66917
Банк-молия тизимидаги актуал канал. Бизда фақат долзарб масалалар ёритилади. Бошқа лойиҳаларимиз: @ishbank, @bank_xabar Тижорий ҳамкорлик масалалари: @arslonpr Мурожаат юбориш учун: @bankirmanbot
Микрокредитбанк ISO 37001:2016 халқаро стандартига мувофиқлик сертификатини қўлга киритди
«Микрокредитбанк» АТБнинг коррупцияга қарши бошқарув тизими ИСО 37001:2016 халқаро стандарти талабларига мувофиқлиги тасдиқланди.
2021 йил 6 июлдаги «Коррупцияга қарши курашиш фаолиятини самарали ташкил этишга доир қўшимча чора-тадбирлар тўғрисида»ги Президент қарорига асосан банк тизимида Коррупцияга қарши назорат департаменти ташкил этилган.
Коррупцияга қарши курашиш агентлиги кўмаги ва тавсияси асосида банкда коррупциянинг олдини олиш ва уни бартараф этиш бўйича қатор ички идоравий ҳужжатлар ишлаб чиқилган.
Агентлик томонидан, шунингдек, банк тизимида коррупцияга қарши ички назорат тузилмаси фаолиятини самарали ташкил этиш борасида ҳам амалий кўмак кўрсатиб келинмоқда.
Маълумот ўрнида: 2023 йил натижаларига кўра, давлат идораларининг коррупцияга қарши курашишдаги фаолияти самарадорлиги рейтингида «Микрокредитбанк» АТБ юқори натижа қайд этиб, «яхши» тоифадан жой олган.
Эслатма! Агарда сиз коррупцияга оид ҳуқуқбузарлик ҳолатларига дуч келсангиз Коррупцияга қарши курашиш агентлигининг Call-markazi – 1253 ёки https://eanticor.uz электрон платформаси орқали мурожаат қилинг.
👉 @bankirkundaligi 👈
БАНК ХОДИМЛАРИ АРАЛАШГАН
ДХХ томонидан Тошкент шаҳрида бир гуруҳ бўлиб 370 млрд сўмни банк ҳисобрақамлардан ўғирлаб, оффшор ҳудудларга чиқариб юборишга уриниш бартараф этилган.
Ачинарлиси, собиқ банк ходими ҳозирги кунда амалдаги банк ходимидан банк дастурий таъминоти ва ҳисобрақамларига кириш имкониятини берувчи кодларни 6500 АҚШ долларига сотиб олган.
Агар уларнинг жиноятлари амалга ошганида, гўёки банк дастурига чет элдан хакерлик ҳужуми уюуштирилгани ҳақида ёлғон хабар тарқатишларини режалаштирилган.
Ҳозир улар қўлга олиниб, қамоқ эҳтиёт чораси қўлланилган.
👉 @bankirkundaligi 👈
РАҚОБАТ ҚЎМИТАСИ АГРОБАНКНИНГ ТОШКЕНТ ВИЛОЯТИ БОШҚАРМАСИГА ЧОРА КЎРДИ
Фермер хўжаликлари Агробанк Чиноз филиали билан кредит шартномаси ва таъминотчи ташкилотларни ихтиёрий танлаш бўйича шартнома имзолаган. Бироқ Агробанк бош офисининг Агросаноат мажмуини кредитлаш бўлими томонидан фермер хўжаликлардан ушбу кредитларни ажратилишида маблағлардан эркин фойдаланишига ҳамда моддий ресурслар етказиб берувчиларни ихтиёрий танлашида бир қатор сунъий ҳамда бюрократик тўсиқлар, хусусан фермер хўжаликларига ажратиладиган ушбу кредит маблағлари ҳисобидан минерал ўғит, ёқилғи мойлаш маҳсулотлари, техника хизмати ва техникаларга эҳтиёт қисимлар сотиб олишда Чиноз тумани ҳокимлигидан ушбу етказиб берувчи корхоналарни таъминотчилар рўйхатига қўшиш учун асоссиз равишда хат талаб қилиш ҳолати маълум бўлди.
Бундан ташқари, ўрганиш даври маълумотларига кўра, Агробанк Чиноз филиали маълумотларига асосан фермер хўжаликларига Ғалла-2024 йил ҳосилини етиштириш учун ажратилган имтиёзли кредит маблағининг ишлатилган қисми 4,6 млрд сўмни ташкил этиши аниқланди.
Рақобатни ривожлантириш ва истеъмолчилар ҳуқуқларини ҳимоя қилиш қўмитаси хабарига кўра, Агробанк товар ёки молия бозорида давлат реестрида “Фермер хўжаликларини кредитлаш хизмати” бўйича устун мавқени эгаллаб турган хўжалик юритувчи субъект ҳисобланади.
Юқоридаги ҳолатлардан келиб чиқиб, Агробанк Тошкент вилоят бошқармасига нисбатан Ўзбекистон Республикаси “Рақобат тўғрисида”ги Қонуни бузилиши аломатлари бўйича тегишли тартибда иш қўзғатилиб, белгиланган тартибда чора қўлланилди.
👉 @bankirkundaligi 👈
Ҳафталик дайжест.
Банк тизими ҳафталик (1 - 7 июл) янгиликлари.
☑️Халқ банки бизнес ривожи учун гаров эвазига 100 млн сўмгача кредит таклиф этди. Фоизи 25%, имтиёзли давр 6 ойгача, муддати 36 ойгача.
☑️Трастбанк тизимини "Ягона банк коди" технологиясига тўлиқ ўтказиш муносабати билан 2024 йил 5 июл соат 18-00 дан 7 июл 18-00 га қадар банк тўлов тизимларида, жумладан мобил илова фаолиятида узилишлар содир бўлиши мумкинлигини маълум қилиб, узр сўради.
☑️Асакабанк "Автокредит 2.4" автокредитини таклиф этди. Бошланғич тўлов 20%дан, фоизи 23,5%дан, муддати 5 йилгача. Расмий даромад талаб этилмайди ва суғурта тўловини кредит ҳисобидан амалга ошириш мумкин.
☑️Ўзсаноатқурилишбанк бизнес учун Payments 24/7 – ташқи савдо шартномалари бўйича хавфсиз ва тезкор тўловларни амалга ошириш учун биринчи онлайн хизмат эканини маълум қилди.
☑️Капиталбанкка "Fitch Ratings" халқаро рейтинг агентлиги хорижий валютадаги узоқ муддатли эмитент дефолт рейтингини (IDR) “B” даражасида барқарор прогноз ва “b” барқарорлик рейтинги билан берганини маълум қилди.
☑️Микрокредитбанк Россиянинг "KWIKPay" va "Astrasend" халқаро пул ўтказмалари тизимлари билан ҳамкорлик шартномаси имзолаганини маълум қилди.
☑️Пойтахт банк ипотека кредит таклиф этди. 60 ой муддатга 25%, 84 ой муддатга 27%, 120 ой муддатга 29%. Дастлабки тўлов 25%.
☑️Ипотека-банкда корруцион ҳуқуқбузарликларга дуч келганда, банкнинг ишонч телефони, электрон почтаси ёки @compliance_control_bot махсус бот орқали мурожаат қилиш мумкинлиги ҳақида хабар берди.
☑️Давр банк маблағларингизни миллий ёки хорижий валютада банкда сақлашни таклиф этди. Бундай хизмат кўрсатиш бепул, истаган вақтингизда қайтариб олишингиз мумкин.
☑️Тенге банк Тенге24 мобил иловасида ойига 10 млн сўмгача пул ўтказмаларини бепул амалга ошириш мумкинлигини маълум қилди (31.12.2024й гача).
☑️Ориентфинансбанк ўз мижозлари - тадбиркорлар учун фойдали бизнес-нонушталарни ўтказганини маълум қилди. Тадбирларда 100 дан ортиқ бизнес вакиллари иштирок этган.
☑️Агробанк "Комфорт" омонатини таклиф этди. Минимал миқдори 500 минг сўм, фоизи 22%, муддати 13 ой. Қўшимча маблағ киритиш ва қисман маблағ ечиш имконияти мавжуд.
☑️Алоқабанк карталари орқали ойлик маош олувчи мижозларига Zoomrad иловасида 50 млн сўмгача микроқарз таклиф этди. Муддати3 йилгача, фоизи 28-30%.
☑️Инфин банк InfinBLACK кредит картасини таклиф этди. Миқдори 50 млн. сўмгача, 50 кунгача фоизсиз, муддати 5 йилгача, янгиланадиган лимитга эга.
☑️Азия альянс банк карта эгалари 2024 йил 25 декабрга қадар банк банкоматларида 0,6% хизмат ҳақи эвазига нақд пул ечиб олиш мумкинлигини маълум қилди.
☑️Анорбанк 2024 йил 12 июлдан бошлаб ANOR BLACK вa HUMO TRIA жисмоний карталаридан фойдаланиш шартларига ўзгартиришлар киритилади. Янги фойдали таклиф ишлаб чиқилиши сабабли, банк карталари қолдиғи бўйича йиллик 10% ҳисобланиши вақтинчалик тўхтатилади.
☑️Ўзмиллийбанк "Жозибали" омонатини таклиф этди. Омонатни энг ками 500 минг сўм билан очиб, истаган вақтда, истаганча унга қўшиб бориш мумкин. Муддати 6 ой. Фоизи 21%, агар мобил илова орқали очилса 22%.
☑️Ziraat bank Uzbekistan корпоратив мижозларига банк кафолати тақдим этишини маълум қилди. Банк кафолати - банк мижозга учинчи шахслар олдидаги шартнома шартларидаги мажбуриятларидан келиб чиқиши мумкин бўлган қарзини тўлашга кафиллик бериладиган ҳужжат.
☑️Универсал банк “UzAutoMotors” автомашиналари сотиб олиш учун "Миллий" автокредитини таклиф этди. Бошланғич тўлов 25%дан бошлаб, муддати 36 ойдан 60 ойгача, фоизи 30-34%.
☑️Банклар ишга таклиф этди:
▪️Капиталбанк;
▪️Марказий банк;
▪️ТБС банк.
☑️Ҳафта давомида энг кўп ўқилган пост.
☑️Банкларнинг бошқарув раислари қабулига қандай кириш мумкинлиги ҳақида пост тайёрладик.
☑️Бирламчи ва иккиламчи ипотека кредитлар шартлари 👉Мана бу ерда.👈
☑️Микроқарзлар шартлари 👉Мана бу ерда.👈
☑️Субсидиялар ҳақида асосий саволларга жавобларни👉мана шу ерда👈 ўқишингиз мумкин.
Хабарлар қисқа кўринишда тақдим этилди. Батафсил банкнинг ижтимоий саҳифаси ёки колл-марказидан олишингиз мумкин.
👉 @bankirkundaligi 👈
ШАНБА КУНИ МАЖЛИС
Айтишларича, бироздан сўнг, иқтисодий комплекснинг 1-ярим йиллик якунлари бўйича иқтисодий кўрсаткичлар таҳлили, аҳоли бандлигини таъминлаш ва даромадларини ошириш, тадбиркорликни ривожлантириш ҳолати ва йил якунлари бўйича кутилаётган натижалар муҳокамаси ўтказилади (Бизда имзоланган хабарномада мавжуд).
Йиғилишга барча иқтисодий идоралар раҳбарлари билан бирга давлат улуши мавжуд тижорат банклари (барча вилоят, шаҳар ва туман филиаллари) раҳбарлари таклиф этилган. Ҳудудлар қолган банкларни ҳам чақирган бўлса, ҳеч ким ажабланмайди.
Дам олиш куни ишловчиларни, умуман, меҳнат муносабатларини тартибга солувчи Камбағалликни қисқартириш ва бандлик бўлимларининг барча вилоят ва шаҳар/туман бўлим бошлиқлари ҳам иштирок этади.
👉 @bankirkundaligi 👈
⚡️ЙЎЛ ҲАРАКАТИ ҚОИДАЛАРИ БУЗИЛИШИГА ДОИР ЖАРИМАЛАРГА ҚАРШИ ЭЛЕКТРОН ШИКОЯТ ЙЎЛЛАШИНГИЗ МУМКИН БЎЛДИ
Эндиликда сиз Йўл ҳаракати қоидалари бузилишига доир жарималарга қарши my.gov.uz портали орқали электрон шикоят йўллашингиз мумкин.
Вазирлар Маҳкамасининг 2024 йил 3 июлдаги 382-сон қарорига асосан, жорий йилнинг 1 сентябридан бошлаб my.gov.uz портали орқали Йўл ҳаракати қоидалари бузилиши юзасидан чиқарилган қарорлар ва юборилган хабарномалар бўйича Йўл ҳаракати хавфсизлиги хизматига электрон тартибда шикоят қилиш имконияти пайдо бўлади.
☝🏻Юборилган шикоят аризалари ЙҲХХ томонидан 10 иш куни ичида кўриб чиқилади.
Мурожаат кўриб чиқилаётган вақт мобайнида жарима учун белгиланган чегирма муддати тўхтатиб турилмайди.
Агар шикоят ўринли деб топилса, ЙҲХХ томонидан Ўзбекистон Республикаси Маъмурий жавобгарлик тўғрисидаги кодексининг 271-моддасига асосан маъмурий ҳуқуқбузарлик тўғрисидаги иш тугатилади.
👉 @bankirkundaligi 👈
💥🎉"Beepul" orqali to‘lov qilganingizda raqamingizga 10% CashBack
Beepul orqali Beeline raqamingizga to'lov qiling va 10% CashBack oling!
💬 Do‘stlaringiz va yaqinlaringiz ushbu imkoniyatdan foydalanaolishlari uchun ularga ajoyib taklif yangiligini ulashing
Beepul orqali hisobni to‘ldiring – manfaatni his eting! 🚀
Beepul yuklash
(reklama)
Анорбанкнинг расмий телеграм каналида Ипак йўли банки реклама бермоқда.
Билишимизча, бу рекламага Анорбанкнинг ҳеч қандай алоқаси йўқ.
Нима ҳам дердик, рақобат!
👉 @bankirkundaligi 👈
ЯНА ЗАМҲОКИМЛАР УШЛАНДИ
Қорақалпоғистон, Тахиатош тумани ҳокими қурилиш бўйича ўринбосари ҳокимлик балансида бўлган ва режавий бузилишга тушган уйни маҳаллий фуқарога бузиш ишларини олиб бориш ва бузиш давомида чиққан материаллардан ўз хоҳишига кўра фойдаланишга ҳужжат расмийлаштириб бериш эвазига 35 млн. сўм талаб қилади.
ДХХ ходимлари ўтказган тадбирда, ҳоким ўринбосари сўралган пул маблағидан 32 млн. сўмни ўзининг хизмат хонасида олган вақтида ушланди.
Андижон вилояти Бўстон тумани фермер кенгаш раиси ўзининг номида бўлган ва фермер хўжалик тасарруфидаги 10 гектар ер майдонини ер тоифасини ўзгартириб, бу ҳақида туман ҳокимининг қарорини чиқартириб, уни каврак ўсимлиги етиштирмоқчи бўлган тадбиркорга 3 йилга фойдаланишга бериш эвазига 20 минг АҚШ доллари талаб қилади.
ДХХ ходимлари томонидан Департамент билан ҳамкорликда ўтказилган тадбирда, у олдиндан 10 минг АҚШ доллари олган вақтида ушланди.
Терговга қадар текширув давомида, кенгаш раиси аванс сифатида олган пул маблағини ҳокимнинг қишлоқ ва сув хўжалиги масалалари бўйича ўринбосарига бериши кераклиги маълум бўлиб, тезкор тадбир давом эттирилди ҳамда ушбу мансабдор шахс ҳам 10 минг АҚШ долларини ўзининг хизмат автомашинасида олган вақтида ушланди.
Тошкент вилоятида кузатилган ҳолатда эса, ФВВнинг Бўка тумани бўлими бошлиғи 2022 йилда қурилган кўп қаватли уй учун қабул қилиш далолатномасини тасдиқлатиб бериш эвазига 2500 АҚШ доллари талаб қилади.
ДХХнинг ва департамент ходимлари ўтказган тезкор тадбирда, унинг топшириғига кўра, талаб қилинган пул маблағини олган вақтида туман ФВБ ходими ашёвий далиллар билан ушланди.
Терговга қадар текширув давомида, Бўка тумани фавқулодда вазиятлар бўлими бошлиғи 1200 АҚШ долларини Бўка тумани ҳокимининг қурилиш бўйича ўринбосарига бериши кераклиги маълум бўлиб, тезкор тадбир давом эттирилди ҳамда мазкур мансабдор шахс ушбу пул маблағини ўзининг хизмат автомашинасида олган вақтида ушланди.
Ҳозирда мазкур шахсларнинг барчасига нисбатан қамоққа олиш тарзидаги эҳтиёт чораси қўлланилган.
👉 @bankirkundaligi 👈
UDEA ажойиб янгилик эълон қилмоқда. 2024-2025 ўқув йили учун «Aгробанк» AТБ томонидан ажратилаётган 200 та грантдан бирининг эгасига айланиш мумкин.
UDEA`даги Ковентри университетига ҳужжат қабул қилиш давом этмоқда ва қуйидаги йўналишларда таълим олиш имконияти мавжуд:
— «Бизнес учун ахборот технологиялари»;
— «Бухгалтерия ҳисоби ва молия»;
— «Халқаро молия ва банк иши»;
— «Маркетинг ва жамоатчилик билан алоқалар»;
— «Бизнесни бошқариш ва лидерлик»;
— «Инглиз тили ва инглиз тилини хорижий тил сифатида ўқитиш» (TEFL).
Ҳужжатлар udea.uz сайти ёки Telegram`даги bot орқали қабул қилинади.
Телефон: (+998) 78-888-08-00.
Реклама.
⚡️Расмий хабар!!!
БУГУН ИШ КУНИ - ОЧИҚ БАЛАНС
Ўзбекистон Республикаси Вазирлар Маҳкамасининг 2024 йил 28 июндаги фармойишига кўра,
- Давлат бюджети ва давлат мақсадли жамғармаларига тўловлар бўйича ҳисоб-китобларни муваффақиятли амалга ошириш ҳамда иқтисодиётда тўловлар узлуксизлигини таъминлаш мақсадида банк тизими, иқтисодиёт ва молия, божхона ҳамда солиқ идораларининг айрим ходимларини 2024 йил 29 июнь - шанба куни қонунчиликда белгиланган тартибда ишга жалб қилишга рухсат берилди.
☝🏻Меҳнат кодексининг 189-моддасига кўра, иш вақтидан ташқари ишларга ходимнинг ёзма розилиги билан йўл қўйилиши, 262-моддасига кўра, иш вақтидан ташқари ишлар, дам олиш кунлари ва байрам кунларидаги ишлар учун камида икки ҳисса миқдорида ҳақ тўланиши зарур.
Ҳатто 2023 йил якунида 30-31 декабр кунлари шанба-якшанба кунларига тўғри келганда ҳам очиқ баланс бўлмаган эди. Демак, юқоридагиларимиз вазиятни (йил якунидан ҳам) жиддий деб баҳолашган.
👉 @bankirkundaligi 👈
⚡️⚡️⚡️ҚАЙСИ БАНК ИПОТЕКА КРЕДИТ АЖРАТМОҚДА?
Давлатимиз раҳбарининг “2024 йилда ипотека кредитларини ажратиш механизмларини такомиллаштириш ва аҳолининг уй-жой шароитларини яхшилашга оид қўшимча чора-тадбирлар” тўғрисидаги фармонига мувофиқ аҳолига ипотека кредити ажратилиш тартиби.
☑️Мазкур тартиб бўйича ипотека кредитни расмийлаштириш юзасидан қуйидаги тижорат банкларига мурожаат қилишингиз мумкин:
▪️Миллий банк
▪️Саноатқурилишбанк
▪️Ипотека банк OTP
▪️Халқ банки
▪️Турон банк
▪️Алоқабанк
▪️Бизнесни ривожлантириш банки
▪️Агробанк
▪️Ҳамкорбанк
▪️Асака банк
▪️Orient finans bank
▪️Микрокредитбанк
Мазкур ипотека кредитлари расмий даромадга эга бўлмаган фуқароларга ҳам ажратилади.
Кредитлар муддати 20 йил. Кредит фоизи бозор ставкалари асосида (Бугунги кунда 18 фоиз атрофида).
👉 @bankirkundaligi 👈
🏦Халқ банки ташаббуси билан шахсий бизнесини йўлга қўйиш истагидаги хотин-қизлар учун махсус электрон ахборот тизими ишга туширилди.
Халқ банки ва “Реалсофт” МЧЖ ҳамкорлигида хотин-қизларни бизнесга жалб қилиш, тадбиркорлигини йўлга қўйиш ва ривожлантиришни қўллаб-қувватловчи махсус электрон ахборот тизими – “Лойиҳалар фабрикаси” ишга туширилди.
Платформада ҳудудлар ихтисослашувига кўра ишлаб чиқилган 250 турдаги тавсиявий бизнес-режалар кредит ажратиш шартлари билан жойлаштирилган.
“Лойиҳалар фабрикаси” онлайн платформасида шахсий бизнесини йўлга қўйиш истагидаги хотин-қизлар учун бир қатор қулайликлар яратилган.
“Лойиҳалар фабрикаси” ҳақида батафсил маълумот 👉🏻 https://loyihalar-fabrikasi.uz/
👉 @bankirkundaligi 👈
🏡Халқ банкидан ипотека кредити олинг ва ўз уйингизга эга бўлинг
Халқ банки бирламчи бозордан уй-жой сотиб олиш учун 20 йил муддатга ипотека кредитини таклиф қилади.
Шартлари:
▪️ муддати – 20 йилгача
▪️ бошланғич тўлов – 15% дан бошлаб
▪️ имтиёзли давр – 6 ой
▪️ йиллик фоизи – 17,5% дан бошлаб
📌 Кредит ўзини ўзи банд қилган ва/ёки банк карта айланмасига эга бўлган шахслар учун ҳам ажратилади.
Кредитнинг максимал миқдори:
▪️ Қорақалпоғистон Республикаси ва вилоятлар учун – 330 млн. сўм
▪️ Тошкент шаҳрида уй-жой хариди учун – 420 млн. сўм
⚡️ Халқ банкининг ипотека кредити билан кўп қаватли уйдан хонадон харид қилсангиз, уй-жой гаров суғуртасига харажат қилмайсиз.
Батафсил: xb.uz
👉 @bankirkundaligi 👈
Матбуот ва оммавий ахборот воситалари ходимларига
Бугунги кунда жамиятимизда очиқлик ва ошкораликни ривожлантириш, давлат идоралари ва уларнинг мансабдор шахслари фаолияти устидан жамоатчилик назоратини ўрнатиш, фуқароларимизнинг қонуний мурожаатларини ўрганиш ва ҳал қилиш борасида сизларнинг ўрнингиз ва таъсирингиз тобора ортиб бораётганини барчамиз яхши биламиз ва юксак қадрлаймиз.
Шу ўринда газета ва журналларимиз, теле ва радио каналлар, ижтимоий тармоқларда турли мавзулардаги долзарб чиқишлар, муаммоли масалалар юзасидан мутахассис ва экспертлар иштирокидаги кўрсатув ва эшиттиришлар, таҳлилий шарҳлар, баҳс-мунозаралар сезиларли равишда кўпайганини таъкидлаш лозим.
Хусусан, қурилиш, экология ва атроф-муҳитни муҳофаза қилиш, йўл ҳаракати хавфсизлигини таъминлашдаги камчиликлар, ижтимоий ва иқтисодий соҳалардаги муаммолар бўйича бериб борилаётган танқидий ва таҳлилий материаллар жойларда мудраб ўтирган айрим раҳбар ва мутасаддиларни уйқудан уйғотиб, янгича ишлаб, одамларнинг ташвиши билан яшашга мажбур қилмоқда.
Мухтасар айтганда, куюнчак ва олижаноб журналистларимиз, фаол блогерларимиз ўзларининг қатъий позицияси, ҳаққоний сўзи билан ҳаётимиздаги ўткир муаммоларни ҳал этиш, ислоҳотларимизнинг самарасини ошириш, юртдошларимизнинг фикрини, дунёқарашини юксалтиришга муносиб ҳисса қўшмоқдалар.
Шу билан бирга, бундай юксак маррага етиш осон эмаслиги, бу йўлда тўсиқ ва қийинчиликлар бўлиши табиийдир.
Лекин, қанчалик қийин бўлмасин, бу борадаги ишларимизни қатъият билан давом эттирамиз.
Фурсатдан фойдаланиб, бугунги байрам муносабати билан юксак давлат мукофотлари билан тақдирланган оммавий ахборот воситалари ходимларини чин дилдан қутлайман.
Ш.Мирзиёев
Ўзбекистон Республикаси Президенти
P.S.: Самимий тилаклар учун ташаккур, Ҳурматли Президент. Обнуачилардан табрикларни қабул қиламан, байрам байрамдай бўлсин. Сизларнинг самимий фикрларингиз, танқидий бўлса ҳам ижодга ундайди.👉 @bankirkundaligi 👈 Читать полностью…
“IPOTEKABANK” АТИБГА НИСБАТАН ИШ ҚЎЗҒАТИЛДИ
Рақобат қўмитаси томонидан ўз ваколатлари доирасида жойлаштирилаётган реклама ахборотларининг қонун ҳужжатлари талабларига мослиги юзасидан олиб борилган ўрганиш ва таҳлил ишлари давомида “Instagram” ижтимоий тармоғидаги “IPOTEKABANK” АТИБ саҳифасида банк томонидан жорий қилинган “Super” номли омонат тури бўйича йиллик фоиз ставкаси 26 фоиздан эканлиги баён этилган.
Ушбу ахборотга банкнинг интернетдаги расмий саҳифаси жойлаштирилган маълумотлар асосида аниқлик киритилишича, “Super” номли омонат тури шартларига мувофиқ мижозлардан касса орқали депозитга қабул қилинган нақд пул маблағлари бўйича дастлабки 3 ой учун 26 фоиздан ва кейинги уч ой учун 14 фоиздан ҳисобланиши, худди шунингдек, онлайн қабул қилинган депозит пул маблағлари бўйича эса мос равишда 26,09 ва 14 фоиздан ҳисобланиши маълум бўлди.
☝🏻Бунда, “Super” номли омонат тури бўйича фақатгина дастлабки 3 ой учун 26 фоиздан пул маблағлари берилса-да, ижтимоий тармоқдаги реклама ахборотида омонатнинг муҳим шартлари очиб берилмаган.
Рекламани бундай кўринишда бўлиши рекламадан фойдаланувчиларни чалғитувчи ёки чалғитишга олиб келувчи ҳолатни ифодалаши мумкин.
☑️Юқоридагиларни инобатга олиб, Ўзбекистон Республикасининг “Реклама тўғрисида”ги Қонунининг 16-моддаси, 43-моддаси ва Ўзбекистон Республикасининг “Истеъмолчиларнинг ҳуқуқларини ҳимоя қилиш тўғрисида”ги Қонунининг 6-моддаси талаблари бузилиши аломатлари юзасидан “IPOTEKABANK” АТИБга нисбатан иш қўзғатилди.
👉 @bankirkundaligi 👈
Онлайн омонат ваъда қилган собиқ банк ходими ва имтиёзли кредит олиб беришни ваъда қилган фирибгар аниқланди
Бош прокуратура ҳузуридаги Департаментнинг Хива шаҳар бўлими томонидан ўтказилган терговга қадар текширувда фуқаро Ж.А. ҳудудий тижорат банк хизматлари марказида ишлаган даврида 3 нафар фуқаронинг ишончига кириб, йиллик 23 фоиз устама тўлаш шарти билан онлайн омонат қўйишини айтиб, уларнинг жами 124,1 млн сўмини фирибгарлик йўли билан қўлга киритганлиги аниқланган.
Шу каби, Хива шаҳар бўлими томонидан ўтказилган терговга қадар текширувда фуқаро Т.Р. фуқаро Ж.Ю.нинг ишончига кириб, унга ҳудудий тижорат банки филиалидан 1,8 млрд сўм имтиёзли кредит олиб беришини ваъда қилиб, эвазига 1 000 АҚШ долларини фирибгарлик йўли билан қўлга киритганлиги аниқланган.
Мазкур ҳолатлар юзасидан Жиноят кодексининг 168-моддаси (фирибгарлик) билан жиноят ишлари қўзғатилиб, тергов ҳаракатлари ўтказилмоқда.
👉 @bankirkundaligi 👈
Тошкент шаҳридаги Вебстер университети (Webster University) 2024-йил учун қабул жараёнлари тугашига оз қолди!
📢 Ўзбекистондаги биринчи АҚШ университети талабаси бўлишни истаганлар учун Вебстер университети бакалавр ва магистратура дастурларини таклиф етади:
🎓 Бакалавр
🟡 Бизнес бошқаруви (BS in Business Administration)
🟡 Компютер фанлари (BS in Computer Science)
🟡 Халқаро алоқалар (BA in International Relations)
🟡 Иқтисодиёт (BA in Economics)
🟡 Медиашунослик (BA in Media Studies)
🟡 Ахборот тизимлари бошқаруви (BS in Management Information System)
🟡 Таълим (BE in Education Studies)
🎓 Магистратура
🟡 Бизнес бошқаруви (MBA)
🟡 Таълим ва инновация (MA EDIN)
🟡 Инглиз тилини иккинчи тил сифатида ўқитиш магистри (MA TESOL)
🟡 Соғлиқни сақлаш бошқаруви (MHA)
🎯 Қабул талаблари
⚡️ Бакалавр даражаси:
⏺ Инглиз тили сертификати (IELTS 5.5+, Дуолинго 100+, Michigan EPT B2, TOEFL 80+)
⏺ Мактаб/лицей ёки коллеж дипломи ва якуний баҳолар билан аттестат (инглиз тилида таржима қилинган ва нотариал тасдиқланган бўлиши керак)
⏺ Паспорт нусхаси ёки шахсий гувоҳнома - ID карта, иккала томон билан.
⚡️ Магистр даражаси:
⏺ Инглиз тили сертификати (IELTS 6.0+, Дуолинго 120+, Michigan EPT C1, TOEFL 80+)
⏺ Университет дипломи ва ҳужжат форматидаги транскрипт (агар диплом инглиз тилида бўлмаса, таржима қилинган ва нотариал тасдиқланган)
⏺ Паспорт нусхаси ёки шахсий гувоҳнома - ID карта, иккала томон билан.
❗️ Ҳужжатларингизни 31-июлгача онлайн тарзда топширинг. Аризалар 14 кун давомида кўриб чиқилади.
⚡ Шошилинг! Вебстер университети билан келажагингизни яратинг!
📧 Электрон почта: uzadmissions@webster.edu
📞 Телефон рақам: +998555030066
(Лицензия №038901 15.09.2022 y.)
Сайт | Телеграм | Инстаграм | Виртуал тур
Прокуратура вакиллари пора билан ушланган
Тошкент шаҳар прокуратурасининг маъмурий суд ишларини юритишда прокурор ваколатини таъминлаш бўлими катта прокурори ҳамда Сурхондарё вилояти прокуратурасининг Аграр ва озиқ-овқат соҳаларини ривожлантиришга оид қонунчилик ижроси устидан назорат бўлими катта прокурори қўлга олинган.
👉 @bankirkundaligi 👈
МУРОЖААТДАГИ МАСАЛАЛАР ҲАЛ ЭТИЛДИ
Жорий йил 28 июн куни Ипотека-банкдан кредит олиб, 8 ойдан буён кредит тарихи салбийлигича қолаётган банк мижози мурожаати банк ва КАТМ бюроси мутасаддилари томонидан ижобий ҳал этилиб, унинг кредит анкетаси ёпиб берилибди. Мурожаатчи, тасдиқлаб, миннатдорчилик билдирди.
➖➖➖➖➖➖➖➖➖➖➖➖➖
Куни кеча АВО банк рекламаларига ишониб, унинг хизматидан фойдаланган мижоз, мурожаат қолдирган эди. Бугун ушбу мурожаатчи билан ҳам банк мутасаддилари боғланиб, кўтарган масалалари юзасидан тегишли тушунтиришлар берибди. Камчиликларни айримларини бартараф этишга маълум муддат кутишга тўғри келиши, мижозга тушунтирилибди. Мижоз тасдиқлаб, миннатдорчилик билдирди.
P.S.: Шу ўринда банк хизматларидан фойдаланаётган мижозлар диққатига кичик эслатмамиз бор. Банк хизматларидан фойдаланишда унинг барча шартлари билан эринмай танишиб чиқинг, охиригача ўқинг. Тушунмаган жойларингизни банк хизматчисидан уялмай сўранг, тушуниб олинг.
Ҳа, яна бир гап. Бизнинг канал номидан сохта ботлар очиб, банкка боғлиқ масалаларни ҳал қилиб бериш эвазига ҳақ талаб қилаётган шоввозлар ҳақида ҳам хабарлар бизгача етиб келди. Унутманг, биз мурожаат учун мурожаатчидан ҳеч қандай ҳақ олмаймиз. Бизда бепул! Шунчаки, ёнғоқни шақир-шуқурига ишқивозмиз.
👉 @bankirkundaligi 👈
💼"SQB Business" онлайн-банкинг - банкка бормасдан компаниянгиз молиявий ҳолатининг тўлиқ назорати.
🌐 Исталган вақтда ва исталган жойда:
✅ битта логиндан бир нечта ташкилотларнинг аккаунтларини бошқаринг;
✅ юқори даромадли онлайн депозитларни очинг;
✅ чет эл валютасини сотинг ва сотиб олинг;
✅ ҳисоб рақамингиз ва давр бўйича кўчирма ва маълумотномаларни бир зумда олинг;
✅ Картотекадаги маълумотларни текширинг;
✅ Корпоратив карталарни тўлдиринг;
✅ 1C-Бухгалтерия билан маълумотлар алмашинг;
➕ 24 соатлик техник ёрдам.
📌 "SQB Business"ни СҚБнинг энг яқин офисида улаб олинг. “SQB Business” иловасини App Store ва Google Play дан юклаб олинг.
Батафсил маълумот sqb.uz сайтида ёки 1180 рақами орқали.
👉 @bankirkundaligi 👈
#Бизга_ёзишмоқда (@bankirmanbot)
РЕКЛАМАГА ИШОНИБМАН
Шикоятим АВО банкдан. Рекламаларига, бонусларига ишониб кредит карта расмийлаштирдим. Бонусига ишониб 15 млн. ишлатиб, яна вақтида фоиз билан қўшиб тўладим.
Бундан ташқари бошқа пластикка ташлаганим учун ҳар куни яна фоизи бор экан, айтмаган. Уни ҳам ташладим. Яқинда бошқа пластигимдан йўқ жойдан ойлик тулов деб 18 минг, яна ортиқча 12 минг сўрамасдан ечиб олган.
Бу ҳақида 22 июн куни ариза қолдирдим, бир неча марта илтимосномалар киритдим барибир фойдаси йўқ.
АВО банк call марказига телефон қилиб бонус берилмагани ҳақида айтдим. Улар "Ушбу масалада ариза олиб қоламиз" - деди. Бошқа кунлари яна телефон қилиб тезлаштиришини сўраб телефонлар қилдим. Улар "Хўп аризангизни тезлаштириш ҳақида илтимоснома киритамиз" - деб олиб қолишарди. Яқинда пластигимдан асоссиз пул ечиб олган яна call марказга мурожаат қилсам "Хатолик ўтибди, мутахассислар ўзи сиз билан боғланади" - деб айтишди. Афсуски ҳеч ким алоқага чиқмади. Кимга мурожаат қилсам бўлади.
P.S.: Марказий банкда банк истеъмолчилари ҳимоясига масъуллар ушбу масалани ўрганиб кўришларига умид билдирамиз. Мурожаатчининг шахсий маълумотлари банк расмийларига тақдим этилади.
👉 @bankirkundaligi 👈
ГЕРБ ҚАБУЛ ҚИЛИНГАНИГА 32 ЙИЛ БЎЛДИ
Ўзбекистон Республикаси Давлат герби тўғрисидаги Қонуни 1992 йил 2 июлда қабул қилинган. Қонун 8 та моддадан иборат. Гербнинг юқоридаги рангли ва оқ-қора тасвири ушбу Қонун билан тасдиқланган.
Қонуннинг 5-моддасига кўра:
- Ўзбекистон Республикаси Давлат гербининг такрорланаётган тасвири, унинг катта-кичиклигидан қатъи назар, ушбу Қонунга илова қилинаётган рангли ва оқ-қора тасвирига аниқ мос бўлиши керак.
- Ўзбекистон Республикаси Давлат гербининг элементларини нодавлат ташкилотлари ҳужжатларининг реквизитлари ёки реклама материалларига киритилишига йўл қўйилмайди.
- Ўзбекистон Республикаси Давлат гербининг тасвири туширилган белгилардан ишлаб чиқарилаётган ёки реализация қилинаётган товарларни (ишларни, хизматларни) ўтказиш учун тижорат мақсадларида фойдаланиш мумкин эмас.
- Нодавлат нотижорат ташкилотларининг рамзлари Ўзбекистон Республикасининг Давлат гербига ўхшаш бўлиши мумкин эмас.
👉 @bankirkundaligi 👈
Ҳафталик дайжест.
Банк тизими ҳафталик (24 - 30 июн) янгиликлари.
☑️Халқ банки йиллик 17,5 фоиздан ипотека кредит таклиф этди. Муддати 20 йилгача. Батафсил. Шунингдек, банк ташаббуси билан шахсий бизнесини йўлга қўйиш истагидаги хотин-қизлар учун махсус электрон ахборот тизими ишга туширилганини маълум қилди. Батафсил.
☑️Трастбанк ўтган ҳафтада 2 та: Юнусобод ва Паркент банк хизматлари марказларини очилишини ўтказди.
☑️Асакабанк ва Тошкент фармацевтика институти ҳамкорликда таълим ривожига ҳисса қўшаётганини маълум қилди. Батафсил.
☑️Ўзсаноатқурилишбанк янги хонадон хариди учун ипотека кредит таклиф этди. Фоизи 17 %дан, бошланғич тўлов 15%дан.
☑️Капиталбанк банкка бормасдан ҳисобрақам очиш 3 та қадамда амалга оширишни тушунтирди. 1-қадамда business.kapitalbank.uz сайтида ёки +998781481133 рақамга қўнғироқ қилсангиз, 2-қадамда менежер сизга қўнғироқ қилади ва 3-қадамда у олдингизга келади.
☑️Микрокредитбанк "Маҳалла еттилиги" тавсияси асосида "Имконият ипотекаси" кредитини таклиф этди. Муддати 20 йилгача, бошланғич тўлов 15%дан бошлаб, фоизи 18%.
☑️Пойтахт банк 100 млн. сўмгача микроқарз таклиф этди. Муддати 12-36 ойгача, фоизи 25-30%. 50 млн. сўмгача 3-шахс кафиллиги ёки суғурта полиси, 50 млн. сўмдан юқорисига ликвидли мол-мулк гарови асосида ажратилади.
☑️Ипотека-банк 420 млн. сўмгача "Осон" ипотека кредитини таклиф этди. Миқдори 420 млн. сўмгача, бошланғич тўлов 15 фоиз, муддати 20 йилгача. Банк бундан ташқари тижорат ипотека кредитини ҳам таклиф этди. Буни миқдори 1,7 млрд. сўмгача, муддати 20 йилгача, бошланғич тўлов 20 фоиздан, кредит фоизи 25,99 фоиздан.
☑️mybank 100 млн. сўмгача микроқарз таклиф этди. Муддати 6 ойдан 36 ойгача, фоизи 31,9%.
☑️Давр банк ижтимоий тармоқларда "Банк ходимлари кредитдан қарздорлигинг бор деб уйидаги молини олиб кетишяпти" дея тарқалган хабарда банкка нисбатан сохта айбловлар қўйилганини маълум қилди.
☑️Тенге банк давлат рўйҳатидан ўтганига 6 ойдан ошган ЯТТ ва юридик шахслар учун 5 млрд. сўмгача "Тезкор бизнес" кредитини таклиф этди. Муддати 60 ойгача, фоизи 26%дан, имтиёзли давр 3 ойгача.
☑️Гарант банк 40 млн. сўмгача миқдорда "Тараққиёт" микроқарзини таклиф этди. Муддати 30 ойгача.
☑️Ориентфинансбанк бирламчи бозор учун ипотека кредитини таклиф этди. Фоизи 18%дан, муддати 240 ойгача.
☑️ТБС банк 27% фоизли омонат очишни таклиф этди. Ушбу омонатни очган заҳоти 3 фоизи тўлаб берилади.
☑️Бизнесни ривожлантириш банки Ўзбекистон маҳаллалари уюшмаси билан "Маҳалла тараққиёти учун энг яхши бизнес лойиҳа" республика кўрик танловини ўтказаётганини маълум қилди
☑️Агробанк бирламчи бозордан хонадон харид қилиш учун ипотека кредити таклиф этди. Бошланғич тўлов 15%, кредит фоизи 18%, муддати 20 йилгача. Батафсил. Шунингдек, банк Ипотекани қайта молиялаштириш компанияси ресурслари ҳисобидан ҳам ипотека кредити таклиф этди. Миқдори пойтахда 800 млн. сўмгача, бошқа ҳудудларда 500 млн. сўмгача, муддати 10 йилгача, турар-жой таъмири учун эса 170 млн. сўмгача миқдорда ажратилади.
☑️Ҳамкорбанк бизнес учун 3 млрд. сўмгача нақд пулда кредит таклиф этди.
☑️Туронбанк мобил иловасида Максимум омонатини таклиф этди. Муддати 18 ой, минимал миқдори 100 минг сўм, омонат фоизи 23,5 фоиз.
☑️Алоқабанк юридик шахслар учун модулли кредитлар таклиф этди. "Старт-бизнес" кредити 18-36 ойгача, 26-27%дан, 500 млн. сўмдан 1 млрд. сўмгача. "Айланма-2" кредити 12-18 ойгача, 26-27%,, 2 млрд. сўмгача.
☑️Ҳафта давомида энг кўп ўқилган пост.
☑️Банкларнинг бошқарув раислари қабулига қандай кириш мумкинлиги ҳақида пост тайёрладик.
☑️Бирламчи ва иккиламчи ипотека кредитлар шартлари 👉Мана бу ерда.👈
☑️Микроқарзлар шартлари 👉Мана бу ерда.👈
☑️Субсидиялар ҳақида асосий саволларга жавобларни👉мана шу ерда👈 ўқишингиз мумкин.
Хабарлар қисқа кўринишда тақдим этилди. Батафсил банкнинг ижтимоий саҳифаси ёки колл-марказидан олишингиз мумкин.
👉 @bankirkundaligi 👈
ЎЗБЕКИСТОН МИЛЛИЙ ВАЛЮТАСИ 30 ЁШДА
Бугун миллий валютамиз сўм қабул қилинганига 30 йил тўлди.
☑️Марказий банк томонидан 1991-1993 йиллар давомида миллий валютани муомалага киритиш учун жуда кўп изланишлар олиб борилди, хорижий мамлакатлар тажрибаси ўрганилди.
▪️1993 йилнинг 15 ноябридан бошлаб тўлов воситаси сифатида “Сўм-купон” муомалага киритилди. Пул ислоҳотини амалга ошириш борасида маълум тажрибага эга бўлиш учун “Сўм-купон” ўтиш валютаси сифатида хизмат қилди.
▪️Ушбу йўналишда етарли тажриба тўплангач, 1994 йил 1 июлдан бошлаб Ўзбекистон Республикаси миллий валютаси “сўм” муомалага киритилди. Дастлаб 1, 3, 5, 10, 25, 50, 100, 200 (1997 йил), 500 (1999 йил) ва 1000 сўмлик (2001 йил) пуллар бирин-кетин муомалага киритилди.
▪️Марказий банк томонидан йиллар давомида пул сифатини яхшилаш, хавфсизлигини ошириш ва дизайни борасида тинимсиз изланишлар олиб борилди.
▪️2018 йилда ихчам ва енгилроқ вазнда янги дизайндаги танга пуллар – 50, 100, 200 ва 500 сўмлик пуллар чиқарилди. Янги дизайндаги 1000 сўмлик танга эса 2022 йилда муомалага киритилди.
▪️Нақд пулга доир ислоҳотларнинг давоми сифатида банкнотларнинг янги дизайни ишлаб чиқилди. 2021 йилда 2 000, 5 000, 10 000, 20 000, 50 000, 100 000 сўмлик ва 2022 йилда 200 000 сўмлик қийматдаги янги банкнотлар халқимизга тақдим этилди.
▪️Ушбу банкнотлар қоғоз сифати, ҳимоя қатламлари борасида эскиларидан анча фарқ қилади. Пулларнинг дизайнида "Буюк Ипак йўли" ва мамлакатимизнинг тарихий шаҳарлари мавзуси акс эттирилди.
☑️Миллий валюта давлатнинг иқтисодий мустақиллигини таъминловчи, унинг ўзлигини акс эттирувчи, дунёга танитувчи муҳим давлат рамзи ҳисобланади. Давлат рамзларига ҳурмат билан муомалада бўлиш, аввало, ўша халқнинг ўзига бўлган юксак эътиборини ифодалайди.
👉 @bankirkundaligi 👈
#Бизга_ёзишмоқда
8 ОЙДАН БУЁН КРЕДИТИМНИ ЁПА ОЛМАЙ САРСОНМАН
Мен Ипотека банк Қашқадарё вилояти филиалидан микроқарз олганман. Микроқарзни 2023 йил октябр ойида тўлиқ узганман.
Мана орадан 8 ой ўтяпди, лекин банк мени анкетамни ёпмаган.
3 ойдан бери КАТМ га мурожаат қиламан. КАТМ берган маълумотномада "Шартнома ҳолати - Очиқ" деб берилади. Бу ҳолат буйича Ипотека банк мутахассисларига бир неча бор телефондан, бир неча бор шахсан ўзим бориб мурожаат қилдим.
Мен кредитни тўлиқ тўлаганимга 8 ой бўлган бўлса, нега банк ходимлари мени кредит шартномамни ёпишмаган.
Бу ҳолат буйича қонунчиликда қандай йўл бор? Банк мутасаддилари мени 8 ойдан бери сарсон қилишмоқда. Бу ҳолат мени кредит тарихимни салбий бўлиб колишига сабаб бўлмоқда.
Илтимос шу масалада конуний маслаҳат берсангиз.
P.S.: Марказий банк мутасаддилари масалани ўрганиб, назоратга олишади деган умиддамиз.
👉 @bankirkundaligi 👈
⚡️⚡️БУГУН ОЙНИНГ ВА 1-ЯРИМ ЙИЛЛИКНИНГ, ҚОЛАВЕРСА 2-ЧОРАКНИНГ ОХИРГИ ИШ КУНИ
Бугун, 2024 йил 28 июн куни банклар учун (жорий ой учун) охирги иш куни. Шу билан ой ҳам якунланади, 1-ярим йиллик ҳам, 2-чорак ҳам якунланади. Банкирларни бўйнида бугун ва эрта қандай масъулиятли кун эканини ҳис қилиб турибмиз.
Иш куни дегани, шу кун ёпилгунга қадар банклараро тўловлар ўтади, ўша кунги ўтказмалар тўхтатилгач эса бошқа банкдан ўтказиладиган тўловлар ўтмайди. Бошқа банкдан пул ўтказиб кредит тўламоқчи бўлсангиз ҳам, бугун охирги кун. Ундан кейин фақат нақд пулда тўлашингиз мумкин. Ёки ўша банкдаги мижозлардан, сарғайиб пул сўрашга тўғри келади.
Шунинг учун бугун кредит тўловларини тўлаб олишга шошилинг.
Куч қувват тилаймиз банкирларга.
Кредит олганлардан эса кредит тўловларини графикка мувофиқ тўлаб боришларини сўраб қоламиз.
Кредитларини ўз вақтида тўламаётганларга 👉 мана бу ерда 👈 ҳам бир нималар деганмиз. Гап таъсир қилса ўқиб кўрарсиз.
👉 @bankirkundaligi 👈
⚡️ХОНАДОН ХАРИД ҚИЛИШ УЧУН ФОЙДАЛИ ТАКЛИФ - ЙИЛЛИК 18% ГАЧА ИПОТЕКА КРЕДИТИ!
☑️Бирламчи уй-жой бозоридан хонадон сотиб олиш учун Агробанк ипотека кредит таклиф этмоқда:
▪️Бошланғич тўлов: 15%
▪️Кредит фоизи: 18%
▪️Муддати: 20 йилгача
Бошқа шартлари билан батафсил Agrobank.uz сайтида танишиб олинг.
👉 @bankirkundaligi 👈
🏦 Янги OFB мобил иловаси ҳар куни, ҳатто байрам ва дам олиш кунларида исталган банк амалиётларни бажариш имкониятини беради!
Иловада хизматлардан 24/7 тартибида фойдаланиш мумкин бўлиб, сизга:
✔️ банкка бормай туриб тўловларни амалга ошириш;
✔️ бир зумда карталар орасида ўтказмаларни амалга ошириш;
✔️ илованинг ўзида омонатларни очиш ва бошқариш;
✔️ реал вақт режимида валютани айирбошлаш;
✔️ халқаро пул ўтказмаларини амалга ошириш;
✔️ кредитларни қулай ва тез сўндириш имконини беради.
Иловани юклаб олинг ва банк хизматларидан чекловларсиз фойдаланинг.
👉 @bankirkundaligi 👈
МУАММОЛИ КРЕДИТЛАР ТАҲЛИЛИ. БЕШ ОЙДА НАТИЖАЛАР САЛБИЙ.
Жорий йил бошига нисбатан тижорат банклари кредит портфели 18,8 трлн. сўмга ошган. Кредит портфели қолдиғи ўтган ойга нисбатан барча давлат улуши мавжуд банкларда ошган бўлса, Асакабанк ва Бизнесни ривожлантириш банкларида камайган. Бошқа банклардан Ипотека-банк, Тенге банк, Гарант банк, Мадад инвест банк, Октобанк, Смарт банкларда ҳам кредит портфели қолдиғи камайиб кетган.
Давлат улуши мавжуд банклардан Ўзмиллийбанк, Ўзсаноатқурилишбанк, Асакабанк, Бизнесни ривожлантириш банки, Микрокредитбанк, Турон банк ва Алоқа банкларда муаммоли кредитлар улуши йил бошига нисбатан кўпайган. Бошқа банклардан эса, Ипотека-банк, Капиталбанк, Ҳамкорбанк, Ориентфинансбанк, Инфинбанк, Давр банк, Тенге банк, ТБС банк, Анорбанк, Азия альянс банк, Зираат банк, Гарант банк, Мадад инвест банкларда ҳам муаммоли кредитлар улуши ошган.
2024 йил 1 июн ҳолатига Халқ банк, Бизнесни ривожлантириш банки, Асакабанк, Микрокредитбанк, Алоқа банк, Ипотека банк, Гарант банк, Мадад инвест банкларнинг муаммоли кредитлар улуши республика даражасидан юқорилигича қолмоқда.
Энг йирик муаммоли кредит қолдиғига эга 7 та банк (Ўзмиллийбанк, Агробанк, Ўзсаноатқурилишбанк, Асакабанк, Халқ банки, Бизнесни ривожлантириш банки ва Ипотека банк) ларга республика бўйича муаммоли кредитларнинг 81 фоизи тўғри келмоқда. Қолган 28 та тижорат банкларининг муаммоли кредитлари 19 фоизни ташкил қилади.
Ачинарлиси, тижорат банкларидаги муаммоли кредитлар қолдиғи ошиб бормоқда. Иш ўрин яратаётган, Микролойиҳа яратаётган, қовун экаётган, энагалик масаласини ҳал этаётган, кутубхоначилик қилаётган тижорат банклари ўзларининг функционал мажбуриятларини бажара олмаяпти.
Йил бошига нисбатан республика бўйича муаммоли кредит 4,3 трлн. сўмга ошиб кетган. Бу рақам банклар фаолиятига аралашаётган ҳар қандай раҳбарни ўйлантириши лозим.
Бу рақамни тушунмаётган бўлсангиз, бу рақам шунчалик катта рақамки, агар уни бир миллионга бўлсангиз 4,3 миллион ҳосил бўлади.
👉 @bankirkundaligi 👈
