66917
Банк-молия тизимидаги актуал канал. Бизда фақат долзарб масалалар ёритилади. Бошқа лойиҳаларимиз: @ishbank, @bank_xabar Тижорий ҳамкорлик масалалари: @arslonpr Мурожаат юбориш учун: @bankirmanbot
ДАФТАРДАГИЛАРГА ИМТИЁЗЛИ КРЕДИТ ОЛИШДА ҚАНДАЙ ЎЗГАРИШ БОР?
Қарордан келиб чиқиб, кредитлашга оид ўзгаришлар ҳақида...
«Темир дафтар», «Аёллар» дафтари, «Ёшлар дафтари» га киритилган фуқароларнинг кредит олиш юзасидан аризалари алоҳида навбат асосида кўриб чиқилади (Яъни, умумий навбатга қўшиб юборилмайди).
Бунда Дастурлар доирасида «Темир дафтар», «Аёллар дафтари», «Ёшлар дафтари»га киритилган фуқароларга ажратилган имтиёзли кредитлардан самарали фойдаланилиши ва ўз вақтида сўндирилиши юзасидан маҳаллага бириктирилган ҳоким ёрдамчиси, маҳалла раиси, ёшлар етакчиси, хотин-қизлар фаоли ва тижорат банклари билан биргаликда доимий мониторинг ва назорат тизимини ўрнатади (Яъни масъулият фақат ҳоким ёрдамчиси бўйнида қолиб кетмайди).
Эслатиб ўтамиз, ушбу кредитлар 14% ставкада ажратилади.
👉 @bankirkundaligi 👈
МИЖОЗ КРЕДИТ БЎЙИЧА МАЖБУРИЯТЛАРИНИ БАЖАРМАСА, БАНК ХОДИМИНИ ЖАВОБГАРЛИККА ТОРТИШ МУМКИН ЭМАС
Ўзбекистон Республикаси Президентининг 2012 йил 18 июлдаги «Ишбилармонлик муҳитини янада тубдан яхшилаш ва тадбиркорликка янада кенг эркинлик бериш чора-тадбирлари тўғрисида»ги ПФ-4455
Фармонининг 1-иловаси, 21-банд:
▪️Тадбиркорлик субъектларининг тижорат банклари олдидаги уларга кўрсатилган хизматлар, шу жумладан тадбиркорлик ва бошқа тижорат хатарлари билан боғлиқ берилган кредитлар бўйича шартнома мажбуриятларини бажармаганлиги банк-молия тузилмалари ходимларини жиноий жавобгарликка тортиш учун асос бўлмайди.
Ушбу масалага масъул этиб Бош Прокуратура, Олий суд ва Адлия Вазирлиги белгиланган.
👉 @bankirkundaligi 👈
Ҳафталик дайжест.
Банк тизими ҳафталик янгиликлари.
☑️Турон банк «Устувор» онлайн омонатини таклиф этди. Муддати 18 ой, фоизи 22%. Минимал миқдор бир миллион сўм. 500 минг сўмдан тўлдириш имконияти ҳам мавжуд.
☑️Микрокредитбанк «Маврид» иловасида 3 млн. сўмгача картадан картага ўтказмалар бепул эканини маълум қилди.
☑️Ипотека-банк:
▪️Тадбиркор аёллар учун махсус корпоратив карта бепул тақдим этилишини маълум қилди;
▪️Янги BYD автомобиллари учун автокредит таклиф этди. Фоизи 24%дан, дастлабки тўлов 20%дан, муддати 48 ойгача;
▪️Тадбиркорлик субъектлари учун (ишлаб чиқарилганига 3 йилдан ошмаган) иккиламчи бозордан сотиб олиш учун автокредит таклиф этди. Бошланғич тўлов 0%дан бошланади. Муддати 60 ойгача, фоизи 23,99%дан бошлаб.
☑️Қишлоққурилишбанк тадбиркорлик субъектлари учун уч хил турдаги «Муқобил энергия» кредитларини таклиф этди.
▪️Миқдори 200 млн. сўмгача, фоизи 21%, муддати 12 ойгача.
▪️Миқдори 500 млн. сўмгача, фоизи 23,9%, муддати 60 ойгача.
▪️Миқдори 300 млн. сўмгача, фоизи 21%, муддати 36 ойгача.
☑️TBC Bank 30 апрелгача 18 ёки 24ой муддатга депозит очган (омонат қўйган) мижозларга 2 фоиз кешбэк тақдим этишини маълум қилди. Омонат фоизи эса 24%⚡️.
☑️Универсалбанк UzAutoMotors автомобилларини сотиб олиш учун «Миллий» автокредитини таклиф этди. Фоиз ставкаси бошланғич тўлов 25%дан 40%гачани ташкил қилганда 18 ойгача муддатга 30%, 36 ойгача муддатга 32%. Бошланғич тўлов 40%дан кўпроқ бўлган ҳолатда 18 ойгача муддатга 28%, 36 ойгача муддатга 30%. Муддати 18-36 ой.
☑️Ўзмиллийбанк АҚШ долларида «Имконият 2.0» онлайн омонатини таклиф этди. Муддати 18 ой, минимал бадал 100$, фоизи 7%.
☑️Трастбанк 20 апрел куни "Next Mall" БХМ янги биносининг очилиш маросими бўлиб ўтди.
☑️Ўзсаноатқурилишбанк Юанда вакиллик ҳисобрақами очиш имконияти яратилганини маълум қилди. Хитой компаниялари билан ҳисоб-китобларни амалга ошириш учун яхши имконият. Тел.: 1180.
☑️Гарант банк «Имконият 2» омонатини таклиф этди. Муддати 13 ой, фоизи 6%, минимал миқдори 500$.
☑️Ипак йўли банк ўз-ўзини банд қилганлар учун иккиламчи бозорга автокредит таклиф этди. Миқдори 500 млн. сўмгача, фоизи йиллик 23,99%, бошланғич бадал 0% дан бошлаб. Муддати ишлаб чиқарилиш санасидан 3 йил ўтмаган автомобилга 60 ойгача, ишлаб чиқарилиш санасидан 5 йил ўтмаган автомобилга 48 ойгача.
☑️Азия аллианс банк «Авто ломбард» микроқарзини таклиф этди. Расмий иш ҳақи даромадларисиз тақдим этилади. Миқдори 50 млн. сўмгача, муддати 36 ойгача.
☑️Ziraat bank Uzbekistan 24 фоизли «Фойда 24» омонатини таклиф этди. Муддати 24 ой, минимал миқдор 3 млн. сўм. Шунингдек, банк мобил иловасида барча карталардан барча карталарга пул ўтказмалари бепул эканини маълум қилди.
☑️Ипотека-банк ишга таклиф этди.
☑️Ҳафта давомида энг кўп ўқилган пост (Рамазон ҳайити муносабати билан неча кун дам олиш тўғрисида).
☑️Ўтган ҳафтада юқори фоизли омонатлар ва автокредитлар шартлари рўйҳатини эълон қилдик.
Хабарлар қисқа кўринишда тақдим этилмоқда. Тўлиқ маълумотни банкнинг ижтимоий саҳифаси ёки колл-марказидан олишингиз мумкин.
👉 @bankirkundaligi 👈
ТАДБИРКОРЛАРГА ҲАМ 33 МЛН. СЎМГАЧА ГАРОВСИЗ, КАФИЛСИЗ ИМТИЁЗЛИ КРЕДИТ АЖРАТИЛАДИ
Қарордан келиб чиқиб, кредитлашга оид ўзгаришлар ҳақида...
☑️Жисмоний шахслар ҳамда белгиланган тартибда давлат рўйҳатидан ўтган кичик тадбиркорлик субъектларига 33 миллион сўмгача бўлган миқдорда кредит ажратилишида ҳоким ёрдамчисининг тавсияномаси асос ҳисобланади. Бунда тижорат банклари ўз маблағлари ҳисобидан кредитнинг қайтмаслик хатарини суғурталайди.
▪️Ҳоким ёрдамчисининг тавсиялари асосида белгиланган тартибда давлат рўйҳатидан ўтган кичик тадбиркорлик субъектларига учинчи шахс кафиллиги, суғурта полислари, кредит ҳисобига сотиб олинаётган мол-мулклар гарови, Тадбиркорлик фаолиятини қўллаб-қувватлаш давлат жамғармасининг кафиллиги ва қонунчилик ҳужжатлари доирасидаги бошқа таъминот турлари инобатга олинган ҳолда, 300 миллион сўмгача бўлган миқдорда имтиёзли кредит ажратилади.
☑️«Томорқа хизмати» МЧЖларга уруғлик ва кўчат, мотокультиватор ва минитрактор, инкубатор харид қилиш ҳамда айланма маблағ учун ажратиладиган гаровсиз кредитлар 3 йилгача муддатга паррандачилик (тухум йўналиши) ва бир ойлик озиқа учун йўналтирилиши мумкин. Бунда Фермер, деҳқон хўжаликлари ва томорқа ер эгаларини қўллаб-қувватлаш жамғармаси маблағлари «Томорқа хизмати» МЧЖларга бериладиган кредитлар бўйича гаров таъминоти сифатида қабул қилинади.
▪️Мазкур гаровсиз кредитларнинг қайтарилмаслик хавфи ташаббускор ҳисобидан кредит олишдан олдин суғурталанади, ташаббускор томонидан кредит эвазига олинган асосий воситаларга тижорат банки томонидан таъқиқ қўйилади.
Мазкур кредитлар 14% ставкада ажратилади.
👉 @bankirkundaligi 👈
⚡️ЧОРВАЧИЛИК УЧУН ИМТИЁЗЛИ КРЕДИТЛАР ҚАНДАЙ ТАРТИБДА АЖРАТИЛАДИ? ЖИСМОНИЙ ШАХСЛАРГА БЕРИЛАДИМИ?
⚡️Қарордан келиб чиқиб, кредитлашга оид бир қатор ўзгаришлар ҳам маълум қилинди.
▪️Чорвачиликни ривожлантириш йўналишидаги кредитлар аҳоли ва тадбиркорлик субъектларига камида 10 бошдан 50 бошгача четдан келтирилган ёки махаллийлаштирилган (наслчилик хўжаликларида етиштирилган) ва чорва ҳайвонларини идентификациялаш тизимида акс этган чорва молларини (қорамол, қўй, эчки) боқиш мақсадида ферма ташкил этиш учун ажратилади.
Яъни, чорва учун кредит олиш учун ферма ташкил этиш лозим. Яна эътибор беринг, қорамол ҳам, эчки ҳам, қўй ҳам чет элдан келтирилгани ёки наслчилик хўжаликларида етиштирилгани бўйича ҳужжати бўлиши керак.
▪️Ички туризмни ривожлантириш йўналишида айланма маблағларни тўлдиришга кредитлар 18 ой муддатгача ажратилади.
Эслатиб ўтамиз, ушбу кредитлар 14% ставкада ажратилади.
👉 @bankirkundaligi 👈
⚡️ИМТИЁЗЛИ КРЕДИТЛАР УСТУВОР РАВИШДА УШБУ КРЕДИТЛАРНИ АВВАЛ ОЛМАГАН АҲОЛИ ВА ТАДБИРКОРЛАРГА АЖРАТИЛАДИ. ФОИЗИ 14%.
Юқоридаги қарорга асосан:
☑️Оилавий тадбиркорликни ривожлантириш дастурлари доирасида аҳоли ва тадбиркорлик субъектларининг лойиҳаларини молиялаштириш учун жами 13 трлн. сўм йўналтирилади:
▪️кредитларни йиллик 14 фоиз ставкада ажратиш тартиби сақлаб қолинади;
▪️кредитлар устувор равишда дастурлар бўйича аввал кредитлардан фойдаланмаган аҳоли ва тадбиркорлик субъектларига ажратилади;
▪️дастурлар доирасида илгари олган кредитларидан самарали фойдаланиб, тадбиркорлигини йўлга қўйган ва кредит тўловларини ўз вақтида тўлаган кичик тадбиркорлик субъектларига ўз фаолиятини янада кенгайтириши учун мазкур кредитлардан такроран фойдаланишга рухсат этилади.
👉 @bankirkundaligi 👈
✨Энг яқин инсонимга.
◽️Рамазон ҳайити муборак бўлсин, тутган рўзаларингизни Аллоҳ қабул қилсин. Уйингиз файз-баракага тўлсин. Келгуси Рамазонда ҳам бир-биримизни мана шундай табриклаш насиб этсин.
▫️Сизга ва оилангизга соғлик тилайман. Она юртимиз тинч бўлсин!
👉 @bankirkundaligi 👈
ОЛТИ КУН ИШЛОВЧИЛАР УЧУН ҲАМ ҚЎШИМЧА ДАМ ОЛИШ КУНИ БЕЛГИЛАНДИ
Президентимизнинг Фармонига ўзгартириш киритилди.
☑️Фармон қуйидагича ўзгартирилди. 2023 йилда қуйидаги қўшимча дам олиш кунлари белгилансин:
▪️барча ходимлар учун (иш ҳафтасининг туридан қатъи назар): 2 январь – душанба, 24 апрель – душанба, 30 июнь – жума;
▪️олти кунлик иш ҳафтасида ишлайдиган ходимлар учун: 3 январь – сешанба, 20 март – душанба, 22 март – чоршанба, 22 апрель – шанба, 24 апрель – душанба, 1 июль – шанба, 2 сентябрь – шанба, 30 декабрь – шанба”.
Хуллас, ҳамма 4 кун маза қилиб дам олади (Айрим «ишчан»лардан ташқари).
Қайси кунлари нима сабабдан дам олиниши ҳақида 👉мана бу ерда👈 ўқинг.
👉 @bankirkundaligi 👈
⚡️⚡️РАСМАН: РАМАЗОН ҲАЙИТИ 2023 ЙИЛ 21 АПРЕЛ КУНИ НИШОНЛАНАДИ
Ўзбекистон мусулмонлари идораси Матбуот хизматига кўра, Ўзбекистон мусулмонлари идорасида Рамазон ойи ва ҳайитини аниқлаш учун тузилган Ишчи гуруҳи хориждаги нуфузли астрономия марказлари ва Ўзбекистон Республикаси Фанлар академияси қошидаги Астрономия институтидан олган маълумотларга кўра, 1444 ҳижрий йил Шаввол ойининг янги ой фазаси (ҳилоли) шу йил 20 апрел, пайшанба куни Тошкент вақти билан соат 09:12 да содир бўлган (туғилган).
▪️Ўзбекистон мусулмонлари идораси Уламолар Кенгаши ислом дини таълимотлари ва мазкур астраномик маълумотларга асосланган ҳолда диёримизда жорий йилда Рамазон ҳайити 2023 йил 21 апрел жума кунига тўғри келиши ҳақида қарор қабул қилди.
👉 @bankirkundaligi 👈
Muloqot imkoniyatlarini kengaytiring. Chunki "YANA" tariflarida cheksiz qo’ng’iroqlar, yana Telegram uchun trafik, yanada ko’proq internet va YouTube kiritilgan.
Reklama
FDG'dan Mega Aksiya tugashiga 7 kun qoldi.
❗️Eslatib o'tamiz, xonadon sotib olishni istaganlar uchun ikkita maxsus taklif mavjud.
1. FDG loyihalarida uy sotib olish uchun 20% gacha chegirmalar amal qilmoqda.
2. Ipotekaga o'tish bilan uyni muddatli to'lov asosida sotib olish dasturi mavjud va dastlabki to'lov atigi 20% ni tashkil qiladi.
Havola orqali murojaat qoldiring va biz sizga mos taklif va qulay oylik to'lovni tanlashda yordam beramiz.
📞 78 150 55 11
ЮҚОРИ ФОИЗЛИ ОМОНАТЛАР
Тижорат банкларининг жисмоний шахслар учун мўлжалланган молиявий хизматлари ҳақидаги ахборот портали маълумотлари асосида тайёрланди.
▪️Давр-банк
YORQIN (Мобил иловада очилади)
Фоиз ставкаси 24%
Энг кам миқдори 100 000 сўм
Муддати 25 ой
▪️Мадад Инвест Банк
"Мадад плус" (Банк офисида очилади)
Фоиз ставкаси 24%
Энг кам миқдори 1 000 000 сўм
Муддати 13 ой
▪️TBC Bank
Муддатли TBC Депозит (Мобил иловада очилади)
Фоиз ставкаси 24%
Энг кам миқдори 100 000 сўм
Муддати 24 ой
▪️Универсал банк
Yuksalish (Мобил иловада очилади)
Фоиз ставкаси 23%
Энг кам миқдори 500 000 сўм
Муддати 13 ой
▪️Ravnaq-bank
Mobile 23 (Мобил иловада очилади)
Фоиз ставкаси 23% гача
Энг кам миқдори 500 000 сўм
Муддати 36 ой
▪️ANOR BANK
SMART 3.0 (Мобил иловада очилади)
Фоиз ставкаси 23%
Энг кам миқдори 500 000 сўм
Муддати 24 ой
▪️Гарант банк
Нафосат (Банк офисида очилади)
Фоиз ставкаси 22%
Энг кам миқдори 100 000
Муддати 12 ой
▪️Ўзмиллийбанк
Жозибали (Ҳам банк офисида, ҳам мобил иловада очилади)
Фоиз ставкаси банк офисида очилса - 21%, молибл иловада очилса - 22%
Энг кам миқдори 500 000 сўм
Муддати 3 ой
▪️Ziraat Bank Uzbekistan
Foyda 22 (Банк офисида очилади)
Фоиз ставкаси 22%
Энг кам миқдори 3 000 000 сўм
Муддати 24 ой
▪️Алоқабанк
«Чорак аср онлайн» (Мобил иловада очилади)
Фоиз ставкаси 22%
Энг кам миқдори 50 000 сўм
Муддати 12 ой
▪️Hamkorbank
ISHONCH 22 (Мобил иловада очилади)
Фоиз ставкаси 22%
Энг кам миқдори 2 000 000 сўм
Муддати 13 oй
▪️Агробанк
Прогресс (Ҳам банк офисида, ҳам мобил иловада очилади)
Фоиз ставкаси 22-23%
Энг кам миқдори 500 000 сўм
Муддати 13 ой
▪️Ипотека-банк
Qulay (Мобил иловада очилади)
Фоиз ставкаси 22%
Энг кам миқдори 100 000 сўм
Муддати 24 ой
Омонатларни рўйҳатда кўринганидан бошқа шартлари билан танишиб, кейин омонатга маблағ киритинг.
Эслатиб ўтамиз, омонатдаги маблағларингиз давлат томонидан ҳимояланади, олган даромадларингиз солиқлардан озод қилинган.
Тижорат банклари омонатларидан кенг фойдаланишга чақирамиз. Қўлингиздаги жамғармангизни кичик сумма демасдан тижорат банкларига жойлайверинг.
Омонатларни танлашда нималарни ҳисобга олиш ҳақида 👉 шу ерда 👈 ўқинг.
👉 @bankirkundaligi 👈
⚡️БУГУНДАН «МЕНИНГ ЙЎЛИМ»ГА СТАРТ БЕРИЛДИ
«Очиқ бюджет» ахборот порталида «Менинг йўлим» лойиҳасининг жорий йилги мавсуми бошланди.
☑️Туман (шаҳар) бюджетларида ҳудудий ички йўлларни таъмирлаш учун режалаштирилган маблағларнинг камида 50% қисмини фуқаролар фикри асосида йўналтиришини таъминлаш мақсадида ташкил этилган «Менинг йўлим» лойиҳасининг жорий йилги мавсуми учун 312 млрд. сўмдан ортиқ маблағлар ажратирилиши белгилаган.
▪️Лойиҳа доирасида таклиф киритиш жараёни жорий йилнинг 27 апрел санасига қадар давом этади. Киритилган таклифлар учун овоз бериш жараёнлари 28 апрелдан 7 май кунига қадар ўтказилади.
👉 @bankirkundaligi 👈
Куни кеча қабул қилинган Ўзбекистон Республикаси Президентининг «2023 йилда бозор тамойилларига асосланган ипотека кредитлари орқали аҳолини уй-жой билан таъминлаш дастурини амалга ошириш чора-тадбирлари тўғрисида»ги Фармони ҳақида Марказий банк ходими тушунча берди.
☑️Янги фармонга кўра:
▪️энди норасмий даромадга эга бўлган аҳолига ҳам ипотека кредити ажратилади;
▪️дастлабки бадал миқдори ва ипотека кредитининг муддати ҳисобга олиниб, табақалаштирилган фоизлар ва бошқа имтиёзлар татбиқ этилади;
▪️Субсидия ажратишга доир аризалар қабул қилиш 2023 йил 1 майдан бошланиб, 2023 йил 1 декабргача давом этади.
👉 @bankirkundaligi 👈
⚡️Айтишларича, Андижон вилояти ҳокими Шуҳрат Абдураҳмоновнинг лавозимидан озод этилгани ҳақидаги хабарлар ҳақиқатга тўғри келмайди.
Андижон вилояти ҳокимлиги Матбуот хизмати эса жим. Бир оғиз чиқиб, ҳоким жойида ўтирибди деб ҳам қўймади.
👉 @bankirkundaligi 👈
Париждаги форумга пул кимнинг чўнтагидан кетди?
23 апрель куни Франнция пойтахти Париж шаҳрида "O‘zbekistonlik" форуми бўлиб ўтди. Ижтимоий тармоқларда мазкур тадбир жуда кўплаб муҳокамаларга сабаб бўлди. Энг кўп ўртага ташланган савол форумни ўтказиш учун қайси маблағ ишлатилгани ҳақида бўлди. Шу масалага ойдинлик киритиш мақсадида Bankir kundaligi тадбир ташкилотчиларига шу савол билан мурожаат қилди.
Ташкилотчиларнинг маълум қилишича, Париждаги форумни ўтказилишида Ucell алоқа оператори, Anorbank, Uzbekistan Airways, Pepsi ва Orient Group компаниялари ҳомийлик қилишган.
Бундан ташқари ҳомийлар ташкилий масалаларда ҳам кўмак беришган. Жумладан Ucell алоқа оператори форум иштирокчиларини Францияда доимий алоқа билан таъминлаш мақсадида роуминг хизмати ёқилган сим карталар билан таъминлаган. Anorbank томонидан евро, доллар ёки сўмда ҳам бир вақтда ишлаши мумкин бўлган ноёб универсал карталар тақдим этилган. Uzbekistan Airways компанияси тадбир иштирокчиларининнг Париж-Тошкент-Париж йўналиши бўйича барча авиачипталарини текинга тақдим этган Pepsi компанияси эса форум давомида ташкиллаштирилган ўзбек миллий таомлари кулинар шоусининг барча харажатларини ўз бўйнига олган.
Айтишларича, келгусида ташкиллаштириладиган форумларга бошқа йирик компаниялар ҳам ҳомийлик қилиш истагини билдиришган.
⚡️БУГУН ҲАМ ДАМ ОЛИШ КУНИ!
Эслатиб ўтамиз, Президентимизнинг Фармонига кўра, бугун ҳам барча учун дам олиш куни. Банклар ҳам ишламайди (Банклар дедик, банк ходимлари эмас).
Лекин, ўтказилган сўровномада иштирок этганларнинг 70 фоизи байрам ва дам олиш кунлари дам олишларига риоя қилинмаслигини маълум қилган. Шунингдек, бошқа сўровномада иштирок этганларнинг 29 фоизи шанба куни ишда эканини маълум қилган.
Бундай ҳолатларнинг олдини олиш учун масъул идора - Меҳнат инспекцияси агар истаса, ўз ваколати доирасида таъсирчан чора кўра олишини гувоҳи бўлганмиз. Ўйлаймизки, бундай ҳолатларни назоратга олишга ваколати ҳам масъулияти ҳам етади.
👉 @bankirkundaligi 👈
Дам олмоқдамисиз?
Жавоблар:
1. Ҳа, албатта, раҳмат.
2. Йўқ, ишдамиз.
3. Жавоб бера олмайман.
👉 @bankirkundaligi 👈
Rossiyaga – foyda bilan!
Faqat Rossiya Federatsiyasi hududiga uchib ketayotgan Ucell abonentlari uchun “MegaFon” operatoridan maxsus taklif – “Теплый приём” tarifi amal qiladi. Oyiga atigi 300 rubl evaziga Sizga quyidagilar taqdim etiladi:
• Rossiya bo‘ylab operator tarmog‘i mavjud hududlarda qo‘ng‘iroqlar uchun 700 daqiqa;
• 35 GB internet-trafik.
Taklif cheklangan. Batafsil: http://www.ucell.uz/3gt2
⚡️ИМТИЁЗЛИ КРЕДИТЛАРНИ ҚАЙТАРИЛИШИНИ ҲАР ОЙ ВИЛОЯТ ҲОКИМЛАРИ МУҲОКАМА ҚИЛАДИ, СЎНДИРИЛМАГАН МАБЛАҒЛАРГА МОС РАВИШДА РЕСУРСНИ КАМАЙТИРАДИ ВА ТУМАН ҲОКИМИНИНГ 1-ЎРИНБОСАРЛАРИ ДЕПУТАТЛАРГА ҲИСОБОТ ТОПШИРАДИ
☑️Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари:
▪️ваколатли банклар билан биргаликда ажратилган кредитларнинг уларни сўндириш графигига мувофиқ қайтарилишини ва муаммоли кредитларни ундириш борасида амалга оширилаётган ишларни ҳар ой якуни бўйича муҳокама қилиб, туманларда (шаҳарларда) кредитлаш прогнозлари сўндирилмасдан қолиб кетган маблағларга мос равишда камайтириб борилишини таъминлайди;
▪️туманлар (шаҳарлар) ҳокимларининг биринчи ўринбосарлари - Оилавий тадбиркорликни қўллаб-қувватлаш марказлари раҳбарларининг дастурлар ижросини, шу жумладан, ажратилган кредитлар самарадорлигини таъминлаш борасида амалга оширилаётган ишлар тўғрисида ҳар чорак якуни бўйича халқ депутатлари туманлар (шаҳарлар) Кенгашларида ҳисобот бериб боришини ташкил қилсин.
P.S.: Буни ўқиган вилоят ҳокимлари рўйҳатни кўтариб, уйма-уй юриб қолсами? Ё муҳокама қилиш топширилган деб, унга берилган қоғозларни муҳокама қилиб ўтиришлари ҳам мумкин. Ушбу йўналишда қайси вилоятда муаммоли кредит кўп бўлса, ўша вилоят ҳокими масаладан шунчалик узоқлигини кўрсатаверади.
👉 @bankirkundaligi 👈
⚡️ҲОКИМ ЁРДАМЧИЛАРИ КРЕДИТ БЎЙИЧА ТАВСИЯ БЕРИШИГА ҲОКИМИЯТ АРАЛАШМАЙДИГАН БЎЛДИ
Ўзбекистон Республикаси Вазирлар Маҳкамасининг «Оилавий тадбиркорликни ривожлантириш дастурлари доирасида кредитлар ажратишни такомиллаштириш ҳамда аҳолининг доимий даромад манбаларини кўпайтиришга доир қўшимча чора-тадбирлар тўғрисида»ги қарори (161-сон, 19.04.2023 й.) қабул қилинди
☑️Қарорга кўра, оилавий дастурлар бўйича кредитлар фоизи йиллик 14 фоиздан ошмайди:
▪️кредитлар устувор равишда дастурлар бўйича аввал кредитлардан фойдаланмаган аҳоли ва тадбиркорларга ажратилади;
▪️дастурлар доирасида илгари олган кредитларидан самарали фойдаланиб, тадбиркорлигини йўлга қўйган ва кредит тўловларини ўз вақтида тўлаган кичик тадбиркорларга ўз фаолиятини янада кенгайтириши учун мазкур кредитлардан такроран фойдаланишга рухсат этилади;
▪️ҳоким ёрдамчиларининг кредит ажратиш бўйича тавсия беришига маҳаллий ижро этувчи ҳокимият органлари раҳбарларининг аралашувига йўл қўйилмайди.
☑️Ҳоким ёрдамчисининг тавсиясига кўра, кредит суммасининг 10 миллион сўмгача бўлган қисми (ҳунармандлар учун 20 миллион сўмгача) банк карталарига ўтказиб берилади (Кредит олиш аризасини тўлдиришда буни кўрсатиб ўтиш лозим. Маблағлар картадан нақдлаштириб бўлмайдиган алоҳида картага ўтказиб берилади).
Ҳоким ёрдамчиси мижозларнинг банк картасига ўтказиб берилган маблағларнинг мақсадли йўналтирилишини таъминлаш мақсадида лойиҳа амалга оширилаётган ҳудудга бориб, ҳақиқатда маҳсулот олинганлигини доимий равишда ўтганиб боради.
Қарор тўлиқ ҳолатда.
👉 @bankirkundaligi 👈
⚡️☝️🏻Байрам (ишланмайдиган) кунлари ходимларни ишлатиш ман этилади
Ходимларни шу кунлари иш берувчининг фармойиши бўйича ишга жалб этишга фақатгина жамоа шартномасида, агар у тузилмаган бўлса, – иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишиб белгиланган асослар бўйича йўл қўйилади.
Ишлаб чиқариш-техника шароитлари ва бошқа шароитларга кўра ишни тўхтатиб туриш мумкин бўлмаган жойларда, аҳолига хизмат кўрсатиш зарурати бўлган ишларда, шунингдек кечиктириб бўлмайдиган таъмирлаш ва юк ортиш-тушириш ишларида байрам (ишланмайдиган) кунлари ишлашга йўл қўйилади.
❗️Дам олиш кунлари ва байрам кунларидаги ишлар учун камида икки ҳисса миқдорида ҳақ тўланади.
❗️Байрам (ишланмайдиган) кунлари арафасида кундалик иш (смена) муддати барча ходимлар учун камида бир соатга қисқартирилади.
➖➖➖➖➖➖➖➖➖➖➖➖➖➖➖АЙТИНГ-ЧИ, СИЗ ИШЛАЁТГАН ТАШКИЛОТДА ШУ ТАМОЙИЛЛАРГА АМАЛ ҚИЛИНАДИМИ?
1 － Ҳа, амал қилинади
2 － Йўқ, амал қилинмайди
3 － Жавоб бера олмайман
👉 @bankirkundaligi 👈
⚡️РАМАЗОН ҲАЙИТИДА НЕЧА КУН ДАМ ОЛАМИЗ?
Меҳнат кодексининг 208-моддасига кўра, Рўза ҳайит (Ийд ал-Фитр) диний байрамнинг биринчи (Эртага - 21 апрел) куни ишланмайдиган байрам куни ҳисобланади.
Бундан ташқари Президентимизнинг тегишли фармонига кўра, қуйидаги қўшимча дам олиш кунлари белгиланган:
☑️Олти кунлик иш ҳафтасида ишлайдиган ходимлар учун:
▪️21 апрел - Жума (Рамазон ҳайити байрами - дам олиш куни);
▪️22 апрел – шанба (иш куни - Қўшимча ўзгартириш киритилмаса);
▪️23 апрел - якшанба (Тақвим бўйича дам олиш куни);
▪️24 апрел – душанба (ушбу фармон бўйича).
☑️Беш кунлик иш ҳафтасида ишлайдиган ходимлар учун дам олиш кунлари қуйидаги тартибда белгиланган:
▪️21 апрел - Жума (Рамазон ҳайити байрами - дам олиш куни);
▪️22 апрел – шанба (Тақвим бўйича дам олиш куни);
▪️23 апрел - якшанба (Тақвим бўйича дам олиш куни);
▪️24 апрел – душанба (ушбу фармон бўйича 29 апрел – шанба кунидан кўчирилган, яъни 29 апрел куни ишлаб берасиз).
Шунингдек, Меҳнат кодексининг 187-моддасига кўра, эртага ишланмайдиган байрам куни деб эълон қилингани муносабати билан, Ҳар кунлик ишнинг давомийлиги барча ходимлар учун камида бир соатга қисқартирилади. Иш вақти якунланишидан бир соат олдин ишдан чиқиб кетишингиз мумкин (Духингиз етса).
👉 @bankirkundaligi 👈
АВТОКРЕДИТЛАР
(Бирламчи ва иккиламчи)
Бизнинг канал билан беғараз ҳамкорликда ишлаб, сўровимизга жавоб берган тижорат банкларида айни кунларда мавжуд автокредитлар рўйҳати. Маълумотлар тижорат банклари Бош офислари мутасаддиларидан олинган.
☑️Hamkorbank
Янги автомобил учун
Муддати 60 ойгача
Фоизи 26%
Бошланғич тўлов 20%
Батафсил
Иккиламчи бозор учун
Муддати 60 ойгача
Фоизи 26%
Бошланғич тўлов 20%
Батафсил
☑️Ўзсаноатқурилишбанк
Янги автомобил учун
Муддати 5 йилгача
Фоизи 20%дан
Бошланғич тўлов 10%дан
Батафсил
RENAULT, KIA вa LADA учун
Муддати 5 йилгача
Фоизи 3%дан бошлаб
Бошланғич тўлов 30%дан
Батафсил
☑️Агробанк
Янги автомобил учун
Муддати 60 ойгача
Фоизи 24% дан бошланади
Бошланғич тўлов 10%
Батафсил
Иккиламчи бозор учун
Муддати 60 ойгача
Фоизи 24% дан бошланади
Бошланғич тўлов 10%
Батафсил
☑️Микрокредитбанк
Янги автомобил учун
Муддати 60 ойгача
Фоизи 23,9% дан бошланади
Бошланғич тўлов 10-30%
Батафсил
Иккиламчи бозор учун
Муддати 60 ойгача
Фоизи 25% дан бошланади
Бошланғич тўлов 10-20%
Батафсил
☑️Трастбанк
Янги автомобил учун
Муддати 60 ойгача
Фоизи 22% дан бошлаб
Бошланғич тўлов 15% дан бошлаб
Батафсил
Иккиламчи бозор учун
Муддати 60 ойгача
Фоизи 24% дан бошлаб
Бошланғич тўлов 20% дан бошлаб
Батафсил
☑️Алоқабанк
Янги автомобил учун
Муддати 60 ойгача
Фоизи 24%
Бошланғич тўлов 10%
Иккиламчи бозор учун
Муддати 60 ойгача
Фоизи 24%
Бошланғич тўлов 15%
☑️Ипотека-банк
Янги автомобил учун
Муддати 60 ойгача
Фоизи 24%
Бошланғич тўлов камида 30%
Батафсил
Иккиламчи бозор учун
Муддати 60 ойгача
Фоизи 25%
Бошланғич тўлов 25%
Батафсил
☑️Халқ банки
Янги автомобил учун
Муддати 48 ойгача
Фоизи 23%
Бошланғич тўлов 20%
Батафсил
Рўйҳатда кўрсатилгандан бошқа шартлари билан танишиш учун тегишли банк остидаги «БАТАФСИЛ» деган сўзга босиб, банк сайтига кириб тўлиқ танишиб олинг.
Автокредит олиш учун қандай ҳужжатлар тайёрланиши ҳақида 👉 шу ерда 👈 ўқинг.
Юқори фоизли омонатлар ҳақида 👉мана бу ерда👈 тўхталганмиз.
Иккиламчи бозордан уй-жой харид қилиш учун ипотека кредитлари ҳақида 👉мана бу ерда👈 тўхталиб ўтганмиз.
👉 @bankirkundaligi 👈
⚡️Маъмурий жарималар 15 кун ичида тўланса, 50 фоиз чегирма қўлланилади
Маъмурий жарималарни тўлашда аҳолига қўшимча қулайликлар яратилиши муносабати билан Маъмурий жавобгарлик тўғрисидаги кодексга ўзгартиш киритиш бўйича Қонун (ЎРҚ–830-сон, 18.04.2023 й.) Президент томонидан имзоланди
☑️Кодекснинг 332-1-моддасига киритилган ўзгартишга кўра:
▪️Ҳуқуқбузар унга жарима солиш тўғрисидаги қарор топширилган кундан бошлаб 15 кун ичида жарима миқдорининг 50 фоизини ёки 30 кун ичида жарима миқдорининг 70 фоизини ихтиёрий равишда тўлаган тақдирда, у жариманинг қолган қисмини тўлашдан озод қилинади.
☑️Жарима солиш тўғрисидаги қарорни ижро этишнинг соддалаштирилган тартиби қуйидаги ҳолларда қўлланилмайди:
▪️Кодекснинг 131(Маст ҳолатда бошқариш), 132, 136 (мастлиги ёки маст эмаслигини аниқлаш учун текширувдан ўтишдан бўйин товлаши) ва 140-модда(Маст ҳолдаги ҳайдовчиларнинг ёки транспорт воситаларини бошқариш ҳуқуқи бўлмаган шахсларнинг транспорт воситаларини бошқаришига йўл қўйиш)ларида назарда тутилган ҳуқуқбузарликлар содир этилганда;
▪️жарима солиш тўғрисидаги қарор устидан шикоят қилинганда ёки протест билдирилганда;
▪️ҳудди шундай ҳуқуқбузарлик маъмурий жазо чораси қўлланилганидан кейин 1 йил давомида такрор содир этилганда.
Қонун 2023 йил 1 майдан эътиборан кучга киради.
👉 @bankirkundaligi 👈
⚡️БАЛИҚЧИЛИК ЛОЙИҲАЛАРИ УЧУН 50 МИЛЛИОН СЎМГАЧА ГАРОВСИЗ КРЕДИТ АЖРАТИЛАДИ
☑️Куни кеча, Прездентимиз қишлоқ хўжалиги тармоқларини қўллаб-қувватлашга қаратилган таклифлар тақдимоти билан танишди.
▪️Халқаро қишлоқ хўжалиги тараққиёти жамғармасининг грант маблағлари ҳисобидан ҳудудларда сут йиғиш марказлари ташкил этилади. Уларга камида 100 та аҳоли хонадони бириктирилиб, кооператив тизим йўлга қўйилади.
▪️Кластерлар томонидан 64 та чорвачилик комплекси барпо этилади. Жаҳон банкининг маблағлари жалб қилиниб, чорва молларини идентификация қилиш тадбирлари бошланади.
▪️Паррандачилик хўжаликларига озуқа ва айланма маблағлар учун Тикланиш ва тараққиёт жамғармасидан 35 миллион доллар йўналтирилади. Мазкур кредитлар самарадорлигини «Паррандасаноат» уюшмаси кузатиб боради. Наслли жўжалар импортини қўллаб-қувватлаш учун субсиядия миқдори оширилади.
Буларнинг натижасида парранда гўшти етиштириш ҳажмини йилига 800 минг тоннага етказиш мўлжалланмоқда.
▪️Балиқчиликда бундан буён табиий сув ҳавзаларини ижарага бериш онлайн аукцион орқали бўлади. Тармоқда 241 та, жумладан, креветкани саноат усулида етиштириш лойиҳаси амалга оширилади. «Ҳар бир оила – тадбиркор» давлат дастури доирасида балиқчилик лойиҳалари учун 50 миллион сўмгача гаровсиз кредитлар ажратилади.
Оилавий тадбиркорликни ривожлантиришга оид Президентимизнинг янги қарори ҳақида 👉мана бу ерда👈 тўхталиб ўтганмиз.
👉 @bankirkundaligi 👈
Ипотека-банк ёшларни банкнинг Контакт–марказга ишга таклиф этмоқда.
Банк тизимида фаолият юритиш истагида бўлган ҳамда рус ва ўзбек тилларида эркин гаплаша оладиган номзодлар ўз резюмеларини +99897033-30-61 телеграм рақами ва cv@ipotekabank.uz электрон манзилига жўнатишлари мумкин.
📍Иш жойи манзили: Тошкент вилояти, Нурафшон шаҳри.
👉 @bankirkundaligi 👈
Ҳафталик дайжест.
Банк тизими ҳафталик янгиликлари.
☑️Агробанк таъмирлаш ишлари (бошқа мақсадлар учун ҳам олса бўлади) учун 50 млн. сўмгача кредит карта таклиф этди. Эътибор беринг, картадан ишлатилган маблағ учун фоиз ҳисобланади, ишлатмай турган маблағингиз учун банк фоиз ҳисобламайди.
☑️Турон банк расмий даромадга эга бўлмаганлар учун автокредит таклиф этди. Бошланғич тўлов 36%дан, муддати 4 йилгача, фоизи 25%. Янги автомобил учун 600 млн. сўмгача, минилган автомобил учун 450 млн. сўмгача.
☑️Микрокредитбанк қуёш панеллари бўйича асосий саволларга жавоб тайёрлади. Нима учун керак, қандай фойдаланади, кредитни қандай олади, шартлари қандай каби саволларга жавоб тайёрлади. Ютубда.
☑️Ипотека-банк хорижий валютада «Универсал» омонатини таклиф этди. Муддати 13 ойга - фоизи 6%, 9 ойга - 5,25%, 3-6 ойга - 5%.
☑️Қишлоққурилишбанк такроран микроқарз таклиф этди. Миқдори 50 млн. сўмгача, фоизи 28%гача, муддати 2 йилгача.
☑️Асакабанк тадбиркорлар учун овердрафт кредитини таклиф қилди. Миқдори 2 млрд. сўмгача, фоизи 23,99%, муддати 12 ойгача.
☑️Ориент финанс банк янги уй-жойлар сотиб олиш учун ипотека кредит таклиф этди. Бошланғич тўлов 25% тўланганда кредит фоизи 24%, бошланғич тўлов 35% тўланганда эса кредит фоизи 22%, муддати 240 ой, миқдори 900 млн. сўмгача.
☑️Халқ банки:
▪️Фарзандлар 16 ёшга тўлгунча сақланувчи «Келажак» омонатини таклиф этди. Фоизи Марказий банк асосий ставкасида, энг кам миқдор 100 минг сўм;
▪️ Тадбиркорлик субъектларига айланма маблағларни тўлдириш учун кредит таклиф этди. Муддати 18 ойгача, фоизи 21% дан бошлаб, имтиёзли давр 6 ойгача;
▪️Чорвачилик билан шуғулланувчи тадбиркорларга хорижий линиялар ҳисобидан имтиёзли кредит таклиф этди. Фоизи 17%, муддати 10 йил, имтиёзли давр 3 йил, миқдори 1 млн. Еврогача (Сўм эквивалентида).
☑️Тенге банк юридик шахслар учун «Хуш келибсиз» акцияси ўтказилаётганини маълум қилди. 3 ой давомида кўплаб банк хизматларидан бепул фойдаланиш мумкин. Ва агар ҳисобингизда 100 млн. сўмдан ортиқ маблағ бўлса, банк 3% сизга қўшимча ўтказилади.
☑️TBC Bank ўтган ҳафтада ўзининг 3 ёшини нишонлади. Ушбу муносабат билан депозит очган мижозларига 3% кешбэк тақдим этишини маълум қилди. Банкда депозит 24%.
☑️Универсалбанк «Юксалиш» омонатини таклиф этди. Энг кам миқдори 500 минг сўм, фоизи 23%, муддати 13 ой. 500 минг сўмдан қўшимча маблағ киритиш мумкин.
☑️Ўзмиллийбанк қайта тикланувчи манбалар учун National Green кредитини таклиф этди. Миқдори 60 млн. сўмгача, муддати 60 ойгача, имтиёзли давр 3 ой. Фоизи иш ҳақи лойиҳаси иштирокчиларига 20%, бошқа мижозларга 22%.
☑️Трастбанк банкоматдан фойдаланганда заруратсиз ҳолларда қоғоз чекларни рад этишга чақирди. Чунки, қоғоз чекларни қайта ишлаш имконияти йўқ ва улар шунчаки чиқиндига айланади. Қоғоз чекларнинг кимёвий таркиби инсон соғлиғи учун зарарли ҳисобланади.
☑️Ўзсаноатқурилишбанк микроқарз миқдорини 50 млн. сўмгача, муддатини эса 4 йилгача узайтирганини маълум қилди. Фоизи 27,9 фоиздан бошлаб.
☑️Алоқабанк юридик шахслар ва тадбиркорларга қуёш панеллари учун кредит таклиф этди. Фоизи 21%, муддати 60 ой, имтиёзли давр 3 ой.
☑️Гарант банк Moody's Халқаро рейтинг компанияси томонидан, b2» рейтинг даражасининг «Барқарор» истиқболи билан тасдиқланди.
☑️Ziraat bank Uzbekistan ишга таклиф этди.
☑️Ҳафта давомида энг кўп ўқилган пост (Субсидияга ариза қабул қилиш қачондан бошланиши тўғрисида).
☑️Ўтган ҳафтада иккиламчи бозордан уй-жой харид қилиш учун ипотека-кредитлари шартлари рўйҳатини эълон қилдик. 👉Мана бу ерда.👈
Хабарлар қисқа кўринишда тақдим этилмоқда. Тўлиқ маълумотни банкнинг ижтимоий саҳифаси ёки колл-марказидан олишингиз мумкин.
👉 @bankirkundaligi 👈
РАСМИЙ МУНОСАБАТ БЕРИЛДИ
Андижон вилояти ҳокимлиги ахборот хизмати маълум қилишича, «инсон шаъни ва қадр-қиммати камситилишига олиб келувчи маълумотлар тарқатганлик ҳолати бўйича» прокуратура органларига шикоят аризаси юборилган.
Вилоят ҳокими ўз фаолиятини давом эттирмоқда. У бугунни ўзида вилоятнинг Пахтаобод ва Избоскан туманларида бўлиб, ижтимоий-иқтисодий йўналишларда олиб борилаётган ишлар билан танишмоқда.
👉 @bankirkundaligi 👈
Андижон вилояти ҳокими Шуҳрат Абдураҳмонов президент топшириғига асосан лавозимидан озод этилди. Бу ҳақда «Дарё» манбаси маълум қилди.
Унга кўра, барча вилоят раҳбарлари президент топшириғига биноан чақиртирилган, вилоят ҳокими гувоҳномаси олинган. Андижон вилоят ҳокими вазифасини бажарувчи этиб вилоят ҳокимининг биринчи ўринбосари, иқтисодий тараққиёт ва камбағалликни қисқартириш бошқармаси бошлиғи Дилшод Каримов Абдумаликович тайинланган.
Дилшод Каримов 1980 йилда Қўрғонтепа туманида туғилган бўлиб, 2005 йилда Андижон муҳандислик иқтисодиёт институтини, 2014 йилда Ўзбекистон Республикаси президенти ҳузуридаги Давлат бошқаруви академиясини тугатган.
Маълумот учун, Шуҳрат Қушақбаевич мамлакатида энг узоқ ишлаган ҳокимлардан бири ҳисобланади. У 2013 йилдан бери ишлаб келаётган эди. Лавозимидан озод этилиш сабаблари кўрсатилмаган, зудлик билан амалга оширилганига кўра, арзирли сабаблари бор.
👉 @bankirkundaligi 👈
