66917
Банк-молия тизимидаги актуал канал. Бизда фақат долзарб масалалар ёритилади. Бошқа лойиҳаларимиз: @ishbank, @bank_xabar Тижорий ҳамкорлик масалалари: @arslonpr Мурожаат юбориш учун: @bankirmanbot
Ипотека “ZER0%”: “Asakabank” АЖ ва NRG Uzbekistanдан янги маҳсулот
Бугун, 18 сентябр куни “Asakabank” акциядорлик жамияти ва NRG Uzbekistan қурилиш компанияси томонидан ҳамкорликда жорий қилинган янги Ипотека "ZER0%" маҳсулоти тақдимот маросими бўлиб ўтди.
Тадбирда “Asakabank” АЖ бошқарувчи директори (чакана бизнес) Бекзод Тангматов ва NRG Uzbekistan ташкилоти асосчиси Мурод Назаров иштирок этди.
Тантанали тадбирда икки ташкилот ўртасида ҳамкорлик шартномаси имзоланиб, унда Ипотека “ZER0%” маҳсулоти ҳақида батафсил маълумот берилди. Шунингдек, сўзга чиққанлар маҳсулотнинг афзалликлари ва 0% фоиз ставкаси билан кўчмас мулк сотиб олиш имкониятини алоҳида таъкидладилар.
♦️Ипотека "ZER0%" шартлари қуйидагича:
• Йиллик фоиз ставкаси - 0% дан
• Дастлабки тўлов - 25% дан
• Муддати - 10 йилгача
➖Расмий даромадга эга бўлмасдан ҳам ипотека расмийлаштириш имконияти мавжуд.
➖Қурилиш босқичида қўшимча гаровсиз
➖Ипотека миқдори сотиб олинаётган уй-жой нархидан келиб чиққан ҳолда ажратилади
Батафсил маълумот учун қуйидаги қисқа рақамларга мурожаат қилишингиз мумкин:
☎️Asakabank 1152;
☎️NRG Uzbekistan 1060.
Asakabank
«ТАШАББУСЛИ БЮДЖЕТ»НИНГ ҒОЛИБ ЛОЙИҲАЛАРИ ЭЪЛОН ҚИЛИНДИ
«Ташаббусли бюджет» лойиҳасининг 2023 йил 2 мавсуми якунланди. 2023 йил 17 июль соат 10:00 дан 16 сентябр соат 10:00 га қадар давом этган жараёнда мамлакатимиз бўйлаб «OpenBudget» портали орқали 33 489 та ташаббус учун 18 миллиондан ортиқ овоз берилди.
☑️Овоз бериш жараёни якунларига кўра, 1187 та лойиҳа ғолиб деб топилди!
Ғолиб бўлган лойиҳалар 👉рўйҳати.
Энди 1500 дан ёки 2000 дан ортиқ овоз тўплаган, лекин ғолиб бўлмаган лойиҳа ташаббускорлари янгиликни интизорлик билан кутиб туради.
👉 @bankirkundaligi 👈
⚡️Валюта операцияларига қўйилган янги чекловлар бекор қилинди
Марказий банкнинг 15 сентябрдаги қарори бекор қилинди. Бу ҳақда тижорат банкларига тегишли хатлар юборилган.
👉 @bankirkundaligi 👈
«ТАШАББУСЛИ БЮДЖЕТГА» СОАТ 10:00 ДА ОВОЗ БЕРИШ ТЎХТАТИЛАДИ
2023 йил 2 мавсум «Ташаббусли бюджет» жараёни доирасида ҳудудлар миқёсида овоз бериш жараёни якунланишига бугун 16 сентябр куни соат 10:00 га қадар давом этади.
Охирги кучларингизни ишга солинг.
👉 @bankirkundaligi 👈
Ucell mobil ilovasi foydalanuvchilari uchun yangi imkoniyatlar!
Siz so‘radingiz – biz bajardik!
Abonentlarning ko‘p sonli iltimoslariga binoan, Ucell bir nechta raqamni bitta ilovada boshqarish imkonini joriy etdi!
Endi bir nechta raqamlarning biridan boshqasiga o‘tish, hisob to‘ldirish uchun alohida ilova ishlatish, shuningdek, xizmatlarni boshqarish uchun boshqa resurslarga o‘tish zarurati yo‘q – raqamlarni shaxsiy kabinetning mobil versiyasiga qo‘shing va qulay boshqaruvdan zavqlaning!
Ilovani yuklab olish: ucell.uz/wv
ЎЗСАНОАТҚУРИЛИШБАНК МУНОСАБАТ БИЛДИРДИ
Жорий йилнинг 12 сентябр куни бизнинг каналда Ўзсаноатқурилишбанк Қўқон БХМ ходимлари қуёш панеллари ўрнатишга мажбурланаётгани ҳақида мурожаат чоп этилган эди.
Ушбу мурожаат Банк раҳбарияти томонидан ўрганиб чиқилди. Ўрганиш натижаларига кўра, ўзбошимчалик билан ходимларга юклатилган лавозим мажбуриятидан ташқари масалаларни талаб қилганлиги сабабли БХМ бошқарувчисига нисбатан «Ҳайфсан» интизомий чораси қўлланилди.
Бу каби ҳолатларнинг олдини олиш мақсадида барча ҳудудий тузилмалар масъуллари иштирокида тушунтириш ишлари ўтказилди.
Ҳолатни мурожаатчи ҳам қўйидагича изоҳлади:
Ҳа, хурсанд бўлдим қўллаб-қувватлаганлари учун кассирларни. Банкир кундалигига ҳурматим ошди. Раҳбарларим билан ҳам бу масалада анча суҳбатлашдик. Тушинтиришда қўполликка йўл қўйилгани, қуёш панелни ихтиёрий мажбурий эмаслиги, қолаверса кассирларга нисбатан ҳеч қандай тазйиққа йўл қўймасликларини айтишди.
Ўзсаноатқурилишбанк Раиси ва ўринбосарларига тезкор муаммомизга бефарқ бўлмасдан, ходимни ҳақ-ҳукукини, меҳнатини қадрлашгани мен учун 31 йил шу банкда бесамар умримни ўтказмаганимни тушуниб етдим. Ўзсаноатқурилишбанкда ишлаганимдан фахрланаман.
Банкир кундалигига омад, ҳамиша элни назарида бўлишларингни тилайман.
👉 @bankirkundaligi 👈
Moody's халқаро рейтинг агентлиги Асакабанкнинг узоқ муддатли рейтингини "В1" дан "Ва3"га оширди
Маҳаллий банк тизимининг асосий иштирокчиларидан бири ҳисобланган «Асакабанк» АЖ давлат томонидан амалга оширилган ислоҳотларга фаол иштирок этиб, молиявий институт сифатида Ўзбекистоннинг иқтисодий ривожланишига ўз ҳиссасини қўшиб келмоқда.
Moody's халқаро рейтинг агентлиги Асакабанк билан 2008 йилдан буён самарали ҳамкорликни йўлга қўйиб, банклар кредит рейтингларини йиллик қайта кўриб чиқиш доирасида Асакабанкнинг узоқ муддатли банк депозитлари рейтингини "В1" дан "Ва3" га ва базавий кредит рейтингини "В3" дан "В2" га ошириш ҳақида хулоса берди, бу эса ўз ўрнида “Асакабанк” АЖнинг инвестицион салоҳияти ошишига асосий омиллардан бири бўлиб хизмат қилади.
Мазкур рейтинг оширилиши банкнинг молиявий кўрсаткичларини доимий равишда яхшилаб борилиши, банк рентабеллигини ошириш, муаммоли кредитлар улушини камайтириш ва капиталнинг юқори етарлилик даражасини сақлаб туриш бўйича олиб борилаётган доимий саъй-ҳаракатларидан далолат беради, ҳамда Асакабанкнинг маҳаллий бозордаги ҳиссаси 10% дан ортиқ улушига тўғри келиши, банкнинг ички бозорда алоҳида мавқеига эгалигининг яққол мисолидир.
Маълумот ўрнида: Moody's халқаро миқёсда тан олинган рейтинг агентликларидан бири бўлиб, 1909 йилда АҚШда ташкил этилган. Агентлик йирик банклар, компаниялар, корпорацияларга кредит рейтингларини, шунингдек давлатларга суверен рейтингларни бериш билан шуғулланади.
👉 @bankirkundaligi 👈
#Бизга_ёзишмоқда (@bankirmanbot)
Сурхондарё, Шеробод.
Сурхондарё вилояти Шеробод тумани маҳалла ҳоким ёрдамчилари мажбурий опен бюджетга овоз йиғдирилмоқда. Ундан ташқари қуёш панели солиқ йиғишга ҳам мажбурланмоқда. Шеробод туман ҳокимлиги томонидан.
Ўзимизни маҳалла қолиб бошқа маҳалла учун овоз берасизлар дейишяпти.
Жадвалдан кўриниб турибдики ҳар бир МФЙга 22 тадан овоз тақсимлаб, топшириқ берилган.
Эслатиб ўтамиз, агар ҳолат тўғри бўлса, овоз йиғишга бюджет ташкилот ходимларини мажбурлаш таъқиқланади. Бу ҳақида 👉мана бу ерда👈тўхталиб ўтганмиз.
👉 @bankirkundaligi 👈
МУРОЖААТЛАР ТАҲЛИЛИ
▪️Жорий йил 8 сентябр куни мактаб ўқитувчилари Опенбюджетга мажбурланиб, ҳатто пул йиғилаётгани ҳақида устозлар мурожаати эълон қилинган эди. Ушбу ҳолатни Мактабгача ва мактаб таълими вазирлиги ҳам, Фарғона вилояти ҳокимлиги ҳам ўрганмади. Йўқ, ўрганмади десак тўғри бўлмайди. Ўрганди, лекин ҳақиқатни қандай изоҳлашга ҳижолат бўлишган кўринади. Чунки, мурожаатчининг хабар беришича, ўша мурожаатдан сўнг мактабга вилоят Мактабгача ва мактаб таълими бошлиғи ташриф буюрган. Ўқитувчилар билан суҳбатлашган ва ҳоказо. Лекин бизга ҳеч қандай изоҳ берилмади. Балки бу масалага ҳам Иқтисодиёт ва Молия вазирлиги муносабат билдирар.
▪️Жорий йилнинг 12 сентябр куни Қуёш панел ўрнатишга мажбурланаётган банк ходими мурожаати эълон қилинган эди. Ушбу мурожаатга Марказий банкнинг Фарғона вилоят Бош бошқармаси «Марказий банк Фарғона вилоят Бош бошқармаси томонидан Ўзсаноатқурилишбанкка қуёш панел ўрнатиш учун ҳеч қандай топшириқ берилмаганини ва банкнинг кредит сиёсатига аралашиш ваколатига эга эмаслигини, ҳолат юзасидан банк томонидан изоҳ берилишини» - маълум қилди (Қойил! Шунчаки қойил. Вилоят банк тизимидаги аҳвол ҳақида хабар берсангу, шундай изоҳ олсанг).
Ўзсаноатқурилишбанк ушбу масалада ҳали изоҳ бергани йўқ.
▪️Бугунги мурожаат юзасидан эса, Ипак йўли банк мутасаддилари ўзлари мурожаатчи билан боғланиб, масаласини ҳал этиб берибди. Бунга ҳам қойил.
Ҳурматли мутасаддилар учун эслатиб ўтамиз. Мурожаатлар - бу жойлардаги ҳолатлар, сизнинг ташкил этаётган ишларингиз натижаси. Мурожаатлар билан ишлаш эса сизнинг даражангиз, сизнинг савиянгиз, юзингиз.
Мурожаатларга бефарқ бўлманг.
👉 @bankirkundaligi 👈
#Бизга_ёзишмоқда (@bankirmanbot)
CALL CENTER ЖАВОБ БЕРМАЯПТИ
Ипак йўли банки билан умуман боғланиб бўлмайди, Call center га умуман 5 кетмадим, мени навбатим келганда ўчириб қўяди.
Илтимос амалий ёрдам беринглар.
👉 @bankirkundaligi 👈
ИЖОБИЙ ЭКОЛОГИК ЭКСПЕРТИЗА ХУЛОСАСИ ОЛМАГАНЛАРГА КРЕДИТЛАР БЕРИЛМАЙДИ
☑️Президент қарорига асосан 2023 йил 1 ноябрдан бошлаб:
▪️ижобий экологик экспертиза хулосасини олмаган объектларга нисбатан молиялаштириш, кредитлаш ва бошқа молия операцияларини тўхтатиб туриш механизми жорий этилади;
▪️экологик ҳуқуқбузарлик содир этганларга нисбатан зарарни қоплаш билан бир қаторда, зарар етказилган табиат объектини тиклаш ва унинг муайян муддат давомида муҳофаза қилинишини таъминлаш мажбурияти юклатилади.
👉 @bankirkundaligi 👈
Ўзбекистон Республикаси Президентининг «Ўзбекистон 2030» стратегияси тўғрисидаги Фармони тасдиқланди.
Сақлаб қўйинг.
👉 @bankirkundaligi 👈
Ҳафталик дайжест.
Банк тизими ҳафталик (4-10 сентябр) янгиликлари.
☑️Марказий банк тўлов ташкилотлари учун трансчегаравий пул ўтказмаларига доир ўрнатилаётган чекловлар юзасидан тарқатилаётган хабарлар бўйича изоҳ берди. Батафсил.
▪️Марказий банк хабарига тижорат банкларидан Ўзмиллийбанк, ЎзСҚБ, Асака банк, Халқ банк, Қишлоқ қурилиш банк, Ипак йўли банк, Универсал банк ва Равнақ банклар расмий телеграм саҳифаларида муносабат билдирди холос.
☑️Трастбанк ЯТТ ва юридик шахслар 30 сентябргача ҳисобварақ очса, 90 кун давомида пул ўтказиш ва интерактив хизматлардан бепул фойдаланиш мумкинлигини маълум қилди.
☑️Тенге банк Shake2Share орқали бепул пул ўтказмалари бўйича жорий акция ҳақида эслатди. Комиссиясиз P2P ўтказмаларини амалга ошириш учун қабул қилувчи билан бирга Тенге24 иловасига кириш ва телефонни силкитиш кифоя.
☑️Универсал банк уй-жойни таъмирлаш ва реконструкция қилиш учун истеъмол кредит таклиф этди. Муддати 36 ойгача, фоизи 32%, миқдори БҲМнинг 300 баробари. Уй-жой қарз олувчи номида бўлиши керак.
☑️Капиталбанк 1340 қисқа рақамини ишга туширди. Банк хизматлари бўйича маълумот олиш мумкин.
☑️Халқ банки расмий даромадсиз бирламчи бозордан хонадон сотиб олиш ва уй-жой қуриш ва реконструкцияси учун ипотека кредит таклиф этди. Муддати 20 йил, фоизи 17%дан бошлаб. Дастлабки тўлов 30%дан юқори тўланса, расмий даромад талаб этилмайди. Шунингдек, банк 9, 10, 16 ва 17 сентябр кунлари (дам олиш кунлари) таълим кредити учун ҳужжат қабул қилинишини маълум қилди.
☑️TBC Bank 15 сентябргача биринчи кредит олган мижозларга пулни икки баробар кўпайтириш бўйича акция эълон қилди. Агар 7 млн. сўм кредит олиб, акция ғолиби бўлсангиз, қўшимча 7 млн. сўм шунчаки совға сифатида тақдим этилади.
☑️Гарант банк «Бинго» валюта омонатини тақдим этди. Муддати 13 ой, фоизи 8%, миқдори 500$. Тел.: 1326.
☑️Агробанк 2023 йилда «Савдо ва таъминот занжирини молиялаш дастурининг фаол иштирокчиси» мукофотига лойиқ топилди. Батафсил.
☑️Туронбанк Exeed, BMW i3 - BYD - Monza - Zeekr - Honda E-NS1 - Geely ва бошқа бренд автомобиллар учун 0%ли муддатли тўлов ва 8%дан автокредит таклиф этди. Батафсил.
☑️Анорбанк интернетдаги фирибгарлар ҳақида огоҳлантирди. Банк ходимлари сизга картангиз маълумотларини сўраб телефон қилмайди.
☑️Ориент финанс банк BYD автомобиллари учун автокредит таклиф этди. Миқдори 600 млн. сўмгача, фоизи 21,9 фоиздан, муддати 60 ойгача.
☑️Ўзмиллийбанк Сбербанк онлайн орқали Milliy иловасига пул ўтказмаларини 24/7 режимда, қўшимча комиссияларсиз таклиф этди. 7 сентябр куни банк ташкил этилганининг 32 йиллигини нишонлади.
☑️Hamkorbank 3 йил муддатга, 32 фоиздан, 50 млн. сўмгача микроқарз таклиф этди. Шунингдек, ҳафтанинг шанба куни ҳам банк офисларида валюта айрибошлаш ва пул ўтказмалари фаолият юритишини маълум қилди (соат 09:00 дан 13:00 гача).
☑️Қишлоқ қурилиш банкда ўлчовли қуйма олтин ёмбилар ҳамда эсдалик тангалари сотилаётган БХОлар рўйҳатини эълон қилди: Беруний, Қўрғонтепа, Галаосиё, Яккабоғ, Учқўрғон, Поп, Самарқанд, Янгиер, Термиз, Жарқўрғон, Марғилон, Хива, Хоразм, Хонқа БХОлари. Қуйма олтин ёмбиларни барча сотиб олиши мумкин, шахсни тасдиқловчи ҳужжат талаб этилмайди.
☑️Асакабанк рақамли трансформация ҳолати рейтингида банклар ўртасида етакчи ўринни эгаллади. Батафсил.
☑️МКБанк Тошкент шаҳар бошқармаси янги бинода иш бошлаганини маълум қилди. Манзил, Тошкент шаҳри, Юнусобод тумани, Боғишамол кўчаси 110-уй.
☑️Давр банк билан ва иккиламчи бозордан уй олиш учун ипотека кредит таклиф этди. Миқдори 560 млн. сўмгача, муддати 5 йилгача, минимал бошланғич тўлов 20%.
☑️Ипак йўли банки индивидуал дизайнга эга карталарни таклиф этди. Йил охиригача 50 минг сўм (чегирма).
☑️Банклар ишга таклиф этди:
▪️Ипотека-банк;
▪️МКБанк.
☑️Ҳафта давомида энг кўп ўқилган пост (Хотин-қизларга таълим кредитлари фоизсиз ажратилиши тўғрисида).
☑️Субсидиялар ҳақида асосий саволларга жавобларни👉мана шу ерда👈 ўқишингиз мумкин.
Хабарлар қисқа кўринишда тақдим этилмоқда. Тўлиқ маълумотни банкнинг ижтимоий саҳифаси ёки колл-марказидан олишингиз мумкин.
👉 @bankirkundaligi 👈
ХОТИН-ҚИЗЛАРНИ ТАЪЛИМ КРЕДИТЛАРИ ФОИЗСИЗ АЖРАТИЛАДИ
☑️Ўзбекистон Республикаси Президентнинг «Олий, ўрта махсус ва профессионал таълим ташкилотларида хотин-қизларнинг таълим олишларини қўллаб-қувватлашга доир чора-тадбирлар тўғрисида»ги 2022 йил 18 июлдаги ПҚ-323-сонли қарорига кўра, тўлов-контрактда ўқиётган хотин-қизларга фоизсиз (0%) таълим кредити бериш тизими жорий этилган:
▪️Ўзбекистондаги барча олий таълим муассасалари талабаларига (давлат, хусусий ва хорижий ОТМларнинг Ўзбекистондаги филиаллари);
▪️Ўрта махсус ва профессионал таълим муассасалари ўқувчиларига (техникум, касб-ҳунар коллежи ва ҳ.к.).
☑️Қуйидаги таълим шаклига берилади:
▪️Кундузги;
▪️Сиртқи;
▪️Кечки.
☑️Қуйидагиларга берилмайди:
▪️супер-контракт;
▪️қўшма таълим;
▪️масофавий таълим;
▪️иккинчи мутахассислик;
▪️ординатура;
▪️хориждаги ОТМларга.
☑️Таълим кредитининг асосий қисми талабанинг расмий ўқиш муддати тугагандан сўнг еттинчи ойдан бошлаб 7 йил давомида қайтарилади.
☑️Ушбу таълим кредити оилавий аҳволидан қатъи назар барча хотин-қизларга берилади (фақат “Аёллар дафтари“га кирганларга, эҳтиёжманд оилаларга берилади, деган гап нотўғри).
▪️Таълим кредитини расмийлаштиришда ва унинг қайтарилишида талабанинг доимий даромад манбаига эга бўлган оила аъзолари ва бошқа учинчи шахс биргаликда қарз олувчи сифатида қатнашишига рухсат этилади.
▪️«Ижтимоий ҳимоя ягона реестри»га кирган оилаларнинг хотин-қизларига ажратиладиган таълим кредитлари учун гаров ва кафилликлар талаб этилмайди.
Айни кунда таълим кредитлари қайси банкларда ажратилаётгани ҳақида 👉мана бу ерда👈 тўхталиб ўтганмиз.
👉 @bankirkundaligi 👈
Ravnaq-bank Кузатув кенгаши таркиби янгиланди.
30 август куни “Ravnaq-bank” АЖ акциядорларининг навбатдан ташқари умумий йиғилиши бўлиб ўтди. Йиғилишда Кузатув кенгаши таркиби ўзгаргани эълон қилинди. Жумладан, С.З.Файзиев, Р.М.Камилджанов, Х.Х.Жумаев, У.А.Махмудов Кузатув кенгашидан чиқарилди.
Кузатув кенгаши янги таркиби қуйидагича тасдиқланди:
1. Муслимов Улугбек Шухратович
2. Закирова Тахмина Махмадтоировна
3. Шарипов Нажмиддинходжа Шухратович
4. Пулатов Шухрат Акмальевич
5. Ахраров Азиз Хамидуллаевич
Қайд этилишича, банк номи Octobank тарзида ўзгартирилиши бўйича ҳам қарор қабул қилинган.
Шунингдек, акциядорлар банкнинг қўшимча чиқариши мумкин бўлган акциялар миқдори 300 млрд сўмга кўпайтиришга келишиб олишди. Бу эса банкнинг мавжуд шакллантирилган 200 млрд сўм микдоридаги устав капитали 500 млрд сўмгача ошишини англатади.
Эслатиб ўтамиз, 10 август куни Искандар Турсунов “Ravnaq-bank” АЖдаги улушини 88,62 фоизга етказиб олган эди.
👉 @bankirkundaligi 👈
«Кичик бизнесни ривожлантиришни молиявий ва институционал қўллаб-қувватлаш чора-тадбирлари тўғрисида»ги Президент қарори (ПҚ–306-сон, 14.09.2023 й.).
2024 йил 1 январдан бошлаб, оилавий тадбиркорликни ривожлантириш дастурлари доирасида кредитлар 3 йилгача муддатга 6 ой имтиёзли давр билан йиллик Марказий банкнинг асосий ставкасидан 4 фоизлик пункт юқори ставкада ажратилиши белгиланди.
«Бизнесни ривожлантириш банки»нинг ҳам фаолияти аниқлаштирилди. У мазкур дастур учун таянч банк сифатида белгиланди.
👉 @bankirkundaligi 👈
⚡️⚡️ТАДБИРКОРЛИККА 7 ЙИЛ МУДДАТГА, 100 МЛН. СЎМГАЧА ГАРОВСИЗ КРЕДИТЛАР АЖРАТИЛАДИ
«Кичик бизнесни ривожлантиришни молиявий ва институционал қўллаб-қувватлаш чора-тадбирлари тўғрисида»ги Президент қарори (ПҚ–306-сон, 14.09.2023 й.) қабул қилинди
☑️Қарорга кўра, 2023 йил 1 октябрдан «Кичик бизнесни узлуксиз қўллаб-қувватлаш» комплекс дастури амалга оширилади.
☑️Қуйидагилар «Кичик бизнесга кўмаклашиш маркази» масъулияти чекланган жамиятларига онлайн ариза юбориш орқали Дастурда иштирок этиш ҳуқуқига эга бўлади:
▪️камида 1 йил мобайнида ишлаётган ЯТТ, деҳқон хўжаликлари, ўзини ўзи банд қилган шахслар, ҳунарманд, касаначи, НТТ, уч ва ундан ортиқ кишини доимий иш билан таъминлаётган кичик тадбиркорлик субъектлари;
▪️оилавий тадбиркорлик дастурлари доирасида ўз бизнес лойиҳаларини муваффақиятли амалга ошириб, ижобий кредит тарихига эга бўлган шахслар.
☑️2023 йил 1 октябрдан Дастурда иштирок этувчи кичик тадбиркорлик субъектларига, жумладан:
▪️фаолиятини йўлга қўйиш ёки кенгайтириш учун 2 йилгача имтиёзли давр билан 7 йилгача ҳамда айланма маблағлар учун револьвер тарзда 3 йилгача йиллик Марказий банк асосий ставкасидан 4 фоизлик юқори ставкада 1,5 миллиард сўмгача кредитлар ажратилади ва (ёки) асосий воситаларни сотиб олиш учун лизинг берилади.
☝️🏻Бунда, 100 миллион сўмгача кредитларни гаровсиз, 150 миллион сўмгача кредитларни гаров талаби 50 фоизгача пасайтирилган ҳолда ажратиш имконияти назарда тутилади;
▪️қиймати 1,5 миллиард сўмгача бўлган асосий воситалар 7 йилгача бўлиб-бўлиб тўлаш шарти билан қарзга берилади;
▪️инновацион ишланмаларни тижоратлаштириш, юқори технологик стартап лойиҳаларига давлат илмий дастурлари доирасида 2 миллиард сўмгача грант маблағлари ажратилади.
☝️🏻2024 йил 1 январдан оилавий тадбиркорликни ривожлантириш дастурлари доирасида кредитлар 3 йилгача муддатга 6 ойлик имтиёзли давр билан йиллик Марказий банкнинг асосий ставкасидан 4 фоизлик пункт юқори ставкада ажратилади.
☑️Қарор билан Иқтисодиёт ва молия вазирлиги тузилмасида Кичик ва ўрта бизнес ривожланишини таҳлил қилиш, қўллаб-қувватлаш ва соҳада давлат сиёсатини мувофиқлаштириш департаменти ташкил этилди.
👉 @bankirkundaligi 👈
ТЎХТАДИ
2023 йил 2 мавсум «Ташаббусли бюджет» жараёни доирасида ҳудудлар миқёсида овоз бериш жараёни якунланишига бугун 16 сентябр куни соат 10:00 да тўхтатилди.
👉 @bankirkundaligi 👈
Субсидия асосида уй олиб беришни ваъда қилган фирибгар ушланди
Бош прокуратура ҳузуридаги Департаментнинг Чирчиқ шаҳар бўлими томонидан ИИБ ходимлари ҳамкорликда ўтказилган тезкор тадбирда фуқаро Х.Т. фуқаро Д.У.га гўёки юқори лавозимда ишловчи таниши орқали субсидия асосида кўп қаватли уйлардан хонадон олиб бериши эвазига 1 300 АҚШ долларини олган вақтида ашёвий далилар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
☝️🏻Субсидия ажратиш тартиби ҳақида ўзингиз ўрганиб олинг. Агар қизиқ бўлса 👉мана бу ерда👈 ўқинг.
👉 @bankirkundaligi 👈
⚡️1-2 ОКТЯБР БАРЧА УЧУН ДАМ ОЛИШ КУНЛАРИ БЎЛАДИ
☑️Меҳнат кодексининг 208-моддасига кўра:
▪️Дам олиш куни ишланмайдиган байрам кунига тўғри келган тақдирда, дам олиш куни байрамдан кейинги иш кунига кўчирилади. Бунда ишлаб чиқариш-техник ва ташкилий шароитлар (мавжуд узлуксиз ишлаб чиқариш, аҳолига ҳар куни хизмат кўрсатиш, навбатчилик асосида ишлаш ва бошқалар) туфайли ишланмайдиган байрам кунлари тўхтатиб қўйиш мумкин бўлмаган ишларни бажаришда дам олиш кунлари кўчирилмайди.
☝️🏻Жорий йил 1 октябр — Ўқитувчи ва мураббийлар куни якшанба кунига тўғри келиши туфайли 2 октябр душанба куни ҳам барча ходимлар учун (юқоридаги истиснога тўғри келмайдиган) дам олиш куни бўлади.
☑️Кодекснинг 209-моддасига кўра:
Дам олиш кунларида ва ишланмайдиган байрам кунларида ишлаш тақиқланади, бундан ушбу Кодексда назарда тутилган ҳоллар мустасно.
👉 @bankirkundaligi 👈
ИПАК ЙЎЛИ БАНК МУНОСАБАТ БИЛДИРДИ
Жорий йил 13 сентябр куни Ipak Yo’li Banki да ташкил этилган Call center фаолиятига оид мурожаат эълон қилинган эди.
Ушбу мурожаатда кўрсатилган ҳолат тезкорлик билан банк мутасаддилари томонидан ҳал этилди. Бунга қўшимча равишда банк қуйидагиларни маълум қилди:
▪️Банк қўллаб-қувватлаш хизмати билан ҳафтада 7 кун/24 соат боғланиш мумкин.
▪️Муайян турдаги банк маҳсулоти билан боғлиқ савол бўлса, қисқа 1296 ёки 78 140-69-00 рақамлари орқали боғланиш мумкин.
▪️Бундан ташқари @ipaksupport телеграм-аккаунтда оператор билан боғланиб, тегишли маълумотларни олиш мумкин. Қолаверса, Ipak Yo’li Mobile иловасида ҳам куну-тун ишлайдиган чат мавжуд.
☝️🏻Тирбандлик ва навбатларда вақт ўтказишни истамайдиган мижозлар учун Банк сайтида ва Ipak Yo’li Mobile иловаси орқали филиалларда хизмат кўрсатиш учун маълум бир сана ва кунга электрон навбатга туриш мумкин.
👉 @bankirkundaligi 👈
⚡️⚡️АСОСИЙ СТАВКА ЎЗГАРМАДИ! 14%.
Марказий банк Бошқарувининг 2023 йил 14 сентябрда асосий ставкани йиллик 14 фоиз даражасида ўзгаришсиз қолдириш тўғрисидаги қарор қабул қилди.
Навбатдаги йиғилиш 2023 йил 26 октябрга белгиланган.
Пресс-релиз.
☝️🏻Одатда Марказий банк мазкур тадбир ҳақида бир кун олдин телеграм саҳифасида эълон берар эди. Биз ҳам одатда бир кун олдин обуначилар фикрини сўровнома орқали аниқлаштириб борар эдик. Бугун одатдагидан фарқли равишда эълон берилмади ва асосий ставка ўзгаришсиз қолдирилгани ҳақида хабар берилди.
👉 @bankirkundaligi 👈
ҚУЁШЛИ ХОНАДОН
2023 йил 1 апрелдан бошлаб, Республика ҳудудларида аҳоли хонадонларига кичик қувватли (умумий қуввати 50 кВт гача) қуёш панелларида ишлаб чиқарилган ва ўз истеъмолидан орттириб ягона электр энергетика тизимига узатилган энергия ҳажми ва тизимдан истеъмол қилинган электр энергияси ҳажми ўртасидаги ижобий тафовутнинг ҳар бир киловатт-соатига Давлат бюджетидан 1000 сўмдан субсидия ажратилади.
Эслатиб ўтамиз, айни кунда давлат сизга 1 кВтс электр энергиясини 295 сўмдан сотмоқда.
Қуёш панел ўрнатганларга қандай имтиёзлар берилиши ҳақида 👉мана бу ерда👈 ўқинг.
👉 @bankirkundaligi 👈
💰 O'z mablag'laringizni yirik kompaniyalar aksiyalariga va obligatsiyalariga investitsiya qilib, aksionerga aylaning va passiv daromad oling!
😊 Bunda sizga FREEDOM BROKER yordam beradi.
🤔 Qiziqmi?
💬 Telegram kanalizmizga a'zo bo'ling va foydali investitsiya qilish bo'yicha barcha savollaringizga oddiy tilda tushuntirilgan javoblarni toping.
ИНТИЗОМИЙ ЖАВОБГАРЛИККА ТОРТИЛГАН ХОДИМГА РАҒБАТЛАНТИРИШ БЕРИЛАДИМИ?
Меҳнат кодексининг 299-моддасига кўра, меҳнат учун рағбатлантириш масалалари кўрсатиб ўтилган.
Ишдаги ютуқлар учун ходимга нисбатан рағбатлантириш чоралари қўлланилиши мумкин. Рағбатлантириш турлари, уларни қўллаш тартиби жамоа келишувларида, жамоа шартномасида, ички меҳнат тартиби қоидалари ҳамда меҳнат тўғрисидаги бошқа ҳуқуқий ҳужжатларда ва меҳнат шартномасида белгиланади.
Ўзига нисбатан интизом ҳақидаги уставлар ва низомларнинг амал қилиши татбиқ этиладиган ходимларга нисбатан рағбатлантириш турлари, уларни қўллаш тартиби интизом тўғрисидаги тегишли уставлар ва низомларда белгиланади.
Ходимлар меҳнат соҳасида жамият ва давлат олдидаги алоҳида хизматлари учун давлат мукофотларига тақдим этилиши мумкин.
Иш ҳақи, мукофотлар, қўшимча тўловлар, устамалар ва меҳнатга ҳақ тўлаш тизимида назарда тутилган бошқа тўловлар рағбатлантириш турлари жумласига кирмайди. Интизомий жазонинг амал қилиш муддати ичида интизомий жавобгарликка тортилган ходимларга меҳнатга ҳақ тўлаш тизимида назарда тутилган мукофотларни тўлаш тўғрисидаги масала мукофотлаш ҳақидаги тегишли низомларда ҳал қилинади.
Интизомий жазонинг амал қилиш муддати ичида ходимга нисбатан рағбатлантириш чоралари, шу жумладан меҳнатга ҳақ тўлаш тизимига кирмайдиган ва меҳнат натижаларига асосланмаган мукофотлар ҳам (байрамлар, шу жумладан касб байрамлари, юбилейлар муносабати билан ва ҳоказолар) қўлланилмайди.
👉 @bankirkundaligi 👈
#Бизга_ёзишмоқда (@bankirmanbot)
БАНК ХОДИМЛАРИ ҲАМ ҚУЁШ ПАНЕЛИГА МАЖБУРЛАНМОҚДА
Ассалому алайкум. Мен қуёш панелларини қўйиш мажбурийми шу ҳакида сўрамокчидим.
Банк ходимиман.. Ўзсаноатқурилишбанк Қўқон филиали бошқарувчиси шанба 09.09.2023 йил куни эрталаб соат 08:00 банк биносида йиғилиш ўтказди. Йиғилишдан мақсад барча ходимлар қуёш панелларини уйига ёки тадбиркор топиб, кредит асосида сотиб олишга мажбурладилар.
P.S.: Топшириқдан кўриниб турибдики, банк ходимларига кредит асосида қуёш панеллари сотиб олиб, ўрнатишга мажбурланмоқда. Мажбурламасдан, рози-розилик билан ижро қилишни йўлини топса бўлмайдими?
Республика Ўзсаноатқурилишбанки ёки Марказий банк Фарғона вилоят Бош бошқармаси ҳолатни ўрганиб, изоҳ беришади деган умиддамиз.
👉 @bankirkundaligi 👈
ИҚТИСОДИЁТ ВА МОЛИЯ ВАЗИРЛИГИ АХБОРОТ ТИЗИМИ 24/7 РЕЖИМИДА ИШЛАШГА ЎТАДИ
Ўзбекистон Республикаси Иқтисодиёт ва молия вазирлиги ҳамда Марказий банк ўртасида Ягона ғазна ҳисобварағи орқали бюджет тўловларининг 24/7 режимида ишлаш тартиби жорий этилди.
☑️Бунда, тушумлар, солиқ даромадлари ва аҳоли томонидан амалга оширилган тўловларнинг келиб тушиши ва ҳаражатларнинг амалга оширилиши дам олиш ва байрам кунлари, тонг ёки тун бўлишидан қатъи назар 24/7 режимда онлайн таъминланади.
▪️Бу эса ўз навбатида, аҳоли томонидан тўланган тўловларни тегишли бюджет ташкилотларида ўз вақтида кўриш имкониятини яратади.
☝️🏻Мисол учун, шанба ёки банк иш куни соат 17:00 дан сўнг тўланган контракт тўловлари ҳам тегишли университет шахсий ғазна ҳисобварақларига кирим қилиниши таъминланади. Шу билан бирга, бюджет тўловлари ҳам шу тартибда амалга оширилади.
👉 @bankirkundaligi 👈
☑️Куни кеча бўлиб ўтган йиғилишда берилган топшириқлар:
▪️Бош вазир бошчилигида туну-кун ишлайдиган республика штаби тузилади. Жойларда ҳам вилоят ҳокимлари бошчилигида ҳудудий штаблар ташкил этилади.
☝🏻Штабда иқтисодиёт, инвестиция, солиқ, божхона, банк, энергетика, стандарт, кадастр вакиллари корхоналардан 24 соат давомида муаммоларини қабул қилиб, уларни тезкор ҳал қиладиган тизим бўлади.
▪️Ҳафта якунида ҳокимлар ва тармоқ раҳбарлари билан бирга барча масалалар Бош вазир ҳузурида муҳокама қилинади ва қолоқликларга йўл қўйган раҳбарларга чора кўрилади.
▪️Иқтисодиёт ва молия вазирлигига вилоят ҳокимлари билан бирга 232 та маҳаллий саноат корхонасида ишлаб чиқаришни ошириш, 210 та йирик саноат лойиҳасини тўлиқ ишга тушириш чораларини кўриш топширилди. Саноат зоналари ва йирик лойиҳаларнинг инфратузилма билан таъминланганлик ҳолатини ўрганиш ва бу ишлар учун ажратилган 1,2 триллион сўмни тўлиқ ишлатиш вазифаси қўйилди.
P.S.: Шу кунгача саноат масаласи билан ҳокимларнинг Инвестиция бўйича ўринбосарлари, Инвестиция бошқармаси ҳамда вилоят ҳокимларининг Маҳаллийлаштириш бўйича ёрдамчилари шуғулланиб келаётган эди.
Кечаги йиғилишда вилоят ҳокимларининг Маҳаллийлаштириш бўйича ёрдамчилари танқид қилинган ҳамда топшириқлар Иқтисодиёт ва Молия вазирлиги Ж.Қўчқоровга берилган. Маълумки, Бош вазир ўринбосари Ж.Қўчқоров топшириқларни ҳокимларнинг Иқтисодиёт ва тадбиркорлик масалалари бўйича 1-ўринбосарларига беради.
Яъни, ҳурматли жойлардаги ҳокимларнинг 1-ўринбосарлари ўзи ишингиз барча ўринбосарларнинг ишини қўшганда ҳам кам эмасди, энди бу ёғига белингизни маҳкам қилинг. Саноат масаласи, кечаги йиғилишдан маълум бўлиб турибдики, енгил масала эмас.
👉 @bankirkundaligi 👈
Контракт учун пул ишлаб топинг!
🇫🇮 Халқаро Нордик университети Финляндиядаги Карелия университети ва бошқа нуфузли ҳамкорлар билан ёзги иш ва саёҳат учун 300 ўринли "Work and travel" дастурини йўлга қўйди.
📥 Университетга ҳужжатлар қабули онлайн шаклда амалга оширилади.
Маълумот учун, айни пайтда 30 нафарга яқин талаба-ёшларимиз Финляндияга "Wоrk and travel" дастури орқали жўнаб кетдилар.
✅ Энг зўр имкониятлар Халқаро Нордик университетида:
➖12 та бакалавриат йўналиши;
➖6 та магистратура мутахассислиги;
➖4 та PhD дастури;
➖double degree дастури;
➖кундузги ва сиртқи таълим шакли;
➖давлат ва университет грантлари.
💰Университет эълон қилган 30% гача чегирма эгаси бўлинг!
📄 Абитуриентлар УЗБМБ (ДТМ) тестидан тўплаган балл асосида ҳам қабул қилинади!
🟢 Бакалавр
🟢 Магистратура
🟢 Ўқишни кўчириш
Қўшимча маълумот олиш учун:
📞 +998555084400
👤 Онлайн мурожаат: @nordikedu
Telegram | Instagram | YouTube| Facebook
САНОАТ КОРХОНАЛАРИНИ ОЛДИНДАН ХАБАРДОР ҚИЛМАСДАН ЭЛЕКТР ТАЪМИНОТИДАН УЗИЛМАЙДИ
Бугунги бўлиб ўтаётган йиғилишда Президент:
▪️(Саноат маҳсулотлари ишлаб чиқариш ҳажмини ошириш бўйича) вилоят ҳокимларининг маҳаллийлаштириш бўйича ёрдамчилари иши мутлақо сезилмаяпти. Уларда на таклиф, на ташаббус бор;
▪️Энергетика вазирлигига жойларда саноат корхоналарини олдиндан хабардор қилмасдан электр таъминотидан узиш амалиётига қатъий чек қўйишга топшириқ берилди.
👉 @bankirkundaligi 👈
