Банкир

27 Aug 2024 07:51

Доллар тушади

28 август куни амал қиладиган доллар курси 🔽15-16 сўм атрофида пасайиши прогноз қилинмоқда

Банкларга долларни сотиш бўйича энг яхши курслар:

Asia Alliance Bank— 12 660
BRB — 12 655
Trastbank — 12 650
NBU — 12 650

Банклардан долларни сотиб олиш бўйича энг яхши курслар:

Universalbank — 12 680
NBU — 12 700
Xalq banki — 12 700
Octobank — 12 710

@bankir

Банкир

26 Aug 2024 13:00

Доллар тушди

27 август куни амал қиладиган долларнинг расмий курси 12 669,65 сўмдан (-18,43 сўм) ҳисобланади.

@bankir

Банкир

26 Aug 2024 07:53

Доллар тушади

27 август куни амал қиладиган доллар курси 🔽17-18 сўм атрофида пасайиши прогноз қилинмоқда

Банкларга долларни сотиш бўйича энг яхши курслар:

Aloqabank — 12 680
BRB — 12 680
Garantbank — 12 670
Kapitalbank — 12 670

Банклардан долларни сотиб олиш бўйича энг яхши курслар:

NBU — 12 720
Tengebank — 12 720
Asia Alliance Bank — 12 725
Turonbank — 12 720

@bankir

Банкир

23 Aug 2024 14:25

23 август. Банклараро тўловларни қабул қилиш 18:00 гача узайтирилди.

@bankir

Банкир

23 Aug 2024 11:27

UzAuto Motors рекорд даражада фойда олди

UzAuto Motors 2024 йил биринчи ярим йиллиги учун молиявий ҳисоботини тақдим қилди. Компания фойдаси бу даврда рекорд кўрсатди — 1,9 трлн сўм. Ўсиш кўрсаткичи 65 фоиздан юқори.

Ҳисоблаб чиқишларича UzAuto қуйидаги кўринишда фойда олмоқда:

— дақиқасига 7,3 млн
— соатига 436,7 млн
— кунига 10,4 млрд
— ойига 318,8 млрд сўм.

1,9 трлн сўмлик соф фойда кўрсаткичига компания 2023 йилда 9 ойда эришган эди. Бу сафар 6 ой кифоя қилди.

Аммо давлатга 1,1 трлн сўмлик солиқ тўланганини ҳам қайд этиш керак. Шунингдек, 281,8 млрд сўмлик солиқ имтиёзларидан фойдаланилган.

Шундай қилиб, 2024 йил UzAuto Motors учун тарихдаги энг муваффақиятли йил бўлиши кутиляпти. Барча бизнес вакиллари ҳавас қиладиган натижа, шундай эмасми?)

@bankir

Банкир

23 Aug 2024 09:48

Янги уйлар учун ипотека кредитлари

Ҳозирги кунда ИҚМК маблағлари асосида қуйидаги банклар ипотека кредитини бермоқда:

⏺InFinBank
⏺Agrobank
⏺Asakabank
⏺Ipotekabank
⏺SQB
⏺Xalqbanki

Кредит шартлари қуйидагича:

Муддати: 20 йил
Фоиз ставкаси: 21,5 фоиз
Бошланғич тўлов: 25-26 фоиз

Мутахассислар агар ҳамма ҳужжатлар жойида бўлса, узоғи икки кундан уйли бўлиш мумкинлигини айтмоқда.

Тўлиқ маълумот олиш учун банклар устига босиб уларнинг расмий сайтига ўтинг.

@bankir

Банкир

23 Aug 2024 07:01

"Onix" турар-жой мажмуасидан коттежларни гибрид тўлов дастури асосида харид қилинг

Onix мижозларнинг молиявий имкониятларига мос келадиган манфаатли тўлов вариантини тақдим этади.

Эндиликда, коттежларни гибрид тўлов режаси асосида харид қилишингиз мумкин. Бунда:

✅ бошланғич 30% тўлов;
✅ 20% тўлов — 12 ой давомида ҳеч қандай фоизларсиз:
✅ қолган 50% тўловни эса нақд тўлов асосида расмийлаштирасиз.

Onix коттежлари Тошкент шаҳрининг Миробод туманида жойлашган. Мажмуа майдони 3 гектар бўлиб, 114 та: 1,6 сотихдан 2 сотихгача бўлган коттежларни ўз ичига олади. 🏡

Коттежлар қуриб битирилган ва тайёр кадастрга эга. 📌

📍 Миробод тумани, Эски Отчопар кўчаси, 58Б
☎️ 55 512 22 20
✍️ @onix_kottedj

Реклама

Банкир

22 Aug 2024 13:00

Доллар кўтарилди

23 август куни амал қиладиган долларнинг расмий курси 12 677,04 сўмдан (+32,03 сўм) ҳисобланади.

@bankir

Банкир

22 Aug 2024 11:01

UZCARD Банк футбол лигасини тикламоқда!

Узоқ танаффусдан сўнг Банк футбол лигаси яна ўз дарвозаларини очади! UZCARD ва Ўзбекистон банклари Ассоциациясидаги банклар томонидан ташкил этилган учрашув ушбу ҳаяжонли спорт мусобақасини қайта тиклаш йўлидаги биринчи қадам бўлди.

Банк футбол лигаси спортни яхши кўрадиган банк ходимларини бирлаштиради. Чемпионлар кубоги учун қатнашадиган банк ходимлари орасида жамоалар шакллантирилади.

Ушбу тадбир нафақат спортни ривожлантиришга ҳисса қўшади, балки ходимларни жипслаштиришга, шунингдек, соҳадаги ҳамкасблар билан яхшироқ танишишга ёрдам беради. Турнир кузда бўлиб ўтади.

Банк футбол лигасининг ҳомийси UZCARD ҳисобланади. Бу эса турнирнинг юқори даражада ўтказилишини кафолатлайди.

@uzcard
Реклама

Банкир

22 Aug 2024 07:50

Доллар кўтарилади

22 август куни амал қиладиган доллар курси 🔼31-32 сўм атрофида ошиши кутилмоқда

Банкларга долларни сотиш бўйича энг яхши курслар:

Kapitalbank — 12 640
Trastbank — 12 640
BRB — 12 635
Asia Alliance Bank — 12 635

Банклардан долларни сотиб олиш бўйича энг яхши курслар:

Hayotbank — 12 675
NBU — 12 680
BRB — 12 690
Octobank — 12 690

@bankir

Банкир

21 Aug 2024 14:14

Click ва Payme банклардан кўпроқ фойда олмоқда

Ўзбекистонда тўлов ташкилотлари ҳам акциядорлик жамиятларига айлангач, уларнинг молиявий кўрсаткичларини билиш имкони пайдо бўлди.

Beshtor канали (канал энди анча фаолроқ, обуна бўлиш тавсия қилинади) Click ва payme фойдасини банклар фойдаси билан солиштирди.

Бу иккала тўлов ташкилотига тегишли иловалар 2023 йилда пул ўтказмалари бозорининг 60 фоиздан кўпроғига эгалик қилган.

Click компанияси олти ой ичида 272,6 млрд сўм даромад олди. Соф фойда 117 млрд сўмни ташкил қилди.

payme эса ярим йилликни 214,5 млрд сўм даромад ва 113 млрд сўм фойда билан якунлади.

Банклар билан солиштирув

Ярим йил ичида Click ва payme деярли бир хил 115 млрд сўм атрофида фойда олган бўлса, бу Ўзбекистондаги 22 та банкдан кўпроқ ҳисобланади.

Умумий фаолият юритаётган банклар сони ҳозирда 35 та. Демак, иккита йирик тўлов ташкилоти 63 фоиз банклардан кўра кўпроқ фойда олди.

Икки хил бизнесни фойда кўрсаткичи билан таққослаш, умумий хулосани бера олмайди. Бироқ бу финтех компаниялари Ўзбекистонда рақобат муҳитида яхши суръатда ривожланаётганини кўрсатади.

@bankir

Банкир

21 Aug 2024 13:04

Доллар кўтарилди

22 август куни амал қиладиган долларнинг расмий курси 12 645,01 сўмдан (+19,80 сўм) ҳисобланади.

@bankir

Банкир

21 Aug 2024 08:58

Одамлар қўлидаги нақд пуллар 50 трлн сўмдан ошди

Ўзбекистонда 2024 йил 1 август ҳолатига кўра, муомаладаги нақд пуллар 50 трлн сўмдан ошди ва рекорд даражага етди.

Сўнгги йилларда ўзбекистонликлар орасида нақд пулга эҳтиёж секин-аста камайиб бораётган эди. Бироқ, охирги икки ой бундан мустасно бўлди. Аҳоли қўлидаги нақд пуллар бу даврда 4,5 трлн сўмга кўпайди.

Сўмдаги умумий пул миқдори (кенг маънодаги пул массаси) эса деярли 187 трлн сўмни ташкил қилди.

@bankir

Банкир

21 Aug 2024 07:54

Доллар кўтарилади

22 август куни амал қиладиган доллар курси 🔼20-21 сўм атрофида ошиши прогноз қилинмоқда

Банкларга долларни сотиш бўйича энг яхши курслар:

Turonbank — 12 630
BRB — 12 630
Universalbank — 12 630
Kapitalbank — 12 620

Банклардан долларни сотиб олиш бўйича энг яхши курслар:

NBU — 12 670
Asia Alliance Bank — 12 670
Anorbank — 12 675
Octobank — 12 680

@bankir

Банкир

20 Aug 2024 13:04

Доллар тушди

21 август куни амал қиладиган долларнинг расмий курси 12 625,21 сўмдан (-15,72 сўм) ҳисобланади.

@bankir

Банкир

26 Aug 2024 15:37

Бир нечта банкирлар мукофотланди

Президент Ўзбекистон мустақиллигининг 33 йиллиги арафасида бир гуруҳ банк соҳаси вакилларини мукофотлади.

⏺“Дўстлик” ордени билан

Аннакличев Сахи Сапармухамедович — “Бизнесни ривожлантириш банки” раиси;
Маматкулов Рустам Уктамович — “Агробанк” банки раиси.

⏺“Содиқ хизматлари учун” медали билан

Сайдуллаев Нодирбек Нарзуллаевич — Марказий банк раисининг биринчи ўринбосари.

⏺“Шуҳрат” медали билан

Турдалиев Аброрхўжа Акбарович — Марказий банк раисининг ўринбосари.

@bankir

Банкир

26 Aug 2024 11:01

“Асосий ставка яна пасаяди, инфляцион таргетга 2026 йилда эришиб бўлмайди” — Fitch

Fitch халқаро рейтинг агентлиги Ўзбекистоннинг хорижий валютадаги кредит рейтингини ўзгартирмади ва барқарор прогноз билан BB- даражасида тасдиқлади.

Нисбатан паст давлат қарзи, ЯИМ ўсишининг юқори тенденциялари ва иқтисодиётни либераллаштириш бўйича ислоҳотларнинг бориши рейтингни сақлаб қолишга ёрдам берган.

Аммо аҳоли бошига ЯИМ пастлигича қолмоқда. Иқтисодиётда давлатнинг йирик ва рақобатбардош бўлмаган ўрни сақланиб турибди.

Fitch Ўзбекистон банк тизимини барқарор дея баҳолаган бўлсада, банкларда муаммоли кредитлар улуши аслида 4 фоиз эмас, анча юқори деб ҳисоблаган.

Инфляция 2024 йилда 9,5 фоиз даражасида бўлиши кутилмоқда. 2025 йилда 8 фоиз, 2026 йилда эса 5,8 фоиз инфляция прогноз қилинмоқда. Бу Марказий банк 2026 йилда эришмоқчи бўлган 5 фоизлик инфляцион таргетдан юқори.

Июл ойида Марказий банк асосий ставкаси 14 фоиздан 13,5 фоизга пасайган бўлса, Fitch келгуси даврда асосий ставка яна пасайишини кутмоқда.

@bankir

Банкир

25 Aug 2024 07:56

Кеча тунда Телеграм асосчиси Павел Дуров Париж аэропортида ҳибсга олинди. 39 ёшли миллиардер Telegram'дан жиноий фойдаланишнинг олдини олиш чораларини кўрмаганликда гумон қилинмоқда.

Айрим манбалар унга 20 йилгача озодликдан маҳрум қилиш жазоси тайинланиши мумкинлигини айтмоқда. Дуров 2021 йилда Франция фуқаролигини олган, шу сабабли у жазони тўлиқ Францияда ўташи мумкин.

Дуров ҳибсга олингач Toncoin ва Notcoin нархлари кескин тушиб кетди. Toncoin нархи 15 фоизга, Notcoin нархи эса 16 фоизга пасайди.

@bankir

Банкир

23 Aug 2024 13:00

Доллар кўтарилди

26 август куни амал қиладиган долларнинг расмий курси 12 688,08 сўмдан (+11,04 сўм) ҳисобланади.

@bankir

Банкир

23 Aug 2024 11:00

🏦 Вақтингизни тежанг ва InfinBLACK кредит картасини 5 дақиқада қўлга киритинг!

InfinBANK мижозлар вақтини қадрлайди, энди банк карта чиқариш жараёнини соддалаштирди – ҳеч қандай ортиқча ҳужжатлар ёки гаров талаб қилинмайди.

InfinBLACK картаси билан:

➖50 миллион сўмгача кредит лимити;
➖Қайта тикланувчи фоизсиз муддат;
➖Онлайн ва офлайн харидлар учун қулайлик;
➖Дунё бўйлаб фойдаланиш имконияти.

Шунингдек, кредит ажратиш бўйича аризаларни кўриб чиқиш мезонлари соддалаштирилди ва аксарият ҳолларда мижозларнинг аризалари қаноатлантирилади.

Реклама

Банкир

23 Aug 2024 07:42

Доллар кўтарилади

26 август куни амал қиладиган доллар курси 🔼10-11 сўм атрофида ошиши кутилмоқда

Банкларга долларни сотиш бўйича энг яхши курслар:

NBU — 12 670
BRB — 12 665
Kapitalbank — 12 660
Agrobank — 12 655

Банклардан долларни сотиб олиш бўйича энг яхши курслар:

Davr Bank — 12 700
Hayotbank — 12 710
Turonbank — 12 720
Octobank — 12 720

@bankir

Банкир

22 Aug 2024 15:32

Энди ўзбекистонликларнинг банкларда 100 трлн сўмдан ошиқ пули бор

Ўзбекистон банкларида жисмоний шахсларнинг депозитлари қолдиғи илк марта 100 трлн сўмдан ошди. Бу пулларга аҳолининг банклардаги барча маблағлари киради.

Ўтган ойда сўмдаги омонатларнинг ўртача фоизи рекорд даражага кўтарилган эди — 22 фоиз. Банклар томонидан таклиф қилинаётган омонатларнинг энг юқориси 27 фоиз ҳисобланади. Шундай қилиб банкка пул қўйиш ҳозирда анча жозибадор.

Депозитлар қолдиғи бўйича “Капиталбанк” етакчилик қилмоқда. Ушбу банкда аҳолининг 19,5 трлн сўми бор.

Иккинчи ўринда 10,9 трлн сўм билан “Миллий банк” жой олган бўлса, “Агробанк” 8,2 трлн сўм билан учинчи бўлиб турибди.

Йил бошидан бери аҳоли омонатларига эгалик қилиш бўйича “Анорбанк” (+50,3 фоиз), “Асакабанк” (+44,1 фоиз) ва TBC Bank (+29,9 фоиз) сезиларли ўсиш кўрсатди.

Яқин орада аҳоли депозитлари қолдиғи бўйича “Капиталбанк” етакчиликни бошқа банкка бермаслиги аниқ, лекин кичик банклар орасида рақобат аллақачон пайдо бўлган.

Масалан ўтган ой TBC Bank ва “Анорбанк” ўртасида кичик реклама жангги бўлди. Қисқача контекст қуйидагича:

Аввал “Анорбанк” кўрпача номли янги омонат турини таклиф қилди. Кейин эса TBC Bank “Кўрпачадан ишончлироқ” дея ўз каналида пост қолдирди.

“Анорбанк” эса бир кун ўтиб “Ош ёки хинкали” дея жавоб қайтарди ва “Анорбанк”да омонатлар 3 трлн эмас (TBC Bank'да 3,4 трлн сўм) 4 трлн сўмдан ошгани ҳақида киноя қилди.

Банкир

22 Aug 2024 11:15

Банклар камроқ фойда олмоқда. Мана нима учун

Ўзбекистон банк тизими учун 2024 йил молиявий жиҳатдан бироз оғир келмоқда. Барча банклар 7 ойда 6,4 трлн сўм фойда олди ва бу ўтган йилнинг мос даврига нисбатан 159 млрд сўмга камроқ.

Вазият аввалги ойларда бундан анча ёмонроқ эди. Масалан апрель ойи якуни бўйича банкларнинг фойдаси 1 трлн сўмга ёки 25 фоизга пасайиб кетганди.

Йил бошидан бери умумий даромад 91,8 трлн сўмга етди ва деярли 30 фоизга кўпайди. Бироқ харажатлар сезиларли — 42,5 фоизга ошиб, 67,7 трлн сўмни ташкил қилди.

Нега банклар фойдаси пасайиб кетди?

Бу баъзи банклар билан боғлиқ. Агар ярим йиллик молиявий кўрсаткичлар бўйича таҳлил қиладиган бўлсак, иккита банкнинг фойдаси ярим трлн сўмдан кўпроқ тушиб кетганини кўришимиз мумкин.

Биринчи навбатда “Ипотека банк” 2023 йилга нисбатан 514 млрд сўм камроқ фойда олди. OTP Bank томонидан сотиб олингач банк бошқаруви ўзгарди ва ҳозирча фойда олиш биринчи даражали эмас.

Аввал Қишлоқ қурилиш банк дея аталган, 2023 йилда Бизнесни ривожлантиш банки дея қайта номланган БРБ фойдаси ярим йил ичида –502,5 млрд сўмга кўринишига келди.

БРБ йирик ўзгаришдан кейин 378 млрд сўм зарарда. Буни банк тузилмаси тубдан ўзгартирилгани билан изоҳлаш мумкин.

Бошқа банклар билан нотабиий ҳолат кузатилгани йўқ. Кимдир кўпроқ фойда олмоқда, кимдир камроқ. Сўнгги молиявий ҳисоботлар банклар 2023 йилдаги кўрсаткични қайд эта олишига ишонч бермоқда.

@bankir

Банкир

22 Aug 2024 09:20

Энг паст фоизли автокредитлар

“Банкир” ҳозирги кунда банклар томонидан таклиф этилаётган автокредитлар шартларини ўрганиб чиқди. Унга кўра, қуйидаги банкларда камроқ фозили ва олдиндан тўлови камроқ автокредитлар ажратилмоқда:

🏦Ипак Йўли Банк
Фоиз ставкаси — 16,9 фоиздан бошлаб
Муддати — 4 йилгача
Креди суммаси — 950 млн сўмгача
Бошланғич тўлов — 15 фоиздан бошлаб
Батафсил

🏦БРБ
Фоиз ставкаси — 5,99-20,5 фоиз
Муддати — 4 йилгача
Креди суммаси — 85 фоиз миқдоргача
Бошланғич тўлов — 15-50 фоиз
Батафсил

🏦Давр банк
Фоиз ставкаси — 11,7 фоиздан бошлаб
Муддати — 1-3 йил
Креди суммаси — 100 минг $ гача
Бошланғич тўлов — 25 фоиздан бошлаб
Батафсил

🏦NBU
Фоиз ставкаси — 22-27 фоиз
Муддати — 5 йилгача
Креди суммаси — 500 млн сўмгача
Бошланғич тўлов — 30 фоиздам бошлаб
Батафсил

🏦СҚБ
Фоиз ставкаси — 25-26 фоиз
Муддати — 3 йилгача
Креди суммаси — 400 млн сўмгача
Бошланғич тўлов — 50 фоиздан бошлаб
Батафсил

Тўлиқ маълумот олиш учун батафсил орқали банкларнинг расмий сайтига ўтиш тавсия қилинади.

@bankir

Банкир

21 Aug 2024 15:39

School 21 рақамли технологиялар мактаби, TBC Bank ва payme: Ўзбекистон ИТ-соҳасини ривожлантиришнинг янги босқичи

Самарқанд шаҳрида School 21, TBC Bank ва payme ўртасида ҳамкорлик меморандуми имзоланди. Ҳамкорлар янги авлод ИТ-мутахассисларини тайёрлаш учун ўз кучларини бирлаштирмоқда. TBC Bank бош директори Даврон Одилхўжаев ИТ-мутахассисларини сифатли ўқитиш долзарблигини билдирди.

School 21 бошқарув директори Зарина Лухмонова эса ўқувчилар катта потенциалга эга эканлигини ва улар топ финтех жамоаларида амалиёт ўташини таъкидлади.

Реклама

Банкир

21 Aug 2024 13:20

❗️Ўзбекистонда Telegram фаолиятида оммавий узилишлар кузатилмоқда. Иловага фақат VPN орқали кириш имкони бор.

UPD: Узилиш 16:00 дан 16:27 гача давом этди.

@bankir

Банкир

21 Aug 2024 11:21

Россия Хитойга деярли етиб олди

Ўзбекистоннинг ташқи савдо айланмаси 7 ой ичида 38,8 млрд доллар бўлди. Бунда экспорт 14,8 мрлд долларни, импорт эса 22 млрд долларни ташкил қилди.

Экспорт 2023 йилга нисбатан 1,1 фоизга қисқарган бўлса, импорт 10,1 фоизга ошди. Экспортнинг қисқаришига ўтган йилга нисбатан анча камроқ олтин сотилгани сабаб бўлди.

Ўзбекистон кетма-кет уч ойдан бери олтин сотмаяпти. Йилнинг дастлабки тўрт ойида 4,2 млрд долларлик олтин сотилган эди.

Олтин сўнгги ойларда бир неча бор рекорд даражага етди. Бундай ҳолатда қимматбаҳо металл экспорти Ўзбекистон учун анча фойдали бўлиши мумкин эди. Эҳтимол, Марказий банк (олтин олди-сотдиси билан улар шуғулланади) олтин нархи янада юқорилашини кутаётгандир.

Ташқи савдода асосий ҳамкорлар ўзгаришсиз қолмоқда. Улардан Хитой, Қозоғистон ва Туркияга экспорт 2023 йилга нисбатан камайган.

Россия эса алоҳида мавзу. Июлга келиб Россия ташқи савдодаги улуш бўйича Хитойга деярли етиб олди. Россия билан Ўзбекистон ўртасида импорт ҳам экспорт ҳам сезиларли ўсмоқда.

@bankir

Банкир

21 Aug 2024 08:35

🍕Bellissimo Pizza билан тушликни мазали ва ҳамёнбоп қилиш мумкин

Исталган 35 смлик питса, 8 та товуқли стрипс, синнамон роллар ва Coca-Cola 1 л ичимлигидан иборат Баракали 2 сети билан ўзингизни ва ҳамкасбларингизни тушликка хурсанд қилинг

Буюртма қилинг — 35 дақиқада бепул етказиб бериш

/channel/bellissimo_bot

Реклама

Банкир

20 Aug 2024 14:54

Исломий молия, микрокредитлар ва факторинг: банк ва молия соҳасида қандай ўзгаришлар бўлади?

Президентнинг бугун бўлиб ўтган тадбиркорлар билан очиқ мулоқотининг банк-молия соҳасига оид асосий қисмлари:

— Бизнес вакиллари учун микрокредит беришнинг энг кўп миқдори 100 млн сўмдан 300 млн сўмгача оширилди;

— Устав капитали камида 50 млрд сўм бўлган микромолия банкларини ташкил этишга рухсат берилади. Бу банклар кредит портфелининг камида 70 фоизи кичик ва ўрта бизнесни қўллаб-қувватлашга йўналтирилади;

— Микромолия ташкилотлари томонидан тадбиркорларга хорижий валютада хизмат кўрсатиш ва лицензия асосида тўлов ташкилоти сифатида фаолият юритишга рухсат берилади;

— Факторинг хизмати оммалаштирилади. Ҳозиргача бу хизматни фақат банклар ва микромолия ташкилотлари кўрсатаётган бўлса, бундан кейин факторинг ташкилотлари пайдо бўлади;

— Аҳолида ислом молиясига талаб юқори. Шунинг учун микромолия ташкилотларига исломий шартлар асосида фаолият олиб боришга рухсат берилган эди. Яқинда янги қонун қабул қилинса, банклар ҳам тўлиқ исломий молиялаштириш билан шуғулланиш имконига эга бўлади. Бу орқали молия бозорида 5 млрд долларлик ресурс пайдо бўлиши кутилмоқда;

— Йирик давлат компаниялари ва банклари орасида кредит шартномалари босқичма-босқич тугатилади. Давлат компаниялари кўпроқ чет элдан маблағ жалб қилса, банклар ушбу ресурсни (тахминан 30 трлн сўм) маҳаллий бизнес учун йўналтиради;

— Банк ва қарз олувчи ўртасида гаровдаги мулкни савдога чиқаришдан олдин унинг ҳозирги бозор қиймати аниқланадиган, қайтмаган қарздорлик гаров қийматининг 15 фоизидан кам бўлса ундирув мулкка қаратилмайдиган тизим яратилади. Банк мижозига қарзни бошқа манба ҳисобидан қоплашга имкон беради.

@bankir

Банкир

20 Aug 2024 11:55

Ўзбекистон ЖСТга 2026 йилда аъзо бўлиши мумкин

Узоқ йиллардан бери Ўзбекистон Жаҳон Савдо Ташкилотига (ЖСТ) аъзо бўллишга ҳаракат қилмоқда.

Президент Шавкат Мирзиёев бугун ЖСТга 2026 йилда аъзо бўлиш бўйича катта қадамлар қўйилаётганини маълум қилди.

“Ушбу ташкилотга кириш — чуқур ўйланган ва узоқни кўзлаган танлов, қолаверса, ислоҳотларимизнинг ажралмас бир қисми. Лекин айримлар бунга шубҳа билан қараяпти, бошқалар “корхоналар синади, импорт босиб кетади” деган хавотир билан юрибди.

Бир нарсани тушуниш зарур, импорт божлари ишлайди. Шунинг учун, ташкилот аъзолари билан музокаралар ўтказаяпмиз.

Эртанги кунимиз — бу тенг рақобат муҳити ва экспортга қаратилган саноат ва савдо сиёсати. Иқтисодиётимизга олдинлари протексия қайсидир маънода керак эди. Яна шу йўлда давом этсак, имкониятларимиз чекланиб қолади. Чунки, халқаро ишлаб чиқариш занжирларига кирмасак, иқтисодий ўсиш биз кутгандек бўлмайди”.