66917
Банк-молия тизимидаги актуал канал. Бизда фақат долзарб масалалар ёритилади. Бошқа лойиҳаларимиз: @ishbank, @bank_xabar Тижорий ҳамкорлик масалалари: @arslonpr Мурожаат юбориш учун: @bankirmanbot
Uch oyda yuklab olishlar soni bir millionga yetdi — AVO ga ishonganingiz uchun rahmat!
AVO bank mobil ilovasiga bildirilgan ishonch uchun barcha foydalanuvchilarimizga minnatdorlik bildirmoqchimiz. Ilovalarni yuklab olishlar soni million marotabaga yetganligi —AVO jamoasi uchun muhim.
Biz foydalanuvchilar uchun maksimal darajada qulay ilovani ishlab chiqish hamda mijozlarga yuqori sifatli xizmat ko'rsatish va innovatsion moliyaviy yechimlar taqdim etishni maqsad qilganmiz.
AVO platinum kredit kartasi
Nega bizni tanlashmoqda? AVO platinum kredit kartasi ko‘pchilik uchun zarur vositaga aylangan. Bu mijozlarga kunning istalgan paytida mamlakatdagi istalgan hududdan turib pul olish, uni har qanday ehtiyojlarga sarflash imkoniyatidir. Sayohat paytida AVO platinum kredit kartasi bilan to‘lov qilish, kredit limitidan belgilangan davr mobaynida foiz to‘lamay foydalanish imkoniyati bor.
Foydalanuvchi tajribasi
Foydalanuvchilar AVOni intuitiv interfeys va yuqori ishlash tezligi uchun tanlashmoqda. Biz ilova kundalik hayotda foydalanish uchun oson va foydali bo‘lishi uchun funksiyalarini takomillashtirib boramiz.
Mijozlarga call markazi orqali tezkor javob berilishi ilova samaradorligini oshiradi. Aloqa markazimizda har qanday savolga 60 soniyada javob olish kafolatlangan, agar biror masalani yuzma-yuz hal qilmoqchi bo‘lsangiz, konsultantlarimiz yaqindan ko'maklashishadi. Ularni mamlakatimiz bo’ylab o‘rnatilgan AVO kartomat va bankomatlari yonida ko’rishingiz mumkin. Bularning bari bizga har qanday muammoni zudlik bilan hal qilish va eng yaxshi xizmatni taqdim etish imkonini beradi.
Kelajakka nazar
Faoliyatimizning dastlabki 3 oyida yuklab olishlar soni millionga yetganidan faxrlanamiz! Bu bizning ilova hamda AVO platinum kredit kartasi talabgir ekanligidan dalolatdir. Biz, foydalanuvchilarimizni hamisha diqqat bilan tinglashga tayyormiz va moliyaviy xizmatlarimizga bildirgan ishonchingizni oqlashga harakat qilamiz.
AVO bank ilovasini yuklab oling va bizning ajralmas qismimizga aylaning.
👉 @bankirkundaligi 👈
🏦 🏦InfinBANK — 4 миллион ўзбекистонлик ишончини билдирган банк
Тўрт миллиондан ортиқ ўзбекистонлик молия соҳасида InfinBANK'ни танлади, бу рақамлар банкнинг барқарор ривожланаётганидан далолат беради.
📈Moody's Ratings халқаро рейтинг агентлиги InfinBANK кредит рейтингини B2 дан B1 га кўтарди. Рейтинг мижозлар учун инвестиция қарорларини қабул қилишда молиявий барқарорлик ва хавфни баҳолашга ёрдам беради. Бундан ташқари, InfinBANK SAP дастуридан фойдаланади, бу банкка ички жараёнларни автоматлаштириш ҳамда ишончлилик ва хавфсизликнинг энг юқори даражасини таъминлаш имконини беради.
💳Банкнинг замонавий маҳсулотларига келадиган бўлсак, InfinBANK InfinBLACK кредит картасини ишга туширди, бу банкнинг пулларидан мижозлар маълум муддат фоизсиз фойдаланишлари имконини берувчи маҳсулот. Шунингдек, бошланғич тўлови 15%лик автокредит ва юқори фоизли InFin-Sharqona-23% ҳамда InFin-Premium-7,5% омонатлари ҳам мижозлар кўнглидан жой топиб келмоқда.
👉 @bankirkundaligi 👈
БОШЛИҚ КЕЛАЁТГАНДА ЎЗИНИ ИШЛАГАН ҚИЛИБ КЎРСАТУВЧИ ХОДИМЛАР ҲАММА ЖОЙДА БОР.
КИМГА ЮБОРИШНИ ЎЗИНГИЗ ҲАЛ ҚИЛИНГ.
👉 @bankirkundaligi 👈
“Бизнесни ривожлантириш банки” жамоатчиликка ахборот берди
Бугун Ахборот ва оммавий коммуникациялар агетлигида “Кичик бизнесни узлуксиз қўллаб-қувватлаш” комплекс дастури ижроси бўйича ўтказилган брифингда "Бизнесни ривожлантириш банки" АТБ Ахборот хизмати раҳбари Шуҳрат Орипов иштирок этиб, жамоатчиликка ахборот берди.
Таъкидландики, Дастур доирасида "Бизнесни ривожлантириш банки" тузилмалари, банк томонидан таъсис этилган Кичик бизнесни ривожлантириш жамғармаси ва 14 та “Кичик бизнесга кўмаклашиш худудий марказлари” томонидан фаол амалий ишлар олиб борилмоқда.
2024 йил 24 май ҳолатига “Бизнес портал” платформасига келиб тушган аризалардан 54 488 та ташаббускорлар скоринг босқичида ижобий баҳоланди. Шу кунга қадар ҳоким ёрдамчилари томонидан 49 064 та лойиҳаларга ижобий тавсия берилган. Ҳозирда ўрганиш учун ҳоким ёрдамчилари жараёнидаги лойиҳалар сони 2 424 тани ташкил қилади.
Лойиҳаларни баҳолаш ва танлаш гуруҳи томонидан 39 112 та лойиҳага ўқув жараёнига рухсат берилган бўлиб, бугунга қадар 4 524 та лойиҳа ташаббускорлари ўқув жараёнида иштирок этмоқда. Шу билан бирга, 34 588 та ташаббускор томонидан имтиҳон топширилган бўлиб, улардан 31 132 таси сертификатни қўлга киритишган.
Айни пайтга қадар барча тижорат банклари томонидан 19 377 та лойиҳага кредит ажратиш ишлари тўлиқ якунига етказилди. Уларни амалга ошириш учун умумий лойиҳа қиймати 1 трлн. 887 млрд. сўмлик кредит шартномалари имзоланиб, ажратилган кредит ҳажми эса 1 трлн. 702 млрд. сўмни ташкил этади.
Банк ахборот хизмати
👉 @bankirkundaligi 👈
КРЕДИТ МАБЛАҒЛАРИНИ ЎЗЛАШТИРИШ ҲОЛАТЛАРИ АНИҚЛАНДИ. БАНКИРЛАР САБАБЧИ БЎЛГАН.
Бош прокуратура ҳузуридаги Департаментнинг Пахтачи туман бўлими томонидан ўтказилган терговга қадар текширувда “A.E.” хусусий корхонаси раҳбари “Э.А.” пишиқ ғишт ишлаб чиқариш корхонасини ташкил этиш учун ажратилган 2,2 млрд. сўм имтиёзли кредит эвазига харид қилинган ускуналарни сотиб юбориб кредит маблағларини талон-торож қилганлиги, шунингдек ҳудудий тижорат банки филиали масъул шахслари “A.E.” корхонаси томонидан ишлар тўлиқ бажарилмаган бўлса-да, ускуналарни гаров таъминоти сифатида олиб қўймаганликлари аниқланган.
Шу каби, Департаментнинг Пахтакор туман бўлими томонидан ўтказилган терговга қадар текширувда “O.S.” ва “П.О.” МЧЖ масъул шахслари “П.О.” МЧЖга ёмғирлатиб суғориш технологиясини сотиб олиш учун тижорат банки филиалидан ажратилган кредит эвазига 849,9 млн. сўмлик ишларни бажариб, 1,9 млрд. сўм кредит маблағларини ўзлаштириш йўли билан талон-торож қилганликлари аниқланган.
Департаментнинг Қўнғирот туман бўлими томонидан ўтказилган терговга қадар текширувда Sh-Sh.” корхонаси масъул шахслари ва бошқалар автомобилларга хизмат кўрсатиш ускуналари олиш учун ажратилган 1,4 млрд. сўм кредит маблағини “M.T.” МЧЖ ҳисоб рақамига ўтказилиб талон-тарож қилганликлари, шунингдек, банк филиали масъул шахслари ажратилган кредит маблағининг мақсадли сарфланишини ва гаровга қўйилган мулкнинг сақланишини ўрганмаганликлари аниқланган.
Мазкур ҳолатлар юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 205-моддалари (ҳокимият ёки мансаб ваколатини суиистеъмол қилиш) билан жиноят ишлари қўзғатилиб, тергов ҳаракатлари ўтказилмоқда.
👉 @bankirkundaligi 👈
🥳😀😌🤌👍😱🤔✨
TBC Bank билан Туркияга саёҳат қилинг!
Қуёш, пляж, денгиз... TBC Bank саёҳат учун акция эълон қилади! 30 июнгача TBC Кредит олинг ва 50 та совриндан бирини ютиб олиш имкониятига эга бўлинг!
Совринлар: Туркияга саёҳат, iPhone 15 Pro, Smart TV ва 10 000 000 сўмлик пул мукофоти! Сaйтгa ўтинг, иловани юклаб олинг ва акцияда иштирок этинг.
👉 @bankirkundaligi 👈
😇 2024 йил 12-22 май кунлари АҚШнинг Вашингтон шаҳрида ЎзР тижорат банклар раҳбар ходимлари учун UDEA томонидан ташкил қилинган “Экспорт назорати ва иқтисодий санкциялар” профессионал курси иштирокчиларига халқаро сертификатлар топшириш маросими бўлиб ўтди
📈 Америка Университети билан ҳамкорликдаги ушбу 10 кунлик профессионал курс тижорат банк топ менежерлари, жумладан, раҳбар ходимлар малакасини оширишга қаратилган бўлиб, бунда иштирокчилар халқаро комплаенс қоидалари ва шу каби банк соҳасидаги энг муҳим билимларни ўзлаштириш имконига эга бўлдилар.
Иштирокчилар қуйидаги модуллар бўйича ўз малакаларини оширдилар:
— Экспорт назоратининг қоидалари;
— Экспорт назорат ва иқтисодий санкциялар;
— Хорижий активлар назорати ва иқтисодий санкциялар;
— Экспертиза ва хавфларни камайтириш стратегиялари.
🏦 Курсда Саноат ва хавфсизлик бюроси (BIS), Мудофаа савдосини назорат қилиш бошқармаси (DDTC) ва Хорижий активларни назорат қилиш бошқармаси (OFAC) каби ҳамкор ташкилотлар мутахассислари иштирок этиб, курсни мазмунан ва моҳиятан бойитиб беришди.
🇺🇿 Ушбу курсда Республикамиздаги бир қатор етакчи "Agrobank" АТБ, "Aloqabank" АТБ, "Asia Alliance Bank" АТБ, "Biznesni rivojlantirish banki" АТБ, "Ipak Yo'li Bank" АТБ, "Mikrokredit bank" АТБ, "Sanoat Qurilish Bank" АТБ, "Turonbank" АТБ ва "Xalq Banki" АТБ каби тижорат банк раҳбар ходимлари иштирок этиб, курс якунида сертификатлар билан тақдирландилар.
✅ UDEA'нинг ушбу ташаббуси Ўзбекистон банк тизими, жумладан, комплаенс-назорат йўналишининг халқаро стандартларга ўтишидаги жуда муҳим қадамлардан биридир. Ва бу каби молия секторини ривожлантиришга қаратилган қисқа муддатли курслар UDEA томонидан доимий тарзда ташкиллаштирилиб борилади.
Сиз ҳам мутахассис сифатида ўз малакангизни оширишни истасангиз бизга мурожаат қилинг.
Батафсил:
📞 +998788880800
🌐 https://udea.uz/courses/
🔵 Telegram 🟣 Instagram
🔵 Facebook 🔵 LinkedIn
😎 Бизнесни ривожлантириш банки барча хизмат кўрсатиш офисларида микролойиҳалар учун очиқ эшиклар кунини ўтказмоқда!
22-23 май кунлари БРБнинг барча хизмат кўрсатиш офисларида бўлиб ўтаётган микролойиҳалар учун махсус ташкил этилган очиқ эшиклар кунига таклиф қиламиз.
Банк мутахассисларидан маслаҳатлар олиш ва бизнесингиз учун энг мақбул молиявий ечимлар ҳақида маълумот олиш имкониятидан фойдаланинг!
🌟 Сизни нима кутади:
— Молиявий режалаштириш бўйича маслаҳатлар;
— Кредит ва молиялаштириш бўйича индивидуал ечимлар;
— Микролойиҳалар учун махсус таклифлар;
— Барча саволларингизга жавоблар.
🌟 Иштирок этиш афзалликлари:
— Банк етакчи мутахассислари билан шахсий мулоқот
— Иштирокчилар учун эксклюзив таклифлар
— Бошқа тадбиркорлар билан тажриба алмашиш имконияти
📅 Сана: 22-23 май
📍Хизмат кўрсатиш манзиллари ушбу ҳаволада.
Батафсил маълумот 1254 қисқа рақамида.
Бизнесингизни мустаҳкамлаш имкониятини қўлдан бой берманг!
👉 @bankirkundaligi 👈
ИПОТЕКАГА ОИД СЎНГГИ ҚАРОР БЎЙИЧА ЭНГ КЎП БЕРИЛАЁТГАН САВОЛЛАРГА ЖАВОБ БЕРАМИЗ
Ўзбекистон Республикаси Президентининг “2024 йилда ипотека кредитларини ажратиш механизмларини такомиллаштириш ва аҳолининг уй-жой шароитларини яхшилашга оид қўшимча чора-тадбирлар тўғрисида”ги (ПФ-70-сон, 30.04.2024 й.) Фармони қабул қилингани ҳақида аввалроқ хабар берганмиз.
Савол: Ушбу қарорга асосан «маҳалла еттилиги» тавсияси асосида 120 млн. сўмгача ипотека кредитлари кимларга ажратилади?
Жавоб: Камбағалликдан чиқариш дастурига киритилган ва уй-жой шароитини яхшилашга муҳтож бўлган шахсларга якка тартибдаги уй-жой қуриш, реконструкция қилиш ва таъмирлаш учун 120 миллион сўмгача ипотека кредитларини ажратилади.
(Яъни, ушбу турдаги кредитлар барчага ажратилмайди. Камбағалликдан чиқариш дастурига киритилган шахсларгагина ажратилади. Камбағалликни қисқартириш ва бандлик вазирлиги (Б. Мусаев) бир ой муддатда «Онлайн маҳалла» электрон платформасида Камбағалликдан чиқариш дастурига киритилган ва уй-жой шароитини яхшилашга муҳтож бўлган оилаларнинг рўйхатини юритиш имкониятини яратилиши белгиланган. Бу бир ой муддат 30 май куни охирига етади. Яъни ўша рўйҳатда бўлишингиз керак. Сиз ушбу кредитни олиш учун югуриб банкка бориб олманг. Аввал маҳалладаги рўйҳатга киришни ҳаракатини қилинг.)
Савол: Ушбу кредит ажратиш қачондан бошланади?
Жавоб: 2024 йил 1 июндан бошланади.
Савол: Ушбу кредитлар қанча миқдорда ва яна қандай шартларда ажратилади?
Жавоб: Ушбу ипотека кредитлари 120 миллион сўмгача миқдорда, 20 йилгача муддатга, Марказий банкнинг асосий ставкасидан тўрт фоиз бандга юқори ставкада (Айни кунда 18%) якка тартибдаги уй-жойни қуриш, реконструкция қилиш ва таъмирлаш мақсадлари учун ажратилади.
Савол: Ушбу ипотека кредитларида давлатдан субсидия ҳам ажратиладими?
Жавоб: Ҳа. Ипотека кредити бўйича дастлабки бадалнинг бир қисмини қоплаш учун — ажратиладиган кредитнинг 15 фоизи миқдорида ҳамда фоиз тўловларининг бир қисмини қоплаш учун — кредит муддатининг биринчи беш йили давомида 12 фоиздан ошган қисмига субсидия тўланади.
👉 @bankirkundaligi 👈
⚡️Айтишларича, бугун, 2024 йил 22 май куни соат 17:00 да Zoom орқали семинар йиғилиши ўтказилади (Семинар!!!).
Кун тартиби: 1. Ҳар бир туманда мавжуд маҳаллалар (МФЙ)га бириктирилган тижорат банклари томонидан камида 1 тадан (10-15 гектар) "бир контур - бир маҳсулот" тамойили асосида намунали лойиҳаларни амалга ошириш.
2. Тижорат банклари томонидан ҳар бир маҳаллада 10 тадан микро ва кичик лойиҳаларни амалга ошириш.
Йиғилишда вилоят ҳокимларининг 1-ўринбосарлари, Иқтисодиёт ва молия, Бандлик, Марказий банк, Маҳаллабай ҳудудий бошқарма бошлиқлари, тижорат банклари раҳбарлари ҳоким ёрдамчилари иштирок этади. Жумладан шаҳар ва туман тижорат банклари раҳбарлари ҳам иштирок этади.
P.S.: Банк қилмаган яна нима ишларинг қолди.
👉 @bankirkundaligi 👈
БАНКЛАРНИНГ ИНВЕСТИЦИЯВИЙ ФАОЛИЯТИ ВА АҲОЛИ БАНДЛИГИДАГИ ИШТИРОКИ КЎРИБ ЧИҚИЛДИ
(Миллийбанк 2,5 млн. нафар, Ўзсаноатқурилишбанк 25 мингдан зиёд иш ўрин яратади)
Президент 20 май куни хорижий инвестицияларни жалб қилишда банкларнинг иштирокига оид тақдимот билан танишди.
Cўнгги 5 йилда банкларнинг капитали 2 баробарга, кредит портфели 2,3 баробарга ҳамда йиллик кредит ажратиш ҳажми 1,8 баробарга кўпайди.
Тўртта банк илк бор евробонд чиқариб, четдан 1 миллиард 300 миллион доллар ресурс жалб этди. Ўтган йили банклар 3,8 миллиард долларлик, шунингдек, уларнинг мижозлари ҳукумат кафолатисиз 6 миллиард долларлик хорижий кредитларни тўғридан-тўғри олиб келган.
Тақдимотда Миллий банк ҳамда Ўзсаноатқурилишбанкнинг шу борадаги фаолияти ҳақида ахборот берилди.
Жорий йилда Миллий банк томонидан 6 миллиард долларлик лойиҳалар амалга оширилиши режалаштирилган. Заргарлик тармоғида 2,1 триллион сўмлик 526 та, хизматлар соҳасида 41,8 триллион сўмлик кредитлар ҳисобидан 40 мингдан ортиқ лойиҳаларни амалга ошириш ва 2,5 миллион нафар аҳоли бандлигини таъминлаш кўзда тутилган.
Ўзсаноатқурилишбанк бу йил халқаро молия бозорларидан 3 миллиард 100 миллион долларлик маблағ жалб этишни мақсад қилган. Банк мижозлари билан умумий қиймати 4 миллиард 800 миллион долларлик инвестиция лойиҳаларига киришилган.
Ушбу банк томонидан қурилиш материаллари соҳасида 2024-2025 йилларда 529 та лойиҳа доирасида 2 миллиард 800 миллион долларлик хорижий инвестициялар жалб қилиниб, бу орқали 25 мингдан зиёд иш ўрни яратилиши режалаштирилган.
Миллий банк 967 та, Саноатқурилишбанк 727 та маҳаллада ишсиз аҳоли бандлигини таъминлашга кўмаклашмоқда. Яна бир муҳим жиҳати, банклар қуйи бўғинга тушиб ишлаётгани учун кўплаб бизнес тузилмалар “соя”дан чиқмоқда.
Тақдимотда мижозларнинг инвестиция лойиҳаларини тизимли мониторинг қилиб, муаммоларни тезкорлик билан ҳал этиб бориш зарурлиги қайд этилди.
Тадбиркорларга тумандан республикагача ёрдам бериш, молиявий билимларини ошириш ва инновациялар билан таништириш муҳимлиги таъкидланди.
👉 @bankirkundaligi 👈
TBC Bank Uzbekistan "Йил бренди 2023" танлови доирасида махсус номинацияни қўлга киритди
18 май куни “Ҳумо Арена” мажмуасида Ўзбекистон маркетинг ассоциацияси томонидан ташкил этилган “Йил бренди 2023” VII анъанавий танлови ғолибларини тақдирлаш маросими бўлиб ўтди.
TBC Bank Uzbekistan Ўзбекистон республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳамда Ўзбекистон Маркетинг ассоциацияси томонидан “2023 йилда аҳоли ўртасида молиявий саводхонликни ривожлантиришга қўшган ҳиссаси учун” махсус номинацияси бўйича тақдирланди. Муваффақият банкнинг бу борадаги фаол тарздаги фаолиятининг самараси бўлди дейиш мумкин.
Мамлакатда биринчи онлайн-банк — TBC Bank Uzbekistan ташкил этилганидан буён банк мутахассислари республика мактабларида молиявий масалалар бўйича маърузалар ўтказиб келишмоқда. Улар ўқувчиларга молиявий саводхонликнинг аҳамияти ҳақида маълумотлар, турли молияга оид саволларга жавоблар беради ва ёшларнинг келажаки борасида амалий маслаҳатлар билан ўртоқлашишади.
Мукофот TBC Bank Uzbekistan'нинг таълим ва молиявий саводхонликни оммалаштириш соҳасидаги фаолиятининг аҳамияти ва самарадорлигини тасдиқлайди.
“Ушбу мукофот биз учун муҳим аҳамиятга эга. Биз бундан кейин ҳам аҳолининг молиявий саводхонлиги даражасини ошириш бўйича фаол иш олиб боришда давом этамиз. Айниқса, ёшларга молиявий менежментни ўргатиш, уларни фирибгарликдан огоҳ этиш каби билимларни етказиш муҳим. Молиявий саводхонлик — инсонлар учун тўғри қарорлар қабул қилишга ёрдам беради ва уларнинг маблағлари хавфсизлигини таъминлашда асосий мезон бўлиб хизмат қилади”, — дея фикри билан бўлишган TBC Bank Uzbekistan'нинг корпоратив коммуникациялар бўлими раҳбари Камилла Мўминова.
👉 @bankirkundaligi 👈
ANORBANK Европа тикланиш ва тараққиёт банкининг (ЕТТБ) йиллик йиғилишида иштирок этди
14-16 май кунлари Ереванда ЕТТБнинг йиллик йиғилиши ва Delivering Impact Together бизнес-форуми бўлиб ўтди, унда 74 давлатдан келган делегатлар қаторида ANORBANK вакиллари ҳам иштирок этди.
Молия соҳасининг кенг кўламли тадбири 2 мингга яқин иштирокчини, жумладан, юқори мартабали расмий делегациялар, халқаро ташкилотлар ва хусусий компаниялар вакилларини бир жойда жамлади. ANORBANK вакиллари Delivering Impact Together бизнес-форуми доирасида Германия, Италия ва Франциянинг йирик банклари, Швейцария ва Голландиянинг хусусий инвестиция фондлари, шунингдек, Европанинг бошқа молия институтлари делегатлари билан учрашувлар ўтказишди.
Соҳанинг хорижий етакчилари – DZ Bank, KfW IPEX-Bank, DEG, Banca Popolare di Sondrio, ODDO BHF, Proparco ва OPEC Халқаро тараққиёт жамғармаси вакиллари билан бўлиб ўтган учрашувларда томонлар глобал молиявий-иқтисодий маконда рўй бераётган воқеалар юзасидан фикр алмашдилар, шунингдек, ҳамкорлик имкониятлари ва истиқболлари, жумладан, томонларнинг ижтимоий-иқтисодий ривожланишига таъсир кўрсатиши мумкин бўлган лойиҳаларни муҳокама қилдилар.
ANORBANK фаолиятига оид энг сўнгги янгиликларни қуйидаги манзилларда кузатиб боришингиз мумкин:
www.anorbank.uz
Telegram/anorbank
Алоқа маркази: 1290
👉 @bankirkundaligi 👈
💸 АNОR BUSINESS’дан юридик шахсларга янги «Бонус» депозити
21% даромад ва йиллик 15% гача бонуслар кейинги ҳисоб бўйича:
🔸 Миллий валютада: 21% + йиллик 15% бонус, хорижийда 8% + йиллик 10% бонус.
🔹 61 кун ва ундан кўп муддатга фоизларни йўқотмасдан муддатидан аввал ечиш: миллий валютада - 21%, хорижийда - 8%.
Фоиз ставка депозит суммасига боғлиқ, бонус ойнинг охирги кунига ҳисобланади.
Капиталингизни биз билан оширинг! 🌱💰
📞 Бaтaфсил
1290
👉 @bankirkundaligi 👈
2024 йил 12-22 май кунлари UDEA ЎзР тижорат банклар раҳбар ходимлари учун АҚШ, Вашингтонда бўлиб ўтувчи “Экспорт назорати ва иқтисодий санкциялар” профессионал курсини ташкил этди.
🇺🇸 Америка Университети билан ҳамкорликда ташкил қилинган ушбу 10 кунлик профессионал курс тижорат банк раҳбар ходимлари малакасини оширишга қаратилган ва ҳозирда АҚШ, Вашингтон шаҳрида бўлиб ўтмоқда.
Иштирокчилар қуйидаги модуллар бўйича ўз малакаларини оширишмоқда:
— Экспорт назоратининг қоидалари;
— Экспорт назорати ва иқтисодий санкциялар;
— Хорижий активлар назорати ва иқтисодий санкциялар;
— Экспертиза ва хавфларни камайтириш стратегиялари.
🏦 Курсда Халқаро ҳисоб-китоблар банки (BIS), Мудофаа савдосини назорат қилиш бошқармаси (DDTC) ва Хорижий активларни назорат қилиш бошқармаси (OFAC) каби ҳамкор ташкилотлар мутахассислари иштироки ҳам кўзда тутилган.
🇺🇿 Ушбу курсда Республикамиздаги бир қатор етакчи "Агробанк" АТБ, "Алоқабанк" АТБ, "Трастбанк" АТБ, "Туронбанк" АТБ, "Asia Alliance Bank" АТБ ва "Бизнесни ривожлантириш банки" АТБ каби тижорат банк раҳбар ходимлари иштирок этишмоқда.
📌 UDEA’нинг ушбу ташаббуси ЎзР миллий банк тизимини янги босқичга олиб чиқишдаги муҳим қадамдир. Бу каби молия секторини ривожлантиришга қаратилган қисқа муддатли курслар UDEA томонидан доимий тарзда ташкиллаштириб борилади.
Сиз ҳам мутахассис сифатида ўз малакангизни оширишни истасангиз, бизнинг курсларимизга ҳужжат топширинг.
Батафсил:
🌏 udea.uz | 🚀 Telegram |📷 Instagram | ☎️ +998788880800
Реклама
Булунғур ва Пайариқ туманида кредит маблағларини ўзлаштириш ҳолати аниқланди
Бош прокуратура ҳузуридаги Департаментнинг Булунғур туман бўлими томонидан ўтказилган терговга қадар текширувда “F.M.” хусусий корхонаси раҳбари З.А. ва бошқалар тижорат банки филиалидан ун ва қурилиш маҳсулотлари сотиб олиш учун ажратилган 1,5 млрд. сўм кредит маблағини ўзлаштириш йўли билан талон-торож қилганликлари аниқланган.
Шу каби, Департаментнинг Пайариқ туман бўлими томонидан ўтказилган терговга қадар текширувда “Ch.F.” МЧЖ раҳбари Ғ.М. тижорат банки филиалидан ажратилган 1,1 млрд. сўм имтиёзли кредит маблағларини мақсадсиз ишлатиб, ўзлаштириш йўли билан талон-торож қилганлиги аниқланган.
Мазкур ҳолатлар юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят ишлари қўзғатилиб, тергов ҳаракатлари ўтказилмоқда.
👉 @bankirkundaligi 👈
🏦 Ориент Финанс банкдан супер-акцияда иштирок этинг ва 100 000 сўм ғолибига айланинг!
Танловда иштирок этиш учун:
➖ янги OFB мобил иловасини юклаб олинг;
➖ рўйхатдан ўтиб, идентификацияни амалга оширинг;
➖ камида битта операцияни, масалан Р2Р ўтказмалари, Visa Direct орқали ўтказмалар, валюта конверсияси, хизматлар учун тўловни амалга оширинг.
Шунда сиз автоматик равишда акция иштирокчисига айланасиз!
*Транзакциялар сонидан қатъий назар, мижоз автоматик равишда оралиқ даврда фақат бир марта иштирокчи бўлади.
📆 Акция 22 майдан 19 июнгача давом этади. Шу ойнинг ҳар ҳафтасида ғолиблар 100 000 сўмга эга бўладилар.
Иловани юклаб олинг ва ёқимли совға эгаси бўлишга шошилинг!
👉 @bankirkundaligi 👈
⚡️⚡️⚡️ТАДБИРКОРЛАРГА СУБСИДИЯГА АЖРАТИШ СОДДАЛАШТИРИЛДИ
Ўзбекистон Республикаси Президентининг 2024 йил 24 майдаги «Тадбиркорлик субектларига субсидиялар, имтиёзлар ва преференсияларни тақдим этиш тартибларини такомиллаштириш бўйича қўшимча чора-тадбирлар тўғрисида»ги ПҚ-193-сонли қарори қабул қилинди.
Тадбиркор танишларга, улар билан боғлиқ хизматчиларга юбориб қўйинг.
👉 @bankirkundaligi 👈
КРЕДИТ ҚАРЗДОРЛИГИНИ СЎНДИРИШ УЧУН КЕЛИБ ТУШГАН МАБЛАҒНИ ЎЗЛАШТИРИШ ҲОЛАТИ АНИҚЛАНДИ
Бош прокуратура ҳузуридаги Департаментнинг Наманган шаҳри бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда тижорат банки Наманган минтақавий маркази ходимлари К.Д., Ў.М., М.Д. ва Н.А. “Z.s.” МЧЖга ажратилган кредитнинг муддати ўтган қарздорлигини сўндириш учун кредит таъминоти сифатида гаровга қўйилган транспорт воситаларини сотишдан тушган 142 млн. сўмни кредит тўловига йўналтирмасдан, банк ходими А.А.нинг номига нақд пул кўринишида чиқим қилиб, ўзлаштириш йўли билан талон-торож қилганликлари аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.
👉 @bankirkundaligi 👈
🤩 Азиз дўстлар ва қадрли мижозларимиз учун янгилик!
🎉 “Узбекинвест” дан Суюнчи” аксиясининг 3-мавсумини эълон қилишдан мамнунмиз.
✍️ insurance.uz веб-сайти ёки “Узбекинвест” мобил иловаси орқали суғурта полисини расмийлаштиринг ҳамда қимматбаҳо совғаларни ютиб олиш имкониятини қўлга киритинг.
📆 Шошилинг, акция 2024 йил 1 декабргача давом этади.
- 1 ўринга (1 та): BYD SONG PLUS DM-I CHAMPION (гибрид) автомобили;
- 2 ўринга (3 та): Ноутбук;
- 3 ўринга (3 та): Робот чангютгич;
- 4 ўринга (3 та): Кондиционер;
- 5 ўринга (3 та): Телевизор;
- 6 ўринга (3 та): Музлатгич
👨💻👩💻 Батафсил маълумотни 1160 телефон рақамига қўнғироқ қилиб билишингиз мумкин.
🌐Сайт | 🤬 Facebook | 📹Instagram | 💬Telegram | 📍 Manzil
⚡️ИШЛАГАН МУКОФОТЛАНАДИ, ИШЛАМАГАН ЛАВОЗИМИДАН ОЗОД ЭТИЛАДИ
Ҳокимларнинг биринчи ўринбосарлари аҳоли бандлигини таъминлашга жавоб бериши ва уларни бошқа ишларга жалб қилинмайди.
Жорий йил май ойидан бошлаб, мақсадли кўрсаткичларни бажарилиши юзасидан Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри, туман ва шаҳар ҳокимларининг биринчи ўринбосарлари, иқтисодий комплекс таркибига кирувчи идоралар ва тижорат банкларининг раҳбар ходимларига "Сайхунобод тажрибаси" бўйича эришилган натижаларига кўра бюджет ва бюджетдан ташқари маблағлар доирасида қўшимча 50 фоизгача мукофот пули балн рағбатлантириб ёки қолоқликка йўл қўйган раҳбарларни лавозимидан озод этишгача чоралар кўрилади.
Ж.Қўчқоров (13.05.2024й.)
👉 @bankirkundaligi 👈
ДХХ: Сирдарё, Қашқадарё, Тошкент вилоятлари ҳамда Тошкент шаҳрида коррупцион ҳолатларга чек қўйилди
Сирдарё вилоятининг Ховос тумани ҳокими ўринбосари ўз хизмат мавқеидан фойдаланиб, қишлоқ хўжалиги маҳсулотлари етиштириш ва экспорт қилиш билан шуғулланувчи МЧЖга тегишли ерларни ҳокимлик захирасига олмаслик, аксинча, суғориш ишларига шароит яратиб бериш ва фаолиятига ҳеч ким аралашмаслиги эвазига 20 минг АҚШ доллари талаб қилиб, 1 минг АҚШ доллари олган вақтида ДХХ ва прокуратура ходимлари томонидан ушланди.
“Ҳудудий электр тармоқлари” АЖ Тошкент вилоят филиалининг бўлим бошлиғи ва муҳандиси ўзаро тил бириктириб, Қибрай туманидаги қандолатчилик маҳсулотлари ишлаб чиқарувчи корхонани 3 фазали электр тармоғига улаш ва трансформатор ўрнатиб бериш, шунингдек, бошқа техник ҳужжатларини тайёрлашда кўмаклашиш эвазига 39 минг АҚШ доллари миқдорида пора талаб қилишади. ДХХ ходимлари томонидан Департамент билан ҳамкорликда ўтказилган тадбирда “Ҳудудий электр тармоқлари” АЖ Тошкент вилоят филиали муҳандиси сўралган пул маблағидан 30 минг АҚШ долларини олган вақтида ушланди.
Қашқадарё вилояти Қарши тумани ИИБ жиноят қидирув бўлинмаси катта тезкор ходими, ўзининг иш юритувида бўлган терговга қадар текширув материали юзасидан ЯТТга нисбатан Жиноят процессуал кодексининг 83-моддаси 2-бандига асосан жиноят иши қўзғатишни рад этиш эвазига, тамагирлик йўли билан ундан 1500 АҚШ доллари миқдорида пора талаб қилади ва аввалроқ ушбу пул маблағи ҳисобидан 400 АҚШ доллари олади. Лекин, у талаб қилинган пулдан яна 400 АҚШ долларини олган вақтида ДХХ ходимлари томонидан ушланди.
ДХХнинг Тошкент шаҳар бўйича бошқармаси ходимлари томонидан Департамент билан ҳамкорликда ўтказилган тезкор тадбирда Сергели тумани ИИО ФМБ 2-сонли ички ишлар бўлими профилактика инспектори 5 минг АҚШ долларини пора сифатида олган вақтида ушланди.
Ҳозирда барча ҳолатлар юзасидан жиноят ишлари қўзғатилиб, мазкур шахсларга нисбатан қамоқ эҳтиёт чораси қўлланилган.
👉 @bankirkundaligi 👈
#Бизга_ёзишмоқда (@bankirmanbot)
КРЕДИТНИ ЁПГАНИМГА БИР ҲАФТА БЎЛДИ. ГАРОВНИ БЎШАТИБ БЕРИШСИН.
Капиталбанк Жиззахдаги филиалидан автокредит олганман. 15.05.2024 йил муддатидан олдин тўлиқ тўладим, энди автомашинани таъқиқдан чиқариш учун мурожаат қилганимда, паспортим билан Самарқандга боришим кераклигини айтди Капиталбанк ходимлари.
Ўзим ишлайман, Самарқандга боришга вақтим йўқ, ҳозир таъқиқдан чиқариш электрон шаклда автомат амалга оширилиши керакмасми, 3 кун ичида гаровдан чиқади деб ўйлагандим ўзим.
Гаровдан чиқариш учун бориб ариза беролмасам, туроврадими таъқиқда, қачонгача шундай бўлади?
Кимга мурожаат қилиш керак, буни ҳал қилиш учун? Капитал банк Call марказига тел қилсам, З. исмли 224-оператор тўлиқ исм шарифини айтишга мажбур эмаслигини айтди ва Капитал банк тизимида фуқаро паспорти билан банкнинг Самарқанд вилоятидаги офисига бориб мурожаат қилиш керак, кейин улар Тошкентга хат билан чиқиш керак, кейин таъқиқдан чиқариш мумкин экан, бу жараёнга қанча вақт кетади, қайси замонда яшаяпмиз?
Бу жараёнга қонуний асос беришини сўрайман Капитал банкдан.
P.S.: Масалани Марказий банкда банк истеъмолчилари ҳуқуқлари ҳимоясига масъуллар шуғулланиб кўрса мақсадга мувофиқ бўлар эди. Ахир XXI асрда ҳам шундай муаммолар бўлиши, ўрганишга арзийди. Мурожаатчи шахсий маълумотлари банк расмийларига тақдим этилади.
👉 @bankirkundaligi 👈
TBC Bank Group PLC халқаро бизнес раҳбари Оливер Хьюз Fintech Leaders нашрига интервью берди
TBC Bank Group PLC халқаро бизнес раҳбари Оливер Хьюз финтех соҳасида етакчи нашрлардан бири —Fintech Leaders'га интервью берди. Интервьюда у Марказий Осиё ҳамда Ўзбекистондаги финтех келажаги ҳақида ўз тажрибаси ва қарашлари билан ўртоқлашди. Бундан ташқари, ўзининг фаолиятидаги муҳим воқеалар ва TBC Bank'ни ривожлантириш режалари ҳақида тўхталиб ўтди.
Оливер TBC Bank муваффақиятини маълумотлар таҳлилига эътибор қаратиш ва юқори малакали мутахассисларни жалб этишда кўришини таъкидлади. Унинг сўзларига кўра, бу ёндашувлар банкнинг онлайн-банкинг соҳасида етакчилигини сақлаб қолиш ҳамда инновацион ривожланишини давом эттиришга ёрдам беради.
Шунингдек, у иқтисодий ўсишга эришаётган ёш аҳоли қатламига эга Ўзбекистоннинг инвестицион потенциали мамлакатда финтехни ривожлантириш учун ноёб имкониятлар яратаётганини ҳам қайд этди.
Интервьюда сунъий интеллектдан (AI) фойдаланиладиган банк хизматлари келажагига алоҳида эътибор қаратилди. Хьюз фойдаланувчилар тажрибаси ва молиявий бошқарувни яхшилаб, AI қандай қилиб шахсий молиявий ёрдамчилар яратиши ҳақида ҳам батафсил маълумот берди. У, шунингдек, финтех компаниялари дуч келаётган қийинчиликлар ва имкониятлар ҳақида ўз фикрлари билан ўртоқлашиб, уларни бартараф этиш йўлларини таклиф қилди.
Интервью TBC Bank'нинг стратегия ва режалари ҳамда Марказий Осиёдаги финтех келажаги ҳақида муҳим тасаввурлар беради.
TBC Bank рақамли трансформация даврида қандай қилиб онлайн-банкингни фаолиятини олиб боришда давом этаётганини билиш учун Fintech Leaders'га берилган интервьюни томоша қилинг.
👉 @bankirkundaligi 👈
КРЕДИТ РАСМИЙЛАШТИРИБ БЕРИШ ЭВАЗИГА ПОРА ОЛГАН БАНКИР ҚЎЛГА ТУШДИ
Банк ходими маҳаллий фуқародан аввалдан келишилган 20 млн. сўм ва 100 АҚШ долларини олган вақтида ушланди.
yuz.uz сайтида 2024 йил 20 май куни эълон қилинган хабарга кўра, Давлат хавфсизлик хизмати Самарқанд вилояти бошқармаси ходимлари томонидан олиб борилган тадбирда 1988 й.т., Самарқанд шаҳрида яшовчи, «Ипотека-банк» акциядорлик тижорат ипотека банкининг «Сўғдиёна» банк хизматлари марказида молиявий консультант лавозимида ишлаб келаётган М.Ж. банк мижози бўлган маҳаллий фуқарога 700 млн. сўм миқдорида ипотека кредити расмийлаштириб беришда ёрдам беришини айтиб, эвазига 20 млн. сўм ва 100 АҚШ доллари миқдоридаги пул маблағини талаб қилиб келаётганлиги аниқланди.
Шундан сўнг, ДХХ Самарқанд вилояти бошқармаси ҳамда вилоят ИИБ ходимлари билан ҳамкорликда ўтказилган фаол тадбирда М.Ж. маҳаллий фуқародан аввалдан келишилган 20 млн. сўм ва 100 АҚШ долларини олган вақтида ушланиб, процессуал тарзда расмийлаштирилди.
Ҳозирда ҳолат юзасидан ушбу шахсга нисбатан Ўзбекистон Республикаси ЖКнинг тегишли моддалари билан жиноят иши қўзғатилиб, тергов ҳаракатлари олиб борилмоқда.
👉 @bankirkundaligi 👈
Ҳафталик дайжест.
Банк тизими ҳафталик (13 - 19 май) янгиликлари.
☑️Асакабанк Европа Тикланиш ва Тараққиёт Банки томонидан учинчи бор Ўзбекистондаги энг фаол эмитент банк сифатида тақдирланди. Батафсил.
☑️Халқ банки тери, чарм, жун ва бошқаларни қайта ишлаш учун тадбиркорларга кредит таклиф этди. Муддати 24 ойгача, имтиёзли давр 9 ойгача, фоизи 17%, нақд пулда.
☑️Трастбанк микроқарз таклиф этди. Фоизи 24%дан бошланади, муддати 60 ой, миқдори 100 млн. сўмгача.
☑️Анорбанк «Юқори даромад» омонатини тақдим этди. Фоизи 27%, минимал сумма бир миллион сўм, муддати 25 ой. Батафсил.
☑️Ориентфинансбанк «Фойдали автокредит» таклиф этди. Муддати 12 ойгача, миқдори 600 млн сўмгача, дастлабки тўлов 30%, фоизи 23%.
☑️Ипак йўли банк Visa start sum картасини таклиф этди. Банк мобил иловасида ушбу картадан исталган банкнинг Ҳумо ва Узкард карталарига ўтказмалар 0%. Картага банкнинг мобил иловасида ва филиалларга ташриф буюриб буюртма бериш мумкин.
☑️МКБанк "Боғбонлар учун", "Чаққон курер", "Моҳир сартарошликка қадам" каби бир қанча турдаги микроқарзларни таклиф этди. Муддати 48 ойгача, миқдори 17 млн. сўм, фоизи 25%дан.
☑️Ўзсаноатқурилишбанк режавий профилактика ишлари сабабли, жорий йилнинг 20-24-май кунлари банкнинг айрим банкоматлари фаолияти вақтинча тўхтатилишини маълум қилди. Рўйҳат. Шунингдек, банк Риск бош директори лавозимига хорижий мутахассис тайинланди.
☑️Ипотека-банк 2 дақиқа ичида 30 млн. сўмгача онлайн микроқарз таклиф этди. Миқдори 416,5 млн. сўмгача, бошланғич тўлов 15%, муддати 20 йилгача.
☑️Туронбанк "Капитал" омонатини таклиф этди. Муддати 18 ой,бошланҳғич бадал 500 минг сўм, фоизи 21%. Шунингдек, банк жисмоний ва ўзини ўзи банд қилган шахсларга манзил танламас кўчма мобил офис хизматини йўлга қўйганини маълум қилди. Батафсил.
☑️Капиталбанк юридик шахслар учун масофавий хизмат кўрсатишни таклиф этди. Яъни, банк ўзи офисингизга ташриф буюради. Бунинг учун +998781481133 рақамига буюртма қолдириш лозим.
☑️Тенге банк онлайн микроқарз таклиф этди. Ариза бир дақиқада кўриб чиқилади. Миқдори 50 млн. сўмгача. Шунингдек, банк ўтган ҳафтада ўзининг ташкил этилганлигининг 5 йиллигини нишонлади.
☑️Инфинбанк мобил иловасида исталган Узкард карталари ўртасидаги пул ўтказмаларини комиссияси 4 баробарга арзонлаганини маълум қилди. Ҳумо карталари ўртасида ўтказмалар эса бепул.
☑️Ҳамкорбанк бизнесни ривожлантириш учун "Biznes start" кредитини таклиф этди. Миқдори 100 млн. сўмгача, муддати 48 ойгача, имтиёзли давр 6 ой.
☑️Пойтахт банк ипотека кредити таклиф этди. 60, 84 ёки 120 ой муддатга, фоизи 25%, 27% ва 29%. Бошланғич тўлов 25%дан бошлаб.
☑️Зираат банк бирламчи ва иккиламчи бозор учун автокредит тақдим этди. Бошланғич тўлов 20 %дан бошланади. Кредит фоизи бирламчи бозор учун 23%дан, иккиламчи бозор учун 26%дан бошланади. Муддати бирламчи бозор учун 5 йилгача, иккиламчига 4 йилгача.
☑️Универсал банк "Туризм" истеъмол кредитини таклиф этди. Муддати 36 ой, фоизи 36%, миқдори БҲМнинг 200 баробаригача.
☑️Банклар ишга таклиф этди:
▪️Зираат банк;
▪️МКБанк;
▪️TBC bank.
☑️Ҳафта давомида энг кўп ўқилган пост.
☑️Ипотека кредитлари шартларини эълон қилганмиз. 👉Мана бу ерда.👈
☑️Субсидиялар ҳақида асосий саволларга жавобларни👉мана шу ерда👈 ўқишингиз мумкин.
Хабарлар қисқа кўринишда тақдим этилди. Батафсил банкнинг ижтимоий саҳифаси ёки колл-марказидан олишингиз мумкин.
👉 @bankirkundaligi 👈
🥇 Асакабанк - Йил Бренди 2023 мукофоти ғолиби!
18-19 май кунлари "Ҳумо Арена" мажмуасида "Йил бренди 2023" тақдирлаш маросимида бўлиб ўтди.
Маросимда Асакабанк "Молия. Банклар" номинациясида истеъмолчилар танловига кўра ғолиб деб топилди.
❤️ Асакабанк жамоаси ушбу эътироф ва танлов учун мижозларига миннатдорчилик билдиради.
Шуни эслатиб ўтиш керакки, Асакабанк ушбу номинацияга 10 000 дан зиёд овозлар орқали сазовор бўлди.
👉 @bankirkundaligi 👈
Кредит маблағларини ўзлаштирган собиқ менежер ва банк хизматлари маркази раҳбари аниқланди
Бош прокуратура ҳузуридаги Департаментнинг Касби тумани бўлими томонидан ўтказилган терговга қадар текширувда фуқаро Ю.Ш. ҳудудий тижорат банки филиали бўлими бош менежери лавозимида ишлаган даврида фуқаро Т.Ш. билан ўзаро тил бириктириб, 12 нафар фуқаро номидан уларнинг хабардорлигисиз кредит шартномаларини расмийлаштириб, жами 304,3 млн. сўм кредит маблағларини олиб ўзлаштирганликлари аниқланган.
Шу каби, Департаментнинг Янгиер шаҳар бўлими томонидан ўтказилган терговга қадар текширувда ҳудудий тижорат банки Янгиер шаҳар банк хизматлари маркази собиқ раҳбари И.Б. ва бошқалар фуқаро Ғ.С.га ажратилган 390 млн. сўм кредит маблағини унинг хабардорлигисиз нақдлаштириб олишиб, шундан 260 млн сўмини Ғ.С.га бериб, қолган 130 млн. сўмини ўзлаштирганликлари аниқланган.
Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.
P.S.: Афсус банкирлик! Бундай ишларга банкирлар аралашса хамирдан қил суғургандек амалга ошадида ўзиям.
👉 @bankirkundaligi 👈
Халқ банки "Йил бренди-2023" маросимида эътироф этилди
Жорий йилнинг 18-19 май кунлари Тошкентдаги "Хумо Арена" мажмуасида йилнинг энг яхши брендлариги тақдирлаш учун махсус тадбир — "Йил бренди - 2023" тақдирлаш маросими бўлиб ўтди. Маросимда Ўзбекистоннинг энг кўзга кўринган турли брендлари орасидан энг яхшилари 25 та йўналишда тақдирландилар.
Шу жумладан тадбирда Халқ банки ҳам 2023 йилда Ўзбекистонда банк ва ижтимоий хизматларни рақамлаштиришда етакчи инклюзив "xazna" иловаси учун тақдирланди.
Банк жамоаси ҳамда "xazna" иловаси лойиҳаси иштирокчиларини, шунингдек барча мижозларни ушбу эътироф билан табриклаймиз.
«хazna» ўзида 40дан ортиқ давлат ва ижтимоий хизматлар, банк хизматларини жамлаган мобил илова. Унинг «xazna» Prо ва пенционерлар учун махсус «xazna» Lite интерфейси мавжуд бўлиб, илова ёрдамида амалиётларни банкка келмасдан смартфон орқали бир зумда ҳал қилиш мумкин.
👉 @bankirkundaligi 👈
Ўзсаноатқурилишбанк Риск бош директори лавозимига хорижий мутахассис тайинланди
Исмагилов Салават Фоатович Ўзсаноатқурилишбанк Риск бош директори лавозимига тайинланди. Тайинловга қадар у Россия Федерацияси ПАО "АК Барс" банкининг Риск бош бошқарувчи директори лавозимида фаолият юритган.
Рискларни бошқариш бўйича тажрибали ва юқори малакали хорижий мутахассис ҳисобланган Салават Исмагилов фаолияти давомида "Альфа Банк", "Кредит Европа Банк", "Возрождение" каби йирик банкларда раҳбар лавозимларда ишлаган. Хусусан, 2018-2019 йилларда "KPMG" халқаро аудит ва консалтинг корпорациясида солиқлар бўйича катта менежер лавозимида фаолият юритган.
С.Исмагилов 2024 йилда "Татаристон Республикасида хизмат кўрсатган иқтисодчи" унвони билан тақдирланган.
👉 @bankirkundaligi 👈
