıcalı bildirib.

BakuES

22 Oct 2023 18:14

İsrail Ordusu təsadüfən Misir postunu atəşə tutub

İsrail bununla əlaqədar Misir tərəfindən üzr istəyib.

BakuES

22 Oct 2023 16:57

1873 nəfər uşaq həyatını itirdi

Qəzzada ölənlərin sayı 4 651 nəfərə çatıb