67088
Банк-молия тизимидаги актуал канал. Бизда фақат долзарб масалалар ёритилади. Бошқа лойиҳаларимиз: @ishbank, @bank_xabar Тижорий ҳамкорлик масалалари: @arslonpr Мурожаат юбориш учун: @bankirmanbot
AVO bank ТАF!24 фестивалида инновацияларга содиқлиги ва ижтимоий фаоллигини тасдиқловчи тўртта нуфузли мукофотни қўлга киритди
AVO bank — рақамли трансформация соҳасида илғор ечимлари билан танилган Ўзбекистондаги етакчи инновацион банк. Банк замонавий технологиялар ва мижозларнинг қулайлигига алоҳида эътибор қаратган ҳолда молиявий маҳсулот ва хизматларини фаол ривожлантирмоқда. AVO bank, ўз фаолиятини яқинда бошлаганига қарамай, банк хизматлари соҳасида янгича ёндашувларни жорий этиб, барча бирдек фойдалана оладиган премиум маҳсулотни — AVO platinum кредит картасини таклиф этмоқда.
АVO bank илк бор ТАF!24 Тошкент реклама фестивалининг бош ҳомийси сифатида иштирок этди. Ушбу тадбир Ўзбекистон реклама саноати учун муҳим воқеа ҳисобланади, унда ҳар йили турли мамлакатлар мутахассислари йиғилади.
Илк иштирокининг ўзидаёқ AVO bank тўртта нуфузли мукофотни қўлга киритди
💛Инновациялар учун мукофот
Компания Ўзбекистондаги рақамли банкингни ривожлантиришга қўшган ҳиссаси учун махсус мукофотга сазовор бўлди.
🥇See Beyond лойиҳаси учун олтин
Лойиҳа кўзи ожиз болаларни ҳар томонлама қўллаб-қувватлашга ёрдам бергани учун ESG номинациясида тақдирланди.
🥈РR-кампания учун кумуш
See Beyond лойиҳасининг самарали РR-кампанияси учун кумуш совринга ҳам лойиқ деб топилди.
🥉Ташқи реклама учун бронза
«2024 йил рекламаси» танловида креатив ташқи реклама учун тақдирланди.
Ушбу ютуқлар AVO банкнинг хизматларни яхшилаш ва ижтимоий лойиҳаларни қўллаб-қувватлашга бўлган интилишидан далолат беради.
👉 @bankirkundaligi 👈
☑️Давлат улуши мавжуд банкларда коррупцияга оид ҳаракатлар тўғрисида хабар бериш учун мўлжалланган алоқа каналлари (Банк номи устига босинг):
▪️Агробанк
▪️Алоқабанк
▪️Асакабанк
▪️Бизнесни ривожлантириш банки
▪️Микрокредитбанк
▪️Туронбанк
▪️Халқ банки
▪️Ўзмиллийбанк
▪️Ўзбекистон саноат-қурилиш банки
Эслатиб ўтамиз: Қонунчиликда коррупцияга оид ҳуқуқбузарликлар тўғрисида хабар қилувчи шахслар ва уларнинг яқин қариндошлари давлат ҳимоясида эканлиги белгиланган.
☝🏻Агарда сиз коррупцияга дуч келсангиз Коорупцияга ыарши курашиш агентлигининг “Call-маркази” – 1253 ёки eanticor.uz электрон платформаси орқали мурожаат қилишингиз сўралади.
👉 @bankirkundaligi 👈
ҚИЗИҚ ЎХШАШЛИК
Бугун лавозимидан озод этилган Эркин Мухитдинов Мадорбекович Тошкент вилояти ҳокимига 1-ўринбосар бўлишдан олдин Оҳангарон тумани ҳокими эди. Оҳангаронга эса Республика идорасидан (Камбағалликни қисқартириш ва бандлик вазирлигидан) келган эди.
Абдурасул Абдуллаев Неъматович ҳам Тошкент вилояти ҳокимига 1-ўринбосар бўлишдан олдин Оҳангарон тумани ҳокими эди. Оҳангаронга эса Республика идорасидан ("Ўзбекчорванасл" агентлигидан) келган эди.
Эркин Мухитдинов Мадорбекович 2023 йил август ойида айнан Абдурасул Абдуллаев Неъматович ўрнига Оҳангарон туман ҳокими этиб тайинланган эди.
👉 @bankirkundaligi 👈
🏦 Бизнесни ривожлантириш банки ва Ямагата университети тадбиркорлар учун БЕПУЛ онлайн ўқув курсини тақдим этади
Муваффақиятли бизнес лойиҳаларини яратишни, бизнес стратегияларни ишлаб чиқиш ва япон бошқарув усулларини қўллашни ўрганинг.
Курс сизга қуйидаги имкониятларни таклиф қилади:
✅Бизнесни яратишнинг босқичма-босқич режаси;
🇯🇵Япон бошқарув усуллари;
🌎Курсдан сўнг халқаро сертификат!
👉 Ҳаволага ўтинг ва бугуноқ ўқишни бошланг!
👉 @bankirkundaligi 👈
БУГУН ЭРТА ТОШКЕНТ ВИЛОЯТИГА ТАШРИФ
Президент матбуот хизмати хабарига кўра,
- 14-15 октябрь кунлари Президент Шавкат Мирзиёев Тошкент вилоятида амалга оширилаётган бунёдкорлик ишлари ва саноат корхоналари фаолияти билан танишади. Шунингдек, иқтисодиётнинг турли тармоқларида объектларни ишга тушириш ва янгиларининг қурилишига старт бериш режалаштирилган.
👉 @bankirkundaligi 👈
АВТОРАҚАМЧИЛАРГА
Балки Авторақамларчиларга17 сентябр ўтиб кетганига 25 кундан ошганини айтармиз. Ёки, узр сўрашганига кўра, ўзларини шунчалик ҳам қаттиқ хафа қилиб қўйган ҳис қилишяптимикан.
Скриншот 2024 йил 13 октябр куни соат 14:30 да олинди.
👉 @bankirkundaligi 👈
#Бизга_ёзишмоқда (@bankirmanbot)
ДАМ ОЛИШ КУНИ ҲАМ МАЖЛИС
Сурхондарё вилояти Шеробод туманидан ёзяпман. Бизда ҳар куни шу аҳвол. Мажлисбозлик.
Туман ҳокими У.А. ҳар ҳафтада 3 марта мажлис қилади.
P.S.: Расмда бугунги юборилган хабарномадан кўринадики, мажлис солиқ тушумлари бўйича бўлмоқда.
Эслатиб ўтамиз, жорий йил 17 июл кунги йиғилишда Президентимиз масъул раҳбарларни мажлисвозлик ҳақида огоҳлантирган. Мажлис қилишга ҳақлари йўқлиги, ойлик маош олиб ишлаётган ходимларни иш вақтини олаётгани, мажлисвозликни йиғиштириш ҳақида қатъий топшириқ берган.
👉 @bankirkundaligi 👈
🏦 ОФБ ва Mastercard Дубайга икки кишилик саёҳат ютиб олиш мумкин бўлган акцияни эълон қилди
Акция бош соврини — икки киши учун Дубайга 7 кунлик саёҳат бўлиб, бундан ташқари, ҳар 15 кунда 250 АҚШ доллари миқдорида оралиқ пул совринлари ўйналади.
Иштирок этиш шартлари қуйидагича:
▪️ Ориент Финанс Банк томонидан чиқарилган Mastercard картасини эгаси бўлиш ёки акция давомида картани очиш;
▪️ 10 АҚШ доллари ва ундан юқори суммага транзакцияни амалга ошириш (терминал ёки онлайн орқали товар ва хизматлар учун тўлов).
🗓 Акция муддати: 2024 йил 1 октябрдан 15 декабргача
👉 @bankirkundaligi 👈
Марказий банк тижорат банклари билан биргаликда туман (шаҳар) ҳокимлари билан тўғридан-тўғри мулоқот ўтказмоқда экан.
👉 @bankirkundaligi 👈
#Бизга_ёзишмоқда (@bankirmanbot)
Сирдарё вилояти Боёвут тумани Зиёкор маҳалласида яшайман, Х.И.Х. бўламан. Янгиер шаҳар Ипотека банк мижозиман. Пластик картам ҳам Ипотека банкники.
Янгиер шаҳар Агробанк банкоматидан 3 октябрь куни 900 минг сўм пул ечаётган эдим. Тўсатдан қўлимдан телефоним тушиб кетди. Телефон билан сал овора бўлиб қолибман, 30 секунд вақт ўтиб кетиб қолибди. Банкомат пулни қайтатиб олиб китиб кетди. Пулни ололмай қолдим.
Шу билан Ипотека банкка ҳам Агробанкка ҳам учрадим.
Ҳал қилиб беришмаяпти.
P.S.: Бир ҳафтадан буён... XXI аср фокс мокс тақдим этади. Банк мижоз учун мижоз ўзи учун. Яна бир нималар... Мурожаатчи шахсий маълумотлари банк расмийларига тақдим этилади. Марказий банкдан ҳам кимдир шуғулланмоқчи бўлса, марҳамат.
👉 @bankirkundaligi 👈
БАНК ҲИСОБВАРАҒИ ОЧИШДА ОРТИҚЧА ҲУЖЖАТ ТАЛАБ ҚИЛИШ БАНК МАНСАБДОРИ ВА ХИЗМАТЧИСИГА ЖАРИМА СОЛИШГА САБАБ БЎЛАДИ
Ўзбекистон Республикасининг "Маъмурий жавобгарлик тўғрисида"ги кодексига кўра,
☑️Тадбиркорлик субъектларидан қонунчиликда назарда тутилмаган статистика, молия, солиқ ҳисоботини ва бошқа ҳисоботни, шунингдек ўзга ҳужжатларни, шу жумладан банк ҳисобварағини очишда ортиқча ҳужжатларни талаб қилиб олиш, худди шунингдек қонунчиликда назарда тутилган ҳисоботни тақдим этишнинг белгиланган муддатлари ва тартибига зид равишда талаб қилиб олиш, —
▪️мансабдор шахслар ва хизматчиларга базавий ҳисоблаш миқдорининг йигирма бараваридан қирқ бараваригача миқдорда жарима солишга сабаб бўлади (Бугунги кунда 15 млн сўмгача).
☑️Худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса, —
▪️мансабдор шахслар ва хизматчиларга базавий ҳисоблаш миқдорининг қирқ бараваридан олтмиш бараваригача миқдорда жарима солишга сабаб бўлади (Бугунги кунда 22,5 млн сўмгача).
👉 @bankirkundaligi 👈
⚡️МАВСУМИЙ ПАХТА ТЕРИМИДА ҚОНУН БУЗИЛИШИ ҲОЛАТЛАРИГА ЙЎЛ ҚЎЙМАНГ
Камбағалликни қисқартириш ва бандлик вазирлиги хабарига кўра,
- Теримчилар муаммоли вазиятларга дуч келсангиз, меҳнат ҳуқуқларингиз бузилаётган бўлса ҳудудингиздаги Бандликка кўмаклашиш бўлимлари ёки 1282 - қисқа рақами ҳамда @munosibmehnat_bot телеграм боти орқали Давлат меҳнат инспекциясига мурожаат қилишингиз мумкин.
👉 @bankirkundaligi 👈
"UzCharmExpo-EurAsia 2024": Тошкентда чарм саноатининг йирик учрашуви
🗓 15-16-17-октабр кунлари “Ўзекспомарказ” Осиё ва Европа чарм-поябзал саноати марказига айланади.
🔹 “Ўзчармсаноат” уюшмаси томонидан Ўзбекистон Савдо-саноат палатаси ва Халқ банки кўмагида ташкил этилаётган 3 кунлик халқаро кўргазмада соҳада қитъаларнинг етакчи вакиллари ҳамда брендлари ўз маҳсулотлари, жаҳон чарм саноатидаги инновацияларни намойиш этади.
Асосий йўналишлар:
🔺 Чарм
🔺 Поябзал
🔺 Атторлик буюмлари
🔺 Маҳаллийлаштирилган маҳсулотлар
🔺 Жун ва мўйна маҳсулотлари
Батафсил.
👉 @bankirkundaligi 👈
🛒 Katta va barakali xaridlar sizni kutmoqda!
Yangilangan Opencard ilovasi orqali uydan turib, 2 daqiqa ichida 75 million so'mgacha limit oling!
- Boshlang'ich to'lovsiz;
- Keng hamkorlar tarmog'i;
- Tezkor rasmiylashtirish.
📲Ilovamizni yuklab oling:
App Store | Google Play
📞71-200-15-45
Ҳафталик дайжест.
Банк тизими ҳафталик (23 сентябр - 6 октябр) янгиликлари.
☑️Бизнесни ривожлантириш банки тизимида коррупцияга оид ҳуқуқбузарлик ҳолатига дуч келсангиз @BRB_Antikor_bot орқали мурожаат қилишни сўради.
☑️Асакабанк Kia K5 автомобили учун автокредит таклиф этди. Бошланғич тўлов 25%, муддати 4 йил.
☑️Ўзсаноатқурилишбанк "Сармоя" омонатини таклиф этди. Фоизи 7%, муддати 18 ой, минимал миқдори 500$.
☑️Микрокредитбанк Полша банклар уюшмаси билан NDA шартномасини имўолашга келишганини маълум қилди.
☑️Ориент финанс банк қуёш панеллар учун 100 млн сўмгача кредит таклиф этди. Фоизи 19,5%, муддати 60 ой.
☑️Универсалбанк ўзини ўзи банд қилганлар шахслар учун йиллик 36% ставкада "Бизнесга биринчи қадам - Люкс" кредитини таклиф этди. Муддати 36 ойгача, миқдори 100 млн сўмгача.
☑️Пойтахт банк "Ahbor-Reyting" агентлиги томонидан UZB++ кредит рейтингини олганини маълум қилди.
☑️Гарант банк "Орзу" автокредитини таклиф этди. Фоизи 28%дан бошланади, миқдори 300 млн сўмгача, муддати 36 ойгача.
☑️Халқбанки водий вилоятлари тадбиркорлари учун бўрдоқичилик йўналишида кредит таклиф этди. Муддати 18 ойгача, фоизи сўмда 18,5%, АҚШ долларида 6,5%. Миқдори 100 мингдан 500 минг АҚШ долларигача. Банк шунингдек, ўзининг ташкил топган санасини нишонлади. Батафсил.
☑️Инфинбанк юридик шахслар учун Malibu, Traverse ва Equinox автомобиллари учун автокредит таклиф этди. Кредит фоизи 5%дан бошлаб, муддати 3 йилгача. Бошланғич бадал 50%.
☑️Ипотека-банк талабалар учун учтаси бирда карта таклиф этди. Ушбу картада тўловларни амалга ошириш билан бирга, АТТО транспорт картаси ва Student-ID картаси сифатида фойдаланиш мумкин. Карта 3 йил муддатга бепул тақдим этилади.
☑️Ўзмиллийбанк мобил иловасида банкнинг ойлик маошли мижозларига 50 млн сўмгача микроқарз таклиф этди. Фоизи 26%, муддати 36 ойгача.
☑️Ипак йўли банки смартфон орқали (Android 8.0 ва ундан юқори версияли NFC funksiyasiga ega har qanday smartfonn).
☑️TBC Bank Group халқаро бизнеси раҳбари “Finovate Global”га интервью берди. Батафсил.
☑️Агробанк Global Green Growth Institute (GGGI) билан ҳамкорликда ишлаб чиқилган илк Яшил молиялаштириш консециясини (GFF) тақдим этганини маълум қилди.
☑️Азия аллианс банк ипотека кредит таклиф этди. Фоизи 17,5%, муддати 240 ойгача. Миқдори Тошкент шаҳрида 420 млн сўмгача, бошқа ҳудудларда 330 млн сўмгача.
☑️Smartbank иловасида Агробанк ва Агро Финанс Лизингдаги қарздорликни тўлаш имконияти яратилганини маълум қилди. Шунингдек, октябр ойидан бошлаб фоизсиз ўтказмалар учун янги тарифлар жорий этди.
☑️Ҳаёт банк бизнес учун 3 млрд сўмгача мақсадсиз кредит таклиф этди. Муддати 36 ойгача, имтиёзли давр 3 ойгача.
☑️Янги банк барча банклар орасида кредитни энг тез расмийлаштиришини маълум қилди. Сўровдан то картага пул тушгунича атиги 3 дақиқа вақт кетаркан.
☑️Тенге банк ЯТТлар учун 300 млн сўмгача гаровсиз онлайн-кредит тақдим этди. Фоизи 29,9%дан, муддати 18 ойгача.
☑️Туронбанк бирламчи ва иккиламчи бозордан уй-жой сотиб олиш учун ипотека кредит таклиф этди. Фоизи 25%, муддати 10 йил, бошланғич тўлов 26%.
☑️Трастбанк устоз мураббийларни байрам билан табриклаб, автокредит ва 100 млн сўмгача микроқарз (Муддати 60 ойгача, фоизи 26%дан бошлаб) таклиф этди.
☑️Қуйидаги банклар ишга таклиф этди:
▪️Капиталбанк;
▪️Ипак йўли банки;
▪️Бизнесни ривожлантириш банки.
☑️Ҳафта давомида энг кўп ўқилган пост.
☑️Бирламчи ва иккиламчи ипотека кредитлар шартлари 👉Мана бу ерда.👈
☑️Қуёш панеллар учун кредитлар шартлари 👉Мана бу ерда.👈
☑️Субсидиялар ҳақида асосий саволларга жавобларни👉мана шу ерда👈 ўқишингиз мумкин.
Хабарлар қисқа кўринишда тақдим этилди. Батафсил банкнинг ижтимоий саҳифаси ёки колл-марказидан олишингиз мумкин.
👉 @bankirkundaligi 👈
🏦 Асакабанк томонидан банкдаги мавжуд бўш иш ўринларини эълон қилиб борувчи махсус канал очилди
Ушбу Телеграм-канал орқали банк тизимидаги янги ваканcиялар ҳақида биринчи бўлиб хабардор бўлиш, шунингдек, Асакабанк ходимлари ва уларнинг муваффақиятлари билан танишиш мумкин.
Мамлакатнинг етакчи банкларидан бирида ўз карьерангизни бошлаш ва муҳим янгиланишларни қўлдан бой бермаслик учун каналга обуна бўлинг!
📨 Телеграм канал манзили: @careerasakabank
👉 Маълумот учун, Асакабанк томонидан банкдаги вакансиялар ва уларга тўғридан-тўғри резюме юбориш мумкин бўлган «КАРЬЕРА» портали ҳам ишлаб чиқилган. Ушбу карьера портал орқали банкда мавжуд вакансиялар буйича батафсил маълумотларни олиш ва резюмеларни жўнатиш имконияти мавжуд.
🌐 Портал манзили: career.asakabank.uz
👉 @bankirkundaligi 👈
ЎҚУВЧИЛАРДАН ҲАЙДОВЧИЛАРГА МУРОЖААТ
Йўлларда болаларни кўрганда тезликни пасайтиринг.
(Ёдда сақланг, қарорга кўра, тегишли йўл белгилари ўрнатилган мактаб ва мактабгача таълим ташкилотларига етмасдан ва ўтиб кетиб 300 метрдан кам масофада соатига 30 километрдан оширмасдан ҳаракатланишга рухсат этилади)
Яна бошқа масала.
Кунлар совиб, қисқариб қолди. Мактаб тугагунча, кеч кириб қолмоқда. Кечки пайт, қоронғу тушган вақтларда йўл бўйларида автомашиналарга қўл кўтариб турган ўқувчиларга кўзимиз тушади.
☝🏻Жамоат транспорти ҳайдовчилари ҳар доим ҳам ўқувчиларни олишни хушламайди. Шахсий транспорти мавжуд бўлмаган ёки ота-онаси ишда бўлган оилалар фарзандлари бўлган мактаб ўқувчиларининг мактабдан уйига етиб келиши бир масалага айланиб қолади.
▪️Жамоат транспорти ҳайдовчилари транспорт воситангизда бўш жойингиз камроқ бўлса ҳам йўл четида ўқувчиларни олишдан эринманг, ёмонларга рўпара бўлишмасин;
▪️Мактаблардаги дарс жадваллари вақтларини ҳам куннинг кеч киришига қараб, қайта тақсимлаб кўришса, мақсадга мувофиқ бўларди;
▪️Шахсий автомашинангизда йўлда кетаётганингизда таниш оилалар фарзандлари учраб қолса, ортга қайтиб уларни олишда ўзингизда куч топинг.
✔️Постни кўпроқ фойдали бўлиши учун, ўзингизда мавжуд группаларга тарқатиб қўйинг. Сиз туфайли қайсидир йўл четида турган ўқувчи уйига эртароқ келсин.
👉 @bankirkundaligi 👈
⚡️ТОШКЕНТ ВИЛОЯТИ ҲОКИМИНИНГ 2 ТА 1-ЎРИНБОСАРИ ЛАВОЗИМЛАРИДАН ОЗОД ЭТИЛДИ
Тошкент вилоят ҳокимининг қишлоқ хўжалиги бўйича биринчи ўринбосари Б.Алимбеков Тошкент вилояти қишлоқ хўжалигидаги имкониятлардан фойдалана олмагани, тайёр қилиб берилган тизимни ишлата олмагани учун лавозимидан озод этилди.
Фаолиятидаги камчиликлар ва соҳадаги ишлар қониқарсиз олиб борилаётгани учун вилоят ҳокимининг биринчи ўринбосари Э.Мухитдинов лавозимидан озод этилди.
👉 @bankirkundaligi 👈
Ҳафталик дайжест.
Банк тизими ҳафталик (7 - 13 октябр) янгиликлари.
☑️Марказий банк фирибгарлик ҳолатларининг олдини олиш учун кредит ташкилотлари томонидан онлайн кредит ажратилишига доир жорий этилаётган вақтинчалик тартиб юзасидан шарҳ берди. Батафсил.
☑️Асакабанк микроқарз таклиф этди. Миқдори мобил иловада 50 млн сўмгача, БХМларда 100 млн сўмгача, муддати 4 йилгача.
☑️Ўзсаноатқурилишбанк “ESG Business” журналининг 2 та мукофотига сазовор бўлганини маълум қилди.
☑️Микрокредитбанк 100 млн сўмгача микроқарз таклиф этди. Муддати 5 йил, фоизи 27%.
☑️Ориент финанс банк ва Mastercard Дубайга икки кишилик саёҳат ютиб олиш мумкин бўлган акцияни эълон қилди. Акция бош соврини — икки киши учун Дубайга 7 кунлик саёҳат. Батафсил.
☑️Пойтахт банк ва “Халқаро Нордик университети” ўртасида ҳамкорлик Меморандуми имзоланганини маълум қилди.
☑️Халқбанки тадбиркорларга қуёш панеллари ўрнатиш ва сотиб олиш учун 5 млрд сўмгача "Яшил энергия" кредитини таклиф этди. Муддати 60 ой, фоизи Марказий банк асосий ставкаси +7% (20,5%). Имтиёзли давр 12 ой.
☑️Инфинбанк Malibu, Traverse ва Equinox автомобиллари учун йиллик 5,99 фоизли автокредит таклиф этди. Муддати 2 йил. Бошланғич тўлов автомобил нархининг 50%и.
☑️Ипотека-банк тезкор скор-тестдан ўтиб, ипотека кредитларини олиш бўйича ўз имкониятингизни билиб олишни таклиф этди. Бунинг учун my.ipotekabank.uz веб-сайтини ишга туширди.
☑️Ўзмиллийбанк ПҚ-312-сонли қарор бўйича Кичик бизнес учун кредит таклиф этди. Миқдори 300 млн сўмгача. 100 млн сўм қисми (Жамғарма ҳисобидан) фоизи 18,5-24%, муддати 7 йилгача. 200 млн сўмгача қисми (Банк маблағи ҳисобидан) фоизи 24%, муддати 5 йилгача.
☑️TBC Bank юз миллион сўмгача кредитни ҳеч қандай кафил ёки ортиқча ҳужжат сўрамай, бир дақиқа ичида жавоб бериши маълум қилди. Батафсил.
☑️Агробанк доимий даромадга эга жисмоний шахслар учун ҳар қандай ҳаражатлар учун 100 млн сўмгача микроқарз таклиф этди. 2 йил муддатга йиллик 32%, 3 йил муддатга 33%, 4 йил муддатга 34%.
☑️Азия аллианс банк қайта тикланувчи манбалар учун истеъмол кредит таклиф этди. Фоизи 19,5%, муддати 60 ойгача, имтиёзли давр 6 ойгача.
☑️Тенге банк ЯТТларга янги ускуна ёки технология харид қилиш учун гаровсиз онлайн-кредит таклиф этди.
☑️Туронбанк "Капитал" муддатли омонатини таклиф этди. Фоизи 21%, муддати 18 ой, бошланғич бадал 500 минг сўм. Исталган пайт омонатни тўлдириш мумкин. Ҳар ой ҳисобланган фоизлар асосий маблағга қўшилиб боради.
☑️Трастбанк банкка бормасдан, “Trastpay” иловаси орқали банк картасини очишни таклиф этди.
☑️Капиталбанк сўм Visa картаси орқали 10 млн сўмгача нақд пулни Капиталбанк банкоматлари орқали комиссиясиз ечиб олишни таклиф этди.
☑️AVO bank 45 кунгача имтиёзли давр билан AVO plarinum картаасини таклиф этди. Кредит лимити ҳар ойда янгиланади.
☑️Hamkorbank 50 млн сўмгача онлайн микроқарз таклиф этди. Фоизи 32%.
☑️Давр Банк микроқарз таклиф этди. Миқдори 50 млн сўмгача, муддати 60 ойгача, фоизи 23.99% дан бўшланади.
☑️Анорбанк бизнесни ривожлантириш, хом ашё сотиб олиш, инновацияларни жорий этиш ёки бошқа муҳим лойиҳаларни амалга ошириш учун факторинг хизматини таклиф этди. Батафсил.
☑️Қуйидаги банклар ишга таклиф этди:
▪️Пойтахт банк;
▪️Ўзмиллийбанк;
▪️Капиталбанк;
▪️Анорбанк;
▪️Гарант банк.
☑️Ҳафта давомида энг кўп ўқилган пост.
☑️Бирламчи ва иккиламчи ипотека кредитлар шартлари 👉Мана бу ерда.👈
☑️Қуёш панеллар учун кредитлар шартлари 👉Мана бу ерда.👈
☑️Субсидиялар ҳақида асосий саволларга жавобларни👉мана шу ерда👈 ўқишингиз мумкин.
Хабарлар қисқа кўринишда тақдим этилди. Батафсил банкнинг ижтимоий саҳифаси ёки колл-марказидан олишингиз мумкин.
👉 @bankirkundaligi 👈
TBC Bank куннинг исталган вақтида сизга юз миллион сўмгача пул қарзга бериб тура олади. Бунинг учун банк иловасини ўрнатиб у ердан кредит бўлимига ўтиш етарли. Энг муҳими, ҳеч қандай кафил ёки ортиқча ҳужжат сўралмайди. Кредит учун сўровингизга бир дақиқа ичида жавоб оласиз. Агар жавоб ижобий чиқса, банк белгилаб берган миқдор ичидан ўзингизга керакли қисмини танлайсиз.
TBC Bank таклиф қилаётган бу онлайн кредит ўзининг қулайлиги билан қолган банклар билан бемалол рақобат қила олади. Айниқса дам олиш кунлари ҳам ишлаши унинг асосий устунлигини таъминлаб бермоқда кредит бозорида.
Банк иловасини бу ердан юклаб олинг ва ўзингиз буни текшириб кўринг.
👉 @bankirkundaligi 👈
↗️🇺🇿Biz Network, Global Expo va Bankir Kundaligi sizni "Banks & Business Expo" xalqaro bank forumiga taklif qilishdan sharafdor.
📆15-17 oktabr kunlari “O‘zko‘rgazmamarkaz”da zamonaviy bank faoliyatiga bag‘ishlangan “Banks&Business Expo 2024” – Toshkent biznes kuzining eng muhim bank tadbiri bo‘lib o‘tadi.
🎤Davlat o'rganlari rahbarlari, banklar va xalqaro moliya institutlari vakillari ishtirokidagi panel muhokamalari dolzarb mavzularga bag‘ishlangan:
✅Xususiylashtirish va banklarga investitsiyalarni jalb qilish;
✅Raqamli transformatsiya va FinTech;
✅Yangi bank vositalari va biznes imkoniyatlari;
✅Sun'iy intellekt
✅Xodimlarni tayyorlash va malakasini oshirish
Ishtirok etishga BEPUL, albatta roʻyxatdan oʻting⬇️
https://forms.gle/ZS4QNU7TAFq2aKfg9
🕕09:00-18:00
📍UzExpoCenter, 4-pavilon
👉 @bankirkundaligi 👈
АВТОКРЕДИТГА ХАРИД ҚИЛИНГАН АВТОМАШИНАНИ ГАРОВГА ҚЎЙМАЙ, СОТИБ ЮБОРИШ ЖАВОБГАРЛИККА САБАБ БЎЛАДИ
Бош прокуратура ҳузуридаги Департаментнинг Миробод тумани бўлими томонидан ўтказилган терговга қадар текширувда фуқаролар С.В. У.Д. ва А.И. ўзаро тил бириктириб тижорат банки филиалидан А.И.га автотранспорт воситасини сотиб олиш учун ажратилган кредит маблағи эвазига харид қилинган “Lixiang L9 Max” русумли автотранспорт воситасини гаровга тақдим этмасдан бошқа бир фуқаро А.З.га сотиб юборишиб, банк манфаатларига 587,4 млн сўм зарар етказганликлари аниқланган.
Мазкур ҳолатлар юзасидан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
👉 @bankirkundaligi 👈
UZEX акциялари: дивидендлар олиш имконияти
Ўзбекистон республика товар-хомашё биржаси (UZEX) "Xalqсhil IPO" доирасида маблағларни фойдали жойлаштиришни таклиф қилади. Харид қилинган ҳар бир акция 4 та қўшимча акция олиш имконини беради, бу эса сизнинг сармоянгизни оширади.
Биржа ҳар йили фойданинг камида 50% дивидендлар тўлашга йўналтиради. 15 йил давомида бир дона акция учун дивиденд миқдори 43,8 сўмдан 2600 сўмгача ошган.
Акциялар сони чекланган, таклиф 2024 йил 28 октябргача амал қилади.
Акцияларни ipo.e-auksion.uz ёки GoInvest иловаси орқали харид қилиш мумкин.
Батафсил: www.xalqchilipo.uz
Мурожаат учун контактлар:
☎️+998555110202.
👨💻@kapdepo_support.
Xalqсhil IPO расмий саҳифалари:
Telegram |xalqchilipo">YouTube |Instagram | Facebook
МУРОЖААТ ҲАЛ ЭТИЛДИ
Ассалому алайкум барчага. Мен куни кеча банкоматдаги ололмай қолинган пул масаласида Банкир кундалиги админига мурожаат қилган эдим.
Масала ижобий ҳал бўлди. Бу ерда Ипотека банк ҳодимларини ва маъмуриятини ҳам қолаверса, Агробанк ҳодимларини ҳам айби йўқ. Фақат тизим турли хил бўлганлиги туфайли озгина тушунмовчилик бўлиб ўтибди. Ипотека банк, Агробанк ходимлари ва жамоасига ҳам тўлиқ маъмуриятига ҳам ҳеч қандай эътирозим йўқ. Ўртадаги тушунмовчиликлар бўлган бўлса, узр сўрайман.
Марказий банк, Ипотека банк ва Агробанк ходимлари қолаверса, Банкир кундалиги админларига ҳам каттакон рахмат, ишларингга омад. Аллоҳ топганларингни баракасини берсин. Ҳаммаларингни ишларингга омад!
Сизларга алоҳида каттакон рахмат.
👉 @bankirkundaligi 👈
МАРКАЗИЙ БАНККА ЯНГИ РАИС ЎРИНБОСАРИ ТАЙИНЛАНДИ
Ўзбекистон Республикаси Президентининг фармони билан Олимов Аброр Мирзо Муҳаммадқосимович Ўзбекистон Республикаси Марказий банки раисининг ўринбосари этиб тайинланди.
Унинг зиммасига халқаро ҳамкорлик, валютани тартибга солиш, халқаро заҳираларни бошқариш, қимматбаҳо металларни сақлаш ва улар билан ишлаш, молия-иқтисодни юритиш, амалиёт фаолиятига раҳбарлик вазифалари юклатилган. Шунингдек, у Республика Валюта биржаси ишини мувофиқлаштиради.
Шу кунгача А.Олимов Марказий банкнинг Валютани тартибга солиш ва тўлов баланси департаменти директори лавозимида ишлаб келган.
А.Олимов 1988 йилда туғилган. 2010 йилда Жаҳон иқтисодиёти ва дипломатия университетининг бакалавр, 2012 йилда магистратура босқичини тамомлаган. 2020 йилда Хитотсубаши университетининг (Япония) магистратура босқичини тамомлаган.
У банк тизимида 10 йиллик иш тажрибасига эга.
👉 @bankirkundaligi 👈
ANORBANK'дан факторинг
Бизнесингизни ривожлантириш, хомашё сотиб олиш, инновацияларни жорий этиш ёки бошқа муҳим лойиҳаларни амалга ошириш учун тез молиялаштириш усулини излаяпсизми? ANORBANK сизга қулай шартларда факторинг хизматини таклиф этади:
• Молиялаштириш миқдори — 300 млн сўмгача;
• Факторинг шартномаси муддати:
- Миллий валютада — 90 кунгача;
- Хорижий валютада — 180 кунгача.
• Факторинг бўйича дисконт миқдори:
- Миллий валютада — 10%;
- Хорижий валютада — 7 фоиз%.
ANORBANK'дан факторинг ёрдамида бизнесингиз мижозлардан пул тушишини кутмай, тезда айланма маблағларга эга бўлиши мумкин.
Батафсил маълумот учун 1290 рақамига мурожаат қилинг.
Telegram
Энергетика вазирлигининг қуёш панеллари ўрнатишга мажбурлаш борасида фикрлашга қанчалик ваколати бор?
Энергетика вазирлиги Ахборот хизматига кўра,
Жорий йил 7 октябрдан кунининг иккинчи қисмидан бошлаб, 8 октябр соат 20:30 га қадар 31 та қўнғироқ қуёш панели ўрнатишга мажбурланаётганини айтган фуқаролардан тушган. ... Вазирлик ходимлари уларнинг мурожаатларини ўрганиб, қуёш панели ўрнатмагани учун электр энергиясидан узиб қўйилган тадбиркорларнинг электр энергиясини улатиб берди.
Икки кун мобайнида Тошкент шаҳрининг Сергели, Яшнобод, Юнусобод ҳамда Бектемир туманлари, Сирдарё вилоятининг Боёвут, Сурхондарё вилоятининг Бандихон, Фарғона вилоятининг Бувайда, Тошкент вилоятининг Қуйи Чирчиқ туманларидаги бир қатор тадбиркорлар электр энергиясига қайта уланди (Яъни ҳақиқатан қуёш панели ўрнатмагани учун узилган!).
Вазирлик 9 октябрдан бошлаб мурожаатлар нафақат +99871-231-14-41 рақам орқали, балки +99871-231-16-61 (ички 7046, 7037 ва 7057) рақамлари орқали ҳам қабул қилинишини билдирди.
P.S.: Энди парадокс вазият ҳақида. Агар қуёшга панелга ўрнатишга ҳоким, Прокурор ёки Ички ишлар бўлими бошлиғи мажбурлаётган бўлса, вазирлик нимадир қила оладими, албатта йўқ. Бугун вазирлик электрни улаб берса, эртага бизнинг корчалонлар яна узиб қўяверади. Демоқчи бўлганимиз, вазирликнинг қуёш панелига мажбурлаш йўқ ёки мажбурланмайди дейилганда, "Вазирлик тизимида" деб қўшиб кетса тўғрироқ бўлар эди. Маҳаллий ижро ҳокимияти раҳбарларига вазирликнинг қанчалик гапи ўтади ёки йўқ, буни бир кунда бу борада 31 та мурожаат тушганидан англаш мумкин. Вазирлик тушаётган мурожаатларни қабул қилишда, ким томонидан мажбурлангани статистикасини юритиб бориб, уни жамоатчиликка очиқласа мақсадга мувофиқ бўлар эди.
Умуман вазирликнинг вазиятдан четда турмагани, мурожаатлар юзасидан очиқлигини эътироф этиш лозим.
Ҳурматли тадбиркорлар, сизнинг фаолиятингизда ҳам қуёш панели ўрнатмаганингиз учун электрни узиб қўйиш ҳолатлари юзага келса, мана шу постдаги рақамларга мурожаат қилинг.
👉 @bankirkundaligi 👈
Фирибгарлик ҳолатларининг олдини олиш учун кредит ташкилотлари томонидан онлайн кредит ажратилишига доир жорий этилаётган вақтинчалик тартиб юзасидан шарҳ
▪️Бугунги кунда фирибгарлар рақамли технологиялар воситасида ижтимоий муҳандислик усулларини қўллаган ҳолда фуқароларнинг номига тижорат банкларининг мобиль иловалари орқали онлайн кредитлар расмийлаштириш ҳамда банк картасига тушган кредит маблағларини P2P ўтказмалари орқали ноқонуний ўзлаштириш ҳолатлари кўпайиб бормоқда.
▪️Жорий йилнинг ўтган даври мобайнида фирибгарлик йўли билан фуқаролар номига онлайн кредит ажратиш орқали 463 та ҳолатда қарийб 15 млрд. сўм миқдорда моддий зарар етказилган.
▪️Ушбу турдаги фирибгарликларнинг олдини олиш мақсадида бир қатор ривожланган давлатларнинг тажрибаси ўрганиб чиқилди ва онлайн кредит ажратишда фирибгарлик ҳолатларининг олдини олиш учун Европа Иттифоқи, Австралия ва Россия Федерациясида 14 календар кунлик, АҚШда 3 календар кунлик, Канадада 2 календар кунлик “совиш” даври амалиёти мавжудлиги аниқланди.
▪️Шу муносабат билан Марказий банк кредит ташкилотлари томонидан жисмоний шахсларга онлайн кредит ажратиш жараёнида банк карталари билан боғлиқ шубҳали фрод операцияларининг олдини олишга қаратилган вақтинчалик тартибни жорий қилмоқда. Мазкур тартиб 2024 йилнинг 1 ноябридан 2025 йилнинг 1 апрелига қадар амал қилади.
▪️Унга кўра, эндиликда фуқаролар кредит ташкилотининг мобиль иловаси орқали кредит ажратиш бўйича ариза юбориш жараёнида биометрик идентификациядан ўтиши талаб этилади.
▪️Ушбу талабнинг ўрнатилиши кредит олиш бўйича ариза фуқаронинг шахсан ўзи томонидан берилганлигини аниқлаш ва унинг шахсига яна бир бор ойдинлик киритиш имконини беради.
▪️Вақтинчалик тартибга кўра, кредит ташкилотлари фуқаро кредит олиш учун ариза юборганидан кейин унинг кредит бюролари маълумотлар базасидаги кредит тарихини 2 босқичда (ариза тушгандан сўнг ҳамда кредит маблағлари ажратилишидан олдин) текширишдан (скоринг) ўтказади. Текширув натижасида мижознинг салбий кредит тарихи ёки қарз юки кескин ошгани аниқланса, қисқа давр ичида бир нечта кредит расмийлаштирилган ва қарз юки кескин ошган бўлса, кредит ажратиш рад этилиши ёки бошқа суммада ажратилиши тўғрисида хабар берилади.
▪️Бу эса, фирибгарлар алдовига учган фуқаролар номига бир нечта кредит ташкилотидан кредит маблағлари ажратилишининг олдини олади.
▪️Бундан ташқари, фуқаро кредит ташкилоти мобиль иловасидан янги рўйхатдан ўтиб ёки мавжуд аккаунтга бошқа қурилмадан кириб, биринчи марта онлайн кредит олганда, мазкур кредит ажратилганидан бошлаб 48 соат давомида кредит ҳисобидан P2P амалиётлар, жисмоний шахслар ҳисобварақлари ва электрон ҳамёнларга ўтказмалар, мобиль алоқа операторлари орқали телефон рақами ҳисобини тўлдириш, чет элга пул ўтказмалари ҳамда онлайн валюта айирбошлаш операцияларига чекловлар ўрнатилиши белгиланмоқда.
▪️Мазкур чекловларни ечиш учун мижоз 48 соат ичида кредит ташкилоти томонидан юборилган СМС-хабарда қайд этилган телефон рақамларига қўнғироқ қилиб, кредитни фирибгарлар таъсирисиз олганлигини маълум қилади, кредит ташкилоти ходими эса мижозга қайта боғланиб, берилган маълумотлар тўғрилигини текшириб, қўшимча тасдиқдан ўтказади.
☑️Юқорида қайд этилган чекловлар ажратилган кредит маблағларини фуқаро ўз ихтиёрига кўра нақдлаштиришига ёки товар ва хизматлар учун тўловларни амалга ошириш каби операцияларига таъсир кўрсатмайди ва бу операциялар ҳеч бир чекловларсиз амалга оширилиши мумкин.
☝🏻Кредит маблағлари фуқаронинг банк картасига ўтказилгандан кейин пул маблағлари сарфланмаган бўлса, 48 соат ичида кредит олишга ариза мижоз томонидан фирибгарлар таъсирида берилгани аниқланса ёки мижоз қўшимча тасдиқдан ўтишни амалга оширмаса, кредит шартномаси кредит ташкилоти томонидан бекор қилинади ва ажратилган пул маблағлари кредит ташкилоти ҳисобига қайтарилади.
👉 @bankirkundaligi 👈
⚡️БАНК-МОЛИЯ АКАДЕМИЯСИ: ХОТИН-ҚИЗЛАРГА КОНТРАКТ ТЎЛОВЛАРИ ДАВЛАТ БЮДЖЕТИ ҲИСОБИДАН ҚОПЛАБ БЕРИЛАДИ
Банк-молия академияси хабарига кўра, Вазирлар Маҳкамасининг 2022 йил 15 августдаги 447-сонли қарорига асосан Банк-молия академиясининг магистратура мутахассисликлари бўйича таҳсил олаётган хотин-қизлар учун контракт тўловлари белгиланган тартибда давлат бюджети ҳисобидан қоплаб берилади.
P.S.: Қарорда қоплаш белгиланган бўлса, бу нимаси деб ўйлаётган бўлсангиз керак. Ҳа, келаётган хабарларга кўра, академия ушбу хабаргача барча хотин-қизлардан тўлов контракт пулларини мустақил тўлаши ҳақида огоҳлантираётган эди. Сабаби тасдиқланган квотадаги ўринлардан сезиларли даражада кўп талабаларни ўқишга қабул қилиб олган эди. Ушбу хабарга кўра, академия мутасаддилари Иқтисодиёт ва Молия вазирлигидаги масъулларни тўлов-контрактларини тўлашга кўндирган кўринади. Нима бўлса ҳам магистратурада ўқиётган хотин-қизларни ушбу яхши хабар билан муборакбод этамиз.
👉 @bankirkundaligi 👈
Молиявий қийинчиликларга ечим: TBC Bank'нинг оптимал таклифи
Ҳаётда кутилмаган вазиятлар тез-тез учраб туради. Масалан, тўсатдан бирорта жиҳозни харид қилишингиз керак бўлиб қолди ёки уйингизда шошилинч таъмирлашга мажбур бўлиб қолдингиз. Бундай ҳолатларда кўпинча яқинларимиздан ёрдам сўрашга мажбур бўламиз.
TBC Bank эса бу каби муаммоларга осон ечим таклиф этмоқда. Энди сиз учун ҳафта куни ёки иш соатларини аҳамияти йўқ. Смартфонингиздаги илова орқали атиги бир неча дақиқада керакли маблағни олишингиз мумкин.
100 миллион сўмгача бўлган миқдорни ортиқча ҳужжатлар ва кафилларсиз олиш имконияти мавжуд. Шунчаки TBC Bank иловасини юклаб олинг ва молиявий эркинликни ҳис этинг.
Энди сиз ҳаётнинг ҳар қандай кутилмаган бурилишларига тайёрсиз!
👉 @bankirkundaligi 👈
